Ka Nupepa Kuokoa, Volume XV, Number 10, 4 March 1876 — Page 4
KA NUPEPA KUOKOA, ME KE AU OKOA I HUIIA.
HE HIMENI
O SACRED FLOOD.
Cro wn of life p. 5.
1 Ka pu nawai hoano,
Ka punawai maikai,
E puai maemae ana
No Iesu Kristo mai.
Cho — Puai — puai ;—
Ia punawai, puai, puai ;
P uai — puai —
E puai no a mau.
2 He pu nawai hoomaha
I na naau uwe ;
He punawai hoopio
I na kaumaha nei.
Cho —Puai — puai — &c.
3 He punawai h oloi
I na haumia nei,
Na kina me na hewa,
E huikala mai.
Cho — Puai — puai — &c.
4 Ka punawai hoano,
He ma na e kou wai
Mamua o Ioredane,
Nau a u e hoomaemae.
Cho — Puai — puai —&c.
5 K a punawai hoola
I na lepera nei,
Ke auau nae iloko,
P au no a maemae e.
Cho — Puai — Puai — &c.
Hawaii
HAAWINA KULA SABATI.
HELU 12. S ABATI, MAR. 19.
KUMUHANA — Ka make'na o Abasaloma
PAUKU BA IBALA — II Sam. 18 : 24 — 33.
2 4 Noho iho la o Davida mawaena o na puka elua o ka po, a pii aku la ke kiai maluna o ka puka ma ka pa pohaku ; alawa ae la kona mau maka, nana aku la, aia he kanaka e holo mai ana, oia wale no.
25 Hea mai la ke kiai, a hai mai la i ke alii. I aku la ke alii, Ina hookahi wale no oia, he olelo no ma kona waha. Neenee mai la no ia, a kokoke mai.
2 6 Ike aku la hoi ke kiai i kekahi kanaka e ae e holo mai ana : hea mai la ke kiai i ka malama puka, Aia hoi, he kanaka e holo hookahi mai ana. I aku la ke alii, Ke lawe mai nei hoi oia i ka olelo.
27 I mai la ke kiai, Ua like ka mea holo mua i kuu manao me ka holo ana o Ahimaaza ke keiki a Zadoka. I aku la ke alii, He kanaka maikai ia, a ke hele mai nei ia me ka olelo maikai.
2 8 Kahea mai la o Ahimaaza, i mai la i ke alii, Aloha oe. A haule iho la ia ilalo ke alo ma ka honua imua o ke alii, i mai la, E hoomaikaiia o Iehova o kou Akua, nana i hoolilo mai i ka poe kanaka i hookiekie ae i ko lakou lima e ku e i kuu haku i ke'lii.
29 I aku la ke alii, Ua malama ola ia ke kanaka opio, o Abesaloma ? I mai la o Ahimaaza, A hoouna mai la o Ioaba i ke kauwa a ke alii, a ia'u hoi i kau kauwa, ua ike aku au i ka wawa nui, aole hoi au i ike i ke ano.
30 I aku la ke alii, E kipa ae oe a e ku maanei. Kipa ae la ia, a ku malie iho la.
31 Aia hoi, hele mai la o Kusi : i mai la o Kusi, He olelo ka'u e kuu haku, e ke alii ; ua hoapono mai o Iehowa ia oe i keia la i ka poe a pau i hoea mai e ku e ia oe.
3 2 I aku la ke alii ia Kusi, Ua malama ola ia anei ke kanaka opio o Abesaloma ? I mai la o Kusi, O ka poe enemi o kuu haku o ko alii, a o ka poe a pau i ku e mai e hoino mai ia oe, e hoohalikeia lakou me ua kanaka opio la.
33 Haaloulou nui iho la ke alii, a pii ak u la i ke keena maluna o ka puka, a uwe iho la : a i kona hele ana, penei kana i olelo ai, Auwe ! kuu keiki e Abesaloma e ! e kuu keiki, kuu keiki e Abesaloma e ! ina no wau i make nou, e Abesaloma kuu keiki, kuu keiki e !
