Ka Nupepa Kuokoa, Volume XII, Number 33, 16 August 1873 — Page 4
| This text was transcribed by: | Keoahunui Warrington |
| This work is dedicated to: | Ko'u Makuahine-Lavaina Kia |
Ka Nupepa Kuokoa
KE KILOHANA POOKELA NO KA LAHUI HAWAII.
Sing Aloud His Praises. *
PURE DIAMONDS, p. 50
1.
Hui na kamaiki,
He aha oli e,
E mele i ka Haku ia Iesu.
Mele ae a nani,
Hooho oli ae,
A o ka lani i ua halelu.
Cho. Mele ae a nani,
Mele ae a nani,
Mele ae a nani ke Lii Iesu.
Mele ae a nani,
Hooho oli ae,
A o ka lani i na halelu.
2.
Launa mau Iesu la
Ke ala a moe no,
A kiai i na hele nei a pau.
E hoonani aku
I keia Lii maikai,
Nana no e kaikai i ke ao.
Cho. Mele ae a nani, &c.
3.
Mele oli aku,
Hookani nui ae,
Hooho oli, oli, oli e.
Make no Iesu la
I pau oa hewa nei.
Mele, Mele iaia a mau ae.
Cho. Mele ae a nani, &c.
4.
Mele na kamaiki,
Na pokii kula nei,
Ku like no a mele oli ae.
Mele ae a nani,
Hoomaikai i ke Lii,
Me na kini nani maluna'e.
Cho. Mele ae a nani, &c. HAWAII.
*25 Copies.
HAAWINA KULA SABATI.
HELU 34, SABATI, AUGATE 24.
KUMUHANA -NA KAHUA ELUA.
Pauku Baibala.-MATAIO 7: 21-29.
21 O ka poe e olelo mai ia'u, E ka Haku, E ka Haku, aole e pau lakou i ke komo mai iloko o ke aupuni o ka lani; aka, o ka mea e malama i ka makemake o ko'u Makua iloko o ka lani.
22 He nui ka poe e olelo mai ana ia'u no ia, E ka Hoku, E ka Hoku, aole anei makou i ao aku ma kou inoa? i mahiki 'ku hoi i na uhane ino ma kou inoa? i hana aku hoi i na hana mana he nui ma kou inoa?
23 Alaila e hai aku au ia lakou, Aole au i ike ia oukou; e haele oukou pela mai o'u aku nei e ka poe hana ino.
24 Nolaila hoi, o ka mea lohe i keia mau olelo a'u, a malama hoi ia, e hoohalike au iaia me ke kanaka naauao, nana i kukulu kona hale maluna o ka pohaku.
25 A haule mai la ka ua, kahe mai la ka wai, nou mai la ka makani, a pa ma ua hale la, aole nae ia i hiolo; no ka mea, ua hookumuia oia maluna o ka pohaku.
26 A o ka mea lohe ia mau olelo a'u, a malama ole hoi ia, e hoohalikeia hoi ia me ke kanaha naaupo, nana i kukulu kona hale maluna o ke one.
27 A haule mai la ka ua, kahe mai la ka wai, nou mai la ka makani, a pa ma na hale nei, a hiolo iho la ia; nani wale kona hiolo ana.
28 A hooki ae la Iesu ia mau olelo, kahaha iho la na kanaka i kana ao ana.
29 No ka mea, ao aku la ia ia lakou me he mea mana la, aole e like me ka poe kakauolelo.
Pauku Alakai. Pauku 21. O ka poe e olelo mai ia'u, E ka Haku, E ka Haku, aole e pau lakou i ke komo mai iloko o ke aupuni o ka lani; aka, o ka mea e malama i ka makemake o ko'u Makua iloko o ka lani.
Pauku hui lahui. "Aia hoi, Ua hoonoho wau ma Ziona, i pohaku kumu no ke kihi, i waeia, a he mea waiwai io; a o ka mea
manoio aku iaia, aole ia e hoohilahilaia." 1 Petero 2: 6.
Mele-Himeni 229. Leo. Rosefield, C Sacra p 195.
Pule-i kukulu na haumana maluna o Iesu.
NA NINAU.
P. 21. Na Makua. Heaha ka haawina ma kela pule ? Paanaau ia pule i na kanaka, i na kamalii he lehulehu loa, a pehea ? E ola ana anei lakou a pau ma ko lakou kahea ana, E ko makou Makua iloko o ka lani? A, o ka poe e pule ana, E ka Haku, E ka Haku, e pau ana anei lakou i ke komo ana aku iloko o ke aupuni o ka lani? No keaha ka pau ole? No ke pule waha wale iho no paha. He pule aha ka oukou? Owai kela poe e noi ana, ma Mataio 25:11,12? Ua hooloheia anei ka lakou pule?
