Ka Nupepa Kuokoa, Volume XV, Number 24, 10 June 1876 — Page 3

KA NUPEPA KUOKOA, ME KE AU OKOA l HUIIA.

rika Huipuia iloko o ka 100 makahiki :

Mamua iho o 1840......................1,000,949

Mai 1840 a i 1850.......................1,713,851

" 1850 " " 1860...........................2,194,274

" 1860 " " 1870...........................2,491,401

" 1870 " " 1874...........................1,531,827

9,329,292

Na kanaka i kohoia 1875.............383,927

Huina pau o na kanaka komo mai..9,719,249

O kela a me keia kanaka i komo mai, no na lahui mai no ia malalo iho :

Beritania Nui...............................4,319,045

Canada..........................................204,216

Geremania..................................2,764,490

Farani............................................276,186

Norewai a me Suedana..................241,344

Na lahui e ae..............................1,340,467

9,325,602 Kohoia aku no 1875......................243,567

Huina pau...................................9,719,249

O ka mahuahua o ka hanau o na lahui mamuli o na hanau imua o na make, no ka makahiki e ia iho no ia malalo nei :

Farani 0.41 hapaha haneri................1851

Beritania 0.61 " ...............................1850

Potugala 0.72 " ...............................1849

Rusia 0.74 " ....................................1835

Sakone 1.08 " .................................1852

Perusia 1.17 " .................................1849

Holani 1.22 " ...................................1850

Enelani & Wale 1.25 " .....................1850

Amerika Hui 1.33 " ..........................1850

Make i Aloha nuiia.

E KA NUPEPA KUOKOA E, Aloha oe :—

Ma kou ahonui a me ka lokomaikai hoi o kou lunahooponopono, e ae mai ia'u e hoike aku ia oe, no keia wahi moolelo kaumaha a me ka popilikia i haulehia mai maluna o maua, oia hoi keia i haiia malalo iho :

He moopuna oia na kekahi kanaka kaulana i ka wa mamua, oia hoi keia inoa malalo nei o Koli (k) o Namakeha Makulu (k) kana keiki, ua mare oia me Kailii (w) ua hanau mai elima a laua mau keiki, elua keiki kane ekolu kaikamahine, ua make 4 hookahi e ola nei he kaikamahine, oia o Kekelani Makulu.

Ma ka la 11 o Mei, 1876 iho nei a ma ka hora 8 1/2 o ke awakea, ua kii ia mai la o Mr Petero Makulu (k) ka'u keiki hanau muli mai, e na lima menemene ole o ka make, ua haalele mai i na makua me ka hanau mua me na pokii, me na kupuna, e uwe a e kumakena ana ma keia ao, ua hanau oia ma Hopenui, Manoa, Oahu, ma ka la 27 o Dec. 1865

A o ka nui o kona mau la ma keia ao, 8 makahiki, 4 malama, 21 la, 8 1/2 hora, a kuu aku la kona luhi, kahi e hele nei ko keia ao a pau i ka hopena awaawa o ka make i olelo ia, " E ka make, auhea kou huelo awa, e ka lua, auhea kou lanakila ana ?"

Nolaila, ua haku iho au malalo nei, he wahi kanaenae uuku nona. He u he aloha nou e Petero Makulu, Kuu keiki mai ka ua kuahine o Manoa, Mai ka ua hai mai i luna o ka laau, I uka no ia ua e ua ai, O ka omaka o ka wai ke hele ana i kai,

Auwe kuu keiki — e. Kuu minamina pau ole, Kuu keiki mai ka la wela o Kahua, Mai ka bele kuilua o Kaukeano, Mai ka huikau o na kanaka i Ulakoheo, Mai ke kula loa la o Kaiwiula, Auwe kuu keiki — e. Kuu aloha pau ole.

D. W. MAKULU. MRS KAILI,

Honokaupu, Mei 31, 1876

MAKE.

Aperila 19 — Ma Kalawao make o Luka w, no Halehaku, Maui. 21 — Poaimoku k, no Kaluaaha Molokai. 23 — Kupanea, Kalihi, Oahu. 24 — Helehewa, no Honuaula Maui.

Mei 26 — Ma Kalawao M., make o Makihi k, no Kauai, i ke 39 o kona mau makahiki. 27 — Nalowaa k, no Kona, Hawaii. 29 — Mahi k, no Waikiki, he 45 ona makahiki.; a ma ia la no make o Solomona Walumaku, no Waikapu, Maui, i ka 22 o kona mau makahiki.

NA MAKE O HONOLULU ILOKO O MEI.

Mei l - Make o Palau w he 21 ona makahiki

" 1 - " Akahi k 70 "

" 5 " Anakeanu 35 "

" 6 " Samuela k 9 malama

" 6 " Aperahama k 48 ona makahiki.

" 7 " Anekohika k 70 "

" 7 " Malia Keanu w 75 "

" 7 " Kaohi w 80 "

" 9 " Kaiai w 40 "

" 9 " Kalaninui k 3 malama

" 10 " Kaua w 44 ona makahiki

" 11 " Pekerololo k 13 "

" 11 " Eliza Bright w 12 "

" 12 " Pahoa w 83 "

" 14 " Mrs B Y Judd 94 "

" 15 " Makakoa 67 "

" 16 " Napela k 73 "

" 17 " Kaumahalua w 72 "

" 23 " Hana Waipa w 23 "

" 21 " J P Kaiakoili k 63 "

" 22 " Kolokea w 28 "

" 23 " Benanau k 25 "

" 23 " Kalailualani w 70 "

" 24 " Kaumu w 33 "

" 27 " Nalimu w 75 "

" 27 " Hanaumaikai k 65 "

" 28 " Kaipu k 60 "

" 31 " Papa k 72 " He Iwakalua kumamawalu ka huina pau.

HALE KEAKA NIKA ! I keia Po Poaono. Iune 10 !

Ia wa e ikeia ai ka lele kawahawaha, he lele ka hauli ke nana aku, na ke kaikamahine uuku loa Lottie a me ka hele maluna o ke kala, he lele ka oili ke ike aku, na ke keiki uuku Walter Roma. E hele nui ae oukou e ike i na hana kupanaha o ke ao nei, a i lohe hoi i na leo mele nahenahe a Louise Morting. 738 1ts

OWAU o ka mea nona ka inoa malalo nei, ke ho-

oiaio aku nei ia H Kipi k, i Luna a i mea hoi nana e hooponopono i ko'u aina e waiho ia ma Waipio, Ewa, mokupuni o Oahu, oia hoi o HANAPOULI. A ke hooiaio aku nei au, o kana mau kauoha a me kana hana, e hooloheia. A o ka mea kue mai i kana mau hana, e hiki no iaia ke hoopii ma ke kanawai, koe nae ka poe i hoolimalima aku iaia. Me ka mahalo.

