Ka Nupepa Kuokoa, Volume XV, Number 4, 22 January 1876 — Page 4
KA NUPEPA KUOKOA, ME KE AU OKOA I HUIIA.
Ka Nupepa Kuokoa
HE H IMENI.
NO O NE KNOWS BUT JESUS.
R oyal Diadem, p 21.
1. A ole mea ike, o Iesu wale no,
I kuu ano hewa, kuu naau a pau.
Aohe mea i ike, o Iesu wale no,
I kuu mau eha, kuu mau luuluu ;
Aohe he mea, he mea me Iesu,
Me a aloha a kokua pu.
Iesu no kai ike i kuu mau paio nei,
Ies u kuu pale, kuu alakai.
2. Aohe mea ike, o I esu wale no,
I kuu hemahema, i ka pule a'u ;
Aohe mea ike, o Iesu wale no,
I kuu kaumaha, kuu haaloulou.
Aohe he mea, he mea me Iesu,
Mea hoomaha, a hooli pu.
Iesu no kai ike, i kuu naau haahaa,
Iesu kuu hoa, kuu mea hoona.
3. Aole mea hiki, o Ies u wale no,
E ka la'e kuu hewa, a hoohanau hou.
Aohe mea ike, o Iesu wale no,
I kuu waimaka, kuu mihi pu.
Aohe he mea, he mea me Iesu,
Kuu puuhonua, kuu hooia mau.
Iesu ke hoolohe ke pule aku au,
Iesu kuu malu, kuu pono mau.
Hawaii.
HAAWINA KU LA SABATI.
H ELU 6. SABATI, FEB. 6.
KUMU HANA. Davida e hoopakele ana ia Saula. PAUKU BAIBALA, I Sam. 24 : 1 - 16
A I ka hoi ana mai o Saula i ka hahai ana i ko Pilisetia, ua huiia mai ia ia, i mai ia, Aia hoi o Davida ma ka waonahele o Enegedi.
2 A laila lawe ae la o Saula i ekolu tausani kanaka i waeia noloko mai o ka Iseraela a pau, a hele aku la e imi ia Davida a me kona poe kanaka maluna o na pohaku o na kao hihiu.
3 A hiki ak u ia i na pa hipa ma ke ala, a malaila he ana ; a komo aku la o Saula e uhi i kona wawae : a o Davida a me kona poe kanaka aia ma na aoao o ke ana.
4 I aku la na kanaka o Davida ia ia, Aia hoi, ua hiki mai ka la a Iehova i i mai ai, Aia hoi, e hoolilo ana au i kou enemi iloko o kou lima, i hana aku ai oe ia ia e like me kou makemake. Alaila ku ae la o Davida, a oki malu iho i ka lepa o ka lole aahu o Saula.
5 A mahope iho, kui iho la ka naau o Davida ia ia iho, i kona oki ana i ka lepa o ka lole aahu o Saula.
6 I aku la ia i kona poe kanaka. Ua hoole mai o Iehova ke hana aku au i keia mea i kuu haku, i ka mea a Iehova i poni ai, a e kau aku i kuu lima maluna ona, no ka mea, oia ka mea i poniia e Iehova.
7 Hooikaika aku la o Davida i kona poe kanaka ma keia olelo, aole ia i ae aku ia lakou e ku e ia Saula. Ku ae la o Saula mawaho o ke ana, a hele aku la ma ke ala.
8 Mahope iho, ku ae la o Davida a hele i waho o ke ana, e kahea aku la mahope o Saula, i aku la, E kuu haku, e ke alii. A nana ae la o Saula mahope ona, kulou iho la o Davida me kona maka ma ka honua, a haule iho ilalo.
9 I aku la o Davida ia Saula, No ke aha la oe i hoolohe ai i ka olelo a kanaka, i ka i ana mai, Aia hoi, ke imi nei o Davida e hana eha ia oe ?
10 Aia hoi, i keia la ua ike kou maka i ka hoolilo ana o Iehova ia oe iloko o kuu lima ma ke ana : a i mai la kekahi e pepehi ia oe ; aka, ua aloha au ia oe ; i aku la, Aole au e kau aku i kuu lima maluna o kuu haku ; no ka mea, oia ka Iehova i poni ai.
