Ka Nupepa Kuokoa, Volume XI, Number 50, 14 December 1872 — Page 4
| This text was transcribed by: | Karren Clarke |
| This work is dedicated to: | The Houghtailing 'Ohana |
Ka Nupepa Kuokoa
KE KILOHANA POOKELA NO KA LAHUI HAWAII.
He Mele no ka la Hanau o Iesu
8-6, Leo. –The Blessed Angels. The Glory.
1.
Po kamahao ka po hanau
O Iesu ke Lii e!
Ua moe mamea ko kea o,
A anoano mai.
, ma ke aumoe poha mai
He lama nani e ;
Kau na anela maluna’e,
A mele maikai mai.
Cho.- A mele maikai mai, A mele maikai mai.
A kani no na lira ao,
A mele maikai mai.
2.
Na leo aha ke pa mai?
Na leo lani no,
A hai mai I ka nu maikai,
A mele mai lakou ;
“Ua anau mail eau ke Lii,
Ka mea e ola’i.”
A kani mai na lira e,
A mele maikai mai.
Cho.- A mele maikai &c.
3.
E nana e, hoea mai
He lehulehu no ;
O na puali lani nei,
A mele mai lakou ;
“Ho’onani I ke Akua mau,
E malu kea o nei ;
He aloha i na kini no ;”
A mele maikai mai
Cho.- A mele maikai mai &c.
4.
Ke mau la no ia mele nei,
Iesu ke Lii maikai ;
E oli ae, paulele e
I ke Lii e ola’i.
A lilo e na kanaka
I poe hoolohe ae,
Hauoli hoi na anela.
A mele maikai mai
Cho.-A mele maikai mai, &c.
HAWAII.
Ka Haawina o Rev. T. Koana
I HELUHELU AI I MUA O KA AHA
Euanelio o Hawaii Hikina.
Okatoba 18, 1872.
(Koena mai kela pule mai.)
17 E ao pakahi i na kanaka aneane poho ke kahuna kea o aku ma ke anaina wale no, he hapa loa paha ka poe i hoohuliia pela. O na kahu, a me na hoahanau i hoohuli, a I ao a pai pai pinepine I kela me keia kanaka, e ao pakahi ana ia lakou, me kanalii, na mai, na makapo na oopa, a me na mea a pau ; oia na kauwa a ka Haku I hoomaikai mai, a e haawi hoi ia lakou ka hua nui e like me ke kanaka molowa ole I ka mahiai.
18 I kea ao ana o ke kahuna, he pono ke ao iaia iho a e noho i mua o na kanaka e like me kana kauoha ana ia lakou.
Eia hoi kekahi olelo pili pono Tito 1 : 6, 8. “Ina I hala ole kekahi, he kane hoi a ka wahine hookahi, he mau keiki manaoio kana, aole I oleloia he uhauha, aole hoi, kolohe, no ka mea, e pono e hala ole ke ahu Ekalesia me he puuku la no ke Akuna, aole hookahi, aole hookuli, aole huhu, aoe lilo I ka waina, ole mokumoku, aole pni I ka waiwai in’ aka, he hookipa kona, he makemake I ka [ono, he noho malie, he hoopono, he hemolele me ka hoomanawanui. E hoopaa ana I ka olelo, I ao ia aku ai iaia, i hiki iaia kea o pono ana aku, ke hooikaika aku a me ka hoike aku I ka poe e hoole mai ana.”
Makehawa kea o ana aku a ke Kahu, ke ole ia i malama pono’i na olelo ana I ao aku ia hai.
19 E malama I ka olelo. “I iho o Davida, e malama au I kuu waha ma e kaula waha, I ka wa e noho ana ka mea hewa I mua o’u,” Hal. 39 : !, pela ma lak. 1 : 26. I na i manaoio kekahi he haipule ia, aole hoi oia e kaulawaha I kkkona alelo, aka, e hoopunipuni I kona naar iho, ua lapuwale kona haipule ana. “I na ua manao ke Kahuna e lilo kana olelo I mea e ola ai na uhane, ua pono kona kiai ana ma ka puka o kona lehelehe. i ole hemo mai ka olelo lapuwale, hoopunipuni, lealea wale, a me ka haumia ; aole hoi ka olelo wikiwiki, huhu, ahiahi a me ka wikiwiki.
20 E ao me ka oiaio, me ka ikaika, me ke kanalua ole, me ke aloha, a me ka hoopili pono I ka naau. Mai hoolealea pepeiao, hoola hapa, mai hoakamai, mai manao I ka mahaloia e kanaka.
