Ka Nupepa Kuokoa, Volume XIII, Number 51, 19 December 1874 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

MA KE KAUOHA.

 

O Na La Kukala Aupuni malalo iho e malamaia me ka hoomanao e na kanaka a pau.  E paniia na Hale Oihana Aupuni a puni ka aina.

 

POALIMA, Dekemaba 25-La Kalikimaka

POAKAHI, Ianuali 1, 1875-La Hape Nuia

W. L. MOEHONUA, Kuhina Kalaiaina

Keena Kalaiaina, Nov 20 1874.                      677

 

Ka Nupepa Kuokoa

ME

Ke Au Okoa

I HUIIA.

Published every, Saturday, $2 a year.

 

HONOLULU, DEKEMABA 19, 1874.

 

Ke Alii Ka Moi Kalakaua

ma Kapalakiko.

 

            Ma ke ku ana mai nei o ka mokumahu Magareta i ka po Poaha nei, ua loaa mai ia makou na mea hou nani loa; oia no ka pae ola ana aku o ke Alii ka Moi Kalakaua i Kapalakiko i ke ahiahi o ka la 28 o Novemaba, ma ka hora 12 nae o ka la 29 ae i lele aku ai ka Moi i uka me kona mau hoa ukali, ua hiki lakou ilaila me ke ola maikai.  Ua haawiia mai la na hanohano a pau a ke aupuni e mailani ai nona.  Mawaena o na hora kakahiaka a me ke awakea o ia la 29, ua hoonuanuaia na uwapo e na kanaka makaikai, e ake ana e ike wahi alii moi aku.  Ua ike kekahi poe, a ua nele kekahi, no ka lohe wale ia ma ka uwapo mea e pai mai ai, eia ka auanei he uawapo okoa ae.

           

            Eia ka põe nana i hookipa mai i ka Moi, o Generala Sekofila, a me ka Meia o ke kulanakauhale oia o Otisa a me ko kakou Kanikela Hawaii, oia hoi o Henere W Severance.  I ka wa nae a ka waapa alii i kaawale iki aku ai mai ka Benicia ae, ua kipa mai ia moku, a ua pakui kokeia mai ia haawina aloha e na moku kaua Sararac a me ka Portsmouth.

 

            I ke ku ana o ke alii i ka uwapo, ua eo aku la ia iluna o ke kaa hamama e kauoia ana e eha mau lio.  O ka ke alii hana aloha mai i ka lehulehu e aloha aku ana iaia, o ka wehe mai i kona papale.

 

            Eia ka hoonohonoho ana o ka huakai alii i ka haalele ana i ka uwapo:  Mamua iho o ka naue ana, hookani e ia mai ana ke Mele Lahui Hawaii e ka Poe Puhi Ohe Peresidio, alaila hookeleia aku la ke kaa alii me ka Moi, Otisa, Gen. Sekofila, a me ko makou Kanikela H W Severance maluna o ke kaa penei:

 

            Mahele Koa aupuni.

 

            Ke Kaa Alii me na mahele koa ma na aoao a elua.

 

            Ke Kaa o na Ukali o ka Moi.

 

            Ka Puali Koa Pukaa, a me elua Pukaa, malalo o Kapena Baraki.

 

            Ua olelo ia ma kekahi mau lono, aole e hiki pono i na Kapena Koa ke hooneenee i ko lakou Puali iho, no ka pili loa i na makaikai.  A o ka oi ia i ikeia ma Kapalakiko mai kinohi mai.

 

            I ka hora 12. 25m., hiki aku la ka huakai i ke Grand Hotel, a o ke Keena helu 22, oia ko ka Moi Keena, i hoohiwahiwa ia a nani loa.

 

            Ma na Alanui kahi a ka Moi e kauoia aku ai, ua hele a piha kuineki i na kanaka e nana mai ana, e hehi ana kekahi i kekahi, e haka pono ana na maka, e welo ana na hainaka, e hipahipa aea a huro.  No ke kupinai mau mai o na leo o na makaainana mawaho o ka Hotele, ua puka mai ka Moi a me Meia Otis a ma ka puka aniani o ka Hotele, hoolauna mai la ka Meia me na huaolelo penei:

 

            "E na hoa makaainana:  Ua loaa mai ia'u ka hanohano palena ole o ka hoikeike ana aku ia oukou i ke Alii ka Moi Kalakaua, ke Alii Aimoku o ka Pae Aina Hawaii.  Oia no ka malihini hanohano loa a ko kakou Ripubalika e hookipa aku nei.  Aole no oia i malihini loa ia Kapalakiko nei, a aole no hoi paha ia e minamina ana i ka ike hou ana ia kakou i hookahi manawa koe."  Kunou mai la ka Moi a nalo aku la.

 

            Ma ka Poaono ae o ia pule, e holo loa ai oia i ka Hikina maluna o ke kaa i hana paka ia nona wale no.  Ua haalele io ka Moi ia Kapalakiko ma ka la 5 a ua holo aku no ka Hikina.

 

Na Loaa Kuloko o ke Aupuni Hawaii.

