Ka Nupepa Kuokoa, Volume XIV, Number 34, 21 August 1875 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA KUOKOA, ME KA AU OKOA I HUIIA.

 

MAKE KAUOHA.

            KE HOIKEIA aku nei o ka loha, e hele aku ana o Hon. A. FRANCIS JUDD. Lunakanawai Aha Kiekie, a e @ i na hoo@ mai na apana @hu n@ o ka mokupuni Oahu. e like me keia malalo iho:

            Ma ka Hale Hookolokolo ma Ewa, Poaha, Augate 26 hora 1 i a ka

            Ma ka Hale Hookolokolo ma Kaneohe i ka Pouloa, la 21 o Augute ma ka hora 11 a.m.

            Ma ka Hale Hookolokolo ma Kahuku i ka Poaha Sepatemaba 2 ma ka hora 12 m.

            Ma ka Hale Hookolokolo ma Waialua, Poalima. la 2 o Sepatemaba, hora 9 a.m.

            Ma ke kauoha a ka Aha

            JNO E BERNARD.   

Hope Kakauolelo o ka Aha Kiekie.    

            Honolulu, Aug. 14, 1875.        716 3t

 

            UA HOOKOHUIA aku o MR. S. P. WAHINENUI i keia la luna Alanui no Kohala, Hawaii, ma kahi o Mr. S. F. Chillingworth i waiho mai.

            UA HOOKOHUIA aku o MR. R NEWTON i keia la i Kalaiaina no na Alanui @ no ka Mokupuni o Molokai, @ kahi o Mr. E. H. Rogers i waiho mai.

W. L. MOEHONUA.

            Keena Kalaiaina Aug. 2 1875.             Kohina Kalaiaina.

 

UA HOOKOHU la ka poe nona na inoa malalo iho i mau Luna Helu no na Apana Ohi Auha pakahi o keia Apana :

OAHU—Honolulu.............Chas. H. Judd.

            Ewa a Waianae.........A. Kaoliko.

            Waiaulu..............H. M. Naukana.

            Koolauloa...............P. P. Koakanu.

            Koolaupoko.............William Auld.

HAWAII—Hilo.................J. W. Heaumakani.

            Puna..............L. Kaina.

            Kau..............J. H. S. Martin.

            South Kona..........J. G. Hoapili.

            North Kona.............S. K. Kaai.

            South Kohala..........S. H. Mahuka.

            North Kohala..........J. Wight.

            Hamakua................G. W. D. Halemanu.

MAUI—Lahaina...............J. Nahaku.

            Wailuku...............T. N. Birch.

            Makawao...........J. W. Ukumea.

            Hana..................D. Kahaulelio.

MOLOKAI & LANAI..........D. W. Kalue.

KAUAI—Hanalei...............H. J. Wana.

            Anahola...............L. Kapahuelima.

            Lihue...................S. Kalu.

            Koloa...................P. Puhiula.

            Waimea...............S. K. Kuapuu.

            Niihau.................A. W. Kaapuni.

JNO. S. WALKER.

Kuhina Waiwai

            Keena Waiwai, Iune 29 1875.

 

Ka Nupepa Kuokoa

 

ME

 

Ke Au Okoa

I HUIIA.

Published every Saturday, $2 a year

 

HONOLULU, AUGATE 21, 1875.

 

            UA HULI HOI mai ke Ahi ka Moi ma kana huakai pokole aku nei i Maui, ma ke ahiahi Poalima iho nei. Ma Maalaea oia i lele ai a hele aku la i Wailuku a me Waiheee. Mai na wai eha aku, holo oia no Ulupalakua, kahi ona i noho ai hookahi po, a kau mai ne no maluna o ka Kilauea huakai huli hoi mai. I ka mokuahi i ku pokole ai i Lahaina, ua lele aku ke Moi i uka o ka aina, e ike i ka mai o ke alii hanau Nahaolelua, ke alii e waiho ana ma kona moe. No ka pokole loa o keia holo ana aku nei, malia o holo hou aku oia i keia Sepatemaba ae, a hala loa aku i Hawaii.

 

            UA HOOHALAHALA aku nei ka Pope o Roma i ka Emepera o Ausetaria, no ka emi mai o ke kulana o ka ekalesia Katolika Roma mamuli o ke kulana a ke aupuni o Geremania e lawelawe oolea nei, a ua hoonioni aku oia i ka Emepera mamuli o ke ao ana aku, aole e hiki ia Auseteria ke kue aku i na hana a Geremania, alaila, e lilo ia i mea na Geremania e hoomalu mai ai, a e haule loa auanei ko Auseteria mana. Ua pana mai ka Emepera, ua minamina loa ia no ka hoopukaia ana mai o ia ano hakaka, aka ua ao mai oia i ka Pope e akahele. Aole ona makemake e kauoia iloko o ke kaha me Geremania, no ko ka Pope koina, a ua manao oia, he pono iaia ke hoao e ku i ka wa.