Na Keikikane. Owai ka poe e komo 'ku ana iloko o ke aupuni? Heaha ka makemake o ko Iesu Makua? Owai kona Makua? Aia oia ihea? Ke malama nei anei oukou i kona makemake? Hai paanaau mai Roma 2:13. Iakobo 1:22. O ka lohe wale, a pule wale me ka malama ole, hiki ke ola malaila?
P. 22. Na Kaikamahine. Nui anei ka poe pule? He poe pule wale no anei lakou? Heaha kekahi mau hana a lakou? A hea lakou e hoopuka aku i ka lakou mau hana? Ma ka la hookolokolo paha. Imua owai? Me ka manao e aha? E olu puha ma ia mau hana. Hiki anei i ka poe hewa ko ao i Iesu olelo, a hana i na hana maua, a hele i ka ahaaina a ka Haku? Ae, pela o Balaama, Nahelu 24:4. a pela o Kaiapa, Ioane 11:51. Pela no hoi o Iuda Isekariota. Pela kekahi poe ma I Kor.13:2 Nui wale hoi ia poe. Pela anei kekahi hapa o oukou? A e ola ana anei ma ia mau hana ke noho mau iloko o ka hewa?
Na Pokii Pule anei oukou? Heaha ka oukou pule? E ka Haku, E ka Haku, e aloha mai oe ia makou, i na pokii, e hoola mai ma o Iesu la, Amene. Hele anei oukou i ke Kula Sabati, a i ka halawai, a ao ma ka Iesu olelo, heluhelu, himeni, hoopaanaau i na pauku Baibala? Ae, pela mau. Oia anei malaila? Aole ola ke hana hewa me ka mihi ole. He wahi maikai anei ke aupuni o ka lani? Makemake anei oukou e komo iloko? Pehea e hiki ai? Owai ko oukou Makua ma ka lani? Heaha kona makemake? E noho pono makou, e hana maikai, e hemolele e like me kona, e hoolealea iaia. Ae, pela. A hana ole oukou pela, e hiki anei ke noho pu me ia ma ka lani? Hoopaanaau i ka pauku 19 o ka mokuna 7.
P. 23. Na Makua. Owai keia mea e hai aku ana? Ma kona ano aha? E hai aku ana ia wai? Heaha kana e hai aku'i? E hoole ana i ke aha? Aole au i ike, aole anei o Iesu i ike ia lakou? Ua ike no ma kekahi ano o ka ike; ua ike i ko lakou mau inoa, i ko lakou mau hewa olelo hewa, manao hewa; aka, o ka lakou mau ha nana pono, manao pono, aole oia i ike. No ke aha ka ike ole? No ka ole noi A pehea ko lakou mau inoa? Ua ike anei oia ua paa ma ka buke o ka poe pono? A pehea ka poe i paa ole ilaila? Hoik. 20:15. Heaha ka Iesu e kena aku ai? E haele mai hea aku? A i hea? Ka poe hea? No ka manawa hea keia kipaku ana aku? E nai paanaau mai, 2 Tesalon 1:9.
P. 24. Na Keikikane, keia mau olelo a'u, heaha ia mau olelo? Na olelo mai ka mokuna 5 mai. Ua lohe anei oukou ia mau olelo? Ae, ua lohe, ua heluhelu, ua hoopaanaau i kekahi. A ke malama nei anei oukou i keia mau olelo? O ka poe malama, ua like lakou me wai? Ma ke aha i kukulu ai ke kanaka naauao i kona hale? He hale aha keia? He hale Iesu paha, he hale pohaku paha. Pehea ka hale pili, hale lauhala, e like me ka nui o ko Hawaii nei mau hale? Imi no ke kanaka naauao i kahua paa no, aole i kahua one a pohopoho. Ma ka hoopili ana, ka hale, ke kukulu ana, ka pohaku, heahaia? Ka Hale, oia na hana e ola'i; ke kukulu ana, oia ka hana ana ia mau hana, ka pule, mihi, manawalea, kula, haawai, ahaaina; ka pohaku, oia no o Iesu me kana olelo. Hai paanaau ia, Epeso 2:20. i Kor. 3:11.
P. 25. Na Kaikmahine. Pehea ku hale i kukuloia maluna o ka pohaku? Hina nae i kekahi manawa na hale maoli i na makani, i na olai. Ma ka hoopili ana, heaha na wai a me na makani? Na hoowalewale, na hoomaau, na enemi o keia no, Satana ma. A ala kue mai keia mau mea, pehea kou hale, kau mau hana, pule, manaoio, manaolana? Paa no, mau no, aole o'u maka'u a haalele. No ke aha? Hoopaanau. Mat 16:18. Ae, e lanakila ana oe.