 

            O Na loaa kuloko o ke Aupuni no ka makahiki e hele nei a pau, ua ikeia ma ka papai huahelu, a penei no ko lakou mahelehele ana:

 

Waiwai Paa … $@8,004  46             Kaa Lealea ….  $     1,@@0  00

     "   Lewa .   @1,@31  @3                    Auhau Kino ….       11,@00  00

Lio …………    24,1@8  00                        Kau Kauo …….       1,@@8  00

Miula ……….     @,979  00                        Auhau Alanui …    @5,@74  00

Ilio ………..        @,000  00                        Auhau Kula …..   @@,7@0  00

 

            Huina ……………………………………… $1@@,@@5  @8

 

            Ma keia papa, ua ikeia, he $2,671.44 ka emi mai o na loaa o keia makahiki i ke ka 1@7@ i hala.  O ua loaa ana i keia makahiki, no ka waiwai pa@ @ @@ @@ k@@ l@@l@@ ua oi @@l@ @@@@@ @  @@ @@ 1873; aka , o @@ loaa mai @@ waiwai lewa, @@@@@ ki@o, lio, @l@l@, @@@, k@@ @@@@ al@@@i @ @@ A@@@@@ Kula, @@ @@@ @@@.

            Ma @@ mokupuni p@@@@i, @@ hoike mai nei ka pii ana o k@ A@@@@ Waiwai i keia makahiki @ @ @@@@ wale @@ k@ mokupuni i pii @@ @@ loaa @@@ @@@@@@@@@@@@@@@.

             @@ @@@ i @@ @@@@@@@@@ @ @@@@@@ k@ h@-nohano o ka holo ole ana o kekahi ilio hoo-kahi maluna o kona mau kula hanai holo-holona, Hawaii, ma ka hehi ole ia e ke kaa ka-ue.  O Hana i Maui, Molokai, Lanai a me Hilo, a me Puna i Hawaii, ma ke kaa holoholo lealea ole.  O Honolulu nei ka mea kiekie o ka oi ma na kaa holo lealea, oiai mailoko mai o 386 kaa lealea, he 291 kaa lealea no Honolulu nei.

            Eia iho malalo nei ka mahelehele ana i na loaa aupuni mai na mokupuni pakahi mai:

Oahu………………………$62,356  23

Maui………………………  36,447  13

Hawaii…………………….  40,195  40

Kauai……………………… 16,296  62

            No na kualakauhale oi o ka auhau, o Honolulu ka mua; Wailuku ka lua; o Lahaina ke kolu; a o Hilo ka eha.

 

Ka Waiwai o ke Aupuni Hawaii.

            Ua waihoia mai nei ma ko makou papa kaukau he pepa i pai buke ia e ke Kuhina Waiwai, a maloko olaila, ua hoikeia na loaa o ke Aupuni Hawaii a me na hoolilo aku no na makahiki he umikumamawalu.  Ma ka nana ana i ka io oloko o ka buke i paiia, ua maopopo, he hana nui a luhi ka ke Kuhina Waiwai o ka hoomakaukau ana a me he mea la, ke hoike mai nei oia i ko-na makaukau hana e lawelawe i ka waiho-na aupuni ma na mea a pau e pili ana ila-ila.  Aka me he mea la nae, he hoike ana keia i ko ke aupuni waiwai i ka poe a pau in a he dala ka lakou e hoaie mai ana i ke aupuni, aohe mea e makau ai.

            He ku maoli i ka mahalo ia ka hoopono-pono ia ana o keia buke hoike waiwai o ke aupuni, no ka mea, ma na aoao mua eiwa, ua hoike mai lakou i na loaa a me na lilo o ke aupuni i kela me keia alua makahiki, e moomakaʻna maiʻka 1856 mai a ka 1873.

            A no ko makou aku e ike ka lahui i ka waiwai o kona aupuni ponoi iho, malaila, ke lawe mai nei makou i keia papa kuhi-kuhi malalo iho o kahi i hooliloiaʻi ke dala:

Lilo no aihahou, 16 eka aina ma 2,000 kapuai alo kai, mai ka 20 a i ke 30 kap.

            ka hohonu………………………$243,127  66

Lilo Hale Paahao o Kuwa………………    30,194  60

            Hale Pauda………………………     3,014  88

            Na Uwapo Hou…………………    79,019  65

            Hale Dute,  Lahaina……………        9,679  43

            Hale Papaa e pili la me Hale Dute.    20,121  84

            Hotele…………………………     116,000  00

            No na Alahaka…………………      24,337  27

            Hale Dute,  Honolulu…………..      12,224  09

            Ilina Alii…………………………    20,426  00

            Hale Papale………………………    12,000  00

            Hale Hoahu Waiwai……………..       2,350  00

            Hale Aupuni Hou………………..   133,611  00

            Kahua Hale Alii…………………      50,206 50

            Hale Hookolokolo a me Paahao…      21,315 46

            Hale Leta…………………………     18,362 00

            Hale Kula,  Honolulu……………      13,823 00

            Hale Hoomalu mai, Honolulu……       7,406  00

            Kula Hoopololei,  Honolulu………     3,200  00

            Hale Waiho Aila Mahu……………     3,500  00

            Hale Hookolokolo,  Hilo…………..    7,734  00

            Hale Kukui,  Honolulu……………     6,348  00

            Hoomahuahua Pono Wai…………..  67,185  23

            Hale Koa…………………………..   25,103  78

 

