Ka Nupepa Kuokoa, Volume XIV, Number 31, 31 July 1875 — Page 4

This text was transcribed by:	Charles H. Thode
This work is dedicated to:	Gary "Shunghi" Cavender

Ka Nupepa Kuokoa

KE KILOHANA POOKELA NO KA LAHUI HAWAII.

KA NUPEPA KUOKOA, ME KE AU OKOA I HUIIA.

Ka Nupepa Kuokoa

HE HIMENI

ASK FOR THE OLD PATH.

Royal Diadem, p 36.

Auhea ke ala? Ninau ia Iesu,

Anana e kuhi mai.

Loaa ke imi, imi pono nae,

Nana e alakai.

Cho.-Naue malu aku mai nei se,

I ka home ao maluna ’ e,

Pili ia Iesu, naue oli ae,

Nana e alakai.

Ku ma ka puka, kikeke a mau

I ae e komo ae;

Paulele io, pule pono pu,

Nai e komo ae.

Cho.-Naue malu aku, &c.

Kikeo imua, naue pololei,

Hoopiipii i ka puu;

Mai kaualua, mai kuemi e,

Hahai ia Iesu.

Cho-Naue malu aku, &c.

Nae ma ke ala, ala ololi,

Ke ala ola nei;

E hooikaika koonei mau pokii,

No ke ola e.

Cho.-Nane malu aku, &c.

Nana iluna, ko lelele ae

Na aka pouli nei-

Ai aka lama, ane poha mai,

A e ao loa ’ e.

Cho-Naue malu aku, &c.

Hawaii.

HAAWINA KULA SABATI.

HELU 7. SABATI, AUGATE 15

KUMUHANA-Ka Berena o ke ola.

PAUKU BAIBALA-IOANE 6:48-58.

48 Owau no ka berena e ola ’ i.

49 Ai no oukou poe kupuna i ka mane ma ka waonahele, a ua make lakou.

50 O keia ke berena i iho mai mai ka laui mai; ma e ai kekahi i keia aole ia e make.

51 Owau no ka berena ola, ka mea i iho mai mai ka laui mai. Ioa e ai kekahi i keia berena, e ola mau loa ia; a o ka berena a ’ u e haawi aku ai i ola no ko ke ao nei.

52 Hoopaapaa iha la na Iudaio ia lakou iho, i ae la, Pehea la e biki ai iaia ke haawi mai i kona kino ia kakou e ai?

53 Olelo aku la o Iesu ia lakou, Oiaio, he oimio ka ’ u e olelo aku nei ia oukou, A i ai ole oukou i ke kino o ke Keiki a ke kanaka, a i inu ole hoi i kona koko, aohe he ola iloko o oukou.

54 O ka mea e ai i ko ’ u kino, a e inu hoi i ko ’ u koko, he ola mau loa kona, a n@u ia e hoala mai i ka la mahope.

55 No ka mea, he ai io ko ’ u kino, a he mea inu io ko ’ u koko.

56 O ka mea e ai i ko ’ u koni, a e inu hoi i ko ’ u koko, ke noho nei ia iloko o ’ u, owau hoi iloke ona.

57 E like me ka Makau ola, nana au i hoouna mai, a e ola aua au i ka Makua; pela hoi ka mea e ai mai ia ’ u, e ola no ia ia ’ u.

58 O keia ka berena i iho mai mai ka lani mai; aole e like me ko oukou poe kupuna i ai i ka mane, a make aku la; o ka mea e ai i keia berena, e ola mau loa ia

Pauku Gula . “ Eia ka ai a Iehova i haawi mai ai i mea na oukou e ai. ” Pukana 16:15.

Mele 7-6 Him. 435 Leo. Hos. Kamalii.

1 Berena na na hoa,

Ka ai auela nei,

Ka mane mai ka laui,

Na kakou nae e ai!

E ai e ka i ini

E ike ia Iesu,

E ai no a maona,

Me ka hauoli pu.

Pule i ke Akua no kona haawi ana mai i ka berena o ke ola, oie hoi o Iesu, a e nei aku iaia e paipai ia kakou a pau e ai ia berena.

NA NINAU A NA KUMU.

