Ka Nupepa Kuokoa, Volume XIII, Number 11, 14 March 1874 — Page 4
| This text was transcribed by: | Christina Easiley |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa, Me Ke Au Okoa I Huiia.
Ka Nupepa Kuokoa
How Shall I be happy.
Fresh Laurels p 129.
1.
Heaha ka’u i oli? Heaha ka’u i oli?
Heaha ka’u i oli a po ka la, a po ka la?
Pane 1-Hana pono, mai kolohe,
Mikiala, a hoolohe
I na kanawei
Pane 2 – Ku a hele i na kula
Pili pono ‘a is Iesu la
Oia ka maikai
Cho. Alaila au e oli, oli, oli, a hauoli
Alaila au e oli, oli a po ka la
2.
Heaha ka’u i oli? Heaha ka’u i oli?
Heaha ka’u i oli a po ka la, a po ka la?
Pane 1 – Noh olu, mai ohumu
I na hoa, i na, kumu
Pane olu no
Pane 2 – Hana maikai i na hoa
E kokua, e aloha
Kuikahi pu
Cho. Alaila au e oli, oli a hauoli, etc.
3.
Heaha ka’u i oli? Heaha ka’a i oli?
Heaha ka’u i oli a po ka la, a po ka la?
Pane 1 – Pale aku i na ino
Hoomaemae la I ke kino,
A me kuu naau
Pane 2 – Huli, kula, pule, mele,
Kupaa mau a hemolele,
Pela no a mau.
Cho. Alaila au e oli, oli, oli a hauoli, etc.
HAWAII.
HAAWINA KULA SABATI
KA HUINA HAPAHA MUA O 1874
HELU 13, SABATI MARAKI 29.
KUMUHANA – Ka Hoi hope.
PAUKU BAIBALA, - PUKAANA, Mokuna I – XVII.
MELE. “My Dear Sunday School.” Leo “My Own Native Land. Golden Chain, p.62.
1. Aloha no au i na la noa e,
Ka Sabati nae ka maikai;
A e pau aku no o na oli oonei
No Kuu Kula Sabati maikai
Kuu Kula Sabati maikai;
A e pau aku no o na oli oonei
No kuu Kula Sabati maikai
PULE hoomaikai no ka loaa anu o keia hapaha mua, &c.
NA NINAU. (Na ke Kahu e ninao.)
HAAWINA I Na Makua. Heaha ke kumuhana o keia Haawiua? Kakauia mahea?
Hoakaka – (Ina loaa ole ka ninau i ka poe i ninau ia, e ninau aku i ka poe e.)
Heaha ka hale hooluhi? Owai ka i hooluhiia? Nawai i hooluhi? No ke aha i hooluhi ia’i? Heaha na hana hooluhi? Ua emi anei ka poe Iseraela ma ka hooluhiia ana? Heaha ka lua o na mea i hanaia ai i emi ka poe Iseraela? A ua emi anei lakou?
He wanana anei mamua no keia hooluhi na, a me keia mahuahua ana? Mahea i kakauia ai?
HAAWINA II Na Keikikane me na Kaikamahine. Hai mai i ke kumuhana o keia Haawina, a me kahi i kakauia’i. Owai na makua o Mose? Hanauia, a hunaia ehia malama? mahea? no ke aha? ma ke aha? Heb. 11:23. A wuihoia mahea mahope? A loaa ia wai? A hanaiia e wai? A lilo i keiki nawai? Nohea kona inoa Mose? A nui ae oia, heaha kana i hoole ai? No ke aha? Heb. 11:24 – 26.
Na Pokii. Owai ka i iho i Aigupita? Iakoba, me na keiki, na moopuna an’a. Ehia lakou? 70.
No keaha ka iho ana ilaila? No ka wi. Nawai lakou i malama? Na Iosepa ma Parao ke alii oluolu. Lilo kela 70 i lehulehu anei? Ae, lilo i miliona paba. Make Iosepa a me keia Parao oluolu anei oia i ka poe Iseraela? Aole ; hooluhi oia ia lakou ma na hana oolea, a pepehi i na keikikane hou, i ole lakou e mahuahua. Ko anei koea makemake? emi anei lakou? owai kekahi keiki maikai i hanauia, a hunaia ekolu malama? Mahea oia i waiho ia ai mahope? Nawai i ike, a kii, a hanai a nui? He kaikamahine alii aloha oia, ea. Owai ke kaikuwaihiae o Mose? He kaikua’na anei? owai? A nui Mose, makemake anei oia e kapaia he keiki alii? Heaha kona makemake? Hiki anei ia ouou ke lilo mau keiki alii?
