Ka Nupepa Kuokoa, Volume XII, Number 8, 22 February 1873 — Page 4

 

Ka Nupepa Kuokoa

KE KILOHANA POOKELA NO KA LAHUI HAWAII.

Leo.----Across the River.

Fresh Laurels, p., 8

1.

Ae, ae! Ke kauhale lai,

Keawale ae na hewa nei,

Na luhi, na kaamaha pu,

A maha pono me Iesu.

Cho.—Aia no ia maluna,

Ma kahi ao maluna,

Aia no ia maluna,

Ma kahakai mao ;

A ma ia kahakai mao

E hui me ka Akua no,

A noho a mau loa,

A noho a mau loa.

2.

Ae, ae ! ke kauhale lai,

Kaawale ae na ino nei,

He ao aloha a oli pu,

Na anela, na hoahanau.

Cho.---Aia no ia maluna, &c.

3.

Ala`e a e nauwe ae

Mai nei a hiki iluna`e,

I kahi o na oli e

Ka lani kahi e maha`i.

Cho.---Aia no ia maluna, &c.

4.

Mai ku, ea, a kuih.

A pili i na pono nei;

Na oli nei, ke pau nei mo;

Mau nae n oli e ma o.

Cho.—Aia no ia maluna, &c.

      Hawaii.

 

Ka Moolelo o ka Ahahui Euanelio

O KA MOKUPUNI O OAHU.

Ua halawai ka Ahahui Euanelio o ka mokupuni o Oahu, ma Honolulu, ma ke Keena malalo o Kawaiahao, i ka la 11, 12, 13, o Feb. 1873.

Ua weheia ka Aha, ma ka Haiolelo a Rev. A. Kaoliko, ma Mataio 9:37,38.

Eia na Lala o ka Aha i hiki mai ;

NA EKALESIA.                             NA KAHU.                           NA ELELE.

Kawaiahao                              Rev. H. H. Pareka                   Keikenui,

Kaunakapili                             “     G. W. Pilipo                   Hu,

Kalihi me Moanaiua                “   S. Paaluhi                          Daniela,

Ewa                                         “    -----------                           D. Keoahu,

Waianae                                  “    A. Kaoliko                       Puahiki,

Waialua                                   “    J.N. Paikuli                      Olli,

Kahuku                                   “    J. Kekahuna                     Ninau,

Hauula                                     “    -------------                        -----

Kahana                                    “     E. Kekoa                        Hale,

Waikane                                  “     P.W. Kaawa,                  Kailaa,

Kaneohe                                  “     S. Waiwaiole                  A. Palikapu,

Wailupe                                   “     D. Kekiokalani               Kalua.

 

NA LALA MAU.

  Rev. J.F. Pakue, Rev. L. Kamika, Rev. B.W. Pareka, Rev. D. Kanali, G.M. Keone, P. Naone.

  Kohoia o Rev. H. H. Pareka i Lunahoomalu, o Rev. S. Waiwaiol             

  Ua kohoia he mau komite e like me ka manao o ka Aha---Komite imihana; Komite Imi Haawina; Komite Pai Moolelo.

  Komite Imihana, Rev. J. F. Pokue, Rev. E. Kekoa, a me Rev. J. N. Paikuli.

  Komite Imi Haawina, Rev. B. W. Pareka, Rev. G. W. Pilipo, Rev. W. P. Kaawa.

  Komite Pai Moolelo.  Rev. L. Kamiko, a me Rev. S. Waiwaiole.

  Hoike mai ke Komite Imihana ;

1. E malamaia ka hapalua hora haipule i kela la a me keia la halawai.
2. Na Hoike Kihapai.
3. Na palapala hoopii.
4. Na Kumumanao, a me na leta aloha, mai na Ahahui ekalesia e, i keia Ahahui.
5. Na ekalesia kahu ole.
6. Na Kahu ekalesia i haalele wale i na ekalesia.
7. No ke Alaula.
8. Ke ola o na Kahu.
9. No ke Kula Kahunapule.
10. Na hoike a na Komite i kohoia i ka Ahahui i Waialua.

Hooholoia--- E lilo o Rev. Poka Kelina, a me Mr. Ahia i mau hoa kuka no ka Aha.

Kumuhana elua. No na Hoike Kihapai.

Na Rev. G. W. Pilipo i hoike mai no ke kihapai o Kaumakapili.

Na Rev. S. Paaluhi i hoike mai no ke kihapai o Kalihi me Moanalua.

Na D. Keoahu i hoike mai no ke kihapai o Ewa.

Na Rev. A. Kaoliko i hoike no ke kihapai o Waianae.

Hooniaha ka Aha hookah hora. Pule o Rev. E. Kekoa.

Hoomaka hou a ka Aha ma ka hora 1 P.M. Pule o Rev. J. Manuela.

Na Niau i hoika mai no ke kihapai o Kahuku.

Na Rev. J. N. Paikuli i hoike mai no ke kihapai o Waialua.

