Ka Nupepa Kuokoa, Volume XV, Number 36, 2 September 1876 — Page 3
KA NUPEPA KUOKOA, ME KE AU OKOA I HUIIA.
NA PALAPALA I KE KUOKOA.
Papapau he a-a ko ka Hale Ahaolelo.
MA ka Poakahi iho nei, ua waiho mai la o G. W P he olelo hooholo imua o ka Hale Ahaolelo, e kinohi ana i ke kakauolelo o ua Hale la e kikoo aku i ka waihona o ka lehulehu i $100 pakahi na kela keia o na lunamakaainana ; he uku kaulele na pali mawaho ae o na dala $250
Ma keia olelo hooholo ua ike ia, o ka pae hoemi lilo, leo nui, hana mokomoko i na pakaukau, haalele i ko lakou mau noho ke hiki iho ko lakou kula koko, a me ke kopaa maluna o ko lakou hoohiki me ka ewaewa ole,— o lakou kai makemake e hooholo loa keia olelo hooholo, a e lawe i ke dala a ka lehulehu me ka menemene ole.
O keia ka poe i olelo nui " aole kupono o na Kuhina ke hoohiki ia e ka lunakanawai kiekie — aole o lakou kuleana e koho ma na mea a pau imua o ka Ahaolelo — aole e ekemu na waha — aole hoi e hilinai i ko lakou mau hooponopono aupuni "
O keia no ka poe i olelo hou i na Kuhina, " ua aihue i ke dala a ka lehulehu, ua hahai i na kanawai a me ke Kumukanawai."
O keia ka poe a ka lahui i manao ai e ola ana ka aina, e inu ia ana ka wai me ka ono, e moni ia ka ai me ka puna ole, a e kau ana ka hae o ka lanakila — aka, ina e nana ma keia olelo hooholo, aole anei i papapau he a-a ko ka hale ? Aole anei i hawahawa na lima i ka puu lepo a lakou i huna ai ? Heaha ka oukou e na haku o lakou nei e pane mai ai ?" He aihue dala he haihai kanawai, a he hookahuli Kumukanawai anei ?"
Ua haule nae ua olelo hooholo la i ka hope moku — aole nae o ia haule ana, he kumu ia e paele ole ia ai na lae o lakou i na pena kanikau, na inika kamaa a me na waihooluu o ka mai nui.
Ua manaoia, o G W Pilipo, he Liona no keia kau, a o J Nawahi, he Bea no na muliwai, a o J Kauai, he Hoku no no Kaoi, a o ka poe i pili aku mahope o ka lakou alakai ana, he mau koa opiopio e hoomaamaa ana no ka hoouka kaua ; ma ko lakou ano, ke kaulana a me na hana imua o keia kau Ahaolelo — aka, i ka pau ana o ka lakou ai oia na dala $250 pololi nui iho la, a hiki ole ke lawelawe i na hana a ko lakou mau haku makaainana, nolaila, huli mai nei ka Liona e nahu i na haku me kona niho aloha ole ; a o ka Bea hoi o na muliwai, uwalu mai nei me kona maiuu haihai Kumukanawai ; a o ka Hoku o na kaei, hopipi iho la kona malamalama ; a o na koa opiopio pau nui iho la a ka lua hookahi — pau pulu aohe lau komo ole.
HONOLULU CITY.
Ahaolelo Kau Kanawai
O ke Aupuni Hawaii Ka Moolelo o na hana o ke Kau o ka M. H 1876.
Noi o Mr Kauai 4,000 " Martin 2,804 " Kalaukoa 3,500 Hooholoia 3,408 No na makai o Oahu 44,640 Noi ka Loio Kuhina 43,084 " Mr Pilipo 37,210 Hooholoia 43,084 Hopu ana i na lawehala 2,000 Kela me keia lilo o ka oihana 1,000 Noi o Mr Kalaukoa 500
Hooholoia 1,000 Na lilo no na Aha Koronero 600 Noi o Mr Kalaukoa 200 " Pilipo e kapae loa. " Barenaba e hoopanee iki a noonoo pu me ka haawina o na lilo o ka Papa Ola
Hooholoia 600
OIHANA HOONAAUAO.
Uku o Kahukula Nui 4,000 Noi o Mr Kauai e hoopanee loa. Hooholoia. He 19 ka ae, a he 18 ma ka hoole.
Lilo kaahele o ke kahukula nui 800 Noi o Mr Nakaleka e heluhelu ia ka haawina penei. Na lilo o na kahukula nui 1,000, a penei ka hoonohonoho ana. Na lilo no Hawaii 300 " Maui 300 " Oahu 200 " Kauai 200 Hooholoia Kakauolelo o ka Papa 3,600 Noi o Mr Helekunihi 4,000
Hooholoia 3,600 Na kula Hawaii Beritania 38,000 Noi o Mr Nakaleka e waiho ia keia haawina a me ka haawina no na kula aupuni, ma ka lima o ke komite wae. Noi o Mr Birch 25,000 " Lilikalani 30,000 Hooholoia e waiho keia mau haawina elua ma ka lima o ke komite wae.
Kula hoopololei o Keoneula 10,000 Noi o Mr Kanealii 7,000 " Helekunihi 6,000 " Kalaukoa e kapae. Hooholoia 10,000 Mau hale kou no ke kula hoopololei o Keoneula 4,500 Noi o Mr Nahaku e kapae.
Hooholoia 4,500 Kukulu ana a me ka hana hou ana i na hale kula 1,000 Noi o Mr Martin 1,200
Hooholoia 1,000 Kokua haumana ma ke kula nui o Kapunahou 360
Noi o Mr Mahelona e kapae.
" Pilipo, o na keiki Hawaii ponoi wale no keia haawina. Hooholoia.
Malama ana i na mea ano e. (Museum.) 10,000
Noi o Mr Birch e kapae.
" Nahaku 520.24 Hooholoia 1,000 Lako Palapala, me kela me keia lilo,
Hooholoia 700
Hoopau ia ke komite me ka hoi aku i ka Hale, ua noonoo ia ka Bila Haawina e like me ia i hoike ia maluna. Aponoia.
Hoike mai ka Peresidena i na bila o ke komite wae no ka noonoo ana i na haawina no na kula Hawaii a me Beritania a me ka haawina no na kula aupuni.
Mr Nakaleka, Kamika, Kuihelani, Kamauoha a me Wana, Hoomaha ka Hale LA HANA 94.— Poakolu, Aug 23.
Halawai ka Hale e like me ka mea mau.