MELE. "I Rise to Seek the Light." Golden Chain p.6.
3 He wahi keiki, he pokii,
I hele mau mai no,
I kahi kula kamalii,
A kula me lakou;--
A ninau @@, Heaha kou
E imi nei e mau?
A pane mai, I ike au, A pii ae i ke ao,
A pii, a pii, a pii ao i ke ea.
HAAWINA III Na Makua. Ke kumuhana o keia Haawina, me kahi i kakauia ʻ i, hei mai I ka wa i kahea ia ai Moae, mahea eia? e aha ana? Ma Aigupita oia mamua, no ke aha kona @@@ ma kahi e? He wahine anei kana? he keiki anei? Ehia ona mau makahiki iaia i haalele ai ia Aigupita?
Ehia ona mau makahiki iaia i kaheia'i? Nawai i kahea? Hai mai i ke ano o kana kahea ana? Ka laau pau ole i ke ahi, heaha ke ano? Kahea ke Aua ia Mose e aha? Aloha anei ke Akua i kona po kanaka? Ehia makahiki ana i waiho ai ia lakou iloko o ka pilikia? Kokoke anei e
pau? Ae koke anei Mose e hele e hookuu i ka poe Iseraela?
HAAWINA IV Na Keiki. Hai mai i ke Kumuhana, me kahi i kakaoia'i o keia Haawina. Hai mei i na kanalua o Mose. No ke aha na kanalua? Ua hoopauia anei? Ma owai la? Heaha kekahi mau hana kupanaha i mea e pau ai ko Mose kanalua, a manaoio ai ka poe Iseraela? He poe kanaloa anei i keia wa?
Na Pokii. Holo Mose mai Aigupita a Midiana, no ke aha? No ka makau o pepehi o Parao iaia no kona pepehi ana i kekahi kanaka Aigupita. Pepehi Mose i kekahi kaoake Aigupita! no ke aha? hewa anei? Heaha ka oihana a Mose a Midiana? Owai kona makuahonowai kane? Owai kana wahine? Kana keiki mua? Heaha ka mea kupanaha a Mose i ike ai ma ka lala laau? Kauoha ke Akua ia Mose e wehe i kona mau kamaa no ke aha? Heaha kahi hoano i keia wa? Ka luakini
ea. Kabea ke Akua ia Mose e bele e hookuu ia wei? I ka poe Iseraela e hooluhi ia ana ma Aigupita. Ae koke anei Mose e hele? Kahea ia oukou e huli ma ka pono, &c. Ae koke anei oukou? Ka lima o
Mose, lilo i aha? ke kookoo o Mose. lilo i aha? Hai mai i na mea e pili aua. Pau anei ke kanalua aua o Mose? Pau anei ko oukou kanalua ana?
MELE. "When the day with rosy light" Golden Chain p. 57
1 Aia hee ka malu po,
A hoea ke ao maikai,
Ala a hoomakaukau
Na pokii e kula nei.
Nauwe i ke kula e,
I ke Kula Sabati,
Mele ae a oli e,
A pule hoomaikai.
Cho. - Boys, Mele ae, Girls, Mele ae.
Hui. - Mele ae a oli e, A pule hoomaikai
HAAWINA V Na Makua Ke Kumuhana heaha? mahea? Heaha ka Iehova i hoohiki ai? E lawe i ka poe Iseraela mai hea a i hea? Ehia lahuikanaka malaila? Heaha ka wanawa ma Kiu. 15:14, 16, 18-21? Ma ke aha e hooko ai o Iehova i kona hoohiki? Owai ke kokooloa o Mose? Owai
ka mea nui o laua? E mele nani na pokii
HAAWINA VI Na Keiki. Ke kumuhana, kahi i kakama'i, hai mai. Ae koke mai anei o Parao e hookuu i ka poe Iseraela? Pehea kona pane? No ke aha koua aua ana i ka poe Iseraela? Hai mai i na hoopai mai ka mua a i ka iwa. Pau na hoopai 9 hookuu anei Parao? Ehia hoopai i koe, alaila, hookuu?
Na Pokii. E hooko ana enei ke Akua i kona mau hoohiki a pau? Ae, aole hoopunipuni ke Akua; e kai aku ana no ia i ka poe pono i ka lani, a e hoolei aku ana i ka poe hewa iloko o ke ahi pio ole. Hai mai i kekahi mau hoopai a ke Akua i hoopai mai ai ia Parao ma, no ka waikoko, no
na rana, (moolele,) mai ahulau, na la pouli loa, &c. Paakiki loa Parao, ea. A pehea hoi ko oukou paakiki?
