Ka Nupepa Kuokoa, Volume XII, Number 49, 6 December 1873 — Page 4
| This text was transcribed by: | Jackie Raines |
| This work is dedicated to: | My beautiful Leina'ala |
KA NUPEPEA KUA KOA, ME KE AU OKOA I HUIIA.
Ka Nupepa Kuokoa
Christmas Carol
Golden Chain p. 86
1.
E oli kakou nei
Ma keia la maikai ;
Hoolohe i na leo e,
Na leo i pa mua mai
A na anela i ha’i mai ai,
A lohe lea na kiai.
Girls.
E i ae ke ola, e,
Cho.
E i ae ke ola , e,
lesu ke lii maikai.
2.
E oli ka luuluu
Ma keia la maika,
La hoomanao la ia lesu,
I hele mai e hoona mai.
Hoolohe i ka leo nei
E pa mai ana maluna’e
Girls
E i ae ke ola, e, etc.
3.
E oli, e na mai,
Na hane me nau,
Ua hele mai lesu maikai
E l@paau la, a hoopau
Ka eha, hune, kanikau,
A e hoomaha i na naau.
Girls.
E i ae ke ola, e, etc.
4.
E oli, malu pu
Ma keia la maikai,
Ua hiki mai ke lii lesu,
Ka mea e hoole mai.
Na hoaaloha, hoahanau,
E huipu, a mele mau,
Girls.
E ola ia lesu,
cho.
E ola ia lesu,
E ola ia lesu.
Hawaii.
Hymns of Grateful Love.
Golden Chain p. 102
1.
Ke mele oli nei,
Mele aloha e,
Na kini oluna’e
Na anela maikai.
Cho.
E hui pu a mele ae,
A pa ka eka unaluna’e,
A pa ka eko , pa ka eko,
Pa ka eko, pa ka eko,
P ka eko, pa ka eko maluna’e.
2.
Ke mele nei lakou,
Ka peo i huli mai,
Ka haku e ola’i
Cho.
E hui pu a mele ae, etc.
3.
Mahalo ia lesu
Na kini i maemae
Aloha , hahi pu
Ia Alakai maikai.
Cho.
E hui pu a mele ae, etc.
4.
E ku a mele pu,
Ma keia la maikai,
Ke aloha o lesue,
Ke ola e ola’i,
Cho.
E hui pu a mele ae, etc. Hawaii.
HAAWINA KULA SABATI.
Helu 50, Sabati Deik, 14
Kumuhana. Ke kaulia ana ma ke kea.
Pauku Baibala. Mataio 27: 45-54.
45 mai ka hora aono a hiki i ka hora
aiwa, na pouli ka honua a pau.
46 A i ka iwa o ka hora, kahea aku la
o lesu me ka leo nui, i aku la, Eli, Eli lama
Sabaketani? oia hoi keia, E kuu Akua,
e kuu Akua; no ke aha la oe ia haalele mai ai ia’u?
47 A lohe ae la kekahi poe o lakou e
ku ana malaila, i mai la lakou, ke kahea aku nei ioa ia Elia.
48 Holo koke aku la kekahi o lakou,
lalau ae la i ka huahuakai ho-u iho la i ka
vinega, kau aku la ma ka ohe, a haawi aku
la iaia e inu.
49 I mai la kekahi poe, Alia, a ike kakou,
e hele mai paha o Elia e hoola iaia.
50 Aia hoi, nahae iho la ka paku o ka
luakini iwaena, mailuna a hala i lalo: naueue
ae la ka honua, nah’e la hoi na pohaku.
52 Hamama ae la na halekupapau, a he
nui na haipule e hiamoe ana i ala hou mai,
53 A hele mai la iwaho o na halekupapau
mahope iho o kona ala hou ana mai, a
komo aku la iloko o ke kulanakauhale hoano,
a ua ikea e na mea he nui loa.
54 A ike ae la ka lunahaneir, a o na mea
me ia e kiai ana ia lesu i ke olai, a me na
mea i hanaia, makau loa iho la lakou, i ae
la, He oiaio no, o ke keiki no keia a ke Akua!
Pauku Alakai. Pauku 50. Hoopaa naau
Pauku hui lahui. Pilipi 2:8 “ “
Mele Himeni 438.
Pule i lilo ko lesu make ana i mea e ola
ai na kanaka he lehulehu wale.
N A N I N A U.
Na Makua. Ua hoahewaia o lesu e
make ma ke kea, @@@ha ke kea? Ehia laau?
Nohea ia ano hoopai? Nowoi hoi?
