Ka Nupepa Kuokoa, Volume XV, Number 13, 25 March 1876 — Page 3
KA NUPEPA KUOKOA. ME KE AU OKOA I HUIIA.
NU HOU O NA AINA E !
KOENA MAI KELA MAU PULE MAI.
Ma ka po o ka la 15 o Feberuari maloko o ka Hale Ahaolelo Makaainana o Enelani, ua hoolaha mai ke Kuhina Nui Disraeli he bila kanawai e kapa ana i kekahi inoa hoohanohano hou no ka Moiwahine Victoria, oia ka " Emepera Wahine o Inia."
Iloko o ka malama o Sepatemaba o 1875 i hala, ua hao wale iho kekahi poe pake powa o Kina i ka moku kuna Geremania " Anna" mawaho ae o Foo Chow, a ke koi nei ke aupuni o Geremania i na koina koikoi no ia hao wale ana. Ua kauohaia aku nei na manuwa Beritania e holoholo ana ma Kina e kokua aku i na koi ana a Geremania.
Ke maumaua mau nei no ka poino o na moku ma ka moana Atelanika.
He 1,909 ka nui o na heihei lio i malama ia ma Enelani i ka makahiki 1875 i hala, a he 1,873 i kela makahiki aku. Ua oi aku mamua o ka hapalua o keia heluna heihei he hapa mile ka poho heihei a oi iki a malalo hoi o hookahi mile ; he 256 heihei ma ka mile ka pahu, he 261 mai ka hookahi mile a oi iki a malalo o elua mile ; he 79 ma ka pahu holo mamua aku o elua mile ; a he 6 heihei ma ka eha mile o ka pahu e holo ai. He keu keia a ka lahui naauao puni heihei loa ka hoi. Nohea ole nui no o na makilo.
NO KINA.
Sanahai, Feb. 18 — Ke hoike mai nei na lono o Pekina Feb. 4, ua ikeia aku ke Keiki Alii Pake Kurg ma ka la 26 o Ianuari, o na luna aupuni o na Aina e malaila, a ua ukaliia ua Keiki Alii la, e na Peresidena a me na Hope Peresidena o na Papa o Pekina. Ma ia hebedoma mahope iho, e hele aku ai na poe hanohano o ke aupuni e ike i na hale oihana o kela a me keia Kanikela. O ka hoomaka ana keia o ko Kina hele ana ma ke kuamoo o ka hooponopono aupuni ano hou.
NO IAPANA.
Honokaona, Feb. 29.— Ua lonoia ae, o ka Misiona a Iapana i Corea ua holopono. Ua ae mai nei o Corea i ke noi a Iapana no ka palapala e malama ai i ka maluhia o ko Iapana mau makaainana malaila.
NO TUREKE.
Konatinopela, Feb. 15.— Ua hoopuka ae ke Suletana o Tureke i keia mau kumu malalo iho, me ka manao o ia ka mea e hoopauia ai ke kuee ma na okana aina kipikipi ona e haunaele mai nei :
Akahi — E hookuu akea ia kona mau makaainana e hoomana me ke keakea oleia.
Alua — E hooponopono hou ia na auhau ana maluna o na kanaka a pau.
Akolu — E kuaiia na aina waiho wale o ke aupuni i na makaainana nele i ka aina ole.
Aha — Ke kukula ana i mau Komisina hui ma na kulanakauhale nui o Herezegovina a me Bosnia, i mea e hooholo koke ia ai na hooponopono ano hou.
Alima — Ke kukulu ana i ona puu dala no ka hooholo ana o na hana paeli ma ka mahelehele ana mamuli o ke kuhikuhi mai a ke Komisina hui.
Ua kohoia o Haidir Effendi i Peresidena no Bosnia iloko o keia Komisina hui, a o Albanian Yassa Effendi ka Peresidena o Herezogevina. O ko laua lawelawe koe i ka hana.
Konatinopela, Feb 23 — Ua kakau iho ke Suletana o Tureke, he olelo kuahaua, e huikala aku ana i ka poe a pau o na kipi e haalele ana i na mea kaua, a hoi i ko lakou mau home iho iloko o ka mahina hookahi.
Ua kukula akea pu mai hoi ke aupuni, e kukulu hou ia no na hale a pau a me na halepule i pau i ka lukuia e na maewaewa a ke kaua, i ke kapili hou ia malalo o ko ke aupuni mau lilo ponoi, a e haawi pu ia aku no hoi na kumu e hapai kokeia ai na hana paeli i maa ia lakou.
Vienna, Feb 23 — Ua hiki mai kekahi lono ano hapa pili aupuni, mai Konatinopela mai, e hoike ana, ua hoouna aka la o Tureke, he palapala i na okana aina o Serevia a me Montengro, e noi ana, e kahea'ku i ko laua mau makaainana e noho ana iloko o na laina koa kipi, e haalele ia mau laina iloko o ka malama hookahi, a i ole ia, e kaili mai ani ke aupuni ia mau okana aina.
Na hiohiona hope loa o ke kipi ma Sepania.
Madiridi, Feb 29 — Ua hoounaia aku keia palapala malalo iho, i ke Kuhina Sepania e noha la ma Ladana, penei :
Ua hiki aku ko kaua i kona hopena. Ua noi aku nei o Don Carlos ia Farani, e ae mai e hookipa aku iaia. Ua hai aku nei oia i ke Generala Farani Paucet, e noho la ma Bayonne, e komo aku ana oia iloko o Farani, i ka hora 9 o keia kakahiaka, ma ke alahaka aku o Aruequi. He ekolu mau haneri koa kipi i komo ae la i Farani ma Sana Jean, a ke hiki mai nei na lono, ke a-e aku la ka lakou ma o o na palena ma Alduides ma na haneri. Aole e keakea mai ana o Farani ia lakou.