21 E like me Paulo. Pela no kakou e hoopaa’I I ko kakou manao, aole e hoike aku I kekahi mea e ae iwaena o kanaka, ia Iesu Kristo wale no. a me kona make ana ma ke kea. I @ho la ia. O ka’u olelo a me ka’u no ana aku, aoe ia me ka olelo hooikaika a ko ke kanaka akamai, aka, ma ka olelo hoakaka, a ka Uhane a me ka mana. “I paa ko oukou manaoio ma ka mana o ke Akua, aole ma ke akamai o kanaka, I Kor. 2:2, 4,5.
22 Mai manao I ka hanai kumu I ka olelo ana. Ma I Kor. 9:4,7 14-17. “Aole anei e pono ia makou ke ai, a me ka inu ? Owai ka mea hele I ke kaua me ka uku oleia? Owai ka mea kanu I ka mala waina a ai ola I kona hua? Owai hoi I hanai I na holoholona a ai ole I kona waiu? Pela no hoi I kauoa mai ai ka Haku, I ka poe I haiaku I ka euanelio, e ola no lakou ma ka euanelie. Aole hoi au I lawe I kekal@i o keia mau mea, no ka mea, ua kau ia mai keia hana maluna o’u. Auwe hoi au ke hai ole aku I ka euanelio. A ina e hana au I keia me ka makemake, ua loaa ia’u ka uku.
Ma keia olelo a Paulo, ua maopop na manao elua.
1 Ua hewa na kanaka ke kokua ole lakou I ke kumu, I na mea o ke kino.
2 Aole pono I na kahuna e haalele I keia oihana, no ka makou I ka ilihune.
23 E ao I na kanaka no ka hewa o ka aie, apiki, a me ka hoopunipuni. Ua like keia hewa me ka aihue, a me ka lawe wale I mua o lehova. He mea ia e hakaka ai, e ohumu ai, a e haunaele ai iwaena o na kanaka. He mea ia e pau ai ke aloha iwaena o na hoahanau, a e hoolilo ai ia lakou he poe enemi. Nolaila, kela olelo a ke Akua ma Roma 13 : 8. “Mai noho a aie wale i ka kekahi, a noai ma ke aloha kekahi i kekahi.”
Nolaila, aole pono ia kakou e na Kahuna ke noho aie, o lilo auanei kakou I poe ohumu ia, a i mau kumu makapo e alakai ana i na mahapo iloko o ka hakaka, a me ka hoinoia.
24 He mea pono i ke Akua, a me kanaka ke liloia I puu dala.
Ma 1 Kor. 4 : 2, Ua kakauia penei : “Ua kauoha ia main a puuku I pololei lakou.” He poe puukuk kakou no na mea nui, a me na mea pohihihi ko ke Akua a i na ua lilo kakou i mau puuku o ka waiwai popopo wale o kela ao, a malama ole, alaila, ua pili ka olelo ma Luk. 16 : 10-12, ia kakou penei : “O la mea I hana hewa ma ka mea nui. Nolaila, ina i ole oukou e malama pono I ka waiwai oiaio ole ; nawai la e waiho ia oukou I ka waiwai oiaio ? A ina I ole oukou e malama pono I ka hai waiwai, nawai la hoi e haawi I waiwai na oukou ponoi?”
“He pono e hala ole ke Akua manao e hewa ui, a e hoopai ai ia kakou ke hana kekee kakou i ka waiwai e pili ana i na uhane a me na waiwai e pili ana i na kino.
25 E noonoo nui kakou I ka oiaio o ko ke Akua hookolokolo ana ia kakou, me na kanaka a kakou i ao aku ai.
“No ka mea, e hoikeia auanei kakou a pau I mua o ka noho hookolokolo o Kristo, i loaa i kela a i keia mea e like me ka mea ana I hana’i, ina paha he maikai, ina paha he hewa. No ia hoi, i ko kakou ike ana i ka mea makaua ka Haku, ke hoohuli aku nei kakou I na kanaka, H Kor, 5 : 10, 11. Pela no hoi I ka olelo ma Roma 14 : 10, 12. “E ku no kakou a pau I mua o ka noho Luna Kanawai o Kristo ; E hoike aku no kela mea keia mea o kakou a pau nona iho i ke Akua.” Nolaila, ua ike kakou he hana nui, a he hana weliweli hoi keia oihana a kakou e lawelawe nei.
26 E noonoo hoi kakou I ka ponaikai, a me ka nani o kakou, me na kanaka a kakou i hohuli ai, ke hana pololei kakou a hiki I ka hopena, a ola pu hoi me na haumana he lehulehu ma ka lani. Aole pomaikai, aole hoi he nani I koe aku I ke kauwa a ke Akua i hana pono me ka haahaa, ke akahai, ke aloha nui, a me ka hoomanawanui ma ka hoohuli ana I na kanaka I ka Haku ia Iesu Kristo.
