Ka Nupepa Kuokoa, Volume XIV, Number 50, 11 December 1875 — Page 1

Ka Nupepa Kuokoa

KE KILOHANA POOKELA NO KA LAHUI HAWAII

BUKE XIV. HELU 50. HONOLULU, POAONO, DEKEMABA 11, 1873.  NA HELU A PAU 732.

 

E Pau na Pupupu Kahiko!

E pani me na Hale Laau!

PAPA, PAPA, PAPA

O KELA ME KEIA ANO,

--A ME--

NA LAKO KUKULU HALE

O KEIA ME KEIA ANO, MA KA

PA-PAO S.G. WAILA MA!

--KIHI O--

ALANUI PAPU me ALANUI MOIWA

HINE, @o ke Kumukuai HAAHAA

LOA I ae like ke noi me

ka makemake.

 

LAAU NOUAIKI!

NA LAAU KAOLA,

NA PAPAMANOANOA,

NA PAPA HELE,

NA KUA,

AAHO,

AAUO LIILII, &c

 

LAAU ULAULA!

NA LAAU KAOLA,

NA PAPA MANOANOA,

NA PAPA HELE,

NA KUA,

AAHO, POU,

AAHO LIILII,

MOLINA, &c

 

Pili Cida keokeo, Pili Laau ulaula,

Na Peke Hale, o ma ano a pau,

Na Peke Amiami, o na ano a pau,

Na Olepelepe Peka, o na ano a pau.

 

Papa Hale me na lihilihi.

 

NA LAKA PUKA

NA AMI-PUKA,

NA AMI-PUKA LIILII.

NA KUI NAO

 

PENA, AILA-PENA, VANIKI

WAI HOOMALOO.

 

PAAKAI Helu 1,

O PUULOA.

 

@@ E lawe wale ia no na mea i kuai

@@ @eia Pa Papa aku a i kahi o ka mea i

@@a@ mai, in a ma ke kaona nei, a me na

Awa o keia Paeaina e like me ka @elike.

 

Aia maanei ke Keena o ka

MOKUMAHU "KILAUEA,"

L. MARCHANT, Kapena.

 

S. G. Waila ma.

709 3@ 721

 

HE MOOLELO KAAO

 

NO

 

KA@@KINAAKALA

 

KA MEA NONA KA OLELOIA ANA.

 

KA HIWAHIWA O KA LA HIKI MAI!

 

{Ua@@@a no ke Kaokoa.]

 

HELU 5.

 

Aia i kela manawa a laua e noho ana ma ko laua hale, aia hoi, he kaua ma k@lae kahakai, e pili pu ana me ke awa, kahi e pae aku ai ka waa a me na olulomake i ka moana.  He kaua nui loa keia, o ka poe una ka aoao o ka elemakule, a me ka poe kamaaina o ka aina, i hele a kane a wahine i ke kaua me ka ikaika nui, aka, ua hee lakou a make i ka elemakule.

 

Ma ia kaua ana a ua elemakule nei, ua ikeia kona lanakila nui a me ka ikaika o ka hoouka kaua ana me ka weliweli, a ua nui no hoi na kamaaina i haule a make me ke kahe a wai ana o na koko malunao kekahi kahua palahalaha oneanea.  Aka, ma ia hana ana pela a ua elemakule nei, ua pono ole na manao o ke Aliiwahine, no ka luku a me ka anai wale ia o kona mau hoaaloha e na koa o ka elemakule.

 

Ua hanaia keia mea he luku wale aku i na kanaka o ka aina, e like no me ke ana o ko Hawaii nei kaua, i ka wa kahike, ka luku wale aku no i kela mea keia mea.  Nolaila, ma ia hope mai, ua noho maluhia ka aina, aka nae, ua wela loa ka naau o ke Aliiwahine i ke aloha i kona poe kanaka ponoi.

