Ka Nupepa Kuokoa, Volume XIV, Number 32, 7 August 1875 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kupkoa

HE HIMENI

BE KIND TO EACH OTHER.

Royal Diadem, p 88.

1.

Aloha na hoa, aloha a mao,

Ke ao nei ka la me oa lama a pau.

Kauohe Iesu, e aloha oukou,

Aloha na hoa, aloha mau no.

Cho.  Aloha na hoa, aloha pa hoa,

Aloha na hoa, aloha mau no.

2.

Aloha na hoa, e hoomanao ae,

He mea hoohauoli ka hua maikai

He bama ia hua, Aloha oukou;

Cho.  Aloha na hoa, aloha na hoa, &c.

3

Mai wiki na hoa e ahewa ae;

A i hewa kekahi, e ao akahai,

A wihi mai oie, e kala kukoo

Aloha na hoe, aloha mau no.

Cho.  Aloha na hoa, aloha na hoa, &c.

4.

Aloha no Iesu, a iho mai no,

A oho a make i old ke ao

Me e kona aloha, a me ia kakou,

Aloha na hoa, aloha mau no.

Cho.  Aloha na hoa, aloha na hoa, &c.

5.

Aloha na hoa, a lokahi ae,

E kula, paani, a hana maikai,

E pane aloha, e pau ka huhu,

Aloha na hoa, aloha mau no.

Cho.  Aloha na hoa, aloha na hoa, &c

Hawaii.

 

HAAWINA KULA SABATL

HELU S. SABATI, AUGATE 22

KUMUHANA O Iesu ka Mesia.

PAUKU BAIBALA IOANE 7:40-46.

40 No ia hoi, he nui ka poe o ua ahakanaka la i ko lakou lohe ana ia olelo, olelo no la lakou, He oiaio o ke Kaula keia.

41 Olelo mai la kekahi poe, O ka Mesia keia.  Aka ninau ae la kekahi poe, E hele mai nei ka Mesia no Galailaia mai.

42 Aole anei ?i mai ka palapala hemolele, Na na mamo a Davida mai ka Mesia a no Betelohema mai, ke kulanakauhale o Davida?

43 Ku e iho la kekahi poe me kekahi poe nona.

44 Makemake iho la kekahi poe e hopu ia ia aole nae kekahi i kau aku i ka lima maluna one.

45 Alaila hoi mai la na ilamuku i na kahune nui a me ka poe Parisaio; a ninau mai lakou is lakou la, No ke aha la i lawe ole mai ai oukou iaia?

46 I aku la na ilamuku, Aole loa he kanaka i olelo like me keia kauake.

Pauku Gula.  Isaia 61:1.  "Ua poni mai o Ihova ia'u."

Mele Him. 456 8-6 Leo Hoaliiana.

1          Hoano ko Ziona puu,

Malaila makaukau

Ka noho Moi no Iesu,

Ke Lii hoano mau.

3          Na kauwa pio luhi e,

Hoolana na uaau,

E poni ia Mesia uei

I moi no ke ao.

Pule i ao na haumana a pau ia Iesu, oia ka Mesia, ke Lii, ka mea nui e ola ai.

 

NA NINAU A NA KUMU.

            Na kela pule, ua lohe kakou ma ka waha o Iesu i ka mea e ole'i, oia hoi ka ai ana i koua kino, a me ka inu ana i kona koko.  I ka lohe ana ia mea, pehea ka uui o na haumana? mokuna 6:66.  Hesha ka Iesu i ninau aku ai i ka poe he umikumamalua? A pehea hoi i pane aku ai o Petero? p 67 68, 69.  He ahuaina aha e koke mai ama? mok. 7:2.  Mahea Iesu ia wa? p 1.  Pehea na hoahanau on a i paipai aku ai aiai? o. 3, 4.  Owai na hoahanau o Iesu? Mat. 13:55.  He poe aha ia wa? p 5.  Pehea Iesu i pane aku ai? p 6-8.  Aole anei Iesu i hele mahope i ua ahaaina la? p 10, 14.  No ke aha koua hele malu?  Ua imiia anei oia? p 12.  No ke aha? p 1, 19.  Elua manao no Iesu, heaha ia mau manao? p 12,20,25,26,30,31,32.