P auku Gula. Ioba 8 : 4. I na paha ua luna hewa kau poe keiki ia ia, alaila e kiola aku la ia ia lakou, no ko lakou lawehala ana.
M ele — Him. 51. 8 — 7. Leo
1 Oli aku ia Iehova,
Lanakila ! pomaikai !
He Alihikaua nani !
Pio e na enemi.
3 Alu mai lakou e luku,
Huh u wale ia makou —
Nou iho la kou makani,
Pauhia i ke kai lakou.
Pul e i pio na kipi, i pau na haunaele, i maluhia na ohana, na aina, na aupuni.
NA NINAU A NA KUMU.
I kela pule ua waiho kakou ia Davida ma e mahuka aku ana mai Ierusalema aku, oia me kona ohana, na kanaka, na kauwa, &c. Ua hoonoho ia nae kekahi poe, mok 15 : 16. Manao hoi Davida e hoonoho i kekahi poe malihini ia Itai ma, pau nae ko lakou manao e hele pu, a ua ae hoi Davida, 15 : 19 — 22. Hele no lakou me ka uwe, a hiki ihea ? a hele aku kanaka ihea ? p 23. Ua hoomaka na kahuna e lawe pu i ka pahu berita, ua ae anei Davida ? p 24 — 29. Ma ka mauna hea i pii aku ai Davida, me ke aha hoi ? p 30. Owai kekahi i ku ae a uwe ma ia mauna mahope loa iho ? I ko Davida lohe ana o Ahitopela kekahi kipi heaha kana pule nona ? p 31, Owai ka hoa — kuka i hele mai a halawai pu me Davida a lilo i mea hookahuli i ka manao o Ahitope — la ? p 32 — 37.
Mok. 16 Owai kekahi i hele a halawai pu me Davida ma ka mauna me na mea ai ? Heaha hoi ko ke alii niau ana ia Tiba, me ko Tiba pane hoopunipuni, a me ko Davida wikiwiki e paulele ia mau huaolelo a hoopaa aku ia Mepiborata ?
P. 1 — 4. Nana mok. 19 : 25 — 27. Owai hoi ka i hele mai i Bahurima e kuamuamu, a hana ino ia Davida, a noi aku kekahi e hele e pepehi ia ia a me ka Davida pane ana ? p 5 — 13.
A puka Abe saloma ma i Ierusalema, me Ahitopela, me Husai, heaha ka Abesaloma ninau mua ia Ahitopela i mea e pono ai kona aoao ? p. 20 — 22. Ua like ka Ahitopela olelo ao ia wa me keaha ? p. 23.
Mok. 17. H eaha kekahi noi ana a Ahitopela me ko Abesaloma hoapono ana ma mua ? p. 1 — 4. Nawai i hoololi i ka manao o Abesaloma ? Heaha hoi ka olelo ao a Husai ? p. 5 — 13. Pehea hoi Abesaloma ? p. 14. No keaha ? Nawai i hai aku ia Davida na olelo ao a Ahitopela, laua me Husai ? Mai loaa hoi na kiu i na kauwa a Abesaloma ; pakele ma keaha ?
P. 15 — 21. Holo aku la Davida ma i hea ?
P. 22. Heaha ka hope o Ahitopela ? p. 23. Mahea i h ele ai Davida ma, me Abesaloma ma hoi ? p. 24, 26. Owai na luna o Abesaloma ? p. 25. Owai ka i hele mai e kokua ia Davida ma ma na mea ai ? p. 27 — 29.
Mok. 18. Ka hoomakaukau ana no ke kaua na koa o D avida, me Abesaloma me ona mau koa, p. 1 — 5. O Davida anei kekahi i hele i ke kaua ? Mahea ka nui o ka make ? p. 6 — 8. Ma keaha ka nui o ka make ? p. 8. Mewai i halawai pu ia Abesaloma ? Maluna o keaha ? Nowai ia hoki ? Heaha ka pilikia nui i loaa ia ia ? p. 9. He mea kona lauoho e kaena ai no ka nui. Mok. 14 ; 25, 26. Lilo ka ia i mea e hihia ai, e make ai. Nawai i hai ia Ioaba, ua hihia Abesaloma i kona lauoho ? Heaha hoi na olelo hoopaapaa a laua ? p. 10 — 14. Pehea hoi o Ioaba ma i hana'i ? p. 14, 15. A make Abesaloma heaha mahope ? p. 10 — 17. Heaha ka Abesaloma i hana'i i kona wa e ola ana ? p 18. Owai ka i ala a hoomakaukau e holo a hai aku ia Davida i ka make ana o Abesaloma ? p. 19 — 23.
