Ka Nupepa Kuokoa, Volume XV, Number 27, 1 July 1876 — Page 3
KA NUPEPA KUOKOA, ME KE AU O KOA I HUIIA.
Na Hana ano nui o ka La 4 o Iulai.
Ka Hae hoku nani o Amerika, E mau kona welo ana, 100 m. h.
Mawaena o ka hora 6 a hiki i ka hora 8 o ke kakahiaka, he huakai hele o na mea hoakaaka ma na alanui.
I ka hora 11 ae, he anaina nui ke akoakoa ana maloko o ka Luakini o Kawaiahao, no ka hoolohe ana i ka haiolelo a Dr. Wood ; ka heluhelu ana i na olelo o ke Kuokoa ana o Amerika Huipuia, e Mr. A. Pratt ; ka pule wehe, na Rev. H. H. Pareka ; ke mele na ka Papa Himeni a me ka Poe Puhi Ohe.
He ekolu mau kipu ana ma ia la, i ke kakahiaka, awakea, a i ka welona a ka La.
Ma ka hora 3 auina la, he ahaaina nui ma Kahehuna.
He Heihei Kanaka nunui ke malama ia ana i ka hora 4:30 o ka auina la, he Heihei keia no na kanaka nunui i hiki aku ke kaumaha i ka 200 paona. He 50 iwilei ka pahu holo, a o ka mea nana ke eo, he medala nui hanohano.
Ua konoia na kanaka o na lahui a pau loa e komo pu mai iloko o ka lealea ana o na Amerika ma keia la ano nui o na puuwai Amerika, e hele i ko lakou kahua hope loa mahuha.
Pau ole kuhihewa o ka Hawaii.
E KA NUPEPA KUOKOA E, Aloha oe: —
Ke haawi aku nei au i ko'u aloha piha i kou Lunahooponopono, a me na keiki lawe poahi o ka Hale Pai, oia keena ahonui i ka lawe i na ukana a na kupa o ka aina, oia keena pauaho ole i na kau a kau, a malalo nei au e hooluhi hou aku ai ia oukou.
Aia ma Yacoma Mila kekahi kanaka, o Kumukahi kona inoa, a o kana hana mau i ka po a me ke ao, o ka hoamana no i kona akua ia Kumukahi, e like no me ka hana hoomana a kanaka ma ka aina, ua kuhi no hoi au, ua haaleleia aku no ia ia wahi puolo i Hawaii, eia ka ua lawe pu ia mai no. Ina ia e manao e ai, e olelo mua auanei oia penei : " E Kumukahi, eia ka ai, a eia ka ia, e ola ia'u i kau pulapula, a kanikoo, a palalauhala ;" a pela no i na mea inu —" a e kokua mai ia'u i na mea e ae." Ma ka ka malama o Maraki i hala ae nei, loaa mai la he leta mai Yacoma mai, e i mai ana, " E Noa, ua ike aku nei o Kumukahi i ke ano o ka mai o ke aikane a kaua, ina ka oe e ae e holo pu mai olua, e loaa no ka iaia ke ola iloko o na la ewalu, a ina aole, e haalele mai ana oia ia kakou iloko o na pule elua, a he leta no hoi peia i kekahi hoa e ae — owai hoi ia mea paa iho, no ka mea, o ke ola ka mea i manao nui ia.
Huakai alualu ola — A no ko Noa manao nui i ke ola o kana aikane, ua ae aku no ia, a lawe pu aku la i ka awa a me ka puaa, i mea e alana aku ai i ke kahuna, a e oluolu mai ai hoi ka aumakua, a ola hoi ka mai o kana aikane. I ka hiki ana nae ma Yacoma, ua hanaia ia mau mea e ke kahuna, he hailona i ka apu awa, a ua ku ka hailona ia Kamakahiki ka mai, a penei na wehewehe ana, " O ko ia nei make, he make hoohiki ino i ka inoa o ke Akua, a ina wau e hana aku, e ike no kakou."
Ka lapaau ana — Lu aku la o Kumukahi i ka wai iluna o ka mai, a noho iho la hookahi akua, a oia akua, o kekahi aumakua no ia o Kumukahi, a olelo mai ia. " Eia au i hoounaia mai nei e ka Uhane Hemolele, e kala aku i kou pilikia, ua ai oe a ua inu, a ua hoohiki ino ma ka inoa o ke Akua, a ma ko Kumukahi mana i loaa mai a makou aku, e kala ia no kou hewa e like me kona ike ana he pono, ma o makou nei na Uhane Hemolele." Maikai na olelo, o ka hoopunipuni ka hewa.
Hoonohonoho akua ana — Hana aku la o Kumukahi ma kekahi ano hana e noho iho ai na akua iluna o na haku (haka), a noho mai la o ke kaikamahine a Mrs. Elena iluna o Davida ; a ke keiki a Pilipo, iluna o Mrs Kamahiai ; o ka makuakane o Keawehiku, iluna no ona ; o na kaikuahine o Noa, iluna o Kaui ; o na kaikuahine hoi o Kumukahi, iluna no ona. Ia manawa, hu ae la ka aka a na uhane haukae. O keia mau mea i hanaia, mamuli no ia o ke alakai ana a Kumukahi. A ua olelo no hoi ke kahuna no ka mai a me na mea a pau e huli aku ana mamuli ona ; a penei kona manao hoohuli i ka lehulehu, " Auhea oukou e o'u hoa kanaka, ua lohe ae nei no kakou i ka manao o na uhane hemolele, a ina o ka mea a'u e manao ai, e ko no ia, mamuli o ko'u manao e noho nei, elua wahi maikai, he wai ikaika e kahe ana, a he wai aina, ao ka mea, o ka wai, he wai ola no ia, a o kahi aina hoi, he puuhonua io no kakou, malaila e pau ai na pilikia no ka poe mai, a me kakou pu no a pau loa, a e loaa no na waiwai makamae mai ke Akua mai."
