Ka Nupepa Kuokoa, Volume XIII, Number 3, 17 January 1874 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA KUOKOA, ME KE AU OKOA I HUIIA.

 

KA NUPEPA KUOKOA

YOUR MISSION

Fresh Laurels, p. 18.

1.

A paa oe ma ka aina,

            Holo ole ma ke kai,

Me na Sela e luliluli

            Ma na ale io ia nei,

Hiki nae ke hana aloha

            I na Sela ke pae mai.

[: Kii a apo a ao aku

            I ka olelo e ola’i. :]

            2.

A paa oe ma ke kula,

            A pii ole i na puu.

Hiki nae ke hoohauoli

            I ka poe kanikau

Me ke mele i na mele,

            Mele pili ia lakou.

[: Komo no kou hua mele,

            Lohe, maha ka naau. :]

            3.

Kala ole anei oe

            Aole hoi he waiwai

No ka poe ilihune

            A kaa ino me na mai?

Hiki nae ke hele @e ike

            Hoomama, a uwe pu,

[: Pule, ao, a paipai aku,

            A hoona i na luuluu. :]

            4.

Mai olelo, aohe hana,

            A pau wale ae ka wa,

Kuhihewa, palaleha,

            Pili i ka manaka.

Nui no ka malawaina,

            Ku a komo, hana mau;

[: A loaa ka uku pono

            Ma o aku ma ke ao. :]

                        HAWAII.

-----

HAAWINA KULA SABATI.

-----

KA HAPAHA MUA O 1874.

HELU 5, SABATI FEBERU’RI 1.

-----

Kumuhana. Ka Iehova olelo hoohiki.

Pauku Baibala. Pukaana 6: 1-8.

            ALAILA, olelo mai la o Iehova ia Mose, Ano, e ike auanei oe i ka mea a’u e hana aku ai ia Parao: no ka mea, e hookuu aku no oia ia lakou me ka lima ikaika, a me ka lima ikaika hoi oia e kipaku aku ai ia lakou, mai kona aina aku.

            2. Olelo mai ke Akua ia Mose, i mai la ia, Owau no o Iehova.

            3. Hoike aku au ia’u iho ia Aberahama, ia Isaaka, a ia Iakoba, o ke Akua Mana; aka, ma ko’u inoa, o IEHOVA, aole au i ike ia mai e lakou.

            4. Ua hoopaa no hoi au i kuu berita me lakou, e haawi aku ai no lakou i ka aina o Kanaana, i ka aina i noho ai lakou, he mau malihini ilaila.

            5. Ua lohe hoi au i ka @pu ana o na mamo a Iseraela, o ka poe i hooluhiia’i e ko Aigupita; a ua hoomanao wau i kuu berita.

            6. No ia mea, e olelo aku oe i na mamo a Iseraela, Owau no Iehova, a e lawe mai no wau ia oukou mailalo mai o na mea kaumaha a ko Aigupita, a e hoopakele no wau ia oukou i ko lakou hooluhi ana; a e hoola wau ia oukou me ka lima kaka@uha, a me na hoopai he nui loa.

            7. A e hoonoho no wau ia oukou i poe kanaka no’u, a owau auanei hoi ko oukou Akua: a e ike auanei oukou, owau no Iehova, o ko oukou Akua, nana oukou e lawe a@e, mailalo ae o na mea kaumaha a ko Aigupita.

            8. A e lawe aku no au ia oukou i ka aina a’u i pai ai i ko’u lima, e haawi aku ia wahi no Aberahama, no Isaaka, no Iakoba, oia kau’ e haawi aku ai no oukou i wahi e noho ai: owau no Iehova.

            Pauku Alakai. Pauku 6-8, hoopaanaau.

            MELE, Him. 24, p. 1, 4. Leo- E@lparan.

C. S. 46.

1          Iehova, oia ke Lii mau;

            Hoomaikai nui no kakou

Hauoli ae na aina e,

A me na mokupuni nei.

4          Makau na kue a hohe,

            Maloko o na lua e p@oe,

            Hapai na poo, e mele @o,

            Kokoke mai la ka Iubile.

PULE no na Aina Pegana.

            NA NINAU.

            P. 1. Na Makua. “Alaila;” mahea ka pili ana? Nana mok. 5: 90-96. I ka hele mua ana o Mose laua me Aarona imua o Parao, e hai aku iaia i ka ke Akua kauoha e hookuu i kona poe @. Mok. @5: 1. Ua a@ koke anei o Parao e hookuu aku? Heaha kana olelo? P 2. A noi hou aku laua iaia a hookuu? P3. Pane oia Pehea? Heaha kana kauoha? p 6-9.

