Ka Nupepa Kuokoa, Volume XII, Number 52, 27 December 1873 — Page 4

This text was transcribed by:	Susan Massey
This work is dedicated to:	To my greatgrandmother Kualii Mokumaiʻa

KA NUPEPA KUOKOA, ME KE AU OKOA I HUIIA

Leo—Walk in the Light

New Golden Chain p 43

Kani mai na bele e,

Ala e, ala e--   Bele Kula Sabati

Kani nani mai.

Kani nani oi ae

Hamau e, hamau e,

Na piano, loe e

Ma ke ao maikai.

Cho. Nauwe mau i kea ao,

I ke ao, i ke ao,

Nauwwe mau i ke ao,

I ke ao maikai.

Hiki anei ia makou

Ke pii ae, ke pii ae,

A e mele me lakou

Ma ke ao maikai?

Hiki anei i na pokii

Ke pii ae, ke pii ae

I ke Kula Sabati

Ma ke ao maikai?

Cho.- Nauwe mau i ke ao, etc.

Hiki no i na pokii

Ke pii ae, ke pii ae

I ke Kula Sabati

Ma ke ao maikai.

Noho pono mau no nae,

I pii ae, i pii ae

I ke, kula nani e

Ma ke ao maikai.

Cho. –Nauwe mau i ke ao, etc.

Hawaii.

O what can little hands do?

The Prize, p. 96

E hana i ke aha

Na lima liilii nei?

E lawelawe me lakou,

Kokua i na hoa ou,

A hana pololei

E hana i ke aha

Na leo liilii nei?

E ple, mele, hoolea’e,

Hoopuka i na hoa maikai,

A pane plolei.

E hana i ke aha-

Na maka liilii nei?

Nana iluna ia Iesu,

A ina buke helu po,

A nana pololei.

E hana i ke aha

Na pepeiao liilii?

Hoolohe i na kanawai,

Me na olelo e ola’i,

Hoolohe pololei.

E hana i ke aha!

Na wawae liilii nei?

E hele i na halawai,

Na kula hoi i akamai,

A hele pololei.

E hana i ke aha

Na uhane liilii nei?

E mihi, pule, oli pu,

A pili aku ia Iesu,

A huli pololei.

Hawaii.

HAAWINA KULA SABATI.

Ka Hapaha Mua o 1874.

HELU 2, SABATI IANUARI 11.

Kumuhana. Ka hanau ana o Mose.

Pauku Baibala. Pukaana 2:1-10.

KII aku la kekahi kanaka o ka ohana a Levi, a lawe ae la i kakahi kaikamahine a Levi.

2. Hapai ae la ua wahine la, a hanau mai la he keikekane; a ike iho la oia iaia he maikai, huna iho la oia iaia ekolu malama.

3. A i ka wa hiki ole iaia ke huna hou aku, lawe ae la ia i waa kome nona, a hapala ia mea i ka bitamena a me ka kepau, a hahao iho la i ke keiki maloko; a waiho iho la maloko o na kaluha ma kapa o ka muliwai.

4. A ku iho la koa kaikuwahine i kahi mamao aku, e hana i ka mea e hanaia mai ia iaia.

5. Iho iho la ke kaimahine a Parao e auau ma ka muliwai, hele ae la hoi kona mau wahine ma kapa o ka muliwai: a ike aku la i ka waa iwaena o na kaluha, hoouna aku la ia i kona wahine e lawe mai.

6. A wehe aku la ia, alaila ike iho i ke keiki: aia hoi, uwe ae la ua keiki la. Aloha aku la kele iaia, i aku la, He keiki keia na ka Hebera.

7. Alaila, olelo aku kona kaikuwahine i ke kaikamahine a Parao, E hele noi ha wau e kii aku nou i kekahi wahine Hebera i kahu nana e hanai i ke keiki nau?

8. I mai la ke kaikamahine a Parao iaia, O hele. I hele aku la ke kaikamahine, a kii aku la i ka makuwahine o ua keiki la.

9. I mai la ke kaikuwahine o Parao iaia, W lawe ae i keia keiki a e hanai iaia na’u, a na’u no oe e aku aku. Lawe ae la ua wahine la i ke keiki, a hanai iho la.

10. A nui ae ua keiki la: a lawe ae la oia iaia i ke kaikamahine a Parao, a lili ae la ia i keiki nana. Kapa iho la oia i kona inoa, o Mose, i iho la ia, No ka mea, ua lawe ae nei ae iaia mailoko mai o ka wai.