Ua hiki ae la o Alfonso i Pampelona.
Ka Moi aea.
Parisa, Feb 29.— Ua komo ae la na alihikaua kipi o Sepania Velasco, Lizerrago a me Bergo i ukaliia e Don Carlos iloko o Farani ma Mauleon inehinei.
Ka lanakila o ka Moi kamalii.
Madarida, Feb. 29.— Ke oleloia mai nei, e hele ana ka Moi kamalii i San Sebastian a e hookipa mai ana i ka Moiwahine Isabella ma ka Poaono. He hookahakaha nui ke hoomakaukauia nei maanei no ka hoi ana mai o ka Moi i ke kulanakauhale nei.
Hauoli piha ma Sepania.
Ladana, Feb. 29 — UA hoolahaia maloko o ka nupepa Standard o kela kulanakauhale, he loaa mai Madarida mai, a penei no ia :
" He nui ka hauoli e hoomaka nei maanei. E loaa ana ia Alfonso he hookipa hanohano a kiekie no hoi mai. Ma ka leta a Don Carlos i ke Generala Farani Paucet, ua hoike aku oia mamuli o ka nana kee ana mai o ua popilikia a me na noi hope iaia, ua noi aku oia i ko Farani lokomaikai e hookipa aku iaia. I ka loaa ana Aku o keia leta a Don Carlos iaia, ua holo koke aku oia i Aruequi e nana i ke komo ana o na koa puhee. Ke komo ae ia he ekolu mau puali koa kipi ma ke awawa o Bastan. Aole lakou i halawai aku me kekahi keakea
UA NALOWALE
HE LIO AHIEHIE, i ke ahiahi Poaha aku nei i hala Maraki 16. O ka mea e loaa ai a hoihoi mai i ka Bihopa o Honolulu, e makanaia oia.
747 1t BIHOPA WILLIS.
OWAU o ka mea nona ka inoa malalo, ke hai aku nei au i ka lohe i na ano kanaka a pau, oiai, ua lilo mai ia'u ma ke kuai ke kuleana mahiai o AKOAI Pake, o Kalawao, Ewa, Oahu, na bipi, hale, lako mahiai.
Nolaila, o ka poe ana i aie aku ai, aole o lakou kuleana ma ua mau waiwai la i oleloia, e koi no lakou ia Akoai.
AIAU (Pake.)
Kalawao, Ewa, Mar 20, 1876. 747 4t° 758
E KUAI KUDALA ana ma ka Pa Aupuni ma Waiawa, Ewa, Oahu, eono lio, hookahi hoki, ke hiki aku i ka hora 10 o ke kakahiaka o ka la 31 o Maraki 1876.— Lio k keokeo hao huluaha me ke kaha hao iloko, like huinakolu ma ka uha hope ak. Lio k keokeo hao OT uha i hope hem ; a-i ak Lio k keokeo hao AI uha hope ak M hope hem Lio k ulaula laekea hao PU uha hope ak — a-i hem Lio k ulaula laekea hao d uh hope hema AAI Hoki w eleele hao S uh hop hem ak e like me ke kanawai J S KAANAANA.
747 1t° Luna Pa Aupuni o Ewa & Waianae.
E naue mai ! E naue mai !!
KE POLOAI IA AKU NEI OUKOU E NA keiki lalawai o na pali hauliuli, a me na kaikamahine puukani nohenohea o na pali Koolau, e naue mai ma ko makou mau Hale Kuai ma KAALAEA a me KANEOHE, malaila e loaa'i oukou na nuhou o na ano a pau. Na Lole Kane, Wahine a me na kamalii, Na Kamaa Na Hou. Na ano Papale a me na mea liilii o kela ano keia ano he nui wale. E loaa no ia oukou ke kumukuai makepono loa. E naue mai ! E naue mai !! E hoao i pau ko oukou kuhihewa.
AKANA & KONGER & Co.
Koolaupoko. Maraki 23, 1876. 747 6m. 771
E IKE na ano kanaka a pau loa. Ke hookapu loa ia'ku nei na mea holoholona, lio, bipi, miula, hoki, kao, puaa, moa, pelehu, kaka &c., aole e hele wale, aole hoi e ikeia maluna o keia mau " Kuleana Aina" o makou malalo iho. Waihi, Lokoeli, Kieilole, Kamolokala, Amakeahi, Kalaekea. Na kuleana ma Hoaeae, o Mahuna, Kinawamakawalu, Kaluamoo, Kalokoloa, Ma Halawa, a me ke kahuahale ma Kapapapuhi, o Ke kea, Kamalua, Kamoku, Kamaikeaho. Loloulu a me ke kahuahale ma Kapapapuhi o Hulumua, ma Honouliuli, o ka uku hoopai no ka holoholona hookahi, he $1.00. A ina e kue lakou i keia mau olelo i hoikeia ae la, na ka makou luna e hopu a hoopaa ma kahi paa, ke ole e ukuia mai iaia. E lilo keia mau mea i hoikeia ae la maluna i olelo paa, e like me ke Kanawai, mai kela la aku e puka ai. O makou iho, KUKAHIKO (k)., KAHALEPAAKAI (w) 747 4t° 750 MALIA (w).
