Ka Nupepa Kuokoa, Volume XV, Number 37, 9 September 1876 — Page 3

Page PDF (1.95 MB)

KA NUPEPA KUOKOA, ME KE AU OKOA I HUIIA.

Ka Haiolelo a ka Hon. T. N. Birch.
imua o ka Ahaolelo kau Kanawai o ke Aupuni, ma ka aoao kue
i ka Olelo Hooholo a ka Hon. G. W. Pilipo
e kauoha ana i ke Kakauolelo, e kikoo aku i ke Keena Waiwai, a e haawi mai i na Lunamakaainana, i Hookahi Haneri Dala pakahi — Augate 28, M H 1876

E MR. PERESIDENA :
            Owau no ka mea nana i noi aku nei, e hoopanee loa i keia Olelo Hooholo ; ua ane like no ko'u manao no keia olelo hooholo, me ka mea a'u i manao mua ai no ka olelo hooholo a ke'lii o Kona, i lawe mai ai ma ka Poaono iho nei ; a me he mea la, o kana keiki hiapo no keia ; aka, i ka wa i lawe ia mai ai ia olelo hooholo, aole au ma_ loko nei o keia rumi ; a ia'u i hoi mai ai, ua hooholo e ia iho la ia olelo hooholo, malalo no o na hooponoponoia ana e like me na rula o keia hale, ma ke noi ia ana, e ninau ano lua paha wau maloko nei ia wa, ina la ua koho no au ma ka aoao kue.
            Aka, e ka Peresidena, ua hauoli loa au i keia wa, no ka loaa ana ia'u he wa maikai e kamailio ai no keia ninau ano nui, i pili i ka pono a me ka noho maluhia ana o ko kakou lahui kanaka. Malalo o ko kakou Kumukanawai, ke hoike maopopo aku nei au ia oe e ka Peresidena, he olelo hooholo kue maopopo keia i ka manao a me ka makemake o ka Pauku 50 o ko kakou Kumukanawai.
            He oiaio, e ka Peresidena, aole au he kanaka i ao ia ma ka oihana kanawai, aka ke koho nei nae au ma ko'u wahi ike uuku i ke kanawai, e like me ia a'u i hoike mua aku la ia oe.
            Penei ka heluhelu ana o ka Pauku 56 o ko kakou Kumukanawai, " E ukuia ka Poeikohoia e na makaainana, no ka lakou hana, e like me ka mea i oleloia ma ke kanawai, noloko ae o ka Waihona Dala o ke aupuni, aole no nae o hoonuiia keia uku i ka makahiki i hoohooloia ai ka hoonui i ka uku, aole hoi e kau ia kekahi kanawai e hoomahuahua ana i ka uku o ka Poeikohoia, mamua ae o na Dala Elua Haneri me Kanalima, no kela a me keia halawai ana o ka Ahaolelo."
            E na hoa, ua maopopo ae la no ia kakou ka manao o ko kakou Kumukanawai, ke i mau nei, he " elua haneri me kanalima dala" wale no ko kakou uku, no kela a me keia halawai ana o ka Ahaolelo ; nolaila, e hoomaopopo iho paha kakou, o ka manao o na huaolelo " halawai ana o ka Ahaolelo," oia no ka halawai ana o keia Aha, no kekahi hana i manao ia, a o ka pau ana o ia hana a me ko hookuuia ana o keia Aha e ko kakou Moi, alaila, ua pau ia halawai ana ; aole he palena i hoomaopopoia no ka halawai ana o keia Aha, o ka pau o ka hana, oia ka palena, ina he makahiki, a i ole hookahi no paha la ua like no a like ia mau mea.
            Nolaila, eia ka ninau ia oukou e na hoa, ua pau anei ka kakou mau hana i kaheaia ae nei ? O ka huina maopopo, aole i pau, nolaila, ma ke alanui hea la auanei e loaa hou mai ai ia kakou keia mau dala e noiia nei ma keia olelo hooholo ?
            He mea maopopo, o ko kakou hahaki wale no i ke Kumukanawai, ke alanui hookahi, aole ma ke ano e ae. Ua poina anei ia oukou e na hoa, ka kakou mau hoohiki hemolele maloko o keia mau paia hanohano, ma ka la i weheia ai keia Kau Ahaolelo, imua o ka Lunakanawai Kiekie, i kulike ai me ka Pauku 47 o ko kakou Kumukanawai ? Ina ua poina ia oukou ia mea, alaila, ke i aku nei au ia oukou, ano ka wa e hoala mai ai i na noonoo ana no ia mea, a sila iho iloko o ko oukou mau puuwai pakahi.
            E ka Peresidena, ua olelo nui ia mai nei ma ka aoao kokua i keia olelo hooholo, aole ka i kue keia olelo hooholo i ke Kumukanawai ; oiai ina ua hiki i na hoa o keia hale ke hooholo i kekahi olelo hooholo no ka wai hau, pooleta, paina awakea paha, a pela aku, alaila, ua hiki no i keia hale ke hooholo i kekahi olelo hooholo, e haawi mai i mau dala — oiai, wahi a lakou i hoakaka mai nei, aole i kauohaia maloko o ke Kumukanawai ia mea ; he oiaio no ia, aole io no i kauohaia ia mau mea ma ke Kumukanawai, a oia kauoha ole ia ana pela, oia ke kumu i kue ole ai ia mau hana i ke Kumukanawai. Ina ua hoomaopopo na hoa ma ka hooholoia ana o kekahi olelo hooholo i mau pooleta, waihau, paina awakea paha, alaiia, o na