Ka Nupepa Kuokoa, Volume XIV, Number 47, 20 November 1875 — Page 1
| This text was transcribed by: | Trinette |
| This work is dedicated to: | Meyrl Creacy |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XIV. HELU 47. HONOLULU, POAONO, NOVEMABA 20, 1875. NA HELU A PAU 729.
E Pau na Pupupu Kahiko!
E pani me na Hale Laau!
PAPA, PAPA, PAPA
O KELA ME KEIA ANO,
A ME
NA LAKO KUKULU`HALE
O KELA ME KEIA ANO, MA KA
PA-PAPA O S.G W@ILA MA!
KIHI O
ALANUI PAPU me ALANUI MOIWA-
HINE, no ke Kumukuai HAAHAA
LOA! ae like ka nui me
ka makemake.
LAAU NOUAIKI!
NA LAAU KAOLA,
NA PAPA MANOANOA,
NA PAPA HELE,
NA KUA,
AAHO,
AAHO LIILII, &e.
LAAU ULAULA!
NA LAAU KAOLA,
NA PAPA MANOANOA,
NA PAPA HELE,
NA KUA,
AAHO, POU,
AAHO LIILII,
MOLINA, &e.
Pili Cida keokeo, Pili Laau ulaula,
Na Puka Hale, o na ano a pau,
Na Puka Aniani, o na ano a pau,
Na Olepelepe Puka, o na ano a pau.
Pepa Hale me na lihilihi.
NA LAKA PUKA
NA AMI-PUKA,
NA AMI-PUKA LIILII,
NA KUI NAO
PENA, AILA-PENA, VANIKI,
WAI HOOMALOO.
PAAKAI Helu 1,
O PUULOA.
E lawe wale ia no na mea i kuai ia kela Pa Papa aku a i kahi o ka mea i kuai mai, ina ma ke kaona nei, a me na Awa o keia Paeaina e like me ka aelike.
Aia maanei ke Keena o ka MOKUMAHU "KILAUEA,"
L. MARCHANT, Kapema.
S. G. Waila ma.
109 3m 721
HE MOOLELO KAAO
NO
KA@KINAAKALA
KA MEA NONA KA OLELOIA ANA.
KA HIWAHIWA O KA LA HIKI MAI!
PANE mai la ua kaikamahine nei, aole makou e pono ke ai i keia mau ai, no ka mea, mai ko makou mau kupuna mai, a hiki ia makou. Aole i ai ia meia mau ai au e olelo mai nei, no ka mea, ua ike ia. Ina e ai ana kekahi kanaka, a wahine paha i kekahi o keia mau ai. Alaila, he oiaio e make ana ia, a make loa no.
No ka mea, ua akaka ia i ko makou ike he ai make, a he make a he make loa no. Ia wa pau ae la ka laua olelo ana no keia mau mea a pau i pili i ka ai. Alaila, hooopili ae la laua ia laua iho.
A pela keia mau pulapula Alii i hui aku ai, kekahi, a me kekahi e like me ke ano mau o na`Lii o keia aina mai ka wa kahiko loa mai, a pela iho la no i pii aku ai na `Lii, a piha pu ka aina i ka wa kahiko loa ma o, a maanei, a puni keia pae moku holookoa.
Ia manawa mahope iho, pau ae la ka laua mau hana ku i ko na `Lii ano, alaila, hoao aku la o Kahikinaakala i ua kane nei ana. No ka mea, ua kane ae la hoi. A no ka pololi, i hoao aku ai na kaikamahine la i ke kane, olelo mai kela. Aohe o`u pololi, no ka mea he maona no au e noho nei, ia wa iho la no, a ia ka anuenue e moe loihi ana mai ka hale mai o ka elemakule ana i moe ai, a hiki i ka hale o ua kaikamahine nei a laua nei e noho ana.
Ia wa mahope iki iho, lalau aku la ua keiki nei i ka laau, a me ka au neki, a hia iho la, a-a ae la ke ahi no loko ae o ka laau, a he mea hou no ia i ka ike ana a na maka palupalu nonoe o ua kaikamahine la,a-a a loa ae la ke ahi, a hauoli nui ua iwa la o ka aina Hikina i ka hana a ka eueu o Hawaii kuauli.
Mahope iho, hele aku la ua keiki nei e uhuki i ka ai, me ka uala, a hoahoa ae la i ka imu, a enaena ulu no, a kalua, a aole i liuliu iho, huai aku la na keiki nei i ka imu, aole i emo, pau i ke kui a me ka hoowali, no ka mea he poe okoa ka poe na na e hana mai, o Kini o ke akua ka mano o ke akua, a me ka lehu o ke akua ka poe na na e hana.