Ma ke aha i paa ai ke kino? Nawai i halihali
ke kea? Na ka lawehala no. No
ke aha i kokuaia’i o lesu i ka halihali ana
i kona kea? Owai ka i kokua ia lesu?
Nohea keia Simona? Mahea o Kurene?
Ma lubia ma ka Aka@ o Aferika. He haumana
anei keia Simona? Aia mahea o
Simona Petero ia wa? Na ka poe e ka i
kokua ia lesu, i kona wa pilikia, aole na
na haumana.
Na Keikikane. Mahea o lesu i kaulia’i?
p.33. Heaha o Golegota? He wahi ahua
iki, i kapaia he puu, aole nae ia he puu, he
wahi kiekie iki wale no. Owai kekahi inoa?
Kalevari, a o Iwi poo kekahi inoa, no ka
like ana paha o ia puu me ka iwi poo o ke
kanaka. Aia mahea ia? Aia ma ke komohana
Akau o lerusalema. Ma ka hora
ehia i kaulia ai o lesu? Mareko 15;25.
Ka hora ekolu, ka hora ehia ia ia kakou?
O ka hora aiwa. Owai ka i kau pu ia me
ia? p.38. Heaha ka palapala i kauia maluna
o ko lesu poo? p.37.
Na kaikamahine Nawai i kakau ia
palapala? loane 19:19. Ma na olelo ehia?
loane 19:20. Olaola anei na ludaio ia palapala?
loane 19:21. Ua ae anei o Pilato e hoololi? p22.
Maikai o Pilato ma ia mea. I ka wa e kau ana \o lesu ma ke kea,
pehea ka poe maalo? p39, 40. Pehea hoi
na kahuna nui, na kakauolelo, na lunakahiko,
a me na powa? p41-44. Hewa
loa lakou, ea. Ua like anei ka manao o na \powa elua? Luka 23: 39-43. Pehea hoi
oukou, hoino anei ia lesu? Hoino paha ke
hoomaewaewa, a olelo ino i ka poe pono.
Na haumana, o lesu, ua like pu anei? Ae,
ina hoino makou i na haumana, hoino ma
kou ia lesu.
Na pokii. He mea kaumaha anei ka
laau ohia, ina hookahi kapuai ka manoanoa,
a he umi kapuai ke kiekie? Ae, kaumaha
loa paha. Pela anei ke kaumaha o
ke kea a lesu i amo ai? Hiki anei iaia,
oia hookahi wale no ke amo? Aole hiki.
Ma ke ano aha i hiki ole ai? Ma kona
ano kanaka. Nawai i kokua? He kanaka
aloha paha ia ia lesu. No ke aha i hana
ino ia ia o lesu, a koiia e amo i keia
kea kaumaha loa? Aole anei i hiki ia
lesu ke hoolei i ke kea i lalo, a holo a nalo
aku? Hiki i ke kea i lalo, a holo a nalo
aku? Hiki no , aka, nolaila kona hele ana
i keia ao, e amo i ke kea, a e make ma ke
kea no kona aloha ia makou, i pakele makou
i ka make mau loa. Aloha io lesu.
A pehea oukou? Heaha ke hea a oukou e
amo nei no lesu? Aohe makou e amo ana
i ke kea laaul. Ae, pela io no, aka, heaha
kekahi mea i like me ke kea, a me ke amo
ana i ke kea? Ka hoino ia no lesu, a o ka
hoomanawanui ana ke hoinoia nona.
P. 45 Na Makua. Heaha ma ka hora
eono? Aia mahea o lesu? Ehia hora o
kona kau ana ma ke kea, a hoomaka ka
pouli loa? Ka hora eono. Ka hora ehia
ia ia kakou? 12. Nohea ka pouli ana o
ka honua? No ka hoopouli ia paha o @a
la. Luka 23:44, 45. Ua kapaia o lesu ka
lama o ke ao, e pio ana ka lama, e make
ana ke keiki a ke Akua, me he la e make
ana ke Akua. A pehea? Ina pio ka la,
aole anei e pouli loa ka honua? He pouli
kupanaha ano e keia; aole he pouli maoli
e like me ka pouli ana o ka la no he komo
ana o ka mahine mawaena o ka honua a
me ka la. He pouli pokole ia. He pouli
loihi leia. Mai ke Akua ma no ia, e like
me na la pouli loa ekolu ma Pukaana 10: 21-23.
He hewa lua ole keia, o ka pepehi
ana i ke Keiki a ke Akua, ka Mea
hemolele loa. Pono ke hoonalo ka la i kona lama.
