Ka Nupepa Kuokoa, Volume XII, Number 15, 12 April 1873 — Page 4
| This text was transcribed by: | Cynthia Nakai |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Nana ia Iesu.
Leo.-Looking unto Jesus
Songs of Devotion, p.93.
1.
Mai uwe kuu hoa.
Mele oli e-
Ina no i luhi
No ke ala nei,
Eha a kaumaha,
Kau ae ia Iesu.
Holo ahonui,
A paulele pu.
Cho.-Nana ia Iesu ia.
Make oia nou.
Hoonani ia Iesu ia,
Hooho oli mau.
2.
Imi ia Iesu ia,
Imi pono nae-
Hea no a noi,
Loaa nui mai.
Ina no he pouli,
Lama ole no,
Nona mai ka lama,
Auhee ae ka po.
Cho.-Nana ia Iesu ia, &c.
3.
Aia kau na ino
Ku oa alalai,
Mai makau, kuu hoa,
Pule a kiai
Nana ia Iesu la.
A paulele mau-
Holo ahonui,
Kikoo i ke no.
Cho.-Nana ia Iesu ia, &c.
4.
Hana mau kuu hoa,
E ohi auanei
I na hua nani,
Na oli lani e.
Kini na anela
Ke nana mai nei;
Holo ahonui,
I loaa ka lei.
Cho.- Nana ia Iesu la, &c.
Hawaii.
Ka Moolelo o ka Ahahui Euanelio o Hawaii Akau.
Ua halawai ka Ahahui o Hawaii Akau, ma ka luakini o Eleio, Hamakua waena, I ka la 6, 7, 8, o Maraki, 1873.
Ua weheia ka Aha ma ka heluhelu ana a Rev. S. C. luhiau i ka Halelu 133.
Eia na lala o ka Aha i hiki mai;
NA EKALESIA, NA KAHU, NA ELELE.
Hamakua H. Rev. S. Kaaua S. Kamalemela,
“ W. “ J. Bikanele H. Kaaehuahiwi
“ Ko. Haae Haiolelo Halemanu,
Waimea D. Waiau,
Kohala H. Rev. S. Aiwohi Wahinenui,
“ Ko. “ S. C. Luhiau Kikalaeka,
“ Ak. “ E. Bona Puaaloa.
Na lala a hoa kuka o ka Aha: Rev. J. F. Pogue, Rev. J. Hanaike.
Ua kohoia o Rev. S. Kaaua i Lunahoomalu, a o S. Kamelamela i Kakauolelo.
Ua kohoia e ka Lunahoomalu elua Komite. 1 Komite Imihana. 2 Komite Imi Haawina.
Eia na lala o ke Komite Imihana. Rev. E. Bona. G. W. D. Halemanu, Rev. S. C. Luhiau.
Komite Imi Haawina. Eia na lala. Rev. J. Bikanele, D. Waiau, Rev. S. Aiwohi.
Hoike mai ke Komite Imihana penei:
1. 1. Hapalua hora haipule I kela la me keia ia.
2. 2. Na hoike Kihapai.
3. 3. Na Kumumanao.
4. 4. Na Palapala Hoopii.
5. 5. Elele no Hilo mai, e hooloheia kana.
6. 6. Pehea la e pau ai ka inu nama ana i waena o na hoahanau?
7. 7. Heaha ka waiwai iloko o ka pule kupapau?
8. 8. Na Elele o ka Aha nui ma Honolulu.
9. 9. I komite nana e hoike aku i na hana o keia Aha mokupuni imua o ka Aha nui ma Honolulu.
10. 10. Na Elele o na Aha elua, o Hawaii Hikina a me Hawaii Komohana.
11. 11. Na Nupepa.
12. 12. Kula Kaikamahine Hanai.
13. 13. Ka Oihana Misionari Kuwaho.
14. 14. Kahi e halawai hou ai ka Aha.
Kumuhana 2. Na Hoike Kihapai.
Na Rev. S. Kaaua I hoike mai i ko Hamakoa Hikina.
Na Rev. J. Bikanele i hoike mai i ko Hamakua Waena.
Na C. H. Haae i hoike mai I ko Hamakua Komohana,
Na S. Kamelamela i hoike i ko Waimea.
Na Rev. S. Aiwohi i hoike i ko Kohala Hema.
Na Rev. S. C. Luhiau i hoike mai i ko Kohala Komohana.
Na Rev. E. Bona i hoike mai i ko Kohala Akau.
Hoomaha @ Ana hookahi hona, me ka pule a P. Kuwe@hiwi.
Hoomaka hou @a Aha me ka @ 1 p.m. Pule o P@loa.
