Ka Nupepa Kuokoa, Volume XV, Number 3, 15 January 1876 — Page 4
KA NUPEPA KUOKOA, ME KE AU OKOA I HUIIA.
Ka Nupepa Kuokoa
HE HIMENI .
ROUND THE TREE OF LIFE FOREVER.
Royal Diadem, p 44.
1. Ma ko luna mala nani,
Ma ka Pa radaiso hou,
Kahi o ka laau ola,
Laau hua a ma u no,
Hui kakou a mahalo
I ke aloha o Iesu,
Hui pu a haleluia,
Haleluia oia mau.
Ref.— Mele pu, mele pu
Mele ma ko luna mala nani ;
Aia pa u koonei mau luhi,
Mele pu, a maha mau.
2 Ma ko luna mala nani
Hui liilii no kakou,
Na makua na kama lani.
Na haumana a k umu ao,
Ke pau pono koonei hana,
Ke kiai a makaukau,
Hui pu a mau ka oli,
Pau ka ino, malu mau.
Ref. — Mele pu, mele pu, &c.
3. Ma ke ko lu o na lani,
Ma Ede na pua mau,
Hui pu a mau ka nani
Me na kini o ke ao.
Hui me na Kerubima,
Me ka Haku, me Iesu,
Mele me na Serepima,
Hui, mele, ola pu.
Ref. — Mele pu, mele pu, &c.
Hawaii.
HAAWINA KULA SABATI .
HE LU 5. SABATI, FEB. 6.
KUMU HA NA. Davida me Ionatana,
PAUKU BAIBALA, I Sam. 20 : 35 - 42
35 A i kakahiaka ae, hele aku la o Ionatana ma ke kula i ka manawa i oleloia ai me Davida, a me ia pu kekahi keiki.
50 I aku la ia i kona keiki, E holo, e imi i na pua a'u e pana aku ai. A i kona holo ana, pana aku la ia i ka pua ma o aku ona.
37 A hiki aku la ke keiki ma kahi o ka pua a Ionatana i pana aku ai, kahea aku la o Ionatana i ke keiki, i aku la, Aole anei ma o aku ou ka pua ?
38 Kahea aku la o Ionatana mahope o ke keiki, E haalele, e wiki, mai kali oe. Hoiliili ae la ke keiki o Ionatana i na pua, a hoi mai i kona haku.
39 Aole ike iki ua keiki la : o Ionatana laua o Davida wale no ka i ike ia mea.
40 Haawi aku la o Ion atana i kana mea kaua ma kona keiki, i aku la ia ia, O hele, a lawe aku ma ke kulanakauhale.
41 A hal a aku la ke keiki, ku ae la o Davida ma ke kulanakauhale, a haule iho la ilalo ke alo ma ka honua, a kulou iho la ekolu kulou ana : honi iho la laua kekahi i kekahi, a uwe pu laua, a nui aku la ka Davida,
42 I aku la o Ionatana ia Davida, O hele me ka malu, no ka mea, ua hoohiki kaua a elua ma ka inoa o Iehova, i ka i ana ae, O Iehova no iwaena o'u a o oe, a iwaena hoi o ko'u hua a o kou hua i ka manawa a pau. Ku ae la ia, a hele aku la ; a hoi aku la o Ionatana ma ke kulanakauhale.
Pauku hoopaanaau p 42.
Mele. Him. 357, 6 - 3.— Leo.
3. He poe hoahanau,
He poe aloha no,
E hui ko kakou naau.
A kuikahi pu.
4. Ka Uhane o Iesu ,
E launa me mako u,
E ho-a mai i aa mau
Ke aloha hoahanau.
P ule kekahi kumu i ekolu minute i hoopihaia kakou i ka Uhane Hemolele me ke aloha hoahanau.
NA NINAU A NA KUMU.
Ma kela Sabati, ua ikeia, e imi ana Saula e pepehi ia D avida me kona ihe mamua, a pakele nae Davida. A mahope hoouna aku oia ia ia i ke kaua i make oia, aole nae i make.
