Ka Nupepa Kuokoa, Volume XIII, Number 51, 19 December 1874 — Page 4

This text was transcribed by:	Dawn Oshima
This work is dedicated to:	Awaiaulu

Ka Nupepa Kuokoa

KE KILOHANA POOKELA NO KA LAHUI HAWAII.

Good Cheer. He mele Hapi Nuia.

Sunshine.

Olia! Olia! No ka hapi Nu ia

Ke aka oli imua√ë

E oli kakou, a mele pu no,

Olia, olia haleluia,

Nana kakou i hope no,

Aloha i na hoa;√ë

Nana io, a lana no,

He oli oi loa.

Cho. Olia! Olia! No ka hapi Nu ia,

Ke aka oli imua.

E oli kakou a mele pu no,

Olia, olia haleluia.

O√ëlia! O√ëlia

No ka hapi, hapi Nu ia!

O√ëlia! O√ëlia!

No ka hapi, hapi Nu ia.

Olia! olia No ka hapi Nu ia,

Ke aka oli imua√ë

E oli kakou a mele pu no,

Olia, olia haleluia,

Imua no na oli hou,

He la olinolino√ë

E loaa mai ka pomikai,

E paleia√ïe na ino.

Cho. Olia, olia, No ka hapi Nu ia

Ke aka oli imua√ë

E oli kakou a mele pu no,

Olia, olia haleluia,

O√ëlia! O√ëlia!

No ka hapi hapi Nu ia,

O√ëlia! O√ëlia!

No ka hapi, hapi Nu ia√ë

O√ëlia, o√ëlia, o√ëlia, o√ëlia o√ëlia.

HAWAII

New Year Day.

Royal Diadem, p. 142.

Eia mai ka hapi Nu ia,

Me ka oli i lele mai,

Ilihia i ka lea,

Me ke ao opio e,

Hui oli, hui oli,

Na makua, na pokii,

Na haumana, me na kumu,

Hapi Nu ia, oli e.

Hui a hoomaikai aku

I ka Haku, nana no

I aloha, a makana

I ka makahiki hou,

I ka la, la hapi Nu ia,

Me na oli ona no.

Hapi Nu ia, e na hoa,

Hapi Nu ia, oli pu.

Na Iehova ke Akua mana,

Ka Makua o kakou,

E hoonui i na pono

O ka makahiki hou,

E hoomali, e hoola

Pale i na ino nei,

E na makamaka aloha,

Hapi Nu ia, oli e.

HAWAII

HAAWINA KULA SABATI.

Ka hapaha mua o 1875.

Helu 1. Sabati, Ianuari 3.

KUMUHANA√ëKa hooikaikaia o Iosua.

PAUKU BAIBALA. Iosua 1:1-9.

MAMHOPE iho o ka make ana o Mose, ke kauwa a Iehova, alaila, olelo mai la o Iehova ia Iosua i ke keiki a Nuna, ke kokolua o Mose, i mai la,

2 Ua make ka√ïu kauwa o Mose, ano e ku ae oe, a hele i kela kapa o Ioredane nei; o oe a me keia poe kanaka a pau, a i ka aina a√ïu e haawi aku nei ia lakou, i ka poe mamo a Iseraela.

3 O na wahi a pau loa a ke kapuai a ko oukou wawae e hehi aku ai, oia ka√ïu i haawi aku ai no oukou, e like me ka√ïu i olelo aku ai ia Mose.

4 Mai ka waonahele mai, a mai Lebanona nei a hiki i ka muliwai nui, oia hoi ka muliwai o Euperate, o ka aina a pau o ka Heta, a hiki i ka moana nui ma ke komohana, oia ko oukou mokuna.

5 Aole lea e hiki i kekahi kanaka ke ku imua ou, i na la a pau o kou ola ana. Me a√ïu i noho pu ai me Mose, pela no wau me oe. Aole au e waiho aku, aole hoi e haalele ia oe.

6 E ikaika oe a e koa hoi, no ka mea, nau no o hooili i keia poe kanaka i ka aina a√ïu i hoohiki ai i ko lakou poe makua e haawi aku no lakou.

7. E ikaika ia, a e k@ loa hoi, me ka hoolaha, a me ka hana aku, e like me ke @ a pau e kuu kauwa a Mose i kauoha aku ai ia no, Mau huli hoi oe ma ka lima akau, aole hoi ma ka lima hema, i pomaikai @ ae i ke ala a pau au e hele ai.

