Ka Nupepa Kuokoa, Volume XV, Number 7, 12 February 1876 — Page 3

Page PDF (1.95 MB)

KA NUPEPA KUOKOA, ME KE AU OKOA I HUIIA.

                    Wasinetona, Ian. 18 — E hooholo ana ke Komite o ka Hale ma ka hoemi iho i na uku Kanikela a pau o Amerika Huipuia i ka ua e noonooia ai ka Bila Haawina ma ka pa umi hapa haneri, a e hoopauia ana paha i kanakolu mau kanikela e uku ia nei no ia uku kiekie.
               Wasinetona, Ian. 19 — Ua waiho mai ka Luna Senate Canavera he bila hoohalike ia ai i ka uku dute o na kopaa a pau e komo mai ana iloko o Amerika Huipuia ma ke kau ana i ke dute no ka paona maluna o na alua kopaa a pau loa ina he ekaeka e lua paha he aiai o na aina e e komo mai ana.
               Ua hiki ae ma Capa ke Kiaaina hou o ia mokupuni Sepania.
               Ua hiki ae ma Ladana i ka la 14 o Ianuari he lono mai Roma mai, e hoike ana ua loohia koke iho la ka Pope i ka mai, a ua nui ka pili kaumaha ma ka Vatikana.
               Ua loaa aenei he pukoa hou ma ke ala holo moana mawaena o Cardiff a me Pisco. Aia ma ke ala holo moku o Kapalakiko ma ka latitu hema 18 degere, a lonigu 36 degere 4 minute Komohana. He 17 1/2 kapuai wale no ka hohonu malalo iho o ka ili kai. I ikeia no ka ili ana o kekahi moku kiapa maluna o na pukoa la a hala hookahi hora, hemo mai. He 180 paha mile ka mamao mai na kapakai mai o Berazila.
               Ua haawi pio aku o Generala Tristany kekahi o na alakai kipi o Sepania iaia iho i ke aupuni, a me he mea la, e hahai pu aku ana kekahi mau hoa alihikaua ona ma ia alanui.
               He hiohiona pioloke kai ikeia ma Aix, Farani, i ka la 10 o Ianuari. Ua hiki kino ae o M Gamabeta malailaila me ka manao e haiolelo imua o kekahi anaina, aka, ua hiki ae la na kauoha i na mana aupuni malaila e keakea aku ia halawai. Ua akoakoa ae he anaina nui malaila, a ia wa i hiki mai ai na koa e keakea. Aka he hiohiona o ka pioloke kai uhi iho maluna o ia wahi.
               He hakaka mawaena o na koa Tureke, a me na kipi ma ka la 18, a ua luku ino loa ia na kao aupuni. He 400 na koa aupuni i make kanu, o he heluna nui i hoehaia. He uuku loa ka poino o na kipi.
               Ua waiho aku nei o Rusia he manao hoakaka i na mana e ae e noonoo i ona poo leta lahui.
               Aia ma ke aupuni o Amerika, he kanahiku a oi aku aku mau hale hoahu buke, no lakou pakahi paha na buke he 25 000.
               Ua hoolahaia ae, o ka ka la 2 o Feberuari ka wa e haalele ai ka mokuahi " Kulanakauhale o Melebona" ia Kapalakiko. Ina pela e ku mai ana oia i keia la.
               Ua moku hou ka waea olelo moe moana holo pololei o Amerika Huipuia ma kahi he 140 mile mai Taboi aku, Nova Segotia.
               Ma ke kulanakauhale o Cinitinati, ua pepehi maluia kekahi kane, e ke kane manuahi a me ka wahine mare, a kanu malu ia malalo o ka hale lio. Aka i ka haohaoia ana a huliia aku, loaa aku ua kane nei i pepehiia ai, ua moku ka a-i i ke koi. Ua pii ino ke kai o na kamaaina i keia mau pepehi kanaka, a ua liia ke kane e ka poe hoohaunaele, a o ka wahine ua hoihoi hou ia iloko o ka hale paahao.
               Ua poho kekahi mokuahi ma ka muliwai Misisipi ma kahi he 13 mile mai Sana Lui mai. Ua hooukaia he aneane e ahiku haneri tona ko paa maluna o keia moku, mai Nu Olina mai, e lawe ana i Sana Lui.
               Kikako, Ian. 21.— Ke hoike mai nei ka mea kakau ku i ka wa o ka nupepa " Manawa" o Wisinetona, ke noonooia nei na kau kanawai kupono no ke Kuikahi Panailike me ka Pae Aina Hawaii iloko o ke Komite o na Hana Hou me ka haapono o ka lehulehu o na lala o ke Komike, aka o ke Komite poo aole i lawelawe iki. O ke kanawi hou e hoolala ia nei, he mea ia e hoemi iho ai i na loaa makahiki mamuli o ka laweia ana ae o na auhau dute maluna o na waiwai komo aku mai Hawaii mai.
               Wasinetona, Ian. 22.— Ua nui ka nune mawaena o na hoa lunamakaainana mai na mokuaina Hema mai, no ka mea e pili ana ia Kapena Waddell o ka mokuahi " Kulanakauhale o Kapalakiko" no kona hooweliweliia e hopu ia e na mana o ke aupuni Hawaii no ka powa ma ka moana i kona wa e noho kapena ana no ka moku kipi Sanadoa, a nolaila, ua hopohopo na makamaka o ke kuikahi o halawai paha auanei me keia kue. I keia la, ua loaa mai he lono waea olelo ia Waddell lunamakaainana no Karolina Akau a he Kausini no kapena Waddell, e hoike ana, ua hooia aku ka Moi Kalakaua aole loa ua kapena la e hopuia, a e kono aku ana i kona Cousini a me na makamaka a pau o ka Hema e kokua i ka bila a Luttrell e hooholo ai i ke Kuikahi i Kanawai.
               Ladana, Jan. 3,— Ua hiki mai he lono mai Berelina mai, e i ana o ka la 3, o Feberuari nei, oia ka wa e paa ai ka noho paahao ana o ka Bihopa Lochowski mai ka halepaahao ae. No keia mea, ua manao lokahi na Katolika a pau ma Geremania, e malama i ahaaina haueli ma ia la ma ke ano kupono. Ua hoouna e ia na elele e kali ia ia no ka haawi ana aku i ke aloha hauoli o na ekalesia. Ua hoomau no ka Bihopa ma ka hoole ana i ka mana hookolokolo o ka Aha Ekola hou. O ka nalowale ana o ka Bihopa Nui o Colona, ke mau nei no ia. Ua kono ae ka Volko Zeitung i ka lehulehu e haawi i na makana makahiki hou ia ia, me ka waiho ana i ko lakou mau palapala ma kona keena pai no ka hoouna a na.

NA PALAPALA I KE KUOKOA.

Olelo Hooholo a ka Papa Nana o
Kona Hema.