Huina……………………………………  $929,290  39

 

            I ka hoopau ana i ke kamailio, ke waiho aku nei makou i ka nui o ka aie aupuni a hiki i ka la 20 o Novemaba 1874, a me ka wa e hookaa ai lākou:

1876………………………$16,800  00

1876-Hotele Bona………… 42,000  00

                                                                        $58,800  00

1877…………………………………………  24,400  00

1878…………………………………………  34,300  00

1879…………………………………………  40,400  00

1880…………………………………………       600  00

1881…………………………………………  30,600  00

1882…………………………………………  28,400  00

1883…………………………………………  39,000  00

1884…………………………………………  74,800  00

1887…………………………………………       800  00

1888…………………………………………  10,100  00

1889…………………………………………    1,000  00

1893…………………………………………  10,200  00

                                                                      $353,400  00

Uku i keia wa - Koena…………$  4,100  00

            Ale Pokole……………    14,800  00

                                                                        $18,900  00

            Huina Aie Nui………………………$372,300  00

            I ka nana ana no hoi i na uku makahiki, ua oi aku mamua o 60 hapa haneri e ukuia nei pela mamua o na loʻa ponoi o ke aupuni.

 

Ka Hotele nui o hiki mai.

            O ka mea hope loa paha auanei a na ha-hau hale o Amerika e kapili ai, oia no ka hotele nui e kapiliia ana ma Kikako.  O mua iho o ka nanaina o ka hale, e ekolu mile ana ka loihi mai kekahi kihi a kekahi, a o ka hohonu e eono mile ana.  O ke kie-kie o na hale ehiku oloko o ua hale hooka-hi nei, e 3,480 kapuai ana mai ka lepo a i kaupoku.  Aole e kapili alapii ia ana, aka e hoomakaukauia ana he elima haneri ba-luna lele e kaikai aku ai i ka poe makaikai  Aole e hoonohoia ana na poe kuene, aka, na kekahi mekini hou i loaa mai nei e hoo-lawa aku i ka makemake o na malihini, a e hoomkaukauia ana kela me keia keena me keia Mekini ano hou; a na keia mekini no e kahi i ka lauoho, oki i ka umiumi a holoi i ke poo o ka malihini e noho ana maloko o ia hale.  Ina e makemake kekahi i wai mehana, na keia mikini no e kahea aku ilalo penei:  "hoouna mai i bakeke wai wela i ke keena helu 1,300,107!" alaila, e hiki koke ana ka wai wela ia kee-na iloko o ehiku sekona wale no maluna ae o ka pahu huki.  He hapalua hora mamuaʻe o ka wa e paina ai, alaila e ki ia ana he pu kuniahi, aohe he bele e like me ka kela a me keia hale, i mea e kahea aku ai i ka malihini e hoomakaukau no ka ai.  O na papa kau-kau maloko o ke keena paina, e eha mile ana pakahi, a e k@@@eia mai ana e umiku-mamalua wale no kuea@, maluna o na lio e holo ai ma kela me keia aoao o ke pakau-kau.  E hoonan@@ ia ana kela me keia pai@@ ana @ ewalu @@@ p@@li pahi o@e, ma ke @@ @@@ @ @@ @@@@ @o@k@hi.  No ka pomai-kai @ ka poe makaikai e kapiliiaʻna i ala-@@i k@@ @hi @@ @@ papahele o na hale pa-kahi, @ p@@@@@ @@ @@@@@lele  O ka uku @@ @@ @@@@@@ @@@@@@@@@@@ @@ @ @a hiki $10.  O ka llilo @@ @@@@ @@@@@@@ @@@@@@ aku @@ koho wale ia e $680,000,000, alaila paa.  O ke keena biliodi, e hoopihaia ana e 900 papa Amerika, 99 papa Farani, a 1 papa Beretania; a o ka nui o ka poe makahiki e Amerika wale ana no paha.  E kek@l@ia ana i one ipuk@ha ma ke keena biliodi, o kona nui, he 100 kapuai ke anapuni.

 

Ka Poino Weliweli ma ke Kai.