GEO. N. HARBOTTLE. Kohala Akau, Aawaii, Iune 2, 1876. 758 4t* 761

E IKE auanei na kanaka a pau o kela ano keia ano, owau o IUKO (k), keiki a Hauli w. ke hookapu loa aku nei au i na holoholona helehewa a pau loa, e hele ana maluna o ko'u mau apana aina e waiho ana ma Puiwa, Nuuanu, mokupuni o Oahu, oia hoi na Lio, Bipi, Hoki, Kekake, Hipa, Kao, Puaa, a pela aku. Nolaila, o ka poe i kue a hookuli i keia olelo papa, e hookuu wale

ana i ka lakou mau holoholona ma kuu mau apana aina, e uku ia no i hookahi dala ($1.00) no ke poo hookahi, ke loaa i ka'u Luna, oia hoi o Beniamina a me kona mau hope. E lilo kela hoolaha i kanawai paa mai kona la e puka ai ma ka nupepa Kuokoa ; a ina o ka mea a mau mea paha e kue i kela, e hoopii no au e like me ke kanawai.

IUKO.

Kapauhi, Honolulu, Iune 5, 1876. 735 3t* 760

Oiai ua hoonoho a Hookohu mai ka mea Hanohano, Abraham Fornander ka Lunakanawai Kaapuni a ka apana elua o ko Hawaii Pae Aina i ka mea nona ka inoa malalo nei i Lunahooponopono no ka waiwai o Kahili (w) a me Lu (k) he mau mea i make no Waialua, Molokai. Nolaila, ke hoolaha ia aku nei ka lohe i na mea a pau i aie ia laua a i kekahi o laua paha, e hookaa koke mai ia'u maloko o na malama eha mai keia la aku, a o ka poe hoi a laua i aie aku ai e waiho koke mai lakou i ko lakou mau koi ana, me na bila kupono i hooiaioia, e like me ke kanawai iloko o na malama eha mai keia la aku, o hoole mau loa ia. A ke kauoha pu ia aku nei, ina he waiwai kekahi o na mea make i oleloia maluna, a no kekahi o laua paha e paa ia nei e kekahi poe, alaila e hoihoi koke mai lakou iloko o ko'u lima, o hoopiiia auanei ma ke kanawai. A o ka poe hoi e mahi nei malkna o ke kuleana aina i kapaia o Hookau e waiho 'la ma Waialua, Molokai, ke papaia aku nei lakou, aole e kuai aole hoi e hana ma kekahi ano e ae e hoopau ai i na mea ulu maluna iho, me ka hooponopono pu ole me a'u. A ina he mau kekahi maluna o ua aina la i kuaiia mamua aku nei mahope iho o ko laua make ana e pono i ka poe nana i kuai aku ke hooponopono pu me a'u.

D W. KAIUE, Lunahooponopono o ka waiwai o Kahili w, a me Lu k, i make no Waialua, Molokai. Honolulu, Iune 5, 1876 758 4t* 761

E IKE auanei e na kanaka a pau, owau o ka mea nona ka inoa malalo nei, ke hoole aku nei au i ke kulana a me ka mana o Isaaka Naai, o Honouliuli, Ewa, mai kona noho Lunahooponopono Waiwai ana no ka wai-

wai o Kumupopo k, no Honouliuli, Ewa, i make kauoha ole, i ike ia ma ke Kuokoa o ka la 3 o Iune nei - ke kukala aku nei au ma ke kanawai, owau ka pilikoko ponoi o Kumupopo. DANIELA KALAWELA. Waialua, Oahu, Iune 6, 1876. 735 1t*

HALE MA KE KUDALA !

. . . MA KA . . .

POAONO.........................IUNE 10 !

I ka hora 12 awakea !

E KUAI KUDALAIA aku ana ma ka pa o MR. LUCAS,

ma Alanui Kukui, he HALE LAAU ! nona na Keena elua me ka lanai pu. E hooneeia ka hale. 753 1ts C S BARTOW, Luna Kukala.

Hoolaha Hui.

UA Hoohui ae nei na mea nona na inoa

malalo iho, no ka lawelawe ana i ka Oihana Kalepa

ma Kawaihae, Kohala, Hawaii. O ka inoa o ka Hui,

Allen & Stackpole.

E kuai no laua i na uala kahiki, na ili pipi, na ili kao, kope, a me na mea e ae i hoouluia mai ka aina.

W. F. ALLEN, 738 4ts 761 C. E. STACKPOLE (Kale)

Na koina o ka Hihia o ka Alabama Hawaii.

O ka poe e pau e noho ana ma

Hawaii, he mau koina ka lakou i ka hihia o ka " Alabama," e kue ana ia Amerika Huipuia, ke haiia aku nei lakou, e laweia no na olelo ike no ia mea imua o ke Komisina A. F. Judd, ma Hilo Hawaii, i ka Poaha, Iune 15, 1876. CASTLE & SMITH, no A S Hartwell,

Honolulu, Iune 2, 1876 758 4ts

I na kane a me na Wahine keikikane a kaikamahine o ka aina nona ka "ia hamau leo" ke kauohaia aku nei oukou e naue ae ma kuu Halekuai, e ku ia ma Waiau, Ewa, Oahu, e naue ae e wae no oukou iho. Malaila e loaa ai ia oukou na iini o ko oukou mau puuwai

a anoi ai, a e loaa no ia oukou me ka makepono loa, ma-

mua o ko oukou hele ana i Honolulu. Owau no ko oukou hoa oiaio. (758 2t* 739) AKI (Pake).

O maua o na mea nona na inoa malalo nei, ua hoonohoia mai maua e ka mea Hanohano Abr. Fornander, Lunakanawai Kaapuni Apana Elua H P A, i Lunahooponopono, no ka waiwai o D Kaui, o Keanae, Koolau, Maui, i make. Nolaila, o ka poe a pau i aie mai i ka mea i make, a me ka poe ana i aie aku ai, e hoike koke mai ia maua me na bila kupono, iloko o na malama eono mai keia la aku, o hoole loa ia auanei. KEUOHO,

KAMAKA w.

Na Lunahooponopono Waiwai o D Kaui. Keanae, Maui, Mei 5, 1876. 754 4t* 751

EIA iloko o ka Pa Aupuni o Koholaloa, Apana o Honolulu, na holoholona helehelehewa, 4 Lio,

4 Bipi. 1 Bipi e kudalaia i keia Poaono, Iune 10, hora 12 awakea. Eia ke ano, o na lio hou mai : Lio k alania, laekea loihi a hiki i ka ihu, hem EGH. Lio k keokeo kukaenalo hema —OO. Lio w ulaula l w keokeo mahope, hem ma ka a-i kona hao hapala hem Lio w keokeo 2 e kihaka maluna a malalo. Bipi w eleele ua okiia na kiwi, ua maheleia ka pepeiao ak UUP hapala pu kahi kuni. Bipi w eleele hem HH N hem HH

A B KAAUKUU Luna Pa Aupuni. Koholaloa, Iune 7, 1865 757 1t*

OWAU o Akiu (Pake), ka elele a ke Aupuni Hawaii i haawi mai ai e kii aku i mau Lima Hana no ke Aupuni i Kapalakiko. Mamuli o ko'u launa ana a kuka ana me na pake maikai, a hilinaiia o Kapalakiko, ua ohi au a ua wae mai i na Lima Hana maikai, oia na pake hana pono e noho ana ma Kaleponi, a he poe hooikaika ma ka hana, i mau lima hana no ko kakou aupuni, e noho aloha pu me kakou. Ua hooiaio pu mai no hoi o Simuna i ke ano oiaio a me ka mahaloia o keia mau pake, oiai oia e noho ana ma Kaleponi. Nolaila, mai kuhihewa oukou, aole no hoi e manao, he poe ino a kupono ole keia mau pake e lawe ia mai nei, aka, e ike no kakou i ka oiaio o ka'u mea e olelo nei mahope aku. Pela iho la ka leta oiaio a Akiu pake i hoouna mai ai ia'u ma Honolulu nei.