Pauku Alakai, Pauku 10. Hoopaa naau.

Mele Him. 332. Leo- Mendon c. Sacra, page 39

PULE i mahuahua na keiki maikai.

NA NINAU.

Na Makua. Heaha ke kauoha a Parao i mea e emi ia ka peo mamo a Iseraela? Ua emi anei? Mokuna 1:20, 22, He mea aha ka maalea o ke kanaka?

P.1 Na Keikikane. He kana a he wahine, ua mareia laua? Mok. 6:20 He keiki Levi na wai?

P.2 Na Kaikamahine. O keia keiki i hanau mai la, oia anei ka makahiapo? Owai na keiki mua? O keia keiki hou, ua kapa koke ia anei kona inoa? Ma ka uana ana o ka makuwahine, ua ike oia he keiki ahu keia? Heaha kona maikai? Maikai paha ke kino, ka maka, kina ole; aka, malama ua hoike mai ke Akua iaia, e lilo ana keia keiki i mea nui. Molaila, ua aha oia i ua keiki nei? No ke aha ka hona’na? Mok. 1:22 Ma ke aha ka huna aha? Hobera 11:23. Makau anei laua i ke kauoha a ke’Lii? No ke aha ka loaa ole o keia keiki i na Pale-keiki? No ke kii ole ia paha o laua? Owai na Pale-keiki? Mok. 1: 15.

Na Pokii. Owai keia keiki maikai i hunaia i ehia malama? Mahea i hunaia’i? Oihana 7:20. No ke aha i hunaia’i? I olo e hooleiia iloko o ka muliwai. Na keiki aha e hooleiia’na iloko o ka muliwai? Nawai i kauoha pela? No ke aha ? A pehea no kaikamahine Hana ino ka o Parao i na keikikane. Ma ka aina hea i hana ino ia ai, a hoolei ola ia’i na kaikamahine hanau hou iloko o na muliwai? Ma Kina. Lokoino loa!

P3. Na Makua. Heaha keia mea hiki ole? No ke aha i hiki ole ai ke huna hou? Malama he peo kiu kekahi e hoomakakia ana. Heaha ka hana ka makua no ke keiki? Mahea i waihoia’a ua waa liilii nei? Owai ia muliwai? Ma kapa hea i waihoia ai? Malama ua ike ka makua i ke kaikemahine a Parao e iho ana i keia muliwai nei, a ma kahi i iho ai oia, malaila i waihoia ua waa nei, i ikeia @ iho ke kaikamahine ilaila. Nui na Kerokodile ma kau wahi o ia muliwai. He wahi Kerokodile ole paha keia.

P.4. Na Keikekane. Owai, ka mea e ku mamao aku ana? Owai kona inoa? Mok. 15:20. Owai ko Miriama kaikahane? E nana ana o Miriama i ke aha? Aloha nui paha oia, a uwe nui me ka makua, me ka manao, e ola ana paha ke keiki, e make aua paha. Owai kekahi keiki i imi ia kona ola e kehahi Alii? Pakele anei? Ma ke aha?

P.5. Na Kaikamahine. Owai kai iho i ka muliwai? E aha? Me wai ka iho pu’ua? Heaha kana i ike ai? Pehea aku la? Hi mea aha ia waa liilii i kona manao? He mea kupanaha paha, akahi no paha a ikeia ka waa me ia ano.

Na Pokii. Ua ike anei oukou i na waa liilii me keia? Heaha ke kome? ke kaluha? Ka bitumena? Ke kepau? Heaha no waa a oukou i ike ai? He ano aha keia waa liilii? He ano hinai paha. Owai ka i hahaoia iloko o keia waa? No ke aha? A waihoia mahea? No ke aha? I ikeia a hoolaia ke keiki. Owai ka i ike? Ua kii ia ahu anei? He kaikuwahinie anei ko keia keiki? Owai? He kaikuaana anei? Owai? Ua kau ka make maluna o na keiki, he waa liilii anei kahi e hahao ia ai oukou, i pakele i ka make? He waa no, aohi nae he liilii, he waa nui, ua lawa no na mea a pau. Owai?