            Na K@. Ua hookoia anei ke kauoha @ 10-14. I ka hoopii ana o na loaa ia Parao @ loaa hooluhi loa ana i na kanaka, @o ia io, pane oia Pehea? O. 17@, 18.

            Na @Kaikamahine. No keia pilikia nui, Pehea na luna o ka poe l@ i olelo ai ia Mose ma? p 21. No keia mau olelo a na laua, Pehea i olelo aku ai o Mose ia Iehova? P 22, 23. He mau olelo aha keia? He mau olelo kanalua, a ane hoahewa i ke Akua. @Pehea anei ke kanalua, a hoohalahala, a paupauaho i ke Akua, ke ko koke ole ko kakou noi ana?

            Hai paanaau ma Luka 18:1.

            Na Pokii. O wai keia poe kanaka i hooluhiia? Nawai i hooluhi? mahea? O wai ka i hoounaia’ku e noi ia Parao e hookuu aku i keia poe kanaka? Ua ae koke anei oia e hookuu? No ke aha ka ae ole? Minamina paha oia i keia poe kauwa he nui wale. Ae koke anei oukou e hookuu, e haalele i na mea a pau a oukou i minamina ai? Owai na kauwa a oukou? Na lealea, na hewa, na kolohe, na huhu, nuku, hookuli, molowa, etc. ua ike anei o Parao ia Iehova? Owai kona Akua? He akua kii. Owai ko oukou Akua? Ke malama pono nei anei oukou iaia? Ina nui ko oukou mau luhi, a pilikia, a kaumaha, Heaha ka pono? Kaumaha ka auamo a Parao, Pehea ka Iesu auamo? Mat. 11: 29, 30.

            P. 1. Na Makua. Pehea ka Iehova pane ana ia Mose i mea e hoolaua’i i kona manao? E hana aku ana oia i ke aha ia Parao? Me ke aha oia e hookuu aku i ka poe Iseraela, a kipaku aku hoi mai kona aina aku? Nowai keia lima ikaika? No ke Akua kekahi, a no Parao kekahi. E wehewehe pono mai kekahi i keia.

            P. 2, 3. Na Keikikane. Owai ke Akua? Owai ka inoa ana i hoike aku ai ia Aberahama me wai? Ke Akua Mana. (Eli- Sadai.) Mahea? K@in 17: 1. 35:11. 48:3. Ua ikeia anei ke Akua e lakou ma kona inoa Iehova? Ua ikeia no, ua hoopuka no ia inoa ma ka lakou pule a noi ana, aka, aole ke Akua i hoike ia lakou i ke ano nui, a i ke ano a pau o ia inoa.

            Ku kekahi mea naauao, a hai i ke ano o ua inoa nei Iehova, a me ka hapa a Aberahama ma i ike ole ai? Ma kona inoa hea e hoolaia’i ka poe pono? Ma kona inoa hea e hoopaiia’i ka poe hewa?

            P. 4, 5. Na Kaikamahine. Ua hoopaa ke Akua i kona berita me wai? Heaha ia berita? Nana Kinohi 15: 18. 17: 4, 7, 8. 28:4. Mahea lakou i ka wa e kamailio ana ke Akua me Mose? Ua ahaia? Eaha ana? E uwe nui ana no ka mahuahua o na luhi. Ua hoolohe nei ke Akua i ko lakou uwe ana? I kona hoomanao ana i kona berita, e aha ana oia? E hooko ana, e hookuu ana i kona poe kanaka i ka hool@uhiia.

            Na Pokii. Owai na inoa o ke Akua i paanaau ia oukou? Ke Akua, Iehova, ka Haku, ke Akua Mana, Iehova ii, Iehova Nisi, etc. Ma ke aha i maopopo ai ka mana o ke Akua? Hai paanaau mai Kin. 1:1.

            IEHOVA, Heaha ke ano? Ola, Ola mau, Ola pau ole. Nohea mai ke ola o na mea ola a pau? Hai paanaau mai Ioane 1:4. E hookuu ana ke Akua i ka poe Iseraela mai Aigupita akua ma kona mau inoa hea? Ke Akua Mana, Iehova. Ma ka mua e aha ana? E hoopai a hoopau ana ia Parao ma Ma ka lua, e aha ana? E hoola ana i kona poe kanaka. Nawai oukou e hoola?

            P. 6-8. OUKOU A PAU. Hai like mai i keia mau pauku. Heaha ke ano nui? Ma ke aha e hooko ai ke Akua i keia mau olelo hoolana manao? Ua hookoia anei mahope? Heaha na manao e pili ana ia kakou?