Aole no i loihi keia mau hana ana mai o na mea ai a pau, a hoao aku la ua keiki nei me ka hanai aku i ka poi, ka uala, ka moia ke ko a me na mea ai a pau a lakou i hoowahawaha ai, a ike keia. He ai ono, a he ono maoli ke ai, a he maona oia kona ike ana i na mea hou elua e pono ai o ke kino a me ka noho ana. A ke keiki Alii nei o Hawaii i lawe aku ai i ka pono i ko lakou aina.
Ia manawa, loaa iho la ka ai ma ia aina, a laha loa aku la. Eia ka mea haohao i na makua o ke kaikamahine a me na aialo a pau o ko lakou alo Alii ponoi iho, a i ka hoi ana mai a na makua. He keu ka hoohuoi, no keia mau ai kupanaha i loaa mai ai ka laua lei aloha, he keiki. Aka, ke hiolani malie la no nae ua keiki nei ma kahi moe o ke kaikamahine Alii. Kahikinaakala ka hilu, a me ka noenoe ano ka ui launa ole.
I na makua nae i puka mai ai mai uka mai me na kanaka ponoi ona, hele mai la ka makuahine i mua o kana kaikamahine. E lawe mai ana i ka ai palahei, no ko laua manao (na makua) ua pololi ka laua milimili. A haawi aku la, e like me ke ano o ka mea i hai @na ia aku ia oukou, ia wa, hoole mai la ke kaikamahine me ka i mai. Aole au e ai hou aku i ke na ai, no ka mea, he ai ino kena, eai ka ai maikai, he ono, he liliha, he kuhikuhi, he maona a he ola, a he ola loa no, aohe make.
Pane mai la kona makuahine, mai hea mai keia ai i loaa ai ia oe, i na he kane ka mea nana kau ai, a me na mea a pau au e olelo mai nei. Alaila, o kau kane noia, a lohe pono ua makuahine nei i ka pane oluolu ana mai o ka laua keiki, ae, he kane ka`u, eia la ke moe nei. O kona hoi aku la noia a hai i kana kane, ka makuakane o ke kaikamahine, a he mea oluolu ia i na manao kona puuwai, a me na pana elima a kona lunaikehala ku i ke aloha.
Ia lohe ana no hoi o kona makuakane, olelo iho la ia, o kana kane noia, e like me ka olelo a`u i wanana ai iloko o na la opiopi uuku o ka kaua kaikamahine hanau kahi. I na he kane mai ka aina lewa mai, alaila, o kana kane iho la noia e hoao ai laua, e like me ko Hawaii nei ano i ka wa poeleele.
Nolaila, ua haawi mai ua makuakane nei i na hoomaikai piha ana he nui, no kana hunona Alii, me ko lakou ike ole he Alii nui o Kalanikapu i oi ae mumua o ka laua Alii, ka mea i kapa ia o Kaohaiomana. Ia manawa no hoi, a ia no ke anuenue e pio mau ana ma waho o ka hale, oia ano hoi, ua ike no kakou na kanaka Hawaii a pau, he hoailona ia o ko na Alii nui ano, mai ka po mai, a hiki i keia manawa a kakou e noho nei i keia manawa, mawaena o na Alii e noho nei i ka noho Alii, aia ia lakou ia mau hoailona.
Ia manawa no, a kahi no a loaa ka ike mua o na elemakule nei, kahi a ke keiki Alii i moe ai i ka la o kona hiki ana mai. O keia ike o ua elemakule nei, mai ke Akua mai no ia, o Kini o ke akua ka lehu o ke akua ka mano o ke akua, ka mea nana i haawi mai kona ike iloko oia manawa. Aka nae, hao ka mana o ua elemakule nei, me na hiohiona koa i luna ona, e like me ka hana ana a na kahu ponoi o ke Alii a me na ilamuku. Pela no keia elemakule i hana ai ma kekahi la ae, no ka mea he kahu ponoi no keia elemakule no ke Alii o Hawaii nei aku.
I kekahi la ae, a kahi a ike ia ke ano, a me na hana a ua elemakule nei, e na poe a pau e nana mai ana i kana mau hana, eia ka hoomaka ana. I ua elemakule nei i puka ae ai mai loko ae o kona hale, ike aku la ia i na hoailona Alii a pau, e hoopuni paa ana i ka Hale o ua kaikamahine nei, a me ka onohi i luna o kaupaku o ka hale.
