Ka Nupepa Kuokoa, Volume XV, Number 2, 8 January 1876 — Page 4
KA NUPEPA KUOKOA, ME KE AU OKOA I HUIIA.
Ka Nupepa Kuokoa
HAAWINA KULA SABAT I
H ELU 4. SABATI, IAN. 23.
KUMU HA NA. Davida ma ka Hale'lii. PAUKU BAIBALA. l Sam. 18 : 1 – 16
A PAU ae la kona kamailio pu ana me Saula, ua hui pu ia ka naau o Ionatana me ka naau o Davida, aloha aku la o Ionatana ia ia e like me kona uhane iho.
2 Lawe aku la o Saula ia ia ia la, aole ia i ae aku ia ia e hoi hou i ka hale o kona makuakane.
3 A hoopaa iho la o Ionatana a me Davida i kuikahi, no ka mea, aloha aku la oia ia ia e like me kona uhane iho.
4 Wehe ae la o Ionatana i kona kapa aahu maluna ona, a haawi aku ia ia Davida, a me kona lole komo, a me kana pahikaua, a i kana kakaka, a me kona kaei.
5 A hele aku la o Davida i na wahi a pau a Saula i hoouna aku ai ia ia, ua hana naauao ia ; a hoonoho aku la o Saula ia ia maluna o na kanaka kaua ; a ua maikai oia i na maka o na kanaka a pau, a i na maka hoi o ka poe kauwa a Saula.
6 A i ko lakou hele ana mai, i ka wa a Davida i hoi mai ai i ka pepehi ana i ke kanaka Pilisetia, hele mai la na wahine mai na kulanakauhale a pau o ka Iseraela mai, e mele ana, a e haa ana, e halawai me Saula ke alii, me na kuolokani, a me ka olioli, a me na mea kani.
7 O lelo ae la na wahine e haa ana, i aku la, O na tausani ka Saula i pepehi ai, a he umi tausani ka Davida.
8 Huhu nui iho la o Saula, a ua hewa ia olelo i kona manao ; i iho la, Ua haawi lakou na Davida he umi tausani, a ua haawi lakou na'u he mau tausani : o ka lilo o ke aupuni nona ka mea i koe.
9 Awihi ae la ko Saula maka ia Davida mai ia manawa mai.
10 Ia la iho, hiki mai ka uhane ino maluna o Saula na ke Akua mai, a wanana aku la ia iloko o ka hale ; a hookani iho la o Davida me kona lima, e like me na manawa mamua : a he ihe ma ka lima o Saula.
11 Hou ak u la o Saula i ka ihe, i iho la, E pepehi aku au ia Davida a i ka paia. Elua ko Davida alo ana mai ona aku la.
12 Makau ae la o Saula ia Davida, no ka mea, me ia no o Iehova, a ua haalele aku la ia Saula.
13 No ia mea, hoonoho aku la o Saula ia ia mai ona aku la, a hoolilo ia ia i lunat ausani nona ; a hele aku la ia a hoi mai imua o na kanaka.
l 4 Ua naauao o Davida ma kona aoao a pau ; a me ia no o Iehova.
15 A ik e aku la o Saula i kona naauao loa, makau no oia ia ia.
16 Aka, o ka Iseraela a pau a me ka Iuda, aloha lakou ia Davida, no ka mea, hele aku no ia a hoi mai imua o lakou.
Pauku hoopaa p. 14. Mele. M arching home, Robina Gula mele 4.
1. Ku a naue i ka home e,
I ka aina ao ma o,
Kahi maha no ka poe maemae,
Kahi ao a aloha no.
Cho.— Naue ae — naue ae —
Ku a naue i ka home e
Naue ae — naue ae —
I ka home e maha'i.
4.
Nani e na home maluna'e !
Lako i na mea maikai ;
Aia no na hoa aloha e,
K e memele nani e.
Cho.— Naue ae — naue ae —&c.
Pule i hana maikai na haumana na keiki, na makua i mahaloia, i alohaia e kanaka, a e ke Akua.
NA NINAU A NA KUMU.
