Ka Nupepa Kuokoa, Volume XV, Number 32, 5 August 1876 — Page 2
KA NUPEPA KUOKOA, ME KE AU OKOA I HUIIA.
Nu Hou o na Aina e.
O ka heluna o ka poe makaikai i ka hale Hoikeike Nui ma Piladelapia, mai ka la i weheia ai a hiki wale i ka la 7 o Iulai, he 1,962,054. Ua hooholo na Komisina nana, e hooponopono i keia hana nui, aole e wehe i na puka o ka Hale Hoikeike ma na la Sabati.
Ua malama puniia ka la 4 o Iulai ma Amerika Huipuia holookoa me ka olioli nui palena ole. A ma kekahi mau wahi, ua holapu ae ke ahi i a aku mai na ahi kaolele a me na mea hoopahupahu.
Ua nui loa ka wela ma ke kulanakauhale o o Nu Ioka a me na kulanakauhale e ae o na Mokuaina Hikina i ka malama aku nei o Iune. Ua pii ae ka mea ana wela a i ka haneri degere ka wela. Ua nui ka poe i loohia i ka make i ka wela o ka la ; a o ko lakou heluna, ua hiki aku paha i ke kanalima ka make i ka la hookahi ma na kulanakauhale o Nu Ioka, Piladelapia, Wasinetona a me kekahi mau kulanakauhale nui e ae.
Ua hookohuia ka Luna Senate Morrill i Kuhina Waiwai no Amerika Huipuia, a ua koho aku ke Kiaaina o Maine ia Blaine, e pani i ka hakahaka o Morrill ma ke ano Luna Senate.
Ua pihi ka aina i ka huhu, no ke okiia ana o Custer a me kona mau koa he 260, e na Ilikini. Ua hookonokono nui aku ko ka Akau, ka Hema a me ke Komohana ia Generala Keremana, e hoala i mau puali koa pualu, e hele aku e kokua i na koa ku mau, i hoopauia ai keia hana mainoino a na Ilikini. Ua manao o Keremana, oia ka nui o na ilikini mawaena o ka 3,000 a me ka 4,000 paha, a ua hiki wale no hoi ke hoopau ia e na koa ku mau.
Ua make o Santa Anna, kela alii kaulana o Mekiko. He 84 ka nui o kona mau makahiki i ka wa i make ai.
Ua ola ka mai o ka Luna Senate Sergent, ka makamaka ikaika o ke Kuikahi Panai Like, ma ka aoao o Hawaii nei.
No Europa.
E holo mai ana ke Keiki Alii Lui Napoliona i ka makaikai i Piladelapia, iloko ae nei o ka malama o Sepatemaba.
Ma ka la 12 o Iulai, ua haalele ka Emepera o Berazila ia Nu Ioka, a ua holo aku i Europa.
He nui ka poe i make i ka wela o ka la, no kekihi mau la ma Ladana. Ua pii ae ka wela a i ke 96 degere malalo o ka malumalu.
Ke manao laulahaia aku nei, e kuikawa ana na aupuni o Europa, no ka hihia o Serevia.
Mai kekahi mea kakau nupepa mai o Vienna, i loheia mai ai, ua makaukau he 25,000 mau koa pualu Rukini, e hele aku e kokua ia Serevia, a ua noi aku nei i ke aupuni o Roumania, e ae mai i ko lakou hele ana aku maluna o kona aina.
Aole i ola ka nawaliwali i loaa i ke Suletana o Tureke, mamuli o ke kaawe ana o kona makuakane, ke Suletana mua i hoopauia ai a me ka powaia ana o ke Kuhina Kaua. " Ke manaolanaia aku nei, e haalele ana oia i ka noho alii, a e manaolana mai oe i kela a me keia wa, e noho alii aku ana kona pokii."
Eia ka pane a ke Kuhina o ko na aina e o Enelani, i ka ninau a kekahi alii iloko o ka Hale Ahaolelo Alii o Enelani : " Aole e hiki ia'u ke ao aku i ka Ahaolelo, e haalele i ke kukalaia ana o ke Kuikahi Lahui e, olelo ana, o ka hae o ke aupuni ku i ka wa, ka mea e pakele ai ka waiwai a ka enemi, i ka wa koe na lako kaua. Ua noho hooko ia iho nei keia kukalaia ana no na makahiki he 20. Ua hookekena aku o Enelani maluna o na aupuni e ae no keia mea, aka ina e hookumamao mai ana o Enelani ia ia iho mai ia mua mai, alaila e hoala mai auanei ia i ka manao haohao ke hoomakaukau nei o Enelani no ke kaua."
Ma ka la 14 o Iualai, ua pa-huia ka mahu o kekahi wahi mokuahi poepoe oiai kona wa e hopuia ana ma ke awa o Portsmouth, Enelani. He 21 kino ola i make a he 32 i hoehaia.
Ua makaikai ae ke olai i ke kulanakauhale o Vienna, a ua hookaniia na bele o na halepule me ka mea ole nana e huki, aka aole nae mea poino.
PALAPALA I KE KUOKOA.
Na mea hou o Keau-kukui-ula.
Ke hoomaka mai nei ka pala o na hua kope i ka loku a ka ua. Ke hookokoke mai nei na paona o na hale kuai, me na ekeeke a Aukai. E hooneene mai auanei na keiki kalepa, o ua kaha nei.
— O na aina leialii, i lilo i ka hoolimalima i na haole, ua laweia na hua-kenikeni (kope) a na kanaka e kaa ai ka auhau makahiki. O ka maia, kalo, uala, a me ke ko, o na mea ia e ai ai, a ku a hele, O ka poe i komo kino mawaho aku nei, e kii lakou e ai a e uhuki, a o ke kope, aole lakou e ohi, ua kapu loa.
— Ua nui ka pilikia, o na kini-lepo o oukou e na Hakulani. Aole hoi pela mamua ae, i na haku'lii mua. Ua mau ke aloha aina, a o ka wa hoi keia e lele ai. Lele ke koae a kau i ka pali he lua ia.
J. W. KEADOHA.
Kaloko, N Kona, Hawaii, Iulai 27, 1876.
He mau mea hou.
