Ka Nupepa Kuokoa, Volume XV, Number 20, 13 May 1876 — Page 4
KA NUPEPA KUOKOA ME KE AU OKOA I HUIIA.
JOY BELLS.
Brightest and Best p 59.
O na bele, ku a mele,
Mele oli kamalii. Pee a hea, I milea,
Mele, mele, Do re mi, Cho.— Kani, kani, kani olo a nonolo ; Mele, mele, Mele oli a o o lo,
Hamau, ke o ae na bele, bele : 2
O na bele, ku a mele, Pii na leo i ke ao ; Leo lani, kani nani,
Kupinai la ma na puu. Cho— Kani, kani, kani olo a nonolo &c
3 Lai na pua, Lau na hua,
Ohi lea na pokii ; Ku e lele, A memele,
Mele, mele, Pa ko li. Cho— Kani, kani kani olo a nonolo &c
4 Kani hone, Oni oni,
Lea no na pepeiao, Huli, huli, Mai hookuli,
Imi i ka naauao. Cho— Kani kani, kani olo a nonolo &c.
5 Holo, holo, Pau ke kolo,
Wiki i ke kula e ; Kula, kula, Paa na rula,
Hana me ka pololei. Cho— Kani, kani kani olo a nonolo &c. Hawaii.
HAAWINA KULA SABATI.
HULU 9. SABATI, MEI, 28.
KUMUHANA — Ka wahahee ana i ke Akua.
PAUKU BAIBALA — Oihana 5 : 1 — 11
O kekahi kanaka, o Anania ka inoa, me Sapeiro kana wahine, kuai lilo aku la i ka aina.
2 A hoana e iho la ia i kau wahi o ka uku, ua ike no hoi kana wahine, a lawe mai la i kekahi, a waiho iho la ma na wawae o ka poe lunaolelo.
3 I aku la o Petero, E Anania, no ke aha la i hoopiha mai ai o Satana i kou naau o wahahee aku i ka Uhane Hemolele, a e hoana e i kekahi mea i loaa mai ai no ka aina ?
4 I ka wa e waiho wale ana, aole anei nou ponoi ia ? a pau i ke kuaiia, aole anei ia oe ka malama ? No ke aha la i komo ai keia mea maloko o kou naau ? Aole oe i wahahee aku i kanaka, i ke Akua no.
5 A lohe iho la o Anania i keia olelo, hina iho la ia ilalo, a lele ae la ke aho. Kau iho la ka makau nui maluna iho o ka poe a pau i lohe i keia mau mea.
6 Ku ae la na kanaka ui, wahi iho la ia ia, lawe aku la iwaho, a kanu iho la.
7 A mahope iho ekolu paha hora, komo mai la kana wahine, me ka ike ole i ka mea i hanaia'i.
8 I aku la o Petero ia ia, E hai mai oe ia'u, ua kuai anei olua i ka aina pela ? I mai la kela, Ae, pela no.
9 Alaila, i aku la o Petero ia ia, Pehea la i hui pu ai ko olua manao, e hoao aku i ka Uhane o ka Haku ? aia hoi ma ka ipuka na wawae o ka poe nana i kanu kau kane ; e lawe aku no hoi lakou ia oe iho.
10 Alaila, hana iho la ia ma kona mau wawae, a lele aku la ke aho ; a komo mai la ua poe ui la, a loaa iho la ia ua make, a lawe aku la lakou ia ia, a kanu aku la ma kahi o kana kane.
11 A kau mai ka makau nui maluna o ka ekalesia a pau, a me ka poe a pau i lohe i keia mau mea. Pauku hoopaa p. 4.
Mele — Him. 16 8 — 6. Leo.
l Ke Akua nui ! he maka kou
E nana mau nei ia'u ; E kulou au imua o'u,
Hoomana a makau. 2
He Akua hemolele nei, He Akua pono mau ; He mana kou e make ai,
Nou hoi ke ole o'u.