P. 46. Na keikikane. Heaha ma ka hora aiwa?
Ka hora ahia ia? 3. Ma ka
olelo aha kona kahea ana? Ma ka olelo
akaka ole ia lakou, oia hoi ka olelo Suro Kaledea.
Nawai i mahele? Mahea ka
wanana i hoohokoia? Halelu 22:1. No
ke aha ko ke Akua haalele ana iaia? loihi
anei ka haalele ana? Kokua a nei ke
Akua iaia? Pela paha. Hebera 5: 7.
Aka, oia hookahi wale no paha iloko oia
hora, aole he mea kokua. Ua lawe oia i
leia pilikia maluna iho ona, i make oia,
oia hookahi no kanaka, i pani no ka poe
hewa. Ina make ka poe hewa, aole ke
Akua e kokua ana ia lakou. A pela paha,aole oia i kokua i ko lakou pani hakahaka ia wa pilikia.
P. 47. Na kaikamahine. Heaha ke ku
hihewa o kekahi poe e ku aaa? Kuhi lakou
e kahea ana o lesu ia wai? No ke
aha ke kuhi ana pela? No ka ike ole i ke
ano o kela hua, “Eli”. Kahi lakou o Elia
ia, aole ka. Aole anei oukou i kuhihewa
i ke ano o kekahi olelo haole? Pela ie no.
Lohe makou ia Ship, (moku) a kuhiia he
Sheep, (hipa) Lalau pinepine makou.
Na pokii. Owai o Elia? Ua launa pu
anei oia me lesu mamua? Mokuna 17:3.
Owai ka mea nui, hiki anei ia Elia ke kokua
iaia ia ka wa pilikia? Ina pilikia oukou,
he mai, e make ana, pono ke kahea
ia wai? I ka Makua, i ke kauka, i ke
Akua? Hiki anei i ka makua, i ke kauka,
ke hoola? Aole hiki, ke kokua ole mai
ke Akua. Heaha ka pilikia o lesu? A kahea
oia ia wai? Nowai kona pilikia? Pehea
ka la iaia e kau ana ma ke kea? Pouli loa.
No ke aha? No keia hewa lua ole, ka
pepehi ana ia lesu ka mea hewa ole.
P. 48, 49. Na Makua. Wikiwiki kekahi
poe e aha? Heaha kekahi mea i huipuia
me ka vinega? He mea awaawa, he mea
hooluolu paha i ka eha he mea hoomahuahua
paha i ka eha. No ke aha
ka haawi ana? loane 19:28. Ua inu anei
o lesu? Ko ka wanaua hea? Halelu 69: 21.
Pehea ka manao o kekahi poe? No ke aha
e kali ai? Makehewa anei ke kali ana?
P. 50. Na keikikane. Kahea hou lesu
a aha? O ke kuu i ka uhane, heaha ia?
la wai ka mana e kuu aku ai? loane 10: 17, 18.
Heaha ka lesu pule mamua o kona make ana?
Luka 23: 34 Make o lesu no ke aha? Ina manao oia
e pale aku i ka make, aole anei e hiki? A make ole
oia, pehea kakou?
P. 51, 53 Na kakamahine. Heaha kekahi
mau mea kupanaha i hanaia i ka wa i
make ai o lesu? Heaha ka paku o ka luakini?
Ka paku mawaena o kahi houno,
a me kahi hoano loa. Nahae i ke aha? a no ke aha?
Nahae i ke aha? a no ke aha? Nahae wale i ka mana o lesu.
Nahae hoi i mea e maopopo ai ua noa
na me akapu. Ua pau na mohai. Ua pau
ka Levi Oihana, ua noa na ludaio, hiki ke
hui me Kanakaie, a hai i ke ola ia lakou. I
ka wa hea i ala mai ai na make? A ikeia
mahea? No ke aha?
P. 54. Oukou a pau. Pehea mai ka luna
haneri me ka poe e kiai pu ana? A liko
lakou i poe hoike no no ke aha? Ua ike
ia anei keia poui kupanaha ma na wahi e
ae? Ae, ua ikeia ma Aigupita, a olelo kekahi,
E make ana paha ke Akua, a e kanikau
ana kanaka, a i ole ia, e pau ana ka
honua. Pehea oukou? Ua akaka anei o
lesu ke keiki a ke Akua? A manaoio
anei iaia, me ka malama?
Hai paa naau mai i ka pauku Alekai me
ka hui Lahui. Mele. Him. 450.
PULE HOOKUU. Hawaii.
Na olelo wehewehe no na oihana a na Lunaolelo.
MOKUNA XIII.