Hapai@ ke Kumuhana @. @ @
Ho@ mai o Rev. E. @
Hoike mai o S. Kamelamela i ka Rev. L. Laiana Haawina. Na oeli o ka manawa.
Hoike mai o Rev. S. Kaaua i kona haawina.
Pehea la ke ala hou ane mai ka make mai? e ala io hou mai ana anei?
Hoike mai o Rev. S. C. Luhiau i kona haawwina.
Ua kue anei o Ezekiela IS:20, i ke Kanawai elua?
Hoike mai o Welewele i kona Kumumanao.
Hiki anei i ke kanaka haipule ke malama i ka oihana Loio me ka noho maemae?
Hoike o S. Kamelamela i kona haawina.
Heaha ia ke ano a me k@ waiwai o ka pule kupapau?
Hoopaneoia ka hana me ka pule a Rev. J. Hanaike.
LA HANA 2.
Ua halawai hou ka Aha ma ka hora 10.
Hapaiia ke kumumanao 12 e pili ana i ke Kula Kaikamahine. Ua waiho ia ma ka lima o ke Komite. Eia na lala. Rev. J. Bikanele, Rev. J. Hanaike.
8. Na Elele o ka Ahahui nui ma Honolulu. Kohoia o S. Kamelamela, Paahana, me na hope, Puaaloa, Welewele.
9. Kohoia o Rev. E. Bona, nana e hai aku i na hana o keia Aha mokupuni i Honolulu.
Na Palapala hoopii. Waiho o Rev. E. Bona imua o ka Aha i palapala hoopii ia Rev. S. Aiwohi, penei:
“I ka Aha Euanelio o Hawaii Akau. Ma ka inoa o ke Poo Nui o ka ekalesia ma ka honua nei, o ka Haku, o lesu Kristo; Aloha oukou.
E like me ka ke Kumukanawai a kakou i kukulu ai, i alakai no kakou ma na mea pili i ke aupuni o Kristo, a’u e hoopii aku nei imua o keia Aha Euanelio, ia Rev. S. Aiwohi, kekahi o na kahunapule o keia Aha i hookahuna ai, e noho la hoi he kahu ma ka ekalesia o Kohala Hema.
Me ka minamina nui au e hapai nei i keia hana koikoi – i koi ia no nae e kuu aloha oi i ke aupuni o Kristo a kakou e hahai nei, no ka mea, ke paipai ia mai nei kakou e kuu kaawale i na hana ino a pau, o haumia ke aupuni o ka Haku ia kakou.
Penei ka Paulo II Korineto 6:3. “A ole no makou e hoohihia aku i kekahi, o olelo ino ia mai ka Oihana Kahuna.” A pela hoi ma Tito 2:7. “Ma na mea a pau e hoike aku oe ia oe iho, he kumu no na hana maikai.”
Eia ke ano.o keia hoopii a’u e waiho aku ni imua o keia Aha.
1. 1. Ua keakea maoli o Rev. S. Aiwohi i ka pono Kivila o ka lehulehu, a ua haihai wale i ka io o ke kanawai hoomalu’laula ia kakou e noho nei. Ua hoole hoi oia i ke aloha i kauoha ia mai ai i kanaka a pau ma ke kanawai gula o Kristo i kau mai ai, oia hoi, “E hana aku oukou i kanaka, e like me ko oukou makemake e hana mai ai lakou ia oukou.”
2. 2. O keia hana ku i ka loio kolohe, a ku ole nae i ka haipule, a Kahunapule paha, Ua lilo ia i mea e pailua ai ka pono a kakou e malama nei, a nolaila keia hoopii imua o keia Aha; Oia hoi, i mea e pau ai ke kuikahi iwaena o ko ke no nei e lilo ana keia Aha Euanelio i Aha kokua mamuli o na hana paewaewa, a kue i ka hoopono karistiano.
3. 3. Ma ka hoole ana o na Rev. S. Aiwohi nei e hookaawale iaia iho ma ka hewa e, e like me ka pono a Kristo i kauoha maopopo mai ai, ua lilo oia i alakai hewa no kanaka; a ua lilo hoi ma ona la ka oihana kahuna i mea kokua mamuli o ka paewaewa, a i mea hoi i hoowahawaha ia’i e kanaka a pau.
Eia mai ka wehewehe hooiaio i keia mau kumu hoopii a ekolu.
1. 1. Kuai aku ia o Paku ka Makuahonowai o ua Rev. S. Aiwohi nei i kekahi apana aina ona, me kekahi apana hoi i kuai e ia mai ma ka inoa o kana wahine, o Kiha, a loaa pono mai ke kumu kuai iloko o kona lima. Aole nae i kau ia ka inoa o ka wahine ma ua Kila kuai ia. I keia manawa iho nei, manao ka mea i lilo aku ai nona ua aina ia, e kuai hou aku; a hiki ole nae, no ka mea, aole o ka inoa o Kiha ka wahine ma ke kila; a ua pupule hoi ka wahine a hiki ole iaia ke kau iho.