P 1, 3, 4. Owai ka mea e kamailio pu ana me Sau la ? 17 : 58. Na naau owai ka i hui pu ia ? Me keaha ko Ionatana aloha ia Davida ? Heaha ka laua i hoopaa ai ? Heaha ka Ionatana i haawi aku ai ia Davida ?
P 2. Heaha k a Saula i hana'i ia Davida ? Owai kona makuakane ? Mahea hoi kona wahi ? No ke aha ko Saula kaohi ana ia Davida e noho pu me ia ? No kona akamai i ke mele ana paha, a no kona makau paha o hoohuli oia i na kanaka mamuli ona ke noho kaawale.
P 5. Mahea Davida i hele aku ai ? Pehea hoi oia i hana 'i ? A pehea ko Saula hoonoho ana ia ia, i aha oia? A ua aha oia imua o na maka owai ? Pela anei oukou ? Pehea ke kauoha ma Epeso 5 : 15 ?
P 6 - 7. A hoi mai Davida mai hea mai ? mai ka pepehi ana ia Golia, a mai ke kaua e ae paha. Pehea ke mele ana o na wahine ? Ehia tausani ia Davida ? ehia ia Saula ?
P 8 - 9. Heaha ke kumu o ko Saula huhu ia Davida ? Heaha ko Davida hewa ? He huhu kumu ole, e like me ko na Parisaio huhu ia Iesu. A pehea ka maka o Saula ia Davida mai ia manawa mai ? Pokole ka kona aloha, me kona mahalo ana ia ia. Ua lohe anei oia e lilo ana ke aupuni ia ia ?
P 10 - 11. Ma ia la iho, heaha ka i hiki mai maluna o Saula ? a aha oia ma kona hale ? He wanana pupule paha. A hoao Davida e hoomalielie ia ia ma keaha ? Kana hana anei ia mamua ? Heaha ma ko Saula lima ? A me ia iho imi oia e aha ia Davida ? Ehia alo ana o Davida i pakele ?
P 12 H eaha ke kumu o ko Saula makau ana ia Davida ? Makau oia o aha Davida ?
P 13 . No ke aha keia hoonoho ana ia Davida i luna tausani ? i hele paha oia i ke kaua a make. e like me ka wai hana mahope iho ? Ka Davida, 2 Sam. 11 : 14, 15. P 14 Ua aha Davida ? Owai pu me ia ? P 15, 16. Makau Saula ia Davida no ke aha ? O ka naauao anei ke kumu kupono e makau ai i ke kanaka ? Ae, ina he kanaka hewa ka mea naauao. Aka, ina he kanaka pono ka mea naauao, pono anei ke makau ia ia ? Makau nae ka poe hewa i ka naauao o ka poe pono o lilo ia i mea keakea i kona mau aoao keekee. A pehea na kanaka ? No ke aha ko lakou aloha ana ia Davida ? Aloha oukou ia wai ? i na Misionari anei ? Iuda — Iseraela — Owai laua ? Ua mokuahana anei ia wa ? Mele. Ola e ! Robina Gula, mele 25.
1. Nana'ku, e na hoa kula,
Ia Ies u, ia Iesu,
Ke hea mai la ia oukou la,
" Nana mai, nana mai,
" A kena oia, hele mai
Oukou, na lawehala e,
Hamau ! he leo maikai nei,
Ola e ! O la e !
Me ka pauku 4.
NA NINAU A KE KAHU.
Na makua. Heaha ka mea kupanaha ma ka ha na ana a Ionatana ? Oia ke keiki a Saula, ka hooilina no ke aupuni, aloha nui nae oia ia Davida, a hui kona naau i hookahi ia me ko Davida.
o keaha kona aloha nui ia Davida ? Ma ke aha oia i hoomaopopo ai i kona aloha ? Ma ka wehe ana i ka lole kahuhipa o Davida a hoaahu ia ia i ka lole alii, a haawi i kana pahikaua ia ia ? Me ia anei ke aloha o Iesu ia kakou ? Mahea hoi ka oi o ko Iesu aloha ia kakou ? Aloha hoi Saula ia Davida, a mahalo, a hookiekie ia ia pehea ? no ke aha ? Ia wai na wahine i haawi aku ai i ka mahalo piha ? Ma ke mele ana pehea? Mahea kekahi mahalo like ? Kan. 33 : 17.