P. 24 — 27. E noho ana Davida mahea ? A pii ae ke kiai i hea ? Heaha kana i ike ai ? A i ka hai ana'ku i ke'lii, ninau oia pehea ? Owai mahope iho ? He mau olelo a ke kiai me Davida heaha ?
P. 2 8 — 32. A puka na mea holo elua, pehea ka laua hai ana ia Davida, me ko Davida ninau ana, &c.
P. 33. Oluolu a nei Davida i kona lohe ana ua make Abesaloma, kana keiki kipi ? Pehea kona kanikau ana ? Ua pono anei ? Aole paha i noonoo pono Davida i ke ano o kana kanikau ana.
Mele hou. 8 - 6. Leo.
1 Mai kipi, e na kamalii,
Ia Iesu ke Lii e,
He Lii maikai, a akahai,
Aloha wale mai.
2 Ua kipi nae, ua hewa no,
Pehea e pono ai ?
E mihi a e noi pu
I kala ia mai.
NA NINAU A KE KAHU.
Na makua. Iloko o k eia kipi ana o Abesaloma owai kona hoa kuka, kona loio akamai ? Ua like ka olelo ao a Ahitopela ia mau la me keaha ? Heaha na mea elua ana i manao ai he mau mea e lanakila'i Abesaloma ? Ua hookoia ka mua, ua hookahuliia nae ka lua ma owai la ? Hookahi no mea i kokua ia Abesaloma ma ke kuhikuhi ana, oia hoi o Ahitopela ;— ehia mea kokua ia Davida ? 1 Husai, kokua oia ma ka hoopunipuni ana, me he la oia ma ko Abesaloma aoao, he kiu nae ka ia no Davida. 2 Na kahuna elua me ka laua mau keiki elua, Ahimaasa me Ionatana ; kokua laua ma ka holo ana e hai aku ia Davida i na manao o Ahitopela laua ma Husai. 3 He kauwa wahine nana e huna ia Ahimaasa laua o Ionatana, a pakele laua i ka make. 4 Ka ululaau nana e hoohihia a luku nui i na koa o Abesaloma. 5 Ka lauoho loihi o Abesaloma nana i hoohihia a hoolewa mawaena o ka honua a me ka lewa, a hou ia a make.
Na keiki. Owai keia keiki kipi ? Kipi oia ia wai ? Aloha anei ko na makuakane ia ia ? A minamina ? Heaha kana kauoha nona i ka poe i hele i ke kaua ? E malama i ke kanaka opio? Ma ke aha i make ai Abesaloma ? Hihia oia i kona lauoho nani, a houia i na pua pana a make. Malama, ea, o lilo ko oukou lauoho i mea e hihia ai a make ai no ka manao nui ia, a mahiehie.
Nawai i hai aku ia Davida i ka make ana o Abesaloma ? A i ko Davida lohe ana pehea kona kanikau ana nona ? p 33. Hai paanaau mai.
K e kula a pau. I ka mahuka ana aku o Davida mai Ierusalema aku a hiki i Mahanaima kahi o ke kaua heaha kekahi mau mea i hanaia ? Owai ka poe e hele mai e kokua ? Itai ma — Tiba ma. He kokua aha o Tiba ? He kokua hoomalimali, a hoopunipuni. Owai ka i hele mai e hoino ia Davida ?
