Ka Nupepa Kuokoa, Volume XV, Number 34, 19 August 1876 — Page 1
NUPEPA KUOKOA :
KE KILOHANA POOKELA NO KA LAHUI HAWAII.
BUKE XV. HELU 34. HONOLULU, POAONO, AUGATE 19, 1876. NA HELU A PAU 768.
MAIKAI KA HOI KA PAPA !
— A ME —
Ka Laau o kou Hale ! No Hea la ?
KA I NO HOI NO KAHI O
WAILA MA !
Nana aku no hoi ia la,
OHI KA IO O KA LAAU O MAKAWAO, i ka ua mea o ka nani o
Na Papa, Na Laau
— A ME —
NA PONO KUKULU HALE
O NA ANO NO A PAU,
— MA KE KIHI O —
Na ALANUI PAPU a me MOIWAHINE,
...... Honolulu ......
MALAILA E LOAA AI E LIKE ME KA makemake, no ke
Kumukuai makeponoloa. PAPA, PAPA, PAPA
Na PAPA huluhulu,
Na PAPA manoanoa, Na PAPA i kahiia, Na PAPA kepa,
PAPA holo keokeo, PAPA holo ulaula.
NA LAAU! LAAU!
NA KUA.
NA KAOLA, AAHO,
MOLINA,
PEAPEA, PINE HULUHULU,
PINE I KAHIIA,
Na Papa a me na Laau Ulaula ! PILI ULAULA
PILI KEOKEO, PANI PUKA,
PANI PUKA ANIANI IPUKA ANIANI,
OLEPELEPE.
PENA O NA ANO A Pau
Hulu Pena mai ka liilii a ka nui !
AILA PENA ! AILA HOOMALOO,
WANIKI, PATE
NA LAKO
o kela a me keia ano. NA AMI-PUKA HALE,
NA AMI-PUKA PA.
ANIANI !
Pepa Hale me na lihilihi
E LOAA NO MALAILA
KA PAAKAI Helu 1,
O KAKAAKO a me PUULOA
No ke Dala kuike, e loaa no na mea a pau i haiia ae la no ke kumukuai emi loa.
O na kauoha a pau mai Hawaii a Niihau, e loaa'ku ana ia lakou, e hooko koke ia mai ana no ia me ka lawa pono.
E kipa nui ilaila, i ike i ka oiaio
761 3m 773
HE
IWAKALUA TAUSANI LEGUE
MALALO O KE KAI
— NA MEA —
KUPANAHA O KA MOANA !
KE ALA O KA MEA HUNA,
— A O KA MEA —
POHIHIHI O KA 1866 !
MAHELE 1.
MOKUNA XVII.
MALALO O KA MOANA PAKIPIKA.
ILOKO o keia ike ana, ua komo mai
la ke aloha no keia poe make, i kanuia malalo o na ale kawahawaha o ka moana. A o ka'u mea aloha loa, o kahi keiki uuku,i ke kau iho iluna o ke poo o ka makuahine, me ke apo ae o na lima ma ka a-i o ka makuahine—aohe i ino na helehelena, a he hiki loa ia makou ke ike aku i ko lakou ano aoo a me ka opiopio.
Iloko no hoi o ia wa, ua hoomakaukau koke ia iho la ka mea hoolele aka, e pai aku i na kii o keia poe make a me ka moku. Aia nae iloko o ia manawa, kaalo mai ana kekahi mano nui, ua hele paha a pololi loa, a manao ae la, o na kino o keia poe kana ai e maona ai.
Kaalalo ae la ka Nautilo mahope o ua moku poino nei, a hoi aku la au a
mahope, noho iho la a heluhelu i ka
buke i kapaia The Florida Sunderland.
MOKUNA XVIII
NO VANIKORO.
O kekahi wahi weliweli loa keia i na poe holo moana, o na au i hala e aku, a o ka Nautilo wale no ka mea i halawai pu ole me na ino maloko o kona ala. E like me ka loihi o kona holo ana ma na wai i maa mau iaia, pela makou i ike pinepine ai i na iwikaele o na moku i make e waiho popopo ana iloko o ka hohonu, me ko lakou mau pu a me na poka, na heleuma, na kaulahao a me kekahi mau mea hao e ae he nui wale, e ai ia ana e na lepo hao.