 

Ma kekahi mau la mai nae, ua kupu hou mai na manao maikai a koa hoi o ke Aliiwahine, a houluulu ae la i kona poe koa, he poe akamai i ka ooihe, ka lua, ka mokomoko, ka maa pohaku, ke kaua pohako, a pela aku.

 

He manawa loihi kona hoomakaukau ana no keia mau hana, me ka ike ole ia mai kekahi poe o ka aoao o ka elemakule.  Hoonoho aku la oia i kona kaikunane hoahanau, i Alihikaua nui maluna o ko@a mau koa he ehiku haneri me kaualima, a on a mana @oi a pau, ua hooili pu ia aku no ia maluna o ua Alihikaua la, a nona ke luoa, Lanihuliikeaoakamakani.

 

O keia keiki, he kaukau alii kiekie no no ka aina, a ma ke kuaaina no kona wahi i noho ai, a hiki wale i kona lilo ana i Alihikaua nui no ka aoao o kona Moi, e like me ka nui o ke aloha ana i ka poe i luku wale ia e ka elemakule a me kona mau koa a pau. i ku i ko ke Aliiwahine hoino mau ia o ka aoao o ke Aliikane.  Nolaila, huai mai la iloko o ko ko Aliiwahine naau ke aloha i kona lahui, e like me ka pipii mau ana o ka waipuna, a hiki ole iaia ke uumi iho no ka ehaeha nui, aole oia i hookamani iki, a maka'u aku i kana kane alii hoao a me kona mana ; a ua kauoha ae oia, e luku a e anai loa aku i ka poe kue mai i kona aina me ke kumu ole.

 

Nolaila, ku ae la oia me kona nani nui, a haawi aku la i na hoomaikai piha ana no kaua kane alii, a olelo aku la, "I keia la, ua haawi aku au i ka mana nei malunao ko'u hananna, e hana e like me ka hiki i ke kaua ana aku i kou poe, no ka mea, o ka elemakule au e hoopunahele nei, aole i hoapono ko'u mau akua iaia, no ka mea, ua pepehi wale aku oia i ka poe hala ole, mamuli o kau kauoha, a me kou aloha ole i ko'u poo kanaka ponoi, e hiki a, ia'u ke olelo aku i na mea a pau a'u e mano ai, e like me ka hana a ko'u man kupuna.  Ua ao ia ko'u mau makua e lakou, a haiolelo pau loa ia mawaena o'u a me ko'u ohana, e i ana, 'E alohai ke kanaka nui a me ke kanaka iki, a i ka luahine hoi, a me ka elemakula, no ka mea, i alii no kakou i ke kanaka, in a aohe kanaka, pono ole ka noho ana o na alii ia kakou alii wale ihe.'  A ia oe ae nei hoi a me kou Ilamuku ino, pau loa ana na kauaka o ko'u aina i ka lukuia me ka hala @@@.  Aka hoi, ma ko'u manao kuhihewa loa, i lawe ae ai ko'u mau lima palupalu nei a apo aku i ko'u lima akau e mare ia kaua, (hoao) oia ka mare ana o ka wa kahiko.  Nolaila, he mea ehaeha i k'u naau nei, i ka ike ana aku i na koko i hookaheia ma ke kahua kaua o ka make, a me na koko i kikohuia maluna o ka weuweu.  A ua lihiha a manaonao au i ko'u poe kanaka.  Aka, ano hoi, e lohe kou mau pepeiao, a ike mai ia'u i kou lei, ka mea nona ke kuleana kumu mai ko'u mau kupuna mai, a ma keia mua aku, e ike no oe i ka'u mau hana, me ka hooko koke ia o ko'u mau mana, ma ko'u ao he kilokilo nui i ke ka la, ka mahina a me na hoku o ko ka lani noho alii, he hana ia ua ao kumu ia mawaena o ko'u au kupuna.  Aka, ua manao no pa@a oe mamuli ale no o kou mana e hana ai, u e lanakila oe a me ka poe mahope ou, a me ka elemakule a kuu puuwai hookae ai a hiki i ko'u liopena, a ua like oia me na mea ino pono ole ka ni ia."  Aku, aole i ekemu iki mai o Kalanikupu ia Kuhikinaakala, oiai ua paulele no oia ma kona mana iho, me he mea la hookahi halau i ao ia ai keia mea he ike, wahi a ka olelo.  Ua lilo la na olelo nani a Kahikinaakala i mea hooheneheneia e kana kane, me ka hehe o ka aka, e lo'a malie ana, me kona manao aohe i ike mai kana wahine ia mau mea.