Ka ae ana aku i ko ke kahuna manao.— Eia lakou nei ke holomoku nei iloko o na olelo pahee a ke kanaka, i mea nana e umiki ae i na kapuai wawae o ka lapuwale, a hoolei aku i ka hale paahao o ke Diabolo. Hilahila ole oe a me oukou a pau a ana ko-e, nana ae na maka nunui iluna, o Iesu Kristo ka wai o ke ola, ka aina puu honua waiwai nou a me kakou a pau loa ; ka poe i hele aku no ke ola a me ka waiwai loaa mai, Kahou, Davida, Anaru, Nahale, Keawehaku, Kaui, Pilipo, Emene, Kahaawinui, Kamakahiki, Noa, o Maalo hoi keia ke kanaka makapo, i mai nae o Kumukahi, ina oe e hele pu me makou, elua la ua kaakaa kou maka, o kona piliwi aku la no ia, komo ana ia hului.
Hiki lakou i Moi pe — Hiki aku lakou i ua wahi aina'la, e kahe ana ka wai me ka ikaika, hooho like ae la lakou a pau, " Ka wai o ke ola ! Ka wai o ke ola !!" a kau pono aku hoi i ua wahi aina la, hooho hou ae la, " Ka puuhonua e ! Ka waiwai makamae e !!" a lauwili wale aku. Ia oi ana iho a noho pono, noke o Kumukahi i ka pule i kona akua, me ke noi aku, e hoola i ka poe mai, e hookaakaa i na makapo, e haawi mai i puuwaiwai nui no lakou, oiai na nui i hele aku mamuli o Kumukahi. Ia manawa nae nui loa mai ka mai o Kamakahiki, hoauau ia iho la i ua wai ola nei, hala aku la o Aperila 1, o ka makapo hoi, lunakula i ua wai nei, he ole ke kaakaa ae o na maka. Ma ia hope iho, ike pono iho la na poe haumana a na kahuna nei, i ka io a me ka iwi o kana mau hana. Haalele aku la kekahi poe, hoi ae la i ko lakou home Mila, a noke iho la i ka hana. Ua oki nae hoi na waha i olelo ana, he hoopunipuni, he wahahee, he epa, he hooluhi ia makou me ka uku ole ia mai. I hea no ka hoi na maka nunui o oukou nana aku i ke ano o kana mau hana.
Ko'u mahalo — Mai mahalo au ia Kumukahi, ina i ola ka mai o Kamakahiki, a i kaakaa na maka o Maalo, a i hu ae he lua dala malaila, ina paha ua pau poo a pau hiu aku makou.
Auhea oukou e o'u mau hoa luhi o na hana kaumaha o ka mila, e kiai, e malama ia kakou iho mai lilo i na olelo pahee a iala, aia nei, a me lakou 'la, Aloha oukou.
E ka Nupepa Kuokoa e :— E kokua mai oe ia'u, e paahele aku i neia wahi puolo ma kou lima, i mea hoi e ikeia mai ai ka hana uso ole a ke kanaka, o ka hele ana mai a ka aina o ka haole, hana iho i ka hana ku i ka wahahee, hoopunipuni, epa a hoopahee wale aku i na mea a ko kakou manao i hoihoi ole ai. O ua Kumukahi la no Hoouaino, Kona, Hawaii. E hoi ia no la hoi a laila, a hui pu me J Kaona ma, a i ole la hoi, e hele loa aku a Kumukahi kahi a ka po-eleele i hiki mai, a hoomana aku i ua lae la, malia o pakole mai, a nahaha mai na kio pahiku paakuku, oiai o Kumukahi no ke akua, a o Kumukahi no ke kahu hoomanamana.
I na hoa ike pepa e noho ana mai kalahiki ma Haehae a ka welona i Lehua, a naue wale mai ma na aina e nei. Aloha kakou. Oia ae la na mea a ko'u maka i ike ai no Kumukahi o me kana mau hana uso ole. A ina au e ike hou i keia mau la aku, e mahaoi hou aku no au.
KALAUOKEPAINA.
Yeekalet, Wash Terr. Mei, 1876
HANAU.
Iune 26 — Ma Waianae, Oahu, hanau o Bisimaka Kaahaaina k. na S Kaahaaina me Debora Haakulou.
MAKE.
Iune 12 — Ma Kawaiahao make o S N Kaholokahiki no Kohala Hawai ; 41 makahiki.
Iune 15.— Malaila no, make o Keaka w, no Maui ; 19 makahiki.
Iune 18 — Malaila no, make o Maliana w, no Ewa Oahu ; 23 makahiki.
AHUPUAA O HONOKOHAU
E kuaiia'na !
KUAI a KE KAHU MALAMA WAIWAI He Aina Waiwai Nui ! He Hoopukapuka Maikai ! MAMULI o ke kauoha a Mrs. SS Robertson, ke Kahu Malama Waiwai o Florence Robertson, Grace Robertson a me Alexander G M Robertson, he mau keiki oo ole, e kuai aku no au mamua iho o Aliiolani Hale, kulauakauhale o Honolulu, ma ka Poaono, la 12 o Augate, A D 1876.
I ka hora 12 awakea, i ke Ahupuaa o Honokohau, mamuli o ka laikini i ae ia mai e Hon Charles C Harris, Lunakanawai kokua o ka Aha Kiekie, i noho ma ke keena.
I kela Ahupuaa, oia kekahi o na waiwai o Hon G M Robertson i make, a aia ke waiho la ma Kona, Hawaii, e moe ana mai ke kai a i ke kuahiwi, a aia maloko o laila, he mau loko ia, na pono lawaia, a he aina wahie ; ke waiho nei Ma kahi maikai loa o Kona Akau, e kokoke ana ia Kailua, a oia kekahi o na aina maikai loa no ke kanu kope, alani a me na hua ai e ae, a kupono no hoi no kekahi mau mea kanu e ae. Aole i anaia ka aina, aka ke oleloia nei, ala iloko o ia aina he 3000 eka a oi aku.