Ma ia wa no, kilohi haaheo ae la ia ma o, a maanei o ka aina, o ko ia nei manawa no ia i ku ai a maloeloe me kona hoike maka ana iaia iho he koa, no ke Alii o Hawaii. A hopu aku la oia i ka pulupulu, a me ke ahi, a hele aku la i ka hale o ke kaikamahine Alii Kahikinaakala, a hiki, a komo aku la oia iloko o ka hale.
Ia wa, o kona puhi koke ae la no ia i ke ahi, a wawahi ana i na wahi a pau loa, a lilo iho la ka hale i mea ole i ka wa pokole loa, aohe wahi mea lawe, a ai mai la ke ahi i na mea maikai a pau o na kaikamahine nei. Me ka olelo aku no o ua elemakule la, aohe mana kanaka, aohe mana alii ma ua aina nei e hiki ai ke a-e mai maluna o kona mana.
Ia wa hoi, pane mai la ka makuakane o Kahikinaakala me ka i mai, ka! Kupanaha maoli oe i keia wa, o ke aha la kou mana au e olelo nei imua o na kanaka a pau, no ka mea, ua ili mai i luna o`u ke kaumaha i keia la no kau mau hana ku i ka pepehi kanaka. Oiai, o wau ; a me kuu kaikamahine nei ka mana ma ko maua aina iho, a maluna hoi o na kanaka, i like pu me oe, au e akena nei he mana oe, a he ikaika paha.
Pane aku la ka elemakule me ka leo moakaka imua o na kanaka e paapu mai ana, a e hoolohe ana hoi i kana mau olelo ana. O oe i keia la, a me ko kou hale, a me ke kaikamahine Alii au. Ua lilo oukou a pau he mau pio na`u i keia la. No ka mea, ke ku nei i mua o kakou a pau kekahi mea i oi aku ka mana maluna ou o kau kaikamahine, kou poe kanaka, o oukou a pau ua laa oukou iaia ua a e hoi i ke kapu o ke Alii nui o Hawaii, he kapu pio ole keia kii mai ia. Oiai ; o ko Hawaii papa Alii, a me ko lakou mana, he mana pio ole ia ke kinai ia me na wai kahe o kahawai, a me na wai puna ma na awawa, a ma na kuahiwi, i noho mau ia e nahuna wai huihui o ka uka lilo. A o ke kapu o na Alii, he kapu kiekie no ia, a o ke kapu o ke Alii a i na a`e ia, he make ka hoopai. Aole kanaka koe e ku i mua e noi mai i kona ola iho, i na ua laa ia i na mea a pau e pili ana i ko ke Alii kulana, kona mau aoao a pau. A o ke kanawai, a me ka hoopai oia ano, he make wale no, aohe ola.
Pela no ka noho ana o na Alii kapu a pau o Hawaii, oiai, ua noho loihi au ma ia aina, a ua ike maka au i ke ano, a me na hana a ko Hawaii poe kahuna, poe ilamuku, a owau nei la, a me keia Alii i hiki mai nei he Alii nui keia he kapu, a he kanaka ponoi au nona. A no ko`u maka`i i na poino a pau oia aina, oia ko`u mea i mahuka mai ai a noho pu me oukou maanei, a loihi ka manawa, pela aku ua elemakule nei i pane aku ai imua o na kanaka a pau, a me na makua a Kahikinaakala.
A ike lakou, a lohe no hoi i ka Moolelo, a me na mea a pau i hai ia aku ia lakou e ka elemakule. Mihi iho la na makua o Kahikinaakala, i ko lakou make i ua elemakule nei. No ka mea a akahi lakou a ike pono iho la, he Alii keia keiki, a he kulana nani no hoi i like, a like me Kahikinaakala, ka laua milimili, a noho mihi iho lakou i na la ekolu no ka make.
Ia mau la ekolu e naue malie la, aole lakou ai nui mai i ka ai, me ka ia, no ka mea, ua maka`u nui loa lakou no na mea i olelo ia e ka elemakule. A o keia elemakule no hoi ka mana nui iloko oia mau la a ka weliweli e noho ana imua o na maka o na ohua a pau o Kahikinaakala, me na makua ona. He oiaio, a ia no i ka elemakule ko lakou ola, a me ka make, a noho mumule iho la lakou me ka ike ole aku i na maka o ke Aliiwahine, kahi e hoona aku ai i ola.
