Ka Nupepa Kuokoa, Volume XIV, Number 9, 27 February 1875 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XIV. HELU .9 HONOLULU, POAONO, FEBERUARY 27 1873. NA HELU A PAU 691.

 

E PAU NA PUPUPU KAHIKO!

E pani me na Hale Laau!

PAPA! PAPA! PAPA!

O KELA ME KEIA ANO,

---A ME---

NA LAKO KUKULU HALE

O KELA ME KEIA ANO, MA KA

PA-PAPA O S. G. WAILA MA!

---KIHI O---

ALANUI PAPU me ALANUI MOIWAHINE, no ke Kumukuai HAAHAA

LOA! ae like ka nui me ka makemake.

-----

LAAU NOUAIKI!

NA LAAU KAOLA,

                         NA PAPA MANOANOA,

                       NA PAPA HELE,

                       NA KUA,

                                       AAHO,

                                        AAHO LIILI, &c.

           LAAU ULAULA!

LAAU KAOLA,

NA PAPA MANOANOA,

NA PAPA HELE,

NA KUA,

AAHO, POU,

AAHO LIILII,

MOLINA, &c.

Pili Cida keokeo, Pili Laau ulaula,

Na Puka Hale, o na ano a pau,

Na puka Aninni, o na ano a pau,

Na Olepelepe Puka, o na ano a pau,

--------

Pepa Hale me na Lihilihi.

--------

NA LAKA PUKA!

NA AMI-PUKA,

                       NA-AMI PUKA LIILII,

                  NA KUI NAO.

----- ---

PENA, AILA-PENA, VANIKI,

WAI HOOMALOO.

---------

- PAAKAI Helu 1,

O PUULOA.

-----

E lawe wale ia no na mea i kuaiia

mai keia Pa-papa aku a i kahi o ka mea kuai mai, ina ma ke kaona nei, a ma na Awa

o keia Paeaina e like me ka aelike.

-----

Aia maanei ke Keena o ka

                 MOKU MAHU "KILAUEA,"

          D. TAYLOR, KAPENA.

-----

S G. Waila Ma.

614-3m

 

HE MOOLELO KAAO ..NO..RAIANAHU,
-KA-
HUHUI HOKU NANI O PEKINA!
Unuhiia no ke “Kuokoa” mai ka Olelo Pake a i ka Olelo Hawaii.
HELU 10.

 