P. 23. “Ua hoopuka mai ke Akua ia
lesu noloke mai o kaua poe mamo, e like
me kana olelo mua ana mai, i mea ola no
na Iseraela.” Aole ia Davida wale no keia
olelo, aka, ia na kupuna no kekahi, nana
i ka pauku 32. Ua hai mua ia e hoola
ana o lesu i kona poe kanaka mai ko lakou
hewa. Mataio 1:21. He nui na ludaio, i
manao e hoopakele ana oia ia lakou ma i ka
poe Roma ae a me na enemi e ae’ aole
oia ka oiaio. Ua maa ka poe ludaio i ke
kapa ana i ka Mesia o ke keiki a Davida.
Mat. 12: 23 22:42.
P. 24. “Mamua o kona hiki ana mai,
ua hai mua mai no o loane i ka bapetizo’no
o ka mihi i na kanaka a pau o ka iseraela.”
He hikimua o loane no Kristo, a
ua hai aku oia i na kanaka, “E mihi oukou,
no ka mea, ua kokoke mai nei ke aupuni
o ka lani. Mat 3:2, a ua bapetizoia
kanaka ma ke ano hoailona no ko lakou
manaoio o ka mihi, he mea e pono ai, ao
le hoi he pono ke ole ka mihi. Nolaila,
ua kapaia kela bapetizo, he bapetizo no ka
mihi. “I na kanaka a pau” i na mea
he nui loa. Mat 3:5.
Ma keia hoike ana a Paulo no ka moolelo
o ka poe Iseraela, ke ike nei kakou i na hana
a ke Akua ma na mea a pau. Ua hoomahuahua
ke Akua i ka lahui ma Aigupita, a alakai mai la oia ia loakou
mawaho o ia wahi me ka mana nui, pauku 19;
ua hiipoi ke Akua ia lakou no na makahiki
he kanaha ma ka waonahele, pauku 8; ua
anai aku ke Akua i na lahui ehiku o Kanaana,
a mahele mai la i ka aina no lakou,
pauku 19; ua haawi mai ke Akua i na
lunakanawai no na makahiki 459, pauku
20; ua haawi mai ke Akua Saula i alii
no lakou no na makahiki he 40m oauku 21;
alaila, kapae ia ae la o Saulo a haawiia
mai la o Davida, pauku 22. A mai loko
mai o ka mamo a Davida i haawi mai ai
oia i ka Hoola, o lesu no ia.\ Ma keia mea, ke ike nei kakou i kahi i
like ole o ka moolelo hemolele me na moolelo o kanaka.
Ma ka moolelo hemolele, ke ike nei kakou i ka hana a ke Akua ma
na mea a pau. Ma ka moolelo o kanaka, ke ike nei kakou i ka hana o na kanaka,
ke ike nei kakou i ka hana o na kanaka, na’lii, na luna hooponopono aupuni, a
me na alihikaua. Aole i komo iloko o kanaka ka ike, aia ma na lima o ke Akua ka
hooponopono ana o na mea a pau loa.
P. 25. “A hoopau o loane i kana hana”-oia ka hooko ana i ka haawiia mai
iaia, e hai ana i ka olelo a e bapetizo ana.
“Ninau mai la ia, owai la wau i ko oukou
manao?” Ke manao nei kekahi poe o oukou, owau ka Mesia, aka, “Aole au ia,”
loane 1:20.
“Aia hoi e hele mai ana kekahi mahope
o’u, aole au e pono ke wehe i na kamaa o
kona mau kapuai.” Ka leo keia o ka mea
e kukala ana, “Ka leo o ka mea e kala
ana ma ka waonahele, e hoopololei i ke
alanui no lehova;” no ka mea, ua kokoke
oia e hele mai, loane 1:23, he oiaio, ua hiki
io mai oia, ke ku nei oia iwaena o oukou
aole nae oukou i ike iaia, loane 1:26.
O ke kala ana i na kamaa, oia ka hana
a ke kauwa kuapaa, a o loane, i kona wa i
hoike ai, aole he pono oia ke kala ae i na
kamaa o ka Haku, e hoike ana oia i kona haahaa malalo iho o Kristo.
P. 26. “ E na kanaka, ua hoahanau, na mamo’a Aberahama, a me ka poe o oukou
nei i makau i ke Akua, ua hoouna ia mai ia oukou nei ka olelo o keia ola.” O keia
ou hou, keia makana o ke ola mau loa, ua hoounaia mai no oukou a pau loa, no na
ludaio a no ko ua aina e, ma o keia mau misionari la elua e ku nei imua o ko oukou
alo, oia o Paulo me Barenaba.