Na keiki. Ehia tausani ia Saula ke lii ? E hia tausani ia Davida ? Ikaika loa Davida i ka luku ana i na enemi. Oluolu anei Saula i keia hooi ana ia Davida mamua ona ? Aole paha. Huhu loa a imi e pepehi ia ia. Me ke aha e pepehi ai ? i ka manawa e aha ana Davida ? He ihe ma ka lima o Saula — heaha ma ka lima o Davida ? A ma ia lira e hoao ana Davida e hoomalielie i ka uhane ino i hiki maluna o Saula. A hoopupule Saula, a manao e aha ia Davida me kana ihe ? Aloha nui a mahalo nui Saula ia Davida mamua, a mahope loli ka manao a huhu, a lili, a huahua, a hoowahawaha ia ia, a imi e pepehi ia ia. No ke aha ? No ka maikai a naauao na hana a Davida. A no kona makau o lilo ke aupuni ia ia.
Pehea oukou ? Ina aloha oukou i kekahi hoa mamua, a hookiekie ia oia mahope, a hoopunaheleia lilo ko oukou aloha mua i aha ? i enemi anei ?
Ke kula a pau. Owai ke kumu hoohalike maikai ? Ionatana anei ? Saula paha ? Mahea ka oi o Ionatana mamua o Saula ? Ua lohe no laua a elua e lilo ana ke aupuni ia hai, aole e mau ana i ka ohana a laua malia paha, na akaka e lilo ana ia ia Davida — aloha nui nae Ionatana ia Davida — aka, pehea Saula ? Ina hookiekie ia'e kekahi hoa, a haule ae ilalo, heaha ka pono ? Owai ka poe hoohalike me Davida ma ka imi ana e hana maikai, e hooluolu, e hoolaulea i ka poe manao ino ? A peha ka poe i manao ino mai ? Hoomaau, hoowahawaha, ukiuki, wanana hoopunipuni, imi e pepehi.
Ke ha na maikai nei, ke ao nei ke paipai nei, ke imi nei na kahu, na kumu e hoola i na haumana, e malama na haumana o hana ino i na kahu, i na kumu ma ka hoohuli &c. Mele — Him. 163. Leo Sweetly Sing.
1. Mele e, mele e,
Mele i ke Lii maikai,
Hapai ae, hapai ae
I na himeni.
Mililani ia Iesu,
Milila ni i ke Lii mau ;
Oli ea, oli ae
Me ka hoomaikai.
Me ka pa uku 3.
Pule i hoohuiia na naa u o na kahu, o na kumu, o na haumana, a lilo i naau hookahi, a i hookahepuia hoi kakou a pau me Iesu.
HAAWINA KULA SABATI, NO IAN. 30. I SAM 20 : 35 - 42. PAUKU HOOPAA 42.
Hawaii.
Ke ho upuupuia mai nei, e hapai ana ke aupuni o Amerika Huipuia i kekahi kumuhana nui, oia ka wehe ana i Ala Wai Eli, no ka holoholo moku ana mai ka muliwai o Ohio mai a i ka Moana Atelanika, ma ke ala ae o Rikemona. O keia kumuhana, e hiki ana paha na lilo i ke $30,000,000, ke hui puia na lilo no na hana hou o ka muliwai Kanawaha, ka hoohohonu a me ka hoakea ana ae i ke ala wai o Kanawaha. A e kohi pu ia o Mauna Kate ma ka piko kaulike e kokoke la i kekahi wahi wai mapuna, he ewalu a me elua hapakolu na mile ka loihi, a ina e hana io ia ana, alaila, oia paha ke ala wai loihi.
NO GILIBETA KA IKAIKA !
KA LUA OLE O KE KOA,
A ME KA PUUWAI KINA OLE.
HE MOOLELO KAHIKO NO ALABIONA !
MOKUNA I.
KA PO INO — KA HOTELE I KA ULULAAU -KA MALIHINI — KA LEO UWALO.