Lunamakaainana wale no anei ke haawiia i na pooleta ? a o lakou wale no anei ke inu ana i ka wai hau, a me ka paina ana i na aina awakea a pela 'ku ? Aole loa. O na alii kekahi a me na Kuhina, nolaila, heaha la ke kohu oia mau hoohalike me keia olelo hooholo, e noi maopopo nei e haawi mai i hookahi haneri dala pakahi, na na Lunamakaainana he 27, e noho nei, me ka ike iho no, ua papa loa ke Kumukanawai, aole e oi aku mamua o ka elua haneri me kanalima dala a me na uku mile, no ke kau hookahi, a ke noi hou aku nei hoi keia olelo hooholo e haawi mai i hookahi haneri i koe, alaila, hui akolu haneri me kanalima, a ke a-a mai nei no nae e olelo mai aole kue i ke Kumukanawai, me ka olelo mai aole keia he uku, oiai he mau lilo kela, no na Lunamakaainana a me ko lakou mau pilikia, oiai, ua loihi loa keia kau Ahaolelo. Ke olelo aku nei au ia oe e ka Peresidena, he pau wale ana ae no ia mau olelo, o ka mea maopopo, he uku hou no na Lunamakaainana i kaulele ae mawaho o ke Kumukanawai.
            E ka Peresidena, he oiaio no paha ua ane pokole ia no kahi kakai o na bila, oiai, ke ane pau ae no koe o nei makahiki o ka noho ana o keia kau Ahaolelo, a o ka mea no paha e kamailio nei kekahi ma ia lalani hookahi, aka, e ka Peresidena, heaha la ka'u e hana ai no keia ulia, e hahaki anei au i ke Kumukanawai i loaa mai ai ia'u keia haneri dala i kupono ole na'u, i mea e kokua ai i ko'u nele, aole loa e aa keia puuwai e hana pela, e make mua au i ka pololi a me ka huno i kahi aahu ole, mamua o ko'u hoao ana e hana pela.
            E na hoa, mai hoao kakou e hoonaueue i ke kahua o ko kakou aupuni, a me ko kakou kuokoa, no ko kakou hune a nele hoi ; e hoomaopo e na hoa, eia iloko nei o Hawaii holookoa, o ka pono a me ka maluhia o keia lahui kanaka, aia iloko o ko kakou lima i keia wa ; e hoomanao pu iho no hoi oukou, aia kakou a pau malalo o ka malumalu o ko kakou Kumukanawai, a o na mana kiekie ekolu o ko kakou aupuni, aia no ia maluna o keia kahua. Heaha la ka manao iloko o ka lahui holookoa ke ike mai, ke hoao nei ka mana kau kanawai e wawahi i ke kahua o ko kakou kuokoa.
            E na hoa, ma na aupuni naauao a pau o ka honua, ua kukulu paa ia ke Kumukanawai, i kahua no ka maluhia a me ke kuokoa o ko kakou aupuni. Heaha la ka manao o na aupuni naauao no kakou, ke lohe aku lakou, aia ka Ahaolelo o ke aupuni Hawaii, ke hoao la e wawahi i ko lakou Kumukanawai ? Ea, he mea malama laahia loa ia ke Kumukanawai ma na aupuni a pau, a o ka wa e hiki ole ai ia aupuni ke malama laahia i kona kahua, o ka aneane ana no ia e mauliawa kona kuokoa ana, no ka mea, aole ona kahua e ku ai, ua nahaha. Ke hilinai nei au e maliu mai ana no paha oukou e na hoa hanohano, oiai he mau Hawaii oiaio kakou a pau.
            E ka Peresidena, o kekahi kumu i waihoia mai nei ma kela aoao, oia no ke kakau inoa ana o ka Moi i ka Olelo Hooholo, e hookaawale hou ana i $6,500, no na lilo hou aku o keia kau Ahaolelo ; ke manao nei au, aole paha oia i moeuhane mua, e komo mai ana keia olelo hooholo hoi, i uku hou no na Lunamakaainana, oiai aole i kakauia ma ia olelo hooholo, e like me keia ano, ua manao no oia no na hemahema o ka Ahaolelo aole no keia ano kekahi ; pela maoli ko'u manaoio, nolaila, he uhiuhi lau mamane wale ana no paha ia a kela aoao i kamailio mai nei.
            E na hua, o ka'u noi wale no ia nuhou, e haalele loa kakou i ka noonoo ana no ko kakou mau pomaikai pili kino iho, a no ko kakou nele paha, a pela aku, mai aa kekahi o kakou e lawe i hookahi keneta o keia dala, e malama laahia kakou i ka kakou mau olelo hoohiki, ma ka la i weheia ai kela kau Ahaolelo, a e hoomanao hoi e o'u hoa hanohano, aohe i makemake ka lahui Hawaii e hoonaueueia ka maluhia o ko kakou kuokoa ; a nolaila, e ka Peresidena, ma keia mau kumu, ke kokua ikaika nei au i ka'u noi, e hoopanee loa ia keia olelo hooholo.; a ke noi pu aku nei no hoi au, e kauohaia ke Kakauolelo e holoi loa aku i na moolelo o keia mau la hana iho nei o kakou, e pili ana i keia mau Olelo Hooholo, mai na papalina aku o na Buke Moolelo o na hanu a keia Kau Ahaolelo.
            Mahope o ka pau ana o keia haiolelo, ua ninau ia ka olelo hooholo, a ua hoopanee loa ia.

