Ka Nupepa Kuokoa, Volume XV, Number 22, 27 May 1876 — Page 4

KA NUPEPA KUOKOA, ME KE AU OKOA I HUIIA.

Awake ! for the Trumpet is Sounding.

Royal Diadem. p. 88.

1. Ala'e i ka pu kani kaua,

Ala'e, a e hoomakaukau, Kahea ka Luna e naue, Hoolohe, a naue ano. Cho.— Hoouka a ku a hee aku, Na koa kue o ka po, Hoouka a mau, mai hoomaha A lanakila'e kakou.

2. Kaei i ka pahi uhane,

Ke kahiko kaua a pau, Ka pule, paulele, hoopili Ia Iesu e kaua a mau. Cho.— Hoouka a ku a hee aku, &c.

3. E naue na koa o Ziona,

Kupaa a koa'e no Iesu ; Kaikai kona bana iluna,

E naue a ulupa pu. Cho.— Hooku a ku a hee aku, &c.

4. Owai la na enemi kaua ?

Na hewa, na kini onou, Na kuko, na hula, na ona, Na puali pii mai i ka po. Cho.— Hoouka a ku a hee aku, &c. 5. Makena na enemi kaua,

Hookuli, palaka, lalau, Huhu, hoomaloka, kue mi, Na mea ano like a pau. Cho.— Hoouka a ku a hee aku, &c.

HAWAII.

The River of Song.

Royal Diadem. p. 34.

1 Pau ke aho, moe iki,

Emo ole ala hou, Ala a lele ae ka uhane,

I ke ao laelae ma o. Cho.— Lua ole ka hauoli !

Ku pu no me ka poe pomaikai. Hui pu na wai hauoli Me na wai aloha pu, Hui a owe oli a mau.

2 Hamau e ! ke kani mai la

Ko ka lani mele e, Me he o o na wai nui,

Mele mau ia mele nui. Cho.— Lua ole ka hauoli ! &c. 3 Nui, kini a pau ole i ka helu ia mai Na puali mele nani

Ma ko luna ao maikai. Cho.— Lua ole ka hauoli ! &c. 4 Pono mau ke keiki hipa. Ko lakou hooho mau. Nani, nani, haleluia Haleluia ia Iesu. Cho.— Lua ole ka hauoli ! &c.

HAWAII.

Beyond the River's Brink.

Royal Diadem. p. 24.

1 Aohe po ma o ma o,

Ma kela ao maikai, Ole pololei a luuluu,

Aole makewai. Cho.— Olelo Iesu i ka poe maikai,

Komo maanei, komo maanei, Maha, Maha,

Malu a mau me au.

2 Aohe u ma o ma o,

Ma kela ao maikai, He oli ke poha a mau,

A mau ke mele ae. Cho.— Olelo Iesu, &c. 3 Aohe no ke uhi mai Ma kela ao ma o, Kau mau na lama nani e

Maluna o na puu. Cho.— Olelo Iesu, &c. 4 Aohe kea e kai ai

Ma kela ao ma o, He lei, lei o ke ola nae

Ka nani o lakou. Cho.— Olelo Iesu, &c.

5 Pomaikai e ! Pomaikai mau

Ma kela ao maikai ; Pau na luuluu, a oli pu Me ona poe maemae. Cho.— Olelo Iesu, &c. HAWAII.

HAAWINA KULA SABATI.

HELU 11. SABATI, IUNE, 11.

KUMUHANA — Na Lunaolelo imua o ka Aha Hookolokolo.

PAUKU BAIBALA — Oihana 5 : 27 — 42

A laweia mai lakou, hookuuia iho la lakou imua i ka ahalunakanawai ; a ninau aku la ke kahuna nui ia lakou,

28 I aku la, Aole anei makou i papa aku ia oukou, mai ao aku ma keia inoa ? Aia hoi, ua hoopiha oukou ia Ierusalema nei i ko oukou manao, a ke makemake nei oukou e hooili mai i ke koko o keia kanaka maluna o makou.

29 Alaila, olelo mai o Petero, a me na lunaolelo, i mai la, E pono no ia makou ke malama i ka ke Akua, aole i ka ke kanaka.