P40 Heaha ka ka ahakanaka i lohe ai a kapa ia Iesu, o ke Kaula keia? o 37-39.  Ke kaula, ke kaula hea ia?  Kau. 18:15, 18.  Elia paha leremia paha.  Ioane 1:21. mok. 6:14.

P 41 Pehea mai kekahi poe? Ka Mesia, heaha ke ano? Ka mea i poniia i Ahi, i Kahona, i Kaula.  Pehea noe i ninau ai kekahi?

P 42 No ke aha ia ninau? nohea mai ka Mesia, he mama mawai? mehea i hanau ai? Mehea na pauku ku?ikuki? Hal. 132 11.  Is. 23:5.  Mika 5:2.  A pehea, aole anei Iesu he mamo na Davida? a hanauia ma Betelehema? No ke aha ko lakou iohe ole, a kuhihewa no Galilaia Iesu? Naaupo ea!

P 43, 44 Pehea kekahi poe me kakahi? Paio kekahi poe no Iesu, kokua mamuli one, a o kekahi poe, kuo, hoole, a makamake e hopa, a pepehi iaia.  A ao ke aha ke kau ole o na lima malama one?  Aole hiki i kona manawa.  Na kona maua no i pale aku.

P 45, 46 Owai ka poe i keoaia e hele, e imi, a hopu, a lawe mai ia Iesu?  Nawai lakou i hoouna? Hopuia anei? No ke aha ka hopo ole? Makau lakou.  He helehelena hanohano ko Iesu, he mana, hanohano, he aloha ma kona maka, ma kaua olelo.  Kuemi lakou i hope, hiki ole ke hopu.  Mehea kekahi mau olelo maikai a Iesu? Ma Mataio, mai ka mokuna 5-7.  Pehea hoi kanaka? p 29, 29.  Hai mai i kekahi mau mea i maopopo ai no ke Akua mai Iesu, a oia ka Mesia e hiki mai ana.

1 Kana mau olelo        2 Kana mau hana aloha.          3 Kana mau hana mana.          4 Kaua mau wanana.

Mele "Aole o'u maka'u."  Have Hoonani aoao 29.

1          Aole o'u makau e hai no Iesu

I ka olelo e ola'i;

Aole o'u makau e pea no Iesu,

Nana i aloha mai.

Cho.    Aole o'u makau, ole o'u makau,

Ole, ole, ole;

Iesu no kuu heoaloha,

Aole loa o'a makau.

2          A ole o'a maka'u e kaa no Iesu

Ma na mala e hana'i;

Hana wau a mau me ka oli,

Naua no e uku mai.

Cho.    Aole o'u makau, ole o'u makau $c.,

 

NA NINAU A KE KAHU

            Na makua.  Elua ano o na haumana a Esu, he poe hahai iki, a mamuli haalele, no ke aha ka haalele ana?  A o kekahi poe hoopili mau lakou iaia, no ke aha ka hoopili mau ana?  I owai la e hele ai ke haalele iaia?  He kalakala, he Hoola e ae anei kekahi e hele aku ai?  Pehea ke ano o na haumana maanei?  A haalele ia Iesu, heaha ka hope?  Heaha ka pono?

            Na keiki.  Enia ahaaina nui o na Iudaio? Ekolu.        1 Ahaaina Pasoa, oia hoi ka Mohaola, ka Ahaaina Berena hu ole, ma ka hapa mua o Aperila.      2 Ka Ahaaina no ka hoiliili ana.          3 Ka Ahaaina kauhelelewa ma Okatoba.  He ahaaina kauhalelewa ma ka mokuna 9.  Ua hele anei Iesu ia ahaaina? Heaha ka na ludaio i imi ai ma ia ahaaina?

            Ua imi lakou ia Iesu a aha? No ke aha ko lakou manao e pepehi iaia? Ke imi nei anei oukou ia Iesu? mahea? no ke aha? Huli na ilamuku ia Iesu a loaa no, a pehea? hopu anei a pepehi iaia? no ke aha ka hopu ole? Hewa anei Iesu? Aole on a hewa.  Ma ka nana'ku, a ma ka lohe ana i kana mau olelo, akaka i na ilamoku, he mea nui, he mea mana Iesu, oia no hoi ha Mesia e hiki mai ana.