            KOHO LUNAMAKAAINANA.— No ka mea ua oluolu i ka Mea Manaloa, ka lawe ana aku i ke ola o Ka Mea Hanohano S. M. Kamakau, kekahi o na lunamakaainana o keia kau, a no ka mea hoi, aia ma ka olelo hoolaha a na luna nana o keia apana, i puka ma ka pepa o keia la, e kauoha ana e koho hou keia apana i lunamakaainana hou, i mea e pani ai i ka hakahaka o ka noho o ka mea i hala e aku, nolaila, ke waiho aku nei makou i ka makou inoa kupono e koho ia ma ia wahi. Mawaena o na kanaka maoli e hoao ana e holo balota, hookahi wale no oia mau inoa a makou e manaoio ai he naauao kupono no ka Hale Ahaolelo oia no Aberahama Kalauli Esq. E ka apana o Honolulu, e hoao kakou ia kakou iho e hoike ae na ao ia kakou e ko kakou mau manao kuhihewa ma ka nana ana i na hana o ko kakou mau luna iloko o keia Ahaolelo. Nolaila, e koho kakou i ke kanaka Kupono.

            EIA i ka Pa Aupuni o Koholaloa, Apana o Honolulu, 1 Bipi k, e kuai kudalaia ana i keia la 9 o Sepatemaba, Poaono, hora 12 awakea, eia ke ano. bipi k ulaula ano hauliuli aia kona kuni ma ka a-i, ua oki poa ia na pepeiao, ua oki ia no ke kiwi hema.
A B KAAUKUU,
Luna Pa Aupuni o Koholaloa, Sept 8, 1876. 771 1t*

            E IKE auanei na ano kanaka a pau, owau o ka mea nona ka inoa malalo, ua hookohuia mai au e ka Hon. A. Francis Judd, kekahi o na Lunakanawai o ka Aha Kiekie, i Lona Hooko Kauoha a hooilina hoi no ka waiwai o KALAWAKUA (w), i make, ma Honolulu. Nolaila, ke kauohaia aku nei na mea a pau i aie mai iaia, e hookaa koke mai, a o ka poe ana i aie aku ai, e hoike koke mai me na bila kupono, iloko o na malama eono mai keia la aku, o hoole loa ia lakou ; a ina hoi he waiwai ko ka mea i make ma ka lima o kekahi poe, e hoihoi koke mai.
W. KALAEHAO, Lunahooko Kauoha a hooilina o ka waiwai o Kalawakua. Honolulu, Sept. 3, 1876. 771 2ts 772

            E IKE auanei na kanaka a pau o kela ano keia ano, owau o ka mea nona ka inoa malalo iho nei, ke papa aku nei au i ka poe mea Lio, Bipi, Hoki, Kekake, Hipa, Kao, Puaa, Ilio, mai hookuu oukou i ko oukou mau ano holoholona maluna o ko'u mau aina hoolimalima, no lakou na inoa malalo nei. Punaluu, Wailau, Hokukano, Kaaiaiki, a me ka aina kuai o D Holoua ma Ninole, a me na koana aupuni o ia aina, e waiho nei ma ka apana o Kau, mokupuni o Hawaii. Ina o ka mea kua i keia, e hopu no au a uku e like me ke Kanawai, a i ole ia, e hoopaa ia ma ka Pa Aupuni, ma ke ano komohewa, a ua kapu no na mea ulu o luna o kuu aina, koe nae ka poe komo kino a me ka poe i loaa ka palapala ae mai a'u aku. A me ko'u mau hope, a mau hope paha. A ke papa ia aku nei na kanaka a pau, mai hele wale aku me ke kuleana ole maluna o ko'u mau aina a pau, o uku ia i Elima Dala ($5.00). E lilo keia i Kanawai paa mai keia la a mau loa aku CHUNG PEU APEO.
Waiohinu, Kau, Aug 30, 1876. 771 3t* 773

KUIKAHI PANAI LIKE !
AINA KANU LAIKI WAIWAI NUI MA KALIHI, OAHU !

                MA ka Hora 12 Awakea o ka Poaono, Sepatemaba 16, ma ka Hale Kudala o E P Adamu, e kuaiia aku ai ma ke akea, kela aina a me kekahi aina e waiho ia ma Kalaepo, Kalihi, Oahu, me na hale a me na mea e ae maluna iho. Oia ka Apana 4 o ka aina nona na palena i hoikeia ma ka Palapala Sila Nui Helu 2321, nona na Eka he 10 54-100, kokoke he 4 eka o ia aina, ua kupono no ke kanu laiki a kalo paha, a ke kahe ia he kahawai pio ole maluna aku o ka aina ; makepono ke dala ke hoolilo. Aia he 10 mau Loi kalo, ua paa i ke kanuia, a ua kokoke e oo ka ai o kekahi mau Loi. Aia maluna iho o keia aina, he hale laau, me 3 mau keena maikai, a he aina i makemake loa ia no ka hoopukapuka, no ka poe uuku o ke dala e makemake ana e hoohana mamuli o ka holo ana o ke Kuikahi Panai Like, he mea pauku wale aku no mawaho o ka loaa makahiki. Maikai ka palapala.
            No ke kii o ka aina a ma na mea i koe, e ninau ia E. P. ADAMS,
771 2ts 772 Luna Kudala.

            MA ke Keena o ka Lunakanawai Kaapuni Apana Elua, ko Hawaii Pae Aina. Ma ka waiwai o PAUMANO k, no Waialua, Molokai i make.
            Ua heluheluia a ua waihoia ka palapala noi a Malao w, e noi ana, e hooholoia na hooilina o ka waiwai o Paumano (k) no Waialua, Molokai, H P A i make aku nei, a e maheleia kona waiwai iwaena o lakou. Nolaila, ke kauoha ia aku nei na kanaka a pau ke pili, o ka Poaha, oia ka la 12 o Okatoba 1876, ma ka hora 10 o kakahiaka, ma ka Hale Hookolokolo ma Pukoo, Molokai, oia ka la a me kahi i kohoia no ka hoolohe ana i ua noi la a me na mea kue ke hoikeia. ABR. FORNANDER,
Lunakanawai Kaapuni Apana Elua, Lahaina, Aug 24, 1876. 771 2ts 771

            MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o FRANK THOMAS (Portugese), no Kainalu, Molokai i make.
            Ua heluheluia a ua waihoia ka palapala noi a Eurene Pai, e noi ana, e hoonohoia i kekahi Lunahooponopono o ka waiwai o Frank Thomas (Portugese), no Kainalu, Molokai H P A i make. Nolaila, ke kauohaia aku nei na kakanaka a pau ke pili, o ka Poaha, ka la 12 o Okatoba 1876, ma ka hora 9 o kakahiaka, ma ka Hale Hookolokolo ma Pukoo, Molokai, oia ka la a me kahi i kohoia no ka hoolohe ana i ua noi la a me na mea kue ke hoikeia.
ABR. FORNANDER,
Lunakanawai Kaapuni Apana Elua, Lahaina, Aug 24, 1876. 771 2ts 773

            MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o MAKAAUILANI w, no Lahaina, Maui i make.
            Ua heluheluia a ua waihoia ka palapala noi a Lupeau w, e noi ana, e hooponoponoia ka waiwai o Makaauilani w, no Lahaina, Maui H P A i make, a e hooholoia ka waiwai i na hooilina. Nolaila, ke kauohaia aku nei na kakanaka a pau ke pili, o ka Poakolu, oia ka la 27 o Sept. 1876, ma ka hora 11 o kakahiaka, ma ka Hale Hookolokolo ma Lahaina, oia ka la a me kahi i kohoia no ka hoolohe ana i ua noi la a me na mea kue ke hoikeia.
ABR. FORNANDER,
Lunakanawai Kaapuni Apana Elua, Lahaina, Sept. 2, 1876. 771 3ts 773

            MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o KAUIHOU (k), no Lahaina Maui i make.
            Ua heluheluia a ua waihoia ka palapala noi a Lupeau w, e noi ana, e hooponopono ia ka waiwai o Kauihou k, no Lahaina, Maui H P A i make, a e hooholoia ka waiwai i na hooilina. Nolaila, ke kauohaia aku nei na kakanaka a pau ke pili, o ka Poakolu, oia ka la 27 o Sepatemaba M. H. 1876, ma ka hora 10 o kakahiaka, ma ka Hale Hookolokolo ma Lahaina, oia ka manawa a me kahi i kohoia no ka hoolohe ana i ua noi la a me na mea kue ke hoikeia.
ABR. FORNANDER,