MELE. "Canaana." Golden Censer p. 45
1 E mele nani na pokii
I ka nauwe ae i ka laui;
Hoonanai aku i ke Lii,
I ka nauwe ae i ka lani
Hui - Ka lani! ka lani!
I ka nauwe i ka lani
Ke lani ke home maikai o'u;
I ka nauwe ae i ka lani.
HAAWINA VII & VIII. Na Makua Hai mai i na kumuhana e keia Haawina, me kahi i kakauia ai. Ka pasoa o Iehova, heahaia? Ioahea ka hookumu ana? ka malama, ka la, ke ano, ke keikihipa, ka
berena hu ole, ke ano o ka ai ana, ke koko, e hamoia mahea? No ke aha? Ka hoomauia ana. A hoopauia, heaha kona pani? He mau hoailona ke kikihipa, ke koko, no ke aha?
Na Keiki. Heaha ka hoopei hope i ae ai Parae e hookuu i ka poe Iseraela, a heaha ke auo o koua hookuu aua? Ma kamanawa hea i kipaku aku ai oia ia lakou? A hookuuia aku lakou, mahea ke Akua i alakai aku ai ia lakou, mei hea a i hea? no ke aha? ma ke ano aha? Ano okoa. Me ae iwi owai? Heaha ko lukou lama?
Na Pakii. Ua aha ia ke koko o ke keikihipa? Ua hamo ia mahea? no ke aka? Owai ke keikihipa nui? Hai mai Ioane 1: 29. mahea e kamoia ai kena koko? i aha? I maemae, i ola makea. Hai i ka luku ana o ka anela i na makahiapo o ko Aigupita. Maloko o aa hale hea ka make ole! A kapipi ole ia ko oukoa neau i ke koko o Iesu, pehea oukoa? Ke kia ahi, ke kia ae, hai mai, he mea aha?
MELE. "Oh That will Joyful be." Golden Chain p 48.
1 He oli oia mau, Ke pau ae ke ola me,
A e pii a ike se, Ia Isea ma ke ae,
A hookipa maikaii'i, A me ia e oli ai.
Hui He oli oia mao, He oli, oli oia mau
He oli oia mau, He oli, oli oia mau.
HAAWINA IX & X Na Makua. Na Kumuhana, kahi i kakauia ai, hai mai. Mahea i hoomoana'i ka po Iseraela, a alualu ia e Parao ma? Ua hookuu loa anei Parao ia lakou? I hooko loa ia nae lakou heaha ka hoopai hope i hooiliia mai? Hai mai i ka mahele aua o ke kai, ma ke aha?
i aha ka poe Iseraela? Paha ko Aigupita poe? Mahea ke kia ahi? Heaha ia no ka poe Iseraela? Heaha hoi ia no ko Aigupita poe? Pau lakou mahea? E pau ana ka poe hewa a paakiki loa mehea?
Owai ka i hoopaanaau i ke Mele a Mose no ka lanakila ana o ka poe Iseraela? Aole liuliu, a ohumu ka poe Iseraela, heaha ke kamu o keia ohumu ana? Heaha ka mea i ono ai na wai awaawa?
HAAWINA XI &XII Na Keiki. Na Kumuhana o keia mau Haawina, me kahi i kakauia'i, hai mai. Ohumu hou ka poe Iseraela no ka ai ole, ia ole, wai ole, a heaha ko lakou manao, e hoi hou anei i Aigupita? Pehea i pau ai keia mau ohumu? nohea ka ai, ka ia, ka wai? Owai ka inoa
o ka ai? o ka ia? Ehia makahiki e ai ai lakou i ka maue? Heahe ke ano o ia mane? Hai mai i ke kaua ma Repidima, na aoau elua, ka aoao lanakila, ka mea i lanakila ai, ko ke Akua hoohiki no ka Ama-
leka, me ke ko ana.
Na Pokii. Pau Parao ma iloko o ke kai hea? Kai Ula. Aia mehea ia? Hai mai i ka hana kupanaha. Ua aha ia ke kai? Pehea i pau ai Parao ma? Pehea ka poe Iseraela? Hele lakou iwaena o ke kai me ka maloo, pehea i hiki ai? Ohaumu pinepine aoei oukoo? no ke aha? no ka ai ole, ia ole, wai ole. Pono anei ia? Owai ka inoa o kela berena mai ka lani mai? Hai mai 1 Kor. 10:1-4. Nohea ka wai me ka berena e ola ai? Owai ka i hele mai e kaua mai i ka poe Iseraela? Lanakila ma ke aha?
Pehea oukou e kokua ai i na kahunapule? E make ana anei ua enemi a pau o ka poe pono? Ma ke aha oukou e lanakila ai?