 

A ua ia hope mai no, kukala ae la ka elemakule a me kona poe, e kaua ana i ka po a me ke ao i o Kane ; ua loheia keia olelo kauhana a puni ka aina e ka poe o ka elemakule, hele malaila, o ka poe o ke Aliiwahine, hele malaila e kaua ai.

 

KAUA IKAIKA NA AOAO ELUA.

 

I ke ao o po iho i o Kane, o Hilinehu ka mahiua'i kaua, i ka hiku o ka la o ka malama, ua piha pu ke kahua nui oneanea i na koa o na aoao elua.  Ua hoomaka ka lele makawalu ana mai o na ihe a me na pohaku o na aoao elua ma ka auina la, me ka ikaika nui ; aka, ua lilo nae ia i waiauau no ke kaikunane hoahanau o Kahikinaakala a me kona poe koa ikaika, a ike no hoi i ka alo pohaku a me ka pale ana i ka ihe.

 

O ke ano o ke kaua pohaku, he nou aku no ia uou mai me ka ikaika, a pa aku no hoi ma ke po, haule ilalo, a i ka ihe aku hoi, make loa.  A o ka hou aku no hoi hou mai me na ihe vela me ka ikaika, a ua nui ka poe i make ma ko ka elemakule aoao.

 

Ma ia kaua ikaika ana ia la, ua hookui ae la na moho o na aoao elua i kahi hookahi, oia hoi ka elemakule a me ka Alihikaua o ke Aliiwahine.  Ua oi aku no nae ka ikaika o ka elemakule, imua o ke keiki alii ; a ma ka lele hoi, ua oi aku ke keiki imua o ka elemakule, a na like loa oia me ka manu e kikaha mai ana a puni ke kahua kaua, a elima kalo i kiolaia mai ma ke kumu pepeiao o ka elemakule, ua oki oe a haule pahu ana ua elemakule nei ilalo, a maule iho la.  A o kekahi no o kona poe koa, holo aku la oia me ka manao e pepehi i ka elemakule a make loa, aka, keakea e ia mai uo e ua keiki alii nei.

 

O keia keiki alii, e loli mau ana kona ano i na wa a pau, no ka mea, i kekahi wa, e like ana oia me ka elemakule, a i kekahi wa, he wahine ni opiopio, a ma kekahi wa, he wahine ni opiopio, a ma kekahi wa hoi, o kona ano maoli iho, a ua oi aku no hoi na mea a pau a kona haku i hooili mai ai maluna on a.

 

A me ke kana ana ma ka po, ua pio lakou a me ka elemakule, ua pau loa i ka lukuia, ua anai ka make maluna o lakou, a o ka elemakule wale no kai noopaa pioia, malalo o ka mana o ke keiki alii, ka Alihikaua hoi o Kahikipaakala, ka hiwahiwa o ka la hiki mai.

 

A i ka paa ana o ka elemakule, ua hee aku la hoi ka poe pio ma na wahi a pau o ka aina, a o ka poe pio hoi e loaa aku ana i ka poe lanakila, e pepehiia ana no me ka weliweli loa.

 

Ma keia kaua ana, ua uui loa ka poe, i mahalo no ua hana koa a ke keiki alii, me na mana nui hiki  ole ke ukali aku ma ka meheu o kona mau kapuai.

