Ka Nupepa Kuokoa, Volume XV, Number 38, 16 September 1876 — Page 3
KA NUPEPA KUOKOA, ME KE AU O KOA I HUIIA.
Ke hoomaka ia nei ke kukulu o ka hale pohaku hou o Kauka Hopemana. Ka hanau kama keia a ke Kuikahi Panailike, a o ka lonalona mai koe o na pomaikai.
Ma ka la 26 o Augate iho nei, ua ikeia aku la e ko Lahaina ke kuna Neki, mawaena o Lanai a me Maui nei ; a i ka nanaia ana me na ohenana, ua ikeia ka luluu o kona mau kia a me na kaula i na hae o kela a me keia ano. Ua hoouna iho la o Thomas W Everett, ka Luna Makai Nui o Maui nei, i kekahi makai kaulana no ka eleu, oia o Generala Lee Wahinealoha, no ka hai ana aku hoi i ka lono hauoli ma na Waieha, no ka holo o ke Kuikahi Panai Like. Ua haalele kela ia Lahaina i ka hora 12, a ua hiki ma ka Maluhekuawa i ka hora 3. Ua haawiia na huro hauoli piha no ka Moi Kalakaua a me ke Kiaaina Kapena, a o ka lua o na huro, no ke Aliiwahine Kapili L Cleghorn, no ka ike ana ia Kepela ; a o na ai-kala palule hou loloa a koho Stanley, a me na kaawe loloa e huelo ana ma na poohiwi — ka nu hou o keia mau la, he " Kapela Style." Ua lilo ae nei ka lio ia Henry Cornwell & F W Mossiman, he $20, a o kona inoa, " Carry the News " Robert W K Keoahi.
MAHALO PIHA I KA LUNA MAKAAINANA O MAKAWAO.— No ko makou ike ana iho i ka olelo hooholo a Hon. S K Kaai, ma ka Helu 35, o ka la 26 o Augate, M. H, 1876, a malaila, ua haiia na wahi lunamakaaina na i puni, a nalowale iho la hoi ka inoa o ko Makawao nei Lunamakaainana ; eia ka ninau : Heaha ka mea i hunaia'i ? Haina, Ua aloha i ke aupuni a me na makaainana o kona apana, aole he hoomaunauna i keia mau $7,000, nolaila, ke hilinai nei no makou maluna ona, mai kinohi mai o ka noho ana o ka Ahaolelo a hiki i keia la a'u e kakau nei, me ka mahalo i kona inoa. Ua noi no na hoowalewaleia, aka, ua kupaa no ia, e like no me kana haiolelo ana imua o na makaainana, mamua iho o kona holo ana i Honolulu, a ke ike nei makou i ka oiaio o kana mau olelo — o ka akahi no keia o na Lunamakaainana o Makawao i hooko pololei, aole hoi e like me ka poe lunamakaainana hoopilimeai o na kau i hala aku. Akahi no a puka ka inoa o Makawao, i ke keiki a Keoneliilii, ka olali hoi o ka ua Ukiukiu. E hoomanao mau ana no makou nou, no ka M H 1878 e hiki mai ana. Aloha no M KEALOHA.
WAIWAI O KIMO PAKAKA.— I ka hooiaioia ana o ka palapala hooilina o Kimo Pakaka i ka la 7 aku nei, e na Luna Hooko Kauoha o kona waiwai, ua ikeia iho o ka nui o kona waiwai io, ke huiia na waiwai o kela a me keia ano me ke dala pu, ua hiki aku no ia i ka $479,000, a maloko o ia hooilina, ua maheleheleia kona waiwai e like me kona makemake. No kana wahine kanemake, no ka manawa e ola ana, a oiai oia e noho mare ole ana, o ka pa aina a me na hale mauka o Nuuanu me ka loko ia a me $1200 o kela a me keia makahiki, e uku ana iaia i kela a me keia hapaha. Mahope iho o ka make ana o ka wahine, e lilo aku ka waiwai ia Mark P. Robinson a me John N. Robinson kana mau keiki no ko laua wa e ola ana, a mahope o ka make ana o kela a me keia o laua, alaila, e lilo ka hapalua pakahi o ka waiwai no na hooilina o kekahi a me kekahi o laua. No kana keikikane me ka wahine mua oia o James J. Robinson, o ka puka o na dala $5,000 o kela a me keia makahiki no kona wa e ola ana, a i kona wa e make ai, e hele ka $5,000 i kona mau hooilina, a me ka aina e waiho la ma Hanalei, Kauai. No kana kaikamahine hiapo me ka wahine mua, oia o Mrs. Charlotte Hasslocher e noho mai la i Kapalakiko, o ka puka o na $12,000, a e ukuia oia i kela a me keia hapaha makahiki. A mahope o kona make ana, e lilo ka $12,000 i kona mau hooilina. Ua waiho hou aku oia no Mrs. Hasslocher a me kana mau keiki pa $1000. Ua waiho iho oia no kana mau keiki e ae, he pa $1000. O ka pa a me ka uapo o Pakaka a me ka Hale Pohaku ma ke kihi o na alanui Moi a me Nuuanu a me ka aina ma Hoaeae, Ewa, a me na aina e ae apau e waiho la ma Ewa, no Mark P. Robinson a me John N. Robinson no ko laua wa e ola ana, a i ka wa e make ai laua, e mahele hapalua ia kela mau waiwai no ko laua mau hooilina. E lilo pu hoi na pipi, lio a me na hipa a me na waiwai lewa a pau ma Ewa ia mau keiki a elua. I na keiki a kana kaikamahine, o ia o Mrs. Ward pa $1000 pakahi. No na Kahu o ka Halemai Moiwahine $250. No na Kahu o ka Ekalesia Bihopa $100. No na Kahu o ka Ekalesia Polelewa, $100. No Maria Tate $1000, to Benjamin Hornblower $100, no Alexandar Smith $100, no Andrew Auld $100, no Thos Callou $500, Luke Previere $500, no Solomon Previere $500, no ke keiki a kona hoahanau oia o George Robinson $2000 a no na keiki pakahi ana $500, no Daniel P. True $50, no Emily Thomson $1000, no Rebecca Thomson $500, no Hannah Tate $500, no Henry S. Swinton $100. O ke koena aku o kona mau waiwai a pau, e mahele like ia mawaena o kana mau keiki ewalu me ka wahine hope no ko lakou wa e ola ana, a mahope aku no ko lakou mau hooilina. Ua ae ka wahine o kona mahele hapakolu ma ka puu dala i haawiia.