                    O makou o ka Papa Nana no ka Apana o Kona Hema, mokupuni o Hawaii. Mamuli o ka makemake o na makaainana o keia apana a me ka ae oluolu ana mai o na hoa holo balota ma ko lakou ano he mau Keonimana a me na rula hoi i hoakaka ia e ke Kuhina Waiwai i na Luna Helu o keia Aupuni.
               Ua nana iho nei ka papa i ko lakou Kuleana kupono ma ka waiwai e like me ka ae ana o ke Kumukanawai.
               Nolaila ke hoike aku nei na papa'la elike me ka hoakaka ana malalo penei :
               1 No D H. Nahinu, ua apono ka Papa, no ka mea, ua like ka waiwai me ka manao o ke kanawai.
               2 K. Kamauoha Ua apono ia.
               3 H. Manase " "
               4 S W. Kaai ua hoole ka Papa no ka waiwai paa ole $500 00 aole no hoi i ike ka Papa i ka loaa makahiki.
D H Nahinu Peresidene
S Kekumano Hope Luna Helu. C Thornsten   " " Auhau Ianuari 24, 1876

Eia mai ai ka oiaio.

A KA NUPEPA KUOKOA E, Aloha oe :—
               E oluolu oe, a me kou Lunahooponopono e lawehele aku ma na ae kai, a me na kualono o keia mau Pae-moku, i ike mai o'u kini, mai ka la puka i Haehae a i ka welo ana o ka la i Lehua. Ua ike iho au ma ka manao pepa o P. Puuomahia i hoike ia ma ka Nupepa Kuokoa, helu 6, aoao 4, o ka la 5 o Feberuari, i hoike ia, oia keia, Hookahi hipuu na kakou. Oia ka hui ana o ka Ekalesia Moremona, e noho'la ma Kahana, a me ka Ekalesia Hoole Pope ma Kahana. Eia mai ka oiaio. Ua kiiia mai au e kahi lala o ka Ekalesia Moremona, e hai aku i ka olelo maikai no Kristo maloko o ka luakini Moremona, a ua wehe au i ka olelo e like me ia i hoike ia ma halelu 119 : 63 hapa mua. A ma keia, aole a makou olelo aelike a olelo hooholo hoi, e lilo i ekalesia hookahi ma ke ano Moremona. Alua. Ua noi mai lakou ia'u e halawai ma ke ahiahi ma ko'u luakini Hoole Pope, a ua wehe au i ka hana ma ka himeni ana, a pau ia, lilo ka lawelawe ana na Kanakaole, a me kekahi mau lala o ka ekalesia, aole o Makuakane ka mea haiolelo oia wa, ua noho oia ma kona hale, a pehea la oe e Puuomahia e hoike nei i ka inoa i ku ole i ka oiaio ? Mai oi loa ko pono e hele mua mai oe ia'u. Ua nui me ka lawa pono.
D. KEKIEKALANI. Kahana, Koolauloa, Feb. 8 1876.

E KA NUPEPA KUOKOA E ; Aloha oe :—
               Aole au i manao e kamailio me oe ma ka inika a me ka peni, aka, ma ka'u nana ana iho ma ka aoao 3. Helu 7 o ka Nupepa " Lahui Hawaii" o ka la 10 o keia malama, akahi no a loaa ia'u ka'u mea e hoike aku ai ia oe no kana e kamailio nei e pili ana i na Luna nana koho balota o Waimea, Kauai. Ua ike ia ka lakou e kiei ana i na omole o na waiona, a olelo hou iho la, mai kela hauwewe no a noho ana i ke puhi.
               Ua minamina loa wau i na inoa o keia poe ma keia hoike wahahee ana a kela Nupepa, no ka mea, owau pu me lakou i ka la a ua Nupepa la i ike ai ua poe Luna nana nei ; a ke hoike aku nei au i ka oiaio o na oiaio a pau o lawe auanei ka lehulehu a hooiaio, a lilo ka inoa maikai oia poe i mea ino mamuli o keia hoike ana a kela Nupepa wahahee.
               Owau o Keopuhiwa, he mea kaa lealea no keia kulanakauhale, a o ka mea mahaloia W. J. Noa, he makamaka oiaio no keia poe Keonimana, a malalo o ka maua olelo ae like me W. J. Noa e pili ana no ke kaa, ua hoopii pu ia mai lakou maluna o kuu kaa, malalo o ka'u hooholo ana ma na alanui a W. J. Noa e kuhikuhi ai. Ma ka la a ua Nupepa la e hai nei i kona ike ana i keia poe, me he la o ka Poakolu iho nei no ia la 9, a la 10 ae, ike iho nei au ua Nupepa wahahee la.
               Ma ke kakahiaka o ka la 9, ua hiki aku au me kuu kaa ma kahi o William J. Noa, a holo pu aku la maua. Hiki aku 1a maua ma ka hale o ka mea hanohano W L Moehonua ke Kuhina Kalaiaina, kahi hoi a ua poe Keonimana la e noho ana. Ua pau mua iho la ka ahaaina hanohano, a e laimalie ana lakou no na olelo naauao.
               Hoomaka aku nei makou e holo pu maluna o kuu kaa, i kai o Aina Hou ma kahi o D Poka ma, no ka hooka ana'ku i na uku moku a lakou i moe ai ma na rumi o ke kuna "Jenny." A paa ia, hoi mai la makou a hala iuka o Kaakopua ma ka hale o ka hoilina Moi, a malaila lakou i launa pu ai me ia me ka maemae. Mahope iho o ka aina awakea, ua hoi makou ma ka hale o W. J. Noa, no ko lakou makemake komo kapa a hoi hou ma kahi o ke Keiki Alii. Mahope iho o keia noho ana, holo aku nei makou ma ke alanui Alii Wahine, a komo ae la ma ke alanui uuku ma ka hale kuai o Mr. Bolles.
               Mauka iko o laila, kaohi ia iho la ka holo o kuu kaa, no ka mea, e makemake ana o Noa e komo ilaila, no ka hookaa ana aku i kekahi bila a ke'lii wahine nona ka waiwai e hooponopono ia nei e ke keiki alii, a oiai hoi o Noa, he kakauolelo no ia Luna Hooponopono. Holo hou aku nei ke kaa a puka i ke alanui Kalepa, a hiki i ke alanui Nuuanu.
               Mailaila aku makou a komo hou i ka pa o ke keiki alii, a ma na hale o loko oia pa, e launa mai hoi o R. Keelikolani, a me ke lii wahine Likelike a me na wahine e ae, hele aku nei lakou a lulu lima me na hoa i ke ahiahi loa ana, ua hoi maua o W. J. Noa, a noho na lakou me ke keiki alii, no na hoolohe himeni, a me ka papa alua ahiahi a ke keiki alii i ka-ua mai ia lakou i mau hoa ai no ia manawa.
Auhea iki la kahi o ke kiei ana.
KEOPUHIWA.
Honolulu, Feb. 10, 1876

OLELO HOOLAHA.

Hoolaha a ka Luna Hooponopono Waiwai.