            1 Nui na miliona iloko o ka hooluhiia; aia lakou ma na Aina Pegana he nui wale.

            2 E hookuuia’na no ia mau miliona. Pela na wanana ma ka ke Akua olelo, a e hookoia’na no.

            3 Nui ka poe i kaheaia e hele aku, e hookuu aku. Oia hoi na misioneri, etc.

4 Ua hoomaka e hookuu, paakiki nae na ‘Lii, na mana o ka po, o ke ao, aole ae koke e hookuuia.

            5 Mai kanalua a hoohalahala no na mea keakea, a no ka hapa o ka poe i hookuuia. E hana mau no a hiki i ka manawa e hookuuia’i lakou a pau.

            MELE Him. 466, p 1, & 3. Leo-Lenox. (Moi.)

            1          I mai la ka Moi,

                        Ka Haku o ke ao,

                        Maluna o na’lii,

                        Na Haku hoi a pau;

                                    Owau no nei, Ke Akua mau.

                                    Ke Ola wau, E pono ai.

            3          Na kanaka na lii,

                        Hoolohe pono mai

                        Ia kanawai maikai

                        Ka olelo e olai’i;

                                    E huli mai Mamuli o’u;

                                    E lelepau, I pomaikai.

            PULE i hookuuia na miliona Pegana mailoko o na auamo hooluhi, etc.

-----

            Haawina Kula Sabati no Feberuari 8- Pukaana 7: 14-22        HAWAII.

-----

            O @na @kapeka hana mau ma kana oihana, me ka makau ole nae i ke Akua, he kauwa kuapaa ia no na mea @ keia ae; ukiuki ke ho@hekaie; hoihoi loa @ke ko kona makemake. Aia a huipu ia ka makau i ke Akua me ka hana, alaila @ma @hoohokaia, hana no, he mea paipai ia @o hoa @hou no, ina ko kona makemake, a @ no ka waiwai, hoomaikai aku oia i ke Akua nona mai kona waiwai, a me ka @, ka ikaika i loaa’i. I na loaa ole, a poho paha oia, @ @na oia, ua pono @ia, mai ke Akua mai no ke @poho, a pono ke hoomanawanui, a hoolilo i kona poho i mea e pono ai oia; i mea @ aloha ai ka oiaio o kona ano haipule.

 

Aka, Owai ka i pepehi i keia mau mea a pau?

-----

            Ina e nana oukou ma Na Lii 2, 10:9, e loaa no keia ninau malaila. He mau keiki alii he 70 i pepehi ia. Ua okiia na poo, a hookomo ia iloko o na hinai, a lawe ia’ku la ia Iehu ke ‘lii o ka Iseraela. Ma kana kauoha no lakou i pepehi ia’i. Aka, ua ninau oia, ia ia e ike ana me he mea haohao la, a weliweli, Owai ka i pepehi ia lakou nei?

            Ua pono no ka Iehu hana ana, no ka mea, ua hana oia e like ma ka ke Akua i kauoha mai ai. Ma ka hoopili ana.

1. E nana na maka mao, a maanei. Nui ka poe i hoopilikia ia, i loohia i na mai ino mai lepera, i hookaawaleia ‘ku mai na makamaka aku, i hooleiia iloko o na hale paahao, e hele hakaka ana ma na alanui, a hi@na a make. Lehulehu na lua kupapau hoopihaia i na iwi o na makamaka, o na hoahanau.

Auhea ka nui o na kanaka Hawaii? He mau haneri kausani mamua aku nei. Aia la ihea lakou i keia wa? Aia iloko o na lua kupapau. Nawai lakou i pepehi? Nawai i hoohapa mai i keia lahui? Nohea mai na pilikia he nui wale e poino ai na kino, e paapu ai i na mai ino, a e make ai hoi ma mua o ka wa kupono? E make kumu ole anei kanaka? A he kumu ole anei no na pilikia e kau nei.

2. E huli i na haina no keia mau ninau.

1. Ka hookuli, oia paha ke kumu nui o na pilikia, a o na make. Ma Edena ka hoomaka ana o keia kumu, a hoolalau, a pepehi i na makua mua.

Ua papaia ka ai ana i ka hua o kekahi laau, me ka hai maopopo ana i ka hoopai ke ai ia. Hookuli nae laua. A o ua hook@ la ke kumu o na pilikia a pau.

Ua lohe no na kanaka, na kamalii i na mea i papaia, a me ka uku ke hookuli, na poino ma keia ao, na poino hoi ma kela ao.