Mahope iho, haawi oia i kekahi kaikamahine ana i wahine na David a i mea hoohihia ia ia i make oia ke kaua aku i na Pilisetia. Hoole Davida mamua no kona ilihune, a pehea Saula i noi hookamani ai i pani no ka waiwai ? Ko anei? Mok. 18 : 17 - 27 Make ole Davida i ua Pilisetia. Imi hou Saula i ka mea e make ai ma ke aha ? Hoolohe anei Mikala ? Pakele Davida Mok. 19 : 10 - 17, aholo ihea ? I ka imiia'na o Davida ma Naiota heaha ka hana kupanaha a Saula i hana'i ? Mok. 19 : 23, 24.
I ke kauoha ana a Saula ia Ionatana a me kana mau kauwa e pepehi ia Davida, pehea Ionatana i uwao ai no Davida ? Mokuna 19 : 1 — 6. Hoohiki hoopunipuni ea. I ka hai ana o Davida ia Ionatana, e imi hou ana no Saula e pepehi ia ia hookahi wale no kapuai mawaena ona a me ka make manao anei Ionatana e oiaio ? Pehea ka hana e hana ia'na i maopopo ia Ionatana ka manao o Saula ? Mok. 20 : 1 - 34.
P 35 Ke kakahiaka hea kei a ? Ke kakahiaka mahope o ko Ionatana kamailio ana me Saula, p 27 -34. Hele Ionatana i hea ? me wai ? E like me keaha ? p 18 — 21.
3 6 - 37. I ka holo ana o ke keiki e imi i na pua, pana ku la Ionatana pehea ? No keaha ? A kahea aku i ke keiki pehea ? Owai kekahi e lohe ana ia kahea ? Davida paha p 32
P 3 8 - 40. Kahea hou Ionatana i ke keiki pehea ? A aha ke keiki ? Ua ike anei ke keiki i ke ano o keia hana ? Owai ka ike ? A aha Ionatana i ke keiki ?
P 41 - 42. A hala ke keiki owai ka i hea mai ? mai hea mai ? p 24. I ka leo ana i lohe ai, he hoailona ia no keaha ? Heaha ka leo hoailona no ke ola ? p 21, 22. I ko laua halawai pu ana pehea iho la ? Ka uwe owai ka i oi ae ? Hai paanaau mai p 42. Ae hoohiki maikai anei keia ?
Mele. Him 351. 8 — Leo.
3. A n ui mai na enemi
I alalai i kuu hele nei,
Oia ke alakai nei ia'u,
Ka lokomaikai mana mau.
4. Po uli mai na ino e,
A nui, a hekili mai,
Ua ku mau mai Iesu me au
He lokomaikai nani no ?
NA NINAU A KE KAHU.
Na makua. Huhu loa Saula ia Davida ; a imi i kona make. No keaha ? Ma na mea ehia kona imi ana e make ai oia ?
1 Ma ka hou anu ia ia i ka ihe.
2 Ma ka hoouna ana ia ia i ke ka ua.
3 Ma ka haawi ana i kana kaikamahine Mikala i wahine nana i mea hoopahele iaia.
4 Ma ke noi ana i hookahi haneri omaka o na Pilisetia i waiwai makana e loaa'i ka Mikala i wahine nana, i make oia ma ka hooko ana.
5 Ma ke kauoha ana ia Ionatana me na kauwa ana e pepehi ia Dav ida.
6 Ma ka hoouna ana i mau elele i kona hale e lawe mai ia Davida i pepehi oia ia ia me kona lima iho no.
Na keiki. Pehea D avida i hoopakeleia'i i ka make ia Saula ?
1 Holo oia a alo i ka ihe a Saula.
2 Kokua mai ke Akua ia ia ke hel e i ke kaua, a hoolanakila ia ia.
3 Aloha no ka na wahine Mikala, a hoopakele ia ia ma ka hookuu ana iho ia ia mawaho o ka puka aniani i holo aku oia.
4 Ma kona holo a na i kahi e.
5 Ma ka uwao a na a kokua ana o Ionatana kona hoaaloha nui.
Ke i mi nei na enemi e pepehi ia oukou, a ke hoike aku nei na kumu, na kahu, na misionari, ka Baibala, i na pilikia na ino, ka make e kau ana, e alualu ana ia oukou me ka paipai ana ia oukou e holo i pakele i ka make, ke hoolohe nei anei oukou ? Owai ka makamaka aloha nui e uwao mau ana no oukou ?