11 E nana oe, e kuu makuakane, e nana hoi i ka lepa o kou aahu ma kuu lima : no ka mea, i kuu oki ana i ka lepa o kou aaho, aole hoi i pepehi ia oe, e nana hoi e ike oe, aole he hewa, aole hoi he lawehala iloko o kuu lima, aole no au i hana hewa aku ia oe : aka, ke imi mai nei oe i kuu ola e lawe aku ia.
1 2 Na Iehova e hooponopono iwaena o kaua, a na Iehova e hoopai ia oe no'u ; aka, aole e kauia'ku kuu lima maluna ou.
13 E lik e me ka olelo a ka poe kahiko, No ka poe hewa mai ka hewa ; aka, aole e kauia'ku kuu lima maluna ou.
14 Mamuli owai i puka mai nei ke alii o ka Iseraela ? e alualu ana oe ia wai ? mamuli o ka ilio make anei ? mamuli o ka ukulele anei ?
15 O Iehova ka lunakanawai, a nana e hooponopono iwaena o kaua, a nana hoi e hooponopono mai i kuu mea, a e hoopakele mai ia'u mai kou lima ae.
16 A pau ae la ka Davida olelo ana'ku i keia mau olelo ia Saula ; i mai la o Saula, O kou leo anei keia, e Davida kuu keiki ? a hookiekie ae la o Saula i kona leo iluna, a uwe iho la.
Pa uku. Hoopaanaau p. 15. Mele — Him. 378 8 Leo Going Home.
1. Aole wahi paa maa nei,
Nolaila ko ke ao uw e ;
U ole nae ka mea maikai,
He maha kona maluna'e.
3. Aole wahi paa maanei,
Na hoa ma lihini e,
Kuonoono ole no,
E ku a naue i ke ao.
P ule i hoopakeleia ka poe pilikia mailoko mai o ko lakou mau pilikia a i aloha hoi kakou i ko kakou poe enemi.
NA NINAU A NA KUMU.
Ha alele kakou ia Davida e holo aku ana i pakele i ka pepehiia e Saula. Holo Davida i hea mamua ? Mok. 24 : 2. Mahea Noba ? Ma Beniamina. Owai ke kahuna ? Heaha ka Davida mau hua olelo hoopunipuni i ke kahuna ? p. 2, 8 A holo Davida mai Noba aku a i hea ?
P 10 Nohea Gata ? No Pilisetia ma ke komohana hema. Heaha ko Davida hoopunipuni ana imua o Akisa ke lii o Gata ? p 13. Elua hoopunipuni ana o Davida ; no keaha ? Ua pono anei ? Heaha ka hope ? 22 : 17, 18, 19, 22. Owai kekahi poe i hoopunipuni mamua aku i mea e pono ai, a lilo ia i mea e poino ai ? Pono anei ke hana hewa i loaa'i kekahi pono ? Rom 3 : 8. 6 : 1.
Holo ho u aku Davida a i hea ? 22 : 1. Mahea ia wahi ? Ma ka hema o Iuda e pili ana i ke kai make. Owai pu me ia ? p 2. Malaila aku a i hea ? p 3, 4. Owai pu me ia malaila ? A malaila aku a i hea ? p 5 Mahea Hareta ? ma Iuda. A malaila aku a i hea ? Mok. 23 : 5. Mahea Keila ? Ma ke komohana hema e pili ana ia Pilisetia. No ke aha kona hele ana ilaila ? A holo aku Davida ma Keila aku ai hea ? p 14, 19, 25 Ia Saula ma e alualu ana ia Davida ma ma ka waonahele o Maona heaha ka mea i oki ai ia alualu ana ? p 27, 28.
Mok. 24 P. 1 - 2. I hea Saula ? Ia ia e kaua aku ana i ko Pilisetia, holo Davida ma maihea ae a i hea ? Aia mahea na wahi paa o Enegedi ? Owai ka inoa mua ? Kin. 14 : 7. 2 Oiha'iii 20 : 2. E pili ana ia i ke kai make. Heaha ka i haiia ia Saula no Davida ? He poe aha ka i hai ? he poe aloha anei ia Davida ? He poe enemi paha ? No keaha ka hai ana ? No ka manao paha e loaa ana kekahi pomaikai. No keaha ka hai ana o Iuda i kahi i noho ai Iesu ? A lohe Saula i kahi e noho ana Davida ma heaha kana i hana'i ? No keaha kona lawe ana i keia poe koa he nui wale? Nui anei Davida ma ? He manao kaua anei ko Davida ia Saula ma ? Pehea Halelu 38 : 12 ?
