Ka Nupepa Kuokoa, Volume XIV, Number 45, 6 November 1875 — Page 3
| This text was transcribed by: | Shaun Kamakea-young |
| This work is dedicated to: | Sadie Kaanoikula Young |
Ka Nupepa Kuokoa
KE KILOHANA POOKELA NO KA LAHUI HAWAII.
Na Hana Lealea o Lahaina no ka
la 16 o Novemaba.
Eia malalo iho nei ka palapala kuhikuhi o na hana lealea o Lahaina ma ka la hanau o ka Moi, e hiki mai ana i ka Poalua la 16 o keia malama:
1 Ma ka hora 12 o ka po mamua iho e hoonohoia ana he huakai kukui lamalama ma kahi o ke Kiaaina, a hele hookahakaha aku ma na alanui, me na pahu a me na pila, mahope iho o ka loheia ana o ke kani ana o na hele a pau o Lahaina nei, a me ke oeoe o ka mahu wiliko.
2 Ma ka hora 2 ae o ka wanaao e hoaia i 4 mau pauahi nui maluna o Kokaa, Paulaina, Kauaulu, Olowalu.
3 Ma ka hora 4 ae, e iho mai ana he huakai lamalama hou, me ka Hae Hawaii ma ke poo, a o ke Kiaaina kekahi iwaena konu, maluna o na lio pakahi, a ma ka hale hookolokolo e luana ai no ke kali ana i ke Kilauea.
4 Ma ka hora 6 ae o ke kakahiaka, e holo ana kekahi huakai maluna o na lio, me na lole loloa, papale loihi, ua hoonalowaleia na helehelena.
5 Hora 8 ae, he huakai maluan o na miula, me na pakini piula e hookakani hele ai, me ka pahu loihi me na huaolelo, E hele ma Wainee i ka hora 10 o keia la, Huro! Huro! E ola mau ka Moi Kalakaua,
6 Ma ka hora 10 ae, E weheia he anaina haipule no ka haiolelo a Rev. A Pali no ka la hanau o ka Moi.
7 Hora 12 ponoi, E haawiia he papaaina akea no ka lehulehu, ma ke kahua o Luaehu, a malaila, e haiolelo mai ai ke Kiaaina no ke ola o ka Ohana Moi.
8 Hora 2 auina la, he heihei heenalu, aole papa, ma na nalu o Uo, he 3 dala ka makana, ke hiki ke pae a i ka mouo i hoomakaukaia, he hapaha dala ka hookmo o ka poe makemake.
9 Hora 4 ahiahi, he Hui Kinipopo ma Mokuhinia, he 4 dala ka makana, i ka aoao i oi na puni, he 9 hoa o ka aoao 1, he hapaha dala ka hoo a na hoa pakahi, he hapalua ka na kapena, he 2 hora e paani ai.
10 Hora 6 ahiahi, e hele ana 8 mau kanaka maluna o na lio, me na kahiko ano e loa, ua hoonalowaleia na helehelena, hoomaka ana ma Leiaulani.
11 Hora 8 o ka po, E wehe ia ana he ahahulahula no ka lehulehu ma ka luakini bihopa ma Luaehu, he hapaha dala ka uku komo.
12 Hora 10 o ka po e heihei ana he mau kanaka aia i ka mea loaa mua o ke ahi iluna o Paupau, he pii waewae, he 5 dala makana, mai ka Hale Aupuni aku e hoomaka ai, he hapalua hookomo.
13 Hora 12 o ka po, E hookani puni na hale a pau o Lahaina me na mea hoopahupahu, ke lohe lakou i ka pu e kiia ana e kekahi mau luna. Oia ka palena pau o na lealea olioli kulaia no ka la hanau o ka Moi Kalakaua.
Eia na Komite imi i na hana lealea no ke kulaia la hanau.
R.W. Kawainui, T. Kaluakini
S. Kamohakau, P. Kahakauila
M. Palau, M. Kuaana
Laki no kahi Kaaka.
E KA NUPEPA KUOKOA E; Aloha oe:--
Aia ma ka Helu 33, o ke Kuokoa, ua ike au i ka mea i pane ia e J.N. Kikaha malalo o ke poo, He ake Oihana Aupuni, no ke noi ana o kekahi kumukula i na oihana aupuni ma o kekahi kanaka ʻ la i hilinai i ae ke aupuni, a ua hooko ia mai kekahi, a ke noho nei me ka hanohano no ia oihana, a i na paha e pau loa mai na oihana, aole i kana mai ua hanohano. Aole nae no ia ka ʻ u mea i olelo ae nei i ka laki e ike no ka lehulehu malalo iho nei, Penei.
I ka wa i hoopii ia ai ua o Kumukula e na makua mea keiki no ka maikai ole o kana malama ana i na keiki, a me ka hoohana ana ia lakou, ua palapala koke aku ua o Kumukula i kekahi o na hoa o ka Papa Kula, e hooikaika ma ka hoopaa ana ia ia (o pau auanei manukina loa,) a i na e paa ia, alaila, e lilo ua o Kumukula i Luna Paipai Balota nona (L.K. Apana) hoa o ka Papa Kula, oiai o na L.K. Apana nei o makou kekahi e hoeu balota Lunamakaainana ana no keia kau ahaolelo ae o kakou.
A loaa aku la ua leta nei, olu kela. A i ka la i noho ai o ka Papa e nana no na hoopii la a na makua, ua hooikaika io no ua o L.K.A. a ke paa hou nei no ua o Kumukula ma ia wahi, a mahope iho, ua hai akea mai la na hoa nei o ka Papa o Kumukula ko ʻ u luna hooikaika balota no keia kau ae, a nolaila wau i olelo ai i ka laki o ua wahi Kaaka nei. Aole no i pau ka laki, i na aku no ua oihana hou au a hiki mai, he Makalei ka hoi ua Kaaka he laau on a ia e ka oihana.
O ka apu awa no a ko makuahunowai ka mea malama, no ka mea aia ilaila ka waiwai a me ka ole, ka pomaikai e ili hou mai ana a me ka ole. A ina e puka ana ka L.M. a ua o Kumukula, alaila hele kela i ka Ahaolelo lilo i ua o Kumukula ka oihana a ka L.K. ana e malama nei a pau na malama Ahaolelo, hoi mai ka L.M. me na oihana i koe ana, a ke kilo nana poho lima i hoike ai, na oihana hoi e moe ole ia aku nei o ka po. O keia mau oihana iho la ka ʻ u i olelo ai maluna i ka laki nui o na wahi Kaaka Kumukula nei.
P.K. MOHO
Puna, Hawaii, Oct 16, 1875.
Kuai Malakeke.
E KA NUPEPA KUOKOA E. Aloha oe:--
Ma kekahi wiliko o Makawao nei, na kuaiia he iwakalua kumamalima pahu malakeke, a laweia i Maliko, me na olelo hoonalonalo, e hooili ma ka moku Kinau, aka, aole nae i hanaia pela, ua waihoia no nae, a hoi aku la ka moku. aia nae ma ka po o ka la 22 iho nei, elua kaa nana i kii, i hoolimalimaia e ka poe nana ua poe pahu la, a laweia a hiki ma Kaupakulua; ma kahi o Kule, he 10 pahu, a ia Kanehoalani 5 pahu, a ia Kalakaua 6 paha, a 4 hoi pahu ia Naha. O keia poe pahu malakeke i kuaiia, he mea puhi okolehao, i mea kuai a hoohainu aku i kanaka.