Ke ku la a pau. Hai mai i ka pauku hoopaanaau p 42. Pehea la e hiki ai ia kakou ke hoohalike me Ionatana laua me Davida ?
1 E nana i ka poe pilikia, e like me Davida, e uwao no lakou, e kokua, e like me Ionatana.
2 E hai aku i ka pilikia i na hoa, i na makamaka aloha, i ka poe i hanauia no ka wa pilikia. Sol. 17 : 17. Mai huna.
3 E ao aku i ka poe e pilikia ana e holo aku i pakele.
4 Mai hui me na makua ma ka ha na hewa ana. Aole i hui Ionatana me Saula e pepehi ia Davida.
5 E hui ka poe aloha, e hoohiki p u e imi, e hana i ka mea e pono ai kekahi me kekahi, me hai hoi, me ka malama mau hoi i ka hoohiki e like me Hal. 15 : 4.
6 E hoomanao kak ou, Eia mai no ka enemi, hookahi wale no paha kapuai ke kaawale ana — E makaala, e holo i kahi e malu ai.
7 Ikaika loa ka haku o ko ka kou enemi nui, Satana, e imi ana ma na mea e nui wale e pepehi ia kakou, ma ka lima o ka wahine, o ke keiki, o na kauwa.
8 E holo aku io Iesu la ka me a uwao nui, nana e hoopakele.
Mele — Mele 59. Robina Gula.
1. Ku u kalahala Iesu,
E pa u kuu hewa nei ;
Kuu maamaama Iesu,
E hee kuu pouli e ;
Kuu punawai no Iesu,
Ilaila e a uau ai,
Kuu uhane paumaele
I pau ae a maemae. me ka pauku eha.
HAAWINA KULA SABATI, NO F EB. 13. I SAM. 24 : 1 - 16. PAUKU HOOPAANAAU p 15. Hawaii.
KUPANAHA KE KAHU AKUA.— Ua lohe mai makou, ke hele la kekahi kanaka e manao ana e holo lunamakaainana no ka apana o Makawao iloko o na kauhale e hoohulihuli ai, me kekahi kahuna anaana i mea e hooweliweli ai i ka poe hupo a koho io iaia no ka makau o make i ka anaanaia. Ke manao nei makou, aole ia e puka ana he kolohe.
NO GILIBETA KA IKAIKA !
KA LUA OLE O KE KOA,
A ME KA PUUWAI KINA OLE.
HE MOOLELO KAHIKO NO ALABIONA !
MOKUNA II .
KA LUAHI A KA POINO — KA HOAALOHA — ILOKO O KA PUILI A KE KEIKI MOKOMOKO
ME kana puolo i ke kua, a me kona papale hoi i huki ia iho a paa ke kuemaka, pela oia i kaukoo aku ai ma ke alaloa, e like me kahi uiuiki malamalama uuku i hiki ai ia ia ke ike iho i kahi a kona mau kaina wawae e keehi ai. He kanaka kino ikaika oia a he wiwo ole. Aka no ka leo uwalo a Ganatoka, a me na helehelena lokoino o Wili Ahiu, nolaila, ua hookala ia kona ake makaala ia ia iho, ua wehe ia kana pahi mailoko ae o ka wahi, a e paa ana i ka lima me ka makaukau e lele aku no kekahi ulia e hiki koke mai ana i ona la, ina no ka poino a ano e ae paha.
Hookahi, a elua ana ku ana e hoolohe no na kapuai wawae e halulu hele mai ana mahope ona. No kona lohe hou ole i ka halulu, o ka leo ko-u wale no o ka makou iluna o na lala laau ka mea lohe ia, ua akaaka ae la ia no kona hopo wale, a hoomau aku la i ka hele.