Nolaila, nonoi ia’ku na keiki a me na hunona a Paku e hoohiki, a kakou hoi i ko lakou mau inoa, aole o lakou, a kekahi paha o lakou e hana kolohe ma ia hope aku i ka mea kuai i ua aina la. Ae koke mai na keiki a me na hunona e ao, aka, aole no e ae iki Rev. S. Aiwohi nei e noho mamuli o ka pono ma keia hana – me he mea ia, e imi ana oia i wahi e hana aku ai i ke kolohe mahope aku. Pela ka manao o kanaka. A no ia hoole ana o Rev. S. Aiwohi, nolaila, ke waiho ia ka aina me ka pilikia pono ole o ka mea iaia ke kila @ o @a mea ia, no keia hana k@ i ka hoopono.”
A pau ka palapaia hoopii nei i ka heluheluia, kekakeka ka Aha no ia mea.
A kamailio mai ia o Rev. S. Aiwohi, a hoike @ai i kona manao, e hoole ana i ka oiaio o na kumu hoopii.
Komo ka Lunahoomalu ia J. F. Pogue e paie, a nei i @ A@ e kokea mai I ka Aha @ hana kaikoi.
Pau ke kukakuka ana o ka Aha no @ pili i ka hoopii, wai ka Lunahoomalu i @
nolaila, I mea e pau @i ka hoowahawaha ana o kanaka i ka Oihana Kahunap@le, a me ka haipule.
I mea hoi e pilikia ole ai ka makuahonowai o Rev. S. Aiwohi, o P@ku kona inoa, ma keia hope aku – A i mea no hoi e kanalua ole ai ke kanaka ia ia ke kuai ana i ua mau wahi apena aina la o Paku, no kona kuleana iloko @ ia mau apana aina la; nolaila. ke paipai ikaika aku nei keia Aha me ke aloha ia Rev. S. Aiwohi, e kakau pu ia kona iaoa me oa hooilina e ae o Paku ma. a e @e aku lakou pakahi; aoie o lakou e imi kolohe ai, ma keia hope aku, i mea e pilikia ai ko Kaneihelau kuleana iloko o ua aina ia.
A ina i hoole mai o Rev. S. Aiwohi, aole oia i kakau pu i kona inoa malalo iho o ia palapala, alaila, e maopopo lea i keai Aha, aole ia i malama i ka mea ana i hoohiki ai i kona wa i poniia ae he kahunapule; Eia hoi ua hoohiki nei. “Ke ae mai nei a@ei oe e noho malalo iho o kou mau hoahanae iloko o ka Haku?” Ae mai la kela mamuli o keia.
Eia hoi kekahi. “Ke ae mai nei anei oe e hooikaika ma na olelo oiaio o ka Euanelio, a e imi no hoi i ka maluhia o ka ekalesia; a pela no e hoomau ai ke hiki mai ka mea keakea, a hoomaau, a hiki i ka hopena.
Ae mai la oia, ae. E nana i ka aoao 28 o ka Buke Lawe Lima.
Ke manao lana nei ke Komite, e ae koke mai, me ka oluolu. o rev. S. Aiwohi nei mamuli o ka paipai ana o ka Aha, a e imi ikaika oia ma keia hope aku i na mea e maluhia ai i ka ekalesia, a e hoolohe hoi i ka olelo ao a na hoahanau; alaila, e pau ae la keia mea e walania ai na naau o kona poe lawehana ma keia kihapai o ke Akua. Me ka mahalo.
Lawe ka Aha i ua hoike nei, a noonoo a liuliu i na mea oloko.
Konoia o Rev. S. Aiwohi e kakau i kona inoa e hoole pu ana, aole e kolohe aku ia Kaneihelau, i ka mea nona’ka aina i kuaiia me Paku.
Hoohalahala kela, no ka poino e ili mai ana i kona inoa maikai, i keia moolelo.
Nolaila, nonoi ka Lunahoomalu i ka Aha, a Hooholoia penei; “Ina e kakau o Rev. S. Aiwohi i kona inoa, e hoole ana, nole ia e hana paewaewa aku i ka mea nona ka aina i oleloia’i ma keia hoopii, alaila, e holoiia keia moolelo a pau, aole hoi e paiia me na hana e ae a keia Aha.”
Nonoi waimaka ia Rev. S. Aiwohi, e ka Lunahoomalu e hoolohe i ka ka Aha, a i ka ka Haku; a waihoia aku la ka ae, a me ka hoole iloko o kona lima.