Eia nae ka mea aka i ua poe kanaka kuai malakeke nei, i ka lohe ana no e hele mai ana ka hao e Makai o Wailuku, e huli i ua poe pahu malakeke la, o ka haalele koke iho la no ia o Kule a me Kalakaua, i ka hana a ka Hui o Haiku, ua oki oe i holokiki ana me na kipikua a me na kopala, i mea e eli ai i na lua a hna i ka laua poe pahu iloko o ka lepo.
O keia poe kanaka i haiia ae la maluna, o lakou ke kiekie o ka poe hoohainu okolehao ma Kaupakulua nei; a o ka poe makai hoi. eia no lakou ke inu pu nei, a o kahi Lunamakai hoi, he palaleha wale iho no, a nolaila, kupinai mau na leo pilikia ma ka Apana o Makawao nei.
Eia hou no ua pepehi kanaka, a pepehi hoomainoino no hoi, a ua ola no nae; a he haole hana mea make iho. Ku ke ahua o ua mea he hana lealea; luku aku luku mai. "paupau la he aa ko ka Apana o Makawao."
He leo kahea kupono keia i ke Aupuni, e aui ae ai oia a paipai mai i ka Lunakanawai, ka Lunamakai a me na makai, e kinai i keia ahi nui e a nei, a e hooko pono ia ke Kanawai, o pau loa ae hoi auanei na wahi hunahuna kanaka kakaikahi i koe e ola nei. Aloha ino.
J. KAHULULIO.
Makawao, Oct 26, 1875
OLELO HOOLAHA.
EIA iloko o ka Pa Aupuni Koholaloa Apana o Honolulu na Lio e kuai Kudala ia ana ke hiki aku i ka la 20 o Nov. hora 12 awakea Poaono, oia ke ano a me ka hao kuni Lio k. ulaula laekea nui a hiki i ka ihu, i w keokeo 2 kapuai hao mau keokeo uuku ma na aoao AK P.K. hem. L.H. Lio k. eleele wiwi aole ike ia kona hao.
B H. KAHANANUI.
727 1ts Luna Pa Aupuni
E IKE auanei na kanaka a pau ke pili, owau o ka mea nona ka inoa malalo, ua hoolimalima au i kela aina o PUELELU, ma Molokai, ma ka Mea Hanohano J O Dominis, a nolaila, ua kapuia keia aina o Puelelu i na mea a pau e komohewa ae; a ua hoonoho au ia SIMONA (k), no Honomuni, oia kuu Luna a me kuu hope, nana no e malama a e hooponopono i ua aina la malalo o ʻ u.
ABR. FORNANDER.
Lahaina, Nov. 2, 1875
E IKE auanei na kanaka a pau, mai ka la 7 aku o Novemaba nei, a mahope aku, ke papa a hookapu loa ia aku nei ka poe i kuleana ole maluna o ka Ili aina o Kaluapulu, Kalihi, Oahu, aole e hele wale a lawe i na mea a pau o luna iho. Ke hookapu pu ia aku nei no hoi na holoholona o na ano a pau, aole e komo wale.
D.P. ELDREDGE.
Agena no Paakuku
Honolulu, Nov. 7, 1875 7274t* 730
Hoolaha Lunahooponopono
Waiwai.
KE HOIKE aku nei ka mea nona ka inoa malalo iho i na kanaka a pau, ua hoopukaia mai iaia e ka Hon. C.C. HARRIS kekahi L.K. Kiekie na palapala lunahooponopono waiwai me ka palapala hoilina e pii ana no ka waiwai o D. W. Olepau i make no Honolulu, a oiai ua ae oia ia haawiia ana mai, nolaila ke kauoha aku nei oia i ka poe a pau he mau koina ko lakou i ka mea i make e hoike koke mai me na hooiaio kupono ma kkona Keena Hana ma Alanui Kaahumanu, Honolulu, a o ka poe a pau i aie iaia e hookaa koke mai maia wahi hookahi.
GODFREY RHODES,
Luanahooponopono Waiwai o D.W. Olepau i make.
Honolulu, Nov. la 5, makahiki 1875. 727 4tt 730
AINA WAIWAI NUI!
KE KUAIIA ANA.
I KULIKE AI ME KA OLELO HOOHOLO A ka Aha Kiekie i hoopukaia ma ka la 30 o Okatoba M.H. 1873, e kuai kudala aku no au ma ke akea, mamua iho o ke alapii o ka Hale Hookolokolo o Honolulu ma ka la 27 o Novemaba A D 1875, i ka hora 12 awakea, i keia Apana aina e waiho la ma Palolo, Oahu. nona na eka he 148; he aina kalo kekahi hapa a ua kuhikuhiia na palena ma ka Palapala SIla Helu 4498, e like me keia:
Apana 2---He Lele o Wailupe.--kula me ke kuahiwi o Palolo. E hoomaka ana ke kihi HIk. e hele ana Hema 33 1/2˚ Kom. i 6.74 kl. ma ka palena o na kuleana; malaila aku Ak. 49˚ Kom. 113.00 kl. ma ka pa pohaku o Keauweloa; malaila aku Hema 50˚ Hik. 113.30 kl. ma ka palena o Kapuhi, a hiki i ka hoomaka ana. 8 736-1000 Eka.
Apana 3---Eha loi moelle iloko o Wailupe, Palolo. E hoomaka ana ke kihi Hik. e holo ana Ak. 42 1/2˚ Kom. 166 kl. ma ka palena o Kapuhi; malaila aku Hema 48˚ Kom. 7.00kl. ma ka palena o na kuleana; malaila aku Hema 47˚ Hik 1.00 kl. ma ka pa o Kauweloa; malaila aku Ak. 46 1/2˚ Hik. 7.00kl. ma ka palena o na kuleana, a hiki i kahi i hoomaka ʻ i. 581-1000 Eka.
Apana 4---Ili o Wailue Palolo. He kaika, he kula a he kuahiwi. E hoomaka ana ma ke kihi Hema, e hele ana Ak. 62 1/2˚ HIk. 5.50 kl. ma palena ili o Kekio; maaila aku ak 15˚ Hik 2.40 kl. ma ka palena o Kululoa; malaila aku Ak. 3.60 kl, malaila aku Ak. 49˚ Hik. 9.50 kl. ma ka palena o Kaululoa; malail aku Ak. 27˚ HIk. 3.40 kl. ka palena o Kaululoa; malaila aku Ak. 65˚ Kom. 1.50 kl malaila aku Ak. 14˚ Kom. 33.30 kl ma ka palena o Pukele: malaila aku Ak, 50˚ Kom. 25.00 kl. a hiki ma ka puu i kuahiwi; malaila aku Hema 8˚ Kom. 52.50 kl. ma ke kuahiwi palena o Manoa; malail aku Hema 59˚ Hik. 24.30 kl ma ka palena ili o Kapuhi a hiki i ka hoomaka ana He 134 Eka.
