Ka Nupepa Kuokoa, Volume XV, Number 1, 1 January 1876 — Page 4
KA NUPEPA KUOKOA, ME KE AU OKOA I HUIIA.
Ka Nupepa Kuokoa
HE HI MENI
ONL Y AN ARMOR BEARER.
Gospel Song.
1.He kea liilii au la, kali no nae
I ke kauoha a kou Luna e,
Naue ke kenaia'e e kuu Alii,
Naue me ko' u Luna, naue koa e,
Hamau ! ke kani ae,
Naue ano,
Aia ka poe makau, kuemi no.
Cho. ; Naue nae au la me kuu Luna e,
He koa liilii au la, kupaa nae ;
2. He koa liilii au la, lawe no nae,
Kuu p ahikaua, a me kuu kaei ;
Kali a lohe i ka leo o,
P ane koke au la,
Eia mai no au.
Hamau ! ke kani ae,
Naue ano,
Aia ka poe makau kuemi no.
Cho.— Naue nae au la, &c.
3 . He koa liilii au la, koa pokii,
K a'u Pahikaua, kana olelo e,
Kaua me ka pale pu, paio maikai,
Kaua me ke pili mau i kuu Alii.
Hamau ! ke kani.
Naue ano,
Aia ka poe maka u, kuemi no.
Cho.— Naue nae au la, &c.
4. He koa liilii au la no kuu Iesu ;
Kuu pono keia, e kaua a mau,
Aia pau ke kaua nei loaa mai no,
K uu lei paa a nani ma ke ao ma o.
Hamau ! ke kani ae,
Naue ano.
Aia ka poe makau, kuemi no.
Cho.—Naue nae au la, &c.
Hawa ii
HAAWINA KULA SABATI.
H ELU 3. SABATI, IAN. 16.
KUMU HANA. Davida me Golia.
PAUKU BAIBALA. I Sam. 17 : 38 - 51
38 " Hoaahu aku la o Saula ia Davida i kona aahu kaua, a kau aku la i ka mahiole keleawe ma kona poo, a hookumu ia ia i ka puliki koa.
39 Kaei iho la o Davida i kana pahikaua maluna o na mea kaua, a manao iho la e hele ; aka, no ka hoao ole ia, i aku la o Davida ia Saula, Aole au e hiki ke hele me keia mau mea ; no ka mea, aole au i hoao. Kala ae la o Davida ia mau mea mai ona aku la.
40 Lawe aku la ia i kona kookoo ma ko na lima, ohi iho la ia i na ala elima, no ke kahawai, a hahao iloko o ke kieke kahuhipa nona, a iloko o ka aa ; a ma kona lima kana maa ; a hookokoke aku la ia i ke kanaka Pilisetia.
41 A hele mai ke kanaka Pilisetia, a hookokoke mai ia Davida, a imua ona ke kanaka nana i hali ka palekaua.
42 N ana ae la ke kanaka Pilisetia, a ike mai la ia Davida, hoowahawaha mai la ia ia ; no ka mea, he opiopio oia, a he ehu, a maikai ke nana aku.
43 I mai la ke kanaka Pilisetia ia Davida, He ilio anei wau, i hele mai oe io'u nei, me ke kookoo? A hoino mai la ke kanaka Pilisetia ia Davida ma kona mau akua.
44 I mai la ka Pilisetia ia Davida, E hele mai oe io'u nei, a e haawi aku au i kou io i na manu o ka lewa, a me na holoholona o ke kula.
45 I aku la o Davida i ka Pilisetia, Ke hele mai la oe io'u nei ma ka pahikaua, a me ka ihe, a me ka palekaua : aka owau, ke hele aku nei au iou la ma ka inoa o Iehova o na kaua, ke Akua o ko Iseraela poe kaua au i aa mai ai.
46 I keia la, e haawi o Iehova ia oe iloko o kuu lima, a e pepehi aku au ia oe, a e lawe aku au i kou poo mai ou aku la ; a e haawi aku au i keia la i na kupapau o ko Pilisetia poe kaua na na manu o ka lewa, a na na holoholona o ka honua ; i ike ai ko ka honua a pau, he Akua no iloko o ka Iseraela.
