Ka Nupepa Kuokoa, Volume XII, Number 17, 26 April 1873 — No na mea e pili ana ia Kipikona. [ARTICLE]

No na mea e pili ana ia Kipikona.

Ma ka Kipikona nupepa haole ka Nu Hou o ka Poalua iho nei, ua huhu loa mai oia ia makou, no ko ke Kuokoa noi akea ana aku i na kanaka Hawaii e hoike mai i ka moolelo pololei no kana mau hana e pili ana i ka aina o Palawai ma Lanai, mawaena ona a me na hoahanau moremona. Ua noi aku makou i ka lehulehu, no kona kukala akea ana maloko o kana nupepa haole, he hoaloha oiaio oia no ka lahui Hawaii, me ka olelo mai, aole oia i hana hewa aku i na kanaka maoli, a aole hoi oia i pomaikai mai a lakou mai. O kekahi kumu pu hoi o keia noi ana aku, no ka mea, ua laulaha ae kekahi mau lono no kana mau hana me na kanaka moremona Hawaii i manaoio ia ia, he luna maia Barigama Iana mai. Aole makou e lawelawe ana e hoike i kana mau hana, aia wale no a aa mai oia e hoole loa e like me na hoopuka olelo ana ma kana nupepa. O ko makou makemake ka oiaio wale no, aole o ka lono lauhea wale e hoounaia mai ana ia makou. Ua loaa mai nei he palapala ia makou mai ka peni mai a J. W. H. Kou o Laie, e piii ana i na hana mawaena o na moremonaame Kipikona. Aole makou i makemake e hoolaha i na moolelo i loaa mainei o ka Kipikona mau hana, aia a loaa he manawa nona e pane mai ai i na ninau i haawiia aku ia ia ma ka nupepa haole nana e pane mai. Eia ua mau ninau la malalo iho: 1. Aole anei i bapetizo o Barigama Iana i kekahi haole nona ka inoa Waiter M. Kipikona ma loko Paakai, " i kekahi mau makahiki he umikumamalua i hala ?" 2. Aole anei i holo mai o Kipikom i Hawaii nei i ka 1861, he elele na Barigama Iana, e halawai a e kuka pu me na haumana moremona ma Wailuku, Maui, oiai lakou e noho hipa wale ana no, aohe he " Kahuhipa?" 3. Aole anei i waihoia ma ko Kipikona lima na dala o na kanaki Hawaii moremona i houluulu ai, no ko lakou ike he elele oia na Barigama Iana; a ina pela, heaha ka hopena oia puu dala nui? 4. Aole anei i hoouna mai o Borigama lana he mau elele mai Loko Paakai mai e hoihoi hou 1 na dala a me ka waiwai o ka poe haumana o kona ekalesia ma keia mau mokupuni, a heaha ka mea i loaa i halawai aku me lakou? I ka wa e pane ia mai ai keia mau ninau a pau ma ke ano hoopololei a hoopono, alaila, e kamailio hou auanei makou mahope aku.