Ma ka Poaono i hala aku nei, holo aku la ka au-waa lawaia i ke ko lau, a he mau wahi i-a no i loaa mai. Aka, hoomau aku la no ka holo malie ana, a kahi e kupono ai ka upena e kuu. I ka hoopuni ana o ka upena i na i-a, lele aku la na kanaka ilalo e hoohu aku i ka i-a iloko o ka upena. Aka i ka luu ana o kekahi kanaka halahu mawaho o na rula wahi a ka Ahaolelo, oia hoi hihia aku ia oia i ka upena kuu a Kalawakua,a i kona manao ana e hoi mai, aole nae e hiki no ka mea, ua hihia oia i ka upena. Aka e uhae koke ae ana kela i ka upena pakele ia. Ma ka apua ke ola e na pokii, ina ua waiho na iwi o kamahele i ke kai.
— Ma ka Poakolu o ka pule i hala, pakele na hale o na keonimana o Honuakaha nei, mai pau i ke ahi. Ua hele no nae a hoohahana ma ke kua o na hale. Ua manao makou ina i ka hora 10, a i ole i ka hora 1 o ka po, pau pulu aohe la e kanu ai. No ka mea, he neo wale no ia manawa, na puu kanaka i ka hana. Ina ua hao ka inu wai maloo ka laulau. Nolaila, e malama i na keiki o pilikia auanei na keonimana o Honuakaha.
Z P. KALOKUOKAMAILE.
Honuakaha, Iulai 28, 1876.
Pau hilinai Nupepa a me Lunahooponopono iaia.
Owau manao ia nupepa Lahui Hawaii, iaia pahu hae ka Baibala, iaia papaaina ka poe maikai, iaia puuhonua ka poe manaoio, iaia ke alakai ka poe makapo, iaia ke kukui ka hale pouli, iaia no ka walohia ka lehulehu ; ma kona hana, kona leo, kona alakai a me kona makua ia lahui holookoa.
Owau manao, ia Lunahooponopono, iaia ka mea huki ka hae kau maluna, iaia ka mea kahea hele mai paina, iaia ke Kapena ia moku Lahui Hawaii, iaia paa ka hoeuli, iaia kau pono ka ihu, hiki ma ke awa lani, iaia hooponopono ka ohua, iaia hoolei ka ukana ino, kipaku ka olelo pelapela, hoolei ka hailiili, peku aku ka hoolaha hewa a me ka opu punalua.
Ia wau manao kela $1.75, uku ia Lahui Hawaii, no hookahi makahiki, iaia no kaula ka hae pii maluna, hele malalo. Aka, i keia manawa, owau ike nui loa olelo pelapela Lahui Hawaii, like pu olelo ka poe sela ma ka ihu ka moku, nui loa namunamu, hailiili, ahiahi, hoolaha hewa, opu keemoa ; aole like kulana iaia.
Kulana iaia, mikanele, paa manaoio, olohe baibala, alakai no ke kea, kuhikuhi puuone — aka keia manawa iaia, he ana no na powa, he hoaloha no ka poe opu ino, hoa kuilima no ka poe lokoino, aloha ole, he maka oluolu no ka poe lapuwale, a pela wale aku.
Owau nana ia nupepa Lahui Hawaii, nui loa kuamuamu, olelo ino — wau no manao, ina iaia hana mau like pu keia, a hala no keia hapa makahiki hou, wau manao no, pau hilinai ka poe maikai keia pepa a me Lunaponopono iaia. Make no keia pepa, kela makahiki no iaia, hoolewa no ma ka ilina. Owai la hewa ? Ia Lunaponopono paha, ia hapa Lunaponopono paha ? Ia wau manao, ia laua like no, lakou no pau loa, Lanai no mokupuni.
Ina ia kakou kilohi ka pane o ka Hon.
G W. Pilipo ia Hon. L Kaina, " maloo na iwi o Hua i ka la ;" awihi kakou ka pane Poo la ia Nakuaau, like pu ; pela ka pane J Nawahi, Honolulu City, kokua hewa ; kaua ka pane Lahui Hawaii ia James Kaili a me ia Halemanu, keiki hana ia Mr. Bolles, hoolaha hewa. Lehulehu loa na kiko kalakoa, onionio, ulaula o ka nupepa Lahui Hawaii. Pau hilinai ia nupepa laahia, pau olelo nupepa, Lahui Hawaii, olelo, " Nupepa Lahui Fiji." AIANA [Ua waiho ia ka inoa ponoi. L H.]
Na na Makaainana o Puna.
E KA NUPEPA KUOKOA E ; Aloha oe :—
O makou o na makaainana o Puna, ke pane pololoi aku nei makou ma keia. O ka palapala hoopii a ka lunamakaainana o Puna i heluhelu ai i ka Hale Ahaolelo o ko Hawaii Pae-aina, ua manao ia ia palapala na ua makaainana o Puna. Ke hoole aku nei makou, aole makou i ike i kela palapala hoopii, e pili ana i ke Kahukula Nui. Ke haohao nei makou nawai la ia palapala hoopii, na ka poe manao ino i ke Kahukula Nui. Heaha la ka hewa o ke Kahukula Nui ? Ua ike makou ua waiwai ka hana a ke Kahukula Nui ma ka apana o Puna nei. Ua maikai na hale o ke kula aupuni, ua holo no hoi ka hana a na kumu, aole pela i ka wa ia Aberahama : he pupuka na hale kula, he moe ka puaa ma ka aha iloko, aole malama ia ka hanohano o ka oihana aupuni, A i keia wa, ua ike makou, ua maemae na hale kula, aole komo na puaa ma ka aha a ua ku maoli i ka hanohano kana malama ana i ka hana a ke aupuni ; penei kekahi kumu i maopopo ai ia makou, nana no i hana kekahi mau palapala hoonaauao i na keiki, oia ka makemake o ka Moi, no ka hana ana i kana oihana me ke paewaewa ole o na hana o ke aupuni ia ia. Ke manao nei makou na ka hapa uuku o na makaainana o Puna, oia hoi ka poe i hoopau ia e ke Kahukula Nui mai ka oihana kula aku, a ua launa pu paha lakou me ka lunamakaainana e hana i keia hoopii a makou i ike ole ai no ka manao paha e lilo keia hana ma kahi e i loaa ia lakou ia kulana. Ua pae keia lohe iloko o na makahiki i hala aku nei ; ua manao nui ka mea e noho la i ka noho o Puna e lilo i Kahukula Nui no ke aupuni. Pehea la e hiki ai, no ka mea, aole i ko ka lakou makemake, oia hoi ka Moi, a ka hapa uuku i manao nui ai, a kue lakou i ka mea e noho nei ma ke kalaunu.