 

O Kahikinaakala hoi, ua oleloia na ka La oia i hapai i kekahi manawa, a o ka Mahiua hoi kona kupunakane.  Maanei iho la kakou'e ike ai e ka poe heluhelu, i ke kulana kiekie loa o keia kaikmahine, no ka mea, i kekahi wa a na makua i ike ole ai i ke ano o ka laua kaikamahine, ua lilo no i na wa i ike ole ia ai ko lakou noho pu ana, ua ikeia hoi i kekahi manawa loihi, ua laweia keia kaikamahine iluna o ka La, mamuli o ka mana i loaa mai iaia, e like me ke ano o ka poe mana kupuna a l=kilokilo hoi--a he mana hiki ole ia i ko Hawaii nei papa alii ke alualu aku, koe nae na ano kupua o keia aina.

 

Ma keia kaua mua ana no, o ka lanakila no ia o ka aoaoa o ke Aliiwahine, a hene iho loha iho la hoi ua elemakule hookano nei a me kana mau hana iuo pono ole a pau i ke ia e ka lehulehu a pau o ua aina kaulana la, i kapaia ka aina hikina, i hoowehiwehiia e ka nani polohiwa o na mea kupanaha o ke Aliiwahine kaulana, ka ia hilu moe wai o ka aina i ka maka o ke ahi e aa ana, no ia moe, ua ike ae la lakou, ua pio a pupue i ke anu o Kahakahalani, a "pau ka oe hana, pio ka oe ahi."

 

Iloko o keia kaua ana, ua oi aku ke kaulana ma na wahi a pau o ka aina o ka mea nona keia moolelo, aia hoi, ua ike iho la o Kaohaimana i keia kaua ana a me ke pio ana o kona kanaka koa kaulana, (ka elemakule) a me na koa i pepehiia a me na mea i huli mamuli o laua.  A ua ike no hoi oia, he oi aku ka mana a me ka ikaika hiki ole ke ukali ia aku, a ua komo e ke anu iloko o na manao ana a me na kuka ino ana a ua alii kane la, no ka mea, o ko lakou ola, aia ma ka lima o ka Alihikaua o kana wahine, a ua pio kona aoao me ka lanakila ole o na mea a laua i manao nui ai e hapai a e lawe i ka aina o ke Aliiwahine, ma ke kaua ana aku i na kamaaina, a lawe ae nona ponoi iho, i lilo ai paha ia i ewe panalaau no na alii o Hawaii nei.

 

Ua oleloia no hoi, aohe i pau ko laua lili nui no ka aina, e ake no a lilo mamuli o ka laua mau kaua ana ; aia no ka pau a nele laua i na koa ole e kaua aku ai.  Ua ukuia na kanaka i na puaa nui a me na waiwai e ae a ka elemakule i lawe mai ai mai Hawaii aku nei, nolaila, ma ia hope mai, hoala hou no o Kaohaiomana a me ka elemakule, ma ke ano kipi maoli i ka aiana o ka mea nona ke kuleana ana i hookahua ai me ka hookamani, i oleloia ma ka hua mele o ka manu penei:

 

"Hoohinuhinu h@lu wale,

Aohe lili o lalo,

I ahona i ke kuhi--e,

Ku no ka ihu iluna."

 

A hala ae la na la he kanaha kumamalima, loheia ae la ka ohumu nui ana o kekahi oe no na mea i hoike e ia ai e ka elemakule, no ke kaua hou anaku i na kana o ka aiana hanohano, i kahiko mau ia e na kulu kehau o ka poe kakahiaka, me na makani kolonahe maikai o ua aina hikina la, e palai malie ana iwaena o na keiki o ahi enaena o ka wela o ka la, e kuni i ho ana,

 

"Enaena ka papa o Kulilikaua."

 

Iwaena o keia loheia ana o ka lakou ohumu o keia mea, hele aku la ka lohe nene kaua a na pepeiao o ka kakou hiwahiwa alii Kahikinaakala, oiai oia e noho ana ma ka puka makani o kona keena hooluolu, ike aku la oia i ka holo ke o na kanaka ma ka ae kahakai, oiai ua pii mai la na anoano eehia i kona naau alii, aka, aole nae oia i hookaumaha iho i kona naau, no ka mea, ua ike no ia i na mea e hanaia ana no kona aina.