NA MANAO PAIPAI.
E lilo kakou a pau i poe koa no Iesu, a paio mau, a nauwe mau aku i hiki aku i
Kanaana hou, & c.
MELE "O we are Volunteers." Golden Ce@ser p 88.
He poe koa kekou no ka Haku no ke 'Lii,
E ku pololei koonei mau pokii;
Kena mai la Iesu Kristo e nauwe ae kakou
E hoouka mau, a e lanakila no.
Hui. - Hui mai a paio, e paio no Iesu,
Oia no ka Luna, e ala a uauwe pu;
Ikaika no ke kaua, u'ala no ka po;
Iesu me lakou la e lanakila no.
PULE i makaukau e komo iloko o ka hapaha elua o ka makahiki me oua mau Kula
Sabati, &c., a hookuu aku.
Haawina Kula Sabati no Aperila 5, Na Kanawai. Puk'. 20: 1-17. HAWAII
Nana pono i kela! Nawai i papa i
ka heluhelu ana i ka Baibala,
oia hoi ka Palapala Hemole-
le? Ane paha i hooleia,
aole make e heluhelu
ia iloko o na kula
Aupuni.
Ma ke Kauoha kahiko, ua.kauohaia na kahuna e ao i na kanaka a pau i na kanawai, i na olelo a ke Akua. Ua kauohaia na makua, e ao i na keiki i na kanawai, ua kauoha a ke Akua. Nana Kanawailua 6; 6-9. 11:18 - 21.
Ma ke Kauoha hou, ua kanaoha no Iesu i na Iudaio, E huli i ka Palapala Hemolele. Ioane 5:39. Ua mahaloia na kanaka o Berea no ko lakou huli ana i ka Palapala Hemolele i kela la keia la. Oih. 17:11.
Kauoha Iesu i kana poe haumana e hele a ao aku i na lahui kanaka a pau, i kana mau olelo a pau. Ma ka waha wale no anei e ao aku ai? Aole anei ma ke kakau ana, ma ke pai ana kekahi, a ma ka heluhelu ana no hoi o kanaka?
Ma na Keneturi mua, ua heluheluia no ka olelo a ke Akua e ka lehulehu, aole loa i kauia kekahi kapu. Aole i hoahewaia, a hoopaina no ka heluhelu ana. Ua paipainuiia kanaka e heluhelu.
Aka, mahope loa mai, ua hoomaka ka ekaleaia o Roma e hookapu i ka Palapala Hemolele, a papa, aole make e heluhelu ka lehulehu.
Ua huli kekahi kanaka a mau kanaka paha i na moolelo o ka ekalesia o Roma; a eia na mea i maopopo lea, aole hiki ke hooleia.
1. Ma ka mak. 1080, hoahewa Pope Gregory VII., i ka heluhelu ana o na kanaka i ka Baibala ma ka lakou olelo poaoi.
2. Ma ka mak. 1199, hoole loa Pope Innocent III., i ka heluhelu ana o kanaka i ka Palapela Hemolele, no ka mea, aole hiki 'a lakou ke hoomaopopo i ko lakou ano hohoau, a kuhikuhi i Puk. 19:12, i mea hodiaio. Me he la, ka Baibala, oia mauna Siaai, a o ka mea hoopa aku, e make ka ia!
3. Ma ka mak, 1229. Ua hooholo ka Abe o Taulouse, pauka 14. Aole pono ke hoolakeia kanaka i na hake o ke Kaueha kahiko a me ke Kaueha hou. O kahi hake Halelu me ka Breviary wale no ka i kuponoia lakou; ma ka olelo Latina nae, he elelo pohihihi lea ia i kanaka. Ua like ia me ka papa loa i ka Baibala i na kanaka.
4. Ma ka mak 1233. hooholo ke Aha o Taracona, pauka 2. Aole pono ke haawiia ke Baibala me ka olelo o Roma i oa kahuna me na kanaka A o ka poe i loaa mamua, e hoihoiia i ea Bihopa iloko o na la 8, a i ole e puhiia lakou i ke ahi! E puhiia ka i ke ahi na kahuna me na kanaka,
ke hoihoi ole aku i ka Baibala i na Bihopa iloko o na la 8! Nohea ia nauao?
5. Ma ka mak 1408, Ua hooholo ka Synoda o, Oxford ma Enelani, pauku 7. Aole
loa e paiia ka Baibala ma ka olelo Beretania, aole loa e heluheuia ka Baibala a Wikilife i onuhi ai. He Baibala maopopo ia i na kanaka.