            A HALA aku la ke kumu, hoi mai la o Raianahu, a ike mai la, ua ano e na helehelena o kona makuahine, nolaila, hoomaopopo koke iho la no oia, ua lohe kona makuahine no kana iole, aka, i mea e loaa ai kona alohaia imua o ko ia la mau maka, a ua ike no hoi oia i kona punahele i ka makuahine, nolaila pane aku la oia me ka hauhau o kona waha “ E Ma-ma, ua pepehiia mai nei au e kamalii.”
            Ma keia olelo a Raianahu, poina iho la i kona makuahine ka noonoo ana no ka ke kume mau olelo, aka, piha koke ai la oia i ke aloha no na olelo a kana keiki, no ka mea, mai kona komo ana i ke kula a hiki ma ua la nei, akahi no aua hoi ana mai, i hai mai ai i kona makuahine, no ka pepehiia e kamalii, nolaila, puili koke mai la oia ia Raianahu, a hoonoho iho la iluna o kona uha, a ninau iho la,  Aia mahea ko wahi i eha?  Kuhikuhi koke ae la o Raianahu ma ke poo.  Huli koke iho la ka makuahine ma ke poo, aole nae i loaa iaia he wahi meheu no ka eha.  Hoolipo loa iho la keia i ka uwe ana, aia hoi, hoonanea loa iho la keia i ka hoomaueoneo ana ma ke poo, a hoohiamoe iho la keia.  A no ka manao o ka makuahine o hiamoe loa io iho auanei, a hike ole iaia ke kaikai aku, nolaila, pane iho la oia, Auwe! O ko hiamoe e iho la no ka ia me kou ai ole.  E ku a hoi aku ma kou wahi moe.  Ku ae la oia a hoi aku la ma kona wahi moe, me ka houhene liilii ma ka uwe ana.  A lohe no kae ka makuahine, hoomaopopo iho la oia, ua eha io no kana keiki, nolaila, hele aku la oia a hoomaneoneo ma ke poo, a kua hiamoe io iho la keia.
            Hoi mai la hoi o Kale Vina mai kana hana mau, a hoonanea iho la oia iaia ma kekahi mau hana liilii o ka hale, a kani ka hele aina, hoi aku la oia a noho ma ka papa aina, aia hoi o Liu Fata wale no, aole nae o Raianahu, ninau ae la oia.  Aole ka i hoi mai nei, a aia no ke moe mai la iluna o kona moe.  i aku o Kale Vina, Ua mai hoi ha ke keiki?  Pane o Liu Fata, Ae, hoi mai nei a olelo mai, ua pepehiia ka e kamalii kula o lakou.  Ninau aku nei hoi au i kahi i eha, kuhikuhi ae la kela ma ke poo.  i kou huli ana nae, aole he wahi meheu o ka eha ma kona poo, aka, no kona hoomauloa ma ka uwe liilii ana, no laila, ua hoonana au iaia na ka hoomaneoneo liilii ana, a hiamoe loa aku la nae kela a hiki i keia Manawa.
            A no ka piha loa o Kale Vina i ke aloha keiki, oiai o ka laua makahiapo no ia, a o ke kamakahi hookah no hoi ia a ko laua mau puhaka, nolaila, kanea ae la iaia ka ono o ka ai, a haalele iho la i ka papa aina, a hele aku la e hoala Ii kaua keiki, me kona manao, ina e mau loa ana kona eha, alaila, e kiiia koke ia ke kauka, a e hele mai e lapaau, aka, i ka hiki ana aku o Kale Vina ma ka moe o kana keiki, a hoolono iho la, aia hoi e hanu maikai ana no ke keiki, a hoala ae la.  Ala ae o Raianahu, a ike ae la ia Kale Vina, a puana ae la, E Papa.  Pane iho la ka makuakane, Eia no au e kuu keiki, lalau aka la oia a hii ae la, a ninau iho la.  Pehea ko eha? me ke kulu pu no o kona mau waimaka.  Pane ae la o Raianahu.  Ua oluolu loa.
            A no ka makemake o Kale Vina e ninau pono ia Raianahu no ke keiki nana ia i hoeha, a e hookolokoloia oia, aka, i mai o Raianahu me ka maalea.  Ua nui no na keiki i eha iau, a no ke alu like ana mai o kekahi poe keiki e ae nolaila, aole au i ike pono i ka mea nana ka puupuu ikaika nana i kui ma kuu poo, a eha loa ia iho la au.
            Ia wa, pau ae la ko Kale vina manao pihoihoi no ka pilikia o kana keiki, a  hoi aku la lakou e paina i ko lakou aina ahiahi, aole nae i emo, naona koke ae la no o Raianahu, oiai aole i pau kona manao makau no kona makuahine, a no kona makemake ole no hoi kekahi e lohe o Kale Vina, nolaila, wikiwiki aku la oia i ka hoi e moe, aka, o ka makuahine nae, aole ona manao pela, oiai e noho ana oia me ke kuhinia no ke aloha keiki, a ua poina kona noonoo ana no na mea e ue.