Pule i makau i ko ke Akua maka ike, a Imi i ka oiaio, a pela i ka wahahee. NA NINAU A NA KUMU. P 1. He kane, a he wahine, owai na inoa ? He mau Anania e ae. Owai ? Oih. 9 : 12. 3.2. Anania hea keia ? He hoahanau no. He kanaka mea aina. Ua'na oia i kona aina ? No ke aha ke kuai ana ? Mok. 4 : 34, 35. Ua kena ia anei oia e kuai i kona aina ? Aole, no kona makemake no i mea hoike i kona aloha i ka poe hemahema, i hoohalike hoi oia me hai, i mahaloia oia no kona hoonele ana ia ia iho i pau ka hemahema o hai.
P 2. Hoaha ka Anania hana a piki i ka uku i loaa mai no ka aina ? Ua ike a ua a pono anei ka wahine i keia hana a piki ? No ke aha ka huna ana i kekahi hapa o ka uku ? A ua aha oia i kekahi hapa ? He mei aha ia hipa ?
P 3, 4. I ka waiho ana o Anania i ke dala alua imua o Petero ma, ua ninau paha oia, ka uku a pau anei keia no kou aina ? Aole anei he hapa i koe ma ka hale ? A pane aku oia, ae, ka uku a pau keia, aohe mea i koe ma ka hale. Alaila, pehea Petero i ninau aku ai ia ia ! Nohea ka waha-
a Owai ka makua o ka wahahee ? Mahea ko Satana wahahee mua ana ? Mahea ko ke kanaka wahahee mua ana ? Heaha kekahi mau ninau a Petero ia Anania. ? Nowai ka aina mamua ? nowai ka uku mahope ? Ina ua kuai ole aku oia, hewa anei ? I na ua kuai aku a lawe i kekahi hapa o ka uku a haawi ia Petero ma, a koe kekahi hipa nana ponoi me ka hai ana nae pela, hewa anei ia ? Aole, Heaha ia kona hewa ? I kona wahahee ana, ua wahahee aku oia ia wai ? Ka Uhane Hemolele, ke Akua, na like pu anei laua ? Nawai i hai ia Petero, ua huna Anania i kekahi hapa o ka uku ? Ua wahahee aku oe i ke Akua, heaha ke ano ? 1 Ua papa ke kanawai o ke Akua mai wahahee oe. 2 He kokua hoahanau keia no ke aupuni o ke Akua. Ma ka olelo, ua haawi i ka uku a pau i ke Akua. Aole ka ua wahahee, ua auiia kekahi hapa. Aole anei i hanaia na hewa a pau i ke Akua ? Pehea Davida ma Halelu 51 : 4 Ua hana hewa aku oia ia Auria, aka. ma kona manao mihi, ua hana hewa aku oia i ke Akua. Pehea hoi ka mihi ana o ke Keiki uhauha ma Luka 15 : 18 ?
P 5, 6. A i ko Anania lohe ana i keia mau hua olelo o Petero, pehea iho la ia ? A heaha ka i kau maluna o ka poe i lohe a ike ? No keaha ka makau ? Ina make koke kekahi keiki la ia e wahahee ana, makau anei na keiki e ae ? He kauwa ka i wahahee i kekahi luna koa, a hoopai koke ia i ka mai lebera, owai kona inoa ? Pehea ka poe olelo ino aku i ka Uhane Hemolele ? Mat 12 : 32. Nawai i kanu ia Anania ?
P 7 — 11. A hala na hora ekolu paha owai ka i komo ? Ua ike anei oia i ka make a me ka nalo ana o kana kane ? No keaha kona komo ana ? E hooiaio paha i ka olelo a kana kane no ka uku o ka aina. Pehea hoi Petero i ninau aku ai ia ia ? A pehea ka wahine i pane mai ai ? Makau ole ka oia i ka wahahee e like pu me kana kane. A ninau hou Petero ia ia pehea ? Ua hai pu ka laua ma keia hewa ? Ua hele o ke kane mamua, a hai i ka uku i loaa mai, a i ole e kanalua, hele ka wahine i hoike no ka oiaio o ka ke kane olelo. Nani io ka hewa ? ka hoole i ko ke Akua ike ? A heaha ka hope o ka wahine ? A nawai hoi oia i kanu ? Akahi no a nalo ke kupapau o ke kane, a hoi mai la ka poo kanu a ku ma ka puka, kena iho la Petero. Eia hoi ka wahine, kona kupapau, lawe aku a kanu pu nae ke kano. Pehea ka ekalesia a pau, a me ka poe i lohe ? Makau loa paha, maopopo, he hewa nui loa ka wahahee i ke Akua, ka hookamani, ka hoohiki, a mahope, aua, huna i kekahi hapa.
