Ka Nupepa Kuokoa, Volume XV, Number 2, 8 January 1876 — Page 3
KA NUPEPA KUOKOA, ME KE AU OKOA I HUIIA.
ALEMANAKA O KA M . H. 1876.
*** ALEMANAKA O KA M. H. 1876. ***
K e ano ili o ka Mahina no ka Malama o Ian., 1876
MANAWA NO HONOLULU [HOOMAKAUKAUIA E KAPENA D. SMITH.]
1 Hapalua mua........................................... 4 53.0 AM
12 Mahina piha............................................ 7 57.9 PM
17 Hapaha hope........................................ 10 18.4 PM
2 0 Mahina hou............................................ 3 10.5 AM
Ka puka me ka napoo ana o ka La.
l Puka la ..6 41.7 AM...........................Napoo la...5 25.7 PM
8 Puka la..6 41. AM.............................Napoo la...5 31. PM
1 7 Puka la..6 41.7 AM.........................Napoo la..5 35.7 PM
2 1 Puka la..6 42.8 AM.........................Napoo la..5 49.8 PM
26 Puka la..6 42.4 AM........................ Napoo la..5 44.4 PM
3 1 Puka la..6 41.7 AM.........................Napoo la..5 45.7 PM
Ka Latitu me ka Lonitu o Honolulu.
M a ka hale holo pauahi. Hale Kaawai Helu 2, a i ole ma ka Hale Kilo o Mr. Filmer, penei :
Latitu 21o 18' 23" Akau. Lonitu 157o 45' 45" Kom.
Nu Hou Kuloko.
No k a piha loa o keia pepa, ua koe na palapala a na makamaka a keia pule ae.
Auwana iho nei ka makani kamaaina o ua k aona poo la nei, eia ua hoi hou mai nei.
U a hookohuia o Mr. Hill o Lahaina, i kumukula no ke Kula hoopololei o Keoneula, ma kahi o Mr. G. H. Dole i hookiekieia ae.
M a ka Poakahi iho nei i ku mai ai kekahi moku waiwai mai Kina mai, no Akoana o keia kulanakauhale, me iwakalua mau pake hana.
LU NA WAI O HONOLULU — Ua lohe mai makou, ua hookohuia o Kapena Haulani o keia kulanakauhale i Luna wai no Honolulu nei ma kahi o Penikalaka i make.
E MAKAALA NO KA LA 2 O FEBERUA RI !— No ka mea, oia ka la koho lunamakaainana no na apana lehulehu a puni ka aina. E ku a e paa i ka balota a e hookomo no ke kanaka manaoio hana a naauao.
Aole e holo ana ke Kilauea i keia Poakahi ae, aka, e hoopanee aku ana a ke ahiahi Poalua, no ka mea, he la nui ka Poakahi, no ka hoomanao ana i ka la hanau o ke Keiki Alii.
U a lohe mai makou, ma ka halawai mau o ka Puali Kinai Ahi Helu 4 i ka po Poalua iho nei, ua hooholo lakou e koho i na inoa o ka poe hoa o ia Puali no ke kau koho lunamakaainana ae nei.
I ke kakahiaka Poaono aku nei i hala, ua holo aku ka moku kiapa D C Murray ma kana huakai holo Hape nuia, no Kapalakiko, me ka lawe pu aku i na ukana a me na ohua mai keia awa aku.
No ka pa u ole o na hemahema o ka moku kuna Neli Mele hou, i kela hebedoma aku nei, nolaila, ua pau keia hebedoma i ka liuliu ana, a i keia Poakahi ae i ole Poalua paha e holo ai ia ma kana huakai mua.
HE MAU LA HOOKAHAKAHA,— O na la 3 a me 3 o Feberuari e hiki mai ana, he mau la nui hookahakahaia no keia kulanakauhale, a no kekahi poe paha. E koho lunamakaainana ana ma ka la 2 a ma ka la 3 ae ka la hookahakaha o na keiki kinai ahi.
KA LA H ANAU O EMMA — Ma ka la 2 iho nei o Ianuari, oia ka puni ana o na makahiki he kanakolu kumamaiwa o kona ola ana. No ke kaa ana o keia la i ka la Sabati, nolaila, ua hoopaneeia ka malama ana i kona la hanau a i ka Poakahi ae.
Ua lohe mai makou, ua ha ule mai ka puka aniani iho o ka hale o Keawekolohe ma Kakaako kekahi keiki uuku, aka, aole nae i poino ke ola. Ke hoike mai nei ka hemahema o ka makuahine Hawaii i ka malama keiki, a nolaila makou e kau leo aku nei i na makuahine Hawaii, e malama loa i ka waiwai makamae a ke Akua i haawi mai ai, e hookawowo ae ma keia ao.
Ma ke la 1 o Ianuari nei, ua malama ko Ewa a me Waianae mau makaainana i halawai hoolohe akamai kumu hana mai ka poe mai e makemake ana e hana balota ma Pokai, Waianae. Mai ka hoomaka ana a hiki i ke puhi ana o kaikui, ekolu wale i-o mea i kamailio.
Ma ka la 3 ae, ua halawai ma Waiawa, Ewa, a he ekolu no mea i kamailio pau ka manawa.
U A HOOKOIA — Aia ma ka apana ma Waikiki-kai, ua hooko ko laila luna apana me na hoahanau e like me na mea i hoopukaia i kela pule aku nei. Nolaila, ua malama lakou he ahaaina ma ka la Hape nuia me ko lakou lulu dala ana me na malihini i mea e hoolawa aku ai no ka poino o ko lakou hale halawai, a ua loaa na dala $32 85.
HALAWAI MAKAAINANA — Ua malamaia he halawai makaainana ma ka luakini o Kamoiliili i ka hora 9 paha o ka po o ka la 1, o keia malama, a o ka nui o ka poe i akoakoa ae, he mau wahine a he mau kamalii, i kikokohuia e na kane helu. Aole no he paa balota i hoikeikeia ma ia halawai, he mau haiolelo wale no na Malo a me Pinehasa Wood.
MAHUAHUA LOA.— Ua pai iho makou i ka la mua o keia malama, he 3250 ka nui o na nupepa Kuokoa, a he mea haohao no makou ka hoike aku, ua lele liilii ua mau tausani nei, a he mau wahi pepa uuku koe, i koe i ka hoauhia no na kauoha hou mai o hiki mai paha. Ua ike na kanaka, he makahiki ano nui keia, a nolaila lawe nei i ke Kilohana Pookela o ka Lahui Hawaii. He mea hilu loa keia ia makou, no ka mea, i ka wa e enemiia mai ai keia nupepa, oia ka wa e oi pakela loa ai o kona laweia. Ua oi ae na pepa i laweia i keia makahiki mamua o ko ka makahiki i hala, a ke hooia aku nei makou, e hoomahuahua aku makou i ko makou ikaika i keia makahiki.
