Ka Nupepa Kuokoa, Volume XIII, Number 20, 16 May 1874 — Page 4

Ka Nupepa Kuokoa,

KE KILOHANA POOKELA NO KA LAHUI HAWAII.

 

KA NUPEPA KUOKOA, ME KE AU OKOA I HUIIA.

 

Ka Nupepa KuoKoa

The Bible.

 Silver Song p. 48

 

1.

Heaha ka i kuhi mai

Iluna i ke ao maikai,

A paipai mai e imi ae?

Cho. Ko kakou nei Baibala

Baibala, Baibala,

Ko kakou nei Baibala,

Ke kuhi mai ia ao maikai,

Ke kakou nei Baibala.

 

2.

Heaha ka i hoike mai

I ke Akua malooa'e

Na hana ana i hana'i?

 

Cho. Ko kakou nei Baibala. &c.

 

3.

Heaha ka i hoike mai

I ke aloha oi ae,

Ke aloha iani e ola'i?

 

Cho. Ko kakou nei Baibala. &c.

 

4.

Heaha ka o paipai mai,

E aloha, mihi, pule ae?

A mele me ka hoomaikai?

 

Cho. Ko kakou nei Baibala. &c.

 

5.

Heaha ka i hoona mai

Ke luhi, luuluu a auwe.

A kuhi i kahi e maha'i?

 

Cho. Ko kakou nei Baibala. &c.

 

6.

Heaha ka i hai lea mai,

He la hookolokolo e,

He la hoopai, a eia ae?

 

Cho. Ko kakou nei Baibala. &c.

 

 Hawaii.

 

 

HAAWINA KULA SABATI

 

Ka Hapaha Elua o 1874

HELU 9, SABATI, Mei 31.

 

KUMUHANA -- Ka Pohaku i hahauia

Pauku Baibala Nahelu 20: 7-13.

 

            7 _ Olelo mai la o Iehova ia Mose, i mai la,

            8 E lawe oe i ke kookoo, a e hoakoakoa oe i ke anaina kanaka, o oe a me Aarona kou kaikuaana a e olelo aku olua i ka pohako imua o na maka o lakou; a e haawi

mai ia kona wai, a e lawe mai oe i ka wai no lakou mai loko mai o ka pohaku: a pela no oe e hooinu ai i ke anaina kauaka, a me ka lakou poe holoholona.

            9 Lawe aku la o Mose i ke kookoo mai ke alo o Iehova aku, e like me kana i kauoha mai ai iaia.

            10 Houluulu ae la o Mose laua o Aarona i ke anaina kanaka imua o ka pohaku, i aku la oia ia lakou, E hoolohe mai oukou e ka poe kipi; pono anei no mana e hookahe i ho i ka wai mailoko mai keia pohaku?

            11 Kaikai ae la o Mose i kona lima iluna, hahau iho la i ka pohaku nui mai la ka wai: inu iho la ke anaina kanaka a me ko lakou poe holoholona.

            12 Olelo mai la o Iehova ia Mose a me Aarona. No ko olua manaoio ole mai ia'u, e hoano mai ia'u, imua o na mamo a Iseraela, nolaila, aole olua e kai aku i keia anaina kauaka i ka aina a'u i haawi aku ai uo lakpu.

            13 O keia ka wai no Meriba; no ke mea, ua aaka mai na mamo a Iseraela me Iehova, a ua hoanoia ia lakou.

 

            PAUKA ALAKAI. I Korineto 10: 4 "Inu no hoi lakou i kela wai lani; no ke mea, inu no lakou i ko la pohaku lani i hahai mahope o lakou, a o ua pohaku la, oia o Kristo."

 

            Melk. The Water of Life. Hae Hoona-

ni, p 36.

 

I

Na Iesu mai ka wai e ola'i,

Inu, inu, inu;

Na Iesu mai ka wai e ola'i,

Inu, inu, inu;

Hele pu mai i ke kumu wai,

Inu, inu, inu;

Hele pu mai i ke kumu wai,

Inu a ola mau loa.

Ke hea nei Iesu, hele mai,

Inu, inu, inu,

E hele pu mai na makewai,

E inu ka wai e ola'i.

Cho. Ke kahe ka wai hoola,

Kahe, kahe, kahe,

Ke kahe ka wai hoola,

Ke kahe nei nou a no'u pu.

 

PULE, i hele kakou a pau inu i ka wai

o ke ola.

