Ka Nupepa Kuokoa, Volume XV, Number 17, 22 April 1876 — Page 3
KA NUPEPA KUOKOA, ME .KE AU OKOA I HUIIA.
da a me Mekiko.
Ua hookuuia ae ke Kuhina Kaua Amerika Huipuia mai ka hoopaaia ana ma ka Hale Paahao no ke Kali o kona hookolokoloia ma ka bila he $50,000.
Ua manaoia, e hookolokoloia aku ana e ka Ahaolelo, ka Loio Kuhina nui o Amerika Huipuia. Ma ka manao o kahi poe no kona hemahema ma kana oihana ke kumu ia i pakele ai o Generala Babcock mai kona hoopaaia, mai ke komo ana iloko o ka Poai o ka Poe Waikeke Aihue.
Ua nalowale o Lutanela Ford, o ka Puali Kilo Hoku, i holo mai ai i Honolulu nei i ke kilo hoku, ma Valaparaiso, mai ka moku kaua " Scout" aku. Ua holo malu paha, a ua poholo paha iloko o ke kai Mailoko ae o ka Ahaolelo Lunamakaainana o Farani, he umikumamaiwa o lakou he mau hoolepope.
Ua hoolahaia ae na inoa o na hoahanau Katolika Roma o Montreal i huli mai ai ma ka aoao hoolepope.
Mailoko ae o na Ekalesia hoolepope o ka mokuaina o Konetikuta, Amerika Hui he 232 ka nui, he 127 o lakou i ae i ko na wahine mana koho ma na hooponopono hana ekalesia ana a pau, a o ke koena he 105, he kue loa.
Ua make mai nei o Generala Von Penckor, ka Perusia nana i hookomo mai i ka pu kuikele iloko o na mana kaua o Perusia.
Ua kuai aku ke aupuni o Kina i kekahi mekini hoohohonu awa mai Amerika mai no ka hoohohonu ana i ke kowa o Paido ma Tientsin. I ka hoaoia ana mai nei, ua holopono ka hana a ua mekini la.
Ua hooleleia aku i ka la 7 o Maraki ma Sanahai, Kina, he ehiku mau pu kuniahi a Krupp no ke aupuni ; a ma ka la 9 ae, ua ku aku ka mokuahi Nevada me 343 ope lako kaua, no ke aupuni no.
Ua paiia ma na paia pa o Yen-ping, Kina, na olelo hoolaha hua nunui e inaina loa ana i na haole. Eia na hua nunui moakaka e kakau pu ana : " E kipaku a e luku i na haole pegana." Ke manaoia aku nei, malia o hiki io mai ka haunaele.
Ma ka helu aupuni ia ana o ka Emepera o Berazila, ua ikeia he 1,409,448 na kauwa kuapaa e noho la moloko o ia aupuni.
Ua hooholo na hale ahaololo elua o ka mokuaina o Nu Ioka he olelo hooholo e kue ana i ka haawi dala ana i na alanui kaa ahi.
O ka bila haawina e hoemi ana i na uku makahiki o na Kanikela a me na luna aupuni kiekie o Amerika Huipuia e hoonohoia nei i na aupuni e, ua hooholo loa ia maloko o ka Hale o lalo o ke aupuni ma Wasinetona. He 192 ma ka ae, a he 2 ma ke kue.
Ua hoemiia ka nui o na koa ku mau o ke aupuni o Amerika Huipuia a hiki i ka 25,000. O ka nui hoi o na moku kaua o ke aupuni he 147, he 20 o lakou he mau moku hao, he 95 he mau mokuahi a he 26 he mau moku pea.
Ua waiho mai o Senatoa Keremana iloko o ka Ahaolelo Senate o Amerika Huipuia, he olelo hooholo nui, e hapaiia ona aha olelo mawaena o Beritania a me Amerika Huipuia no ka hoohalike ana i ka waiwai io o na dala gula a me na dala maoli o ia mau aupuni. E hoolilo i ka hapaha dala gula o Beritania i elima dala ka waiwai io, a o ke Silina i 25 keneta, a o ka peni, i 12 1/2 keneta.
O ka la 10 o Mei e hiki mai ana, oia ka la e weheia ai ka hoikeike nui o Piladelapia.
Iloko o ka Hale Ahaolelo o lalo o Ame. rika Huipuia, ua waiho ae o Faulkner he olelo hooholo e ae aku ana i ke Komite o ko na aina e, e ninau aku heaha la ka mana i haawiia ia Col. Steinberger ma ke ano Komisina i ka Pae Aina o Samoa.
NU HOU HOPE LOA !
Ma ke ku ana mai o ke kiapa Coloma iloko o na la holo he 11 mai Kapalakiko mai, i ke ahiahi Poakahi iho nei, ua loaa mai ia makou kekahi mau wahi hunahuna mea hou ahiki i ka la 6 o Aperila.
Aole mea hou e pili ana i ke Kuikahi Panailike, aka eia kahi mea a ka nupepa puka la Chronicle o ka la 5 i pane ae ai : " E laweia mai ana iloko o ka Hale Ahaolelo nui o lalo (ma Wasinetona) ka noonoo ana i ke kuikahi me Hawaii i keia hebedoma. Na na lono leta hope mai nei, ke manaolanaia aku nei e holo pono ana.
Ke hele la e pii ka ula o ko Kapalakiko i na pake. Ua malamaia na halawai makaainana nui a ua haiia na haiolelo e na kanaka koikoi o ka aina. O ka manao nui, o ke noi aku i ke aupuni e hooponopono hou i ke kuikahi mawaena o Kina a me Amerika a Burlingame i hana ai.
E waiho aku ana ka lunamakaainana Page o Kaleponi imua o ka Ahaolelo nui i olelo hooholo e noi ana i ka Peresidena e hooponopono hou i ke kuikahi me Kina.
Ua puiwa loa o Kina i ka ike ana ua hui pu o Amerika, Rusia a me Enelani me Geremania no ke koi ana i ke poho o ka moku kuna Anna i powaia ai ma ke Kai o Kina, oiai ua ike no na aupuni a pau o ka Kina hana mau no ia o ka imi i na keehina e loaa ai a hoopau loaia ai keia poe powa ma ke kai.