8 O ka palapala o keia kanawai, aole ia e @

9 @

PAUKU GULA. √íO oe hoi, e ka√ïu keiki, e hooikaika ma ka @ iloko o Kristo Iesu.√ì 2 Tim. 2:1.

MELE. Mele hou. 7. Leo-Wailuku.

Ku a mele ia Iesu

No ka makahiki hou,

No ke kula Sabati,

No ke kula mua nei.

Ala e na koa e,

Koa kula Sabati;

Hooikaika, paio pu

No ka pono o Iesu.

Nau, Iesu i haawi mai

I ke kula mua nei,

Haawi mai na kula a pau

O ka makahiki hou.

PULE HOOMAIKAI no ke komo ana iloko o ka makahiki hou, a i loaa hoi ka makaukau no na hana, na kula Sabati &c o ka makahiki hou.

NA NINAU A NA KUMU.

P 1. Mahea ko Mose make ana? Nawai hoi i kanu? Owai ka i ike? Owai ko Mose hope? Nawai ia i koho? Nahelu 27:18, 23. A ua piha hoi oia i ke aha? Kan. 34; 9. Owai ka i olelo ia ia?

P. 2. Heaha ke kauoha a Iehova ia Iosua? ia Iosua wale no anei ke kauoha? I kela kapa o Ioredane, kapa heaia? Aia lakou mahea? Kan. 1:1, 5 Ios. 2:1.

P. 3, 4. Na wahi aha i haawiia ia Iosua ma? maihea a i hea? Mahea Lebanona? Euperate? Owai ka moana ma ke Komohana?

P. 5, Heaha ka olelo hoolana ia Iosua ma keia pauku? Mahea ka olelo like? Mat. 28:20.

P. 6, 7, 8. Na olelo hooikaika ia Iosua heluhelu mai. Na Iosua e hooili aku i ka poe Iseraela i hea? E hana oia e like me ke aha? Heaha ka mea i papaia p. 7? no keaha? Aole make e haalele ke aha i kona waha? Ma ke aha oia e noonoo ai i ke ao, i ka po? Pehea Hal. 1:2?

P. 9. Heaha ka ninau? heaha ke kauoha? Heaha ka i papaia? Me ia owai? I na o Iehova pu kekahi pehea kakou? Hai mai Halelu 27:1. Heaha ka pauku gula? MELE. Mele hon. 8-7. Leo-Bentley.

Me Iehova i kauoha

Ia Iosua e hana√ïi,

Pela kana i na kumu,

E ikaika a koa√ïe.

Ku a hele a kai aku

I na papa kula nei,

I ka aina ia Kanaana,

I ka aina maikai e.

Mai makau a weliweli

I na enemi oonei;

Me oukou la no Iehova,

Ku a nauwe pololei.

NA NINAU A KE KAHU.

NA KANE. I na hea ko kakou kula ana no ka make ana o Mose? Ehia malama i hala? Mahea ke kula ana iloko o ia mau malama? Ua alakai Mose i ka poe Iseraela mai hea a i hea? No ke aha ka ae ole ia ia ia e hookomo ia lakou iloko o Kanaana? Ua like me ke aha? me ko ke kanawai alakai ana i na kanaka a hiki i ka palena o ka lani, a malaila make, aole hiki ke kai aku io. Owai ko Mose hope? a nana e alakai aku i ka poe Iseraela i hea? Ua like ia me wai? me Iesu, ko ke kanawai hope nana e kai aku ia kakou i ka lani. Iosua, Iesu, ua like ke ano.

NA WAHINE. Owai ka inoa o keia buke hou? Nohea kona inoa? He moolelo ia no Iosua, a nana hoi i kakao ia buke. He kokoolua oia nowai? Heaha kekahi mau hana ana, ia ia i hele pu ai me Mose? Pii pu i ka mauna√ëoia kekahi kiu; ka luna koa hoi. Owai ke kokoolua ona i ae ia e komo pu iloko o Kanaana?

NA KEIKIKANE. Hai mai i na palena o Kanaana. Mauna Lebenona ma ka Akau, Ka waonahele hea ma ka hema? Owai ka muliwai ma ka hikina? Owai ka moana ma ke komohana? Owai ka lahuikanaka kahiko? na Heta, oia hoi na mamo a Kanaana ke keiki a Hama. Hai mai i ka pauku 5, ka pauku hoolana. Me oukou owai ke noho pono? Pehea oukou e hana√ïi i ole e haalele ke Akua ia oukou? I na hana hewa oukou, a hehi wale i na kanawai o ke Akua, pehea oia ia oukou? Hai paanaau Hal. 27:1.