Apana 5---He Kula Koloa i loko o Wailupe, Palolo, Oahu. E hoomaka ana ma ke kii Hema; e hele ana Ak. 17˚ KOm. 7.88 kl. ma ka palena kula o Pukelekai; malaila Ak 41˚ Hik. 6.20 kl. ma kahawai; malaila kau Hema 83˚ Hik. 4.80 kl ma ka palena o Kokio; malaila aku Hema 30˚ Kom. 13.20 kl ma ka palena o Kekio a hiki i ka hoomaka ana. 5 87-1000 Eka
KUIKE KE DALA
J. PORTER GREEN
727 4ts 730 Lunahooponopono o Palekaluhi
E ike na mea a pau ke nana mai i keia, mai keia la aku, aole loa au e hookaa i kekahi aie i kakauia ma ko'u inoa, ke ole ia na'u, a ke ole ma ka'u kauoha.
J. KAUHI.
Kikihale, Honolulu, Okat. 23, 1875
O wau o Keohoku ke kane mare a Kainaikaawa ke kauoha aku nei au ia oukou e ka poe waiwai mai hoaie mai oukou iaia, o poho oukou, aole au e hookaa aku ana ia oukou i kona aie, ua haalele mai kela ia'u, ua lilo aku i ke kane manuahi i ka mea e lealea ai ke kaunu ana o ka po, ua koe kapakahiia mai au.
S. KEOHOKU
Hilo, Oct 19, 1875 726 3t˚
E ike auanei na kanaka a pau ma keia palapala. Owau o ka mea nona ka inoa malalo, ke hoolaha aku nei au no KEANINI k, ka'u kane mare no kana mau hana pono ole i'au iloko o na la o ko maua hui ana malalo o ka berita mare e like me na mea i hoike ia malalo. 1 Ale ona malama ia'u i ka ai a me ka ia. 2 Aole ona hoolako i mau aahu no'u, ke noho ilihune nei au. 3 Aole ona kukulu i hale no maua, i punana no maua e hoomoe ai malia o haule iho ka hua loaa hoi ka makia aupuni. 4 He hele oia ma kona makemake a hoi mai hoopilikia wale mai no i ko'u. No keia mau hana pono ole a kuu kane, ua manao e hoopii, aole nae e hiki no ka lako ole i ke dala koina a me ka uku Loio. Ina oia e hoopii ana ia'u no keia kaawale ana o maua, mai manao mai ua luna aupuni he oiaio kana hoopii ke hoole iho nei au. Ua ike ae la oukou i ka hana awaawa a kuu kane, he aikane paha keia na Ahuna. E aloha auanei a nui hiki ole i ka hapai. KAUILA w.
Wailua, Kauai. Oct. 21, 1875 726 3t˚ 728
E ike auanei na kanaka a pau, o kela ano keia ano, ke nana mai lakou, Owau o ka mea nona ka inoa malalo iho, ke kaikamahine a Ihumai (k) o Wailuku, Maui, ke hoike aku nei au ma ke Akea, e hele mai kela me keia e makemake ana e hoolimalima a kuai paha, e kamailio pu me a'u, no kekahi mau apana aina o kou makuakane e waiho ma Wailuku, Maui, nona ke kuleana Helu 2502. A palapala Sila nui Helu 5973, e paa nei ma Kuu lima. A owau no hoi ka mea mana ma ke Kanawai aole o kekahi poe e ae. A o keia mau apana aina i hoike ia maluna. Aia ilokoo ka ili aina o Holua me Waikaninui i Wailuku, Maui. A e loaa no au ma Koholaloa, Honolulu, Oahu, Na Mrs. Nahau w. 726 4ts* 729
HOOLAHA HOOKOLOKOLO.
AHA HOOKOLOKOLO Kaapuni Apana Eha o ko Hawaii Pae Aina ma ka waiwai o FRANZ BERTLEMANN o Koloa Kaua i make. Ma ke keena imua o ka Hon. D. MCBRYDE. He noi e aponoia na koina.
Ma ka waiho a me ka heluheluia ana i ke noi a Cars@ Bertlemann, LUnahooponopono o ka waiwai o Franz Bertlemann o Koloa, Kauai i make, e hoike ana i kekahi mau koina no ka waiwai me ka hoike mai i ka papa kuhikuhi waiwai e pili pu ana. i hoomaloha a maona ia i aponoia a ke noi mai nei e koho i ia e manaia ai ka moowaiwai a aponoia e ka Aha.
Ke kauoha aku nei o ka Poaono, la 29 o Novemaba A.D. 1875 i ka hora 10 A.M. imua o ia Lunakanawai ma ke Keena, ma ka Hale Hookolokolo ma Wahiawa, Kauai, oia ka la a me kahi i kohoia no na kanaka a pau i pili a hele mai ai e hoike loa paha he kumu e apono oleia ai ke noi. A e hoolahaia keia kauoha ma ka olelo Enelani a me Hawaii iloko o na nupepa Gazette a me ke Kuokoa, he mau nupepa i paiia a hoolahaia ma Honolulu, no ekolu hebedoma mamua ae o ia wal.
Kakauia ma Wahiawa. H.P.A. i keia la 26 o Okatoba A.D. 1875 DUNCAN MCBRYDE
AHA Kaapuni o ko Hawaii Pae Aina, ma ka hooponopono waiwai. Mokupuni o Kauai, Hawaii Pae Aina SS. ma ka waiwai o KELIIHELEOLE k, o Kipu, Lihue i make. Olelo kauoha, e kono ana i ia e hooiaio ai ka palapala kauoha a no ka hoolaha ana.
No ka mea, ma ka la 3 o Sepatemaba M H 1875, ua waiho ia mai imua o ka Aha kekahi palapala i oleloia, oia no ke kauoha hope loa a Keliiheleole, i make aku la, a me ka palapala hoopii e noi ana, e hooiaioia kela palapala kauoha, a e hoopuka hoi ka palapala luna hooko no Hana w. Nolaila, ua kauohaia, o ka Poaono oia ka la 30 0 Novemaba MH 1875, ma ka hora 10 kakahiaka, ma ka rumi hookolokolo o ia Aha, ma Wahiawa, Kauai. oia ka la a me ka hora e hooiaioia'i ia palapala kauoha, a e hoolohe hoi no ia noi ana mai, a me ka poe a pau i pili e kue ana ia palapala kauoha, a me ka hoopuka ana i ka palapala Lunahooko. A ua kauoha hooia, e hoolaha no ia mea no na pule ekolu, iloko o ke Kuokoa, he nupepa i paiia a hoolahaia ma Honolulu.
Kakauia ma Wahiawa, ko Hawaii P A Okat, 26, 1875
DUNCAN MCBRYDE
737 3ts 729 Lunakanawai Kaapuni Apana Eha.
Aha Hookolokolo Kaapuni o ko Hawaii Pae aina ma ka hooponopono waiwai ma ka waiwai o D. KAUKAHA, o Hanalei i make kauoha ole. I mua o ka Lunakanawai D. MCBryde. Olelo kauoha e hoolaha aku no ke noi ana mai e koho i Lunahoopnopono Waiwai.