EIA iloko o ka Pa Aupuni o Koholaloa, Apana o Honolulu, na Lio e kuai kudala ia ana ke hiki aku i ka Poalima, la 31 o Maraki, hora 12 awakea. Lio k keokeo wiwi ua eha kahi wawae ak S_ S hem S KU ano hapala ka hao, Lio ulaula wiwi kua T.I puka A puu malalo o ka opu, ua eha kahi maka hem KN) Lio k ulaula hauliuli laekea iki 1 w keokeo mahope hem =B Lio w hauliuli hem FD He mau lio hou mai no kahi, eia ke ano a me na hao kuni : Lio k ulaula laekea iki keokeo iki ma ka aoao, ano hai no ke kua ak i hem T Lio w ulaula laekea iki 1 w keokeo mahope ak U Lio w eleele laekea loihi kuapuka loihi wiwi 2 w keokeo mahope ak U hem KU Lio k hulupala laekea loihi a hiki i ka ihu, U ak K K Lio w hauliuli 1 w keokeo mahope ak VP IL Lio k eleele laekea iki kuapuka hoihi wiwi hem like me ka honu. Lio k ulaula laekea iki kuapuka 4 w keokeo ak he K a he ano kalaunu maluna iho, uha mua ak ano kalaunu no, hem S A B KAAUKUU, Luna Pa Aupuni o Koholaloa. Mar 24, 1876. 747 1t°
UA kohoia mai au e ka Aha Kiekie o ko Hawaii Pae Aina, i Lunahooponopono no ka waiwai o WILLIAM WILLIAMSON, no Kalauao, Molokai i make, nolaila, o ka poe aie a pau e lawe koke mai.
J. PORTER GREEN,
Lunahooponopono Waiwai o William Williamson,
Honolulu. Mar 11, 1876. 746 3t6 747
KE papa nei maua i na mea a pau, aole e kuai i ka aina o ko maua makuakane, o Kaaihumoku i make, ma Hamakua, Hawaii, i hoakakaia ma ke Sila Nui, Helu 2381, no ka mea, o maua no na pilikoko ponoi. HALIMAILEI (k) a me KEKOI (k). Honolulu. Mar 17, 1876. 746 4ts 748
I KULIKE ai me ke Kanawai i aponoia i ka la 14 o Feberuari, M H 1853, ma ke noi a Samuel Andrews, o Makua, Apana o Waianae, mokupuni o Oahu, ka mea hoopii, hooponoponoia ka pa ana i ka pa mawaena o ke Ahupuaa o Makua, ka alua o ka mea hoopii a me Kahanahaiki.
Nolalia, ke kauohaia aku nei na mea kuleana iloko o ia mau wahi. e akoakoa ae ma kahi o Samuel Andrews, i ka Poalua, la 21 o Maraki, hora 10 kakahiaka. S. PURVIERE, S. GAUNDALL, J W KAIKAINAHAOLE. Na Komisina Pa o Ewa a me Waianae.
Maraki 9, 1876. 745 2t° 746
E LOHE auanei na hooilina o PET. KAMAKA, i make iho nei ma Wailuku, i Maui, ina aole lakou e hookaa koke i kona mau aie, e hele ana au e kudala i kona mau waiwai. L KEHINU.
746 3t° 743 Lunahooponopono
KE hoike aku nei makou i na kanaka a pau, ma keia palapala, ua kapu ke komo wale oukou maluna o ka aina i kapa ia o Kamaole, ua kapu na Bipi, Lio ma na holoholona e ae, mai kii wale aku me ka ae ole o ka poe nona ka inoa malalo nei. O ka poe kue i keia kauoha, e hoopiiia no ma ke Kanawai. MANUEL PAIKO, C. SILVA &Co., (Kale Pukiki ma).
Wailuku. (746 4t° 749) Lunahooponopono.
KE papa a hookapu loa ia aku nei na kanaka a pau, aole e hele wale Maluna o na aina Koalipua, Mapuna, Nawiliwili a me Kaeleku, Waikele, Ewa, Oahu, o hoopiiia auanei ma ke Kanawai.
STETTA KEONIAILANI,
Na kona Kahu Malama Fanny Kekelaokalani.
Honolulu. Mar 11, 1876. 746 4ts 749
WEHE ANA I KA HUI.
O NA MEA nona na inoa malalo iho, he mau Hoa Hui laua iloko o ka HUI o ASAWANA a me KOKA, e hana ana i ka Oihana ma Hanalei, mokupuni o Kauai ; i keia la, ua wehe i ko laua Hui, ma ko laua ae like ana. Ua hoolilo aku oku o Asawana i kena pomaikai a pau ia Koka, a ma keia hope aku, nana no e lawelawe i ka oihana Halekuai, a e ohi mai i na aie a pau i ua Hui la, a e hooponopono i ko laua mau kuleana a pau.
ASAWANA,
KOKA.
Na kona hope Apoe,
Honolulu, Mar 11, 1876. 746 4t° 749
O NA UKU HOOLIMALIMA WAI MAI Ianuari 1, 1876 aku (he uku mua) a hiki i Iulai 1, 1876, oia ka wa e uku ai, a o na poe a pau aole i hookaa i ko lakou mau uku wai, ke kauohaia aku nei, e hele ae ma kuu Keena, e hookaa ai, mamua ae o ka la 31 o Maraki, oia ka pau ana o ka makahiki aupuni.
O na wai i uku ole la mahope iho o ia wa, e okiia ana me ka hai hou ole ia aku. H. S. HOWLAND, 746 4ts 749 Luna Wai.
O NA POE a pau he mau koina ko lakou i ka waiwai o YOUNG SHEONG, o Honolulu i make, ina paha ua paa i ka moraki, a ma kekahi ano e ae, e hoike mai me na hooiaio kupono ia'u ma ka Halekuai o Afong & Achuck, ma Alanui Nuuanu, Honolulu, iloko o eono malama mai keia la aku o ka hoolaha ana, a i ole ia, e hoole mau loa ia aku no. A o ka poe a pau i aie iaia, e hookaa koke mai i kuu Loio ia Mr, E T O Halloran, Helu 30, Alanui Papu, Honolulu, YOUNG HEE, Lunahooko Kauoha o Young Sheong.
