Ka Nupepa Kuokoa, Volume XII, Number 40, 4 October 1873 — Olelo hooholo a ka Papa kahu o ke Kula Hanai o Hilo Sept. 13, 1873. [ARTICLE]

Olelo hooholo a ka Papa kahu o ke Kula Hanai o Hilo Sept. 13, 1873.

Me ke aloha nui aku i ke Akua no kona lima hoomalu, a alakai no hoi i hoikeia mai i ke Kola Hanai o Hilo mai m\ia mai, ke hooiaio nei ka Papa Kahu o ua Kula nei i ka Olelo Hooholo a na kahu ma ka malama o lune iho nei ; oiai, me ka minamina loa lakou e hookuu aku nei ia Rev. B. B. Lyman mai kona noho Poo ana o ke kula, mamuli o kona noi pinepine ana mai, no ka nui loa o ke kaumaha kupono ole i kona nawaliwali e noho nei. Ia makou hoi e ae aku ana i keia mea, he pono no ke hoike makou imua o keia lahui okoa, i ko makou manao mahalo i ke Poo o keja kula, a i ke Akua hoi, i ka mea nona. mai ka ikaika a me na pono a pau, no kona hoomanawanui panpauaho ole iloko o neia mau makahiki a pau i hala aku nei, no kona imi ana i na mea e pono ai keia kula, a me na mea i makaukau ai na keiki Hawaii i puka mai ke kula ae, no ka lakou hana koikoi, a nani no hoi iwaeua o keia lahui mai Kau a Niihau. A he poe hoike lakou i keia la, ma na wahi a pau o keia Pae Aina, a ma na

oihana maikai a pau uiai o a o, no ka oiaio o keia mea a makou e hooiaio aku nei. He inea hiki ole hoi ia makou ke hoopoina i ke kokua hoomanawanui mai me ka noonoo mau a me ka noeau lua ole o Lyman wahine i kana kane, ma kana hana luhi no keia Kula Hanai mai kona hookumuia ana a hiki i keia la. Oiai, o ka nani oi iloko o keia mau hana a pau, eia no ia.—Ua hana ia no Karisto, a o ka olelo a ke Akua ka pohaku kumu kihi i hooholoia'i keia mau mea a pau. Nolaila ke hooholo nei keia Papa kahu penei. I. Ke noi ia aku nei o Rev. D.B. L\ 7 - man e hoomau i kona kuleana m i ke kula, mamuli o ka oihana Poo makua, mai ka la "1 o Feb. 1874 aku, me ka mana a me na pono i pili iaia i na makahiki i' hala aku nei. 11. A ke noi aloha ia aku nei o Rev. D. B. Lyman e noho Puuku Dala, a Luna liooponopono waiwai no keia kula, e like me ka ikaika a ka. Haku e haawi mai ai nona ma keia hope aku. 111. Ma neia hope aku, e imi keia Papa e waiho i ke kula a nui aku, iloko ona lima Hawaii; e noi mau ana i ko Akua, e kokua mau mai ma keia mua aku me ia i kokua mau mai ai i na makahiki i hala aku nei. IV. Na ke Poo makua o keia kula e hooko aku i keia manao nui, a e hooponopono pela me na kumu e noho nei a me kahi poe e aku paha e pono ai mahope aku e like me ka mea ku i kona __ T. KoANA.