Hoike mai ke Komite Wae i kohoia no ka noonoo ana i na haawina malalo iho :
1 No ka Luna Dute Nui.
2 Hope Luna Dute nui.
3 Kiai Oihana a me ke Awa.
4 Luna Hale-papaa.
5 Kakauolelo Buke Helu.
6 Na kokua kiai ma Honolulu a me na awa e ae.
Ua noiia mai, he mea paakiki ka hoohui ana i keia mau haawina. Nolaila, e hooholo aku i na haawina e like me ia maloko o ka Bila Haawina. Aponoia.
Hoike mai ka hapanui o ke Komite wae no ka noonoo ana i ka bila e huikala ai i ke Kuhina Waiwai, no ka hoolilo wale ana i na $3,997.64, me ka ae ole hoi o ka Ahaolelo, e noi ana, e hooholo loa aku i ka bila no ke kakau poepoe, i kakau inoa ia e Mr Kalaukoa, Kakela-makua, Aholo, a me Waila.
Hoike mai ka hapa uuku o ia Komite no, e noi mai ana, e hoopanee loa i ka bila, oiai o na dala i hooliloia e ke Kuhina Waiwai, no ka hoolewa o ka Moi Kamehameha V., ua oi wale aku, a me he mea la, ua lilo no na aahu o ka poe pili ole i ke kupapau, a nui aku. Kakau inoaia e Mr Pilipo. Waihoia na hoike a elua ma ka papa, a noonoo pu me ka bila.
Hoike mai ke Komite wae no ka noonoo ana i ka bila e pili ana no ka mahele ana i ka wai maluna o kekahi aina, ma ka hoomoe ana i na auwai a hawai paha, e noi mai ana, ua hooponoponoia ka bila, a waiho mai he bila hou. Waihoia ka hoike ma ka papa, a e paiia ka bila. (Aole i pau.)
Na Make ma Kalawao.
Iulai 12, Kamokukapu w, he 57 mk. Kailua, Hawaii.
" " Keliiheleole w, 11 mk. Kaluaihakoko, Maui.
" 13 Kuneka k. 52 makahiki. Puueo, Hilo.
" 14, Pahakula w. 32 mk. Hakipuu, Oahu.
" 15, Kenahi k, 31 mk Waialua, Oahu.
" 16, Kanekapola w, 54 mk. Laie Oahu.
" 20, Kauihii w, 31 mk Kailua, Hawaii.
" 20, Kaluahine w, 26 mk Puueo, Hilo.
" 21, Manu k, 32 mk Waimanalo, Oahu.
" 22, Mele w, 20 mk Honuaula, Maui.
" 23, Enoch Kalauao k. 28 mk. Honolulu.
" 30, Kuheleiua k, 45 mk. Honolulu, Oahu.
" 30, Kapahu k, 35 mk Halawa Molokai.
Aug. 4, Lahapa w, 27 mk Honolulu.
" 4. Kanu k, 61 mk Hana, Maui.
" 8, Lono k, 19 mk Lahaina.
" 10, Hana Williamson w. 22 mk Honolulu.
" 12, Papuku k, 54, mk Lahaina.
Ke Hoikeia'ku nei ka lohe i na mea a pau, aole e hookuu i ka lakou mau holoholona maluna o kuu aina i kapaia o Kamoku, e waihoia ma Waikiki-waena, oia hoi ka Puaa, Moa, Kaka Lio a pela aku. Ina e loaa ia'u kekahi o keia mau holoholona maluna, alaila, e hoouku no au i ka mea nana ia holoholona a mau holoholona paha, pa $1.00 no ke poo. " He kuli ka make, he lohe ke ola."
KAPOLEI (w). Kamoiliili, Aug 30, 1876. 770 3ts 772
OIAI UA PAU ae nei ka hoolimalima ana o ka HON. W C PARKE, i kuu mau aina, oia o KUKUIO a me KALEHUA, e waiho la ma Manoa, a nolaila, ke haiia aku nei ka lohe, ua koho a ua hookohu aku au ia PETERO (pakaukau i-a) i Luna na'u, nana no e malama i na aina i olelo ia ae nei maluna. A ke papa loa ia aku nei, ua kapu ka hele wale ana o na Lio, Bipi, Hoki, Kekake a me na puaa maluna o kela mau aina. A o ka mea hookuli a kue i keia mau olelo, e hoopiiia no ma ke Kanawai. CHAS. KANAINA, Honolulu. Aug 31, 1876. 770 3t* 772
E IKE auanei, owau o KAMAKA'U (w), ka mea nona ka inoa malalo, ma ka la 22 o Augate M H 1876, ua kakau inoa au ma kekahi palapala, e hoonoho ana, a hookohu, a hoolilo ia William Lumaheihei, i hope oiaio no'u, a no ko'u mau waiwai paa a waiwai lewa a pau loa e waiho nei iloko o ka Apana o Hamakua, mokupuni o Hawaii. O na hana ana a me ka mana a pau ma kuu inoa, a me kuu waiwai, aia no ia i kuu Hope. Ke hoike nei au, e pono i na kanaka a pau ke hoolohe i kuu Hope, a e hilinai iaia a i kana mau hana. Owau no me ka mahalo. MRS. E. KAMAKA'U. Hamakua, Hawaii, Aug 23, 1876. 770 2t* 773
E IKE auanei na kanaka a pau, ma ka la 22 o Augate, M H 1876, ua hoonoho, a ua hookohuia mai au e Mrs. KAMAKA'U, i Hope oiaio nona a no kona mau waiwai paa a waiwai lewa, e waiho nei ma ka Apana o Hamakua mokupuni o Hawaii. A no ka mea hoi, e like me ka mana i loaa mai ia'u mai a Kamaka'u w. mai, i olelo mua ia maluna, ke papa aku nei i na mea holoholona, mai hookuu wale i na holoholona maluna o na aina i lilo ia'u ka hoomalu ana, oia hoi na aina i kapaia KUILEI, NA A-U a me PAPAKE. A o ka poe mea holoholona e makemake ana e loaa ke kuleana a me ka pono hele holoholona ma ke ano hoolimalima, e pono ke ninau i ka mea nona ka inoa malalo, e loaa no oia ma kona hale noho ma Maunaaniani, Paauhau, Hamakua, a i ole ma ka Noelehua i Mana, malalo iho o na lalaki kuahiwi o Maunakea. E pono e hoolohe i kela, o pilikia auanei. Owau no me ka mahalo
WILLIAM LUMAHEIHEI. Mauaaniani. Paauhau, H.. H., Aug 23, 1876. 770 4t*
OWAU o ka mea nona ka inoa malalo iho nei, ua hoonohoia mai au e ka Mea Hanohano D McBride, Lunakanawai Kaapuui Apana Eha o ko Hawaii Pae Aina, i Lunahooponopono no ka waiwai o Kealai k. o Wainiha, Kauai i make, nolaila, o ka poe a pau i aie mai i ka mea i make, e pono no ia lakou ke hookaa koke mai ia'u, a o ka poe ana i aie aku ai, e hoike koke mai ia'u me na bila kupono, iloko o na malama eono mai keia la aku, o hoole loa ia auanei. E loaa no au ma Waimea, Kauai, a i ole ia, i ko'u hope paha, ia N P Kalehua S. P. KEWE.