 

            MAHOPE iho o ka hoao hope loaia ana o ka mokuahi Pale i ka Luai a Besema, ke ole mai aei na nupepa o Ladna, he hana haule poho ino ua mokuahi la. O ke Keena onioni keia o hope, kahi i manao nui ia ai, aia malaila kahi e hooluolu ai me ka luai ole, aole hiki iki ke hana. Ua imi kalaia mai a nui wale, no ka hoomaamea pono ole ia a makaukau o na mea paahana, aka, ke hoike mai nei ka nupepa nona ka mahaloia i na wa i hala, aole loa e hiki ia Besema ke hana i mokuahi pale aku i ka luai. He pono ao paha keia olelo, aka o ka hoole loa ana aole e hiki, e like ananei ia me ka poe aana i olelo, aole e hiki i ka mokuahi ke holo maluna o na alahao. Nolaila, akahele ka hoopuka hikiwawe'na i na huaolelo hoole loa o keia ana, o ka hoi aku auanei ka lakou mau olelo hoohenehene maluna o lakou iho.

 

            O KA AOAO KUOKOA maloko o ka Hale Ahaolelo o Beritania Nui iloko o na makahiki i haia aenei, ua olelo mai kekahi nupepa Amerika, ua mana ole lakou. Ua nele i ke alakai ole, a ua haule hoi ka mana i ke koho ana i ke kanaka a lakou i wae ai, oia o Haku Hartington. Aka ke oleloia mai nei, ua haawi aku o Pohakuhauoli i kona ae e hoi hou e noho poo no ka aoao kuokoa i keia makahiki ae. Ua haawi aku nei ke Kuhina nui Disraeli i manawa loihi nona e hoomaha ai, me ka haawi pu aku i manawa nona e kakau ai i ka buke hoopaapaa ikaika i ka Pope o keia au. Ina e noho loihi iho ana ka aoao ku i kahi hookahi iloko o ka hooponopono aupuni a hiki i ka wa e hoi hou mai ai o Pohakehauoli e noho poo alakai no ka aoao kuokoa, e pipi auanei na lae, a e mahaloia mai ana oie e na kanaka manaoio a pau i ke Kilo-aupuni Karistiano. Me ka poe kuokoa nui e noho nei i hoomalamalamaia, no lakou ke kulou ana mai no ka hooneeia ana o na mea keakea a me na hoino pilikino, e alakai aku auanei oia ma ke ala e hiki ole ai i ke poe hooponopono aupuni o keia wa, e ae mai ai e hakoko ma kekahi mau hooponopono hou.

 

Aia ka Pele iluna o Mauna Loa!

 

            Ua ikeia aku ke wena o ka ula o ka loa ahi o Mokuaweoweo maluna o ka piko o Mauna Loe i ka Poakolu, Augate 11, a ia wa koke no i lapalapa loa ae ai, me he mea la e hoomalamalama ana. Mai kahi mamao aku ma ke kai, e ike maopopoia aku ana no ka lapalapa a ka pele. Ma ka ike aku mai Waimea i ka po o ka la 11, me he mea la, aia kahi o ka uahi e punohu nui ana ma ka aoao e ku pololei ana i Hilo, a ina e hkohe ana ka pele, malia o iho au peha ilaila i ka ai aina. Aia malaila he elua mau manuwa, anoai na hooleleia aku la ko laua mau aliimoku e ike i na kahiko o ka Wahine o ka Loa. No ka poe puni makaikai pele, eia ka wa no lakou e hele ai i ike i na kahiko o ka Madama Pele

 

            I KEIA WA, ke akena a ke haanui nei kakou, he lahui Karistiano a malamalama ma ke ano hoomana a hooponopono aupuni. Ua hookiekie ia kahi mau ewe ponoi ma ka oihana laa a me na oihana hooponopono honua, aka, ua koe no nae paha iloko o ka naau malihini ke kanalua no ke ano Karistiano oiaio o kakou. He nui na hemahema e hakiloia mai ai ko kakou ano ma ka hoomana oiaio ana. Mawaena o ia mau kumu, e kela mai oukou no ka helu papa aku. Ke komo ana iloko o ka luakini e houwiuwi i na kamaa, ka noho ana me ke kuwai o na kapuai, ke kunu ikaika i ka wa e haiolelo ai, ka alala o na keiki liilii, ka lawe pu ia o na ilio iloko o ka luakini e aoa ai i kekahi manawa, ka hawanawana ano ole a me na mea ko ole i ke eehia o ka malama ana i ke kapu o ka hale laa, ka piuka o ka lani. Ke hele kakou e nana i ka halepule o na haole, ka poe i loihi ka hoomana ana, he ihiihi loa ko lakou malama ana i ka wa e komo ai i na anaina hoomana. Ina hookahi komo ana, aia he pau no ka pule ka puka hou iwaho. Aole nae pela ko kakou mau anaina, komo mai kekahi iwaena o ka wa pule, a puka aku mamua o ka hoopania ana o ke anaina. Aole paha i hana ka poe maoli i hookupono a paulele, aka he mana no nae ko lakou e hoomalu i ka poe o kela ano. E malama loa kakou i ko kakou mau kapuai i ke komo ana iloko o ka Hale o ke Ahikanana. He nui na hemahema e ae e hiki ke paipaiia e hooplolei, aka e manao iho oukou, na oukou e hoolawa aku.