Ua hoole ka Ahaolelo Senate o Amerika Huipuia i ka hookohu ana aku ia Richard H. Dana i Kuhina noho no Amerika Huipuia no Enelani.
Na Moku Okohola i Hoopoinoia e
KE SANADOA A ME NA LUINA
Hawaii i kepaia maluna o lakou.
No ko makou ake e hoonuu mau ko makou poe heluhelu i na pomaikai a me na nu hou a ko makou ahonui, ke hoolaha aku nei makou malalo iho i ka nui o na moku okohola a ke Sanadoa i powa ai a me ka nui o na luina i kepaia maluna o lakou ma Honolulu. O keia poe, ina e hooiaio pono ia mai, e loaa no ko lakou mau koina iloko o ka puu dala nui a Beritania i uku mai ai ia Amerika Huipuia.
Na Luina oiaio o ka moku okohola John H. Howland (Keoni Haulana) i kepaia ma ka la 23 Aper. M. H. 1865.
Inoa Wahi noho
Hoopii Pa o Pika Kaeo
Napua Manamana
Maele Makiki
Hopu Kikihale
Paahao Kapalama
Hanaike Auwaiolimu
Kauai Kikihale
Huina 7
Na Luina oiaio o ka moku okohola Covington (Kovikona) i kepaia ma ka la 15 o Nov. M. H. 1864 ma Honolulu.
Inoa Wahi noho
Leimakani Kaopuaua
Kalua Moanalua
Puhau (die) Halealii
Kekahea "
Keoni Ohaio Haliimaile
Kalohai Kepohoni
Na Luina oiaio o ka moku okohola Euphrates (Iupetesi) i kepaia ma ka la 23 o Nov. M. H. 1864.
Inoa Wahi noho
Mahiai Kaumakapili
Kauhikoa Makiki
Mana Pelekane
Mahoe Kikihale
Waihalulu Aole maopopo
Apr. 12 1865.
Kahanu Kapuukolo
Kaoni Kaopuaua
Kamai Waikiki
Kamoanahulu Waikahalulu
Holo 17 o Aperila.
Na Luina oiaio o ka moku okohola Nassau i kepaia ma ka la 11 o Nov M H 1864
Inoa Wahi noho
Opunui Kaopuaua
Kaiawe Auwaiolimu
Kanikaulu Konekaupu
Kanoho Niolopa
Huina kanaka 4
Na Luina oiaio o ka moku Mailo (Milo) i kepaia ma ka la 16 o Nov M H 1864.
Inoa Wahi noho
Keaupuni Moanalua
Namauu Haimoeipo
Apr 17 1865
Kamaole Pukalale
Luhilea Kapamoo
Kimo Kaiwi Kapalama
Huina kanaka 5
Aole i pau
NA PALAPALA I KE KUOKOA.
Na Kumu hana o ka apana o Honolulu nei.
Ke waiho aku nei au i keia mau kumu hana imua o kuu mau haku makaainana, ka poe nana i haawi mai i ka hanohano piha ia'u o keia ao. A i koho mai hoi i waha olelo no lakou imua o ka Hale Ahaolelo o ko Hawaii Pae aina nei.
1 Hoololi Kumukanawai. E hoololi ia ka Pauku 45 o ke Kumukanawai. E maheleia i elua hale ahaolelo, i hale okoa ko na'lii i hale okoa ko ka poe i kohoia.
2 E hoololiia ka Pauku 38 o ke Kumukanawai e pili ana i ka Hae Hawaii o ke aupuni nei.
3 E hoopauia ka Pauku 56 o ke Kumukanawai, e pili ana i ka uku o na Luna makaainana $250 dala, aole e ukuia lakou ke noho i ka Ahaolelo.
4 E hoohuihuiia na oihana aupuni i ka mea hookahi, i hoemiia na lilo.
5 E hoopauia ke Kanawai aie miliona a ka Ahaolelo o ka 1874 iho nei.
6 E hoomauia ka auhau waiwai kuke o na aina e mai i mea e loaa ai ke dala o ka waihona dala o ke aupuni.
7 E hoopau loa ia ke Kanawai o ka Papa Ola maluna o na kahuna Hawaii nei.
8 E hoemiia ka uku o ka Moi a me na Luna aupuni.
9 E hoomahuahuaia ka uku o na makai ku mau o ke kulanakauhale o Honolulu nei $35 dala o ka mahina hookahi.
10 E hookapu loaia na paahao aole e hele i na hana hoolimalima dala ma na uapo o Honolulu nei a me na wahi e ae o keia mokupuni.
11 E hoomahuahuaia ka uku o na kumu kula o ke aupuni $1.00 o ka la.
12 Aole e aeia ke dala pepa e lilo ia i dala iloko o keia aupuni.
13 E hoopau loa ia ka mokuna 57 o ke Kanawai Hoopai Karaima e pili ana i ka hookamakama.
14 E maheleia na aina lei alii ma Hawaii a Kauai no ka Moiwahine Emma Kaleleonalani.
15 E hoopauia na oihana e ae e kukulu ia nei iloko o keia kulanakauhale i ike ole ia ko lakou waiwai, he mea hoonui lilo ia o ke aupuni.
16 E hana kokeia i Kanawai e pili ana i ka Papa Hoonaauao no ka haawi ana i ke dala mamuli o ko lakou manao, e like me ke kahukula nui i hele aku nei i ka hoikeike nui i Amerika ma kona dala ponoi no e ukuia ai kona mau lilo aole mai ka waihona dala ae o ke aupuni ia mau lilo.
O keia na kumu hana i loaa ia'u ma ka'u noonoo ana, nolaila, ke kau leo aku nei au i kuu mau haku makaainana, no na kumu hana i koe, malia aia no ia oukou kekahi mau kumu, e hoomanao i keia. Owau no o ka oukou kauwa haahaa.