P.6. Na Makua. I ka wehe ana ae i ka waa, heaha ka i ikeia maloko? Ua aha iho la ua keiki liilii ner? Loihi anei oia iloko o ka waa Ko anei ka manao o ka makuahine? Aha aku la ke kaikamahine a Parao? He keiki nawai? Wahi ana. No ke aha kona manao ana pelo? Nohea ka inoa Hebera? Ua likeia me ke aha?

P.7. Na Kekikikane. Owai ka i olelo aku i ke kaikamahine a Parao? Owai kona inoa? Heaha kona i ninau aku ai? Ua ike anei ke kaikamahine a Parso, o ke kaikuwahine keia o ua keiki liilii nei?

P. 8. Na Kaikamahine. Ua ae anei ke kaikamahine a Parao i ka manao o ke kaikuwahine? Owai ka ke kaikuwahine i kai aku ai? Aia ihea ka makuwahine? Ua hoi paha oia i ka hale, a noho ke kaikuwahine e kiai. Olioli paha laua i ka ike ana ua loaa ka waa a me kekeiki pu i ke kaikamahine a Parao,

Na Pokii. Owai keia kaikamahine aloha? A laweia mai ka waa a weheia, owai ka i uwe mai la? Aloha ino kahi keikii hoopaaia iloko o ka waa kome a pololi, a makewai, a me ka mako paha i ke ea ole. Pohala, ea, i ka weheia ana o ke poi o ka waa. Aole anei he nui na keiki liilii e waiho ana iloko o ka pilikia? E aha aku ia lakou? Owai ke kahu maikai o na keiki? O ka makuwahine ponoi paha. Owai ke kahu maikai loa.

P. 9. Na Makua Ua akaka anei i ke kaikamahine a Parao, o ka makuwahine ponoi ka i kii ia i kaha no ua keiki nei? I ka puka ana nai o ke kahu, heaha ka ke kaikamahine a Parao i olilo maikai aku ai? Lokomaikai, ea. Heaha la keia uku? K lilo ana paha o ke keiki i hooilina no ke aupuni, Malia paha he uku e ae e pili ana i ka ola kino o ke kahu. Ma ka hoohalike he poe aha na maku? He peo kahu o hanai ana i na keiki nawai? Heaha ka uku a ke Akua e uku mai ai ke malama pono ia na keiki? Heaha ka uku ke malama pono oleia? Ke malama pono nei anei oukou i ka oukou mau keiei?

P. 10. OUKOU A PAU – Ua lawe no ua wahine la, owai ia wahine? Ua aha oia? A nui ae ke keiki, ua ahaia ola? Owai ka inoa o ia keiki? Nawai i kapa? No ke aha? Owai ka inoa o ke kaikamahine a Parao? Ua oleloia, Teremuti (Thermothis) ka inoa. Lolokaikai paha ka inoa kupono.

I ka noho ana o Mose me ke kaikamahine a Parao, ua lilo anei oia i keiki naauao? Oihana 7:22. Nui anei na Mose i keia wa? Oia hoi na mea i hukiia mailoko mai o na pilikia, a ola.

Hai mai ka pauku Alakai.

MELE. “Ka Iesu Kamaiki au”

PULE HOOKUU. HAWAII.

P.S. – Na Pauku Baibala no ke Sabati la 18 o Ianuari. Pukaana 3:1-10.

Na Olelo wehewehe no na Oihana a na Lunaolelo.

MOKUNA XIII.

P. 42. “I ko lakou hele ana iwaho, nonoi aku la lakou, i hai hou ia mai keia mau olelo, ia la Sabati mai.” Ua hui pu no paha na Iudaio me ka poe o na aina e ma keia noi.

P. 43. “A i ka hoi ana o ka ka halehalawai” – i ka hookuu ia’na o ke anaina. “He nui ka poe Iudaio, a me ka pei haipule i huli mua i hahai aku.” O ka poe haipule i huli mua, oia ka poe haipule o ko no aina e i huli i ka pono, O ko lakou hahai ana ia Paulo me Baranaba, oia ka hoike ua manaoio lakou i ka lakou mea i loho ai, a he ake e lohe hou. “Na lawa no i olelo mai, a hooikaika mai e ku paa maka maikai o ke Akua.” Aole e lawa ke kanaka i ka pono o ke Akua, ke lohe wale no i ka olelo o ke ola ma ka olioli nui, ke ole loaa ia ia ka mole e paa ai. Mataio 13:20, 21. O ka poe wale no e hoomau aua a hiki i ka hopena, o lakou wale no ke hoola la ia, Mataio 10:22. Nolaila ua hooikaika mai na lunaolelo e ku paa me ka maikai o ke Akua.