AKA , e kakala mai e ka mea heluhelu ina ua hoonele ia oukou i ka hiaai no ko makou kuawili i ka hoike pakahi ana aku i kona mau ano. No ka mea, ua manao makou he pono e hoike pakahi ia aku na ano a me na helehelena o keia kanaka, i hiki ai ia oukou ke kilohi pono iho i kona mau hiohiona a pau, oiai, o ua kanaka la oia no ke alii o ka poe powa e holoholo ana iloko o na ululaau o Kent, a me Hete eleele, a nona ka hapa o na moolelo i pili pu me ka kakou kamalei hiwa.
Me he mea la ua hilinai oia ma ka ikaika o kona mau lala, a me kona manao koa, no k a mea, ia ia i nana ae ai he ano uilani a ka naau haaheo ka i luna ona. Aole i oluolu kupono ka manao o kona poe hoa nona, no ka mea ia lakou i nana aku ai ia ia, ua huli ae lakou e nana ia lakou iho me ke ano haikea.
Aole he wahi papa leo mawaena o na malihini, a hiki i ka hoi ana mai o ka mea hale me ka hue waina. Waiho iho la ia i ke kiaha waina imua o ka malihini, me ka palahalaha mai i kona lima no ka uku.
Me kekahi lima i hapai ae ai ka malihini i ke ki aha i na lehelehe, a i ka wa i ko u aku ai ka puu i ka wai a ka naulu, papai aku la kekahi lima ona i ka lima o ka mea hale, me ka puana ae, " No keaha i waiho mai ai oe i kou mau maiao e like me ia ?"
" No ka uku," i pane mai ai ka mea hale.
" Heaha ia kou ano e ka makawela ?" i oaka ae ai ka leo kalakala o ua malihini nei, a na ia leo i hoopii ae i ka haikea iluna o ka baba, a eu ae la kekahi mau mea mai ko lakou wahi i noho ai. O Hugo Ganatoka wale no ka mea i pihoihoi ole.
" E Wili Ahiu," wahi a ka mea hale, " no kou hookaa ole mai i ka uku o ka waina au i inu ai i kekahi mau la i hala ae, nolaila, he pono e hookaa mai i ko ia a me keia, E haawi mai i ke dala ano."
" Ha ! ha ! e loaa ia oe ke dala iloko o ka manawa kupono."
I ka wa i anehe ae ai ka malihini e inu i ka lua o na kiaha, ia wa i lalau mai ai ka mea hale e paa i ke kiaha. " Aole au e hoaie hou ia oe e Wili Ahiu. E uku koke mai, e uku mai ano."
Me ka a-a o na maka i nana ae ai o Wili i na malihini, alaila huli hou aku la i o Ganatoka la me ka i aku." E kau ka hoinoia maluna ou e ke na makawela puni dala ; manao anei oe e hana apiki ana au ?"
" Malia paha aole," wahi a Ganatoka, " aka, ua poina nae kou noonoo. No ka waina au i inu ai i keia wa, a me na mea au i hoopoina ai, ke makemake nei au e hookaa mai ano."
" Ano !"
" Ae, e hookaa mai oe e Wili i keia wa, a i ole —" Lalau iho la ka mea hale i ka waina, a lawe aku la mai kona alo aku.
" E hoihoi hou mai oe e ke kanaka puni dala, e lawe i ko'u aie ma keia mea —. Aole a'u dala i keia wa, aka mahope e loaa mai ai, a ia wa e hookaa aku no au."
Ia wa i olelo ai pel a, nanao iho la kekahi lima ona iloko o kona eke, a unuhi ae la he wahi kea gula uuku, kiola aku la iluna o ka papakuai. Lalau iho la o Hugo, a nana iho la, me ka ninau mai. " I hea kahi i loaa ai ia oe o keia mea e Wili ?"
" I mea aha ia ia oe ?" i pane mai ai o Wili.
" Aole, aka, e malama no au i keia kea a hiki i kou hookaa ana mai no na mea au i inu ai."
Mai hopo oe, e uku no a u, a e hookaa aku i ko'u mau aie a pau. He manawa i koe a e loaa auanei ia'u ke dala." Ia ia i puana ae ai i keia mau huaolelo, huli ae la ia e nana i ke kanaka maauauwa, a i ka puolo nui hoi e waiho ana ma kona aoao, a i kona ike ana e hakilo pono mai ana na mea e ae elua ia ia, lalau ino aku la ia i ke kiaha waina a kau ae la i kona mau lehelehe.