758 1t* GOO KIM.

UA LOAA i ka mea nona ka inoa malalo iho, luna o ka Aina o ka Poe Hui o Kapaliluahine, Manoa, he Bipi wahine ulaula moo, ua hanau he keiki bipi wahine. Ua ninauia ka ona nona ia bipi, aohe nae he loaa. O kona hao kuni, he kohu ano eki daimana ; a ua maheleia kona pepeiao akau. O ka mea nana keia bipi, e kii mai ia me ka uku i ko'u mau poho.

KAUKANI. Manoa, Iune7, 1876. 753 4t* 761

Mai keia la aku, nole au e hookaa ana. i kekahi aie ma ko'u inoa, ke ole e loaa ke kauoha mai a'u aku. Hilo, Iune 1 1876. (757 6m*) C. K. HAPAI.

Ua Makemakeia

I MAU kanaka mahiai kalo. Ina o ka mea

a mau mea makemake, e ninau ia

CHARLES LONG.

ma Alanui Kalepa, No 5 757 4ts 760

Hoolaha Kinai Ahi o Honolulu.

E malamaia ana ke koho makahiki o na Luna Nui o ka oihana Kinai Ahi maloko o ka Hale o ka Helu 2 i ke ahiahi Poakahi, Iune 5, 1876. E hamama ana ka Pahu Balota mai ka hora 7 a hiki i ka hora 9.

CHAS. T. GULICK

Luna Nana Koho.

H. E. McINTYRE, JAS. E. BOYD.— Na helu balota. Honolulu, Iune 8, 1876. [757-ts.]

HOOLOHE.

Ke kauohaia aku nei na hoa o ke Company A o ka

" Prince's own," e hele nui ae i ka paikau i ke ahiahi

Poaono ma ka Hale Paikau (ma ka Hale Makeke ka-

hiko) i ka hora 8 P M o ia ahiahi, aole kekahi e noho o

kiko ia.

Ua makemake nui ia na hoa e hele mau mai i ka paikau i hiki ai ke makaukau ma ka paikau ana ke hiki mai i ka la 11 o Iune, a ua kauohaia na puali koa, e puka no ka hookahakaha ana ma ka hora 4 i ke ahiahi o ia la.

Ma ke kauoha. Head Quarters. JNO. INIHA, Secretary of Company A.

Armory, Mei 31, 1876. 757 3ts 759

Ke kauoha ia aku nei na hoa o ke Company B o ka

" Princes Own," e hele nui ae i ka paikau i ke ahiahi

Poaono ma ka Hale Paikau (ma ka Hale Makeke ka-

hiko) i ka hora 8 P M o ia ahiahi, aole kekahi e noho o

kiko ia.

Ua makemake nui ia na hoa e hele mau mai i ka paikau i ai ke makaukau ma ka paikau ana ke hiki mai i ka la 11 o Iune, a ua kauoha ia na puali koa e puka no ka hookakaha ana i ka hora 4 o ke ahiahi o ia la.

Ma ke kauoha. JOSEPH KAIAIKI.

Armory, Mei 31, 1876. 737 3t* 759

KE Kauohaia aku nei ka poe a pau e noho ana maluna o na aina o Kahananui Teki i make, e hoike koke mai i na palapala kuleana aina a pau a me na waiwai e ae. Owau o kona kaikamahine ponoi ka mea malalo nei, iloko o na la he kanaono mai keia la aku, a e loaa au a me kuu hope ma Honolulu nei. Mahalo piha.

KAMAKAONE (w)

757 3t* 759 Ma o S W Pahukula la kona Hope.

Mai ka hakuaina C C Harris o Kailua, Ahupuaa o Koolaupoko, Oahu, ua lilo mai ia makou ka

hoomalu ana i na kai lawaia o Mokulua, Ahulili a me Kea. Nolaila, ua koho ponoia o Jona A Cummins, i Luna nana e hoomalu a hooponopono i na mea a pau ma ia mau wahi no ka makahiki. E hoolohe na mea a pau. W L MOEHONUA. Mei 20, 1876, 757 6t* 762

KE Hoolaha aku nei au ia oukou e ka poe waiwai a

pau o kela a me keia ano, Haole, Pake, Pukiki a me ka Hawaii, aole e hoaie mai i kuu wahine mare ia Mrs. Kaaahu (w), o ka mea a mau mea e hoaie mai iaia ma kuu inoa, maluna ona kona poho, aole au e hookaa, a e lilo keia i kanawai paa a mau loa aku.

KEOKI KAMAUNA. Honolulu, Iune 1, 1876. 757 2t* 754

E IKE auanei na kanaka a pau, na haole, pukiki, laka, pake, o kela ano kanaka keia ano kanaka, owau o ka nona kai inoa malalo nei, ke papa aku nei au i kuu aina hoolimalima aole e hele wale kekahi kanaka a mau mea paha e lawe wale i na mea ulu a pau o luna o kuu aina hoolimalima, oia hoi ka la-i, wahie, a me na mea ulu e ae a pau o luna o ka aina. A, ke hookapu aku nei no hoi au i ka hele ana o na kanaka maluna o kuu aina, e hopuhopu ai i na lio, bipi, miula, hoki, puaa, a pela aku, maluna o na

aina la me ko'u ae ole aku, a o ko'u luna paniolo paha. Ina o ka mea i hoolimalima mai ia'u e hele mua mai e kamailio pu me a'u i ka manawa e kii ai i na holoholona ma ke kula. O ka mea e kue ana i keia alaila e hopu ia no, a e houku ia i $1.00 a i ole e hoopii ia no e like me ke kana-

wai. M. ENOS. Makiki, Oahu, Mei, 22, 1876. 757 3t* 759.

E IKE auanei na kanaka a pau o kela ano keia ano, owau o ka mea nona ka inoa malalo nei, ke

papa aku nei au i ka poe mea lio, pipi, hoki, kekake, hipa, kao, puaa, mai hookuu oukou i ko oukou mau holoholona maluna o kuu aina alodio e waiho'la ma Halepuna, Puna, mokupuni o Hawaii. Ina e ku-e kekahi i keia olelo papa, e hopu no au me ko'u mau hope, oia o B. L. Huai, a me L. P. Bau, he mana hiki ia laua ke hana e like me ke kanawai ; koe nae ka poe i hui mai malalo o'u. A ua kapu no hoi na mea ulu a me na laau eua, aole e ae ia kekahi mea a mau mea paha e kii wale i na mea i haiia'la maluna, ke ole au e ae aku, a o ko'u mau hope paha, e lilo kela i kanawai paa, mai kono ia aku e puka ma ke Kuokoa. P. KANEOLAELAE.