Haalele kakou ia Iesu e kamailio ana me ke kanaka lolo ana i hoola ’ i. A lohe ae i odaio, e Iesu ka mea nana i hoola, imi lakou o pepehi ia Iesu. Aole Iesu i makau, aka, kamailio no oia me lakou a hoapono iaia iho no ka hana ana ma ke Sabati. Hai mai i kekahi mau olelo nui ana. 5:28,29,39.

P 48 Owai ka berena e ola ’ i? Owai ka i aleio pela? Mahea Iesu ia wa? p 24. Hoaha ka Iesu hana kupanaha mamua ’ ku? P 5-13. Mahea ia hana? P 1. Heaha ka manao o na kanaka no ia hana? p 14. A ia lakou e manao ana e lawe a hoalii ia le ea, ua aha Iesu? P 15. I ka hele ana o na kanaka e imi ia Iesu ma Kaperenauma a aiaau, E Rabi, inahea i hiki mai ai oe ia nei, pehea Iesu i pane aku ai? p 26, 27.

Heaha ke kumu o keia olelo a Iesu, Owau ka berena e ola ai? p31-33. I ko iakou noi ana ia Iesu e haawi mai i berena na lakou, pane aku Iesu pehea? p35.

P 49 Owai na kupuna? Heaha ko lakou berena? Mahea ka ai ana? Pehea ka loihi o ka ai ana i ka mane? Pukaana 16:14,15,31,32,35. Mau anei ko lakou ole ana?

P 50,51 Mai hea keia berena? Ioane 1:1,14. Heaha keia berena? Ina ai kekahi i keia berena, oia hoi ke kino o Iesu, pehea ia?

P 52 Heaha ke kumu o keia hoopaapaa ana? Pohihihi ea keia olelo ka haawi ana ka ai ana i ke kino o Iesu. Kuhi lakou o kona kino maoli ka ai a lakou e ai ai i ola. E haawi ana no Iesu i kona kino, e make ana oia i mea e loa ai kauaka, aole nae e ola ma ka ai maoli ana i ko Iesu kino, aka ma ka manaoio ana ia Iesu, i kona make ana a lawe iaia i kalahala, i hoola no lakou

P 53-58. Ke ano nui o keia mau pauku 1 Ke kino me ke koko o Iesu ka mea e ola ai, ke ai ia, a ke inu ia. 2 Ka mea ai ole, a inu ole, aole loa oia e ola, e make no. 3 Aole o ka ai maoli ana i ko Iesu io, a me ka inu maoli ana i kona koko, p 63 Aka, o ka ai ana, ka inu ana, ka malama ana i kana mau olelo, ka hui ana a lilo i hookah pu me Iesu, kakou iloko ona, a oia iloko o kakou, e like me kumu laau me kona mau lala, ola na lala ma ka pili ana i ke kumu laau, ina pili ole, maleo a make. Pela kakou e ola ’ I ma ka pili mau ana ia Iesu me ka manaoio, me ke aloha. Ina pili ole, make no. Nana loane 15:1-6.

Mele. Him. 434. 7 Leo-Opiopio.

Iesu no ka Mane mau,

Mane mai ka lani mai,

Ka berena no ke ao,

Ka makou e maona ai-

O ke kino pono ou,

I wawahiia mai,

Lilo mai la no makou,

I berena e ola ’ i.

NA NINAU A KE KAHU.

Na makau. Ehia ola i maopopo ia oukou? 1 Ola kupi. 2 Ola Holoholona. 3 Ola kino. 4 Ola uhane. 5 Ola pokole 6 Ola loihi. (Ola mau loa.) Ehia ola ma keia Haawina? Eha ola, Ola kino; ola ohane; ola pokole; ola mau loa.

Na keiki. Ola kupu heaha ia? Oia ke ola e pili ana i na mea kanu, a kupu, a ulu. Heaha ka mea e pono ai ia ola? Ka lepo me ka wai. Heaha ke ola holoholona, i na manu, i na ia, l na mea kolo. Heaha ka mea e pono ai ia ola? O ka ai me ka wai, ka ai ana, ka inu ana. Ola kino heaha ia? Ke ola ia e pili ana i ko kakou mau kino. Heaha ka mea e pono ai ia ola? O ka ai ana i ka ai, me ka inu ana i ka wai, me ka malama pono hoi. Ke ola uhane, heaha ia? Oia ke ola e pili ana i ka uhane, he ola mau, he ola pomaikai, he ola poino. Heaha ka mea e pono ai ke ola uhane? Ka ai ana i ka uhane, me ka inu i ka wai uhane. N@hea mai ia ai, me ia wai? No Iesu mai, kona kino, kona koko, kana olelo.