NU HOU O NA AINA E.
KOKOKE HAKAKA NA PULUNA !
ENELANI ME RUSIA !
Ma ke ku ana mai o ka mokuahi Kikane Zealandia iloko o na la holo he 13 a me 15 hora mai Nu Kilani mai, ua loaa mai ia makou na mea hou a hiki i ka la 23 o Augate o Europa mai. Me he mea la he kokoke wale no ka manawa a ulele hakaka o Enelani a me Rusia, a ina e komo kino laua iloko o ke puokooko o ke ahi a ke kaua, me he mea la, e pau loa ana o Europa i ke komo iloko o ia kaua.
Nupepa A S Cross. Aug 26 — He nui loa ka walaau ma na alanui no ke kauoha waea olelo i loaa mai nei i ke Kapena o ka moku Kaua Nymphe e hoike ana ua kokoke e kaua o Enelani a me Rusia. Ua kukuluia hoi ke kahua o keia manaoia maluna o kekahi kauoha mai ke Comodoa mai, e olelo ana i ke Kapena e hoomakaukau i kona moku no ka manawa e kaheaia 'ku ai.
Ua loheia mai, ua loaa ae i ke Kiaaina o Sikane he lono e hoike ana, ua kokoke loa ke kaua mawaena o Enelani a me Rusia.
O ka hiki ana ae o na koa Inia ma Aigupika mai Inia Hikina mai ua manaoia no ia no ka hoomakaukau i o la honua no ke kaua a no ka manao wale ia e hoopauia ko Tureke noho aupuni ana.
He nui ka hoomakaukau kaua ma Inia Beritania. Ke hookomoia nei na pu Solder iloko o na koa kaua lio maoli iho o ka aina.
Ua pani aenei o Auseturia i ke awa ku moku o Klek.
Owai keia Poo-la e ake nei e holo balota lunamakaainana
Ua lohe oiaio mai au i kahi poe poo la, e holo balota lunamakaainana ana o ka pule kekahi hoa o ka poai o na poo-la o Honololu nei, ma ka Poakahi e hiki mai ana, i pani no ka noho i hakahaka iho nei ma ka make ana o S M Kamakau.
Ina pela io ka manao o na poo-la a pau loa — eia hoi ka'u wahi kauleo ia oukou ; mai koho oukou a pau loa ia ia, aole hookahi, aole elua, a he oki loa ke kolu ; a mai hoomanao iki i kona inoa iloko o ko oukou noonoo. No ka mea hoi, o ua Kapule la a oukou e manao la e koho, he kanaka ia aole i manao ia ua komo iloko o ka pohai o ka poe naauao io, a ua manao ia he ike ole i ke kanawai, he oki loa hoi i ka holo waa, no ka mea, ma ke kunihi oia e hoe ai
Heaha kena mau pono e hana ai i pomaikai na makaainana ? Heaha na kanawai ana e kau ai ?
E kau anei oia i kanawai e hoonoa i ka aihue i ka wahine mare a kahi kanaka aku ? E kau anei oia i kanawai e nono a kane a wahine i ka hale hookahi ? E hoonoa anei oia i ka aihue, pepehi kanaka a pela aku ?
Pono anei kakou e hoouna aku i ke kanaka oia ano e na poo-la ? O ko'u manao a pela no paha me ka hapa nui o oukou, aole i kupono ia ano kanaka e hele e kau i kanawai no ka lahui. Oiai ke noho nei oia me ka hakihaki i na kanawai.
Ua manao au ua lawa ko kakou kuhihewa mua ia A P K, ua pau hoi ka pilikia, ua palekaua, ua hiki i ke ao pau ole, ua ko wale no kana mau mea a pau i liki mai ai, a ke haawe hou iho nei kakou i na pomaikai o na auhau hou — a i poo-la aha hou keia a kakou e koho hou aku ai ? Ua nele anei kakou i ka poe kupono ole ? Ke manao nei au ua piha ke alo alii i ka poe kupono. Eia iho o A Kalauli, Cecil Brown, E Mikalemi, a me kahi uhu ae hewa o Waialua a me kahi poe e ae. E pono kakou e wae iloko o keia poe, owai la ka oukou pau noa i kau ai, o ka moe anei, o ka pili paha, o kau anei, o ke kihipuka paha, ala ia kakou ia wahi.