P.44. “Kokoke pau loa ke kulanakauhale i ka akoakoa.” Aole i hai ia mai ia kakou kahi a lakou i akoakoa ai. Ua uuku loa paha ka luakini, nohe paha i pau ua kanaka iloko o laila. Ua ku paha i pau na kanaka iloko o laila. Ua ku paha ka hapa nui o lakou mawaho, e like me ka hele ana mai o na kauaka he nui loa e lohe i ke ao ana o Iesu. Mareko 2:2, a me Luka 5:19.

P. 45, Piha loa lakou i ka paonioni, (hua.) Ua piha lakou i ka hua uo ko lakou ike ana ua haawi like ia ka pono o ke ola i ko ua aina e, oiai o lakou wale no ko ke Akua poe kanaka ponoi, wahi a lakou.

“Hoopohaia aku la I na mea a Paule i olelo ai, hoopaapaa a olelo hoina aku la.” Kapa aku la lakou ia Paulo me Barenaba he mau kumu wahahee. A ua olelo hoino no hoi paha ia Iesu, me ke i ana, he hoopunipuni ia. Pela no na emei o ka oiaio e hana mau nei, he haalele i ka paio pololei, a huli ae ma na olelo hoino, kuamuame, a henehene.

P. 46 Aole i makau o Paulo me Barenaba i na olelo hoino o ka poe Iudaio: aka, mamailio aku la laua me ka naau koa. Hoike maopopo aku la laua i ka hope e hiki mail ana ia lakou no ko lakou kue ana. “He mea pono.” Oiai o na Iudaio ka lahui o ke Akua, a ua haawi ia mai na olelo hoomaikai ia lakou; “ke hai mua ia ia oukou ka olelo a ke Akua” Pela no ke kauoha a Iese i na haumana, e hai aku i ka miki a me ke kala ia o na hala iwaena o na lahui a pau, e hoomaka ana ma Ierusalema. Luka 24:47. E lohe mua ana na Iudaio i ka olelo maikai. “Ua kapae oukou ia mea, a ua manao oukou ia oukou iho, aole oukou e pono ke ola loa, eia hoi, ke huli aku mei maua i ko na aina e.” Aole ma ka olelo, aole hoi ma ka moomoo aua, i manao ai keia poe Iudaio he pono ole lakou ke ola loa; aka, ma ka lakou mau hana i ike ia’i kela mea. Ua hoike lakou i ko lakou pono ole ma ko lakou papae ana i ka pono i haawi wale ia mai ia lakou. Aole i pane aku o Paulo me Barenaba i ko lakou mau olelo hoino; aka, ua hai maopopo aku lua. “Ke huli aku nei maua i ko na aina e, a na ia mea ua hooko laua i ke kauoha a ke Akua.”

P. 47 “No ka mea, pelo ka Haku i kauoha mai ai ia makou. Ua hoonoho wau ia oe i malamalama no ko na aina e, i lilo oe i mea e ola’i a hiki i na kukulu o ka honua.” Ua lawe ia mai keia mau olelo noloko ae o ka wanana a Isaia 49:6, a he mea e akaka ai ua hooholo mua ke Akua e hai ia aku ka euanelio i ko na aina e. Nolaila hoi, ma ko laua huli ana i ko na aina e, ua hooko laua i ka makemake o ke Akua. Aka, ua haalele aku laua i na Iudaio wale no ma Anetioka, aole laua i haalele i ka Ishui holookoa.

P. 48. “Olioli lakou,” no ka mea, ma ia mua aku e loaa like ana ia lakou ka pomaikai me no Iudaio.

“O ka poe i wae ia no ke ola loa, manaoio aku no lakou.” O ka la ia o ka mana o ke Akua, a o kona poe i wae ia e noho ana ilaila ia wa, ua ae oluolu lakou e like me ka mea i palapala ia; “E ae oluolu mai no kou poe kanaka ke hiki ka la o kou ikaika. Halelu 110:3 Ua like ka poe Iudaio ma Anetioka me ke keiki hanau mua ma ka olelo nane, ka mea i piha i ka huhu, a hoole aku, aole e ai i ka ahaaina i hoomakaukau ia e kona makuakane.