Heaha ka Ahitopela i hana'i i kona lohe ana ua hookahuliia kona manao ? Owai ka ka haumana a Iesu i hoohalike me Ahitopela ? Heaha ka David pule no Ahitopela ? Nana ma Halelu 55 : 12 — 15. He keiki kipi no o Abesaloma aloha nui nae kona makuakane ia ia, a uwe nui nona. He poe keiki kipi hoi kakou ia Iehova. Owai ka i aloha nui mai, a uwe mai, a uwao nui no kakou ? Pono anei ke noi aku i ke Akua e hoola i na keiki kipi iloko o ko lakou kipi ana, a e huipu lakou me na makua pono ma ka lani ? Haunaele paha ka lani.
Kanikau a nei na makua pono iloko o ka lani no na keiki hewa iloko o ka po ? Mana anei na pule no ka poe iloko o ka lua ahi ?
Mele — Him. 221. 8 - 6. Leo.
1 Ala'e, nana, ke ku mai nei
Iesu ke Lii maikai,
Ala kou naau ke kikeke,
E wehe i komo ae.
2 Ma ko na lima e paa nei
Na mea e po no ai
Oukou na ilihune e,
E lawe wale ae.
Pule no na keiki kipi, hookuli, hele lalau, mihi, a hoolohe, a hoi mai, i kalaia a ola.
HAAWINA KULA SABATI, NO Mar 26. Ka hoi hou ana i hope. HAWAII.
NO GILIBETA KA IKAIKA !
KA LUAOLE O KE KOA,
A ME KA P UUWAI KINA OLE.
HE MOOLELO KAHIKO NO ALABIONA !
MOKUNA VIII.
KE KAHUNAPULE A ME KE'LII POWA.— NA
HOAA LOHA MA KAHI O KE KANAKA HANA.
KA MAKILI MUA A KE ALOHA.
AOLE i pan e aku ua kaikamahine nei, pane e mai la no ka makuakane. " He kanaka ino hookano ka mea nana i hoohilahila iho nei kuu kaikamuhine."
Ia wa i p ane koke aku ai o Walata, (oia no keia e ninau nei ia Belaneke).
" E kau mai ka hoinoia maluna o ke kanaka ino, i hiki e hookela i kona mau hana hoohilahila imua o na maka nohea o ka mea kina ole,"— me ka haka pono aku ia Tobia.
" Aole na'u e ke keonimana maikai," wahi a Tobia me ka haalulu.
" Ina nau, he oiaio e hoopai koke ia oe. Owai la ka mea nana i hana hoohilahila ?"
" He mea i kapaia o Wili Ahiu," wahi a Teta ; " He kanaka nunui ikaika no keia wahi ; a he mea i lonolonowa ia he kanaka powa, a i hana i na karaima he nui. I keia wa, akahi no oia a pakaha wale aku i kekahi pua a'u, a hana hoohilahila pu i kuu kaikamahine."
" Ina i hiki mua mai nei au, aole oia e a-a ana e hana pela. O ka mea nona ka nani e like me oe e ke onaona, aole ia he mea e hoonele ia ai na kokua ana mai a'u aku."
" Ke mahalo aku nei au ia oe," wahi a Belaneke, "Aka, he oi ae paha ka maikai e hana ia mai au pela, oiai, o ua kanaka ino ikaika la, he lima hikiwawe loa kona e hou me kana pahi, e like me ka hikiwawe o kona elelo e hoopuka i ua huaolelo pelapela."
" No ke aha ia olelo ana au pela e ke kaikamahine ?" i ninau aku ai o Belaneke.
" Aole au i makemake e hoopoino waleia oe e ka mea lokomaikai a me ka hopo ole no'u."
" He lokomaikai au a me ka hopo ole. Ke kapa wale mai nei oe ia'u me ia mau olelo mahalo kiekie me kou ike mua ole i ko'u ano," i pane aku ai o Walata.
" He oiaio kau," wahi a Belaneke, " Aka ua ike au i kou wiwo ole ma o kou mau maka, a i kou lokomaikai hoi oia kou mau helehelena."
Pan e aku la o Walata, " Ua oluolu loa au no kau mau olelo waipahe. O na.mahalo ana mai a ka nani i like me oe, e kuilima pu ia no e na manaolana o ke aloha iloko o'u, a ke hoohiki ae nei au, ina e ulia ia mai ko'u halawai pu ana me na kanaka ino la, aole loa oia e hele lanakila me ka loaa ole i ka hoopai ia."