            Eia nae ka hemahema nui loa o na Ekalesia Hawaii, o ka malama pono ole ia o ke ola o na Kahu Ekalesia. Aole hiki iki i na Ekalesia Hawaii ke hooko i ka lakou mau hoohiki mahope o ko lakou kahea ana i kahu no lakou. Aole i piha pono ka poho lima i na ekalesia hooko pololei e like me ka hoohiki. Nui loa na kahu i hoilihune loa ia ma ka uku pono ole ia o ko lakou mau uku makahiki. O kekahi mau kahu, he mau kahu ikaika loa, aka, aole nae i hanai pono ia. Ke halawai pinepine nei me makou na lono pilikia o na kahu no ka malama pono ole ia. Ke ike nei makou me na maka ponoi, eia ma keia kulanakauhale kekahi kahu ui hana ikaika, aka aie mau nae kona ekalesia i na makahiki hope mai nei. Nolaila makou e paipai aku nei, e malama pono kela a me keia Ekalesia i kona hoohiki iho. "E haawi i ke Akua ka ke Akua, a ia Kaisara ka Kaisara."

 

            KE HELE hou aku nei makou imua o ko makou poe heluhelu me ka peni i kauikauia i ka hoike aua aku, ua haalele mai la o Z. P. Poli, kekahi o na keonimana hanohano o keia kulanakauhale alii, i keia ola ana, ma ka hora 8 a me 10 paha minute o ke ahiahi Poakolu, Augate 18, i ke kanakolu kumamalima o kona mu makahiki. He kanaka oia i ikeia e keia pae aina holookoa, a ua nui hoi kona mau hoaloha a me na makamaka. Ua ku oia ma ke kuahu o ka Mea Mana Loa, he mau makahiki, Ua komo hoi iloko o ka Hale Kaukaoawai i ka 1872. He kumukula nui no na Kuia Apana o Koua nei a he koo ikaika no ka Ekalesia o Kaumakapili. I ka wa i hoi mai ai ka Moi mai Amerika mai, oia nei kekahi o ke Komite umikumamakolu nana i hookipa mai i ka Moi ma-uka nei o ka aina mailuna mai o ka moku Adimarala Amerika. No kopa ano a me kena noho ana, he lunakanawai kela a me keia mea nona iho, no ka mea, aole ia he kanaka nalo mai ka ike aku a ka lehulelehu. Ua waiho iho oia mahope nei, he wahine a me na keiki elua.

            Ma ka hora 3 o ka auina la Poaha, ua laweia mai kona kino kapapau mai ka home noho mai o Kapena Kaai me Koiuiu, Honolulu nei, a malamaia he anaina pule no kona kino maloko o ka luakini o Kaumakapili. Malaila aku, ua maneleia oia no ka iliua o Kawaiahao, kahi a kona kino lepo e waiho mai la. He ehiku wale no ua la o kona kea ana i ka mai fiva i awiliia me kekahi wahi mai okoa, a make aku ia. Aloha ino ka makamaka.

 

KA RAMA A ME KA MAKE.

 

            I ka hookolokoloia ana o kekahi hihia hoeha ma kekahi o na aha hookolokolo o Irelani, ua niuauie kekahi hoike no na kumu i ala mai ai ka hakaka, a ua pane mai eie penei : "Eha kiaha Ela." Heaha aku ? "Elua kiaha Waikeke." Heaha aku ? "Hookahi kiaha Barani. "Heaha aku ? "He hakaka." Heaha aku ? " He hoolewa."

 

NA HALAWAI A MOODY A ME SAN KEY.

 

            Iloko o na malama eha a kei amau haole kaulaua i ka haiolelo a me ka himeni i noho ai ma ke kulanakauhale o Ladana, ua hoikeia mai na wahi a laua i malama halawai ai, ka nui o na anaina a laua i hoohalawai ai a me ka poe i hele aku e hoolohe i ka laua mau olelo, oia keia malalo iho:

            Ma Camberwell, he kanaono ka noi o na halawai i malamaia malaila, a he 480,000 ka nui o ka poe i komo mai e hoolohe.

            Ma ka Hale Victoria, he kanaha kuma malima ka heluna o na halawai i malamaia, a he 40,000 ka nui o ka poe i hele mai e lohe.

            Ma ka Hale Opera, he kanaono ka nui o na halawai i malamaia maloko olaila, a he 330,000 ka nui o ka poe i hele mai e hoolohe.