Ma ka la 11 o Dekemaba, ike makou i na mokupuni Pomotou, na pae moku weliweli o Bogainavile i na wa kahiko ; ua moe aku kona loa mai ka hikina hema hikina, a i ka akau komohana akau, he 500 legue mai ka mokupuni o Ducie a i Lazarefa, nona ka ili 370 legue huina halike, a he 60 hoi ka nui o na pae moku ; a o ka pae moku o Gamebia ka mea kaulana loa, oiai malaila i kaulana mau ai na hana a Farani.
He mau mokupuni akoakoa keia i pii liilii loa, aka, ma ka hana mau ana i kela la keia la a na pokipoki (polypi) hana akoakoa, ua hui koke ae la lakou me na pae moku e kokoke mai ana, a e lilo i lima no na ainapuniole, ma ka hui ana aku me Nu Kilani a me Nu Kaledonia, a mai laila aku a hiki i ka pae aina o Nuuhiva.
Oiai au e kamailio ana no keia nanehai ia Kapena Nimo, pane mai la oia : " Aole makemake ka honua i ka ainapuniole, aka, i lahuikanaka hou ka makemake."
Aole i kuia iki ka moku Nautila me ka poino, a hiki wale ma ka mokupuni O Kalemona Tonere ; o kekahi mea ano o ia o keia pae moku, i loaa ai ia Kapena Bele, o Minova. A ke ike nei au, ua aie nui na mokupuni o keia moana i keia mau mea liilii hana akoakoa, Maderepore (Madrepores).
Oiai au e noho ana malalo o M Milene Edewada, he kanaka akeakamai oia ; ua ike au ma kona wehewehe nui ana no keia mau mea liilii hana akoakoa ; a ua mahele ia e ia he elima papa, (he mau pokipoki liilii loa) he mau miliona e noho ana iloko o na akoakoa ; a mamuli o na hana mau ole a ia mau mea i na akoakoa, ua loaa mai he maa pukoa, he mau papa, a he mau mokupuni nui a liilii hoi, ma ke ano poepoe a koe hamama kekahi wahi, a malaila e komo mai ai ke kai iloko, na waa a me na mo-
ku, me ka hoomau ana no o keia mau mea liilii i ka hana ana i mau kuaau, mawaho aku o kahi mua i hanaia.
Aia ma Nu Kaledonia a me na mokupuni o Pomotou, na kuaau i like loa me keia mau mea i weheweheia ; a aia hoi ma Ualana, kekahi mokupuni o ka pae aina o Maikonisia. He mokupuni poepoe ia a hamama ma kekahi wahi, a malaila hoi ke komo ana o ke kai iloko, a me he loko ia la i ka nana aku. A ma kekahi mau wahi e ae, e like la me ko Reuniona a me ko Maurika, ma ka hikina hema ae o Makekakeka, ua kiekie loa na kuaau me he mau pali kuhoho la, a ua hele ka hohonu o ka moana a pili loa i kumu pali.
Ia makou i hiki ai mawaho ae o ka mokupuni o Kelemona, aia malaila au i ike ai i kekahi mau hana nui kupanaha loa, na keia mau mea liilii loa me na ohe hoonui e hiki ai ke ikeia, aka, ma na hana, he oi aku o ka nui.
Iloko o ko'u noonoo nui ana i keia mau mea kupanaha loa, ua ulu ae ko'u mau noonoo, na keia mau mea liilii no ka i hoemi i kekahi mau mokupuni a nalowale loa na piko o na mauna malalo o ka ilikai.
I ka hele ana o makou a kokoke loa i ke kumu o keia mau kakai pali, a ma kuu hoomaopopo ana, ua oi aku i ka 300 iwilei ka hohonu. A i mai la o Kosila ia'u, " He hapawalu iniha paha ka pii ana o keia mau kakai pali iluna, iloko o ka haneri makahiki ?" A nalu loa iho la au i ka noonoo o keia kanaka, a ina paha oia e hoomanao ana i ka lehulehu o keia mau mea, alaila, aole paha oia e olelo ana pela.