            Ke kula a pau.  Heaha ke kuhihewa o na Parisaio no kahi i hanau ai o Iesu? Mahea hoi Iesu i hanau ai?  Ma ka wanana ana, e hanau ana ka Mesia mahea? he mamo hoi nawai? Pili anei ia mau mea ia Iesu? Nolaila, owai Iesu? Hai mai i na mea a pau i maopopo ai, o Iesu ka mesia, ke Lii, ke Kaula nui, ke Kalahala e ola'i.  Akaka loa, o Iesu ka mea e ola'i, no ke aha ka hapa o ka poe manaoio, a hahai mamuli on a?

            Mele.  Him 234.         6-8.  Leo.

1          Owai ke makewai,

A ane maule no?

Eia ke kumuwau maikai,

Ke koko o Iesu.

2          He wai ia e ola'i,

Noluna o ke ao;

Ka põe i inu ia wai,

Ua ola mau lakou.

            Pule i hoole kakou a pau i ko Iesu leo kahea e hele aku i ona la i loaa ka wai e ola'i.

 

HAAWINA KULA SABAT, Aug. 29.

Ioane 8:28-36.  Pauku Gula, Isaia 61:1

HAWAII.

 

MOOLELO O KE KULA AO KUMU

O NA KONA, MA NAPOOPOO,

HAWAII.

            La hana i.  Ione 12, hora 9, A. M. O D.  ?.  Nahinu Esq, ke kahu alakai o ke kula Ao Kumu.  Hoomakaia na hana me ka himeni ana ia "Marching Along," a me ka pule ana a S W.  Kino.  Heaia ka inoa o na kumu.  Eia na kumu i hiki mai ma ia la:

            G. w. Kaua, no Kalihi, Daniela Holi, no Papa, G. H. Kalaukoa Opihali, D. L. Kuapali Kaohe, J. A. Napua Pahoehoe, D. K. Maleka Kalahiki, J. Keaweahawaii Hookena, H. Manase Honounou, J. Ua Keei, S. W. Kino Napoopoo, L. Olohia Honalo, R. Makahalupa Keauhou, S. H. P. Kalawaiaopuna Pahoehoe, N. K; D. Alawa Holualoa, J. W. Kuakamauna Kailua, T. W. H. Kanakaole Kaloko.  Na kumu i noho aku: John Keawe ue noi, Kalaoe, Simeona Kaue, he mai Kahaluu, G. W. Kini, he mai no Naawaws.  No kokua kumu, Kewaaihoole Naawawa, Kekainuku Kaloko.  O Ezekiela, a me Kekahonaolaole, he mau hou i ae ia'ku e noho pu mai ma keia kula Ao Kumu.

            Hoomaka ke alakai ana a ke alakai o ke Kula Ao Kumu ma ka Helunaau, Mokuna I-VI, koe ka VII.  Hora 12, hoomaka i 1/2 hora.  Hora 12 1/2 P. M. Kula hou ia ma ka buke Ao-Heluhela, Haawina XXII; "e heluhelu me ka hoopili pu ana i na rula oia buke, a me na rula o ke Ao-Kiko."

            Na haawiaa o ka la 14, 15, 16.  Ma ka Arimat ka, mai na "Olelo Hoike " ako a hiki i ka Mokuna V, koe ke VI.  Ma ke Ao Kiko, mai moa a hope, hora 2, hoopaneeia na hana me ka himen?ana ia "Kai a naue i ka nani," a me ka pule ana a ke alakai, (Hon. D. H. N.) a hui hou i ka hora 9 A M o ka la 14 o Ione.

            La hana H.      Ione 14, hora 9, A M, halawei hou keia Aha Kumo, e like me ka hoopanee ana.  Hoomakaia na hana me ka himeni ana i keia leo, "E hahai ia Iesu," a me ka pule ana a S. Kaue.  Heaia ka inoa o na kumu, Heluheluia ka moolelo o ka la i hala, a ponoia.  I keia la i hiki mai ai o S. Kane.  I keia la i noho aku ai o D. K. Kuapali, a me J. W. Kuakamaune, no ka nawaliwali o ke kine.