                    UA HOOKOHUIA mai ka mea nona ka inoa malalo iho o Mr. Fornander, kekahi o na Lunakanawai Kaapuni Apana Aina o ko Hawaii Pae Aina i Lunahooponopono no ka waiwai o KULANI (k) i make kauoha ole, ma Halahaka, Hamakualoa, Maui. Nolaila, ke kauohaia aku nei ka poe a pau i   i aie i ka mea i make, e hookaa koke mai ; a me ka poe ana i aie aku ai e hoike mai me na bila i hooiaioia, iloko o na la he kanakolu mai keia la aku.
S W KANEHOALANI,
Lunahooponopono Waiwai.
Honopou, Ian 31, 1876.   741 4t* 743

               E HOOHANOHANO, ke papa ia aku nei na mea a pau, aole kekahi mea a mau mea paha, e hoaie mai i kuu wahine mare ia MRS. M KAHELE, no ka mea, ua haalele kumu ole mai oia ia'u, i ko maua wahi moe, me ka maua kamalei he keiki, a hele aku la oia mamuli o ke kono ae a loko. Nolaila, ina o ka mea a mau mea paha e hoaie mai ana iala ma kuu inoa mai keia la aku, maluna no ona ko oukou poho. Ke papaia aku nei noho hoi kona mau pilikoko a poe e paha, aole e hookipa wale iaia ma ke ano he ai, he i-a, kapa a wahi mea hoi, o hoopiiia e a'u ma ke Kanawai. " He kuli ka make, he lohe ke ola."
G W PAHU. Palolo, Feb 4, 1876. 741 2t* 742

               E IKE auanei na kanaka a pau o kela ano keia ano, owau o ka mea nona ka inoa malalo nei, ke papa aku nei au i ka poe mea Lio, Bipi, Hoki, Kekake, Hipa, Kao, Puaa, mai hookuu oukou i ko oukou mau holoholona maluna o ka aina o KAMAOA a me PAKINI-NUI, e waiho la ma Kau, mokupuni o Hawaii. Ina e kue kekahi i keia olelo papa, e hopu no au a me ko'u hope a mau hope paha, a uku e like me ke kanawai ; koe nae ka poe i loaa na palapala ae mai a'u aku. A ua kapu no hoi na mea ulu maluna o ua mau aina la elua, a me na piha-a ma na palena o kela mau aina. A ke kauohaia aku nei ka poe mea kuleana aina liilii, e pa koke lakou i ko lakou mau apana aina maloko. Mamuli o ko'u ano he Luna Malama no ka Waiwai o ka Mea Kiekie Ruta Kkelikolani, mamuli o ke kauoha a ka Mea Kiekie W P Leleiohoku.
W K MOILII. Waiohinu, Kau, Hawaii. Ian 26, 1877. 74l 4t* 743

               KE PAPA aku nei au i na mea a pau, aole e hele maluna o kuu aina ma Nuuanu, Honolulu, Oahu, a lawe aku i kekahi mea kanu, no ka mea, aole au i hoolimalima i ua aina la,   mai manao kekahi o kuu mau pili koko, he kuleana ko lakou ilaila, o noho auanei i ka hale hana o ke Aupuni. HENRY KAHI. Nuuanu, Feb. 10. 1876. 741 4ts 744

HOOLAHA AINA !

                    E IKE na kanaka a pau, ua lilo mai ia'u ma ke kuai na aina o PALEKALUHI i make, e waiho ia Palolo, Oahu, oia na Apana aina penei : Apana 2 — Ewalu eka a me 736 - 1000. Apana 3 — Na koele, he 581 - 1000 eka, Apana 4 — Ili o Wailupe ma Palolo, he 134 eka. Apana 5 — Ili o Wailupe ma Palolo, he 587 - 1000 eka. Nolaila, ua hookohu aku au ia NIKA i Luna malama i keia mau Apana Aina eha, a e hoolohe na kanaka a pau i kana mau kauoha. Ina hoolohe ole na kanaka i kana mau kauoha, e hopuia no ko lakou mau holoholona, a e hoopaa ia ma ka Pa Aupuni. Aole pono e lawe na kanaka i ke Kanawai ma ko oukou lima, a ina e manao oukou aole he kanawai ma ka aina nei, he kanawai no ma ka lima o
KALE LONO APIANI. Honolulu, Feb 10, 1876. 741 4ts 741

               EIA iloko o ka Pa Aupuni o Koholaloa, Apana o Honolulu, na Lio e kuai kudala ia ana ke hiki aku i ka Poalua, la 16 o Feberuari, hora 12 awakea. Eia ke ano a me ka hao kuni : Lio k ulaula laekea iki 2 w keokeo mamua mahope wiwi 2 kuapuka iki hem UU Lio k puakea wiwi 2 w keokeo mahope laekea loihi a hiki i ka ihu, hem IU ak hao manamana. He mau lio hou mai no kahi. Lio k hulupala poo kekee keokeo iki ka lue, l w keokeo mahope ak I_ K Lio k ulaula laekea loihi a hiki i ka ihu 1 wawae keokeo mahope ak R D ua pau na kapuai 4 i ka hao. Bipi wahine ulaula ak LSP uha m aka _I_ S
A B KAAUKUU, Luna Pa Aupuni. Feberuari 11, 1875. 741 1t*

Hoolaha a ka Luna Hooponopono Waiwai.

                    Oiai, ua hookohuia mai ka mea nona ka inoa malalo iho i Luna Hooponopono no ka Waiwai o S, P. Kalama o Honolulu, make, nolaila, ke kauoha ia aku nei ia poe a pau ana i aie uku ai, e hoike mai i ka lakou mau koina me na hooiaio kupano, a o ka poe a pau i aie mai iaia, e hookaa koke mai me ka hookaulu ole.
L. KELIIPIO. Honolulu. Feb. 11, 1876. 4ts.

               Ma ka waiwai o Nicholas George i make. Ke hoikeia aku nei ka lohe i na mea a pau ina he mau koina ka lakou i ka waiwai o Nicholas George i make, e hoike koke mai me na hooiaio kupono i ka mea nona ka inoa malalo iho maloko o na malama eono mai ka puka mua ana aku, a i ole ia e hoole loa ia ; a o ka poe a pau i aie mai iaia, e hookaa koke mai. Ua hiki no i na poe koina a pau ke hoike ia G. W. C. Jones o Kau, Hawaii a ke hookaa hoi iaia, a i ole ia W. C. Jones ma kona keena ma Honolulu, Oahu. G W. C. JONES. W. C. JONES.
Na Luna Hooko Kauoha o Nicholas George. Honolulu. Feb. 1, 1876. 741 4ts 744

               MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o KANIHO (k), no Lahaina, Maui i make.
               Ua heluheluia a ua waihoia ka palapala noi a Paakiki k, e noi ana, e hoonoho iaia i Lunahooponopono no ka waiwai o Kaniho k, no Lahaina, Maui H P A i make. Nolaila ke kauoha ia nei na kanaka a pau ke pili, o ka Poakahi, oia ka la 28 o Feberuari 1876, ma ka hora 9 o ke kakahiaka, ma ka Hale Hookolokolo ma Lahaina, oia ka la a me kahi i koho ia no ka hoolohe ana i ua noi ia a me na mea kue ke hoikeia. ABR. FORNANDER,
Lunakanawai Kaapuni Apana Elua. Lahaina. Feb 5, 1876. 741 3ts 743

               MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o IHUOLE (k), no Wailuku Maui i make.
               Ua heluheluia a ua waihoia ka palapala noi a Heeia w, e hooponoponoia ka waiwai o kana kane o Ihuole (k), no Wailuku Maui H P A i make, a e hooholoia ka waiwai i na hooilina. Nolaila, ke kauohaia aku nei na kanaka a pau ke pili, o ka Poakahi, oia ka la 13 o Maraki 1876, ma ka hora 9 o kakahiaka, ma ka Hale Hookolokolo ma Wailuku, oia ka la a me kahi i kohoia no ka hoolohe ana i ua nonoi la a me na mea kue ke hoikeia. ABR. FORNANDER, Lunakanawai Kaapuni Apana Elua.
Lahaina, Feb 5, 1876. 740 3ts 743

               MA ke Keena o ka Lunakanawai Kaapuni Apana Elua o ko Hawaii Pae Aina. Ma ka waiwai o J MAWAE, no Hana, Maui i make.
               Ua heluhelu a ua waihoia ka palapala noi a Kealoha k, e noi ana e hoonoho iaia i Lunahooponopono a i hooilina hoi no ka waiwai o J Mawae, no Hana, Maui, H P A i make. Nolaila, ke kauohaia aku nei na kanaka a pau ke pili, o ka Poaha, oia ka la 9 o Maraki, 1876, oia ka hora 11 o kakahiaka, ma ka Hale Kula ma Mokulau, Kaupo, oia ka la a me kahi i kohoia no ka hoolohe ana i ua nonoi la a me na mea kue ke hoike ia. ABR. FORNANDER,
Lunakanawai Kaapuni Apana Elua. Lahaina, Feb 5, 1876. 740 3ts 743

               MA ke keena o ka Lunakanawai Kaapuni Apana Elua ko Hawaii Pae Aina. Ma ka waiwai o HAUPENO (k) a me KEAKA (w), no Kaupo, Maui i make.
               Ua heluheluia a ua waihoia ka palapala noi a H Kahauauki, e noi ana, e hoonohoia i Lunahooponopono a i hooilina hoi no ka waiwai o Haupeno k, a me Keaka w, no Kaupo, Maui, H P A i make. Nolaila, ke kauohaia aku nei na kanaka a pau e pili, o ka Poaha, oia ka la 9 a Maraki 1876, ma ka hora awakea, ma ka Hale Kula ma Mokulau, Kaupo, oia ka la a me kahi i kohoia no ka hoolohe ana i na nonoi ia a me na mea kue ke hoikeia.
ABR. FORNANDER. Lunakanawai Kaapuni Apana Elua. Lahaina, Feb 5, 1876. 741 3ts 743

               MA Ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o WAAHIA (k) no Hana, Maui i make.
               Ua heluheluia a ua waihoia ka palapala noi a Haina, e noi ana, e hoonoho iaia i Lunahooponopono no ka waiwai o Waahia k, no Hana, Maui, H P A i make. Nolaila, ke kauohaia aku nei na kanaka a pau ke pili, o ka Poaha, oia ka la 9 o Maraki, 1876, ma ka hora 10 o kakahiaka, ma ka Hale Kula ma Mokulau, Kaupo, oia ka la a me kahi i kohoia no ka hoolohe ana i ua nonoi la a me na mea kue ke hoikeia. ABR. FORNANDER,
Lunakanawai Kaapuni Apana Elua. Lahaina, Feb 5, 1876 741 3ts 743

               MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o HAONA (w) no Hana, Maui i make.
               Ua heluheluia a waihoia ka palapala noi a Kekua k, e noi ana, e hoonoho oia i Lunahooponopono a i hooilina hoi no ka waiwai o Haona w, no Hana, Maua H P A i make. Nolaila, ke kauohaia aku nei no na kanaka a pau, ke pili o ka Poaha, oia ka la 9 o Maraki, 1876, ma ka hora 10 o kakahiaka, ma ka Hale Kula o Mokulau, Kaupo, oia ka la a me kahi i kohoia no ka hooholo ana i ua nonoi la a me na mea kue ke hoikeia. ABR. FORNANDER,
Lunakanawai Kaapuni Apana Elua. Lahaina, Feb 5, 1876. 741 3ts 743

HOOLAHA HOOKOLOKOLO.

                    AHA Kiekie o ko Hawaii Pae aina. Ma ka hooponopono waiwai. Mokupuni o Oahu, ko Hawaii Pae Aina SS. Ma ka waiwai o A KAHEKILI i make.
               Olelo kauoha, e koho ana i la e hooiaio ai ka palapala kauoha, a no ka hoolaha ana.
               No ka mea, ma ka la 10 o Feberuari, M H 1876, ua waihoia mai imua o ka Aha, kekahi palapala i oleloia, oia no ke kauoha hope loa a A Kahekili, i make aku la, a me ka palapala hoopii e noi ana, e hoolahaia ke la palapala kauoha, a e hoopuka hoi ka palapala Luna Hooko no Kelelaina w a me Kalola w, ua waihoia mai e Kelelaina w a me Kalola w.
               Nolaila, ua kauohaia, o ka Poakahi, oia ka la 23 o Feberuari, M H 1876, ma ka hora Umi kakahiaka ma ka rumi Hookolokolo oia Aha ma Honolulu, ma Oahu, oia ka hora e hooiaioia'i la ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ka Hawaiian Gazette a me ke Kuokoa he mau nupepa i paiia a i hoolahaia ma Honolulu. A ua kauoha hou ia, e hoopukaia na palapala kena i na hoike no ia palapala kauoha a me na hooilina o ka mea make, e hele mai a e kue i keia palapala kauoha i ka wa i oleloia.
Kakauia ma Honolulu, ko Hawaii P A Feb 10, 1876. CHAS. C. HARRIS,
ikeia e : Lunakanawai o ka Aha Kiekie. Jno. F. Barnard, Hope Kakauolelo.710 2t 743

               AHA Kiekie o ko Hawaii pae Aina, ma ka hooponopono waiwai, mokupuni o Oahu, ko Hawaii Pae Aina. Ma ka waiwai o ULUEELANI (w), i make. Ma ke Keena imua o ka Lunakanawai C C Harris. Kauoha e hoolaha i ke noi, a e apono i ka palapala hoike hookuu ana a e mahele i ka waiwai.
               Ma ka heluhelu a me ka waiho ana mai o ka palapala noi a Kekaula k, ka Lunahooponopono waiwai o Ulueelani w, o Honolulu i make, e noi ana kana hoike no na waiwai paa, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano. Ua kauohaia o ka Poakahi la 13 o Maraki. M H 1876, ma ka hora 10 o kakahiaka, imua o ua Lunakanawai la ma ke Kkena, ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua nonoi la a me na papa hoike i oleloia, a o ka poe a pau i pili malaila, e hele mai a e hoike i ke kumu. Ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e paiia ma ka nupepa Kuokoa, he nupepa i paiia a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Honolulu ko Hawaii P Aina Feb 10, 1876.
CHAS. C HARRIS.
Ikea : Lunakanawai o ka Aha Kiekie. Jno. F. Barnard Hope Kakauolelo. 741 3ts 743