Lunakanawai Kaapuni Apana Elua, Lahaina, Sept. 2, 1876. 771 3ts 773

            OWAU o ka mea nona ka inoa malalo iho, ke hoike aku nei au ma keia hoolaha, oiai ua haalele mai ia'u ka'u wahine mare, o Kaulaokeahi Kaipo Brown, i ka ai a me kahi moe, me ke kumu kupono ole ; aole loa au e hookaa ana i kana mau aie, i aie ai ma ko'u inoa.
WILLIAM BROWN. Koloa, Kauai, Aug 24, 1876. 771 6m 794

            EIA i ka Pa Aupuni o Heeia Apana o Koolaupoko, i Lio e kuai kudalaia ana, ke hiki aku i ka la Poalua, la 12 o Sepatemaba, hora 12 awakea. Ke ano malalo iho : Lio k ulaula laekea, keokeo na wawae 4, hao elua S anoe, uha ak K anoe uha hema.
P KAHUHU, Luna Pa Aupuni o Heeia, Sept 6, 1876. 771 1t*

            Ma ka Aha Kiekie o ko Hawaii Pae Aina mokupuni o Oahu, Kau o Iulai, 1876, he hoopii oki mare Kaonoi w, kue ia Keoni k. Poakahi, Iulai 10, 1876.
            Ma ka hoopii Oki Mare maluna ae, ke kauohaia nei, e hookomoia ka huaolelo "oki mare" ma ka aoao a Kaonoi (w) no ke kumu, ua moekolohe o Keoni k i oleloia, a e lilo i mea paa mahope iho o ka pau ana o na malama eono mai ka la aku o keia kauoha ana, ma na kumu maopopo i waihoia mai, ke ole he kumu e ae kekahi e hooleleia'i ua mau mea la.
            A ua kauoha ka mea nona ka hoopii, e hoolaha ae i kekahi kope i hooiaioia o keia olelo kauoha ma ka nupepa Hawaiian Gazette a me ke Kuokoa, no na hebedoma eono, a no ka hoolaha mua ana, maloko o ka malama hookahi, mai ka la aku o keia kauoha ana, a o na mea a pau ke pili, maloko o na malama eono, e hoike mai ai lakou i kekahi kumu, e lilo ole ai keia olelo hooholo i mea paa.
WALTER R. SEAL, Kakauolelo.
            Ma keia, ke hooiaio aku nei au, keia ae la ke kope oiaio a me ka olelo o ka olelo kauoha, no ka hihia maluna ae. I waihoia mai i ke Keena Kakauolelo o ka Aha Kiekie o ko Hawaii Pae Aina. WALTER R. SEAL. Kakauolelo o ka Aha Kiekie.
Honolulu, Iulai 24, 1876. 767 6t* 772

            AHA Kiekie o ko Hawaii Pae Aina, ma ka hooponopono waiwai, mokupuni o Oahu, Hawaii Pae Aina, SS. Ma ka waiwai o LII (k), o Waihee, Maui i make. Olelo kauoha e koho ana i la e hooiaio ai ka palapala kauoha, a no ka hoolaha ana.
            No ka mea, ma ka la 21 o Augate M H 1876, ua waihoia mai imua o ka Aha kekahi palapala i oleloia, oia no ke kauoha hope o Lii k, i make aku la, a me ka palapala hoopii e noi ana, e hooiaioia kela palapala kauoha, a e hoopuka hoi ka palapala Lunahooko no Chas. Kanaina, ua waihoia mai e Chas. Kanaina.
            Nolaila, ua kauohaia, o ka Poakahi oia ka la 11 o Sepatemaba M H 1876, ma ka hora l0, ma ka rumi hookolokolo o keia Aha, ma Aliiolani Hale ma Honolulu, oia ka la me ka hora e hooiaioia ai ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala Lunahooko. A ua kauoha hou ia, e hoolaha no ia mea no na pule ekolu, iloko o ke Kuokoa he nupepa i paiia a hoolahaia ma Honolulu. A ua kauoha houia, e hoopukaia na palapala kena no na hoike, no ia palapala kauoha, a me na hooilina o ka mea make, ma Honolulu, e hele mai e kue i keia palapala kauoha i ka wa i oleloia.
Kakauia ma Honolulu ko Hawaii P A la 21 o Aug 1876. CHAS. C. HARRIS,
Ikeia : Lunakanawai o ka Aha Kiekie. Jno. E. Barnard, Hope Kakauolelo. 769 3ts 771

            Ke Hoikeia'ku nei ka lohe i na mea a pau, aole e hookuu i ka lakou mau holoholona maluna o kuu aina i kapaia o Kamoku, e waihoia ma Waikiki-waena, oia hoi ka Puaa, Moa, Kaka Lio a pela aku. Ina e loaa ia'u kekahi o keia mau holoholona maluna, alaila, e hoouku no au i ka mea nana ia holoholona a mau holoholona paha, pa $1.00 no ke poo. " He kuli ka make, he lohe ke ola."
KAPOLEI (w). Kamoiliili, Aug 30, 1876. 770 3ts 772

            OIAI UA PAU ae nei ka hoolimalima ana o ka HON. W C PARKE, i kuu mau aina, oia o KUKUIO a me KALEHUA, e waiho la ma Manoa, a nolaila, ke haiia aku nei ka lohe, ua koho a ua hookohu aku au ia PETERO (pakaukau i-a) i Luna na'u, nana no e malama i na aina i olelo ia ae nei maluna. A ke papa loa ia aku nei, ua kapu ka hele wale ana o na Lio, Bipi, Hoki, Kekake a me na puaa maluna o kela mau aina. A o ka mea hookuli a kue i keia mau olelo, e hoopiiia no ma ke Kanawai. CHAS. KANAINA, Honolulu. Aug 31, 1876. 770 3t* 772

            E IKE auanei, owau o KAMAKA'U (w), ka mea nona ka inoa malalo, ma ka la 22 o Augate M H 1876, ua kakau inoa au ma kekahi palapala, e hoonoho ana, a hookohu, a hoolilo ia William Lumaheihei, i hope oiaio no'u, a no ko'u mau waiwai paa a waiwai lewa a pau loa e waiho nei iloko o ka Apana o Hamakua, mokupuni o Hawaii. O na hana ana a me ka mana a pau ma kuu inoa, a me kuu waiwai, aia no ia i kuu Hope. Ke hoike nei au, e pono i na kanaka a pau ke hoolohe i kuu Hope, a e hilinai iaia a i kana mau hana. Owau no me ka mahalo. MRS. E. KAMAKA'U. Hamakua, Hawaii, Aug 23, 1876. 770 2t* 773

            KE HOIKE AKU NEI KA MEA nona ka inoa malalo iho, i kona mau makamaka a me ka lehulehu, ua nee ae nei oia a ma ke Alanui Papu, ma kela aoao mai o ka Hale Mu, aia oia malaila e hana ai i na Karanometa, Wati nui a me na Wati pakeke. Ua hiki iaia ko hooia aku, e hele pono ana kana wati e hana ai no ka makahiki hookahi. 767 3m* J. DOIRON.