P. 3, 4. Alualu S aula ma a hiki i hea ? A loaa kahi ana, owai ka i komo iloko ? Saula wale no anei ? Mahea kono poe koa ? Komo Saula a moe a uhi i kona mau waewae a pauhia e ka hiamoe, owai ka i komo e maloko loa o ke ana ? A ike na kanaka o Davida, ua hiamoe loa Saula, aole hoi ona poe kiai, heaha ka lakou olelo ia Davida ? E hookonokono ana paha ia ia e pepehi ia Saula. Ua pepehi anei oia ia ia ? U'aha oia i ka lepa o kona aahu ?
P. 5, 6. A mahope o ko Davida oki ana i ka lepa o ko Saula aahu, pehea kona naau ia ia ? Heaha hoi kana mau olelo i na kanaka ? Nawai i hoole ? Heaha ke kauoha no na'lii ma Rom. 13 : 4 — 3 ?
P. 7, 8. Ikaika paha ka olelo a na kanaka e ae Davida i ko lakou pepehi ana ia Saula, a pehea aku la Davida ? I ke ku ana o Saula a hele iwaho o ke ana, a hele hoi Davida mawaho, pehea ko Davida kahea ana ? A i ka nana ana o Saula i hope, pehea Davida imua ona ? Hana ino anei ?
P. 9 — 15. Hai mai i na olelo a Davida i olelo aku ai ia Saula.
1 He ninau, heaha ia ninau ? p. 9.
2 Ka mea a kona maka i ike ai ia la, he aha ia mea ? p. 10.
3 He hooailo na ma ko Davida lima no ka hiki ia ia e pepehi ia Saula, a no kona aloha a hoopakele ia ia ; heaha ia hoailona, me ka Davida mau olelo ? p 11.
4 Ka mea nana e hooponopono mawaena o laua ; owai ia ? p 12, 15.
5 Ka olelo a ka po e kahiko, heaha ia ? p. 13.
6 H e mau ninau no ko Saula alualu ana ia Davida, heaha ia mau ninau ? p 14.
He mau ninau aha keia.
P. 16. Ala anei Saula a pepehi ia David a, ia ia e olelo ana ia ia ? No ke aha ka pepehi ole ? Heaha ka Saula mau hua olelo hoohaahaa a ano mihi ? He uwe aha keia ? He mihi io anei ? Heaha kekahi mau olelo mihi a Saula ? p, 17 - 22. Manao anei Davida he oiaio keia mau huaolelo mihi a Saula a hoi oia a noho pu me Saula ? p. 22. Aole. Ua manao oia, e mau ana ko Saula imi ana e pepehi ia ia. Nolaila hoomau oia i ka pee ana i loaa ole oia ia Saula.
Mele - Him. 285. 8 - 7 - 4 Leo Malihini.
1 E kai oe, e Iehova,
I kou malihini nei ;
Maule au, a mana oe,
Na kou lima e paa mai ;
E ka Nane,
Hanai ia'u a maona ma u.
2 Wehe mai i kum u ola
E huai ka wai maikai ;
Haawi mai i kou aloha,
I paku, i alakai ;
Kuu Hoola,
E hoolanakila mai.
NA NINAU A KE KAHU.
Na maku a. Haalele kakou ia Davida e aha ana ? Hai mai i na wahi i holo ai i pee ai a hiki oia i ka waonahele o Enegedi. I Noba. 2 Gata. 3 Ke ana o Adalama. 4 Mizepa ma Moaba. 5 Ka niu laau o Haseta. 6 Keila. 7 Ka waonahele o Zepa. 8 Ka puu o Hakila. 9 Ka waonahele o Maona. Owai ko Davida kaula alakai ? Gida. Owai kona kahuoa ? Ahimeleka mamua, a pepehiia Ahimeleka holo Abiatara kana keiki, a hui me Davida a lilo i kahuna nona.