Aka nae, he uwe wale no ka Kahikinaakala mau hana, no he aloha i na makua, a me na ohua no ka make. No ka mea, ua ike noia i na mea a pau i hana ia aku iaia e ka elemakule. Nolaila, manao iho la ia e make ana na makua, aole nae i noi aku imua o ke kane Alii, a me kona ahonui, e hoopakele ia ke ola o kona ohana, a me kona mau makua.
Aka, i ke aumoe i ka po o Kaalokulua, e moe ana ke Alii kane maluna o kekahi punee i kinohinohi ia e ka nani. Aia hoi i kona moe ana, aohe kana wahine i hoi aku e moe. No ka mea, ua hu mai la ke aloha o ka makua i ke keiki, pela hoi ke keiki i ka makua, a i na na mai ka hana e noho ana no ka wahine me ka uwe, ua hele na maka a pehu no ka nui loa o kona aloha i na makua.
Alaila ninau mai la ke Alii kane i kana wahine me ka i mai, ea, e kuu wahine aloha o ko kaua mau la opiopi, ano hoi, ke ninau aku nei au ia oe, heaha la kou manao, a me ke ano maoli o kou uwe ana i na wa a pau. Aole au i ike i keia mea au e hana mai nei, a ke haohao nei. Nolaila, i na he pilikia kou, pono no oe e hai mai ia`u, i keia manawa malia paha , e uwe ana oe no kou ohana, a me na makua o kaua, no ka make i kuu elemakule.
Ae, he make io no, wahi a ke keiki Alii, pela mau ko makou kanawai, ko na Alii nui o Hawaii Akea, aua ike no kuu ilamuku i kana mea e hana aku ai i kou ohana, a me kou mau makua, e hiki ole ai ia`u ke kaohi aku, aka, ma ka`u olelo, a ma ko`u mana, ke hai aku nei au ia oe, ua ola kou ohana, a me na makua o kaua, aole lakou e pepehi ia i ka po ae nei o Kane.
A ma ia hope mai kokoke i ka po o Kane, makaukau mua ua elemakule nei e lawe i na lawehala iloko o ka heiau, na makua o Kahikinaakala, a me na ohua a pau. Aka, papa mai ke akua ia ia me ka i mai, mai kau i kou lima maluna o ka ohana o Kahikinaakala, a me kona mau makua. No ka mea, ua kala kou Haku ia lakou, e like me ke ano oko na `lii kulana, a me ko lakou mana kiekie maluna o na kanaka o ka aina.
He mau olelo oiaio ka ke akua i haawi aku ai i mua o ka elemakule, a pau loa ae la kona manao ana ma ia mau mea a pau. A eia hoi ma keia wahi hoi kakou e na ae ai no na hana kupanaha a ke keiki Alii o Hawaii nei i hana ai ma ua aina la me kona mau mana a pau e hiki ole ai i na Alii e ae oia au ke hahai mai mahope o kana mau hana no ka mea, he Alii kupua keia, a me ka ikaika, i kikoho ia i luna o kona mau papalina noheahea.
Aole i pau.
Hooholo Hewa ka Hupo.
E KA NUPEPA KUOKOA E ; Aloha oe :-
E oluolu mai oe @ e @ aku ia oe, no ko`u pilikia ma ka hana ana a ko makou Luna Kanawai apana. Penei -- ma ka la 1. Nov. 1875, nei ua kii o Thomas (k) a me Kahele (w) i ke kope o kekahi kuleana i lilo mai ia`u mai a C. R. B @ ma ka hoolimalima ; ola ke kuleana o Naohe (k) i lilo ia L. Haalelea ma ke kuai @ ana, a ka hope makai Nui o Kona Hema nei mamua, no ka hoopii a L Haalelea i ka poe Hui o Honaunau Kona Hema Hawaii, a i hoolimalima ia ohi ia`u i ke ahupuaa a pau o Honaunau a me ua kuleana a pau i lilo ia L. Haalelea, mai a C. R. B- shop mai. O ka eono keia o na makahiki o ko`u ohi ana i ke kope.
Ma ua kuleana nei, i ka makahiki mua ua komo hewa ke kane mare a ua o Kahele (w), e ohi i na hua kope a ua hoopii au imua o J G. Hoapili i kona wa e noho an@ i Luna Kanawai. A ua hooko ia ka`u hopii maluna o Kaiolani (k) na hoohalahala, aole nae i hana iki. O keia manawa a ka wahine i kii hou iho nei i ke kope D. H. Nahinu ka Loio o Kaiolani (k) kane mare a Kahele (w).
