Ka Nupepa Kuokoa, Volume XIV, Number 37, 11 September 1875 — Page 4

This text was transcribed by:	Robert Y. Lee
This work is dedicated to:	Robert Yen and Rosemarie Loque Lee and Lopaka

KA NUPEPA KUOKOA, ME KE AU OKOA I HUIIA.

HE HIMENI

IESUS IS OUR SHEPHRD

Golden Chain p 41.

Iesu no ke Kahu,

Kahu k@i mau,

Paa ma kona lima,

Mai makau kakou.

Pu@ ia ia

Nana e alakai,

Ma ka wao nahele,

Ma ke kula l@

Iesu no ke Kahu,

Hea nahe mai,

Lohe a ukali,

A hauoli ae,

I na ao mai oia,

Ao malie no,

Kala no ke mihi,

Nona no kakou.

Iesu no ke Kahu,

Kahu maikai @,

Haawii i kona ola

No na hipa nei,

Hea i na inoa,

Hooailopa no

I ole a auwana,

A lilo i ka po.

Iesu no ke Kahu,

Nana e pale @,

I koonei mau ino,

I koonei makau,

Ia ia e paulele,

A kii ia mai

Nana e kai aku

I ke ao maikai.

Hawaii.

HAAWINA KULA SABATL

HHLU 13. SABATI, SEPAT. 26.

KUMUHANA-Hoi i hope. Hooleia lesu

PAUKU BAIBALA-IOANE 11:47-53

47 ¶ Alaila hoakoakoa ae la na kahuna nui, a me na Parisaio i ka ahaolelo, i ae la lakou, Heaha ka kakou e hana'i? no ka mea, ua hana keia kanaka i na hana mana he nui no.

48 lna e waiho wale aku kakou ia ia pela, e manaoio auanei na kanaka a pau ia ia; a e hele mai ko Roma, a e luku i ko kakou wahi a me ko kokou lahuikanaka.

49 O kekahi o lakou, o Kaiapa, oia ke kahuna nui i kela makahiki, i aku la ia lakou, Aole maopopo iki ia oukou.

50 Aole hoi oukou i manao, he pono no kakou e make kekahi kanaka no na kanaka, aole hoi e lukuia ka lahuikanaka a pau.

51 Aole nana iho keia mea ana i olelo mai ai; aka, e noho kahuna nui ana ia i kela makahiki, wanana ae ia ia, e make o Iesu no ka lahuikanaka.

52 Aole nae no ia lahuikanaka wale no, aka, i houluulu mai ai hoi ia i na keiki a ke Akua, i @o liilii aku ai, iloko o ka hookahi.

53 Mai ia manawa mai, kuka pu iho la lakou e pepehi ia ia.

Pauku Gula. "Ua hoowahawahaia oia a haaleleia hoi ia e na kanaka; He kanaka eha, a, ua ike, hoi oia i ka popilikia."

Isaia 53:3

Mele. Him. 9@. 8. Leo-

Ua iho mai, mai kela ao,

Ke Lii Pookela, pomaikai;

Ka makamaka ka mahao,

Ua noho malihini mai.

Ua ili@ @ ano e

Kipaku pu ko lalo nei,

A me @

Pule hoomaikai i ke Akua, no na pono i loaa mai iloko o keia hapaha, na pono kino, pono uhane; pono kula &c.

NA NINAU A KE KAHU.

P 47. Heaha keia ahaolelo a na kahuna nui me na Parisaio i hoakoakoa ae ai ? Ka aha hookolokolo nui, i kapaia. Ka Sanederima he 70 lala. Ka aha kiekie loa keia o na Iudaio, aole aha oi aku. No keaha ka hoakoakoa ana ? E kuka no ka lakau e hana'i ia Iesu. Makau lakou i ka nui loa o na hana mana a Iesu i hana'i.