E ola lakou me na kanaka a lakou i ao ai. E hauoli lakou e like me ka hauoli. He oiaio, o ka mea hele aku me ka uwe, i kona lawe ana i ka hua e lulu ai, he oiaio no, e hoi mai oia me ka hauoli, e amo pu ana i kona mau pua.”
Ua hoike ia hoi ka nani o ua poe la ma Daniela 12 : 3, “O ka poe naauao e alohilohi auanei lakou me he malamalama la ma ke aouli ; a o ka poe i hoohuli i na lehulehu ma ka pono, e alohilohi lakou e like me na hoku, ia ao aku ia aku.”
Pela anei ko kakou alohilohi ana, e na hoaluhi, i ka la mahope ?
Hana mau ; Mai homaha.
[Koena mai ka pule hope mai o Novemaba.]
O ka makau nae i ko ke Akua hoahewa ana mai ano, a ma ka la hookolokolo, no ke oki ana i ka hana a hoomaha iho, oia ka mea nui, nana e keakea Ia manao, a paipai e kinai iho.
Ea, mai nana i hope, mai nana i na loaa ; mai paulele a oluolu i na mea I loaa mai. E kikoo aku i mua, e hana mau, I na ua lawa kou mau loaa nou iho, a no kou ohana, a no kekahi kokua, e hana mau no, e hana no ke Akua, no kona aupuni, no ka hoolaha ana i ka eanelio, ma na aioa puli, no ke kukulu ana i na luakini, i na hale kula, no na kula kahunapule, a kula hanai kaikamahine a keikikane, a no ia mea aku, ia mea aku, e pono ai kanaka me kamalii.
E ala pun a mea a pau e makemake ana e hoololu i ke Akua a e loaa ka pomaikai hiki ole ke hai ia’ku ; a e hana mau nona, e haawi nona i la a mau la okoa, a makahiki a mau makahiki okoa, nona, nona na loaa a pau i mea e lilo pono ai ka ke Akua mau hana. Pela no ka hana ana a kekahi poe haipule i keia wa ; ua lako wale lakou I ka waiwai e pono ai lakou a make ; aka, hana mau no lakou i hiki ke hoomahuahua i ka manawalea no i na loaa a pau.
Hana na Iesu I kahea mai,
Hana I ola no ;
Hana a mau I keia wa maikai ;
Hana a koa pu.
Launa Iesu a alu pu,
Kiai pono I kupaa mau.
E ka makua, e hoomalu mai,
Lohe no ke pule ae.
HAWAII.
Kuina Hileda.
Ke kaikamahine hanau kahi o Hileda, a he mau makua waiwai loa kona. Oiai he keiki liilii oua, ku mai kekahi Kilo ma kona wahi moe, a wanana penei, He oiaio, e ka mea liilii, e lilo ana oe I mea nui ; mailoko mai o kou loko nui e hoowaiwaiia’I na mea he nui wale ; e loaa ana ia oe he aupuni, a he kalaunu nani lua ole ; ma ka paio nae e loaa’I ia aupuni, a ma ka hooikaika hoi e loaa’I ia kalaunu.
Ka nalo no ia o ua Kilo nei, a moe no ke keiki, a ala, a aka, a paani, me he la, aole ona manao a makimaki I aupuni, a I kalaunu nona. Aole paha hiki ia ia ke hoomaopopo I keia wanana. Aka, o na makua, malama laua I keia mau olelo, a i@mi nui e hookok koke ia mai, aole nae I lalelale ke ko ana. Holo mau no na makahiki, e nalo aku ana, a e puka hou mai ana, e hala iho ana ka wa ai waiu a wa opiopio o Hileda me ka mahuahua mau ana o kona maikai, a lilo oia I lama ma kona hokme, a I mea e oli ai na naau o ka poe I ike ia ia. Kau ka maluhia ma kona lai, nana mai ka oiaio a me ke aloha noloko mai o kona mau maka ; ma kona elelo ke kanawai o ka lokomaikai ; a pukamai oia, ka pau no ia o ka hoopaapaa ana. Hauoli pu oia me ka poe hauoli, a uwepu me ka poe e uwe ana, a lawe oia I na kaumaha a luuluu o hai maluna Iho ona. Na ke aloha I hoomama I kona mau manamana lima, a haawi I mau eheu no kona mau wawae. Aole oia I manao he mea luhi kekahi hana, no ka mea, ma ke ea aloha kona olioli no ka piha mau ana I ka hana.