            Ma kekahi la ae, mahope iho o ka pau ana o ka aina kakahiaka, hele aku la o Kale Vina no kana hana mau; kokoke mai la hoi ka Manawa kula, hoomakaukau ae la o Raianahu no lona hele; aia nae ia Manawa, pane mai la ka makuahine, E kuu keiki, maanei ke ku mu a oukou i ke ahiahi mei, a olelo mai la, he elua ae nei ka mahina a oi, ua molowa loa ia oe ma ka huli palapala ana, aole ka e hiki ia o eke hoopaa i kau haawina, a oki loa aku ka hoi kou hai pololei ana aku i ka haina o ka ninau, a ua hoopai mau oia ia oe i na wa a pau, aole ka ou hoolohe iki, a ua haohao loa oia nou, aka, ma nehinei, ua loaa iaia ke kumu o kou molowa ana, oia kou lilo loa ana i ka paani me kela iole au e malama nei, a ua kuai ka oe a nui ka ai a me ka ia, a hanai na kela iole, a ua minamina oa oia nou, a o oe no hoi ka haumana ana i hopohopoia oia, ina e mau loa ana oe ma ke hula, me kou kupaa loa ma kou kulana mua, e pau ana kona ike a hiki ole iaia ke ao hou mai ia oe; ua manao nae oia, ina ka e hoomau hou oe i ka malama ana i kela iole, e hookukeia ana oe mai ke kula ae, aka, ua waiho mai nae oia i ka hana i koe ia maua nou, a ina no hoi e mau kou hoopaakiki i ka malama ana i kela iole, alaila, e hooko ana ke kumu i kana olelo.  Aka, ke ninau nei nae au ia oe, Ua oiaio anei kou molowa ma ka huli palapala ana, a haule ino oe mai ka ike kiekie a i ke oki loa a me kou malama ana i kela iole i hoa paaui nou?  E hai mai oe me ka oiaio.
            Pane koke mai la o Raianahu me kea no hookohukohu, nana aku, kukaliki o kahi kanaka, a i mai la, E kuu mama maikai, ua wahaheeia oe e kela kumu, oiai owau hookah no ka oi maloko o kela kula, a ua lewa iau na palapala a pau, a nolaila, ua hopohopo ua kumu la no kou ike loa, a ua aneane e hiki ole iaia kea o mai iau; a no kona manao paha o hilahila oia, nolaila, hele mai la a hoopuuipuni mai ia olua, i wahi noi no olua e huhu ai a aua iau, aole e ae e hookuu hou iau e hele i ke kula.  Aka, pane mai ka makuahine, E heluhelu mai ana oe.  Wehe koke ae la o Raianahu i kana buke, a heluhelu ae la, nana aku no ka hoi.
“Makani ka noe o ka makani kiuwailehua,”
i ka ua mea o ka holo ma ka heluhelu ana, aka, aole nae pela na mea i paiia ma ka buke, heluhelu wale aku la no keia mamuli o kona manao; a pela no hoi ma na mea helu, hoonui kela, hookomo keia, hoolewa kela a pela aku; a he mahalo wale no ka ka makuahine, me kona hooiaio iho no, ua wahahee na olelo a ke kumu, me kona ninau aku no hoi no ka iole, ae pololei mai no o Raianahu, me ka olelo aku, he mea hoopau molowa wale iho no ia nahope iho o ka paa ana o kau haawina, a nele au i ka mea hoopaa ole, hoopiha pono iho la au i ka Manawa ma ka paani ana me kou wahi iole.  Ninau hou ka makuahine, Nohea ka ai a me ka ia a kau iole i loaa ai?  Pane mai o Raianahu, Mai na keneta mai no au e haawi mau mai ai iau, a i kekahi Manawa, main a koena mea ai ae no hoi a kakou.  i mai la ka makuahine, Ua hoapono loa no au ia oe ma na mea a pau, aka, ma kou hoopunipuni ana mai iau i mau keneta kuai buke, pepa peni, a pela aku, nolaila, aia malaila kou hoahewa nui ana ia oe; a eia wale no kau olelo ia oe, oiai ua ike aku la no au, ua akamai io maoli no oe, nolaila, e hoopau i kou hele ana i ke kula, a e kii hoi ow i kela iole ana hookuu aku, a e haawi no au ia oe i hana nau, me kona ninau pu aku no hoi, Heaha la kau hana makemake?  Pane mai o Raianahu, He hoopukapuka wiawai kau hana makemake.