Honolulu. Mar 13, l876. 746 4ts 749
AINA HOOLIMALIMA.
MA KA HALAWAI ana o ka poe nana i hoolimalima i ka aina Aupuni o KEWALO, ua hoomana lakou i ka mea nona ka inoa malalo iho e hoolaha aku. Ina o ka poe makemake e hooholo i na holoholona o na ano a pau maluna iho o keia aina, me ia wale no e kamailio ai.
JOHN KARATI, Puuku.
Honolulu. Mar 17, 1876. 746 2t° 747
HOOLAHA HOOKOLOKOLO.
AHA KIEKIE o ko Hawaii Pae Aina. ma ka hooponopono waiwai, Mokupuni o Oahu, Hawaii Pae Aina SS. Ma ka waiwai o A. W. SNELL O Honolulu i make.
Olelo kauoha e koho ana i la e hooiaio ai ka palapala kauoha a no ka hoolaha ana.
No ka mea, ma ka la 6 o Malaki, M H 1876, ua waihoia mai imua o ka Aha kekahi palapala i oleloia, oia no ke kauoha hope loa a A W Snell i make aku la, a me ka palapala hoopii e noi ana, e hooiaioia keia palapala kauoha, a e hoopuka hoi ka palapala Lunahooko no Lealea Snell, ua waihoia mai e Lealea Snell.
Nolaila, ua kauohaia, o ka Poalua, oia ka la 11 o Aperila, M H 1876, ma ka hora 10, ma ka.rumi hookolokolo o keia Aha, ma Honolulu, ma ka mokupuni o Oahu oia ka la a me ka hora e hooiaioia'i ia palapala kauoha , a e hoolohe hoi no ia noi ana mai, a me ka poe a pau e pili e kue ana ia palapala kauoha, a me ka hoopuka ana i ka palapala Lunahooko.
A ua kauoha hou ia, e hoolaha no ia mea no na pule ekolu iloko o ka Hawaiian Gazette me Kuokoa, he mau nupepa i paiia a i hoolaha ia ma Honolulu. A ua kauoha houia, e hoopukaia na palapala kena i na hoike, no ia palapala kauoha a me na hooilina o ka mea make ma Honolulu, e hele mai a e kue i keia palapala kauoha i ka wa i oleloia.
Kakauia ma Honolulu, ko Hawaii P A la 9 o Mar 1876.
A.FRANCIS JUDD,
Ikea : Lunamakaainana o ka Aha Kiekie.
Walter E. Seal, Kakauolelo, 745 3ts 747
MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o KAWILI (w), no Hamakua, Maui i make.
Ua heluheluia a ua waihoia ka palapala noi a S Kahui k, e noi ana, e hooholoia ka waiwai o Kawili w, no Hamakua, Maui H P A i make, i na hooilina. Nolaila, ke kauohaia aku nei na kanaka a pau ke pili, o ka Poalua, oia ka la 28 o Maraki 1876, ma ka hora 10 o kakahiaka, ma ka Hale Hookolokolo ma Lahaina, oia ka la a me kahi i kohoia no ka hoolohe ana i ua nonoi la a me na mea kue ke hoikeia. ABR. FORNANDER.
Lunakanawai Kaapuni Apana Elua.
Lahaina, Mar 4, 1876. 745 3ts 747
E IKE auanei na kanaka a pau ke nana mai i keia olelo hoolaha, owau o ka mea nona ka inoa malalo nei, ke hoike aku nei au ma keia la, ua koho pono ia aku o Kahuhu k, o Moanalua, me ka mana piha pono, e hoomalu a e hopu i na holoholona komohewa a pau maluna o kuu aina kula e waiho la ma Moanalua, e pili pu ana ma ka aina Imaikolea, e pili ana me Umi-Loi, oia ka apana aina o Kealoha k, ka Abigaila Maikai w, i lilo mai ai ia'u ma ke kudala a ka Ilamuku nui. Nolaila, ua kapu loa na Lio, Bipi, Miula, Hoki, Kao, Puaa na ano like. Ina e loaa i kuu luna, e hopu ia no, a e uku ia kela poo keia poo i komohewa $1.00, a i ole e hookoia na koina a kuu luna, alaila, e laweia ma ka Pa Aupuni, e like me ke kanawai. A e lilo keia i kanawai paa loa no kuu apana aina i oleloia.
H. KAMAKA,
K Kahuhu, Hope Luna,
Apua, Feb 23, 1876. 743 4t° 746
Kuai Kudala a ka Luna Hooponopono Waiwai !
MA ka Waiwai o Kaumauma, o Lahaina, Maui i make, mamuli o ke kauoha a Hon. Abraham Fornander, Lunakanawai Kaapuni o Maui, ia Kahikina, ka Lunahooponopono o ka waiwai, ua kauohaia mai au e kuai kudala aku ma ke akea, ma ke alo iho o ka Halekuai o Mossman & Son, ma Wailuku, i ka hora 12 awakea o ka Poakolu, - - Aperila - - 19, 1876.
I na pono, ke kuleana a me na pomaikai o ka mea i make, ma ke Ahupuaa o Huelo, Hamakua, Maui Hikina, nona na Eka 300 a oi aku e emi mai paha, oia no ka aina i haawiia ma ke ano kuleana e like me ka palapala. O na lilo o na palapala, ma ka mea nona ka aina e lilo ai. Kuike ke dala HENRY W DANIELS, Luna Kudala.
Wailuku, Mar 13, 1876. 748 4ts 749
E KIPA MAI E KE ALOHA.