NA KAIKAMAHINE. Hai paanaau mai i ka paaku 7, me Solomona, 4:26, 27. Nui anei ka poe imi e hoohuli ae ia oukou ma ka akau, a ma akau, a ma ka hema i hele lalau oukou? Nui wale paha. Pono anei ke ae aku? Nawai e kokua i hale pololei? E kokua mai anei ke Akua ke noi ole aku oukou ia ia, a makemake ole i kona kokua mai?

NA POKII. Owai ka i @aka mamua? Ua pua@ mai kahi i make ai o M@ kahi @, a me ka @ i kana? Ua poina paha @ noonoo i ke kanawai ma ke ao, ma ka po. E hele pololei, mai huli ae i ka akau, i ka hema. Hai pea naau mai Halelu 1:2. Ma ka ke Akua olelo anei ko oukou noonoo me ka olioli ma ke ao, ma ka po? Aole, aia ma ka lealea ka nui o ko makou manao, a ma ka lole, a ma ne mea ono. Kahaha! pela anei ka pono? Owai ko kakou alakai i ke Kanaana hou ma ka lani?

NA MANAO. Na Iosua i keia wa, owai? Heaha ka ke Akua olelo hooikaika ia lakou? Owai ka poe a lakou e alakai aku ana mai keia ao aku a i kela ao? Hai mai i na palena o ke kihapai?

MELE Himeni 495.8-7-4. Leo. Greenville?

E hoike me Asia,

Me ko Aferika po,

I ko Iesu lanakila

Ma ko Kalevari puu,

I hoolana

Ko na aina welelau.

Na aupuni noho pouli,

Nau no e hoonaauao,

Mai hikina a komohana,

Pale koke i ka po,

I ao maoli,

I ikea ka nani ou.

PULE no na aina naaupo, no na misionari, me ka lakou mau hana &c.

HAAWINA KULA SABATI no Ian. 10. IOSUA 3:14-17. PAUKU GULA Isaia 43:2.

HAWAII.

Halawai o ka Ahahui Ekalesia o

KAUAI.

Halawai ka Ahahui Ekalesia o Kauai ma Koloa, ma ka la 21 o Okatoba, 1874.

Ma ka balota ana, ua kohoia o J H Mahoe i Lunahoomalu, a o A W Maioho i kokua kakauolelo. Pule ka Lunahoomalu.

Eia na lala i akoakoa mai:√ë

Kihapai, Kahu, Elele.

Waioli, Rev. A. Pali, Makaliu,

Anahola, √ë Meheulu,

Lihue, √ë H R Hapuku,

Koloa, Rev J H Mahoe, Apolo,

Waimea, √ë Kaluahi,

Na Lala mau, o Rev. J W Smith, a me S Kahookui; a o. A. W. Maioho, Keiki o ka Aha.

Apo mai la ka Aha ia Rev. J. F. Pogue, P. M. Keoni, a me na Luna Ekalesia i hiki mai, i mau hoa kukakuka o keia halawai.

Kohoia o J. W. Kamika, A. Pali, a me Hapuku, i Komite Imihana.

Hoike hapa keia Komite penei:

1. Hapa hora haipule

2. Hoike Kihapai.

3. Na Haawina.

4. Palapala Hoopii.

5. Nupepa hou.

6. Na Ekalesia Kahu ole.

7. Na Kokua,√ëMahina hou,√ëHanai Kahu, a pela√ïku.

Kohoia he mau Komite imi haawina no ka halawai mahope aku, o J W Kamika, Makaliu, a me Meheulu ke Komite.

I. Hoike Kihapai

Heluhelu mai o Rev. A. Pali i kana palapala Hoike Kihapai no ka Ekalesia o Waimea.

Hoike mai no hoi o Rev A Pali no ke Kihapai o Anahola.

Hoike mai o H R Hapuku no ke Kihapai o Lihue.

Heluhelu mai e J H Mahoe i kana hoike no ka Ekalesia o Koloa.

Hoike mai o J. W. Kamika no ka Ekalesia Haole o Koloa.

Hoike mai o H W Kaluahi no ke Kihapai o Waimea.