            Mai ka nupepa Pili Aupuni mai o Lima Peru, i lonoia mai ai kekahi make weliweli ma ke kai o na ola he nui, a penei ua olelo:  I ka la 8 o Iune i hala, haalele aku la ka moku Italia Napoleona Camarrere ia Makao, me 40 luina moku a me 663 pake no ka holo i Kalio, a me 8,000 paiki mea hoopahupahu.  Mahopeo ka hala ana o elua la, aia hoi, loaa iho la i ka U@@hiolelo ke-kahi ohumu e lawe i ka moku.  Kauoha koke ae la ke Kapena i ka hapalua o ia heluna lehulehu e hoopaa loa lakou iloko o ka moku, aka, i kekahi la ae, o ka poe i noho iluna o ka oneki, hoomakaukau iho la lakou me na mea make i loaa ae ia lakou, e laa ka pahi, na pine, na apana laau, a me na mea e loaa aku ana i ko lakou mau lima, a lele aku la maluna o na laina moku, a me na ahi moku a o na luina pa-le aku la lakou me na pu kaupoohiwi, a me na pu panapana.  Ku like ae la na pake, hele aku la mamua o ka moku, a puhi ae la i ka moku i ke ahi, me ka manao in a e puhi lakou i ka moku, alaila, lilo na luina i ka pauma i ke kai i pio iho ke ahi.  Ilo-ko iho la o ia wa, hookuu ae la keia poe paki i ka poe i hoopaaia ai ilalo, a powa mai la i na loina e loaa ana ia lakou.  I ko ke Kapena ike ana i ka hana a na puke, ua kauoha koke ae la ia e hookuu ia na waa-pa, a haalele aku la i ka moku me ke koe-na o kona mau luina.  O kekahi poe luina keia i koe aku iluna o ka moku, aole i hiki ia lakou ke kinai aku i ke ahi, no ka ika-ika loa mai o ka ula o ke ahi.  A i ka hiki ana o ke ahi i kahi o na mea pahu, pohaʻe la ia mau mea, a kiola liilii ae la i ka mo-ku i na apana he lehulehu, me ka hapai pu ana ae i ka nui o na kipi iluna o ka lewa, a kanu iho la ia lakou i ka ope o ka hohonu.  Aka, he haawina maa mau no nae ke-ia e loaa ana i na moku lawe pake a pau o keia ano, in a ma ka moana loa, a in a paha ma na kapakai.

 

Ke Keiki Nalowale ma Piladelepia

            Aole paha i ikeia ma ke ao holookoa ke-kahi aihue kamakoa e like me ka aihueia ana o Kale Rosa ma ka la 1 o Iulai i hala, ma ke kulanakauhale o Piladelepia, oiai oia e paani ana me kona kaikuaana ma ke alanui, oia ka wa a ke kanaka aihue i holo mai ai ma ke kaa lio, a kaili aku la ma ka-hi e hiki ole aku ai i kona mau makua ke ike.  I ka nalowale ana, ua haawi ae ka makuakane i $300 makana no ka mea nana e hoike mai i ke keiki nalowale, aka, o ka pakui o ia makana, o ka loaa ana mai i ka makuakane o na leta ano e loa, e hoopihoi-hoi mai ana i ka naau aloha keiki, aole e hoihoiia aku ke keiki no ka uku makana malalo iho o $10,000.  Aole i lawelawe iki na makai e huli a hala na la eiwa ma-hope iho o ka nalowale ana, akahi no a hoomaka, me ka hoolaha ana i na hiohiona o ke keiki ma na pepa liilii haawi wale; a o ka hopena o ka lakou hana, o ka hopu wale ia ana o na kino hala ole; oiai e hopu ia ana ka poe hala ole, e loaa mau ana i ka makuakane na palapala hoopaahaohao, e ae maoli mai ana e hoihoi mai i ke keiki ke haawiia ka puu dala i noi ia mai ai he umi tausani dala.  Aole i ae iki aku na mana aupuni i ka makuakane e hana malalo o ka mea kupono ole i ke kanawai.  Ia wa, ua hoolaha ae la ke kulanakauhale o Piladele-pia e haawi i $20,000 makana no ka mea nana e hoike mai i kahi e loaa ai o Kale Rosa.  No ka nui loa o keia puu dala i ha-awiia, no laila, ua konoia na makai kaulana i ka hoomakakiu a me ka poe e ae mawaho e hele e hoolohelohe i kahi e loaa mai ai ke keiki.  Ua nui na hooikaika ana e loaa, aka, o ka hua o ia hana o ka pakui mai i na hoehaeha ana maluna o na makua.  Ma ka la 25 hiki mai ka lono, ua hopuia ma Rikemona kekahi kanaka me ka manaoia o ke kino kupapau o Kale Rosa, aka, i ka huli ana aku, eia ka he keiki nona na mala-he umi ua make; ma ka la 4 o Augate, ua hopuia he wahine ma Piladelepia komoha-na me kona hooia mai nana ia keiki.  Alai-la, hiki mai la kekahi lono mai Beninitona mai, ua hopuia kekahi wahine me ke keiki ua like loa kona helehelena me ko Kale Rosa.  Eia nae, ua like no ka nele me na mea i hopu ia mamua iho.  Ma na wahi a pau e loheia mai ai, ua loaa mai la o Kale Rosa, e hele mau ana kona makuakane me ke ake e loaa, aka, he nele wale no.  Aole hoi i kuu iho ka nae, hiki mai ana he lono, mai Odela, Ilinoe mai, ua hopuia he elua kanaka a me hookahi wahine, me ke keiki i manaoia o Kale Rosa, aka i ka miikii@'na aku, eia ka uanei o Kimo Henadasoma.  He nui loa na lohe mahope mai no ua ke-iki nei mai na wahi e ae he nui, a oia mau lono a pau ke loheia mai, e kau iho ana ia i na kaumaha a me na luuluu maluna o ka makuakane ole.  I na wa a pau e hoopupuia ai no ka loaa o Kale Rosa, e hiki mau ana ae i na makua na leta hoopahao-hao.  No ka nui o na lono lapuwale, na olelo hoo@@i@@i, @a hoopuiwa kamailio a na nupepa, a me na mea e ae, ua hoopupuleia ka makuakane, a ke olelo mai nei ke Kauka, ke iho aku la oia e mailo.  No ka hiki ole na makamaka o ka ohana ke pa-pa aku i na nupepa hoolaha lalau, ua hoo-pii ia iho nei kekahi mau nupepa, a me he mea la, @ meha like paha auanei na nupe-pa e ae.  O ka makuahine keia, ke aloha ia nei e ka lehulehu, a o na ino nana i kaili malu ia Kale Rosa, ke hoiao loa ia nei e na mea a pau.