            Ua papa ka Baibala, na kahunapule, na kumu, na makua; “Mai aihue, mai moekolohe, mai hookamakama, mai hoohiki ino i ka inoa o Iehova, mai hehi i ka Sabati, mai hoopunipuni, mai inu rama, mai hula lapuwale, a pela’ku; a nui wale na mea i papaia, me ka hai aku i ka poino ke hookuli. Hookuli no nae ka nui o na kanaka, a o na kamalii.

            Hoopa no, hana no i na mea i papaia. A hooko ia no ka olelo hooweliweli Kau mai na pilikia, na mai ino, na make.

2. Na makua. Lakou kekahi kumu o na poino. Aole o na makua a pau, aka, o ka hapa nui paha. Alakai hewa lakou i na keiki. Kolohe na makua, pono ole ka noho ana, noho me kahai kane, kahai wahine, noho mare ole e like me na mea i mare ia. Hana hewa, a hehi S@bati, hoohiki ino i ka inoa o Iehova, hoopunipuni, aihue, pepehi kanaka, inu rama, ona, puhi baka, hula, pepa, kokua mamuli o na kaikamahine e noho hookamakama ana, i mea e waiwai ai. I ke alakai hewa ia’na o na keiki e na makua, ua papapau pu lakou iloko o ka hewa, a hooiliia mai na poino maluna o na kino o na keiki, a hoopokoleia ko lakou ola ana. Nawai i lawe mai i na mai ino, a hoopiha i na hale i ka poe mai, a hoopiha i na lua i na kupapau keiki? Na na makua.
3. Ka poe hoowalewale. Lakou kekahi kumu nui no ka poino, a me ka make o kanaka me kamalii. Satana no ka makua o ka poe hoowalewale. Ua lanakila oia ma kona hoomaka ana. Lehulehu ka poe hoohalike me ia. Aia no lakou iwaena o na ohana, iwaena o ka poe mawaho, a iwaena o ka poe maloko. Hoowalewaleia, e aihue, e moekolohe, e hookamakama, e hula, e inu rama, e puhi baka, e pepa, e hehi Sabati, e hana i na hewa he nui wale, Ka ae no hoi ia o ka poe i hoowalewaleia. A no ia ae ana, ua kau mai na poino he nui wale. Aia no ka poe poino iloko o na hale e uwe ana no ka mai, no ka eha, no ka hui, no ke kaokao, no ka pau ana o kekahi mau lala, mai io o ke kino, i ka lilo aku. Aia kekahi poe iloko o na halemai. Aia kekahi hapa iloko o na hale paahao. A ke hele la kekahi hapa me ka hakaka a haule iho iloko o na lua, a e uwe ana no ka ilihune, hale ole, ai ole. Aia ka nui iloko o na lua kupapau.

Nawai lakou i hoopilikai a pepehi? Na oukou ka poe hoowalewale, na makua, na keiki, na kumu, na kahu, na luna, na hoahanau, na haole, me kanaka maoli, ka poe a pau i lilo i poe hoowalewale. Na oukou i pepehi i keia lehulehu.

4. Ka poe hana, kuai, haawi kokua. Lakou kekahi mau kumu nui no na poino, me na make o ili mai ana maluna o kanaka me kamalii.

Nohea mai na mea e ona ai? Nohea mai ka rama, ka waina, ke gini, ka barani, ka ela, ka bia, na mea awaawa, a ona he nui wale? No ka poe hana, a kuai, a haawi, a kokua mamuli o ke kuai ana. E komo kakou iloko o na hale kuai. Heaha ka @ maka e ike ai? He mau mea maikai no, aka, ma kekahi mau hale, he mau mea ino kekahi, he mau omole rama, a pahu rama, pahu bia, pahu waina. Ke kuaiia nei i na kanaka maoli, i na haole. A pau, kii hou ia aku no, paipai ia no ka poe hana, e hana hou a nui na mea ona. Aole ma na hale kuai wale no na mea o@; ala ma na hotele, ma na hale hookipa, ma na ahaaina ho@launa, a haawi wale ia’ku ia na hoa. A lilo lakou i ka @ona. A @ili @mai maluna o lakou a @me ko lakou mau @ohana na poino, a me ka lua o ka ona. Eha ka maka o ka poe aloha, ke nana i ka @makena wale o na poino, o na lua kupapau o ka poe ona. A ke ninau ia nei, “Nawai lakou i pepehi?” a kupinai mai la Na ka poe hana, a kuai, a haawi i na wai ona, a haawi i na laikini e kuai.