Na keiki . Akaka anei ia oukou ke ano o ka huhu, o ka lili, o ka huahua ? Huhu Kaina ia Abela a aha ia ia ? Huhu Esau ia Iakoba, a manao e aha ia ia ? A ma ke aha i pakele ai Iakoba i ka make ia Esau ? Huhu a lili a huahua na hoahanau o Iosepa ia ia, a aha lakou ia ia ? Huhu a huahua na Iudaio ia Iesu, a aha lakou ia ia ?
Huha, a lili, a huahua S aula ia Davida, a aha oia ia ia ? Imi, a alualu ia ia i o ianei, ma na mauna, ma na papu, ma na waonahele me ka manao paa e pepehi ia ia ke loaa. Ko anei kona manao ? Ma ke aha i pakele ai Davida i ka make ia Saula ? Kokua kona kaula, kona kahuna, kokua hoi ke Akua, kokua hoi oia ia ia iho ma ka holo ana e pee iloko o na ana. Owai ka enemi nui e alualu ana ia oukou ? Ma keaha e pakele ai oukou ia ia ? Hoopaa l Pet. 5 : 8.
Ke kula a pa u. Heaha kekahi hana pono ole a Davida i hana'i i pakele oia i ka make ? Owai ka i hoopunipuni mamua no ka makau, a i loaa kekahi pono ? Pono anei ke hana hewa i mea e loaa'i kekahi pomaikai ? Ua akaka ia Davida e lilo ana oia i alii no ka poe Iseraela, ua poni ia hoi, no ke aha kona makau i ka make a holo i o ianei i pakele, a hoopunipuni hoi i mea e pakele ai ? Ma ke aha e hoohalike ai kakou me Davida ke halawai pu me ka enemi, a hiki ke pepehi aku ?
Ma hea ka like ana o Saula me na Parisaio i ka wa ia Iesu ? Ma ke aha hoi i like ai Davida me ka mamo a Davida oia hoi o Iesu ?
Owai kekahi mau Ha lelu a Davida i kakau ai, ia ia e mahuka ana e pee ana i pakele i ka make ia Saula ma ? Huli i loaa. Heaha ka pono ke hele auwana kakou i o ia nei ?
Mele — Him. 329 8 Leo. Mendon.
1 E ala ko kakou naau,
Hoopau i na makau a pau,
He heihei la ni ko kakoa ;
Ala'e, a holo mele no.
2 He ala ololi no nae.
Pauaho no a maule ae,
Ke ole o Iehova mau
E hanai a kokua pu.
Pul e i hoopakeleia kakou i ka make ma ka lima, ma ka ukiuki o na enemi &c.
HAAWINA KULA SABATI, NO FEB. 13. I SAM. 31 : 1 - 1 - 6. PAUKU HOOPAANAAU p 6.
Hawaii.
NO GILIBETA KA IKAIKA !
KA LUA OLE O KE KOA,
A ME KA PUUWAI KINA OLE.
HE MOOLELO KAHIKO NO ALABIONA !
MOKUNA II.
KA LUAHI A KA POINO — KA HOAALOHA — ILOKO O KA PUILI A KE KEIKI MOKOMOKO
IA ia e olelo ana pela, k ulou iho la o Walata a hapai ae la ma ke kipoohiwi, kaikai ae la hoi o Gilibeta ma na wawae, a pela laua i lawe aku ai a hiki i ke kumu laau. Ma ke kua o ua kumu laau nei kahi i ku ai o ka powa, me ka paa ana i ke kumu o kana pahikaua kila. He manao no ko ua haku powa nei e holo, aka, no kona ike ana mai he mau keiki opiopio laua nei, manao iho la ia nana no ka eha, ke hakaka lakou, oia kona mea i ku loihi loa ai ma ke kua o ke kumu laau.
Ia laua nei i waiho iho ai i ke kino make ilalo ma kahi kokoke i ke kumu laau, ia wa i ku-ia ai ke kamaa o Wili Ahiu i ke a-a laau ia ia i anehe mai ai e hou i kana pahi i kekahi o laua nei. I ke ku-ia ana haule iho la ka puolo mai kona lima iho, a no ia halulu i kono mai ia laua nei e huli aku i kahi o ka nakeke i puka mai ai.