P 48. Heaha ke kumu o ko lakou makau ? O pau ola ka na kanaka i ka manaoio, a i ka hahai ia Iesu, a hele mai ko Roma i luku i ko lakou lahuikanaka ! He kumu oiaio anei keia ? Aole makau lakou o nele i ka mana ole. Lili lakou ia Iesu no ka hele nui o kanaka mamuli ona a e waiho wale ia'na lakou. Ua @ ia Iesu no kona hoohewa ana ia lakou, a i ka lakou mau hana

P 49,50. Kaieha. Owaiia? Heaha kana olelo? olelo naaupo @ ka oukou i ike, pono ke make kanaka no na kanaka i ole e lukuia ka lahuikanaka a pau. @ono ana ia lakou e pepehi ia Iesu, Makemake anei lakou e make @? Ae. No keaha ? No ka mea he enemi la no lakou e hoahewa ana i ka lakou mau hana hewa. A pehea oukon ? oluolu anei ia Iesu ? Makemake anei e make oia no kona papa ana i ko oukou mau hewa.

P 51-53. He kanaka hewa kai aha, wanana no nae. Heaha kana wanana ? Ua akaka anei ia ia ke ano o keia wanana ? Aole paha, Ua hoolilo ke Akua i kona mauhuaolelo i wanana no ko Iesu make ana i mea e ola'i na kanaka, owai kekahi kaula hoopunipuni, ua oiaio nae kana mau wanana ? Pehea Paulo ma I Kor. 13:2? Lilo keia mau olelo a Kaiapa i mea aha ? Hewa loa keia ahaolelo i ka hookomokono ia e Kaiapa ke kahuna nui e pepehi i ka mea hewa ole. Owai ka poe like i keia wa? Make koke anei Iesu ? Pakele ma ke aha ? Pehea ka loihi a hookoia ko lakou makemake ? E huli i ike. Pakele anei lakou i ka luku ia e ko Roma ?

Mele. Him. 438, 8-7. Leo-Malawaina.

Mai ka lani iho mai la

O Iesu e imi mai

I na uhane hele hewa,

Ia ia lakou e ola'i,

Lokomaikai wale kela,

Lohe ole ko ke ao,

Ukiuki wale ia ia,

Kue i ke Ola mau.

Na makua. Ma ka hoi hope keia mau ninau ? Na hana mana a lesu. Heaha ka maa ? Ka hoolilo ana i ka wai i waina. Mar. 2. Owai lesu ma Kinohi ? A lilo ka L@ga i ana? He mea mana anei ia ? a he mea pohihihi hoi ? Hai mai i ka pauku gula mua, l Tim. 3:16.

Na keiki. Heaha ka lua o na hana mana a Iesu ? Kona kipaku ana i ke lehulehu iwaho o ka luakini no ke kuai pono ole ana. Hahau oia ia lakou me ke kaula ; huhu ea. A pehea ? aole anei i huhu Iesu ia oukou ke hana pono ole iloko o ka luakini a iloko o ke Kula Sabati ?

Heaha hoi ke kolu o na hana maua ? Ko Iesu hoola koke ana i kekahi keiki mai a ane make. He alii kona makua. Mok. 4. Hiki anei ia Iesu ke hoola ia oukou ke mai? A mai na keiki heaha ke pono o na makua? Pule anei ko oukou mau makua no oukou ke mai ? A pule anei oukou no oukou iho ke loaa ka mai ?

Na makua. Heaha ka ha o na hana mana a lesu ? Hai mai i ke kanaka i mai he 38 makahiki e kali ana e hoolaia mahea ? ma ke aha nae oia i hoolaia'i ? Owai ka inoa o kela wai auau ? Owai ko kakou Betesaida ? Owai na mai, a me na hale malumalu ?

Na keiki. Ka lima o na hana mana a Iesu heaha ? Ko Iesu hanai ana i na tausani ehia me na popo berena ehia ? me na ia liilii ehia ? Ai lakou a maona, a ehia hinai i piha i ke koena ai ? I na pololi oukou na wai e hoomaona ? Hai mai Isaia 55:1. Hele Iesu i kekahi manawa maluna o ka ili wai aole i pa holo. he hana mana anei ia ?

Hai mai i ka Iesu hana ana i kekahi makapo ma ka mok 9-Ma ke aha kona ike ana ? Ma ka wai aha oia i auau ai a ike ? Owai ko kakou Siloama ? Pehea oukou e ike ai ?

Mele. Him. 134. 8-6. Leo.