Mele.— Him. 210. 8 — Leo. I
Ua hewa au, a hewa mau, A me ia ano ino o'u,
E hele au, e Iesu e, Imua ou e kulou ai. 3
Iloko o kuu hewa no E hele au imua ou,
Mai noho a kipaku mai, E Iesu kuu alai maikai.
NA NINAU A KE KANU
Na makua. Heaha ka mea weliweli ma keia haawina? Ka hope o ka hookamani a me ka wahahee. Mahea keia hookamani a me ka wahahee ? Maloko no o ka ekalesia Karistiano mua. Akahi no a kukulu ia ka Ekalesia Karistiano, a komo koke ka hookamani, ka wahahee. Hai maopopo mai i ke ano o keia hewa mua o ka ekalesia mua. Pane. He hana maikai, aloha, manawalea i hanaia e na haipule oiaio, oia hoi ke kuai aku i na aina i na hale, a haawi i ka uku i loaa mai i na Lunaolelo i mea kokua i ka poe hemahema. A he kane me kana wahine, oia hoi owai ? He mau hoahana no, manao laua e hoohalike me na haipule oiaio, e kuai i ko laua aina, a haawi i ka uku i na lunaolelo, i mea kokua i ka poe ilihune. He hana hookamani nae, aole he aloha io, he aloha hoopili wale i mea e mahalo ia'i. Ma hea ka wahahee ana ? ka haawi ana i kekahi hapa, a aua i kekahi hapa me ka olelo nae, ua pau loa i ka haawiia'ku. Wahahee io ? A wahahee aku ia wai ? ia Petero ma wale no anei ? Heaha ko laua hope ? He hope weliweli loa, ea. Na keiki. Hewa loa ka wahahee, ea. Pili anei ia hewa ia oukou ? Ae, wahahee pinepine makou i na makua, i na kumu, i na hoa, i ke Akua. Heaha kekahi mau hua wahahee ? Ao makau e haalele i ka baka, i ka rama, i ka hula i ka pepa lealea, hoomau no nae. Ao makou e pule, e noho pono, e hele mau i ke kula, e kokua i ke aupuni o ke Akua, aole nae i hana. Nui loa ko makou hoopunipuni. Heaha ka hope ? Hoikeana 21 : 8. Heaha ka pono ?
Ke kula a pau. Nui anei ka hookamani a me ka wahahee iloko o ka ekalesia ? wehewehe mai i ke ano ? Nui anei ka huna, ka aua ana i ko ke Akua hapa o ka waiwai ? Nui anei ka haawi pi ana i ke Akua ? No keaha ka make koke ole ana o ka poe wahahee i keia wa, e like me Anania ma ? Pakele anei ma kela ao ?
Mele. Robina Gula 59.
l Kuu Kalahala Iesu,
E pau kuu hewa nei, Kuu maamaama Iesu,
E hee kou pouli e, Kuu punawai no Iesu,
Ilaila e auau ai Kuu uhane paumaele
I pau ae a maemae.
Pule i hana na kumu ; me na haumana e like me ka hoohiki ana, &c.
HAAWINA KULA SABATI NO IUNE 4 Oihana 5 : 12 — 26. HAWAII.
NO GILIBETA KA IKAIKA !
KA LUA OLE O KE KOA,
A ME KA PUUWAI KINA OLE.
HE MOOLELO KAHIKO NO ALABIONA !
MOKUNA XI
KE KA-KA LAAU ANA — KA PANA PUA AKAMAI
LOA — KA PEPEHIIA ANA O TETA. KA PAKELE ANA O KA MEA
NANA I PEPEHI.
AKA, ia manawa no, ua kailiia aku la ka pua mai kona lima aku, a he iwakalua poe kanaka i keakea mai la mamua o Gilibeta ma a me na poe koa o ka Naita Sir Keoni, oiai lakou e hahai ana mahope o Wili : aka, ia manawa, aia o Wili e holo ana me ka mama loa i ke kula, ua kawa loa mai ke kahua lealea mai.