            Ma ka Hale Bow, he kanaono ka nui o na halawai i malamaia maloko olaila, a he 60,000 ka heluna o ka poe i hele mai e lohe. Ma ka Hale o na mea Mahiai, he kanaono ka heluna o na halawai i malamaia maloko olaila, a he 720,000 ka nui o ka poe i hele mai e lohe.

            O ka nui o na dala i hooliloia no ke kapili ana, pai ana, kuene ana a me na mea like, he $140,000. Ua hoole nae laua i ka lawe ana i kekahi dala mai ka lima aku o na Komite.

 

KA EMEPERA WAHINE MAKUA.

 

            I ka hiki ana ae o ka Emepera o Rusia ma ka home noho o ka Amabasadoa o Rusia ma Berelina, ua holo aku ka Emepera wahine o Geremania maluna o ke kaa e ike i ka Emepera o Rusia. Ua kahiko iho ua Emepera wahine nei i ke ano lohe komo hou loa mai nei o parisa, he papale keokeo me ka pua keokeo maoli no a me ka lina keokeo a me ka uhi keokeo. Ua hoomaikai aku ka ahakanaka iaia me ka mahalo, a ua hoihoi mai oia i ka lakou hoomaikai me na kunou hoomau ana. O kona noho loihi ana ma Berelina a me kona lua ole ma ka hele ana e ike i na ahahui hana manawalea, ua hookumu ae ia i na manao mahalo no keia wahine alii, a hoopau aku la i na manao nune mamua. I kekahi mau ahiahi aku nei i hala, eu a la ia mamua o ka pau ana o ke anaina pule. O ka poe keia e noho kokoke aku ana ma kona mau aoao, ku ae la lakou iluna, a holo aku la kekahi keonimana e wehe wikiwiki i ka puka. Peahi mai la oia i kona lima a pane mai la me ka leo ikaika e lohe ia aku ai, " E malama oe i kou noho iho. He lala wale no au no keia anaina." No na kumu he nui, na kupono no iaia ke hoohukihuki ae ma ke ano alii. Iloko o kona wa e noho alii ana, a iloko o kona manawa e ola loihi ana, aole loa he wahi eleele o ka inoa ino maluna ona, oiai hoi kona kaikaina ponoi, na kaikoeke, na kaikunane kaikoeke, kana keiki hanauna a me kana kaikamahine hanauna, e wawa wale ia ana no ma na lehelehe. Ina aole i eo i ka Emepera wahine ae alohaia e kona mau makaainana, na eo nae iaia ka mahaloia no ka maemae o kona inoa, oia hoi ka mea makemake nui ia i keia mau hanauna e hele nei.

 

HAAKEI PILADELAPIA.

 

            Ua huli hope aku ke nupepa Legera o ke kulanakauhale o Piladelapia e nana i ka maikai o ke ola ana o na kanaka, i na malama mua o keia makahiki 1875, a ua akena ae, oia ke kulanakauhale maikai no ke ola kino. Ua pakui pu mai oia mahope o kona manao i ka heluna o ka poe ola loihi, a oia keia :

            Mailoko ae o ka haneri a me kanalima kumamalima kanaka i make iloko o na malama mua eono o keia makahiki 1875, no lakou na makahiki, ua hiki aku i ke kanawalu a oi aku kekahi, ua hoikeia mai ka nui penei : he 27 poe i make, ma ke 80 makahiki ; he 12 ma ke kanawalu kumamakahi makahiki ; he 17 ma ke kanawalu kumamalua ; he 12 ma ke kanawalu kumamekolu ; he 15 ma ke kanawalu kumamalima ; he 16 ma ke kanawalu kumamaono ; he 8 ma ke kaoawalu kumamahiku ; he 6 ma ke kanawalu kumamawalu ; he 4 ma ke kanawalu kumamaiwa ; he 8 ma ke kanaiwa ; he 5 ma kanaiwa kumamakahi ; he 2 ma ke kanaiwa kumamalua , he 3 ma ke kanaiwa kumamakolu ; he 2 ma ke kanaiwa kumamaha ; he 1 ma ke kanaiwa kumamalima ; he 1 ma ke kanaiwa kumamaono ; he 1 ma ke kanaiwa kumamaiwa ; he 2 ma ka haneri kumamalua ; he 1 ma ka haneri kumamawalu.

            Mailoko mai o ua wahine he 202 i make, eia iho ka poe o lakou i hiki aku i ke 80 a oi aku makahiki A he 34 ma ke 80 makahiki ; he 22 ma ke 81 ; he 21 ma ke 82 ; he 25 ma ke 83; he 15 ma ke 84 ; he 18 ma ke 85 ; he 12 ma ke 86 ; he 12 ma ke 87; he 15 ma ke 88; he 11 ma ke 89 ; he 9 ma ke 90 ; he 6 ma ke 91 ; he 4 ma ke 92; he 6 ma ke 93 ; he 4 ma ke 94; he 6 ma ke 95 ; he 1 ma ke 96 ; he 2 ma ke 97 ; he 3 ma ke 98; he 1 ma ke 99 ; he 2 ma ka 100 ; 1 ma ka 102 ; 1 ma ka 105

 

            Ua lohe mai makou, aia ma Wailuku i Maui kekahi poe puhi ohe, kupono no ina e aoia a makaukau, aole hoi ke puhi hemahema, e like me lakou i uniki hapa ai i mua o ke poo aupuni.