P. 26. Na Pokii. Elua no kahua o na hale. Heaha heaha? He pohaku, he one. Ua ike anei oukou i na kanaka e kukulu ana i na hale? Ae, ua ike au i ko'u makuakane e kukulu ana i hale laau. Heaha kana hana mua? Ua imi ola i wahi maikai, i wahi paa, a ua hoonoho i kahua pohaku, kahi paa e kau ai na kua. Ina pela, naauao kou makuakane ea? A e aha ana kona hale ke haule mai ka ua, nou ikaika mai ka makani? Ina makemake oukou e paa ko oukou mau hana, e maikai, a e kupaa oukou ke hiki mai na ino, na mea hoowalewale, a hoino paha, heaha ka pono? E kukulu maluna o Iesu ka pohaku, e hoopili mau iaia, e malama i kana mau olelo.
Ae, naauao oukou ke hana pela, a ola hoi.
Na Makua. Hai mai i ke ano o ke kanaka naaupo, kahi i kukulu ai oia i kona hale, ka hope o kona hale ke haule mai ka ua, a nou ka makani. Ka naaupo owai ka i hoohalikeia me keia? Nui anei ka poe naaupo? Ma ke aha i maopopo ai e kukulu ana kakou maluna o ka pohaku paha, ke one paha? Heaha ke one i pono ke makau nui ia? Ka hookamani, ka hana wale, ka pule wale, himeni wale, paipai wale me ka manaoio ole? A, o ke kuhihewa kekahi.
P. 27. Na Keiki a pau, Pehea ka hale i kukuluia maluna o ke one? A pehea oukou ke kukulu maluna o ke one, maluna o ka palaka, maluna o ka oukou mau hana maikai, a hoopoina ia Iesu, a malama ole iaia? Hiolo paha makou a make mau loa.
P. 28, 29. Hai mai ia mau pauku. Pehea ka loihi o keia haiolelo a Iesu? Ekolu mokuna. Mokuna V, VI, VII. Kahaha na kanaka i lohe, no ke aha? Mana Iesu, mana kena olelo, ano hou, ekahi no a lohe ia kekahi. Hai paanaau mai i na pauku alakai, a me ka pauku hui lahui. Na manao pili noloko mai. Mele-Himeni 572.
Pule i naauao kakou a pau a malma i keia mau olelo. HAWAII
Na kokua mahina hou
E lawa ana anei ia no ka oihana misiona ma ka mak. 1874?
E nana kakou imua, a i hope, a i keia wa hoi.
Eia imua o'u ka papa helu kokua mahina hou no ka makahiki i hala, oia hoi ke kokua i ka Papa Hawaii i ka hoolaha ana i ka malamalama i na aina pouli. Ma keia papa helu, ua ikeia.
1. 50 wale no ekalesia i hoike i ko lakou mau kokua mahina hou a pau. 9 ekalasia i koe a ole i hoike i ko lakou kokua.
Eia ua mau ekalesia nei i hoike ole. Kaupo, Kahuku, Hauula, Niihau. Hoike hapa paha, Hakalau, Opihikao, Puula, Ewa, Waikane. Ua kokua paha oukou a pau, aole nae i paiia ke kokua o na ekalesia mua eha. Ua paiia kekahi hapa paha o na ekalesia hope elima.
2. Ke kokua o na ekalesia he 50 $5 982 85
Ke kokua o na ekalesia 5. . . . . . . 131 15
Huina . . .$6 114 00
Heaha la ko oukou mau kokua, e na ekalesia eha? Ua 100 paha dala. Ina ua loaa e hoihoi aku i ka Papa Hawaii, i paiia.
3. Ua ikaika no kekahi mau ekalesia i ke kokua i ko na aina e. Eia na ekalesia ikaika. Hilo 1 200 00 Kohala Akau 1.15882, Kawaiahao 400 00 Lahaina 319.00 Waimea Hawaii 373,25, Olowalu 249 00.
Hilo ke poo ma ka puu dala. Waimea Hawaii nae ke poo ma ka awarika ana. 7 ekalesia mawena o ka 100, me 240 dala, 42 okalesia mawaena o ke ono a me ka haneri dala. Mahea na ekalesia eha i koe?
4. Aole i hemahema ka Papa Hawaii i ke dala ole i ka makahiki i hala a hiki ole ke hana in na hana misiona i pono ke hanaia, ka hoouna aku i na misionari i na aina e, me ka malama i na misionari Hawaii e noho ana ma na aina e. No ke aha nae kahemahema ole? No ka nui o ke kokua mahina hou i kela makahiki aku, he 10 000 dala ia a oi aku.
Aole i pau ia mau dala i ka lilo ma ia makahiki; 4.000 paha dala i koe no keia makahiki i hala, a e holo nei. Mai pilikia no ka Papa Hawaii, ina aole o keia koena. Aole i lawa na dala 6,000 i loaa iloko o keia makahiki i hala no ka hana misiona a ka Papa Hawaii. Pomaikai ka Papa no keia koene. Pau pono na hana, a komo lanakila iloko o ka makahiki hou me ka nie ole, me ke koena dala hoi. Na Papa Misiona ma Amerika, ma Europa, pilikia pinepine lakou, komo pinepine iloko o na makahiki hou me ka aie no.