KEKAHI POO-LA.
NA MEA ANO NUI O KE KAONA — Oia no ke kuai ia ana iho nei e ka ona miliona Mr Spreckles ma ka inoa o ka Ahahui Hoomaemae Kopaa o Kaleponi o na tona he 8,000 ka nui mai loko mai o na oo ko o keia mau malama he umikumamalua ma ke kumukuai no ke ko maemae he 8 1/2 keneta a i ka 8 3/4 keneta ; no ke ko e hoomaemae ia aku ana, he 6 3/8 keneta, a na ka poe ko e lawe a hiki i Honolulu. Ua koho wale ia aku ke oo ko o 1877, e hiki ana i ka 13,000 a 14,000 paha tona, a ina pela, alaila, ua lilo e ka hapa nui i ka hoopaa e ia. Ua manao ia ua makepono keia kumukuai maluna ae no ka poe mahiko mamua ae o ko lakou hooili loa ana aku i Kapalakiko malalo o ko lakou mau lilo ponoi iho
HANAU.
Sept 14 — Ma Waiaka, Kamoiliili, mohala ae la he pua hou mai ka puhaka ae o Ema.
Na Make ma Kalawao.
Aug 19 — Kanealii Palupalu k 43 mk Waioli, Kauai.
Aug 25 — Moeanu k, 23 mk. no Kipahulu, Maui
Aug 27 — Hanaukama k, 43 mk. Kona Hema, Hawaii.
OIHANA KINAI AHI O HONOLULU.
UA HOOKOHOIA ka poe nona na inoa malalo iho, i mau Luna Kiai no ka Oihana Kinai Ahi Nui ma na Apana pakahi o ke kulanakauhale, malalo iho :
Apana mua................H J Nolte, Apana alua................Henry Hart, Apana Ekolu.............Jacob Holck, Anana aha.................C B Wilson. CHAS.T GULICK.
Kakauolelo Oihana Kinai Ahi o Honolulu. Honolulu, Sept 8, 1876. 772 2t
He Ilio Helehewa !
EIA ma ko'u wahi ma Manoa, kekahi Ilio nui huluhulu ulaula, a he keokeo ka umauma me ka mekala Helu 324, no ka M H 1876. O ka mea nona keia Ilio, ke kauohaia aku e kii koke mai. JOHN SILVA.
Manoa, Sept l3, 1876. 772 1t*
E IKE AUANEI na kanaka a pau o kela ano keia ano, owau o ka mea nona ka inoa malalo nei, ke hookapu aku nei au i ka poe mea bipi, lio, miula, hoki, hipa, kao, puaa, moa, palahu &c., aole e hookuu wale i ko lakou mau holoholona maluna o kuu aina kula hoolimalima, oia hoi o Auwaiolimu ma Pauoa ; ina e loaa kekahi o keia mau holoholona i oleloia maluna, e hela wale ana maluna o Auwaiolimu, alaila, he mana hiki ia Aki ke hopu a hoouku aku i ka mea nona ia holoholona i $1.00 no ke poo, a ina aole e uku mai ka mea nona ia mau holoholona, alaila e hiki no ia Aki ke hoopaa iloko o ka Pa Aupuni. Ua hookohu aku au iaia i keia la i Luna Nui malama kula. A. MANUEL.
Pauoa, Honolulu, Sept. 12, 1876. 773 1t*
OLELO HOOLAHA.
UA loaa ia'u kekahi PUAA ma ke alanui o ke kulanakauhale, a ke malama nei au. O ka mea nana ka puaa, e kii mai, me ka uku pu i ko'u mau lilo no ka hoolaha a me ka malama ana. A ina e kii ole mai oe a hala na la he 30, lilo loa ka puaa ia'u.
KEAHI. Polelewa, Sept 14, 1876. 772 1t*
O KA poe a pau he mau kokua ko lakou i ka waiwai O JAMES ROBINSON, o Honolulu i make, ina paha ua hoopaaia ma ka moraki a me kekahi ano e ae, ke kauohaia aku nei kakou e hoike koke mai me na hooiaio kupono, i ka poe Luna Hooko Kauoha, ma ke Keena o Allen a me Robinson, ma Alanui Moiwahine, iloko o na malama eono mai ka puka mua ana aku, a i ole, e hoole loa ia. Kakauia i keia la 12 o Sepatemaba 1876.
CURTIS P WARD. SAMUEL C ALLEN. 772 4ts 773 MARK P ROBINSON.
E KUAI aku ana na Luna Hooko Kauoha o ka waiwai o E H BOYD, mamua iho o ka puka o Aliiolani Hale, i ka hora 12 awakea, o ka Poalima, la 29 o Sepatemaba, i ke kona iho o na Bipi o ka waiwai o E H Boyd i make, ua manaoia, he Elua Haneri paha ka nui e holo nei ma Maunawili a me na aina e pili ana ma Koolau. Hookahi waapa e kuai kudala ia ana.