E hoomaka ana ke kuai mai ka $2000 aku, a he oluolu loa ka hookaa ana. I $600 o na dala e hookaaia i ka wa e hanaia ai ka palapala kuai, a o ke koena, e ukuia ma na nota hookaa eha iloko o 1, 2, 3 a me 4 makahiki pakahi me ka uku panee kupono e ukuia i kela a me keia makahiki, a o ka aina no ka moraki. Aka, ua hiki no i ka mea kuai ke hookaa nui ina o kona makemake ia, a i ole ia, e uku pau loa paha. ka wa i haawiia ai ka palapala hoolilo.
Oiai he kuai keia a ke kahu malama waiwai, a e hoopukaia ana na dala loaa mai, malalo o ka mana o ka aha aohe mea e kanalua ai he mea makemake loa ia kela e ka mea e lilo ai ma na nota, 3, 2 a me 1 e hoopaa no i na aina la ma ka moraki no ka manawa loihi aku ina e hookaa pololeiia ka uku panee.
Ke hoeueu aku nei keia he wa maikai no na kanaka ha mai o ke dala e loaa ai no lakou na aina maikai.
CHAS. M. COOKE. 76i 3ts 765 Luna Kudala.
$5.00 MAKANA !
E UKUIA i ke kanaka nana e hoihoi mai i kuu lio wahine hulupala, i hele auwana a laweia paha mai Kapalama aku, i ka Poakahi i hala. Hao kuni DV He eleele kona hulu huelo. A S HARTWELL. Iune 28. 1876. 761 3t 763
EIA Iloko o ka Pa Aupuni o Koholaloa. Apana o Honolulu, he hookahi lio helehewa, e kuai kudalaia ana ke hiki aku i ka Poaono, Iulai la 8 i ka hora 12 awakea. Eia ke ano : Lio k. hulu lolole ano waiepo ak UF — Mau Lio hou mai no kahi. Lio k eleele laekea. 2w A keokeo i mamua i mahope, kiko keokeo maluna o ke ka ane eha hem ML. Lio k hulupala laekea loihi a hiki i ka ihu, ak a hem KA Lio w ahinahina ak ai XA hem L
A B KAAUKUU Luna Pa Aupuni. Koholaloa, Iune 30, 1876 761 1t*
KE papa ia aku nei ka poe a pau e makemake ana e kuai i kuu Halelaau, e ku la ma Kumumauu i Moanalua, oiai owau wale no ka mea nona na hale la, aole he kuleana iki o Kaaumoana, o kona manao kuhihewa ana, e kuai me ka poe e makemake mai ana : e malama ia oukou e ka poe mea dala, o poho auanei oukou. Owau iho no o PAULO NAMAUU. Uapo a Hooiiliamanu, Iune 29, 1876. 761 2t* 763
Ma ka la 29 o Iune 1876, ua hoonohoia mamua e ka Mea Hanohano C C Harris, Lunakanawai Kiekie, i mau Lunahooponopono no ka waiwai o MARIE KALAMA (w) i make. Nolaila, o ka poe i pili ma ka waiwai, a aie i ka aie mai hoi iaia, e hele mai e hoike i na hoakaka kupono, i hiki ke hoolahaia iloko o na malama eono, a e hookaa mai hoi na aie ia maua ; a hala ia wa, e hoole mau loa ia aku no. E loaa no maua i Honolulu, a i ole i Waianae, Oahu. M K MAIKAI a me KALEIEPU, Na Lunahooponopono Waiwai. Honolulu, Iune 30, 1876. 761 4t* 764
MA ka la 13 o Iune, 1876, ua hoonohoia mai au e ka Mea Hanohano C C Harris, Lunakanawai o ka Aha Kiekie, i Kahu no na keiki opio a me ka Hooko Kauoha Lunahooponopono no na waiwai a pau o SAMUEL KEAANA k, o Pokai, Waianae i make. Nolaila, ke hoolahaia aku nei, o ka poe i pili a kuleana ma ka waiwa hui, a e hai mai imua o'u ; a o ka poe i aie iaia, a oia ia hai, e hookaa mai iloko o na malama eono mai keia la aku, a e hoike mai hoi i na bila i hooiaioia e ia. E loaa no au ma Waianae, Oahu.
S W KAAIHOLEI. Lunahooponopono Waiwai. Waianae, Iune 29, 1876. 761 4t* 764
HOOLAHA HOOKOLOKOLO.
AHA Hookolokolo Kiekie o ko Hawaii Pae Aina. Ma ka hooponopono waiwai, ma ka hana o ka waiwai o KAELE (k), o Honolulu i make. Ma ke keena, imua o ka Hon. Chas. C. Harris. Kauoha e hoolaha i ke noi, e apono i na papa hoike, hookuu ana a e mahele i ka waiwai.
Ma ka heluhelu a me ka waiho ana mai o ka palapala noi a me ka papa hoike o Haremano Poka, o ka waiwai o Kaele k, no Honolulu i make, e noi ana e aponoia na hoolili he $26.00, a e hoike ana, o na mea i loaa mai iaia, he $172.00, a e noi ana, e nana a apono ia keia mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia e me kona mau hope mai ko lakou noho ana ma ia ano.