He wa pokole ko Gilibeta ma i keakea ia mai ai pela, no ka mea, ua piha koke oia i ka inaina no ko lakou keakea ia mai e keia poo ano kolohe, nolaia, ua kahea ae la ia, " Ilalo e keia poo ilio ! E Walata a me na koa maikai, e uhau me ka oukou pahi i ka mea e keakea mai ana no ka pono."
Ua hoala ae la o Gilibeta i kana pahi a uhau aku la i ke kanaka mua i keakea mai ia ia, a pela oia i waele aku ai i ke alanui no lakou e puka ai iwaho o ka ahakanaka. I ka ulu ana mai o keia haunaele, ua pipika wale ae la no ka poe nana i keakea mai, a naholo ae la kekahi o lakou iloko o na kanaka e pee ai. He mea minamina ka eha ana o kekahi poe i komo pu ole me lakou, no ka mea, iloko o ka wa i hele ino aku ai na koa, ua nui ka lehulehu i eha makehewa i ka hooke ia no ka hana kolohe a kekahi poe kakaikahi ma ke kokua ana ia Wili. A iloko no hoi o keia wa e haunaele nei, ua nalowale aku la o Wili.
Nolaila he mea makehewa ka hahai ana aku mahope ona ; ua huli hou ae la ko lakou nanaina i ka luahi a ka mea i ai lolo i keia hana he pepehi kanaka.
E waiho ana ke poo o ka mea make iluna o ka uha o Belaneke, oiai oia e uwe ana me ka ehaeha, no ka mea, ua haalele ia mai oia e auwana hookahi iloko o keia ao akea, me ka makua ole nana e malama.
MOKUNA XII.
KE KEIKI HANA HOOPUNIPUNI.— KA HUNA IA ANA O WILI.
ILOKO o ko Wili Ahiu mama nui, ua hala hope ae la ke kula ia ia, a e holo ana kela ma ke ala e hiki aku ai i Gerinavika.
Aole i emo ua haule hope aku la na poe a pau i hahai mai mahope ona, a hoi hou aku la i kahi i hana ia ai ka pepehikanaka. A oiai kela e ahai ana ka pupuhi ua like oia me he alopeke la e lehai ana maluna o ke opu manu, a i kona wa i kokoke aku ai e hiki i ke kauhale, aia hoi, hookahi wale no mea i ike ia aku e ukali aku ana mahope ona.
I ko Wili alawa iki ana ae mahope ona, ike aku la ia hookahi wale no mea e ukali mai ana mahope ona, ku koke iho la ia me ka makaukau e halawai pu me kona ukali e hahai aku nei ia ia ; uluulu mai la i ka lima, oiai ka pahi e hulali ana i ka la, iloko o na puili ana a kona mau manamana ikaika. Ua makaukau kana maka kila e inu i ke koko o ka puuwai o kona mea alualu, a e hoala ana i kona lima e pahu no kekahi minute i koe. Aka pae e mai la ka leo o ke keiki, a na ia leo i hai e mai he mea i launa mua ia ia, mamua o kona ike paka ana aku i kona mau helehelena. O ua keiki nei, o ka mea ao hana no ia malalo o Teta, ka mea hoi i olelo aku ai, e huli ae ia a loaa ma Heti, ke pau na lealea o ka la.
" E ka hupo ! aole keia o kou wa e imi mai ai ia'u. E nana oe ke hoomaka hou mai la ka hi-o ana no ke alualu mai ia'u. Ua kokua au ma ka haawi ana i ka hoopai kupono no kou enemi ; ke waiho la kou haku.he kanaka make ma ke kahua paani ;" pela o Wili i olelo aku ai.
" Ua ike au i kou pepehi ana ia ia," i pane mai ai o Koni, oiai oia e holo mai ana a pili ma kona aoao. " Ua pono kona make ana, a ua hooko ia kuu inaina nona. A ina aole e hiki ia oe ke kokua maii ia'u i keia wa, e hiki no ia'u ke kokua aku ia oe a e hoopakele mai kou poe enemi mai ; a mahope aku o ia wa, e lilo no kaua he mau makamaka maikai."
" Nau e kokua mai ia'u, pehea e hiki ai ia oe ?" i ninau aku ai o Wili.