Ka Lunahooponopono o Kealai. Augate 23, 1876. 770 4t* 773
HIHIA O KA ALABAMA !
O KA POE NONA NA INOA MALALO IHO nei, no lakou na koina iloko o ka hihia o ka " ALABAMA," a i hoounaia hoi i Wasinetona no ka hooiaioia, ke konoia aku nei e hoike koke mai i keia Keena me ka hookaulua ole, i ua la a pau, mai ka hora 1 a hiki i ka hora 4 ahiahi, no ka mea, ua makemakeia kekahi mau mea i koe no ko lakou mau kaina :
Makaio of the Nile. John Williams " Jireh Swift. Kea " " Makui " "
Kalama " Martha Jim Kaleiheana " " D Napili " Eliza Adams. Kavika " Isabela Lamaa " Congress Kekuaihehia " " Charles L Kuikahi " Nimrod Jack Pia " Gipsey Kou " Peru Solomona " " Kapuniai " Congress George Kamaka " Wm. C Erye Kainamoku " Gen. Williams Kahookano " Catherine Eila " "
Kauhikoa " Euphrates Mana " " Pahunui " Jireh Swift Waialoha no } " Gen Williams Kahumokuliilii } Keaupuni " Milo
T C Namauu " "
CASTLE & SMITH
Aliiolani Hale Honolulu, H. I.. Aug. 25.1876. 769 3tS 771
MA ka waiwai o Sylvester Sablan y Castro, o o Honolulu i make. Ke hoike ia aku nei ka lohe i na kanaka a pau, ina ua hoopaa ia ma ka Moraki, a aie e ae paha, he mau koina ko lakou i ka waiwai o Sylvester Sablan y Castro i make, e hoike koke mai me na hooiaio kupono i ka mea kona ka inoa malalo iho ma Alanui Kaahumanu Helu 3, Honolulu, iloko o na malama eono mai keia la aku, a i ole ia e hoike loa ia ; a o ka poe i aie iaia, e hookaa koke mai i na mea nona na inoa malalo iho. ANNA SABLAN y CASTRO. CECEIL BROWN.
Na Lunahooponopono Waiwai o S Sablan y Castro i make
Honolulu, Aug. 16, 1876. 760 4ts 773
AHA Hookolokolo Kaapuni Apana Ekolu o ko Hawaii Pae Aina. Ma ka hooponopono waiwai. Ma ka waiwai o Kahinalii k, o Kiholo, Kona Akau, Hawaii i make kauoha ole. Imua o ka Lunakanawai Chas. H. Hart.
Ma ka heluhelu a me ka waiho ana mai o ka Palapala Noi a Z. Paakiki, o Waimea, Hawaii, e hoike mai ana o Kahinalii k, no Kiholo, Kona Akau, Hawaii, ua make kauoha ole ma Kawaihae, Kohala Hema, Hawaii, ma ka la o Aperila M H 1875, a e Noi ana e haawi ia ka Palapala Hookohu Luna Hooponopono Waiwai ia Kauwa w.
Ua kauoha ia o ka Poalima, ka la 29 o Sepat. M H 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o kela Aha ma Waimea, Hawaii, ma ka hora umi o ke kakahiaka, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha e hoolaha ia ma ka olelo Hawaii, i ekolu pule ma ke Kuokoa, nupepa ma Honolulu.
Kakau ia ma Kohala, Hawaii ko H P A. Aug. 10, 1876.
CHARLES F. HART
AHA Kiekie o ko Hawaii pae Aina, ma ka hooponopono waiwai, Mokupuni o Oahu, Hawaii Pae Aina, SS. Ma ka waiwai o RUTA KAMAKEA i make. Olelo kauoha, e koho ana i la e hooiaio ai ka palapala kauoha a no ka hoolaha ana.
No ka mea, ma ka la 13 o Augate M. H 1876, ua waiho ia mai imua o ka Aha kekahi palapala i oleloia, oia no ke kauoha hope loa a Ruta Kamakea i make aku la, a me ka palapala hoopii e noi ana, e hooiaioia kela palapala kauoha, a e hoopuka hoi ka palapala Lunahooko no na poe hoopii, ua waihoia mai e Samuel Wainei, Hoomana a me Kaanaana.
Nolaila, ua kauohaia, o ka Poalima, oia ka la 8 o Sepatemaba, M H 1876, ma ka hora 10, ma ka rumi hookolokolo oia Aha, ma Aliiolani Hale, ma Honolulu, oia ka la a me ka hora e hooiaioia ai ia palapala kauoha a e hoolohe hoi no ia noi ana mai a me ka poe a pau i pili, e kue ana ia palapala kauoha, a me ka hoopuka ana i ka palapala Lunahooko. A ua kauoha hou ia, e hoolaha no ia mea no na pule ekolu, iloko o ke Kuokoa me Ke Au Okoa, he nupepa i paiia a i hoolahaia ma Honolulu. A ua kauoha houia, e hoopukaia na palapala kena na na hoike, no ia palapala kauoha, a me na hooilina o ka mea make, ma Honolulu, e hele mai a e kue i keia palapala kauoha i ka wa i oleloia.
Kakauia ma Honolulu ko Hawaii P. A., Aug 13, 1876.
A. FRANCIS JUDD,
Ikea : Lunakanawai o ka Aha Kiekie Jno. E. Barnard Hope Kakauolelo. 7 8 3ts 770
AHA Kiekie o ko Hawaii pae Aina, ma ka hooponopono waiwai, Mokupuni o Oahu, ma ka waiwai o KALAWAKUA w, no Honolulu, Oahu i make.
Olelo kauoha e koho ana i la e hooiaio ai ka palapala kauoha a no ka hoolaha ana.
No ka mea, ma ka la 14 o Augate M. H 1876, ua waihoia mai imua o ka Aha kekahi palapala i oleloia oia no ke kauoha hope loa a Kalawakua w, i make aku la, a me ka palapala hoopii e noi ana, e hooiaioia kela palapala kauoha, a e hoopuka hoi ka palapala Lunahooko no Kalaehao k, ua waihoia mai e G B Kalaaukane ka Loio.