 

NA NINAU A NA KUMU I NA PAPA

            P 7 Olelo Iehova ia Mose, no ke aha kela olelo? No ka ohumu no o ka poe Iseraela no ka wai ole, p 2-5. Heaha ka ohumu hope o lakou i hai ia mai ma kele pule? mok. 14: Mai kela ohumu ana a hiki i keia, ohia makahiki? Mahea lakou ma kela ohumu ana? mok. 13:26. Mahea lakou ma keia ohumu ana? p. 1. Mahea Kedesa? Ua heauwena wale ia lakou he 38 makahiki me ka hapa mai Kedesa aku a hoi hou nai i Kedesa. Kokoke loa lakou i Kanaana. @, no ko lakou hewa, ua hoopaneeia ke @ ana ehia makahiki? Aole auei he mau ohumu a hana hewa mawaena o keia mau ohumu elua? Mokuna 15:32, 16: 1-3, 41. Heaha ka hupe o ia mau hewa? Owai ka i make ma Kedesa? p 1. Pehea hoi Mose ma? p 6.

            P 8 Ma ke a ha i loaa'i ka wai? Ke kookoo aha keia? Puk. 7: 9, 17, 20. 8:5, 16. 9:23. 10:13,22. 14: 16,27. 17:11. Na pauku kuhikuhi e ae. Neh 9:15 Hal. 78:15, 16. 105: 41. 114: 8. Isaia 43: 20. 48:21.

            P 9 Pehea aku la Mose? Kookoo heaia? Mokuna 17:10

            P 10. 11. He poe aha lakou? heaha ka ninau? he ninau aha keia? Ehia hahao ana o Mose i ka pohaku? No ke aha ka palua o ka hahauana? Heaha ka hope o ka hahau ana? Pehea hoi kanaka? Pauku kuhikuhi Hal. 106:33.

            P 12 Oluolu anei ko Akua ia Mose me Aarona? heaha ko laua hewa? Elua he wa, ekolu paha, hewa ka lima, hewa ha waha, hewa ka manao. A no keia mau hewa o luau, heaha ka i hooleia? Ua hookoia anei keia hoole aua? p 28 Ma ka mauna hea i make ai Aarona? Mok. 33:38. Ehia ona mau makahiki? p 39. Mahea Mose i make ai? Kan. 34: 1,5. Nawai ia i kanu? p 6, Ehia ona mau makahiki? p 7.

            P 13 Owai ka inoa o keia wai? nohea ka inoa? Hal. 106:32.

 

            MELE. Him 234, Leo-Seir, C. Sacra, p. 168.

            1          Owai ke makewai,

                        A ane maule no?

                        Eia ke kumuwai makai,

                        Ke koko o Iesu.

 

            2          He wai ia e ola'i,

                        Noluna o ke ao;

                        Ka poe i inu ia wai

                        Ua ola mau lakou.

 

NA NINAU A KE KAHU.

 

            Papa Makua. Nui na ohumu o ka poe Iseraela, no ka ohumu hea ka hoopai nui ana? Heaha ia hoopai ana? Ehia makahiki e hoauwanaia'i ma ka waonahele? Mai ka hoomaka ana o ia hoopai a hiki i ka ohumu ma keia Haawina, ehia makahiki? Mahea lakou ma kela ohumu ma ka mok 14? Kadesa aku a auwana io ia nei a hoi hou i Kadesa, pela anei?

            Papa Keikikane. Pau na makua i ka make mahea? Pehea hoi na keiki? Maikai na keiki Iseraela, aole i hoohalike me na makua pela anei na keiki Hawaii? Pela paha kekahi hapa, aka o ka nui, hookalike no me na makua. Puhi baka na makua puhi baka na keiki. Iou rama na makua inu rama na keiki. Hula na makua, hula na keiki.

            Papa Kaikamahine. He wahine kekahi i ohumu, owai ia wahine? no ke aha ha ohumu ana? Heaha ka hoopai ana? Mahea Miriama i make ai? Nui anei ka poe hoomaka e hele i ka lani, a hiki ole aku? No ke aha? no ka hoi i hope. Aole anei he poe hoahanau kekahi o oukou mamua, a ua hoi i hope i keia wa? A e hiki aku anei oukou i ka lani ke mau ka hoi hope ana? Heaha ka pono? --

            NA POKII. He pilikia nui enei ka ai ole, a me ka wai ole? Ae, ua pilikia loa makou i ka ai ole, i ka poi ole; a ai makou i ka raiki, aohe maona, a loaa hoi ka mai a hele ole i ke kula. Hoowahawaha ka poe Iseraela i ka ai mama, i ka mane, hoowahawaha anei oukou i ka reiki? Ae, aole oia makou makemake, he ai Pake iam he ai poi ko makou makemake. Ae, pela io no, aka, mai hoowahawaha i ka ai a ke Akua i haawi mai au. Ehia ohumu o ha poe Iseraela no ka wai ole? Ekolu paha. 1 Ma Mara, no ka awaawa o ka wai. 2 Ma Repedima. 3 A ma Kadesa. Ma ke aha i ono ai ka wai awaawa? Ma ka lala laau. Mai hea mai la wai ma Repedima? Mailoko mai o ka pohaku ma Horeba. Mai hea mai ka wai ma Kadesa? Mai ka pohaku mai no. Hai paanaau mai 1 Kor. 10:4