III. Heaha ka hope o keia pepehi ahulau ana? O ka hoopai pa kanahiku ia’na a oi aku paha Ma keia a@o ka hoomaka ana, a ma kela ao ka mahuahua loa ana. Pakele nae ke mihi a haalele ka poe pepehi i ka wa kupono i ko lakou pepehi ana. O ka poe nae i hala me ka mihi ole, aohe mea e pakele ai lakou. E inu no lakou i ke kiaha o ka poino a maloo loa ia.

HAWAII.

-----

Pehea la e hana’i i hoihoi na kumu, na haumana, na makua i ka

OIHANA KULA? E NANA MAI I KEIA!

-----

Ka Hoike me ona mau mea hoohoihoi, ma Waimea, Hawaii ma ka la 16 o Dekemaba nei.

            Ua hoolaha e ia ka manawa. Ua paipai e ia e ala a hoomakaukau. Ma ka la hoike ua hanaia na mea e hoihoi ai ka poe e komo ana.

1. Ua nauwe na keiki me na hae a me na mea hookani i ka Hale Hoike.
2. Mele mua “Greeting Song.” He mele aloha ia no ka hui pu hou ana. Golden Robin. p 56.

“Iehova, Makua, a lokomaikai,

E kau mai kou malu e hoomalu mai.”

3. Pule kekahi lala o ka Papa kula.
4. Mele ke kula haole. “Never late.”
5. Heluhelu ke kula maoli me ke kula haole ma na olelo elua, mai ka poe nui a i ka poe uuku loa, me ka Spell no hoi, a haawi na makua i kekahi mau lalani Spell loihi. Pau koke no i na haumana, a olioli loa na makua.

Mele ke kula maoli, “Away to the hills.” Golden Robin, p. 112.

      “Au moe a pouli no,” &c. He mele moku keia, a hoohalike ka poe mele me na Sela. Nani ka mahalo ana.

11. Helunaau; mok. 13-15. Nana makua i haawi i kekahi mau ninau. Hem kahi, hemo ole kekahi. Ua Akamai nae keia papa, a holo loa ka hana.

12. Mele kula haole. “My Own Native La@na.” Me he manu la na leo kaikamahine. Golden Chain.

13 Arimetika mok. 1-5, ma na olelo elua. Naauao no.

14 Mele kula maoli. Leo, “Women’s Rights.” Golden Robin. p. 136.

            He mele kiki keia. He kaikamahine puhi baka, a he keikikane hoole baka, a e paipai ana i kona hoa haalele. Ua ae ke kaikamahine me na keiki a pau e hoolei, a e wawahi i na ipu baka.

            Maikai loa keia mele, olioli loa ka poe i lohe.

15 Hoike ke kula aole i na aina Baibala ma ka papa eleele, me kekahi mau mea e pili ana. A mele ma ka olelo haole

            “O we are Volunteers,” Golden Censer

16 Hoomaha, a hele i ka ahaaina kula, a mele malaila. “Come & Join our Army.”

            “E hui me makou la,” &c. Pure Diamonds p. 122.

            Maikai no ka ahaaina, olioli pu na makua me na keiki.

17 Hoihou i ka hoike, a Mele. “Blue Birds Temperance Song,” Golden Shower p. 57.

            “He manu uli au a oli maikai e,” &c.

            He mele Puali inuwai manu keia, a e paipai ana na manu i na kamalii. E inu wai me lakou, a e hoole i ka rama. Lea ka pepeiao i ka lohe ana i keia @male manu.

18 Arimetika, mok. 11. Nani ka holo ana o keia papa kaikamahine me ona keikikane hookahi. H@ A E. I wale iho no keia mokuna ia lakou. Hemo wale na ninau.

19 Mele kula haole. “Ring the bell Watchman.”

            Kani ka leo kaikamahine me he bele kani hone la.

20 Buke Honua, oia hoi, ko kakou Honua.

            He Buke Honua hou keia. Akahi no a hoikeia. Maikai no.

21 Mele. “Good Morning” Golden Robin.

            He mele aloha keia i ke Kahukula nui.

            He wahi hope no ke Kahu, a komo mai, ku ke kula, a Good morning ia ia, a Good morning aku oia lakou. Mahope paipai ia.

22 Heluhelu manao a hai olelo.

23 Mele. “Boat Song” Golden Robin. p. 63.

            “Ma ke kai mao ae

            Pae mai he leo @e,” &c.

            He mele laweia keia. E hoi mai ana na laweia me na ia, a mele olioli ka poe i ike i ko lakou hoi ana mai.

24 He mau olelo kik@e ma ka olelo haole, Hawaii, Pake, &c., no ka haawi aina ia Amerika, me @na @haole.

            Hu ka olioli o ka poe lohe.