He punawai i weheia'e,

Ke koko o lesu,

Malaila no e pau loa ai

Na hewa o ke ao.

Owau no hoi, na hewa e,

A paumaele no,

Malaila wau e auau ai

I maemae pu no au.

Na makua. Hookahi hana mana i koe a Iesu i hana'i a hoala i ka akiuki loa o na Parisaiao me na kahuna nui a imi lakou e pepehi ia ia, heaha ia hana mana ? Hai mai i kekahi mau olelo paipai no Iesu. E aha oukou i ke keikihipa a ka Akua ? E nana 'ku ia ia i mea aha ?

Na keiki. Heaha ka Iesu olelo no ka hanau hou ana ? Hai mai Ioane 3:5. A ua hoohanau hou ia anei oukou ? Heaha na hua na ka uhane ? Oia anei na hua a oukou e hoohua mai nei ? Hai mai Ioane 3:16. Owai ka berena e olali ? Owai ka pa hipa ? Ka puka ? ke kahuhipa maikai ? na hipa na keiki hipa ? Heaha ka pomaikai o na hipa me na keikihipa ?

Mele Ka Iesu @ au. H@ Hoonani p. 4.

Pule no ka hapaha e hiki mai ana, i mahuahua na haumana i nui ka poe huli mai a ola ia lesu.

HAAWINA Kula SABATI, Oct. 3. Ioane 12:23-38, Pauku Gula, Pauku 32.

HAWAII.

HOOULU LAHUI.

E ka Lunahooponopono- Aloha oe

Ke KOKOKE mai nei na la e koho ai kakou @u, Lunamakaainana no kakou, @ he @ pono ia kakou ina he poe aloha aina, a aloha lahui ke noonoo pu mai i na kumu e pani ai i ka puka liu nui o keia lahui e emi aku nei oia hoi ka make. Ina kakou o ka poe opiopio o keia mau la e k@ohi iki iho i na papa hele i ka nui o na kanaka Hawaii i lawe ia aku iloko o keia mau mahahiki @ kanakolu ma kela @i o ka honua nei, aole o kana mai He @ hoi nana e hoo@lulu i kela a me keia kanaka ikaika, a nana hoi e ume mai i na waimake a ke aloha, mai ka puuwai oolea mai i ike ole i nei mea he aloha, e like ala me ko (Rikeke Ill 'la o Pelekane) ka puuwai i ike ole i nei mea he aloha, ke noho iho a noonoo i ka nalo wale loa aku o kona lahui, a aole paha e hala na makahiki he kanakolu ko kakou ike ana he kanaka Hawaii maoli kekahi ma na kapakai, a Papa a me Wakea i noho ai.

Nolaila ua ili nui mai maluna o kakou Hawaii Ponoi a pau, ke kuleana nui e nooonoo ai, i ka mea e oki iki mai ai o na make, a e mohuahua iki aku ai o na hanau a me ka hoopakele ana i na hanau, mahope iho o ka hanau ana, a e ko ai hoi na olelo ano nui a ko kakou "Moi," oia hoi ka Hooulu i ka Lahui. Ma ka manao mue ua noonoo wale au, ina paha e hookaawale ana ka Ahaolelo o keia kau i haawina dala Hale Mai, a kukulu ia i elua hale mai no Maui, a i ekolu no Hawaii a elua no Kauai, a ua lawa no hoi ka mokupuni o Oahu i na hale mai, alaila paha paa iki mai na make, mamua o ka uku ana o ke aupuni i na kauka kaahele e like me nei mamua.