Ma ka heluhelu a me ka waiho ana mai o ka palapla noi a Isaaka H. Kahilinu, o Anahola, e hoike mai ana, o D. Kaukaha, no Hanlei, ua make kauoha ole ma Waiole, Hanalei ma ka la 10 o Iulai MH 1875, a e noiana, e haawi ia ka palapala hookohu Lunahooponopono Waiwai ia laaka H. Kahilimu. Ua kauohaia, o ka POakolu, ka la 24 o Novemaba MH 1875, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena hookolokolo o keia aha, ma Hanalei a ma ia manawa ama ia wahi no e hele mai ai na mea a pau i pili, e hoike mai i ke k umu, ina he kumu oiaio ko lakou e ae oleia ai ua noi la. A o kela olelo kauoha, e hoolahaia ma ka olelo Hawaii, i ekolu pule ma ke Kuokoa, nupepa ma Honolulu.
Kakauia ma Wahiawa, ko Hawaii P A 26, Oct. M H 1875
DUNCAN MCBRYDE.
127 2ts 729 Lunakanawai Kaapuni Apana Eha.
Ma ke Keena o ka lunakanawai Kaapuni Apana Elua ko Hawaii Pae Aina, Ma ka waiwai o HENRY COPP, no Makawao, Maui i make.
Ua heluheluia a ua waihoia ka palapala noi a HW Daniels & Chas. Copp, na Lunahooko i ka palapala kauoha hope loa a Henry Copp o Makawao, Maui HPA i make, e noi ana e hoaponoia ko laua moowaiwai, a e hoihoi ka waiwai i na Kahu o na keiki o ka mea make, a e hookuu ia laua mai ka oihana. Nolaila, ke kauohaia aku nei na kanaka a pau, ke pili o ka Poaha, oia ka la 25 o Novemaba 1875, ma ka hora 11 kakahiaka, ma ka Hale Hookolokolo ma Wailuku, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER.
Lunakanawai Kaapuni Apana Elua H P A
Lahaina Nov. 3, 1875 727 3ts 729
Aha Hookolokolo Kiekie o ko Hawaii Pae Aina, Ma ka hooponopono waiwai. ma ka waiwai o MOOLAu k. o Koolaupono i make kauoha ole. I mua o ka Lunakanawai Chas. C Harris. Olelo kauoha, e hoolaha'ku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapla noi a Kamaha k, no Kailua Oahu, e hoik mai ana o Moolau k, no Koolaupoko, ua make kauoha ole ma Kailua ma ka la o Iune MH 1875, a e noiana e haawiia ka Palapala Hookohu Lunahooponopono Waiwai ia Kamaha k, o Kailua, Koolaupoko, Oahu. Ua kauohaia, o ka Poakahi, ka la 15 o Novemaba Mh 1875 oia ka manawa i kohoia no ka hoolohe ana i ua noi la, i mua o ua Lunakanawai la, ma ke Keena Hookolokolo o keia aha, ma Honolulu, a ma ia manawa a ma ia wahi no, e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha e hoolahaia ma ka olelo Hawaii, i ekolu pule ma ke Kuokoa, nupepa ma Honolulu.
Kakauia ma HOnolulu ko Hawaii P Aina Oct 23, 1875.
CHAS C. HARRIS,
Ikea: Luna kanwai o ka Aha Kiekie.
Jno. E Barnard, Hope Kakauolelo 726 3ts 728
AHA HOOKOLOKOLO KIEKIE O KO HAWAII PAE AINA Ma ka hooponopono waiwai ma ka Hana o ka waiwai o JOHN SHAW o Honolulu Oahu i make, ma ke Keena, imua o ka Hon, A F Judd. Kauoha e hoolaha i ke noi, e apono i na papa hoike, hookuu ana, a e mahele i ka waiwai.
Ma ka heluhelu a me ka waiho ana mai o ka palapala noi a me ka papa hoike a SB Dole a me E Shaw, na Luna Hooponopono o ka waiwai o John Shaw no HOnolulu i make, e noi ana, e aponoia na hoolilo he $1,280.90, a e hoike ana, o na mea i loaa mai ia laua he $1,280.90, a e noi ana e nana a aponoia kela mau mea, a e kauoha ia e mahele i na waiwai e waiho ana ma ko laua lima i na mea i kuleana malaila, a e hookuu ana ia laua a me ko laua mau hope mai ko lakou noho ana ma ia ano.
Ua kauohaia o ka Poalua ka la 30 o Novemaba M H 1875, ma ka hora 10 o kakahiaka, imua o ua Lunakanawai la ma ke keena, ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua noi la a me na papa hoike i oleloia, a o ka poe a pau i pili malaila e hele mai a e hoike i ke k umu, ina he kumu io ko lakou e ae ole ia ai ua noi la. a malaila e hoike mai ai na hoike o na mea i kuleana malokoo ka waiwai i oleloia. A o keia kauoha ma ka olelo Enelani a me Hawaii, e paiia maloko o ka nupepa Kuokoa & Gazette he mau nupepa i paiia a hoolahaia ma Honolulu i ekolu pule mamua ae o ka manawa i oleloia no ka hoolohe ana.
Kakauia ma Honolulu ko Hawaii P A Oct 26, 1875
A. FRANCIS JUDD,
Ikea: Lunakanawai o ka Aha Kiekie
Walter R Seal, Kakauolelo 726 3ts 728
AHA Hookolokolo Kiekie o ko Hawaii Pae aina, ma ka hoopnopono waiwai, ma ka waiwai o KAIAIKAWAHA k, o Waialua i make kauoha ole. Imua o ka Lunakanawai Hon. C.C. Harris Olelo kauoha e hoolaha aku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapala noi a Ioane Kaiaikawa k, o Waialua, e hoike mai ana o Kaiaikawaha, no Waialua, uamake kauoha ole ma Kamananui, ma ka la 12 o Iulai MH 1866, ma Kamananui, Wailua mokupuni o Oahu, a e noi ana, e haawiia ka Palapala Hookohu Lunahooponopono Waiwai Ia Ioane Kaiaikawaha. Ua kauohaia, o ka Poakahi ka la 15 o Novemaba MH 1875, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no, e hele mai ai na mea a pau i pili, e hoike mai i ke kumu, ina he kumu oiaio ko lakou, e ae oleia ai ua noi la, a o keia olelo kauoha, e hoolahaia ma ka olelo Hawaii i ekolu pule ma ke Kuokoa, nupepa ma Honolulu.
Kakauia ma HOnolulu ko Hawaii P A Oct 25, M H 1875
CHAS C. HARRIS
Ikea: Lunakanawai o ka Aha Kiekie
Walter R Seal, Kakauolelo 726 3t 723
Aha Hookolokolo Kiekie o ko Hawaii Pae aina, ma ke kau o Okatoba 1875. hoopii hooki mare, Lorenzo Marchant kue ia Hattie P Marchant, Poakolu, Okatoba 20, 1875.
Ma ka hoopii hooki mare maluna ae ke hoolaha ia aku nei ano, o ka hipuuo ka makalamonio o ka mare, ua holo ka pono ma ka aoao o Lorenzo Marchant, no ka moekolohe o Hattie P. Marchant, a e hookaawale loa mahope iho o ka pau ana o na malama eono, i kulike ai me keia hoolah, aia wale no ka hooleia a hii mai ke ahi kue.