47 A e ike keia ahakanaka a pau , aole e hoola mai o Iehova me ka pahikaua, a me ka ihe : no ka mea, no Iehova ke kaua, a e haawi mai oia ia oe iloko o ko makou lima.
4 8 A i ka wa i ku ae ai ke kanaka Pilisetia, a hele, a hookokoke e halawai me Davida, lalelale iho la o Davida, a holo aku la i ka poe kaua e halawai me ua kanaka Pilisetia la.
49 A hou iho la o Davi da i kona lima iloko o ka aa, a lawe mai i kekahi ala, a maa aku la, a pa aku la i ka lae o ka Pilisetia, a komo iho la ka ala iloko o kona lae, haule iho la ia ma ka honua ilalo ke alo.
50 A lanakila o D avida maluna o ka Pilisetia me ka maa a me ka ala, a pepehi aku la i ka Pilisetia, a make ia ; aole nae he pahikaua ma ka lima o Davida.
51 A holo aku la o Davida, a ku maluna o ke kanaka Pilisetia, a lalau iho i kana pahikaua, a unuhi ae mai loko mai o kona wahi, a pepehi iho la, a oki aku la i kona poo me ia. A ike ae la ko Pilisetia poe, ua make ko lakou kanaka koa, auhee lakou.
Pauk u hoopaanau pauku 45, 47.
Mele.— Him. 128 Leo. Astoria,
1. A la'e ke Akua mana no,
E hooauhoa i ko ka po,
Me ka uahi i lole ae.
Ko eo ka ino a pa mai.
2. Iloko o ke ahi ai
Ko ia la iho ana mai ;
He pono kona, he huhu,
Hee na koe, a maule pu.
Pule no na enemi i hooauheeia'ku e like me na Pilisetia i hoopauia na Golia i koena, a hookiekie maluna o ke Akua mana o ka lani.
NA NINAU A NA KUMU.
He ka ua ma keia Haawina, hai mai i na aoao elua, p. 1. 2. Aia mahea i ku ai ? a heaha maanei ? p 3 Ke kanaka koa, Owai la ? Nohea ? Heaha kona kiekie ? kona kahiko kaua ? p 4 — 7. Heaha kana mau olelo weliweli ? p 8 — 10, Pehea hoi Saula me ka poe Iseraela ? p 11. Owai na kaikuaana o Davida i hele pu me Saula ? Mahea hoi Davida ? p 12 — 15 E hia la i ka hea ai Golia e hele mai kekahi koa o ka poe Iseraela e kaua pu me ia ? p 16 Owai kekahi i lohe i kana mau olelo kaena ? Davida. Nawai oia i hoouna i kahi o ke kaua ? me ke aha ? a no ke aha ? p 17 — 18 A puka Davida i kahi o ke kaua, a ike i na hana, a lohe i na ninau, a ninau aku hoi i kekahi mau mea e pili ana ia Golia, pehea la na kaikuaana i olelo pakike ai la ia ? p 20 — 28. A pane aku Davida pehea ? p 29 A lohe Saula e aa ana Davida e kaua me Golia pehea la Saula i hoopohala'i i ko Davida manao, me ko David pane ana ? p 32 - 37.
P. 38, 39 Ua ae Saula e hele Davida e kaua me Golia, me ka olelo o hele, o Iehova pu kekahi me oe. Heaha kana i hooaahu ai ia Davida ? Me ko Davida hoole ana ia mau mea mahope, no ke aha ?
P. 40. Heaha ka D avida i lawe ai i mea kaua ? a hookokoke aku oia io wai la ?
P. 41 — 44. Pehea Golia ? Owai pu me ia ? A aha oia ia Davida ? A ninau oia pehea ? a aha ia ia ? A kahea pehea ? He mau hua olelo aha keia ?
P. 45 — 47, Pehea Davida i pane aku ai ?
P. 48 — 51. A hele mai Golia e kaua me Davida pehea Davida i hana'i i make ai Golia ? A ike na Pilisetia, ua make ko lakou koa nui, pehea lakou ? Ka olelo awai ka i hookoia ? Ka Golia anei ? ka Davida paha ?