            Ma keia la i apoia'ku ai o Samuela Puhi i hoa hou no keia Aha Kumo.  O Kamoku hoi, he haumana i makemake e komo i Lahainaluna, Hoomaka ke alakao ake Kahu ma ka Arimatike, e like me ia i hai ia i ka la hana mua, a me ka Helunaau, Mok. VII-X, koe ka XI.  Hora 12, hoomaha i 1/3 hora.  Hora 12 1/2 PM, kula hou ia ma ke Ao-Kiko, aoao 1-12, a ma ke alakai kumu, aoao 13 a me na rula o ke Ao-Heluhelu; a ma ka hoike kumu, haawina I-II, koe ke III Heluhelu mai o S. H. P. Kalawaiaopuna he olelo hooholo.

            He olelo hooholo.  Hooholoia - He mea pono i na hoa kumu o keia Kula Kumu, e lolu pakahi i mau hapaha kuai ai a me ka ia, i mea e hoopiha ai i ka lua o ka inaina.  Lawe ka Aha Kumu a noonoo.  Hooholoia, e lulu pakahi na kumu, i mau hapaha kuai ai, ia, no ka paina awakea o na la kula i koe, hora 2.  Hoopaneeia na hina me ka himeni ana ia "Papa koa kula Sabati," a me ka pule ana a H. Manase, a hui hou i ka hora 9, A M o ka la 15 o Iune.

            La hana III - Iune 15, hora 9, A M.  halawai hou keia Aha Kumu, e like me ka hoopanee ia ana.  Hoomakaia na hana me ka himeni ana ia "Mele a nei ma ka lani," a me ka pula ana a D. Alawa.  Heaia ka inoa o na kumu.  Heluheluia ka moolelo o ka la i hela, a ponoia me na hooponopono ana.  Hoomakaia ke kula ana ma ke koena o ka Arimatika, o ka la hana II; a me ka Helunaau, Mok. XI-XIII; koe ka 14.

            Hora 12, hoomaha i 1/2 hora, paina awakea, hora 12 1/2, kula hou ia ma ke Ao-Heluhelu, Haawina LIX; a me ke koena o ke Ao-Kiko, a ma ka Hoikehonua, Haawina III-IV o ka Mahele 1, koe ka Haawina V. Hora 2, hoopaneeia na hana me ka himani ana i keia leo.  "E hui mai a naue pu," a me ka pula ana a D. K. Maleka, a hui hou i ka hora 9, A M, o ka la 16 o Iune.

            La hana IV. - Iune 16, hora 9 A M hlawai hou keia Aha Kumu e like me ka hoopaneeia ana.  Hoomakaia na hana me ka himeni ana ia "Eu na koa o Iesu," a me ka pule ana a G. H. Kalaukoa.  Heaia ka inoa o na kumu.  Heluheluia ka moolelo o ka la i hala a ponoia.  Hoomakaia ke kula ana ma ke koena o ka Arimatika, a hiki i ka Mok. V; koe ka Mok. Vi, VII, VIII, no ka la 17, 18, 19 o Oune.  Helunaau, mok. XIV a hiki i Na ui hoiliili o ka mok. XV.  Hora 12, hoomaha i 1/2 hora, no ka paina awakea.  Hora 12 1/2, heluhelu Kumumanao.  Na G. W. Kaua i heluhelu mai i kona haawina, penei: "Heaha la ka waiwai o ka naauao?"  Na G. H. Kalaukoa i heluhelu mai i kona haawina.  "No ka hooulu ana i ka Lahui Hawaii."  Na D. K. Kuapali i heluhelu mai i kona haawina.  "No ka on a, a me kana hana."  Kula ma ka Hoike Honua, Haawiua V, VI, koe ka VII.  Hora 2, I' M, hoopaneeia na hana me ka himeni ana ia "Hana no ma ka Lani," a me ka pule ana a J. A. Napua, a hui hou i ka hora 9, A M, o ka la 17 o Iune.