No ka mea, aole loa e hiki i ke kauka kaahele ke lapaau i ka poe mai ana e hele ai e nana, oiai he wahi manawa pokole wale no kona e halawai ai me na mai, a o ka hele aku ala no ia. Nolaila, ua maopopo ole i ua kauka nei na wahi o ka io o ka mai i waiho ai, a ua haawi wale no oia ina laau lapaau, i kupono i na mea e hahai ia mai e ka mai ma ia manawa, aole oia wale, eia hou no, mahope iho o ka nalo aua aku o ua kauka nei pau ae la ka hoolohe ana o ka mai i kana mau kanawai e pili ana i ka laau, a ua ike paha ka mai, a oi lo a aku manua o ke kupono, a i ole ua hele paha a ua hoaa hou i ke anu, a pela aku, a i ole hoi hoea ana keia wahi kauka wahahee, a lilo hau aku la i Puna i ke au a Kahewahewa, a ina he hale mai, alaila e paa pono ana ka mai malalo o ka malu o ke kauka, oiai o ka malama ana i neia mea o ka mai, ua like no ia me ka malama ana i ke keiki iluna ke alo. Eia hoi keia humu pono ole, he kakaikahi loa na kanaka i hiki ke hoolimalima i neia mea he kauka, oiai o ka hapanui o keia lahui he haiki kahi waihona, no ka mea, ua like no na kauka me na loio, aia a nui kahi uku alaila hooikaika iki ia ma la kou wahi pono, no ka mea i na i kii ia aku ua kauka aupuni nei o ka iala pahi mai la no ia i na ala, aole i kana mai, nolaila makau ke kanaka i papau o kahi eke, a o ka hepena e lilo ana i ua kahuna wahahee a o ke noho pu wale iho no a make me ka lapaau ole ia. A nolaila aole waiwai o ka lahui i na kauka aupuni kaahele. Ina e ku ana keia mau Halemai e like me na wehewehe maluna, alaila he nui no hoi na wahi kahuna maoli akamai o kakou i koe e noho mai nei i ike i na laau lapaau kahiko o Hawaii nei e hiki ai ke kokua pu i ua mau kauka la ma ka lapaau ana i na mai. Pau keia e hoi ae kakou e nana i ka manao elua, oia hoi na hanau. He lehulehu wale na keiki e hoomahuahua ai i ko kakou lahui e hoola ia i na he hale kekahi o ke aupuni nana e malama. He hiki no ia kakou a pau ke hoomaopopo he mau tausani ola i kela a me keia makahiki e hoouna ia nei i kela aoao o ka honua mamuli o ke ume ia a hoohemahemaia, a i na la hoi he hale ko ke aupuni nana e malama (e like la me ke aupuni Farani) o pakele ai la hoi he elua hapakolu o keia poe. Nolaila ma kahi e ahauha wale ia nei na dala e ka Papa Ola no na kauka kaahele, a me na dala e uhauha wale ia nei e ka Papa Hoonaauao i mau hale kula nai no na kumu e noho ai e like me na 'lii a mau puapipi nui na ua poe luna nei o ka Papa Hoonaauao, i na e haawi ia ana no na Halemai a me na keiki kamehai, alaila e ike ana kakou i ka ula ana o ka lahui, a e waiwai ai hoi nei hoolilo ana a ke aupuni. Eia hou no keia mau dala e lulu make pono ai ke aupuni, i na e haawi ia ana kekahi uku makana i kela a keia kanaka Hawaii maoli e hiki ana ke hoike mai he mau keiki kana ua ola elima mai ka hoomaka ana o ke au o ko kakou "Moi Kalakaua I." Alaila he kumu keia e kono aku ai i kela a me keia mea e malama pono ia laua iho @ loaa na keiki, a e malama pu ai hoi i na keiki. Me keia e kaulana ai ko kakou @ na moolelo o keia hope aku a e hiki ole ai hoi ke holoi, a huna, mai na moolelo