Lanakili ka Papa Hawaii. Aole ona aie.
E hoomaikai aku kakou i ke Akua no keia lanakila.
A, pehea keia makahiki e holo nei ; e lawa ana anei ke kokua misiona no na hana misiona i pono ke hanaia?
E hoomanao, he mau misionari hou eiwa me na wahine, na keiki, e hoouluului 'na malalo iho o na eheu o ka Papa Hawaii. No Samoa keia mau misionari hou e hana ana nae me na misionari Hawaii ma ka hapa hema o ka Pae Aina o Gilipati. Ma ka Akau, o Kanoa ma, ma Butaritari &c:
He mau misionari Hawaii hou kekahi i makemake ia no Maikonisia a no Nuuhiva. E umi ana paha na kausani dala a kakou e imi ai, e haawi ai no ka Papa Hawaii i keia makahiki hou. I puunaue like ia iwaena o na ekalesia 59 $170,00 ia no ka ekalesia hookahi.
A puunaue like ia iwaena o na hoahanau 13.000. Ua like ia me ekolu hapaha no ka hoahanau hookahi, a ua like ia me ka hapa umi hookahi no ka malama hookahi.
E ala like, a hooikaika like, me ka paulele nui i ke Akua, me ke aloha nui i ko na aina e, a e loaa no ka 10,000 dala.
HAWAII
Helu anei ke Akua?
Ae, helu no ke Akua. Aole nao oia i helu e like me ke kanaka; ekahi, elua, ekolu, eha ; alua lua eha ; elua kolu eono. He lohi ko ke kanaka helu ana, a lalau i kekahi manawa, a poina, a haule kekahi hua helu i kekahi manawa ; a akaka ole hoi i kekahi manawa ke lilo, ke aihueia kekahi hua.
Aole pela ko ke Akua. Akaka koke ia ia ka nui o na hua, o na dala, &c , me ka helu pakahi ole. Akaka koke ke lilo kekahi.
He makuahine ko Kale, laua me Kini. Ua wiho oia i'ka ipu-i piha i na popo moa ono maluna o ka pakaukau, me ka papa aku ia laua, mai ai olua i kekahi popo mea ono o keia ipu.
Mahope iho, nana o Kale i na popo mea ono, a o kona lima e lalau. Papa mai la o Kini, ke kaikuahine, mai lalau oe, o huhu mai ko kaua makuahine. Kahaha, aole pa ha oia e ike ke laweia i hookahi wale no popo ; aole paha oia i helu i ka nui o na popowahi a Kale. Pela paha, aole akaka ua helu oia i ka nui, aka, na papa mai oia ia kaua, mai ai olu i kekahi o keia mau popo mea ono. A makemake anei oe e hookuli, a lilo i keiki kolohe? A, o ke Akua hoi, na helu oia i ka nui o na popo ; akaka ia ia ke lilo kekahi, wahi a Kini.
Hoihoi aku la o Kale i ka popo ana i lawe ai, me ka olelo, oiaio, e Kini, ua pololei oe, ua heluhelu au, ua helu ke Akua i na hoku, a kapa ia lakou ma ko lakou mau inoa ; a na pau hoi i ka helu ia e ia na lauoho o ke poo.
I kekahi la, hoi mai kekahi makuahine i kona hale, he keiki uuku no kaua, olioli oia mamua aku, ke hele aku ka makuahine a hoi mai, holoholo oia a lelele iluna, a hooho oli, a apo, a houi i ka makua.
Aka, aole pela oia i keia wa. Kulou kona poo ilalo, aohe nana pono i ka makuahine, aole holo e halawai pu, e honi aku. Kahaha ka makua, heaha la ke ano? A ahiahi loa, a makaukau ka makuahine e moe, kolo na keiki nei a kokoke loa ia ia, ninau aku la, e kuu makuahine, hiki anei i ke Akua ke nana ma kahi puka liilii, a ike mai ia'u?
Ae, hiki no, A hiki anei ia ia ke ike mai ia'u ke poali loa? Ae ka makuahine, ae, hiki ia ia ke nana o ike ia kakou i na wa a pau, a ma na wahi a pau.
I na pela, wahi a ke keiki uuku, ua ike ke Akua ia'u, a pono ia'u ke hai aku i ko'u hawa ia oe. I kou hele ana iwaho, lalau au i kekahi popo mea ono, a ai au ia a pau.
Kaumaha loa au, e oluolu oe, e kuu makuahine, e kala mai i ko'u hewa. A haule oia ma kona poli, a uwe nui wale.