 

Palapala ano nui mai Molokai.

 

Ka Haiolelo a ke Keiki Alii.

 

            KAUNAKAKAI, AUG. 17.—J U K. Aloha. Ua loaa ia'u kau palapala i ke ano hu la ma ka hale noho o ka Hon. S. Kupihea ma Honomuni. Piha na hoa hele a pau o ke Keiki Ahi i ka hauoli ia hora oiai loaa like ia lakou na leta mai Honolulu mai ma ia hora hookahi no mai Kaunakakekai ae nei maluna o ka moko Mille i hoouna ia ae e R. W. Meyer.

            E kala mai ia'u, e hai pokole aku no ua mea e pili ana i ka huakai a ka Mea Kiekie ke Keiki Alii, mahope iho o ka la a'u i palapela aku ai ia oe. Poakolu la 11 o keia mahina, aole a makou hana ma ia la, aka, maia la nae i noho ai ke Keiki Alii a me kona poe hoa hele e noonoo no kahi e hele ai, a pau ka hoonohonoho ana. Poaha la 12 ma ka hora 6 A. M. haalele makou ia Kaunakakai no Palau ma ka hora 7 1/2 hiki makou malaila paina ka aina kakahiaka malaila, haalele ia Palaau no Maunaloa ma ka hora 9 A. M. hiki i luna oia mauna nona na ea huinui olualu maikai, i ka hora 11 A. M. hiki makou ilaila, ua piha ko makou ike ana i na aoao a pau o ka aina o Kalae, e ike ana makou i ka aoao hikina o ka mokupuni Oahu a waiho wale imua o makou mehe mea la e nee mai ana ka ua mea o ke kokoke, e ike ana hoi ia Maui o Kama a me Lanai a ke Aea ua hele mai la na a kokoke imna o makou oiai e ku aua makou i lona o Maunaloa. Haalele ia Maunaloa no Moomomi ma ka hora 12, e hoohuli ana i na lio i luna o ke kula o Moohalaia e nana ana hoi i ka waiho kahela mai a ke kula o Kaiolohia a me ke kula o Kaiolohia a me ke kula o Ula-kalaeloaikalepoakamakani, i ka waiho mai hoi a Keonelele me he kumoena la i hohola ia i ke kula o Papohaku. Aole hoi auanei oe e manao iho ia ike ana la, aia na wahi kanaka i ka huki a ka ihu o ka lio. Hiki ma Moomomi i ka hora 12 1/2, haalele ia laila ia hora no no Puupaneenee, e kiei ana i ka pali o kuu aina hanau hiki i laila i ka hora 3 P. M. loa mai la ia hele ana nana ia Kalupapa, alaila aloha ae au ia Mamalua i ka ike kumaka ana iho i ke one hanau o maua a elua, huli hope aku la ko'u noonoo nona e uwe aloha ana me he mea la aia wau i Honolulu ia manawa. Haalele ia Puupaneenee hora 3 1/2 P. M. no ka hale o R. W. Meyer, hiki malaila i ka hora 4 Pe M. malaila i luana ai i liuliu no ka paina awakea i hui pu me ka paina ahiahi. Pau ka paina ana haalele ia laila ano Kaunakakai hora 6 P. M. hiki ma Kaunakakai hora 8 Pe M. ke ike la no hoi paha oe, aole i maa mau na wahi kanaka i ka hololio mau he kaa ka mea mau ia laua. Hiki ma Kaunakakai, lele i lalo aohe eha a koe aku o na uha i ka luaiele ia e ka lio ma keia huakai.

            Kakahiaka ae Poalima la 13, haalele ia Kaunakakai no Kaluaaha hora 9 A. M. hiki ma Kaluaaha hora 12 A. M. hiki loa ma kehi o Kaluapihaole paina malaila ka aina awakea, nui na mea ai, ua hoonau makou i ka lokomaikai o ia keiki lala-wai o Molokai nei, ke ike la no hoi paha oe i na wahi kanaka o kahi o oukou ke hoonau la i na pona ono a pau, ua ike aku la oe. Haolele ia Kupepe hora 2 P. M. no Lanikaula ma Halawa ma ia holo ana i leila, aole au i hiki noho au i Honomuni ma kahi o Kupihea e hooponopono me Kupihea no ka hoi ana mai. Haalele ia Halawa hora 4 P. M. no Honomuni hiki ilaila hora 5 1/4, moe malaila ma ka hale o Kpuihe. Poaono la 14, haalele ia honomuni no Kaluaaha ma ka hora 11, haiolelo ma ka hora 12, ke Keiki Alii W. Pe Leleiohoku, Hon. J. Moanauli A Kalauli Esq , Mr. Hamauku, Hon. D. W. Kaiue, Hon. S. K. Kupihea. Pau ka Haiolelo ma ka hora 2 a me 20 minute, paina ma ka hale o Nutona. Haalele ia Kaluaaha no Kaunakakai horaa 4, hiki i Kaunakakai i ka hora 7 1/2 P. M. Sabati Augate 15, hoomaha ia la, keia la hoomaha hou no, i nehinei hoomaha no he hookelekele waapa nae ka haua oia la, o kahi kanaka J. M. ke Kapena.