UA HOOPAIIA O S. M. KAMAKAU — I ka Poaha iho nei, ua laweia imua o ka Aha Kiekie o S. M. Kamakau, no ke kumu hoopii, " He hoowahawaha i ka Aha " Eia ke ano, mamua iho nei, ua hoopuka o S. M. Kamakau i kekahi mau olelo hoohenehene ma keia nupepa no ka mea e pili ana i ka pa o Mililani, oiai ua hooholo ka Aha Kiekie no ke aupuni ia aina. Ma ko S M. Kamakau manao hoi, he lele ia no Waikahalulu, nolaila like ole ka manao o na aoao elua. Ua alakai hewa ia ko S. M. Kamakau noonoo no ke ano alu-a iho, a nolaila hu loa ai kona manao ma kulakula. Ua hoopaiia oia he $10, no keia hewa Ua maopopo ma keia kona huhewa loa. Ua haawiia nae ia ia ka olelo ao loihi e ka Aha. Ua pau kuhihewa a ka poe e hoolohe ana, i kona naauao i keia manawa.
KA P O LEA O HALALII — Ma ka po o ka Poaono Dekemaba 25, 1875, ua wehe ia kekahi aha himeni nui ma ka luakini o Popopiia Kona-waena malalo o ke alakai ana a Mr Stephen Kana ma ka hora 7 paha o ka po ka hoomaka ana o na hana ia manawa i kuu pau mai ai na manu oia uka i ko lakou mau leo nahenahe, i hui pu ia me ka leo o ka pila a W. Whitmarsh i haawi mai ai i mea hoolealea no ia po, i ulele ia mai hoi e ka mea nana i alakai na hana oia po a he nani kela, a mawaena o na leo himeni, hookahi no a'u leo i lohe aku i ke kani, eia ka no Rahaba ia leo kani. Ua kuhi au o ka pu lani a Malio i ka hone ana mai he kani no na leo a pau pau sweet wahi a ka haole hookahi nae haumana i loa'ku ia leo oia o Sela Barrett. Kuhi aku au he leo no ko kahuli eia ka no ua o Uheuheneikapuakoolau Auwe ! mai poina ka hoi au i keia o Kanehoa ka hoi kekahi i kuu pau ma i ka ohe alaua o Kauakahialii nana'ku hone no hoi a ma keia po wau i ike i ka nui o ka haole akahi wale no au a ike i ka nui he lohe olelo hoi ka po lea Halalii akahi a ike.
J. H. KAUALILILEHUA Kona-waena Hawaii Dekemaba 28, 1875.
HUNAHUNA O KO NA AINA E.
Mamua iho nei o ke kuai ano a Enelani i na kuleana mahele o ke Alii-kui o Aigupita, iloko o ke Ala Eli o Sueza, ua waiho e ia mai i ke aupuni o Farani, aka, no ka hopohopo o ka Peresidena Makemahene, malia o kaua hou o Farani me Geremania, nolaila, hoole ai ka Aha Kuhina.
Eia malalo iho nei ka nui o na uku o na Kulanui Hoonui Ike o Amerika Huipuia, no ka hapaha kula hookahi : no ke Kulanui o Dartmouth, he $70 ; no Brown, he $85 ; no William, $90 a $95 ; Yale he $140, a ma Harvard, $150. Ua ao mai nei o M. Rota, he kumuao himeni kaulana no Trieste i ka poe kuli, e mele. A ma ke anaina mele nui i haawiia ma Parisa, mahope mai nei, ua ku lakou imua o ke anaina e mele, a ua malama pono ia ko lakou manawa himeni ma ka pana ana.
Ua aelike iho nei ke Komite o ka aoao akau a me ka hew a o ka ahaolelo o Farani, e hoike aku no ka manawa e koho hou ai ka lahui i ona mau lunamakaainana a me ka manawa e akoakoa ai. O ka la 20 o Feberuari ka la a ke Komite i manao ai, oia ka la koho balota lunamakaainana, a e halawai koke i Maraki 7.
Ke puhiia nei ma ke kahua akea , e na kamalii kane a wahine o Kapalakiko, kela mea hoomalohi kino he opiuma. Ua hoike ae ka Puali Makai o ia kulanakauhale, he ewalu mau lua liona o ia ano i loaa, no lakou ka poe haole e pipili ana e puhi. O keia iho la ka hua a ka pake e hookomoia la ilaila, a heaha la auanei ka lakou anoano e lu ai ma Hawaii nei.
M a ka hooponopono ana a ke Komite i kohoia malalo o ke kanawai a ka ahaolelo o Amerika Huipuia i hooholo no ka Waiho ana i na koina o ka poe i hoopoinoia e ka moku powa Alabama, a Enelani i uku mai ai he $15,000,000 no na poho e pau ana i ka la 20 o keia malama o Ianuari nei. A mailoko ae o na koina i ae ia, e pau ana he $8,000,000, a e koe ana kekahi hapa nui i koe. O ka poe i hoole loaia, oia ka poe hui panihakahaka a me ka poe i lawe i na makaua na ke kaua. Aka ke hoomakaukau nei nae keia poe i hooneleia e hoopii i mua o ka ahaolelo, e kauia ona kanawai e hookomoia ai lakou mawaena o na koina pololei no ko lakou mau poho.
Ua hooholo ka Emepera Wahine o Iapana, e kukulu i Kulanui no na kaikamahine e makemake ana e hoopapau ia lakou iho no ka oihana hoonaauao aku.
Ano koke mai nei no ka pa u ana o ka heluia ana o na makilo o ke kulanakauhale o Parisa ; a penei ka hoike aka mai a na huahelu : he 25,480, he mau wahine, he 14,500 na kane, he 13 030 na kaikamahine, a he 12 210 na keikikane.
Ke h oike mai nei na Luna Hooponopono o ka Ahahui Hoomoe Alanui Kaa Ahi, mai ka Hikina a ke Komohana o Amerika Huipuia, a ke puka nei ia hana. Ke hoohalikelikeia na loaa o na malama he umi, o na makahiki ekolu, e ikeia no malalo iho : no na malama he umi o 1874, ua loaa he $11,574,00 ; no umi malama o 1874 ua loaa he $11,770,000 ; no umi malama o 1875, ua loaa he 14,086,000.
Ai a ma ke kulanakauhale o Piladelapia, he kanakolu mau Banako Malama Dala, no lakou ka huina kumu waiwai he $17,000,000. Ua hoolaha akea ia ae, he iwakalua kumahiku o lakou i uku aku i na puka iloko o Mei a me Novemaba iho nei, a he ekolu i koe, e uku ana i Ianuari nei, a iloko aku o Iulai. Hookahi wale no o keia mau Banako, i hiki aku kona kumu waiwai i ka $2,000,000, a o ka nui iho malalo.