Nolaila, ke makemake ole nei makou i keia palapala hoopii manao ino. Heaha
ka waiwai o ka hana a keia kau Ahaolelo e hoolilo ai i ka oihana Kahukula Nui, maluna o Kiaaina a me kona hope. Ke manao nei makou, aole hiki ia lakou ke hana i kekahi palapala hoonaauao ma keia hope
aku ; a me na rula o ka oihana kula, e like me na hana a lakou e hoopau nei i ka oihana Kahukula Nui. Ua menemene makou i ka hookomo ia ana, na na makaainana o Puna ka hoopii i ke Kahukula Nui. Aole paha o makou wale kai ike i ka pono a keia Kahukula Nui, o na makaainana no a pau, mai Hawaii a Kauai ; a ina he hoopii ka na apana e ae i ke Kahukula Nui, ke manao iho nei makou, na ka hapa uuku e like me ko Puna nei. Ke kuhi nei makou, ua oi ae ka mana o ka Papa Hoonaauao ma ka lakou hana, eia ka ka mea oi
ae o ka poe hoopii manao ino. Ina e kamailio mai ana ka hapa uuku, alaila, e kamailio no makou ka hapa nui.
O makou na Makaainana o Puna, Iulai 25, 1876
HE ALOHA UA POINA — He mea ehaeha iloko o na mea i loheia ae, mai ka waha ae o ke'lii Kiaaina o Maui, i wawalo ae iloko o ka Hale Ahaolelo ma ka la 2 o Augate, oiai ka Ahaolelo e kuka ana no ka uku ana i ke " Kiai Ilina Alii" mauka o Maemae ; a ia wa pu no, i hookomoia mai ai kekahi mau hoololi ana —" No na malama Ilina Alii, o na hale kupapau elua, he $800." Wahi a ke'lii o Kau ; a mai ka Lunamakaainana mai o Kona A " No ke kiai i ka Ilina o ka Moi Lunalilo he $200"— Aka, o ke'lii Kiaaina o Maui ; ua ku ae la oia, me ke aloha ole, me na leo makona, a nonoi ae la, " e kapae loa ia keia haawina." Paho loa ko'u naau i ka ehaeha no keia leo hope loa ; a oia iho la ka, na huaolelo kupono e hoopukaia mai ana mai kekahi moi o kona kanaka ponoi. Oia iho la ka kana huaolelo kupono e pane ai, i hoomanao ana no kekahi o kana mea i aie nui ai, a ina la makamua, o ka noho ana ae o ka Moi Lunalilo, ua pakui hou iho oia i Hanohano hou ; a e hoolilo ana i ua o Kiaaina o Maui i Hoa no ka Puali Ukali Kiai Kino o ka Moi, a me ka hoomau ia no hoi o kona ano mua. Ua lokahi ka hapanui o ka Ahaolelo i ka haawina he $200, no na Kiai la. O ka kakou wahi makana wale iho la no ia e Hawaii no ka kakou aloha, a makana hoi, i loaa mai ia kakou he MOI NA KA LAHUI.
MAKAIKAI.
AHA Hookolokolo Kiekie o ko Hawaii PAE AINA. Ma ka Hooponopono Waiwai. Ma ka Waiwai o KALUAU (k) o Kamanuwai, Honolulu i make kauoha ole. Imua o ka Lunakanawai C. C. Harris. Olelo Kauoha e Hoolaha aku no ke Noi ana mai e Koho i Luna-
hooponopono Waiwai.
Ma ka heluhelu a me ka waiho ana mai o ka Palapala Noi a Jos. Kealohanui (k) o Honolulu e hoike mai ana o Kaluau (k) no Kamanuwai, Honolulu, ua make kauoha ole ma Kamanuwai, Honolulu, ma ka la 11 o Aperila M H 1876, a e noi ana e haawiia ka Palapala Hookohu Luna Hooponopono Waiwai ia Jos. Kealohanui.
Ua Kauohaia o ka Poakahi, ka la 14 o Augate M H 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o kela Aha, ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha e hoolahaia ma ka olelo Hawaii i ekolu pule ma ke "Kuokoa," nupepa ma Honolulu.
Kakauia ma Honolulu ko Hawaii P A la 24 o Iulai 1876. CHAS. C. HARRIS,
Ikeia : Lunakanawai o ka Aha Kiekie. Jno. E. Barnard, Hope Kakauolelo. 765 3ts 767
AHA Hookolokolo Kiekie o ko Hawaii Pae Aina. Ma ka hooponopono Waiwai, ma ka waiwai o RUTA KAMAKEA w, o Koolauloa, Oahu, i make kauoha ole. Imua o ka Lunakanawai A Francis Judd. Olelo kauoha, e hoolaha aku no ke noi ana mai, e koho i Lunahooponopono Waiwai.
Ma ka heluhelu a me ka waiho ana mai o ka palapala noi a Kaneumi k, o Koolauloa, Oahu, e hoike mai ana, o Ruta Kamakea w, no Koolauloa, Oahu, ua make kauoha ole ma Koolauloa, Oahu, ma ka la — o Ianuari M H 1876, a e noi ana, e haawiia ka palapala Hookohu Lunahooponopono Waiwai ia Kaneumi k, o Koolauloa Oahu.
Ua kauohaia, o ka Poalua, oia ka la 15 o Aug M H 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa, nupepa ma Honolulu.
Kakauia ma Honolulu, ko Hawaii P A Iulai 25,1876. A. FRANCIS JUDD,
Ikea : Lunakanawai o ka Aha Kiekie Jno. E Barnad Hope Kakauolelo. 765 3ts 767
MA ke Keena o ka Lunakanawai Kaapuni Apana Elua, ko Hawaii Pae Aina. Ma ka waiwai o SOLO-
MONA KALAMA, no Honokohau, Maui i make.
Ua heluhelu a ua waihoia ka palapala noi a M Makalua ka Lunahooponopono Waiwai o Solomona Kalama no Honokohau, Kaanapali, Maui. H P A i make, e noi ana e hoaponoia kona moo-waiwai a e hookuu iaia, a e hooholoia ka waiwai i na hooilina. Nolaila, ke kauohaia aku nei na kanaka a pau, ke pili o ka Poalua, oia ka la 22 o Augate, 1876, ma ka hora 10 o kakahiaka, ma ka Hale Hookolokolo
ma Lahaina, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER,
Lunakanawai Kaapuni Apana Elua Lahaina, Iulai 24, 1876 763 3ts 767
MA ke Keena o ka Lunakanawai Kaapuni Apana Elua, ko Hawaii Pae Aina. Ma ka Waiwai o NA-
HUINA (k), no Lanai i make. Ua heluheluia a ua waihoia ka palapala noi a D. Kahaulelio & H. Kauaohilo na Lunahooponopono o ka waiwai o
Nahuina (k) no Lanai H P A i make, e noi ana e hoapono
ia ko laua moo-waiwai, a e hookuu ia laua, a e hooholoia ka
waiwai i na hooilina. Nolaila, ke kauohaia aku nei na ka-
naka a pau, ke pili o ka Poalua, oia ka la 22 o Augate, 1876,
ma ka hora 11 o kakahiaka, ma ka Hale Hookolokolo ma
Lahaina, oia ka manawa a me kahi i kohoia no ka hoolohe ana i ua nonoi la, a me na mea kue ke hoikeia.