Ane wahine makua ka kaua kaikamahine, wahi a ka makuakane ; e hele aku paha oia e imi I kona aupuni. Aka, ma ia wa, lawe ka waiiwai I mau eheu nona, a lele aku la, a ano hou ae na mea a pau e pili ana ia oihana. Loohia ke kanaka ikaika I ka mai, a kaumaha a mauleule ka naau o ka makuwahine, aka, o ka naau o Hileda, aole ia I maule, aole hoi I luhi kona mau lima I ka hana ana. Ao oia I kea no o ka hanai ana I ka poe mai ma kok lakou keena mai ; luhino oia, me ka ohumu ole nae-haalele oia I kona makemake, a malama I ka makemake o hai ; ia ia e kaumaha ana, hoopuka oia i na hualelo hoohauoli, a kaohi I na kulu waimaka e hoomakaukau ana e helelei mai, a hooluolu aku oia I ka poe imi ana e hoonaia.
Pela I kaa aku ai na makahiki o Hileda iloko o na hana luhi me ka paupauaho ole nae. Kamau no ka makuakane ma kona moe mai me ka hanai mau ia e ke kaikamahine. A, me ka manao ole ia, kau mai kekahi pilikia hou ma ka ohana, ua loohia ia ka makuwahine I ka makapo. O ke komo mai no ia o ka ilihune nui ikiiki, a noho pu ma ke kapuahi. Ake, o Heleda, leha’e ko na maka iluna, a pule I ke Akua. me ka olelo, ina e pepehi mai oia ia’u, e hilinai no nae au ia ia. Aole maule kona naau, aole hoi I oki na lima I ka hana.
Ma ia mau la iho, make ka makuakane, a kanoia ma ka pa o ka luakini, a koe ka makuwahine palupalu wale no na Hileda e malama. Aole oia I manao he kaumaha keia hana. I mea e oluolu ai ka makuwahine, kii oua I na keiki liilii e noho kokoke ana, a houkoakoa iloko o ka hale, a hoonoho I ka makuwahine makapo mawaena konu, a aoaku I na keiki me ka leo oluolu, a poina iaia kona makapo ana, a me kona mau kaumaha a pau. Ma kea o ana a Hileda, ua laweia ka makuwahine I kela aina, I keia aina, a hoolauna ia me ka poe naauao, a hookipa ia iloko o na aha kuka malu o na’lii me na Kuhina. M ke au ana I na keiki, ua loaa ia Hileda ke dala e lako hou ai ka hale, a lele aku ka ilihune, a hoi hou mai ka oluolu, ka maikai, ka nani a olino oli main a maka o Hilea mailoko mai o ne waimaka, ia ia I honi ai I kona makuwahine e hauoli ana no ka hoe hou mai o ka noho ana kahiko.
A, i ke kaa hou ana’ku o na makahiki, make aku la ka makuwahine makapo a kanuia ma ka aoao o ka makuakane ma ka pa o ka luakini. E keokeo ana ka lauoho o Hileda, a ua poina paha ia ia ka wanana a ke Kilo nona. Ua noho mehmeha oia I kaumaha iloko o kona noho mehameha ana, he ano olioli mau no kona.
I ka wa luwahine make Hileda iloko o ka hale kahi i poho ai oia a nui na makahiki, ne ke aloha nuiia e ka poe a pau I ike ia ia. Aole nae hee aupuni I loaa ia ia, o kahi poepoe ana I noho a hana mau ai wale no.
Oia wale iho la no anei? Ka uku anei keia o kana mau hana nui, a luhi, a mau a mau me ka ohumu ole, me ka paupauaho ole? O kahi poo keokeo wale no anei kona kalaunu? Pela paha ma ka manao o na kanaka o keia ao, aole nae pela ma ka manao o ke Akua a me na anela. Ma ka lilo ana o kona ola ua loaa hou mai ia ; ma ka hole ana ia ia iho, i kona mau pono, ua loaa na oli o ka lani ; ma ka haawi lokomaikai ana ia hai ua hoowaiwaiia oia a hoolakoia kona ola I ka nani a me ke ala e like me ka mala o ke Akua. Nui ka poe kaumaha ana I hooluolu au ; nui ka poe nawaliwali ana I hooikaika ae ai ;-nui ka poe auwana ana i hoihoi mai ai. Aole anei I ko ka wanana a ke Kilo, a loaa ia ia ma ka pa ioa hooikaika ana he aupuni nani, u he kalaunu mae ole ma ka lani ?
Unuhiia e HAWAII.
Manao paipai i ke Kumakula Sabati.
He kumu oe no ke Kula Sabati, he papa haummana kau, 5, 6, 7, 8, 9 paha haumana, he mau keikane paha, he mau kaikamahine paha, he mau kanaka makua, a wahine makua paha. Aka, o na keiki ka poe nui iloko o ke Kula Sabati. Laluna o lakou e kau nui ai ka manao. No ka mea e hiki i na kanaka makua ke noonoo no lakou.