A ua kauohaia ka mea hoopii e hoolaha i ke kope oiaio o keia kauoha maloko o ka Hawaiian Gaett a me ke Kuokoa, no eono mau hebedoma, he mau nupepa i paiia a hoolahaia ma Honolulu nei. o ka hoolaha mua ana maloko o hookahi mama mai ka la aku o ke kauohaia ana, i hiki ai i ka poe i kuleana iloko o keia hihia iloko o na malama eono ke hoike mai, ina paha he kumu e hooleia ai keia hooki ana.
`Na ka Aha:- Walter R Seal, Kakauolelo Aha Kiekie, ke hoike aku nei au, o na olelo maluna ae, oia o ke kope oiaio o ke kauoha ma ka hihia maluna ae, e waiho nei ma ka papa o ke Kakauolelo o ka Aha Kiekie o ko HPA, i hoike no keia, ke kau nei au i ko'u lima ame ke Sila o ka Aha Kiekie i keia la 23 o Okatoba, AD 1875 ma Honolulu
WLADER R SEAL,
726 6s 731 Kakauolelo
Ma ke Keena o ka LUnakanawai Kaapuni Aupuni Ekolu o ko Hawaii Pae aina. Ma ka waiwai o KELIIKOA k, o Waiomao, Kau, Hawaii, i make.
Ua heluhelu a ua waiho la ka palapala noi a Kauhao w, e noi ana e hoonoho ia o L.R. Mccumber i lunahooponopono no na waiwai o Keliikoa k. o Waiomao, Kau Hwaii HPA i make. Nolaila ke kauoha ia aku no na kanaka a pau ke pili o ka Poaha oia ka la 23 o NOvemaba MH 1875, ma ka hora 9 o kakahiaka ma ka Ha Hookolokolo ma Waiohinu Kau oia ka la a me kahi i koho ia no ka hoolohe ana i ua nonoi la a me na mea kue ke hoike ia.
F S LYMAN
Lunakanawai Kaapuni Apana Ekolu
Hilo, Hawaii, Oct. 13, 1875
Ma ke Keena o ka Lunakanawai Kaapuni Apana Ekolu, ko Hawaii Pae Aina. Ma ka waiwai o S KALAIKOA k o Waiohinu Kau Hawaii i make.
Ua heluheluia a ua waiho la ka palapala noi a Kupa w, e noi ana e hoonohoia oia i Lunahooponopono no na waiwai a S Kalaikoa k o Waiohinu, Kau, Hawaii HPA i make. Nolaila, ke kauoha ia aku nei na kanaka a apau ke pili o ka Poaha oia ka la 23 o Novemaba MH 1875 ma ka hora 9, o kakahiaka, ma ka Hale Hookolokolo ma Waiohinu, Kau oia ka la a me kahi i koho i ano ka hoolohe ana i ua nonoi la a me na mea kue ke hoike la.
F S LYMAN.
Lunakanwai Kaapuni Apana Ekolu
Hilo, Hawaii, Oct. 13 1875
Ma ke Keena o ka LUnakanawai Kaapuni Apana Ekolu, ko Hawaii Pae Aina. Ma kawaiwai o MAKUAOLE o Ninole, Kau, Hawaii i make.
Ua heluheluia a ua waiho ia ka palapala noi a L R Macumber, e noi ana e hooholo ia ka waiwai o Makuaole k. o Ninole, Kau, Hawaii, HPA i make, i na hooilina a e hookuuia ka LUnahooponopono. Nolaila, ke kauoha ia aku nei na kanaka a pau ke pili, o ka Poaha, oia a la 23 o Novemaba, MH 1875, ma ka hora 9 o kakahiaka, ma ka Hale Hookolokolo ma Waiohinu, Kau, oia ka la a me kahi i koho ia no ka hoolohe ana i ua nonoi la a me na mea kue ke hoike ia.
FS LYMAN
Lunakanawai Kaapuni Apana Ekolu
Hilo, Oct 13, 1875
Ma ke Keena o ka Lunakanawai Kaapuni Apana Ekolu, ko Hawaii Pae Aina Ma ka wiawai o KUAANA k o Nakapauku, Kau, Hawaii i make.
Ua heluheluia a ua waihoia ka palapala noi o LR Macumber, e noi ana, e hooholoia ka waiwai o Kuaana k, o Nakapauku, Kau, Hawaii HPA i make, i na hooilina a e hookuuia ka Lunahooponopono. Nolaila, ke kauoha aku nei na kanaka a pau ke pili, o ka Poaha, oia ka la 25 o NOvemaba MH 1875, ma ka hora 9 o kakahiaka ma ka Hale Hookolokolo ma Waiohinu Kau oia ka la ame kahi i kohoia no ka hoolohe ana i ua nonoi la a me na mea kue ke hoikeia.
F S LYMAN
Lunakanawai Kaapuni Apana Ekolu
Hilo, Oct 13, 1875
Ma ke Keena o ka Lunakanawai Kaapuni Apana Ekolu, ko Hawaii Pae Aina Ma ka wiawai o KEPIO k o Kiolakaa, Kau, Hawaii i make.
Ua heluheluia a ua waihoia ka palapala noi o LR Macumber, e noi ana, e hooholoia ka waiwai o Kepio k, o Nakapauku, Kau, Hawaii HPA i make, i na hooilina a e hookuuia ka Lunahooponopono. Nolaila, ke kauoha aku nei na kanaka a pau ke pili, o ka Poaha, oia ka la 25 o NOvemaba MH 1875, ma ka hora 9 o kakahiaka ma ka Hale Hookolokolo ma Waiohinu Kau oia ka la ame kahi i kohoia no ka hoolohe ana i ua nonoi la a me na mea kue ke hoikeia.
F S LYMAN
Lunakanawai Kaapuni Apana Ekolu
Hilo, Oct 13, 1875
Ma ke Keena o ka Lunakanawai Kaapuni Apana Ekolu, ko Hawaii Pae Aina Ma ka wiawai o NAWAHIE k o Waiohinu, Kau, Hawaii i make.
Ua heluheluia a ua waihoia ka palapala noi o L R Macumber, e noi ana, e hooholoia ka waiwai o NAWAHIE k, o Waiohinu, Kau, Hawaii HPA i make, i na hooilina a e hookuuia ka Lunahooponopono. Nolaila, ke kauoha aku nei na kanaka a pau ke pili, o ka Poaha, oia ka la 25 o NOvemaba MH 1875, ma ka hora 9 o kakahiaka ma ka Hale Hookolokolo ma Waiohinu Kau oia ka la ame kahi i kohoia no ka hoolohe ana i ua nonoi la a me na mea kue ke hoikeia.
F S LYMAN
Lunakanawai Kaapuni Apana Ekolu
Hilo, Oct 13, 1875
Ma ke Keena o ka Lunakanawai Kaapuni Apana Ekolu, ko Hawaii Pae Aina Ma ka wiawai o MANO k o Ninole, Kau, Hawaii i make.
Ua heluheluia a ua waihoia ka palapala noi o L R Macumber, e noi ana, e hooholoia ka waiwai o Mano k, o Ninole, Kau, Hawaii HPA i make, i na hooilina a e hookuuia ka Lunahooponopono. Nolaila, ke kauoha aku nei na kanaka a pau ke pili, o ka Poaha, oia ka la 25 o NOvemaba MH 1875, ma ka hora 9 o kakahiaka ma ka Hale Hookolokolo ma Waiohinu Kau oia ka la ame kahi i kohoia no ka hoolohe ana i ua nonoi la a me na mea kue ke hoikeia.