P. 49 “Ma ia aina a pau,” oia hoi ka aina e hoopuni ana ia Anetioka.

P. 50 “Hookonokono aku la na Iudaio i na wahine haipule koikoi,: Aia na wahine o na kulana kiekie i huli i ka hoomana Iudaio. Ua hoopiha na Iudaio i keia poe wahine i na manao ku e a me na olelo wahahee, e ao hewa ana o Paulo laua me Barenaba i na kanaka, pela i ulu ai ka hoomaau ana ia laua, a kipaku ia aku la laua mai ko lakou wahi aku. I ka nana ‘ku he poe wahine haipule lakou ma ke ano o ka poe Parisaio. Mataio 6:1-5.

P. 51. “Lulu aku la laua i ka lepo o ko laua i ka lepo o ko laua mau wawae ia lakou e like me ke kauoha ana a Iesu ma Mataio 10:14 “Hele mai la laua i Ikonio.” He kulanakauhale o Ikonio i paapu i na kanaka ma ka hikina hemu aku o Anetioka, a he kanaiwa paha mile ke kaawale mai ia kulanakauhale aku. Oia ke kulanakauhale nui o Lukaonia.

P52. “Piha loa iho la na maumana;” oia ka poe Kristiano ma Anetioka; “i ka olioli, a me ka Uhane Hemolele.” Oiai ua kipaku ia ko lakou mau kumo, e uono mai ana no ko lakou Akua, a me ko lakou Hoola, a me ka mea uana lakou e hoomaemae; Nolaila, ua piha lakou i ka olioli, aole hoi hiki i kekahi mea ke kaili i ko lakou olioli mai o lakou aku Ioane 16:22.

(Aole i pau.)

Ka hebedoma pule.

E NA HOAHANAU: -

Ua kokoke mai na la i hookaawale ia e na haipule o na aina Kristiano a pau, i wa e pule nui i ke Akua. Ua makaukau anei oukou na hoahanau Hawaii, e hoohui, a e malama i keia mau la pule” E hoomaka ana keia pule i ke Sabati la 4 o Ianuari, a e malama ia ana a hiki i ke Sabati la 11 0 Ianuari.

He pono no ke malama ia keia mau la pule ma na kihapai a pau o Hawaii nei. Ma na wahi @ @ @ ai. @ hoohui ma na keena halawai. Ma na wahi i noho kawaiwala e halawai liilii. Aole nae ma na halawai wale no e pule, aka ma ko oukou mau hale ponoi kekahi, ma ka pule ohana, a me ka pule mehameha kekahi.

Aole anei he pono e manao nui, a e malama no hoahanau a pau loa ma Hawaii nei i keia mau la pule?

I na makahiki i hala ae nei, aole ninini nui ia mai ka Uhane Hemolele maluna o ua ekalesia o Hawaii nei.

Ua ulu nui ka hewa. Ua lanakila ka hewa maluna o ka aina. Ua palaka na elalesia. Ua komo ka hewa iloko o na ekalesia. Ua hoomaloka na kanaka, no kauaka makua, a me na kanak opiopio. E iho nui ana na uhane o na kanaka i ka make mau loa. A pehea ka hebedoma pule? Aole anei he pono ke ala nui ua hoahanau, e mihi, e hoohaahaa, e hai aku i ka hewa, a haalele, a e nonoi aku i ke Akua e hoi hou mai, a e hana hou i kana mau hana ma Hawaii nei?

E nana nui oukou e na hoahanau me ka noonoo hohonu, i na kumu manao i hoouoho ia ma ka Papa Hoike, i pai ia na oukou, ma ke Kuokoa o Dekemaba la 6. Ma ke kumu o ka pule no ka la 5 o Ianuari, oia ka Poakahi; ponei ka olelo. “Hai ana i ka hewa; ka hewa o ka lahuikanaka, me ko kakou hewa ponio.”

Eia ke kumu o ka pule no ka la 8 o Ianuari, oia ka Poaha. “Pule no na lahuikanaka –i hoopauia ka hoopunipuni, ka ona,” a pela aku.

No ka la 6, oia ka Poalua. “Pule no ka ekalesia Keristiano i hoomahuahua ka ma naoio, ka hemolele, ke aloha, a i ninini nui ia mai ka Uhane Hemolele”

He mau kumu ano nio loa keia, a ua kupono i na hoahanau a pau o Hawaii nei ke manao nui i keia mau la pule, a e hele haahaa aku imua o ke Akua, a e nonoi aku ia ia a haawi mai i ka pomaikai io maluna o ko Hawaii nei.