Ke kula a pau. Heaha ka mea pohihihi i ka manao o na Iudaio? Ka ai ana i ko Iesu kino, me ka inu ana i kona koko i mea e ola ’ i. Wehewehe mai kekehi i Akaka keia mea pohihihi. Nui anei ka poe e ola ana? Nui no ma kau wah í , uuku ma kau wah í , he ole loa ma kau wah í . Pehea ma Hawaii nei? Uuku paha. No ke aha? No ka ai olo, inu ole, malama ole i ka Iesu mau olelo, heluhelu ole, kula ole ma na kula Sabati, hoolohe ole ma na halawi Sabati a lilo i ka lealea, i ka hooikaika no ke ola kino. Hai paanaau mai p 27, o ka mokuna 6.

Mele. Mele hou 8-6.

1 Berena nani! Kamahao!

Ke kino o Iesu,

Wai nani hoi a kahe mau,

Ko Iesu koko no.

2 Berena kuai ole nei,

Wai kuai ole, e,

E ai ka poe pololi e,

Inu na makewai.

3 E ai i ka olelo a Iesu,

Hoopaa a paanaau,

E huli a malama pu,

I ola mau a mau.

Pule i ike na haumana i ko lakou poleli, a makewai i lawe a ai i ke kino o Iesu a inu i kona koko i ola mau.

HAAWINA KULA SABATI, Aug. 22 Loane 7:40-46. PAUKU GULA, Isaia 61:1

HAWAII

UA PONO ANEI KE KAHU EKALESIA KE HOOMAHA, NO KA AIE O KA EKALESIA IA IA?

Ua koi ia mai au, e hai aku i keia maluna, no ko ’ u ike ana i na mea i hoike ia ma ke Kuokoa, Helu 16, malalo o ka pane. Oia hoi, ua hooholo kekahi ekalesia ma kekehi h@lawai ana, e hoomaha ke Kahu, aia a pau ka aie o ke ekalesia i ke kaa mai &c

Ina pela, ea, ua pono anei i ke Kahu ekalesia he hookah no ka aie o ka ekalesia ia ia? Oia hoi, e noho lawelawe ole i na hana mau, i na Luna me na hoahanau hoi ia mau hana.

Mamua o ka ’ u pane ana aku no keia haawaina, e ae mai ia ’ u, e lawe mai au i koie mau mea malalo nei, a o nena ia.

I. Ke Kahu ekalesia. II. Ka ekalesia. III. Ka uku i hooholoia, ma ka palapala kahea.

I. Ke Kahu ekalesia. He kanaka i wae ia no ke ao nei he kauwa na Iesu, he mea i hoonaanaoia, o kana hane, o ke kiai, malama, nana pono i na hipa (Ek.) kiai i na enemi, i ka ilio hae liona, bea, ina i ike oia i ka enemi, e hele mai ana e hoopoiao o kona kue no, kaua aku, kipaku me ka pahikana, koi laau, olelo a ke Akua, aia a pio ka enemi, a make hoi, a auhee, a lanakila, alaila pau. E alakai ia lakou ma na mauna uliuli, na kahawai huihui, na waipona e banai ai e hooiho, a hoomoe hoi, i momona i maikai ka ili, hulu &c. oia ka Baibala. E hai aku ia lakou i ke ola ma o Iesu, e puanaue i ka berena o ke ola, e lawe mai i na mea kahiko a me na mea hou mai ka pahu berena nui mai (Baibala) e awili pu iho i on. I malamalama ia wa, e hanai aku, e hanai mau, i ola lakou. E kaena nui aku ia Iesu kona uhane a me kona koko mana.

I loko o keia alakai ana, e nana pono i nal ua, na pali, oawa, ia ino aku, ia ino aku, o haule, make, eha, a ina haule, e wiki e kokua e huki, m a eha, e ninini i ka aila, laau, a e&c.