6. Ma ka mak. 1500, hoohewa Ximenea, ka Ake Bihopa o Toledo ma Sepaoia, i ka hoolaha ana i ka palapala hemolele ma ka olelo a kanaka. Ma ka olelo Hebera, Helene, Latina, wale no. Na olelo akaka ole keia i na kanaka.
7. Ma ka kau ia Meri ke quina o Enelani, na puhiia na Baibala i ke ahi, no ka mea, ua na Baibala ka i hoopuka i ka poe heretika; (ka poe hoole Pope.)
8 Ma ka mak 1563. hoole ka Aha o Trent, sole make e kalaia ka hewa o ka mea nona ka Baibala ma ka olelo o kanaka, ke ae ole ia mamoa e na luna ekalesia.
9. Ma ka mak. 1570, olelo Cardinala Hosius, o ka haewi ana i ka Baibala i kanaka, oia ka hoolei ana i na momi imua o na puaa.
10. Ma ka mak. 1672, hooholo ka Synoda o Ierusalema me na Bihopa a me na kahuna 67; Aole pono ke heluheluia ka Baibala i na Kristiano a pau.
11. Ma ka mak. 1799, hooholo ka Bula o Pope Clement XI, pauku 80-83. He mea wahahee, a hoohilahila, a hoino, a heailiili, a hoolalau loa, ke ae e heluhelu na kanaka a pau i ka Palapala Hemolele.
12. Ma ka mak. 1669, Ua puhiia i ke ahi ka Baibala i unuhiia e Quesnel, he kahuna Roma, ma ka olelo Farani. Na kona ekelesia no i kauoha e puhi.
13. Ma ke mak 1740. Keakea ikaika loa, Pope Benedict XIV, i ka unuhi ia'na o ka Baibala ma ka olelo Peresia.
14 Ma ka mak. 1824, hoolaha aku la Pope Leo XII, i kana palapala kue aku i na Aha Pai Baibala a pau.
15. Ma ka mak. 1820 a mahope mai, hooikaika loa na kahuna Pope e keakea i ka hoolaha ana i ka Baibala ma Irelani.
16. Ua papa loa Pope Pio VII i ka hoolaha ana i ka Baibala, ka Palapala Hemolele.
17. Ma ka mak. 1832 & 1844, hoolaha aku la Pope Gregory XVI, i kana palapala kue aku i na Aha Pai Baibala.
18. Ma ka mak. 1865. Nov., hoomainoino Pope Pio IX i ana Aha maalea, a hoopunipuni, wahi ana, i kapaia na Aha Pai Baibala, e im ana e hookomo i ka Baibala iloko o na lima o ka poe ui ike ole.
A, eia ka hope. Ioa na puke mua mai na kahuna Pope i keia Pae Aina, ua loa anei ka Baibala i na kanaka Hawaii ma ka olelo Hawaii? Aole anei. i hoole na kahuna Pope, aole make e heluhelu ia ka Baibala Hawaii a me ka Baibala Bertania iloko o na kula aupuni? I na aole, no keaha la i makau ai ke Kahukula nui i ka heluhelu ana i ka Baibala iloko o na kula aupuni, a makau hoi i ka pule ana iloko i keia mau kula? Mai ka hoomaka ana kana hana a hiki ia nei, aole paha oia i pule iloko o kekahi kula aupuni, aole heluhelu i kekahi pauku Baibala, aole paha i paipai i na kumu, i na haumana e pule, o heluhelu Baibala. A nolaila, ua ane kipa kuia ka Baibala, a me ka pule iwaho o na kula aupuni. I na he kuhi hewa keia, e hoikeia mai, a e mihi au la. Owau. o
MI. Kokua Baibala.
Ka Indaio me kana kaikamahine.
Hoike mai kekahi kahunapule elemakule i kona mauao kamailio me kekahi Iudaio. I kekahi Sabati i kona hai ana'ku i ka olelo a ke Akua, komo mai kekahi kanaka, he ano Indaio ke nana'ku; a i kona lohe ana i ka olelo a ke Akua, ua haule kona waimaka.
A pau na hana a ke halewai, hele ke kahunapule ie na la, ninau aku la, Ea! aole anei oe kekahi keiki o Aberahama? Ae mai no ia, 'ae" "Pehea la e hiki ia oe, he Iudaio, ke komo iloko o ka luakini Kristiano?" I kona pane ana mai, ua hei mai oia i keia mau manao nona iho a me kona kaikamahine.