Na Rev. E. Kekoa i hoike mai no ke kihapai o Kahana.

Na Rev. W. P. Kaawa i hoike mai no ke kihapai o Waikane.

Na Rev. J. Manuela i hoike mai no ke kihapai o Kaneohe.

Na Rev. S. Waiwaiole i hoike mai no ke kihapai o Waimanalo.

Na Rev. D. Kekiokalani i hoike mai no ke kihapai Wailupe.

Na Rev. H.H. Pareka i hoike mai  no ke kihapai o Kawaiahao.

Na P. Naone i hoike mai no ka hale paahao o Kawa.

Hooholoia.---Ma ke noi a Rev. J. F. Pokue, e lilo keia hora, i wa e kukakuka ai no ka ekalesia, oiai, ua ikeia ka pilikia o na ekalesia i kekahi haawina mai ka lani mai, no ke aha la keia? Ua noiia o Rev. B. W. Pareka e pule.

Ua kuka nui ka Aha, a hooloia—E koho ia o Rev. J. F. Pokua, Rev. B. W. Pareka, Rev. L. Kamika i komite e imi i ka mea e pono ai ka hana, na kahu, a me na ekalesia; a na lakou e hoouna i na kahu a me na ekalesia i mau palapala liilii.

Hoopaneeia a ka la 12 ae, hora 9.  Pule ka Lunahoomalu.

LA HANA 2—Feb. 12.

Ua halawai hou ka Aha ma ka hora 9.  Ua malamaia ka hapalua hora haipule.

Hapaiia ke Kumuhana 3.  No na palapala hoopii.

Na ke Kakauolelo i heluhele a pau na palapala hoopii, no Waianae mai, a no Waikane, a me Kahuku.

Ua koho ka Aha i Komite nana e noonoo i na palapala hoopii, a hoike mai i ka Aha; oia, Rev. B. W. Pareka, Rev. E Kekoa, Rev. J. N. Paikuli.

Hapaiia ke Kumuhana 4.  Ka heluhelu ana i na Kumumanao, a me na leta aloha, mai na Ahahui e ae i keia Aha.

Na G. M. Keone i heluhelu i kana Kumumanao.  “Heaha ka piha ana o ke kiaha o ka inaina o ke Akua?”

Na Rev. D. Kapali i heluhelu i kana Kumumanao.  “He pono anei i ke Kahunapule ke haalele i kana oihana Kahunapule, ke moekolohe kana wahine?”

Na Rev. S. Waiwaiole i heluhelu i kana Ka@mumanao.  “Heaha ke kahunapule a me ka haiolelo i na mea hoomaloka? E hoopili aku anei me he hoa`loha la?  E hokaokoa aku paha me he Enemi la?”

Na Rev. P. W. Kaawa i heluhelu i kana Kumumanao. “Ua hewa anei, a hewa ole paha na Kahunapule, ke hoopukapuka aku i ko lakou waiwai i mea e loaa mai ai ke dala?”

Na Rev. D. Kekiokalani i heluhelu i kana Kumumanao. “He pono anei i ke Kahunapule, a me ka haiolelo ke hana i mau ahaaina palala dala no na keiki a lakou, i mea e loaa ai ke @olala?”

Na Rev. H. Kaunihilo i heluhelu hapa i kana Kumumanao.  “Heaha la ka pono o ke Kahu ekalesia, ke ae aku oia e komo iloko o ka Ahaolelo Kau Kanawai o ke Aupuni?

Na Rev. J. F. Pokue i heluhelu i kana Kumumanao.  “Pehea la i komo mua mai ai ka hewa i ke ao nei?”

Hoomaha ka Aha a ka hora 1.  Pule o Rev. A. Kaoliko.

Ua hoomaka hou ka halawai i ka hora 1.  Pule o G. M. Keone.

Na Rev. S. Paaluhi i heluhelu i kana Kumumanao.  “He pono anei i ke Kahunapule ke haalele wale, (a me ka haiolelo) i kona palapala kahea?”

Na Rev. J. Manuela i heluhelu i kana Kumumanao.  “Heaha ka mea Haiolelo me ka Baibala i mea hoomaloka?”

HOOHOLOIA.—E paiia ma ka Nupepa ke Kumumanao a J. Manuela.

Na. Rev. G. W. Pilipo i heluhelu i kana Kumumanao.  “Ina ua manao paa mai ke Akua i kekahi kanaka no ke ola, e ola pu auanei ua kanaka la meia, ke noho hewa oia a hiki i kona make ana?”

Na Rev. J. Kekahuna i heluhelu i kana Kumumanao.  “He pono anei i ka Kahunapule ken oho me ka hoomaloka, a lilo ia i ohana nona?”

Na Rev. L. Kamika i heluhelu mai i kana Kumumanao.  “O na aina ekalesia i kuai mua ia ai, a hookaaia me ka lakou @olala, a ua hoolilo ia ma ka inoa o ka Papa Misiona o Amerika, ua pono anai ia?”