Ua kauohaia, o ka Poaha, ka la 29 o Iulai M H 1876, ma ka hora umi o kakahiaka, imua o ua Lunakanawai la, ma ke Keena, ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua noi la a me na papa hoike i oleloia, a o ka poe a pau i pili malaila, e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e paiia maloko o ke Kuokoa, he mau nupepa i paiia a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Honolulu ko Hawaii P A la 26 o Mei 1876. CHAS. C. HARRIS,
Ikeia : Lunakanawai o ka Aha Kiekie. Walter R Seal, Kakauolelo, 761 3ts 763
MA KE KEENA o ka Lunakanawai Kaapuni Apana Elua ko Hawaii Pae Aina. Ma ka waiwai o P NAHAOLELUA, no Lahaina, Maui i make.
Ua heluheluia a ua waihoia ka palapala noi a Kia Nahaolelua a me F Kekelaokalani, na Luna Hooko Kauoha ma ka waiwai o P Nahaolelua no Lahaina, Maui H P A i make, e noi ana e hoapono ia ko laua moo-waiwai, a e hooholoia ka waiwai e like me ke kauoha o ka mea make, a e hookuu ia laua mai ka oihana. Nolaila ke kauohaia aku nei na kanaka a pau ke pili, o ka Poalua, oia ka la 15 o Iulai 1876, ma ka hora 10 o kakahiaka, ma ka Hale Hookolokolo ma Lahaina, oia ka la a me kahi i kohoia no ka hoolohe ana mai i ua nonoi la a me na mea kue ke hoikeia. ABR. FORNANDER, Lunakanawai Kaapuni Apana Elua H P A Lahaina. Iune 15, 1876. 760 3ts 762
AHA Hookolokolo Kaapuni Apana Aha o ko Hawaii Pae Aina. Ma ka Banco kau o Augate A D 1876. Ma ka hihia o ke noi a AINAIKI e hooponopono i kekahi aina e koiia nei ma ka pono hooilina ma ka hanau ana. Imua o Mr. McBryde.
Ma ka waiho a me ka heluhelu ana i ke noi a Ainaiki (k) o Pokii, Apana o Waimea, Mokupuni o Kauai, e koi ana e hooponoponoia ma ka pono o ka hanau ana kekahi aina e waiho la ma Nawiliwili mokupuni o Kauai, oiai o kekahi hapa o ua aina la ua hoakakaia e na Luna Hoona Kuleana Aina helu 3210, i haawiia no Luka (k) e hoike ana, o ua Luka la oia no ka pili mua o ka mea noi i make hope, hoomalu a lawe i ka aina ; ua make kauoha ole oia ma Nawiliwili i ka A D 1850, a e noi ana e aponoia o Ainaiki, a e lilo ua aina ia nona.
Ua kauohaia o ka Poalua, la 1 o Augate A D 1876, oia ka wa i kohoia no ka hoolohe ana i ua nonoi la imua o ia Aha Hookolokolo Kaapuni Apana Aha ma ka Hale Hookolokolo ma Nawiliwili, a ma ia wahi hookolokolo, e hele mai ai ka poe a pau i kuleana e hoike ina paha he kumu e ae ole ia ai ia noi ; a i hoolahaia kela kauoha ma na olelo Haole a me Hawaii iloko o na nupepa Hawaiian Gazette a me ke Kuokoa no na hebedoma aole e emi iho malalo o ekolu mamua ae o ka la e weheia ai ia Aha Kaapuni.
Hanaia ma Wahiawa, Kauai, i keia la 30 o Iune A D 1876. DUNCAN McBRYDE,
734 3ts 761 Lunakanawai Kaapuni Apana 4.
E IKE auanei na kanaka a pau e nana mai ana, owau o ka mea nona ka inoa malalo iho, ke papa aku nei au a ke hookapu aku nei au i na kanaka a pau, aole e hookuu wale a hele wale na holoholona maluna o kuu aina hoolimalima, oia ka apana aina e pili 'la me Puahia ma Manoa, a ina e loaa ia'u a i kuu hope paha a'u i hoonoho aku ai. Na holoholona lio, bipi, hoki, miula, e hele ana maluna o kela aina i hoolimalima la e a'u, o hoouku no au i hookahi dala ($1.00) o ke poo hookahi o na holoholona, a ina he mau loi ka lakou o luna o keia apana aina a uala paha a he mau mea kanu e ae paha kekahi iluna o keia aina, e pono ia lakou e lawe i ka lakou mau mea kanu iloko o na la he umi mai keia la aku e puka ai o keia hoolaha a hala ae umi la, a ina i pau ole ka lakou mau mea kanu a hala na la he umi i oleloia maluna, alaila pili no ia me ka aina i hoolimalimaia e a'u, a eia kekahi, o kela loi kalo e waiho 'la maialia, ua lilo ia ia'u i ka hoolimalimaia me ka aina pu. Aole o oukou kuleana e kii a lawe ia ai, no ka mea oia loi ai a me ka aina pu ua paa iloko o ka palapala hoolimalima koe aku na apoho i kanuia e oukou, me oukou la aina, o ka mea a mau mea paha e kue i keia e hoopii no au e like me ke kanawai. E. S. PAONA. Puahia, Manoa, Oahu, Iune 28, 1876. 761 2t* 762
E IKE auanei oukou e na kanaka a pau o kela a me keia ano i like ole na waihooluu, owau o ka mea nona ka inoa malalo nei, ke hookapu loa aku nei au i na holoholona Bipi, Lio, Hoki, Miula, aole e hele wale maluna o ke kula o kuu mea aina, oia o Hahaione, Kaelekei, a me ka apana kula o Keokea, ke kulana hale o Koko ma Maunalua, mokupuni o Oahu. Ina e loaa ia'u mau paniolo kekahi o kela mau holoholona, e uku no i $2.00 no ke poo hookahi. A ke papa loa ia aku nei no hoi na kanaka o kela a me keia ano, a me na kanaka malalo o Mr Paiko. Ua kapu loa na aina o ke konohiki, oia hoi o Awawamaiu, Hanauma, a me Kalua, aole e kii a lawe wale i na i-a ame na laau pae, ua ae ia no nae i na kanaka a me na hoaaina malalo o'u. Ina e loaa ia'u a i o'u mau hope paha e kue ana i keia hoolaha, e hopu ia no a hoopaa. " He kuli ka make, a he lohe ke ola." W C MAHUKA. Maunalua, Oahu, Iulai 1, 1876. 761 3t* 764
HALE KUAI * HOU.