            Noonoo iho la ka makuahine a i mai, Ua kupono io no ia ie kela hana, no ka mea, ua akamai loa oe ma na mea helu, a e maopopo ana ia oe ka nui o ka lilo a me ka loaa mai, i ka puka a me ke poho.  Eia nae, ina oe e makemake ma ka hale kuai nui, alaila, e olelo oe ia papa, no ka mea, aia ma ke tausani kala a oi aku, lawa ka hale kuai o ia ano, aka hoi, ina he makemake kou i hale kuai liilii, he umi no dala ka lawa, a e haawi koke no au ia oe i keia mauawa.  Kii aku la ka makuahine a haawi mai la i na dala he umi, me ka i mai.  E kii koke oe i kela iole a hookuu aku.  Ua ae koke aku no o Raianahu.
            Eia hoi ka mea apiki ia Raianahu, ia loaa ana mai no o na dala he umi i ko ia nei lima, a hookomo iho la iloko o kona pakeke, a lawe ae la kela i hookah dala, a koe iho la eiwa; kuaiia aku la i ka laiki, i ka io puaa, manu, akaakai, kakipi, me hookah omole waina a me na mea ai e ae he nui wale, a hele aku la a ma kahi kaawale, kipa aku la ma kekahi hale, a hoolimalima aku la i kekahi mea, e hoomoa i kana mau mea ai, me ka hoolako pu mai i pa, bola, kiaha, pahi, o, puna a me ke pakaukau, me ka halihali pu ana hoi a ka ianei wahi e makemake ai.  Ua hooholoia ia mea manaena o laua, a o ka uku, mailoko ae no ia o na keneta i koe iho ma kana kuai ana.
            A kokoke e moa na mea ai, kii aku la o Raianahu i kaua iole ma ka hale kula, a lawe mai la, me kona haawi aku i kona aloha hope loa i ke kumu a me kona mau hoa kula.
            A hiki keia ma kahi i hoomoaia ai na mea ai, aia hoi, ua makaukau na mea a pau, a e waiho ana maloko o na hinai.  Lawe ae la kekahi i ka aumaka o na mea ai, a o ke pakaukau hoi i kekahi, a hele pu aku la lakou nei a hiki ma kekekahi alanui mana, e moe ana kekahi mana a holo i ke kuahiwi, a o kekahi, mana, holo aku la i ke kulanakauhale, a i na kapakai, a o na mana i koe elua, holo aku la kekahi i ka hikina, a hoea aku no i na kauhale, a pela no ke alanui ma ke komohana.
            Lawe ae la o Raianahu i ke pakaukau, a kukulu iho la ma kahi i hoohuiia ai ka mana o na alanui, a olelo aku la i kona mau hoa.  Eia maanei kahi i kanuia ai o kou mau kupuna, a na lakou keia mau mea ai a kakou i lawe mai nei, no kuu manao, ua pau paha lakou i ka polloi, nolaila, e hoi olua i keia wa, aia a hoi aku au, alaila, kii mai olua i na ukana.
            Hoi aku la kona mau hoa, hoopiha iho la keia i ke pakaukau me na mea ai nana aku ohuohu lua.  Lawe ae la keia i kona noho, a kukulu iho la ma kekahi poo o ka papaaina, wehe ae la oia i kana wahi iole, a hoonoho iho la ma kekahi poo o ka paaaina, a i aku la.  E kuu aikane aloha o na la i hala, a hiki mai i keia la,  ke haohao nei paha oe no ka nui loa o na mea ai i hoopihaia maluna o keia papaaina.  O keia mau mea ai au i hoomakaukau ai, he hoike ana no ia no kou aloha ia oe, no ka mea, i keia la. E kaawale aku ai oe a kaawale mai au.  Aole no au i manao e kaawale ana kaua, aka, eia ka hewa, ua hunu loa ke kumu iau nou, a ua hookukeia au mai ke kula mai, a ua hoopii no hoi kela kumu i kuu mau makua, a ua olelo mai no hoi kuu makuahine, e hiipau loa i kou malama ana ia oe, a ina wau e malama hou ana ia oe, alaila, e hookuke no laua iau, me ke kappa hou ole mai he keiki au na laua, nolaila, eia na mea ai, a e ai kaua me ka olioli.
            A pau ko laula ahaaiana olioli ana, pane aku la o Raianahu i kana wahi aikane iole.  Eia na alanui eha imua ou, a o na alanui ma o a maanei, he mau lanui wale no ia nou e make ai, pela no hoi keia alanui e holo nei i kai, ina e hiki aku oe ma kahi kauhale, a ina e ike ke owau ia oe, e make ana oe, nolaila, eia wale no ke alanui maikai, e holo oe i ke kuahiwi, i kahi nui o ka ai, a ina oe e pololei, e imi mai no oe a loaa au.  Uwe iho la laua nei, a holo aku la kela i ke kuahi, a hoi aku la o Raianahu. (Aole i pau).