30 O ke Akua o ko kakou poe kupuna, ua hoala hou mai oia ia Iesu, i ka mea a oukou i oopehi ai, a kau maluna o ka laau.

31 Oia ka ke Akua i hookiekie ae ma kona lima akau, i Alii, i Ola hoi e haawi mai ia Iseraela, i ka mihi, a me ke kala ana i ka hala.

32 O makou no kona poe hoike no keia mau mea ; a me ka Uahane Hemolele hoi, o ka mea a ke Akua i haawi mai ai i ka

poe malama iaia.

33 A lohe ae la lakou ia mea, walania lakou, kukakuka iho la e pepehi ia lakou.

34 Alaila, ku ae la kekahi iluna maloko o ka Aha Lunakanawai, he Parisaio, o Gamaliela kona inoa, he kumu ao kanawai, ua mahaloia e na kanaka a pau loa, kauoha ae la ia, e hookaawale iki aku i ka lunaolelo mawaho.

35 I aku la oia ia lakou, E na kanaka o ka Iseraela, e ao oukou ia oukou iho, i ka mea a oukou i manao ai e hana aku i keia mau kanaka.

36 No ka mea, i na la i hala aku nei, ku ae la o Teude, kaena iho la iaia iho no, a hoopii aku la kekahi poe kanaka i ona la eha paha haneri ; pepehiia iho la ia ; a o ka poe a pau i malama i kana, ua hoopuehuia lakou a lilo ae la i mea ole.

37 A mahope ona ku ae la o Iuda, no Galilaia, i ka manawa o ka helu auhau ana, a alakai aku la ia i kekahi poe nui mahope ona ; make iho la no hoi ia ; a o ka poe a pau i hoolohe aku i kana, ua hooauhee ia lakou.

38 Ano hoi, ke olelo aku nei no hoi au ia oukou, mai mea iki aku oukou i keia poe kanaka, e waiho okoa aku no ; no ka mea, ina no kanaka keia manao a me keia hana, e pau wale no ia.

39 Aka, ina na ke Akua, aole e hiki ia oukou ke hooluli, o loaa paha auanei oukou e paio ana i ke Akua.

40 Ae mai la lakou iaia ; a kii aku la lakou i na lunaolelo, hahau iho la, a papa aku la ia lakou, mai olelo aku ma ka inoa o Iesu, alaila kau aku la.

41 Hele aku la lakou, mai ke alo aku o ka Aha Lunakanawai me ka olioli, no ka mea, ua manaoia he pono ke hoinoia mai lakou no kona inoa.

42 A i kela la i keia la, aole lakou i hooki i ka lakou ao ana aku, a me ka hai aku ia Iesu Kristo, ma ka luakini, a ia hale aku.

Pauku hoopaa. p 29

Mele. " Praise ye the Lord." Robina Gula. Mele 1.

Pauku 1 me ke kolu.

Pule no na Kula Sabati.

NA NINAU A NA KUMU.

P. 27, 28 — Owai ka i laweia imua o ka Aha Hookolokolo ? Mai hea mai ? Nawai i lawe ? Nawai i ninau aku ? Heaha hoi ka ninau ? A hoao e hookaumaha i na lunaolelo ? Ko lakou manao, he manao aha ia ? Hewa anei ? Ko wai koko keia ? Aole anei he oiaio, ua hewa lakou i ka hookahe ana i ke koko o Iesu, a pono ke hoopaiia ?

P. 29 — 32. Pehea Petero ma i pane aku ai ? Heluhelu i keia mau pauku.

P. 33. Pehea lakou, a kukakuka e aho ?

P. 34 — 39. Owai ka i ku a loio no na Lunaolelo ? Pehea kona wehewehe ana, hoike ana, ao ana, papa ana, &c. Ina na ke kanaka keia hana a na Lunaolelo pehea ia ? Ina na ke Akua pehea ? Pono anei ke paio aku i ke Akua ?

P. 40 Ua ae anei ka Aha i ka manao o Gamaliela ? Aole i ae loa, hahau ka, a papa aku, mai olelo hou, &c.

P. 41, 42. Hele aku la na lunaolelo mai hea aku ? Me ke aha ? No ke aha ? Hoolohe anei lakou i ka papa ana a ka aha hookolokolo ? Ka hoolohe ole ehia keia ? Pono anei ko lakou hoolohe ole ? Ma keaha e hoaponoia'i ?