He ekolu mau hal e hana dala o ke aupuni o Amerika Huipuia, e hana pinepine nei, a o ka nui o ka lakou mau dala i hana ai no ka malama wale no o Okatoba i hala, penei no ia : No ka Hale Hana Dala o Kapalakiko, he $2,440,000 ma ke gula, a he $678,000 ma ke dala maoli ; no ka hale o Carson, he $274,620 ma ke gula, a $338 000 ma ke dala maoli ; no ka hale o Piladelapia, he $1,559 400 ma ke gula, a he $2,452,000 ma ke dala maoli.
Ke hoomak aukau nei o Mekia M. R. Delany o Kaletona, Karolina Hema, Amerika Hui, e kakau i moolelo no ka lahui paele o Aferika e noho ana ma Amerika, mai ka lawe mua loaia ana mai e na Paniolo a hiki i ka hooholoia ana o ka hoololi o ka pauku umikumamalima o ke kumukanawai o Amerika Huipuia.
Ua hoolilo aku na kah u malama waiwai o kela kanaka Amerika waiwai nui Peabody, no ke kokua ana i na Halekula ma ka aoao hema, iloko o keia makahiki, he $97 650, mamua o ka make ana o keia haole, ua hookaawale oia he puu dala nui no ka oihana hoonaauao malalo o ka lawelawe pono ana o kona mau kahu malama waiwai.
Ma ka hoololi Kumukanawai o ka Pauku 18, o ka Mokuaina o Karolina Akau, ua papaia ka noho a me ka hoonaauao pu ana i na keiki haole a me na keiki paele iloko o ka hale kula hookahi. Hea ha ke ano o keia hookaawale ana, i ke ao like ana o na ili like ole me ke koko hookahi ?
KU HOU KO WAIALUA.
E KA NUPEPA KUOKOA E ; Aloha oe :—
Ma k a auina la o ka Poalima la 24 o Dec. nei, ua apo mai kekahi mea ana ole ; ahi, i olelo ia ma ka Buke nui weliweli. Ma ka auina la i olelo ia maluna, ua pau i ke ahi he hale kua nui, a o kona uhi i kona kino he pili maoli. Eia ke kumu i pau ai, ua pono ole, a makaala ole i ka malama ana i ke ahi koe na makua, i mea na ke keiki e hoopau ai i ka hale, i ka mea aohe i mai, ua nui. O ka inoa o ka mea nona ka hale kua nui ; o Parau, Kaolelo k., ma Paalaa uka kahi i ku ai o kona hale a pau wale no i ke ahi ; o ke ahi na kekahi no o ko laua mau puhaka aku i koe i ka luai pele, i pili koke ma ka paia o ka hale a lumai ihola i ke kino o ka hale nona iho ; he ahi he mea ana ole ! Aohe no he ola kino i hoopoinoia, a o na pono kino ; pahu lole, na pahu o kela me keia, na moena, na pani puka me na puka aniani, ua pau i waho, aohe mea i poino. E makaala no e na makua ina ahi koe i ka oukou mau hooulu lahui, o ke au o ka Moi Kalakaua. O papapau a nolo kohana wale iho aohe hale, aloha ino.
M a ka po o ka la Karisimaka iho nei, ma Kamananui i Waialua, ua make emoole loa o Nihoa k., kekahi keiki a Mr. Palu, ia po, he haunaele ona ma ka hale o ke kaikaina, me ka lehulehu e noho ana. Maia po, ua ona ia o Nihoa k., me ke kaikaina Naahalama, a uluku mai la na hana a ka ona ; Naahalama, e pepehi i kana ewa maikai ; oia ka wa a Nihoa i uwao ai me ka ikaika iwaena o ke kaikaina me ka laua wahine, a pau wale ia. Oia ka wa a Mireka ka laua wahine i holo ai no ka maka'u o eha hou mai i ke kane, holo aku la a kekahi hale okoa aku, hahai aku no ke kane mahope, a o ke kaikaina aku no mahope, me ka manao i ke ola o ka laua ewa, no ka mea, ke pono ole maila na hana a ke kaikaina maluna o ka laua wahine. Hiki mua aku la o Nihoa ma ka hale o Pila Pele, ia po, a ninau ana aole i holo mai nei o Mireka, eia paha me olua ; hoole mai laua, aole o onei. Ninau mai laua i ke kumu i hakaka ai, he ona rama ko ke kane o ka hoi ana mai, a pepehi mai ana i ka wahine, a mai ka po ko'u puiwa i ke kahea a ka wahine, e Nihoa e ! e Nihoa !! e kii mai oe ia'u make au ia ia nei, ola ko'u wa i pii ae ai mai ka hale ilalo e hiki ana i ka hale iluna, kahi hoi a kuu kaikaina e pepehi ana i ka wahine a maua. Kahea aku maua ia Nihoa, maloko nei hoi ha ; hoole mai kela, aole, mawaho nei no au a hoi aku. O ka hana a make aku la noia ; a kahea aku au, (Pila Pele) e Nihoa e ? Puka aku au e nana e waho mai ana, ua make loa auwe ! make loa o Nihoa ; o ka hanai mai la noia o (Pila Pele) a hiki ana i ka hale noho o lakou me ke kino make o Nihoa a ke noho u nei ka makua no ke keiki, a me ka lehulehu no a pau. Owau no kahi e komo pu aku me ke aloha i ka makua i hoonele ia i ke keiki ole, a me ka ohana e noho ana me ka lihaliha kaumaha.
" He hooakaka wale no ka Kiilau." I na ua hewa keia moolelo maluna iho o'u ka e hewaia, e ola a ka pua aneane. E aloha auanei. SIMEONA PUAA.
Waialua, Oahu. Dec. 27, 1875
OLELO HOOLAHA.
Hawaii Hana Mikiala.
KE Hoike ak u nei au i ko'u Lahui, ua wehe ae nei au i ko'u Hale Hana Gula Pepeiao, Komo Lima o ka laina ; aia ma Alanui Hotele, Honolulu, a mauka iho o ka Hale Hotele Aina o Akona. Malaila no au e ku makaukau nei e lawelawe me ka mikioi i keia hana. Ina oukou e makemake e lawe mai i na mea haihai, a e hoohinuhinu paha me ka wai gula, ua hiki loa ia'u. " E ike ia kakou hookanaka, o kipa hewa, ke aloha i ka lilo." S. KAUHI. Honolulu, Ian 3, 1876 736 3t 738
NO KA MEA, ua hookohoia ka mea nona ka inoa malalo, i Lunahooponopono no ka waiwai o LAAUHOPOOLE, Honolulu, Oahu, i make aku nei. Nolaila, ke hoolahaia ana nei, o na mea a pau i aie mai i ka mea i make, e hookaa koke mai, a o na poe a pau ana i aie aku ai, e waiho mai i ko lakou mau bila aie i hoolahaia, maloko o na malama eono mai keia la aku, o nele loa aunei lakou.