Waiho mai ke Komite o ka ekalesia o Waimanu, he palapala noi i ka Aha no ka pilikia o ko lakou loakini. Hooholoia e lulu dala ka Aha; aponoia.
Waihoia mai he olelo no ka palapala kahea na ka ekalesia o Hamakua Komohana ia C. H. Haae i kahu no lako@; ua waihoia ma ka lima o ke Komite. Eia na lala, Rev. J. Bikanele, Rev. J. F. Pogue, D. Waiau, G. W. D. Halemanu, P. Kaaekuahiwi.
Hoomaha ka Aha i hookahi hora, me ka pule a G. W. D. Halemanu.
Akoakoa hou mai ka Aha i ka hora 1 P.M. Pule o S. Kamelamela.
Ma ke kau lima o ka Aha, ua hupaiia ke Kumuhana, he 11 na Nupepa.
Kamailio ka Aha i keia, a waiho mai o Rev. E. Bona, he olelo hooholo, penei. “Hooholoia. Ma ka manao o keia Aha, he mea e pono loa ai ke Aupuni o ke Akua ma keia Pae aina, ke lilo mai kekahi hapalua o ke Kuokoa na ka Papa Hawaii; A hiki ole nae ke hooko: keia inanao, e pono no ke hookumu ka Papa Hawaii i nupepa hou no na ekalesia euanelio o keia Pae aina.”
Hapaiia ke Kumumanao 6. @ ehea la e pau ai ka inu rama ana iwaena o na hoahanau? Ua kuka nui ia keia mea, alaila ua waiho mai o E. Bona he olelo hooholo, penei. “Hooholoia. E pono ke hooikaika nui na kahu ekalesia, a me na hoahanau kupaa pu me lakou, e burumi i na ekalesia mai o a o, a pau i ka hoole@ia mawaho na hoahanau inu, kuai, a lawelawe i na mea e ona ai, e ia ano ae, ia ano ae.
12. Hoike a ke Komite no ke Kula Kaikamahine. No ka mea, ua loaa ke kahu@ kupono m@ Kohala; a no ka mea hoi, ua hookupuia kekahi mau dala malaila; nolaila, i ka manao o ke Komite, malaila io no e kukulu ai i ua Kula Kaikamahine la o ka mokupuni o Hawaii; e pono hoi e komo like na Aha ekalesia ekolu o keia mokupuni iloko o keia hana, no ka mea, he hana koikoi a hiki ole i ka Aha hookahi ke hapai iho. A ina ae ka Aha ekalesia o Hawaii Hikina a me Hawaii Komohana, e like me keia olelo hooholo, alaila e hapai koke ka ohi dala ana; a na kela a me keia Aha e koho i kona elele nana e kome aku iwaena o na ekalesia malalo iho o kona malu. a ohi i na dala kokua.
Rev. J. Bikanele, Rev. J. Hanaike. Na Komite. Aponoia.
10. Hooh@leia.-E lilo o Rev. S. Kaa@a i elele aloha no keia Aha, i ka Aha Euanelio o Hawaii Hikina: a e lilo o Rev. S. C. Luhiau i elele ano like i ka Aha Euanelio o Hawaii Komohana.
Hooholeia. -E lilo o Rev. S. C. Luhiau i mea ohi dala no ke Kula Kaikamahine, ma Hawaii Akau nei.
Hoike a ke Komite no ka palapala kahea @ Hamakua @;
Ua @
ia ka wa pono ai ia ia. E aho ke hoopanee ka poni ana a i kekahi m@awa aku i ikeia kona ikaika kupono. Hiki no i@ H@ ke hoomau i kuoa Oihana Haiolelo. Me ka mahalo.
Na Komite. Rev. J. Bikanele, Rev. J. F. Pogue, D. Waiau, G. W. D. Halemanu, P. Kaaekuahiwi.
Hoopaneeia ka hana me ka pule a Rev. J. F. Pogue.
La Hana 3.-Maraki 8.
Akoakoa hou ka Aha e like me ka mea mau.
Hapai hou ia ka palapala hoopii o Waimanu. Ua hookoia me ka lulu dala ana o ka Aha.
Hoike mai ke Komite Imi Ha@ina ina Kumumanao no keia halawai hou ae. Penei-
1. 1. Owai la ka mea hewa i olelo ia ma 2 Tesalonike 2:S? Rev. L. Laiaoa.
2. 2. Ua makaukau anei na ekalesia o Hawaii nei no ka hiki ana mai o ka Uhane Heaolele? Rev. E. Bona.
3. 3. Heaha la na mea e keakea nei i ka ho@ mua ana o ka Euanelio ma keia Pae aina? Rev. S. C. Luhiau.
4. 4. Ka ouli o ka manawa. Rev. J. Bikanele.