Nolaila, ua kauohaia, o ka Poalua, oia ka la 5 o Sepatemaba, M H 1876, ma ka hora 10, ma ka rumi Hookolokolo oia aha, ma Aliiolani Hale, ma Honolulu, oia ka la a me ka hora e hooiaio ia ai ia Palapala Kauoha a e hoolohe hoi no ia noi ana mai, a me ka poe a pau i pili e kue ana ia Palapala Kauoha, a me ka hoopuka ana i ka palapala Luna Hooko.
A ua kauoha hou ia, e hoolaha no ia mea no na pule ekolu iloko o ke Kuokoa me Ke Auokoa, he nupepa i paiia a i hoolahaia ma Honolulu. A ua kauoha houia, e hoopukaia ka palapala kena no na hoike noia Palapala Kauoha, a me hooilina o ka mea make, ma Honolulu e hele mai a e kue i kela palapala kauoha i ka wa i oleloia.
Kakauia ma Honolulu ko Hawaii Pae Aina, Aug 14, 1876.
A. FRANCIS JUDD,
Ikea : Lunakanawai o ka Aha Kiekie Jno. E. Barnard Hope Kakauolelo. 768 3ts 770
Ma ka Aha Kiekie o ko Hawaii Pae Aina mokupuni o Oahu, Kau o Iulai, 1876, he hoopii oki mare Kaonoi w, kue ia Keoni k. Poakahi, Iulai 10, 1876.
Ma ka hoopii Oki Mare maluna ae, ke kauohaia nei, e hookomoia ka huaolelo "oki mare" ma ka aoao a Kaonoi (w) no ke kumu, ua moekolohe o Keoni k i oleloia, a e lilo i mea paa mahope iho o ka pau ana o na malama eono mai ka la aku o keia kauoha ana, ma na kumu maopopo i waihoia mai, ke ole he kumu e ae kekahi e hooleleia'i ua mau mea la.
A ua kauoha ka mea nona ka hoopii, e hoolaha ae i kekahi kope i hooiaioia o keia olelo kauoha ma ka nupepa Hawaiian Gazette a me ke Kuokoa, no na hebedoma eono, a no ka hoolaha mua ana, maloko o ka malama hookahi, mai ka la aku o keia kauoha ana, a o na mea a pau ke pili, maloko o na malama eono, e hoike mai ai lakou i kekahi kumu, e lilo ole ai keia olelo hooholo i mea paa.
WALTER R. SEAL, Kakauolelo.
Ma keia, ke hooiaio aku nei au, keia ae la ke kope oiaio a me ka olelo o ka olelo kauoha, no ka hihia maluna ae. I waihoia mai i ke Keena Kakauolelo o ka Aha Kiekie o ko Hawaii Pae Aina. WALTER R. SEAL. Kakauolelo o ka Aha Kiekie.
Honolulu, Iulai 24, 1876. 767 6t* 772
AHA Kiekie o ko Hawaii Pae Aina, ma ka hooponopono waiwai, mokupuni o Oahu, Hawaii Pae Aina, SS. Ma ka waiwai o LII (k), o Waihee, Maui i make. Olelo kauoha e koho ana i la e hooiaio ai ka palapala kauoha, a no ka hoolaha ana.
No ka mea, ma ka la 21 o Augate M H 1876, ua waihoia mai imua o ka Aha kekahi palapala i oleloia, oia no ke kauoha hope o Lii k, i make aku la, a me ka palapala hoopii e noi ana, e hooiaioia kela palapala kauoha, a e hoopuka hoi ka palapala Lunahooko no Chas. Kanaina, ua waihoia mai e Chas. Kanaina.
Nolaila, ua kauohaia, o ka Poakahi oia ka la 11 o Sepatemaba M H 1876, ma ka hora l0, ma ka rumi hookolokolo o keia Aha, ma Aliiolani Hale ma Honolulu, oia ka la me ka hora e hooiaioia ai ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala Lunahooko. A ua kauoha hou ia, e hoolaha no ia mea no na pule ekolu, iloko o ke Kuokoa he nupepa i paiia a hoolahaia ma Honolulu. A ua kauoha houia, e hoopukaia na palapala kena no na hoike, no ia palapala kauoha, a me na hooilina o ka mea make, ma Honolulu, e hele mai e kue i keia palapala kauoha i ka wa i oleloia.
Kakauia ma Honolulu ko Hawaii P A la 21 o Aug 1876. CHAS. C. HARRIS,
Ikeia : Lunakanawai o ka Aha Kiekie. Jno. E. Barnard, Hope Kakauolelo. 769 3ts 771
AHA Kiekie o ko Hawaii Pae Aina, ma ka hooponopono waiwai. Mokupuni o Oahu, Hawaii Pae Aina, SS. Ma ka waiwai o JAMES ROBINSON, no Honolulu i make. Olelo kauoha e koho ana i la e hooiaio ai ka palapala kauoha a no ka hoolaha ana.
No ka mea, ma ka la 16 o Augate M H 1876, ua waihoia mai imua o ka Aha kekahi palapala i oleloia, oia no ke kauoha hope loa o James Robinson, i make aku la, a me ka palapala hoopii e uoi ana, e hooiaioia kela palapala kauoha, a e hoopuka hoi ka palapala Lunahooko no Curtis P. Ward, Samuel C. Allen me Mark P. Robinson, ua waihoia mai e lakou.
Nolaila, ua kauoha ia o ka Poaha oia ka la 7 o Sepatemaba M H 1876, ma ka hora 10, ma ka rumi hookolokolo o ia Aha, ma Honolulu, ma Oahu, oia ka la a me ka hora, e hooiaio ia'i ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala Lunahooko.
A ua kauoha hou ia, e hoolaha no ia mea no na pule ekolu iloko o ka Hawaiian Gazette me Kuokoa he nupepa i pai ia a i hoolaha ia ma Honolulu.
A ua kauoha hou ia, e hoopukaia na palapala kena no na hoike no ia palapala kauoha, a me na hooilina o ka mea make, e hele mai a e kue i keia palapala kauoha i ka wa i oleloia.
Kakauia ma Honolulu ko Hawaii P A la 16 Aug 1876.
CHAS. C HARRIS,
Ikeia ; Lunakanawai o ka Aha Kiekie. Walter R. Seal, Kakauolelo. 760 3ts 771
AHA Kaapuni, Apana Ekolu, o ko Hawaii pae Aina, ma ka hooponopono waiwai, Mokupuni o Hawaii, Hawaii Pae Aina, SS. Ma ka waiwai o Kanehaliua k, no Waimea, Hawaii i make. Olelo kauoha, e koho ana i la e hooiaio ai ka palapala kauoha, a no ka hoolaha ana.