 

Pehea e ulu hou ai keia Lahui?

 

            E pane ia mai paha auanei au malaila, “He kula keikikane no hoi ma Hilo a me Lahainaluna, a he kula kaikamahine hoi ma Makawao, Waialua, a pele aku, a heaha iho la hoi ka mea i ulu ole ai keia lahui?  Ea, aole i maluhia pono ka noho ana o kela poe kula, oiai au i i noho ai ma kekahi o keia mau kula, ua hoomaopop no au, o ka poe i malama pono i na kanawai o keia mau kula a me ka olelo ao a na kumu, ua ikeia lakou i keia wa, e ulu mahuahua ana na hanauna opiopio a lakou.  Nolaila, o ka Moi a me ke Aliiwahine, o laua no na kumulau hoolaha lahui.  E nana aku i ka Palapala Hemolele i ka wa ia Nou, a me kana mau keiki, he ewalu wale no lakou i koe iho mahope mai o ke Kai a Kahinalii.  E nana hoi i ka moolelo o kana mau mamo ma Kin. 10:1-32, ua piha loa ka honua i ka lakou mau mamo.  A e like hoi me ko lakou lilo ana i mau kumulau hooloha lahui i kela wa, pela hoi auanei ko kakou mau Alii i keia wa.  Aka, aole nae hoi paha e like loa keia me ia, oiai ewalu wale no hoi lakou i koe.
            (3) O ka Moi ke poo o ka lahui kanaka, a ina e nawaliwali ke poo, alaila, e nawaliwali ana no ke kino holookoa a pau.  E nana aku i ka wa o Nebukaneaz ma ka baibala, aia ma Dan 2:1-49; 3:1-30; 4:1-37.  O kona hewa, kona hookiekie a me ka pono ole o kaua mau hana, ua kipaku ke Akua iaia mai kona noho alii aku; pela no kana keiki, a pela no na lii mahope mai a hiki mai i ka wa o Iesu.  Aka, ma paha e hooko ponoia ana keia mau kumu, a i ulu ole keia lahui, alaila, e manaoio iho kakou o ke Akua wale no ka mea hiki ke hooulu a ke hoemi i keia lahui.