Eia ka moolelo oiaio a`u i makemake ai e waiho imua o ka lehulehu.
Ua hoopii ka Moi kue ia Kahele (w) Thomas (k) no ka aihue kope malalo o ka pauku 15 mokuna 16 degere 4 kanawai karaima (waiwai malalo o elima dala ($5) --ua heluhelu maopopo ia ke kanawai. Mahope iho olaila ho@le mai o D. H. Nahanu aole ka e hiki iaia ke hookolokolo ; oiai, oia ka Loio o ke hihia nei no, i pili nae @ Kaiolani k a Kahele w hu aka, e aka ana oe ke nana pono iho.
Ua olelo aku na mea nana i malama ka aoao o ka Moi a Haku A@i ohi o`u. Aole he kuleana oia manao ana a ka Aha, oiai, aole he kanawai e keakea ana ia oe, a noho pol@nu mai la ka Aha.
Eia iho ua olelo ike a hoike o ke Alii.
Kaapuni (k) no Honaunau Kona Hema Hawaii, ua ike au ia Thomas (k) a me Kahele (w) he mau aihue laua i ke kope a C. R. B shop i lilo ia Akai (Pake) i keia wa. O ka nui o ka waiwai, o ke kope a laua e ohi ana eha dala ($4) aole na laua i ka @u i kela kope. O keia ike ana a`u ia laua e aihue ana, ma ka la 1. Nov. 1875 i ke ao ua ohi mau no makou i keia kope, no A@ai Pake ma @ua a hiki i keia makahiki, akahi uo a kii o Kahele (w) a me Thomas (k) i ke kope i nehinehi. Ninau Pale.
Ua ike anei oe i ka mea nona kela kule ana? Aole.
Aole no au i ike ia Haalelea Mainui (k) no Honaunau Kona Hema Hawaii. Ua ike au ia Thomas k a me Kahele w. e ohi ana i ke kope a Akai Pake ma Honaunau ma ka la 1 Nov. 1875 i ke ao. O keia kope ua ohi mua no makou no Akai, aono makahiki i keia wa a i ka la wale no i nehinei ko`u ike ana, ia Kahele w. a me thoas k. e ohi ana i ka hua kope a makou i ohi mua ai no Akai Pake. Ninau Pale. Aia i-hea kela kope? haina Aia i ka kuleana o Naohe i lilo hoi ia Akai Pake, i keia wa ; no Bishop ma ka hoolimalima ana i keia wa. Anae k no Honaunau Kona Hema Hawaii. Ua ike au ia Thomas k. a me Kahele w. e ohi ana i ke kope o ke kuleana i lilo ia Akai i keia wa. Eono ae nei makahiki o ko`u ohi ana i ke kope no Akai Pake, a i ka la 1 Nov. 1875 kou ike ana ia Thomas k. a me Kahele w. e ohi ana i ke kope a`u e ohi mau nei no Akai Pake, a`u i ohi ai i loko o na makahiki eono, i keia was, a ua ao aku au ia Kahele w. paha au i ke kope i kuleana ai ka Pake e hoopii i`au. Ninau Pale. Nowai kela kuleana mammua? Haina @ N ohe, ua lilo ia L Haalelea ma ke k@a@ ku@ ana.
S W Pap@ula (k). No Napoopoo au, Kona Hema Hawaii. Owao ke Kakau-o`elo a ka Hope Makai Nui o Kona Hema nei, a P Cummings, i ka wa i kuai ku@ ia ai o na kanaka o ka Hui o Honaunau, ma ka hoopii a L. Haalelea, ma ka malama o Ianuari 1862. O ke kuleana @ Kaohe, ua lilo ia L. Haalelea, no na $@ 50 O ka pau keia o na hoike ma ka aoao o ke Alii kue ia Thomas k, a me Kahele w.
Eia ka olelo hooholo a ka Lunakanawai D. H. Nahinu -- Ua hookuuia na mea i hoopuia no ka hewa aihue. Aole no he hoike pale mai ma ka aoao o na mea i hoopiiia.
O keia iho la ka moolelo oiaio e pili ana no keia hihia a ka Moi kue ia Thomas a me Kahele, i hanaia imua o ka Aha Hookolokolo Apana o Kona Hema, Hawaii.