5. 5. He mea hiki anei i ke kanaka ke hoonaopopo iho @a kala ia kona hala mai ke Akua mai? Rev. S. Aiwohi.
6. 6. Pehea ka hoailo@a ana a ka Uhane Hemolele i na kanaka i hoikeia ma 2 Kirineto 1:22? Rev. S. Kaaua.
7. 7. Pono anei ke aoia na kaao kahiko o Hawaii nei? D. Waiau.
8. 8. Ua like anei ke kulana o na ekalesia K@waii ma ka manaoio, me na ekalesia i ka wa o na Lunaolelo? S. Kamelamela.
9. 9. He mea hoonaauao anei na kaao haku wa@eia e like me Robiana Lo? G. W. D. Halemanu.
10. 10. Pono anei ka hoolewa kupapau ana ma ka la Sabati? P. Kanekuahiwi.
E hoomau ia no na haawina mua i heluhelu @le ia.
14. Ma ke noi o Rev. S. C. Luhiau, Hooholoia A hoopaneeia aku keia Aha, e hoopanee@, e halawai hou ma Kohala Komohana, m@ ke Poaha mua o Sepat@maba ae nei, hora 10 ½ kakahiaka.
7. Hapaiia e ka Aha ka ninau, Heaha ka waiwai o ka pule kupapau?
Kulaku@aia oia-a ua maopopo i ka Aha, no ka @oe ola wale no ka waiwai o ua pule la. A@he no he waiwai ko ka poe make iloko clai@. Ua hala lakou, e ku imua o ka Noho Hookolokolo o lehova. Aole hoi e hiki ana @a pule kanaka io lakou la.
Mah@pe o kekahi mau pule. ua hoopanee ia ka Aha e like me ka mea i hooholo e ia.
S. Kamelamela,
Kakauolelo.
HAAWINA KULA SABATI.
KA HAPAHA ELUA.
HeluXVI. Sabati Aperila 20.
Ke Kumuhana, Ke kuaiia’na o Iosepa.
Paiku Baibala.-Kinohi 37:23-28.
23 A hiki aku la o Iosepa i kona poe kaikuaan@, hao ae la lakou i ko Iosepa kapa, o ke kapa onionio maluna ona;
24 Lalau ae la lakou ia ia, hoolei aku la ia ia ioko o ka lua. Ua kaawale ka lua. Aole he @ai oloko.
25 A noho iho la lakou e ai i ka ai. Alawa’e l@ ko lakou maka, @ke aku la, aia hoi kekah@ poe mamo a Isemaela, e hele mai ana mai Gileada mai, me ko lakou mau kemelo. ua kaumaha i ka mea ala, a me ka bama, a me k@ mura, e lawe hele ana i Aigup@ta.
26 Olelo aku la o Iuda i kona poe hoahanau, Heaha ka maikai, ke pepahi kakou i ko kakou kaikaina, a huna I kona koko?
27 Ina kakou e kuai aku ia ia i ka Isemaela; mai ka@ ko kakou lima maluna ona; no ke mea, o ko kakou kaikaina no ia, a me ko kakou io. A hoolohe mai la kona poe hoahama@ @a ia.
28 Hele ae la ua poe kanaka kuai la, no Mid@na, huki mai la lakou, a hapai ae la ia lose@a, mai loko mai o ka lua, a kuai aku la ia ia i ka Isemaela, i na hapadala, he iwakalua. A lawe ae la lakou ia Iosepa i Aigupita.
• - :o: -
Paiku Alakai.-“Ina kakou e pepehi ia ia a make loa - alaila, e ike kakou i ka hope o kana mau moe.” Mok. 37:20.
Paiku hui Lahui.-“Nui na manao maloko o ka naau o ke kanaka, aka, o ka manao o Ieh@va, oia ke kup@a.” Sel. 19:21.
Mele.-Hui pu anei ma ka Muliwai? Hae Ho@naai 12.
Pule i hookaawaleia’ku na manao ino, i hoolilo ia na hana ino a kanaka i mea e ko ai @ manao o ke Akua.
Na Makua.- E ohuinu ana na hoahanau o Iosepa e hooko i ko lakou manao ino ia ia me ka aha? p. 20. Heaha ke mea keakea i ko lakou pepehi koke ole ia ia? Ka loaa ole paha ola ma kahi mehameha. Ma ke aha i loaa ia oia ia lakou @ kahi mehameha. Ma ka ho@ ana o ka makuakane ia ia e huli i @ kai@, e a@ i k@ lakou @o ana, @ el@ @ pilikia.
A @ @ i ike ai ia ia ma kahi loihi, ala @ a pepehi, @ like anei ko @ pepehi? p. 21, 22. Aloha no @
la lakou i kona kape onioaio? Malaila i aha’i lako@ i ka makuakane? Hana ino.