kaulana o ke ao nei. Olelo mai @ nei ka Papa Hoonaauao a me kona mau kokua he makemake kinai i ka pii ana o ka naauao keia mau hana, aole pela, owau o ka mea e kakau nei kekahi mea i akenui e pii ka naauao o ko'u lahui, aka hoi, aole au e hookuu aku i ka naapao e keakea mai i na mea e ola ai ka lahui, oiai o ke ola ka mea mua a ke @ alaila, e hiki ana ka naauao mahope aku. Eia no hoi, aole au e olelo ana o na kula a pau ke hoolilo ia i mau hale noia ano, no ka mea, he mau kula hoolila dala wale iho no kehahi e ku nei, me ke pomaikai ole. A aole o'u manao e holo ana ka naauao o Hawaii nei i hope i na ma kahi o kekahi mau kula nuii, e hana ia i mae kula apana liilii (a e emi pu mai ai no hoi o na lilo o ke aupuni) i oi pa no hoi a ke mea i makemake ia e na makua mea keiki. Eia no kekahi i na he mau kula apana ma kela wahi keia wahi, e oi aku ana ka ike e loaa i na keiki, he emi mai ka lilo a na makua, a me ke aupuni pu. Aka, luhi loa paha auanei ke Kahu Kulanui ? Eia no kekahi aole na mea a pau i hanauia he eke silika, he kue loa ia i ke ano kanaka, a me na kanawai o na mea kino. Eia ma ko kakou mau mokupuni he mau kula nui e lawa ai no na keiki a kakou a pau, a oi wale aku ; a ina he makemake ka makua e hoouna i ke keiki i na kula nui mahope iho o ka lawa pono ana o kona ike e hiki ai ke komo, alaila aia o Lahainaluaa, a me ka Punahou, a ua manao wale au i keia mau kula, a me kekahi mau kula e ae o Honolulu lawa. Alaila heaha iho la ka waiwai i kulanui ma Haleakala. Eia ka waiwai o keia kula he hoopomaikai i na pakeke o ka poe nana e alakai nei ia kula, a me na Luna o ua Papa Hoonaauao nei. O ka waiwai naauao i manao ia ai he ike i ka olelo Beritani, aole loa e loaa ia : oiai ua piha na makahiki eha i kekahi poe me ka hiki ole ke kakau pono a kamailio i ka olelo haole, a he wahahee, a he poe hoopili meaai (e like ala me ka mea nana i haa@eo@ ma ka nupepa haole Advertisir) i na luna o nei kole, a me ke Kahu Kulanui i ka olelo iho i ka holo o ka ike o neia kula. I na paha i olelo ia ae e lakou, eia ka hana ike loa a neia kula, o ka ho-a pipi, a uwi waiu alaila pololei, a ua pee ia keia mau hana, malalo ae o ka huaolelo kula ao hana, ka mau iki mai na wahi paikau, me he mea la o ka mea keia a na makua i makemake ai e ao ia ka lakou mau keiki, aole o'u ahewa i ka hana o ka ike ole wale no a na haumana ka'u mea i ahewa ia, ne ka mea, he mea maopopo ina e piha na makehiki ekolu a eha i kekahi keiki ke ao ia i ka olelo Beritania, e loaa ana iaia he wahi ike maikai e hiki ai iaia ke kamailio, a kekou me ka makaukau a pololei ; aka he hiki loa ia'u ke kamailio me ke kanalua ole, aole loa e hiki i na keiki o keia kula, ke kakau i wahi palapala a kamailio me ka pololei, ma na wahi olelo akaka wale no ma ka olelo Beritania ; oiai he mau palapala ka'u nana e hooiaio i keia mea i akaaka ia e kekahi poe haole, o ke dala nae e ke aupuni pu ; Auwe ! Auwe !! Oe e Hawaii | A hea la kaakaa mai kou mau maka, a waiho ae i mua o ka Ahaolelo i keia mea ; maanei e pau ka'u kamailio ana no ka pomaikai ole o keia kula.