            25 Mele. Kula haole, “Echo.” Ma kahi e, kekahi mau kaikamahine, a mele mai, a eko aku, eko mai &c. Nani ka leo echo!

            26 Hai paanaau ka poe uuku, a Mele. “Little Fairies.” Golden Robin.

            He mau @ liilii na Fairies, oia hoi na manamana lima he 10.

            27 Mele. “He poe koa kakou,” me na koa liilii a me na pahu, &c. ke mele ana.

            28 Na manao paipai o ka Papa kula.

            29 Mele hope a pookela Ie@mi Boka.

            Ka piha keia o ke kiaha olioli a hu iwaho.

            30 Pule hookuu, i ka Lunakula ia.

            Ke hana keia i hanaia ma Waimea, i mea e launa mai ai na makoa a me ka poe noho mamao aku a hele ole mai i na halawai Sabati. Me keia mau hana e hooluana, a hoolakalaka aku ai ia lakou me ka manao e ala a imi paha auanei lakou i na olioli oi aku ma ka lani.   HAWAII.

-----

O ka aua anei ka mea ku i ka pono?

            Pela mai kekahi poe. Pehea la nae oe, e ka mea heluhelu mai? He oiaio o ka haawi aku ka mea inea a poho wale?

            E! Heaha auanei ke poho? Ua noonoo paha oe a maopopo ia ia oe, ea! Ina pela, e hai mai oe i ka’u e ninau aku nei.

            Ua kanu paha oe i wahi kumu alani nau, me ke kipulu maikai aku, a me ka malama pono no hoi, mai kona wa kauwowo a hiki i ke oo. Ua kali hoomanawa nui hoi oe i ka@no hoohua ana mai, a hala kekahi mau makahiki he nui no. a Pehea la kou manao; a ike pono, he kumu hua ole kena, a nele oe i ka uku ole ia mai? He hoohalahala no ka kou, no kou poho. A ua pono hoi kau, no ka mea, aole loa he pono ke loaa mai a nui i kekahi, a aua loa hoi oia i ua loaa nei nona iho wale no.

            Pela ka ke Akua, a pela hoi ka ke kanaka Ea! Ua ike akea ia kou huhu i kau wahi keiki, no kona lawe mau i kau, oiai, aohe ona hoihoi i ke kauwahi o kau, ma ka hoolohe a malama mai ia oe, e ka makua. He keiki hookuli no kau, a haalele hoi i ka mea nana ia i malama, me ka minamina ole i ka luhi, mai kona wa hanau a i ke oo. Nolaila kou kaniuhu. “He luhi makehewa ko’u no ke keiki a’u i aloha nui ai.” “He poho wale!” “Ua nui ka i loaa aku ia ia la, oiai, o kona hoihoi mai i kekahi, aole loa no!” “Auwe hoi au, ka makua i aloha ole ia mai ai!”

            E! Pehea ka pono? O ka aua anei ka mea maikai, i kou manao, o ka haawi paha? Malama paha ua like kou manao me ko ke Akua. O ka haawi aku, ka mea ku i ka pono.

            Ua ike paha oe, i ke kanawai e kau nei maluna o kanaka a pau. Oia keia: “O ka mea loaa wale mai, a haawi ole aku, na poino maoli no ia.” Hana mai ke Akua i kanaka a pau, i poe kokua kekahi i kekahi. A ua hai pololei mai no ia, i pau ke kuhihewa o ka mea aua. “aua oi ka pomaikai o ka haawi ana aku, mamua o ka loaa ana mai.” A o ko ke Akua pomaikai no hoi ia kekahi. He mea haawi nui oia, a haawi mau.

            O na pono kino a me na pono uhane a kakou e hauoli nei, nona wale mai no ia.

            A Pehea kakou, ea? E hoohalike ole anei me ka ka Makua Lani? Aole, e hoohalike no i pomaikai io. A i ole, ea, e like au’nei kakou me ke kai o Sodoma, oia ke kai make. He loaa wale kona, ka wai huihui o Ioredane. Aole nae ona wahi haawi iki aku, aole loa he kulu wahi hookahi. He aua loa no; a nolaila kona lilo ana i ka awaawa launa ole; a haalele wale no mea oia a pau iaia, a make io no ua kai pi nei, a make loa.

            He aie maoli nae keia, a’u e kamailio aku nei- O ka haawi aku hoi. He nui ka aie a ka poe i loaa wale mai ka lakou la. He aie ka lakou na kekahi poe nele ma kahi e. Pela mau ka ke Kauoha Hou.

            A Pehea o Hawaii nei? He mea e kona loaa! He nui a nani hoi na mea i haawi wale ia nana; a eia, ke ku wale mai nei ia imua o ka maka o ka lehulehu.