Ua hele mai oia mai Ladana mai. me kona mau puke, a me na waiwai, a me ke kaikamahine aloha, 17 kona mau makahiki, a ua loaa kahi maikai e noho ai ma ka aina momona e pili ana i ka moliwai Ohio. Ua make e kana wahine ma Enelani, a o ke kaikamahine wale no i koe. Nui wale kona lao ia ia. Ua hoonaanaoi ; he maikai kona mauao; hiki ao ia ia ke heluhelu a kamailio i kekahi mau olelo e, a ua mahaloia e na mea a pau i ike ia ia. Nani ke aloha o ka makau i kana kaikamahine. He Iudaio ikaika ka makua, uolaila, ua aoia ke kaikamahine ma kele aoao wale no.
I ka wa mamua'ka nei, ua loohia ke kaikamahine i ka mai. Ua emi nui aku ka rose ma kona papaliea; ua nalowele ke ahi iloko o kona maka: ua palupala kona kino, a ua maopopo e hookokoke mai ana ka make. Launa mai ka makuakane i kona wahi moe, me ke kaumaha e kona manao. Pinepine kona makameke a kamailio pu me ia; aka, o ka wai maka wale no ka mea i puka mai. Nui kona lilo i na kahuna lapaau, aole mae loaa mai ka mea e hoola ia ia. E helohelo ana ka makuakane iloko o ka ululaau kokoke i kona hale, a lohe oia, ua pilikia loa ke kaikamahine, komo oia iloko o kona rumi me ka naau kaumaha.
Me ua lima aau, huihui e make ana, hopu ke kaikamahine i ke kima o kona makua, a ninau aku la; "E kea makuakane, aloha anei oe i ia'a? "Kuu keiki, ua ike no oe i ko'a aloha ia oe; aole e'u waiwai e ae e like me oe ma ke ao nei"
"Aka, e ka mokua, aloha mai auei oe ia'u?"
"No ke aha, e kuu keiki, kou hoeha ana mai ia'u? Aole maopopo anei ko'a aloa
ia oe?"
"Aka, e ko'u makuakane aloha nui ia, ke aloha mai nei anei oe ia'u?"
Aole hiki i ka makua e pane aku. I akea ke kaikamahine. "Ua maopopo ia'u, e kuu Makua, ua aloha mau mai oe ; he makua aloha aui mei ia'a; a he nui hoi ko'a
aloha ia oe."
"Hookahi mea a'u e noi aku ai ia oe, e ka makua; e make ana kau kaikamahine
me keia noi; e hooko mai nei anei oe? "
" Ka'u kaikamahine aloha nui ia! e noi mai e like me kou makemake, a e haawi aku no au, ioa e pau loa ko'u waiwai, e hooko no ia."
"E ka makuakane aloha, ke nonoi aku nei au ia oe, mai olelo ku-e hou aku ia lesu no Nazareta."
Mumule loa ka makuakane! I aku le ke kaikamahine, "He mea uuku ko'u ike no Iesu, no ka mea, aole aoia nona. Ua ike nae au he Kalahala oia; no ka mea, ua hoomaopopo mai oia i kona ano ia'u i keia wa mai; a ke manaoio aku nei au e hoola mai oia ia'u; akahi nae ko'u aloha ia ia. Ke manao uei au e hele ana au e noho pu me ia, a mau loa 'ku no. Nolaila, e kuu makuakane, mai hoole mai ia'u. Ke noi aku nei au ia oe, mai hoole hou aku ia lesu no Nazereta. E imi oe i Kauoha Hou, he buke e hoike mai i kona ano, a me kana hana maikai ana. A ke pule aku nei au i ike oe ia ia; a make aku la au, alaila e kau kou aloha maluna o Kristo, e like me kou aloha ana mai ia'u mamua aku nei
Pilikia loa ka makua, aole hiki ke ekemu ako, nolaila ua hele iwaho me ka naau kaumeha loa; sole liuliu, make aku la ke kaikamahine, a lele aku la kona uhane e noho pu me ke Kalabala ana i aloha, a mahalo aku ai
A nalo ke kaikamahine, ua kii koke aku ka makuakane i ka buke Kauoha Hou; heluhelu ia mea, a aoia oia e ka Uhane Hemolele. I keia wa, ua heluia iwaena o na haumana haahaa a pomaikai o Kristo.
MAGAZINE.
Ke Alii wahine o Seba.
" A lohe ae la ke Alii wahine o Seba i ke kaulana o Solomona, no ka inoa o Iehova, hele mai la oia e hoao ia ia i na mea pohihihi.
Hele mai la hoi oia i Ierusalema, me ke kini nui loa, a me na kamelo e nalihali ana i na mea ala, a me ke gula he nui loa, a me ua pohaku makamae. a hiki mai ia io Solomona Ia, kamailio mai la oia me ia i na mea a pau iloko o kona naau. Hoakaka aku la o Solomona i na mea a pau ana i ninau mai ai, aole mea hunaia i ke Lii ana i hai ole aku ai ia ia.