I NA MAKAMAKA A PAU O KA UA Kukalahale, ke waiho aku nei au iluna o oukou, he olelo poloai, e pili ana i na Lole Nu Hou e waiho nei ma ko'u Hale KUAI, ma ka aoao ma Ewa o ka Hale Borabora, ma ke Alanui Nuuanu. A penei na ano :
Na Kalakoa hou loa o kela a me keia ano. Alapia o kela a me keia ano. Kihei huluhulu papamu alokahi o na wai hooluu like ole he lehulehu. Kihei huluhulu pukapuka, me ka huhui mahope o na ano he nui wale. Kihei huluhulu nanahe a me na kihei huluhulu he huihui ke kae a puni, e hoohiolo na wainaoa i ke kehau. Papale wahine pinana o ka aoao, a luhe hoi kekahi ilalo o kela a me keia ano. Na hulu a me na pae papale he nui wale. Leta 4 Silika loloa o na Lede o na ano like ole. Mamalu Silika liilii a me ke nui. Kamaa wahine nihoniho o ka aoao. Iliwai huluhulu manoanoa o na ano he nui wale. Holoku Lilina keokeo, kakau a papamu he nui wale. Na Lole Kane. Kuka Kainahai manoanoa a lahilahi. Na Koheo huluhulu paina manoanoa a lahilahi, a me na koheo Lilina. Lole wawae huluhulu paikini hou a me na ano e ae he lehulehu. Na apa huluhulu paina a kakimea hoi. Na palule o kela a me keia ano. Na Papale o na ano a pau. Na Kamaa buki a me haahaa o na ano he nui wale. Na Pahulole koa a ili hoi. NA paiki ili. Na mea kamano, e lawa ai ka makemake o na kamana. Aole o keia mau mea wale no na mea hou, aka, e hiki hou mai ana no. A o ke kumukuai o keia mau mea i haiia ae la maluna, he haahaa loa no. A i mea e ike io ai, e hele mai no. Me ka mahalo. GOO KIMA.
Honolulu, Mar 13, 1876 746 6m 739
MAKANA HOU ! MAKANA HOU !
KE PAHOLA HOU IA AKU NEI H E MAKANA ANO NUI! NO NA KANAKA A PAU, Mai ka lokomaikai mai o AKE MA. ! E LIKE ME KO LAUA AKE MAU E HOOPOMAIKAI ! a e hoolako hoi i ko oukou hemahema i na AAHU NANI ! ME KAHI DALA UUKU ! i ane like me he MAKANA LA ! NOLAILA, ke haiia aku nei ka lohe i na mea a pau, E KUAI EMI LOA HOU IA aku ana na waiwai o na ano a pau, MA KA HALE KUAI O AKE MA ! MA MONIKAHAAE ! E hoomaka ana ma ka POALIMA, LA 10 O MARAKI. Aia no ke oki he pau no ka Lole. AKE MA. Kihi o Alanui Papu me Hotele.
Honolulu. 743 4ts 743
OLELO HOOLAHA.
J. PORTER GREEN,
" KEIKI O KAUAUKIUKIU."
LOIO !
E HELE MAI NA MAKAMAKA A PAU IO'U nei, a na'u no e kokua ia oukou imua o ka Aha Hoomalu a me ka Aha Kiekie, me ka uku haahaa makepono loa. Aia kuu Keena ma kahi o ka Lunakanawai Hoomalu o Honolulu nei, oia ka " Aiko," ma Alanui Kalepa. 741 ly 792
C. H. DICKEY (Kalekika).
LOIO !
MA HAIKU, MAUI.
UA MAKAUKAU E HANA PALAPALA Kuai, Palapala Moraki a me na mea a pau e pili ana ma ka Oihana Loio. 743 1y 794
WING SING & Co.
Puhi Palaoa,
E waiho mau ana palaoa a me na berena palupalu. Kihi o na huina alanui NUUANU A ME BERITANIA. 703 1y 755
NA MEA NANI E HIEHIE AI
NAUWE MAI * NAUWE MAI
MAHEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu ai e kau ai ka iwa, he la makani e hao ai na polena o Haupu, kapakahi manuia o Keokoi ka moku, ma kahi o L. ASEU, Aia pu no malaila na HAINAKA SILIKA liilii LEI AI kae weluwelu, a me na LIPINE SILIKA puapua weluwelu, e kuwelu ai i ka makani. NA KALAKOA ANO HOU LOA i like oleia mamua, Na KAEI SILIKA Nani, NA MAKALENA KALAKOA me ka PUAKEA, na ALAPIA HULUHULU o na ano a pau, na KIHEI UHI hou a kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ume naau o kela ano keia ano, na kamaa wahine o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono loa no hoi ke kuai i na mea i hoikeia ae nei maluna ke kuike. I mea e pau ai ke kuhihewa, e naue mai no e na makamaka ma kuu Hale kuai HIKIKIIKAUOENA. L. ASEU.
Kihi ma Ewa o Alanui Nuuanu mauka o Alanui Moi.
Honolulu, Aug. 27, 1875, 717 lyr 768
E. STREHZ, (AILUENE,)
HAAWI A KUAI
LAAU LAPAAU.
AIA.MA MONIKAHAAE, KIHI O NA HUINA o na Alanui Papu a me Hotele. Aia malaila na Wa Ala a me na Wai Rukini maikai loa e loaa ai. E hamama mau ana i na ahiahi Poaono a pau.
741 1y 792
E IKE auanei na kanaka a pau. Owau o ka mea nona ka inoa malalo nei, ke papa aku nei au i ka poe mea Lio Bipi Hoki Kekake Hipa Kao Puaa, mai hookuu i ko oukou mau holoholona maluna o ka aina o Kapalama-uka a me Kapalama-kai, e waiho la ma Kona mokupuni Oahu. I na kue kekahi i keia olelo papa e hopu no au me ko'u hope a mau hope paha, a uku pakahi ia kela poo keia poo hookahi $1.00, koe nae ka poe i loaa ka palapala ae mai a'u aku, a ua kapu no hoi na mea ulu maluna oua mau aina la, mamuli o ko'u ano he Luna malama no ka waiwai o ka Mea Kiekie R. Keelikolani mamuli o ke Kauoha a ka Mea Kiekie W. P. Leleiohoku.