               AHA Hookolokolo Kiekie o ko Hawaii PAE Aina. Ma ka Hooponopono Waiwai. Ma ka waiwai o JOHN MEEK, o Honolulu i make. Ma ke Keena hana o Chas. C Harris, Lunakanawai. Kauoha e hoolaha i ke noi e apono i na papa hoike, hookuu ana a e mahele i ka waiwai.
               Ma ka heluhelu a me ka waiho ana mai o ka palapala noi a me ka palapala hoike o John H Coney Luna Hooko o ka waiwai o John Meek, no Honolulu i make, e noi ana e aponoia na hoolilo he $1461.16, a e hoike ana o na mea i loaa mai iaia, he $1461.16, a e noi ana e nana a aponoia kela mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope ma ka noho ana ma ia ano.
               Ua kauohaia, o ka Poakahi, ka la 20 o Malaki, M H l876, ma ka hora 10 o kakahiaka, imua o ua Lunakanawai la, ma ke Keena ma ka Hale Hookolokolo, ma Honolulu, oia kahi a me ka manawa i koho ia no ka hoolohe ana i ua Noi la, a me na Papa Hoike i olelo ia, a o ka poe a pau i pili malaila e hele mai e hoike i ke kumu, ina he kumu io ko lakou, e ae ole ia ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Haole a me Hawaii, e pai ia maloko o ka Hawaiian Gazette Kuokoa a me Au Okoa i huiia, he mau nupepa i pai a hoolaha ia ma Honolulu, i ekolu pule mamua ae o ka manawa i olelo ia no ka hoolohe ana.
Kakauia ma Honolulu, ko Hawaii P A Pep. 10, 1876. CHAS. C. HARRIS,
Ikeia : Lunakanawai o ka Aha Kiekie. Walter R Seal, Kakauolelo. 741 3ts 743

               MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o M. P. PEENAHELE, no Hana, Maui i make.
Ua heluheluia a ua waihoia ka palapala noi a J K Hanuna, e noi ana, e hoonohoia i Lunahooponopono no ka waiwai o M P Peenahele, no Hana, Maui H P A i make. Nolaila, ke kauohaia aku nei na kanaka a pau ke pili, o ka Poaha, oia ka la 9 o Maraki, 1876, ma ka hora 9 o kakahiaka, ma ka Hale Kula ma Mokulau, Kaupo, oia ka la a me kahi i kohoia no ka hoolohe ana i ua nonoi la a me na mea kue ke hoikeia. ABR. FORNANDER,
Lunakanawai Kaapuni Apana Elua. Lahaina, Feb 2, 1876. 741 3ts 743

               MA ke Keena o ka Lunakanawai Kaapuni Apana Elua, ko Hawaii Pae Aina. Ma ka waiwai o EHU k, no Kalua, Wailuku, Maui i make. Ua heluheluia a ua waihoia ka palapala noi a Ehu k, e noi ana, e hooponoponoia ka waiwai o kona makuakane o Ehu k, no Wailuku, Maui H P A i make, a e hooholo ia i na i na hooilina. Nolaila, ke kauohaia aku nei na kanaka a pau ke pili, o ka Poaha oia ka la 17 o Feberuari 1876, ma ka hora 1 o ke ahiahi, ma Ka Hale Hookolokolo ma Wailuku, oia ka la a me kahi i kohoia no ka hoolohe ana i ua nonoi la a me ka mea kue ke hoikeia. ABR. FORNANDER,
Lunakanawai Kaapuni Apana Elua H P A Lahaina Ian 20, 1876. 739 3ts 741

               Aha Hookolokolo Kiekie H. P. A. — Kau o Ianuari A D 1876, ua hoololiia ka rula 3 i heluheluia ai penei : Na ke Kakauolelo a na kona Hope paha e kakau ma ke kua o kela a me keia palapala, i waihoia mai i ka Aha, ka la o ka hoopihaia ana a me kona kakaulima oihana, a aole loa e ae ia kekahi pepa e unuhiia aku, aia wale no a kii ponoi mai ka mea imua i waiho mai, me ka waiho mai i kope oiaio ma kona wahi, koe wale no na palapala no ke kakau kope, e haawiia aku no i ka mea nana ia i ka wa e loaa mai ai, a ma ia mea e kakauia ka la o ka palapala, ka buke a me na aoao o ka buke kakau kope.
CHAS C. HARRIS, A. FRANCIS JUDD,
Ikea : Lunakanawai o ka Aha Kiekie. Walter R Seal, Kakauolelo,
Honolulu, Ian 25, 1876. 739

               AHA KIEKIE, ma ka hooponopono waiwai hooilina, no ke Kahu Malama Waiwai o KELA (w), a me PII (k), na keiki oo ole. Imua o Hon. C C Harris. Kauoha no ka hoolaha.
               Ma ke heluhelu ana i ka palapala hoopii a Minamina w, o Honolulu, ma ka mokupuni o Oahu, e noi ana i ka palapala a ke Kahu Malama Waiwai o ka waiwai o Pii (k) a me Kela (w), na keiki oo ole a Hoomauia w, a me Kimo k, i make aku nei, e hoopuka no Wm. O Smith, o Honolulu. A ke kauohaia aku nei, e hooloheia ka palapala hoopii imua o'u ma ko'u keena, ma ka Hale Hookolokolo, ma Honolulu, ma ka hora 10 o ke kakahiaka Poaha la 17 o Feberuari ae nei ; a e hoolahaia kela olelo hoolaha ma ka nupepa Kuokoa, i elua pule ma Honolulu.
Kakauia ma Honolulu, ko Hawaii P A Ian 31, 1876. CHAS. C. HARRIS,
Ikea : Lunakanawai o ka Aha Kiekie. Jno. E Barnard, Hope Kakauolelo. 740 2ts 742

               AHA Hookolokolo Kiekie o ko Hawaii Pae Aina. Ma ka Hooponopono Waiwai. Ma ka waiwai o KAHELE (k) o Koolau i make kauoha ole. Imua o ka Lunakanawai C C Harris. Olelo kauoha, e hoolaha ku no ke noi ana mai e koho i Lunahooponopono Waiwai.
               Ma ka heluhelu a me ka waiho ana mai o ka palapala noi a Kahiki (k) o Koolau, e hoike mai ana, o Kahele (k), no Koolau, ua make kauoha ole ma Koolau, ma ka la 6 o Ianuari M H 1876, a e noi ana, e haawiia ka palapala hookohu Lunahooponopono Waiwai ia Kahili k.
               Ua kauohaia, o ka Poakahi, ka la 21 o Feberuari M. H. 1876, oia ka manawa i kohoia no ka hoolohe ana i ua noi la, imua o ua Lunakanawai la, me ke Keena Hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa a me ke Au Okoa i huiia, nupepa ma Honolulu.
Kakauia ma Honolulu ko Hawaii Pae A. Ian 29, 1876.
CHAS. C. HARRIS,
Ikea : Lunakanawai o ka Aha Kiekie.
Jno. E Barnard, Kokua Kakauolelo. 740 3t 742