A ike ae la ke Lii wahine o Seba i ke akamai a pau a Solomona, a me ka hale ana i kukulu ai;
A me ka ai o kona papaaina, a me ka noho ana o kaoa mau kauwa, a me ke ku ana mai o kona po lawelawe, me ko lakou kahiko ana, a me kona poe lawe kiaha, a me kona alapii i pii ai oia i ka hale o Iehova, aole ae la he hanu iloko ona.
A olelo ae Ia oia i ke Lii, He olelo oiaio ka'u i lohe ai ma ko'u aina no kau mau hana a me kou akamai.
Aka, sole au i manaoio ia mau olelo, a hiki mei nei au, a ike ko'u mau maka, aia hoi, aole no ka hapalua i haiia mai ia'u, ua kela aku kou akamai, a me ko u pomaikai mamua o ke kaulana a'u i lohe ai.
Pomaikai kou poe kanaka; pomaikai kau poe kauwa, ka poe e ku mau ana ma kou alo, e hoolohe ana i kou akamai.
E hoomaikaiia 'ka o Iehova kou Akua, ka mea i olioli mai ia oe e hoonoho iho ia oe ma ka nohoalii o ka Iseraela, ao ko Iehova aloha mau ana i ka Iseraela, nolaila i hoolilo ai oia ia oe i Alii e hooponopono, a e hana ma ka maikai.
Haawi ae la hoi ia wahine i ke lii i hookahi haneri me ka iwakalua talena gula, a me na mea ala he nui loa, a me ua pohaku makamae, aole hiki hou mai ka nui loa o na mea ala me aeia a ke Lii wahine e Seba i haawi mai ai ia Solomona ke Lii. A haawi aku le o Solomonoa ke Lii, i ke Lii wahine o Seba i koaa makemake a pau, i keia mea kela mea ane i noi mai ai; o kana ia i haawi aku ai ia ia a like me ka lima o Solamona ke Lii; alaila hali ia a hoi aku i kona aina iho, ois me kana mau kauwa." I Na Lii 10:1-10 & 13
Hele lanakila ma Italia.
Ke waiwai loa a pau, e noa ana, e hemo'na,
e lilo ana i mae e pono ai ke aupuni.
Luaole ui hale Moneka, a hale Nuna me ke aupuni e Italia mamua aku nei. Luaole hoi ka waiwai i holaaia a hoopaaia maloko. No ka aoao Pope waie no keia mau hale, a me ko lakou waiwai.
Nona oukou i ke hana ulupa a ke Alii o Italia, o Niko-Emanuela. Ma ka makahiki 1855, ma ka mea i hooholoia e ka Aha Aupuni, a ae ia e ke 'Lii. aa hoopauia keia mau hale, a hoonoa ia ko lakou waiwai.
66 hale moneka, 772 moneka maloko.
46 hale Nuna, 1,085 nuna maloko.
40 hale moneka hui, 489 moneka a nona maloko.
182 hale moneka imi manawalea, 3,145 moneka, maloko
65 hale moneka, 680 kahuna maloko.
1,700 hale ekalesia. 17,000 kahuna maloko
Ma ka makaiki 1861. ua hoopau hapaia.
722 hale nuna. 8,001 nuna maloko.
1,020 hale moneka. 13,611 moneka'loko.
876 hale mona, 14,184 nuna maloko.
He mau miliona dale ka i hooaoaia, a laweia e ke aupuui, a hooliloia i mea e pono ai na kula aupuni, a me an hemahema o na oihana aupuni e ae.
Me he poe paahao la keia mau haneri tansani moneka me ua noua i hookuuia mailoko mai o na hale paahao. Olioli paha lakou, aole paha. HAWAII
Huna ka oe i kou kukui malale iho
o kou wahi moe. a kuhi hewa
kou hoa nou.
He mau kanaka ekolu i komo ae ma kekahi po iloko o ka hale teata, e nana i na hana lealea ma laila. Ua ona kekahi o lakou. A iloko o kona ona ana, koi oia i kekahi hoa, ia Geoki, me ka olelo, he hoahanau ka oe, a hele mai i ka hale teata; Pono ole keia wahi nou. A kui ikaika ia ia me ka olelo mau ana, Pono ole oe e ke Karisitiano maanei.
Hoi aku la laua, o Geoki me ke kolu o na hoa. He hoomaloka ke hoa ekolu. Aolelo oia ia Geoki, He hoahanau ka oe e Geoki, akahi au a ike he hoahanau oe. Aloha ino, he oiaio e loaa ana no ka pepehi kanaka.