KAWAIHAE, KOHALA HEMA.
Allen & Stackpole. (Kale).
UA lilo mai ka Hale Kuai ma Kawaihaekai, a ua hoopihaia me na lole hou loa i makemake kupono no ka makemake o na kanaka — E kuai hoemi aku ana laua, malalo iho o na Hale Kuai e ae ma ia apana. E loaa mau ana na lole ma na ku ana a pau o " Kilauea." Iune 22, 1876. 760 3ms
Mai ka hakuaina C C Harris o Kailua, Ahupuaa o Koolaupoko, Oahu, ua lilo mai ia makou ka hoomalu ana i na kai lawaia o Mokulua, Ahulili a me Kea. Nolaila, ua koho ponoia o Jona A Cummins, i Luna nana e hoomalu a hooponopono i na mea a pau ma ia mau wahi no ka makahiki. E hoolohe na mea a pau. W L MOEHONUA. Mei 20, 1876, 757 6t* 762
O maua o na mea nona na inoa malalo nei, ua hoonohoia mai maua e ka mea Hanohano Abr. Fornander, Lunakanawai Kaapuni Apana Elua H P A, i Lunahooponopono, no ka waiwai o D Kaui, o Keanae, Koolau, Maui, i make. Nolaila, o ka poe a pau i aie mai i ka mea i make, a me ka poe ana i aie aku ai, e hoike koke mai ia maua me na bila kupono, iloko o na malama eono mai keia la aku, o hoole loa ia auanei. KEUOHO,
KAMAKA w.
Na Lunahooponopono Waiwai o D Kaui. Keanae, Maui, Mei 5, 1876. 754 4t* 751
KE noiia aku nei i na me a pau i pili, e hoike mai, ina he mau bila aie a mau koi ana paha ka lakou iloko o ka waiwai o AUWANA k, o Kamooloa, Kauai i make ; iloko o na malama eono ; a ina hoi he poe aie mai a mau waiwai paha ko ka mea make ma ko lakou lima, e hoihoi koke mai. A K MIKA, Lunahooponopono Waiwai o Auwana. Koloa, Kauai, Iune 5, 1876. 760 4t* 763
John W Kalua,
Loio ! Loio !
E loaa no ma Lahaina, Maui 760 6m* 786
OIAI ua hoonohoia mai au e C F Hart, ka Lunakanawai Kaapuni, Apana Ekolu i Lunahooponopono waiwai no Aki pake i make, o Kohala Akau, Hawaii. Nolaila ke kauohaia aku nei ka poe a ua Aki la i aie ai e pono lakou e hookomo mai i na bila kupono me ka oiaio, iloko o ka wa kupono, a o ka poe a pau i aie mai i ua Aki la, e pono no e hookaa koke mai o hoopii ia auanei. ATUN, Lunahooponopono waiwai o Aki. Kohala, Hawaii, Iune 12, 1876. 760 4t* 763
EIA kekahi lio k ulaula laekea loihi a ka ihu, elua kapuai keokeo hop hookahi mamua hem i kuni ia i ka hao T i maheleia ka U uh hope ak. Ke kauoha aku nei au i ka mea nona keia lio e kii koke mai maloko o na la he kanakolu mai kela la aku, me ka uku o ka malama ana a me ka lilo i ka hoolaha ana, ina e kii ole mai a hala kela mau la i hai ia maluna, ua lilo loa ia'u. Owau ka ona oia waiwai ua loihi kuu malama ana me ka hoolaha ana ma ka apana aole kii ia mai. J. KAIMU. Waiawa, Ewa, Oahu, Iune 21, 1876. 760 2t* 761
Oiai ua hoonoho a Hookohu mai ka mea Hanohano, Abraham Fornander ka Lunakanawai Kaapuni a ka apana elua o ko Hawaii Pae Aina i ka mea nona ka inoa malalo nei i Lunahooponopono no ka waiwai o Kahili (w) a me Lu (k) he mau mea i make no Waialua, Molokai. Nolaila, ke hoolaha ia aku nei ka lohe i na mea a pau i aie ia laua a i kekahi o laua paha, e hookaa koke mai ia'u maloko o na malama eha mai keia la aku, a o ka poe hoi a laua i aie aku ai e waiho koke mai lakou i ko lakou mau koi ana, me na bila kupono i hooiaioia, e like me ke kanawai iloko o na malama eha mai keia la aku, o hoole mau loa ia. A ke kauoha pu ia aku nei, ina he waiwai kekahi o na mea make i oleloia maluna, a no kekahi o laua paha e paa ia nei e kekahi poe, alaila e hoihoi koke mai lakou iloko o ko'u lima, o hoopiiia auanei ma ke kanawai. A o ka poe hoi e mahi nei malkna o ke kuleana aina i kapaia o Hookau e waiho 'la ma Waialua, Molokai, ke papaia aku nei lakou, aole e kuai aole hoi e hana ma kekahi ano e ae e hoopau ai i na mea ulu maluna iho, me ka hooponopono pu ole me a'u. A ina he mau kekahi maluna o ua aina la i kuaiia mamua aku nei mahope iho o ko laua make ana e pono i ka poe nana i kuai aku ke hooponopono pu me a'u.
D W. KAIUE, Lunahooponopono o ka waiwai o Kahili w, a me Lu k, i make no Waialua, Molokai. Honolulu, Iune 5, 1876 758 4t* 761
OLELO HOOLAHA.
EMI LOA * NA KII !