Mele Mau ke Aloha o Iesu !

Robina Gula, Mele 3. Pauku 1 me ka ha.

NA NINAU A KE KAHU.

Na makua. Nawai i hahao i na Lunaolelo iloko o ka halepaahao ? No keaha ? Nawai i hookuu ae iwaho ? Paa nae ka Aha e kii a hookolokolo ke loaa, loaa anei ? Mahea ? A laweia lakou imua o ka Aha Lunakanawai, a ninaninau weliweliia, makau anei lakou, a mihi i ko lakou hoolohe ole ?

Na keiki. Heaha ka pane wiwo ole a Petero ma ? E makau oukou ia wai ke hookolokoloia ? Ke malama nei anei oukou i ke Akua ? Makaukau anei e hahau ia, e hana ino ia, e pepehiia no ka malama i ke Akua ?

Ke Kula a pau.

Na manao pili hai mai.

1 Makau ole na Aha Lunakanawai i ka hookolokolo i ka poe hewa ole. Ka i noa no ka poe hewa ke kanawai.

2 Ke mau nei no ka poe e hoopiha ana i na aina, na kulanakauhale, na kula, na ohana i ka ke Akua olelo. Mau hoi ka hoomaauia nolaila.

3 Oiaio no e hooiliia ana ke koko o Iesu maluna o ka poe hana ino aku iaia, me ke kau hou aku iaia ma ke kea ma kahi akea. E hoopaiia ana no ke mihi ole.

4 E hoohalike me Petero ma, e malama i ke Akua, aole i ke kanaka, ke kue oia i ka ke Akua.

5 Aole e nele ana ka poe haipule io i ka poe kokua mamuli o lakou.

6 Pau wale ka ke kanaka, paa mau ka ke Akua.

7 E makaala., i ka paio aku i ke Akua.

8 E olioli ke hoomaauia no ka hana pono, a hana mau no i ka pono me ka wiwo ole.

Mele. Pass along the watch word, Robina Gula, Mele 5.

Pule i mau ka malama o ke Akua.

HAAWINA KULA SABATI O IUNE 18

Oihana 6 : 1 — 15. HAWAII.

Leo. On a Christmas Morning.

Crown of Life. p 109.

1 Girls. Heaha la ke mele e,

Mele e, mele e, Heaha la ke mele e Ma ka la Hoike ? Boys. E mele no ka hui nei,

Mele e, mele e, E mele no ka hui nei

Ma ka la hoike.

Cho.— He wa maikai, hauoli ae ! [ : Ua puka mai ka la hoike ; Ku a mele oli like ; Waiho i na luhi nei, Hui pu a maha e. : ]

G. Heaha la ka pomaikai, Pomaikai, pomaikai, Heaha la ka pomaikai

Ma ka la hoike ? B. Makena no ka pomaikai,

Pomaikai, pomaikai, Makena no ka pomaikai,

Ma ka la hoike. Cho.— He wa maikai, hauoli ae, &c.

G. E mele aha na pokii, Na pokii, na pokii, E mele aha na pokii

Ma ka la hoike. B. E mele oli na pokii Na pokii, na pokii,

E mele oli na pokii Ma ka la hoike. Cho.— He wa maikai, hauoli ae, &c.

P. loa E hui no a mele pu, Mele pu, mele pu, E hui no a mele pu

Ma ka la hoike.

E mele oli ia Iesu,

ia Iesu, ia Iesu,

E mele oli ia Iesu

Ma ka la hoike.

Cho.— He wa maikai, hauoli ae, &c.

HAWAII.

Ring out Sweet Bells.

Cheerful Voices. p. 107.

Boys. Hookani i na bele e

No keia hui ana,

Memele na leo nei,

Memele a hosana. Girls. Ke hui hou maanei,

Ke hui oli e ; Hoike pu a halelu, Ma keia la hoike. Cho.— Hookani i na bele e,

A o mai o a o, A oli pu, a halelu No keia hui hou. 2

B. Hookani, e na bele e, I ko makou aloha, Na kumu e, na keiki nei,

Aloha e na hoa. G. E komo mai maanei, E launa maikai e, Ko uka nei, a me ko kai,

E hui oli like. Cho.— Hookani i na bele e, &c.