O keia mau hana a pau, he mau hana hanohano, a oia hanohano kai ili iho i ke Kahu, a he nui aku no. E kiaia mau ana i na wa a pau, me ke aloha. E kau mau ana na maka o ke kino me na maka o ka naau maluna o na ohana hipa, o mke kanawai o kona hale, oia ke aloha.

II. Ka ekalesia. Oia ka poe i huipu a paulele ai Iesu ko lakou ola, i ae ia aku i kona noho lauakila ana. Ua kapa maopopo ia lakou o na hipa o ko ke Akua kula. Ua hoolilo lakou ia lakou iho no ke Akua, ma kona ano he makau, a he poo nui. O keia poe kai olelo ia ua kuai ia i ke koko waiwai io o Iesu Kristo. Ua ae aku lakou i na pomaikai lani, a o ke kiai ia lakou, oia ke Kahu ekalesia. E noho pu, a e kokua aku kokua mai, ma ke apo o ke kuikahi. E noho pu ma na wawae o Iesu, me he Maria la e hoolohe ana. Hanai mai ke Kahu i ka berena o ke ola ia lakou, a hanai aku hoi lakou i ke Kahu i ka berena o ke dala uku hoi, e like me ka hiki, oiai naaoaoa elua, pehu i apo pono ia e ke apo gula.

III. Ka uku i aelike ia. Aia ma ka palapala kahea kahu, ua haiia ia uku a me ke ano o ka hookaa ana &c. na ka ekalesia keia uku i haawi aku, oia ka hanai kahu. Ma ia uku, ua aelike na hoahanau a pau, e uku pono aku i ke kahu, i kela wa, keia wa, e like me ka palapala.

A oiai ke kahu e lawelawe ana, a i ka malama hope o ka makahiki, eia uae aole kae, koe no he 50, 60, 70, paha dala i koe alaila pau loa mai. No ia ike ana o ke kahu, aole i pau i ke kaa no kona pilikia loa hoi kekahi, no laila, na noi aku oia i na Luna, a i na hoahanau paha, e huipu me ia, a e kuka, no keia koena.

Ia wa, ua noi aku ke aku ekalesia e aho no e hoomaha au, a kaa pau mai ka hanai kahu, alaila au lawelawe hou ma ko ’ u ano kahu, me ia mamua. Ae mai na hoahanau, o ka pau no ia. Ina e noho lawelawe mai ke kau, nui loa ka aie &c.

Ua pau ae la na mea ekolu i ke kananan ia, a o ka pane koe no ka ninau ana. Aole pono i ke kahu ke hoomaha no ka aie o ka ekalesia.

E ae hou mai oe ia ’ u, e ka mea heluhelu o lawe hou mai i mau mea hou, a kokua i ko ’ u wah í pane.

Heaha la na kumu o keia aie o ka ekalesia? Auhea oukou? He mea mau ma na ekalesia a pau, mai Hawaii a Niibon. Ka aie mau ana, aole ia he mea hou, aka, no ka oinau, e ae hou ia ’ u e pane, pane aku. A malia paha, nou e ke kahu ke kumu o keia aie ana. Ua lohe mau au, i ka oleloia, kaa ole, kaa ole, aie, aie, ka ekalesia i ke kahu, e uhi ana, uhi wale paha maluna o na hoahanau, oiai, oia dala, na lakou e uku mai, a i ka wa i kaa ole ai ili iho la no lakou paha ia hewa, a he oiaio anei pela ea? Pela io no-kahi wa, aole i na wa a pau pela kou ike pono. Aole au e hole ae, i ko lakou hewa, ua hewa no, a e hai ae hoi au mahope. i kuu nana aku nae, ma na hoike Akaka. No ke kahu kekahi kumu o keia aie.

Penei ia. i ka wa i hea aku ai na hoahanau ia oe, oiai oe ma ka ekalesia e, penei he hapa o ka leta i hea ia oe “ a ma ko makou ike ana ia oe mamua aku nei, ke lana nei ko makou manao, a lilo auanei kou lawelawe ana iwaena o makou, i mea e pono ai ko makou mau uhane &c. A i kaawale oe i na mea e hhihia ai o keia ao ” &c aoao 23 o ka buke lawe lima.