A P KALAUKOA.
OLELO HOOLAHA.
KE KAUOHAIA AKU NEI NA KANAKA a pau loa he mea Bipi a mau Lio paha ko lakou e holo nei maluna o na aina i kapuia o Honouliuli. Waianae-uka. Pouhala-uka. e lawe koke aku iloko o na la he UMI mai keia la aku. O na holoholona a pau e loaa aku ana mahope o ia wa, e manaoia he komohewa. Ke hookapu loa ia aku nei na kanaka a pau aole e hele wale maluna o ia mau aina mahope iho O ka la 30 o Aperila 1876, aia wale no a loaa ka palapala ae mai a'u aku. JAS. DOWSETT, (Kimo Pelekane), Nona iho , a ma ke ano he Kahu Malama Waiwai no Thomas Richard, Eliza Meek a me Mr. a me Mrs. H. G. Crabbe.
Honolulu, Aper. 12, 1876. 731 3ts 733
HOOLAHA.
LEGATION OF THE UNITED STATES }
Honolulu, Hawaiian Islands, }
April 12, 1876. }
KE Kauohaia aku nei na kanaka a pau e noho ana ma keia Aupuni, ina he mau koina ko lakou i ke Aupuni o Amerika Huipuia, malalo o ka hihia nona ka inoa " Alabama a Senadoa," paha e hoike koke ae me ka hooiaio kupono, imua o ke Komisina o ka Alabama, e noho nei ma Wasinetona, D. C. Ma ka ninau ana ia A. S. Hartwell, Esq., he Loio, Honolulu, e noho ana he Loio no ia mau koina, e loaa ai na lono no na ike oiaio e hoike ai ma ke kokua ana i ka lakou mau koina.
HENRY A. PEIRCE,
751 1ts Loio no Amerika Huipuia, ko Hawaii Pae Aina..
Kuai a ka Ilamuku.
MAMULI O KA MANA O KA OLELO Hooholo i hoopukaia e ka Aha Hookolokolo Kiekie, i ka pono no F. Preston, mea hoopii no $415.25. kue ia EDWARD EVERETT, mea hoopiliia, ua lawe mai au i kela la, a e kuai aku ana ma ke akea, maluna iho o ka aina, i ka hora 12 o ke awakea o ka Poaono, la 20 o Mei, i na pono a pau, ke kuleana a me na pomaikai a me ka pa o Edward Everett, e nohoia nei e Edward Everett, e waiho ia ma Alanui Papu, mauka aku o ke kihi o Alanui Kukui.
O ka nui o ka aina, he hookahi Eka, a oi aku a emi mai paha ; o ka Hale Noho a me na hale kuwaho, ua maikai wale no ; ua nui na kumu laau i kanuia e hoomalumalu mai ana ; a he aina maikai kela.
Aia wale no ke koe a hoakaka e ia mai ka olelo hooholo, ka uku kuala a me na koina, a me ko'u uku a me ke Komisina mamua ae.
He kuike ke dala, a o na lilo no na palapala, na ka mea e lilo ai.
Aia he $300 ka moraki maluna o ka aina, e ai ia no e waiho kekahi hapa. W. C. PARKE, Ilamuku.
Honolulu, Aper. 18, 1876. 751 4ts 754
Kuai a ka Luna Hooponopono Waiwai.
MAMULI O ka mana o ka olelo kauoha a ka Aha, e kuai aku no au ma ka Poaono, - - Mei 23, 1876, Hora 12 awakea, maluna o ka Pa Aina. I ka pa e waiho la ma ke kihi o na Alanui Uniona a me Hotele. A o ua aina nei, he 55 kapuai ma Alanui Hotele, a he 98 9/12 kapuai ma Alanui Uniona, a ua hoolimalimaia a hiki i Ianuari 1, 1881, ma ka Hookahi Haneri Dala o ka makahiki, me ka uku mua ia, ke nohoia mai e kekahi kamaaina maikai. Ma ka wa e pau ai ka hoolimalima, e hoihoiia ka hale, hale lio, na hale kuwaho a pela aku, i ka ona nona ka aina.
He kuleana keia e kanalua ole ia ai, a o ka poe me dala hoopukapuka, eia ka wa pono.
O na lilo no ke kuai ana, aia na ka mea e lilo ai. Kuleana Helu 1967 W. L. WILCOX.
751 3ts 853 Lunahooponopono Waiwai.
E Holo ana ke " Keiki o ka Uaukiukiu," (J. Porter Green) Loio, e hana iloko o ke Kau Jure o Mei, ma Kauakanilehua o Hilo, Hawaii, nolaila, ina he pilikia hookolokolo kekahi o na makamaka, e palapala mai ia'u, a i ole, e kamailio me E G Hitchcock, (Edewe) ma Hilo, i makaukau au e kokua ia lakou.
J. PORTER GREEN, Loio. Honolulu. Aper 21, 1876. 751 2ts 752
NO ka mea, ua ikeia ka olelo hoolaha a Kukahiko k Kahalepaakai w. a me Maila w., maloko o ke Kuokoa, ua komo pu ke ano o ka lakou mau papa ana maluna o ko'u aina kuai, ma Amakeahi, Hoaeae, i Ewa, Oahu, a nolaila ma keia, e ike auanei na kanaka a pau, aole o lakou kuleana maluna o ko'u aina kuai ma Amakeahi, nona ka palapala Kuleana Helu 899, a Palapala Sila Nui Helu 783 ; a ke papa aku nei au ia lakou, mai aehewa kekahi o lakou, a o ko lakou Luna, a o kekahi kanaka e ae paha maluna o kuu aina, a hana i kekahi mea hookapu, a papa, a hooulu hoi i na mea kanu, me he ona la nona ka aina, o ku lakou ma ke kanawai komohewa i ko hai wahi. Ua kapu loa ke kukulu ana o na holoholona malaila a me na holoholona e ae o kela a me keia ano e komohewa ana.
W G KAHUAKAI. Kamanuwai, Honolulu, Aper 19, 1876. 731 4t* 754
LIO UA AUWANA !