            La hana V. - Iune 17, hora 9 A M, halawai hou keia Aha Kumu, e like me ka hoopaneeia ana.  Hoomakaia na hana me ka himeni ana ia "Kai pololei," a me ka pule ana a G. W. Kaua, heaia ka inoa o na kumu.  Heluheluia ka moolelo o ka la i haia a ponoia.  Hoomaka ke kula ana me ke mok. VI o ka Arimatika; Helunaau, Na ui hoiliili o ka mok. 15.  Hora 12, hoomaha i 1/2 hora; paiua awakea.  Hora 12 1/2.  heluhelu Kumumanao.  Na Daniela Holi i he luhelu mai i kona haawaina; No ke aloha i ke Akua.  Na J. A. Napua i heluhelu mai i nona haawina; No ka haka.  A he mea anei ia e make ai?  Na D.K. Maleka i heluhelu mai i kona haawina; Pehea la e malama ia ai ka hanohano o ka oihana hoonaauao, e ka poe nana e malana ana? Na John Kawaeahawaii i heluhelu mai i kona haawina; Heaha ka waiwai o ke Kula Ao Kumu? Na H. Manase i heluhelu mai i kona haawina; Ka waiwai i oi ke loaa i ke kanak, pehea ia? Mahope o ka pau ana o na Kumumanao, hoomaka ke kula ana ma na Rula o ke Ao-Heluhelo; Ao-Kiko; a me ka heluhelu ana i ka haawina LXXIV.  Hoike Honua, haawina VII, VIII, o ka Mahele I, koe ka IX.  Heluhelu mai o S. H. P. Kalawaiaopuna he olelo hooholo.

            Olelo Hooholo; Hooholoia. - E oluolu ke Kahu o ke Kula Ao Kumu, e hoomakaia ke kula o ka ia apopo ia ka hora 8, A M, a e hookuu ia ke kula i ka hora 12; oiai, e hui aoa na kumu o Kona Akan me ka Luna Kulu, H. N. Greenwell i ka hora 2, P M, hoopanoeia na hana me ka himeni ana, "Aole o'u maka'u," a me ka pule ana a S. H. P. Kalawaiaopuna, a hui hou i ka hora 8, A M o ka la 18 o Iune.

            Le hana VI - Iune 18, hora 8 A M halawai hou keia Aha Kumu, e like me ka hoopaneeia ana.  Hoomakaia na hana me ka himeni ana ia "keiai hewa wale au," a me ka pule ana a John Ua, heaia ka inoa o na kumu.  Heluheluia ka moolelo o ka la i hala, a ponoia.

            Hoomakaia ke kula ma ka mok. VII o ka Arimatika; koe ka VIII.  Ma ka Heluneau, koena o ka mok. 15, a hiki i ka pau ana.  Hora 11, hoomaha i 1/2 hora, paina awakea, hora 11 1/2, heluhelu Kumumanao.  Na J. Ua a heluhelu mai i kona haawina; No hea mai ka ai a ka mea palaualelo e loaa mai ai?  Na S. W. Kino i heluhelu mai i kona haawina; Heaha ka liko o na mea a pau? Na L. Olohia i heluhelu mai i kona kaawina; Pehea la emau ai na kanaka i ka pono? Na R. Makahalupa i heluhelu mai i kona haawina Pehea la e loaa'i ka makaukau hou no na kumu kula ma na lala o ka ike? Heluhelu mai o J. A. Napua he olelo hooholo.

            Olelo hooholo.  Hooholoia. - E oluolu ke Kahu o ke Kula Ao Kumu, e hoomakaia ke kula o ka la apopo i ka hora 8, A M ae hookuuia i ja hora 12; oiai, e hui ana na kumu o Kona Hema me ka Lune Kula H. N. G. i ka la apopo, hora 2 P. M. Hoouolo ia, Hora 12 hoopanee ia na hana me ka himeni a me ka pula ana, a S. Kane a hui hou i ka hora 8, A M o ka la 19 o lane.