 

Ke Alo Alii o Hawaii nei.

            No ko makou manao he makemake no ko ka lehulehu e ike i ke Alo Alii o Hawaii nei, ke panai aku nei makou malalo iho:

            Ke Alii ka Moi Kalakaua, hanauia i No-vemba 16, 1836, kohoia i Moi i Feberuri 12, 1874.  Hoaʻlii ma ka la 13 ae, keiki a Caʻsara Kapaakea me A. Keohokalole.

            Ke Alii ka Moiwahine Kapiolani, hanau ia ma Dekemaba 19, 1835.

            Ka Mea Kiekie ke Alii ke Keiki Alii W. P. Leleiohoku, hanauia i Ianuari 10, 1855.

            Ka Mea Kiekie Ke Alii Lilia Kamakae-ha Dominis kaikuahine o ka Moi, hanauia i Sept. 2, 1838, wahine a ka Mea Kiekie Jno. O. Dominis, ke Kiaaina o Oahu.

            Ka Mea Kiekie Ke Alii Miriama Likeli-ke Cleghorn, kaikuahine o ka Moi, hanauia i Jan. 13 1857, wahine a Ka Mea Hano-hano A. S. Cleghorn.

            Ka Mea Kiekie ke Alii Ruta Keelikola-ni, kaikuahine o na Moi i make Kameha-me IV a me V.

            Ka Mea Kiekie C. Kanaina, makuakane o ka Moi Lunalilo i make.

            Ka Mea Kiekie Bernice Pauahi Bishop, wahine a ka Mea Kiekie Chas R. Bishop.

            Ka Mea Hanohano E. H. Boyd, ko ka Moi Puuku a Kakauolelo Ponoi.

            Hon. Miss. Maria Beckley, ko ka Moi-wahine wahine ukali.

 

Nu Hou Kuloko.

            E nana ae ka poe makemake kaa lawe ohua i ka hoolaha a E. P. Adams ma ka pepa o keia la.

 

            I keia ahiahi Poaono, e wehe ai o C. S. Bato i kona Hale Kudala no ke kuni ana aku i na makana Karisima ka a kamalii.

 

            Ma na auina la Poaha a me Poalima iho nei o kei hebedoma, ua malamaia ka haike lulii o ke Kula o Kapunahou ma-loko o ko lakou hale kula.

 

            Ua ikeia mai ke Alii ka Moiwahine Kapiolani e ua wahine o Honolulu nei ma-waena o na hora 3 a me 5 o ke ahiahi Po-alua aku nei, e like me ka hoolaha.

 

            Ma ka la 10 aku nei, ua huli hoi aku ka moku kalepa Syren no Bosetona, me na ukana nona ke kumukuai i kokoke hiki aku ka waiwai io i ke $90, 000 maluna on a.

 

            Kula Haole Wahine. - Ua lohe mai ma-kou, ke ao nei ka Moiwahine kanemake Emma Kaleleonalani i na wahine Hawaii i ka ike namu haole ma na auna la o ke kahi mau la noa o hebedoma.

 

            Ma ke kakahiaka Poaono aku nei i hala, ua ku mai ka Mikado mai Nu Kilani mai, a ma ka hora 5 1/2 ahiahi, ua holo aku ia no Kaleponi, me ka lawe pu aku ia ekolu haneri paha tona ukana no onei aku.

 

            Ma ke aumoe Poalima aku nei i hala, hora 11 1/2 paha ia, make loa iho la o Kaleiluhiole ma Moanalua, mahope o ke kaa mai loihi ana.  Oia no kekahi o na ka-hu kahiko o na alii a kakou i hala, a e no-ho nei ne hoi.