E ke kumu, eia malalo iho kekahi mau rula au e hoopaa a malama pono ai ;
1. E kakau oe I na inoa o kau mau haumana ma kahi buke liilii. Ina aoha
2. E hoopaanaau I na inoa, a me na helehelena o na haumana me he makua la, I ike pono oe ia lakou pakahi ma kahi e halawai pu ai ine akou, me ka ninau ote, owai kou inoa? I Akaka he kumu manao nui oe I na haumana, e like me ka makua I manao nui ai I kana mau keiki.
3. E hoomanao oe, he oihana nui kau I ili mai maluna ou mai ke Akua mai, he oihana e pili ana I ke ola a me ka make; I ke ola ke malama pono ia; I ka make ke malama pono ole ia.
4. E hoomanao hoi, aole hiki ke malama pono ia oihana ke kokua ole mai ka Ohane Hemolele. Nolaila e pauele nui oe I ka Uhane Hemolele, aole I kou akamai ho. Aia a kokua mai ka Uhane, alaila lilo kau ao ana’ku I mea e ola’I na haumana
5. E hoomanao hoi, o ke ola mau o na uhane o na haumana oia kau mea nui e imi ana no lakou. Malaila e hoopili aku ai kau mau hana a pau. Ina loaa ole keia mea nui, ke ola mau ia lakou, ua ake hewa kau ao ana’ku.
6. E hoomaopopo oe I ka Haawina Kula Sabati, e nana e mamua, e hoomakaukau, e imi, e huli I kea no, I hiki ke hoonaauao I na haumana, a e hoopili aku la lakou ma ka hi e pili ai. Mai hele wale aku oe I ke kula makaokau ole, me ka ike ole I kahi e kula ana, o hoohilahila ia oe imua o na haumana, a hoowahawaha lakou ia oe no ko makaukau ole. E hoolako oe ia oe iho I na huke a nupepa e makaukau ai, I ke Kuokoa, I ke Alaula, I ka Baibala kuhikuhi, I ka buke hou, “Ka wehewehe Huaolelo Baibala;” he buke maikai loa keia, mai noho kekahi kumu a hoonele I keia buke waiwai loa.
7. Mai wikiwiki oe e hoopau I kea o ana I au papa I pau koke a noho wale iho no oe mahope me ka hana ole, a pau na papa e ae. Aole pau ka hana, ka wehewehe, ka imi I na pauku kuhikuhi, ka hoopili ana. E hana oe a kani ka hele hooki, ka leo hooki paha o ke Kahu.
8. E malama oe ia oe iho. He kumu hoohalike oe. E pai a pena ia
Na kou ano. Kou helehelena, kou ouli maluna o na haumana. E kau pono ana ko lakou mau maka maluna iho ou. Me he akua la oe no lakou ma ko lakou manao. He mea ole kou hole ia oe iho, a papa I na haumana, aole make e nana ia oe, a hoohalike me oe, e nana I ke Akua, a hoohalike me ke Akua. Pane mai paha lakou, aole makou I ike I ke Akua. O oe ka I ike I ke Akua, a ua paiia paha kona kii, kona ano, kona hemolele maluna iho ou. Me oe makou e hoohalike ai. Pela io no, o o eke kumu hoohalike, e kope ana lakou ia oe. E nana ana lakou I kou maka, ina he maka maikai kou, he maka olu, he maka maemae, he maka kolohe ole, he maka nana pono I ke Kahu I ke Kahunapule ke kamailio a paipai laua, a nana pono hoi I ke ala maikai, ke ala ololi, ke ala e hoi pololei ai I ka home ponoi, ke pau ke Kula a me ka halawai; a nana pono hoi I kahi maikai e hele ai ma na la noa, e hoohalike ana ko lakou maka me kou, a nana pono hoi e like me oe. He maka maikai, he maka olu, he maka maemae, a pela aku.
Ina nae he maka ino kou, he maka huhu, he makaleho, he maka kolohe, he maka lalau io, io ke haiolelo, a paipai ke Kahu, ke Kahunapule, he maka nana lalau I ke ala e, ke pau ke Kula me ka halawai, a ana lalau ma na la noa, ma ke ala laula, ma na hale inu rama, na hale leaiea na mea I papaya, pela e hoohalike ai ka maka o na haumana, he maka ino, he maka huhu, he makaleho, he maka kolohe, he maka lalau io, io, pela aku me kou.
E nana ana na haumaa I kou waha, ina he waha maemae, e hoopuka mai ana I na huaoleo maikai a maemae, e komo ole ana na mea ino, ka paka, ka ipubaka, ke kika, ka opiuma, ke kiaha rama, e hoomaikai ana, e mele ana, e pule ana, e ao maikai ana, e hoohalike ana ka waha o na haumana me kou, he waha maemae, e hoopuka mai ana I na huaolelo maemae, a maikai, e pule ana, e mele ana, e ao maikai ana, a pela aku, me kou.