" Ae," wahi a Koni. " E hiki no ia'u ke kokua aku ia oe. E hahai mai mahope o'u. Na'u oe e huna a pau ka poe hahai i ka hala ma kahi e." A i keia wa no hoi, ke hoomaka mai la ka nee hou ana o ka poe hahai, na kekahi koa o Sir Keoni e alakai mai ana.
I mai la o Keni : " Maloko o ka hale o ka mea au i pepehi ai."
Puiwa koke ae la o Wili a i aku ia, " Mamuli au paa koke i ka hopu ia."
" Aole oe e paa. Na'u e hoopakele ia oe e kokua mai ai ia'u no ko'u enemi i koe, oiai, aole i pau ko'u inaina no ka make ana o kuu haku."
" E hiki anei ia'u ke hilinai i kau olelo ?"
" E paulele mai i ka'u olelo. Ma kona hale e huna ai au ia oe, kahi a ka poe huli e manao ole ai aia oe ilaila kahi i pee ai. A pau ka poe huli i ka hala ma kahi e, e kii aku au e hoopakele ia oe mai ko lakou lima mai, a me ka mana o ke kanawai a e hele aku no oe me ka lanakila ma kou wahi e hele ai. " E malama i kau olelo, a mai hana hoopunipuni mai ia'u. Ina oe e hana pela, he oiaio, aole e mau ke ku ana o kou poo maluna o kou kania-i."
" E paulele mai ia'u," wahi a Koni. " No ka mea, ua makemake nui au o oe ko'u mea nana e kokua mai ;— a i keia wa, na'u no oe e kokua aku."
" Ua like ko'u hele ana aku ilaila me ke komo ana iloko o kekahi umiki iole ;" wahi a Wili i puana ae ai. " No kuu nawaliwali a me ka paupauaho, ke ae nei au mamuli o kau kono ;— a ke ike nei hoi au e hele aluka mai ana lakou maluna o'u. Aohe o'u makau i na hookahi ke hiki mai imua o'u."
Me keia mau huaolelo ana, ua huli ae la ia a hahai aku la mahope o Koni, oiai kela e holokiki ana imua o Wili me ka mama. No ka mea, ua kuka iho la laua pela e hana ai, i mea e kuhihewa ia mai ai e na poe e hahai mai ana i ke kanaka powa, e alualu ana o Wili e pepehi ia Koni.
Ke holokiki nei o Koni ma ke ala e hiki aku ai i ka hale hana o Teta, a ua kamaaina hoi ia ia kela a me keia iniha o ke alanui e hiki aku ai ilaila. Ma kona alakai ana no hoi i nalowale koke ai o Wili mai ka poe hahai mai, no ka mea ua alakai aku la oia mawaena aku o kekahi mau ahua i uhi paapu ia e na laau, a hiki wale i ka hale hana o Teta.
I ko laua hiki ana aku ua paa ka puka o ka hale, aka, ua ike o Koni i kahi e hiki ai ke komo iloko, a iloko o ka manawa pokole ua komo aku la o Wili, a i ka hoopaa ana ae o Koni i ka puka mahope ona, i aku la ia.
" Maanei mai e hele ai, ma kahi i hoahu iu ai na laau ihe, malaila wau e huna ai ia oe. Aole he mea ike ia oe malaila a hiki hou mai au e hoopakele ia oe mahope iho o ke kapoo ana o ka la."
Ia ia e olelo nei pela, ua hele mua aku la oia i ke keena maloko aku a wehe ae la i ke pani o ke kau wahi keena uuku, aia hoi ua piha oloko i na laau iho. Hue mai la hoi oia i kekahi hapa o na laau ihe iwaho, aia hoi he wahi hakahaka aku maloko olaila. I mai la oia ia Wili, " E komo aku oe ma kela wahi, alaila e hoihoi hou aku au i keia mau laau ma ko lakou wahi i ku ai, i mea e ike ole ia ai oe ke wehe lakou i keia puka e nana ia loko nei."
No kekahi manawa ua ane kuihe o Wili, nana ae la ia Koni me ke ano kanalua a i aku la ia ia, " He manao maikai anei kou no'u ?"