 

            Ua hoohalahala iho nei ka nupepa haole no ka pa aupuni o Pauoa, aka, pehea hoi kekahi pa holoholona nui ma ke kiko waena o ke kulanakauhale o Honolulu nei.  Malia nae paha no ka noho poai ole mai o na haole ma ia wahi ke kumu ea.  Ina pe-la, aohe i like ke pine me ke o.

 

            I keia wa, o ka mea hou ma Hono-lulu nei, o ka paulehia o na kane, wahine a me na kamalii i ka papahi lei pepa hoku.  I hiehie no ka hoi ka nana ana aku i ke kakaikahi, a i ka paa puni loa ana ae o na mea a pau, o ka pakua mai la no ia.

 

            Ma ka la 14 aku nei, ku mai ka moku Garibaladi iloko o 27 la mai Orego-na mai me ka haneri a keu aku ohua pake, e huli hoi ana i Kina.  Mai Honolulu aku nei i loaa hou ai he iwakalua paha tona ukana a me he mea la he kanakolu ohua pake.

 

            AHAHUI EUANELIO OAHU. - Ua noiiamai mai makou e Rev. P. W. Kaawa e hoike aku, e malamaia ana he halawai ku i ka wa o ka Ahahui Euanaelio mokupuni o Oa-hu nei, maloko o ka luakini o Kaumakapi-li, i ka hora 10 kakahiaka o ka la 29 o De-kemaba e hiki mai ana.

 

            HOIKE KULA SABATI MA WAIKAPU - Ua loaa mai ia makou ka moolelo o ka hoike kula Sabati i malamaia ma ka la 28 o Nov. ma kahi maluna ae, a i ka heluhelu ana, ua mahalo makou i na mea a pau o ka poe i kuleana maloko o ia mau pepa kula Saba-ti no ka pomaikai ma kela ao, aole no na hoohinuhinu o keia honua.

 

            BANAKARUPE. - Mamuli o ka hook@k@@@ a M. S. Grinbaum ma a me ka poe e ae ua hoopuka ia ka Aha Hookolokolo Kiekie i kau-oha no ka aie ole maluna o Thoms Spencer (Poo@ahoahoa).  Nolaila, ma ka Poakahi iho nei, ua holo aku ka Ilamuku e hoopaa i na waiwai a pau o ka mea hoo-piiia, a e hala ana paha elua la ia Kilauea me Hilo e ku ai.

 

            I NA LUNA NUPEPA KUOKOA. - Oiai, ua kukulu paa ia ko makou rula, o ka uku mua wale no ka mea e loaa ai o ka nupe-pa ma keia hpe aku, nolaila, ke paipai ikaika loi aku nei makou i ko makou mau Luna Kuokoa a puni ka Pae Aina, e hookaa koke mai i ko lakou mau aie; a ina aole e hookaaia mai maka la hope o De-kemaba nei, alaila, ke kono ia mai nei ma-kou e hoonele aku i na Luna Kuokoa aie, no ka mea, aole ia no e hoounaia aku ana kekahi nupepa me ka uku mua ole ia.

 

            Ua loaa mai ia makou he palapala mai a Samuela Geresona mai o Kona Akau, e hoike mai ana i ka ahi-ahiia o kekahi kumukula malaila e na makua e hoopau.  No ko makou maopopo ole i kana hana, nolaina, ua kiola loa aku makou i kau mau olelo pilikino, a ua kaomi pu ia ka leta me ka nana hou ole ia aku.

 

            HALE POINO. - Mai ka lokomaikai mai a kekahi mea kakau i hoike ole mai i kona inoa, ua honuanuaia mai keia lono:  "Aia ma Alika i Kapalilua, Kona Hema, ua puhiia kekahi hale e ka makani.  He mea e koʻu weliweli i ka ike ana i kekahi apana nui e lele ana ma kahi mamao loa nona pa-ha na kapuai he haneri ka mamao mai ka-hi i ku mua ai ka hale.  He keu ka makani ikaika, he hooneeia la ka puka o Parisa."

 

            "HE POE OHUA MAKOU NO KILAUEA." - O ia ka pane a kekahi keiki uuku ua ona loa ia i ka bia mamua iho o Kawaiahao i ke Sabati aku nei i hala, oiai e momoe ana ko-na poe hoa, e hihina ana maluna o ka pae-pae pohaku.  Ninau aku la kekahi kama-hele.  "E aha ana oukou?"  Pane aku la ke keiki uuku e ku kiai ana, "He poe ohua makou no Kilauea mai, ua pau i ke poluluhi."  He ae la ka aka, a haalele wale.

 

            NO KA LA 10 O IANUARI. - Oia no ka la hanau o ke Keiki Alii Kahu Aupuni, e hiki mai ana.  Ina i ninauia mai makou i ka mea kupono e hana ai no ia la, oiai he Sa-bati ia, e ia ka makou.  I ke ahiahi Poaono mamua iho o ke Sabati, e hoomalamalama ia ka hale aupuni hou me na ihoiho kuikui, a e hoonanea na keiki puhi ohe maluna o ka aleo.  Ke hiki mai ke Sabati, oia ka la 10 ponoi, e malamaia ka ihiihi o ia la e li-ke me kona ano mau.  A noa ke Sabati, alaila hana aku na lealea kupono.