UA AUWANA he Lio kane ulaula uuku i kuniia i ka hao JR He elua ona mau kapuai keokeo, a he hulu a-i manoanoa kona. E hoihoi mai ka mea e loaa ai i ka Halekuai o Dilinahama ma, a i ole ia i ke Keena Kuokoa. 751 1ts
EIA iloko o ka Pa Aupuni o Koholaloa, Apana o Honolulu, he 1 lio e kuai kudala ia ana, ke hiki aku i ka Poakahi, la 24 o Aperila, hora 12 awakea Eia ke ano : Lio k eleele kiko uuku keokeo, ma ka lae uha mua ak FB hem N uha mua hem N N A B KAAUKUU Luna Pa Aupuni. Koholaloa, Aperila 21, 1876. 751 1t*
E IKE AUANEI NA MEA a pau ma kela, owau o ka mea nona ka inoa malalo iho, ke hookohu aku nei au ia NAEA a me KAPI, mai keia la 17 aku o Aperila M H 1876, ma kahi o He'u a me Nika. I mau Luna a Lawaia ma AHUA, Moanalua O ka poe helehewa e loaa ana i kuu mau Luna hou maluna ae a me Kahawaii kuu Luna mua o Keehi, e hooukuia no e like me kuu hoolaha mua, he $5.00. O ka poe e kue ana i keia, e hoopiiia no e like me ke Kanawai.
No na mea e pili ana ia Kanewahine, ma kuu hoolaha mua, ma o ke Kuokoa la o ka la 15 o Aperila 1876, ua hewa ia. No Kuawai, ma kuu mau loko, ua hoopauia kona mau kuleana a pau malalo o'u. DAVID MANAKU.
Moanalua, Aper 17, 1876. 750 2ts 751
$5.00 MAKANA !
I KA MEA NANA e hoihoi mai i kuu Lio kane hulupala, i hemo mai Waipio, Ewa aku. I ka pule i hala aku. Hao kuni ma ka uha hope hema YR he wahi kiko keokeo iki ma ka lae. E hoihoi ae ia'u ma Waipio, Ewa. JOHN T. BROWN. Waipio, Ewa, Aper 10, 1876. 750 2t° 751
Papa ! Papa !
— NO —
ALLEN A ME ROBINSON.
Ua wehe ae nei maua i PA KUAI PAPA ! MA KA UWAPO O PAKAKA. Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale. Na Pepa Molina. Na Pena a me na Aila Pena ! NA KUI O NA ANO A PAU ! Na Pani Puka a me Na Pani Puka Aniani. Na Pani Puka a me Na Olepelepe. Na lako kukulu Hale. O NA ANO A PAU E kuaiia ma ke Kumukuai Haahaa Loa ! o keia Makeke. ALLEN & ROBINSON. Honolulu, Aper 13, 1876. 750 ly
HOOLAHA HOOKOLOKOLO.
AHA Kiekie o ko Hawaii Pai Aina, Oahu SS Kau o Aperila M H 1876. KAHALEPAAKAI VS. L. C. YOUNG, Hoopii Oki Mare. Ma ka hihia maluna ae, ua kauohaia, e hookomo ia ka olelo hooholo no ke oki mare ma ka aoao o Kahalepaakai, no ke kumu, ua hookaawale kumu ole mai o L. C. Young hale, a e lilo keia i mea poa mahope iho o ka pau ana o na malama eono, mai ka la aku o keia hoolaha ana ma o ua kumu la i waihoia mai, ke ole he kumu kumu kupono e ae kekahi e hoohele ai.
Ua kauohaia, o ka mea nana ka hoopii, e hoolaha aku oia i kekahi kope i hooia ia o kela olelo kauoha, maloko o na nupepa aupuni, Gazette a me Kuokoa, no na hebedoma eono, maloko o ka malama hookahi, mai ka la aku o keia olelo kauoha ; a o na mea a pau ke pili ; maloko o na malama eono, e hoike mai lakou i kekahi kumu e lilo ole ai keia olelo hooholo i mea paa. Na ka Aha.
Walter R. Seal, Kakauolelo o ka Aha Kiekie.
Ma keia, ke hooia nei au, o keia ae la ke kope pololei a me ka oiaio, o ka olelo kauoha, no ka hihia maluna ae, i waihoia mai i ke Keena Kakauolelo o ka Aha Kiekie o ko Hawaii Pae Aina.
I hoike no keia, ke kau nei au i ko'u lima a me ka Sila o ka Aha Kiekie, i keia la 19 o Aperila M H 1876, ma Honolulu, mokupuni o Oahu, H. I.
(L. S.) WALTER R. SEAL,
751 6ts 716 Kakauolelo o ka Aha Kiekie.
MA KA AHA Kiekie o ko Hawaii Pae Aina, Oahu SS, Kau o Aperila 1876, he hoopii oki mare, KALEO w kue ia KAAIHAPU k, Poakolu, Aperila 12, 1876
Ma ka hoopii Oki Mare maluna ae, ke kauohaia nei, e hookomoia ka huaolelo oki mare ma ka aoao o Kaleo w, no ke kumu, ua moekolohe o Kaaihapu (k) i oleloia, a e lilo keia i mea poa, mahope iho o ka pau ana o na malama eono, mai ka la aku o keia kauoha ana, ma na kumu maopopo i waihoia mai, ke ole he kumu e ae kekahi e hooleia ai ua mau mea la.
A ua kauohaia ka mea nana ka hoopii, e hoolaha ae i kekahi kope e hoolahaia e keia olelo kauoha ma na nupepa Hawaiian Gazette a me ke Kuokoa, no na hebedoma eono, a o ka hoolaha mua ana, maloko o ka malama hookahi, mai ka la aku o keia kauoha ana, a o na mea a pau ke pili, maloko o na malama eono e hoike mai ai lakou i kekahi kumu e lilo ole ai kela olelo hooholo i mea paa.
NA KA AHA.
(L. S.) Walter R. Seal,
Kakauolelo o ka Aha Kiekie.