            Oia ka moolelo o ko makou mau la ma Molokai nei. Aia ma ka Poalima e holo ai makou i Kalaupapa maluna o Neti ke hoi mai, mai Oahu mai. A ma ka Poaloa ae o keia pule e hoi aku ai makou.

A. KALAULI.

 

            [ Na ka Leta malalo nei e hoike mai i ka moolelo o ka la, a me ka haiolelo a ke Keiki Alii, mai ka peni mai a J W Mahelona Poohea, mea kakau no keia pepa.]

            Ma ka hora 12 ponoi o ke awakea Poaono, oia ka la 14 o Augate nei, ua akoakoa ae na makaainaua maloko o ka luakini Hoole Pope ma Kaluaaha, e hoolohe i ka haiolelo a ke Keiki Alii, e like me ka mea i hoolahaia. Ua hiki mai no ka hapakolu o na kanaka o Molokai nei, he ekolu paha haneri a oi ae o na kanaka i hiki ae e hoolohe i ka leo Alii.

            ( Aole i koho mai ka huakai alii ia'u i kakauolelo no na mea e pili aua i keia hana kiekie ; aka, ma ko'u ano he mea kakau nupepa, ua hai e aku la au i ka lono ia oe, a i hewa au e kala mai )

            Ma ka nana aku i keia haiolelo a ua Lani alii nei, ua kalae ka lani, aole he mea e keakea mai i na makeainana no ko lakou hele e hoolohe i ka haiolelo, a e ike hoi i na helehelena nani maikai o ke Keiki Alii o

            " Nani hinu maikai ka ili o ka laau,

            1 ka milo-a o ka Puulena me ka Moani."

            I kona komo ana mai iloko o ka puka o ka luakini, ku like ae la na makaainana a pau iluna e hoike i ko lakou aloha a me ko lakou hoohaahaa ana ia lakou iho imua ona. A hoomaka oia e ku ilona, (neo malie iho la ke anaina holookoa.) I kona ko ana i ka haiolelo, ua ku pu ae la na Hoa Hanonano ma kona aoao hema, a o Robt. Newton ma Kona aoao Akau. A hoike mai la i ka mua o kana olelo penei :

            "Ua hoonuaia mai Au e Ko'u Kaikuaana ka Moi o kakou, a e hoike aku hoi i Kona makemake nui e launa oluolu me na makaainana o Molokai nei, a e hoike aku i ka Makia o Kona Noho Aupuni ana."

            Ma kana haiolelo ana i ike pono aku ai au i ke ano noi-i o kana kamaililo ana, a me he kamailio ana la na ke kanaka ua oo, nona na makahiki piha he 50 a oi aku. A e hiki no au e hoike aku i ka lehulehu holookoa ma na mea nui o kana haiolelo, ina oia ka pololei loa, oia keia, he wahi olelo nane:

            1—Ua kaa mai na pohaku paa o ka pali a hui me ka iliili o ke kahawai. (2 ) Ua hui aku hoi na A-la o ke kahawai me na iliili o ke kahawai.

            Ma ko'u noonoo akahele ana iho i ke ano e keia mau wahi nane, ina o ka oiaio ia, a ina aole e kala mai ia'u.

            (a) Ua pau oa kapu o na ahi i ka wa kahiko, a ua hui aku hui mai ma ka, Ainoa, na kane, na wahine, a me na keiki, na'lii a me na makaainana, ka poe kiekie me ka poe haahaa loa.

            (e) Ua hui na alii me na makaainana, ka poe hanohano me ka ilihune, &c.

            2—Wehewehe mai oia i ke ano o ka noho aupuni ana o Kamehameha 1. O ka makia o ke aupuni o Kamehameha 1, "He Mamalahoa kanawai." E hele ka elemakule a moe i ke ala, e hele ka luahine a moe i ke ala, e ku malie ka pu—ko a hina i ke ala, pela no ka ahui maia a pala ku i ke ala. I kona noho aupuni ana, ua haawi ae la oia i kona aupuni, a me kona Lahuikanaka no ke Akua o ka lani kiekie loa. A make oia, ili ae la ke aupuni i kekahi o kana keiki, oia o Liholiho I.