Mele — Him. 39 8 - 6. Leo Keola.
1.Ke Akua no ke kokua o'u,
A ku kokok e no,
A lana mau no kuu manao,
A pau kuu kanikau.
2.Kou kanawai kuu alakai,
Mai nei a kela ao,
Nolaila mai kuu pomaikai,
I kuu mau la a pau.
NA NINAU A KE KAHU.
Na makua. Ma ke kaua ana o Saula me na Ameleka, heaha kona hewa ? Ma kona kaua ana me na Pilisetia heaha kona hewa ? Mahea kahi i noho ai na Pilisetia ? Mahea ke kahua kaua? Heaha ka na Pilisetia i hana'i mamua i ka pahu berita, a me na keiki a Eli ? He kaua no mamua, o ko Pilisetia me ka poe Iseraela, a ma owai la, a ma ka hana aha i lanakila ai ka poo Iseraela ? mok. 7 : 8 - 10. He kaua hou ma hope, a ma owai la i lanakila hou ai ka poe Iseraela ? mok. 14 : 1, 13, 16, 23, 45. Ma keia kaua hou ana ma owai la, i lanakila ai ka poe Iseraela ? Nohea mai ka mana o Davida ? mok. 16 : 13, & 17 : 45, 47. Owai ke kanaka Hawaii ma ka wa kahiko like kona nui me ko Golia ?
Na keiki . Ma keia kaua owai na mea nui ? Saula, Golia, Davida, owai ke koa nunui ? Pehea ke kiekie o Golia ? 9 kapuai a keu. Ua ike anei oukou i ke kanaka nui e like me keia? He alii nunui mamua, he moe hao kona, Owai ia alii ? a pehea ka loihi o kona moe hao ? Kan. 3 : 11. Makau Saula ke lii ia Golia, no ke aha ? No na olelo haanou a kaena wale o keia koa nunui. Owai ka i hoolana i ka manao o Saula, a makau ole ia Golia ? Ua aa anei Davida e kaua me Golia ? Me ke aha i hele mai ai Golia e kaua me Davida ? p. 45 Me ke aha i holo ai Davida e kaua aku ia Golia ? p. 40. Ma ka inoa owai kona paulele ana ? Owai ka i lanakila ? p. 49 — 51. Lanakila ka mea uuku maluna o ka mea nunui, ma ke aha ? A ma ke aha oukou e lanakila ai maluna o Satana ma ? Hoopaanaau, Epeso. 6 : 11, 16, 17.
Ke Kula a pau. Nohea na Pilisetia ? I ka manawa hea ko lakou hoomaka ana e kaua aku i ka poe Iseraela ? Owai ke kanaka ikaika mamua i luku nui i na Pilisetia ? Owai na mea nui eha nana i luku a hooauhee aku i na Pilisetia ? Owai keia mea uuku a opiopio i oki ai i ke poo o Golia ? Nohea kona ikaika ?
Hai mai i na pauku hoopaanaau.
N a manao pili heaha ?
1. Nui na Pilisetia i keia wa. Oia hoi na enemi o ka pono, ka poe hewa he nui wale.
2. Nui hoi na Golia, ka poe haanou a kaena a hooaikola a hoowahawaha i ka pono, me ka poe pono, a paulele ma ko lakou ikaika, ko lakou nui, ko lakou naauao, ko lakou waiwai, ko lakou ano hanohano.
3 . He mea ole ka ikaika, ka mana, ka nunui, na mea kaua, na manuwa, na aupuni nui, i ko ke Akua manao. He mau mea pau wale ke ola ke Akua e kue aku a hoohiolo.
4. E hoohalike m e Davida — e paulele nui ma ka ke Akua olelo, ma kona kokua ana mai, ka pule, ka manaoio, ka olelo a Iehova, oia na ala elima e make ai na enemi. Nolaila — mai makau i ka lehulehu o na enemi — na ka mana o Iesu, ka mamo a Davida e hooauheeia'i lakou, e lilo na aupuni a pau nona.