 

            KULA KAIKAMAHINE O KOHALA AKAU. - Mai ka wai inika mai a Rev. S. C. Luhiau o Kohala Akau, i loaa mai ai ia makou ke-ia lono hololea no ka weheia ana o ke kula kaikamahine hou malaila, a penei no na mamala olelo:  "Ua wehe iho nei ke kula kaikamahine o ka mokupuni o Hawaii, ma ka la 3 o Dekemaba.  Ke noho nei ke ku-mu, ke kahu o ke kula a me na haumana he 11.  He eono o keia mau kaikamahine no Kohala ponoi iho nei, a he elima no Hilo mai.  He 19 kaikamahine i koe, alaila piha ke kanakolu no keia hapa mua o ka hoomaka ana."  Nolaila ma ko makou ano kokua i na hana hoonaauao a me ka makee i na ui pulapula o ko makou i ka Ahahui o Hawaii Komohana e hoouna ae ilaila i ka lakou mau kaikamahine me ka hookaulua ole.  E pupu kahi ae kakou i keia hana.

 

            ALOHA INO! - He kaumaha kupouli kai uhi mai maluna o makou i ka ike anaʻku i kekahi hapauea kupuna o keia lahui e waiho hookahi ana aohe koolua, a aole no hoi kokua kokoke mai iloko o ka nawa-liwali a-oo o kona ola kino.  Aohe ai, aole ia, a aohe kapa e malu ai ke kino mai ke anu huihui o ke kehau; o kona kino ua oolea pu, a ua hiki ole iaia ke kokua iaia iho.  Me keia mau pilikia hoopilihua a pau, ua loaa hookahi aku oia e waiho ana iluna o ka papahele o kona keena.  O Kumahana kona inoa, ma ke alanui Ema, ma-loko o keia kulanakauhale kona wahi noho.  He wahine kana o Piko kona inoa, a auhea oia?  ua haalele mai i kana kane, a aia me ke kane manuahi, wahi a ko makou lohe!  e kii aku ke Kanawai i keia wahine lokoino a e hoihoi mai e malama i kaha kane, oiai oia i na la hope loa o kona ola ana, i pono ai.  Auhea na Ahahui i hoalaia no ke ko-kua ana i na pilikia o keia ana?

 

[NA PALAPALA I KE "KUOKOA"]

            Eia malalo iho nei ka haiolelo a Rev. J. H. Mahoe ma Koloa i ka la 16 o Novemaba:

            "E na hoa; Mamua o koʻu hai ana aku i kekahi mau mea no ka Moi, e kala mai oukou i koʻu mau hemahema ma ke kamai-lio ana.  Ua hoea mai nei ka la i hanau mai ai o Kauliluaikeanuwaialeale, ka Moi Davida Kalakaua.  He keiki i manaoia na Kapaakea a me Keohokalole ke kaikamahine a Aikanaka, he moopuna na Keaweheulu kekahi o na hoa kapu o Kamehameha ka nui, ma ke kulana, kekahi lalani alii kiekie o Hawaii nei.  O ka la keia i hanau mai ai ka lani au e Hawaii ponoi.  E nana mai e na lani.  E na moku o Hawaii.  E hiipoi mai i kau milimili hou nau e Hawaii ponoi.  Hookipaia!  Hookipaia!  A, ua ku ae la i ka moku, he alii ai moku.  Aia la, ma ke Kalaunu Kinohinohi ou e Hawaii ponoi.  E Hawaii ponoi e!  E Hawaii ponoi e!  Na-na ia kou Haku Alii Moi kou makua.  N@@-kela olelo kaulana o keia makahiki 1874.

            "O ka hooulu lahui ka makia o koʻu au-puni."  Wahi a ua o Kauliluaikeanuwaialeale, ka Moi Davida Kalakaua.  E nana ae kakou i kona ku@na mai mua mai nei.  Pe-hea la kona kulana.

            He alii naauao, ua ao ia i ka olelo Beri-tania, ua loaa na ike elua ia ia, he Hawaii a he haole, a ua hoohana oia ia ia iho me ia mau ike, a ua ike kanaka makua.  Ua lawelawe oia ma ka oihana Luna Leta o ke aupuni o Hawaii nei.  He luna no kekahi laina kinai ahi o ke kulanakauhale o Honolulu, he kakauolelo elua, no ke Kuhina Ka-laiaina, he hoa no na Moi, a he hoa no ka Ahakukamalu e ka Moi, a he hoa no ka Hale Ahaolelo o ke aupuni Hawaii nei.  Ua maa i na hana hooponopono aupuni a me na hana loea akaka ai ke kulana naauao a me ke akamai o ua o Kauliluaikeanuwaialeale.