            3—Ke ano o ka noho aupuni ana o Kamehameha II. Aohe makia o kona noho aupuni ana. Eia kana, o ka Ainoa, oia hoi ke koi ana mai a na misionari e huli i ka pono a lilo oia i Alii maikai, aka ua hoopanee oia i kona ae aku i elima makahiki ka loihi, aole i hala ia mau makahiki elima a make aku la oia ; a ili ae la ka noho aupuni ana i a Kauikeaouli kona kaikaina.

            4.—Ke ano o ka noho aupuni ana o Kamehameha III. O ka makia o kona aupuni, (o ka pono) oia hoi keia. O ke kanaka pono, oia ko'u kanaka a pela aku. (2) He aupuni palapala ok'u aupuni. He Moi naauao keia, nana no i kau kanawai me na Alii, a me na hoa hanohano no kona aupuni i ka A D 1852 ; nana no i haawi i pono no na makaainana, oia hoi ke kuleana ana o kela kanaka keia kanaka i aina nona ponoi. A kokoke oia e make, hoopuka ae la oia i kana olelo kaulana loa. " Ua mau ka ea o ka aina i ka pono." Ua lilo ia i olelo kumu no keia aupuni Hawaii a make oia, a ili ae la ke aupuni ia Liholiho II.

            5—Ke ano o ka noho aupuni ana o Kamehameha IV. O ka makia hookahi no ia o kona noho aupuni ana, (o ka pono) He mau hana kaulana no kana i hana'i i kona wa i noho aupuni ai. (1) Kona kukulu ana i ka Hale Mai Moi Wahine. (2) O ka holo ana o ka biula wai i o a ia nei iwaena o ke Kulanakauhale o Honolulu. (3) O ka hoomaka ana o ka oihana kalepa mai Hawaii nei aku a hiki i Amerika Huipuia ; a make aku la oia, aole oia i hoolaha ae i ka hooilina Moi.

            6.—Ke ano o ka noho aupuni ana o Kamehamea V. Aohe makia o kona noho aupuni ana. Eia ka mea nui i hana ia e ia i kona noho aupuni ana ; o kona kauoha ana mai i mau elele e hele aku e hui pu me ia ma ka hoololiana i ke Kumukanawai a Kamehameha III i kau ai, ia manawa no hoi i oni paa'i ka oihana kalepa a pela aku. Make aku la oia, aole no i hoolahaia ka hooilina Moi, aka ma ka lokahi o na puuwai o ka Lehuikanaka, oia hoi o ka lokahi o ka leo o na makaainana, ua noho Alii ae la o W. C. Lunalilo a lilo oia i Moi.

            7—Ke ano o ka noho aupuni ana o Lunalilo. Aohe makia o kona noho aupuni ana, oiai, aole i loihi kona noho aupuni ana, a aole no hoi oia i hooponopono i ke aupuni a make aku la oi, oia ano hookahi aku la no, aole i hoolaha i ka hooilina Moi.

            8.—Ke ano o ka noho aupuni ana o D. Kalakaui. He mea weliweli loa na'u ke hoike aku ia oukou e na makaainana o maua.

            Eia ke ano o koua noho aupuni ana. Ua noho oia me ka lokahi ole o na manao o na makaainana. Ua noho oia mamuli o ka hoomanawanui o na Lunamakaainana, na hahauia ke kua o na 'lii i ka laau, a ua inu i ka wai awaawa ke noho Moi ana o Kalakaua. Ua ikeia heia ano i ka wa o Kamehameha I. O ka makia o kona noho aupuni ana, oia keia. (He hooulu Lahui ke aupuni o Kalakaua.) Ua kauoha mai oia e hoike aku ia oukou, aka, ua puka no ma na nupepa o kakou, aole no a'u mea nui e hoike aku ai, aka he wahi mea kepili wale ae no paha ka'u. Ua ike ia paha keia mea he Hooulu Lahui i ka wa o Kamehameha I, ina e ma-i wahine ka wahine, alaila, o ka hookaawale ka pono a hiki i ka wa ola o ia ma-i, alaila, e pono kakou e noonoo i na mea e paa'i na puka liu o keia moku. Eia ke moku o ka Lahuikanaka, ke kokoke nei e poho a nalowale loa.

            I ka wa e holo ana ka moku ma ka moana, heaha ka hana a ke Kapena i kona wa e ike ai i na puka liu o kona moku ? Eia ka pono, e makaaia ia. Pela ko kakou Moi ke manao nei oia e pani i na puka liu o kona lahui.

            Ua hilinaiia ka noonoo ana i na kumu i emi ai keia lahui, a ua ike ia uo ma na nupepa o kakou.

            E hoike wale aku no hoi au i ka'u mau wahi komo i emi ai keia lahui.

            1.—O ka molowa. Ninau ? Heaha ka molowa ? Haina pili. He hale paahana uo ke Diabalo, ma ia komo no i hiki ole ai na Anetina o koua kino ke hooikaika ae.

            2.—O ka hope o ka molowa. O ka pakela ai.

            3.—O ka hope o ka pakela ai. O ka palaualelo.