Mele. Robina Gala Mele 5.
E u a hooikaika,
E na koa l ii,
Oia ke kauoha,
E hoo kani ae ;
— Naue a hai aku
Ia kauoha mai ;
Hooauhee, hooauhee
I na enemi.
Cho. E u a hooikaika,
Hooa uhee, hooauhee ;
E u a hooikaika,
Hooa uhee, hooauhee —
Oia ke kauoha,
E hookani ae.
Hooauhee, hooauhee
I na enemi.
Pale i hooauhee ia'ku na enemi &c &c.
HAAWINA KULA SABATI, NO IAN. 23 I SAM 18 : 1 - 10. PAUKU HOOPAA 14.
Hawaii.
NO GILIBETA KA IKAIKA !
KA LUAOLE O KE KOA,
A ME KA PUUWAI KINA OLE.
HE MOOLELO KAHIKO NO ALABIONO !
MOKUNA I.
KA PO INO — KA HOTELE I KA ULULAAU —
KA MALIHINI — KA LEO UWALO.
UA poluluhi mai la na ao panopano eleele, a huna ia aku la ka malamalama o ka welona liu la o ke ahiahi. E pa pukiki ana ka makani, me na kikiao hele uluulu me he makani ku houna la, a luaiele la ae la na lala laau, no lakou na legiona liko he lehulehu i akahi a omaka ae, E lele paukiki ae ana na manu me ka hikiwawe, a huli aku la e hookanaaho iloko o ka malumalu o ko lakou mau punana, a e hoomaka iho ana hoi ka pouli e aaki, me he la e upoi iho ana ka lihilihi o na lani e hiamoe ; pela iho la na hiona i hoakaka e mai ai, he ino ke ukali koke mai ana.
Anaan apu liilii mai la ka malamalama, a aole i emo, o ka hoomaka koke ae la no ia o na kaha kikeekee o ka uila e kokoe iho maluna o na ao panopano, a he manawa ole ua kakaa ae ka halulu hekili ma na paia o ka lani ; a i ka wa hoi i houluulu ae ai na hunehune makalii o ka noe a kahi hookahi, ua haule iho la na kulu paka ua nunui i ka honua.
ka oaka koke mai la no ia o ke a o ka ino me he waha la no ka ilio hae, a he mea weliweli kona inaina, a aole no hoi he ino i like me keia. Ma ka aoao o ke alanui iloko o ka ululaaau pouli o Hetieleele i ku ai ke kau wahi hale hookipa, i kapaia o Omole Ili, a e ku ana o Hugo Ganatoka ka mea nona ua hale hookipa nei ma ka ipuka, me ka nana malie aku i ka lele ino ana o na ao, a e hoolohe ana hoi i ka uwiuwi mai o ka papa inoa (Omole Ili) i ka luaiele ia e ka makani, oiai e kau ana ma ka pou laau maluna ae o ke poo. Aka, i ka anapu mua ana o ka uila a malamalama mai la na paia lani, huli ae kona mau kuekue, papani aku la i ka puka mahope ona, a komo ae la i ka rumi nui o ka hotele.
a ua keena nei, ekolu mau kanaka e noho a na, o ko lakou komo ana mai no ia iloko o kekahi mau minute pokole i hala ae, i wahi e malu ai lakou i ka ua.
loko o ke au o He neri Eono o Enelani, he kakaikahi loa na hale hotele a me na hale noho mawaho aku o Ladana, a he kawalawala no hoi ke ku ana, a ina e hiki ole ua poe malihini la i Omole Ili, ina ua pulupe no lakou i ka ua mamua o ka hiki ana i kekahi hale e ae.
He po ino keia e kuu " haku," wahi a Hugo, a ia ia i puana ae ai pela, pekupeku aku la kekahi wawae ona i na momokuahi iloko o kapuahi, a nana ae la hoi i ka puka iluna o kaupoku kahi a ka uahi e puka ae ai iwaho, aka e lumai hou ia mai ana nae ilalo e ka makani.