I keia wa i ku ae ai ke kanaka maauaawa iluna me ka olelo ana, " Me he la ua malie ka ua, a he loihi ke ala e hiki aku ai i ko'u wahi ;— e naue e ae au o kakou." Me ia mau huaolelo i kona waha, ke hapai la kekehi lima i kana puolo a kau ae la i ka hokua, huli aku la ke alo i ka puka.
Hele mai la o Hugo e wehe i ke pani, a i ka wa i hamama ae ai ka puka, hemo aku la kela iwaho me ka haawi mai i ke aloha i na hoa ona i koe iho, aka, k ulou aku la o Hugo me ka hawanawana aku i kona pepeiao : " E unuhi i kau pahikaua mailoko ae o ka wahi, a pela oe e paa mau ai, O ke Akua pu me oe. E kiai pono nou iho ma ke alaloa me ka makaala mau."
MOKUNA II.
KA LUAHI A KA POINO,— NA HOAALOHA.— ILOKO O KA PUILI A KE KEIKI MOKOMOKO.
Mahope koke iho no o ka huli hoi a na mai ka hoopaa ana aku i ka puka, o ko Wili ninau mai la no ia.
"E G anatoka, pehea owaho i keia wa ?"
" He eleele e like me ke kepau la."
" A pehea ka ua ?"
" Ua malie," wahi a Hugo, " Aka, o ke alanui ua hakukele i ka wai, e kupono ole ai ke hele. No ka mahina ole hoi kekahi, nui loa ka pilikia, a me na poino ke hoohoa aku i keia ino ; o na uhane ino o ka po na hoahele e loaa."
" Ha !" i hooho ae ai o Wili, " O ka mea i komo iloko o na hoouka kaua hahana o Farani ma Aginicota a me Harefelua, e like la me oe, aole e hiki ia ia ke puana i keia mau huaolelo hohe wale, he olelo ia a ka mea wiwo. Ua haalele mai anei kou naau koa ia oe e ke kanaka ?"
" Aole, ina imua o ka enemi hanohano ;" i pane koke mai ai o Ganatoka. " Heaha ka hana a ka naau koa i ka mea powa makau wale e nihi mai ana mahope o kou kua, a kimopo mai ia oe iloko o ka pouli ?"
" Ae, he oiaio kau e Mr. Hugo." Pela i pane mai ai ka baba.
" He nui loa ia poe e holoholo ana ma neia mau wahi i keia wa," i olelo ae ai o Teta. ' 'O ke kanaka e hele hemahema ana i keia po me ka pahi ole ma kona aoao, he luahi makaukau ia na na poe ino."
" Waiwai ole ka oukou olelo," wahi a Wili. " Ke lawe mai nei oukou i na kaao palaualelo i mea hoopumehana i ko oukou kileo, E hiki ia'u ke hoohikiia no keia mea. Ua puni ia'u o Keneti nei i ka hele ia me ka loaa ole o ka poino."
" Pela io paha," i pane mai ai o Ganatoka, me ka awihi ae i na malihini.
" Pela no, a oiai aole a'u mea e makau ai, e hele ana wau, o haule hou mai auanei ka ua." Inu ae la i ke kiaha waina i koe, o kona ku ae la no ia iluna me ka olelo aku i na mea e ae e noho ana : " Pehea olua e na Haku ? Owai o olua ke hele pu me a'u? Aia me a'u kekahi pahi ikaika nona e hoomalu ia olua ma ke alaloa ina he oiaio ka olua mea e makau nei."
Luliluli iho la laua me ka hoo le aku ; pane koke mai la o Ganatoka. " Ua pono ; e moe maanei i keia po."
Ua ane ka umaha koke iho la ko Ganatoka helehelena ia wa, aole nae i pane mai, hele aku la ia a wehe ae la i'ke kaola i paa ai ka puka ; i ka hamama ana ae o ke pani, o ka hemo aku la no ia o ke kanaka helehelena ino me ke aloha ole mai, a nalowale aku la iloko o ka pouli.