Na Rev. B. W. Pareka i heluhelu i kana Kumumanao.  “Ka mea huna.”

Na ke Kakauolelo i heluhelu i`ka palapala aloha a ka Ahahui o Kauai I keia Ahahui.

HOOHOLOIA.---- Na ke Kakauolelo e pane aku i ka palapala aloha a keia Ahahui Euanelio I ka Ahahui Euanelio o Kauai.

Hapaiia ke Kumuhana 5.  Na ekalesia Kahu ole.  Ua kamailio ka Aha no Haaula, Ewa, Kahuku, he mau ekalesia hahu ole ia.

HOOHOLOIA.----Na Rev. J. F. Pokue e malama i ka ekalesia o Ewa.

A ma ka hiki ana mai o ka palapala kahea a ko Kahuku ekalesia i ko lakou Kahu mua, ua lawa ia.  

Ua noi mai o Rev. J. F. Pokue e lilo o Rev. ‘E. Kekoa i mea nana e kiai aku no ka ekalesia o Hauula. Aole ku Aha i ae aku.

Ua hoopaneeia ka Aha apopo hora 9, kakahiaka. Ua malamaia ka hapalua hora haipule.

Heluheluia ka moolelo, apona ia.

Na Rev. J. F. Pokue i heluhelu mai ka palapala hoopii no Rev. H. Kauaihilo no kona haalele wale i ka ekalesia o Hauula, a me kekahi mau kumu e ae no.

HOOHOLOIA.----Ua koho ka Aha i Komite nana e hookolokolo; oia keia, Rev. H. H. Pareka, Rev. S. Waiwaiole, Rev. E. Kekoa.

HOOHOLOIA.---- Ma ka olelo hooholo a Rev. E. Kekoa.  “He mea pono i keia Aha, a ku hoi i ka maikai, a me ke aloha, ku hoike ana`ku o keia. Aha i ko lakou aloha i ka Moi, a me ka mahalo, a me ka hoomaikai; a me ka mana`onui hoi o keia Aha me ka iini ana, i ka Moi, a me kona lahuikanaka iloko o ka maluhia, a me ka oluolu; nolaiala,

HOOHOLOIA.----E koho keia Aha i Komite nana e hoike aku i ka Moi i na manao aloha o keia Aha, a me ka mahalo, a me ka hoomaikai aki i ka Moi.”

Koho ka Ahu ia Rev. H. H. Pareka, Rev. E Kekoa, a me Rev. J. N. Paikuli.

HOOHOLOIA.----E kakau mai kela Kahu, keia Kahu, i ka moolelo piha o na kihapai; no ka Ahuhui nui.  

Kohoia ke Komite no ia hana o Rev. G. W. Pilipo, Rev. J. N. Paikuli, Rev. S. Waiwaiole.

HOOHOLOIA.---- E hele aku o Rev. H.H. Pareka i ka ekalesia o Wailupe o hooponopono me lakou, oiai ua lohe nuiia ke ano inu awa.

Ua heluhelu mai o Rev. H. Kauaihilo he palapala noi, e hookuu aku keia Aha iaia, oiai, ua pau na makahiki elima, o ka palapal kahea o ka ekalesia o Hauula ia ia.  Ua hooleia, a pau hooponopono ana a ke Komite nona.

Hapaiia ke Kumuhana 7.  No ke Alaula.  Na Rev. J. F. Pokue i hoike mai i ke koena, a kela Kahu, keia Kahu, no ka Buke 6 a me 7.  E hookaa aku a pau, a e waihoia ana ke pai ana i ke Alaula. 

Kumuhana 8.  Ke ola o na Kahu. He nui ke kuka ana no keia Kumuhana.

Hoomha`ku Aha a ka hora 1.  Pule o Rev. L. Kamika.

Hora 1.  Hoomakaia ka halawai, pule o S. Kailaa.

Ua kuka hou ka Aha, no ke ola o na Kahu, oia no ke Kumuhana 8.

A ua noi mai o J. Manuela, e lawe mai ka Aha i na wehewehe ana a Rev. B. W. Pareka---Hooholoia.  Aole nae i waiho mai o Pareka ia mau wehewehe ana.

Kumuhana 9.  Ke Kula Kahunapule.   

Na ke Kakauolelo o ka Papa Hawaii, i heluhelu mai he wahi pepa e pili ana no ke Kumuhana, a me kekahi niau hoakaka ana no ke Kumuhana.

HOOHOLOIA.----E hoi aku no kela Kahu a me keia Kahu, e paipai i na haawina i haawiia ia lakou, mai hoonawaliwali lakou.

Kumuhana 10.  Hoike a ne Komite i kohoia ma ka halawai i Waiaua.