P. 27. “Aole lakou i ike ia ia, a me ka leo a ka poe kaula, ka mea i heluhelu
ia i na la Sabati a pau, ua hooko lakou ia leo i ko lakou hoohewa ana ia ia.” Ua
manao nui na ludaio e loaa ana ia lakou ka Mesia e hoa ana i ka mana me ka lima
ikaika, a e hoolanakila koke ana ia ia iho. Nolaila, aole maopopo ia lakou ke ana o na
olelo e like me kela ma Halelu 118:22, a me Isaia 53, me Daniela 9:26.
He nui no hoi ka poe e noho nei i keia wa. I hoomaopopo ole i ke ano o ka olelo a
ke Akua, e heluhelu ia nei i kela Sabati me keia Sabati, a nolaila, ke hoowahawaha nei
lakou ia lakou iho no ka hopena weliweli o ka poe e hookaawale ia ana ma ka lima hema
o ka Lunakanawai. Mataio 25:41.
P. 28. “Aole n i loaa ia lakou, kekahi hewa e make ai, aka, nonoi aku la lakou ia Pilato
e make ia.” Aole i loaa ia lakou ke kumu pono e make ai ai. Ua olelo lakou he hoohaunaele \kana hana, a he hoino i ke Akua; aka, aole i hiki ia lakou ke hooiaio ia olelo. Luka 23:2, a me Mareko 14:64. Ua hoekomo na kahuna i na manao ino iloko o ka lehulehu, a ua piha loa lakou
i ka huhu, a kahea nui lakou. “E kau ia ia ma ke Kea, e kau ia ia ma ke Kea, “ me ko lakou ike
ole i ke kumu e hana ai pela. A ia Pilato i ninau ai, “heaha kana hewa i hana’i?” aole hiki ia
lakou ke pane aku. Luka 23:21-23
P. 29 me 30. “A pau ae la na mea i palapala ia nona, i ka hoko ia e lakou, “ oia hoi na
wanana e pili ana no kona hoole ia e na kanaka, a me kona make ana. Luka 24:25-27. Ua
kanu ia oia mamuli o ka ae ana o Pilato, a ua kiai ia ka haleku papau mamuli o ka makemake o
na kahuna nui, a me na Parisaio Mat. 27:57-66.
“Na ke Akua no ia i hoala mai ka make mai.” He mea hiki no i ke kanaka ke pepehi,
aka he hiki i ke Akua ke hoola, a e hoala mai ka make mai. Roma 4:17. “ Ke haawi nei au i ko’u ola, i lawe hou mai ai au ia mea. He mana ko’u e haawi aku ia, he mana hoi ko’u e lawe
hou mai ia loane 10:17 me 18. O Kristo a o ka Makua, he hookahi no laua. loane 10:30.
P. 31. “Ike ia mai la no ia i na la he nui loa” he hanaha la, mokuna 1:3. “ Ka poe ia i
kamaaina ia ia, a nolaila, aole lakou i mele i ka ike pono i na mea a lakou i hoike ai nona.
“Na lakou no ia i hoike aku i kanaka.” E ola ana no ka hapa nui o ua poe hoike la ia wa, a e hoike ana no lakou ia wa no ko lesu ala ana mai ka make mai. I Korineto 15:6.
P. 32. “Ke hai aku nei makou i ka olelo maikai ia oukou.” O makou, oia o Paulo me Barenaba. Aole he olelo maikai i oi ae ia kela, o ka Mesia a lakou i kali loihi ai, ua hiki mai. Aohe olelo maikai no ko na aina e i oi ae i keia, o ka Hoola, lesu, ka mea nana e hoola i na kanaka mai ko lakou hewa ae, ua hiki mai. “ Ka olelo hoopomaikai, i hai ia i na kupuna.” Ua ike ia keia olelo hoopomaikai ma na wahi he nui iloko o ke Kauoha kahiko, a ua ike na ludaio i ke ano o ia olelo, a e kali ana lafou ia wa no ka hookoia; he nui no hoi ia poe e kali nei a hiki i keia la. (Aole i pau.)
Ka Moolelo o Ka Ahahui Euanelio
o Hawaii Hikina ma Haili,
Nov. 12, 13, 14, 15, 1873.
Halawai ka Ahahui Euanelio o Hawaii Hikina ma ka Luakini o Haili Hilo Nov. 12, 1873. Ma ka balota ana, ua kohoia o Rev. J. Hanaloa i Luna Hoomalu, a o Rev. J.B. Hanaike i Kakauolelo.
Na Lala o Ka Aha.
Ekalesia, Kahu, Elele.
Laupahoehoe, Rev. J. Hanaloa Puniawa.
Hakalau, “ J. B. Hanaike, Lanikele.