Eia kekahi. He pono no e pule na hoahanau i keia mau la me ka manaoio i ke Akua. Ina he ino wale ke hele i ka pule, a o ka waha wale no ke pule, aole no e hoolohe ia mai ka pule. Ua i mai ke Akua. O ka mea e hele ana i ke Akua, e pono e manaoio oia, he mea io no ia. E noi a e haawi ia. O ka pule ikaika o ke kanaka pono, e lanakila nui ia.”

He pono nae e hookaawale aku i na mea a pau e keakea ai ka pule. O ka hewa i malama ia, oia kekahi moa hoolohe ole ie’i ka pule. “Ina malama au i ka hewa ma ko’u naau, aole e hoolohe mai ka Haku ia’u.” Halelu 66:18 O ka naau hookiekie, hoomaloka, haaheo, hookamani, oia kekahi mea e hoolohe ole ia ke Akua i ka pule. “Makemake oe i ka oiaio koloko.” Halelu 51:6. “Ku e aku ia ke Akua i ka poe huaheo, a haawi mai i ka lokomaikai i ka poe i hoohaahaa.” Iakobo 4:6.

Mai hoohala kakou i ka hebedoma pule, @ na hoahanau, me ka loaa ole mai o ka haawina mai ke Akua mai; oia ka makana o kona Uhane Hemolele. Ina hala keia mau la pule, me ka loaa ole mai ka mihi oiaio, a me ke ala hou ole mai o na ekalesia, a me ka hooano hou ole ia o ka Uhane, ahea la e loaa’i? Ina aole hoomaku he ano hou, a he ola hou iwaena o na elalesia Hawaii, iloko o keia mau la pule, ahea la e hoomaka’i? E hana kakou e like me kela olelo a ka Haku ma Malaki 3:10. “E lawa mai i na waiwai, hapaumi a pau iloko o ka hale ahu-waiwai i ai maloka o ko’u hale; a e hoao mai oukou ia’u me ia mea, wahi a Iehove o na lehulehu, i wehe ai paha au i na puka o ka lani, a e ninini iho i ka pomaikai maluna o oukou, a hiki i ka lawa.

E nana kakou i keia olelo hoopomaikai ma Ezekiela 37:5 “Ke i mai nei Iehova ka Haku, penei; i keia mau iwi. Eia hoi, e hookomo au i ke ea iloko o oukou a e ole no oukou.” I aulele kakou i ke Akua, a me kana olelo, a e moi aku ia ia me ka naau a pau i keia mau la i hookaawaleia e pule.

Na Kula Sabai ma Polelewa, Honolulu.

I ka Sabati la 21 o Dekemaba mei, ua lilo ka hapa nui o ka hana kakahiaka i ke Kula Sabati. Ua hoomakaia i ka hana maka himeni ana. A pau ia, ua heluhelu o Rev. S. C. Damona i kekahi paukku o ka Baibala, me ka haipule.

Ua himemi hou ke kula; alaila kamailio mai la o Mr. Whitman, ke kahu, e hoohalike ana i ko Iesu poe ponoi me ka poe koa. Ua hoomakaukau e oia i na haumana iloko o kela papa keia papa o ke kula, e ku a lawe mai i kekahi hoailona o ke kahiko o ke koa i hoikeia e Paulo ma Epeso 6:10-18.

A i kona heluhelu ana ma’ka pauku 14; “I kakooia ko oukou puhaka i ka oiaio:” ku koke kekahi keiekane, a lawe mai i kekahi apo, me ka hua “oiaio” i kakauia mawaho ona, a haawi aku la i ua mea la i ke Kahu.

Heluhelu hou ke kahu; “A pulikiia oukou i ka pale umauma o ka pono.” Hele koke kekahi mau kaikamahine me ka pale umauma; a o ka hua “pono” ka i kakauia mawaho ona.

Pela ka @@@@ weleiea hoi ko oukou wawa; a puka koke kekahi houmana me na kamaa elua, a haawi aku i ke kahu.

Pela hoi ka hana ana me ka “aahu apoo o ka manaoio,” a me ka “mahiole o ke ole.” A me ka “pahi kaua o ka Uhane,”

Ua heluhelu hoi ma I Korineto 13: no ka “manaoio/” a me ka “manaolana,” a me ke “aloha.”