H. KEAHIALOA,
Lunah ooponopono Waiwai o Laauhopoole i make. Honolulu, Okat. 8, 1875. 738 4t* 739
E IKE auanei na m ea a pau, haole, kanaka, pake, a pela aku, mai Hawaii a Niihau, o makou o ka poe nona na inoa malalo iho nei, ke hoolaha akea ana nei makou i ka aina o Kalolo, e waiho nei ma KOPU, Kau, mokupuni o Hawaii, nona na Eka 300, no ka manawa i hoolimalima ia e makou no na makahiki he umi. Ke hai nei makou i ka lohe ia oukou a pau e na makamaka, aole e ae ia kekahi holoholona e hele wale maluna o kela aina, oia hoi ka Lio, Pipi, Hoki, Kekake, Kao, Puaa, a pela 'ku. Ina e loaa ia makou kekahi holoholona o keia mau ano, alaila, e hopu no makou a paa ; ina o ka mea nona ia holoholona, e kii mai, e uku no oia i hapalua dala maoli (50 keneta) no ke poo hookahi, e like me ke Kanawai. A ina ua komo holookoa ke kino o ka holoholona iluna o ka aina, a me ka mea kanu, e ukuia ke poo hookahi i Elima Dala, ($5.00) e like me ko kakou mau Kanawai. No ka oiaio, ke kakau nei makou i ko makou mau inoa malalo iho : Keoni Kailikini, L H Kuhinapule, Kekaua, S W Kamalau, John N Kalua, Keawe, W R Kaaukai, Kailikea, Kamaka, 736 1t* Mokuhalii, Keaka.
Hoolaha a ka Luna Hooponopono Waiwai.
OIAI ua hookohuia mai ka mea nona ka inoa malalo iho nei, i Lunahooponopono no ka waiwai o KAHILIKOOLANI, o Waihee, Maui i make. Nolaila, ke kahea ia aku no i ka poe a pau he mau koina ko lakou i ka waiwai o ka mea i make, e hoike koke mai maloko o na la he 45, mai ka la 4 Ianuari1876, a hiki'i ka la 18 o Feberuari, o ka makahiki i oleloia maluna. A o ka poe i aie i ka mea i make, e hookaa koke mai ia P. KAHOLOKULA,
Lunahooponopono Waiwai o Kahilikoolani. Waihee, Maui, Dek 23, 1875 638 318 738
E KUAI kud ala ana ma ka Pa Aupuni ma Waiawa, Ewa, elua mau lio helehewa, ke hiki aku i ka Poaha, la 13 o Ianuari, hora 10 kakahiaaka, 1 Lio k eleele kuapuka laekea hao kuni K'P uha hope hem hao j uha hope ak. Lio k ulaula laekea loihi ka ihu kuapuka hao kuni S uha hope, hema hao II uha hope akau. O keia na lio e kudalaia e like me ke Kanawai.
J S KAANAANA, Luna Pa Aupuni o Ewa & Waianae, Ian 6, l876. 736 lt*
E ike na mea a pau loa ke nana mai ma keia olelo hoolaha, ua lilo mai ia'u na kai Lawaia o ka Mea Kiekie ke Kuhina Kalaiaina W L Moehonua, ma Kalihi, Oahu, i ka hoolimalimaia, mai HONUKU a KAKAI. Ke papa a ke hookapu loa ia aku nei ua mau Kai Lawaia la, nona na inoa i haiia maluna, aole kuleana o na kanaks e hele a lawaia malaila. Ina kue ia kekahi olelo papa a hookapu i hoikeia, e hopu no kuu mau Luna a hoopai aku e like me ke Kanawai o ka aina, koe ka poe i ae ia e a'u a me kuu hope oia o J W Kaapu. CHARLES K. ELLIS. Honolulu, Ian 6, 1876. 736 4t* 739
Hoolaha a ka Luna Hooponopono Waiwai.
UA HOOKOHUIA ma ka mea nona ka inoa malalo iho, i Lunahooponopono Waiwai no ka waiwai o SEBASTIAN LANZA, o Kohala Akau, Hawaii, i make, ke kauoha aku nei i na kanaka a pau, he mau koina ka lakou i ka waiwai o ka mea i make, e hoike koke mai iloko o eono malama, a o ka poe a pau i aie mai iaia, e hookaa koke mai me ka hookaulua ole. J WIGHT,
Lunahooponopono Waiwai. Kohala, Dec 27, 1875. 736 4t* 739
Hoolaha a k a Luna Hooponopono Waiwai.
E IKE auanei na mea a pau ma keia, owau o ka mea nona ka inoa malalo iho, ka Lunahooponopono Waiwai o Ka Mea Kiekie Ruta Keelikolani, no Honolulu, Oahu, ua hookohu pono aku au ia Kalaikini (w), i kela la 1 o Ianuari A D 1876, i Luna Aina, no na aina a pau e waiho la ma Waialua, Oahu ; a ke kauohaia aku nei kela a me keia, e nana a e hoolohe i kona mana ma kela.
W. P. LELEIOHOKU,
Lunahooponopono Waiwai o Ruta Keelikolani. Honolulu, Ian l, 1876 735 3ts 757
E IKE auanei na mea a pau ma keia, owau o ka mea nona ka inoa malalo iho, ka Lunahooponopono Waiwai o Ka Mea Kiekie Ruta Keelikolani, no Honolulu, Oahu, ua hookohu pono aku au ia Kaupena (w), i keia la 1 o Ianuari A D 1876, i Luna Aina, no na aina a pau e waiho la ma Ewa, Oahu ; a ke kauohaia aku nei kela a me keia, e nana a e hoolohe i kona mana ma kela.
W. P. LELEIOHOKU,
Lunahooponopono Waiwai o Ruta Keelikolani. Honolulu, Ian 1, 1876. 735 3ts 737
E IKE auanei na kanaka a pau ma keia, owau o ka mea nona ka inoa malalo iho, ka Lunahooponopono Waiwai o Ka Mea Kiekie Ruta Keelikolani, no Honolulu, Oahu, ua hookohu pono aku au ia Maui, i ka la l o Iune A. D. 1875, i Luna Aina no Makiki, e waiho la ma Honolulu, Oahu ; a ke kauohaia aku nei kela a me keia, e nana a e hoolohe i kona mana ma keia.
W. P. LELEIOHOKU,
Lunahooponopono Waiwai o Ruta Keelikolani. Honolulu, Ian l, 1876. 735 3t5 737
E IKE auanei na m ea a pau ma keia, owau o ka mea nona ka inoa malalo nei, ka Lunahooponopono Waiwai o Ka Mea Kiekie Ruta Keelikolani, no Honolulu, Oahu, ua hookohu pono aku au ia Lumilumi (w), no Kona Hema, Hawaii, i keia la 1 o Ianuari A D 1876, i Luna Aina a i Agena no'u no ka malama a hooponopono ana i na aina Ahupuaa e waiho la ma Kona Hema, Hawaii ; a ke kauohaia aku nei kela a me keia, e nana a e hoolohe i kona mana ma keia. W. P. LELEIOHOKU,
Lunahooponopono Waiwai o Ruta Keelikolani, Honolulu, Ian l, 1876. 735 3ts 737
E IKE auanei na mea a pau ma keia, owau o ka mea nona ka inoa malalo iho, ka Lunahooponopono Waiwai o Ka Mea Kiekie Ruta Keelikolani, no Honolulu, Oahu, ua hookohu pono aku au ia W K Moilii, no Waiohinu, Kau, Hawaii, i keia la l o Ianuari A D 1876, i Luna Aina, a i Agena no'u no ka malama a hooponopono ana i na aina Ahupuaa a me na ano holoholona a pau o Ruta Keelikolani, e waiho la ma Kau, Hawaii ; a ke kauohaia aku nei kela a me keia, e nana a e hoolohe i kona mana.