               AHA Hookolokolo Kiekie o ko Hawaii Pae Aina ma ka hooponopono waiwai, ma ka waiwai o PALEKALUHI, o Honolulu Oahu i make aku nei. Ma ke Keena, imua o ka Hon. C C Harris. Olelo kauoha no ka hoolaha ana i ka palapala noi, no ka apono ana i ka moowaiwai, hookuu ana a me ka mahele hope loa ana i ka waiwai.
               Ma ka heluhelu a me ka waiho ana mai i ka palapala noi a me ka moowaiwai a ka Lunahooponopono o ka waiwai o Palekaluhi, o Honolulu, Oahu i make aku nei, a ma ia palapala e noi ana e ae ia aku i $695.65, a e kau ana hoi i kona moowaiwai, he $1020.00, a e noi ana e nana ia ua moowaiwai la a aponoia, a e hanaia i olelo kauoha hope loa, no ka mahele ana i na waiwai e koe ana i kona lima, no na poe i kuleana i ua waiwai la, a e hookuuia aku oia a me kona mau hope.
               Ua kauohaia, o ka Poakahi, la 13 o Maraki M H 1876, i ka hora 10 A M, imua o ua Lunakanawai la, ma ke Keena ma ka Hale Hookolokolo ma Honolulu, oia kahi a me ka manawa i kohoia no ka hoolohe ana ia palapala noi a me ka moowaiwai, a o na poe a pau ke pili, e hele ae lakou a e hoike, ina he kumu kekahi e ae ole ia ai kela noi a e hiki pu ae hoi na hoike no ka poe i kuleana i ua waiwai la.
               A o keia olelo kauoha, e hoopukaia ma ka olelo Hawaii, maloko o ke Kuokoa, he nupepa i paiia a hoolahaia ma Honolulu, i ekolu hebedoma mamua ae o ka manawai kohoia no ka hoolohe ana.
Kakauia ma Honolulu ko Hawaii P A la 3 o Feb 1876. CHAS. C. HARRIS,
Ikea : Lunakanawai o ka Aha Kiekie. Walter R Seal, Kakauolelo. 740 3ts 742

               AHA Hookolokolo Kiekie o ko Hawaii Pae Aina. Ma ka hooponopono waiwai. Ma ka hana o ka waiwai o JAMES L LEWIS i make. Ma ke Keena hana o ka Lunakanawai A. Francis Judd. Kauoha e hoolaha i ke noi, e apono i na palapala hoike, hookuu ana, a e mahele i ka waiwai.
               Ma ka heluhelu a me ka waiho ana mai o ka palapala noi a Alexander J. Cartwright, ka Lunahooponopono waiwai me ka palapala hooilina e pili ana i ka waiwai o James L. Lewis o Honolulu i make, e noi ana, e apono ia na hoolilo he $6,967.61, a e hoike ana, o na mea i loaa mai iaia, he $7,121.05, a e noi ana e nana a aponoia keia mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana ia ia a me kona mau hope mai ko lakou noho ana ma ia ano.
               Ua kauohaia o ka Poalua, ka la 29 o Feberuari M H 1876, ma ka hora 10 o kakahiaka, imua o ua Lunakanawai la ma ke keena ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua noi la a me na papa hoike i oleloia, a o ka poe a pau i pili malaila, e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Enelani a me Hawaii, e paiia maloko o ka nupepa Kuokoa & Hawaiian Gazette, he mau nupepa i paiia a hoolahaia ma Honolulu i ekolu pule mamua ae o ka manawa i oleloia no ka hoolohe ana.
Kakauia ma Honolulu, ko Hawaii P A Ian 25, 1876.
A. FRANCIS JUDD Ikea : Lunakanawai o ka Aha Kiekie.
Jno. E Barnard, Hope Kakauolelo. 739 3t 741

OLELO HOOLAHA.

                    E KUAI kudalaia ana ma ka akea na holoholona helehewa ma ka Pa Aupuni ma Waiawa Ewa mokupuni o Oahu, ke hiki aku i ka la 16 o Feberuari, hora 10 kakahiaka. Lio w hulupala hae kea loihi kapuai keokeo hope, hem hao J-I hao ma ka aoao ak o ke kua. Lio w puakea haokea loihi hao ano H uha hope ak. Hoki k puakea keokeo liilii ka ihu mai kahi aoao a kekahi aoao hao HU uha ak, elike me ke kanawai.
J S KAANAANA, Luna Pa Aupuni o
Ewa & Waianae, Feb 9, 1876 341 1t*

Kudala Aina o ka Hui o Waikane, Koolau, Oahu.

                    Ma ka la Poano la 19 o Feberuari M. H. 1876, e kudala ia ana ka mahele o Kauoleloa ma ka Aina Hui o Waikane ma ka hale Ahaolelo ma Honolulu e kukala ia ai. E makaala ka poe e makemake mahele ma ua Hui la.
J. PORTER GREEN,
740 3ts 742. Loio o Kaili.

               KE HOIKEIA aku nei na kanaka a pau, aole lakou e komohewa ma ka Aina o ke Kula, ma Wahiawa, Waialua, Oahu, ma ke kua ana i na laau, a pepehi hoi i na Bipi hihiu, a alualu i na holoholona ma na aina la ; aole hoi lakou e hookuu wale i na bipi a me na holoholona e ae maluna o ua aina la. W C JONES. Honolulu, Nov 29, 1875. 731 tf

KONA !!

                    E HELE AE E KUAI I KO OUKOU mau Lole ma kahi o 730 3m KUPA

               MA kela, e ike auanei na mea a pau, o ka mea nona ka inoa malalo iho nei, ua hookohuia oia e ka Hon. Chas. C. Harris, kekahi o na Lunakanawai o ka Aha Kiekie, o ko Hawaii Pae Aina, i Kahu nana e malama i ke kino a me ka waiwai o ke keiki oo ole, oia o AARONA KEKOOWAI, o ke kulanakauhale o Honolulu nei, a iaia wale no ka mana e pili ana i na pono o ua keiki la.
W. JAS. KAMIKA, Kahu Malama o Aarona Kekoowai. Honolulu Ian 25. 1676. 739 3ts 741

               OIAI ua hookohuia mai ka mea nona ka inoa malalo iho e C F Hart, kekahi o na Lunakanawai Kaapuni Apana Ekolu, i Lunahooponopono no ka waiwai o NAOHE i make kauoha ole ma Honaunau, Kona Hema Hawaii, nolaila, ke kauohaia aku nei ke poe e aie mai i ka mea i make, e hookaa koke mai, a o ka poe a pau he koina ko lakou, e hoike mai i na bila i hooiaioia me na hoike maloko o na malama eono mai keia la aku, o nele auanei.
EMARIA KAHELE, Lunahooponopono Waiwai. Honaunau, Dekemaba 9, 1875. 738 4t 741

DALA HOAIE.