Ua mamao loa kahi ana i hele ai me ka lohe ole i kekahi halulu ano e, a i kona wa i hiki aku ai i ke kumu o kekahi laau hina ma kapa alanui, ku iho la ia, me ka haka pono aku o kona mau maka iloko o ka pouli, ike aku la ia he okumu laau wale no, akaaka hou iho la ia no kona makau wale. Unu ae la i kana puolo i kau pono iluna o ka poohiwi, hoomaka iho la e hoohoihoi ia ia iho ma ka awiwi i hala hope ae ua wahi okumu laau la.
He manawa ole, ua hala hope ia ia kahi okumu laau , aka, mamua o ka hala ana ae o na kaina wawae he umikumamalua, ia wa i lohe ai oia i kekahi halulu, huli koke ae la ihope. Ia manawa koke no, me he anapu ana la o ka uila kana i ike ai maluna ae o kona poo, ua loaa koke iho la kona poohiwi hema i kekahi hauna pahi ikaika. Haule aku la kona puolo ilalo, a malule iho la kona lima hema. He leo auwe eha ka i lohe ia ma kona mau lehelehe ae, kunewa aku la ihope, a i ka huli ana mai e nana, halawai pu ae la kona maka me ko ke kanaka helehelena makona ana i ike ai iloko o ka hale hookipa. Maopopo iho la ia ia kona pilikia, wikiwiki iho ae la kona lima akau e unuhi i kana pahi, e uhau aku. Aka mamua ae o ke ala ana o ka elau o kana pahi iluna, ua anapa hou ae la ka pahi a Wili i ka lewa, a me ka emoole loa i haule iho ai ka aoao oi iluna pono o ke poo. He mau tausani weli ka i lalapa ae la ma kona mau maka, he leo auwe make hoi ka i puana ia e kona mau lehelehe, he manawa pokole wale no kona kunewa haa ana, a haule pahu iho la iluna o ka papalina o ka honua, me ka ike hou ole ae.
Iluna o ka lepo koou i ka wai i haule iho ai kona kino e make ana, a ma kona aoao i waiho ai kana puolo makamae. Hiolo mai la ke koko mailoko mai o kona poo i hele a napele, kaheawai mai la hoi ma ka ihu a me ka waha, a mailoko mai o kona poohiwi hema i moku mua ai i ka pahi. Oia iho la ka hopena o kamahele ; he luahi mauele na ka pahi menemene ole a ka lima powa.
Akaaka ae la ua o Wili Ahiu me na hiona lanakila. " Heaha la kau hana i koe ?" i ninau iho ai na kanaka puuwai eleele nei me ke aloha ole. Holoi iho la i ke koko o kana pahi maluna o ka lele o ke kanaka make, a hoihoi iho la iloko o ka wahi. " Ano, e hoopiha no au i kuu pakeke me na mea o loko o kona eke." Ia ia e olelo ana pela ; haha iho la kona mau lima iloko o na pakeke o ka mea maauauwa, " Ua lilo e aku nei ka paha ia Satana," i nukunuku iho ai ua kanaka powa la. " Elua wale no wahi hapaumi o kona pakeke. Heaha la na mea o loko o kana puolo, malaila e hoihoi ia ai ko'u luhi."
Ku ae la ia iluna a me ke ano lokoino i pek u aku ai i ka aoao o ka mea make. Ma ia wa i nunulu hope loa ae ai ke kanaka maauauwa a kuu aku la ke aho no ka wa pau ole.
Lalau iho la o Wili i ka puolo a kau ae la i ke kua, aole i liuliu lohe aku la ia i ka nakeke ana mai me he mau kapuai wawae la e kuhokuho hele ana iloko o ka wai. " Ei ae keia mea ke hele mai nei. O Hugo ma paha me na malihini ana, e hahai mai ana mahope o'u e hoomakakiu ai." Pela oia i nalu wale iho ai no iloko ona. Hoolohe hou aku la ia, aole i emo lohe pono aku la ia i ka halulu ana mai o na kapuai wawae. Unuhi ae la i kana pahi me ka olelo ana ia ia iho. " Ina lakou e hala loa me ka ike ole mai ia'u aole au e hana wale aku ia lakou, aka ina lakou e hoao e hopu mai i kuu kino, he mau auwai koko hou auanei ke hookahe ia ana maanei."