No ka mea, ma ka la 28 o Iulai, M. H 1876, ua waihoia mai imua o ka Aha kekahi palapala i oleloia, oia no ke kauoha hope loa o Kanehailua, no Waimea, Hawaii, i make aku la, a me ka palapala hoopii e noi ana, e hooiaioia kela palapala kauoha, a e hoopuka hoi ka palapala Lunahooko no Wahineiki, ua waihoia mai e Wahineiki.
Nolaila, ua kauohaia, o ka Poalima, ka la 29 o Sepatemaba, M H 1876, ma ka hora 10 o kakahiaka, ma ka rumi hookolokolo o ia Aha, ma Waimea, Hawaii, oia ka la a me ka hora e hooiaioia ai ia palapala kauoha a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala Lunahooko. A ua kauoha hou ia, e hoolaha no ia mea no na pule ekolu, iloko o ke Kuokoa, he nupepa i paiia a i hoolahaia ma Honolulu. A ua kauoha hou ia, e hoopukaia na palapala kena no na hoike, no ia palapala kauoha, a me na hooilina o ka mea make, ma Waimea, e hele mai a e kue i keia palapala kauoha i ka wa i oleloia.
Kakauia ma Kohala, Hawaii, ko H P A, Aug 10, 1876.
CHARLES P. HART
765 3ts 770 Lunakanawai o ka Aha Kaapuni, Apana Ekolu.
AHA Hookolokolo Kaapuni o ko Hawaii Pae Aina. Ma ka hooponopono waiwai. Ma ka waiwai o i R KKALOAA k, no Waimea, Hawaii, i make kauoha ole, imua o ka Lunakanawai Chas F Hart.
Ma ka heluhelu a me ka waiho ana mai o ka palapala noi a Koki, o Waimea, Hawaii, e hoike mai ana, o R. Kealoha ma Waimea, Kohala Hema, ua make kauoha ole ma Waimea , Hawaii, ma ka la 13 o Ianuari M H 1876, a e noi ana, e haawiia ka palapala hookohu Luna Hooponopono Waiwai ia Z. Paakiki.
Ua kauohaia, o ka Poalimai ka la 29 o Sept. M H 1876, oia ka manawa i kohoia no ka hoolohe ana i ua nonoi la, imua o ua Lunakanawai la, ma ke Keena Hookolokolo o kela Aha ma Waimea, Hawaii, ma ka hora 10 o kakahiaka, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha e hoolaha ia ma ka olelo Hawaii, i ekolu pule ma ke Kuokoa, nupepa ma Honolulu.
Kakau ia ma Kohala, Hawaii ko H P A. Aug. 10, 1876.
CHARLES F. HART 768 3ts 770 Lunakanawai Kaapuni Apana Ekolu.
KE HOIKE AKU NEI KA MEA nona ka inoa malalo iho, i kona mau makamaka a me ka lehulehu, ua nee ae nei oia a ma ke Alanui Papu, ma kela aoao mai o ka Hale Mu, aia oia malaila e hana ai i na Karanometa, Wati nui a me na Wati pakeke. Ua hiki iaia ko hooia aku, e hele pono ana kana wati e hana ai no ka makahiki hookahi. 767 3m* J. DOIRON.
OLELO HOOLAHA.
OWAU o G. Mahelona ke kane mare a Mrs Kanemai ke hai e aku nei au i ka lono i na poe mea hale kuai, mai hoaie mai ia ia, no ka mea ua haalele iho loa mai keia ia'u, a ua hoi aku ma kona wahi ma Wailua, Hana, Maui. Ua mare ia maua i ka la 5 o Feb. A. D. 1876 a hiki i ka malama o Iulai, hoomaka mai kela i ka hookaawale i ka maua pili, me he mea la ekolu no o maua malama i noho ai me ka oluolu. Mahope mai moku kela i ke kaula gula a maua. Nolaila, ke kau leo aku nei au i ka poe waiwai mai hooko aku i kona makemake ke hele mai. O ka mea, a mau mea e hoolohe ole i keia, maluna ona ko oukou poho G. MAHELONA. Pukuilua, Hana, Aug. 21, 1876. 769 2ts* 770.
E ike auanei na kanaka a pau ke nana mai i keia, owau o ka mea nona ka inoa mau lalo nei ke hoike aku nei au ma ke akea, ua kapu loa na waiwai a pau o Kuahi w. i make. O ka waiwai paa me lewa ua kapu loa, ua ili mai maluna o'u ia mea a pau loa. nolaila, ina aia i kekahi me kahi i paa ai o kekahi waiwai, e hoike mai ia'u iloko o na la he kanakolu mai keia la aku, ia'u a i kuu hope kokua ma na mea a pau loa e pili ana i keia waiwai. E loaa no au ma ka pa hale o J. Kahai ma Alanui Maunakea. NAUHI. Honolulu, Oahu. Aug. 2, 1876. 769 4ts* 772
E. T. O'Halloran LOIO !
EIA HE $20,000 E MAKEMAKE ANA E hoaie aku ma ka ukupanee haahaa loa mai ka $200 aku a pii ae ma ka moraki ana i na aina. Ua hoomakaukau e no oia i na palapala aelike, hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila Nui.
Hale Oihana, aie ma ka " Real Estate Exchange" helu 31, Alanui Papu, Honolulu, malaila oia e loaa ai i na kanaka a pau, ina he mau aina kuai a hoolimalima ko lakou, a e hoopaaia me ka uku ole 769 3m
Hale Kuai Lole Maikai !
— MA —
Waimea, Hawaii !
I NA KEIKI PAWA o ka ua Kipuupuu o Waimea, i na kupa hoi o ka home i poai ia e na mauna, owau o AWANA ;
Ua wehe ae nei au i kua Hale Kuai Lole Maikai, ma keia aina mauna, a e loaa no na Aulii kolomanu ano hoa loa Na kinohinohi e kau ai ka Iwa. E hao ai na polena o Haupu. E kapakahi Manuia Keokoi ka moku
Eia ma keia Hale Kuai, e loaa ai na Makalena, Kalekoa, Alapia, Huluhulu, Kihei Uhi, Lilina umenaau, na hainaka silika liilii, papale wahine, lei a-i kae weluwelu, kaei silika nani, na kamaa wahine a kane, o kela a me keia ano, na waialawaianuhea e puia ai ka hainaka i ka paoa, na aila Lukini hamo lauoho, e puia ai ke kula i ke ala. Na lole kane o na ano a pau a me na luhiehu o ke kini a pau. E pau nui mai e ko Hamakua a me ko na Kohala, oiai o ke keu keia, aohe mea e ui ae ai e nele ana. Makepono loa ke kumukuai o ua waiwai i hoikeia maluna. I mea e pau ai kuhihewa, e naue mua mai e na makamaka, ma kuu hale kuai. E hiki ana na lole hou i na manawa a pau.