F S LYMAN
Lunakanawai Kaapuni Apana Ekolu
Hilo, Oct 13, 1875
Ma ke Keena o ka Lunakanawai Kaapuni Apana Ekolu, ko Hawaii Pae Aina Ma ka wiawai o KAMAKAIWA k o Keaiwa, Kau, Hawaii i make.
Ua heluheluia a ua waihoia ka palapala noi o L R Macumber, e noi ana, e hooholoia ka waiwai o Kamakaiwa k, o Keaiwa, Kau, Hawaii HPA i make, i na hooilina a e hookuuia ka Lunahooponopono. Nolaila, ke kauoha aku nei na kanaka a pau ke pili, o ka Poaha, oia ka la 25 o NOvemaba MH 1875, ma ka hora 9 o kakahiaka ma ka Hale Hookolokolo ma Waiohinu Kau oia ka la ame kahi i kohoia no ka hoolohe ana i ua nonoi la a me na mea kue ke hoikeia.
F S LYMAN
Lunakanawai Kaapuni Apana Ekolu
Hilo, Oct 13, 1875
Ma ke Keena o ka Lunakanawai Kaapuni Apana Ekolu, ko Hawaii Pae Aina Ma ka wiawai o NAKAPA k o Papohaku, Kau, Hawaii i make.
Ua heluheluia a ua waihoia ka palapala noi o L R Macumber, e noi ana, e hooholoia ka waiwai o Nakapa k, o Papohaku, Kau, Hawaii HPA i make, i na hooilina a e hookuuia ka Lunahooponopono. Nolaila, ke kauoha aku nei na kanaka a pau ke pili, o ka Poaha, oia ka la 25 o NOvemaba MH 1875, ma ka hora 9 o kakahiaka ma ka Hale Hookolokolo ma Waiohinu Kau oia ka la ame kahi i kohoia no ka hoolohe ana i ua nonoi la a me na mea kue ke hoikeia.
F S LYMAN
Lunakanawai Kaapuni Apana Ekolu
Hilo, Oct 13, 1875
Ma ke Keena o ka Lunakanawai Kaapuni Apana Ekolu, ko Hawaii Pae Aina Ma ka wiawai o PETERO KAMAKA k no Wailuku, Maui i make.
Ua heluheluia a ua waihoia ka palapala noi o E Kanoholai, e noi ana, e hooholoia ka waiwai o Petero Kamaka k, no Wailuku, Maui, HPA i make, i na hooilina a e hookuuia ka Lunahooponopono. Nolaila, ke kauoha aku nei na kanaka a pau ke pili, o ka Poaha, oia ka la 25 o Novemaba MH 1875, ma ka hora 9 o kakahiaka ma ka Hale Hookolokolo ma Wailuku oia ka la ame kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER
Lunakanawai Kaapuni Apana Elua HPA
Lahaina, Oct 20, 1875
Ma ke Keena o ka Lunakanawai Kaapuni Apana Ekolu, ko Hawaii Pae Aina Ma ka wiawai o WILLIAM & POLLY BROOKS, no Wailuku, Maui i make.
Ua heluheluia a ua waihoia ka palapala noi o George Brooks ke kahu o ka waiwai a me na kino o William & Polly Brooks, no Wailuku, Maui HPA e noi ana e hoaponoia kana moowaiwai. a e hookuu iaia ma ka oihana Kahu. NOlaila ke kauohaia'ku nei na kanaka a pau ke pili o ka Poakolu, oia ka la 1 o Dekemaba 1875 ma ka hora 10 Am ma ka Hale Hookolokolo ma Makawao oia ka la a me kahi i kohoia no ka hoolohe ana i ua nonoi la a me na mea kue ke hoikeia
ABR. FORNANDER
Lunakanawai Kaapuni Apana Elua HPA
Lahaina, Oct 22, 1875
Ma ke Keena o ka Lunakanawai Kaapuni apana Ekolu, ko Hawaii Pae aina. Ma ka waiwai o JOSEPH SZLVA, no Waikapu, Maui i make.
Ua heluheluia a ua waihoia ka palapala noi a WM. H. Halstead kekahi o na LUnahooponopono o ka Waiwai o Joseph Sylvai no Waikapu, Maui HPA i make, e hoi ana e hoaponoia kana moowaiwai, a e hookuu iaia ma ka oihana, a e hooholoia ka waiwai i na hooilina. NOlaila, ke kauohaia'ku nei na kana a pau i pili o ka Poaha, oia ka la 25 o NOvemaba, 1875, ma ka hora 11 AM ma ka Hale Hookolokolo ma wailuku, oia ka la a me kahi i kohoia no ka hoolohe ana i ua nokoi la a me namea kue ke hoikeia
ABR FORNANDER.
Lunakanwai Kaapuni Apana Elua HPA
Lahaina, Oct. 27, 1875
Ma ke Keena o ka Lunakanawai Kaapunei Apana Elua, ko Hawaii Pae Aina. Ma ka waiwai o ISAAC A. PREVIERE, no Kalawao, Molokai i make.
Ua heluheluia a ua waihoia ka palapala noi a L P Kaaihue w, e noi ana e hooiaioia ka palapala kauoha hope loa a Isaac A Previere, no Kalawao, Molokai HPA. Nolaila, ke kauohaia'ku nei na kanaka a pau, o ka Poaha oia ka la 18 o 18 o Novemaba 1875, ma ka hora 10 AM ma ka Hale Hookolokolo ma Lahaina, oia ka la a me kahi i kohoia no ka holoheo ana i nonoi la a me na mea kue ke hoikeia.
ABR FORNANDER,
Lunakanawai Kaapuni Apana Elua HPA
Lahaina, Oct 20, 1875
Ma ke Keena o ka LUnakanawai Kaapuni Apana Elua, Hawaii Pae aina. Ma ka waiwai o KEALOHA k, no Hamakuapoko, Maui i make.
Ua helueheluia a ua waihoia ka palapala noi a Maila k, e noi ana e hoonohoia i Lunahooponppono ma ka waiwai o Kealoha k, no Hamakuapoko, Maui H P A i make, Nolaila, ke kauohaia aku nei na kanaka a pau ke pili, o ka Poalua, oia ka la 30 o Novemaba, 1875, ma ka hora 12 awakea, ma ka Hale Hookolokolo ma Makawao, oia ka la a me ka hora i kohoia no ka hoolohe ana i ua nonoi la a me na mea kue ke hoike ia
ABR FORNANDER,
Lunakanawai Kaapuni Apana Elua HPA
Honolulu, Oct. 16, 1875
Ma ke Keena o ka Lunakanawai Kaapuni Apana Elua o ko Hawaii Pae Aina. Ma ka waiwai o O.J. HARRIS no Lahaina, Maui i make.
Ua heluheluia a ua waihoia ka palapala noi a TW EVERETT, ka Lunahooponopono o ka waiwai o O.J. HARRIS, no Lahaina, Maui HPA i make, e noi ana e hooloheia a e aponoia na Bila aie o ua waiwai la. Nolaila, ke kauohaia aku nei na kanaka a pau, ke pili o ka Poalua, oia ka la @ o Novemaba 1875, ma ka hora 10 AM ma ka Hale Hookolokolo ma Lahaina, oia ka la a me kahi i kohoia no ka holohe ana i ua nonoi la a me na mea kue ke hoikeia.