            KE KULA A PAU. Hai mai i na ohumu i paanaau ia oukou. Pehea ma alakai, Mose laua o Aarona, na hemolele anei laua? Heaha ko laua hewa? Heaha ko ke Akua hoopai ia laua? Aole anei ,aua i mihi mahope p komo iloko o ka lani? Mahea ka hewa nui, hewa pinepine o na Alakai, o na makua, o na kahu ekalesia, o na kumu? Ka hiki wawe o ka huhu, o ka ukiuki, o ka malama ole na lehelehe, o ka manao kapekepeke. Heaha ko kakou kookoo hahahau? Ma ke aha e loaa ai ka wai o ke ola? Hai like mai i ka Pauka Alakai.

 

            MELE, Him. 133, Leo-Ancona. C Sacra, p 3208.

 

Mai ke kea kahe mau la

Ko ke ola wai maikai;

Ma ko Iesu owao ana,

Loaa wale ia wai;

Wai hoola, hoopohala

Wai hoolualu mai.

Hea ko Iesu leo aloha,

Inu, e na make wai.

 

            PULE no ka poe makeowai i hole lakou i o Iesu la.

 

            Haawiaa Kula Sabati no Iune 7. Nahelu 21: 4-9. Hawaii.

 

 

Ke ola o ka Lahui

 

            Heaha ka mea e ola ai keia lahui? Oia ka ninau ano nui. Ma na nupepa, nui na palapala i hoolaha ia ae, no keia kumumanao. Ke emi nei na kanaka, heaha la ka mea e ula hou ai, a nui, a lehulehu, a piha ka aina i na kanaka?

            Ko Hawaii nei, he aina ia, ua kupono loa i ke ola kino; Ua lako i ka ai kupono, ua a maikai kona mau kahawai, oluolu ka makani mai ka moana mai; aole hiki pinepine mai ka mai ahulau e make ai, oluolu maikai ka noho ana, a ina he 500 000 kanaka ma na mokupuni mai Hawaii a Niihau, aole lakou pilikia. Ua olelo ia 400 000 no ka nui o na kanaka i ka wa ia Kapena Kuke; aka, ua emi nui mai ia manawa mai; a i keia wa 50,000 wale no, he hapa lao ia. Ke emi nei no, a heaha la ka mea e pau ai ka emi ana, a e mahuahua, hou aina ka@ka?

            Ua noonoo nui au i keia ninau, a loihi ko'u noonoo ana a ke pane aku nei au me ke kanalua ole.

            "O ka lokomaikai o ke Akua ka mea e ola ai keia lahui/"

            O Iehova ko kakua Haku, oia no ke kumu o ke ola, a me ka make. Ia ia ka mana, a pau loa ma ka lani maluna, a ma ka nonua malalo nei. A ina makemake ke Akua e mahuahua na kanaka Hawaii a hui loa, he mea hiki no ia ia; hiki no ia ia ke lawe aku o hookaawale na mea ku e, a keakea mai, hiki no i me Akua ke hoololi a e hoohuli, a e kokulu, a e wawahi, e like me ka mea pono imua o kona mau maka.

            Hele aku o Iakoba ma e noho ma Aigupita i ka wa Parao ke alii, a o Iosepa ke Kiaaina. Ehia lakou? o Iakoba, kana mau keiki, na moopuna, na kane, na wahine; pau i ka helu ia, he 70 lakou. Aka, i ko lakou noho ana ma ia aina, mahoahoa loa ka mamo o Iseraela. Hooikaika o Parao e hoopio, na pepehi oia i na keiki kane, aole nae poi lakou, mahuahua no, lehulehu loa. I ka wa i puka mai lakuo mai Aigupita mai, malalo o Mose ko lakou alakai, ua manao ia 2 000 000 ko lakua nui.

            Heaha ka mea i ulu nui ai kela lahui? O ka lokomaikai o Iehova ko lakou Akua.

            Pela paha auanei keia lahui o Hawaii nei, ke makemake ke Akua. O ko'u manao paa loa keia; O ka lokomaikai o ke Akua ka mea e ola ai keia lahui.

