Ka Nupepa Kuokoa, Volume XII, Number 49, 6 December 1873 — KA LA KULAIA NUI MA HONOLULU. [ARTICLE]

KA LA KULAIA NUI MA HONOLULU.

[ Ke koena o kela pule mai.] Ma na la mamua iho o ka la kulaia, ua hoopolaluhi e mai na lawa nuu, a he belfthelena o na paka ua koikoi ke haakokoki mai ana. Aka, ma ke kakahiaka o keia la oui, aia hoi, na palea ae la ia pou hooweliweli mai. A ina oka haule, aohe nao ai. Aka, ua puka mai la ka la e like me kona ano mau, a palile mai la na kuahiwi. Na hana ma ka Loakīni. Ma ka hora 11 ae o ia kakahiaki, aia hoi, ua hoopihaia ae o Kawaiahao e oa kanaka o na ano a pao, no ka hoolohe nna i ka haiolelo a Ka Mea Hanohano Z. Poli, no ka la Kuokun. Ua hoohanohanoia ke anaaina mamuli o ka hiki kino ana mai o ka Hon. Mrs. B. Pauahi Bihopa a me kana kane. I ka hiki ana i fca manawa, ua wehe ia na hana ma ke mele ana a ka poe Puhi Ohe, alaila, ua pule mai o Rev. H. H. Pareka, a pau, ua mele mai na Papa Himeni o Kawaiahao a me Kaumakapili i ke mele, "Kou Aina Hanau e," me ka awili puia mai me ka leo kuolo o ka Ogana i hookaniia e Mr. Atkmson. Ika hoolohe ana aku, ua eehia oa leo o na paukani Hawaii i kuri nahenahe mai ai no ko lakou la i ikeia'i kakou he aupuni Kuokoa.

A i ka meha ana iho me ke anoano, alaila, ua hoea mai la ka haiolelo o ka la. ( E nana i ka haoiolelo ma ka aoao mua.) He 20 paha minute i pau no ka haiolelo ana ; a mele hou mai la na Popa Himeni i ke •'.Mele Lahui Hawaii," i hakuia e Hon. Mrs. L K. Dominis. I ke mele ia ana mai no, aohe mea mahalo ole, oiai, ua hoike ka Hawaii iaia iho nona ia la, a ua kuu e like me ka nani a lakou i ike ai. O ka panina he pule hookuu ua Rev. H. H. Pareka, a hookuuia ke anaina. NA PU ALOHA. jV!a ka hora 12 poooi o ke awakea, aia boi, tia hoeana mai la na elumakule pukuniahi o Puowaina, me he mea la e hoonui mai ana, " Hawaii Man Loa," i kukai ia mai hoi e ka leo o na pu o ka mokukaua " Saranac,l! me he la e puana mai ana Hawaii For&ver." nana aku «« Kuku'i nei laa o Uinihepa e, % Nei oakolo aku la o Lonokahiki e t Lohe mai Hawaii hoi a ka Lani e, i ka ua mea he paia kuli. Ka Ahaaina nui. Ma ka hora 2 auina la, aia hoi, na ma* lamaia he ahaaina nni na ka lehulehu ma Pohukaina, kahi i kukala mua ia ai ke Kuokoa o Hawaii nei, ke ole makon e lohe

paewa. Ua kokuluia he lanai loihi, i uhiia i na pea, a i papahiia mai kona mau paia me na hae Kalaunu, Hawaii a ine na hae o na aupuni i haoa kuikahi me kakou. Ua hoom'oeia no na pakaukau ilalo o ka honua, oia hoi, ua lianaia ma ke aoo ahaaina Hawaii a pau loa. Ika hiki aoa ika manawa, aia hoi, ua hiki hou mai la no ka Hon. B Pauahi Bihopa e hoohanohano i ka ahaainaj i ukaliia e kana alii kane, ke Kuhina Waiwai, ka lunakanwai Widemaon me kana mau milimili. I ka ikeia ana aku o ke Alii Panahi e komo mai ana i ka puka, aia hoi, ua miki aku la ka Pereeideoa o ka Ahahui, e hookipa mai iaia, a lawe loa ia ana a ma ke poo oka papaaina hoonohoia. I lawa no i ke alii Pauahi a noho me kona mau ukali, o ke konoia aku la no ia o na mako hanohano a pau o ke kaona e noho i lalo e ai Hnwaii ai. Ona mea Hawaii a pau, a me na mea ai haole no hoi, ka i waihoia maluna onu pakaukau. A ika tnmn aku me he mea lu, ua oi aku mamua o ka 400 poe i ai i ka wa hookahi, a pela aku a pau na papaaiua i ka hnnaiia ai. 0 ka makon mea mahalo loa, o ka houlunlu ia ana o na poe hanohano a pau o ke kaona malaila, ka ike ole ia o kekahi mea ona, ka walaau nui ole o na kanaka, e like me ko lakou ano mau, ka honehone a n» leo puhi ohe, a me ke kupono o kekahi iuele i hakuia no ia la e ka Papa Himeni o Kaumakapili. He hiohiona keia e hai mai mai ana, ua hiki i na Hawaii ke malama ia lakou iho ma na la nui o keia ano, a aole hoi ke kuulala e like me ko na kau i hala. Ka Hopena o ka La. 1 ka pau ana o na hana ma ka lanai, aia hoi, ua welo loa aku no na kukuna o ka la. Ua ikeia aku hoi na holoholo lio lealea ana ma na alaoui, aole hoi e like me na la nui e ae ka pukaka ino o ka holo'na, no ka neo mai no hoi paha kahi. A ma ka hora poeleele, ua malamaia he luana Puhi Ohe ma ka Hotele Hawaii, a me na hoolele ahikao ana. Ua nui na kanaka i haiumu ae malaila e ike ai. A pela iho la ke ano o na hana oia la ma Honolulu nei.