Ua a aki iho la ka pouli, aka iloko no nae o ia konouli, ua ike maopopo aku la laua nei i ke aka o kekahi kanaka, a ua ike pu aku la no hoi i ka anapa o ka maka pahi iloko o kona lima.
Lele koke aku la laua nei me ke kahea aku ia ia e ku malie iho. Keekeehi pono iho la na'lii powa nei i kona mau kapuai me ke kakali o ko laua nei kokoke aku.
O Wa lata ko laua i hiki mua, a i kona kokoke ana aku, ia wa i hahao emo ole mai ai o Wili i kana pahi.
He ike' na ka Walata i ka ihona iho o ka pahi,— me ka hikiwawe no hoi i pale ae ai oia i ke kookoo e paa ana i kona lima, a i ka wa i halawai ae ai me ka pahi, ua moku pu iho la ka laau a koe lihilihi, oia.ka mea i pakele ai kona poo mai kaawale ka pili mua.
Mamua ae hoi o ka hahau hou ana mai o na'lii powa nei i kana pahi, ua lele aku la o Gilibeta a paa iho la ma kona poohiwi a me ka puhaka. Ia manawa pokole ua kakia paa ia iho la o Wili i ka honua me he la he mau maiuu o ka Liona ka mea nana i kaohi iho ia ia e ku lohaloha me ka oni ole.
Alaila hapai ae la oia ia Wili ilu na a me he oaka ana la a ka uila i hoolei aku ai oia, ia ia iluna o ka honua, a pela i hoohaahaa ia ai ka ikaika o Wili kaulana e ke keiki opiopio.
Ina, o keia kiola ia ana a ke kanaka opapa o Wili, o kona mai no ia e moe ai, aka, no ke oolea o kona mau iwi, no ka ikaika hoi o na io huki, a me ka paakiki o na olona, ua hoomalule wale ia no ia no kekahi manawa pokole, me ka ike ole i ka eha o ia haule ana.
MOKUNA III.
HE HAKAKA WELIWELI ANA.
No n a hana koa wiwo ole, a no ke kela ana aku no hoi o kona ikaika a me ka mama imua o na poe e ae, oia ke kumu i noho loihi ai, a i lilo ai hoi o Wili he poo, a he alakai no kekahi puulu kanaka wiwo ole, he poe ino nae. Iloko o na popilikia, ua poino weliweli he nui i komo poo ai o Wili, aka e puka mai ana oia he lanakila i ka wa hope. No keia ano ona i hoolilo ia ai oia he kapena no na poe hoopilikia mau i ke ola a me ka maluhia o na kanaka ma ua mau ululaau nei o Keneti.
Aka hoi, aole o na poe e wale no ka i hilinai i kona ikaika nui, a ma ka hiki ole ka hoopoino i kona ola, oia ponoi iho no kekahi; he hilinai oia no ke kela ana aku o kona ikaika a me ke akamai hakaka mamua o kekahi mea kino e ae, a he manaopaa kona, aohe mea nana e hoopio i kona ola, o ke alii wale no o ka po.
No keia mea, i kona wa i haule ai ilalo iloko o ka puili akamai a ke keiki mokomoko, a i ka wa hoi i hoopaa ia ai kona hanu no ke kiola ia ana i ka honua, he mea e kona kahaha nui, a me ka haohao loa.
Eia kona alo iluna e waiho nei, ke nana ae la i ke aka o ka mea e ku nei maluna iho ona, me he la he moeuhane wale no kana mea i ike ai.
Aole i hiki ia ia ke hoomaopopo lea i kona mau helehelena mak a, aka ua akaka io ia he keiki opiopio wale no. A no kona hina ana ilalo i ke keiki opiopio e like me keia, ua kukai pu kona hilahila me ka inaina.
Puk a ae la na huaolelo pelapela mai kona waha ae me ka inaina. Hoohiki iho la ia, aole oia e hookau i kona poo e moe malie a hiki i ka inu ana o kana pahi i ke koko o kona mea i pio ai.
Ina aole e lele kana pahikaua mai ka lima aku i ka wa i haule ino ai ilalo, ina paha ua koni ka oi o kana pahi iloko o ke kino o ke koa opio.