Kalihi-uka, Honolulu, Oahu, Mei 30, 1876. 737 4t* 760.

No ka manao e lawe i ka Moraki a me ke kuai ana i ka waiwai. Oiai ua hooko mai o JOSEPH

MORRIS ia'u Alexander J Cartwright i kekahi Moraki ma ka la 8 o Okatoba. A D 1873 a ua kakauia iloko o ke Keena Kakau Kope o ke Aupuni ma Honolulu, ma ka Buke 38 a ma na aoao 210, 211 & 212, i mea e hoopaa ai no ka hookaa ana i na Dala Hookahi Tausani a me ka uku panee oia mau dala, e like me ka hoakaka ana ; a oiai o ke kulana o ua moraki la, ua haihai, nolaila ke haiia aku nei ka lohe i kulike me ka mana o ua moraki la, e kauoha no au e kuai kudalaia ma ke akea i ka la 28 o Iulai, 1876, ma ka hora 12 awakea o ia la, a e lilo i ka mea koho kiekie loa no ka mea dala kuike. O na mea a pau i haiia maloko o ua moraki la, ua hoike ia na palena a me na mea maluna iho. Kakauia ma Honolulu, i keia la 31 o Mei, A D 1876.

757 3ts 759 ALEXANDER J. CARTWRIGHT.

HOOLAHA HOOKOLOKOLO.

AHA Hookolokolo Kiekie o ko Hawaii Pae Aina. Ma ka Hooponopono Waiwai. Ma ka

waiwai o MARIA KALAMA (w), o Kepohoni, Honolulu i

make kauoha ole. Imua o ka Lunakanawai Chas. C. Harris.

Olelo kauoha, e hoolaha aku no ke noi ana mai e koho i Lunahooponopono Waiwai.

Ma ka heluhelu a me ka waiho ana mai o ka palapala noi a M. K. Maikai (k), o Waianae, Oahu, e hoike mai ana,

o Maria Kalama (w), no Kepohoni, Honolulu, ua make kauoha ole ma Honolulu, Oahu, ma ka la 7 o Augate M. H.

1875, a e noi ana, e haawiia ka palapala Hookohu Lunahooponopono Waiwai ia M. K. Maikai (k).

Ua kauohaia, o ka Poaha, ka la 29 o Iune M H 1876,

oia ka manawa i koho ia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no

e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu

pule ma ke Kuokoa, nupepa ma Honolulu.

Kakauia ma Honolulu, ko Hawaii P A Iune 7, 1876. CHAS. C. HARRIS,

Ikeia : Lunakanawai o ka Aha Kiekie. Walter R. Seal, Kakauolelo. 758 3ts 760

AHA Hookolokolo Kiekie o ko Hawaii

Pae Aina. Ma ka Hooponopono Waiwai. Ma ka waiwai o KAAIAWAHIA (k), o Kahana, Koolauloa, Oahu, i

make kauoha ole. Imua o ka Lunakanawai C. C. Harris. Olelo kauoha e hoolaha aku no ke noi ana mai e koho i Lunahooponopono Waiwai

Ma ka heluhelu a me ka waiho ana mai o ka palapala noi a Kalunahala w, o Kahana, Koolauloa, Oahu, e hoike mai ana, o Kaaiawahia k., no Kahana, Koolauloa, Oahu, ua make kauoha ole ma Kahana, Koolauloa, Oahu, ma ka la 7 o Iune M H 1875 a e noi ana, e haawiia ka Palapala Hookohu Lunahooponopono Waiwai ia Kalunahala w, ka wahine mare a Kaaiawahia, ka mea i make kauoha ole.

Ua kauoha ia, o ka Poakahi, ka la 26 o Iune, M. H. 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no

e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa nupepa ma Honolulu. Kakauia ma Honolulu, ko Hawaii P A Iune 7, 1876.

CHAS. C. HARRIS,

Ikea : Lunakanawai o ka Aha Kiekie. Jno. E Barnard, Kokua Kakauolelo. 753 3t 760

AHA Kiekie o ko Hawaii Pae Aina. Ma ka hooponopono waiwai. Mokupuni o Oahu, ko Hawaii Pae Aina, SS. Ma ka waiwai o SAMUEL KEAONA (k) no

Pokai, Waianae i make. Olelo kauoha,e koho ana i la e hooiaio ai ka palapala kauoha, a no ka hoolohe ana.

No ka mea, ma ka la 19 o Mei, M H 1876, ua waiho ia mai imua o ka Aha, kekahi palapala i oleloia, oia no ke kauoha hope loa a Samuel Keaona, o Pokai, Waianae i make aku la a me ka palapala hoopii e noi ana, hooiaioia kela palapala kauoha, a e hoopuka hoi ka palapala Luna Hooko no S W Kaaihelei, ua waihoia mai e —

Nolaila, ua kauoha, o ka Poalua, oia ka la 11 o Iune, M. H. 1876, ma ka hora 10, ma ka rumi Hookolokolo oia

Aha, ma Aliiolani Hale, ma Honolulu, oia ka la a me ka hora

e hooiaioia'i ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauo-

ha, a me ka hoopuka ana i ka palapala luna hooko. A ua

kauoha hou ia, e hoolaha no ia mea no na pule ekolu iloko

o ke Kuokoa, he nupepa i paiia a i hoolahaia ma Honolulu.

A ua kauoha hou ia, e hoopukaia na palapala kena no na

hoike no ia palapala kauoha ame na hooilina o ka mea

make ma Pokai Waianae, e hele mai a e kue i kela palapa-

la kauoha i ka wa i oleloia.

Kakau ia ma Honolulu, ko Hawaii P A Mei 19, M H 1876.

A FRANCIS JUDD,

Ikea : Lunakanawai o ka Aha Kiekie. Jno. E Barnard, Hope Kakauolelo. 734 3t 768

AHA Hookolokolo Kaapuni o ko Hawaii Pae Aina Apana Ekolu. Ma ka hooponopono waiwai, ma ka hana o ka waiwai o G H DAVIS, o Kawaihae, Hawaii i make. Ma ke keena imua o ka Lunakanawai Kaapuni, Chas. F. Hart. Ma ka heluhelu a me ka waiho ana mai o ka palapala

noi a me ka palapala hoike o D F Sanford, Lunahooponopono o ka waiwai o G H Davis, no Kawaihae, Hawaii i make, e noi ana e aponoia na hoolilo he $434 82-100, a e hoike ana, o na mea i loaa mai iaia, he $1820 30-100, a e noi ana, e na na a apono ia keia mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.