MA KA HALE PAI KII O AHI, MA KA Helu 63 Alanui Nuuanu, Honolulu. O ka uku o ke kakini Kii Pepa mamua, he $2.50, a i keia manawa, emi loa, he $2.00. O ka uku o ke kii aniani, he $2.50 mamua, ua hoemi loa ia a i ke $1.50 wale no ! Emi maoli ! Makepono loa ! Aole like pu mamua ! E hele wikiwiki mai e pai i na kii.
HALE KAMANA !
AIA no maloko o keia Hale maluna ae, e hanaia ai na Pahukupapau, na Moe, Noho, Pakaukau, Mamalu, a ia mea aku ia mea aku. O ka Pahu kupapau paina mamua, he $3.00, a i keia manawa, he $2.00 wale no. O na kumukuai o na mea e ae i koe, e kuai makepono loa ia aku ana.
HALE KUMEKA !
AIA NO malalo o ka Hale Pai Kii, he keena Kumeka, oia ka humuhumu ana i na kamaa hou me ka makepono, a me ka poho ana i na kamaa nahaehae me ke emi. 753 6m 776
E KIPA MAI E KE ALOHA.
I NA MAKAMAKA A PAU O KA UA Kukalahale, ke waiho aku nei au iluna o oukou, he olelo poloai, e pili ana i na Lole Nu Hou e waiho nei ma ko'u Hale KUAI, ma ka aoao ma Ewa o ka Hale Borabora, ma ke Alanui Nuuanu. A penei na ano :
Na Kalakoa hou loa o kela a me keia ano. Alapia o kela a me keia ano. Kihei huluhulu papamu alokahi o na wai hooluu like ole he lehulehu. Kihei huluhulu pukapuka, me ka huhui mahope o na ano he nui wale. Kihei huluhulu nanahe a me na kihei huluhulu he huihui ke kae a puni, e hoohiolo na wainaoa i ke kehau. Papale wahine pinana o ka aoao, a luhe hoi kekahi ilalo o kela a me keia ano. Na hulu a me na pae papale he nui wale. Leta 4 Silika loloa o na Lede o na ano like ole. Mamalu Silika liilii a me ke nui. Kamaa wahine nihoniho o ka aoao. Iliwai huluhulu manoanoa o na ano he nui wale. Holoku Lilina keokeo, kakau a papamu he nui wale. Na Lole Kane. Kuka Kainahai manoanoa a lahilahi. Na Koheo huluhulu paina manoanoa a lahilahi, a me na koheo Lilina. Lole wawae huluhulu paikini hou a me na ano e ae he lehulehu. Na apa huluhulu paina a kakimea hoi. Na palule o kela a me keia ano. Na Papale o na ano a pau. Na Kamaa buki a me haahaa o na ano he nui wale. Na Pahulole koa a ili hoi. NA paiki ili. Na mea kamano, e lawa ai ka makemake o na kamana. Aole o keia mau mea wale no na mea hou, aka, e hiki hou mai ana no. A o ke kumukuai o keia mau mea i haiia ae la maluna, he haahaa loa no. A i mea e ike io ai, e hele mai no. Me ka mahalo. GOO KIMA.
Honolulu, Mar 15, 1876 746 6m 772
OWAU o ka mea nona ka inoa malalo nei, ke hooiaio aku nei ia H Kipi k, i Luna a i mea hoi nana e hooponopono i ko'u aina e waiho ia ma Waipio, Ewa, mokupuni o Oahu, oia hoi o HANAPOULI. A ke hooiaio aku nei au, o kana mau kauoha a me kana hana, e hooloheia. A o ka mea kue mai i kana mau hana, e hiki no iaia ke hoopii ma ke kanawai, koe nae ka poe i hoolimalima aku iaia. Me ka mahalo.
GEO. N. HARBOTTLE. Kohala Akau, Aawaii, Iune 2, 1876. 758 4t* 761
UA LOAA i ka mea nona ka inoa malalo iho, luna o ka Aina o ka Poe Hui o Kapaliluahine, Manoa, he Bipi wahine ulaula moo, ua hanau he keiki bipi wahine. Ua ninauia ka ona nona ia bipi, aohe nae he loaa. O kona hao kuni, he kohu ano eki daimana ; a ua maheleia kona pepeiao akau. O ka mea nana keia bipi, e kii mai ia me ka uku i ko'u mau poho.
KAUKANI. Manoa, Iune7, 1876. 753 4t* 761
E KUAI IA ANA
HOOKAHI KUKAA BAKA HAWAII o ke ano maikai loa, aia ia 760 2ts 761 F. A. SCHAEFER & CO.
Mai keia la aku, aole au e hookaa ana i kekahi aie ma ko'u luna, ke ole e loaa ke kauoha mai a'u aku. Hilo, Iune 1 1876. (757 6m*) C. K. HAPAI.
E. STREHZ, (AILUENE,)
HAAWI A KUAI
LAAU LAPAAU.
AIA MA MONIKAHAAE, KIHI O NA HUINA o na Alanui Papu a me Hotele. Aia malaila na Wa Ala a me na Wai Rukini maikai loa e loaa ai.
E hamama mau ana i na ahiahi Poaono a pau.
741 1y 792
Na Buke Himeni Hou ma ka Halekuai Buke o Wini.
Songs of Salvation
The River of Life
Sun Shine
Cheerful Voices
Pure Gold
Sparkling Rubies
Golden Robin
Bright Jewels
Nine O'clock in the Morning
New Golden Censer
The Morning Star
Sabbath Carols
The Bunk of the Rhine
Royal Diadem
Hallowed Songs
Song Monarch
Gospel Song
Golden Wreath
Happy Voices
New Songs
Temple Choir
Charm
Merry Voices
Song of Life.
Bradbury Trio
Ne Plus Atra
Song King
Song Queen
Mocking Bird
Sacred Song
Hour of Singing
Sabbath School Bell
Shining
River Pearl
Choice.