            A nele anei o Hawaii nei i ka aie ole, ea? Aole. Ua like ka nui o kana aie me ka nui o kona loaa mai.

            Aole loa i haawiia mai kana, e waiho mau ia ma keia Pae Aina, e like me ka wai o Ioredane, iloko o ke Kai Make! Kauoha mai la ke Akua ia kakou e hooili aku i ua mau pomaikai la i ka poe e noho nele nei ma na aina pouli e, e like me ko Hawaii ia wa kahiko loa aku nei. A pela io no kakou i hoomaka ai e hana. Me he mea la nae i keai wa, ua paupauaho kekahi poe ma ia hana maikai! Pehea @ ko oukou manao ia mea e na hoaloha i loaa wale mai a nui?

-----

Eia ka Paulo i ko Roma.

-----

“Ua manao iho hoi oe, he alakai oe no na makapo, he malamalama hoi no ka poe iloko o ka pouli; he mea nana e ao i ka poe naaupo, he kumu hoi no na kamalii, na loaa hoi ia oe ke ano o ka ike, a me ka oiaio iloko o ke kanawai; O oe ke ao aku ia hai, aole anei oe e ao ia oe iho? O oe ke papa aku, mai aihue, e aihue no anei oe? O oe ke olelo aku. Mai moe kolohe, e moa kolohe anei oe? O oe ke hoopailua i na kii, e aihee no anei oe i na mea laa? O oe ke hoano aku i ke kanawai, e hoino no anei oe i ke Akua ma ka haiahai ana i ke kanawai? No ka mea, na olelo ino ia’e ka inoa o ke Akua iwaena o na kanake e, ma o oukou la.”           Roma 2:19-24.

 

Kumu o ka Piliku@.

-----

“Aia hoi, aole i pokole ka lima o Iehova, i mea e ole ai ia e hoola; Aole hoi i kaumaha kona pepeiao, i mea e ole ai ia e hoolohe; Aka, ua kaupale no ko oukou mau hewa mawaena o oukou, a me ko oukou Akua; a ua huna ko oukou mau hala i kona maka, m@ai o oukou aku, i ole oia e hoolohe mai. NO ka mea, ua paumaele ko oukou mau lima i ke koko, a me ko oukou manamana lima i ka hewa. Ua olelo no ko oukou mau lehelehe i ka wahahee, a ua olelo ko oukou alelo i ka hewa.” Isaia 59: 1-3.

            “E hai aku i ko oukou mau hewa kekahi i kekahi, a e pule hoi kekahi no kekahi, i pohala ai oukou; o ka pule ikaika o ke kanaka pono e lanakila nui ia..”    Iakobo 5:16.

            No ia mea, a i lawe mai i kau mohair i ke kuahu, a malaila oe i manao ai, he mea kau e hewa ai i kou hoahanau; E waiho oe malaila kau mohai imua o ke kuahu, e hele aku oe e hoolaulea e mamua i kou hoahanau, alaila e hoi mai e kaumaha aku i kau mohair.” Mat. 5:23, 24.

-----

Eia ka Iesu i kana poe haumana.

-----

            “O oukou no ka paakai o ka honua; aka ina pau ka liu o ka paakai, Pehea la ia e liu hou ai? Aole ona mea e pono ai ma ia hope; e kiola wale ia iwaho e hehiia’i e na kanaka.”

            “O oukou no ka malamalama o ke ao nei; o ke kulanakauhale i ku ma kahi kiekie, aole ia e nalowale.”

-----

KA PULE, ka malu ia o ka uhane ka malie o ka manao, ka maniania o ka hoomanao, ke kumu o ka noonoo, ka maha o na luhi, me ka lulu o ka ino; he kaikamahine ka pule na ke aloha, a he kaikuaana no ke akahi; a o ka mea e pule ana i ke Akua, me ka huhu, a me ka pihoihoi, ua like ia me ke kanaka e hele ana i ke kaua, e noonoo, a e kukulu ana i kona halepule ma kahi hoomoana o ka pualikaua.

-----

E PAIIA ma ka naau o ka poe noonoo, keia mea noi; Aia iloko o ke kanaka ke kumu o ka manao hauoli, a me ka manao ohumu a kaumaha; A he au kupono, a he au kupono ole ko kela ko keia mea a pau o keia ao. Ina e hoopa ia ma ke au kupono he maikai no a kupono ka ipu; Ina nae e hoopaia ma ke au kupono ole, he ino wale no, a kahuli ka ipu.