W. P. LELEIOHOKU,
Lunahooponopono Waiwai o Ruta Keelikolani. Honolulu, Ian 1, 1876 733 3ts 735
W . PILIPO !
I KEIA LA, ua kohoia, a ua hoonohoia ka mea nona ka inoa e kau nei maluna o keia hoolaha akea, me ka mana a pau loa, e noho i Lunahooponopono malama waiwai no'u, (Abigaila Maikai). Nolaila, ke kauohaia aku nei na mea a pau loa, e hoolohe i kuu Lunahooponopono, mai keia la aku, me na keakea ole ma kana mau hana a pau, e like me ka mana i loaa iaia.
A no ka oiaio o keia hoolaha, ke ae nei au a hoopono, a kakau inoa malalo nei o keia hoolaha akea.
A BIGAILA MAIKAI. Kealohilani Hale, Honolulu. Dek 23. 1875. 735 4t* 723
KUAI A KA ILA MUKU.
MAMULI o ka mana o ka Olelo Hooholo i hoopukaia e ka Aha Hoomalu o Honolulu, Oahu, no JAMES I DOWSETT ka pono no na mana e kue ana ia Kahele, nolaila, ua lawe mai au a e kuai aku ana ma ke akea, i ka Poaha, la 27 o Ianuari A D 1876, maluna iho o ka aina, i ka hora 12 o ke awakea, i na pono a me na pomaikai a pau o Kahele, iloko o ka hale laau e ku la ma Makiki, aia wale no ke koe a hookaa ia mai ke koina, ka ukupanee a me ke koina o ka Aha a me ko'u uku, a me ka uku Komisina mamua ae. W C PARKE, Ilamuku. Honolulu, Dec 24, 1875 734 4ts 737
E IKE auanei na kanaka a pau, o makou o ka poe nona na inoa malalo iho, ka poe nona ka aina hoolimalimaia ma ka Ahupuaa o KEHENA, Apana o Puna, mokupuni o Hawaii, ke kauoha aku nei makou i ka poe mea holoholona e holo ana maluna o ua aina la, e kii koke mai me ka uku. Ina he bipi, lio, hoki, miula, maloko o na la he 30, me ka uku pu mai no hoi i ka pono, no ka makou mau mea kanu. Ina kii ole mai kekahi a hala ka manawa i oleloia, o ka nele ka hope. Na makou — B Poohiwi, S Kapele, E.W Keala, William Makanui, S W A Nakanaka, E. K. Moeuhane. Heanu, J. Keaka, a me WAHINE. Novemaba 21, 1875. (734 2ts 763) Kakauolelo.
HOOLAHA HOOKOLOKOLO !
A HA Kiekie o ko Hawaii Pae Aina, ma ka hooponopono waiwai, mokupuni o Oahu, ko Hawaii Pae Aina. SS. Ma ka waiwai o NICHOLAS GEORGE. Olelo kauoha, e koho ana i la e hooiaio ai ka palapala kauoha, a no ka hoolaha ana.
No ka mea, ma ka la 5 o Ianuari M H 1876, ua waihoia mai imua o ka Aha kekahi palapala i oleloia oia no ke kauoha hope loa a Nicholas George i make aku la, a me ka Palapala Hoopii e noi ana, e hooiaio kela palapala kauoha, a e hoopuka hoi ka palapala Lunahooponopono a me ke Kahu malama ia W C Jones, ua waihoia mai e G. W. C. Jones a me W. C Jones.
No laila, ua kauohaia, o ka Poalua oia ka la 1 o Feberuari M. H. 1876, ma ka hora 11, ma ka rumi hookolokolo o keia Aha, ma Honolulu, ma ka mokupuni o Oahu oia ka hora e hooiaioia i ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala Kahu Malama. A ua kauoha hou ia, e hoolaha no ia mea no na pule ekolu iloko o ke Kuokoa a me Au Okoa i huiia, he nupepa i paiia a i hoolaha ia ma Honolulu. A ua kauoha houia, e hoopukaia na palapala kena i na hoike, no ia palapala kauoha, a me na hooilina o ka mea make, e hele mai a e kue i kela palapala kauoha i ka wa i oleloia. Kakauia ma Honolulu ko Hawaii P Aina Ian. 5, 1876. A FRANCIS JUDD,
Ikea : Lunakanawai o ka Aha Kiekie. Jno. E Barnard Hope Kakauolelo. 736 3ts 739
AHA HOOKOLOKOLO KIEKIE O KO HAWAII PAE AINA . Imua o ka Lunakanawai Chas. C. Harris, ma ka waiwai o THOMAS GARDNER o Honolulu, i make kauoha ole. He holaha e noi ana i Lunahooponopono Waiwai.
Ma ka w aiho a me ka heluhelu ana i ke noi a Louisa Gardner, ka wahine kanemake a Thomas Gardner, e noi ana, ua make kauoha ole o Thomas Gardner, o Honolulu, ma Honolulu, i ka la 12 o Novemaba, A D 1875, a e noi mai ana, e hoopukaia ka palapala Lunahooponopono Waiwai ia J Porter Green. Nolaila, ke kauohaia aku nei, o ka Poakolu, la 24 o Ianuari A D 1876, oia ka la i kohoia no ka hoolohe ana ia noi, imua o ia Lunakanawai, ma ke Keena Hookolokolo o keia Aha ma Honolulu, a ma ia wa e hele mai ai na kanaka a pau e hoike, ina paha he kumu e ae ole ia ai ia noi. A e hoolahaia keia kauoha ma ka olelo Hawaii, iloko o ke Kuokoa, he nupepa i paiia a hoolahaia ma Honolulu, no ekolk hebedoma.
Kakau ia ma Honolulu, ko Hawaii P A Ian. 3, 1876. CHAS. C. HARRIS,
Ikea : Lunakanawai o ka Aha Kiekie Jno. E Barnard, Hope Kakauolelo. 736 3ts 743
MA ke Ke ena o ka Lunakanawai Kaapuni Apana Ekolu, ko Hawaii Pae Aina. Ma ka waiwai o J. M. POHANO, no Piihonua, Hilo, Hawaii i make.
