Ka Nupepa Kuokoa, Volume XIII, Number 32, 8 August 1874 — He leo oi loa aku ka maikai. [ARTICLE]

He leo oi loa aku ka maikai.

He leo oli kela a na hoku kakahiaka i mele ai i ka wa i hanai'i ke ao nei ; he leo hoohauoli kela a na Serapima me na Kerupima i meleai i ka wa i hanauia'i ka Hooia o keia ao; he leo maikai kela e kahea ana, E nana i ke Keikihipa a ke Akua, nana e lawe aku ka hala o ke ao nei; he leo maikai kela e paipai ana, E mihi oukou, no ka mea, ua kokoke mai ke aupuai o ka lani ; he leo aloha kela e kahea ana, E hela mai oukou a pau loa i o'u nei, e ka poe luhi, a me ka poe kaumaha, a na'u oukou e hoomaha aku; he leo hooluolu kela, Mai hookaumaha ko oukou naau. Ma ka hale o ko'u Makua he nui loa na wahi e noho ai; ke hele aku nei au e hoomakaukau i wahi no oukou; he leo hoolana kela e olelo ana. Iloko oke ao nei e loaa ana ka popilikia ia oukou; aka, e hoolana oukou, a ua lanakila au maluna o ke ao nei; aka, he leo oi loa aku ka maikai kela ke lohe ia mai na lehelehe mai o ke Lii, E hele mai oukou, e ka poe i hoomaikaiia e ko'u Makua, e komo oukou i ke aupuni i hoomakaukauia no oukou mai ka hookumu ana mai o ka honua. Ma Inia keia hana mauaonao : Ua hoowalewale ia kekahi keiki uuku nona na makaliiki he umikumamalua e kahi mau kahuna e komo iloko o ko lakou heiau hoomanakii. Ilaila kahi i pepehi j ia'i ua keiki nei, a puhi ia ke kino i ke | ahi me na laau ala, i mea ka e oluolu ai ko lakou akua, a kuhikuhi mai i kahi i huua ia'i oka waiwai! Ma ia wahi no ua kanu ola ia kekahi wahi kaikamahine uuku e na kahuna, i mea ka e paa ai ke kahua o ko lakou heiau i kukulu ia ma ia wahi! Ua hopu ia ua mau kahuna nei e na mana aupuni o Beritania, na hookolokolo ia aua li ia. Na na hana oia ano ma na aina naaupo e hoike mai nei, ke paio ikaika mai nei ka pouli me ka malamalama. Aka, aole o kakou kanulua no ka mea e lanakila ana.— Lau Oliva.