Hoike mai o Rev. E. Kekoa ke Komite no ka aie o ka ekalesia o Hauula; a ua hana, a kuka, a maopopo, he aie io no. ($500.) ua hookaaia, ma ka hale o ka ekalesia ($200.) a me na loaa iloko o ka pahu, a ka ekalesia ana, e hoolimalima aku ai, e hoopuu ai i ka aie.  A ponoia ka hoike a ke Komite.

Hoike mai o Rev J.N, Paikuli Komite i ke ekalesia o Kahuku, no ka aie i ko lakou Kahu, a he aie io no ($44.00) e hookaa ana no ia ekalesia. Aponoia ka hoike.

Hoike mai ke Komite Imi Kumumanao.

1. He Haiao.                                                    Na Rev. H. H. Pareka.
2. He mea pono anei i ke Kahu ekalesia, ke lilo i Kakauolelo, a i puuku paha, no kona ekalesia iho no.                                               Rev. S. Waiwaiole.
3. E wehewehe ia Luke 15:7 hapa mua. “Ua oi a ku ka oilioli o na anela o ka lani i ke kanaka hewa hookah e mihi ana; heaha ia olioli?              G.M. Keone.
4. Heaha la na Kula maikai e hiki ai i ke Kahunapule e malama iaia iho, i kupono i keia oihana?                                                       Rev. L. Kamika.
5. Pehea la, e malama eehia ia`i, e ko kakou mau anaina haipule? J.N. Paikuli
6. Pehea la ke Kahunapule e hoomahua ai i kona ike Haiolelo ?  Rev. B.W. Pareka.
7. Owai la ka anela i olelo ia ma KInohi 48:16?                  Rev. D. Kekiokalani
8. Heaha la ka mea a Iesu i hana`i, i lilo oia i Kalahala?          Rev. A. Kaoliko.
9. “ Iloko ona ke ola.”  Ioane 1:4                                Rev. S. Paaluhi.
10.  “Hookahi no mea e pono ai.” Luka 10:42  Heaha ia mea hookahi ?   Rev. J. F. Pokue.
11. Ka hana a na ekalesia no ka poe ilihune iwaena o lakou.        Rev. H. Kauaihilo.
12. Heaha ke kuleana o ke Kahu ekalesia iloke o na Kula Sabati ?  Rev. J. Kekahuna
13. Pehea la e hookomo ia`i na keiki a pau iloko o na Kula Sabati?  Rev. J. Kekahuna.
14. Heaha na niea i eha ai ka Uhane Hemolele mawaena o na ekalesia o Oahu nei aole i niniai ia mai i keia makahiki.                                   Rev. E. Kekoa.
15. Ka Misiona o ka Pae aioa o Fakuhiwa.                          Rev. P.W. Kaawa.
16. Na Misiona ma Maikonisia.                                     Rev. D. Kapali.
17. Heaha la ka hana kupono i ke Kahu ekalesia, i hoohua ke kahu ekalesia i ka hua a nui, a maikai; e like me ka olelo ma Ioane 15:8?                       Rev. G. W. Pilipo.
18. Heaha la ka hana a`na ekalesia e hana`i no ke Kula Kahunapule? Rev. J. N. Paikuli.
19. Heaha na hana a ke Kahu ekalesia e hana`i i holo pono kana oihana iwaena o na kanaka?                                                                                                            P. Naone.

Waiho hou mai ke Komite Imihana, he Kumuhana hou.

E hoololi i kekaha Pauku o ke Kumukana wai, mai ka malama o Feberuari i Aperila.  A i ke kamailio ana, aole i hoololi ia.

Ua noiia e lilo na keiki o ke Kula Kahunapule i mau keiki no ke Aha,Ua hoole ia.

HOOHOLOIA.----Ke mahalo aku nei keia Ahahui Euanelio i ka ekalesia o Kawaiahao, no ko lakou malama ana mai i na paina awakea a pau, o keia ahahui Euanelio.

HOOHOLOIA.----Ua koho keia Aha ia J. Kauwe, Puakahi, N. Kaiakawaha---Kuaumoana, i mau elele no ka Ahahui Euanelio Hawaii i ka malama o Iune.

HOOHOLOIA.--- Ua kohoia o Rev. E. Kekoa nana e hoike no ka Ahahui o Oahu i ka Ahahui nui.

HOOHOLOIA.--- E hoopanee ka Aha a halawai ma Kaneohe Sepatemaba, i ka Poalua elua oia malama.  Pule ka Lunahoomalu.

                                  S. WAIEAIOLE.

                                  Kakauolelu.

 

 

Na kanawai Eha.

 

Eha kanawai e holo ai na hana Kula Sabati.

I Ka mau o ha hana.

II Ka mau o ke aloha.

III Ka mau o ka huli palapala.

IV Ka mau o ka pule.

 

1 Hana mau no na mea he nui wale.  Kaa mau no ka honua, ka la, na hoku; kahe mau ua muliwai, na kahawai, pii a emi mau na wai o na moana, haule mau ke hau, ulu mau na mea ulu, hana mau na mea kolo, na mea lele, na holoholona.

