Ka Nupepa Kuokoa, Volume XII, Number 50, 13 December 1873 — Ka Ahaolelo o Geremania. [ARTICLE]

Ka Ahaolelo o Geremania.

Ma ka la 12 o Novemaba, ke pololei ka hai ana mai a ka lono waea, alaila oia ka la e weheia ai ka Ahaolelo o ke aupuni hui o Geremania, me ke Keiki Alii Bisimaka ma ke alo ponoi. Aia pu ma kona poo kana kumu hana, i manao wale ia ai, oia ke kumu o kona kapaeia ana iho nei mai ka Aha Kuhina, no ka mea, aole oia i like iki me ko Generala Von Roon noonoo ma na mea pili aupuni. Ua kukulu paa iho nei na Keiki Alii la i kona manao, e hoopau loa i na hookekeue ana a ka ekalesia Katolika Roma, no na hooponopono ano aupuni a me na kula aupuni. A me he mea la, akahi no a makaukau ka luaui Emepera o Geremania e ku ma ko ke Keiki Alii aoao, a nolaila, ua haawi aku nei

oia i manawa nona e onou ai i ko ua Keiki Alii la manao paa. E lilo ana keia ku- @@@ a Bisimaka i mea paakiki no ka mea, e halawai ana oia me na keakea aohe i kana mai ka ikaika, aka no ke ano kanaka nae e like me Bisimaka ka paakiki o ka manao, aole e akaka ana ke ko ole Ua ikeia ma na koho Lunamakaainana hope ana mai nei, ua nui ka poe kue i keia hooponopono aupuni i komo mai. Aka, aia wale no a he kanaka naauao maoli, alaila, pau i ka hoohuliia.