He hoahanau no o Geoki, hele nae i ka ha-
le lealea, a alakai hewa i na hoa ona i lai-
la, a malaila aku a ilalo i ka po.
E ka hoahanau, mai huna i kou kukui malalo ae o kou wahi moe, a ku, a hele, a komo aku iloko o ka hale lealea, hale hula hale inu rama, hale pepa lea lea, hale houkamakama, a malaila ae hoole aku ai ia Iesu, i kou ike ana iaia, i kou lilo ana i haumana nana, me ka hui pu ana me na
hana lealea malaila.
E hoopaanaau i keia olelo a Iesu, "O ka mea e hilahila mai ia'u, a me ka'u olelo imua o keia hanauna kolohe a hana hewa, e hilahila no hoi ke keiki a ke kanaka ia ia i kona wa e hele mai ai me ka nani o kona Makua, me na anela hemolele." Mar. 8:38, me Mat. 10:33, 2 Tim. 2:12.
HAWAII.
NA BUKE
I HOOLAHAIA E KA PAPA HAWAII
ME KE
KUMUKUAI O KELA ME KEIA.
BAIBALA HEMOLELE NUI ILI GULA NANI
me na kuhikuhi ma na aoao.....................................$12 00
Baibala Hemolele Nui ili eleele kaekae wai gula. 3 00
Baibala Hemolele uuku iki iho kae wai gula. 8 00
Baibala Hemolele pauanaiki iho ili eleele...4 00
Baibala Hemolele ili eleele........2 00
Kauoha Hou ili gula naui me na kuhikuhi...3 00
Kauoha Hou ili eleele kaekae wai gula...1 00
Kauoha Hou ili eleele....... 75
Kauoha Hou Hapa Haole...... 75
Lira Hawaii 1848 me ke kanawai........ 25
Lira Hawaii 1835......... 25
Moolelo Ekalesia.......... 50
Haiso ili lahilahi....... 10
Hele Malihini ana......... 25
No ko ke Akua ano......... 25
Lira Kamalil............ 25
Heike Palapala Hemolela....... 25
Moolelo o Heneri Opukahaia ........ 25
Hoike Akua............ 20
Wehewehehala........ 20
Ninau Hoike ili manoanoa......... 25
Ninau Hoike ili lahilahi......... 15
Kumumua Kula Sabati....... 15
Buke Lawe Lima......... 15
He Buke no ka Pope....... 10
Ui Kula Sabati Helu 3......... 20
Ui Kula Sabati Helu 4................. 05
Ui Kula Sabati Helu 5............. 20
Buke Euanelio a Ioane ......... 15
Himeni Hawaii............. 1 00
Himeni Hawaii ili nani.............. 1 70
Kumu Leo Mele............... 15
Kumu Leo Mele ili nani.............. 5 0
NA KAUOHA HOU PAKEKE.
Ili gula nani............... 1 50
Ili eleele kaekae nani............. 50
Ili eleele................ 35
KAUOHA HOU PAKEKE ME NA HALELU.
Ili gula nani....................... 1 75
Ili eleele kaekae wai gula................... 60
Ili eleele................................ 50
Buke Wehewehe Huaolelo Baibala, elua ano
Buke Wehewehe Ano Malaio..........
NA HALELU PAKEKE
Ili Gula nani........................ 50
Ili eleele kaekae wai gula.............. 30
Ili eleele........................ 20
Ka Hae Hoonani (Buke Mele) ............................... 25
EIA NA BUKE HAAWI WALE.
PALAPALA LULII--
Helu 4 - Makemake anei ea i ke e'a?
Helu 6 - E hele i o Kristo Ia.
Helu 7 - Ka hoi ana mai o ke Keiki Uhauha
Helu 11 - No ka hoehiki wahahee i ke Akua.
Helu 16 - Ka Eehia ana o ka Ahealaa a ka Haku a
me ka Bapetiso ana.
Helu 17 - Mai hana ino i na holoholona
Helu 18 - No ka mahi ana, kuai ana a me ka inu ana I ka Awa
Ka Davida Malo Kumumanao
Ka Moolele o Batimes Puaaiki
Aia ke kaena kuai buke o ka Papa Hawaii me ka huina o Alanui Betela ma Alanui Kalapa, e kokoke ana i ka Hale Leta.
J.F. POKUE.
Kakauleta o ka Papa Hooko o ka Ahahui Euanelio o ko Hawaii Pae Aina.
KA NUPEPA "KUOKOA!"
Hoopuka mau ia
I KELA POANO KELA POAONO.
$2.00 mo na mahina Umikumamaha
$1.00 " " " @@@
ME KA HOOKAA NUA MAI.