Me na nanaina o ke aloha i haawi mai ai ua kaikamahine la i kona aloha, a me ka hoomaikai pu. Aka, ia wa, ua loaa ae la ka Gilibeta mau pua, a ua hookaa aku la ia i ke kumukuai o kana mau pua, huli, ae la i kona hoa me ka olelo ana " E Walata, e wae ae oe i mau pua nau. Ke aneane nei oe e hoopoina i ke kuleana o ko kaua hiki ana mai ia nei, no ko lilo loa i na maka nohea o ke kaikamahine waipahe."
Akaaka mal u iho la o Walata me ka olelo ae. " Pela io hoi. Aka, ua paa nae kuu manao e hooko i ka haawi ana i na hoopai ino no ka mea nana oia i hana hoohilahila."
" A-he ! e hoolilo ana ia oe iho he naita oiaio nona ea," wahi a Gilibeta.
"Ae p ela no," i pane mai ai o Walata me ka wiwo ole, " ina e hoopomaikaiia mai no ma ka halawai ana aku me ua kanaka ino la. Nolaila, he pono au e nonoi aku i ke kaikamahine, e haawi mai i kekahi hulu ona, a i ole, i ribine paha, i maka no'u e ike ia ai he naita au nona i ko maua wa e halawai ai : pela e hooia ia ai ko'u makee ana no ke kaikamahine ui hookahi a'u i ike ai ma keia mau wahi o Keneti nei."
" Ina e makemake ana o Belaneke i naita nona," wahi a Tobia, " E loaa no ia ia he koa nona ma ka home nei me ke kii ole aku i ko waho."
"A ! Ha !" i akaaka iho ai o Walata, " Pela ea ? Nolaila, ua ohohia e wale ko'u manao ana nou e ke kaikamahine. Aole au i moe-uhane mua ua lilo e kou aloha i keia keiki opio."
" E ? Heaha ia ?" wahi a Teta, me ka nana pu mai, oiai oia e nakii ana i ka pu-a pua.
" Aohe," wahi a Belaneke ; e huhu wale ana no o Tobia no na olelo mahalo a keia keonimana i haawi mai ia'u. Ua ike no oe i kona ano hupo.
Ninau koke mai la o Teta ia Walata. " Heaha kou makemake ? He pua a he kakaka anei ?"
O laua a i elua, e haawi mai i ka mea oi o ka maikai."
Oiai o Tet a e wae ana i na pua maikai a me ke kakaka, ua kulou aku la o Walata me ka hawanawana pu aku. " I hulu, a i ole i ribine paha i mea na'u e hoomanao ai ia oe. Aole oe e hoole mai ana i na wahi mea liilii, e like me ia ke ano."
Ia wa, ua momoku koke ae la ke kaikamahine i ka ribine e paa ana i kona a-i a haawi mai la. Lalau ihola o Walata, a hoani ae la ia mea ma kona mau lehelehe, me ka i aku :
" E halawai hou ana kaua, a ia wa, e hoike aku no au ia oe i ka waiwai huna e waiho nei i kuu puuwai, ka mea a kou nani i hoahu mai ai. E loaa anei ia'u ua hiona manaolana mai a oe mai, aole oe e poina ia'u."
Me ka eleu i p ane koke aku ai o Belaneke. " Aole loa au e hoopoina ia oe."
Aole e hiki ia Wa lata ke pane hou ia Belaneke, no ka mea ma ia manawa no i waiho mai ai o Teta i ke kakaka a me na pua, me ka hoike mai i ko lakou kumukuai.
Uku aku la o Wa lata, a me ka nanaina hope ae ia Belaneke, i haalele mai ai oia a me kona hoa i ua wahi la.
MOKUNA IX.
NA LEALEA MA KE KAHUA MOKOMOKO.
KE PIO ANA O WILI AHIU.— NA
G ILIBERTA KE EO.
MOHALA mai la na eheu o ke kakahiaka me ka nani, a i ka wa i kiei mai ai ka la maluna o na pae puu o A lbiona, na kiei pu mai la na ouli o ka hauoli maluna o Keneti holookoa a pau.