            La hana VII - Iune 19, hora 8, A M halawai hou keia Aha Kumu, e like me ka hoopaneeia ana.  Hoomakaia ua haua me ka himeni a me ka pule ana a H. Manase, heaia ka inoa o na kumu.  Heluheluia ka moolelo o ka la i hala, a poueia.  Hoomaka ia ke kula ana ma ka mok. VIII o ka Arimatika; a koe ka pauku 290.  mahope iho o keia huke, heluhelu kumumanao.  Na S Kane i heluhelu mai i kona haawina; No ka hooulu ana i ka Lahui Hawaii.  Na S H. P. Kalawaiaopuna i heluhelu mai i kona haawina, No na ao opua i ka lewa.

            Hooholia - E hoounaia keia kumumanao e paiia iloko o ka nupepa Kuokoa; Na D. Alawai i heluhelu mai i kona haawina; Heaha la na  hoeueu ikaika, e hiki ai ia kakou ke malama pono i keia oihana? Na T. W. H. Kanakaole i heluhelu mai i kona haawina; NO ke aloha.  Mahope o ka pau ana o na heluhelu kumumanao, na ku mai ke Alakai o ke Kula Ao Kumu, a heluhelu mai i kona mau manao paipai, i kakauaia ma kekahi pepa loihi, a oia keia malalo iho uei, penei

            "E o'u mau ho'aloha; Aloha oukou: - He wahi manao paipai ko'u e pili ana i keia Kumumanao; Ke kupono no ka oihana; o ka oihana ma keia kumumanao, oia no ka oihana a oukou e hiipoi'la.  Oia ka'u i makaikai iho nei i keia mau la ehiku.  Ua ike lea au, a me kakou a pau; aole i like loa ko oukou mau kualana no ka oihana.  Ua kiekie loa kekahi, ua emi mai kekahi, ua emi loa mai kekahi.  ma kou manao ana, na mahele au i ekolu mau papa o keia kula; a ua kau no au ma na helu mua i ka poe kiekie o kela papa keia papa, a mahope mai na olaki.

            O ka papa ia ia ka heluna kiekie, ia ia ke kulana heahaa loa o ka ike.  Ua hooikaika nui ia oukou no ke kupono i ka oihana.  Ua ike au ia'u iho, aole i kupono loa no ke alakai ana ia oukou; Ua oi kekahi iloko o keia kula; no ka mea, ua manao loa au mai na huke aku o ka oihana, e like me ka'u i hai mua aku ai ia oukou.  Aka, no oukou ka'u olelo paipai, ka poe e ku ana maluna o ka oihana i keia wa.

            E malana i ko oukou kulana i na manawa a pau; Oiai he oihana e paa ana.  I na makemake io kekahi i ka oihana kumukula; Eia ka pono, e hooikaika, e huli i na huke, e imi i kupono no ua oihana 'la.  E haalele ka molowa, ka manaka, a me ka olelo ana, aole i hiki aku na haumana i ko'u wahi i ao ia'i, nolaila, makehewa ia ia ka huli aku mamua.  E haalele oe ia mau manao, pono no ke hoonui hou aku i kou kumu waiwai; oiai ka ike i kupono no ka oihana e hike pu me ka poe kalepa.  Eia kekahi; E malana pu i kou ano keonimana i na manawa a pau; Oiai, e paa ana oe i ka oihana.  E hoike mau i kou ana keikie a mana hoi ma kou hale ponoi iho; I hoolohe kau mau keiki ponoi ia oe, a me ka ohena a pau; a pela oe e noho mana ai maluna o kekahi ohana he lehulehu ae.  E hoike mau aku ia ano ou ma kou kalana a okana aina paha i noho ai; mai noho oe i huelo a he okoa ke poo maluoa ou; I na aole e hiki ia oe ke noho mana ma keia oihana, he oi kou pono ke haalele oe, mamua o koa hoohaahaa wale ana i ka oihana i kapaia, ka oihana pookela o ke ao nai; ka mea nana i hoonohonoho ke kahua o na lahui kanaka, a me na aupuni a pau o ka honua.  Mai manao kakou he oihana haahaa keia, aole; E nana i kona hua a me ua pomaikai a pau e pili ana.