Ua heluheluia a ua waihoia ka palapala noi a Kaauana Pohano k, e noi ana, e hoonohoia o G W A Hapai i Lunahooponopono no ka waiwai o John M Pohano, no Piihonua, Hilo, Hawaii, H P A i make. Nolaila, ke kauohaia aku nei na kanaka a pau ke pili, o ka Poaono oia ka la 5 o Feberuari 1876, ma ka hora 10 o kakahiaka, ma ka Hale Hookolokolo ma Hilo, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
F S LYMAN,
Lunaka nawai Kaapuni Apana Akolu H P A Hilo, Dek 28, 1875. 736 3ts 733
MA ke Kee na o ka Lunakanawai Kaapuni Apana Ekolu, ko Hawaii Pae Aina. Ma ka waiwai o KANEHUNAMOKU k, no Kulaimano, Hilo Hawaii i make. Ua heluheluia a ua waihoia ka palapala noi a M Keola (k), ka Lunahooponopono o ka Waiwai o Kanehunamoku, Hilo, Hawaii, H P A i make, e noi ana e hoaponoia kana moowaiwai, a e hookuu iaia mai ka oihana, a e hooholoia ka waiwai i na hooilina. Nolaila, ke kauohaia aku nei na kanaka a pau i pili, o ka Poaono, oia ka la 3 o Feberuari, 1876, ma ka hora 10 o kakahiaka, ma ka Hale Hookolokolo ma Hilo, oia ka la a me kahi i kohoia no ka hoolohe ana i ua noi la a me na mea kue ke hoikeia.
F S LYMAN, Lunakanawai Kaapuni, Apana Ekolu H P A Hilo, Dek 28, 1875. 736 3ts 738
MA ke Keena o ka Lunakanawai Kaapuni Apana Ekolu, ko Hawaii Pae Aina. Ma ka waiwai o G. S. KAPUA k, no Kawainui, Hilo, Hawaii, i make.
Ua heluheluia a ua waihoia ka palapala noi a Kahoopono w, e noi ana, e hoolahaia ka palapala kauoha hope loa a G S Kapua k, no Kawainui, Hilo, Hawaii H P A i make, a e hoonohoia oia me Piiwale k, i mau Lunahooko no ka palapala kauoha hope. Nolaila, ke kauohaia aku nei na kanaka a pau i pili, o ka Poaono, oia ka la 5 o Feberuari 1876 ma ka hora 10 o kakahiaka, ma ka Hale Hookolokolo ma Hilo, oia ka la a me kahi i kohoia no ka hooiaio ana i ua nonoi la a me na mea kue ke hoikeia. F S LYMAN. Lunakanawai Kaapuni Apana Ekolu H P A
Hilo, Dek 28,1875 736 3ts 738
A HA Kiekie o ko Hawaii Pae Aina. Ma ka hooponopono waiwai. Mokupuni o Oahu, ko Hawaii Pae Aina. SS. Ma ka waiwai o KALUAHI (k), no Oahu i make. Olelo kauoha, e koho ana i la e hooiaio ai ka palapala kauoha, a no ka hoolaha ana.
No ka mea, ma ka la 27 o Dekemaba M H 1875, ua waihoia mai imua o ka Aha, kekahi palapala i oleloia, oia no ke kauoha hope loa a Kaluahi (k), i make aku la, a me ka palapala hoopii e noi ana, e hooiaioia kela palapala kauoha, a e hoopuka hoi ka palapala Luna Hooponopono, ua waihoia mai e Kalei.
Nolaila, ua k auohaia, o ka Poalua, oia ka la 18 o Ianuari, M H 1876, ma ka hora 10 A M, ma ka rumi Hookolokolo oia Aha ma Honolulu, ma ka mokupui Oahu. Ma ka hora e hooiaioia'i la ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ke Kuokoa a me ke Au Okoa i huiia, he nupepa i paiia a i hoolahaia ma Honolulu. A ua kauoha hou ia, e hoopuka ia na palapala kena i na hoike no ia palapala kauoha a me na hooilina o ka mea make, e hele mai a e kue i kela palapala kauoha i ka wa i oleloia.
Kakau ia ma Honolulu, ko Hawaii P A, Dec 27, l875. A. FRANCIS JUDD,
Ikea : Lunakanawai o ka Aha Kiekie. Jno. E Barnard, Hope Kakauolelo. 735 3t 737
A HA Hookolokolo Kiekie o ko Hawaii Pae Aina. Ma ka Hooponopono Waiwai. Ma ka waiwai o KUPA (k), o Waialua, Oahu i make kauoha ole. Imua o ka Hon. A. F. Judd, Lunakanawai o ka Aha Kiekie. Olelo kauoha, e hoolaha 'ku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapala noi a Kanaloa k, o Waialua, Koolauloa, Oahu, e hoike mai ana, o Kupu k, no Waialua, o Oahu, ua make kauoha ole ma ka la o ka M H 1871 a M H 1872 paha, a e noi ana e haawiia ka palapala hookohu Lunahooponopono Waiwai ia Kanaloa k. Ua kauohaia, o ka Poalua, oia ka la 11 o Ianuari M H 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o kela Aha, ma Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa a me ke Au Okoa i huiia, nupepa ma Honolulu.
K akauia ma Honolulu ko Hawaii Pae A. Dec. 18, 1875. A. FRANCIS JUDD,
Ikea : Lunakanawai o ka Aha Kiekie. Walter R Seal, Kakauolelo. 734 3ts 336
MA Ka Aha Hookolokolo Kiekie o ko Hawaii Pae Aina. Ma ke Keena. Ma ka waiwai o AHAPAI HAILAMA k, ka Hupo a me Luka Pili Lauhiwa a me Lepeka, he mau mea oo ole. He kauoha e koho ai i Kahu Malama no ka Waiwai, a e hoike mai i ke kumu o ke noi ana o ke Kahu, no ke kuai aku i ka waiwai paa.
M a ka heluhelu a me ka waiho ana mai o Kekuanui w, ka makuahine o Hairama i oleloia, Luka, Pili Lauhiwa a me Lepeka a me ke Kahu o ko lakou mau waiwai, e noi ana, e kohoia ona Kahu malama waiwai o ko lakou mau kino a me ke noi hou mai i mana e kuai ai i kekahi waiwai paa e pili ana ia lakou, me ka waiho pu mai i na kumu e kuaiia ai. Nolaila, ke kauohaia aku nei, o ka mea nana ke noi, ua kohoia oia i Kahu Malama no ka waiwai o ia poe. A ke kauoha hou ia aku nei ka poe a pau i kuleana, e hele mai imua o keia Aha, ma ka Poalua, la l8 o Ianuari A D l876, i ka hora 10 A M ma ke Keena hookolokolo o kela Aha, ma Honolulu, malaila e hoike mai ai. Ina paha he kumu e hooleia ai ia noi e kuai. A ke kauoha hou ia aku nei, e hoolahaia ona kope o kela kauoha no ekolu hebedoma, mamua ae o ka wa e hoolohe ai, iloko o ka nupepa Kuokoa, he nupepa i paiia a hoolahaia ma Honolulu.