Oiai paha, ia lakou i ike maka ’ I ia oe i ku ai imua o ke anaina, e haiolelo ana, ike lakou ia oe, ha makaukau maoli no i ka haiolelo, pilipono ke poolelo i na naau olioli ke anaina, momona launa ole, me he manu la oe e kikaha ana, me he anola la no ka lani mai, me na eheu ser@bima. A oiai oa pela a elua, kolu paha, ala ae la na manao o ke anaina. A wehi paha a lakou penei; ua kupono oia nei i kahu no kakou, eia nae aole e hiki ua paa loa i ka ekalesia o Lahaina paha &c.

A no ka wela loa o ko lakou mau uhane a oe, nolaila, ua hea lakou ia oe pela.

I ko ’ u hiki ana mei, i na la mua, eia ka, ua holo mau no ka manao. I ka halawai ana o ka N. H. Euanelio, ua hea lakou e @oonoho ia oe. A no ko ka aha ae ana, ua hoonoho ia oe, i kahuhipa, i makua, i Generala, i kapena no ka moku ekalesia.

I ka makahiki mua, nui kau hana, na halawai Sabati, na piha u, “ Lei Kohala i ka noku na kanaka. ” Aole he hoohalahala na lawa uo, laana olaola me ka ekalesia kaa pau mai, 400 dala no ka hanai, memua o ka pau ana o ka mak. Uila na haiolelo, ku i ka iini o na uhane pololei, ola na mai, ike na makapo, ola na make, na oopa ua hele, na hapai like pun a lima iluna, a ku pohai aloha pu me na pehumu o ke kuahu aw á i eu eu na hulu paupau he u, he ninau, he ola aku, he ola mai. Auwe! pomaikai kakou ea? Ae, ae, wah í a na hoo ho hikilele.

A oiai oe ma keia makahiki mua, ua kokua ia kou uku, oale mea kua, iluna na lima a pau, na holo na kokua e ae, a o ka hope, “ aole no ia e hoi nele mai. ”

Eia hoi, i ka lua o ka maka hiki, ike mai la na hoahanau, ua hoemi iho oe i kau hana, ua ano pupu, a i ole, na ike ia oe e hap i ana i kou lima e imi i hana hou ae nau i Lunamakaainana paha Luna e ae hoi paha. E hele ana paha oe i na hale e paipai ai i kou barota iho. A i ke la noho ooe pu no kekahi e ao ana hoohulihuli ana, e hoino pilikino ana, me he anela la no ka po. I ke mai na hipa ia oe e ake ana oe e komo i ka Ahaolelo, oia hoi kahi e paio ai, e kau a@ i na kanawai, na pahi e ako ai i ka hulu o na hipa, a koe iho o ka ili i ka uaua. I na i puka ole hoka, hoopepe iho i ka laau a ke alii. A i ole ai, imi malu paha i hana aupuni, hana e ae paha, Pehea la ka manao o na h@ahanau i keia? E ia paha ka lakou, ka! he pono ole ko kakou kahu. Hele mai oia i ka wa pule nui, no ka haiolelo, aole ano eehia o ka poolelo, e like ao ia mamua, he maloohaha ano hekili pa maloo, &c no ka mea, ua eena ka uhane hemolele mai ka punawai ae, a ua lele loa, oia na la holo barota, imi oihana &c.

Oiai oe iloko o keia wa, ea, na emi ko na hoahanau aloha ia oe, ua maalili hoi, a o ka pau koe, “ a he au ko ka hale. ”

Ua pau pu hoi ko lakou heahea nui mai ia oe, he ano eena, he mano pili mua, he maka paweo. Ano emi na anaina oiai he koekoe pu wale no, Emi iho kou wai baila, a i ke ana iliwai mau.

“ Eia ka hapa mua o kou hanai ” wah í a na Luna Ekalesia. I ka lulu ana aole lawa, pela aku, a pela aku, o ka aie i ka pau ana, he 50 dala ia. Holo ole la, no keaha la. Eia aole wela o ka mahu, he huihui, aole he ahi, ua pio, he ole ke kaa o ka huiia, a nele i ka holo.