Onomea, “ J.H. Pahio, Polani.
Haili, Rev T. Coana, Puaa.
Puula, “---------- Keahi.
Opihikao, “ D. Makuakane, Manoa
Kalapana, “ P/ Parenaba, Kaaukai.
Kapaliiuka, “ ---------- Holoua.
Na lala mau Rev. D.B. Laimana a me Dr. C.H. Wetmore.
Na Keiki o ka Aha, Kaonehu, Holopinai, Keahuawa, Kapihenui, Manoa, Kaahiki, a me J.H. Nawahi. Kohoia o Rev. S. C. Luhiau i hoa kuka no ka Aha.
Ua hookipaia o Rev. S. Aiwohi he Elele no ka Ahahui o Hawaii Akau e keia Aha, Hooholoia. E lilo na hoa no kela a me keia Ekalesia mai i mau hoakuka no ka Aha.
Kohoia o T. Coana, P. Parenaba, a me Paulo i Komite i keia mau Kumuhana. 1. Hapalua hora haipule 2 Hoike Kihapai. 3. Na palapala Hoopii. 4. Heluhelu Haawina. 5. No ke Kula kaikamahine. 6. Ke ola o na Kahu. 7. Na keiki o ka Aha. 8. Na Elele o na Aha. 9. Na hewa nui iloko o na Ekalesial. Ka ona, moemanuahi, hehi Sabati, a me ka hoomaloka. 10. No na kula Sabati. 11. No ke ula Kahunapule. 12. Hoolaha Barbala. 13. No ka nupepa. 14. Mahina Hou. Hapaii ke Kumuhana elua. Ka hoike Kihapai o na Kahu. Hoike mai ke Kakauolelo i ka hoike Kihapai o ka ekalesia o Kapaliuka; o P. parenaba no Kalapana; o D. Makuakane no Opihikao; o Keahi no Puula, o T. Coana no Haili; o J.B. Hansike no Hakalau, o J. Hanaloa no Laupahoehoe, a o J.H. Pahio no Onomea. Mumuhana 3. Na palapala Hoopii. Heluhelu mai ke Kakauolelo i ka palapala Hoopii no ka ekalesia o Puula mai, e kahea ana ia Rev. S. Kukahekahe i Kahu no lakou. Ua kuka ka Aha i keia, a mahop o ke kuku ana, ua haawiia i kekahi Komite, T. Coana, P. Barenaba. K. Paulo, D. Kaawa, a me M. Puaa.
Hoopanee ia ka aha, a halawai hou i ka la apopo hora 9 a.m. me ka haipule ana.
Novemaba, La 13. Halawai hou ka Aha e like me ka hoopanee ana. Malamaia ka hapalua hora haipule. Kumuhana 4. Heluhelu Haawina. Heluhelu mai o Holopinai i kona haawina ma 2 Pet. 1:7, 10-13. Hoike mai ke Komite o ka palapala hoopii o Puula, penei. I. Ua pono ke noho i ekalesia okoa, mai Olaa a Kapoho e like me ke kukulu ia ana o lakou i kinohi, me ke aloha io, a me ka manao-lokahi. 2. Ina pela ka ae oluolu ana o na ekalesia a pau o kela ekalesia kuokoa, alila e apono keia Aha i ke kahea ana o kela ekalesia ia Kukahekahe e noho a hui hou keia Aha maloko o Maraki, alaila i na ua mau ka makemake o na aoao a pau, e hookahu aju keia Aha ia ia maluna o kela ekalesia. 3. E koho keia Aha i Komite nana e hele aku i na Apana a pau o kela ekalesia, i akaka ko lakou ae oke ana i keia manao, me ka oluolu, a me ka oiaio iloko o ka Haku.
Ua lawe ka Aha a noonoo i ka hoike a ke Komite, a mahope o ka noonoo ana, ua Hooholo ia.
Koho ka Aha ia T. Coana, a me Holopinai i Komite e hooponopono me ka ekalesia o Puula.
Hoomaha ka Aha, a hiki i ka hora 1, p.m. Hui hou mai ka Aha i ka hora i hoopanee ia, me ka pule a D. Holoua. Heluhelu mai o P. Barenaba i kona haawina ma Solomona 11:30. Noi mai o T. Coana, D. B. Laimana, a me P. Barenaba.
Heluhelu mai o J. B. Hanike i kona haawina, ma Tito 1:11, o Kaonehu ma, loane 12:24, oJ.H. Pahio ma Hebera 6:48, o J. P. Iwa, :Heaha ke ano o ka make alua?” o G. K. Maka. Heaha ke ano o ka hookolokolo ana i ka la nui mahope? a me Manoa, ma Timoteo 3: 4, 5.