A pau keia mau mea hoailona o kahiko ai ko Iesu poe koa i ka haawiia i ke kahu kula; alaila, heuhelu like no kumo me na haumana i na kanawai he umi; a pau ia, himeni hou Iakou. Alaila, ku mai o Rev. S. C. Damona, a paipai hoopili mai i keia mau olelo nane no na koa, i ko Iesu poe kanaka ponoi; a hooikaika mai i na makua a me ka kula Sabati a pau, e hoolilo ia lakou i poe koa no Iesu, a e kahiko ia lakou iho e like me ka Paulo kauoha ana i ko Epesa, a me ko Korineto e hana’ku ai.

Ua mahaloia ka hana’na a ke Kula Sabati ma Polelewa, i ka Sabati i halu ae nei. Ua kokoke mai ka makahiki hou, a me ka hebedoma haipule. Pono i na Ekalesia a me na kula Sabati a pau ke noonoo a hoomaopopo – “Eia hoi, ano ka manawa e maliuia mai ai; eia hoi, ano ka wa e ola’i.”

E na makamaka, mai Hawaii a Niihau, Aloha oukou.

He nui ko kakou noonoo ana no na mea e ola ai keia lahui Hawaii. He nui na kauka, he lehulehu na kahuna lapaau. A ke make nei kekahi poe i ka huikau wale o no laau o kela a me keia ano. E like me keia, kekahi kanaka a’u i ike ai, ua loaa iaia ka eha ma ka opu a ma ke ake-paa. Aka, inu oia he mau hua-ale, aole naha; inu he paakai, aole naha; inu he laau hoopaa-hi, aole olulu, nui mai ka eha, inu hou he laau ikaika, a hoomaka mai Ia ka naha malalo a maluna. A mai make oia no ka nui o ka laau i ai ia. Aole hilinai ma kekahi mau mea kupono e hooluolu me ka awaawa ole o ka oup i na laau ano awaawa. Nolaila ola mahunehune ua kanaka Ia.

Kehahi poe nae make no, no ke akamai kupono ole o ua kahuna lapaau.

Pela auanei Hawaii nei. Ua imi wale kakou i o ia nei i mea e ola ai, aole mae i imi i ke kahuna nui e ola ai.

O Iesu ko kakou Kalahala, kokou Alaki, ko kakou Alii nana e alakai aku ia kakou, ke hahai kakou ia ai.

Ia Iesa ka berena e ola’i, ia ia ka wai o ke ola, ia ia ka ikaika a me ke akamai, ia ia ke aloha menemene e hapai ia kakou e like me ka hiipoi ana o ka makuahine i kana keiki liilii. Ka hapa nui nae o kakou, ma Hawaii nei, aole makemake ia ia e alakai, aole makemake ia ia e kokua. Ua makemake kakou, ka hapanui e hooko i ko kakou mau koko iho, e like me kamalii hookuli. I haalele i kona makuahine, a hele aku mamuli o kona makamake iho.

Nolaila e ko auanei ka wanana a ke kaula, o Isaia. “No ka mea, ea, ke hele mai nei Iehova mai kona wahi mai, e hoopai i na kanaka o ke ao nei no ko lakou hewa,”

Aka, ina e mihi kakou, a hilinai ia Iesu a hahai ia ia, a malama i kona mau ka kane wai, a me kana olelo, nana e hanai ia kakou me na mea ono loa, a maona loa, a e pomaikai loa ai iloko Ona, ke Kalauala o ko ke ao nei. E

E hoomanao oe i kou Mea nana i hana. I na la o kou noho opiopio ana; Oi hiki ole mai na la ino. A hookokoko ole ia mai ua makahiki. au e olelo ai, Aole o’u oluolu keia mau mea: Kekahuna 12:1

Papa Hoike no ka Hebadoma pule, Ianuari, 1874.

Sabati, Ianuari 4 – Na Haiao: Ke ano hookahi o ka ekalesia Kristiano, a me ka poe manaoio a pau. N kumu i kono nei ka peo manaoio e lokahi, a me na mea kea kea ia lokahi ana, Ioane XVII: 21, 22, 23.