            Eia hoi; E hoonee mau ia oe imua, e like me ke kulana o keia wa; Ua olelo ia, he au holomua keia o ka aina, a me ka henus okoa.  Pehea oe i kou malana ana i keia oihana?  Ua nee anei?  Eika ka makemake o keia.  E hoomaemae i kou home ponoi iho, e like me ke kulana o keia wa, a me kou kulana ponoi iho.  E ao aku ana ia mea i kau poe keiki e olioli maluna o ko lakou home, a w wehe mau ana oe i kou ipuka no kou mau hou maiki o ka oihana, e kipa mai, a hoomaha iho.  E hooikaika i loaa kahi mea ai kupono; wahi a Napohona.  O ka ai maikai, ke kumu o ka noonoo maikai.  Aka, malia a ninau mau kekahi; Pehea e hiki ai?  He ninau nui ia; Penei paha: Ma kou wahi dala no e lawelawe nei i ka ohiana; E pakiko ma na mea a pau, E hoopau i kou mau pilikia a me ka hemahema o kou ohana i ka hapalua o kou mau dale losa, a o kekahi hope, e heahiki oe mai hoopa hou iaia no kekahi manawa, alaila, e lilo ana ia i puu dala mahuahua e hiki ke kukule i home, a e loaa ka ai kupono.  O keia ko kakou ano haahaa malalo o na haole, a haahaa pu ko kakou mau uku.  Ua ikeia, hiki no kakou ke ai i ka paakai no kekahi mau la; aka, o ka haole, aole lakou ae pela; I na e nee io ana kakou imua e na Kumuku la a pau, e like me ke kulana o keia wa; ke manaoio nei au, e ola ana keia oihana, a e mahuahua ana ka oho la na kula.

            Iua e like me na hoakaka ana maluna, alaila, Ua kupono loa a piha, e like me ao kakou manaohai, ke kupono no ka oihana.  Aole paha i pau loa  na mea kupono maanei, he nui aku koe, aka, e hooki au masnei.

            Owau no me ke aloha, D. H. Nahinu - Alakai o ke Kula Ao Kumu.  Mahope o ka pau ana o na olelo paipai a ke alakai, ua hookuu loa ia na hana i ka hora 12, me ka himeni a me ka pule pualu ana i ka pule a ka Haku.

            O keia iho la ka moolelo o ke Kula Ao Kumu o na Kona, i malama maemae ia'i e na kumu o keia mau Kona.  A ke noi ia mai nei au, e hoouna aku e pai ia, a hoopu kaia iloko o ka "nupepa Kuokoa."

            A ke noi aku nei au i ka lokomaikai o ka Lunahooponopono; e hookomo iho ma kahi kaawale o ko kakou Kilohana.  Owen no me ka Mahalo.

David Alawa.

Kakauolelo.

Holualua, N. K. Hawaii, Iune;

 

KUMUMANAO.

            Heaha na paani kupono no na kaikamahine?  He nui wale na paaui ma ke ao nei, he mau paani kupono kekahi a he mau paani kupono ole kekahi.  Aka, o ka mea use i ninao ia ma keia Kumumanao, o na paani kapono no na kaikamahine.  heaha la ia?

            1 He paani kupono no na kaikamahine ka lele koali

            2 He paani kupono no na kaikamahine ke pio

            3 He paani kupono no na kaikamahine ka holo poaiapuni.

            He nui aku no na paani i koe, i na kaikamahine, ako oia no na paani kupono ma ko'u noonoo.

            1 He paani kupono no na kaikamahine ka lele koali:  O ka lele koali oia kekahi paani i haoa pinepine ia e na kaikamahine i mea hooikaika ai i ko lakou mau ola kino a ma keia paani au i manao ai he paani ia no na kaikamahine.

            2 He paani kupono no ua kaikamahine ke pio.  O ke pio he hana ia i mea mawaena o na kaikamahine i na kau i hala ae nei a hiki mai i keia manawa a kakou e noho nei.  Penei ka hana ana o keia mea he pio.  Ua koho kela kaikamahine keia kaikamahine i mau aoao elua elike me ka nui o na kaikamahine ma kekahi aoao pela nohoi ma kekahi aoao, alaila alualu aku alualu mai e like me ka hiki ia lakou.  I na o ka mea e pa ana, oia ke pio mua.  A o keia paani ana ua mauao au.  Oia ka lua o na paani kuhono i na kaikamahine.