769 3m* G AWANA (Pake).
E IKE auanei na kanaka o na ano a pau, owau o ka mea nona ka inoa malalo nei, ke papa, a ke hookapu loa aku nei au i na holoholona o kela ano keia ano, aole hookuu wale maluna o kuu mau aina i kapaia o " KEKI-O" a me a'u mau aina hoolimalimaia e waiho la ma Palolo, apana o Kona, mokupuni o Oahu. Aole no hoi e ae ia ka poe kuleana ole e hele wale e hoopoino i na waiwai o luna o ka aina a me na mea e ulu ana. A ina e kue kekahi i keia, a loaa aku i kuu mau Luna, ia Kapa a me Pilipo, na laua ka hana, ka hooponopono a me na koi ana ma ko'u aoao. Aole nae i pili keia mau mea i hoakakaia maluna i ka poe a'u i ae aku ai, aka, ina hala lakou mawaho o na palena kupono, alaila, ua hiki no i kuu mau luna i hoikeia maluna ke hooponopono ia lakou. Eia ka lono hope. O ka poe a pau e noho ana ma ua mau aina la i hoikeia maluna, e malama kela a me keia i kana mau holoholona, ma kona wahi iho, aole e hoopoino wale aku i ka kekahi. A ke kau leo aku nei au, e hoolohe oukou i keia, a i ko'u mau luna. D W PAUAHI.
767 4t* 770
Hoolaha a ka Luna Hooponopono Waiwai.
OIAI ua hookohuia mai ka mea nona ka inoa malalo iho, e ka Hon C F Hart, i Lunahooponopono Waiwai no KEALOHA, o Kohala, Hawaii i make, ke hoolaha aku nei i na mea a pau ana i aie aku ai, e hoike mai no ka hooponopono ana iloko o na malama eono, a o ka poe i aie mai iaia, e hookaa koke mai.
J. WIGHT, Lunahooponopono Waiwai. Kohala, Iulai 19, 1876. 768 4ts 771
E ike auanei na kanaka a pau, na pake a me na haole o maua o na mea nona na inoa malalo iho, ke hoolaha aku nei mau ma ke akea i ko maua manao paa a i ike mai hoi ka poe nana ka awa e ulu ana, a me ka poe kanu awa pu e mahiai ana maluna o ko maua aina kuai, ma Alika, S Kona, Hawaii, oiai ka wa kupono keia ia lakou e hele mai imua o maua e kuka a e kamailio pu, no ka uku hoolimalima o ka makahiki, a i ole ia, ma ka mahele hapalua paha, ke holo like i ka manao o na aoao a elua. A ina aole e uku e mai i ka uku hoolimalima no ka aina, aole loa a hiki ia lakou ke lawe a uhaki i kekahi mea e ulu ana maluna o ko maua aina kuai, koe wale no ka poe i uku mai ia maua, a e lilo keia olelo hoolaha i kanawai mai kona la e puka aku ai ma ka " Nupepa Kuokoa." MAKIA.
KEAWEIKALIKO. Alika S Kona, H. Aug 5 1876. 767 4ts* 770.
UA LILO aenei ia MR DONNELL ka Hale Hana Wili Hinuhinu mua o C E Williams ma Alanui Hotele, a me na pono kaa kupapau a ua makaukau oia no na hana a pau i pili i ka hana wai hinuhinu a me ka hana pahu kupapau.
763 3ms 774.
Na Buke Himeni Hou ma ka Halekuai Buke o Wini.
Songs of Salvation
The River of Life
Sun Shine
Cheerful Voices
Pure Gold
Sparkling Rubies
Golden Robin
Bright Jewels
Nine o'clock in the Morning
New Gold n Censer
The Morning Star
Sabbath Carols
The Bank of the Rhine
Royal Diadem
Hallowed Songs
Song Monarch
Gospel Song
Golden Wreath
Happy Voices
New Songs
Temple Choir
Charm
Merry Voices
Song of Life.
Bradbury Trio
Ne Plus Atra
Song King
Song Queen
Mocking Bird
Sacred Song
Hour of Singing
Sabbath School Bell
Shining River
Pearl
Choice.
H. M. WINI,
HALE KUAI LOLE HOU,
— MA —
KOHALA * HAWAII
LEI KOHALA, I KA NUKU NA KANAKA.
MAHEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu a e kau ai ka iwa, he la makani e hao ai na polena o Haupu, kapakahi manuia o Keoki ka moku, ma kahi o C. C. AKINA.
Aia pu no malaila na HAINAKA SILIKA liilii. LEI A-I kae weluwelu, a me na LIPINE SILIKA puapua weluwelu, e kuwelu ai i ka makani. NA KALAKOA ANO HOU LOA i ike oleia mamua. Na KAEI SILIKA Nani. NA MAKALENA KALAKOA me ka PUAKEA, na ALAPIA HULUHULU o na ano a pau, na KIHEI UHI hou e kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ume laau o kela ano keia ano, na kamaa wahine o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono lua no hoi ke kuai i na mea i hoikeia ae nei maluna ke kuike. I mea e paa ai ke kuhihewa, e naue mai no e na makamaka ma kuu Halekuai. 763 6m* 788 G C AKINA.
OLELO HOOLAHA.
EMI LOA * NA KII !
MA KA HALE PAI KII O AHI, MA KA Helu 63 Alanui Nuuanu, Honolulu. O ka uku o ke kakini Kii Pepa mamua, he $2.50, a i keia manawa, emi loa, he $2.00. O ka uku o ke kii aniani, he $2.50 mamua, ua hoemi loa ia a i ke $1.50 wale no ! Emi maoli ! Makepono loa ! Aole like pu mamua ! E hele wikiwiki mai e pai i na kii.
HALE KAMANA !