            Eia ke ano o keia mau kumu. I ka wa e piha ai ka opu o ke kanaka i ka'i, o ka molowa mai la no ia, a nui kona molowa, hele aku la oia ma ka puka aniani e moe ai, no ka wela i ka maona i ka ai, a pii mai ka hou o ke kanaka, i kona moe ana malaila, komo mai no ka ea o waho ma na puka o kona huluhulu a hui pu me ka ea paa o kona kino, i kona wa e hana mau ai pela, alala e komo no ke anu o ka ea owaho a iloko o ka iwi, na a—a, na io, a inoino mai ke koko, o ka hope oia, he fiva, a o ka make no ka hope.

            4.—O ka malama i ka ilio. Ua kupeleia a momona ka ilio a mohai aku i mea ai na na Haku alii o oukou. Ua ike au i kekahi wahi e havai ana i ke keiki ilio, a hookaawale i ke keiki kanaka ma kahi-e, i ka wa e uwe mai ana o ke keiki i ka waiu, aia hoi e hanai ana kela ua waiu nei i ke keiki ilio. Kupanaha kela hana a oukou e na wahine.

            Eia ka hewa o ka ilio, i ka wa e mahuahua'i o ka ilio, o ka hele o ka ilio i kauhale a palu aku i ke kanaka i loaa i ka mai pake, pili mai no kona pala-he-he i kona alelo a me kona haae, a i kona hoi ana mai i kona kahu, o ka palu mai la no ia, a i ole ia, pu-a aku la ke kahu i ka ai, pili mai la kela mai i no ia ia, a pau pu laua elua ia haawina hookahi. Nolaila, ke paipai ikaika aku nei au ia oukou e ua makaainana.

            E na makaiinana, E o'u pokii, e ka I, e ka Pelena, e ka Mahi, e noonoo kakou i na kumu e emi nei o keia lahui, a e noonoo kakou i na kumu e hiki ai ke hooulu i keia lahui. Me ke aloha ia oukou.

            Na kokua no ka Haiolelo a ke Keiki Alii. J. Moanauli, A. Kalauli Esq. Hon. D. W. Kaine, Hon. S. K. Kupihea, John. Ha nauku, Rev E. Kekoa, Rev S. Paulo.-Hookuuia me ka pule.

            Aole au e hoike pakahi aku i ka lakou mau haiolelo piha no keia. He mahalo piha wale no i ka lakou mau hoike akeakamai, pili no ka haiolelo no-ii a ke Keiki Alii Leleiohoku. Me ka mahalo.

 

NA MOI O NA HANA.

 

            O na haku o na Hana, aohe a lakou mau hana maalea. Ua hana maikai maoli aku no lakou i ka lehulehu me ke akamai a me ka oluolu.

            Eia ka olelo a A T Steward, kekahi o na haole waiwai loa o Amerika Huipuia i kona wa e kamailio ana me kekahi o kona hoaloha:

            Ke hele mai nei na kanaka e ninau ia'u, heaha la ka mea huna i holomua ai au ma ka'u hana iho. Aohe a'u mea huna. Hoike aku no au ia lakou ; o ka'u hana ua kukuluia maluna o ke kahua mai ka houmaka ana mai. Ina aole i hookomoia ka Rula Gula iloko o na kalepa ana, alaila, ua hookomoia no ia ma keia hale hana, kahi a ka poe kuai a pau i hana maikaiia aku ai. O ka'u i mea aku la, oia hoi, o ka mua loa, o ka hana hookuhihewa ole aku a mai noho a huna i kekahi wahi hewa. Alaila, kauia ke kumukuai no naa mea a pau, ahiki i ka waiwai kumukuai haaha loa.

            Alaila, ma keia hana ana, aole loa e inoino ka pana ana o ka manao o mea kuai mai a me ka mea nana e kuai aku. I ko makou hoohana ana i oa poe i hoolimalimaia, pela no i hoolawa likeia'i ka haoa pololei. Aole au i hoopuka aku nei i keia ma ke ano e hapai ana ia'u iho. Aka, ua loaa nae ia makou, oia maoli ka oiaio. O ka hale hana e like me keia, aole loa e kuai loihi ma i haneia ma ke ano e ae. O ka makou mea mua loa e hoomanao ai, o ka malama loa i ke kahua kahi i kukuloia'i

            Ma ke ao holookua a puni, aole au i manao, e loaa ana kekahi hale kuai he kanaha makahiki o ke ku ana ina e kukulu hale ole ia maluna o ke kahua, e haawi i ka waiwai i like ka makepono me ke dala i hooliloia mai.

            Ma ke awakea Poaloa iho nei, ua ku mai ka moku o ka Adimarala Beritania Kokarane (Cockrane) ma ka nuku o Mamala, mai Hanalei, Kauai mai. Ua ku keia moku ma Hanalei he mau la, a huli hoi mai nei. E ku ana oia maanei, he mau la he umi paha a oi aku, alaila, holo aku ma kahi a kona aliimoku kiekie e makemake ai.