            Aka, ea, ina e manao ke Akua e hoopau i ka lahui Hawaii, e hiki no, nui no na lahui i hoopau ia ma ka honua nei. Na kanaka i ka wa ia Noa, ua luku ia, no ko lakou hewa no. Na lahui ma ka aina o Kanaana, i ka wa o Iosua, ua pau i ka loku ia; ma ka ke Akuo kauoha no, hailuku o Iosua ma ia mau lahui. Na Iudaio e noho ana ma Ierusalema, i ka wa ia Iesu i noho kino ai, us luku ia ka nui; ua hoopuehu ia kekahi poe, a ua lilo ko lakou aupuni he mea ole. E heluhelu kakou i na moolelo o na lahui kanaka mai kinohi mai, alaila e ike lakou, he nui wale na lahui i nalowale. Pela auanei ko lakou lahui, ke kokua ole mai ke Akua mana loa.

            Nolaila ke kupu mai mei keia ninau hou. Heaha ka kakou hana, e oluolu ai ke Akua i keia lahui? Heaha la ka mohai, mea hiki ia lakou ke lawe mai imua o ka Haku, i maliu mai ia, a aloha, a kokua mai, a hoonui ae na kanaka?

            E lawe mai anei kakou i mau tausani bipi, i mau mohai, e like me ka Solomona hoolaa ana i kona luakini? Aole paha, ua hala ka wa mohai bipi. E haawi paha kakou i ko kakou waiwai a pau i makana no ke Akua, i oluolu mai? Aole.

            E haawi anei i ko kakou kino, i mohai kuni malona o ke kuahu, a oluolu mai ko kakou Akua me ia mau hana? Aole paha. Oi nui aki ke aloha mamua o ka mohai. Koe mai ka ninau, pehea la e pau ai ka ke Akua huhu, a huli mai oia, a kokua mai?

            E hle lakou i Nineva a e ninau i ko Nineva. I ka wa kahiko, hele aku ke kaula ma ia kulanakauhale nui, a ma ka inoa o Iehova, hai aku ia; "Hookahi kanaka na la i koe a e luku ia o Nineva." Ala koke mai ke aii a me na kanaka, a mihi, a hoohaahaa ia lakou iho imua o ke Akua, hooke ai lakou, a huli mai, mai ko lakou aoao hewa mai a i kapono, a maliu mai ke Akua, a ola o Nineva.

            Pela paha keia lahui. Ina ala mai ka Moi, na lii, a me na kanaka, a mihi io imua o ke Akua, a haalele i na hana hewa, a huli io mai mamuli o Iesu Kristo, alaila malui mai ke Akua i keia lahui, a aloha no, a kokua nui no, a mahuahua loa na kanaka Hawaii, a lehulehu loa no.

            Ina hele mai o Iona ma Hawaiia ne, ma kona ano kaulam a e hai mai, "Hookahi kanaha makahiki i koe, a nalowale loa ka lahui Hawaii." Ina lohea ia leia leo weliweli ma Hawaii, ma Maui, Molokai, Lanai, Oahu, Kauai a kiki aku i Niihau. "E na kanaka e hoolohe mai -- Hookahi kanaha na makahiki i koe -- a e pau oukou a pau i ka make!" Weliweli paha kakou, a nui ka awe, a me ke kaoi uhu.

            Kaumaha ka manao i ka noonoo ana, a miaamiaa me he mea lam he oiaio paha ma wanana. No ka mea, he mea mau ka hooemi ana, I keu wa he 45 tausani kanaka. I ka makahiki 1880 -- 30 000 paha, a i ka makahiki 1890 -- 20 000, a i makahiki 1900 10 000 -- a i ka makahiki 1914, piha na makahiki 40, a kawalawala loe na kaoaka Hawaii ponoi, keo mai na papa haole, na pake, a me na haole.

            Heaha la ka hana e pono ai? Eia, e hoohalike kakou me ko Nineva, e hoohaahaa ia kakou iho, a e mihi imua o Iehova; e haalele kakou i na aoao hewa a pau, a e malama i na kauoha a Iesu Kirsto, a malaila e hooloihi ai ke Akua i na la o keia lahui. E wikiwiki kakou. E haelele na 'lii, a me kanaka, i ka moekolahe, a me manuahi; E haalele hoi i ka rama, ka opiuma, ka awa, a me na wai-ona a pau. E hoopau ka hoohiki wahahee ma ka inoa o ke Akua. E hoopau ka hookamani iloko o na ekalesia. E hapai i ka pule oiaio ma ka ohana, a ma kahi mehameha. E malama i na kanawai, a me na rula no ne ola kino. E malama pono na makua i na kaikamahine, a mena keiki kane, e alakai ana ia lakou ma ka aoao o ka pono o Iesu Kristo. -- Ma keia mau hana e ola ai ka lahui.