Hoike mai o Rev. S. Aiwohi i kekahi mau hana o ka Ahahui Euanelio o Hawaii Akau. Hoopanaee ia ka Aha, a halawai ou i ka hora 9 a.m. o ka la apopo, me ka pule a D. B. Laimana.
Novemaba La 14. Halawai hou ka Aha e like me ka hoopanee ana. Malama ia ka hapalua hora haipule. Kumuhana 5. No ke Kula kaikamahine. Ua noenoo nui ka Aha i keia kumuhana me ka ikaika i na hana e holo ai keia kula kaikamahine, a mahope o ka noonoo ana, ua koho ka Aha ia S. C. Luhiau i Komite no Hilo, a me Puna, a na keia Komite e hoolaha e mai i kona wa e hele mai ai iwaena o na ekalesia, e paipai no ke kula kaikamahine. Hoomaha ka Aha a hiki i ka hora 1, p. m. Pule o Dr C. H. Wetmore. Halawai hou ka Aha i kahora 1 p.m. a hoomaka ia me ka pule. Heluhelu mai o J.H. Nawahi i kona haawina, “ Pehea la e hiki ai ke kamailio pono i ka olelo Hawaii?” A mahope o ke kuka ana, ua koho ka Aha i ke Komite i koho ia no ka ekalesia o Puula; T Coana a me Holopinai, nana e hooponopono i ka ekalesia o opihikao no ke ola o ke Kahu. Noi mai o Dr. C. G. Wetmore, e hapaiia ka noonoo ana, no ka manawa e hiki pono mai ai ke Kakauolelo o ka Papa Hawaii i keia Aha, e like me na Aha e ae o keia Mokupuni. Ua kamailio ka Aha ma keia mea, a ua hooholo ia, e halawai keia Aha i ka Poaha elua o Maraki, a me ka Poaha elua o Sepatemaba 1874. Hoopanee ia ka Aha, a halawai hou i ka la apopo hora 9, a.m. Pule S C. Luhiau. Novemaba La 15. Halawai ka Aha e like me ka hoopanee ana. Malama ia ka hapalua hora haipule. Kumuhana. 7. “Na keiki o k Aha.” Ua kamailio nui ka Aha i keia kumuhana, a mahope o ke kamailio ana, ua hoohola ia. Aole e ae ia na keiki o keia Aha e inu i na wai ona a pau, aole hoi e puhi paka, a Opiuma, aole no hoi e kanu a kuai aku ia hai, ua kapu loa. Kumuhana 8. “Na Elele o na Aha” Ua nana ia na Elele e hele aku e hui me na Ahahui o Hawaii Akua, me Hawaii Komohana; a ua kohoia o D. Holoua, o Namanu ka hope no Hawaii Komohana, o J.P. Iwa. a o D. Kaawa ka hope no Hawaii Akau. Kumuhana 9. “Na hewa nui iloko o na ekalesia. Ka ona, moemanuahi, hehi Sabati a me ka hoomaloka.” Ua kuka nui ka Aha ma keia mea, me ka nonoi ana i ka Haku nona ke kuhapai e kinai loa i leia mau hewa iloko o na ekalesia. Kumuhana 10. “No na kula Sabati, a mahope o ka noonoo ana, waiho mai o J.B. Hanaike i kekahi olelo hooholo. Hooholoia. He mea pono loa i na majua, na kumu na kahu, a me na luna o na ekalesia o keia Ahe, e hooikaika e hapai i leia hana nui o ke kula Sabati, me ka hoolako ia ina Haawina ma ka nupepa Kuokoa. Kumuhana 11. “No ke kula kahunapule.” Ua kamailio ka Aha ma keia mea, me ka manao, he mea pono loa hoalako aku i mau haumana no ke kula kahunapule Kumuhana 12. “Hoolaha Baibala.” Ua paipai ia ma keia kumuhana, he mei e pomaikai ai ke lawe nui ia na Baibala iwaena o ka poe nele ma na ekalesia. Kumuhana 13. “No ka nupepe Kuokoa.” Ua paipai ia na hoa o keia Aha e kokua ma ka hooiakaika ana iwaena o na ekalesia, e lawe nui i ka nupepe Kuokoa. Kumuhana 14. “Mahina hou.” Ua hooikaika ia ma keia kumuhana, e hapai nui ia ke kokua Mahinahou. Noi mai o P. Barenaba, e hookuu ia ia no kekahi nawaliwali i loaa mai i koua kino. Ua nana keia Aha, a he mea pono ia ia e hoi aku a e kuka pu me kona ekalesia. Hooholo ia e lilo o Mr. Kiniakua i keiki no ka Aha. Hoike mai ke Komite Imi Haawina, penei. 