Ma ke noi ana ua kohoia o Rev. J. F. Pogue i haiolelo mahope o ke awakea.

Hoomaha ka aha a hiki i ka hora 21/2 p m

Akoakoa hoe mai ka Aha i ka hora i oleloia, a hoolohe i ka Haiao a Rev. J. F. Pogue, ma Oihana 1:11.

11. Heluhelu Haawina.

Heluhelu mai o Rev. A Pali i kona Haawina. √íHeaha ka hewa ke komo ka Ekalesia i ka aie nui?√ì

Hai mai o S Hahookui i kona Haawina. √íPehea la e pau ai ka Ona√ì iwaena o keia lahui?

Heluhelu mai o A. W. Maioho i kona Haawina. √íPono anei i ke Aupuni ke auhau i ka waiwai o ka Ekalesia?√ì Haina Aole pono.

Heluhelu mai o J. W Kamika, i kona Haawina. √íPehea la i malamaia na maka i mau ka ike?√ì

Heluhelu mai o J H Mahoe i kona Haawina. Heaha la na mea keakea i ka holo mua ana o ko ke Akua aupuni ma Kauai nei?√ì

Ma ke noi ana a Pali, ua hoepaneeia ka Aha a i ka la apopo hora 9 a. m.

Okat. 22, 1874. Halawai ka Aha i ka hora i oleloia. Malamaia ka hapa hora haipule. Heluheluia ka moolelo o ka la i hala, a aponoia.

Waiho mai o Rev. J F Pogue he wahi olelo heohole, a penei ia:

Olelo Hoohole. Ke paipai aku nei keia Aha i na Kahu, a me na Lena Eekalesia Kahu ole e huli ai i na Kihapai o hoomaopopo i ka nui o na ohana nele i ka Baibala ole, a e hoike mai imua o keia aha i ka malama o Aperila 1875, a ua hooholoia.

Heluhelu mai ka Hope Kakauolelo i ka leta a T Puuohau, e noi ana i keia Aha e hookuu iaia, a ua ae ia, a ua J. W. Kamika e hoouna aku i ka palapala hookuu iaia ma kona ano keiki o keia aha; a e lilo ana i keiki no ka Aha Ekalesia o Oahu.

Hopaiia ke Kamuhana 5. No ka Nupepa hoa. Kamailio mai o Mr. Pogue no keia mea, a hoopuka mai o Mr. Pali he olelo hooholo.

Olelo Hooholo. √íE apo aku na Lala a pau o keia Aha i ka hoolaha ana o ka Nupepa hou i oleloia.√ì A ua hooholoia.

Kumuhana 6. Na Ekalesia Kahu ole. Kamailio ka Aha no P M Keoni i haiolelo no Anahola; a hoapono ka aha i kona haiolelo ana ma ia kihapai.

Ma ke noi ana, ua apo keia aha ia H. R. Hapuku i keiki na ka aha.

Ma ke noi, e ninau aku ia Seta, kekahi keiki o keia aha, no kona hiki ole i keia halawai; a kohoia o J. W. Kamika i Komite e palapala aku iaia.

Kumuhana 7. No na kokua, mahina hou, hanai kahu, &c. Kamailio ka aha no ia mau mea, aole nae olelo hooholo no ia kumu.

Hoike mai ke Komite Imi Haawina no kela kau, a aponoia, penei:

1√ëHeaha ka waiwai o ka Nupepa Karistiano i hoolahaia iwaena o kanaka?

A W Maioho.

2√ëHeaha na hana kupono e ao aku ai i na kaikamahine ma na Kula Kaikamahine?

J H Mahoe.

3√ëHeaha na hua e akaka ai ua hanau honia ke kanaka?

P M Kaoni.

4√ëHeaha na pilikia o ka aie?

H R. Hapuku.

5√ëPehea la e ulu hou ai na Ekalesia o ka Haku ma Kauai nei?

A Pali.

6√ëPehea la e malama pono ia ai na Ohana o keia Lahui a loaa ole ka Mai Pake?

J W Kamika.

7√ëI ke ala hou ana mai o ka poe i make, ma ke kino hea la lakou e ala hou mai ai?

S Kahookui.

Ma ke noi a A Pali ua hooholoia, e hoopanee i keia halawai, a i ka malama o Aperila 1875, e halawai hou ma Auahola.