I keia wa aohe ana hana ae, ua paa kona umauma i ke kaomiia e ka wawae o Gilibeta, a e paa ana kekahi lima ona i ka pahikaua, nona ka oi e honi anuanu aku ana i ka puuwai o ua haku powa nei.
" Aole anei i lawa kou mau lima i k e kaumaha o na hilihili koko au i pepehi hoomainoino ai no ke aha la i imi mai ai oe i ka poe i hana ino ole aku i kou kino."
" E lawe aku i kou wawae ino e keehi nei maluna o'u," pela i hooho ae ai o Wili. " Heaha kou makemake ia'u ?"
" He makemake au e ike i ke kumu o kou pepehi ana i ke kanaka ma-o."
" Aole au i ike i kekahi kanaka i pepehiia," i pane ae ai o Wili ; " Ina he mea i pepehiia ia kekahi malaila, me he la nau no i hana ia mea."
" Ina aole i paumaele kou mau lima ia karaima, heaha ke kumu o kou holo ana ? No ka hiki ole ia oe ke holo, ua hoao oe e lawe i ke ola o kuu hoaaloha."
" Iloko o keia au, ma na wahi e like me keia," wahi a Wili, " he pono i ke kanaka ke pale a e malama i kona ola iho. Aole au i hoao e hoahalua no olua."
" Heaha ke kumu o kou hiki ana mai ia nei ?" i ninau mai ai o Walata.
" Ua noa ke ala hele no na mea a pau," wahi a Wili. " A heaha hoi ke kumu o ko olua hele ana mai i ka po e like me keia ?" " He mau malihini kaahele maua e hele ana me ka maluhia," i pane mai ai o Gilibeta, " E hiki anei ia oe ke hoohiki mai pela kou ano ?"
" Ae, e hiki no, a ina olua e manao e powa mai ia'u, ke hai aku nei au me ka oiaio, aole he mea iloko o ko'u pakeke e lawa ai no ko olua luhi."
" E powa ia oe e ka mea maalea," i olelo aku ai o Gilibeta. " Aole maua he mau aihue, aka he mau kanaka hoopono. Ua loaa ia maua kela pepehi kanaka i hanaia ma ke ano ulia wale, a ua ike hoi i kou hoao ana e holo mai kahi aku o ka hewa i hanaia, e haawi ana maua i kou kino na ke kanawai e hookolokolo i kou hewa."
" Ina pela ko olua makemake, ke ae aku nei au me ka hemolele," wahi a ua ino nei ; " Aka, e ao o hoahewa ia olua no ka hoike hoopunipuni. Makemake au e ike i ko olua mau ano, a pela hoi me ko olua wahi i hele mai ai, manao au aole e hiki i kekahi o olua ke hoike pololei mai i kekahi o keia mau mea."
Ua puiwa ae la o Gilibeta, no ka mea he olelo oiaio ka ka powa. Ua lohe oia i ka laua kamailio ana, a ua ike hoi he mea huna kekahi i pili ia Walata, a ma Gilibeta ka mokomoko.
(Aole i pau.)
Ua hoopihaia na nupepa hoikeike kii o Enelani ma keia eke leta mai nei me na kii a me na moolelo o ka hookipaia ana o ke Keiki Alii o Wale ma Inia, oiai oia ma ka huakai makaikai.
KA B URT LAAU OLA !
NO NA Mai e loaa mai ana no ka holopono ole o ka ai iloko o ka Opu, A me ka mea hooikaika i ke Akepaa !
O KEIA LAAU E LOAA MAI AI KE OLA A E PAKELE AI HOI ! He mea io no ia e pau ai na mai i loaa mai mamuli o ka Holopono ole o ka ai iloko o ka Opu, Ka Paapu, na Io ulu wale, Na waikahe wale mai, na mai Nalulu, Na mai o ke Akepaa, a me KA PONO OLE O NA PAAHANA O KA WAIHONA AI E LOAA KOKE NO KA OLUOLU KE INU I KEIA LAAU MAI KA AKAhi a i ka eono omole (e like me ka nui o ka mai, pela e nui ai ka laau.)
