Ka Nupepa Kuokoa, Volume XII, Number 19, 10 May 1873 — He Palapala pili Aupuni. [ARTICLE]

He Palapala pili Aupuni.

Ma na eke leta hope loa mai nei i komo mai io kakou nei i keia mau la aku nei, ua lona mai i ka Moi kekahi leta oia ke kope malalo nei : j Keena Kanikela Hawah, ) Ladana, Mar. 22, 1873. \ E ka Makua :—Ke kapae ae nei au i na hoailona o ke kanikau ma ke kakau ana'ku ma Ou la, i ko'u hoomaikai haahaa ana'ku i na makaainana Hawaii no ka hololea maikai o Kou noho ana'e i ka Noho Alii. He mea hanohano a oluolu hoi no'u ka hoikeike ana ae i na Moi ekolu o Hawaii ma Beritania Nui nei. ika nana ana aka i hope i ko lakou mau neho'na aupuni, ua hiki no ia'u ke ike iho hookahi mea minamina, oia no ka hoopokole ia ana o ko lakou mau ola. O ke koloka hoi o ko lakou hoomaikai lahui ana, e hohola maikai mai auanei mai a Oe ponoi mai e ka Makua ; ua maopopo ia īa'u. O kou ola hoi, e hooloihiia aku mamua aku o na makahiki i noho ai kou inau Hoa Alii mua ; a, o ka maiuhia me ka hoolaulea oluolu ana, a me ka manao maikai o na lahui e a pau, e hookahua ia no ia maluna o ka aina Au i aloha ai; oia ka pule huahan a Kau Kauwa hoolohe e ka ivlakua. (Kakau inoa ia) Manley Hopkins. He mau palapala hoalohaloha kekahi no 4a palapala hoomaikai hoi kekahi i ka Moi Lunalilo, i hiki ae ma ke keena o ko na Aina e, mai na Kanikela mai oka Moi e noho la ma Nu ioka, Parisa ame . Hamebuga. Pela no hoi mai na Kanikela mai o Sidane, Honokj*ona, a me na wahi e ae i noho ia e na Luna Aupuni Hawaii. Ua hoouna mai lakou a pau ina hoomaikai ana no ka Moi a ke ao holookoa i makemake ai. Ua hoohauoli nui ia ka Moi no keia mau hooinaikai ana, mai nef kihi mai a pau o ka Honua.