Kohoia o Rev. J H Mahoe i haiolelo no ia halawai; a o Kauka Kamika kona hope. Heluheluia mai ka moolelo a hooponopono ia, a apono ia. Hoopanee ia ka halawai me ka pule a J W Kamika.

A. W. MAIOHO,√ëKokua Kakauolelo.

Na mea hou o Kapali Koolau, a hiki i kekahi hapa o Waialua.

Iloko aku nei o na pule hope elua o Novemaba, ua hele au mai Waimanalo a hiki ma ka Hale Kula Kaikamahine ma Waialua, a ua ike pono ia ka hana a ka makani ma keia mau wahi o keia mau pali Koolau.

No Waimanalo. O ka hale halawai o Waimanalo e ku la ma Kaopa, ua kaikaiia aku oia a waihoia ma kahi e, mai kona kahua aku i ku ai, no na kapuai he umikumamalua, a loaa aku la ka hale o Namomi. Hooke la aku la kekahi mau pou, a hakihaki, aole nae i poino ka hale halawai, a aole no i poino ka hale o Namomi, o na pou wale no i haihai ka poino.

No Kailua. O ka hale halawai o Kailua e ku ana ma Kawainui, ua pau loa ia i ka nahaha, a lilo i mea ole, i ka manao o ka ikaika noonoo ole.

No Kaneohe. Ke wawahi hoomanawanui nei ke Kahu o ka Ekalesia, a me na hoahanau o Kaneohe, i ko lakou luakini, ka mea a ka makani i kulai ai a waiho hio, me ka poino nui, a me ke kaumaha nui o ka naau, i ka ike ana aku i ko ke Akua Heiau e waiho mai ana. E paa hou ana no nae, no ka mea, ua piha i ka makaukau ke Kahu, e kapili hou, a e oi aku ana ka nani o keia hala hou i ko ka mua, pela ko√ïu manao.

No Waikane. O ka luakini o Waikaneua naha aku kekahi aoao o lalo o ka hale, a ua haki kekahi kua nui o ka loa, a ua hooneeia ka aoao mauka, a kau aku iluna o ka aoao malalo; ke kau la no nae ka pae pou o ka aoao ma nae iluna o ka pae pohaku, o ka hina hio o ka hale ka mea i poino ai, a me ka paa ole o na kua o ka papahele i ke kakia ia i na kua nui o na aoao loa, i kau wale ia iho no, malaila i nui loa ai ka poino; ke imi nei lakou i ke kamaua, a e hana kokeia me ka eleu nui.

No Hakipuu. O kekahi hale laau hou no i kapiliia a paa o lalo, a koe ke kau ana iho o na oa, ua kulaiia aku kekahi aoao e ka makani a kaawale, ha elemakule ka mea nona ka hale i poino, a ke noho nei oia me ka pilikia i ke anu, a me ke koekoe a ka ua. Aloha ino.

No Kualoa. Aia malaila kekahi kumu hau nui, i na hale o Nohopali ma la malalo iki aku, i ko√ïu ku ana a hoomaopopo√ïku i kona mau aa e pau ai. Aole e hina ke kulai na kanaka hookahi haneri, aia hoi, hookahi no ka kikiao makani, huli pu ana a manamana ana na aa nui iluna, o ko luna aoao lilo iho la ia malalo, nui no ka ikaika o ka mana noonoo ole.

No Punaluu. O ka hale waiho laiki o J Naili, oia kekahi kanaka kuonoono oia pali Koolau, ua wawahi ia e ka makani, a e waiho wale ana na laiki, a he poino nui loa i ka nana aku.

No Kahuku. Ua paa ko laila luakini, aole nae i hina i ka makani. Aka, ua hoopaa ia o ke kamana ka puka, me ke kumu ole, wahi a kekahi poe hoahanau, a me kekahi mau luna. I ko√ïu ninau ana aku i ke kumu o ka hoopaa ana a ke kamana, olelo mai la lakou penei: Ua koi hou mai ke kamana e haawi hou aku i iwakaluakumamalima dala hou, no ka mea, o ka uku mua i olelo mua ia a holo me ke konohiki o Kahuku, oia o ka Likikini, ($175.00) paa pono ka hale a me na mea a pau loa, aole he uku hou aku i koe, a ua uku mua ai ke kamana i kela mau dala i hoikeia ae la maluna.