Ia ia e noonoo ana pela, paa pono iho la ka lima akau i kana pahi a me kekahi lima i hapuku ino ae ai i ka puolo, a holo aku la e pee ma ke kua o ka okumu laau oka.
Aole i li uliu kona noho ana iho malaila, hiki mai la elua kanaka ma kahi i waiho ai o ka mea make.
He mau keiki opiopio wale no laua a i elua, aole i oi ae mamua o ka iwakalua ko laua mau makahiki. O ka mea loihi o laua, elima kapuai a me umi iniha kona kiekie, he ano puipui iki kona kino, aole nae i lilo loa i ka nui, aka he ohe-ohe maikai ka oiwi. Ma ke ano o kona mau lala a pau, he helehelena o ka ikaika a me ke oolea, he ui a nani molale kona mau helehelena maka, oia ka mea nana i hoike mai he puuwai waipahe kona ; he mau olona ikaika loa ko ua keiki opiopio la, he koa, a he wiwo ole i owili puia me ke aloha a me ka lokomaikai. He holu uliuli ka wai hooluu o kona kapa komo mailuna a lalo, me ka hulu keokeo iluna o kona papale kapu. Ma kona apo opu i hoopaa ia ai kekahi pahikaua pokole, a he kookoo nui ma kona lima.
O ke kokoolua, ekolu iniha kona haahaa iho mala lo o ka mea mua, he pilalahi iki mai kona oiwi, he ui no hoi ia keiki, aka, aole nae e loaa aku ka ikaika o kona hoa.
Ma kona opu kekahi pahikaua loihi, a he kookoo no hoi ma ko na lima e like me ka kona hoa. He hoihoi kona mau helehelena, he puni hoomakeaka, a he hikiwawe iloko o na hana a pau, ka hula, ke mele, a me ka hakaka, e like me ke ano o na ulia e loaa mai ana ia ia.
" Halo ! heaha ia e Gilibeta ?" i hooho ae ai ka mea haahaa o laua, ia wa i ku iho ai oia e nana i ka mea i pepehiia. Ma ia manawa ana i olelo aku ai, ua kupee iho la kekahi kuli o Gilibeta ilalo, e nana iho ana maluna o ka mea i pepehiia.
Haloiloi mai la kona mau waimaka ia ia i puana ae ai i keia mau huaolelo. " He kanaka keia ua pepehiia, ina oe e nana iho e Walata. Ke mau nei ke kahe ana o ke koko ma kona papalina a me ka lole. Owai la ka mea nana i hana keia hana ino hohe wale.
" Ae i pepehi maoli ia no," wahi a Walata, "o ka pepehiia ana iho nei no ia, ke mau nei no ka pumehana o ke kino."
" He puuwai hohe wale ko keia pepehi kanaka ino, aole oia i mamao loa mai keia wahi aku, ua lohe ae nei paha i ka halulu o ko kaua mau kapuai, holo aku nei." Ia Gilibeta e olelo ana pela ua pii ae la ka ula i na maka, ua hoike mai la i kana ukana he inaina no ka pono, he makee aloha i ke ola makamae i hoopoino wale ia ma ko ke alii kuamoo " Ina i hiki mua mai nei kaua, aole e loaa keia poino ia ia nei. Ua make loa oia, aohe a kaua mau kokua pono e hana aku ai nona, aka, aole o'u makemake e waiho ia oia ma keia wahi."
" O ko'u manao no ia, aka, heaha ka kaua e hana ai nona?" i ninau mai ai o Walata.
" E lawe kaua ia ia nei a hiki i ka hale hookipa i o aku nei."
" Mamuli hooili ia mai kona make na kaua i pepehi," i pane aku ai o Walata,
" He oiaio kau, no ka mea he au keia i hoomaopopo ole ia ai ka like ole mawaena o ua poe hoopono a me ka poe powa, a oiai he wahi lehulehu keia o ko poe powa a me ka hao wale, e lilo ana ka kaua mau pono e hoike aku ai i mea ole, a e kuhikuhi ia mai auanei na kaua i pepehi."