H. M. WINI.
Hoolaha Hui.
UA Hoohui ae nei na mea nona na inoa malalo iho, no ka lawelawe ana i ka Oihana Kalepa ma Kawaihae, Kohala, Hawaii. O ka inoa o ka Hui, Allen & Stackpole.
E kuai no laua i na uala kahiki, na ili pipi, na ili kao, kope, a me na mea e ae i hoouluia mai ka aina.
W. F. ALLEN, 738 4ts 761 C. E. STACKPOLE (Kale)
O KA POE A pau he mau Bipi a Lio, a pela aku, ko lakou e holo ana maluna o Wailuku a ma Waikapu, ke konoia aku nei lakou, e lawe koke aku, a ina aole e lawe e ia mamua o ka la 1 o Iune, 1876, alaila, mahope o ia la, o na holoholona e loaa aku ana, e holo wale ana, e hoopaaia maloko o ka pa aupuni e like me ke kanawai. O ka poe e makemake ana e hooholo i ko lakou mau holoholona maluna o ua mau aina la, ua hiki no ke alualu ia.
HENRY CORNWELL, & Co.
o Waikapu, Maui.
N. B. Aole e aeia ka ho-a a me ke kuai holoholona maluna o ia mau aina, me ka ae ole o Cornwell & Co., a i ole ia ko lakou mau Agena paha.
Wailuku, Mei, 22 1876. 756 3m 760
HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MARCHANT !
Poakahi, Iulai 3...............................................................No Hilo
Poakahi, Iulai 10.............................................Kaapuni ia Hawaii
Poakahi, Iulai 17.............................................................No Kona
Poakahi, Iulai 24..............................................Kaapuni ia Hawaii
Poakahi, Iulai 31..............................................Kaapuni ia Kauai
(E ku mua ana ma Nawiliwili, i ka holo ana aku, a e haalele ana ia wahi i ka Poaha, Augate 3.)
Poakahi, Aug 7................................................Kaapuni ia Hawaii
Poaha, Augat 17..............................................Maui me Kawaihae
(E ku ana ma Honolulu ma ke kakahiaka Sabati).
Poakahi, Aug 21...............................................Kaapuni ia Hawaii
Poakahi, Aug 28.............................................................No Hilo
Poakahi, Sept 4..............................................................No Kona
Poakahi, Sept 11................................................Kaapuni ia Hawaii
Poakahi, Sept 13................................................Kaapuni ia Kauai
(E ku mua ana ma Nawiliwili, a e ku ana ma Honolulu i ke kakahiaka Poalima).
Poakahi, Sept 13................................................Kaapuni ia Hawaii
Ma na huakai a pau a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a.m., a mahope iho paha ; Kawai a hiki i ka hora 10 a mahope iho paha ; Makena e like me ka mea i hoolaha wahaia ; Maalaea a hiki i ka hora 7 a.m., a mahope iho paha.
Uku Eemoku mai Honolulu aku,
A hiki i Kaunakakai, a pela maluna mai...........$ 5.00
" Lahaina, " " .................................................. 6.00
" Maalaea, " " ................................................. 7.00
" Makena, " " .................................................. 8.00
" Mahukona, " " ............................................ 10.00
" Kawaihae, " " ............................................. 10.00
" Kailua, " " ................................................... 10.00
" Kaawaloa, " " ............................................. 10.00
" Hilo, " " ...................................................... 12.50
" Kau, " " ...................................................... 15.50
Uku kaapuni ia Hawaii, .................................. 22.00
A hiki i na awa o Kauai .................................... 8.00
Uku kaapuni ia Kauai ..................................... 12.00
Uku ohua Hawaii oneki .................................... 2.00
Aole aie no na uku ohua.
Ma ka Hale Oihana e loaa'i na palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no ka paiki, ukana a puolo paha, ke ole e kakauia ka loaa ana mai.
E hookaaia ka uku ukana i ka wa e noiia aku ai.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui
Papu a me Moiwahine. 761 3m
OLELO HOOLAHA.
J. PORTER GREEN,
" KEIKI O KAUAUKIUKIU."
LOIO !
E HELE MAI NA MAKAMAKA A PAU IO'U nei, a na'u no e kokua ia oukou imua o ka Aha Hoomalu a me ka Aha Kiekie, me ka uku haahaa makepono loa. Aia kuu Keena ma kahi o ka Lunakanawai Hoomalu o Honolulu nei, oia ka " Aiko," ma Alanui Kalepa. 741 ly 792
C. H. DICKEY (Kalekika).
LOIO !
MA HAIKU, MAUI.
UA MAKAUKAU E HANA PALAPALA Kuai, Palapala Moraki a me na mea a pau e pili ana ma ka Oihana Loio. 743 1y 794
KE HOIKEIA aku nei i na kanaka a pau, aole lakou e komohewa ma ka Aina o ke Kula, ma Wahiawa, Waialua, Oahu, ma ke kua ana i na laau, a pepehi hoi i na Bipi hihiu, a alualu i na holoholona ma ua aina la ; aole hoi lakou e hookuu wale i na bipi a me na holoholona e ae maluna o ua aina la. W C JONES, Honolulu, Novem. 29, 1875 731 tf
Richard P. Bickerton.
[PEKEKONA],
LOIO !
E KU LOIO no oia imua o na Aha Hookolokolo a pau ma keia mokupuni a ma na moku e ae, ma na hihia a pau. Ua makaukau oia i ka hana ana i na ano palapala a pau. E hoaie ia no na dala mai a iaia aku ma na moraki maikai a oiaio wale no me ka ukupanee.