Eia wale no ka manao hope, oiai no ke aupuni keia mau hale kula aole hoolilo hou ana aku i ke dala e kukulu i mau hale hou, a e haawi ae ka pono i keia mao hale kula i hale hoopomaikai e ulu ai ka lahui e like me na manao manua, a ina he makemake ko ka Papa Hoonaauao, a kona mau luna paha, i mau kula ao hana, e like me Haleakala, alaila, eia o Wm. Mofsman a me Akana liilii, ke hoala nei i wiliko na laua ma Makawao, a ua makemake laua e loaa ia laua na paahana makepono, he haole naauao Mofsman ma ka olelo Beretania, a he pake naauao o Akana liilii ma ka olele pake, a malie o hoohu mai laua i kula lima hana na laua, e ao i keia mau olelo elua, a me ke ano ao i ka mahiai ko ; oiai pela iho la paha, e lilo kupono ai na dala o ke aupuni i ka hoonaauao. Me ka mahalo.

Idoneus Homo.

Kaonoulu Kula Maui Sept. 1 1875.

I ka wa o ke Keiki Alii Ke Kuke o Connaught (oia ke Keikikane muli loa a Victoria,) e hele makakai ana i Aigupita, ua kipu aku ia me ka ohi pu mai i na ano manu oia aina, kupono no ka hoikeike ana, me ekolu Karokodaila nunui, hookahi o lakou, he 20 kapuai ka loihi.

He mai rumatica ikaika ko Generala Garipaladi, aka o kona umauma oia mau ikaika no, kona leo, oia mau moakaka no ke pane mai, a o kona maka, oia mau no ke ikaika o ka nana ana.

Ua manaoia, ina e helu hou ia ka nui o na kanaka o ka mokuaina o Nu Ioka, e hiki ana i ka 5,000,000 oiai he 4,328,957 ka nui o na kanaka i ka heluna kanaka nui ana iho nei o ka 1870. Ina e oiaio ana keia huina, alaila, o ke kumu, no ka holo nui mai o na kanaka o na aina e ae i Nu Ioka. Ma na kulanakauhale o Nu Ioka a me Barukalani, e hiki ana ko laua kanaka i ka 1,650,000.

Ma ka la 4 o Augate, ua hoopaneeia ka ahaolelo hoopaapaa o Farani, me ka manao e halawai hou i ka la 4 aenei o Novemaba

Ua hoopuka aenei ke aupuni o Tureke, he kanawai e ae ana, e hoolaha akea aku i ka baibala a puni ka aupuni.

Ma ka la 24 o Iulai, e hele ana kekahi Elele o Sepania mai Puerato Principe aku, Cuba no Guemora, me na lako kaua a me ka ai a me $150,000 ma ke gula, a i malama hele ia e hookahi haneri koa aupuni, aka halawai mai la lakou me 800 koa o ka poe kipi a hopuia iho la ka elele. He kanalima ka nui o na koa i make, me ka hui pu ana ia Kanela Suelches, ke aliikoa o ia poe. O ka nui o na kipi i poino, aole i hoikeia mai.

Ma ka po o ka 6 o Augate, ua uliaia e ka poino kekahi aa ahi ana Kile, ma ke alanui kaa ahi Santiago a me Valparaiso. I ka wa a ke kaa o ka hora 10:30 mai Valparaiso mai e a-a ae ana maluna o ke alahaka ma Limache, e haki iho ana kela alahaka a pau mai la na kaa e ae a pau me na kanaka paha he kanalima i ka haule iloko o ke muliwai, koe no ke kaa enekini a ma kona ukali. Ua oi aku mamua o ka hapalua o na ohua ka poe i make.

KO KALEPONI

LAAU KUNU OLA !

A ME KA MAI HANO.

He nui na Palapala mai na Haole e ae e hooiaio mai ana i ke

Ola io maoli o keia Laau Kunu a Hano.

O KEIA KA LAAU OLA A MR. F. L. SUCH NO NA MAI

MA KE

Ake-Mama, ka Ha o ka Leo,

Ke Anu, ke Kunu, kuna Kalea,

Na Eha a pau ma ka Puu.

E OLA NO HOI NA MAI HANO IKAIKA, KA UMII I KA HAUPO

A o ka poe Mai Ai-ake e loaa no ko oluolu nui ia lakou, ke ai i keia Laau.

NO LOKO MAI O NA LAU NAHELE KEIA LAAU, AOHE MEA INO O LOKO

NA KA POE E LAWE ANA E IKE I KA OIAIO.

Na Rula o ka inu ana.

No Kanaka Makua-2 puna nui, i ekolu inu ana i ka la.

No Kamalii-l puna nui, i ekolu inu ana i ka la.

No Kamalii Aiwaiu-l puna ti, i ekolu inu ana i ka la.

A ina e mau ana no ke koii o ke Kunu, inu iki no mawaena o na inu ana ekolu.

No ka hano-E inu i ka wa e hiki ai ka ho, a mahope iho.

No ke Aau-Aia no i ka wa e inu ai, o ka po a me ke ao.

No ka Puu Eha-E hoonui a e inu pinepine a hiki i ka emi o ka eha.

No ka Eheehe- E inu liilii me ka hana mau nae.

No ke Kunu Kalea-E inu no e like me ka ikaika o ke Kunu.