GODFREY RHODES. EDWARD STREHZ. Honolulu, Sept 9, 1876. 772 4ts 773
NO KA MEA, ua hoolahaia e na Luna Hooko Kauoha o ka waiwai o E H BOYD i make, e kuai kudala ia ana ma ke akea, i ka la 29 o Sepatemaba nei, ke koena iho o na bipi o kela waiwai maluna ae, e waiho la maluna o na aina o Maunawili a me na aina e pili la ma Koolau, Oahu.; no ka mea, ke papa ia aku nei na kanaka a pau, ke hoole nei au i ka mana o ia mau Luna Hooko Kauoha, ia mau bipi, a e manao au, he ae-hewa na kanaka a pau e komo ana maluna o ua mau aina la o Maunawili, a me na aina e pili ana, no ke kumu he keakea i ua mau bipi la, oiai eia lakou malalo o ko'u mala.
MARIA A BOYD, Ma o kona Loio la, C H Judd. Honolulu, Sept 13, 1876. 772 3ts 774
A E IKE auanei na kanaka a pau ke nana mai lakau i keia olelo hoolaha, owau o Kanekapolei, ka wahine mare a Kahue k, no Waipio, Hamakua, Hawaii. A no ka mea, ua loihi loa ko maua kaawale ana, aneane iwakalua a oi makahiki, aohe pili aina, (wahine) iki mai. Nolaila, ke kahea leo nui aku au ia oe ma ka Nupepa Kuokoa, e hoi mai kaua e pili, he kane a he wahine ; ina eia no oe ke noho mai nei ma na mahiko, ma na awawa, na aekai, na kula panoa, na aina wai ; a i ole ia, aia paha i ke kai o Alika, me na keiki ehuehu o ka moana, e hoi mai oe iloko o ko'u poli. A ina i hoi ole mai oe me a'u, a hala ka manawa kupono, alaila, e hoopii no au e weheia ko kaua berita mare. E maliu i ka uwalo — a.
Mrs. KANEKAPOLEI KAHUE. Waimea, Hawaii, Aug 29, 1876. 772 3ts 774
E IKE auanei na kanaka a pau, ke papa a hookapu loa ia aku nei ka hele ana o na holoholona o kela ano keia ano maluna o kuu mau Apana Aina, e waiho la ma Kula, Maui, oia na apana aina maluna o Naalae a me Waiakoa, i Kula. Ua hookapu loa ia no hoi ka hele ana o na kanaka e oki i na laau maluna o ua mau aina la me ke kuleana ole. Ua hoonoho aku au ia M C Ross i Luna nana e malama i ua mau aina la, a iaia ka mana hopu i na holoholona aea wale maluna o ka aina, a nana no e hooko i na mea a pau ma o'u la, e like me ke kanawai. A o ka poe a pau e kue ana i keia olelo hoolaha, maluna ia o lakou.
GEORGE K KAAUWAI. Wailuku, Sept 9, 1876. 772 4t* 775
UA hookohuia mai ka mea nona ka inoa malalo nei, e ka Mea hanohano Abr. Fornander, Lunakanawai Kaapuni Apana Elua o ko Hawaii Pae Aina, i Lunahooponopono no ka waiwai o P Kalawaia, o Lahaina, Maui i make. Nolaila, o ka poe a pau i aie i ka mea i make, e hookaa koke mai, a me ka poe ana i aie aku ai, e hoike koke mai me na bila kupono i hooiaioia, iloko o na malama eono mai kela la aku, o hooleia. A ina he mau waiwai kekahi ma ka lima o kekahi mea, e hoihoi koke mai.
M MAKALUA,
Lunahooponopono Waiwai o P Kalawaia. Lahaina, Sept 4, 1876. 773 4ts 775
OWAU o ka mea nona ka inoa malalo iho, ke hoike aku nei au ma keia hoolaha, oiai ua haalele mai ia'u ka'u wahine mare, o Kaulaokeahi Kaipo Brown, i ka ai a me kahi moe, me ke kumu kupono ole ; aole loa au e hookaa ana i kana mau aie, i aie ai ma ko'u inoa.
WILLIAM BROWN. Koloa, Kauai, Aug 24, 1876. 771 6m 794
Ma ka Aha Kiekie o ko Hawaii Pae Aina mokupuni o Oahu, Kau o Iulai, 1876, he hoopii oki mare Kaonoi w, kue ia Keoni k. Poakahi, Iulai 10, 1876.
Ma ka hoopii Oki Mare maluna ae, ke kauohaia nei, e hookomoia ka huaolelo "oki mare" ma ka aoao a Kaonoi (w) no ke kumu, ua moekolohe o Keoni k i oleloia, a e lilo i mea paa mahope iho o ka pau ana o na malama eono mai ka la aku o keia kauoha ana, ma na kumu maopopo i waihoia mai, ke ole he kumu e ae kekahi e hooleleia'i ua mau mea la.
A ua kauoha ka mea nona ka hoopii, e hoolaha ae i kekahi kope i hooiaioia o keia olelo kauoha ma ka nupepa Hawaiian Gazette a me ke Kuokoa, no na hebedoma eono, a no ka hoolaha mua ana, maloko o ka malama hookahi, mai ka la aku o keia kauoha ana, a o na mea a pau ke pili, maloko o na malama eono, e hoike mai ai lakou i kekahi kumu, e lilo ole ai keia olelo hooholo i mea paa.