Ma keia, ke hooia aku nei au, o keia ae la ke kope pololei a me ka oiaio o ka olelo kauoha no ka hihia maluna ae, i waihoia mai i ke Keena o ke Kakauolelo o ka Aha Kiekie o ko Hawaii Pae Aina, I hoike no keia, ke kau nei au i ko'u inoa i keia la 17 o Aperila, M. H. 1876, ma Honolulu, Oahu, H. I.
WALTER R. SEAL,
751 3ts 756 Kakauolelo o ka Aha Kiekie,
AHA Kaapuni o Ko Hawaii Pae Aina, ma ka hooponopono waiwai, ma ka hana o ka waiwai o FRANZ BERTLEMANN o Koloa i make. Ma ke Keena imua o ka Lunakanawai Duncan McBryde. Kauoha e hoolaha i ke noi, a e apono i na palapala hoike, hookuu, a e mahele i ka waiwai.
Ma ka heluhelu a me ka waiho ana mai o ka palapala noi a Christian Bertlemann, Lunahooponopono o ka waiwai o Franz Bertlemann, no Koloa i make, a e noi ana, e nana a apono a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauohaia, o ka Poalima, la 12 o Mei M H 1876, ma ka hora 10 o kakahiaka, imua o ua Lunakanawai la ma ke Keena, ma ka Hale Hookolokolo ma Wahiawa, oia kahi a me ka manawa i kohoia no ka hoolohe ana i ua nonoi la a me na papa hoike i oleloia, a o ka poe a pau i pili malaila, e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e paiia ma ka.nupepa Kuokoa, he nupepa i paiia a he lahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Wahiawa ko Hawaii P Aina Apr 12, 1876.
DUNCAN McBRYDE.
751 3ts 753 Lunakanawai Kaapuni Aupuni Eha.
AHA Hookolokolo Kaapuni o ko Hawaii Pae Aina. Ma ka hooponopono Waiwai. Ma ka waiwai o HAAKULOU (w), o Honolulu i make kauoha ole. Imua o ka Lunakanawai Kaapuni Apana Eha. Olelo kauoha, e hoolaha aku no ke noi ana mai e koho i Lunaahooponopono Waiwai.
Ma ka heluhelu a me ka waiho ana mai o ka palapala nei a H Kuau, o Wailua, e hoike mai ana, o Haakulou, no Olohena, ua make kauoha ole ma Olohena, ma ka la 14 o Sepatemaba M H 1869 a e noi ana, e haawiia ka palapala Hookohu Lunahooponopono Waiwai ia H Kuau, o Wailua, Mokupuni o Kauai.
Ua kauohaia, o ka Poalima, ka la 12 o Mei M H 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Wahiawa, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa, nupepa ma Honolulu.
Kakauia ma Wahiawa, ko Hawaii P A Aper 12, 1876. DUNCAN McBRYDE,
751 3ts 753 Lunakanawai Kaapuni Apana Eha,
AHA Hookolokolo Kaapuni o ko Hawaii Pae Aina. Ma ka Hooponopono Waiwai. Ma ka waiwai o PUNUI, o Kamooloa, i make kauoha ole. Imua o ka Lunakanawai Duncan McBryde. Olelo kauoha, e hoolaha aku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapala noi a Emily Kaio, o Koloa, e hoike mai ana, o Punui, no Kamooloa, Kauai, ua make kauoha ole ma Kamooloa, ma ka la 17 u Maraki M H 1876, a e noi ana, e haawiia ka palapala Lunahooponopono Waiwai ia A Ku, o Koloa, Kauai.
Ua kauoha ia, o ka Poaono, ka la 13 o Mei M. H. 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Wahiawa, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa nupepa ma Honolulu.
Kakauia ma Honolulu ko Hawaii. P A. Aper 12, 1876. DUNCAN McBRYDE.
751 3ts 753 Lunakanawai Kaapuni Apana Eha.
AHA Hookolokolo Kaapuni o ko Hawaii Pae Aina. Ma ka hooponopono Waiwai, ma ka waiwai o AUWANA (k), o Kamooloa i make kauoha ole, imua o ka Lunakanawai Kaapuni Apana Eha. Olelo kauoha e hoolaha aku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapala noi a Manu w, o Kamooloa, e hoike mai ana, o Auwana k, no Kamooloa, ua make kauoha ole ma Kamooloa, ma ka la 15 o Okatoba M H 1875, a e hoopuka ia na palapala hookohu Lunaponopono Waiwai ia S. Kamahalo, o Lihue, mokupuni o Kauai.
Ua kauohaia, o ka Ponono, ka la 13 o Mei M H 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena, ma ka Hale Hookolokolo o keia Aha, ma Wahiawa, u ma ia wahi no, e hele mai ai na mea a pau i pili, e hoike mai i ke kumu, ina he kumu oiaio ko lakou e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa, nupepa ma Honolulu.
Kakauia ma Wahiawa ko Hawaii P A Aper 12, M H 1876. DUNCAN McBRYDE.
751 3ts 753 Lunakknawai Kaapuni Apana Eha.
AHA Kiekie o ko Hawaii Pae Aina. Ma ka hooponopono waiwai. Mokupuni o Oahu, ko Hawaii Pae Aina, SS. Ma ka waiwai o KENAO (k), o Honolulu i make. Olelo kauoha, e koho ana i la e hooiaio ai ka palapala kauoha, a no ka hoolaha ana.
No ka mea, ma ka la 7 o Aperila, M H 1876, ua waihoia mai imua o ka Aha, kekahi palapala i oleloia, oia no ke kauoha hope loa a Kenao, o Honolulu i make aku la, a me ka palapala hoopii e noi ana, e hooiaioia kela palapaala kauoha, a e hoopuka hoi ka palapala Luna Hooko no Paahana, ua waihoia mai e Paahana.