Eia hoi, Malia paha, oiai ka hapaha mua, ho aie, no ia aie, ua haku oe, i manao e pili ana i ka pono ole o ka aie &c, a o ke kaona nae no keia no. E olelo mau ana paha oe ia Sabati aku ia Sabati aku i ka aie, a lohe mau na hoahanau, pakuwa, a uluhua, inaina, &c.

A malia paha hoi, o kou mau ano a pau, ua ano e ae i ko ka wa mua, a ua paipai mau aku paha oe i ka aha luna no keia mea, nolaila, pau ka hie, ke anoano, a he opala wale no i koe, he mea puhi n aka makani, a he pulupulu hoaa hoi k ana kapuahi okolehao, a no na umeke nala pinika.

A no keaha hoi kou mea i lawe ole ai i keia aie, hai aku i ko oukou halawai hoi a na kahu, a na ia aha hoi e hoouna ae i komite paipai? No ka mea, ooe no ka oi a ka noonoo ma na mea a pau, a no kou Akamai, I koho ai na ekalesia ia oe i kapena. Ma kou ano, he kapena, i ike ai oe i ka latigu a me lonigu i ole e ilia e ke Kilauea ma na pukoa lulu o na kuaau, Me ia ano au e ike ai oe, e pono ia oe e imi i ka mea nana ia, u o nana i ka la, mahina, hoku, i loaa ka lo@gu, a e imi ka loa ma na mile a e lawe i ka ihu e hiki ai i o aha kahu la, a e hai aku, aole ani?

Ina, me ka hui kahu ana, aola no e pau ia pilikia, mai paoaho oe, e nana hou aku no ia Ahahui e, o ka mokupani, a na ia aha e hoouna mai komite. A i pau ole, mai lele ka oili no ka huna, e nana ia A. H. E. o ko Hawaii Pae Aina. A i pau ole, nani pau ole ana no la ua imiia.

I ka pau ole ana o keia pillkia, e aho i bookahi i koe a pau. Eia ia, e hana aku i na hoahanau, heaha la ke kumu ko oukou o hookaa ole mai, a malia o hai mai, i ko mea a i ko mea, alaila, e noonoo iho no oe, aole o ka lili ae a kaii hoi ma kou ano he kahu. Mai olelo oe e like me ka mea a ’ u i lohe ai penei; i kahi hoahanau e pule ana iloko o ka halepule paha, a hale halawai paha, olelo ae la oia, e ke Akua e aloha mai oe ia makou, a i ko makou kahu hoi, no ka mea, he naaupo loa a he hawawa hoi a hemahema &c i ka pau ana o k ana pule, olelo aku la ke kahu, aole pono, on e mea e pule i ko ’ u naaupo, a mea a mea, kai no hoi, i hoonoho ia mai au i kahu, no kou naauao, aole no kou naaupo &c.

Ina i ike oe nou ka hewa a no lakou hoi kekahi hewa, eia ka pono, e mihi aku no, imua o na ekalesia mai hilahila i kou ano kahu, a oia no ka hemahema nui iwaena o ua kahu o pau no lakou keia pilikia. A ike mai na hoahanau i kou mihi, alaila, e ae lakou ia oe, e hookau i kou pahi, a upa, e ako i ko lakou hulu. A e oluolu no oe me lakou, a e mare hou ia oe me ka wahine i noho pono ai alaila, eia ka olelo, nau no e hoopiha i kou waihona a hu.

A pehea, ua hana anei oe i na mea a ’ u i hai ae la maluna? i na ua hana e ae mai, a hole hoi &c. A ina io nou kekahi hewa o keia aie kaa ole, alaila, e hoomaha ke ae,I mea e nei loa ai keia pilikia. Pehae la kou manao, ina i ike oe e ili ana kou moku, e haalele naei oe i ka hoe, a e olelo ae, e hoi au e moe omi, e nui loa auanei ka ili ana o ka moku, kai noa, e hoao oe e imi i na mea e pakele ai kou moku, ina loaa aole hoi oia no. A peia no keia, ka ekalesia he ili ana keia, he aie, a e hoomaha oe, i emi ai ko la kou hilinai ana ia oe, a e like me keia ole, lo, aie a kaawale ka popoki, paani na iole.