Hana mau ka poe e imi ana I ka waiwai.  Hana mau ke Akua.

Pehea ke mau ole ka hana a kela poe? Poina paha.  Ka hana mau ka pono, ka pomaikai.  E hana mau na kahu, na kumu kula Sabati ke makemake e holo ka hana, e piha I na haumana, e oia, e naauao, e ola lakou.  E kaapuni mai, e ike, e huli, e paipai. E ao mau iloko o ka wa kula.

Mai noho wale na kahu ma.ko lakou noho, e ku a hele iwaena o na papa haumana, e ike, e ninau, e kokua i na kumu, e ninau, auhea o mea ? no ke aha kou hiki ole mai? E ao mau na kumu, main oho wale kekahi, a kulou ke poo ilalo, a hiamoe paha.

Nui na ninau, na pauku kuhikuhi, na wehewehe.  Ken oho wale nei ka oe, e ke kumu ! E ao mau, a I ole, e pau ae@, in eke kahu noho wale.  Ke noho wale ka mea e holo ai ka hana Kula Sabati?

2 E mau ke aloha.---He hana aloha ka hana kula Sabati.  Aole uku maole ia. .Na ke Akua mai ka uku ma ka lani, ke mau ka hana, me ka mau pu o ke aloha.  Na ke aloha e paipai e lilo oe i kahu, i kumu ina ke kula Sabati.  Na ke aloha e paipai e ao mau, e imi mau, e imi mau, e hana mau i na mea e pono ai, e ala`i na haumana.  He aloha oki ole keia, e like me ko ke Akua aloha ia kakou.  Ina hana me ke aloha, e loaa ana ka uku, ina hana me ke aloha ole, aa nele ana i ka uku.

3 E mau ka hula ana i ka palapala, i kea no o ka Haawina Kula Sabati.  Ma ka Po akahi e hoomaka`i na kahu, na kumu e huli i na haawina, e hoomakaukau no ka wehewehe ana.  E huli no mai ka Poakahi a i ka Sabati, i na pauku Baibala, e hoopaa naau paha, e huli e i na pau@ku kuhikuhi ; kea no o a hua olelo Baibala.  Pela hoi na haumana. Ma kou ike ana, nui ka hemahema o na kahu, o na kumu, o na haumana, aole lakou i nana e i ka haawina i paiia, aole Akaka kahi e kula ana, kali no a hiki ka wa kula.  Pono ole keia ; aole holo na hana kula Sabati ke molowa, a nana ole, a imi ole i kea no. &c.

4 Ka mau o ka pule.  Aole ka pule palaka, kapekepeke, manaoio ole.  Ua lawa ia pule.  Lohe pinepine au ia ano pule me ke kaumaha loa o ka naau.  O ka pule mau me ka ikaika, me ka wela, me ka piha i ka Uhane Hemolele, oia ka pule e lanakila ai. Make no na haumana i ka pule palaka. 

 

 

Ka Hoike I ka papa Hawaii a ko

LAKOU ELELE.

I hele aku maluna o Hokuao I na

Mokupuni o Maikonisis, 1872.

(Koena mai kela hebedoma mai.)

HELU V.

 

     Noho iho la Mr. Kano laua me kana wahine ma Kusaie, me ko laua kihapai kahiko, e ao hou aku a hoekupaa ia lakou, a holo`ku makou i ke komohana i Bonebe, i ka la 12 o Sept., a i ka la 14 hiki aku makou ma ka Mokupuni o Mugil, oia kekahi o ko Bonebe mau mokupuni ; he hookahi ka lakou olelo me ko Bonebe.  Malaila ua hoonoho mai kekahi mau kamaaina kumu o Bonebe i kela makahiki, o Iosepa laua me Zakaio.  Aole i makehewa ko laua noho ana malaila.  Aneane pau na kanaka i ka ike i ka heluhelu ; ua haalele i ka aoao pegana, ua huli io kekahi poe i ke Akua ; ua pau lakou i ka aahu iole, ua malama maikai lakou i ka la Sabati, a malu loa ka noho ana.  Ee pu mai ko lakou alii, o Aberahama, a me kekahi o na kamaaina e ae, a me keia mau misionari kumu, a holo pu me makou ma ke Hokuao i Bonebe, a hiki ilaila i ka la 15 o Sept. o ka la Sabati ia.  Holo nini la kolaila pailato e alakai ia makou iloko o ke awa, a na kona waapi i lawe aku iuka i ke ope palapala no Mr. Sturges. Ua noho pilihua mai la o Mr. Sturges no kekahi mau malama.  Aia kona wahine I keia manawa ma Amerika, malaila hoi kona kaikamahine me kekahi kula.  Ua lohe o Mr. Sturges i ke ahi nui ma Chicago, oia kahi e noho ana kana wahine ia Manawa ; ua loaa hoi ia ia kekahi palapala o kona kaikamahine, i kakauia i kekahi mau la mahope iho o ua ahi nui nei, e hai ana i kona makuakane, aole oia i lohe iki no kona makuahine ma Chicago ! Nolaila ua pilikia kona manao.  Ua paha kana wahine i ke ahi !  Iloko o keia op palapala kekahi o kana wahine ; ua pakele, a maha iho la ka naau pilihua o keia hoa kaumaha.