-----

            O NA wahine nawaliwali, a @ano naaupo kai makemake e loaa na pono a pau o na kane, e like me na oihana aupuni. E oluolu nae na wahine e noho haahaa malalo iho o na kane, na p@oo o na wahine.

-----

NA BUKE

I HOOLAHAIA E KA PAPA HAWAII

--ME KE—

KUMUKUAI O KELA ME KEIA.

-----

BAIBALA HEMOLELE NUI ILI GULA NANI me na kuhikuhi ma na aoao…$ 12        00

Baibala Hemolele Nui ili eleele kaekae wai gula……………………………………5          00

Baibala Hemolele nuku iki iho kae wai gula………………………………………   8          00

Baibala Hemolele pananaiki iho ili eleele…………………………………………    4          00

Baibala Hemolele ili eleele…………………………………………………………  2          00

Kauoha Hou ili gula nani me na kuhikuhi………………………………………….  3          00

Kauoha Hou ili eleele kaekae wai gula…………………………………………….. 1          00

Kauoha Hou ili eleele……………………………………………………………….             75

Kauoha Hou Hapa Haole……………………………………………………………            75

Lira Hawaii 1848 me ke kanawai…………………………………………………...            25

Lira Hawaii 1855……………………………………………………………………            25

Moolelo Ekalasia…………………………………………………………………… 50

Haiao ili lahilahi…………………………………………………………………….             10

Hele Malihini ana…………………………………………………………………...             25

No ko ke Akua ano………………………………………………………………….            25

Lira Kamalii…………………………………………………………………………            25

Hoike Palapala Hemolele………………………………………………………                    25

Moolelo o Heneri Opukahaia…………………………………………………..                    25

Hoike Akua……………………………………………………………………..                   20

Wehewehehala…………………………………………………………………..                  20

Ninau Hoike ili manoanoa………………………………………………………                  25

Ninau Hoike ili lahilahi………………………………………………………….                  15

Kumumua Kula Sabati………………………………………………………......                  15

Buke Lawe Lima…………………………………………………………………                15

He Buke no ka Pope……………………………………………………………..                 10

Ui Kula Sabati Helu 3……………………………………………………………                 20

Ui Kula Sabati Helu 4…………………………………………………………….                05

Ui Kula Sabati Helu 5…………………………………………………………….                20

Buke Euanelio a Ioane…………………………………………………………….               15

Himeni Hawaii…………………………………………………………………….   1          00

Himeni Hawaii ili nani…………………………………………………………….   1          70

Kumu Leo Mele……………………………………………………………………              15

Kumu Leo Mele ili nani……………………………………………………………              50

NA KAUOHA HOU PAKEKE.

Ili gula nani………………………………………………………………………… 1          50

Ili eleele kaekae nani……………………………………………………………….              50

Ili eleele…………………………………………………………………………….              35

KAUOHA HOU PAKEKE ME NA HELELU.

Ili gula nani………………………………………………………………………..   1          75

Ili eleele kaekae wai gula………………………………………………………….               @60

Ili eleele……………………………………………………………………………               50

Buke Wehewehe Huaolelo Baibala, elua ano……………………………………..

Buke Wehewehe Ano Mataio……………………………………………………..

NA HALELU PAKEKE.

Ili Gula nani……………………………………………………………………….               60

Ili eleele kaekae wai gula…………………………………………………………                30

Ili eleele…………………………………………………………………………..                 20

Ka Hae Hoonani (Buke Mele)..…………………………………………………...               25

EIA NA BUKE HAAWI WALE.

PALAPALA LIILII-

            Helu 4- Makemake anei oe i ke ola?

            Helu 6-            E hele i o Kristo la.

            Helu 7- Ka hoi ana mai o ke Keiki Uhauha.

            Helu 11- No ka hoohiki wahahee i ke Akua.

            Helu 16- Ka Eehia ana o ka Ahaaina a ka Haku a me ka Bapetizo ana.

            Helu 17- Mai hana ino i na holoholona.

            Helu 18- No ka @mahi ana, kuai ana a me ka inu ana i ka Awa.

Ka Davida Male Kumumanao.

Ka Moolelo o Batimea Pua@aiki.

            Aia ke keena kuai buke o ka Papa Hawaii me ka @kuina o Alanui Betela me Alanui Kalepa, @e kokoke ana i ka Hale Leta.              J. F. POKUE.

 

            Kakauleta o ka Papa Hooko o ka Ahahui Euanelio o ko Hawaii Pae Aina.

-----

KA NUPEPA “KUOKOA!”

Hoopuka mau ia

I KELA POANO KEIA POAONO.

$2.00 no na mahina Umikumamalua.

$1.00 “              “   “   Eono.

ME KA HOOKAA MUA MAI.