WALTER R. SEAL, Kakauolelo.
Ma keia, ke hooiaio aku nei au, keia ae la ke kope oiaio a me ka olelo o ka olelo kauoha, no ka hihia maluna ae. I waihoia mai i ke Keena Kakauolelo o ka Aha Kiekie o ko Hawaii Pae Aina. WALTER R. SEAL. Kakauolelo o ka Aha Kiekie.
Honolulu, Iulai 24, 1876. 767 6t* 772
KE HOIKE AKU NEI KA MEA nona ka inoa malalo iho, i kona mau makamaka a me ka lehulehu, ua nee ae nei oia a ma ke Alanui Papu, ma kela aoao mai o ka Hale Mu, aia oia malaila e hana ai i na Karanometa, Wati nui a me na Wati pakeke. Ua hiki iaia ko hooia aku, e hele pono ana kana wati e hana ai no ka makahiki hookahi. 767 3m* J. DOIRON.
EIA i ka Pa Aupuni o Koholaloa, Apana o Honolulu, 1 Bipi k, e kuai kudalaia ana i keia la 9 o Sepatemaba, Poaono, hora 12 awakea, eia ke ano. bipi k ulaula ano hauliuli aia kona kuni ma ka a-i, ua oki poa ia na pepeiao, ua oki ia no ke kiwi hema.
A B KAAUKUU,
Luna Pa Aupuni o Koholaloa, Sept 8, 1876. 771 1t*
E IKE auanei na ano kanaka a pau, owau o ka mea nona ka inoa malalo, ua hookohuia mai au e ka Hon. A. Francis Judd, kekahi o na Lunakanawai o ka Aha Kiekie, i Lona Hooko Kauoha a hooilina hoi no ka waiwai o KALAWAKUA (w), i make, ma Honolulu. Nolaila, ke kauohaia aku nei na mea a pau i aie mai iaia, e hookaa koke mai, a o ka poe ana i aie aku ai, e hoike koke mai me na bila kupono, iloko o na malama eono mai keia la aku, o hoole loa ia lakou ; a ina hoi he waiwai ko ka mea i make ma ka lima o kekahi poe, e hoihoi koke mai.
W. KALAEHAO, Lunahooko Kauoha a hooilina o ka waiwai o Kalawakua. Honolulu, Sept. 3, 1876. 771 2ts 772
E IKE auanei na kanaka a pau o kela ano keia ano, owau o ka mea nona ka inoa malalo iho nei, ke papa aku nei au i ka poe mea Lio, Bipi, Hoki, Kekake, Hipa, Kao, Puaa, Ilio, mai hookuu oukou i ko oukou mau ano holoholona maluna o ko'u mau aina hoolimalima, no lakou na inoa malalo nei. Punaluu, Wailau, Hokukano, Kaaiaiki, a me ka aina kuai o D Holoua ma Ninole, a me na koana aupuni o ia aina, e waiho nei ma ka apana o Kau, mokupuni o Hawaii. Ina o ka mea kua i keia, e hopu no au a uku e like me ke Kanawai, a i ole ia, e hoopaa ia ma ka Pa Aupuni, ma ke ano komohewa, a ua kapu no na mea ulu o luna o kuu aina, koe nae ka poe komo kino a me ka poe i loaa ka palapala ae mai a'u aku. A me ko'u mau hope, a mau hope paha. A ke papa ia aku nei na kanaka a pau, mai hele wale aku me ke kuleana ole maluna o ko'u mau aina a pau, o uku ia i Elima Dala ($5.00). E lilo keia i Kanawai paa mai keia la a mau loa aku CHUNG PEU APEO.
Waiohinu, Kau, Aug 30, 1876. 771 3t* 773
KUIKAHI PANAI LIKE !
AINA KANU LAIKI WAIWAI NUI MA KALIHI, OAHU !
MA ka Hora 12 Awakea o ka Poaono, Sepatemaba 16, ma ka Hale Kudala o E P Adamu, e kuaiia aku ai ma ke akea, kela aina a me kekahi aina e waiho ia ma Kalaepo, Kalihi, Oahu, me na hale a me na mea e ae maluna iho. Oia ka Apana 4 o ka aina nona na palena i hoikeia ma ka Palapala Sila Nui Helu 2321, nona na Eka he 10 54-100, kokoke he 4 eka o ia aina, ua kupono no ke kanu laiki a kalo paha, a ke kahe ia he kahawai pio ole maluna aku o ka aina ; makepono ke dala ke hoolilo. Aia he 10 mau Loi kalo, ua paa i ke kanuia, a ua kokoke e oo ka ai o kekahi mau Loi. Aia maluna iho o keia aina, he hale laau, me 3 mau keena maikai, a he aina i makemake loa ia no ka hoopukapuka, no ka poe uuku o ke dala e makemake ana e hoohana mamuli o ka holo ana o ke Kuikahi Panai Like, he mea pauku wale aku no mawaho o ka loaa makahiki. Maikai ka palapala.
No ke kii o ka aina a ma na mea i koe, e ninau ia E. P. ADAMS, 771 2ts 772 Luna Kudala.