A ma ke ahiahi loa ana, haalele makou ia Kelemona, a aole no hoi i emo, nalowale aku la ia, a o ko makou ihu ia wa, o ke komohana akau komohana, a ua hoomau ia ko makou holo ana ma ia ihu a hiki i ka poai olu hema, ma ka lonitu 135 o, a mai laila mai, hoi hou i ka poaiwaena, kahi a ka la e haawi pau ai i kona ikaika ; aka, aole o makou pilkia no ia mau mea, oiai ua kaa loa makou malalo o ka ilikai he iwakalua anana, kahi hiki ole hoi i ke ea e hoopuni ana i ka honua, ke pii ae mai ka 10 a i ka 12 degere.
Ma ka la 15 o Dekemaba, haalele makou ia wahi, a holo aku la ma ka hikina, i na mokupuni o Tahiti, ka Moiwahine o ka moana Pakipika. A ma ke kakahiaka, ike aku la au i ka piko o ke kuahiwi, oiai he mau mile ko makou mamao mawaho aku o ia pae aina nani. A ma ko laila mau kai, nui na ia o kela a me keia ano, i kupono no ka ai ana ; a o kahi mau ia hoi, ua ku no i ka weliweli ke nana aku, ua ane like no me na nahesa ka wilinau, a ua kapaia, he muniropisa.
Ma ka la 25 no o ia mahina, holo aku la ka Nautilo iloko o ka pukuikui o na mokupuni o Nu Hebaraida, ka mokupuni i loaa ai ia Kairo (Quiros), ma ka A. D. 1606. Eiwa mokupuni nui o keia pae aina, a o ka mea hoi nana i kapa ka inoa e ike ia nei i keia wa, oia no o Kapena Kuke, ma ka A D 1773, a e moe ana mawaena o na latitu hema 15 o a me 2 o, a mawaena o ka lonitu 164 o a me 168 o. Hele makou a kokoke loa i ka mokupuni o Aurou ; a ma ke awakea loa ana ae, ike aku la au i ka uliuli mai, e like me na piko mauna i ulu paapuia
e na laau uliuli.
O keia la, he la Karisimasa, a o Nede Lana ko makou mea kaumaha o na maka i ka nana aku, no ka haule ana o ke kulaia o ka " La Karisimaka" iaia, ka la haule ole i na poo hoomana Perosetetane. Oiai iloko o keia wa, aole o'u ike iki aku ia Kapena Nimo, a hala hookahi pule, a ma ka la 27, hele mai la oia iloko o ke keena nui, me ko ano pihoihoi ole mai, a me he mea la ua ike e mai no, he elima paha minute mamua o ka halawai pu ana he alo a he alo. Owau hoi, ua lilo loa aku la ko'u manao ma ka huli ana i ke ala holo o ka Noutilo ma ka palapala aina. Aia nae a hiki mai la o Kapena Nimo, o ke kuhikuhi koke iho la no ia ma kekahi wahi o ka
palapala aina, a puana ae la oia i keia huaolelo. " Vanikoro." O keia ka inoa o ka pae aina i make ai o La Perouse !
A no keia olelo a Kapena Nimo, eu koke ae la au iluna, a ninau aku la, " ua lawe ia mai no hoi lakou i Vanikoro nei e ka Nautilo ?" I mai o Kapena Nimo, " Ae, e ke Kumu. " Ina hoi ha pela, alaila, e ike ana au i na mokupuni kaulana i make ai o Bousole a me Asetolabe?" pela wau i ninau aku ai. Pane mai nae ke Kapena, " Aia no ia i kou makemake e ke Kumu." Ninau hou aku la no au, eia i hea kakou? " Eia kakou ilaila i keia wa," wahi a ke Kapena.
O ko'u pii ae la no ia iluna o ka oneki, a nana aku la ma ka Hikina Akau, ike aku la au elua mau mokupuni pele ua emi iloko o ke kai, ua hoopuniia e na kuaau akoakoa, he kanaha mile ke anapuni.
Ke kokoke loa aku nei makou i Vanikoro, ka mea i kapaia o de la Rekake, e kahi huli aina kaulana, oia no hoi o Dumond'Urville, e huli pono aku ana i ke awa o Vanou, ma ka latitu hema, he 16 o 4', a ma ka lonitu hik. 164 o 32'.