HAWAII.

LEO. MARCHING TO ZION.

Crown of Life. p. 142.

Ala'e a nee mai i ke kula, Na kamalii kula o onei ; E kau i na hae ulaula,

E naue a mele maikai. Cho.— Naue mai — naue mai I ka hoike nei, I ka aina maikai uli e, Ma na kula o ma o, ma na kahawai lai, A maanei no e hoomaha ai. Naue pu mai — naue pu mai — Ala'e a nee mai i ke kula. Naue mai — naue mai I ka aina maikai uli e,

2 Maanei ka hoike a nani,

Hoike maikai na pokii, E ku a e mele hookani, E pane a hai pololei. Cho. — Naue mai, &c.

E piha na kula aupuni,

Lakou na hoku ula e,

Na lama no keia la hui,

Na kukuna lai na pokii. Cho.— Naue mai, &c. 4 Hawele i na kaei hana,

Na kumu e ao kula nei ; E mau no ke aho hoolana,

Kikoo la i loaa ka lei. Cho.— Naue mai, &c. HAWAII.

LEO. COME TO DINNER.

Songs of to Day. p. 37.

1 Boys. Naue mai la, naue mai la,

Na pokii a pau ; Naue wiki me ka oli,

Hui mai kakou. Girls. Mai ka hale, mai ke ala,

Lele mai oukou, Me na maka olioli,

A hoike pu.

P. loa. Naue mai la, naue mai la, Na pokii a pau ; Naue wiki me ka oli,

Hui mai kakou. 2

Naue mai ka poe nui,

Me ka oli no, Hui pu me na kamaiki,

Hui oli pu. Wehe pono i na buke,

Heluhelu no ; Ku a mele, mele like,

Pane naauao. Cho.— Naue mai la, &c.

3 Nani e na papa iki,

papa pokii nei ; Helu me ka leo nui,

I lohe a e. Pane pono, mele pono,

Hana a maikai — Oli wale na makua,

A mahalo ae. Cho.— Naue mai la, &c. HAWAII.

SONG OF THE BROOK.

Songs of to Day. p 60.

Girls. Wai hauoli, lele, kahe, Mai ke ao a ahiahi, Kahe wiki, luhi ole, Au na manu ma ko'u poli ; Oli lea, mau ka lana, Imi e i ka moana. Pau loa. [ : Kahe, owe, oli e,

Mele, mele, mele lai ; Pau ke anu, oli au, Oli i na la a pau. : ] 2

Girls. Wai hauoli, lele, kahe,

Kahe hui, kahe nahe,

Kahe no ke anuanu,

Lawe ana i na manu,

Kane mau, a mau ka lana

A hoea ka moana. Pau loa. Kahe, owe, oli e, &c.

Girls. Wai hauoli, lele, kahe,

Oli no ka poe mahi ;

Kii na pokii, kii a inu ;

Wai olino, hinuhinu ;

Wai auau, a wai holoi,

Anu nae ke koekoe. Pau loa. Kahe, owe, oli e, &c.

HAWAII.

CHICKA DEE.

Songs of to Day. p 80.

1 Girls. Umi manu makalii,

Ku palua no ; Anu nae, opili e,

Paa pu i ka hau. Boys. Ku a lele awiwi I mahana e ; Naaupo ke noho mai,

He wa ino nei. Pau l. Manu e, manu e,

Manu maikai e ; Eia kahi huna ai, Manu maikai e.

2 Manu anu makalii,

Ku a lele e ; Aia no ke ala e,

Lele pololei, Hui me na hoa e,

Naauao lakou ; Ku ano la, a hahai,

A mahana pu. Pau loa. Manu e, manu e, &c.

Monu lai, pololi nae,

Eia no ka ai, Huna kalo raiki, lai,

Ai no a ana'e. A pololi, lele mai,

Na'u no e hanai, Mai ke ao la a po ae,

Ke ku mai maanei. Cho.— Manu e, manu e, &c.

4 Manu oli makalii,

Maona maikai no. Hoomanao a hele mai

Ke pololi hou, Emo ole a pau no

Keia ino nei, A e lele ae oukou

Me ka oli e. Cho.— Manu e, manu e, &c.

HAWAII.

PERSEVERE.

