Ka Nupepa Kuokoa, Volume XII, Number 21, 24 May 1873 — Make i Alohaia. [ARTICLE]

Make i Alohaia.

He wahi moolelo no M. Kahooukunui, ka mea i hele aku i ke ala hoi ole mai. Ua hanauia oia ma Waikolu, mokupuni o Molokai, i ka la 10 o Aperila 1852. A o ka nui o kona mau la ma keia ao, ua like me 21 makahiki me na la he 11, a hele aku la i ka aoao mau o ka honua, ka pahu hopu o ko ke ao nei. I ka 18 o kona mau makahiki, ua mare ia oia me S Kaholokula o Kalae. He ekolu wale no makahiki oko laua noho pu ana, a haalele mai la oia i kona hoa pili, a hele la i ka hale kokoolua ole. O kona noho ana ma keia h0nua, ua ikeia kona ano, he wahine oluolu, malama kane, aole kue, aole paio, aole he wikiwiki ma ka olelo, malama ohana, i na mua a me na hope, i na kupuna a me na makua ; he makua no ka lehulehu, he oluolu ma ka hookipa ana, aole i like ka nui o na wahine ma keia wahi, e like me Kahooukunui, nolaila, ua haku iho no makou i mau lalani mele kanikau nona, a eia iho no ia malalo iho nei. Kanikau aloha no M. Kaukunui, Kuu wahine mai ka moku o MolokainuiaO ia mokupuni hoohuelo i ka ili kai, [hina, Me he hae kalaunu la e welo ana i ke kai o Kaiwi, I ka waiho kahela mai a Laeahi i ka mal@@ [missing line] Auwe kuu wahine, kuu hoa luhi hoi, Hoi inea ma na hana o ke kino, Kuu wahine mai na pali hauliuli o ke kooMai ka ua koiawe mai i na pali, [lau, Ke hoopulu mai la i ka lau o ka awapuhi, Mai ka uka anu o Kiao, | Aloha ia uku ili one a ke anu i noho ai, Auwe kuu wahine hoala o ke kulu aumoe, O na po loloa o ka hooilo, Kuu wahine mai ka makani kilioopu o MaMai ka piina ikiki o Ahina, kalauhoa Mai ka wai au o Moaula, Mai ka piha kanaka o Kaaiea, Mai ke kai leo nui o Pohakuloa, E wawalo ana i ke kumu o na pali, Mai ke ala lipoa i ke kai o Kepeno, Auwe kuu wahine, kuu hoaloha hoi, Hoa pili o na wahi ke hele ia. Kuu wahine mai ka la wela o Mahulile, Mai ka piee uwa lua o Kalawao, Mai ka ua kualau ma ka moana, Mai na pali huli lua o ka aina, Alohn ke kula o Koloa ke hele ia, Auwe kuu wahine, kuu minamina pau ole, Kuu lei mae ole mai ke kau a kau, > Kuu wahine mai ka piina ikiki o PuupaneeHele aku o ka olu malu kukui, [nee Ko mai ana ke ala onaona o ka nahele, Ke ala o ke kupukupu ku i ka pali, Me ke ala o ka maile hihi i ka nahele, Hoomaha aku i ka luna o Kilohana, Ilaila kuu ka luhi ka maloeloe, Huli aku na maka nana i ka hikina, [nai, O ke ani peahi mai a ka olu makani malaA ke aheahe malualua a ke koolau, Auwe kuu wahine, kuu hoa hele o ke kula wela o Kalaeloa, He loa ia kula a kaua e hele ai, Kuuhoa mai ke kula pili enaena i ka la o ka makalii, I hoona e maha i ka olu malu o ka hekuawa, Wawa loko kupilikii i ke aloha, Aia aku nei paha oe me Hiikua i ke ku lono, E walea ana me kela wahine kui pua, I lei hoonani no ke ahiahi, Auwe unu wahine, kuu hoa pupuu o ke anu, Oia uka lihau anu kokoo'u, Heahi hoi kahi kapa e mehana ai, Kuu wahine mai ka uka anu o Maunahui, Ua hele wale a komo poho i ka wai kehau O ia uka anoano mehameha kanaka ole, I hoolaukanaka i ka leo o na manu, Me ka leo o ke kahuli e wawalo ana iluna o ka lau akolea, Auwe kuu wahine, kuu hoa hele o na kai a me na moana Hoa puili lauawa o ka nahele, Kuu wahine mai kealapupukihia i Molokai, Mai ke kai hawanawana o Kapalaoa, Mai ke one poho o Kawaaloa, Mai ka piina olu o Keonelele, Aloha ka luna o Moohalaia anapa i ka la, Aloha o Kaa a me Kanaha e waiho nei, Aloha ke kula o Kaiolohia, i ka hulili nopu wela i ka la, Aloha na lai elua a ka manu, Auwe kuu wahine, kuu hoa hele o ia kaha ai ole, Hoa nana i na hono o Piilani, Kuu wahine mai ka makani kele l@a i ka ihu o na waa, Mai ka ua koko ula ma ka moana, Mai ka ua nee anu o ka mauna, He kilikili hau mai la i ka liko o ka ohia, Aloha kuu wahine hoa pili o ka ua me ka la, Le anu nie ke koekoe, inea poniuniu, Ke huli ae nei au aole oe, Hopu hewa ana au o ko kino wailua, A hiki mai ko oloha e uwe au, Auwe kuu wahine—e—a. HOLOKULA. Waikolu, Molokai, Aper 25- 1863.