Ua paa ka aina i ka ululaau, mai ke kapakai a hala loa i ka piko mauna o Kapogo, iwaena konu o ka aina, he 476 kapuai ke kiekie.
I ka hiki ana aku o ka Nautilo ma ke kaei akoakoa o waho loa, ma ke komo ana ma kekahi wahi kowa ololi, ike ia iho la, aia oia i kahi o na nalu kawahawaha e poi ai ; a mai ke 30 a i ke 40
anana. A malalo o ka luhiehu o keka-
hi mau laau managorove, ike aku la au i kekahi mea anoe loa, ua hele a kunahihi na helehelena, i ka ike ana mai ia makou.
Ma ia manawa koke no i ninau mai ai o Kapena Nimo ia'u, i ka'u mea i ike no ka make ana o La Perouse. Hahai aku la no hoi au ma na mea a pau a'u i ike ai ma ka moolelo a Dumon d Urville, a penei no ia :
O La Perouse a me kona malamamoku, a o Kapena Langle, ua hoounaia lakou e Louisa XVI., ma ka A D 1785, e holo kaapuni i ka honua, a ua kau lakou maluna o na moku kaua elua, o Bousole a mo Asetolabe, a ia holo ana, aole i lohe hou ia kekahi mea no lakou a hiki wale i ka A D 1791. Ua hoouna hou ke aupuni o Farani elua mau moku nui, oia hoi ka Recherohe a me Esperance, ma ka la 28 o Sepatemaba, malalo o ke alakai ana a Bruni d'Entrecasteaux.
Elua malama mahope mai, loaa mai la ka lono mai a Bowena mai, ke Kapena o ka moku Albemarle, ua ike ia he mau moku ili ma ke kapakai o Nu Georegia. Aole nae he hooiaio o Kapena D'Entrecasteux i keia lono, kau loa aku la no oia ma na mokupuni o Adimarala, e like me ka Kapena Hanatera hoike ana, malaila i make ai o La Perouse.
Ua lilo nae keia holo huli ana i mea makehewa wale no. A ma ia holo ana o na moku hope elua a Hiki i Vanikoro, ua poipuia e ka pilikia, a pau loa aku la Na aliimoku a me na kanaka o na moku Esperance a Me Recherche.
Ma ka la 15 o Mei, A. D. 1824, holo mai la kekahi la-ka maluna o ka waa a pili ma ka aoao o ka moku o Kap. Dillon, a hai mai la i kona ike ana i kekahi mau haole elua, no laua o kekahi mau moku i ili iloko o na makahiki eono i hala aku nei, iaia e noho ana ma Vanikoro.
No keia lohe, ua hoomanao koke ae la o Dillon no La Perouse, ka mea a ko ke ao holookoa i kaumaha loa ai, no kona nalowale loa ana, me ka lohe ole ia o ke kumu i nalo ai. Nolaila, hoao koke iho la oia e holo i Vanikoro, i ike pono ai oia i na iwikaele o na moku i ili a nahaha, e like me ka hai ana mai a ka la-ka ; aka, no ka nui o ka makani a me ka ikaika o ke au, nolaila, ua hoi hou oia i Kalakaka (Calcutta).
Ia hiki ana ona i Kalakaka, ua ike oia i kekahi moku o Recherche ka inoa, o kona manao loa iho la no ia, o ka holo loa no ka pono i Vanikoro, oiai o kekahi moku no keia i hoouna mua ia mai e holo imi ia La Perouse ma.
(Aole i pau).
Ke Kau Ahaolelo o M. H. 1876.
LA HANA 73 — Poalima, Augate 4.
Halawai ka Ahaolelo e like me ka mau.
Hoike mai ke komite wae no ka noonoo ana i na bila e hoololi ai i na pauku 64 a me 66 o ke kanawai kivila, e pili ana no na laikini kudala, ua hooponopono ia na bila mua, a waiho mai he bila hou ma kahi oia mau bila elua. Apono ia ka hoike, a waiho ia ka bila no ka heluhelu elua.
Hoike mai ke komite wae no ka noonoo ana i ka hoopii a ka poe nana i hana ke Alanui Kula, mawaena o ke Alanui Liliha a me ke Alanui Nuuanu, e noi mai ana, e waiho i ka hoopii ma ka papa, a na na komisina e nana i ka nui o na lilo no ia hana ana, mamuli o ke kauoha a ke Kuhina Kalaiaina, a hoike mai imua o keia Hale, a oia ka haawina a keia Hale e haawi ai. Apono ia ka hoike.