ABR. FORNANDER,
Lunakanawai Kaapuni Apana Elua Lahaina, Iulai 24, 1876 763 3ts 767
AHA Hookolokolo Kaapuni, Apana Ekolu, o ko
Hawaii pae Aina, Ma ka hooponopono waiwai. Ma
ka waiwai o KAILIHAO (w) o Apua, Kohala Akau, Hawaii i make kauoha ole. Imua o ka Lunakanawai C. F.
Hart.
Ma ka heluhelu ame ka waiho ana mai o ka palapala
Noi a Wm. Wilson, o Kohala Akau, Hawaii, e hoike mai
ana o Kailihao (w) no Kohala Akau, Hawaii ua make
kauoha ole ma ka la 13 o Iune, M H 1872, a e noi ana e
hawiia ka palapala Hookohu Lunahooponopono Waiwai
ia Wm. Wilson.
Ua kauohaia o ka Poaono, ka la 23 o Sepatemaba M. H
1876, oia ka manawa i kohoia no ka hoolohe ana i ua noi
la, imua o ua Lunakanawai la, ma ke Keena Hookolokolo
o keia Aha, ma Kapaau, Kohala Akau, Hawaii, a ma ia
manawa a ma ia wahi no e hele mai ai na mea a pau i pili
e hoike mai i ke kumu, ina he kumu oiaio ko lakou, e ae
ole ia ai ua Noi la. A o keia olelo kauoha e hoolahaia ma
ka olelo Hawaii, i ekolu pule ma ke " Kuokoa," nupepa
ma Honolulu.
Kakauia ma Kohala Akau, Hawaii, ko Hawaii Pae
Aina, Iulai 14, 1876. C. F. HART
Lunakanawai o ka Aha Kaapuni, Apana Ekolu. 764 3t 763
AHA Hookolokolo Kaapuni, Apana Ekolu, o ko
Hawaii pae Aina, Ma ka hooponopono waiwai. Ma
ka waiwai o KUENE (k) o Kohala Akau, Hawaii, i make
kauoha ole. Imua o ka Lunakanawai C. F. Hart.
Ma ka heluhelu ame ka waiho ana mai o ka palapala
Noi a Kaaihue (w) o Kohala Akau, Hawaii, e hoike mai
ana o Kuene (k) no Kohala Akau, Hawaii ua makekau-
oha ole, a e noi ana e haawi ia ka palapala Hookohu Luna
Hooponopono Waiwai ia Kahele k.
Ua kauoha ia o ka Poaono, ka la 23 o Sepatemaba M. H
1876, ma ka hora 10 o kakahiaka, oia ka manawa i kohoia
no ka hoolohe ana i ua noi la, imua o ua Lunakanawai la,
ma ke Keena Hookolokolo o keia Aha, ma Kapaau, Ko-
hala Akau, Hawaii, a ma ia manawa a ma ia wahi no e
hele mai ai na mea a pau i pili e hoike mai i ke kumu, ina
he kumu oiaio ko lakou, e ae ole ia ai ua noi la. A o keia
olelo kauoha e hoolahaia ma ka olelo Hawaii, i ekolu pule
ma ke " Kuokoa," nupepa ma Honolulu.
Kakauia ma Kohala Akau, Hawaii, ko Hawaii Pae
Aina, Iulai 11, 1876. C. F. HART
Lunakanawai o ka Aha Kaapuni, Apana Ekolu. 764 3t 763
AHA Kaapuni, Apana Ekolu, o ko Hawaii pae Ai-
na, Ma ka hooponopono waiwai. Mokupuni o Ha-
waii, Hawaii Pae Aina, SS. Ma ka waiwai o MANUELA
LOPE SELIS BUNO LELE DA FONT SIR i make. Olelo
kauoha, e koho ana i la e hooiaio ai ka palapala kauoha,
a no ka hoolaha ana.
No ka mea, ma ka la 8 o Iulai, M. H 1876, ua waihoia
mai imua o ka Aha, kekahi palapala i oleloia, oia no
ke kauoha hope loa o Manuel Lope Selis Buno Lele da
Font Sir i make aku la, a me ka palapala hoopii e noi ana,
e hoolahaia kela palapala kauoha, a e hoopuka hoi ka pa-
lapala Luna Hooko no Kainapau (k), ua waihoia mai e
Keaka (w).
Nolaila, ua kauohaia, o ka Poaono, oia ka la 21 o Se-
patemabama, M H 1876, ma ka hora 10, ma ka Hale Hooko-
lokolo oia Aha, ma Kapaau, Kohala Akau, Hawaii, oia ka
la me ka hora e hooiaioia i ia palapala, a kauoha a e hoolohe
hoi no ia noi ana mai, a me ka poe a pau i pili e kue ana ia
palapala kauoha, a me ka hoopuka ana i ka palapala luna
hooko. A ua kauoha hou ia, e hoolaha no ia mea no na pu-
le ekolu iloko o ke Kuokoa, he nupepa i paiia a i hoolahaia
ma Honolulu. Kakauia ma Kohala Akau, Hawaii, ko
Hawaii Pae Aina, Iulai 11, 1876. C. F. HART
Lunakanawai o ka Aha Kaapuni, Apana Ekolu. 764 3t 763
OLELO HOOLAHA.