P. 24. H@leiia ilake o ka lua. Na Kaikamahine.-A wehe ia ke kapa @nionio, ua aha ia ke kino o Iosepa? Pehea lakou i kona mau wawae? Halelu 105:IS.
Owai kekahi Kaula pono i hoolei ia iloko o ka lua wai? Ieremia 38:6. Ma ka l@ liona kekahi Kaula i hooleiia’i. Owai ia?
P. 25. He poe kuai i h@ra mai. Na Makua.-Ua waiho p@a ia anei losepa ma ka lua? No ke aha ka lo@ o ka manao o na kaikuaana? Elua paha kumu o ka loli ana, he aloha iki, a he makee waiwai. Owai keia poe kuai?
Heaha na mea kuai? Mahea mai? a e hele ana i hea? Owai Isemaela?
P. 26, 27. Ka manao o Iuda. Na @eikikane.-Heaha ka manao o Iuda? mahea ka maikai? ma ka pepehi a huna anei? ma ke kuai aku paha? Ua ae anei @ hoa ona ike kuai ana’ku? Owai ke hoa i lo@ ole a ae ole? p. 29, 30.
P. 28. Ke k@i ana. Na Kaikamahine. He poe e ae ka i hoea a hui pu me na Isemaela, owai ia poe? Owai na Midiana? he poe mamo na Aberanama, na Katura, Kio. 25:1, 2.
Ua ae anei lakou e kuai ia losepa. Aia mahea Iosepa ia wa? Nawai oia i huki mailoko mai o ka lua? Heaha ke kumukuai a lakou i haawi ai nona? 20 apana dala, Ua like ia me na dela ehia? Ua 10 paha. He wahi uku uuku loa no ke kanaka maikai. Ua laweia’ku Iosepa i hea? Ehia mile?
Oukou a pau.- I ka laweia’ku o losepa i Aigupita, ua manao anei na kaikuaana, ua pau ka mina o kona mau moe, aole ka oia e alii ana maluna o lakou? Pela paha ko lakou manao, aka, he kuhi hewa ia. Manao lakou, e kaawale loa ana Iosepa, aole lakou e ike, aole hoi e lohe hou ia ia. E pau kona inoa i ka hoopoina ia, a mau loa ‘ku. Ko lakou manao a makemake ia. Pehea ia nae ko ke Akua manao? e lilo keia hana ino ana ia Iosepa i mea e aha’i?
Owai na keiki aloha iki ia Iosepa? Reubena, Iuda, a lilo laua i mau aha mahope no Beniamina, a me lakoba? I mau uwao.
He hoailona Iosepa nowai? O ke kuai ana ‘ku o na kaikuaana ia Iosepa no na apana dala he 20. ua like ia me ka hana aha e pili ana ia Iuda Isekariota?
Hana ino na kaikuaana ia Iosepa me ke kumu ole, pepehi na Iudiao ia lesu me ke kumu ole; mahea ka like o na hope o laua?
He mau mea hoola laua. Oia na kino he nui wale ia Iosepa; ola na kino a me na uhane he lehulehu loa no ka make a ala hou ana o Iesu. A e aponoia anei ka poe hana ino?
Aole anei i mihi na kaikuaana i ko lakou hewa mahope?
Heaha ka Pauku Alakai?
Heaha ka Pauku hui Lahui?
Heahe ka Ninau Nui? E hiki anei ia’u ke hookahuli i ka manao paa o ke Akua?
Pono anei ia’u ke hana hewa i puka mai ka maikai?
Mele.-Him. 25. Leo,-Effingham, C. Sacra 47.
Pule no ke Kula Sabati a hookuu aku.
Hawaii.
HAAWINA KULA SABATI
NO NA POKII.
IIELU 16. Sabati, Aperila 20.
Iosepa-Ua Kuaiia aku.
Pauku Baibala. K@nohi 37:23-28.
Mele. “Ala-Ala.” Hae Hoonani.
Pule. E ka Makua ka lani. e nana mai ia makou me ke aloha, e kokua mai ma keia kula Sabati; e hoolilo ia makou i mau pokii maikai, oluolu, kuikahi, aloha kahi i kekahi, i ole makou e hoohalike me na kaikuaana o Iosepa i ohumu e pepehi ia ia. Lokoino lakou. Mai manao ino makou, a hana ino, kui aku kui inai, e manao maikai, e hana maikai, a ola ma o Iesu la, Amene.
Na keikikane. Ekolu keiki i manao ino ia, a imi ia e pepehiia, Owai? Abela, Ia koba, a owai ke kolu? He keiki maikai anei Iosepa? He kapa aha i hanaia nona? Ua pomaikai anei oia no ia kapa onionio.