ABR. FORNANDER.
Lunakanawai Kaapuni Apana Elua HPA
Aha Kaapuni Apana Ekolu o ko Hawaii Pae aina, ma ke Keena, ma ka waiwai o WM. TAYLOR, no Kohala, Akau, Hawaii i make.
Ma ka heluhelu a me ka waiho ana mai o ka palapala noi a me ka papa hoike o James Wright, Luna Hooko Kauoha o ka palapala kauoha hope loa o Wm. Taylor o Kohala, Akau, Hawaii i make, e noi ana a aponoia na hoolilo he $296.01 3/4, a e hoike i na mea i loaa mai iaia he $@ a e noi ana e nana a aponoia kela mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma la ano. Ua kauohaia, o ka Poaono, ka la 27 o NOvemaba MH 1875, ma ka hora 10 o kakahiaka, imua o ua Lunakanwai la, ma ke Keena ma ka Hale Hookolokolo ma Kapaau, Kohala Akau, Hawaii oia kahi a me ka manawa i kohoia no ka hoolohe ana i ua noi la a me ka papa hoike i oleloia, a o ka poe a pau i pili malaila, e hele mai a e hoike i ke kumu ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia.
Kakauia ma Kohala akau, Hawaii, Okatoba 12, 1875
CHARLES FREDERICK HART,
Lunakanwai Kaapuni Apana Ekolu
OLELO HOOLAHA.
Hoolaha a ke Komisina Palena Aina.
No ka mea, ua waihoia mai keia Keena KEONI I. kekahi palapala noi e hooponoponoia ua @ o ke ahupuaa o MAKOLE e waihola ma Kona MOlokai o ko Hawaii Pae aina. Nolaila, ke hala aku nei na mea a pau e pili ana e @ kona nonoi ana ma ka Poakahi la 22 o NOvemaba AD 1875 ma ko'u Keena, ma Lahaina nei e @ ma ka hora 10 AM
JNO M KAPENA
Komikina PA o Maui a me na M@ e pili ana
Lahaina Oct 22, 1875
HOOLAHA A KA LUNAAUHAU!
O KA
APANA O KONA, OAHU, MH 1875
KE HOIKEIA AKU NEI KA LOHA I KA poe a pau i ku i ka Auhau, e @ nona ka inoa malalo iho! ka ohi ana i NA @ KEIA MAKAHIKI, ma kona Keena Ohi auhau mai ma Alanui Marine, Alanui i ka
POAKAHI, - - LA 1 O NOVEMABA
A i kulike ai me ka Pauku 597 o ke Kanawai Kivila, nolaila ke hoikeia aku nei i na mea a pau i ku i ka Auhau e hookaa koke mai.
E hemo ana ke keena Ohi Auhau ma na Poakahi, Poakolu, a me Poaono, o na hebedoma a pau, mai ka hora 9 AM a hiki i ka hora 4 PM
GEO. H. LUCE.
Luna Ohi auhau o Kona, Honolulu
Keena Ohi Auhau, Honolulu, Oct. 27, 1874
OIAi ua hoolaha ae ka Mea Kiekie C. KANAINA malalo o kona inoa ponoi, maloko o ke Kuokoa, Sept 11, a me na puka ana mahope iho, maloko olaila e olelo ana nona o Paenani, ma Lanai. ke hoolaha kau nei au, ua lilo mai ia'u he aina mai na Komisina mai o na Aina Lei Alii, ma ka hoolialima, a e hoopii no au ma ke Kanawai la Kanalua a o koho Agena paha a poe e na paha e hele hewa ana maluna o ua aina la.
WALTER M. GIRSON.
Lanai, Sept 23, 1875
KE HOIKEIA aku nei ka lohe i na mea a pau, aole au e uku ana i kekahi aie i aloha e kuu wahine, oia o Mary Anna, me kau kauoha ole aku.
MANCHUCK.
Honolulu, Oct 19, 1875
OIAI ua hookohuia mai kamea nona ka inoa malalo iho, i LUnahooponopono no ka waiwai o WILLIAM C. BROWN, o Hilo, ko Hawaii Pae aina, i noho ai ma Honolulu, Oahu a make, ke hoike aku nei i ka poe a pau, Ina he mau koina ka lakou i kona waiwai, e hoike koke mai a o ka poe aie iaia, e hookaa koke mai me ka hookaulua ole; o ka poe e paa ana i kona waiwai, ke noiia aku nei e hoike mai.
JOHN WORTH.
Lunahooponopono Waiwai o WCR
Hilo, Oct 5, 1875
$150 MAKANA!
Ke hoike nei keia, e haawi no au i Kanalima Dala Makana o ka mea nana e hoike mai, i hoahewaia ai ka poe i haawi i ka waiona i kuu waihine mare iloko na malama ekolu i hala ae nei.
A e uku hou aku no au i Hookahi Haneri Dala i ka mea nana e hoike mai i kumu e hoahewaia ai ka poe nana i hoomahuk kuu wahine mare, oia o MARY ANNA WRIGHT, mai kuu hale noho aku mawaena o na la 6 a me 8 o keia malama.
W.H. WRIGHT
Koloa, Oct 11, 1875
Hoolaha a ka Luna Hoaponopono Waiwai
KE Hai aku nei na mea nona na inoa malalo iho i na kanaka a pau, ma ka la 11 o Okatoba i hala, ua hooiaioia maua i mau Lunahooponopono e like me ka palapala hooilina no ka waiwai o EDWARD H. BOYD, o Honolulu, Oahu, e ka Hon. Chas C. Harris LUnakanawai o ka Aha Kiekie ma ke keena oiai ua hoole na Luna Hooko Kauoha maloko o ka palapala kauoha, a nolaila, o namea nona na inoa malalo iho, ua ae e lilo i mau Lunahooponopono, a ua waiho aku i ko laua mau bona a ae la ko laua hilinaiia, a maanei ke kauoha aku nei i na mea a pau he mau koina ko lakou i ka waiwai o ka mea i make, e hoike mai me na hooiaio kupono ma ke Keena o Godfrey Rhodes kekahi o na Lunahooponopono ma Alanui Kaahumanu Honolulu: a o ka poe he mau koina ko lakou, aole nae i waiho koke mai iloko o na malama eono mai keia la aku, e hoole loa ia, a o ka p oe e aie ana i ka mea i make, ke konoia aku nei lakou, e hookaa koke mai ia Godfrey Rhodes ma kona Keena
GODFREY RHODES,
E. STREHZ,
Na Lunahooponopono Waiwai o E H Boyd
Honolulu, Oct. 16, 1875
E IKE auanei na kanaka, na wahine a me na kamalii o kela ano keia ano, owauo o ka mea nona ka inoa malalo iho, ke paaia aku nei na mea a pau, aole e hele wale maloko o na palena o ke kai o Kaakaukukui, e waiho nei ma Honolulu, mokupuni o Oahu, e hoomaka ana mai ka uwapo a Hooliliamanu, a holo aku a hiki ma ka hapalua o ka hale o Keolaloa, a holo aku a hiki i ke awa o Kalihi. Ua kapu loa ka poe lawaia Papai, Pae, Limu a Ia maoli, maloko o na palena i haiia ae la maluna, e like me ka mana i loaa mai ia'u mai a Mahuka ma! Ina o ka mea kue i keia, e uku ia i hookahi dala. E lilo keia i Kanawai mai ka la aku e laha ai ma ke Kuokoa.