He mea nui loa ka malama ana i ke kino iloko o ke kulana o ke ola maikai me ka kokua ana i ka mana o ka hooholopono ana o ka ai iloko o ka opu, a me ka hooikaika ana e puliki a e hoomau ma na hana e kokua ai i ke ola oluolu maikai, a mamuli o ie mau mea e makaia ai na mea ino mai ke kino ae, me ka ai ole ana i na laau awaawa. I mea e maopopo ai, e lawe i ka Laau Ola a a Burt, e loaa ai ka ikaika a me ka mea hooikaika i ke akepaa, he LAAU noloko mai o na MEA KUPU. Ma ka ikaika o keia laau a me ka holo o ka hana maluna o na PAAHANA o ka WAIHONA AI, me ka hooikaika ana i ka opu a me ke kokua i na mea o ke kino, a ma ia wa no e kaawale aku ai na mai o ke akepaa, a ma ka hoonaha kupono ana , e loaa mai ai ka oluolu ma ka pau ana aku o na wai ino. Aole laau maikai e ae i ike ia, e like me ka Burt Laau Ola no na mai e loaa mai ana no ka holopono ole o ka ai iloko o ka opu, a me ka mea hooikaika i ke akepaa, a o lanakila nui no keia laau maluna o na mai i loaa mai no ka holopono ole o ka ai iloko o ka opu, ka paapu, na io ulu wale, ka wai kahe wale mai, a me na ino e pili ana. He lehulehu ka poe i ike ole i ke kumu i hiki mai ai na mai no ka holopono ole o ka ai iloko o ka opu ; a nolaila, ua manao ia he mea pono ke hoike aku, i kahi wa, ua loaa ka eha ma ka waha o ka opu ai ai, o ke kumu o ia, o ka holopono ole o ka ai iloko o ka opu, a lilo ia i mea pohapoha, loaa mai ka nalulu, ka wela o ka umauma, wela o loko o ka opu, ka umii ma ka aoao a iloko o ka umauma, ka mulea o ka waha, palaai o holopono ole o ka ai iloko o ka opu.
O KA LAAU OLA A BURT, he laau ia e kipaku aku ana i na mea make ; a o ka mea i loaa'i nei mau ano mai a hoomanawanui i ka ai ana no kahi manawa, o ke ola kona hope. Ina he paa ka mai o kahi a inu i keia laau, e loaa koke no ka oluolu maikai, a loaa no ke ola hou. O na ino a pau o ka io ulu wale, he ola wale no ia i keia laau.
He nui na hoike e ola nei no ke ola ana i keia laau, mahope iho o ko lakou mai ana no kekahi mau makahiki, a i ka ai ana i keia laau ua ola koke. He hiki no hoi ke hoomaemae ia ke koko me keia laau ola a Burt, a pela no hoi na mai mawaho o ka ili, he lilo loa ia i ka ole ke ai i keia mea maikai. A he laau maikai no ma ka inu ana.
O keia laau, ua loaa mai ia mailoko mai o ke kuhikuhi a kekahi kauka lapaau kaulana, nona ka lapaau ana i kona ohana iho, a ua loaa no ke ola maikai. Ke waihoia aku nei keia laau imua o ka lehulehu, me ka lana o ka manao pono e hahai ia ana no e na pomaikai na poe e ai ana, ina paha he nui ka mai, e ola ana no.
O KEIA LAAU A BURT, KA LAAU MAIKAI MA KE AO NEI, nolaila, he pono i na poe mai ke hoao i loaa ke ola. E loaa no keia laau ma ko makou Halekuai
Na kuhikuhi no ka inu ana :
E inu i hookahi puna nui i ke kakakahiaka a me ke ahiahi, hoonui aku paha a hoemi mai paha, i mea e hemo maikai ai oloko, elua a hookahi manawa paha o ka la. Mai inu i ka wai iloko o umikumamalima minute, mamua a mahope o ka inu ana. KUMUKUAI, $1.25 no ka omole.
KO KALEPONI LAAU OLA ! A ME KA MAI HANO.
DILL INGHAM & CO.,
720 3m Na Agena no ka Pae Aina Hawaii.
Lol e Makepono ke Kuike !