Poakahi, Ianuari 5 –HOOMAIKAI ANA I KE AKUA; No ua pomaikai lahui a me ua pomaikai pili kino o ko ka uhane me ko ke kino, Hai ana i ka hews: K hewa o ke Iahuikanaka me ko kakou mau hewa ponoi Daniela IX: 7.

Poalua, Ianuari 6 – PULE: No ka ekalesia Kristiano, i hoomahuahuaia ka manao io, ka hemolele, ke aloha, me ka mana; a i ninini nui ia mai ka Uhane Hemolele. Kolosa I :9, 10, 11.

Poakolu, Ianuari 7 – PULE NO NA OHANA. Na Home a me na Makua. NaKula. Na keiki e noho kaawale ana me ua makua. Na keiki mai a pilikia. Ka poe hoolohe ole. Hslelu cxv: 12, 13, 14.

Poaha, Ianuari 8 – PULE: No na lahuikanaka; i malu mawaena o kanaka, i maemae a i pono na lahuikanaka; i hoomauia ka ona, ka hoopunipuni, ka hoomanakii, me na mea oiaio ole a pau; i laha nui na palapala Kristiano. Isaia LX : 17,18.

Poaono, Ianuari. 10 – PULE: No na hana o ka makahiki 1873. E ike i na hana o ke Akua. Ka hope maikai o na hana a ke Akua. Iseia XXVI : 8,9.

Sabati, Ianuari 11 – NA HAIAO: Ke aupuni @ no na @@@. Halelu @: 1, 2.

NA BUKE
HOOLAHAIA E KA PAPA HAWAII

Baibala Hemolele Nui ili eula nani me na kuhikuhi ma na a ao.....$12 00
"            " Nui ili eleele kaekae wai gula.....5 00
"            " uuku iki ihi " ".....8 00
"            " Pananaiki iho ili eleele.....4.00
Kauoha Hou ili gula nani me na kuhikuhi.....3.00
"             " eleele kaekae wai gula.....1.00
"             " " ......75
Kauoha Hou Hapa Haole.....75
Lira Hawaii 1848 me ke kanawai......25
"       " 1855.....25
Moolelo Ekalesia.....50
Haiao ili lahiahi.....10
Hele Malihini ana.....25
No ko ke Akua ano......25
Lira Kamalii......25
Hoike Palapala Hemolele.....25
Moolelo o Heneri Opukahaia.....25
Hoike Akua.....25
Weheweheia.....25
Ninau Hoike ili manoanoa.....25
"         "          " lahilahi....10
Kumumua Kula Sabati.....10
Buke Lawe Lima.....10
He Buke no ka Pope.....10
Ui Kula Sabati Helu 3.....25
"   "       "         "      4......25
"   "       "         "      5......25
Buke Euanelio a Ioane.....10
Himeni            .....1.00
Himeni Ili nani.....1.75
Na Kauoha Hou Pakeke
Ili Gula nani.....1.50
Ili eleele kaekae nani......50
Ili eleele......35
Kauoha Hou Pakeke me na Halelu
Ili Gula nani.....1.75
Ili eleele kaekae wai gula.....50
Ili eleele......50
Na Halelu Pakeke
Ili Gula nani.....50
Ili eleele kaekae wai gula......30
Ili eleele.....20
Ka Hae Hoonani (Buke Mele)......25
Buke Wehewehe Huaolelo Baibala.....2.00
            "              "    " Ili nani.....3.00
Eia na buke haawi wale
Palapala Liilii--
            Helu 4--Makemake anei oe i ke ola
            Helu 6--E hele i o Kristo la.
            Helu 7--Ka hoi ana mai o ke Keiki Uhauha
            Helu 11--No ka hoohiki wahahee i ke Akua
            Helu 16--Ka Kehia ana o ka Ahaaina a ka Haku a ma ka Bapetiso ana.
            Helu 17--Mai hana ino i na holoholona
            Helu 18--No ka mahi ana, kuai ana a me ka inu ana i ka Awa.
Ka Davida Malo Kumumanao.
Ka Moolelo o Batimea Puaaiki.
J. F. POKUE.
Kakauolelo o ka Papa Hooko o ka Ahahui Euanelio o ko Hawaii Pae Aina.

KA NUPEPA “KUOKOA!”

Hoopuka mau ia

I KELA POANO KEIA

POAO.

$2.00 no na mahina Umikamamalua.

$1.00 no na mahina Elono.

ME KA HOOKAA MUA MAI.