Hoike mai ke komite wae no ka noonoo ana i ka bila e hookuu ai i na paahana malalo o na aelike i na la koho lunamakaainana ana ua hooponopono hou ia ka bila, a e hooholo loa aku i ka bila me ka hoololi no ke kakau poepoe. Waiho ia ma ka papa.
Hoike mai ke komite hooiaio bila kanawai. Ua oluolu i ke'lii ka Moi ke kakau inoa ana i keia mau bila :
1 Bila e hoomana i ke Kuikahi Panai Like.
2 Bila e kaupalena ai i ka manawa e koi ai i ka waiwai o kekahi mea i make.
3 Bila e hoololi ai i ka pauku 1, mokuna 37, kanawai kivila.
4 Bila e hoololi ai i na pauku 796, 797, a me 799 o ke kanawai kivila.
5 Bila e hoololi ai i ka pauku 1, mokuna 31, o ke kanawai karaima.
6 Bila e hoololi ana i ke kanawai no ke kuai ana i ka awa.
7 Bila e kauoha ana i na mea a pau e lawelawe ana i na oihana aupuni, e hookupa ia.
Hoike mai ke komite o na Ahahookoloholo no au noonoo ana i ka bila e hoolilo ana i ka pauku 3 o na kanawai o 1870, e pili ana i ka awa. Waiho ia ma ka papa.
Hoike mai ke komite o na Ahahookolokolo no ka noonoo ana i ka hoopii a Haalou no kona uku lawe leta e noi mai ana e waiho ma ka papa. Aponoia.
Hoike mai ke komite o na Ahahookolokolo no ka noonoo ana i ka hoopii a Mr. J Kahaleaahu, e noi mai ana i uku hoomau nona e noi mai ana, e hana ia i bila kanawai no ia mea. Aponoia.
Heluhelu mai o Mr Kanealii, he olelo hooholo e kauoha ana i na komite 13 i holo ai i Kalawao, e hoike mai i ka lakou hoike e pili ana no na mai lepela i ka Poakolu.
Heluhelu mai o Mr Nakaleka he olelo
hooholo i $200 no ka muliwai o Halawa, Molokai. Waiho ia a noonoo pu nae ka Bila Haawina.
Hoolaha mai o Hon Kaai he bila e pili ana i na hao kuni.
Hoolaha mai o Mr Pilipo he bila e hoololi ai i ka pauka 527 o ke kanawai kivila.
Heluhelu mua mai o Hon Kaai he bila e pili ana i na kaa lawe ukana. Waiho ia no ka heluhelu elua.
Heluhelu mua mai o Hon Kaai he bila e kaupalena ana i ka nui o na ohua e lawe ia ai maluna o ke kaa holoholo lealea. Waiho ia keia bila a me ka bila maluna ae ma ka lima o ke komite wae, Kaai, Kakela-opio, Dominis, Waterhouse, a me Kalaukoa.
Hapai hou ia ka noonoo ana no ka hoike a ke komite wae, no ka noonoo ana i ka bila e hookuu ai i na paahana malalo o na olelo aelike i na la koho balota. Ma ke noi ua hooholo loa ia ka bila. Aponoia KA HANA O KA LA.
Bila Haawina imua o ke komite o ka Hale. Hon Waterhouse ma ka noho.
Hoike mai ke Kuhina Kalaiaina i na lilo no na Luna Leta o Hawaii, Maui, Molokai, Lanai, Oahu, Kauai, $3,200.
Noonoo ia ka haawina o na Luna Leta o Hawaii.
No na Luna Leta o Hawaii $800 Moi o Mr Birch kapae loa. Hoomaha ke komite.
Halawai hou ke komite ma ka hora 1. Noi o Mr Martin 600 " Kaai 200
Hooholoia e kapae loa.
Na Luna Leta o Maui, Molokai & Lanai, ka lakou haawina 1,000 Noi o Mr Nakaleka e kapae Hooholoia.
Ka Luna Leta o Kauai 400 Noi o Mr Kalaukoa e kapae. Hooholoia.