No ke Kaniai Eha-He pono inu no, a aole e @ o ka pau no ia o ka eha, a poha maikai ka leo.

E loaa no keia laau lapaau ma ka Hale Kuai o

DILLINGHAM & CO.,

Ahikoe Ano hou.

Ma ka Hale Kuai Mea Hao o Dillingham

& Co., e loaa ai keia Ahikoe maikai.

He Hookahi Tausani a me na Haneri keu no ka KENIKENI. Nani maoli no keia

Nuhou o ka Haole.

DILLINGHAM & CO.

709 @m 721 Alanui Ali

Lole Makepono ke Kuike !

E LOAA NO IA MA KAHI O

KAKELA ME KUKE,

E LAA NA

AHINAHINA,

KALOKOA,

KEOKEO,

LEPONALO,

Pena, Aila, Aniani,

Na Mea Piula,

Kopa, Aila Honua,

Aila Hoomaloo,

Kui Kakia, Pakeke,

Tabu, Kaula, Noho Lio,

Hulu-palaki, na Pulumi.

A he Agena no hoi no na Mokupuni o Hawaii nei no na

LAINAKINI-NAO,

LAINAKINI-MAOLI,

PALULE KALAKOA,

ALAPIA, KELEPA, KILISA,

Na Lola kupono i ka wawae,

Palule Huluhulu,

Na Lole Huluhulu,

Na Lola, no ka hoohehelo ana

Lipine, lihilihi, a me ia mea'ku

A HE

MAU KEA AI KAHI

Ka Palaoa, Kopaa,

Raiki, Pia, Hoohu,

Paakai, Huaala,

Eia Kalina, &c.

A HE

LAAU LAPAAU KAULANA LOA

A Dr. JAYNES,

Laau Kunu,

Laau Hoomaemae Koko,

Laau hoopau naio,

Penikila, Huaale,

A me na Laau Hamo, a pela'ku.

707 ly 759

EIA KA MANU HOU

HE BUKE MELE HOU NONA KA INOA

"ROBINA GULA,"

ua 110 ka nui o na mele haipule a hoonanea o keia Buke Hou.

He 15 keneta no ke kope, a i ole ia. he (10 no ka l@)

kope. E Kuai ia e (@ H. M. WINI.

NO KE KUAI

BERENA PAILATA

makepono.

BERENA PULUKAI

ai a ka Moa.

PAAKAI o KAKAAKO,

ma ke eke a tona paha.

WAHIE o ke ano maikai, oki a liilii ke makemake.

NA POHAKU, Pou.

KIMO PELEKANE

Jas. I. Dowsett.

Kihi o Alanui Moiwahine a me Papu. 7093m 721

KA B. H. LAIANA

LAAU LAPAAU AWILI OLA.

A o na mai ino, e laa ka

Rumatica,

Ka Hano,

Ka hui o ke kino,

Ke pohapoha o ka ili,

Nawaliwali o ke kino,

Na mai wahine,

Na mai o ka puu, ke ake a ma ka puuwai !

E nana i ke kukikuhi.

E loaa no ma ka Hale Kuai o

Dilinahama ma,

Agena.

Honolulu, Oct @, 1874. 70@ m 721

KA NUPEPA KUOKOA

E HOOPUKA MAU IA MA HONOLULU,

I KELA POAONO KEIA POAONO

$2.00 NO MA MAHINA Umikumamalua

$1.00 " " " Eono.

ME KA HOOKAA MUA MAI.

NA OLELO HOOLAHL-aole e oi mamua o 19 laina no ka hoopuka hookahi ana, $1.00 : elua puka ana $1.50 hookahi malama, $2,00. E UKU MUA ia mai ke dala o na Olele Holaha e hoounaia mai ana e pai.

O Na uku a Pau E Hookaa Mua Mai No—aole e kau ia ka inoa kekahi haole a kanaka maoli paha, ma ka inoa o ka poe lawe pepa ke ole e hookaa e mai @ E pono e hiipoli@ keia mau rula, no ka mea, he emi no ka auhau no keia nupepa.

AIA KE KEENA O "KE KUOKOA" MA KA

HALE LETA HOU.

H. M. WINI,

Luna Hoopuka.