Ua kauohaia, o ka Poaono, ka la 1 o Iulai M K 1876, ma ka hora umi o kakahiaka, iluna o ua Lunakanawai la, ma ke Keena ma ka Hale Hookolokolo ma Waimea, Hawaii, oia kahi a me ka manawa i kohoia no ka hoolohe ana i na noi la, a me na papa hoike i oleloia, a o ka poe a pau i pili malaila, e hele mai ana e hoike i ke kumu, ina he kumu io ko

lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii a me ka olelo Enelani, e paiia maloko o ke Kuokoa & Hawaiian Gazette, he mau nupepa i paiia a hoolahaia ma Honolulu, i ekolu pule mamua ae o ka manawa i oleloia no ka hoolohe ana.

Kakauia ma Honolulu ko Hawaii P A la 18 o Mei, 1876. CHARLES F HART,

756 3ts 758 Lunakanawai Kaapuni Apana Ekolu.

AHA Hookolokolo Kiekie o ko Hawaii Pae Aina, ma ke Keena, ma ka waiwai o NAHUINA o Waikiki, i make kauoha ole. Imua o ka Lunakanawai Chas. C Harris.

Ma ka heluhelu a me ka waihoia ana mai o Kukai k, o Honolulu, e hike ana, ua make kauoha ole o Nahuina, o Waikiki, ma Wailuku, Maui, ma ka la 28 o Aperila, A D 1876, a e noi mai ana, e haawiia ia Kukai na palapala Lunahooponopono Waiwai.

Nolaila ke kauohaia aku nei, o ka Poakahi, la 26 o Iune, A D 1876, oia ka manawa e hooloheia ai ua noi la, imua o ia Lunakanawai, ma ke Keena Hookolokolo o keia Aha, ma Honolulu, a ma ia wa, e hele mai ai ka poe a pau i kuleana, a e hoike mai, ina paha he kumu e ae ole ia ai ua noi la. E paiia keia kauoha ma ka olelo Hawaii, no na hebedoma ekolu iloko o ke Kuokoa ma Honolulu.

Kakauia ma Honolulu, ko Hawaii P A Mei 25, 1876. CHAS. C. HARRIS.

ikeia e : Lunakanawai o ka Aha Kiekie. Jno. E Barnard, Hope Kakauolelo. 756 3t 758

Ka manao o ka moraki no ka lawe ana i ka moraki. Oiai ua hooko mai o JOSEPH MORRIS ia A F Judd ka lunahooponopono waiwai me ka palapala kauoha e pili pu ana no ka waiwai o R W Holt i make a me kona mau panihakahaka iloko o ia paulele a me kona mau lunahooponopono aie no kekahi moraki i kakauia ma ka la 23 o Sepatemaba, 1872, a ua hookomoia ma ka buke 36 a ma na aoao 83 a me 84 o ke Keena Kakau Kope no ka hookaa ana la ehiku haneri a me kanalima dala me ka uku panee pu o ia mau dala ; a oiai o na kulana o ia moraki la, ua hahai. No ia mea, owau o Alexander J Cartwright ka luna hooponopono me ka palapala kauoha e pili pu ana o R W Holt i make, a panihakahaka o A F Judd, ke hoolaha aku nei ia Joseph Morris a i ka poe a pau i pili, o ko'u makemake ka lawe i ka moraki a e kuai aku ma ke kudala akea ma kekahi la e hoikeia aku ana mahope, o kela apana aina a me na mea a pau maluna iho i komo iloko o ia moraki. Hanaia ma Honolulu. Mei 31, 1876.

ALEXANDER J CARTWRIGHT Lunahooponopono o R W Holt i make a hope o A F Judd 757 3ts 759

E IKE auanei oukou e na kanaka a pau o kela me keia ano i like ole na waihooluu, owau o ka mea nona ka inoa malalo nei, ke hookapu loa aku nei au i na holoholona Bipi, Lio, Hoki, Miula, aole e hele maluna o kuu mau kula o kuu mau aina, oia o Hahaione, Kaelekei a me ka apana kula o Keokea, a me ke kulanahale o Koko ma Maunalua, mokupuni o Oahu. Ina e loaa ia'u mau paniolo kekahi o kela mau holoholona, e uku no i $2.00 no ke poo hookahi. A ke papa loa ia aku nei no hoi na kanaka o kela ano keia ano, a me na kanaka o Mr. Paiko. Ua kapu loa na aina o ke konohiki, oia hoi o Awawamalu, Hanauma a me Kalua, aole e kii a lawe wale i na i-a a me na mea e ae o ke kai. Ua aeia no nae i na kanaka a pau malalo o'u a me na hoaaina o'u. A ina e loaa kekahi, a mau mea paha e kue ana i keia hoolaha a'u, ia'u a i o'u mau hope, e hopuia no a hoopaa. He kuli ka make, he lohe ke ola. W C MAHUKA. Maunalua, Oahu, Iune l, 1876. 757 4t* 760

E IKE auanei na kanaka a pau, o na mea nona na inoa

malalo iho, he mau Lunahooponopono no ka waiwai o KAUI (k) o Keanae, Koolau i make. O ka poe i aie mai iaia a me ka poe ana i aie aku ai, e hoike mai i ko lakou kuleana iloko o eono malama mai keia la aku.

KANOHO k, KAMAKA w.,

Na Lunahooponopono Waiwai o Kaui. Keanae, Koolau, Maui, Mei 2, 1876. 755 1t* 759

UA Koho ponoia ka mea nona ka inoa malalo iho i Lunahooponopono no ka waiwai o DAVID KAUKAHA o Hanalei, Kauai i make, ke kauoha aku nei i ka poe a pau i aie iaia, e hookaa koke mai, a o ka poe ana i aie aku ai, e hoike mai i ka lanou mau bila, ma ka hooiaia kupono, iloko o na malama eono mai kela la aku, a i ole ia e hoole loa ia. KAHILINA.

Lunahooponopono Waiwai. Hanalei, Mei 24, 1876. 753 4ts 739

NO Ka mea, ua hookohuia mai ka mea nona ka inoa malalo, i Lunahooponopono no ka waiwai o PUNUI k., i make, no Koloa, mokupuni o Kauai. Nolaila, ke kahea ia aku nei ka poe a Pau i aie ia Punui, e hookaa mai ia'u a me ka poe a Punui i aie aku ai, e hoike koke mai i ko lakou mau bila, iloko o na malama eono, o hoole mau loa ia lakou. A KU, Lunahooponopono Waiwai. Koloa, Kauai, Mei 18, 1866. 756 4ts 759

Ua Nalowale

HE wahi Ilio ulaula, me kahi kiko keokeo uuku ma ka lae, i ke kakahiaka Sabati aku nei i hala, ma ka uwapo paha. Ina e hoihoi mai kekahi i ka mea nona ka inoa malalo iho, ma ka Hale Amara ma Ainahou, e loaa no ka makana kupono, a o ka mea e paa ana mahope o ka puka ana o keia hoolaha, e hoopiiia no. 756 2t 757 J T CHAYTER.