" Ae, e like me ka'u i hai mua aku ai ia oe. Ua makemake au e kokua mai oe i ka hoopili ana i kuu enemi,— aole maluna wale no o ka mea au i pepehi ai, aka maluna o kana kaikamahine pu kekahi, ka mea i hookae mai ia'u."
" Ua pono, na'u oe e kokua," i pane aku ai o Wili me ke kanalua ole.
Komo aku la kela iloko, awiwi iho la o Koni e hoihoi aku i na laau ihe ma ko lakou wahi mau i ku ai, a oiai e pani ana o Koni i ka puka, olelo aku la ia. E haalele ana au ia oe i keia wa, mamuli hiki mai lakou me ke kino make, a aole hoi he mea maikai ke loaa mai au ia lakou iloko nei."
" Ae," i pane mai ai o Wili ; " Aka e kii hou mai oe ia'u."
" Pela no. Mahope iho o ko lakou hoi ana, e komo mai no au, me ke ano minamina, a me ka hoouweuwe no ka make ana o Teta, a me he la he aloha ko'u no ka hoonele ia ana o Belaneke i ka makua ole. Aka, ke kauoha aku nei au ia oe, mai noho oe a oni, aole hoi e haalele i keia wahi, a hiki hou mai au, no ka mea, ina oe e haalele i keia wahi, mahope koke iho o ka napoo ana o ka la, he oiaio e paa ana oe i ka hopu ia."
Me keia mau huaolelo, hoopaa loa ae la oia i ke pani o ua wahi keena uuku nei ; a aole i liuliu, ua nalowale koke aku la ia mai ka hale aku o Teta me ka ike ole ia mai e kekahi.
(Aole i pau.)
I ke ku ana mai ai o ka mokuahi Kikane a holo loa aku nei i Kaleponi, ua lehulehu na hapaha kini i hoolilo ia iho ma ko kakou nei makeke. No ka pii ana ae hoi paha kekahi i ka elima dala.
KA HUNT'S LAAU OLA
(HUNT'S REMEDY)
HE LAAU LAPAAU HOU, MAI AMERIKA MAI !
He Laau Maikai keia no
Na mai pehu o ka opu,
Na mai o ka puupaa a me ka opu mimi,
Mimi-paa, Mimi-eha, Mimi-helelei,
Ka lepo gravel iloko o ka opu-mimi,
Ka mana ole, kapalili, hui ono ole ka ai.
Na Mai Wahine,
NAWALIWALI O KE KINO,
LEPO ULA ILOKO O KA WAI MIMI,
MANOANOA PAHA KA WAI E like me keokeo o ka huamoa,
Like paha me na kaula silika keokeo, eleele, lenalena paha ; a i ole ua like paha me
ka lepo i anaiia i na iwi keokeo, a i ka mimi ana, ua wela oioi ka
mai, me ka eha nui o ke kikala a me ka puhaka.
HE NUI NA HOIKE e ola nei, ka poe i loohia i keia mau mai i haiia maluna ae,
ua pau lakou i ke ola maikai, no ka inu ana i ka
HUNT LAAU OLA. ("HUNT REMEDY)!"
UA HAAWI mua ia keia laau, e kekahi kahuna lapaau naauao, i ke kanaka mai
pehu o ka opu, e noho ana me ka ohana a Mr. Hunt ; John Hunt kona inoa, he 45 kona
mau makahiki, he kanaka nui poepoe, ua loohia i ka mai pehu. Ua haawiia kela me
keia laau no keia mai, aole nae oluolu ; ua mahuahua mau kona pilikia, ua pau loa ke
kino a me na wawae i ka pehu ; ua kokoke paa loa ka mimi ; kokoke pau loa ka hanu
ana ; a ua mahuahua loa ka wai iloko o ke kino. Aole hiki iaia ke moe ilalo ma ka
moe, nolaila, ua noho wale no iluna i ka po a me ke ao. Pela mau kona popilikia a hi-
ki i kona hoao ana i keia laau, a ke kahuna i kuhikuhi mai ai. A i kona inu ana i ke-
ia laau, ua hoomaka koke ka oluolu. Ua paipai koke ia ka puupaa i ka laua oihana ;
ua puka hou ka wai mimi a nui wale ; ua emi koke mai la ka pehu o na waewae ; a ua
oluolu hou ke ake-mama i ka hanu ana ; ua oluolu a maikai ka io o na lala, a e hoi nui
mai ana ke ola maikai, alaila, me ke kuhihewa, ua waiho oia i ka laau i kekahi mau
la. Ua pono ole nae ka waiho ana ia manawa, no ka mea, aole i ola io maoli kona mai
pehu. Ua molowa hou na puupaa i ka laua oihana, a ua mahuahua hou ka wai iloko o
ka opu, a ua popilikia hou e like me mamua. Alaila, ua inu hou oia i ua laau la, a ma
ka hoomanawanui ana, ua lanakila hou auanei maluna o ka mai, a ua ola io maoli, a
ua hoomaka hou oia i kana oihana mawaho o ka hale.