            MA ka waiwai o Sylvester Sablan y Castro, o o Honolulu i make. Ke hoike ia aku nei ka lohe i na kanaka a pau, ina ua hoopaa ia ma ka Moraki, a aie e ae paha, he mau koina ko lakou i ka waiwai o Sylvester Sablan y Castro i make, e hoike koke mai me na hooiaio kupono i ka mea kona ka inoa malalo iho ma Alanui Kaahumanu Helu 3, Honolulu, iloko o na malama eono mai keia la aku, a i ole ia e hoike loa ia ; a o ka poe i aie iaia, e hookaa koke mai i na mea nona na inoa malalo iho. ANNA SABLAN y CASTRO. CECIL BROWN.
Na Lunahooponopono Waiwai o S Sablan y Castro i make
Honolulu, Aug. 16, 1876. 769 5ts 773

            AHA Kiekie o ko Hawaii Pae Aina, ma ka hooponopono waiwai. Mokupuni o Oahu, Hawaii Pae Aina, SS. Ma ka waiwai o JAMES ROBINSON, no Honolulu i make. Olelo kauoha e koho ana i la e hooiaio ai ka palapala kauoha a no ka hoolaha ana.
            No ka mea, ma ka la 16 o Augate M H 1876, ua waihoia mai imua o ka Aha kekahi palapala i oleloia, oia no ke kauoha hope loa o James Robinson, i make aku la, a me ka palapala hoopii e uoi ana, e hooiaioia kela palapala kauoha, a e hoopuka hoi ka palapala Lunahooko no Curtis P. Ward, Samuel C. Allen me Mark P. Robinson, ua waihoia mai e lakou.
            Nolaila, ua kauoha ia o ka Poaha oia ka la 7 o Sepatemaba M H 1876, ma ka hora 10, ma ka rumi hookolokolo o ia Aha, ma Honolulu, ma Oahu, oia ka la a me ka hora, e hooiaio ia'i ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala Lunahooko.
            A ua kauoha hou ia, e hoolaha no ia mea no na pule ekolu iloko o ka Hawaiian Gazette me Kuokoa he nupepa i pai ia a i hoolaha ia ma Honolulu.
            A ua kauoha hou ia, e hoopukaia na palapala kena no na hoike no ia palapala kauoha, a me na hooilina o ka mea make, e hele mai a e kue i keia palapala kauoha i ka wa i oleloia.
Kakauia ma Honolulu ko Hawaii P A la 16 Aug 1876.
CHAS. C HARRIS,
Ikeia ; Lunakanawai o ka Aha Kiekie. Walter R. Seal, Kakauolelo. 760 3ts 771

            UA LILO aenei ia MR DONNELL ka Hale Hana Wili Hinuhinu mua o C E Williams ma Alanui Hotele, a me na pono kaa kupapau a ua makaukau oia no na hana a pau i pili i ka hana wai hinuhinu a me ka hana pahu kupapau.
763 3ms 774.

            No ka mea, ua koho ia mai nei au e Hon. C. C. Harris, Lunakanawai o ka Aha Kiekie, i Lunahooponopono Waiwai no Iosua Kaluau k , no Kamanuai, Honolulu nei, i make, nolaila, ke kauoha aku nei au i na mea a pau, i aie ia Ioasua Kaluau, e hoihoi koke mai ia'u i keia mau la, a o ka poe a pau a keia kanaka i aie aku ai e hoouna koke mai na bila aie ia'u.
IOSEPA KEALOHANUI. Lunahooponopono Waiwai, no Ioasua Kaluau, k., no Honolulu. Aug 22, 1876. 3ts* 769 77l.

OLELO HOOLAHA.
EMI LOA * NA KII !

                MA KA HALE PAI KII O AHI, MA KA Helu 63 Alanui Nuuanu, Honolulu. O ka uku o ke kakini Kii Pepa mamua, he $2.50, a i keia manawa, emi loa, he $2.00. O ka uku o ke kii aniani, he $2.50 mamua, ua hoemi loa ia a i ke $1.50 wale no ! Emi maoli ! Makepono loa ! Aole like pu mamua ! E hele wikiwiki mai e pai i na kii.

HALE KAMANA !

                AIA no maloko o keia Hale maluna ae, e hanaia ai na Pahukupapau, na Moe, Noho, Pakaukau, Mamalu, a ia mea aku ia mea aku. O ka Pahu kupapau paina mamua, he $3.00, a i keia manawa, he $2.00 wale no. O na kumukuai o na mea e ae i koe, e kuai makupono loa ia aku ana. 751 4m* 774

            E IKE auanei na kanaka a pau, ma ka la 22 o Augate, M H 1876, ua hoonoho, a ua hookohuia mai au e Mrs. KAMAKA'U, i Hope oiaio nona a no kona mau waiwai paa a waiwai lewa, e waiho nei ma ka Apana o Hamakua mokupuni o Hawaii. A no ka mea hoi, e like me ka mana i loaa mai ia'u mai a Kamaka'u w. mai, i olelo mua ia maluna, ke papa aku nei i na mea holoholona, mai hookuu wale i na holoholona maluna o na aina i lilo ia'u ka hoomalu ana, oia hoi na aina i kapaia KUILEI, NA A-U a me PAPAKE. A o ka poe mea holoholona e makemake ana e loaa ke kuleana a me ka pono hele holoholona ma ke ano hoolimalima, e pono ke ninau i ka mea nona ka inoa malalo, e loaa no oia ma kona hale noho ma Maunaaniani, Paauhau, Hamakua, a i ole ma ka Noelehua i Mana, malalo iho o na lalaki kuahiwi o Maunakea. E pono e hoolohe i kela, o pilikia auanei. Owau no me ka mahalo
WILLIAM LUMAHEIHEI. Mauaaniani. Paauhau, H.. H., Aug 23, 1876. 770 4t*