O KA POE A pau he mau Bipi a Lio,

a pela aku, ko lakou e holo ana maluna o Wailuku a ma Waikapu, ke konoia aku nei lakou, e lawe koke aku, a ina aole e lawe e ia mamua o ka la 1 o Iune, 1876, alaila, mahope o ia la, o na holoholona e loaa aku ana, e holo wale ana, e hoopaaia maloko o ka pa aupuni e like me ke kanawai. O ka poe e makemake ana e hooholo i ko lakou mau holoholona maluna o ua mau aina la, ua hiki no ke alualu ia.

HENRY CORNWELL, & Co.

o Waikapu, Maui.

N. B. Aole e aeia ka ho-a a me ke kuai holoholona maluna o ia mau aina, me ka ae ole o Cornwell & Co., a i ole ia ko lakou mau Agena paha.

Wailuku, Mei, 22 1876. 756 tf

E IKE auanei na kanaka a pau o kela ano keia ano, owau o Kapokaua w. moopuna a Alaala, ke hookapu loa aku nei au i na holoholona hele hewa a pau loa, e hele ana maluna o ko'u mau apana aina e waiho ana ma Kaanapali me Honokowai mokupuni o Maui, oia hoi na lio, bipi, hoki, kekake, hipa, kao a pela aku. Nolaila, o ka poe i kue a hookuli i keia olelo papa, a hookuu wale ana i ka lakou mau holoholona, ma ko'u mau apana aina, e uku ia no hookahi dala ($1.00) no ke poo hookahi ke loaa i ka'u luna oia hoi o Polikua a me kona mau hope, a lilo keia hoolaha i kanawai paa mai ka la e puka ai ma ka nupepa

Kuokoa, a ina o ka mea a mau mea paha, e kue i keia olelo Hoolaha e hoopii no wau e like me ke kanawai.

KEAOPKAUA (w),

Iwilei, Kapalama-kai. Oahu. 755 4ts 758

OLELO HOOLAHA.

EMI LOA * NA KII !

MA KA HALE PAI KII O AHI, MA KA Helu 63 Alanui Nuuanu, Honolulu. O ka uku o ke kakini Kii Pepa mamua, he $2.50, a i keia manawa, emi loa, he $2.00. O ka uku o ke kii aniani, he $2.50 mamua, ua hoemi loa ia a i ke $1.50 wale no ! Emi maoli ! Makepono loa ! Aole like pu mamua ! E hele wikiwiki mai e pai i na kii.

HALE KAMANA !

AIA no maloko o keia Hale maluna ae, e hanaia ai na Pahukupapau, na Moe, Noho, Pakaukau, Mamalu, a ia mea aku ia mea aku. O ka Pahu kupapau paina mamua, he $3.00, a i keia manawa, he $2.00 wale no. O na kumukuai o na mea e ae i koe, e kuai makepono loa ia aku ana.

HALE KUMEKA !

AIA NO malalo o ka Hale Pai Kii, he keena Ku-

meka, oia ka humuhumu ana i na kamaa hou me

ka makepono, a me ka poho ana i na kamaa nahaehae me ke emi. 753 6m 776

E KIPA MAI E KE ALOHA.

I NA MAKAMAKA A PAU O KA UA

Kukalahale, ke waiho aku nei au iluna o oukou, he

olelo poloai, e pili ana i na Lole Nu Hou e waiho

nei ma ko'u Hale KUAI, ma ka aoao ma Ewa o ka Hale

Borabora, ma ke Alanui Nuuanu. A penei na ano :

Na Kalakoa hou loa o kela a me keia ano. Alapia o ke-

la a me keia ano. Kihei huluhulu papamu alokahi o na

wai hooluu like ole he lehulehu. Kihei huluhulu puka-

puka, me ka huhui mahope o na ano he nui wale. Kihei

huluhulu nanahe a me na kihei huluhulu he huihui ke

kae a puni, e hoohiolo na wainaoa i ke kehau. Papale

wahine pinana o ka aoao, a luhe hoi kekahi ilalo o kela a

me keia ano. Na hulu a me na pae papale he nui wale.

Leta 4 Silika loloa o na Lede o na ano like ole. Mamalu

Silika liilii a me ke nui. Kamaa wahine nihoniho o ka

aoao. Iliwai huluhulu manoanoa o na ano he nui wale.

Holoku Lilina keokeo, kakau a papamu he nui wale.

Na Lole Kane.

Kuka Kainahai manoanoa a lahilahi. Na Koheo hulu-

hulu paina manoanoa a lahilahi, a me na koheo Lilina.

Lole wawae huluhulu paikini hou a me na ano e ae he le-

hulehu. Na apa huluhulu paina a kakimea hoi. Na pa-

lule o kela a me keia ano. Na Papale o na ano a pau. Na

Kamaa buki a me haahaa o na ano he nui wale. Na Pa-

hulole koa a ili hoi. NA paiki ili.

Na mea kamano, e lawa ai ka makemake o na ka-

mana. Aole o keia mau mea wale no na mea hou, aka, e

hiki hou mai ana no. A o ke kumukuai o keia mau mea

i haiia ae la maluna, he haahaa loa no. A i mea e ike io

ai, e hele mai no. Me ka mahalo. GOO KIMA.

Honolulu, Mar 15, 1876 746 6m 772

E. STREHZ, (AILUENE,)

HAAWI A KUAI

LAAU LAPAAU.

AIA.MA MONIKAHAAE, KIHI O NA HUINA

o na Alanui Papu a me Hotele. Aia malaila na Wa

Ala a me na Wai Rukini maikai loa e loaa ai.

E hamama mau ana i na ahiahi Poaono a pau.

741 1y 792

AHAHUI PA AINA O KAPIOLANI !

O Makou o ka poe nona na inoa malalo iho, ua aelike makou e lilo i mau lala no ka Ahahui i kapaia, " KA AHAHUI PA AINA O KAPIOLANI A ME KE KAHUA LEALEA." O ka nui o na Mahele, he

200, ma ke $50. o ka mahele ; he $25.00 e uku ia i ka wa e kakau ai i ka inoa, a o ke ke keena, aia i ka wa a ke Komite o ka Ahahui e kikoo aku ai. A ke ae nei makou e lawe i ka heluna o na mahele, e kau nei ma ka aoao akau o ko makou mau inoa. Kakauia i keia la 8 o Feberuari 1876.

INOA. MAHELE.