   O Mr. Sturges laua me Mr. Doane wale no na misionari i koe ma Bonebe.  O ke kihapai no keia, kahi i noho ai a Kauka Gulika mamoa ; maanei hoi i make ai o Kasikaula; aia ke waiho la kona kupapau ma Kiti ; maanei hoi i lawelawe ai o Kamakahiki i kekahi mau makahiki.  Aia no ia i keia wa ma Keanae ma Maui.

     Ua ku ka Hokuao ma Kanaana, kahi e noho ana o Mr. Doane.  Holo pu au mailaila aku me Mr. Sturges a hiki o Ronakiti, ma ka waapa, he 25 mau mile, ma ka aoao hikina ; a hoi mai, holo hou aku a hiki i ko Sturges wahi e noho ma Oua; a makaikai i hoi ma Shapalap, a me Shalong.  Nani no ka huli mai o kanaka i ka pono.  Hoolohe lakou i ka misionari, a pili ko lakou naau ia ia.  Ua like me ko onei poe kanaka i ka makahiki 1837.  He mau kula maikai ma keia mau kihapau a pau.  Ua hooikaika na kanaka, a ua kukulu i na halepule maikai, a hauoli lakou i ka halawai pu e hoomana i ke Akua.  Ua koe nae kekahi poe pegana malaila, ke hoopaakiki nei kekahi mau alii, a hoole loa i ka Euanelio ; aole e ae i kukuluia na kula ma lakou aina; lawe lehulehu keia mau alii i na wahine e like me ko lakou aoao kahiko, a kue wale i ka pono.  E lanakila auanei ka malamalama, a e pau ko Satana aupuni i ka hiolo.

   Ua maheleia o Bonebe i elima mau okana, he alii okoa o kela okana o keia okana ; nolaila aole e hiki lakou ke hui a hookumu i aupuni e kau ai i na kanawai like no na kanaka a pau.  Aole i kakauia na kanawai i keia Manawa, nolaila he nui ka hemahema i koe.

    Ke hoomaka nei ka poe i haalele i ka aoao pegana e malama i ka oihana mare. Ia makou ma Kiti, ua hoohuiia ewalu mau loa ma ka berita mare.  A pela hoi, ia makou ma Shapalap, ua hoohuiia kekahi mau mare ; a ma Oua ua mare kekahe haole Beritania me kekahi wahine Bonebe.  E like me ka ulu ana o ka pono, pela e mahaloia ka oihana mare.

   Ia makou ma Shapalap, ua ninanina uia o Aberahama.  Ke alu o Mugil, a me kekahi poe  kanaka ona, i holo pu mai me makou ; a ua bapetzoia lakou a hookumuia i ekalesia okoa no ka mokupuni o Mugil.

   O Bonebe hoi kekahi aina kiekie e like me ko Hawaii nei, a ua lako loa i na muliwai.  Aole o kana mai kona uliuli.  Paapu ka nahelehele, aole hiki ke kanaka ke hele malaila ma kahi e, ma na alanui wale no.  He nani na ululaau.  Nui wale na me ai ; o ka ulu, a me ka ulu hua anoano, o ka puhala alani, sego, niu, keremoia, durio, kalo, uala, api, maia, puu, halakahiki, ipu haole, ipu ala, papaya, oia mea aku, oia mea aku.

     Piha ke kai i na ia ono, piha hoi ke kuahiwi i na manu nunu momona.

    O Bonabe a me Kusaie, he mau alii wahina laua o na mokupuni o ka moana Pakifika nei.        (Aole i pau.)

 

HAAWINA KULA SABATI.

HELU IX. SABATI MARAKI 2.

KA HOLO ANA MAI SODOMA AKU.

Pauku Baibala. Kinohi 19 : 15—26.

15 I ka wanao, hoolaleale ua mau anela la ia Lota, i mai la, e ula ae, e lawe i kau wahine, a me kau mae kaikamahina elua maanei, o pau auanei oi iloko o ka make o ko ke kulanakauhale.

16 Ia ia i hookaulua ai, lalau aku la ua mau kanaka la i kona lima, me ka lima o kana wahine, a me ka lima o kana mau kaikamahine elua ; ahonui mai la o Iehova ia ia : alakai aku la laua ia ia a hooku aku la iwaho o ke kulanakauhale.

17 I ka wa i alakai aku ai laua ia lakou iwaho o ke kulanakauhale, alaila i mai la ia, E holo i pakele kou ola ; mai nana i hope ou, mai kali oe ma neia wahi papu a pau ; e holo i ka mauna, o make oe.