            A ua kohoia i Moi i pani hakahaka no na Kamehameha a me Lunalilo i moe nui aku la.  A ua ku ae la keia i Kapena no ka mo-ku aupuni Hawaii; oia hoi i hookele no ka lahui Hawaii - a ua kohoia ma ia kulana, no ka mea, he Moi naauao.  He aloha i ko-na lahui, he ʻlii aloha makaainana.  Ua kaa-puni iho nei oia i na mokupuni o Hawaii nei, he hoike ia o kona aloha lahui, he hele e nana i kona poe makaainana.  He mau hoike ae no kekahi e akaka ai kona aloha.  E nana i ka papa-helu o na luna aupuni, o ka hapa nui o na luna o Hawaii ponoi no.  Ma ka papa-Kuhina, he mau makamaka haole kupa a me Hawaii ponoi no.  Ua hoo-lawa oia ma ka akau a ma ka hema, ua la-wa ia i ke aloha no ka malihini a me na kamaaina.  He pono ke mahalo piha aku iaia ko Hawaii ponoi.  Na ke au o ka mana-wa halihali i kona mau kulana holomua.  Aole au e wehwehe ae i na ale i popoi mai i kona wa i hoalii ia ae ai.  Na ke kehau makani malino e lawe aku ia mea.  Ke ka-hea ae nei au i na lani.  E ike i ka Moi, a i ka Hooilina Moi, ka Moiwahine, a me na ʻlii, a me na luna aupuni.

A e ola ke Alii i ke Akua.

"E mau ke ea o ka aina i ka pono."

 

Ka Hooulu Lahui.

E KE KUOKOA E; Aloha oe: -

            Akahi malama i hala ae nei, mai ka ha-lawai ana o ka la 11 o Novemaba, o keia makahiki, no ka imi ana i ka mea e ulu hou ai ka lahui Hawaii, a ua hoike kela a me keia kanaka i kona manao maoli, no ka mea e ulu ai ka lahui; a eia ka ninau ma-anei, A pehea iho la?  A heaha na mea i hooholoia?

            O keia kumuhana, he mea i kamailio nui ia i na makahiki i hala ae nei, a owau no kekahi o ia poe kamailio maloko o na nu pepa a kakou, a he mea lealea kalakalai olelo wale no, aohe hoomaopopoia.

            E nana i ka Buke I o ka Nupepa Kuo-koa, Helu 17, Aoao 3, o ka la 22 o Maraki 1862, aia malaila koʻu kukulu manao, i mea e hoomahuahua ai i keia lahui kana-ka, oia hoi ka lawe ana mai i na lahui e , e pili ana ma na kapakahakai o ka moana Pakipika nei, (aia malaila ka olelo) a ma-hope iho o ia manawa, ua kanalua hou au, o lilo auanei ka lahui i lahui Hawaii awili.  A mahope mai o ia manawa, aole no i emi iho ka manao o ka poe kalai olelo; a i ka malama o Iulai 2, 164, Helu 27, Buke III, o ka Nupepa Kuokoa, Aoao 1, ua hoopuka hou ia mai koʻu kukulu manao no keia mea hookahi no he hooulu lahui, i kakauia ma ka inoa kapakapa, "Kanakakahiko," aole nae kakauia kela manao me ke ano kupono, aka me ke ano hookuakeaeo, (aia no malaila ka olelo.)

            Ua hala ae nei na makahiki he umi a keu, a hiki i keia la aʻu e kakau nei.  Ua noho ae nei o Kalakaua I., i Moi no keia aupuni; a o ka makia hoi o kona aupuni wahi ana, oia ka Hooulu Lahui, a ke kau-oha mai nei Oia mai ka Noho Alii mai ia kakou i na makaainana ponoi Ona, oia hoi ka mea a ke aupuni e hanai ana i na tau-sani dala elima, ($5,000) a hiki i ka lopa hele wale, e ola ana i ka lawelawe a kona wahi lima nawaliwali; a mai ka poe hoi e ku ana i luna i ka poe hoomaloka; a mai na koko alii a hiki i na mamo a P@pakea; ao-he mea o kakou i koe i ke kauohaia; a ke olelo mai nei ma kekahi o Kana olelo Alii, o ka la 16 o Novemaba, o ka kakou koe e hana aku ai.

            Ke hookunana nei ka manao o ka lahui, o ka wae la ka makou e hoomaopopo ai?  Ma ke ala hea la makou e hele ai?   He nui na alakai i weheweheia e ka poe kalai ole-lo o ka la 11 o Novemaba, a ke hai mai nei hoi ka haiolelo a Rev. M. Kuaea o ka la 16 koko mai no, e malama i na anoano o pau i ka iole, eia hoi, e malama i na opio, (kane a me wahine).

            A ke hoopohala mai nei hoi o Hawaii, he nui na keiki ma na aina e a me Bereta-nia, aole malama pono ia o na keiki no ka nui loa, he ulu no nae ka lahui, a pela no ma Kina, Iapana, a pela aku.  A ke olelo mai nei hoi ka nupepa Lau Oliva, "O ka hoopono, oia ka mea e ulu ai ka lahui."  A ke olelo ae nei lakou nei, "Ke noho nei kekahi poe o kakou i kela wa, he poe ua mareia, a he poe noho-kapae, (pela ka ole-