Ina nae he waha haumia, e hoopuka mai ana I na huaoleo haumia a lapuwale, na olelo hoohiki ino I ka inoa o ke Akua, na olelo nuku, a kuamuamu, a hoohi lahila, a hoowalewale, a e komo ana ka paka, ipubaka, kika, rama, awa. A e hookonokono ana e hana I keia mau mew e hele lalau, a pela aku, pela no na haumana e hoohalike ai. He waha ino no e like me kou.
Ma kahi au e hele ai ilaila pu no hoi na haumana. Ina hele oe ma ka pono, ma ka pololei, ma ka hemolele, ma na halawai Sabati, a halwai haipule, a hele mau hoi I ke Kula Sabati, a hele I kauhale e imi I ka poe auwana, e ao, e pule, e hanai I ka poe mai, I ka poe polloi, pela no hoi e hale ai na haumana, ma ka pono, ma ka pololei, ma ka hemolele, a pela aku.
Ina hele oe ma ka hewa, ma ka lealea, ma na hale lealea, ina haalele pinepine I na halawai haipule, I ke Kula Sabati, a kii ole aku I ka poe haumana, a kokua ole I ka poe pilikia, a pela aku, me ia no ka hele ana o na haumana.
Nolaila, e malama pono oe ia oe iho, e ke Kumukua Sabati. Ia makemake oe e hemolele na haumana, e hemolele oe.
HAAWINA KULA SABATI.
1872. Hapaha Hope. Olelo ao a Daniela.
HELU LI. Dekemaba 22.
Paku Baibala. Daniela 12: 1-12.
(E paiia na Pauku he 12.)
Pauku alakai.-Pauku 2 (E paiia.)
Kumu Noonoo.-lesu ke ala hou ana.
Ninau ano Nui.-Ua kakauia anei ko ka kou mau inoa ma ka Buke o ke ola ! ma ka huke o ka make paha?
Na ninau.
P. I. “Ia Manawa,” ka Manawa hea ia? E nana I ka Mok. 11:45, ka maawa e lanakila ana ka enemi maluna o ka poe Iudaio. Owai ia enemi? Anetiokaa.
E Pipene, ke ‘lii o Suria. Ua lawe oia ia Ierusalema, ua kukuli oia I kona noho alii malaila, a hana ino loa I na Iudaio. Owai ka mea e ku ana ia Manawa e kokua I na Iudaio?
Owai Mikaela? Nana Mok. 10:13-21, luda 9. Hoikeana 12:7. He luna anela ia, he luna malama a kokua I na ludaio.
Owai na keiki o kou poe kanaka? Na ludaio pono no. Heaha keia Manawa popilikia like ole? Oia Manawa no e lanakila ana anetioka. Nawai e hoopakele? Na lda Makabeo me kona poe kaua, a kokua ia laku e Mikaela.
Owai ka poe e hoopakeleia’na? Ka poe I kakauia ma ka buke a ke Akua, ka buke aha ia ? Hoikeana 12:8. 21:27.
Ua kakauia anei kou inoa ma ia buke? Ma ke aha I maopopo ai ua kakauia ko kakou mau inoa ma ka buke o ke ola?
P.2. Owai ka poe e ola mai ana? Nana ia loane :28,29. Owai ka poe e alaana I ka hilahila a me ka hoowahawaha mau loa ia U like anei keia hilahila a me ka hoowahawaha mau loa ia me kaa make mau loane 5:29 ? Ka Manawa hea ke ala hou’na? Elua ala hou ana. O ke ala liilii I ka wa e make ai; a o ke ala nui o na mea a pau ma ka la hope. No ke aha keia mau ala hou elua? No ka uku I ka poe pono I ke ola ma ka lani, a no ka hoopai I ka poe hewa I ka make ma kea hi pio ole. A make kakou, ala hou, e ala I ke ola anei? I ka make anei ?
P. 3. Owai ka poe naauao? Lakou ka poe I hoohuli I ka lehulehu ma ka pono. Pili mua paha keia I na Makabe ana, ia Matia, ia luda Makabeo ma. Na lakou I hoohuli a hoihoi mai I na Iudaio I haalele I ke Akua a hele mauli o ka hoomana k@i. A pili hoi I ka poe a pau I hoohalike me lakou. E aha auanei lakou? Makemake anei oukou e alohilohi pela ? Pehea e hiki ui? Ke hoohuli nei anei oe I kanaka, I kamalii ma ka pono? E na kumu, ka oukou hana nui anei ia, o ka hoohuli I na haumana ma ka pono?