Ea, heaha ke kumu o ko keia keiki lawe malu ana a ai i keia popo mea ono? Eia paha, o kona hoomanao ole, a makau ole i ke Akua. Hoopaanaau, Kinohi 39:9. "Pehea la wau e hana'i i keia hewa nui, a hanaino aku i ke Akua?" Halelu 111:10. "O ka makau aku i Iehova, oia ke kumu o ke akamai." HAWAII
Ka huli ana make kea.
Owai keia huli? Ma ke aha ka huli ana? Ma ke aha i maopopo ai, na huli io oia? Heaha ka manao pili?
He kanaka powa, he kanaka hewa loa, a hoahewaia e make ma ke kea.
Ekolu lakou; keia kanaka ma kekahi aoao, o kekahi powa e ae ma kekahi aoao, a o Iesu mawaena. Ma ka nana aku, ho kanaka e keia no Roma, he kanaka hoomanakii. Pela kona hoa powa. Ua ae ka mua i kona hewa, a me ka pono o kona make ana ma ke kea. Ia ia e kau ana ma ke kea, ua ike oia ia Iesu, ua lohe i kana mau hua olelo, ua ike i kona akahai, na lohe i kana pule no kona poe enemi, ua maopopo ia ia, e make ana Iesu me ka hewa ole. Aole nae oia i huhu, a ohumu, a olelo ino.
O keia mau mea ana i ike ai, a lohe ai, oia paha ke kumu o kona huli ana, a paulele ia Iesu, a noi aku ia ia e hoomanao ia ia, ke hiki aku oia i kona aupuni.
Ua maopopo, he mihi io, he paulele io, he noi io kona, ma ka Iesu olelo ana ia ia. "I keia la, one pu kekahi me au iloko o ka Paredaiso." Luka 28:39-43.
Ua ole keia powa, ua laweia aku i ka lani, me ka bapetizo ole ia, me ka hele ole hoi i ka ahaaina a ka Haku.
Eia na manao pili! Hiki no i ka poe hewa loa ke mihi, a huli, a manaoio ia Iesu, a ola. 2. Pono ke pule nui no ka poe hewa loa, ka poe iloko o na hale paahao, i mihi a ola lakou ; a imi hoi i ka mea o ola'i, a hele e ike, e paipai, e haawi i na palapala heluhelu, i ka Baibala, &c
3. E noho akahai, a oluolu, a hemolele imua o ka poe hewa ke hana ino ia, &c ; malama e lilo ia i kumu e huli mai ai lakou.
4. Ua like pu paha ka hewa o na mea elua, aka, lawe ia kekahi no Iesu, a waiho ia kekahi no ka diabalo.
5. Mai manao kekahi e kali a hiki i ka hora hope, alaila huli, a mihi, a paulele ia Iesu a ola. Ola keia powa, no ka mea, he hapa kona ike, kona lohe. Nui loa kou, ka mea e hoopanee ana. Mai aa e kali, o like auanei oe me na powa elua.
HAWAII.
Na kokua. E hele anei imua? I
hope paha?
I kou nana ana i ka papa helu kokua no ka makahiki i hala, ua ike au i na kokua o na ekalesia Euanelio he 55. Eha ekalesia i koe, aole akaka ko lakou mau papa helu kokua. Nolaila, ua hemahema hou au i ka wehewehe ana i kuu manao no na kokua.
Eia ka huin kokua o na ekaIesia 55 $26 993.57. Oukou, na ekalesia eha, Hakalau, Ewa, Hauula, Niihau ; heaha ko oukou mau kokua i ka makahiki i hala? 'Malama aia iwaena o oukou ka helu I, oia hoi ke poo o ka papa kokua. No ka maopopo ole o ko oukou mau kokua, akaka ole ko oukou helu. Ina kau ka helu I maluna o ka ekalesia kupono ole i ko oukou manao, mai hoohalahala oukou, aka, e hoomanao, a hoopiha i ko oukou mau papa kokua i keia makahiki.
Ma ka mahele ana i na kokua mawaena o na mea i kokuais, penei ke ano;
Ka hanai Kahu . . . . . . . . . . . . . . . .$8 164 36
Dela Luakini . . . . . . . . . . . . . . . . . 8.898 21
Papa Hawaii . . . . . . . . . . . . . . . . . . 5.982 85
Kela mea keia mea . . . . . . . . . . . . . 3.948 15
Huina . . . . . . . . . . . . . . . . . . . . . 26 993 57
No ka halekula kahunapule . . . . . . .1 597 47
Huina pau loa . . . . . . . . . . . . . . . $28 591 04
Eia na ekalesia e kau poo ana ma ka avarika ana i na kokua.
Kawaiahao Helu I, oia hoi ke poo o ke kokua huina.
Kahana Oahu " I " kokua . . .Kahu.
Waihee Mau " I " " luakini.
Waimea Haw. " I " " Mahina H.
Waimea " " I " kula kahunapule.