Aka, i ke kapili ana a paa ka hale, koi hou mai nei ke kamana e haawi√ïku i ($25.00) dala hou, i piha ka ($200.00) dala. Ua hoole na hoshanau no keia uku hou, a nolaila ke pani ia o ka puka o ka luakini a hiki i ka wa e loaa aku ai kela mau dala, a he mea haohao nui keia i ka hana a ke kamana, a me ke konohiki pu o ka aina.

Ua ae ia aku nae ka iwakaluakumamalima, no ke pena ana i ka hale, a me ka hana hou i ka Awai, a me ke kukulu i ka hale bele. Aole nae i ae ia mai, no ka uku mua no ia, aole no keia mau hana hou ana.

Mai Waialae a hiki i Waialua. O ke kai ka mea nui, wahi a na kamaaina; ke komo ia mai la na loi kalo o Waialee, pau i ka palahu ke kalo. O kahi a√ïu i ike ole ai mamua, aole e hiki ke kai, ua ike iho au ua alahula ia wahi, oia na wahi malalo√ïku o Paumalu a hiki i Pupukea. O ka pali o Pili-aama ma Waimea, ua hanee ma kahi o ke alanui, a ua paa nae i keia wa me ka maikai.

No Waialua. He hana nui ka na kanaka e pili ana i na hakuaina o Ukoa a me Lokoea; he eli i na wahi e kahe mai ai ka wai a komo iloko o ka muliwai. O ka hohonu o kahi e eli ia ana, ua elima kapuai a oi ae, i ka nana aku, he hana nui maoli no me ka ehaeha loa.

No ke Kula Kaikamahine. Malaila au hookahi la, a me elua po; hiki aku au ilaila, ua hala aku ke kumu i Makawao e ike i kona mau makua; a o na kumu kokua ke noho ana, a na laua i hookipa aku ia√ïu me ka maikai loa. I kipa aku au e ike i ka√ïu mau kaikamahine.

I ko√ïu nana aku i ke Kula, ua oi aku ka maikai o ka noho ana o na kaikemahine, maemae pono na wahi moe, a me ka noho ana; oluolu maikai na kumu kokua. Oia o Miss. K. Pogue, a me Miss. Emesona. He olelo haole wale no ka√ïu i lohe nui aku; he uuku loa kahi manawa no ka olelo Hawaii mai na kaikamahine nui a hiki i ka poe liilii loa. Nolaila, ma ko√ïu ike pono ana, ke haanui aku nei au i ka maikai, o ke Kula i keia manawa, ua pono e hookomo nui ia mai na kaikamahine i keia wa.

Owau me ka mahalo. S WAIWAIOLE.

Waimanalo, Dek. 10, 1874

Hebedoma haipule Ianuari 1875

E lele ana ka manawa. He mau pule pokole wale no i koe a hiki mai ka Makahiki Hou, 1875. Pono i na Ekalesia a pau ma Hawaii nei ke hoomakaukau e hapai pu me ko na aina naauao, e malama i ka hebedoma haipule iloko o Ianuari. E noonoo e na kahu, a me na luna ekalesia a pau, i hiki ke hapai pu i ka ka Haku hana ia hebedoma, me ka pilikia ole i ka ai, a me ka ia, a me na hana e ae. No ka mea, ina lokahi ka manao o na haipule, e hoi nui mai paha na hipa auwana, a me na keiki uhauha; a nui ka hauoli ana, aole ma ka lani wale no: aka, ma ka honua nei kekahi.

Eia ka Paulo i ko Galatia, a ua pili pono hoi i ko Hawaii. √íMai kuhihewa oukou, aole ke Akua e hoomaewaewaia√ïku; no ka mea, o ka ke kanaka i lulu, o kana hoi ia e ohi mai. No ia mea o ka mea e lulu ma kona kino iho, no ke kino ia e ohi auanei i ka make; aka, o ka mea e lulu ma ka Uhane, no ka Uhane ia e ohi auanei i ke ola mau loa.

Mai hoopalaleha kakou i ka hana maikai no ka mea, i ka wa pono e ohi auanei kakou, ke hoonawaliwali ole kakou. Nolaila e like me ko kakou manawa maopopo, pela e hana maikai aku ai kakou i na mea a pau, oiaio hoi i ka poe ohana manaoio.√ì√ëGalatia 6:7-10.

Ka Pule mau no ke Alii, a me na Luna a pau o ke Aupuni.