" Nolaila aole a kaua mea e ae e hana ai no ke kupapau ;— he hiki ia'u ke a-a no na ninau a pau e hooili wale ia mai ana maluna o kaua, aka aole o'u makemake e ninau ia mai ko'u kulana a me ko'u moolelo."
"Ma ia ano, owau pu kekahi me oe," wahi a Gilib eta. "He mea ia e loli ae ai ke au o ka'u mau mea i manao ai."
" Ae, a e hoihoi hou ia aku ai au i kuu haku, ka mea a'u i hoowahawaha loa ai." " E hele aku kaua imua ma ko kaua alanui i manaolana ai, na kekahi poe e ae e hana i ka mea pono no ke kupapau, a e kanu i kona kino me ka maluhia, pela e pakele ai kona mea nana i pepehi," i pane mai ai o Walata. " Owai la keia kupu ino, ke iini nei au e kokoke mai oia maloko o na palena o kuu laau."
" A i ole ia, iloko o na puili ana o kuu lima," wahi a Gilibeta." He keu ia, o ke kanaka ikaika ke hiki ia ia ke wili, a hemo aku mai ka puili aoa a kuu mau iimi."
"He pono ia oe ke olelo malie e kuu hoaaloha, o lohe ia mai auanei kau akena ana. E u haele kaua. Ke ake nei au e loihi ke kowa mawaena o'u a me Ladana."
" Ke ano mai la ia'u ke aloha o ke kulanakauhale alii," wahi a Gilibeta. Ake i ka aina o ka lanakila a me ke keakea ole ia ka kaua huakai. Iloko o ka pilikia a me na huikau hakaka, a iloko hoi o ka waha o ka liona, a me na niho o ka ilio hae e hoomaka mua ai ko kaua helu ana o na la kanaka makua e hiki mai ana. O ka oihana kalepa a me ka hoopukapuka, ua kupono wale no ia i ka poe kupakako a me ka poe piele, aole ia'u.
" Aole no hoi ia'u," i pane mai ai o Walata, " a i na he lokomaikai ka ke au o na manawa e hiki mai ana e hooili mai ai maluna o ko kaua mau hokua, ilaila kana e hoikeike ae ai i ko ke ao, ua hookumuia ko ko kaua kulana me na hana o ka wiwo ole, a me hopoole, mamua o ke anana ana i na iwilei lihilihi a me na i-a lole a ka mea kalepa."
" Ina kaua," wahi a Gilibeta ; " Aka, e halihali mua kaua ia ia nei a waiho i kela kumu laau e ku mai la, o hehi wale ia iho auanei e na kamaa o ka mea aloha ole." (Aole i pau.)
KA BURT LAAU OLA !
NO NA Mai e loaa mai ana no ka holopono ole o ka ai iloko o ka Opu, A me ka mea hooikaika i ke Akepaa ! O KEIA LAAU E LOAA AI KE OLA A E PAKELE AI HOI ! He mea io no ia e pau ai na mai i loaa mai mamuli o ka Holopono ole o ka ai iloko o ka Opu, Ka Paapu, na Io ulu wale, Na waikahe wale mai, na mai Nalulu, Na mai o ke Akepaa, a me KA PONO OLE O NA PAAHANA O KA WAIHONA AI E LOAA KOKE NO KA OLUOLU KE INU I KEIA LAAU MAI KA AKAhi a i ka eono omole, (e like me ka nui o ka mai, pela e nui ai ka laau).
He mea nui loa ka malama ana i ke kino iloko o ke kulana o ke ola maikai me ke kokua ana i ka mana o ka hooholopono ana o ka ai iloko o ka opu, a me ka hooikaika ana e puliki a e hoomau ma na hana e kokua ai i ke ola oluolu maikai. A mamuli o io mau mea e makala ai na mea ino mai ke kino ae, me ka ai ole ana i ka laau awaawa.