18 aku la o Lota ia laua, Auwe! E kuu Haku, aole pela.

19     Eia hoi, ua loaa iho nei i kau kauwa ka lokomaikai imua o kou mau maka, a ua hoonui ae nei oe i kou aloha au i hoike mai ia`u i ka hoola ana mai ia`u, aole e hiki ia`u ka holo ma ka mauna, o loaa ia`u ka poino, a make au.

20     Eia a eke kulanakauhale, e hiki koke ke holo malaila, a ua liilii hoi ia ; ea, e ae mai ia`u e holo malaila, (aole anei ia he wahi liiliii?) a e malamaia kuu ola.

21     I mai la kela ia ia, Aia, ua holohe aku no au i keia mea hoi ; aole au e luku aku ia kulanakauhale, no ka mea au i olelo mai ai.

22     E wikiwiki oe e holo ilaila; no ka mea, aole e hiki ia`u ke hana i kekahi mea, a puka aku no oe ilaila.  Nolaila, ua kapaia ka inoa o ia kulanakauhale, o Zoara.

23     Ua puka mai ka la maluna o ka honua i ke komo ana o Lota iloko o Zoara.

24     Alaila, hooua mai la o Iehova maluna o Sodoma i ka l@nipele a me ke ahi mai o Iehova la, mai ka lani mai.

25     Hookahuli iho la oia ia mau kulanakauhale, a me kahi papu a pau, a me na kanaka a pao o ua mau kulanakauhale la, a me na mea ulu ma ka honua.

26     Aka, nana ae la kana wahine mahope ona, a lilo iho la ia i kukulu paakai.

 

Mele.---Him. 203.   Leo, Hoohuli ana.

Pule no na aina e

Kahea i na papa inoa

Mele.---He leo mai Makedonia.  Alaula.  Maraki 1872.

Pule no Maikonisia me Fatuiwa.

P. 15. Na makuka.--- Owai ka i`hoolale ia Lota ?

E lawe ia wai ?

E holo o pau i ke aha ?

Ua lohe e anei Aberahama e luku ana ke Akua ia Sodoma ?

I kona lohe ana peha oia ?

Pule oia e hoopakele ia ke loaa na kanaka pono ehia?

Ua loaa anei he 10 kanaka pono ?

Ehia ka i loaa?

No ka loaa ole o na kanaka pono he 10, pehea ko ke Akua manao?

A, i ka lohe ana o Lota i ka leo paipai e holo i ole e maka pu me ko Sodoma, ua wikiwiki anei oia e holo?

P. 16.  Ia Lota mai i hoolohi ai, pehea na anela ?

A i hoolohi kanaia, kamalii, aole wikiwiki e holo i pakele i ka make, heaha ka pono o na kumu, na kahu, ka poe pono?

P. 17. Na Keiki.---Heaha ka leo paipai ma keia pa uku? Akahi, elua, akolu.  E holo, mai nana i hope, mai kali.

E holo i hea? O aha?

Pili anei keia leo paipai ia oukou?

Heaha ka make e kau mai ana maluna o oukou?

A hea holo ? E holo i hea ?

Owai ko oukou mauna ?

E paipai hoi oukou ia wai e holo ? o aha ?

P. 18---22.  Oukou a pau.---No kapiho hoi loa o Lota, ua noi aku oia i ke aha ? E ae e holo oia i kahi kokoke, owai ia wahi ?

Ua ae ia anei ?

Ua paipai ia hoi e wikiwiki e holo ilaila no ke aha ?

Nui ke aloha ia Lora, aole hiki i ka anela e hana i kekahi mea ke ole e aha Lota ?

P. 23—25.  Na makua.-----Heluhelu i keia mau pauku.

I ka puka anu `ku o Lota ma iwaho o Sodoma, a komo iloko o Zoara, heaha ka ke Akua i hoouna mai ai ?

Ehia kulanakauhale i hookahuliia ? Sodoma, Gomora, Zeboima, Adema, ehia ?

Heaha ka ke Akua e houna mai ana maluna o ka poe hewa ?

“Maluna iho o ka poe hewa oia e hooua mai ai i na kaula uila, a me kea hi, ka luaipele, a me ka ino, huhu.”  Haielu 11:6.

Na wahine.---Owai ka i nana i hope ?

No ke aha ? a lilo i aha ?

Heaha ke kauoha ma Luka 17:32 ?

Hoomanao o aha ? o hoi i hope kekahi a hoopai pu ia me Lota wahine.

Nui anei ka poe hoi i hope? Ionae 6:66

Heaha ka ninao o Iesu ? Ioane 6:67.

Heaha ka pane ana o Petero? p 68

Io wai la hoi oukou e hele ai ke haalele ia Iesu?

A lilo oukou i aha ke hoi i hope ?Sodoma

Na kaikamahine.----Luk@ia Sodoma ma no ke aha ?