 

(Aole i pau.)

 

La hanau o ka Moi ma Koloa.

 

Ma ka la 16 o Novemaba e holo nei, ea malama ae na makaai@@na o Koloa, he mau Ab@aiana elua, no ka hoomanao hauoli aoa i ka La hanau o Kalani Davida Kalakaua, ka Moi, i aloha nui ia o keia Pae moku.

 

Ua malamaia kekahi o keia mau A@@aina ma Kahu@@@, e na kanaka paahana o ka mahiko o Koloa, malalo o ka hooponopono ana a J.W. Puni ko kakou luna, e like ma ka makemake o J. N. Wright, ka luna nui o ka Hui mahiko o Koloa ; a o ka lua hoi, ua hoalaia'e ia e ka mea mahaloi@, A. W. Maioho, ka Lunakanawai apana o Koloa a me kona mau hoa komite, me ka huipu ana mai o na makaainana, i kokuaia mai hoi e ka Lunakanawai o ka mokupuni, Hon. Duncan McBryde, i kona haawi ana mai i kekahi o kona mau @@pi momona.  A ua malama@a keia Ahaaina ma Maunaihu mamuli o ka lokomaikai o Apo@ pake, ka mea nona ia wahi.

 

I ke kakahiaka nui o ua la nei, mamua ae o ka puka ana o ka la, kani mai la ka @ele o ka halepule Katolika, e kahea ana i ka lehulehu, e hele aku e noi i Ka Mea Kiekie Loa, ka Moi o na Moi, e kiaia a e malama mai ia Kalani Moi Davida Kalakaua, a e hoomaikai mau hoi na ia i na la a pau o kona ola ana.

 

A puke ae la ka la me kona nani nei, e kuupau ana i kona malamalama ma na kihi a pau o ka aina.  He la malie keia, @alae ka lani, ahuwale na kuahiwi.

 

"Ku kilakila Haupu alo i ka ino,

Kulali Waialeale nihi i ke anu."

 

Hukina ae la ka Have Hawaiiiluna o ka pahu-hae, i hoonan@a i na lau uhuli o ka uka Waokele, a pulelo ae la ka have i ka lewa lani, i kukei pu ia mai me na leo wawalo o na pu.  I ke hora 12 ponoi, akoakoa mau la na mea a pau ma kahi o ka lanai ahaaina, ki ke ia ae la na pu o na lahui ahaaina elua, a mahope o ke ki pu ana, kai huakai mai la ka poe paahana o ka mahiko, mai ko lakou lanai mai, maluna o @a lio, a hele wawae no hoi kekahi poe, no ka hoolohe ana i ka haiolelo a J. H. Mahoe, no na mea e pili ana i ka La hanau o ka Moi, @ na A. W. Maioho, a me na hipa !  hipa !  hipa !  huro ! i kaawale  ae ai ke anaina me ka hauoli nui, a hoi aku la kekahi mahele i ko lakoku Ahaaina, a kaa@a like iho la hoi ka poe i koe i na momona o ka p@panina.

 

Elua wale no mau haole i huipu mai e lawe pu i ka huoli o ka la ; oia hoi o G Charm@n me kona ohana me H. Stephenson me kona ohana ; ua waiho aku keia mau haole i ka momona a me ka hanohano o ko laua paaina, a ua hele mai e kaana pu me makou, a e hoike hoi i ko laua hauoli piha, no ka La hanau o Kalani Moi a na makaa@aana e h@lani nei.

 

Mahope iho o ka paina, i weheia'i na lealea o ka la, he mau holo ho ana a he mau heihei lio, a na ka n@poo ana a ka la i hhoopu@u i na lealea a hoi kela mea keia @ne@ me ka maikai a me ka hauoli.  Aole loa i ikeia kekahi aun@ele ma ia la.