Kakauia ma Honolulu, ko Hawaii P A Dec. 20, 1875. A.FRANCIS JUDD,
Ikiia e : Lunakanawai o ka Aha Kiekie. Jno. E Barnard, Hope Kakauolelo. 734 3ts 736
AHA Hookolokolo Kiekie o ko Hawaii Pae Aina. Ma ka hooponopono waiwai, ma ka hana o ka waiwai o JOHN ALLEN o Kahuku, Oahu i make. Ma ke Keena hana o ka Lunakanawai A. Francis Judd. Kauoha e hoolaha i ke noi, e apono i na palapala hoike, hookuu ana, a e mahele i ka waiwai.
Ma ka heluhelu a me ka waiho ana mai o ka palapala noi a me ka papa hoike o J L Richardson, Lunahooko o ka palapala kauoha o John Allen i make, e noi ana e aponoia na hoolilo he $87.75, a e hoike ana, o na mea i loaa mai iaia he $241.21, a e noi ana e nana a apono ia kela mau mea, a e kauohaia e mahele i na waiwai e waiho ana ma kona lima, i na mea i kuleana malaila, a e hookuu ana iaia a me kona mau hope, mai ko lakou noho ana ma ia ano.
Ua kauohaia, o ka Poalua, ka la 25 o Ianuari M H 1876, ma ka hora 10 o kakahiaka, imua o ua Lunakanawai la ma ke Keena, ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua noi la a me na papa hoike i oleloia, a o ka poe a pau i pili malaila, e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Enelani a me ka olelo Hawaii, e paiia maloko o ka nupepa Kuokoa a me ka Hawaiian Gazette, he mau nupepa i paiia a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
K akauia ma Honolulu ko Hawaii P A Dec 18, 1875. A. FRANCIS JUDD,
Ikea : Lunakanawai o ka Aha Kiekie. Jno. E Barnard, Kokua Kakauolelo. 734 3t 746
NA MEA NANI E HIEHIE AI.
NAUWE MAI NAUE MAI
MA HEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu ai e kau ai ka iwa, he la makani e hao ai na polena o Haupu, kapakahi manuia o Keokoi ka moku, ma kahi o L. ASEU, Aia pu no malaila na HAINAKA SILIKA liilii. LEI AI kae weluwelu, a me na LIPINE SILIKA puapua weluwelu, e kuwelu ai i ka makani. NA KALAKOA ANO HOU LOA i ike oleia mamua. Na KAEI SILIKA Nani. NA MAKALENA KALAKOA me ka PUAKEA, na ALAPIA HELUHELU o na ano a pau, na KIHEI UHI hou e kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ame naau o kela ano keia ano, na kamaa wahine o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono loa no hoi ke kuai i na mea i hoikeia ae nei maluna ke kuike. I mea e pau ai ke kuhihewa, e naue mai no e na makamaka ma kuu Halekuai HIKIKIIKAUOENA. L. ASEU. Kihi ma Ewa o Alanui Nuuanu mauka o Alanui Moi.
Honolulu, Aug. 27 1875, 717 lyr 763
OLELO HOOLAHA.
CECIL BROWN, Loio a he Kokua ma ke kanawai A HE AGENA NO KA HOOIAIO ANA I NA Palapala no ka mokupuni o Oahu. Helu 8 Alanui Kaahumanu, Honolulu, H. P.1 A 688 1yr 740
HOO LAHA HOPE LOA !
OHI AUHAU O M. H. 1875. MA KA APANA O HONOLULU.
KE HOIKEIA AK U NEI KA LOHE I NA mea a pau i ku i ka Auhau, e paniia ana na Buke a me na puka o ka Hale Ohi Auhau, e ka mea nona ka inoa malalo iho, no ka Ohi ana i na Auhau o keia makahiki, ma ka Poalima, Dekemaba 31. A o ka poe a pau i uku ole i ko lakou mau Auhau ma ka la, e hoopiiia me ke Kanawai. Nolaila, i mea e huikau ole ai a me na hoolohilohi ano ole, a oiai o ka la 30 o Novemaba ka la pau e uku ai, hoololohi wale mai kahi poe i ka uku a na la hope. GEO. H. LUCE. Luna Ohi Auhau o Kona, Honolulu. Keena Ohi Auhau, Honolulu, Dek. 14, 1874. 733 3ts
OWA U o ka mea nona ka inoa malalo iho nei, eia ma ko'u lima kekahi lio (k) lokia, i kuniia i ku'u hao KL ma ka uha hope akau, me ka maopopo ole ia'u o kela lio mamua, a no ke kuniia ana i ka hao e like me ia, ke paa nei au ma ko'u lima i keia lio, a akaka ka mea nona keia lio, e kii mai no, me ka hoihoi mai i ko'u mau pono a pau, me ka malama ana. A ina e kii ole mai a hala na la he 15, mai ka puka ana aku, lilo loa keia lio ia'u. Eia ma Hoaeae nei ko'u wahi noho. PEA. Hoaeae, Ewa, Dek. 18, 1875. 733 4t* 736
NO K A MEA, ua koho mai ka Aha Kiekie ia'u i Kahu Malama Waiwai no HOOMOEAPULE w, i pupule, nolaila, ke papa nei au i na mea a pau loa, aole e hoolimalima aina me ia a me kana keiki me Hanaumaikai k. Aole pono e hookaa aku ia laua ka uku hoolimalima, aka, e lawe koke mai ia'u.
J. PORTER GREEN.
Luna Malama Waiwai no Mele Hoomoeapule. Honolulu, Dek. 22, 1875. 734 8m
MAU AINA KUAI !
N o ka loaa ana mai o ka mana ia'u e kuai aku i na aina i koe o KEKULU, e waiho la ma Okoe, Kona Hema, Hawaii, nolaila, e kuai io aku no au i ka poe makemake mai. N.GEORGE. Honolulu. Nov 8, 1875. 726 6m 751
$50. 00 MAKANA !
KE haawi n ei au he Kanalima Dala i ka mea nana e hoihoi mai kuu Buke Hoomanao no ka Makahiki 1874. O keia Buke, ua laweia aku mai kuu Rumi moe ma Kapalama, iluna o ka papa palapala kahi i waiho ai. He ili eleele ka uhi o waho, a maloko iho o ke opi manoanoa, ua kauia kuu inoa ma ka olelo haole a olelo Hawaii — Ka inoa haole o ua Buke nei, " Pacific Coast Diary of 1874." Ka nui, ekolu iniha laula, elima iniha loa.
K IMO PELEKANE. Honolulu. Oct. 4, 1875. 723 tf
NO KA MEA, ua hookohuia mai ka mea nona ka inoa malalo iho nei, e ka Mea Hanohano Abr. Fornander, Lunakanawai Kaapuni Apana Elua o ko Hawaii Pae Aina i Lunahooponopono Waiwai, no ka waiwai o Kekua (k) o Halehaku, Maui i make aku nei. Nolaila, ke haiia'ku nei ka lohe i ka poe i aie i ka mea make, e hookaa koke mai, a me ka poe a ka mea make i aie aku ai, e hoike koke mai i ka Pila aie, o hala auanei na malama eono, aole he kuleana ma ia hope iho e nanaia'i ia mau pila.