No na Luna Leta, 7,126 Noi o Mr Nawahi 7,542
" Preston kapae. " Halemanu 10,000 Hooholoia 7,126 Noi mai o Mr Nahaku, no ka lawe leta mai Lahaina aku a i Kaanapali, Waihee,
Hooleia 200 Noi mai o Mr Kanealii, no ka lawe leta mai Waihee, Wailuku, a me Kahuluai, Hooleia 126
Na lilo hale ilina alii 250 Hooholoia. Na Elele 2,080 Kela, me keia lilo o ke keena, 2,000 Noi o Mr Kalaukoa 1,0000
" Birch e hoopanee ia ka Poakahi. Hooholoia.
Kope ana i na moolelo o na Buke a na Luna Hoona 3,000 Noi o Mr Preston 1,500
Hooholoia 3,000 Kuai ana i na mea hana alanui 1,500 Noi o Mr Barenaba 1,000 Pilipo 500 Hooholoia 1,000 Na Poho Alanui 1,000 Noi o Mr Helekunihi 200
" Pilipo, no na poho Alanui i na
mokupuni a pau, aole e hoolilo ia no ke-
kahi mea e ae, 1,000 Hooholoia
Alanui & Alahaka no na mokupuni a
pau loa, 16,000
Noi ke Kuhina Kalaiaina e waiho i ke
komite wae.
Noi o Mr Birch, e mahele ia ko keia a me keia mokupuni.
Noi o Mr Pilipo, no na alanui a me na alahaka o N Kona, 2,000
Hooholoia e waiho i ke komite wae.
Na hana hou i na mea e hoohana ana i na paahao, 10,000 Noi o Mr Naakaleka, hoopanee loa.
Oiaio e noonoo ia ana, hoopau ia ke komite me ke nonoi aku i ka Hale ua noonoo ia ka Bila Haawina e like me na mea i hoike ia maluna. Apono ia ka hoike a ke komite. Koho ia ke komite wae, Moehonua, Green, Barenaba, Birch, Gay, no ka noonoo ana i ka Haawina, no na alanui a me na alahaka a pau.
Hoopanee ka Hale.
LA HANA.— 79 Poaono Augate 5.
Halawai ka Ahaolelo e like me ka mau.
Waiho mai ka Loio Kuhina he olelo hooholo, e hoomana ia aku ka Moi iloko o kona Ahakukamalu i mau komisina e hooponopono ai i na kanawai, a e hoomana ia lakou e kikoo aku i ke Kuhina Waiwai i na lilo no ia hana, me ka hoike hou mai i keia halawai hou ana aku o ka Ahaolelo. Hooholoia.
Hoolaha mai o Mr Mahoe he bila e hoonoho ana i na luna makai i mau luna leta a e hooponopono i ka lawe ana o na eke leta.
Waiho mai o Mr Nahaku he olelo hooholo e noonoo ia ka Bila Haawina i na la a pau. Hooholoia.
Heluhelu mua mai o Mr Pilipo he bila e hoololi ai i ka pauka 527 o ke kanawai kivila. Waiho ia no ka heluhelu alua.
Ma ke kapae ia ana o na rula, ua hoike mai ke komite wae i waiho ia aku ai e noonoonoo no na haawina o ka Lunawai, Hana Hou a me ka Luna Alanui no Oahu, e apono ana i ka manao e hoohui ia mau oihana.
NA HANA O KA LA.
Heluhelu alua ia ka bila e hoololi ai i ka pauku 10, mokuna 41 o ke kanawai hoopai karaima. Waiho ia i ke komite wae.
Heluhelu alua ka bila e hoololi ai i ka pauku 4 o ke kanawai awa o Iulai 8, 1870 Waiho ia i ke komite o na Ahahookolokolo.
Heluhelu alua ia ka bila e uku ai ke aupuni i na uku moku o na paahao i hookuu ia e hoi i ko lakou mau home a hoopanee loa ia.
Heluhelu alua ia ka bila e huikau ai i ke Kuhina Waiwai no kekahi mau dala i hoolilo ia e ia a waiho ia i ke komite wae.
Heluhelu alua ia ka bila e pili ana i na ulu laau.
Oiai e hoopaapaa ana, ua
Hoopanee ka Hale,