He mau ekalesia e ae e kau ana ko lakou helu kokua ma kahi kiekie no.
Eia na ekalesia ikaika i ka hanai kahu:1 Kahana, 2 Waimea Kauai, 3 Waimanalo, 4 Waihee, 5 Lahaina, 6 Olowalu, 7 Kona Waena, 8 Kapalilua, 9 Kohala Hema, 10 Kawaiahao, 11 Kaumakapilil Ko lakou nei hanai kahu, iwaena ia o ka 100 a me ke 1000 dala. 1000 dala ka palena luua, a he 100 dala ka palena o lalo. Ka hanai kahu o na ekalesia e ae, aia no ia iwaena o ka 16 dala, a me ka 100 a oi paha ma ka makahiki. Ola anei na kahu i na dala 16, 20, 50, 70, ma ka makahiki okoa? Pololi paha lakou, uwe paha no ka ai ole, hale ole, lole ole, dala kokua ole.
Aia mai oukou, na ekalesia o Kahuku, o Kealakekua, o Kalapana, o Kailua, Laupahoehoe, Puula, Honokohau, me na ekalesia e : e e hanai lawa ole ana i na kahu, e hoolawa i ke ola o lakou, i mau ko lakou ikaika, a me ko lakou noho pu ana me oukou. Mai hoopaa i ka waha o ka bipi i ai ole oia i ka hua huita. Mai hoopololi i ka paahana. Hiki anei ke pololi? Hoihoi anei ka paahana i ka hana ke lo ia ole ka aku? Oluolu anei ka Haku nui ke hooko ole oukou i ko oukou hoohiki e hanai pono i ke kahu ekalesia? E kau ka mahaloia maluna o oukou, na ekalesia hanai pono i na kahu. A i makemake oukou e na ekalesia hanai ha pa e mahalo puia, e ala, a mihi, a hoohalike me na ekalesia hanai pono Mai hoohalike me Kaina, a huhu i na ekalesia i mahaloia, a hana ino aku ia lakou; Aka, e kii i na mohai, i na hapaumi i koe, a hoihoi aku i na kahu, i oluolu mai ke Akua, a hooki i ka laha ana o ka mai lepera, a wehe i na puka o ka lani, a ninioi mai i ka na o ka Uhane Hemolele, a hoohuli nui mai i ka poe hewa ma ka pono. HAWAII
E nana i ka Papa Helu o na Ekalesia Hawaii no 1972-73
Ma ka nana aku, Eia na mea i ikeia:
1.-59 Ekalesia Euanelio ma Hawaii nei. 53 ekalesia ka i hoike i ko lakou papahelu. 6 ekalesia ka i hoike ole i ko lakou.
2 - 12 283 hoahanau hihia ole iloko o na ekalesia hou. 53. Ehia hoi hoahanau iloko o na ekalesia 6 i koe?
Ma ka nana aku i na papahelu o na makahiki i hala, ua loaa 790 ma ia mau ekalesia. Nolaila, ua 13,000 paha a oi ae na hoa hanau e noho pono nei.
3 -355 hoahanau hou ma na ekalesia he 53 Ehia la ma na ekalesia 6 i koe?
4.-109 hoahaoau i haule mamua, a mihi, a hoihoiia mai iloko o na ekalesia 53. Ehia iloko o na ekalesia 6 i koe?
5 - 3,100 hoananau i haule a mihi ole e koe ana mawaho o na ekalesia 53. Ehia la ia poe ma na ekalesia i koe?
Mai kuhihewa kekahi poe, a manao, o keia poo i haule a mihi ole, no ka makahiki 1872 & '73 lakou. No na makahiki he 40, a 50 paha ia poe.
6. - 300 a oi iki paha ka poe hoahanau i haule i kela makahiki i hala aku la.
No na hoahanau keia papa hoike o ka'u hoike ana. Ke ike nei kakou i keia mau mea,
1. Ua hemahema ka papa helu no ka haule ana o na papa helu o na ekalesia 6. Eia ua mau ekalesia nei: Hakalau, Kaanapali, Ewa, Hauula, Anahola, Niihau, Auhea na kahu, na luna o keia mau ekalesia? E makaala, e hoopiha i ko oukou papa helu no ka makahiki 73-74 i maopopo ka nui o na koa kupaa, na koa hohe a haule, na koa hou, &c. &c.
2. Uuku na koa hou; 53 ekalesia, 12,000 koa me na luna koa ; 355 wale no na koa hou. Ane 7 koa hou ma ka ekalesia hookahi. E aho iki ia i ka ole loa. A pono hoi ke hoomaikai aku i ke Akua no kona haawi ana mai i keia mau hua uuku.
Ke kihapai o A. Pali oo Waioli ka oi ma oa hua ; he 39 koa hou olaila ; 33 Honuaula ; 31 o Hilo ; o laua like me Lihue Kauai ; 24 o Anehola. &c. &c.