            Make hewa na dala $1.000.000, i olelo ia e kekahi poe, e hoolunaluna ia, mai ka aina e mai. Aole ola o Sodoma ma ko lakou waiwai; pau pu ko lakuo waiwai, a me kanaka ma ka inaina o Iehova. Aole ole o Nineva ma ke dala, ma ka mihi no a me ka haalele ana i ko lakou hewa, pela uaanei keia lahui. Ina e mau ana ka hoomalo ka, a me na hana naaupo, e make io no. Aka, i na e huli mai ka lehulehu, a e manaoio ia Iehova ka Haku, e ola no. 

            Maluna o kakou keia hana, maluna o ka poe haipule oiaio, na kahu, na luna ekalesia, a me na hoahanau oiaio. Mai hilinai kakou maluna o ka Moi, ka Ahaolelo aupu ni, a i ka Papa Hoola paha, aka, ea, e hilinai kakou ia Iehova ko kakau Akua, me ka malama pono ia ia.

            J.W. Kamika.

 

Kumumanoa

 

             A L. K. Naoho, i ka hoike hapaha o ke Kula Sabati o Waianae, Maraki 29, M.H. 1874.

            "Heaha la ka hana kupono a ka Opiopio e kokua ai i ke Kula Sabati ?"

            Ua hooili ia mai ia'o keia hana nui hai aku imua o oukou; Mamuli o ka makemake piha o keia Kumumanao. Oia keia; Heaha la ka hana hupono a ka poe opiopio e kokua ai i ke kula Sabati?

            1. O ka hapai like o ka poe opiopio i na hana maikai o ke kula Sabati, a me na hana kupono e ae e pili ana ilaila, oia keia; O na hana hooulu manao, hoohoihoi ma na haawina o na Buke Kula Sabati, a me na Himeni, e kokua ana i ke apana ekalesia, ke kula Sabati &c. Alaila, oa, like ia mau hana maikai a kakou e hana ai, me ka huila makani e huki ana i ka wai, a e hooma-u ana i ke kihapai panoa, a ulu mai na pua rose, a moani aku kona aala ma na pili pa, na alanui hele, na kulanakauhale, a hala wale aku i na palena o ka honua.

            2. O ka haawe like i ka auamo nani o ke kula Sabati, i kau ia maluna o kakou, o ka ukana nui a kakou, e hapai like ai, oia keia; O ka paipai ana: Ke kauo ana mai i ka poe makemake ole i keia hana, e komo iloko o ke kula Sabati; ka hoala ana i mau lulu no na hemahema, a me na hana hoohialaai, hoohauoli manao e ke kula Sabati. O keia ukana nui kai ka kauoha ia mai ia kakou, e hapai like, a e hiu palaka iluna ia mau hana, ma ke kokua ana mai o Iesu ke poo p ke Sabati. E ala! E ala! E na opio a e huki like kakou i ka Hae nani o ke kula Sabati e like me ka Hae nani o ka Moi o Hawaii ne i hoki ia maluna o kona huini, pela lakou e huki ai i keia hae o ka lanakila Kula Sabati.

            3. O kekahi mea nani pookela loa a kakou e lawelawe ai, oia keia. E lawe kakou i hookahi kaikamahine o ke kula a Rev S. Kanwealoha, e kula mai la ma ka mokupuni o Nuuhiwa; e like me ke kula Sabati o Hilo, hookahi kaikamahine; kula Sabati o Kahala hookaki; a ia kakou hoi hookahi; a e hel@ pu ia kakou me na kula Sabati nui o Hawaii nei. Aole anei e hiki ia kakou ke hoao? A na ko kakou Kom to e hoouna aku i leta a keia kula Sabati, me ka makana nani, no ka uhane Pegana iloko oia kula.

            Eia ko'u manao hope loa; E hoomau kakou i keia hana o ka M.H. 1865 a hiki i ka M.H. 1857. Ua nui na hana i hoeueu ia ia kakou ia mau la; a he mau la huiia i holo aku ai ke kaulana o ko kakou kula Sabati i na palena o keia aupuni, no ka kakou mau hana maikai, malalo o keia mau mea i hala ae la. Aole no paha oukou e hoopoina ia mau ia i moe aku la, a e houluulu mai oukou ia mau hoomanao ana o keia la hoike mai, a ma keia hope aku paha.