AIA no maloko o keia Hale maluna ae, e hanaia ai na Pahukupapau, na Moe, Noho, Pakaukau, Mamalu, a ia mea aku ia mea aku. O ka Pahu kupapau paina mamua, he $3.00, a i keia manawa, he $2.00 wale no. O na kumukuai o na mea e ae i koe, e kuai makupono loa ia aku ana. 751 4m* 774
E IKE auanei na kana a pau ma keia, ua lilo mai ia'u ma ka hoolimalima ka aina o Maraea II, e waiho nei ma Pawaa, Honolulu, Oahu. Nolaila, ke papa a ke hookapu loa aku nei au i na holoholona o na ano a pau loa, aolo e komo wale a hele wale maluna o na aina la. Ina e loaa aku kekahi holoholona e komo ana, alalia, e uku no i $1.00 no ke poo ; a ina e hoopoinoia ka mea kanu alaila, e koi ia nau e like me ka poino. Ua papa pu ia no hoi na kanaka, aole e hele wale maluna o ua aina la me kuu ae ole. AMANA (Pake). Honolulu, Aug 8, 1876. 767 4t* 780
No ka mea, ua koho ia mai nei au e Hon. C. C. Harris, Lunakanawai o ka Aha Kiekie, i Lunahooponopono Waiwai no Iosua Kaluau k , no Kamanuai, Honolulu nei, i make, nolaila, ke kauoha aku nei au i na mea a pau, i aie ia Ioasua Kaluau, e hoihoi koke mai ia'u i keia mau la, a o ka poe a pau a keia kanaka i aie aku ai e hoouna koke mai na bila aie ia'u.
IOSEPA KEALOHANUI. Lunahooponopono Waiwai, no Ioasua Kaluau, k., no Honolulu. Aug 22, 1876. 3ts* 769 77l.
E KIPA MAI E KE ALOHA.
I NA MAKAMAKA A PAU O KA UA Kukalahale, ke waiho aku nei au iluna o oukou, he olelo poloai, e pili ana i na Lole Nu Hou e waiho nei ma ko'u Hale KUAI, ma ka aoao ma Ewa o ka Hale Borabora, ma ke Alanui Nuuanu. A penei na ano :
Na Kalakoa hou loa o kela a me keia ano. Alapia o kela a me keia ano. Kihei huluhulu papamu alokahi o na wai hooluu like ole he lehulehu. Kihei huluhulu pukapuka, me ka huhui mahope o na ano he nui wale. Kihei huluhulu nanahe a me na kihei huluhulu he huihui ke kae a puni, e hoohiolo na wainaoa i ke kehau. Papale wahine pinana o ka aoao, a luhe hoi kekahi ilalo o kela a me keia ano. Na hulu a me na pae papale he nui wale. Leta 4 Silika loloa o na Lede o na ano like ole. Mamalu Silika liilii a me ke nui. Kamaa wahine nihoniho o ka aoao. Iliwai huluhulu manoanoa o na ano he nui wale. Holoku Lilina keokeo, kakau a papamu he nui wale. Na Lole Kane. Kuka Kainahai manoanoa a lahilahi. Na Koheo huluhulu paina manoanoa a lahilahi, a me na koheo Lilina. Lole wawae huluhulu paikini hou a me na ano e ae he lehulehu. Na apa huluhulu paina a kakimea hoi. Na palule o kela a me keia ano. Na Papale o na ano a pau. Na Kamaa buki a me haahaa o na ano he nui wale. Na Pahulole koa a ili hoi. NA paiki ili. Na mea kamano, e lawa ai ka makemake o na kamana. Aole o keia mau mea wale no na mea hou, aka, e hiki hou mai ana no. A o ke kumukuai o keia mau mea i haiia ae la maluna, he haahaa loa no. A i mea e ike io ai, e hele mai no. Me ka mahalo. GOO KIMA.
Honolulu, Mar 15, 1876 746 6m 772
Mai keia la aku, aole au e hookaa ana i kekahi aie ma ko'u luna, ke ole e loaa ke kauoha mai a'u aku.
Hilo, Iune 1 1876. (757 4m*) C. K. HAPAI.
E. STREHZ, (AILUENE,)
HAAWI A KUAI
LAAU LAPAAU.
AIA MA MONIKAHAAE, KIHI O NA HUINA o na Alanui Papu a me Hotele. Aia malaila na Wa Ala a me na Wai Rukini maikai loa e loaa ai.
E hamama mau ana i na ahiahi Poaono a pau.
741 1y 792
HALE KUAI * HOU.
KAWAIHAE, KOHALA HEMA.
Allen & Stackpole. (Kale).
UA lilo mai ka Hale Kuai ma Kawaihaekai, a ua hoopihaia me na lole hou loa i makemake kupono no ka makemake o na kanaka — E kuai hoemi aku ana laua, malalo iho o na Hale Kuai e ae ma ia apana.
E loaa mau ana na lole ma na ku ana a pau o " Kilauea."
Iune 22, 1876. 760 3ms
AKIU (PAKE),
— MEA —
HANA I NA KAMAA
Hila Aulii Maikai !
ALOHA OUKOU E NA KANAKA HAWAII a pau, a me na wahine maka onaona o Honolulu nei, na iwa-kiani o Paliuli. Owau o ko oukou hoa'loha, ka mea nona ka inoa malalo nei, he Kumeka Kamaa, e noho ana ma ke Alanui Nuuanu, ma ka Hale nona ka helu 63, malalo o ka Hale Pai Kii Hoolele-aka. Na Kamaa Buti maikai loa i hanaia me ka Ili Farani maikai loa, no ka uku haahaa me ka oluolu. Na Kamaa wahine maikai loa o kela a me keia ano, no na Ili Farani maikai loa no ka uku oluolu.
No ka hana ana o na Hila i ke Kamaa me paa loa, a maikai kupono i ka makemake, me ka uku oluolu loa. A no ke poho ana i na kamaa nahenahe me ka maikai loa no ka uku oluolu loa.
Na Ili Noho Lio o kela a me keia ano - he nui wale na ili maikai loa. Eia hoi kekahi, o na kamaa a pau a'u e hana ai, a ina ua ike ia ua kapakahi, a nohae, a kahuli, a puka paha iloko o ka makahiki hookahi, e hoihoi mai, a na'u no e hana me ka uku ole. A o na kamaa i waihoia ma kuu lima a hala na makahiki ekolu, a kuai kudala aku no au no ka loihi loa. Nolaila, e hele nui mai oukou a pau ma kuu Hale Hana Kamaa, e ike maka i na hana a pau, i pau ke kuhihewa, a e hana no au e like me ko oukou makemake, ka aulii hulali o na kui-hao malalo o na hila, e uheuhene ana i ka papa o Maukele, e aloha ana i kona hoa, ka uwea ke kamaa ke hanaia.
E kuai aku no au i na ili kamaa buki kahiko ana maikai a me na noho lio nahenahe kahiko ano maikai.