Nolalia, ua kauohaia, o ka Poalua, oia ka la 2 o Mei, M. H. 1876, ma ka hora 10, ma ka rumi Hookolokolo oia Aha, ma Aliiolani Hale, ma Honolulu, oia ka la me ka hora e hooiaioia'i ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala luna hooko. A ua kauoha hou ia, e hoolaha no ia mea no na pule ekolu iloko o ke Kuokoa, he nupepa i paiia a i hoolahaia ma Honolulu. A ua kauoha hou ia, e hoopuka ia na palapala kena i na hoike no ia palapala kauoha.
Kakauia ma Honolulu, ko Hawaii P A Aper 7, M H 1876. A. FRANCIS JUDD.
Ikea ; Lunakanawai o ka Aha Kiekie. Jno E Barnhard, Hope Kakauolelo. 750 3t 752
MA KE KEENA o ka Lunakanawai Kaapuni Apana Elua ko Hawaii Pae Aina. Ma ka waiwai o KAUHI (w,) no Lahaina, Maui i make.
Ua heluheluia a ua waihoia ka palapala noi a Kalua w, e noi ana, e hooiaioia ka palapala kauoha hope loa a Kauhi (w), no Lahaina, Maui, HPA i make aku nei. Nolaila ke kauohaia aku nei na kanaka a pau ke pili, o ka Poakolu, oia ka la 10 o Mei 1876, ma ka hora 10 o kakahiaka, ma ka Hale Hookolokolo ma Lahaina, oia ka la a me ka hora i kohoia no ka hoolohe ana mai i ua nonoi la a me na mea kue ke hoikeia. ABR. FORNANDER,
Lunakanawai Kaapuni Apana Elua. H P A Lahaina, Aper 10, 1876. 730 3ts 752
E IKE auanei na kanaka a pau o kela a me keia ano, a me ka poe mea waiwai a poe mea dala hoaie, a palapala moraki. Owau o ka mea nona ka inoa i kakauia malalo, ke hoike nei ou ma ke akea, mai hoaie mai oukou i kuu kane mare ia Kaiakoili, me ko'u ae ole, a me ko'u kakau inoa ole ma ia mau palapala, a me ko'u hooiaio ole. O ka mea a mau mea hoi e kue ana i keia olelo, aohe ia e lilo ana he mana mai a'u aku, nolalia, e makaala, a e nana, o paho auanei oukou.
MARY KEAKA. Kepohoni, Honolulu, Aper 10, 1876. 750 4t° 753
No ka hihia o ka moku Alabama !
KE HOIKEIA aku nei ka lohe i na kanaka a pau, ina he mau koina ka lakou i ke Aupuni o Amerika Huipuia, no ka hihia a ka " Alabama" e laweia no na olelo ike no ia mea imua o ke Komisina ma Honolulu, ma na la e kohoia ai, a e ikeia no ma ka ninau ana i ke keena o ALFRED S. HARTWELL. Loio a he Kokua. Hale Oihana, maluna ae o ka Hale Kauka o Hapemana. Alanui Kalepa, Honolulu. 750 4ts 753
E IKE auanei na kanaka a pau o kela a me keia ano, o maua o na mea nona na inoa malalo iho nei, ke hookapu aku nei maua i na holoholona helehewa a pau loa, e hele ana maluna o ko maua aina kuai ma ALIKA, Kona Hema, Hawaii, oia hoi na Lio, Bipi, Hoki, Kekake, Hipa, Kao a pela aku. Nolaila, o ka poe kue a hookuli i keia olelo papa, e hookuu wale ana i ko lakou mau holoholona ma ko maua aina kuai i oleloia maluna, e uku ia no Hookahi Dala ($1.00) no ke poo hookahi, ke loaa i ko maua Luna oia o KAUWAHI ; a e lilo keia Hoolaha i Kanawai paa, mai ka la e puka aku ai ma ka Nupepa Kuokoa ; a ina o ka mea a mau mea paha e kue i kela Olelo Hoolaha, e hoopii no maua e like me ke Kanawai. MAKIA OLULO, S. KEAWEIKALIKO, Alika. S. Kona, Hawaii. Aper 10, 1876 750 4ts 753
OLELO HOOLAHA.
UA HOONOHOIA mai ka mea nona ka inoa malalo iho nei, e ka Mea Hanohano F S Lyman, Lunakanawai Kaapuni Apana Ekolu ma Hilo H P A., i Lunahooponopono Waiwai o JOHN M POHANO (k), o Piihonua, Hilo i make aku nei. Nolaila, o ka poe a pau i aie mai i ka mea i make, e hookaa koke mai ia'u, a o ka poe a pau a ka mea make i aie aku ai, e hoike koke mai ia'u me na Bila kupono, maloko o na mahina eono mai kela la aku e hoolahaia aku nei, a i ole, e hoole loa ia aku no. A ina he mau waiwai ko ka mea i make e paa ia ana e kekahi mea, e pono e hoihoi koke ia mai ia'u.
G. W. AKAO HAPAI,
Lunahooponopono Waiwai o John M Pohano,
Hilo. Mar 22, 1876. 748 4ts 751
OIAI, ua hookohuia mai ka mea nona ka inoa malalo, i Lunahooponopono Waiwai me ka Palapala Hooilina e pili ana no ka waiwai o MATHILDA ECKART, i make mai nei ma Kapalakiko, Kaliponia, Amerika Huipuia, a he kamaaina hoi no Honolulu, ko Hawaii Pae Aina mamua, a i kohoia hoi i Lunahooponopono Waiwai no CHRISTIAN ECKART i make mua, ma ke koho ana o ka Aha Kiekie ma ke Keena : nolaila, ke kauoha aku nei au i ka poe a pau a Mathilda Eckart aie aku ai, e hoike mai i ka lakou mau koina, me na hooiaio kupono ina he aie kekahi, a e hui pu hoi i na koina, ina paha ua hoopaaia he mau aina ma na moraki ia'u ma ke Keena hana ma ka Hale o C BREWER ma, i Honolulu, iloko o eono malama.
P. C. JONES, Jr
Lunahooponopono Waiwai.