Oia ka lapaau mua ana me keia laau ; a mai ia wa mai, (he 25 makahiki) ua ha-
hanaia keia laau e like me ka hana ana o Mr. Hunt, a ua haawi na kahuna lapaau i ke-
ia laau i ka poe mai pehu a me na mai like.
Mai ia manawa mai, ua ikeia, e mahaloia hoi keia laau, mai o a o, e na kana-
ka, a ua inu ia hoi ma ke ao ana a me ke ao ole ana mai o na kahuna lapaau ; oia ka
mea i hoola mai i na kanaka he nui, ka poe pilikia i ka mai pehu, a kokoke i ka make.
Na kuhikuhi no ka inu ana :
E INU I KE PUNA TI PIHA, a hala na hora 4, alaila, e inu hou. E mahuahua
liilii nae a hiki i elua puna ti piha — a hiki hoi auanei i puna nui piha.
NO KE KEIKI hookahi makahiki a hiki i na makahiki eono, e haawi 5 kulu, a hi-
ki i na kulu 20 ; eha hora nae mawaena o ka haawi ana.
KUMUKUAI, he - - $1.50 no ka omole.
DILLINGHAM & CO.,
735 3m 748 Na Agena no ka Pae Aina Hawaii.
OLELO HOOLAHA.
J. PORTER GREEN,
" KEIKI O KAUAUKIUKIU."
LOIO !
E HELE MAI NA MAKAMAKA A PAU IO'U
nei, a na'u no e kokua ia oukou imua o ka Aha Hoo-
malu a me ka Aha Kiekie, me ka uku haahaa makepono
loa. Aia kuu Keena ma kahi o ka Lunakanawai
Hoomalu o Honolulu nei, oia ka " Aiko," ma Alanui Kale-
pa. 741 ly 792
C. H. DICKEY (Kalekika).
LOIO !
MA HAIKU, MAUI.
UA MAKAUKAU E HANA PALAPALA
Kuai, Palapala Moraki a me na mea a pau e pili ana
ma ka Oihana Loio. 743 1y 794
WING SING & Co. Puhi Palaoa,
E waiho mau ana palaoa a me na berena palupalu. Ki-
hi o na huina alanui NUUANU A ME BERITANIA. 703 1y 755
KE HOIKEIA aku nei i na kanaka a pau, aole
lakou e komohewa ma ka Aina o ke Kula, ma Wa-
hiawa, Waialua, Oahu, ma ke kua ana i na laau, a
pepehi hoi i na Bipi hihiu, a alualu i na holoholona ma ua
aina la ; aole hoi lakou e hookuu wale i na bipi a me na
holoholona e ae maluna o ua aina la. W C JONES,
Honolulu, Novem. 29, 1875 731 tf
NO KA MEA, ua koho mai ka Aha Kiekie ia'u i
Kahu Malama Waiwai no HOOMOEAPULE w, i pu-
pule, nolaila, ke papa nei au i na mea a pau loa, aole e
hoolimalima aina me ia a me kana keiki me Hanaumai-
kai k. Aole pono e hookaa aku ia laua ka uku hoolima-
lima, aka, e lawe koke mai ia'u.
J. PORTER GREEN,
Luna Malama Waiwai no Mele Hoomoeapule.