Keena Oihana ma Alanui Kalepa, ekolu puka mahope aku o ka Hale Kauka o Minuteole, ma ka hale hookahi me ka Loio Aeto. 735 1y
NA MEA NANI E HIEHIE AI
NAUWE MAI * NAUWE MAI
MAHEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu ai e kau ai ka iwa, he la makani e hao ai na polena o Haupu, kapakahi manuia o Keokoi ka moku, ma kahi o L. ASEU, Aia pu no malaila na HAINAKA SILIKA liilii LEI AI kae weluwelu, a me na LIPINE SILIKA puapua weluwelu, e kuwelu ai i ka makani. NA KALAKOA ANO HOU LOA i like oleia mamua, Na KAEI SILIKA Nani, NA MAKALENA KALAKOA me ka PUAKEA, na ALAPIA HULUHULU o na ano a pau, na KIHEI UHI hou a kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ume naau o kela ano keia ano, na kamaa wahine o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono loa no hoi ke kuai i na mea i hoikeia ae nei maluna ke kuike. I mea e pau ai ke kuhihewa, e naue mai no e na makamaka ma kuu Hale kuai HIKIKIIKAUOENA. L. ASEU.
Kihi ma Ewa o Alanui Nuuanu mauka o Alanui Moi.
Honolulu, Aug. 27, 1875, 717 lyr 768
E naue mai ! E naue mai !!
KE POLOAI IA AKU NEI OUKOU E NA keiki lalawai o na pali hauliuli, a me na kaikamahine puukani nohenohea o na pali Koolau, e naue mai ma ko makou mau Hale Kuai ma KAALAEA a me KANEOHE, malaila e loaa'i oukou na nuhou o na ano a pau. Na Lole Kane, Wahine a me na kamalii, Na Kamaa Na Hou. Na ano Papale a me na mea liilii o kela ano keia ano he nui wale.
E loaa no ia oukou ke kumukuai makepono loa. E naue mai ! E naue mai !! E hoao i pau ko oukou kuhihewa.
AKANA & KONGER & Co.
Koolaupoko. Maraki 23, 1876. 747 6m* 771
NA MEA ANO HOU !
Ua loaa mai nei, Eia ma ka Hale Kuai o Wini ! NA EA, NA OMAU AI NA KULA PEPEIAO NA OMAU HAO BUKALO, NA MEA ANO HOU A EMI, Na Buke Pakeke Ili a me na Eke Dala ! Na Lei Pilali, Na Lei Eleele, a me na mea e ae he nui wale.
E HAAWI MAKANA IA ana i kela a me keia mea i kuai a hiki i ka ELUA DALA.
E hele mai, e nana i keia mau mea maikai, a e loaa no e like me ka makemake, Emi loa aole e like me mamua !
Eia ma ka Hale Kuai o 756 2m WINI.
Papa ! Papa !
— NO —
ALLEN A ME ROBINSON.
Ua wehe ae nei maua i PA KUAI PAPA ! MA KA UWAPO O PAKAKA. Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale. Na Pepa Molina. Na Pena a me na Aila Pena ! NA KUI O NA ANO A PAU ! Na Pani Puka a me Na Pani Puka Aniani. Na Pani Puka a me Na Olepelepe. Na lako kukulu Hale. O NA ANO A PAU E kuaiia ma ke Kumukuai Haahaa Loa ! o keia Makeke. ALLEN & ROBINSON. Honolulu, Aper 13, 1876. 750 ly
OLELO HOOLAHA.
ANOAI I KA LEHULEHU,
E kipa mai a e nana i kumaka ka ike i na waiwai nani i loaa mai nei iloko o na La Kulaia iho nei.
Penei ke ano o ua mau waiwai la :
Na wati a me na kaula gula, a na Ledee a me na Keonimana ! NA KAULA OPELE A NA LEDE NA KOMO GULA NANI O KELA A ME KEIA ano o na Lede a me na Keonimana ! NA KUPEE GULA, NA LIPINE GULA, Na gula pepeiao o na wahine ! e oaka ai i na pepeiao, a e hulali ai hoi na manamana lima, a e kilipohe ai hoi na ai. Na komo humuhumu gula a me ke kala Na pihi pulima gula wahine a kane, Na laketa gula lei wahine nani, Na komo daimana o na Lede. Na kaula laketa, Na pine omau kihei, Na laketa aniani, Na huka gula wahine. NA LAKO HALE. NA PUNA, NA PAHI, NA KIAHA, KALA, NA APO KALA, NA KAWELE holoi lima, NA O DALA o kela a me keia ano, a me na mea nani e ae no he nui wale.
E kuaiia aku ana no ma ke kumukuai haahaa loa i ko na wahi e ae o ke taona nei.
UA MAKAUKAU NO HOI NA mea nani no kanaka makua a me na kamalii. Na Kamaa Paa Loa, e loaa no maanei e like me ka makemake ; a ina e loaa koke ka ino, he hiki no ke hoihoi mai. M. McINERNY.
Kihi o Alanui Papu a me Kalepa. 737 3m 762
Lole Makepono ke Kuike !
E LOAA NO IA MA KAHI O KAKELA ME KUKE, E LAA NA AHINAHINA, KALAKOA, KEOKEO, LEPONALO, Pena, Aila, Aniani, Na Mea Piula, Kopa, Aila Honua. Aila Hoomaloo, Kui Kakia, Pakeke, Tabu, Kaula, Noho lio, Hulu-palaki, na Pulumi.
A he Agena no hoi no na Mokupuni o Hawaii nei no na LAINAKINI-NAO, LAINAKINI-MAOLI, PALULE KALAKOA, ALAPIA, KELEPA, KILISA, Na Lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana Lipine, lihilihi, a me ia mea'ku A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c A HE LAAU LAPAAU KAULANA LOA A Dr. JAYNES. Laau Kunu, Laau Hoomaemae Koko, Laau hoopau naio, Penikila, Huaale, A me na Laau Hamo, a pela'ku. 759 ly 811