Songs of to Day. p 85.

1 Kui i ka hao, boys,

Kui ma ke poo, Kui me ka ikaika,

Kui, kui mau, Ao i na haawina,

Ao ikaika no ; I ku ma ka piko,

Pii e i ka puu. 2 Ku anei ilalo,

Nana i ke ao ? Me ka hoao ole,

Loaa ole no, Hina pinepine,

Mai pauaho nae, Hoao, hoao hou la,

Pela e pono ai.

Hooikaika mau, boys,

Ina paakiki, Loaa no ka uku,

Me ka luhi nae,

Mai haalele wale,

Hana, hana mau, I loaa ka oli,

Me ka naauao. HAWAII

Upidee.

Cheerful Voices.

1 Ua uhi mai na aka po,

Upide, upide, Maluna o na mauna hau,

Upide, i da, He ui nana i kai ae

He bana malihini nae. Cho.— Upide, i de, i da, Upide, upida, Upide, i de, i da, Upide, ide,

Ro ro ro ro ro ro ro ro ro ro ro ro Da, da — da, da — Upide, i de, i da. Upide, upida, Upide, i de, i da, Upide i da.

2 Kulou ke poo, kaumaha e,

He maka imo wiki e, Haukeke no, hooho nae

Ma ia olelo ano e. Cho.— Upide, i de, i da, &c.

He leo hea olu mai, Ka malihini luhi e, Me au e noho a maha'e, Unee kela a pane ae. Cho.— Upide, i de, i da, &c.

4 He malihini hele nei,

Paa i ka hau, opili e, Paa nae ia hana ano e

Ma kona lima, a o mai, Cho.— Upide, i de, i da, &c.

Hawaii.

MARCHING SONG.

Cheerful Voices p 79.

Naue, naue, e naue ae, E kani, kani oe, Ro di do, E naue me ke mele pu, E kani, kani hou, Fo di do. Cho. [ : Ro di do di do do : ]

Ro di do la ro di do, ro di do, E naue me ka mele pu. E kani, kani hou, Ro di do. 2

Naue, naue, na koa e,

Paikau, paikau maikai, Ro di do,

E kau ka hae Hawaii e,

I welo nani mai, Ro di do.

Cho.— Ro di do, &c.

Naue, naue, a mama e ; Hookani kani, Ro di do. E paio no ka pono mau, A no ka naauao, Ro di do.

Cho. — Ro di do, &c.

HAWAII.

LEO FESTAL SONG.

Cheerful Voices p 176.

1 A pau ae ka Hoike,

E ku a hele ae Mawaena o na kula,

E ohi pua lei, Ma kahi o na manu

E mele oli nei, Ma na owawa uli,

A ma na kahawai, He wa malie nei,

Maikai na pua lei, Omao na waolaau,

A lai na mea a pau. Cho.— E hele pu kakou, A auau ma na wai, A pii ae i ka puu, A maha a maikai, E hele pu kakou, &c.

2 Kii i na pua nani,

Na rose ula e, Lelele a paani,

E kui i na lei, E pii a lewalea

Ma na lala laau, A mele no a oli, A uhi mai ka po, Pau koke nae ka wa,

Ka wa e maha nei, Nee wiki mai ka la

E kula hou ae a. Cho.— E hele pu kakou

I uka lilo e, Auwana i o, i o,

A hoi maikai mai, E hele pu kakou, &c.

HAWAII.

NO KINA.

Ke noonoo nei ke aupuni o Kina no ka pono e kukulu i Hale Hana Dala nona.

He mai ko ke Kuhina Amerika Seward e noho la ma Kina, a me e mhea la e hoi ana oia i Amerika no ka pomaikai o kona ola kino.

Ke hoike mai nei ke Kiaaina o Kanetona i kona ikaika ma ka lele ana aku maluna o ka poe hana ino. Ke hele nei oia i ka po e hakilo ai a e nana ai i na poe hoohaunaele.

Ke houpuupuia mai nei, ua loohia ka Emepera keiki i ka mai puupuu, samolapoki.

E kokoke ana ka moku kaua pake Yang Wu e holo i Nu Holani e makaikai ai.

KA HUNT'S LAAU OLA

(HUNT'S REMEDY)

HE LAAU LAPAAU HOU, MAI AMERIKA MAI !