Honolulu, Dek 22, 1875. 734 6m
NA MEA NANI E HIEHIE AI
NAUWE MAI * NAUWE MAI
MAHEA LA E LOAA AI NA PAPALE WAHINE AU-
lii kolomanu ano hou loa, a me na pua nani e kinikohu ai
e kau ai ka iwa, he la makani e hao ai na polena o Haupu,
kapakahi manuia o Keokoi ka moku, ma kahi o
L. ASEU,
Aia pu no malaila na HAINAKA SILIKA liilii LEI AI
kae weluwelu, a me na LIPINE SILIKA puapua weluwe-
lu, e kuwelu ai i ka makani.
NA KALAKOA ANO HOU LOA i like oleia mamua, Na
KAEI SILIKA Nani,
NA MAKALENA KALAKOA me ka PUAKEA, na ALA-
PIA HULUHULU o na ano a pau, na KIHEI UHI hou a
kohu ai ka lino ana, na mea ala waianuhea, e ku ai ka
hoomau, a me na aila lukini e puia ai ka lauoho i ke ala.
Na lilina ume naau o kela ano keia ano, na kamaa wahine
o na ano a pau. Na lole kane o kela a me keia ano, na
palule kalakoa a me ke keokeo, i humuia me ka mikioi
loa. He makepono loa no hoi ke kuai i na mea i hoikeia
ae nei maluna ke kuike. I mea e pau ai ke kuhihewa, e
naue mai no e na makamaka ma kuu Hale kuai HIKIKII-
KAUOENA. L. ASEU.
Kihi ma Ewa o Alanui Nuuanu mauka o Alanui Moi.
Honolulu, Aug. 27, 1875, 717 lyr 768
E. STREHZ, (AILUENE,)
HAAWI A KUAI
LAAU LAPAAU.
AIA.MA MONIKAHAAE, KIHI O NA HUINA
o na Alanui Papu a me Hotele. Aia malaila na Wa
Ala a me na Wai Rukini maikai loa e loaa ai.
E hamama mau ana i na ahiahi Poaono a pau.
741 1y 792
E naue mai ! E naue mai !!
KE POLOAI IA AKU NEI OUKOU E NA
keiki lalawai o na pali hauliuli, a me na kaikamahine
puukani nohenohea o na pali Koolau, e naue mai ma ko
makou mau Hale Kuai ma
KAALAEA a me KANEOHE,
malaila e loaa'i oukou na nuhou o na ano a pau.
Na Lole Kane, Wahine a me na kamalii,
Na Kamaa Na Hou.
Na ano Papale
a me na mea liilii o kela ano keia ano he nui wale.
E loaa no ia oukou ke kumukuai makepono loa. E naue
mai ! E naue mai !! E hoao i pau ko oukou kuhihewa.
AKANA & KONGER & Co.
Koolaupoko. Maraki 23, 1876. 747 6m* 771
ANOAI I KA LEHULEHU,
E kipa mai a e nana
i kumaka ka ike i na waiwai na-
ni i loaa mai nei iloko o na
La Kulaia iho nei.
Penei ke ano o ua mau waiwai la :
Na wati a me na kaula gula,
a na Ledee a me na Keonimana !
NA KAULA OPELE A NA LEDE
NA KOMO GULA NANI O KELA A ME KEIA
ano o na Lede a me na Keonimana !
NA KUPEE GULA,
NA LIPINE GULA,
Na gula pepeiao o na wahine !
e oaka ai i na pepeiao, a e hulali ai
hoi na manamana lima, a e
kilipohe ai hoi na ai.
Na komo humuhumu gula a me ke kala
Na pihi pulima gula wahine a kane,
Na laketa gula lei wahine nani,
Na komo daimana o na Lede.
Na kaula laketa,
Na pine omau kihei,
Na laketa aniani,
Na huka gula wahine.
NA LAKO HALE.
NA PUNA,
NA PAHI,
NA KIAHA, KALA,
NA APO KALA,
NA KAWELE holoi lima,
NA O DALA o kela a me keia ano,
a me na mea nani e ae no he nui wale.
E kuaiia aku ana no
ma ke kumukuai haahaa loa i ko
na wahi e ae o ke taona nei.
UA MAKAUKAU NO HOI NA
mea nani no kanaka makua
a me na kamalii.
Na Kamaa Paa Loa,
e loaa no maanei e like me ka
makemake ; a ina e loaa
koke ka ino, he hiki
no ke hoihoi mai.
M. McINERNY.
Kihi o Alanui Papu a me Kalepa. 737 3m 749