            OWAU o ka mea nona ka inoa malalo iho nei, ua hoonohoia mai au e ka Mea Hanohano D McBride, Lunakanawai Kaapuui Apana Eha o ko Hawaii Pae Aina, i Lunahooponopono no ka waiwai o Kealai k. o Wainiha, Kauai i make, nolaila, o ka poe a pau i aie mai i ka mea i make, e pono no ia lakou ke hookaa koke mai ia'u, a o ka poe ana i aie aku ai, e hoike koke mai ia'u me na bila kupono, iloko o na malama eono mai keia la aku, o hoole loa ia auanei. E loaa no au ma Waimea, Kauai, a i ole ia, i ko'u hope paha, ia N P Kalehua S. P. KEWE.
Ka Lunahooponopono o Kealai. Augate 23, 1876. 770 4t* 773

E. STREHZ, (AILUENE,)
HAAWI A KUAI
LAAU LAPAAU.

                AIA MA MONIKAHAAE, KIHI O NA HUINA o na Alanui Papu a me Hotele. Aia malaila na Wa Ala a me na Wai Rukini maikai loa e loaa ai.
            E hamama mau ana i na ahiahi Poaono a pau.
741 1y 792

HALE KUAI * HOU.
KAWAIHAE, KOHALA HEMA.
Allen & Stackpole. (Kale).

                UA lilo mai ka Hale Kuai ma Kawaihaekai, a ua hoopihaia me na lole hou loa i makemake kupono no ka makemake o na kanaka — E kuai hoemi aku ana laua, malalo iho o na Hale Kuai e ae ma ia apana.
            E loaa mau ana na lole ma na ku ana a pau o " Kilauea."
Iune 22, 1876. 760 3ms

AKIU (PAKE),
— MEA —
HANA I NA KAMAA
Hila Aulii Maikai !

                ALOHA OUKOU E NA KANAKA HAWAII a pau, a me na wahine maka onaona o Honolulu nei, na iwa-kiani o Paliuli. Owau o ko oukou hoa'loha, ka mea nona ka inoa malalo nei, he Kumeka Kamaa, e noho ana ma ke Alanui Nuuanu, ma ka Hale nona ka helu 63, malalo o ka Hale Pai Kii Hoolele-aka. Na Kamaa Buti maikai loa i hanaia me ka Ili Farani maikai loa, no ka uku haahaa me ka oluolu. Na Kamaa wahine maikai loa o kela a me keia ano, no na Ili Farani maikai loa no ka uku oluolu.
            No ka hana ana o na Hila i ke Kamaa me paa loa, a maikai kupono i ka makemake, me ka uku oluolu loa. A no ke poho ana i na kamaa nahenahe me ka maikai loa no ka uku oluolu loa.
            Na Ili Noho Lio o kela a me keia ano - he nui wale na ili maikai loa. Eia hoi kekahi, o na kamaa a pau a'u e hana ai, a ina ua ike ia ua kapakahi, a nohae, a kahuli, a puka paha iloko o ka makahiki hookahi, e hoihoi mai, a na'u no e hana me ka uku ole. A o na kamaa i waihoia ma kuu lima a hala na makahiki ekolu, a kuai kudala aku no au no ka loihi loa. Nolaila, e hele nui mai oukou a pau ma kuu Hale Hana Kamaa, e ike maka i na hana a pau, i pau ke kuhihewa, a e hana no au e like me ko oukou makemake, ka aulii hulali o na kui-hao malalo o na hila, e uheuhene ana i ka papa o Maukele, e aloha ana i kona hoa, ka uwea ke kamaa ke hanaia.
            E kuai aku no au i na ili kamaa buki kahiko ana maikai a me na noho lio nahenahe kahiko ano maikai.
762 6t* 765

HALE KUAI LOLE HOU,
— MA —
KOHALA * HAWAII LEI KOHALA, I KA NUKU NA KANAKA.

                MAHEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu a e kau ai ka iwa, he la makani e hao ai na polena o Haupu, kapakahi manuia o Keoki ka moku, ma kahi o C. C. AKINA.
            Aia pu no malaila na HAINAKA SILIKA liilii. LEI A-I kae weluwelu, a me na LIPINE SILIKA puapua weluwelu, e kuwelu ai i ka makani.
            NA KALAKOA ANO HOU LOA i ike oleia mamua. Na KAEI SILIKA Nani. NA MAKALENA KALAKOA me ka PUAKEA, na ALAPIA HULUHULU o na ano a pau, na KIHEI UHI hou e kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ume laau o kela ano keia ano, na kamaa wahine o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono lua no hoi ke kuai i na mea i hoikeia ae nei maluna ke kuike. I mea e paa ai ke kuhihewa, e naue mai no e na makamaka ma kuu Halekuai. 763 6m* 788 G C AKINA.

HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MARCHANT !

Poakahi, Sept 11...........................................Kaapuni ia Hawaii ku hou mai ahiahi Poalima.
Poakahi, Sept 18...........................................Kaapuni ia Kauai
            (E ku mua ana ma Nawiliwili, a e ku ana ma Honolulu i ke kakahiaka Poalima).
Poakahi, Sept 25...........................................Kaapuni ia Hawaii
            Ma na huakai a pau a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a.m., a mahope iho paha ; Kawai a hiki i ka hora 10 a mahope iho paha ; Makena e like me ka mea i hoolaha wahaia ; Maalaea a hiki i ka hora 7 a.m., a mahope iho paha.
            Uku Eemoku mai Honolulu aku,
A hiki i Kaunakakai, a pela maluna mai...........$ 5.00
  " Lahaina, " " .................................................. 6.00
  " Maalaea, " " ................................................. 7.00
  " Makena, " " .................................................. 8.00
  " Mahukona, " " ............................................ 10.00
  " Kawaihae, " " ............................................. 10.00
  " Kailua, " " ................................................... 10.00
  " Kaawaloa, " " ............................................. 10.00
  " Hilo, " " ...................................................... 12.50
  " Kau, " " ...................................................... 15.50
Uku kaapuni ia Hawaii, .................................. 22.00
A hiki i na awa o Kauai .................................... 8.00
Uku kaapuni ia Kauai ..................................... 12.00
Uku ohua Hawaii oneki .................................... 2.00
            Aole aie no na uku ohua.
            Ma ka Hale Oihana e loaa'i na palapala.
            Aole keena o hope e lilo, aia wale no a kaa mua mai ka uku moku. Aole e ili ka hewa no ka paiki, ukana a puolo paha, ke ole e kakauia ka loaa ana mai.
            E hookaaia ka uku ukana i ka wa e noiia aku ai.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui
Papu a me Moiwahine. 761 3m

OLELO HOOLAHA.