            Nolaila, e ala kakou, a e hele kakou me he mau kamalii la no ka la o ka hauoli, e kai ana e imi i ka lei o ke kula Sabati, maluna ma ke ao mau; a i like ai me na lalani mele a ka poe kaua o Germania, "I Rine, i Rine, E hele ai." A i like hoi me na lalani mele kula Sabati;

 

"Kai a mau, kai a mau,

Paio no ka lei, ka lei maikai."

 

            Owau no. Me ke mahalo nui.

L.K. Naoha

            Kanepuuiu, Waianae.

 

HE HAAWINA.

___

 

[KA WEHEWEHE'NA LA PETERO 3; 18-20]

            Ma ka nana'ku, aole pohihihi ma keia mau pauku. e hohonu ai ka noonoo i ka wehewehe ana. He pohihihi nae paha i ka manao o kekahi poe, a kuihewa i ke ano, a maluna o ia kuhihewa, ua kukulu ai lakou i kekahi mea e weliweli ai, a e waiwai ai hoi.

            He wahi hoopai, wahi a lakou, he wahi ahi hoomaemae. Aia no ia mawaena o ka po a me ka lani, ua kapa ia Puregatoria, (Purgatory). Ilaila e hooleiia'i na uhane o ka poe hewa, a me ka poe pno no hoi, i hoomaemae loa ia, a pau ka hewa i koe, aole i pau i ke koko o Iesu. Malaila hoi e hoopaiia'i ka poe hewa no na makahiki ehia la? i hoolawaia'i ka hewa i koe, a ko Iesu make i hoolawa ole ai.

            O kahi paahoa ma ka paoku 19, oia ka ua Purgatory nei; a, ua hele Iesu i ka wa e moe ana kona kino ma ka luakupapai, i keia wahi paahao e ao aku i na uhane o kela poe i make i ke ka@kahinalii i ka wa ia Noa. A i ka hoi hou ana mai, ala oia mai ka make mai.

            Lalau loa, ea! Aole pela. O'elo Iesu i ka powa e mihi ana, I keia la e huipu ai oe me a'u ma Paredaiso, aole ma purgatori. Elua wale no wahi i haiia mai e noho ai na uhane o ka poe male ma kela ao; ka po, ka lani, aohe wahi e ne, aia mahea ia? A pehea la hoi e maopopo ai na makahiki he 10, 100, 1000, 10,000 e noho malaila? Aohe mea e ana ia'u ka manawa ma kela ao; Aohe mea e maopopo ai ke kumu a me hope o ka makahiki malaila. Aohe la, a hebedoma, a malama, a makahiki malaila, he was palena ole ka laila, he wa mau loa, hope ole.

            Ina he purgatori, a komo kekahi ilaila, kupaa mai loa no ia malaila, aole e hemo mai. Aka, aole loa no he purgatori. He mea wahehee ia a ka poe pope i hana'i i mea e waiwai ai ia ekalesia. Maau kauaka ia wahi; Kuhi lakou he oiaio. Ma ke kekahi, olelo na kahuna Pope, ua haule kona uhane iloko o ke ahi purgatori; ho mai i mau dela i hemo. Aloha na makmaka a haawi i na dala i noiia, i hoopakele ia'i ma ka pule mesa, a hemo mailoko mai o ke ahi hoomaemae; a pii ae a komo aku iloko o ka lani. Lalau!

            A, heaha la ke ano o keia pauka 19? Eia; ua hele Iesu ma kona ano Akua, mamua i ka wa ia Noa, e ao ma ka waha o Noa i na kanaka hewa e ola ana, a e hookuli ana ia wa, e mihi, e huli i pakele i ka make- Loihi ke ao ana; 120 makahiki mahope o ka ha i ana aku i ka make e hiki mai ana ke mihi ole. Hookuli nae lakou, hana ino paha ia Noa. Hoomanawanui nae oia, a ola no kekahi poe he uuku, 8 wale no, oia me kona ohana. Pau ka lehulehu i ka hookuli, a make aku la lakou, a ua hooleiia aku ko lakou poe uhane iloko o kahi paahao, oia hoi o Gebena, ka lua ahi poi ole; ilaila lakou e uwe ai, mai ka wa ia Noa, a hiki i ka wa ia Petero i olelo ai, aia lakou ke noho la, le uwe la, ma kahi paahao. A e mau aku'na no lakou ilaila.