P. 4. O ka hoopaa I na olelo, a hoopili I ka buke a hiki I ka hope, heaha ia? Oia ka hoopaa I ka wanana, a waiho a hiki I ka wa e ko ai. O ka holo I o, a I o a mahuahua ka ike heaha ia? Oia ka huli ana I kea no o keia wanana me ka loaa no o kahi ike, a ike loa hoi I kea no I ka wa e hookoia’I. E huli mau kakou I kea no o na wanana e pili ana I ka hiki ana mai o ke aupuni o Iesu.
P. 5. Owai keia mau mea elua a Daniela I ike ai? He mau anela. Mahe kekahi, a mahea kekahi? Owai keia muliwai? Mok. 10:4,
P. 6. Ua ninau kekahi anela I kekahi anela I ke aha? Ua ninau ike ano o ka pilikia, ka loihi, ka wa epaa ai, oia hoi kela popilikia a Anetioka e hooili mai ana maluna o lerusalema.
P. 7. Owai ka anela I hai mai I ka loihi? Pehea hoi kea no o kona hai ana mai? Mahea ka pauku like? Hoikeane 10:5,6. 12:14.
Pehea hoi ka loihi? Ka Manawa, me na Manawa, a me ka hapa o ka Manawa, heaha ke ano? Eia kea no, o ka Manawa, he makahiki hookahi ia, na Manawa, elua ia mou makahiki, ka hapa o ka Manawa, oia ka ho palua o ka makahiki; huina, 3 ½ makahiki. Nana I ka pauku 11, 12, @loko o ia mau la keia au Manawa, keia mau mak. 31/2.
P. 8. No ka maopopo ole ana o Daniela I ke uno o na Manawa, ua aha oia? A, Akaka ole kekahi mau pauku Ba@bala, heaha ka pono?
P.9. Pehea ka pane ana o ka anela?
P. 10. E nui ana ka poe hea? A, pehea hoi ka poe hewa? E nana hoi ia Hoikeana 9:20,21. 22:11.
P.11. 12. He mau auku pohihihi no keia ia oukou, a I ka poe noonoo hei.
Eia paha kea no, o ka lawe ana I ka mohair o na la, oia Pa hapa ana o Anetioka I na mohair hipa o nu ludaio, me ko lakou mohair & pau, ma ka Iuakini ma Lerusalema; a o ka hoonoho ana I ka mea ino e hooneoneo ai, oia ka lawe ana o Anetioka I ke kii o lubita Amona, a kukuluia iloko o ka luakini, a mohair I ka puaa wahine maluna iho. He mea haumia loa ia ma ke kanawai mohair o na Iudaie.
Ua hoopau Anetioka I ka mohair ana, I ka hoomana ana ia lehova ke Akua oiaio ma lerusalema, a ma Iudea hoi, a kauoha I na Iudaio a pau a hoomana kii. Ma ke kaua a pepehi aku I hookoia kona manao.
Nui ka make, a me ka hoopuehuehu ana o na Ludaio. O ka poe I kupaa mamuli e lehova ke make ana, o ka poe makau, a haalele ia lehova, a ae I ka hoomana kii ke pakele ana.
Ka loihi o ka Manawa e lanakila ana Anetioka, oia na makahiki 31/2 a oi iki aku.
Ekolu mak. A me ka hapalua mai ka wa I komo ai Anetioka iloko o ka luakini ma lerusalema a hoopau I na mohair ludaio, a kukulu I ke kii hoomana ona, a hiki I ka wa I kipakuia’I ua kii nei iwaho, a hoihoiia na mohair ludaio. Mahope lilo kekahi mau la I ka hoomaemae ana I ka uakini, a loaa na la 1290. A mahope iho make Anetioka ka enemi nui, a lanakila hou na Ludaio. A ui na la a pau, loaa 1335. O ka poe e kali na a hiki ilaila lakou ka poe e pomaikai nui ana, Ua hookoia keia wanana mawaenao na makahiki 167-163 mamua o ka puka ana mai o lesu.
No Anetioka ka pili mua o keia wanana. A he hoailona ia no na enemi a pau o ka ekalesia, a me ko kakou hope. Aka, aole Manawa e wehewehe ai I keia mau hoopili ana.
"KA NUPEPA KUOKOA,"
HOOPUKA MAU IA MA HONOLULU
I kela Poaono keia Poaono.
$2.00
No na mahina he UMIKUMAMALUA!
$1.00 no na mahina eono.
ME KA HOOKAA MUA MAI.
----------
NA OLELO HOOLAHA—aole i oi mamua o 10 laina no ka hoopuka hookahi ana, $1.00; alua komo ana, he $1.50; hookahi malama, $2.00. E uku mua ia mai ke dala o na olelo hoolaha a pau e hoounaia ana mai e pai.