Ua p uia pu ke kula i ka nani o na mauu uliuli, ua omaka mai la hoi na lau o ka waolaau iloko o ko lakou mau liko opiopio, no ka mea, o ke kau Kupulau no ua wa la o ka makahiki, a me he la e heluhelu wai ana kekahi haku mele iluna o na puu kiekie i keia mau lalani mele :
" Kilohi aku au o ka nani i ka wao O ka omaka ulu i ku i Kalanawao. Ka i kupu i oni e kela i ka malie, E hoolike aku ana me kuu Elelie."
I na hora poniponi o ke kakahiaka, ke nana aku oe i ke kula o Heti-eleele a puni, e hoomaka mai ana ke kakahe o na kanaka mai na pea mai a pau me he omaka wai pipii la, a hiki i ka makalua o ko lakou pohai ana.
I ka la mamua iho, ua kukulu ia ae la na lanai noho o ka Peresidena o ka la, a me ka pa poepoe e paku ai i ka lehulehu, a maloko o ke anapuni he mau wahi i hookaawale ia no ka poe Ilamuku, a me na poe lena kakaka, a he kahua hoi e ku ai no ka poe hakaka mokomoko, a me ke kaka laau. Ua papaia ka hakaka ana me na pahi kaua kila, o poino ke ola o kekahi iloko o ka wa e hakaka ana. Ua kukuluia ka pahu poailona no ka poe lena kakaka, he 200 iwilei ka mamao ; a me ka maka bipi iwaena-konu o na kaha poepoe e hoopuni ana, he mea e hoike mai ana ilaila ka lena ana o ka ikoi o kuu pua e ku ai."
O na poe pana pua ka makamua loa i hiki ae ma ke kahua hookelakela, ua aahu ia lakou me na kapa poni omaomao wale no, a maluna o na kahei apo o kela a me keia i kauia ai ka hoailona o ka hui, a me ka helu o ko lakou wahi i hele mai ai. Ma ko lakou heluia ana, ua hiki aku ko lakou heluna i ka eono haneri a keu, he poe akamai wale no i ka lena kakaka, a he pue hoi i kaulani ma Alabiona a puni, aka hookahi wale no nae mea nana ke eo o ka la,— a owai la ia? Hoomanao ae la hoi makou ia Pikoiakaalaala. Ina paha oia kekahi ilaila, aohe nao ai i ka papa-a ; nana no ka ai o ka la. Loaa aku i ka wini o kana pua ke wi la ka niho o ka iole i ka ua mea he lolo-u o ka umiumi. Minamina wale !
Emo ole ua pih a mai la ke kahua hakaka a lewa mawaho i na makaikai, mai ke nui a ka liilii.
Ua haalele ak u la na poe kalepa i ko lakou mau hale kuai nui no ke ake nui e ike i na lealea. O ke kane hoi a me ka wahine i ko laua home aloha no ke kula ike ole ia mamua ; a o ke kauwa paaua a me na poe paahana i ko lakou mau hale hana no ka makahehi nui e ike. He huliamahi puni ka keia ! Aole i pau.
KA BURT LAAU OLA !
Mai e loaa mai ana no ka holopono ole o ka ai iloko o ka Opu, A m e ka mea hooikaika i ke Akepaa !
O KEIA LAAU E LOAA MAI AI KE OLA A E PAKELE AI HOI !
He mea io no ia e pau ai na mai i kela mai mamuli o ka Holopono ole o ka ai iloko o ka Opu, Ka Paapu, na Io ulu wale, Na waikahe wale mai, na mai Nalulu, Na mai o ke Akepaa, a me KA PONO OLE O NA PAAHANA O KA WAIHONA AI E LOAA KOKE NO KA OLUOLU KE INU I KEIA LAAU MAI KA AKAhi a i ka eono omole, (e like me ka nui o ka mai, pela e nui ai ka laau).