            Oia wale no kahi pohihihi ma keia mau pauku. Ua akaka na mea e ae, ua make Kristo no ka hewa; o ka mea pono, Iesu hoi ia, no ka poe hewa, i alakai oia ia lakou i ke Akua, i ke ola mau. Ua pepehiia oia ma ke kea, ma kona kino, kona ano kanaka. Ua hoolaia hoi oia ma kona uhane, kona ano Akua. Ma kona ano Akua i he le ai oia i ka wa ia Noa e ao aku ma o Noa la, i ka poe e ola ana ia wa; aka, i ka wa ia Petero, aia ko lakou poe uhana iloko o kahi paahao, oia hoi ka loa ahi pio ele. He poe hoomaloka, a hooluhi mamua iloko o ka wa e kali ahonui ana ke Akua; iloko o ka wa, oia hoi 120 makahiki, e hoomakaukau ana Noa i halelana nona iho, a no ka poe e mihi ana, a malaila i hoolanaia'i maluna o ka wai he poe noku, ewalu lakou. E aho iki ia. Aole makehewa loa ke ahonui o ke Akua, a me ka hoinoia iloko o na makahiki 120 ana i ao aku ai ka poe hewa wa e mihi.

            Na Manao pili. -- 1. O Iesu ko kakou kumu hoohalike. E hoohalike kakou me ia.

            (1) Ma ka noho hewa ole.

            (2) Ma ka ae e hooikaika, e ao, e eha, e hoopoinoia, e pepehiia iloko o na hewa e pono ai, e ola'i ka poe hewa, e hooikaika mau ana e alakai aku i na kanaka i ke Akua i ola lakou.

            2 -- E hooholike hoi kakou me ke Akua a me Noa, i ke ahonui, i ka hoomanawanui ana i la poe hookuli, a hoomaloka he nui wale, i keia wa. E hoomau i ke kuhikuhi ana i ka halelani, ia Iesu, i ka paipai ana e komo iloko i pakele i ka make e hiki mai ano.

            3 -- E komo kakou iloko o ka halelana a me ko lakou mau ohaha, e like me Noa a me kona mau ohana.

            4 -- Ina ola kakou me ko kakou mau ohana, a make ka lehulehu, e oho iki ia, aole make hewa ka hoomanawanui ana a loihi i ke ao ana i ka poe hookuli.

            5 -- E like ana lakou me Iesu ma ka make ana ma ke kino, a ma ke ole mau ana ma ka uhane; Oia ko kakou ano Akua, o ke ola hope ole ana ma kela ao. A, ma ia ano, heaha ja kakou hana malaila, a maanei no hoi? He mau hana maikai a ano nui nae. "E na punahele, wahi a Ioane, ano la, he poe keiki lakou na ke Akua, aka o ko kakou ano mahope o ka haule ikea ia, aka, keike nei kakou, a i kona wa e ikea mai ai, e like auanei kakou me ia." Iona 3:2

            Laiana

 

____________________

 

            Ke Ki e wehe ai i ka puka o ka lani, ,e ona mau keena a pau.

            He mea pui ke ki. E hele ana oe ma kahi e hele ai, a ike i ka hale maikai, he luakini piha, he hale noho paha, he hale kuai, he hale i piha i na mea maikai. A makemake oe e komo iloko o keia mau hale. Ua pau mae na puka. Aole i kaawai mai ke ki. E loaa nae ke ki ke noi aku i na Ona, a hele pu paha lakou me oe, a hookomo ia oe iloko.

            Ua lohe kakou, he kulanalauhale nani maluna, me kona mau hale nani i hoopiha ia i na mea nani he nui wale. A ke make make nei kekahi poe e komo aku iloko o keia kulanakauhale mahope o ko lakou make ana. Aole mae e hiki ke komo aku ke loaa ole ke ki e wehe ai i ka puka. Heaha la ke ki? Eia, ke Aloha. Ekolu mea nui; Ka manaoio, ka manaolana, ke aloha; e o ke aloha ka i oi.

            Ke hele aku nei anei oe e kuu hoa, i ka lani, me ka mauaoio, a me ka manaolana; me ka manao, ma ia mau mea oe e wehe'i i ka puka o ka lani a komo iloko? Aole hiki, ke lawe oe ia mau mea elua wale no, a koe ke Aloha.

            Ke aloka ke ki gula hookahi e hiki ai ke wehe i ka puka o ka lani. He mau ki no ka manaoio, a me ka manaolana, e hiki ai ke wehe i ka puka o kekahi mau hale ma keia ao. Ma ia mau ki, ua komo paha oe iloko o ka Ekalesia malalo nei.

            Aka, ina ua nele oe i ke aloha io, aole oe e komo aku ana iloko o ka lani. Ua loaa anei keia ki nui? o ke Aloha? Eia na hoailona no ka loaa ana:

            1 O ka malama i na kauoha a Iesu.

            2 O ka hoolohe ana i ka leo o na kumu, o na kahu ekalesia, a hana i na mea kupono i ko lakou makemake, a hana ole i na mea kupono ole i ko lakou makemake.