UA LILO aenei ia MR DONNELL ka Hale Hana Wili Hinuhinu mua o C E Williams ma Alanui Hotele, a me na pono kaa kupapau a ua makaukau oia no na hana a pau i pili i ka hana wai hinuhinu a me ka hana pahu kupapau.
763 3ms 774.
Na Buke Himeni Hou ma ka Halekuai Buke o Wini.
Songs of Salvation
The River of Life
Sun Shine
Cheerful Voices
Pure Gold
Sparkling Rubies
Golden Robin
Bright Jewels
Nine o'clock in the Morning
New Gold n Censer
The Morning Star
Sabbath Carols
The Bank of the Rhine
Royal Diadem
Hallowed Songs
Song Monarch
Gospel Song
Golden Wreath
Happy Voices
New Songs
Temple Choir
Charm
Merry Voices
Song of Life.
Bradbury Trio
Ne Plus Atra
Song King
Song Queen
Mocking Bird
Sacred Song
Hour of Singing
Sabbath School Bell
Shining River
Pearl
Choice.
H. M. WINI,
HOOLAHA HOOKOLOKOLO.
AHA Kiekie o ko Hawaii Pae Aina, ma ka hooponopono waiwai, mokupuni o Oahu, Hawaii Pae Aina, SS. Ma ka waiwai o KEOWAHI (k) no Honolulu i make. Olelo kauoha e koho ana i la e hooiaio ai ka palapala kauoha, a no ka hoolaha ana.
No ka mea, ma ka la 8 o Sepatemaba M H 1876, ua waihoia mai imua o ka Aha kekahi palapala i oleloia, oia no ke kauoha hope o KEOWAHI (k) i make aka la, a me ka palapala hoopii e noi ana, e hooiaioia kela palapala kauoha, a e hoopuka hoi ka palapala Lunahooko no Kaula. Ua waihoia mai e Kaula.
Nolaila, ua kauohaia, o ka Poalua, oia ka la 3 o Okatoba M. H. 1876, ma ka hora 10, ma ka Rumi Hookolokolo o kela Aha ma Aliiolani Hale, ma Honolulu, oia ka la me ka hora e hooiaioia ai ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala Lunahooko. A ua kauoha hou ia, e hoolaha no ia mea no na pule ekolu, iloko o ke Kuokoa, he nupepa i paiia a hoolahaia ma Honolulu. A ua kauoha houia, e hoopukaia na palapala kana no na hoike, no ia palapala kauoha, a me na hooilina o ka mea make, e hele mai e kue i ka wa i oleloia.
Kakauia ma Honolulu ko Hawaii P A la 8 o Sept 1876. A FRANCIS JUDD,
Ikea : Lunakanawai o ka Aha Kiekie. Jno. E Barnard, Hope Kakauolelo. 772 3t 774
MA ke Keena o ka Lunakanawai Kaapuni Apana Ekolu ko Hawaii Pae Aina. Ma ka waiwai o KANEAPUA, no Hamakua, Hawaii i make.
Ua heluheluia a iia waihoia ka palapala noi a Kalualele (w) no Hilo, Hawaii, e noi ana, e hoonohoia o Makaleta w, me D B Mahoe, i mau Lunahooponopono no ka waiwai o Kaneapua, o Hamakua, Hawaii, H P A i make. Nolalia, ke kauohaia aku nei na kanaka a pau ke pili, o ka Poaono, oia ka la 21 o Okatoba M H 1876, ma ka hora 10 o kakahiaka, ma ka Hale Hookolokolo ma Hilo, oia ka la a me kahi i kohoia no ka Hoolohe ana i ua nonoi la a me na mea kue ke hoikeia. F S LYMAN, Lunakanawai Kaapuni Apana Ekolu.
Hilo, Sept 1, 1876. 773 3ts 774
MA ke Keena o ka Lunakanawai Kaapuni Apana Ekolu, ko Hawaii Pae Aina. Ma ka waiwai o ROBERT me MARY ROBINSON, o Hamakua, Hawaii i make. Ua heluheluia a ua waihoia ka palapala noi a Kalualele w, o Hilo e noi ana, e hoonohoia o Makaleta w. me D B Mahoe, i mau Lunahooponopono no ka waiwai o Robert me Mary Robinson, no Hamakua, Hawaii H P A i make. Nolaila, ke kauohaia aku nei na kanaka a pau ke pili o ka Poaono, oia ka la 21 o Okatoba M H 1876, ma ka hora umi o kakahiaka, ma ka Hale Hookolokolo ma Hilo, oia ka la a me kahi i kohoia no ka hoolohe ana i ua nonoi la a me na mea kue ke hoikeia. F S LYMAN,
Lunakanawai Kaapuni Apana Ekolu. Hilo, Sept 1, 1876. 772 3ts 774
MA ke Keena o ka Lunakanawai Kaapuni Apana Elua, ko Hawaii Pae Aina. Ma ka waiwai o PAUMANO k, no Waialua, Molokai i make.