                E ike auanei na kanaka a pau ke nana mai i keia, owau o ka mea nona ka inoa mau lalo nei ke hoike aku nei au ma ke akea, ua kapu loa na waiwai a pau o Kuahi w. i make. O ka waiwai paa me lewa ua kapu loa, ua ili mai maluna o'u ia mea a pau loa. nolaila, ina aia i kekahi me kahi i paa ai o kekahi waiwai, e hoike mai ia'u iloko o na la he kanakolu mai keia la aku, ia'u a i kuu hope kokua ma na mea a pau loa e pili ana i keia waiwai. E loaa no au ma ka pa hale o J. Kahai ma Alanui Maunakea. NAUHI. Honolulu, Oahu. Aug. 2, 1876. 769 4ts* 772

E. T. O'Halloran LOIO !

                EIA HE $20,000 E MAKEMAKE ANA E hoaie aku ma ka ukupanee haahaa loa mai ka $200 aku a pii ae ma ka moraki ana i na aina. Ua hoomakaukau e no oia i na palapala aelike, hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila Nui.
            Hale Oihana, aie ma ka " Real Estate Exchange" helu 31, Alanui Papu, Honolulu, malaila oia e loaa ai i na kanaka a pau, ina he mau aina kuai a hoolimalima ko lakou, a e hoopaaia me ka uku ole 769 3m

Hale Kuai Lole Maikai !
— MA —
Waimea, Hawaii !

                I NA KEIKI PAWA o ka ua Kipuupuu o Waimea, i na kupa hoi o ka home i poai ia e na mauna, owau o AWANA ;
                Ua wehe ae nei au i kua Hale Kuai Lole Maikai, ma keia aina mauna, a e loaa no na Aulii kolomanu ano hoa loa Na kinohinohi e kau ai ka Iwa. E hao ai na polena o Haupu. E kapakahi Manuia Keokoi ka moku
                Eia ma keia Hale Kuai, e loaa ai na Makalena, Kalekoa, Alapia, Huluhulu, Kihei Uhi, Lilina umenaau, na hainaka silika liilii, papale wahine, lei a-i kae weluwelu, kaei silika nani, na kamaa wahine a kane, o kela a me keia ano, na waialawaianuhea e puia ai ka hainaka i ka paoa, na aila Lukini hamo lauoho, e puia ai ke kula i ke ala. Na lole kane o na ano a pau a me na luhiehu o ke kini a pau. E pau nui mai e ko Hamakua a me ko na Kohala, oiai o ke keu keia, aohe mea e ui ae ai e nele ana. Makepono loa ke kumukuai o ua waiwai i hoikeia maluna. I mea e pau ai kuhihewa, e naue mua mai e na makamaka, ma kuu hale kuai. E hiki ana na lole hou i na manawa a pau.

769 3m* G AWANA (Pake).

E KIPA MAI E KE ALOHA.

                I NA MAKAMAKA A PAU O KA UA Kukalahale, ke waiho aku nei au iluna o oukou, he olelo poloai, e pili ana i na Lole Nu Hou e waiho nei ma ko'u Hale KUAI, ma ka aoao ma Ewa o ka Hale Borabora, ma ke Alanui Nuuanu. A penei na ano :
                Na Kalakoa hou loa o kela a me keia ano. Alapia o kela a me keia ano. Kihei huluhulu papamu alokahi o na wai hooluu like ole he lehulehu. Kihei huluhulu pukapuka, me ka huhui mahope o na ano he nui wale. Kihei huluhulu nanahe a me na kihei huluhulu he huihui ke kae a puni, e hoohiolo na wainaoa i ke kehau. Papale wahine pinana o ka aoao, a luhe hoi kekahi ilalo o kela a me keia ano. Na hulu a me na pae papale he nui wale. Leta 4 Silika loloa o na Lede o na ano like ole. Mamalu Silika liilii a me ke nui. Kamaa wahine nihoniho o ka aoao. Iliwai huluhulu manoanoa o na ano he nui wale. Holoku Lilina keokeo, kakau a papamu he nui wale. Na Lole Kane. Kuka Kainahai manoanoa a lahilahi. Na Koheo huluhulu paina manoanoa a lahilahi, a me na koheo Lilina. Lole wawae huluhulu paikini hou a me na ano e ae he lehulehu. Na apa huluhulu paina a kakimea hoi. Na palule o kela a me keia ano. Na Papale o na ano a pau. Na Kamaa buki a me haahaa o na ano he nui wale. Na Pahulole koa a ili hoi. NA paiki ili. Na mea kamano, e lawa ai ka makemake o na kamana. Aole o keia mau mea wale no na mea hou, aka, e hiki hou mai ana no. A o ke kumukuai o keia mau mea i haiia ae la maluna, he haahaa loa no. A i mea e ike io ai, e hele mai no. Me ka mahalo. GOO KIMA.

Honolulu, Mar 15, 1876 746 6m 772

            Mai keia la aku, aole au e hookaa ana i kekahi aie ma ko'u luna, ke ole e loaa ke kauoha mai a'u aku.
Hilo, Iune 1 1876. (757 4m*) C. K. HAPAI.


Lole Makepono ke Kuike !
E LOAA NO IA MA KAHI O
KAKELA ME KUKE,

                E LAA NA AHINAHINA, KALAKOA, KEOKEO, LEPONALO, Pena, Aila, Aniani, Na Mea Piula, Kopa, Aila Honua. Aila Hoomaloo, Kui Kakia, Pakeke, Tabu, Kaula, Noho lio, Hulu-palaki, na Pulumi.
                A he Agena no hoi no na Mokupuni o Hawaii nei no na LAINAKINI-NAO, LAINAKINI-MAOLI, PALULE KALAKOA, ALAPIA, KELEPA, KILISA, Na Lole kupono i ka wawae, Palule Huluhulu, Na Lole Huluhulu, Na Lole no ka hoohehelo ana Lipine, lihilihi, a me ia mea'ku A HE MAU MEA AI KAHI Ka Palaoa, Kopaa, Raiki, Pia, Hoohu, Paakai, Huaala, Pia Kulina, &c A HE LAAU LAPAAU KAULANA LOA A Dr. JAYNES. Laau Kunu, Laau Hoomaemae Koko, Laau hoopau naio, Penikila, Huaale, A me na Laau Hamo, a pela'ku.