E IKE auanei na kanaka a pau ke nana mai i keia, owau o ka mea nona ka inoa malalo iho, ke papa aku nei, a hookapu hoi i kuu apana aina, e waiho ia ma OKOE, Kona Hema, mokupuni o Hawaii ; ua kapu, aole e hele wale na holoholona maluna o ua mau apana aina la o'u. Bipi, Lio, hoki kekake, kao, a pela aku. Ua kapu no hoi na mea e ulu ana maluna iho, aole e lawe wale me kuu ae
ole ; a ina o ka mea kue i keia, alaila, e hana no au e like me ke Kanawai. D W KANUI. Honolulu, Oahu, Iulai 31, 1876. 764 2t* 767
OWAU O Mrs Mauae (w), ka wahine mare a Kauhola k. o Honolulu, Oahu, i make mamua, ke haiia aku nei ka lohe, ua hookohu aku au ia John H Kamanu, oia ka mea hooponopono i ko'u mau waiwai a pau. O ka poe a pau e makemake ana e hoolimalima me a'u, e hele no meia e kamailio ai, i na ano a pau a lakou e makemake ai, a e loaa no ia ma Maemae. Luna malama o ka Pa Ilina o na haole. Oia la i ike mai ai na mea a pau, aohe kuleana
me a'u, me ia wale no ka mana hooponopono o ko'u mau waiwai o kela ano keia ano i pili ia'u, waiwai paa a waiwai lewa. A no ka oiaio o ko'u manao e hoike nei i ke akea, ke kau nei au i kuu inoa a me kuu hope.
MRS MAUAE, a me J H Kamanu kona hope. Hanaiakamalama, Nuuanu, Aug. 3, 1876. 764 4t* 763
Na Luhiehu o ke kino.
E hanohano ai na Lede. Na Keonimana. A me na Kamalei.
I Na makamaka o ka makani Apaapaa o Kohala loko, ua kuluma paha ia oukou ka Halekuai o Amau mamua, ua lilo ia maua, a na hoonuiia ae, a ua hanaia hoi a nani, i ku like ai me ka nani o na uluwehi o nei mea minamina he kino. Eia maanei na lole hou loa o kela a me keia ano, e ku ai na hoono'uno'u a me na hoohaha ana a na hapa palupalu.
Eia kahi mea hai aku, e hiki mau mai ana na lole hou o kela a me keia ano, i na ku ana mai a pau a na mokuahi i mea e ike ai, e naue mai, a e hoolauna aku ia Kimo a me Alone, ma ko maua Halekuai " Hale Wehiwehi."
GOO KIM & CO. Apuakehau, Kohala, H. Aug 2, 1876. 746 6m* 781
E ike auanei na kanaka a pau, owau o ka mea nona ka inoa malalo nei, ke hookapu loa aku nei au i na holoholona Bipi, Lio, Hoki, Miula, Hipa, Kao, Puaa a me na holoholona e ae,
aole e hele wale maluna o ke kula o kuu aina, oia o Kaamola-elima, e waiho la ma ka apana o Kaamola, mokupuni o Molokai. Ina e loaa ia'u mau paniolo kekahi o keia mau holoholona, e uku no i $1.00 no ke poo hookahi. A ke papa loa ia aku nei no hoi na kanaka o kela a me keia ano, aole e hele wale maluna o kuu aina, a kii wale paha i na holoholona a me na mea maluna. Ua kapu loa no A ke hookohu aku nei au ia W Kalaauala a me S Naihe i mau paniolo, he mana ko laua e hopu i na holoholona, mai a'u aku. Ina e loaa ia'u a i o'u mau hope paha e kue ana i keia hoolaha, e hopu no au a hoopaa. He kuli ka make he lohe ke ola. D HALUALANI. Kapauhi Honolulu, Aug. 3, 1876. 2ts*
NO na Lio a Akoni M. Lopey, ke pukiki i make. E uku no ka mea nona ka inoa malalo iho nei. i dala hookahi no kela lio keia lio e laweia mai iaia ma Kawaipuolo, Waialua, Oahu.
S N EMERSON
Ma ke kauoha a W C Parke, Lunahooponopono o ka
Waiwai o Antonio M Lopey i make iho nei.
Waialua, Oahu, Iulai 25, 1876. 763 2ts 766
UA Hoonohoia mai na mea nona na inoa malalo iho nei, e ka Mea Hanohano Abr. Fornander, Lunakanawai Kaapuni Apana Eha, H P A., i mau Lunahooponopono Waiwai no LII (k), i make, ma Waiehu, Ahupuaa o Maui. Nolalia, o ka poe a pau i aie mai i ka mea i make, e hookaa koke mai lakou ia maua, a me ka poe ana i aie aku ai, e pono ia lakou ke hele mai imua o maua, me na bila kupono, iloko o na malama eono mai keia la aku, o hoole loa ia lakou. E loaa no maua ma Halemano, Wailuku, Maui. N P MAKAANA,
P KELIIWAIWAIOLE, Na Lunahooponopono Waiwai o Lii k. Wailuku, Iulai 20, 1776. 765
E IKE auanei na mea a pau, owau o ka mea nona ka inoa malalo, ke hoike aku nei au ma ke akea, ua lilo ia'u ka Halekuai o ALANA (Pake), e ku nei ma Waikane, Koolaupoko, mokupuni o Oahu. A o na aie a Alana i aie ai, iaia no oukuu e kikoo aku ai, a o ka poe i aie iaia, e lawe no lakou ma kona lima. A mahope aku o keia hoolaha ana, aole kuleana o Alana (Pake), i koe maloko o keia Halekuai.
AHO (Pake). Waikane, Iulai 24, 1876. 765 4t* 763
E IKE auanei oukou e na kanaka a pau o kela a
me keia ano i like ole ua waihooluu, owau o ka mea nona ka inoa malalo nei, ke hookapu loa aku nei au i na holoholona, Bipi, Lio, Hoki, Miula, aole e hele wale maluna o ke kula o kuu mau aina, oia o Hahaione, Kelekei, a me ka apana kula o Keokea, ke kulanahale o Koko ma Maunalua, mokupuni o Oahu. Ina e loaa ia'u mau paniolo kekahi o kela mau holoholona, e uku no i $2.00 no ke poo hookahi. A ke papa loa ia aku nei no hoi na kanaka o kela a me keia ano, a me na kanaka malalo o Mr Paiko, mai hele e lawaia i ka po, mai noho a papa o Paiko i na kanaka o Mahuka i ka hele ana i ke alanui o ke aupuni, no ka mea, aole noa ia wahi. Ua kapu loa na aina o ke konohiki, oia hoi o Awawamahi, Hanauma a me Kalua, aole e kii a lawe wale i na I a a me na laau pae, ua ae ia no nae i na kanaka a me na hoaaina malalo o'u. Ina e loaa ia'u a i o'u mau hope paha e kue ana i keia hoolaha, e hopuia no a hoopaa. " He kuli ka make, a he lohe ke ola."