Kapuukolo, Honolulu, Oct 11, 1875
Leo Kahea!
Ke kahea aku nei au i kuu kane mare ia
KAMAHIAI,
e hoi mai me a'u, ina oi ke ola nei, oiai hoi, o ka eiwa keia o na makahiki o ko maua kaawale ana. A ina aole oe e hoik ami a hala na mahina elua mai ka la aku e puka ai keia leo kahea, alaila, e manao no au ua make oe.
MRS. KAHELE.
Halaula, N. Kohala, Oct. 7, 1875
OIAI ua hookohu i amai na mea nona na inoa malalo iho i Lunahooponopono no ka waiwai o NAHUINA (k) o Nalulu, Mokupuni o Lanai, i make aku nei me ke kauoha ole. Ke hoikeia aku nei ka poe a pau i aie mai iaia, a i ka poe a pau ana i aie aku ai, e hoike koke mai iloko o namalama eono, o hoole mau loa ia aku lakou. A ina eia ma ka lima o kekahi poe kekahi mau waiwai o a mea make, ke koi ia aku nei e hoike koke mai ia manawa me ka hookaulua ole
H. KAUAIHILO, no Kealakua
KELIIHUE w.
Na Lunahooponopono o Nahuina
Kamoku, Lanai, Oct. 8, 1875
OIAI, ua hookohuia mai ka mea nona ka inoa malalo iho, i Lunahooponopono Waiwai no ACHOW (Pake) o Honolulu i make, nolaila, ke haiia aku nei ka poe a pau. Ina he mau koina ka lakou i ka mea nona ka waiwai, e hooike koke mai, a o ka poe i aie iaia, e hookaa koke mai iloko o na la he 30 mai keia la aku.
D.K. FYFE
Lunahooponopono Waiwai o Achow
Honolulu, Oct 15, 1875
Eia ka inoa o na Buke HImeni Hou ma ka Halekuai Buke o Wini
Songs of Salvation
The Rever of Life
Sun Shin
The Pearl
Silver Song
Cheerful Voices
Pure Gold
Mocking Bird
Golden Robin
Merry Voices
Bright Jewels
New Golden Censer
Goigen Shower
Song King
Sabbath Carols
New Carmina Sacra
H.M. WINI
HE PAPA KUHIKUHI MANAWA HOLO
O KA
MOKUAHI HAWAII
KILAUEA!
KAPENA MARCHANT.
Poakahi Nov 5 hora 5 pm Hilo
Poakahi Nov 15 hora 5 pm Kona
Poaha Nov 25 hora 5 pm Nawiliwili
Poakahi Nov 29 hora 5 pm Hilo
Poakahi Dec 6 hora 5 pm Kona
Poakahi Dec 13 hora 5 pm Kaapuni ia Hawaii
Poakolu Dec 22 hora 5 pm Kaapuni ia Kauai
Poakahi Dec 27 hora 5 pm Hilo
ina ka hula hoolele pipi ole a Kilauea i ka Maalaea, alaila, e hoaoia ana e hiki i Honolulu i ke ahiahi Poaono
Ma ka huakai a pau a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a.m. a mahope iho paha: Makena a hiki i ka hora 6 a.m. a mahope iho paha; aole hoi ia Maalaea a hiki i ka hora 8 a.m. a mahope iho paha
Uku Eemoku mai Honolulu aku
A hiki i Kaunakakai a pela maluna mai $5 00
" Lahaina " " $4 00
" Maalaea " " $7 00
" Makena " " $8 00
" Mahukona " " 10 00
" kawaihae, " " 10 00
" Kailua, " " 10 00
" Kaawaloa " " 10 00
" Hilo " " 12 54
" Kau " " 15 50
Uku Kaapuni ia Hawaii 22 00
A hiki i na awa o Kauai 8 00
Uku kaapuni ia Kauai 12 00
Uku ohua Hawaii oneki 2 00
Aole aie no na uku ohua
Ma ka Hale OIhana e loaa'i na palapala
Aole keena o hope o lilo, aia wale no a kaa mua mai ka uku moku. Aole e ili ka hewa no na paiki, ukana, a puolo paha, ke ole e kakauia ka loaa ana mai
E hookaaia ka uku ukana i ka wa e noiia aku ai
E hoaoia ana ka Mokuahi e hiki i Honolulu, ma ke ahiahi no ka la e haalele ai ia Maui
SAMUEL G. WILDER (Waila),
Agena
Keena ma ka hale Kui Papa o Waila ma, kihi o Alanui Papu a me Moiwahine
OLELO HOOLAHA
NU HOU! NU HOU!
HE NU HOU HOU LOA!
MA KA
HALEKUAI O
AKE MA!
MA KE ALANUI PAPU
AKAHI NO A LOAA
HOPE NUI LOA MAI
NEI IA MAKOU NA
LOLE NANI HOU LOA
O NA ANO A PAU.
NOLAILA
E KUAI MAKEPONO LOA'KU
Ana makou i na waiwai a pau
me ke KUMUKUAI HAAHAA
I NA LOLE
Kilika Pua Nani HinuHinu!
HOU LOA O NA ANO WAI LI-
KE OLE I IKE OLEIA MA
MUA E HAWAII NEI.
Na lole LILINA halua ano hou,
MAKALENA lilina pua,
KALAKOA panio ano hou,
ALAPIA nani,
HULUHIPA o na ano like ole,
KIHEI KILIKA pua nani,
KIHEI HULUHULU hou,
MUUMUU lihilihi keokeo,
PALEKOKI pukapuka anuunuu,
LIHILIHI HOU ano like ole,
MAMALU KILIKA!
Na PUA a me na hulu pale,
PAPALE o na ano Paikini hou,
LEI PUA NANI a me na Uhi
Kilika o ka Poe Mare,
UHI KANIKAU
Ano Hou
A me na Wehi e ae no o na
Lede e Kohu ai ka hoo-
kikaha ana o ke
Kaona Lai
A PELA NO HOI
Na Lole Nani
O na Kane,
A LOLE MA KA APA,
O NA ANO A PAU LOA
A ME
Na Mea Kohu e ae no hoi e
HAKALAI AI
NA KEONIMANA,
E hao auanei a Linohau!
NOLAILA, ke konoia aku nei oukou a pau, e hele mua mai ma ko makou Halekuai ma MONIKAHAAE, a e wae, a laemaka i ka nani a me ka MAKEPONO no oukou iho, mamua o ko oukou kipa ana ae i na Halekuai e ae; a na na Keiki no o o ia Halekuai e paki mai i na MAKANA ame na LAKO MANAWALEA, me he Manuahi la, e like me ka hiki, a me ka aui o ke kuai ana.
Mai Lohi a Hookaulua!
ME KA MAHALO.
A.S. CLEGHORN & Co.
Kihi o Alanui Papu me Hotele
Honolulu, Aug. 5, 1875 714 3ms 715