M KAPIHE, Lunahooponopono Waiwai o Kekua.
Ku iaha, Sept 27, 1875. 733 4t* 748
EIA KA WA MA IKAI !!
NO NA DAL A LIILII !
NA WAT I ! NA WATI ! NA WATI !!
O na W ati kela e kuaiia ana ma kahi o C FOKARTS mamua no ke $50., ua hiki ke make i keia wa no ke $30.00. A o na Wati he $30 ke kumukuai mamua, e kuai aku no makou no ka $20.
Ina makemake oukou no ka makepono, e hele mai, a ole, e hoouna mai paha i ke kauoha i keia wa.
7 32 4ts 735 DILINAHAMA ma.
K E HOIKEIA aku nei i na kanaka a pau, aole lakou e komohewa ma ka Aina o ke Kula, ma Wahiawa, Waialua, Oahu, ma ke kua ana i na laau, a pepehi hoi i na Bipi hihiu, a alualu i na holoholona ma ua aina la ; aole hoi lakou e hookuu wale i na bipi a me na holoholona e ae maluna o ua aina la. W C JONES. Honolulu, Nov 29, 1875. 731 1t
KONA !!
E HELE AE E KUAI I KO OUKOU mau Lole ma kahi o 730 3m KUPA.
Hoolaha a na Luna Hooko Kauoha.
K E HOIKE aku nei na mea nona na inoa malalo, i na kanana a pau, ma ka ia 12 o Novemaba 1875, ua hoopuka mai o Hon.Abr. Fornander Lunakanawai Kaapuni o ka Apana Hookolokolo Elua H P A ia maua na Letters Testamentary no ka waiwai o P NAHAOLELUA, o Lahaina, mokupuni o Maui i make me ke kauoha. A ua waiho aku no maua he bona kupono. Nolaila, ke hoike nei maua i na kanaka a pau, e waiho mai i ka oukou mau bila i hooiaio kuponoia no ua waiwai la, ia Kia Nahaolelua, kekahi o na Luna Hooko Kauoha, ma Lahaina, Maui, iloko o na malama eono mai ka la i hoolahaia'ku ai o keia hoolaha ana. A o na kanaka hoi a pau e aie ana i ua waiwai la, ke kauohaia aku nei, e hookaa koke mai ia Kia Nahaolelua, i haiia ae la.
KI A NAHAOLELUA, 729 3m 740 PANE KEKELAOKALANI.
E IKE auanei na kanaka a pau ke pili, owau o ka mea nona ka inoa malalo, ua hoolimalima au i keia aina o PUELELU, ma Molokai, mai ka Mea Hanohano J O Dominis, a nolaila, ua kapuia kela aina o Puelelu i na mea a pau e komohewa no ; a ua hoonoho au ia SIMONA (k), no Honomuni, oia kuu Luna a me kuu hope, nana no e malama a e hooponopono i ua aina la malalo o'u.
A BR. FORNANDER. Lahaina, Nov 2, 1875. 727 3m 739
Ke k auohaia aku nei na kanaka a pau, e lawe i na Lio, na Hoki a me na Kekake a pau loa, mailuna aku o ka aina o PUUANAHULU, ma Kona, Hawaii, mamua ae o ka la hope o Dekemaba e hiki mai ana. O na holoholona a pau e loaa aku ana maluna o ua aina la mahope iho o ia la, e hookomoia no lakou iloko o ka Pa Aupuni e like me ke kuhikuhi o ke Kanawai. E. SPENCER. Puuloa, Hawaii.724 3m 735
OIAI u a hoohamamaia ka ipuka " Oki Mare," e na Lunakanawai o ka Aha Kiekie. Ua makaukau ke " Keiki o ka Uaukiukiu," e kokua i ka poe a pau e manao ana e hookaawale i ka hoa hana pono ole o ka noho ana. Emi loa no ka uku, holo ka hana. E hele nui mai na makamaka, oluolu ka rumi o ke keiki o Haleakala. Nana pololei mai ! Imua na maka a hiki i ke awa lana oluolu o ke kanawai. Pau pilikia, me ke Keena hana o (719 3m) J. PORTER GREEN.
HE PAPA KUHIKUHI MANAWA HOLO
O KA
Mo kuahi Hawaii
KILAUEA !
KAPENA MA RCHANT !
Ianuari 10........................................................Kona
I anuari 17........................................................Hilo
I anuari 27....................................................... Nawiliwili
I anuari 31....................................................... Kaapuni ia Hawaii
F eberuari 7......................................................Kona
F eberuari 14....................................................Hilo
F eberuari 21....................................................Kaapuni ia Hawaii
Maraki 2........... ...............................................Kaapuni ia Kauai
Maraki 6..........................................................Hilo
Maraki 13........................................................Kona
Maraki 2 0........................................................Kaapuni ia Hawaii
Maraki 30........................................................Nawiliwili
I ka huakai hoolele pipi ole a Kilauea i ka Maalaea, alaila, e hoaoia ana e hiki i Honolulu i ke ahiahi Poaono.
Ma na huakai a pau a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a.m., a mahope iho paha ; Makena a hiki i ka hora 6 a. m. a mahope iho paha ; aole hoi ia Maalaea a hiki i ka hora 8 a.m., a mahope iho paha.
Uk u Eemoku mai Honolulu aku
A hiki i Ka unakakai, a pela maluna mai..............$ 5.00
" Lahaina, " " ..................................................... 6.00
" Maalaea, " " .................................................. 7.00
" Makena, " " ................................................... 8.00
" Mahukona, " " ............................................. 10.00
" Kawaihae, " " .............................................. 10.00
" Kailua, " " ................................................... 10.00
" Kaawaloa, " " ............................................. 10.00
" Hilo, " " ...................................................... 12.50
" Kau, " " ...................................................... 13.50
Uku kaapuni ia Hawaii, .................................. 22.00
A hiki i na awa o Kauai .................................... 8.00
Uku kaapuni ia Kauai ..................................... 12.00
Uku ohua Hawaii oneki .................................... 2.00
A ole aie no na uku ohua. Ma ka Hale Oihana e loaa'i na palapala. Aole keena o hope e lilo, aia wale no a kaa mua mai ka uku moku. Aole e ili ka hewa no ka paiki, ukana a puolo paha, ke ole e kakauia ka loaa ana mai. E hookaaia ka uku ukana i ka wa e noiia aku ai.
E ho aoia ana ka Mokuahi e hiki i Honolulu, ma ke ahiahi no o ka la e haalele ai ia Maui.
SAMUEL G. WILDER, (Waila),
Agena.
Ke ena ma ka Hale Kuai Papa o Waila ma, kihi o Alanui Papu a me Moiwahine. 696 3m 709