Pela no hoi. I koa ia i hoonohonia ai, ua hoohiki ia oe, e malama ia ekalesia eia nae, ke launa aku nei oe i wahine manuahi, nolaila, huhu oia la a ana i ka waiu, oia kau e awe nei.-Eia hoi. E pono anei e hoomaha ae ke kahu, a kaa kahi aie uuku, a oia wa hoomaha nae ka wa i makaukau ai o ke Diabalo e kanu i k@na anoano ino ea?

Kupono anei e waibo i ka euanelio e ola ai na uhane a kaa ia aie, oiai, o ka uhane ka mea nui? A e lilo anei na aie l@@, i pani e hoopaa ai i ka enanelie nani, i manao mai aia na ekalesia kahu puni dala a mea hoi &c. Eia ka Paulo: “ Auwe au ke hai ole aku i ka euanelio, a me keia, He pono ia ’ u na mea a pau i loaa ai o Kristo ia ’ u. &c He pono anei e hoonaukiuki i na hoahanau no na wah í apana dala mailuilu lilo wale i na welu lole?

Nolaila, eia ka wa e ae mai ai ia ’ u e pane ae no keia niele. He pono anei i ke Kahu e hoowahawaha no ka aie o ka ekalesia iaia? Pane. Aole!

Nolaila. na pono no i na Kahu ke noonoo pono, i ole ai e lilo ka lakou hana i mea e paumaele ai ka laahia o ka oihana. A mai imi oe i oihana nau, oiai oe ma keia oihana kiekie a pookela. &c. Ina i pilikia loa oe e ke kahu, a ina i kokua ole mai na hoahanau ia oe, ea, e noonoo oe, a e manao hoi, aole no i pokole ko ke Akua lima, e hiki ole ai iaia ke kokua mai ia oe. Oi ai, ina no na ekalesia ke kumu o kela kaa ole ana, e hoopai mai ana no oia ia lakou, oiai no hoi, aia iaia na mea a pau. Aka, ina nou ke kumu o ia aie ana, ea, alaila, aole oia e pani ia oe, e hoopai mai oia ia oe, ina aole nou, makena ua pomaikai, he waipuna e pii ana i ke kumu o ka wai ola. A mai imi oe i hana hou nau, oiai oe ma keia oihana, a mai ake aku oe e pii i ka mauna kiekie ae, m@lie o na degree o kau mea ana wela, ua haule mau ilalo. No ka mea, no ke Akua oe, a no ke Akua ia, e hana oe me kau talena, e hana ia me kana talena, a na ke Aku aka Ona e hoonui, a e hoouka hou iho, e lawe a e hoanele Anoai hoi paha o kau pu, he pono no ka nohaku naea. a o kela n ke kukae pele, eia nae, ma oi e oe.

E lulu oe, e kanu, hookah, waele, kipulu, a e manoa iho, na Iehova no e lawe mai i ka muo ana ae. Pela hoi, e lawelawe i keia hana, a na ke Akua e alakai, ina he pilikia, a he oluolu, waiwai, a ilihune, maona a pololi, mahalo a mahalo ole ia. Eia ka mea Akaka, e kun keiki, pii mai iluna nei, eia ka he lunakanawai kiekie oe, he hoa no na Moi, he kuhina; aka koho e oe i mea a i mea, aka, o ka buke hoi a ke Akua, ilalo iho, i auwehekika, onioni ae ana aole e hiki, he kamalu ike ole i ka lele kowali, e hinape, a pela aku. Nolaila, he mea makehewa ke kikoo aku i o. “ O na makana maikai a pau no luna mai, &c.

E manao pu hoi kana, o ka oihana Kahu ekalesia he oihana nui a kiekie, aole ona lua ma ke ao nei. Ua hoola ka oihana lo io, kuhina, lunakanawai kiekie, a pela ’ ku, i ke kino palaho wale no; aka o kau ia laua elua, ke kino a me ka uhane.

Maanei, ke waiho haahaa aku nei au i ko ’ u aloha i ke akea. KAUAHAAO.