1. E hiki anei i na Kahunapule e hoola i na kanaka a lakou i hoonaauao ai? T@ 4:14-16. T. Coana. 2. O lesu me kona Kea. D B. Laimana. 3. Ezekiela 34:2-6 D. Mauakane. 4. Hoikeana 22:11. P. Barenaba. 5. E wehewehe i ke Kanawai ewalu. J.H. Pahio. 6. Hoikeana 22:14 15 21:7, 8. J.B. Hanaloa. 7. E wehewehe i ka pule a ka Haku. J. Hanaloa. 8. Hoikeana 20:1-6. J.H. Nawahi. 9. E wehewehe i ke kanawai eiwa J. Holopinai. 10. E wehewehe i ke Elima G. K. Maka. 11. E wehewehe i ke Umi Mr. piheuai. 12. E wehewehe i ke Eono Mr. Manoa. 13. E wehewehe i ke Ehiku Mr. Keahuawa. 14.. E hoopai anei ke Akua i na kanaka malama ole i na kanawai kino? Dr. C. H. Wetmore. Hooholo ia e malama ia ka pule mua o lanuari, a me ka Poaha hope o Feb. i ka haipule no na kula. Hooholoia e hui hou keia Aha ma ka Luakini o Haili ke hihi aku i ka Poaha eluya hora 9. a.m. Maraki 1874. J.B. Hanaike. Kakauolelo.
NA BUKE
I HOOLAHAIA E KA PAPA HAWAII
me ke
KUMUMUAI O KELA ME KEIA.
BAIBALA HEMOLELE NUI ILI GULA NANI me na kuhikuhi ma na aoao......$12 00
Baibala Hemolele nui ili eleele kaekae wai gula. 5.00
Baibala Hemolele uuku iki iho kae wai gula 8.00
Baibala Hemolele pananaiki iho ili eleele 4.00
Baibala Hemolele ili eleele 2.00
Kauoha Hou ili hula nani me na kuhikuhi 3.00
Kauoha Hou ili eleele kaekae wai gula 1.00
Kauoha Hou ili eleele 75
Kauoha Hou Hapa Haole 75
Lira Hawaii 1848 me ke kanawai 25
Moolelo Ekalesia 50
Haiao ili lahilahi 10
Hele Malihini ana 25
No ko ke Akua ano 25
Lira Kamalii 25
Hoike Palpala Hemolele 25
Moolelo o Heneri Opukahaia 25
Hoike Akua 20
Wehewehehala 20
Ninau Hoike ili lahilahi 15
Kumumua Kula Sabati 15
Buke Lawe Lima 15
He Buke no ka Pope 10
Ui Kula Sabati Helu 3 20
Ui Kula Sabati Helu 4 05
Ui Kula Sabati Helu 5 20
Buke Euanelio a loane 15
Himeni Hawaii 1.00
Himeni Hawaii ili nani 1.70
Kumu Leo Mele 15
Kumu Leo Mele ili nani 50
NA KAUOHA HOU PAKEKE
Ili gula nani 1.50
Ili eleele kaekae nani 50
Ili eleele 35
KAUOHA HOU PAKEKE ME NA HALELU.
Ili gula nani 1.75
Ili eleele kaekae wai gula 60
Ili eleele 50
Buke Wehewehe huaolelo Baibala, elua ane
Buke Wehewehe Ano Mataio
NA HALELU PAKEKE.
Ili Gula nani 50
Ili eleele kaekae wai gula 30
Ili eleele 20
Ka Hae Hoonani (Buke Mele) 25
EIA NA BUKE HAAWI WALE.
Palapala Liilii
Helu 4 Makemake anei oe i ke oia
Helu 6 E hele i o Kristo la.
Helu 7 Ka hoi ana mai o ke Keiki Uhana
Helu 11 No ka hoohiki wahahee i ke Akua
Helu 16 Ka Eehia ana o ka Abaaina a ka Haku a me ka Bapetizo ana.
Helu 17 Mai hana ino i na holoholona
Helu 18 No ka mahi ana, kuai ana a me ka inu ana i ka Awa
Ka Davida Malo Kumumanao
Ka Moolelo o Batimea Puaaiki
aia ke keena kuai buke o ka papa Hawaii ma ka huina o Alanui Betela me Alanui Kalepa e kokoke ana i ka Hale Leta. J. F. POKUE.
Kakauleta o ka Papa Hooko o ka Ahahui Euane lio o ko Hawaii Pae Aina.