Ka la hanau o ka Moi D. Kalakaua. Mamuli o ka manao i hoolahaia, ua malamaia ka la 16 o Novemaba, i la haipule i ke Akua no ka Moi: a i la hoomaikai aku hoi kekahi no ka lokomaikai o ke Akua i keia lahui kanaka.

Mamuli o ka manao i hooholoia e na Kuhina, a me ka Aha Kukakuka malu; ua holo aku ka Moi i Amerika, e launa pu me Peresidena Kalani ma Wasinetona, a me ko laila poe Hanohano Kau Kanawai, me ka manao e hana i √íKuikahi Panai Like,√ì ka mea e pomaikai ai keia mau aupuni elua, ma ka waiwai kuai aku a kuai mai.

Nolaila ua manaoia he pono ke hoomau ka haipule ana i ke Akua i keia mau malama, no ka Moi, a me na Komisiona, a me na Kiaaina i hele pu me ia, ka poe e imi ana i ke Kuikahi Panai Like.

Ua ku pone paha keia haipule ana, me ka Paulo kauoha ia Timoteo. √íKe kauleo mua aku nei au i nui ka pule ana, a me ka hoomana ana, a me ka nonoi ana, a me ka hoomaikai ana, no na kanaka a pau loa. No na√ïLii hoi, a me na luna a pau; i malu ko kakou ola ana, me ka noho malie, a me ka manao nui i ke Akua, a me ka pono no hoi. O ka maikai no ia me ka pono imua o ke ulo o ke Akua o ko kakou Olu; nona ka makemake e ola na kanaka a peu, a e hooiaio hoi i ka olelo oiaio. I Timoteo 2:1-4.

Ma keia mau pauku ua maopopo, he mea pono ke pule i ke Akua no na kanaka a pau, ma na aina a pau; no ka poe naauao, a me ka poe naaupo; no na√ïLii hoi, a me na luna a pau.

Penei hoi ka Solomona. √íE paulele ia Iehova me kou naau a pau. Mai hilinai hoi ma kou naauao iho. Ma kou aoao a pau iaia no oe e nana aku ai, a nana no e hoopololei i kou hele ana.√ì Na Sol. 3:5,6.

Nolaila ke paipai nei keia Nupepa i na haipule a pau e heluhelu mai ana, e hoomau i ka oukou haipule ana no keia lahui a pau, no ka Moi hoi a me na luna a pau. Ma kahi mehameha e pule mau ai; pela ma ka pule ohana, ma na halawai apana i na la noa, a ma na luakini hoi i na la Sabati. Ke olelo o Paulo, √íOia ka maikai a me ka pono imua i ke alo o ke Akua o ko kakou ola.√ì √íA ina o ke Akua me kakou, owai la ke kue mai ia kakou?√ì

Ua oi aku ka ino la wai la!

E hiki anei ia√ïu ke kokua ia oe? wahi a kekahi kanaka maikai, i ke keikikane i kahikoia me ke kapa weluwelu, e hiamoe ana ma ka aoao o ke alanui. I mai la ke keiki kane; ua maluhiluhi au, pololi hoi, he loihi ke ala a hiki i ko√ïu wahi e hele aku ai.

Nolaila ua alakai ka malihini iaia i kona home, makana i ka ai a me ka lole iaia, a haawi i wahi maikai e moe ai ia po.

He mea ilihune no nae keia kanaka e hookipa ana; ehiku wale no ana mau dala, a ua malama oia ia mau dala iloko o kekahi wati nui kahiko. Ua haawi oia eono o ia mau dala i ua keiki nei, a malama i hookahi nona iho, a hoihoi ia mea iloko o ka wati kahiko. A penei kana olelo i ua keiki la; √íApopo, pau ka paina kakahiaka, e hookuu aku au ia oe e hele i kou wahi e hele aku ai.√ì

Ea! Heaha ka hana, i ko oukou manao, a ua keiki nei ia po? Eia: Ua ala mai oia i ke aumoe, hele malie, a aihue i ke dala hookahi i koe, a holo aku la.

E na makua, a me na kamalii, ua lohe e anei oukou mamua i ka mea ino e like me keia? I ko√ïu hai ana aku i keia mea i ko√ïu papa kula Sabati, i mai lakou; √íAole keiki kane ma keia kula Sabati e hana ino aku me ia.√ì

Alaila, olelo aku au ia lakou penei: Noleko o na la ehiku o kela hebedoma keia hebedoma, ua haawi mai ke Akua i na la eono, no na hana e pono ai ke kino; a malama oia i hookahi no ka la Sabati. Aka hoi, ua ike au i kekahi mau kanaka ino, a me na kamalii ino, e lawe wale ana i ka Sabati, i ka hiku o ka la, no lakou iho; e auwana wale ana i o ia nei, aole malama iki ia la no ke Akua.