Ke waiho aku nei au ma ka lehulehu e nana mai i keia hana kupanaha loa, oiai, ma ko`u ano he kanaka no ko na a@ e, ua manao au, ua kue loa ia ka pono o ke kanaka malihini i k@pa ia Hawaii nei a me na pono no hoi i loaa ia`u malalo o ke Kanawai o ke aupuni Hawaii, oiai ua hookuuwaleia ka aihue i akaka loa ma ke Kumu. kanawai o Hawaii nei, aka, ina paha ma ke Kumukanawai o F. j@, ka lilo ana o ko`u mau pono i mea uhauha wale ia no e keia Lunakanawai, alaila, pela io paha, aka, he mea kanalua loa ia keia.
No kuu manao he mea nui keia, nolaila, ke waiho akea aku nei au imua o ka lehulehu, a na oukou ia e nana mai i ke@a hana lapuwale, aka, ina no na mea oukou, aia ka elima hoike e olelo mai ana na aihue, alaila, oia ka ka aihue i ko i ke Kanawai. Maikai no! A ma ka ekolu hoike e olelo mai ana ua aihue, a he ole loa hoi ma ka aoao i hoopiiia, aole hoike hookahi, alaila, ma ko oukou manao, aole no i ku i ko Kanawai. Ke maikai loa la no.
Oia wale no kau i ake nui ai e waiho i keia ninau nui na oukou e ka lehulehu naauao e hoike mai, i ole ai au e piha loa i ke kuhihewa oiai, he keiki au no kina.
AKAI PAKE.
Honaunau, Kona Hema, Nov. 3. 1875.
Aha Kaapuni o Waimea, Hawaii.
Mr. LUNAHOOPONOPONO ; Aloha :-
Eia na mea hou o ke Kau ma ka Aha Kaapuni o Waimea, Hawaii :
Ka Moi kue ia Naonohi ao ka aihue-Ua hoomuia. Ka Hope Loio Kuoina ma ka aoao hoopii, a o D. Hikikoki ma ka aoao pale.
Ka Moi kue ia Kailimai k, no ka hewa pue wahine. -Ua hookuuia. Hope Loio Kuhina ma ka aoao hoopii, a o J P Green a me D E Mahoe ma ka aoao pale.
Ka Moi kue i ke keiki a Padekena, no ka aihue- Ua hoahewaiaa. Ka Hope Loio Kuhina ma ka aoao hoopii, o J. P Green a me Kalaaukane ma ka aoao pale.
Ka Moi kue ia Kupahu a me Keoki, no ka lawe ola. Ua nona, e hoihoi hou i ka Aha o lalo.
Ka Moi kue iu Kaihino k, a me Kalua w, ua hoopiiia no ka moe naha - Ua hoahewaiai. Ka Hope Loio Kuhina ma ka aoao aupuni, a o D B Mahoe a me G B Kalaaukane ma ka aoao pale.
Oia iho la na hihia i waihoia imua o ke Ki@re o keia kau.
Ke Aupuni Hawaii kue ia F G Podekena a me kona mau hope, E Mikalemi, Haula, S Hookano a ma Kapono, no ka palapala bela. Ua hooholo ka Aha, ua paa ka bela, a ua oluolu pu no ka poe nona ka bipi i aihueia, me na hope E Mikalemi a me S Heokano, e huli i ka waiwai o kahi haole aihue bipi, i haal@le ino iho nei i ke kanaka Hawaii ma ke ano pono ole, e huli ana i na bipi, lio, hoki a me na aina ma kona inoa.
D B MAHOE.
Waimea, H. Nov 5 1875
AINA NUI I KUAI AUDALAIA. -- Ma ka Poaono iho nei i hala, ua kuai kudala ia ae e Mr. Bato "na pono a pau a me na pomaikai o ka Papa Hoonaauao maloko o ke Ahupuaa o Waikapu." Oia hoi ka puali o Kamaomao no na ke kula palahalaha e moe ana mai ke awa kumoku o Kahului, a hiki i Maalaea ma keia aoao, a ua manaoia he 14,000 eka kona nui, a oi aku peha a emi mai hoi, a nona hoi na mile kuea he iwakalua a keu. Ua lilo ae nei na wahi la ia Mesars A. Cornwell a me Capt. Make@ uo na dala he $15,050. Mahope mai o keia lilo ana ia laua ua lono ia ae, ua haawi ia aku i $2,500 ka oi puku mamua o ke kumu i lilo ai ia laua, a ua hoole ia mai.