Hookahi. Kalakaua ..................... "

W L. Moehonua........... "

Jno. S Walker............... "

Jas, Makee................... "

H Cornwell................... "

A Herbert..................... "

Jas. W Gay................... "

H L Sheldon................. "

A S Cleghorn................ "

C E Williams................. "

Jno. O Dominis............. "

J L Richardson.............. "

Jno. S McGrew............. "

O ka poe makemake e lilo i mau lala, e loaa no ka pepa kakau inoa maanei. O Elia o Waialae, oia ka luna nana. 753 2M 760

OWAU o Kaumiumi k, o Koolauloa, Oahu, ke hoolaha aku nei au ma ke akea, no ko'u lohe ana iho nei i keia wa, ua lawe aku o Ioane Kaumiumi, kuu keiki hiapo, ma ke kolohe me ka'u ike ole i kuu aina, a ua Moraki aku i ka mea dala i Honolulu. Oia ka aina o Maiahe k, i kapaia ka inoa o Kialole e waiho nei ma Punaluu-uka ma Koolauloa, Oahu, i lilo mai ia'u ma ke kuai ana mai o Maiahe. Ua imi au, a ua huli i na palapala o ua aina nei o'u, aole i loaa, no ka mea, iloko no o kuu pahu. Ke kauoha nei au, ina he oiaio keia lohe ana o'u, ua moraki aku o Ioane Kaumiumi i ua aina nei, a aia ia oe e ka mea dala ka palapala Sila Nui, a me ka palapala kuai a'u me Maiahe, e hoihoi koke mai ia'u, aole kuleana o Ioane Kaumiumi ma ka hoolilo ana me ko'u ae ole. Maluna o Ioane ko oukou koi no ko oukou poho aole maluna o kuu waiwai.

KAUMIUMI KAUWILA. Kialole, Punaluu-uka, O. Mei 12 1876. 755 4ts

KAHEA

OLELO * LEO NUI !

E na makamaka aloha o ka ua Kanilehua o Hilo, a me na hoa hoolaukanaka o ka la mehameha o Hamakua :

Owau o ko oukou hoaaloha oiaio loa, e noho nei ma ke ano malama Halekuai, no no makahihi loihi i kaahope ae nei, ua ike oukou i ko'u malama pono me ka hoolako pinepine mai i na mea maikai e kupono ana i ke kane, i ka wahine a me ke keiki. Nolaila, ua hu a nui ke aloha ia oukou, me ke kaumaha pu i ke kahea leo nui ae, e hookaa koke mai ka poe i aie mai ia'u, mai keia la aku ; aole no ka manao e hoopilikia aku la oukou e na hoaaloha, aka i mea e mau ai ko kakou kipa ana, i lako mau i na mea nani e kahiko ai i ke one o Punahoa ame ka la piha kanaka o Hamakua Waipio.

Nolaila, e ala, e ku, e pau ka hiamoe, e hele mai e nana, e kilohi i ko'u mau halekuai, ua piha i na nani o kela ano keia ano o na mea kuai me ka oluolu loa, e kupono ai i ka makemake o ke kane, wahine, keiki a me ka ohana, e loaa no ma kuu Halekuai ma Hilo, i " Hale Kalewa," a me Kahalii, e loaa no ma Hamakua Waipio, A pela no oukou e makaala ai e hookaa koke mai, i loaa hou ai na mea hou no oukou. Nolaila, e oluolu oukou e hoolohe i keia leo kahea o ko oukou makamaka aloha nei, a e kipa mai ma ka hale, a loaa no au ia oukou me na launa maikai ana me ka leo oluolu. E hoonaauao ! Owau no o

C. Y. AIONA (Pake), Malama Halekuai.

Hawaii, Aper 24, 1876. 752 8t° 759

HE PAPA KUHIKUHI MANAWA HOLO

O KA

Mokuahi Hawaii

KILAUEA !

KAPENA MARCHANT !

Poakahi, Iune 12...............................................Kaapuni ia Hawaii

Poakahi, Iune 19.................................................Kaapuni ia Kauai

I ke kakahiaka o ka Poalima, komo i Honolulu.

Poakahi, Iune 26...............................................Kaapuni ia Hawaii

Ma na huakai a pau a Kilauea e hoi mai ai mai Ha-

waii mai, aole e haalele ana ia Kaalualu a hiki i ka hora

9 a.m., a mahope iho paha ; Kawai a hiki i ka hora 10

a mahope iho paha ; Makena e like me ka mea i hoolaha

wahaia ; Maalaea a hiki i ka hora 7 a.m., a mahope iho

paha.

Uku Eemoku mai Honolulu aku,

A hiki i Kaunakakai, a pela maluna mai..............$ 5.00

" Lahaina, " " ..................................................... 6.00

" Maalaea, " " .................................................. 7.00

" Makena, " " ................................................... 8.00

" Mahukona, " " ............................................. 10.00

" Kawaihae, " " .............................................. 10.00

" Kailua, " " ................................................... 10.00

" Kaawaloa, " " ............................................. 10.00

" Hilo, " " ...................................................... 12.50

" Kau, " " ...................................................... 13.50

Uku kaapuni ia Hawaii, .................................. 22.00

A hiki i na awa o Kauai .................................... 8.00

Uku kaapuni ia Kauai ..................................... 12.00

Uku ohua Hawaii oneki .................................... 2.00

Aole aie no na uku ohua.

Ma ka Hale Oihana e loaa'i na palapala.

Aole keena o hope e lilo, aia wale no a kaa mua mai ka uku

moku. Aole e ili ka hewa no ka paiki, ukana a puolo pa-

ha, ke ole e kakauia ka loaa ana mai.

E hookaaia ka uku ukana i ka wa e noiia aku ai.

SAMUEL G. WILDER, (Waila),

Agena.

Keena ma ka Hale Kuai Papa o Waila ma, kihi o Alanui

Papu a me Moiwahine. 604 3m

OLELO HOOLAHA.

J. PORTER GREEN,

" KEIKI O KAUAUKIUKIU."

LOIO !

E HELE MAI NA MAKAMAKA A PAU IO'U

nei, a na'u no e kokua ia oukou imua o ka Aha Hoo-

malu a me ka Aha Kiekie, me ka uku haahaa makepono

loa. Aia kuu Keena ma kahi o ka Lunakanawai

Hoomalu o Honolulu nei, oia ka " Aiko," ma Alanui Kale-

pa. 741 ly 792

C. H. DICKEY (Kalekika).

LOIO !

MA HAIKU, MAUI.

UA MAKAUKAU E HANA PALAPALA

Kuai, Palapala Moraki a me na mea a pau e pili ana

ma ka Oihana Loio. 743 1y 794

KE HOIKEIA aku nei i na kanaka a pau, aole

lakou e komohewa ma ka Aina o ke Kula, ma Wa-

hiawa, Waialua, Oahu, ma ke kua ana i na laau, a

pepehi hoi i na Bipi hihiu, a alualu i na holoholona ma ua

aina la ; aole hoi lakou e hookuu wale i na bipi a me na

holoholona e ae maluna o ua aina la. W C JONES,

Honolulu, Novem. 29, 1875 731 tf

Richard P. Bickerton.

[PEKEKONA],

LOIO !

E KU LOIO no oia imua o na Aha Hookolokolo a pau ma keia mokupuni a ma na moku e ae, ma na

hihia a pau. Ua makaukau oia i ka hana ana i na ano pa-

lapala a pau. E hoaie ia no na dala mai a iaia aku ma na

moraki maikai a oiaio wale no me ka ukupanee.