Aka, he 18 kihapai, aole akaka he mau hua hou o lakou. He mau hua hou paha, aole paha. Oia ka mea e kaumaha ai ka naau o ka poe haipule.
3. Nui ka põe i koe mawaho o na Ekalesia euanelio. He mau tausani ekolu a oi aku o na hoahanau i haule a mihi ole. He mau tausani he kanakolu paha o na kane a wahine Hawaii a hapa haole, i kupono i ka huli, i ka mihi, e noho ana nae me ka huli ole, a mihi ole. Pau anei ka kakou hana e na hoahana he 13,000? Ua hiki mai anei ka Iubile ma Hawaii nei? Ua pau anei na pio i ka hoi iloko o ke aupuni o ke Akua? Ua haule anei na Babolona, na hoomana kue i ke Karistiano oiaio? Ua paa anei ka Deragona nui ulaula iloko o ka lua hohonu? Ua pau anei ka hewa? Ua lanakila anei ka pono io? Aole paha. Nui ke kaua i koe. Nui na enemi e kaua mai ana i ka pono, i ke aupuni o Iesu. I kaikai lakou, makaala, eueu, e holoholo ana io ia nei, i ke ao, i ka po, i uka, i kai. E hiamoe anei kakou? E noho wale anei? E hohe anei a kumakaia i ke aupuni, i ka Haku ia Iesu, iloko o ka lima o ka enemi? Eia, ano ka wa e ala'i, e nauwe like aku, e kaua aku, e ulupa aku i ka enemi, a e hoihoi i na kipi iloko o ke Aupuni o Iesu.
HAWAII
Na kanaka opiopoi ekolu
I kekahi la iloko o Okatoba, ua hopuia na kanaka ekolu ma ke kuianakauhale o Busetone no ka pepehi kanaka. Puiwa koke mai ka lahui kanaka ; a weliweli na manao o na luna hooponopono nupepa, no kamahuahua ana o na hana ino iloko o ke kulanakauhale. O na mea i hopuia, he mau kanaka opiopio, a o ka ona rama ke kumu o ko lakou hewa. Ina aole lakou inu i na mea e ona ai, aole lakou e hookahe i ke koko o na hoahanau.
Kekahi o keia poie pepehi, he luina no ia; iloko o ka huhu, ua o aku oia i kekahi kanaka ma ke alanui, me ka pahi. A pau kona ona a pau pu kona huhu hale ole, a pololei hoi kona manao, ua weliweli oia i ka hewa ana i hana'i a ike ia ia ihu he mea pepehi kanaka. Nana ae la i kekahi makamaka me ka menemene, i aku la oia, "Aole wau ka mea i hana ia mea, 'o ka rama no."
O kekahi Beritania opio, i kona wa pupule i ka ona, ua pepehi oia i kona kaikaina, ka mea ana i aloha nui ai
Kakahiaka ae, ua ike oia i ke koko ana i hookahe ai ia po ; a ma ia hope mai, he poeleele ke ola ia ia. Ma ka hookolokolo ana, ua hoahewaia oia e li ma ka ai a make. I kona ku ana ma ka awai, ua ninauia oia penei; "He wahi manao hai aku anei oe? "O keia wale no; a'o ka wai ona ke kumu o keia mea."
Kekahi mau makahiki i hala ae nei, he kanaka opiopio ma Nu Ioka, hoi aku i kona home i kekahi kakahiaka, pilikia i ka on a. Ua kali kona makuahine ia ia mai ka po a no, me ka pule, a me ka uwe waimaka. I kona komo ana iloko o ka hale me ka hikaka, ua kamailio ohumu ka makua ia ia. Alaila, ua kuamoamo ia ia ma ka inoa ino loa, a lalau i kekahi laau, a pepehi ia ia ma ke poo, a ua hina oia ilalo a make loa. A pau kona pupule no ka wai ona, i aku la oia; "aole mea e ae, o ka ramawale no ke kumu i paipai mai ia'u e pepehi i ko'u makuahine."
He mau mea keia e ao mai ana ; "Mai lalau i ke kiaha mua."
O ka inu ana i na mea e ona ai, oia ke alanui e hiki wawe ai ka make. Oia ka mea e hooalii mai i na manao ino maluna o na manao maikai ; ua hoopouli mai i ka manao, a ua hoopakiki i ka naau. Auhea kekahi hewa e ae e alakai i ke kanaka e o i kona hoahanau ; e pepehi i kona kaikaina, a e hahau i kona makuahine ma ke poo a make ai? Y.C.
Pehea ia ka Loihi
Ninua kekahi keiki opio i kona makuakane penei; "Pehea ka loihi o ka mea mihi i kona hewa, a kalaia e ke Akua?