Ua heluheluia a ua waihoia ka palapala noi a Malao w, e noi ana, e hooholoia na hooilina o ka waiwai o Paumano (k) no Waialua, Molokai, H P A i make aku nei, a e maheleia kona waiwai iwaena o lakou. Nolaila, ke kauoha ia aku nei na kanaka a pau ke pili, o ka Poaha, oia ka la 12 o Okatoba 1876, ma ka hora 10 o kakahiaka, ma ka Hale Hookolokolo ma Pukoo, Molokai, oia ka la a me kahi i kohoia no ka hoolohe ana i ua noi la a me na mea kue ke hoikeia. ABR. FORNANDER,
Lunakanawai Kaapuni Apana Elua, Lahaina, Aug 24, 1876. 771 2ts 771
MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o FRANK THOMAS (Portugese), no Kainalu, Molokai i make.
Ua heluheluia a ua waihoia ka palapala noi a Eurene Pai, e noi ana, e hoonohoia i kekahi Lunahooponopono o ka waiwai o Frank Thomas (Portugese), no Kainalu, Molokai H P A i make. Nolaila, ke kauohaia aku nei na kakanaka a pau ke pili, o ka Poaha, ka la 12 o Okatoba 1876, ma ka hora 9 o kakahiaka, ma ka Hale Hookolokolo ma Pukoo, Molokai, oia ka la a me kahi i kohoia no ka hoolohe ana i ua noi la a me na mea kue ke hoikeia.
ABR. FORNANDER,
Lunakanawai Kaapuni Apana Elua, Lahaina, Aug 24, 1876. 771 2ts 773
MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o MAKAAUILANI w, no Lahaina, Maui i make.
Ua heluheluia a ua waihoia ka palapala noi a Lupeau w, e noi ana, e hooponoponoia ka waiwai o Makaauilani w, no Lahaina, Maui H P A i make, a e hooholoia ka waiwai i na hooilina. Nolaila, ke kauohaia aku nei na kakanaka a pau ke pili, o ka Poakolu, oia ka la 27 o Sept. 1876, ma ka hora 11 o kakahiaka, ma ka Hale Hookolokolo ma Lahaina, oia ka la a me kahi i kohoia no ka hoolohe ana i ua noi la a me na mea kue ke hoikeia.
ABR. FORNANDER,
Lunakanawai Kaapuni Apana Elua, Lahaina, Sept. 2, 1876. 771 3ts 773
MA ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o KAUIHOU (k), no Lahaina Maui i make.
Ua heluheluia a ua waihoia ka palapala noi a Lupeau w, e noi ana, e hooponopono ia ka waiwai o Kauihou k, no Lahaina, Maui H P A i make, a e hooholoia ka waiwai i na hooilina. Nolaila, ke kauohaia aku nei na kakanaka a pau ke pili, o ka Poakolu, oia ka la 27 o Sepatemaba M. H. 1876, ma ka hora 10 o kakahiaka, ma ka Hale Hookolokolo ma Lahaina, oia ka manawa a me kahi i kohoia no ka hoolohe ana i ua noi la a me na mea kue ke hoikeia.
ABR. FORNANDER,
Lunakanawai Kaapuni Apana Elua, Lahaina, Sept. 2, 1876. 771 3ts 773
KE Hoikeia'ku nei ka lohe i na mea a pau, aole e hookuu i ka lakou mau holoholona maluna o kuu aina i kapaia o Kamoku, e waihoia ma Waikiki-waena, oia hoi ka Puaa, Moa, Kaka Lio a pela aku. Ina e loaa ia'u kekahi o keia mau holoholona maluna, alaila, e hoouku no au i ka mea nana ia holoholona a mau holoholona paha, pa $1.00 no ke poo. " He kuli ka make, he lohe ke ola."
KAPOLEI (w). Kamoiliili, Aug 30, 1876. 770 3ts 772
EMI LOA * NA KII !
MA KA HALE PAI KII O AHI, MA KA Helu 63 Alanui Nuuanu, Honolulu. O ka uku o ke kakini Kii Pepa mamua, he $2.50, a i keia manawa, emi loa, he $2.00. O ka uku o ke kii aniani, he $2.50 mamua, ua hoemi loa ia a i ke $1.50 wale no ! Emi maoli ! Makepono loa ! Aole like pu mamua ! E hele wikiwiki mai e pai i na kii.
HALE KAMANA !
AIA no maloko o keia Hale maluna ae, e hanaia ai na Pahukupapau, na Moe, Noho, Pakaukau, Mamalu, a ia mea aku ia mea aku. O ka Pahu kupapau paina mamua, he $3.00, a i keia manawa, he $2.00 wale no. O na kumukuai o na mea e ae i koe, e kuai makupono loa ia aku ana. 751 4m* 774
OWAU o ka mea nona ka inoa malalo iho nei, ua hoonohoia mai au e ka Mea Hanohano D McBride, Lunakanawai Kaapuui Apana Eha o ko Hawaii Pae Aina, i Lunahooponopono no ka waiwai o Kealai k. o Wainiha, Kauai i make, nolaila, o ka poe a pau i aie mai i ka mea i make, e pono no ia lakou ke hookaa koke mai ia'u, a o ka poe ana i aie aku ai, e hoike koke mai ia'u me na bila kupono, iloko o na malama eono mai keia la aku, o hoole loa ia auanei. E loaa no au ma Waimea, Kauai, a i ole ia, i ko'u hope paha, ia N P Kalehua S. P. KEWE.