W C MAHUKA.
Maunalua, Oahu, Iulai 25, 1876. 765 4ts 763
OWAU o ka mea nona ka inoa malalo iho, ke papa aku nei au a ke hookapu aku nei hoi. Aole he mana hiki i kekahi mea, a mau mea e paha, ke kuai a hoolilo paha i kekahi mea e ulu ana maluna o kuu aina o Kamoku, e waiho la ma Waikiki waena, ke ole e loaa ke kauooha, a he palapala ae aku, mai ia'u aku ; a pela me na holoholona e hele wale ana maluna o ua aina la, e hoouku no au ma ka $1.00 o ke poo hookahi, ke loaa e hele wale ana maluna o ua aina la, a e ai ana paha i na mea ulu o luna. E lilo keia i kanawai mai kona la e puka aku ai ma ka nupepa. KAUKINA KANAKAOLE (w). Kamoiliili, Oahu, Iulai 29, 1876. 763 3t*
E IKE auanei na kanaka apau ke nana mai, o maua na mea nona na inoa malalo iho, ke papa aku nei maua i na kanaka a me na haole, na pukiki a me na pake mai kuai, moraki a hoolimalima mai oukou me Keawe (k) no Palolo, kane mare o Halati, no ka mea, ua lawe aku kela me ko maua ike ole i na palapala Sila o na kuleana o maua e waiho nei ma Palolo, a ua kepa aku nei oia me ka maua lohe ole, a ke kauoha pu ia'ku nei ina ua ike a lohe paha kahi kanaka ua waiho o Keawe ma ka lima o kahi mea a mau mea paha, pono ke hoihoi koke ma ia maua ma Palolo. Ina maua e lohe a e ike paha ua waiho o Keawe ma ka lima o kahi kanaka e hoopii no maua e like me ke kanawai, pauku 1470 o ke Kanawai Kivila, KAUA a me HARATI. Palolo, Iulai 26, 1876. 765 4t* 766
John W Kalua,
Loio ! Loio !
E loaa no ma Lahaina, Maui 760 6m* 786
UA LILO aenei ia MR DONNELL ka Hale Hana Wili Hinuhinu mua o C E Williams ma Alanui Hotele, a me na pono kaa kupapau a ua makaukau oia no na hana a pau i pili i ka hana wai hinuhinu a me ka hana pahu kupapau.
763 3ms 774.
Na Buke Himeni Hou ma ka Halekuai Buke o Wini.
Songs of Salvation The River of Life
Sun Shine Cheerful Voices
Pure Gold Sparkling Rubies
Golden Robin Bright Jewels
Nine o'clock in the Morning New Gold n Censer
The Morning Star Sabbath Carols The Bank of the Rhine Royal Diadem
Hallowed Songs Song Monarch
Gospel Song Golden Wreath
Happy Voices New Songs
Temple Choir Charm
Merry Voices Song of Life.
Bradbury Trio Ne Plus Atra
Song King Song Queen
Mocking Bird Sacred Song
Hour of Singing Sabbath School Bell
Shining River Pearl
Choice. H. M. WINI,
HALE KUAI LOLE HOU,
— MA —
KOHALA * HAWAII LEI KOHALA, I KA NUKU NA KANAKA.
MAHEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu a e kau ai ka iwa, he la makani e hao ai na polena o Haupu, kapakahi manuia o Keoki ka moku, ma kahi o
C. C. AKINA.
Aia pu no malaila na HAINAKA SILIKA liilii. LEI A-I kae weluwelu, a me na LIPINE SILIKA puapua weluwe-
lu, e kuwelu ai i ka makani.
NA KALAKOA ANO HOU LOA i ike oleia mamua. Na
KAEI SILIKA Nani. NA MAKALENA KALAKOA me ka PUAKEA, na ALA-
PIA HULUHULU o na ano a pau, na KIHEI UHI hou e
kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ume laau o kela ano keia ano, na kamaa wahine
o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono lua no hoi ke kuai i na mea i hoikeia ae nei maluna ke kuike. I mea e paa ai ke kuhihewa, e naue mai no e na makamaka ma kuu Halekuai. 763 6m* 788 G C AKINA.
OLELO HOOLAHA.
EMI LOA * NA KII !
MA KA HALE PAI KII O AHI, MA KA
Helu 63 Alanui Nuuanu, Honolulu. O ka uku o ke
kakini Kii Pepa mamua, he $2.50, a i keia manawa, emi
loa, he $2.00. O ka uku o ke kii aniani, he $2.50 mamua,
ua hoemi loa ia a i ke $1.50 wale no ! Emi maoli ! Make-
pono loa ! Aole like pu mamua ! E hele wikiwiki mai e
pai i na kii.
HALE KAMANA !
AIA no maloko o keia Hale maluna ae, e
hanaia ai na Pahukupapau, na Moe, Noho,
Pakaukau, Mamalu, a ia mea aku ia mea aku. O ka Pahu
kupapau paina mamua, he $3.00, a i keia manawa, he $2.00
wale no. O na kumukuai o na mea e ae i koe, e kuai ma-
kupono loa ia aku ana.
CECIL BROWN,
Loio a he Kokua ke Kanawai
A HE AGENA NO KA HOOIAIO ANA I NA
Palapala no ka mokupuni o Oahu.
Helu 8 Alanui Kaahumanu, Honolulu, H.P.A.
E KIPA MAI E KE ALOHA.
I NA MAKAMAKA A PAU O KA UA
Kukalahale, ke waiho aku nei au iluna o oukou, he
olelo poloai, e pili ana i na Lole Nu Hou e waiho
nei ma ko'u Hale KUAI, ma ka aoao ma Ewa o ka Hale
Borabora, ma ke Alanui Nuuanu. A penei na ano :
Na Kalakoa hou loa o kela a me keia ano. Alapia o ke-
la a me keia ano. Kihei huluhulu papamu alokahi o na
wai hooluu like ole he lehulehu. Kihei huluhulu puka-
puka, me ka huhui mahope o na ano he nui wale. Kihei
huluhulu nanahe a me na kihei huluhulu he huihui ke
kae a puni, e hoohiolo na wainaoa i ke kehau. Papale
wahine pinana o ka aoao, a luhe hoi kekahi ilalo o kela a
me keia ano. Na hulu a me na pae papale he nui wale.
Leta 4 Silika loloa o na Lede o na ano like ole. Mamalu
Silika liilii a me ke nui. Kamaa wahine nihoniho o ka
aoao. Iliwai huluhulu manoanoa o na ano he nui wale.