[E Kauahaao, aole makou i mahalo i kau leta loloiahili a kakau lima pupuka, a aole loa no hoi oe I malama a hoolohe I ko makou rula, oia hoi, “ aole e kakau ma na aoao elua o ke kanana. ” Eia paha ka loina kupono nou no kela pane mua au ia Rev. J. Kauhane: “ Mai imi hala oe i kou hoa noho, ” Sol. 3:25, oiai oia me oe ma ia kulana. Pela no hoi oe e kamailio nei i ko hai kee o ku oe eha. “ Mai h@opaapaa hala ole oe me ke kanaka, Ina aoie oia i hana hewa aku ia oe. ” P 30. “ Mai nana oe i ka pula iki, ” e pono no oe e hala ole, a e Akamai i ke ao aku. Ulele.]

HE Olai mai nei ma Asia Uuku, a ua hoohinaia he mau hale, a kokoke paha e alua tausani ola kino i pan i ka make.

KA NUPEPA KUOKOA

E HOOPUKA MAU IA MA HONOLULU,

I KELA POAONO KELA POAONO

$2.00 no na mahina Umihumamaina

$1.00 “ “ “ Hono.

ME KA HOOKAA MUA MAI.

NA OLELO HOOLAHA-aole e ai mamua o lo laina no ka hoopuka hookah ana, $1.00: alua puka ana he $1.50 hookahi malama, $2.00. E UKU MUA la mai ke dala o na Olelo Hoolaha e hoounala mai ana e pai.

O NA UKU A PAU E HOOKAA MUA MAI NO-aole e kau la ka lima o kekahi haole a kanaka niaoli paha, ma kalaoa o ka poe lawe pepa ke ole e hookaa e mai mamua. E pono e hipoila kola mau ruia, no ka mea, he emi no ka auhau no kela nupepa.

AIA KE KEENA O “ KE KUOKOA ” MA KA

HALE LETA HOU.

H. M. WINI.

LUNA HOOPUKA.

KO KALEPONI

LAAU KUNU OLA!

A ME KA MAI HANO.

He nui na Palapala mai na Haole e ae e hooiaio mai ana i ke

Ola io maoli o keia Laau Kunu a Hano.

O KEIA KA LAAU OLA A MR. F. L. SUCH NO NA MAI

MA KE

Ake-Mama, ka Ha o ka Leo,

Ke Anu, ke Kunu, Kunu Kalea,

Na Eha a pau ma ka Puu.

E OLA NO HOI NA MAI HANO IKAIKA, KA UMII I KA HAUPO

A O KA POE Mai Ai-ake o loaa no ka oluolu nui ia lakou, ke ai i keia Laau.

NO LOKO MAI O NA LAU NAHELE KEIA LAAU, AOHE MEA INO O LOKE

NA KA POE E LAWE ANA E IKE I KA OLAIIO.

Na Rula o ka inu ana.

No Kanaka Makau-2 puna nui, i ekolu inu ana i ka la.

No Kamalii-1 puna nui, i ekolu inu aka i ka la.

No Kamalii Aiwaiu-1 puna ti, i ekolu inu ana i ka la.

A ina a mau ana no ka koii o ke Kunu, inu iki no mawaena o na inu ana ekolu.

No ka Hano-E inu i ka wa e hiki ai ka ho, a mahope iho.

No ke Anu-Aia no i ka wa e inu ai, o ka po a me ke ao.

No ka Puu Eha-E hoonui a e ina pinepine a hiki i ka emi ana o ka eha.

No ka Eheehe-E inu liilii me ka hana mau nae.

No ke Kunu Kalea- E inu no e like me ka ikaika o ke Kunu.

No ke Kaulai Eha-He pono inu no, a aole e em@ o ka pau no ia o ka eha, a poha maikai ka leo.

E loaa no keia laau lapaau ma ka Hale Kuai o

DILLINGHAM & CO.,

Ahikoe Ano hou.

Ma ka Hale Kuai Mea Hao o DILLINGHAM

& Co., e loaa ai keia Ahikoe maikai.

He Hookahi Taunani a me na Haneri keu no ka KENIKENI. Nani maoli no keia

Nuhou o ka Haole.

DILLINGHAM & CO.

@@@ @@@ @@@ Alanui Alii