I mea e maopopo ai, e lawe i ka Laau Ola a Burt, e loaa ai ka ikaika a me ka mea hooikaika i ke akepaa, he LAAU noloko mai o na MEA KUPU. Ma ka ikaika o keia laau a me ka holo o ka hana maluna o na PAAHANA o ka WAIHONA AI, me ka hooikaika ana i ka opu a me ke kokua i na mea o ke kino, a ma ia wa no e kaawale aku ai na mai o ke akepaa, a ma ka hoonaha kupono ana, e loaa mai ai ka oluolu ma ka pau ana aku o na wai ino. Aole laau maikai e ae i ike ia, e like me ka Burt Laau Ola no na mai e loaa mai ana no ka holopono ole o ka ai iloko o ka opu, a me ka mea hooikaika i ke akepaa, a o lanakila nui no keia laau maluna o na mai i loaa mai no ka holopono ole o ka ai iloko o ka opu, ka paapu, na io ulu wale, ka wai kahe wale mai, a me na ino e pili ana.
He lehulehu ka poe i ike ole i ke kumu i hiki mai ai ua mai no ka holopono ole o ka ai iloko o ka opu ; a nolaila, ua manao ia he mea pono ke hoike aku, i kahi wa, ua loaa ka eha ma ka waha o ka opu ai ai, o ke kumu o ia, o ka holopono ole o ka ai iloko o ka opu, a lilo ia i mea pohapoha, loaa mai ka nalulu, ka wela o ka umauma, wela o loko o ka opu, ka umii ma ka aoao a iloko o ka umauma, ka mulea o ka waha, palaai o ke alelo, awahia o loko o ka opu, ka hiamoe ole a me ka ono ole i ka ai, ka molohai, paupauaho, ka niua, ka moku honua, ka lia o ka ili, a o ka moku ana o na aa lolo. Nolaila, o na paahana a pau o ke kino i loaa i ka nawaliwali, ua loaa mai ia mai ka holopono ole o ka ai iloko o ka opu.
O KA LAAU OLA A BU RT, he laau ia e kipaku aku ana i na mea make ; a o ka mea i loaa'i nei mau ano mai a hoomanawanui i ka ai ana no kahi manawa, o ke ola kona hope. Ina he paa ka mai o kahi a inu i keia laau, e loaa koke no ka oluolu maikai, a loaa no ke ola hou. O na ino a pau o ka io ulu wale, he ola wale no ia i keia laau. He nui na hoike e ola nei no ke ola ana i keia laau, mahope iho o ko lakou mai ana no kekahi mau makahiki, a i ka ai ana i keia laau ua ola koke. He hiki no hoi ke hoomaemae ia ke koko me keia laau ola a Burt, a pela no hoi na mai mawaho o ka ili, he lilo loa ia i ka ole ke ai i keia mea maikai. A he laau maikai no ma ka inu ana.
O keia laau, ua loaa mai ia mailoko mai o ke k uhikuhi a kekahi kauka lapaau kaulana, nona ka lapaau ana i kona ohana iho, a ua loaa no ke ola maikai. Ke waihoia aku nei keia laau imua o ka lehulehu, me ka lana o ka manao e hahai ia ana no e na pomaikai na poe e ai ana, ina paha he nui ka mai, e ola ana no.
O KEIA LAAU A B URT, KA LAAU MAIKAI MA KE AO NEI, nolaila, he pono i na poe mai ke hoao i loaa ke ola. E loaa no keia laau ma ko makou Halekuai.
Na kuhikuhi no ka i nu ana :
E inu i hookahi puna nui i ke kakahiaka a me ke ahiahi, hoonui aku paha a hooemi mai paha, i mea e hemo maikai ai oloko, elua a hookahi manawa paha o ka la. Mai inu i ka wai iloko o umikumamalima minute, mamua a mahope o ka inu ana. KUMUKUAI, $1 25 no ka omole.
KO KALEPONI LAAU OLA ! A ME KA MAI HANO.
D ILLINGHAM & CO.,
720 3m Na Agena no ka Pae Aina Hawaii.
Lole Makepono ke Kuike !