Ua paa oaau anei na moe o Iosepa? Pua palaoa. la, mahina, hoku he 11,-kulou imua ona, huhu loa na kaikuaana-manao e hoolilo i na moe i mea ole.
Na kaikumahine, ma ke aha e hoolilo ai i na moe i mea ole? Ma ka pepehi ana ia Iosepa. Aole o lakou makemake e alii o Iosepa maluna o lakou-nolaila pono ke make ioa. Pela kekahi poe mahope loa mai i manao e pepehi i kekahi keiki, ka hooilioa. Heluhelu Luka 19:14. 20:14. Owai ia keiki? Pela anei i keia wa, makemake ole kekahi poe ia Iesu i alii no lakou? Pela anei oukou? He alii maikai loa o’Iesu, a e haawi mai I na pono he nui w@ ia oukou ke malama ia ia.
Na keikikane E haoai aoa na kaikuaana i no hipa ma kahi keawale, me wai Iosepa? A olelo ka makuakane e hele oia e ike ia wai? i na kaik@ana. Ae. He keiki hoolohe anei Iosepa? Ae, wikiwiki oia e hele ke kauoh@ia. Pela anei oukou? wikiwiki e malama i na makua? wikiwiki-hoololohi-hookuli-@oho oua@ha. Pono nae e hele e ika i @ hoe-ina ua pilikia, pel@li, makewai, lole ole, heaha ka pono?
Na kaikamahine. Ua I@a anei na kaikuaana ia Iosepa? Ae, @a ke kuhikuhi a @ e kekahi kamaaina. Pono anei ke li@e @ @
hoole, aole make e pepehi? Reubena. Ae, aloha ihi oia i ke kaikaina. Heaha kona manao? E hoolei ia ia iloko o ka lua, i aha? i b@ oia i kona makuakane mahope. Aloha io no, ea.
Na keikikane. Ua ae anei lakou i ka manao o Reubena? Ae. Heaha ka hana mua? Ua wehe i ke kappa onionio, a mahope hoopea i na wawae i na kupee Ia@u. Halelu 105:IS, alaila hoolei i ke kino iloko o ka lua hohonu.
Aole anei oia i uwe nui, a noi ikaika e hoopakeleia? Ae, pela. mok 42:21. Aloha ole. Mai hana ino kekahi i kekahi.
Ua waiho paa ia anei Iosepa ma ka lua? Aole, noho aku a paina, aole oluolu, ua lohe paha i ka uwe ana o Iosepa, kaumaha ka naau-ike lakou he poe kuai e hoea mai ana. a hoopuka Iuda i ka manao e kuai aku ia Iosepa.
Na kaikamahine. Ua kuaiia aku anei o Iosepa? Ae, ua kii ka poe kuai, a huki ia ia mailoko mai o ka lua, i hiki ke nana i kona ano, he kopono paha ke lilo i kauwi pio, aole paha. A pehea?
Ua maikai no, a baawi i ehia apana dala? Kuaiia ka Iosepa e like ma ka bipi, ka puaa, no na dala uuku-aole paha he10.
Ehia manao o na kaikuaana? Ekolu-e pepehi-e hoolei iloko o ka lua – a-aha? e kuai. Ka manao ehia ka i hookoia? Mai ke Akua mai paha ia. Ina ua pepehiia, a waihoia @ oko @ ka lua a make, pehea e hookoia’i kona mau moe?
Oukou a pau.-Owai keia poe kuai? Ka poe Isemaela, a me na Midiana. Owai ke kupunakane o laua? Aberahama. Kin 16:15, 16, 25:1, 2. Hagara, Ketura na kupunawahine. Heaha na holoholona lawe ukana? Na Kamelo.-Heaha na mea kuai? Na mea ala, bama-mura. Heaha ia mau mea? Mai hea, a e hele ana ihea lakou? Mahea Gileada? Mahea Aigupita? Ua laweia ‘ku anei Iosepa i Aigupita?
Ehia mile mai ia lakoba ka makuakane aku? 200 mile paha. Loihi loa, me Kawaihae paha, a Waimea Kauai. Pehe@ ka manao o na kaikuaana? Ua manao paha lakou ua lilo na moe o Iosepa i mea ole-aole paha lakou e lohe hou ana nona. Pela anei? Hiki anei i ke kanaka ke hookahuli i ka manao o ke Akua?
Kuaiia Iosepa no na apana dala he 20, Kuaiia ‘ku Iesu no na apana dala ehia? Hoolilo ke Akua i ka hana ino ana a na kaikuaana i mea e ponu ai, pehea ka make ana o Iesu? Nui na pono no loko mai.
Mai hana ino nae oukou me ka manao, e puka mai ana ka maikai mailoko mai. Huhu ke Akua i na hewa a pau, a e hoopai ana no ke mihi ole ia.