Ka hewa owai ka i oi aku ko lakou ? Mataio 11 :23,24.

Ina ua lohe ko Sodoma ma i na mea a oukou i lohe ai, a ike ai, peha lakou ?

Ina hookuli oukou, a malama ole, owai ke hoopai nui ia `na, lakou anei ? oukou paha?

Ua hookahuliia na kulanakauhale eha a lilo i aha?

Aia mahea ke Kai make?

No ke aha I kappa ia`i ia a Kai Make? 

Owai ka muliwai e komo ana iloko?

Hoopaha na kino o kanaka o Sodoma ma I kea hi a me ka luaipele, pehea na uhane?

Nana ia Iuda p 7. Sodoma, Gomora, ma Isaia 1:10, owai laua?

Oukou a pau. Ehia hookahuliia ana mai ia Adamu a Lota? Hookahulu a Adama ma a kipakuia mawaho o Edena ; hookah@ Kaina a kupakuia`ku mai kona aina hanau aku; hookahuliia ka honua, a lukuia na kanaka I na wai nui; hookahuliia ka olelo hookah, a kue kekahi I kekahi, a hoopuehu@ kanaka ; hookahuliia Sodoma ma I ke ahi, a me ka luaipele ; Ehia ?

Hookahi hookah@li nui ana I koe, heaha ia ?

Owai ko kakou Zoara e holo ai I pakele ?

Nui anei na Sodoma? Makena wale paha?

Pehea hoi lakou ke mihi ole ?

Ke kau nei no ka make, ke hoomakaukau nei ke Akua e luku, owai ka uwao ana I hoopakeleia?

Owai ka uwao nui?

E uwao ke poe pono ma ku pule, a me ka aha kehaki ? ma ka paipai e holo, a ma ka lalau I ka lima a huki aku iwaho o ka hewa a me ka make.

Hai mai Iuda p. 23  “A o kekahi poe e hoola ae oukou ma ka makau, me ka huki ia lakou mai ke ahi mai.”

Mele.---Himeni 207, Leo Sinai.  Pule a hookou aku.                        HAWAII.

NA BUKE.

HOOLAHAIA E KA PAPA HAWAII.

    Baibala Hemolele Nui i@  gula nani me na kuhikuhi ma oa a@............................$12 00

 “           “    Nui ili eleele kaekae wai gula                                    5 00

 “           “    nuku iki iho,   “     “    “                                      8 00

 “           “    pahauniki iho ili eleele                                           4 00

Kauoha Hou ili gula nani me na kuhikuhi                                           3 00

  “        “ elele kaekae wai gula                                                  1 00

   “     “      “           ‘                                                         75

Kauoha Hou Hapa Haole ……………………………………………………………..  75

Lira Hawaii 1848 me ke kanawai …………………………………………………….  25

  “    “     1856 ……………………………………………………………………... 25

Moolelo Ekalesai …………………………………………………………………….…50

Haiao @l lahilahi …………………………………………………………………….…10

Mele Malihini ana …………………………………………………………………….  25

No ko ke Akua @ano ………………………………………………………………….. 25

Lira Kamalii …………………………………………………………………………… 25

Hoike Palapala Hemolele ……………………………………………………………… 15

Moolelo o Heneri Opakahaia …………………………………………………………...25

Hoike Akua ……………………………………………………………………………. 25

Wehewehehula ………………………………………………………………………… 25

Ninau Hoike ili manoanoa …………………………………………………………..….35

  “                    “   lahilahi …………………….………………………………10

Kumumua Kula Sabati …………………………………….………………………….. 10

Buke Lawe Lima ……………………………………………………………………… 10

He Buke no ka Pope ……………………………………………….………………….. 10

Ui Kula Sabati Helu 3 ………………………………………………………………….25

   “   “    “      “ 4 ………………………………………………………………….25

   “   “    “      “ 5 ………………………………………………………………….25

Buke Euanelio a Ioane ……………………………………………………………....... 10

Himeni …………………………………………………………………………….….1 00

Himeni Ili nani ………………………………………………………………….…….1 75

Na Kauoha Hou Pakeke.

Ili Gula nani …………………………………………………………………………..1 10

Ili eleele kuekue nani …………………………………………………………………  10

Ili eleele ……………………………………………………………………………….., 35

Kauoha Hou Pakeke me na Halelu.

Ila Gula nani …………………………………………………………………………..1 75

Ili eleele kuekue wai gula  ……………………………………………………………. @0

Ili eleele ………………………………………………………………………………... 50

Na Halelu Pakeke.

Ila Gula nani …………………………………………………………………………… 50

Ili eleele kuekue wai gula  …………………………………………………………….. 30

Ili eleele ………………………………………………………………………………... 20

Ka Hae Hoonani (Buke Mele) …………………………………………………………. 25

Buke Wehewehe Huaokeia Baibala ………………………………………………...…2 00

           “         “        “       Ili nani ………………………………………...3 00