                    HE $10,000, a e laweia no na moraki no na puu dala mai ka $100 a ka $500 ma ka moraki mua. E ninau ia KEO. ma ke Keena o ka Aeto (W C Jones) Alanui Kalepa.
747 4ts 740

               MAI KEIA LA, a mahope aku nei, ke papa aku nei au i na mea a pau, aole loa e hoaie wale mai i kuu wahine mare ia RUTA, e noho la ma Makiki, ke ole au e kakau aku i kekahi palapala ae no ia aie ana.
WILLIAM ALLEN. Auwaiolimu, Ian 14, 1876. 738 4t* 741

Hoolaha a ka Luna Hooponopono Waiwai.

                    UA Hookohuia mai ka mea nona ka inoa malalo iho, i Luna Hooponopono no ka waiwai o ANIANI (Pake), o Honolulu i make. No ka Hon. A F Judd, ka Lunakanawai o ka Aha Kiekie, o ko Hawaii Pae Aina. Nolaila, ke kauohaia aku nei na mea a pau a ka mea i make i aie aku ai, e hoike koke mai i ka lakou mau koi ana, me na bila oiaio, maloko o na malama eono ; a pela hoi ka poe i aie mai i ka mea i make, e hookaa koke mai, a ina he waiwai ko ka mea i make, i haawiia ma ka lima o kekahi mea a mau mea paha, e paa a e malama, e hoike koke mai. Aka, ina e hala ka manawa i oleloia maluna, alaila, e hoole loa ia na koi aie ana mai. E loaa no au ma ka Hale Pai, maluna ae o ka Hale Leta, a i ole, ma ko'u hale noho ma Kaumakapili, ma Alanui Maunakea. Eia kekahi, ina wau e hele ma kahi e eia no kuu hope o John I. Rees, a me ia oukou e hooponopono pu ai.
J. H. KAMIO,
Lunahooponopono Waiwai. Honolulu, Ian 7, 1876. 733 4ts 741

               UA MAKEMAKEIA, a ke makemakeia nei e ka mea nona ka inoa malalo iho, e hoolimalima aku me ka poe e makemake mai ana e hoolimalima me a'u, i kuu Apana Aina e waiho nei ma Kunawai, ma ka ili i kapaia o KAWAIOLENA, iloko o Honolulu nei. O keia aina i oleloia maluna ae, he aina kanu kalo no ia, a kanu i kela a me keia ano mea ulu, a he aina nui no hoi keia o ka wai, aohe mea e pilikia ai. O ka mea a mau mea e makemake ana i keia aina ma ke ano hoolimalima, e hele mai no lakou imua o'u, a e loaa no au ia lakou makai iho o ka uwapo ma Kalihi, a i ole ia, ma Honolulu, mauka iho o ka Halewai, e pili ana me ka pa o Keoni Miki.
WILLIAM H. TELL. Honolulu, Ian 10, 1876. 737 2m* 744

               E IKE auanei na kanaka a pau, o makou o na mea nona na inoa malalo iho. Ua hoolimalima ia e makou ka Aina Aupuni o KAHIKINUI Maui. Nolaila, ke kauoha aku nei makou i ka poe mea holoholona a pau, e holo ana maluna o ua aina la, e hele mai lakou e kamailio pu me makou, no na mea e pono ai ko oukou mau holoholona. E loaa no makou ma ka Hale Kuai lole o Chas.Silva & Co, Kale Pukiki ma, ma Wailuku Maui.
CHAS. SILVA & CO. KALE PUKIKI, Wailuku Maui Feb. 1, 1876. 740 4ts* 743

$10,000 HOAIE !

                    UA MAKAUKAU i ke Kakau Palapala Hooilina a Kuai, me ka Hoaie Dala, no ka moraki aina a me na mea a pau e pili ana ia oihana. E ninau ma kahi o W. C. Jones (Aeko) ma Alanui Kalepa ia 740 2m* 747 KEO.

               E IKE auanei na kanaka a pau. Owau o ka mea nona ka inoa malalo iho nei, ua hookohuia mai au e ka mea hanohano, Chas. C. Harris, kekahi o na Luna kanawai o ka Aha Kiekie, i kahu malama no ka waiwai o Ulii, kaikamahine oo ole, e noho maila i Molokai. Nolaila, ke hoolaha nei au ma ke akea, owau wale no ka mea kuleana, e hooponopono i na waiwai a pau o Ulii, ma keia hope aku.
M KAHOINEA (w.) Kahu Malama Waiwai o Ulii. Pauoa, Ianuari 19, 1876. 738 4t* 741

NA MEA NANI E HIEHIE AI.

                    NAUWE MAI NAUE MAI MAHEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu ai e kau ai ka iwa, he la makani e hao ai na polena o Haupu, kapakahi manuia o Keokoi ka moku, ma kahi o L. ASEU, Aia pu no malaila na HAINAKA SILIKA liilii. LEI AI kae weluwelu, a me na LIPINE SILIKA puapua weluwelu, e kuwelu ai i ka makani. NA KALAKOA ANO HOU LOA i ike oleia mamua. Na KAEI SILIKA Nani. NA MAKALENA KALAKOA me ka PUAKEA, na ALAPIA HELUHELU o na ano a pau, na KIHEI UHI hou e kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ame naau o kela ano keia ano, na kamaa wahine o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono loa no hoi ke kuai i na mea i hoikeia ae nei maluna ke kuike. I mea e pau ai ke kuhihewa, e naue mai no e na makamaka ma kuu Halekuai HIKIKIIKAUOENA. L. ASEU. Kihi ma Ewa o Alanui Nuuanu mauka o Alanui Moi.
Honolulu, Aug. 27 1875, 717 lyr 768

HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MARCHANT !