            3 He paani kupono no na kaikamahine ka holo poaiapuoi.  Penei ke ano o keia paani ana.  Ua ku lalani like na kaikamahine a puui a hookahi kaikamahine i waena Ua kapaia kona inoa he akua, a ma keia akua e hopu i kela a me keia kaikamahine a o ka mea e loaa ana iaia ma keia holo ana.  Oia aku la ke akua.  A o keia paani ke kolu o na paani kupono a'u i manao ai he paani kupono ia uo na kaikamahine.

            A ma keia ke ninau hou ae nei au i ko kakou Eumumanao: O na paani i hei ia ae la maluna a me na wehewehe e pili ana noia mau paani.  Oia iho la na paani kupono no na kaikamahine.  Me ke aloha,

KEKONA.

Kumukula wahine o Panaewa Waimea Kauai.

Ke haawi wale mai nei na koa kipi ia lakou iho i na mana aupuni o Castellar e noi mai ana e huikala piha ia aku.

 

KA NUPEPEA KUOKOA

E HOOPUKA MAU IA MA HONOLULU,

I KELA POAONO KEIA POAONO

$2.00 no na mahina Umilumamalua

$1.00 " " " Eono.

ME KA HOOKAA MUA MAI.

NA OLELO HOOLAHA - aole e oi mamua o 10 ialoa no ka hoopuka hookahi ana, $10.00; alua puka ana he $1.00 hookahi malana.  $2.00.  E uku mu a ia mal ke dala o na Olelo Hoolaha e hoounala mai ana e pai.

O NA UKU A PAU E HOEKAA MUA MAI NO - aole e kau la ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e ma!  mamua.  E pono e hiipoila kela mau eula, no ka niea, he emi no ka auhau no keia nupepa.

ALA KE KEENA O "KE KUOKOA" MA KA HALE LETA HOU.

H.M. Wini

Luna Hoopuka.

 

KO KALEPONI

LAAU KUMU OLA!

A ME KA MAI HANO.

He nui na Palapala mai na Haole e ae e hooiaio mai ana i ke Ola io maoli o keia Laau Kunu a hano.

O KEIA KA LAAU OLA A MR. F. L. SUCH NO NA MAI

MA KE

Ake-Mama, ka Ha o ka Leo,

Ke Anu, ke Kunu, Kunu Kelea,

Na Eha a pau ma ka Puu.

E CLA NO HOI NA MAI HANO IKAIKA, KA UMII I KA HAUPO

A o ka poe Mai Ai-ake e loaa no ka oluolu nui ia lakou, ke ai i keia Laau.

NO LOKO MAI O NA LAU NAHELE KEIA LAAU, AOHE MEA INO O LOKE NA KA POE E LAWE ANA E IKE I KA OIAIO.

Na Rula o ka inu ana.

No Kanaka Makua - 2 puni nui, i ekolu inu ana i ka la.

No Kamalii - 1 puna nui, i ekolu inu ana i ka la

No Kamalii Aiwaiu - 1 puna ti, i ekolu inu ana i ka la.

Aina e mau ana no ke koii o ke Kumu, inu iki no mawaena o na inu ana ekolu.

No ka Hano - E inu i ka wa e hiki ai ka ho, a mahope iho.

No ke Anu - Aia no i ka wa e inu ai, o ka po a me ke ao.

No ka Puu Eha - E hoonui a e inu pinepine a hiki i ka emi ana o ka eha.

No ka Eheehe - E inu liilii me ka hana mau nae.

No ke Kunu Kaloa - E inu no e like me ka ikaika o ke Kuna.

No ke Kanaiai Eha - He pono inu no, a aole e emo o ka pau no ia o ka eha, a poha maikai ka leo.

E loaa no keia laau ma ka Hale Kuai o

DILLINGHAM & CO.,

Ahikoe Ano hou.

Ma ka Hale Kuai Mea Hao o DILLINGHAM & CO., e loaa ai keia Ahikoe maikai.

He hookahi Tauaani a me na Haneri keu no ka KENIKENI.  Nani maoli no keia Nuhoe o ka Haole.

DILLINGHAM & CO.

Alanui Alii