Papani ae la o Ganatoka a hoopaa iho la la hoi me ke kua laau, alaila puana ae la ia : " Ke ake nei au e loaa hou ia'u kuu ikaika o na makahiki i kaa hope ae, i alualu aku ai au mahope ou e ke kanaka ino, e kue no ka pono, a e alai hoi i kau mau hana powa menemene ole."
" A ! oia nei anei kekahi o na poe powa ?" i ninau mai ai o Teta.
" Pela ko'u noonoo ana," wahi a Ganatoka, " no ka mea he puuwai aloha ole kona, he maua, a me ka helehelena lokoino ; e like me kona hana apiki mau ana ia'u no na mea inu. Aka, he mau lonolonowa ino kekahi nona e o'u mau haku ?"
" Heaha ia mau lono ?
" Oia na lono o ka hookahe koko a me ka hao wale. No ka hiki ole ke hooia i keia mau lono, oia ke kumu o kona pakele a hiki i keia wa."
" Pomaikai maoli au i ko'u hele pu ole ana me ia," wahi a Teta.
" A owau kekahi," i hooho ae ai ka mea kahi umiumi me ka haalulu.
I aku la o Hugo, " Ina i hele pu aku nei olua me ia, aole kekahi o olua e hiki ola i ka hale. He mau po wale no i hala aku nei, loaa aku la kekahi kino make ua oki pahu pu ia, maloko o ka pa holoholona o Sr Keresewale, ua manao wale ia na keia kanaka i pepehi."
" Me ka loaa ole o ka mea e ahewa ai ia ?" i ninau mai ai o Teta.
" Aole. O ke kuhi wale ia no nana me ka hiki ole e hooia aku. Ke hopohopo e wale nei au, e loaa ana kekahi kino kupapau i pepehi ia ma ke alaloa mawaena o nei a me Garinawika, mamua o ka hiki ana mai o ka la apopo."
" Ko wai kau i manao ai ?" i hooho mai ai laua a i elua.
" O ko ke kanaka maauauwa i hele aku nei."
Hoomaka koke mai la o Teta e haikea me ka i mai , " He houpuupu wale no paha keia nau."
" Aole, ke manaoio nei au, ua hahai aku la keia Wili Ahiu mahope o ka meheu o ka mea maauauwa, e pakaha wale i kona waiwai, a e pepehi ia ia."
Haalul u iho la o Teta me ka oni ino ana ma o a maanei, a i mai la, " Olioli loa au i ko kaua hele ole ana aku nei i keia po."
" Owau kekahi. He oi ka pano e noho malalo o ke ka-u-a a ka makamaka mamua o ka hele pu ana aku me ka enemi. E lawe mai oe i mea inu no kakou, a o oe pu kekahi e noho pu mai me maua iloko o na inu aloha ana." Pela i puana ae ai ka mea kahi umiumi.
I mai la hoi o Hugo, " E like me ka olua kono pela no au e hana ai, a e inu pu kakou no ke ola, a no ka palekana o ka mea maauauwa wiwo ole i hele aku nei."
A oiai lakou e noho nei iluna o ka papakakau poepoe, e hoohialaai ana i na ki a kaunu, me ka hoolohe aku i ka nu a ka makani, e haalele aku kakou i ua mau hoa la o ka hale Omole Ili, iloko o na hauoli o ke kiaha waina, a e huli ae kakou i ka mooa o ka mea maauauwa iloko o ka pouli.
(Aole i pau )
KA B URT LAAU OLA !
— NO NA —
Mai e loaa mai ana no ka holopono ole o ka ai iloko o ka Opu, A me ka mea hooikaika i ke Akepaa!