Feberuari 14....................................................Hilo
Feberuari 21....................................................Kaapuni ia Hawaii
Maraki 2..........................................................Kaapuni ia Kauai
Maraki 6..........................................................Hilo
Maraki 13........................................................Kona
Maraki 20........................................................Kaapuni ia Hawaii
Maraki 30........................................................Nawiliwili
               I ka huakai hoolele pipi ole a Kilauea i ka Maalaea, alaila, e hoaoia ana e hiki i Honolulu i ke ahiahi Poaono.
               Ma na huakai a pau a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a.m., a mahope iho paha ; Makena a hiki i ka hora 6 a. m. a mahope iho paha ; aole hoi ia Maalaea a hiki i ka hora 8 a.m., a mahope iho paha.
Uku Eemoku mai Honolulu aku A hiki i Kaunakakai, a pela maluna mai..............$ 5.00
  " Lahaina, " " ..................................................... 6.00
  " Maalaea, " " .................................................. 7.00
  " Makena, " " ................................................... 8.00
  " Mahukona, " " ............................................. 10.00
  " Kawaihae, " " .............................................. 10.00
  " Kailua, " " ................................................... 10.00
  " Kaawaloa, " " ............................................. 10.00
  " Hilo, " " ...................................................... 12.50
  " Kau, " " ...................................................... 13.50
Uku kaapuni ia Hawaii, .................................. 22.00
A hiki i na awa o Kauai .................................... 8.00
Uku kaapuni ia Kauai ..................................... 12.00
Uku ohua Hawaii oneki .................................... 2.00
               Aole aie no na uku ohua. Ma ka Hale Oihana e loaa'i na palapala. Aole keena o hope e lilo, aia wale no a kaa mua mai ka uku moku. Aole e ili ka hewa no ka paiki, ukana a puolo paha, ke ole e kakauia ka loaa ana mai. E hookaaia ka uku ukana i ka wa e noiia aku ai.
               E hoaoia ana ka Mokuahi e hiki i Honolulu, ma ke ahiahi no o ka la e haalele ai ia Maui.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui Papu a me Moiwahine. 636 3m 007

OLELO HOOLAHA.

Hoolaha a ka Luna Hooponopono Waiwai.

                    UA hookohuia mai ka mea nona ka inoa malalo iho, i Lunu Hooponopono Waiwai no ka waiwai o E. Kahookumu (k) o Kohala Akau, Hawaii, i make. Ke kauoha ia aku nei na kanaka a pau, i na he mau koina ko lakou i ka waiwai o ka mea i make, e hoike koke mai iloko o na malama eono. O ka poe a pau i aie iaia e hookaa koke mai hookaulua. J. W. KEWEOPALA. 739 4ts 742 Luna Hooponopono Waiwai o K Kahookumu.

CECIL BROWN,
Loio a he Kokua ma ke kanawai

                    A HE AGENA NO KA HOOIAIO ANA I NA Palapala no ka mokupuni o Oahu. Helu 8 Alanui Kaahumanu, Honolulu, H. P.1 A 688 1yr 740

               NO KA MEA, ua koho mai ka Aha Kiekie ia'u i Kahu Malama Waiwai no HOOMOEAPULE w, i pupule, nolaila, ke papa nei au i na mea a pau loa, aole e hoolimalima aina me ia a me kana keiki me Hanaumaikai k. Aole pono e hookaa aku ia laua ka uku hoolimalima, aka, e lawe koke mai ia'u.
J. PORTER GREEN,
Luna Malama Waiwai no Mele Hoomoeapule.
Honolulu, Dek 22, 1875. 734 4m

Naue Mai ! Naue Mai !!
EIA KA NANI LA !

                    E ! LE-I KOHALA I KA NUKU NA KANAKA ! Ke popohe aku nei ma ka halekuai o GOO KIM Ma ! ma Kapaau, Kohala, Hawaii. E like no hoi me na kihapai i milikaa mau ia, a kipuluia, ka mohala maikai o na pua, pela no hoi ka mohaha maikai o na pua o na kalakoa hou loa, i ike ole ia mamua ma na kaiaulu o Hawaii nei, a me na lole kupono e ae no hoi he nui, e kuai ka hoohehelo ana o na hapa palupalu. Na papale wahine nani loa i haweleia me na lipine o na ano hoolau a pau e pulelo ai i ka makani Apaapaa o Kohala. Na kamaa wahine hila kiekie a kilipohe, e kohakoha ai kela i ke kula apaapaa. Na Loulu o kela a me keia ano e pale aku ai i na inea o ka la a me ka ua. Na uhi pukapuka huluhulu nani, e kau iho ai, kohu Ahuula kela. Na Hainaka Silika nani o kela a me keia ano. Na mea kula pepeiao, na puuwai lei a-i a me na lei nani i kela ano keia ano. Na aila hamo lauoho e paoa ai na poo. Na wai ala onaona o kela a me keia ano.
               Na Lole Kane o kela a me keia ano, eia no la : Na Palule alu lilina keokeo a kalakoa. Na Palule huluhulu o o na ano a pau. Na lole wawae o kela a me keia ano. Na koheoheo o na ano a pau. Na pahu ili maikai loa e maluhia ai na aahu nani makamae, e kua-a ole ai i ka waiho wale. Na papale ipu loloa a haahaa o kela ano keia ano e kohu ai ke hookapakahi ae, a hele kela a kilakila. Na kamaa ano hou ihu pani ole, e pakele ai ka wawae i ka eha ke kuia.
               Eia no hoi kahi mea hai aku, e hiki mau mai ana no na Lole o na ano a pau ia makou, iloko o kela a me keia lua malama. I hoike no kela, e oluolu oukou e na makamaka o ka " Aina Haaheo" kaulana, e hele mai ma kuu Hale Kuai, ma kahi i haiia maluna, oia hoi o Lilinoe.
GOO KIM ma.
Honolulu. Sept 13, 1875 720 6m*

Eia ka inoa o na Buke Himeni Hou ma ka Hale kuai Buke o Wini.

Songs of Salvation
The River of Life
Sun Shine
Cheerful Voices
Pure Gold
Sparkling Rubies
Golden Robin
Nine O'clock in the Morning
Bright Jewels
New Golden Center
The Morning Star
Sabbath Carols
The Bank of the Rhine
Royal Diadem
Hallowed Songs
Song Monarch
Gospel Song.
Golden Wreath.
Happy Voices.
New Songs.
Tempel Choir.
Fresh Laurels.
Charm, Merry Voices.
Song of Life.
H. M. WINI.

ANOAI I KA LEHULEHU,

                    E kipa mai a e nana i kumaka ka ike i na waiwai nani i loaa mai nei iloko o na La Kulaia iho nei. Penei ke ano o na mea waiwai la : Na wati & na kaula gula, a na Ledee a me na Keonimana. NA KAULA OPELE A NA LEDE NA KOMO GULA MAI O KELA A ME KEIA ano o na Lede a me na Keonimana. NA KUPEE GULA, NA LIPINE GULA. Na gula pepeiao o na wahine, e oaka ai i na pepeiao, a e hulali ai hoi na manamana lima, a e kilipohe ai hoi na ai. Na komo humuhumu gula a me ke dala Na pihi pulima gula wahine a kane, Na laketa gula lei wahine nani, Na komo daimana o na Lede, Na kaula laketa, Na pine omau kihei, Na laketa aniani, Na huka gula wahine. NA LAKO HALE. NA PUNA, NA PAHI, NA KIAHA KALA, NA APO KALA, NA KAWELE holoi lima, NA O KALA o kela a me keia ano, a me na mea nani e ae no he nui wale. E KUAI IA AKU ANA NO MA KE kumukuai haahaa loa i ko na wahi e ae o ke taona nei. Ua makaukau no hoi na mea nani no kanaka makua a me na kamalii. Na Kamaa Paa Loa, e loaa no maanei e like me ka makemake ; a ina e loaa koke ka ino, he hiki no ke hoihoi mai. M. McINERNY. Kihi o na Alanui Papu a me Kalepa.737 3m