Aole hoi paha, eia ka hoi he po ino keia," pela i pane mai ai kekahi malihini. " O ko'u pono ke kali iho o keia ua a hiki wale i ko'u komo ana i ko'u wahi. "
Pomaikai loa au ina e hiki ana wau i ko'u hale i keia po," wahi a kekahi ; " aole o'u makemake e hele mehameha i ka po Pehea oe e Mr. Maauauwa ?"
e ninau keia i ke kolu o na malihini e noho ana iloko o ke keena, me ke ope nui ma kona aoao, a i ka nana aku i kona ano, me he la e uluhua ana i ka noho loihi malaila e kali ai i ka ma-o ae o ka ua. Pane mai la ua kanaka maauauwa nei, " Aole no o'u makemake e hele i ka po, oiai, he wa keia e holoholo ai na poe powa ma na alanui a me ka poe hao wale. Aka, ke makemake a makemake ole au e hele i ka po, ua pau kuu manao e hele a hiki i Gerinawika, ina e malie mai."
Aole anei he pono ia oukou ke hele pu, no ka mea o ko Mr. Teta hale ke hana pua, a me ko Ioba Save ka babe, aia no ia wahi hookahi me kou."
O lioli loa no ke hele pu me Iona," wahi a ka maauauwa ; " aka nae, aole o'u makau i ka hele mehameha ina he kanaka hookahi ke halawai mai me a'u. O ko'u mea hopohopo ka halawai ana aku me na poe powa he nui e auwana nei ma keia mau wahi o Kent, ka poe e powa wale nei a pepehi hoi i na kanaka hoopono ma ko ke alii kuamoo."
E kau mai ka hoinoia a me ka poino eleele maluna o lakou," i pane aku ai o Hugo Ganatoka. " Aka, e o'u mau haku, mai makau oukou no ka halawai pu ana me na powa i keia po."
No ke aha e halawai ole ai e Hugo ?" i ninau mai ai o Mr. Teta, ka mea hana pua.
No ka mea, aole oukou e hele i keia po mai nei aku," wahi a Hugo ; " e noho oukou maanei, ua lawa ka hale no oukou, a me kahi e moe ai."
Mahalo ia kou e ka me a hale," wahi a ka mea maauauwa ; " aka, owau, e hele ana no wau."
E Mr. Maauauwa," i pane aku ai o Hugo, " e moe maanei a hiki i ke ao, ke ino, a malie paha ka ino. He ino na alanui — he ino loa."
Ha !" i akaaka ae ai ke kanaka maauauwa. " He manao no ko'u ua ino na alanui o nei, a ua kelekele aku la hoi no keia ua nui."
Ae, aole oia wale, he poino kekahi, no ka mea, i keia wa o ka po, ke holoholo la na poe powa au i olelo mai nei ma o a maanei o na alanui, a e paumaele auanei ko lakou mau lima i ke koko no ke kau wahi mea liilii, e like la me kou mau kakini a me kou puliki ; aia wale no a he dala kau pakele oe."
He mau mea makamae kekahi iloko o kuu puolo," wahi a ka mea maauauwa, " e uku aku no au ia lakou me ia mea, a e loaa hoi ko'u mea nana e malama a hiki i ka hale."
E mali u i ka'u olelo uwalo, a e noho kakou ia nei a hiki i kakahiaka."
Ina e malie ka ua aole au e noho ana," i pane hou aku ai ka mea maauauwa me ka paakiki, '' a ina e halawai mai ana au me kekahi poino e hiki no ia'u ke paa i keia pahi me ka haalele ole mai ia'u iloko o ka hora o ka poino."
Ua pono e like me kou makemake," i wahi a Hugo, " aka mai kuhi oe i ka hewa no hai, ke loohia oe i ka poino. Halo ! heaha kela ?"
I ka wa i puana ae ai ka mea hale pela, ia wa i kikeke ikaika mai ai kekahi mea i ka puka, a puiwa ae la na malihini.
" Ho ! wehe mai i ka puka !" i kahea mai ai kekahi leo kalakala, me ka hoonakeke ikaika ana i ka lou o ke pani puka oka.