Keena Oihana ma Alanui Kalepa, ekolu puka mahope

aku o ka Hale Kauka o Minuteole, ma ka hale hookahi

me ka Loio Aeto. 735 1y

NA MEA NANI E HIEHIE AI

NAUWE MAI * NAUWE MAI

MAHEA LA E LOAA AI NA PAPALE WAHINE AU-

lii kolomanu ano hou loa, a me na pua nani e kinikohu ai

e kau ai ka iwa, he la makani e hao ai na polena o Haupu,

kapakahi manuia o Keokoi ka moku, ma kahi o

L. ASEU,

Aia pu no malaila na HAINAKA SILIKA liilii LEI AI

kae weluwelu, a me na LIPINE SILIKA puapua weluwe-

lu, e kuwelu ai i ka makani.

NA KALAKOA ANO HOU LOA i like oleia mamua, Na

KAEI SILIKA Nani,

NA MAKALENA KALAKOA me ka PUAKEA, na ALA-

PIA HULUHULU o na ano a pau, na KIHEI UHI hou a

kohu ai ka lino ana, na mea ala waianuhea, e ku ai ka

hoomau, a me na aila lukini e puia ai ka lauoho i ke ala.

Na lilina ume naau o kela ano keia ano, na kamaa wahine

o na ano a pau. Na lole kane o kela a me keia ano, na

palule kalakoa a me ke keokeo, i humuia me ka mikioi

loa. He makepono loa no hoi ke kuai i na mea i hoikeia

ae nei maluna ke kuike. I mea e pau ai ke kuhihewa, e

naue mai no e na makamaka ma kuu Hale kuai HIKIKII-

KAUOENA. L. ASEU.

Kihi ma Ewa o Alanui Nuuanu mauka o Alanui Moi.

Honolulu, Aug. 27, 1875, 717 lyr 768

E naue mai ! E naue mai !!

KE POLOAI IA AKU NEI OUKOU E NA

keiki lalawai o na pali hauliuli, a me na kaikamahine

puukani nohenohea o na pali Koolau, e naue mai ma ko

makou mau Hale Kuai ma

KAALAEA a me KANEOHE,

malaila e loaa'i oukou na nuhou o na ano a pau.

Na Lole Kane, Wahine a me na kamalii,

Na Kamaa Na Hou.

Na ano Papale

a me na mea liilii o kela ano keia ano he nui wale.

E loaa no ia oukou ke kumukuai makepono loa. E naue

mai ! E naue mai !! E hoao i pau ko oukou kuhihewa.

AKANA & KONGER & Co.

Koolaupoko. Maraki 23, 1876. 747 6m* 771

NA MEA ANO HOU !

Ua loaa mai nei,

Eia ma ka Hale Kuai o Wini !

NA EA,

NA OMAU AI

NA KULA PEPEIAO NA OMAU HAO BUKALO,

NA MEA ANO HOU A EMI,

Na Buke Pakeke Ili a me na Eke Dala ! Na Lei Pilali,

Na Lei Eleele, a me na mea e ae he nui wale.

E HAAWI MAKANA IA ana i kela a me keia mea i kuai a hiki i ka

ELUA DALA.

E hele mai, e nana i keia mau mea maikai, a e loaa no e like me ka makemake,

Emi loa aole e like me mamua !

Eia ma ka Hale Kuai o

756 2m WINI.

Papa ! Papa !

— NO —

ALLEN A ME ROBINSON.

Ua wehe ae nei maua i

PA KUAI PAPA !

— MA KA —

UWAPO O PAKAKA.

Na Papa Ulaula o na ano a pau. Na Papa Paina o na ano a pau.

Na Pili Hale Ulaula.

Na Pili Hale Keokeo. Na Pepa Hoonani Hale. Na Pepa Molina.

Na Pena a me na Aila Pena !

NA KUI O NA ANO A PAU ! Na Pani Puka a me Na Pani Puka Aniani.

Na Pani Puka a me

Na Olepelepe.

Na lako kukulu Hale.

— O NA ANO A PAU —

E kuaiia ma ke Kumukuai Haahaa Loa !

o keia Makeke. ALLEN & ROBINSON.

Honolulu, Aper 13, 1876. 750 ly

OLELO HOOLAHA. ANOAI I KA LEHULEHU,

E kipa mai a e nana

i kumaka ka ike i na waiwai na-

ni i loaa mai nei iloko o na

La Kulaia iho nei.

Penei ke ano o ua mau waiwai la :

Na wati a me na kaula gula,

a na Ledee a me na Keonimana !

NA KAULA OPELE A NA LEDE

NA KOMO GULA NANI O KELA A ME KEIA

ano o na Lede a me na Keonimana !

NA KUPEE GULA,

NA LIPINE GULA,

Na gula pepeiao o na wahine !

e oaka ai i na pepeiao, a e hulali ai

hoi na manamana lima, a e

kilipohe ai hoi na ai.

Na komo humuhumu gula a me ke kala

Na pihi pulima gula wahine a kane,

Na laketa gula lei wahine nani,

Na komo daimana o na Lede.

Na kaula laketa,

Na pine omau kihei,

Na laketa aniani,

Na huka gula wahine.

NA LAKO HALE.

NA PUNA,

NA PAHI,

NA KIAHA, KALA,

NA APO KALA,

NA KAWELE holoi lima,

NA O DALA o kela a me keia ano,

a me na mea nani e ae no he nui wale.

E kuaiia aku ana no

ma ke kumukuai haahaa loa i ko

na wahi e ae o ke taona nei.

UA MAKAUKAU NO HOI NA

mea nani no kanaka makua

a me na kamalii.

Na Kamaa Paa Loa,

e loaa no maanei e like me ka

makemake ; a ina e loaa

koke ka ino, he hiki

no ke hoihoi mai.

M. McINERNY.

Kihi o Alanui Papu a me Kalepa. 737 3m 749

Lole Makepono ke Kuike !

E LOAA NO IA MA KAHI O

KAKELA ME KUKE,

— E LAA NA —

AHINAHINA,

KALAKOA,

KEOKEO,

LEPONALO,

Pena, Aila, Aniani,

Na Mea Piula,

Kopa, Aila Honua.

Aila Hoomaloo,

Kui Kakia, Pakeke,

Tabu, Kaula, Noho lio,

Hulu-palaki, na Pulumi.

A he Agena no hoi no na Mokupuni o Ha-

waii nei no na

LAINAKINI-NAO,

LAINAKINI-MAOLI,

PALULE KALAKOA,

ALAPIA, KELEPA, KILISA,

Na Lole kupono i ka wawae,

Palule Huluhulu,

Na Lole Huluhulu,

Na Lole no ka hoohehelo ana

Lipine, lihilihi, a me ia mea'ku

— A HE —

MAU MEA AI KAHI

Ka Palaoa, Kopaa,

Raiki, Pia, Hoohu,

Paakai, Huaala,

Pia Kulina, &c

— A HE —

LAAU LAPAAU KAULANA LOA

A Dr. JAYNES.

Laau Kunu,

Laau Hoomaemae Koko,

Laau hoopau naio,

Penikila, Huaale,

A me na Laau Hamo, a pela'ku.

707 ly 759