J. HOOIKAIKA,
Honolulu, Feb. 2, 1876. 744 4ts° 747
E IKE auanei na kanaka a pau, owau o Kahawai (k) no Kamooloa, Koloa, Kauai mamua, a no ka loaa ana i ka mai lepera (pake) ua noho ma Iliopii, Makanalua, Molokai. Ke hai aku nei au, he mau waiwai paa, lewa, ko maua me kuu kaikuaana Auana i make, e waiho, e holo ia, a e malamaia ana ma ka mokupuni o Kauai. UA make kuu kaikuaana, a owau no ka pilikoko i koe, a owau no ka mea kuleana ma kona hapa waiwai a ke kanawai i ae ai. Nolaila, ma ka maua i loaa mai ia'u ma ke kanawai, ke hai aku nei au i ka lohe i na mea a pau, ua hoonoho aku au ia Mrs. Maemae Kahawai, i Hope a i Lunahooponopono no ua mau waiwai nei o'u a pau I hoikeia maluna, oiai au e kaawale ana. Iaia a me kekahi kanaka e aku ana i koho ai i mea kokua, iaia ka maua ohi mai i na waiwai a pau o'u, a ma kuu inoa, e hoopii, a hoopaiia ai kuu hope e like me ke kanawai, a ma kuu inoa no hoi, ua hiki no i kuu hope ke hoolilo i kekahi o na waiwai lewa, ina oia ka mea e pono ai kana hana luna Hooponopono waiwai ana me ke akahele no nae ia hoolilo ana, a me kuu ike mua ma ka palapala mai. Na'u no i hana i keia la 8 o Maraki ma 1876, ma kuu wahi noho ma Iliopii, Makanalua, Molokai, imua o na ike make S N Holokahiki, Kawaonahele.
746 3t° 748 Mr. KAHAWAI.
Lole Makepono ke Kuike !
E LOAA NO IA MA KAHI O KAKELA ME KUKE, E LAA NA AHINAHINA, KALAKOA, KEOKEO, LEPONALO, Pena, Aila, Aniani, Na Mea Piula, Kopa, Aila Honua. Aila Hoomaloo, Kui Kakia, Pakeke, Tabu, Kaula, Noho lio, Hulu-palaki, na Pulumi. A he Agena no hoi no na Mokupuni o Hawaii nei no na LAINAKINI-NAO, LAINAKINI-MAOLI, PALULE KALAKOA, ALAPIA, KELEPA, KILISA, Na Lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana Lipine, lihilihi, a me ia mea'ku A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c A HE LAAU LAPAAU KAULANA LOA A Dr. JAYNES. Laau Kunu, Laau Hoomaemae Koko, Laau hoopau naio, Penikila, Huaale, A me na Laau Hamo, a pela'ku.
707 ly 759
OLELO HOOLAHA.
$3.00 MAKANA !
Ua nalowale aku nei kekahi lio ma Kaneohe, a penei kona mau hao : ma ka uha akau J 'K, a ma ka uha hema W. E haawi aku wau ka uku i oleloia maluna, i ka mea nana e hoihoi mai. J. MOTT SMITH.
744 5ts 748
KE HOIKEIA aku nei i na kanaka a pau, aole lakou e komohewa ma ka Aina o ke Kula, ma Wahiawa, Waialua, Oahu, ma ke kua ana i na laau, a pepehi hoi i na Bipi hihiu, a alualu i na holoholona ma ua aina la ; aole hoi lakou e hookuu wale i na bipi a me na holoholona e ae maluna o ua aina la. W C JONES,
Honolulu, Novem. 29, 1875 741 tf
$10,000 HOAIE !
UA MAKAUKAU i ke Kakau Palapala Hooilina a Kuai, me ka Hoaie D, no ka moraki aina a me na mea a pau e pili ana ka oihana. E ninau ma kahi o W. C. Jones (Aeko) ma Alanui Kalepa ia.
740 2m° 747 KEO.
E IKE auanei na kanaka a pau e nana mai ana, owau o ka mea nona ka inoa malalo, ke hoolaha aku nei au, a hookapu, a papa loa aku i na kanaka a pau, aole e hookuu wale, a hele wale na holoholona maluna o ke ahupuaa o KAAPUNA, Kona Hema, Hawaii, me kuu ae ole.
Ina e loaa ana ia'u, a i kuu hope, a mau hope paha ka Bipi, Lio, Hoki, Kekake a me na Kao, e hele ana maluna o ua aina la, e hopu no makou, a e hoouku i hookahi dala no ke poo o na holoholona mua pakahi, a he hapaumi no ka poo o ke kao hookahi, a e koiia ka uku, a i ole e loaa
mai, e hoopaaia no ma ka Pa Aupuni, mahope iho o ka puka ana ma ka nupepa Kuokoa. L. KEOLA.
Kaapuna, S. Kona, Mar 3, 1876. 743 4t° 748
Hoolaha a ka Luna Hooponopono
Waiwai.
UA Hookohuia mai ka mea nona ka inoa malalo iho, i Lunahooponopono no ka waiwai o A W NEEDHAM, o Waihee, Maui i make. Nolaila, ke haiia aku nei ka lohe i na mea a pau i aie iaia, e hookaa koke mai, a o ka poe a pau he mau koina ka lakou, e hoike koke mai iloko o na malama eono, a i ole, e hoole loa ia. W. G. NEEDHAM.