" E hoomanawanui — e akahele !" i kahea aku ai o Hugo, a ia wa i wehe ae ai oia i na mea i paa ai ka puka.
'' E akahele !" wahi a ka leo, me ke ano nauki no ka lohi, no ka mea, ke noke la ka ua me k a ma-o ole a oia ka mea i hiki ole ai i ke kanaka mawaho ke akahele. " E wehe ae i ka laka kilou o ka puka e Hugo. E wiki."
I ka hookuuia ana iho o ke kaola i hoopaia ai, hemo mai la ka puka me ka ikaika, i ka makani, puehu liilii ae la ka huna ahi o ka puahi i o a ia nei, a malalo o na wawae o ka poe e noho nei iloko.
" E kau ka hoinoia maluna ou e G anatoka," wahi a ka mea i hiki hope mai. " E papani koke aku oe i ka puka, o puhi ia auanei makou iluna o ka puka uahi."
Ia ia i pu ana ae ai pela, noho iho la ia iluna o ka noho loihi, alawa ae la i na malihini, alaila, haka pono aku la kona mau maka hulili i ka haku mea hale, a me ka leo kalakala i puana ae ai ia : " Ano, e panee mai oe i hue waina no'u, e wiki, no ka mea, ua paapaa loa kuu puu i keia makani ino."
Awiwi aku la ka mea hale e hooko i kana kauoha, a ia ia i hala aku ai maloko o ke keena kuai wai on a, huli hou ae la ka nana ana o ua malihini hope nei i na poe malihini mua e noho ana iloko.
He mea pono ia mak ou e hoakaka aku i ke ano helehelena o ua malihini hou nei, e like me ka hiki i ka peni ke hoakaka aku, no ka mea, o kekahi ia o na kanaka i komo nui iloko o keia moolelo, a o kekahi hoi o na kanaka i makau nui ia :
He loihi kona kino, he ikaika ke na na aku, a oolea na olona, e hiki ole ai ke mauha koke. Ma kona mau helehelena maka ua kahakahaia ke ano huhu, a me ka lokoino. He liilii na maka, he eleele, a me ka hulili. He lae haahaa, kona, he ihu nui, a me ka auwaekii, he mau umiumi eleele loloa ke weu ana ma kona mau papalina, ka auwae, a me ka lehelehe luna, a nolaila ua hono ia aku kona waha ; aka, ma kona mau helehelena a pau, ua hoike mai ia i ka lokoino, ka makona, a me ke aloha ole ; a he mea malihini i kona puuwai ke aloha, a i kona mau maka hoi, i na kulu wai momi o ke aloha.
He kapa ili kona e aahu ana, ua hele nae a oki loa i ka lepo, o ua lu-a hoi no ke kahiko. He papale muouou kona me ka hulu moa maluna iho i hele a opili i ke anu, a i ole i ka hookeia e na paka ua nunui o ua po ino la. Ua uhi ia kona mau wawae e ka ili, i hooluu ia me ka wai hooluu uliuli, a he ili no hoi na kamaa. Ma kona opu kekahi apo ili palahalaha, i hoopaaia me ka pahikaua loihi ma kekahi aoao, a he pahi pokole nui ma kekahi aoao, a mai kona kulana e noho nei ; ke ike ia aku la ke keukeu ana mai o ke kumu o ua mau pahi la. (Aole i pau.)
OLELO HOOLAHA.
Lole Makepono ke Kuike !
E LOAA NO IA MA KAHI O E LAA NA AHINAHINA, KALAKOA, KEOKEO, LEPONALO, Pena, Aila, Aniani, Na Mea Piula, Kopa, Aila Hoana, Aila Hoomaloo, Koi Kakia, Pakeke, Tabu, Kaula, Noho lio, Hulu-palaki, na Pulumi, A he Agena no hoi no na Mokupuni o Hawaii nei no na LAINAKINI-NAO, LAINAKINI-MAOLI, PALULE KALAKOA. ALAPIA, KELEPA, KILISA, Na Lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana Lipine, lihilihi, a me ia mea'ku A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c A HE LAAU LAPAAU KAULANA LOA A Dr. JAYNES. Laau Kunu, Laau Hoomaemae Koko, Laau hoopau naio, Penikila, Huaale, A me na Laau Hamo, a pela'ku. 707 ly 759
OLELO HOOLAHA.