            4 Ka hooi aku i ke aloha i ka poe i hoemi i ko lakou aloha mai.

            5 Ka hoopau loa aku i ka hoolauhala.

            6 Ka waiho loa aku i ka holoholo eleo, ka niania, a hoopuka wale i na hewa i lohe wale ia no hai me ka maopopo ole.

            7 Ka hana mau i ka pono a kua mau i ka hewa.

            Ina ua loaa ia kakou keia mau hoailona ehiku, ua loaa paha he aloha io, ke ki gula hookahi e wehe i ka puka o ka lani, a ae ia e komo kakou iloko.

            HAWAII.      

 

 

            E HOOHALIKE eo i kou naauao me he Wati'la, e waiho malie ma ka pakeke, a ninau ia mai ka manawa hai pololei ia'ku, aole o ka hoikeike wale mea e ike ia mai ai he wati kau.

            L.O.

 

 

NA BUKE

I HOOLAHAIA E KA PAPA HAWAII

ME KE

KUMUKUAI O KELA ME KEIA.

 

BAIBALA HEMOLELE NUI ILI GULA NANI

me na kuhikuhi ma na aoao. $12 00

Baibala Hemolele Nui iii eleele kaekae wai gula. 5 00

Baibala Hemolele uuku iki iho kae wa gula. 8 00

Baibala Hemolele pananaiki iho ili eleele. 4 00

Baibala Hemolele ili eleele. 2 00

Kauoha Hou ili gula nani me na kuhikuhi. 3 00

Kauoha Hou ili eleele kaekae wai gula. 1 00

Kauoha Hou ili eleele. 75

Kauoha Hou Hapa Haole. 75

Lira Hawaii 1848 me ke kanawai. 25

Lira Hawaii 1855. 25

Moolelo Ekalesia. 50

Haiao ili lahilahi. 10

Hele Malihini ana. 25

No ko ke Akua ano. 25

Lira Kamaiii. 25

Hoike Palapala Hemolele. 25

Moolelo o Heneri Opukahaia. 25

Hoike Akua. 20

Wehewehehala. 20

Ninau Hoike ili manoanoa. 25

Ninau Hoike ili iahilahi. 15

Kumumua Kula Sabati. 15

Buke Lawe Lima. 15

He Buke no ka Pope. 10

Ui Kula Sabati Helu 3. 20

Ui Kula Sabati Helu 4. 05

Ui Kula Sabati Helu 5. 20

Buke Euanelio a Ioane. 15

Himeni Hawaii. 1 00

Himeni Hawaii ili nani. 1 70

Kumu Leo Mele. 15

Kumu Leo Mele ili nani. 50

NA KAUOHA HOU PAKEKE.

Ili gula nani. 1 50

Ili eleele kaekae nani. 50

Ili eleele. 35

KAUOHA HOU PAKEKE ME NA HALELU

Ili gula nani. 1 75

Ili eleele kaekae wai gula. 60

Ili eleele. 50

Buke Wehewehe Huaolelo Baibala, elua ano.

Buke Wehewehe Ano Mataio.

NA HELELU PAKEKE.

Ili Gula nani. 50

Ili eleele kaekae wai gula. 30

Ili eleele. 20

Ka Hae Hoonani (Buke Mele). 25

EIA NA BUKE HAAWI WALE.

PALAPALA LIILII--

            Helu 4--Makemake anei oe i ke o'a?

            Helu 6--E hele i o Kristo la.

            Helu 7--Ka hoi ana mai o ke Keiki Uhauha.

            Helu 11--No ka hoohiki wahahee i ke Akua.

            Helu 16--Ka Eehia ana o ka Ahaaina a ka Haku a me ka Bapetizo ana.

            Helu 17--Mai hana ino i na holoholona.

            Helu 18--No ka mahi ana, kuai ana a me ka inu ana i ka Awa.

Ka Davida Mano Kumumanao.

Ka Mooleo o Batimea Puaaiki.

 

            Aia ke keena kuai buke o ka Papa Hawaii me ka kauina o Alanui Betela me Alanui Kalepa, e kokoke ana i ka Hale Leta. J.F. Pokue.

 

            Kakauleta o ka Papa Hooko ka Ahahui Euanelio o ko Hawaii Pae Aina.

 

KA NUPEPA "KUOKOA"

Hooppuka mau ia

I KELA POANA KEIA POAONA

$2.00 no na mahina Umikumamalua

$1.00 " " " Eono.

ME KE HOOKAA MUA MAI.