KANIKAU—he hapalua dala ka uku no ka aoao hookahi o ka pepa leta, oia hoi 4 keneta no ka lalani hookahi—penei: he 25 lalani, $1.00; 50 lalani, $2.00; a pela'ku.
NA UKU NO NA OLELO HOOLAHA—ka uku pepa, a me ka uku o ke Kanikau, e haawiia no ma ka lima o na Luna o ke Kuokoa, a i oleia, e hoouna mai ia Kauka Kulika.
O NA UKU PEPA A PAU E HOOKAA MUA MAI NO—aole e kauia ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e mai mamua. E pono ke hiipoiia keia mau rula, no ka mea, he emi no ka auhau no keia nupepa.
AIA KE KEENA O KA NUPEPA KUOKOA— maluna ae o ka Hale Leta. O na hora hana, ma ka eiwa o kakahiaka, a i ka ha o ke ahiahi.
H.M. WINI. (Luna Hoopuka.)
KA "NUPEPA KUOKOA."
Is published in Honolulu
EVERY SATURDAY,
$2.00 per annum, or $1.00 per six
months, in advance.
ADVERTISEMENTS not exceeding 10 lines, inserted once for $1.00; twice or $1.50; and $2.00 for one month; all advertisements must be paid for in advance.
KANIKAUS will be charged 1.00 per page, or 4 cts. a line. PAYMENTS FOR ADVERTISEMENTS, Subscriptions or Kanikaus, may be paid to any of the Agents of the Kuokoa, or may be enclosed in a letter to the Publisher.
ALL SUBSCRIPTIONS must be PREPAID. No names, either of foreigners or natives, will be inserted on the subscription list, until paid for. This rule must be strictly adhered to, on account of the low subscription price.
THE OFFICE OF THE KUOKOA is over the Post Office. Office hours from 9 A.M. to 4 P.M.
H.M. WHITNEY, Publisher.
Bound Volumes of the KUOKOA, for sale at the office over the Bookstore - $3.50 each.
Persons having complete sets of the above, can have them bound by paying $2.00 each.
NA BUKE HOOLAHAIA E KA PAPA HAWAII
Baibala Hemolele Nui ili eula nani me na kuhikuhi ma na a ao.....$12 00 " " Nui ili eleele kaekae wai gula.....5 00 " " uuku iki ihi " ".....8 00 " " Pananaiki iho ili eleele.....4.00 Kauoha Hou ili gula nani me na kuhikuhi.....3.00 " " eleele kaekae wai gula.....1.00 " " " ......75 Kauoha Hou Hapa Haole.....75 Lira Hawaii 1848 me ke kanawai......25 " " 1855.....25 Moolelo Ekalesia.....50 Haiao ili lahiahi.....10 Hele Malihini ana.....25 No ko ke Akua ano......25 Lira Kamalii......25 Hoike Palapala Hemolele.....25 Moolelo o Heneri Opukahaia.....25 Hoike Akua.....25 Weheweheia.....25 Ninau Hoike ili manoanoa.....25 " " " lahilahi....10 Kumumua Kula Sabati.....10 Buke Lawe Lima.....10 He Buke no ka Pope.....10 Ui Kula Sabati Helu 3.....25 " " " " 4......25 " " " " 5......25 Buke Euanelio a Ioane.....10 Himeni .....1.00 Himeni Ili nani.....1.75 Na Kauoha Hou Pakeke Ili Gula nani.....1.50 Ili eleele kaekae nani......50 Ili eleele......35 Kauoha Hou Pakeke me na Halelu Ili Gula nani.....1.75 Ili eleele kaekae wai gula.....50 Ili eleele......50 Na Halelu Pakeke Ili Gula nani.....50 Ili eleele kaekae wai gula......30 Ili eleele.....20 Ka Hae Hoonani (Buke Mele)......25 Buke Wehewehe Huaolelo Baibala.....2.00 " " " Ili nani.....3.00 Eia na buke haawi wale Palapala Liilii-- Helu 4--Makemake anei oe i ke ola Helu 6--E hele i o Kristo la. Helu 7--Ka hoi ana mai o ke Keiki Uhauha Helu 11--No ka hoohiki wahahee i ke Akua Helu 16--Ka Kehia ana o ka Ahaaina a ka Haku a ma ka Bapetiso ana. Helu 17--Mai hana ino i na holoholona Helu 18--No ka mahi ana, kuai ana a me ka inu ana i ka Awa. Ka Davida Malo Kumumanao. Ka Moolelo o Batimea Puaaiki. J. F. POKUE. Kakauolelo o ka Papa Hooko o ka Ahahui Euanelio o ko Hawaii Pae Aina.
BUKE HIMENI.
NO NA HOIKE NUI,
HIMENI LEALEA,
CONCERT, &c., &c.
H. M. WINI. 3m