759 ly 811

OLELO HOOLAHA.
J. PORTER GREEN,
" KEIKI O KAUAUKIUKIU."
LOIO !

                E HELE MAI NA MAKAMAKA A PAU IO'U nei, a na'u no e kokua ia oukou imua o ka Aha Hoomalu a me ka Aha Kiekie, me ka uku haahaa makepono loa. Aia kuu Keena ma kahi o ka Lunakanawai Hoomalu o Honolulu nei, oia ka " Aiko," ma Alanui Kalepa. 741 ly 792

C. H. DICKEY (Kalekika).
LOIO !
MA HAIKU, MAUI.

                UA MAKAUKAU E HANA PALAPALA Kuai, Palapala Moraki a me na mea a pau e pili ana
ma ka Oihana Loio. 743 1y 794

John W Kalua ;
Loio ! Loio !!

                E loaa no ma Lahaina, Maui. 760 4m* 736

CECIL BROWN,
Loio a he Kokua ke Kanawai

                A HE AGENA NO KA HOOIAIO ANA I NA Palapala no ka mokupuni o Oahu.
Helu 8 Alanui Kaahumanu, Honolulu, H.P.A.

Richard P. Bickerton.
[PEKEKONA],
LOIO !

                E KU LOIO no oia imua o na Aha Hookolokolo a pau ma keia mokupuni a ma na moku e ae, ma na hihia a pau. Ua makaukau oia i ka hana ana i na ano palapala a pau. E hoaie ia no na dala mai a iaia aku ma na moraki maikai a oiaio wale no me ka ukupanee.
            Keena Oihana ma Alanui Kalepa, Helu 23, ma ka hale maluna ae o Kauka Minuteole. 735 1y

Hoolaha a ka Luna Hooponopono Waiwai.

                OIAI ua hookohuia mai ka mea nona ka inoa malalo iho, e ka Hon C F Hart, i Lunahooponopono Waiwai no KEALOHA, o Kohala, Hawaii i make, ke hoolaha aku nei i na mea a pau ana i aie aku ai, e hoike mai no ka hooponopono ana iloko o na malama eono, a o ka poe i aie mai iaia, e hookaa koke mai.
J. WIGHT, Lunahooponopono Waiwai. Kohala, Iulai 19, 1876. 768 4ts 771

Na Luhiehu o ke kino.

                E hanohano ai na Lede. Na Keonimana. A me na Kamalei.
            I Na makamaka o ka makani Apaapaa o Kohala loko, ua kuluma paha ia oukou ka Halekuai o Amau mamua, ua lilo ia maua, a na hoonuiia ae, a ua hanaia hoi a nani, i ku like ai me ka nani o na uluwehi o nei mea minamina he kino. Eia maanei na lole hou loa o kela a me keia ano, e ku ai na hoono'uno'u a me na hoohaha ana a na hapa palupalu.
            Eia kahi mea hai aku, e hiki mau mai ana na lole hou o kela a me keia ano, i na ku ana mai a pau a na mokuahi i mea e ike ai, e naue mai, a e hoolauna aku ia Kimo a me Alone, ma ko maua Halekuai " Hale Wehiwehi."
GOO KIM & CO. Apuakehau, Kohala, H. Aug 2, 1876. 746 6m* 781

E naue mai ! * E naue mai !!

                KE POLOAI IA AKU NEI OUKOU E NA keiki lalawai o na pali hauliuli, a me na kaikamahine puukani nohenohea o na pali Koolau, e naue mai ma ko makou mau Hale Kuai ma KAALAEA a me KANEOHE, malaila e loaa'i oukou na nuhou o na ano a pau. Na Lole Kane, Wahine a me na kamalii, Na Kamaa Na Hou. Na ano Papale a me na mea liilii o kela ano keia ano he nui wale.
                E loaa no ia oukou ke kumukuai makepono loa. E naue mai ! E naue mai !! E hoao i pau ko oukou kuhihewa.

AKANA & KONGER & Co.
Koolaupoko. Maraki 23, 1876. 747 6m* 771

HIHIA O KA ALABAMA !

                O KA POE NONA NA INOA MALALO IHO nei, no lakou na koina iloko o ka hihia o ka " ALABAMA," a i hoounaia hoi i Wasinetona no ka hooiaioia, ke konoia aku nei e hoike koke mai i keia Keena me ka hookaulua ole, i ua la a pau, mai ka hora 1 a hiki i ka hora 4 ahiahi, no ka mea, ua makemakeia kekahi mau mea i koe no ko lakou mau kaina :
Makaio                                   of                                            the Nile.
John Williams                       "                                              Jireh Swift.
Kea                                         "                                              "
Makui                                     "                                              "
Kalama                                   "                                              Martha
Jim Kaleiheana                      "                                              "
D Napili                 "                                              Eliza Adams.
Kavika                                    "                                              Isabela
Lamaa                                     "                                              Congress
Kekuaihehia                          "                                              "
Charles L Kuikahi                 "                                              Nimrod
Jack Pia                                 "                                              Gipsey
Kou                                        "                                              Peru
Solomona                              "                                              "
Kapuniai                                "                                              Congress
George Kamaka                    "                                              Wm. C Erye
Kainamoku                            "                                              Gen. Williams
Kahookano                           "                                              Catherine
Eila                                          "                                              "

Kauhikoa                               "                                              Euphrates
Mana                                      "                                              "
Pahunui                                                 "                                              Jireh Swift
Waialoha no }                      "                                              Gen Williams
Kahumokuliilii }
Keaupuni                               "                                              Milo

T C Namauu                          "                                              "
CASTLE & SMITH
Aliiolani Hale Honolulu, H. I.. Aug. 25.1876. 769 3tS 771

Papa ! Papa !
— NO —
ALLEN A ME ROBINSON.

                Ua wehe ae nei maua i PA KUAI PAPA ! MA KA UWAPO O PAKAKA. Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale. Na Pepa Molina. Na Pena a me na Aila Pena ! NA KUI O NA ANO A PAU ! Na Pani Puka a me Na Pani Puka Aniani. Na Pani Puka a me Na Olepelepe. Na lako kukulu Hale. O NA ANO A PAU E kuaiia ma ke Kumukuai Haahaa Loa ! o keia Makeke. ALLEN & ROBINSON.
Honolulu, Aper 13, 1876. 750 ly