He mea nui loa ka malama a na i ke kino iloko o ke kulana o ke ola maikai me ka kokua ana i ka mana o ka hooholopono ana o ka ai iloko o ka opu, a me ka hooikaika ana e puliki a e hoomau ma na hana e kokua ai i ke ola oluolu maikai, a mamuli oia mau mea e makala ai na mea ino mai ke kino ae, me ka ai ole ana i na laau awaawa. I mea e maopopo ai, e lawe i ka Laau Ola a Burt, e loaa ai ka ikaikai a me ka mea hooikaika i ke akepaa, he LAAU noloko mai o na MEA KUPU. Ma ka ikaika o keia laau a me ka holo o ka hana maluna o na PAAHANA o ka WAIHONA AI, me ka hooikaika ana i ka opu a me ke kokua i na mea o ke kino, a ma ia wa no e kaawale aku ai na mai o ke akepaa, a ma ka hoonaha kupono ana, e loaa mai ai ka oluolu ma ka pau ana aku o na wai ino. Aole laau maikai e ae i ike ia, e like me ka Burt Laau Ola no na mai e loaa mai ana no ka holopono ole o ka ai iloko o ka opu, a me ka mea hooikaika i ke akepaa, a o lanakila nui no keia laau maluna o na mai i loaa mai no ka holopono ole o ka ai iloko o ka opu, ka paapu, na io ulu wale, ka wai kahe wale mai, a me na ino e pili ana.
He lehulehu ka poe i ike ole i ke ku mu i hiki mai ai na mai no ka holopono ole o ka ai iloko o ka opu ; a nolaila, ua manao ia he mea pono ke hoike aku, i kahi wa, ua loaa ka eha ma ka waha o ka opu ai ai, o ke kumu o ia, o ka holopono ole o ka ai iloko o ka opu, a lilo ia i mea pohapoha, loaa mai ka nalulu, ka wela o ka umauma, wela o loko o ka opu, ka umii ma ka aoao a iloko o ka umauma, ka mulea o ka waha, palaai o ke alelo, awahia o loko o ka opu, ka hiamoe ole a me ka ono ole i ka ai, ka molohai, paupauaho, ka niua, ka moku honua, ka lia o ka ili, a o ka moku ana o na aa lolo Nolaila, o na paahana a pau o ke kino i loaa i ka nawaliwali, ua loaa mai ia mai ka holopono ole o ka ai iloko o ka opu.
O KA LAAU OLA A BURT, he laau ia e kipaku aku ana i na mea make ; a o ka mea i loaa'i nei mau ano mai a hoomanawanui i ka ai ana no kahi manawa, o ke ola kona hope. Ina he paa ka mai o kahi a inu i keia laau, e loaa koke no ka oluolu maikai, a loaa no ke ola hou. O na ino a pau o ka io ulu wale, he ola wale no ia i keia laau.
He nui na hoike e ola nei no ke ola ana i keia laau, mahope iho o ko lakou mai ana no kekahi mau makahiki, a i ka ai ana i keia laau ua ola koke. He hiki no hoi ke hoomaemae ia ke koko me keia laau ola a Burt, a pela no hoi na mai mawaho o ka ili, he lilo loa ia i ka ole ke ai i keia mea maikai. A he laau maikai no ma ka inu ana.
O keia laau, ua loaa mai ia mailoko mai o ke kuhikuhi a kekahi kauka lapaau kaulana, no na ka lapaau ana i kona ohana iho, a ua loaa no ke ola maikai. Ke waihoia aku nei keia laau imua o ka lehulehu, me ka lana o ka manao e hahai ia ana no e ua pomaikai na poe e ai ana, ina paha he nui ka mai, e ola ana no.
O KEIA LAAU A BURT, KA LAAU MAIKAI MA KE AO NEI, nolaila, h e pono i na poe mai ke hoao i loaa ke ola. E loaa no keia laau ma ko makou Halekuai
Na kuhikuhi no ka inu ana :
E i nu i hookahi puna nui i ke kakakahiaka a me ke ahiahi, hoonui aku paha a hooemi mai paha, i mea e hemo maikai ai oloko, elua a hookahi manawa paha o ka la. Mai inu i ka wai iloko o umikumamalima minute, mamua a mahope o ka inu ana KUMUKUAI, $1.25 no ka omole. KO KALEPONI LAAU OLA ! A ME KA MAI HANO.