E LOAA NO IA MA KAHI O KAKELA ME KUKE, E LAA NA AHINAHINA, KALAKOA, KEOKEO, LEPONALO, Pena, Aila, Aniani, Na Mea Piula, Kopa, Aila Honua, Aila Hoomaloo, Kui Kakia, Pakeke, Tabu, Kaula, Noho lio, Hulu-palaki, na Pulumi. A he Agena no hoi no na Mokupuni o Hawaii nei no na LAINAKINI-NAO, LAINAKINI-MAOLI, PALULE KALAKOA, ALAPIA, KELEPA, KILISA, Na Lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana Lipine, lihilihi, a me ia mea'ku A HE MAU MEA AI Ka Palaoa, Kopaa,Raiki, Pia, Hoohu, Paakai, Huaala, Pia Kulina. &c A ME LAAU LAPAAU KAULANA LOA A Dr. JAYNES. Laau Kunu, Laau Hoomaemae Koko, Laau hoopaa naio, Penikila, Huaale, A me na Laau Hamo, a pela'ku. 707 ly 759
J. PORTER GREEN,
" KEIKI O KAUAUKIUKIU. "
LOIO !
E HELE MAI NA MAKAMAKA A PAU IO'U nei, a na'u no e kokua ia oukou imua o ka Aha Hoomalu a me ka Aha Kiekie, me ka uku haahaa makepono loa. Aia kuu Keena hana ma kahi o ka Lunakanawai Hoomalu o Honolulu nei, oia ka " Aiko," ma Alanui Kalepa. 688 1y 420
WING SING &Co.
Puhi Palaoa,
E waiho mau ana na palaoa a me na berena palupalu. Kihi o na huia.. alanui Nuuanu a me Beritania. 703 1y 755
E. STREHZ, (AILUENE,)
HAAWI A KUAI
LAAU LAPAAU.
AIA MA MONIKAHAAE, KIHI O NA HUINA o na Alanui Papu a me Hotele. Aia malaila na Wai Ala a me na Wai Rukini maikai loa e loaa ai. E hamama mau ana i na ahiahi Poaono a pau. 689 1y 741
HALE KUAI LOLE.
O MAKOU o ka poe nona na inoa malalo iho, ke wehe nei i Hale Kuai Lole ma Kahaluu, Kona Akau, Hawaii, i ka la 22 o Mei, a na Akuna Pake e malama. Malaila na waiwai o kela a me keia ano nani a maikai loa. Eia maanei na papale wahine a me na papale kane o kela ano keia ano. Nolaila, ke konoia aku nei oukou e naue ae e ike kumaka i ke kuai makepono loa. E hele mai e hoao ike pono. GOOKIM &Co., Kahaluu Kona, A. Hawaii. 703 6m
Mea HOU Maikai.
Na PEPA kakau Farani me na wahi leta o kela ano keia ano, i hanaia maloko o kekahi pahu liilii. O ke kumukuai o keia pepa ano hou, he hapalua a hookahi dala. Aia ma ka hale kuai buke o 1m-705 H. M. WINI.
EIA KA MANU HOU
HE BUKE MELE HOU NONA KA INOA " Robina Gula," na 110 ka nui o na mele haipule a hoonanea o keia Buke Hou. He 15 keneta no ke kope, a i ole ia, he $10 no ka 100 kope. E kuai ia e (3m 804) H. M. WINI.
KA NUPEPA KUOKOA
E HOOPUKA MAU IA MA HONOLULU,
I KELA POAONO KEIA POAONO
$ 2.00 no na mahina Umikumamalua $1.00 " " " Eono.
ME KA HOOKAA MUA MAI.
NA OLELO HOOLAHA—aole e oi mam ua o 10 laina no ka hoopuka hookahi ana, $1.00 ; alua puka ana he $1.50 hookahi malama. $2.00. E UKU MUA ia mai ke dala o na Olelo Hoolaha e hoounaia mai ana e pai.
O NA UKU A PAU E HOOKAA MUA MAI NO — aole e kau ia ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e mai mamua. E pono e hiipoiia keia mau rula, no ka mea, he emi no ka auhau no keia nupepa.
AIA KE KE ENA O " KE KUOKOA" MA KA HALE LETA HOU.
H. M. WINI,
Lu na Hoopuka.