E LOAA NO IA MA KAHI O KAKELA ME KUKE. E LAA NA AHINAHINA, KALAKOA, KEOKEO, LEPONALO, Pena, Aila, Aniani, Na Mea Piula, Kopa, Aila Honua, Aila Hoomaloo, Kui Kakia, Pakeke, Tabu, Kaula, Noho lio, Hulu-palaki, na Pulumi. A he Agena no hoi no na Mokupuni o Hawaii nei no na LAINAKINI-NAO, LAINAKINI-MAOLI, PALULE KALAKOA, ALAPIA, KELEPA, KILISA, Na Lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana Lipine, lihilihi, a me ia mea'ku A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c A HE LAAU LAPAAU KAULANA LOA A Dr. JAYNES. Laau Kunu, Laau Hoomaemae Koko, Laau hoopau naio, Penikila, Huaale, A me na Laau Hamo, a pela'ku, 707 ly 750
J. PO RTER GREEN,
" KEIKI O KAUAUKIUKIU."
LOIO !
E HELE MAI NA MAKAMAKA A PAU IO'U nei, a na'u no e kokua ia oukou imua o ka Aha Hoomalu a me ka Aha Kiekie, me ka , me ka uku haahaa makepono loa. Aia kuu Keena hana ma kahi o ka Lunakanawai Hoomalu o Honolulu nei, oia ka "Aiko," ma Alanui Kalepa. 688 1y 720
WI NG SING & Co.
Puhi Palaoa.
E waiho mau ana na palaoa a me na berena palupalu. Kihi o na huina alanui Nuuanu a me Beritania. 703 ly 755
E. STREHZ, (AI LUENE,)
HAAWI A KUAI
LAAU LAPAAU.
AIA MA MONIKAHAA E, KIHI O NA HUINA o na Alanui Papu a me Hotele. Aia malaila na Wa Ala a me na Wai Rukini maikai loa e loaa ai. E hamama mau ana i na ahiahi Poaono a pau. 689 ly 741
HALE KUAI LOLE.
O MAKOU o ka poe nona na inoa malalo iho, ke wehe nei i Hale Kuai Lole ma Kahaluu, Kona Akau, Hawaii, i ka la 22 o Mei, a na Akuna Pake e malama. Ma-laila na waiwai o kela a me keia ano nani a maikai loa. Eia maanei na papale wahine a me na papale kane o kela ano keia ano. Nolaila, ke konoia aku nei oukou e naue ae e ike kumaka i ke kuai makepono loa. E hele mai e hoao ike pono. GOOKIM & Co., Kahaluu Kona, A. Hawaii. 703 6m
Mea HOU Maikai.
NA PEPA kakau Farani me na wahi leta o kela ano keia ano, i hanaia maloko o kekahi pahu liilii. O ke kumukuai o keia pepa ano hou, he hapalua a hookahi dala. Aia ma ka hale kuai buke o H. M. WINI.
1m - 705
EIA KA MANU HOU
HE BUKE MELE HOU NONA KA INOA " Robina Gula," ua 110 ka nui o na mele haipule a hoonanea o keia Buke Hou, He 15 keneta no ke kope, a i ole ia, he $10 no ka 100 kope. E kuai ia e (3m 804) H. M. WINI.
KA NUPEPA KUOKOA
E HOOPUKA MAU IA MA HONOLULU,
1 KELA POAONO KEIA POAONO
$2.00 no na mahina Umikumamalua $1.00 " " " Eono.
ME KA HOOKAA MUA MAI.
NA OLELO HOOLAHA - aole e oi mamua o 10 laina no ka hoopuka hookahi ana, $1.00 ; alua puka ana he $1.50 hookahi malama, $2.00. E UKU MUA ia mai ke dala o na Olelo Hoolaha e hoounaia mai ana e pai.
O NA UKU A PAU E HOOKAA MUA MAI NO - aole e kau ia ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e mai mamua. E pono e hiipoiia keia mau rula, no ka mea, he emi no ka auhau no keia nupepa. AIA KE KEENA O " KE KUOKOA" MA KA HALE LETA HOU.
H. M. WINI,
Luna Hoopuka,