Lunahooponopono Waiwai o A. W. Needham.
Waihee, Maui, Feb 17, 1876. 745 4ts 748
KE HOIKE ia aku nei ka lohe i na mea a pau he kuleana ko lakou i ka waiwai o AIONA (pake) o Alanui Marina, Honolulu, i make, e hoike koke mai iloko o na malama eono mai keia la aku. A o ka poe a pau e paa ana i ka waiwai o ka mea i make, e hoihoi mai. Ke kahea pu ia aku nei no hoi ka poe pili, e manao ana oia ka hooilina, e hoike mai. W. O. SMITH, Lunahooponopono Waiwai o Aiona.
Honolulu, Mar 7, 1876. 745 4ts 748
UA HOONOHO ia mai ka mea nona ka inoa malalo iho nei, e ka Mea Hanohano Abr. Fornander, Lunakanawai Kaapuni Apana Elua H P A., i Lunahooponopono waiwai o KANIHO k, o Lahaina i make. Nolaila, o ka poe a pau i aie mai i ka mea make, e hookaa koke mai ia'u, a me ka poe ana i aie aku ai, e hoike koke mai ia'u me na bila kupono, iloko o na malama eono mai keia la aku, o hoole ia. M. MAKALUA,
Lunahooponopono Waiwai o Kaniho,
Lahaina, Feb 28, 1876. 745 4t° 748
NO KA MEA, ua ae mai ka mea Hanohano Aberahama Fornander ia'u, e kuai kudalaia ka waiwai o NAKIHEI k, he mea make no Kahakuloa, Maui, no kona aie, a i mea e pau ai kona mau aie i ka hookaaia, nolaila, ke hoike aku nei au ma ke akea, o ka la 17 o Maraki M. H. 1876, oia ka Poalima e hiki mai ana, ma ka hora 12 awakea, ma Wailua. Koolau, Maui, e kuai kudala aku no au i na waiwai paa a pau loa o Nakihei k, i oleloia, oia hoi, he mau Apana Aina elua, e waiho nei ma Wailua nui, i Koolau, Maui, a e haawiia ka palapala hoolilo loa a me na palapala Sila Nui, i ka mea oi loa o ke koho ana. Kuike ke dala i aole hoopanee. J A NAHAKU, Lunahooponopono o ka waiwai o Nakihei. Lahaina. Feb 21, 1876. 745 3t° 747
NO KA MEA, ua koho mai ka Aha Kiekie ia'u i Kahu Malama Waiwai no HOOMOEAPULE w, i pupule, nolaila, ke papa nei au i na mea a pau loa, aole e hoolimalima aina me ia a me kana keiki me Hanaumaikai k. Aole pono e hookaa aku ia laua ka uku hoolimalima, aka, e lawe koke mai ia'u. J. PORTER GREEN,
Luna Malama Waiwai no Mele Hoomoeapule.
Honolulu, Dek 22, 1875. 734 6m
Kuai a ka Luna Hooko Kauoha.
MA ka waiwai o SILVAS CHANDER o Wailuku, Maui i make, ma ke kauoha a Hon. A. Fornander, Lunakanawai Kaapuni o MAUI, Ia James Baker, ka Luna Hooko Kauoha o ka waiwai. Ua Kauohaia mai au e kuai aku ma ke kudala ma ka Halekuai o Peter Genet, Makawao, i ka POAONO APERILA 1, 1876 ma ka hora 12 awakea, i na pono, ke kuleana a me na pomaikai a pau o ka mea i make iloko o na APANA AINA ELUA e waihoia ma Hamakua, Maui Hikina, kokoke ia i ka wili olo papa nona ka inoa Kaupakulua. Ka apana, he 70 eka ma ke anaia ana. 2 he 30 eka. He mau aina laau a kupono ka hanai holoholona. Na lilo no ka palapala, i ka mea e lilo ai. Kuike ke dala.
HENRY W. DANIELS,
744 4ts 747. Luna Kudala.
Eia ka inoa o na Buke Himeni Hou ma ka
Hale kuai Buke o Wini.
Songs of Salvation The River of Life
Sun Shine
Cheerful Voices
Pure Gold
Sparkling Rubies
Golden Robin
Nine O'clock in the Morning
Bright Jewels
New Golden Center
The Morning Star
Sabbath Carols
The Bank of the Rhine
Royal Diadem
Hallowed Songs
Song Monarch
Gospel Song.
Golden Wreath.
Happy Voices.
New Songs.
Tempel Choir.
Fresh Laurels.
Charm,
Merry Voices.
Song of Life.
H. M. WINI.
Hoolaha a ka Luna Hooponopono Waiwai.
UA HOOKOHUIA mai ka mea nona ka inoa malalo, e ka Mea Hanohano Chas. C Harris, Lunakanawai o ka Aha Kiekie, i Lunahooponopono Waiwai, no ka waiwai o A KAHEKILI i make, ma Honolulu, Oahu. Nolaila, ke kauohaia aku nei na mea a pau a A Kahekili i aie aku ai, e hoike mai i ka lakou mau bila aie i hooiaio pono ia, iloko o na malama eono mai keia la aku ; a ke hoikeia aku nei no hoi, o na mea a pau e paa ana, e malama ana, a i aie mai hoi ia A Kahekili, e hoike pu mai lakou i ka Lunahooponopono Waiwai, maloko o na malama eono i oleloia ae la maluna. A o na Bila Aie i hoike ole la mai i ka Lunahooponopono, iloko o ka manawa i oleloia maluna, e hoole mau loa ia no. JOHN K UNAUNA.
Lunahooponopono Waiwai o A Kahekili.
Alanui Alii, Feb 28, 1876. 741 4t° 747
HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MARCHANT !