 

E hoononiia ke Akua !  E ola ka Moi !

 

Na Komite--A.W. MAIOHO, PUNIWAI, A. K. MIKA.

Koloa, Kauai Novemaba 23, 1875.

 

Hele i ka lawaia a make.

 

E KA NUPEPA KUOKOA E ; Aloha oe : --

 

He wahi @uhou ka'u e hoouna aku nei ia oe a @au hoi ia e hoolaha ae ma ke akea i ike mai ka poe puoi nuhou o kaua nona ke poo e kau aela maluna.  Ma ka la 19 o Novemaba nei, ua hele aku la kekahi pauiolo i ka lawaia o Paulo kona inoa i Kanapea, aia ia wahi me ka hiki@a ae o Kalihiwai.  O kana lawaia maa wau nae o ka p@eaea a maia ano lawaia no oia i hele ai a hookui ka lae i kumupali a haalele mai ai ke ea o Olepau wehe hoi i ka pili me kahi pupu wahine umi i ka ihu la i ka hoohune; ma keia hele ana nae on a o Paulo i kakahiaka Poalima ua kali kona wahi ewa iaia e po ia la a ao ia po aohe hoi mai, nolaila haupu ae la ka wahine ua pilikia kana paniolo ia wa oia i hoomaka ai e hoohanini i na kulo waimaka a ke aloha a mamuli o ka lokomaikai o kekahi ke@@@a o Ke@@miki kona inoa, ua hele aku oia i ke ahiahi Poaona ma ko laua hele a o ka wahine wale no ke moe ana ma ke kakahiaka ae o ka la Sabati ua hele aku la o Keaumiki e hula a loaa no ma kahi no aia i lawaia ai e lana an@ iloko o ke kai ua pehu kahe lim@nui eha i ka ua ; la wa buki aela kela a kau iluoa o ka apapa a k@ hou mai la i ka wahine i Koolau nei a maia a@@@@i no i hoihoi ia aku ai ka opu o ka honua kahi @na i ha@aia ai, he mau ke ki no k@ @@@@ ua h@la nae i ke Kolele@ i Hamakua i kahi @@@ o ka wawaka a ike ole i ka make ana o ka makua @kaaka hoi ua keiki pana opea wahi a ke olelo ; he kamaaina loa keia paaiolo ia Kauai nei aneane piha ke kana@@@@ o kona mau mahiki ia Kauai.

 

O keia Paulo he hane mau no ia @@@@ o ka hele pinepine i ka paeaea @e puo@@ paa Akua keia ma ka hoomana Ka@@@@@ aole la pule hapa ia@@ i ka hele mau i ka pule, eia nae ka mea kupaianaha pau no ka pule hoi no a hiki i ka hele hopu no ka ohe o ka hele aku la aoia i ka laweia in a e olelo aku kekahi poe he la pule keia o ko ia la olelo mai ia no ia ua pau ke kapu @@ awakea pono no ke hele e lawaia nolaila ke ike aela kakou i ka hana ala keiki haipule o Mesiko i huipu ia me ka hana pek@@@ naaupo.  JOS. K. KELIIKIAKAHI.

Waipaki, Koolau Kauai, Nov. 23 1875.

 

He kanikau no Mrs. B Haokekai

Kuakahela.

 

Ua hala iho nei o uwekani kau, o ke aloha o kuu wahine.  Oke aloha ke@a, i oili aku la i H@kua i Hiialo i hele @ho nei oia wale no aole lua.  Aloha wale no kuu wahine ka hoa pili o ke aumoe, kulei@a maua he keiki--e, aloha wale oe--a,--O kaili ku, o ke aloha o kuu wahine.  Oke ake ana i ke kulu i aumoe i kahi kina a ka la hele kuu wahine kuu hoa pili--e.  Haokekai noho i kamalu o ka niu e--o, O ke ake ana i ke kulu i aumoe i kahi kina a ka la hele kuu wahine kuu hoa pili--e, Haokekai noho i kamalu o ka niu e--o, O aoa ka leo o kuu wahine, hoohalike i ka leo o ka manu.  Oia mano si pua lehua o Kahope, I Walikanahele, Kuu wahine i ka hale ulumano a kekai--e, Aloha ana oe--e.