No ke kumu elua i hoikeia mamua, a oia keia: (I) O na luna aupuni a pau e lawelawe ana i ka oihana, he mau kumulau lakou e hoolaha aku ai i keia lahui, ina e manaoia pela.  O ko lakou lawelawe ana me ka maluhia a me ka hoopono pololei loa i ka lakou mau oihana, he kumu ia e alakai ana i ka lahui e hoohalike me lakou ke pono, aka, ina paha e lawelawe pu ana lakou me na hana pono ole, he alakai ana no ia i keia lahui iloko o ka poino, oiai o lakou no ka poe nana e malama ana na kanawai o ke aupuni; a ina paha e lilo ana lakou i poe kokua pu me ka Moi ma keia hana, alaila, e ulu pono ana keia lahui ma na mea a pau, a e ulu pu no me ka lahui kanaka.  E nana aku i ka wa o Samuela e noho Lunakanawai ana no ka Iseraela i na makahiki he kanaha, ua lanakila lakou maluna o ko lakou poe enemi.  Nolaila, o na luna aupuni e lawelawe ana i ka oihana me ka hoopono, he mau kumulau lakou e hooulu ai i ka lahui.  (2) E hiki no i na luna aupuni a pau ke kauoha aku i ka poe lawelawe malalo o ka lakou oihana, a kokua pu paha i ka lakou mau oihana, e kinai loa a e pale ikaika aku i na hewa a pau e kue ana i ka maluhia o ko kakou aupuni, a e lilo lakou i poe kiai makaala no keia lahuikanaka, no na hewa a pau i papaya ma na kanawai; a pela wau i hoomaopopo ai, aole paha e nele ana kanoho maluhia o keia lahuikanaka, a pela no hoi e ulu pono ai.
            No ke kumu ekolu; (1) O na kahunapule a pau a lawelawe ana i ka lakou oihana laa, ua kepaia lakou e ka Haku i poe paahana no kona aupuni, me ka hana pololei loa iwaena o ka lahuikanaka, oiai o ka oihana a lakou e lawelawe ana, he oihana hoano no ia; a ina e noho maluhia ana lakou me ka pua ole mai o ka inoa, he kepau amala no ia a kei lahui e pipili aku ai ma na hana pono a me na hana maikai, a he mea ia e noho oluolu pono ai ke kane me ka wahine a me ka ohana, a e hoohalike aku ai me na Kahunapule hoopono.  E nana i na kumu makua a kakaou, owai la o lakou i mare wahine a loaa ole na keiki? (2) E lilo na Kahunapule hoopono i kumulau hoolaha lahui no keia pae aina. (3) E lilo na Kahunapule i poe imi a huli me ka noeau i na kumu e ulu io ai keia lahui, a e hoike akea ae imua o ka lehulehu, a imua hoi o ka Moi o keia aupuni, a imua hoi o ka Ahaolelo.
            Ke kumu eha: (1) O na Lunakahiko e lawelawe pu ana i ka oihana laa a ka Haku me ka hoopono, a hui pu aku me na Kahunaple hana pololei, alaila, pela no auanei e hoohalike aku ai na hoahanau a me ka lahui holookoa.  E nana aku i ka wa o Mose i hooponopono ai i ka Iseraela, na hoonohoia he kanahiku o na Lunakahiko, e kokua pu iaia ma ka lawelawe ana i kaua oihana, i mea e maluhia ai ka Iseraela; a ina e like pela ka kakou poe Lunakahiko, ke manao nei au, e maluhia ana ka lahui a e noho oluolu pu ana ke kane me kana wahine, a e loaa ana ia laua he mau keiki hoolohe, a e lilo lakou i poe alakai pono i ka lahui me ka maluhia a me ka maluhia a me ka noho oluolu pono ana.