762 6t* 765
HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MARCHANT !
Poakahi, Sept 4.........................................................No Kona
ku hou mai ahiahi Poalima.
Poakahi, Sept 11...........................................Kaapuni ia Hawaii
ku hou mai ahiahi Poalima.
Poakahi, Sept 18...........................................Kaapuni ia Kauai
(E ku mua ana ma Nawiliwili, a e ku ana ma Honolulu i ke kakahiaka Poalima).
Poakahi, Sept 25...........................................Kaapuni ia Hawaii
Ma na huakai a pau a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a.m., a mahope iho paha ; Kawai a hiki i ka hora 10 a mahope iho paha ; Makena e like me ka mea i hoolaha wahaia ; Maalaea a hiki i ka hora 7 a.m., a mahope iho paha.
Uku Eemoku mai Honolulu aku,
A hiki i Kaunakakai, a pela maluna mai...........$ 5.00
" Lahaina, " " .................................................. 6.00
" Maalaea, " " ................................................. 7.00
" Makena, " " .................................................. 8.00
" Mahukona, " " ............................................ 10.00
" Kawaihae, " " ............................................. 10.00
" Kailua, " " ................................................... 10.00
" Kaawaloa, " " ............................................. 10.00
" Hilo, " " ...................................................... 12.50
" Kau, " " ...................................................... 15.50
Uku kaapuni ia Hawaii, .................................. 22.00
A hiki i na awa o Kauai .................................... 8.00
Uku kaapuni ia Kauai ..................................... 12.00
Uku ohua Hawaii oneki .................................... 2.00
Aole aie no na uku ohua.
Ma ka Hale Oihana e loaa'i na palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no ka paiki, ukana a puolo paha, ke ole e kakauia ka loaa ana mai.
E hookaaia ka uku ukana i ka wa e noiia aku ai.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui
Papu a me Moiwahine. 761 3m
OLELO HOOLAHA.
J. PORTER GREEN,
" KEIKI O KAUAUKIUKIU."
LOIO !
E HELE MAI NA MAKAMAKA A PAU IO'U nei, a na'u no e kokua ia oukou imua o ka Aha Hoomalu a me ka Aha Kiekie, me ka uku haahaa makepono loa. Aia kuu Keena ma kahi o ka Lunakanawai Hoomalu o Honolulu nei, oia ka " Aiko," ma Alanui Kalepa. 741 ly 792
CECIL BROWN,
Loio a he Kokua ke Kanawai
A HE AGENA NO KA HOOIAIO ANA I NA Palapala no ka mokupuni o Oahu.
Helu 8 Alanui Kaahumanu, Honolulu, H.P.A.
C. H. DICKEY (Kalekika).
LOIO !
MA HAIKU, MAUI.
UA MAKAUKAU E HANA PALAPALA Kuai, Palapala Moraki a me na mea a pau e pili ana ma ka Oihana Loio. 743 1y 794
John W Kalua ;
Loio ! Loio !!
E loaa no ma Lahaina, Maui. 760 4m* 736
Richard P. Bickerton.
[PEKEKONA],
LOIO !
E KU LOIO no oia imua o na Aha Hookolokolo a pau ma keia mokupuni a ma na moku e ae, ma na hihia a pau. Ua makaukau oia i ka hana ana i na ano palapala a pau. E hoaie ia no na dala mai a iaia aku ma na moraki maikai a oiaio wale no me ka ukupanee.
Keena Oihana ma Alanui Kalepa, Helu 23, ma ka hale maluna ae o Kauka Minuteole. 735 1y
Na Luhiehu o ke kino.
E hanohano ai na Lede. Na Keonimana. A me na Kamalei.
I Na makamaka o ka makani Apaapaa o Kohala loko, ua kuluma paha ia oukou ka Halekuai o Amau mamua, ua lilo ia maua, a na hoonuiia ae, a ua hanaia hoi a nani, i ku like ai me ka nani o na uluwehi o nei mea minamina he kino. Eia maanei na lole hou loa o kela a me keia ano, e ku ai na hoono'uno'u a me na hoohaha ana a na hapa palupalu.
Eia kahi mea hai aku, e hiki mau mai ana na lole hou o kela a me keia ano, i na ku ana mai a pau a na mokuahi i mea e ike ai, e naue mai, a e hoolauna aku ia Kimo a me Alone, ma ko maua Halekuai " Hale Wehiwehi."
GOO KIM & CO. Apuakehau, Kohala, H. Aug 2, 1876. 746 6m* 781
E naue mai ! * E naue mai !!
KE POLOAI IA AKU NEI OUKOU E NA keiki lalawai o na pali hauliuli, a me na kaikamahine puukani nohenohea o na pali Koolau, e naue mai ma ko makou mau Hale Kuai ma KAALAEA a me KANEOHE, malaila e loaa'i oukou na nuhou o na ano a pau.
Na Lole Kane, Wahine a me na kamalii, Na Kamaa Na Hou. Na ano Papale a me na mea liilii o kela ano keia ano he nui wale.
E loaa no ia oukou ke kumukuai makepono loa. E naue mai ! E naue mai !! E hoao i pau ko oukou kuhihewa.
AKANA & KONGER & Co.
Koolaupoko. Maraki 23, 1876. 747 6m* 771
NA MEA ANO HOU !
Ua loaa mai nei, Eia ma ka Hale Kuai o Wini ! NA EA, NA OMAU A-I NA KULA PEPEIAO NA OMAU HAO BUKALO, NA MEA ANO HOU A EMI, Na Buke Pakeke Ili a me na Eke Dala ! Na Lei Pilali, Na Lei Eleele, a me na mea e ae he nui wale.
E HAAWI MAKANA IA ana i kela a me keia mea i kuai a hiki i ka ELUA DALA.
E hele mai, e nana i keia mau mea maikai, a e loaa no e like me ka makemake, Emi loa aole e like me mamua ! Eia ma ka Hale Kuai o 756 2m WINI.
Papa ! Papa !
— NO —
ALLEN A ME ROBINSON.
Ua wehe ae nei maua i PA KUAI PAPA ! MA KA UWAPO O PAKAKA. Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale. Na Pepa Molina. Na Pena a me na Aila Pena ! NA KUI O NA ANO A PAU ! Na Pani Puka a me Na Pani Puka Aniani. Na Pani Puka a me Na Olepelepe. Na lako kukulu Hale. O NA ANO A PAU E kuaiia ma ke Kumukuai Haahaa Loa ! o keia Makeke. ALLEN & ROBINSON.
Honolulu, Aper 13, 1876. 750 ly