Pane mai ka makua me keia ninau ; Pehea ka loihi o ka hana a ka Lunakanawai e hookuu aku i ka mea i hooko lokoloia imua o ka poe Jure, ke olelo like na Jure, Aole on a hewa? "Hookahi minute wale no."
Pela ika wa e ike ai ka mea hewa, ua he wa io no ia ; a ue mihi eha no oia imua o ke Akua ; a ua manao hoi e hiki ia Kristo ke hoola ia ia ; e hiki no i ka Haku ke kala koke ia ia, e like me ka Lunakanawai hookuu koke ana i ke paahao hoahewa ole ia e ka poe Jure.
HOALAIA LAKOU.
E hai ana ke Kahunapule i ka olelo a ke Akua i kekahi Sabati ; a he aoo palaka, hiamoe kona anaina ; nolaila, ua kapae i kona haiao, a hoike i na palena o ke kula nakauhale, penei ; O Farmingham ka palena o Hopkinton ma ka Hikina ; o Milford ma ka Hema ; o Upton a me Weatboro ma ke Komohana ; a o Southboro ma ka Akau.
A i ko lakou ala ana mai, 'aku la oia, ua makaukau ka oukou e hoomaopopo me au i na palena o keia aina pohaku; ; ka inoa he pono ia kakou ke hoomaopopo i ke ano o ka aina kahi a kakou e hele aku ai;-alaila ua hapai hou i kona haiao.
NA BUKE
I HOOLAHA IA E KA PAPA HAWAII!
ME KE
KUMUKUAI O KELA ME KEIA.
BAIBALA HEMOLELE Nui Ill Gula Nani me na kuhikuhi ma na aoao. . . . . . . . . . . . . . . . . . . . . . . .$12 00
Baibala Hemolele Nui III elelele kaekae wai gula. 5 00
" " nuku iki iho, " " " 8 00
" " Pananaiki iho ili eleele . . . . . 4 00
Kauoha Hou ili gula nani me na kuhikuhi . . . . . . . . 3 00
" " eleele kaekae wai gula . . . . . . . 1 00
" " " . . . . . . . . . . . . . . 75
Kauoha Hou Hapa Haole . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 75
Lira Hawaii 1848 me ke kanawai . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 25
" " 1855 . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .. 25
Moolelo Ekalesia . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 50
Halao IIi lahilahi . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 10
Hele Malihini ana . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 25
No ko ke Akua ano . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 25
Lira Kamalii . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 25
Hoike Palapala Hemolele . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 25
Moolelo o Heneri Opukahaia . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 25
Hoike Akua . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 20
Wehewehehala . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 20
Ninau Hoike ili manoanoa . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 25
" " " lahilahi . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 15
Kumumua Kula Sabati . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 15
Buke Lawe Lima . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .15
He Buke uo ka Pope . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 10
Ui Kula Sabati Helu 3. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .20
" " " 4. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .05
" " " 5. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .20
Buke Euanello a Ioane . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 15
Himeni Hawaii . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .. 1 00
Himeni ili nani Hawaii . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 1 70
Kumu Leo Mele . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 15
Kumu Leo Mele iii nani . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 50
NA KAUOHA HOU PAKEKE
Ili Gula nani . . . . . . . . . . . . . . . . . . . . . . . . . . . . . . . . . . . . . . . . . .. . . . . . . . . . . . . . . . . . . . . . . . . . . . . . . . 1 50
Ili eleele kaekae nani . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 50
Ili eleele . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 35
KAUOHA HOU PAKEKE ME NA HALELE
Ili Gula nani . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 1 75
Ili elelele kaekae wai gula . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 60
Ili eleele . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 50
Buke wehewehe IIuaolelo Baibala, elua ano.
Buke Wehewehe ano Mataio
NA HALELU PAKEKE
Ili Gula nani . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 50
Ili eleele kaekae wai gula . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 30
Ili eleele . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 20
Ka Hae Hoonani (Buke Mele) . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 25
EIA NA BUKE HAAWI WALE
PALAPALA LIILII -
Helu 4 - Makemake anei oe i ke ola?
Helu 6 - E hele I o Kristo la.
Helu 7 - Ka hoi ana mai o ka Keiki Uhauhe.
Helu 11 - No ka hoohiki wahahee I ke Akua
Helu 16 - Ka Eehia ana o ka Ahaaina a ka Haku a me ka Bapetizo ana
Helu 17 - Mai hana ino i na holoholona.
Helu 18 - No ka mahi ana, kuai ana a me ka ina ana i ka Awa.
Ka Davida Malo Kumumanao.
Ka Moolelo o Batimea Puaaiki.
Aia ke koena kuai buke o ka Papa Hawaii ma ka huina o Alanui Betela me Alanui Kalepa, e kokoke ana i ka Hale Leta.
J. F. POKUE.
Kakauolelo o ka Papa Hooko o ka Ahahui Euanelio o ko Hawaii Pae Aina