            No ke kumu elima: O na kumu kula a pau e ao ana i ka lakou mau haumana. (1) E hoonoho ke aupuni i na kumu kula kupono no ia oihana, he kane mea wahine, a he wahine mea kale hoi, oiai o laua no na makua nana e alakai ana ia lakou ma ka ihe a me ka naauao i na hana pono a me na hana maikai; i ka noho ana maluhia a me ke kuonoono pono o ka hanauna opio, oiai lakou a kanaka makua ae, ua maa no lakou i na mea i aoia e ka lakou mau kumu.  (2) O na kumu kula kupono i hoonohoia e ke aupuni, e lilo auanei lakou i mau kumu alakai e ulu ai ka lahui, oia hoi paha keia: (a) O ka noho maluhia o na keikikane a lawa kupono kona mau makahiki he iwakalua a oi aku paha, alaila, mare aku no hoi i ka wahine i piha na makahiki.  O ka noha maluhia ana o ke kaikamahine a lawa na makahiki he umi kumamahiku a maluna aku, alaila, mare aku i ke kane i lawa kupono na makahiki, alaila, e lilo ana laua i mau kumulau hooulu lahui maikai, nolaila, e hooponopono pololeiia ke kanawai o ka aina e like me keia, a e loaa no ka mana i ke kumu e kaohi ai ia lakou, e noho i ke kula a lawa ia mau makahiki, alaila, hookuu aku mawaho o ke kula.
            Maanei, ke ike ne au, oiai au e noho kumu nei iloko o keia mau makahiki a me na makahiki au i noho kumu ai mamua no Kamalo a me Palaau; o na keikikane nuaui a pela no hoi i na kaikamahine, i lawa pono na makahiki i hoikeia ae la maluna, na nui ka hauau o kekahi poe, a emi no hoi ka kakahi poe, aka, i keia wa, ke ike nei au ma kahi ae e noho nei, a e lawelawe nei i ka oinana kumu kula, he wahi kaikamahine nona paha na makahiki he umikumamalua a oi, a me kani keikikane noua na makahiki he umikumamalima a oi, ua hoopalauia laua a hiki i ka wa kupono, aka, ke hui e nei no laua mamua, we ka amama ole ia e ka berita mare.  Kupanaha maoli no!  Nowai keia hewa? No ke kanawai paha a me na makua ponoi.  A ma keia anu, ke laua nei kuu manao, o na keiki e loaa aha na laua, e holulelule ana e like me ka hua opiopio o na mea ai, nawaliwali a holulelule ke ai aku.  (e) O na haumana i ao pono ia me ke hoolohe i ka leo o ke kumu, e lilo auanei lakou i mau kumulae hooulu lahui.
            No ke kumu eono.  O na makua ponoi a kahu hauai paha: (1) O na makua no ka lunakanawai o ka laua keiki a mau keiki paha, na laua no e ao pono a malamaia lakou malalo o ko laua malu, e like me ka moa e houluolu ana i kena mau keiki malalo o kona mau eheu. (2) O na makua no ka mea kupono ke kokua ma ka lawelawe ana a na kumu, na Lunakahiko, a ka Kahunauole, na luna aupuni a me ka Moi, ma ka hooulu ana i ka pono a me ka maluhia.  A o na makua e malama ana i na keiki a hiki i ka wa kupono, aole e nele ana ka hoohua nui mai.  Aka, o kekahi poe makua nae au e ike nei, na hookiekie loa lakou malama o na kanawai o ka aina, a ke alakai hewa mei i ka lakou poe keiki ma na hana haumia.
            No ke kumu ehiku.  O na kanawai o ka aina a me ko ke Akua: (1) O na kanawai o ka aina e ku nei, na pono kekahi mau kanawai a pono ole kekahi mau kanawai (2) O na kanawai o ka aina a me ko ke Akua, he olelo aelike ia i hoopaaia mawaena o na aoao elua, e kauoha ana, e hooko pololei loa ia ka mana o ia mau olelo a pau. (3) O na kanawai a pau i kauia malana o ka lahui, he kaulahao hikii no ia e hoopaa ana i ka maluhia o ka Moi a me ka pono o ka lahui. (4) O na kanawai o ke Akua e waiho mai iloko o ka Baibala, he upena nae no ia e pau ai na ia kanaka i ka hapukuia a ke aku imua ona.
            Nolaila, e wae pono ia na kanawai maikai a pau o ke aupuai, a e hoopau loa ia na kanawai ino e hooulu ana i ka manao hoolana o ka lahui e hana i ka hewa, oiai ina he aupuni hooulu lahui ko Kalakaua, alaila, o ka pono ka mea naua e hookiekie i ka lahuikanaka, a o ka hewa ka mea nana e hoemi i ka lahui.