Honolulu, Mar 28, 1876. 748 4ts 751
MA KA WAIWAI o G S KAPUA i make, ke hoolahaia aku nei, o na poe a pau he mau koina ko lakou i ka waiwai o G S Kapua, ke kauohaia nei, e hoike mai i ko lakou mau bila aie kupono, maloko o na malama ekolu, mai ka la aku e puka ai kela olelo hoolaha, o hoonele loa Ia lakou, o na poe a pau i aie mai i ka mea i make e hookaa koke mai i na mea nona na inoa malalo iho.
J B PILIWALE k, ame KAILIANU w.
NA Lunahooko Kauoha o ka palapala hooilina o Kapua.
Kawainui, Hilo, Mar 13, 1876. 748 4ts 751
MA KA WAIWAI O KEEKAPU (w), o Honolulu i make, ke hoikeia aku nei ka lohe i na kanaka a pau loa, ina paha ua hoopaaia ma ka moraki a ano e ae paha, he mau koina ka lakou i ka waiwai o Kaekapu, a i ole ina he noi mai paha i kekahi waiwai o Keekapu, e hoike mai lakou me na hooiaio kupono, i ka mea nona ka inoa malalo iho, Helu 8, Alanui Kaahumanu, Honolulu, iloko o na malama eono mai keia la aku o ka puka ana o keia hoolaha, a i ole ia, e hoole loa ia ; a o ka poe i aie mai iaia, ke kauohaia aku nei e hookaa koke mal i ka mea nona ka inoa malalo iho. D W PAUAHI, Lunahooko Kauoha a me ka hooilina o Keekapu i make.
Honolulu. Mar 28, 1876. 748 4ts 751
E KIPA MAI E KE ALOHA.
I NA MAKAMAKA A PAU O KA UA Kukalahale, ke waiho aku nei au iluna o oukou, he olelo poloai, e pili ana i na Lole Nu Hou e waiho nei ma ko'u Hale KUAI, ma ka aoao ma Ewa o ka Hale Borabora, ma ke Alanui Nuuanu. A penei na ano : Na Kalakoa hou loa o kela a me keia ano. Alapia o kela a me keia ano. Kihei huluhulu papamu alokahi o na wai hooluu like ole he lehulehu. Kihei huluhulu pukapuka, me ka huhui mahope o na ano he nui wale. Kihei huluhulu nanahe a me na kihei huluhulu he huihui ke kae a puni, e hoohiolo na wainaoa i ke kehau. Papale wahine pinana o ka aoao, a luhe hoi kekahi ilalo o kela a me keia ano. Na hulu a me na pae papale he nui wale. Leta 4 Silika loloa o na Lede o na ano like ole. Mamalu Silika liilii a me ke nui. Kamaa wahine nihoniho o ka aoao. Iliwai huluhulu manoanoa o na ano he nui wale. Holoku Lilina keokeo, kakau a papamu he nui wale. Na Lole Kane. Kuka Kainahai manoanoa a lahilahi. Na Koheo huluhulu paina manoanoa a lahilahi, a me na koheo Lilina. Lole wawae huluhulu paikini hou a me na ano e ae he lehulehu. Na apa huluhulu paina a kakimea hoi. Na palule o kela a me keia ano. Na Papale o na ano a pau. Na Kamaa buki a me haahaa o na ano he nui wale. Na Pahulole koa a ili hoi. NA paiki ili. Na mea kamano, e lawa ai ka makemake o na kamana. Aole o keia mau mea wale no na mea hou, aka, e hiki hou mai ana no. A o ke kumukuai o keia mau mea i haiia ae la maluna, he haahaa loa no. A i mea e ike io ai, e hele mai no. Me ka mahalo. GOO KIMA.
Honolulu, Mar 13, 1876 746 6m 799
O KA AINA O POUHALA, ke Kula a me ke Kuauna o ka loko o POUHALA, ua kapu loa i na holoholona o na ano a pau, aole e hele maluna o na wahi a pau i hoikeia maluna. O ka mea kue i keia, na ko'u Hope no e hoopii ma ke Kanawai. Owau o WILLIAM HUNT a me Honuakaha ko'u Hope.
Aperila 4, 1876. 749 4t° 752
Hoolaha a ka Luna Hooponopono
Waiwai.
UA HOONOHOIA ma ka mea nona ka inoa malalo iho nei, e ka Mea Hanohano Abr. Fornander Lunakanawai Kaapuni Apana Elua H P A., i Lunahooponopono Waiwai no P. T AKAWA Pake (Amara) o Lahaina i make. Nolaila, o ka poe a pau i aie mai i ka mea i make, e hookaa koke mai ia'u, a me ka poe ana i aie aku ai, e hoike koke mai ia'u me na Bila kupono, iloko o na malama eono mai keia la aku, o hoole loa ia.
THOS. W EVERETT.
Lunahooponopono Waiwai o P T Akawa.
Lahaina. Mar 21, 1876. 748 4ts 751
E IKE no na kanaka a pau ma ka maua i loaa ia'u ma kekahi palapala moraki, i haawi ia e J KAUHI no Honolulu Oahu ia Henry Damon, a lilo ia S. Allen ma ka la l o Novemaba, M. H. 1875, no na dala he haneri a oi, a me ka uku hoopanee. E kuai kudala ia ana ua aina la ke pau na pule ekolu o keia hoolaha ana e like me ke kanawai o ka makahiki 1874. J. PORTER GREEN.
Loio no S. Allen.
Honolulu, Maraki 30, 1876. 3ts
E IKE auanei na kanaka o kela a me keia ano, haole, pake, pukiki, kanaka maoli, o ka Apana Aina kula o Kamaka k, e waiho nei ma Moanalua, ua lilo ia'u ma ka hoolimalima ana, mai ka la 1 o Aperila nei ka hoomaka ana. Nolaila, ke papa ia aku nei na holoholona a pau loa, aole e komo maluna o ua apana aina la, lio, bipi, hoki, puaa me na ano like, kapu loa, ina komo hewa. Hookahi Dala no ke poo, ina pau ka mea kanu, elima dala, nolaila, e malama pono oukou i ko oukou mau holoholona a pau, oiai owau wale no ka mea mana a me ko'u hope, nolaila e hoolohe oukou, o ka olelo hoolaha mua a Kamaka, ua pau kona mana, nolaila, e lilo keia i kanawai paa loa mai keia la aku. APO (Pake).