CECIL BROWN, Loio a he Kokua ma ke Kanawai A HE AGENA NO KA HOOIAIO ANA I NA Palapala no ka mokupuni o Oahu. Hela & Alanui Kaahumanu, Honolulu. H. P. A 688 1yr 710
WING SING &Co. Puhi Palaoa,
E waiho mau ana na palaoa a me na berena palupalu. Kihi o na huia.. alanui Nuuanu a me Beritania. 703 1y 755
E. STREHZ, (AILUENE,)
HAAWI A KUAI
LAAU LAPAAU.
AIA MA MONIKAHAAE, KIHI O NA HUINA o na Alanui Papu a me Hotele. Aia malaila na Wai Ala a me na Wai Rukini maikai loa e loaa ai. E hamama mau ana i na ahiahi Poaono a pau. 689 1y 741
HALE KUAI LOLE.
O MAKOU o ka poe nona na inoa malalo iho, ke wehe nei i Hale Kuai Lole ma Kahaluu, Kona Akau, Hawaii, i ka la 22 o Mei, a na Akuna Pake e malama. Malaila na waiwai o kela a me keia ano nani a maikai loa. Eia maanei na papale wahine a me na papale kane o kela ano keia ano. Nolaila, ke konoia aku nei oukou e naue ae e ike kumaka i ke kuai makepono loa. E hele mai e hoao ike pono. GOOKIM &Co., Kahaluu Kona, A. Hawaii. 703 6m
Mea HOU Maikai.
Na PEPA kakau Farani me na wahi leta o kela ano keia ano, i hanaia maloko o kekahi pahu liilii. O ke kumukuai o keia pepa ano hou, he hapalua a hookahi dala. Aia ma ka hale kuai buke o
1m-705 H. M. WINI.
EIA KA MANU HOU
HE BUKE MELE HOU NONA KA INOA " Robina Gula," na 110 ka nui o na mele haipule a hoonanea o keia Buke Hou. He 15 keneta no ke kope, a i ole ia, he $10 no ka 100 kope. E kuai ia e (3m 804) H. M. WINI.
KA NUPEPA KUOKOA
E HOOPUKA MAU IA MA HONOLULU,
I KELA POAONO KEIA POAONO
$ 2.00 no na mahina Umikumamalua $1.00 " " " Eono.
ME KA HOOKAA MUA MAI.
NA OLELO HOOLAHA—aole e oi mam ua o 10 laina no ka hoopuka hookahi ana, $1.00 ; alua puka ana he $1.50 hookahi malama. $2.00. E UKU MUA ia mai ke dala o na Olelo Hoolaha e hoounaia mai ana e pai.
O NA UKU A PAU E HOOKAA MUA MAI NO — aole e kau ia ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e mai mamua. E pono e hiipoiia keia mau rula, no ka mea, he emi no ka auhau no keia nupepa.
AIA KE KE ENA O " KE KUOKOA" MA KA
HALE LETA HOU.
H. M. WINI,
Lu na Hoopuka.
KA B URT LAAU OLA !
NO NA Mai e loaa mai ana no ka holopono ole o ka ai iloko o ka Opu, A me ka mea hooikaika i ke Akepaa !
O KEIA LAAU E LOAA MAI AI KE OLA A E PAKELE AI HOI !
He mea io no ia e pau ai na mai i loaa mai mamuli o ka Holopono ole o ka ai iloko o ka Opu, Ka Paapu, na Io ulu wale, Na waikahe wale mai, na mai Nalulu, Na mai o ke Akepaa, a me KA PONO OLE O NA PAAHANA O KA WAIHONA AI E LOAA KOKE NO KA OLUOLU KE INU I KEIA LAAU MAI KA AKAhi a i ka eono omole (e like me ka nui o ka mai, pela e nui ai ka laau.)