Mele.-“Make Isu no’u.”
Pule no na haumana i noho like, a hana @nikai kekahi i kekahi. Hawaii.
KA “NUPEPA KUOKOA.”
Ho@puka mau ia
I KELA POAONO KEIA POAONO.
$2.00
No na mahina he Umikumamal ua
$1.00 no na mahina eono,
ME KA HOOKAA MUA MAI.
Na Olelo Hoola@a-sole i oi mamua o 10 laina @ ka h@ puka hookahi ana, $1.00; alua kimo
ana, he $1.00. @ kahi malama, $2.00. K @ @ ia mai ke dala o @ hoolaha a pau e
hoo@n@ia ana mai @ pai.
Ka@-he @ @ no ka laia @kahi-p@nei he 25 lalani, $1.00; @ ialani, $2.00; a pe@a ku.
Ka uku no na olelo hoolana-ka u@ pepa, a me ka ua o ke kunika@, e haawila no ma ka @ o na
Luna o @ A’uokea, a @ oleia, e hoo@ mai la I’u@
Na uku pepa a pau @ hookaa mua mai no-@ole e @auia ka inoa o kekahi haole a kaoaka
@ @oli @. Ma ka @ ka poe lawe pepa ke ole e ho@kua e mai mamua. E p@ kehiipoiia keia mau @. no ka mea, he emi no ka @uhau no keia pupepa.
Aia ke k@ o ka nupepa kuokoa-maluna ae o ka ila@ Leta. O ua hora hana. mai ka eiwa o
kukahiaka, a ke ha o ke ahiahi.
H. M. WINI, LUNA HOOPUKA.
NA BUKE.
HOOLAHAIA E KA PAPA HAWAII.
Baibala H@molele Nui @ gula nani me na ku-
hikahi ma na aoao…………………………………………………$12 00
“ “ Nui ili eleele kaekae wai gula………………………… 6 00
“ “ uuku iki @ “ “ ………………………… 6 00
“ “ pananaiki iho ili eleele ………………………………. 4 00
Kanoha Hou ili gaia nani me na kuhikuhi ………………………………. 3 00
“ “ eleele kaekae wai guia…………………………………… 1 00
“ “ “ …………………………………… 74
Kaooha Ho@ Hara Ilaoia………………………………………………... 75
Li@ Hawaii 1848 me ke ke@wai.............................................................. 26
“ “ 1836 ………………………………………………………. 26
Moolelo Ekalesia………………………………………………………… 60
H@ ili @ahiiahi…………………………………………………………. 10
Hele Mali@ ana…………………………………………………………. 24
No ko ke Akua ano……………………………………………………… 26
Li@ Kamelii……………………………………………………………. 26
Hoike Palapala Hemolele………………………………………………. 24
Mo@ o H@ Opokahala…………………………………………………. 26
Hoike Akua……………………………………………………………… 26
Wehewehehaia………………………………………………………….. 26
Ni@ Hoake @ manoanoa………………………………………………. 26
“ “ “ lahilahi…………………………………………………. 10
Kumumua K@ Sabati…………………………………………………… 10
Buke Lawe Lima………………………………………………………… 10
He Buke@ @ @........................................................................................ 10
Ui Kula Sabati He@ 2…………………………………………………… 26
“ “ “ “ 4…………………………………………………… 26
“ “ “ “ 5…………………………………………………… 26
Buke Kuanelio a @oane…………………………………………………. 10
Himeni Hawaii…………………………………………………………… 1 00
Himeni ! nani Hawaii……………………………………………………. 1 14
K@m@ @ Mei………………………………………………………….. 10
K@ @ Me@ Lii @ ……………………………………………………… @
Mae Hoonani…………………………………………………………….. 2@
W loaa no ma ke K@ Kuai Sake a ka Papa Hawaii
Na Kauoha Hou Pakeke.
IM G@ @ ………………………………………………………………. 1 50
IM @ ………………………………………………………………. 10
IM eleele………………………………………………………………… 2@
Kano@ H@ Pu@ @ @ He@
IM G@ @ ……………………………………………………………… 1 73
IM eleele @ …………………………………………………………. @
IM eleele……………………………………………………………….. @
Na H@ Pakeke.
IM G@ @ ……………………………………………………………… @
IM eleele kaukau wai @ ………………………………………………… @
IM @ ……………………………………………………………………. @
Ka H@ @ (@ @) ………………………………………………………. 2@
@ @ ………………………………………………………………….. @ @
“ “ “ @ @ ……………………………………………………… @ @
@ na @ @ @.
Palapala @
@ 4 - @
@ 6- @
@ 7- @
@ 11-@
@ 16-@
@ 17-@
@ 1@-@
@