DILLINGHAM & CO.,
720 3m Na Agena no ka Pa e Aina Hawaii.
CECI L BROWN,
Loio a he Kokua ma ke Kanawai
A HE AGENA NO KA HOOIAIO ANA I NA Palapala no ka mokupuni o Oahu. Helu 8 Alanui Kaahumanu. Honolulu, H.P.A.
741 1yr 792
J. PORTER GREEN,
" K EIKI O KAUAUKIUKIU."
LOIO !
E HELE MAI NA MAKAMAKA A PAU IO'U nei, a na'u no e kokua ia oukou imua o ka Aha Hoomalu a me ka Aha Kiekie, me ka uku haahaa makepono loa. Aia kuu Keena ma kahi o ka Lunakanawai Hoomalu o Honolulu nei, oia ka " Aiko," ma Alanui Kalepa. 741 ly 792
C. H. DICKEY (Kalekika).
LOIO !
MA HAIK U, MAUI.
U A MAKAUKAU E HANA PALAPALA Kuai, Palapala Moraki a me na mea a pau e pili ana ma ka Oihana Loio. 743 1y 794
WI NG SING & Co.
Puhi Palaoa,
E waiho mau ana palaoa a me na berena palupalu. Kihi o na huina alanui Nuuanu a me Beritania. 703 1y 755
E. STREHZ, (AILUENE,)
HAAWI A KUAI
LAAU LAPAAU.
AIA.MA MONIKAHAAE, KIHI O NA HUINA o na Alanui Papu a me Hotele. Aia malaila na Wa Ala a me na Wai Rukini maikai loa e loaa ai.
E hamama mau ana i na ahiahi Poaono a pau.
741 1y 792
EIA KA MANU HOU
HE BUKE MELE HOU NONA KA INOA " Robina Gula," ua 110 ka nui o na mele haipule a hoonanea o keia Buke Hou.
H e 15 keneta ke kope, a i ole la, he $10 no ka 100 kope. E kuai ia e [3m 801] H. M. WINI.
KA NUPEPA KUOKOA
E HOOPUKA MAU IA MA HONOLULU, I KELA POAONO KEIA POAONO $2.00 no na mahina Umikumamalua $1.00 " " " Eono. ME KA HOOKAA MUA MAI.
NA OLELO HOOLAHA — aole e oi mamua o 10 laina no ka hoopuka hookahi ana, $1.00 ; alua puka ana he $1.50 hookahi malama, $2.00. Uku no na hoolaha a na Luna Hooponopono Waiwai a me na Luna Hooko Kauoha, he $2.50 no ka malama hookahi. E UKU MUA la mai ke dala o na Olelo Hoolaha e hoounaia mai ana e pai.
O NA UKU A PAU E HOOKAA MUA MAI NO — aole e kau la ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e mai mamua. E pono e hiipoiia keia mau mea, no ka mea, he emi no ka auhau no keia nupepa.
AIA K E KEENA O " KE KUOKOA" MA KA HALE LETA HOU.
H. M. WINI,
Luna Hoopuka,
Lole Makepono k e Kuike !
E LOAA NO IA MA KA HI O KAKELA ME KUKE, E LAA NA AHINAHINA, KALAKOA, KEOKEO, LEPONALO, Pena, Aila, Aniani, Na Mea Piula, Kopa, Aila Honua. Aila Hoomaloo, Kui Kakia, Pakeke, Tabu, Kaula, Noho lio, Hulu-palaki, na Pulumi. A he Agena no hoi no na Mokupuni o Hawaii nei no na LAINAKINI-NAO, LAINAKINI-MAOLI, PALULE KALAKOA, ALAPIA, KELEPA, KILISA, Na Lole kupono i ka wawae, Palule Huluhulu, Na Lole Huluhulu. Na Lole no ka hoohehelo ana Lipine, lihilihi, a me ia mea'ku A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c A HE LAAU LAPAAU KAULANA LOA A Dr. JAYNES. Laau Kunu, Laau Hoomaemae Koko, Laau hoopau naio, Penikila, Huaale, A me na Laau Hamo, a pela'ku. 707 ly 759