He mea nui loa ka malama ana i ke kino iloko o ke kulana o ke ola maikai me ka kokua ana i ka mana o ka hooholopono ana o ka ai iloko o ka opu, a me ka hooikaika ana e puliki a e hoomau ma na hana e kokua ai i ke ola oluolu maikai, a mamuli o ie mau mea e makaia ai na mea ino mai ke kino ae, me ka ai ole ana i na laau awaawa. I mea e maopopo ai, e lawe i ka Laau Ola a a Burt, e loaa ai ka ikaika a me ka mea hooikaika i ke akepaa, he LAAU noloko mai o na MEA KUPU. Ma ka ikaika o keia laau a me ka holo o ka hana maluna o na PAAHANA o ka WAIHONA AI, me ka hooikaika ana i ka opu a me ke kokua i na mea o ke kino, a ma ia wa no e kaawale aku ai na mai o ke akepaa, a ma ka hoonaha kupono ana , e loaa mai ai ka oluolu ma ka pau ana aku o na wai ino. Aole laau maikai e ae i ike ia, e like me ka Burt Laau Ola no na mai e loaa mai ana no ka holopono ole o ka ai iloko o ka opu, a me ka mea hooikaika i ke akepaa, a o lanakila nui no keia laau maluna o na mai i loaa mai no ka holopono ole o ka ai iloko o ka opu, ka paapu, na io ulu wale, ka wai kahe wale mai, a me na ino e pili ana. He lehulehu ka poe i ike ole i ke kumu i hiki mai ai na mai no ka holopono ole o ka ai iloko o ka opu ; a nolaila, ua manao ia he mea pono ke hoike aku, i kahi wa, ua loaa ka eha ma ka waha o ka opu ai ai, o ke kumu o ia, o ka holopono ole o ka ai iloko o ka opu, a lilo ia i mea pohapoha, loaa mai ka nalulu, ka wela o ka umauma, wela o loko o ka opu, ka umii ma ka aoao a iloko o ka umauma, ka mulea o ka waha, palaai o holopono ole o ka ai iloko o ka opu.
O KA LAAU OLA A BURT, he laau ia e kipaku aku ana i na mea make ; a o ka mea i loaa'i nei mau ano mai a hoomanawanui i ka ai ana no kahi manawa, o ke ola kona hope. Ina he paa ka mai o kahi a inu i keia laau, e loaa koke no ka oluolu maikai, a loaa no ke ola hou. O na ino a pau o ka io ulu wale, he ola wale no ia i keia laau.
He nui na hoike e ola nei no ke ola ana i keia laau, mahope iho o ko lakou mai ana no kekahi mau makahiki, a i ka ai ana i keia laau ua ola koke. He hiki no hoi ke hoomaemae ia ke koko me keia laau ola a Burt, a pela no hoi na mai mawaho o ka ili, he lilo loa ia i ka ole ke ai i keia mea maikai. A he laau maikai no ma ka inu ana.
O keia laau, ua loaa mai ia mailoko mai o ke kuhikuhi a kekahi kauka lapaau kaulana, nona ka lapaau ana i kona ohana iho, a ua loaa no ke ola maikai. Ke waihoia aku nei keia laau imua o ka lehulehu, me ka lana o ka manao pono e hahai ia ana no e na pomaikai na poe e ai ana, ina paha he nui ka mai, e ola ana no.
O KEIA LAAU A BURT, KA LAAU MAIKAI MA KE AO NEI, nolaila, he pono i na poe mai ke hoao i loaa ke ola. E loaa no keia laau ma ko makou Halekuai Na kuhikuhi no ka inu ana : E inu i hookahi puna nui i ke kakakahiaka a me ke ahiahi, hoonui aku paha a hoemi mai paha, i mea e hemo maikai ai oloko, elua a hookahi manawa paha o ka la. Mai inu i ka wai iloko o umikumamalima minute, mamua a mahope o ka inu ana.
KUMUKUAI, $1.25 no ka omole.
KO KALEPONI LAAU OLA ! A ME KA MAI HANO. DILLINGHAM & CO., 720 3m Na Agena no ka Pae Aina Hawaii.