I ko√ïu hai ana aku ia mea, ua kolou loa ke poo o kekahi keiki kane; a ua maopopo paha ia kakou ke kumu o kona hilahila, a me kona kaumaha.

NA BUKE

I HOOLAHAIA E KA PAPA HAWAII

ME KE

KUMUKUAI O KELA ME KEIA.

BAIBALA HEMOLELE NUI ILI GULA NANI

me na kuhikuhi ma na aoao $12.00

Baibala Hemolele Nui ili eleele kaekae wai gula 5.00

Baibala Hemolele uuku iki iho kae wai gula 3.00

Baibala Hemolele pananaiki iho ili eleele 4.00

Baibala Hemolele ili eleele 2.00

Kauoha Hou ili gula nani me na kuhikuhi 3.00

Kauoha Hou ili eleele kaekae wai gula 1.00

Kauoha Hou ili eleele 75

Kauoha Hou Hapa Haole 75

Lira Hawaii 1848 me ke kanawai 25

Lira Hawaii 1855 25

Moolelo Ekalesia 50

Haiao ili lahilahi 10

Hele Malihini ana 25

No ko ke Akua ano 25

Lira Kamalii 50

Hoike Palapala Hemolele 25

Moolelo o Heneri Opukahaia 15

Hoike Akua 22

Wehewehehia 10

Ninau Hoike ili manoanoa 50

Ninau Hoike ili lahilahi 20

Kumumua Kula Sabati 20

Buke Lawe Lima 20

He Buke no ka Pope 15

Ui Kula Sabati Helu 3 25

Ui Kula Sabati Helu 4 15

Ui Kula Sabati Helu 5 25

Buke Euanelio a Ioane 10

Himeni Hawaii 1.05

Himeni Hawaii ili nani 1.75

Kumu Leo Mele 10

Kumu Leo Mele ili nani 50

NA KAUOHA HOU PAKEKE.

Ili gula nani 1.50

Ili eleele kaekae nani 50

Ili eleele 35

KAUOHA HOU PAKEKE ME NA HALELU.

Ili gula nani 1.70

Ili eleele kaekae wai gula 65

Ili eleele 50

Buke Wehewehe Huaolelo Baibala, elua ano

Buke Wehewehe Ano Mataio

NA HALELU PAKEKE.

Ili Gula nani 50

Ili eleele kaekae wai gula 30

Ili eleele 20

Ka Hae Hoonani (Buke Mele) 25

NA BUKE MELE HOU.

Himeni Hawaii ili nani 1.75

Himeni Hawaii 1.00

Kumu Leo Mele ili manoanoa 50

Kumu Leo Mele 10

Lira Kamalii 25

Lira Hawaii 1848 25

Lira Hawaii 1855 25

Hae Hoonani 25

Leo Hoomana 20

EIA NA BUKE HAAWI WALE.

PALAPALA LIILII√ë

Helu 4√ëMakemake anei ae i ke eia?

Helu 6√ëE hele i o Kristo la.

Helu 7√ëKa hoi ana mai o ke Keiki Uhauha.

Helu 11√ëNo ka hoohiki wahahee i ke Akua.

Helu 16√ëKa Eehia ana o ka Ahaaina a ka Haku a me ka Bapetizo ana.

Helu 17√ëMai hana ino i na holoholona

Helu 18√ëNo ka mahi ana, kuai ana a me ka inu ana i ka Awa.

Ka Davida Male Kumumanao.

Ka Moolelo o Batimea Punaiki

He elua mau ano Buke Mele Hou ma ke Keena Kuai Buke o ka Papa Hawaii. He mau Buke @ Kupono hoi no na Kula Sabati o kakou. E nee mai√ëe nana√ëa e kuai.

Aia ke keena kuai buke o he Papa Hawaii ma ka huina o Alanui Hotele me Alanui Kalepa, e kokoke ana i ka Hale Leta.

J. F. POGUE

Kakauleta o ka Papa Hooke o ka Ahahui Euanelio o ko Hawaii Pae Aina.