He Laau Maikai keia no

Na mai pehu o ka opu,

Na mai o ka puupaa a me ka opu mimi,

Mimi-paa, Mimi-eha, Mimi-helelei,

Ka lepo gravel iloko o ka opu-mimi,

Ka mana ole, kapalili, hui ono ole ka ai.

Na Mai Wahine,

NAWALIWALI O KE KINO,

LEPO ULA ILOKO O KA WAI MIMI,

MANOANOA PAHA KA WAI E like me keokeo o ka huamoa,

Like paha me na kaula silika keokeo, eleele, lenalena paha ; a i ole ua like paha me

ka lepo i anaiia i na iwi keokeo, a i ka mimi ana, ua wela oioi ka

mai, me ka eha nui o ke kikala a me ka puhaka.

HE NUI NA HOIKE e ola nei, ka poe i loohia i keia mau mai i haiia maluna ae,

ua pau lakou i ke ola maikai, no ka inu ana i ka

HUNT LAAU OLA. ("HUNT REMEDY)!"

UA HAAWI mua ia keia laau, e kekahi kahuna lapaau naauao, i ke kanaka mai

pehu o ka opu, e noho ana me ka ohana a Mr. Hunt ; John Hunt kona inoa, he 45 kona

mau makahiki, he kanaka nui poepoe, ua loohia i ka mai pehu. Ua haawiia kela me

keia laau no keia mai, aole nae oluolu ; ua mahuahua mau kona pilikia, ua pau loa ke

kino a me na wawae i ka pehu ; ua kokoke paa loa ka mimi ; kokoke pau loa ka hanu

ana ; a ua mahuahua loa ka wai iloko o ke kino. Aole hiki iaia ke moe ilalo ma ka

moe, nolaila, ua noho wale no iluna i ka po a me ke ao. Pela mau kona popilikia a hi-

ki i kona hoao ana i keia laau, a ke kahuna i kuhikuhi mai ai. A i kona inu ana i ke-

ia laau, ua hoomaka koke ka oluolu. Ua paipai koke ia ka puupaa i ka laua oihana ;

ua puka hou ka wai mimi a nui wale ; ua emi koke mai la ka pehu o na waewae ; a ua

oluolu hou ke ake-mama i ka hanu ana ; ua oluolu a maikai ka io o na lala, a e hoi nui

mai ana ke ola maikai, alaila, me ke kuhihewa, ua waiho oia i ka laau i kekahi mau

la. Ua pono ole nae ka waiho ana ia manawa, no ka mea, aole i ola io maoli kona mai

pehu. Ua molowa hou na puupaa i ka laua oihana, a ua mahuahua hou ka wai iloko o

ka opu, a ua popilikia hou e like me mamua. Alaila, ua inu hou oia i ua laau la, a ma

ka hoomanawanui ana, ua lanakila hou auanei maluna o ka mai, a ua ola io maoli, a

ua hoomaka hou oia i kana oihana mawaho o ka hale.

Oia ka lapaau mua ana me keia laau ; a mai ia wa mai, (he 25 makahiki) ua ha-

hanaia keia laau e like me ka hana ana o Mr. Hunt, a ua haawi na kahuna lapaau i ke-

ia laau i ka poe mai pehu a me na mai like.

Mai ia manawa mai, ua ikeia, e mahaloia hoi keia laau, mai o a o, e na kana-

ka, a ua inu ia hoi ma ke ao ana a me ke ao ole ana mai o na kahuna lapaau ; oia ka

mea i hoola mai i na kanaka he nui, ka poe pilikia i ka mai pehu, a kokoke i ka make.

Na kuhikuhi no ka inu ana :

E INU I KE PUNA TI PIHA, a hala na hora 4, alaila, e inu hou. E mahuahua

liilii nae a hiki i elua puna ti piha — a hiki hoi auanei i puna nui piha.

NO KE KEIKI hookahi makahiki a hiki i na makahiki eono, e haawi 5 kulu, a hi-

ki i na kulu 20 ; eha hora nae mawaena o ka haawi ana.

KUMUKUAI, he - - $1.50 no ka omole.

DILLINGHAM & CO.,

735 3m 748 Na Agena no ka Pae Aina Hawaii.