O KEIA LAAU E LOAA MAI AI KE OLA A E PAKELE AI HOI ! He mea io no ia e pau ai na mai i loaa mai mamuli o ka Holopono ole o ka ai iloko o ka Opu, Ka Paapu, na Io ulu wale, Na waikahe wale mai, na mai Nalulu, Na mai o ke Akepaa, a me KA PONO OLE O NA PAAHANA O KA WAIHONA AI E LOAA KOKE NO KA OLUOLU KE INU I KEIA LAAU MAI KA AKAhi a i ka eono omole, (e like me ka nui o ka mai, pela e nui ai ka laau). He mea nui loa ka malama ana i ke kino iloko o ke kulana o ke ola maikai me ke kokua ana i ka mana o ka hooholopono ana o ka ai iloko o ka opu, a me ka hooikaika ana e puliki a e hoomau ma na hana e kokua ai i ke ola oluolu maikai, a mamuli o ia mau mea e makala ai na mea ino mai ke kino ae, me ka ai ole ana i na laau awaawa. I mea e maopopo ai, e lawe i ka Laau Ola a Bart, e loaa ai ka ikaika a me ka mea hooikaika i ke akepaa, he LAAU noloko mai o na MEA KUPU. Ma ka ikaika o keia laau a me ka holo o ka hana maluna o na PAAHANA o ka WAIHONA AI, me ka hooikaika ana i ka opu a me ke kokua i na mea o ke kino, a ma ia wa no e kaawale aku ai na mai o ke akepaa, a ma ka hoomaha kupono ana, e loaa mai ai ka oluolu ma ka pau ana aku o na wai ino. Aole laau maikai e ae i ike ia, e like me ka Burt Laau Ola no na mai e loaa mai ana no ka holopono ole o ka ai iloko o ka opu, a me ka mea hooikaika i ke akepaa, a o lanakila nui no keia laau maluna o na mai i loaa mai no ka holopono ole o ka ai iloko o ka opu, ka paapu, na io ulu wale, ka wai kahe wale mai,a me na ino e pili ana.
He lehulehu ka poe i ike ole i ke kumu i hiki mai ai na mai no ka holopono ole o ka ai iloko o ka opu ; a nolaila, ua manao ia he mea pono ke hoike aku, i kahi wa, ua loaa ka eha ma ka waha o ka opu ai, o ke kumu o ia, o ka holopono ole o ka ai iloko o ka opu, a lilo ia i mea pohapoha, loaa mai ka nalulu, ka wela o ka umauma, wela o loko o ka opu, ka umii ma ka aoao a iloko o ka umauma, ka wela o ka umauma, wela o ke alelo, awahia o loko o ka opu, ka hiamoe ole a me ka ono ole i ka ai, ka molohai, paupauaho, ka niua, ka moku honua, ka lia o ka ili, a o ka moku ana o na aa lolo. Nolaila, o na paahana a pau o ke kino i loaa i ka nawaliwali, ua loaa mai ia mai ka holopono ole o ka ai iloko o ka opu.
O KA LAAU OLA A BURT, he laau ia e kipaku aku ana i na mea make; a o ka mea i loaa'i nei mau ano mai a hoomanawanui i ka ai ana no kahi manawa, o ke ola kona hope. Ina he paa ka mai o kahi a inu i keia laau, e loaa koke no ka oluolu maikai, a loaa no ke ola hou. O na ino a pau o ka io ulu wale, he ola wale no ia i keia laau.
He nui na hoike e ola nei no ke ola ana i keia laau, mahope iho o ko lakou mai ana no kekahi mau makahiki, a i ka ai ana i keia laau ua ola koke. He hiki no hoi ke hoopomaikai na poe e ai ana, ina paha he nui ka mai, e ola ana no.
O KEIA LAAU A BURT, KA LAAU MAIKAI MA KE AO NEI, nolaila, he pono i na poe mai ke hoao i loaa ke ola. E loaa no keia laau ma ko makou Halekuai.
Na kuhikuhi no ka inu ana :
E inu i hookahi puna nui i ke kakahiaka a me ke ahiahi, hoonui aku paha a hooemi mai paha, i mea e hemo maikai ai oloko, elua a hookahi manawa paha o ka la. Mai inu i ka wai iloko o umikumamalima minute, mamua a mahope o ka inu ana. KUMUKUAI. $1.25 no ka omole. KO KALEPONI LAAU OLA ! A ME KA MAI HANO.
D ILLINGHAM & CO.,
729 3m Na Agena no ka Pae Aina Hawaii.
Lole Makepono ke Kuike !