Holoku Lilina keokeo, kakau a papamu he nui wale.
Na Lole Kane.
Kuka Kainahai manoanoa a lahilahi. Na Koheo hulu-
hulu paina manoanoa a lahilahi, a me na koheo Lilina.
Lole wawae huluhulu paikini hou a me na ano e ae he le-
hulehu. Na apa huluhulu paina a kakimea hoi. Na pa-
lule o kela a me keia ano. Na Papale o na ano a pau. Na
Kamaa buki a me haahaa o na ano he nui wale. Na Pa-
hulole koa a ili hoi. NA paiki ili.
Na mea kamano, e lawa ai ka makemake o na ka-
mana. Aole o keia mau mea wale no na mea hou, aka, e
hiki hou mai ana no. A o ke kumukuai o keia mau mea
i haiia ae la maluna, he haahaa loa no. A i mea e ike io
ai, e hele mai no. Me ka mahalo. GOO KIMA.
Honolulu, Mar 15, 1876 746 6m 772
Mai keia la aku, aole au e hookaa ana i kekahi aie
ma ko'u luna, ke ole e loaa ke kauoha mai a'u aku.
Hilo, Iune 1 1876. (757 4m*) C. K. HAPAI.
E. STREHZ, (AILUENE,)
HAAWI A KUAI
LAAU LAPAAU.
AIA MA MONIKAHAAE, KIHI O NA HUINA
o na Alanui Papu a me Hotele. Aia malaila na Wa
Ala a me na Wai Rukini maikai loa e loaa ai.
E hamama mau ana i na ahiahi Poaono a pau.
741 1y 792
HALE KUAI * HOU.
KAWAIHAE, KOHALA HEMA.
Allen & Stackpole. (Kale).
UA lilo mai ka Hale Kuai ma Kawaihae-
kai, a ua hoopihaia me na lole hou loa i makemake
kupono no ka makemake o na kanaka — E kuai hoemi
aku ana laua, malalo iho o na Hale Kuai e ae ma ia apana.
E loaa mau ana na lole ma na ku ana a pau o " Kilauea."
Iune 22, 1876. 760 3ms
O KA POE A pau he mau Bipi a Lio,
a pela aku, ko lakou e holo ana maluna o Wai-
luku a ma Waikapu, ke konoia aku nei lakou, e
lawe koke aku, a ina aole e lawe e ia mamua o ka la 1 o
Iune, 1876, alaila, mahope o ia la, o na holoholona e loaa
aku ana, e holo wale ana, e hoopaaia maloko o ka pa au-
puni e like me ke kanawai. O ka poe e makemake ana
e hooholo i ko lakou mau holoholona maluna o ua mau
aina la, ua hiki no ke alualu ia.
HENRY CORNWELL, & Co.
o Waikapu, Maui.
N. B. Aole e aeia ka ho-a a me ke kuai holoholona
maluna o ia mau aina, me ka ae ole o Cornwell & Co., a
i ole ia ko lakou mau Agena paha.
Wailuku, Mei, 22 1876. 756 3m 769
AKIU (PAKE),
— MEA —
HANA I NA KAMAA
Hila Aulii Maikai !
ALOHA OUKOU E NA KANAKA HAWAII a pau, a me na wahine maka onaona o Honolulu nei,
na iwa-kiani o Paliuli. Owau o ko oukou hoa'loha, ka mea nona ka inoa malalo nei, he Kumeka Kamaa, e noho ana ma ke Alanui Nuuanu, ma ka Hale nona ka helu 63, malalo o ka Hale Pai Kii Hoolele-aka.
Na Kamaa Buti maikai loa i hanaia me ka Ili Farani maikai loa, no ka uku haahaa me ka oluolu.
Na Kamaa wahine maikai loa o kela a me keia ano, no
na Ili Farani maikai loa no ka uku oluolu.
No ka hana ana o na Hila i ke Kamaa me paa loa, a
maikai kupono i ka makemake, me ka uku oluolu loa. A no ke poho ana i na kamaa nahenahe me ka maikai loa no
ka uku oluolu loa.
Na Ili Noho Lio o kela a me keia ano - he nui wale na ili maikai loa. Eia hoi kekahi, o na kamaa a pau a'u e hana ai, a ina ua ike ia ua kapakahi, a nohae, a kahuli, a puka paha iloko o ka makahiki hookahi, e hoihoi mai, a na'u no e hana me ka uku ole. A o na kamaa i waihoia ma kuu lima a hala na makahiki ekolu, a kuai kudala aku no au no ka loihi loa. Nolaila, e hele nui mai oukou a pau ma
kuu Hale Hana Kamaa, e ike maka i na hana a pau, i pau ke kuhihewa, a e hana no au e like me ko oukou makemake, ka aulii hulali o na kui-hao malalo o na hila, e uheuhene ana i ka papa o Maukele, e aloha ana i kona hoa, ka uwea ke kamaa ke hanaia. 762 6t* 765
HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MARCHANT !
Poakahi, Aug 7...........................................Kaapuni ia Hawaii
Poaha, Augat 17.........................................Maui me Kawaihae
(E ku ana ma Honolulu ma ke kakahiaka Sabati).
Poakahi, Aug 21..........................................Kaapuni ia Hawaii
Poakahi, Aug 28........................................................No Hilo
Poakahi, Sept 4.........................................................No Kona
Poakahi, Sept 11...........................................Kaapuni ia Hawaii
Poakahi, Sept 18...........................................Kaapuni ia Kauai
(E ku mua ana ma Nawiliwili, a e ku ana ma Hono-
lulu i ke kakahiaka Poalima).
Poakahi, Sept 25...........................................Kaapuni ia Hawaii
Ma na huakai a pau a Kilauea e hoi mai ai mai Ha-
waii mai, aole e haalele ana ia Kaalualu a hiki i ka hora
9 a.m., a mahope iho paha ; Kawai a hiki i ka hora 10
a mahope iho paha ; Makena e like me ka mea i hoolaha
wahaia ; Maalaea a hiki i ka hora 7 a.m., a mahope iho
paha.