 

J. D B K. WAHINEKOLE

 

Kuu kaikamanihe mai ka makaui o ka Puulena e--o, O @@a ka leo o kuu kamahinnue, hoohalike i ka leo a kekai, Oia kai aoao ipo o Hinahele--e, O ana ka uhane i Lokoula, Enea ana i ka lau o ka niu, E hei ke aloha i Lukou i ka ualu haimoku o Alulae, Aloha oe--e.

KAIKAMAHINE KALUE.

 

Kuu kaikamahine mai ka ua hilii Awa o ka mauna, Mai ka hale pa kou, i ka nahele, Hele ana ka uhane i ka lai o Maunaloa, E naua ana i ka nani o ka aina--Uhi mai la ka ohu i na kuahiwi, ke hahi mai o Hanemauuloa, kuu keiki mai ka wai heale mai i luna o ke pukeawe, Hai ana ka uhane i ka lai o keokeo, E Kilohi ana i ka ahu o Palili, I ne makani paioi hoi--e, Kuu keiki mai ka la o Naunu  Mai ka ai uahi ole a ka haole, Mai ka ua hehi mai iluna o ka laau, E hoohanin@@ mai ana i kou waimaka, me he ipo la, Auwe kuu keiki, kuu lei mae ole--e--a.

KAPAHUPAINA KAIWI

 

 

Kou makuahine mai ka lai o Kahope, Kuu makuahine kino u@noe, Kino Pahaoha o, i Ane a hele i ka wehena o ke alaula o ka malamalama, O oe ka ia e ke o@o o ka niu e

Aloha wale, oe--a.

MAKUAOLE MALEKA.

 

He kanikau no Kaluhihana,

Kuu kaikuana mai ke ahe a ka makani kehau, Hana iho nei au e lo@lo i ko aloha, Loaa ka ukana a ka waimaka e hoohaniu@ nei, Kuu kaikuana i ka wai o ka mauna, ai ka ohu hal@ ma ka nahele, Hele hookahi ka uhane aloha lua, Kuu kaikuana i ka hale malu, a ke ao, Mai ke ao opua ua o Kona, E kiai ana makai o Hoolaka e--a, Ea mai kou aloha haloi ka waimaka, Aloha kuu makua o ka wa kane ole, O olua na makua o na keikuana, Aloha wale ka mekua pau aho ole o a'u keiki, Auwe ! Kuu kaikuana kuu minamina pau ole--a.

HANA KEKAU.

 

Kuu wahine mai ka makani weh@ la@ koe o Puuohoh@a, ALoha Ihuanu, He maka no Peahi, E peahi mai ana ia'u, ko aloha, E lau wili mai ana ia'u ka waimaka, Kua makamaka o na po anu huihui a ka Heoilo Auwe !  Kuu minamina pau ole--e.  ALoha wale kaua--e.  J. D. B KUAKAHELA.

Honomalino, S. Kona, H. Nov. 30 1875

 

[Ua hoonohoia e makou ko K@nikau maluna'e, e like no hoi me ka makemake o ka mea nana i kekeo, a ua mahalo makou i kona akamai, ma ka hoopokole ana mai i na lilo, aohe nae he maikai ke naua iho ; a ioa e hana mai oia e like me ka mea mau, e oi aku auanei na lilo, aka, he maikai @@@ ke nana ino; aohe hoi e hihi, na imi ma@ nei no kela ma ko ia la pono.  Waiho aku la @o@ auaoe@ ke akamai a hea.  Ua nani, "aole hookahi halau i ao ia ai."--L. H.]