E LOAA NO IA MA KAHI O KAKELA ME KUKE, E LAA NA AHINAHINA, KALAKOA, KEOKEO, LEPONALO, Pena, Aila, Aniani, Na Mea Piula, Kopa, Aila Honua, Aila Hoomaloo, Kui Kakia, Pakeke, Tabu, Kaula, Noho lio, Hulu-palaki, na Pulumi. A he Agena no hoi no na Mokupuni o Hawaii nei no na LAINAKINI - NAO, LAINAKINI - MAOLI, PALULE KALAKOA, ALAPIA, KELEPA, KILISA, Na Lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana Lipine, lihilihi, a me ia mea'ku A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala. Pia Kulina, &c A HE LAAU LAPAAU KAULANA LOA A Dr. JAYNES. Laau Kunu, Laau Hoomaemae Koko, Laau hoopau naio, Penikila, Huaale, A me na Laau Hamo, a pela'ku. 707 1y 759
J. PO RTER GREEN,
" KEIKI O KAUAUKIUKIU."
LOIO !
E HELE MAI NA MAKAMAKA A PAU IO'U nei a na'u no e kokua ia oukou imua o ka Aha Hoomalu a me ka Aha Kiekie, me ka uku haahaa makepono loa. Aia kuu Keena hana ma kahi o ka Lunakanawai Hoomalu o Honolulu nei, oia ka " Aiko," ma Alanui Kalepa. 688 1y 720
WING SING & Co..
Puhi P alaoa,
E waiho mau ana na palaoa a me na berena palupalu. Kihi o na huina alanui Nuuanu a me Beritania. 703 ly 735
E. ST REHZ, (AI LUENE,)
HAAWI A KUAI
LAAU LAPAAU.
AIA MA MONIKAHAAE, KIHI O NA HUINA o na Alanui Papu a me Hotele. Aia malaila na Wai Ala a me na Wai Rukini maikai loa e loaa ai. E hamama mau ana i na ahiahi Poaono a pau. 689 1y 741
HALE KUAI LOLE.
O MAKO U o ka poe nona na inoa malalo iho, ke wehe nei i Hale Kuai Lole ma Kahaluu, Kona Akau, Hawaii, i ka la 22 o Mei, a na Akuna Pake e malama. Malaila na waiwai o kela a me keia ano nani a maikai loa. Eia maanei na papale wahine a me na papale kane o kela ano keia ano. Nolaila, ke konoia aku nei oukou e naue ae e ike kumaka i ke kuai makepono loa. E hele mai e hoao ike pono. GOO KIM &Co., Kahaluu Kona A. Hawaii. 703 6m
Mea HOU Maikai.
NA PEPA kakau Farani me na wahi leta o kela ano keia ano, i hanaia maloko o kekahi pahu liilii. O ke kumukuai o kela pepa ano hou, he hapalua a a hookahi dala. Aia ma ka hale kuai buke o lm — 705 H. M. WINI.
EIA KA MAN U HOU
HE BUKE MELE HOU NONA KA INOA " Robina Gula," ua 110 ka nui o na mele haipule a hoonanea o kela Buke Hou. He 15 keneta no ke kope, a i ole ia, he $10 no ka 100 kope. E kuai ia e (3m 804) H. M. WINI.
KA NUPEPA KUOKOA
E HOOPUKA MAU IA MA HONOLULU, I KELA POAONO KEIA POAONO
$2.00 no na mahina Umikumamalua
$1.00 " " Eono.
ME KA HOOKAA MUA MAI.
NA OLELO HOOLAHA — aole e oi mamua o 10 laina no ka hoopuka hookahi ana, $1.00 ; alua pukaana he $1.50 hookahi malama, $2.00. E UKU MUA ia mai ke dala o na Olelo Hoolaha e hoounaia mai ana e pai.
O NA UKU A PAU E HOOKAA MUA MAI NO - aole e kau ia ka inoa o kekahi haole a kanaka maoli paha, ma ka luna o ka poe lawe pepa ke ole e hookaa e mai mamua. E pono e hiipoiia keia mau rula, no ka mea, he emi no ka auhau no keia nupepa.
AIA KE KEENA O " KE KUOKOA" MA KA
HALE LETA HOU.
H. M. WINI,
Luna Hoopuka.