Uku Eemoku mai Honolulu aku,
A hiki i Kaunakakai, a pela maluna mai...........$ 5.00
" Lahaina, " " .................................................. 6.00
" Maalaea, " " ................................................. 7.00
" Makena, " " .................................................. 8.00
" Mahukona, " " ............................................ 10.00
" Kawaihae, " " ............................................. 10.00
" Kailua, " " ................................................... 10.00
" Kaawaloa, " " ............................................. 10.00
" Hilo, " " ...................................................... 12.50
" Kau, " " ...................................................... 15.50
Uku kaapuni ia Hawaii, .................................. 22.00
A hiki i na awa o Kauai .................................... 8.00
Uku kaapuni ia Kauai ..................................... 12.00
Uku ohua Hawaii oneki .................................... 2.00
Aole aie no na uku ohua.
Ma ka Hale Oihana e loaa'i na palapala.
Aole keena o hope e lilo, aia wale no a kaa mua mai ka uku
moku. Aole e ili ka hewa no ka paiki, ukana a puolo pa-
ha, ke ole e kakauia ka loaa ana mai.
E hookaaia ka uku ukana i ka wa e noiia aku ai.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui
Papu a me Moiwahine. 761 3m
OLELO HOOLAHA.
J. PORTER GREEN,
" KEIKI O KAUAUKIUKIU."
LOIO !
E HELE MAI NA MAKAMAKA A PAU IO'U
nei, a na'u no e kokua ia oukou imua o ka Aha Hoo-
malu a me ka Aha Kiekie, me ka uku haahaa makepono
loa. Aia kuu Keena ma kahi o ka Lunakanawai
Hoomalu o Honolulu nei, oia ka " Aiko," ma Alanui Kale-
pa. 741 ly 792
C. H. DICKEY (Kalekika).
LOIO !
MA HAIKU, MAUI.
UA MAKAUKAU E HANA PALAPALA
Kuai, Palapala Moraki a me na mea a pau e pili ana
ma ka Oihana Loio. 743 1y 794
KE HOIKEIA aku nei i na kanaka a pau, aole
lakou e komohewa ma ka Aina o ke Kula, ma Wa-
hiawa, Waialua, Oahu, ma ke kua ana i na laau, a
pepehi hoi i na Bipi hihiu, a alualu i na holoholona ma ua
aina la ; aole hoi lakou e hookuu wale i na bipi a me na
holoholona e ae maluna o ua aina la. W C JONES,
Honolulu, Novem. 29, 1875 731 tf
Richard P. Bickerton.
[PEKEKONA],
LOIO !
E KU LOIO no oia imua o na Aha Hookolokolo a
pau ma keia mokupuni a ma na moku e ae, ma na
hihia a pau. Ua makaukau oia i ka hana ana i na ano pa-
lapala a pau. E hoaie ia no na dala mai a iaia aku ma na
moraki maikai a oiaio wale no me ka ukupanee.
Keena Oihana ma Alanui Kalepa, Helu 23, ma ka hale
maluna ae o Kauka Minuteole. 735 1y
NA MEA NANI E HIEHIE AI
NAUWE MAI * NAUWE MAI
MAHEA LA E LOAA AI NA PAPALE WAHINE AU-
lii kolomanu ano hou loa, a me na pua nani e kinikohu ai
e kau ai ka iwa, he la makani e hao ai na polena o Haupu,
kapakahi manuia o Keokoi ka moku, ma kahi o
L. ASEU,
Aia pu no malaila na HAINAKA SILIKA liilii LEI AI
kae weluwelu, a me na LIPINE SILIKA puapua weluwe-
lu, e kuwelu ai i ka makani.
NA KALAKOA ANO HOU LOA i like oleia mamua, Na
KAEI SILIKA Nani,
NA MAKALENA KALAKOA me ka PUAKEA, na ALA-
PIA HULUHULU o na ano a pau, na KIHEI UHI hou e
kohu ai ka lino ana, na mea ala waianuhea, e ku ai ka
hoomau, a me na aila lukini e puia ai ka lauoho i ke ala.
Na lilina ume naau o kela ano keia ano, na kamaa wahine
o na ano a pau. Na lole kane o kela a me keia ano, na
palule kalakoa a me ke keokeo, i humuia me ka mikioi
loa. He makepono loa no hoi ke kuai i na mea i hoikeia
ae nei maluna ke kuike. I mea e pau ai ke kuhihewa, e
naue mai no e na makamaka ma kuu Hale kuai HIKIKII-
KALOENA. L. ASEU.
Kihi ma Ewa o Alanui Nuuanu mauka o Alanui Moi.
Honolulu, Aug. 27, 1875, 717 lyr 768
E naue mai ! E naue mai !!
KE POLOAI IA AKU NEI OUKOU E NA
keiki lalawai o na pali hauliuli, a me na kaikamahine
puukani nohenohea o na pali Koolau, e naue mai ma ko
makou mau Hale Kuai ma
KAALAEA a me KANEOHE,
malaila e loaa'i oukou na nuhou o na ano a pau.
Na Lole Kane, Wahine a me na kamalii,
Na Kamaa Na Hou.
Na ano Papale
a me na mea liilii o kela ano keia ano he nui wale.
E loaa no ia oukou ke kumukuai makepono loa. E naue
mai ! E naue mai !! E hoao i pau ko oukou kuhihewa.
AKANA & KONGER & Co.
Koolaupoko. Maraki 23, 1876. 747 6m* 771
NA MEA ANO HOU !
Ua loaa mai nei,
Eia ma ka Hale Kuai o Wini !
NA EA,
NA OMAU A-I
NA KULA PEPEIAO NA OMAU HAO BUKALO,
NA MEA ANO HOU A EMI,
Na Buke Pakeke Ili a me na Eke Dala !
Na Lei Pilali,
Na Lei Eleele,
a me na mea e ae he nui wale.
E HAAWI MAKANA IA ana i kela a me
keia mea i kuai a hiki i ka
ELUA DALA.
E hele mai, e nana i keia mau mea maikai, a e lo-
aa no e like me ka makemake,
Emi loa aole e like me mamua !
Eia ma ka Hale Kuai o
756 2m WINI.
Papa ! Papa !
— NO —
ALLEN A ME ROBINSON.
Ua wehe ae nei maua i
PA KUAI PAPA !
— MA KA —
UWAPO O PAKAKA.
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale.
Na Pepa Molina.
Na Pena a me na Aila Pena !
NA KUI O NA ANO A PAU !
Na Pani Puka a me
Na Pani Puka Aniani.
Na Pani Puka a me
Na Olepelepe.
Na lako kukulu Hale.
— O NA ANO A PAU —
E kuaiia ma ke
Kumukuai Haahaa Loa !
o keia Makeke.
ALLEN & ROBINSON.
Honolulu, Aper 13, 1876. 750 ly