Honolulu, Aper 1, 1876. 749 4t° 752
Eia ka inoa o na Buke Himeni Hou ma ka
Hale kuai Buke o Wini.
Songs of Salvation
The River of Life
Sun Shine
Cheerful Voices
Pure Gold
Sparkling Rubies
Golden Robin
Nine O'clock in the Morning
Bright Jewels
New Golden Center
The Morning Star
Sabbath Carols
The Bank of the Rhine
Royal Diadem
Hallowed Songs
Song Monarch
Gospel Song.
Golden Wreath.
Happy Voices.
New Songs.
Tempel Choir.
Fresh Laurels.
Charm,
Merry Voices.
Song of Life.
H. M. WINI.
HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MARCHANT !
Poakahi Aper 24..............................................Kaapuni ia Hawaii
Poakahi, Mei 1...............................................................No Hilo
Poakahi Mei 8..................................................Kaapuni ia Hawaii
Poaha, Mei 18..................................................Kaapuni ia Kauai
Poakahi, Mei 22...............................................Kaapuni ia Hawaii
Poakahi, Mei 29...............................................................No Hilo
Poakahi, Iune 5.................................................Kaapuni ia Hawaii
Poakahi, Iune 12...............................................................No Hilo
Poakahi, Iune 19...............................................Kaapuni ia Hawaii
Poakolu, Iune 28...............................................Kaapuni ia Kauai
I ka huakai hoolele pipi ole a Kilauea i ka Maalaea, alaila, e hoaoia ana e hiki i Honolulu i ke ahiahi Poaono.
Ma na huakai a pau a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a.m., a mahope iho paha ; Makena a hiki i ka hora 6 a. m. a mahope iho paha ; aole hoi ia Maalaea a hiki i ka hora 6 a.m., a mahope iho paha.
Uku Eemoku mai Honolulu aku,
A hiki i Kaunakakai, a pela maluna mai...........$ 5.00
" Lahaina, " " ................................................... 6.00
" Maalaea, " " .................................................. 7.00
" Makena, " " .................................................. 8.00
" Mahukona, " " ............................................. 10.00
" Kawaihae, " " .............................................. 10.00
" Kailua, " " .................................................... 10.00
" Kaawaloa, " " .............................................. 10.00
" Hilo, " " ....................................................... 12.50
" Kau, " " ....................................................... 13.50
Uku kaapuni ia Hawaii, ................................... 22.00
A hiki i na awa o Kauai ..................................... 8.00
Uku kaapuni ia Kauai ...................................... 12.00
Uku ohua Hawaii oneki ..................................... 2.00
Aole aie no na uku ohua.
Ma ka Hale Oihana e loaa'i na palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no ka paiki, ukana a puolo paha, ke ole e kakauia ka loaa ana mai.
E hookaaia ka uku ukana i ka wa e noiia aku ai.
E hoaoia ana ka Mokuahi e hiki i Honolulu, ma ke ahiahi no o ka la e haalele ai ia Maui.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui
Papu a me Moiwahine. 693 3m
OLELO HOOLAHA.
HALE * KUAI
WAIHUIHUI
— MA —
WAIALUA.
AIA MALALO IHO O NA EHEU oluolu o ka HALE KUAI WAIHUIHUI, o ke keiki puuwai wai-pahe, Mr. Ahuna, o ka Aina PUA, na wehi a pau a ka manao e moeuhane mau ai, oia hoi Na Kalakoa nani, Na Ulalii. Na Alapia, Na Keokeo, Na Iliwai Na Paina, Na Bolu, Na Makue, Na Ahinahina Pelekane, Na Ahinahina-hapa, Na lepo-nalo, NA Lainakini anee hale a hele kahakai. Na lole kane paa o kela a me keia ano, Na Papale kane a me na Papale wahine, Na Wai Lukini o kela a me keia ano, Na Kamaa kane, Kamaa wahine, Na Ipukukui mahu, NA Ipukukui hele po, Na Ipukukui Piula, Na Ipuhao nui, Ipuhao liilii, Na Bora a me na Pa, Na Pahi me na O. Na Hainaka Silika, Na Hainaka Kalakoa, Na Hainaka Keokeo, Na Hainaka Ulaula, Na Hainaka Lenalena, Na Kihei Huluhulu, Na Kihei moe, Na malo lawaia, Na Aniani, Na Kahi Lauoho. NA Kaula Lio, Na Lipine o kela a me keia ano, Na mea ai haole, Na i-a Makale Eia iho ka Ono, O ke Kamano io ula o Keomolewa, aohe poo, aohe hiu, o waena konu kuhinia wale no e ko'u ai ka puu.
Me ka Mahalo.
AHUNA.
Ehukai Maikai. Mar 1, 1876. 745 3m 756
Lole Makepono ke Kuike !
E LOAA NO IA MA KAHI O KAKELA ME KUKE, E LAA NA AHINAHINA, KALAKOA, KEOKEO, LEPONALO, Pena, Aila, Aniani, Na Mea Piula, Kopa, Aila Honua. Aila Hoomaloo, Kui Kakia, Pakeke, Tabu, Kaula, Noho lio, Hulu-palaki, na Pulumi. A he Agena no hoi no na Mokupuni o Hawaii nei no na LAINAKINI-NAO, LAINAKINI-MAOLI, PALULE KALAKOA, ALAPIA, KELEPA, KILISA, Na Lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana Lipine, lihilihi, a me ia mea'ku A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c A HE LAAU LAPAAU KAULANA LOA A Dr. JAYNES. Laau Kunu, Laau Hoomaemae Koko, Laau hoopau naio, Penikila, Huaale, A me na Laau Hamo, a pela'ku.
707 ly 759