Poakahi Aper 10..............................................Kaapuni ia Hawaii
Poakolu, Aper 19.............................................Kaapuni ia Kauai
Poakahi Aper 24..............................................Kaapuni ia Hawaii
Poakahi, Mei 1...............................................................No Hilo
Poakahi Mei 8..................................................Kaapuni ia Hawaii
Poaha, Mei 18..................................................Kaapuni ia Kauai
Poakahi, Mei 22...............................................Kaapuni ia Hawaii
Poakahi, Mei 29...............................................................No Hilo
Poakahi, Iune 5.................................................Kaapuni ia Hawaii
Poakahi, Iune 12...............................................................No Hilo
Poakahi, Iune 19...............................................Kaapuni ia Hawaii
Poakolu, Iune 28...............................................Kaapuni ia Kauai
I ka huakai hoolele pipi ole a Kilauea i ka Maalaea, alaila, e hoaoia ana e hiki i Honolulu i ke ahiahi Poaono.
Ma na huakai a pau a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a.m., a mahope iho paha ; Makena a hiki i ka hora 4 a. m. a mahope iho paha ; aole hoi ia Maalaea a hiki i ka hora 9 a.m., a mahope iho paha.
Uku Eemoku mai Honolulu aku,
A hiki i Kaunakakai, a pela maluna mai..............$ 5.00
" Lahaina, " " ..................................................... 6.00
" Maalaea, " " .................................................. 7.00
" Makena, " " ................................................... 8.00
" Mahukona, " " ............................................. 10.00
" Kawaihae, " " .............................................. 10.00
" Kailua, " " ................................................... 10.00
" Kaawaloa, " " ............................................. 10.00
" Hilo, " " ...................................................... 12.50
" Kau, " " ...................................................... 13.50
Uku kaapuni ia Hawaii, .................................. 22.00
A hiki i na awa o Kauai .................................... 8.00
Uku kaapuni ia Kauai ..................................... 12.00
Uku ohua Hawaii oneki .................................... 2.00
Aole aie no na uku ohua.
Ma ka Hale Oihana e loaa'i na palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no ka paiki, ukana a puolo paha, ke ole e kakauia ka loaa ana mai.
E hookaaia ka uku ukana i ka wa e noiia aku ai.
E hoaoia ana ka Mokuahi e hiki i Honolulu, ma ke ahiahi no o ka la e haalele ai ia Maui.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui
Papu a me Moiwahine. 606 3m
OLELO HOOLAHA.
HALE * KUAI
WAIHUIHUI
MA WAIALUA. AIA MALALO IHO O NA EHEU oluolu o ka HALE KUAI WAIHUIHUI, o ke keiki puuwai wai-pahe, Mr. Ahuna, o ka Aina PUA, na wehi a pau a ka manao e moeuhane mau ai, oia hoi Na Kalakoa nani, Na Ulalii. Na Alapia, Na Keokeo, Na Iliwai Na Paina, Na Bolu, Na Makue, Na Ahinahina Pelekane, Na Ahinahina-hapa, Na lepo-nalo, NA Lainakini anee hale a hele kahakai. Na lole kane paa o kela a me keia ano, Na Papale kane a me na Papale wahine, Na Wai Lukini o kela a me keia ano, Na Kamaa kane, Kamaa wahine, Na Ipukukui mahu, NA Ipukukui hele po, Na Ipukukui Piula, Na Ipuhao nui, Ipuhao liilii, Na Bora a me na Pa, Na Pahi me na O. Na Hainaka Silika, Na Hainaka Kalakoa, Na Hainaka Keokeo, Na Hainaka Ulaula, Na Hainaka Lenalena, Na Kihei Huluhulu, Na Kihei moe, Na malo lawaia, Na Aniani, Na Kahi Lauoho. NA Kaula Lio, Na Lipine o kela a me keia ano, Na mea ai haole, Na i-a Makale Eia iho ka Ono, O ke Kamano io ula o Keomolewa, aohe poo, aohe hiu, o waena konu kuhinia wale no e ko'u ai ka puu.
Me ka Mahalo.
AHUNA.
Ehukai Maikai. Mar 1, 1876. 746 3m 756
ANOAI I KA LEHULEHU,
E kipa mai a e nana i kumaka ka ike i na waiwai nani i loaa mai nei iloko o na La Kulaia iho nei.
Penei ke ano o ua mau waiwai la : Na wati & na kaula gula, a na Ledee a me na Keonimana. NA KAULA OPELE A NA LEDE NA KOMO GULA NANI O KELA A ME KEIA ano o na Lede a me na Keonimana. NA KUPEE GULA, NA LIPINE GULA, Na gula pepeiao o na wahine, e oaka ai i na pepeiao, a e hulali ai hoi na manamana lima, a e kilipohe ai hoi na ai. Na komo humuhumu gula a me ke dala Na pihi pulima gula wahine a kane, Na laketa gula lei wahine nani, Na komo daimana o na Lede, Na kaula laketa, Na pine omau kihei, Na laketa aniani, Na huka gula wahine. NA LAKO HALE, NA PUNA, NA PAHI, NA KIAHA KALA, NA APO KALA, NA KAWELE holoi lima, NA O KALA o kela a me keia ano. a me na mea nani e ae no he nui wale. E KUAI IA AKU ANA NO MA KE kumukuai haahaa loa i ko na wahi e ae o ke taona nei. Ua makaukau no hoi na mea nani no kanaka makua a me na kamalii. Na Kamaa Paa Loa. e loaa no maanei e like me ka makemake ; a ina e loaa koke ka ino, he hiki no ke hoihoi mai. M. McINERNY.
Kihi o na Alanui Papu a me Kalepa. 737 3m