Ka Lunahooponopono o Kealai. Augate 23, 1876. 770 4t* 773
E. STREHZ, (AILUENE,)
HAAWI A KUAI
LAAU LAPAAU.
AIA MA MONIKAHAAE, KIHI O NA HUINA o na Alanui Papu a me Hotele. Aia malaila na Wa Ala a me na Wai Rukini maikai loa e loaa ai.
E hamama mau ana i na ahiahi Poaono a pau.
741 1y 792
MA ka waiwai o Sylvester Sablan y Castro, o o Honolulu i make. Ke hoike ia aku nei ka lohe i na kanaka a pau, ina ua hoopaa ia ma ka Moraki, a aie e ae paha, he mau koina ko lakou i ka waiwai o Sylvester Sablan y Castro i make, e hoike koke mai me na hooiaio kupono i ka mea kona ka inoa malalo iho ma Alanui Kaahumanu Helu 3, Honolulu, iloko o na malama eono mai keia la aku, a i ole ia e hoike loa ia ; a o ka poe i aie iaia, e hookaa koke mai i na mea nona na inoa malalo iho. ANNA SABLAN y CASTRO. CECIL BROWN.
Na Lunahooponopono Waiwai o S Sablan y Castro i make
Honolulu, Aug. 16, 1876. 769 5ts 773
AKIU (PAKE),
— MEA —
HANA I NA KAMAA
Hila Aulii Maikai !
ALOHA OUKOU E NA KANAKA HAWAII a pau, a me na wahine maka onaona o Honolulu nei, na iwa-kiani o Paliuli. Owau o ko oukou hoa'loha, ka mea nona ka inoa malalo nei, he Kumeka Kamaa, e noho ana ma ke Alanui Nuuanu, ma ka Hale nona ka helu 63, malalo o ka Hale Pai Kii Hoolele-aka.
Na Kamaa Buti maikai loa i hanaia me ka Ili Farani maikai loa, no ka uku haahaa me ka oluolu. Na Kamaa wahine maikai loa o kela a me keia ano, no na Ili Farani maikai loa no ka uku oluolu.
No ka hana ana o na Hila i ke Kamaa me paa loa, a maikai kupono i ka makemake, me ka uku oluolu loa. A no ke poho ana i na kamaa nahenahe me ka maikai loa no ka uku oluolu loa.
Na Ili Noho Lio o kela a me keia ano - he nui wale na ili maikai loa. Eia hoi kekahi, o na kamaa a pau a'u e hana ai, a ina ua ike ia ua kapakahi, a nohae, a kahuli, a puka paha iloko o ka makahiki hookahi, e hoihoi mai, a na'u no e hana me ka uku ole. A o na kamaa i waihoia ma kuu lima a hala na makahiki ekolu, a kuai kudala aku no au no ka loihi loa. Nolaila, e hele nui mai oukou a pau ma kuu Hale Hana Kamaa, e ike maka i na hana a pau, i pau ke kuhihewa, a e hana no au e like me ko oukou makemake, ka aulii hulali o na kui-hao malalo o na hila, e uheuhene ana i ka papa o Maukele, e aloha ana i kona hoa, ka uwea ke kamaa ke hanaia.
E kuai aku no au i na ili kamaa buki kahiko ana maikai a me na noho lio nahenahe kahiko ano maikai.
762 6t* 765
OLELO HOOLAHA.
E ike auanei na kanaka a pau ke nana mai i keia, owau o ka mea nona ka inoa mau lalo nei ke hoike aku nei au ma ke akea, ua kapu loa na waiwai a pau o Kualii w. i make. O ka waiwai paa me lewa ua kapu loa, ua ili mai maluna o'u na mea a pau loa, nolaila, ina aia i kekahi me kahi i paa ai o kekahi waiwai, e hoike mai ia'u iloko o na la he kanakolu mai keia la aku, ia'u a i kuu hope kokua ma na mea a pau loa e pili ana i keia waiwai. E loaa no au ma ka pa hale o J. Kahai ma Alanui Maunakea. NALOPI. Honolulu, Oahu, Aug. 21, 1876. 769 4ts* 772.
E. T. O'Halloran LOIO !
EIA HE $20,000 E MAKEMAKE ANA E hoaie aku ma ka ukupanee haahaa loa mai ka $200 aku a pii ae ma ka moraki ana i na aina. Ua hoomakaukau e no oia i na palapala aelike, hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila Nui.
Hale Oihana, aie ma ka " Real Estate Exchange" helu 31, Alanui Papu, Honolulu, malaila oia e loaa ai i na kanaka a pau, ina he mau aina kuai a hoolimalima ko lakou, a e hoopaaia me ka uku ole 769 3m
Hale Kuai Lole Maikai !
— MA —
Waimea, Hawaii !
I NA KEIKI PAWA o ka ua Kipuupuu o Waimea, i na kupa hoi o ka home i poai ia e na mauna, owau o AWANA ;
Ua wehe ae nei au i kua Hale Kuai Lole Maikai, ma keia aina mauna, a e loaa no na Aulii kolomanu ano hoa loa Na kinohinohi e kau ai ka Iwa. E hao ai na polena o Haupu. E kapakahi Manuia Keokoi ka moku Eia ma keia Hale Kuai, e loaa ai na Makalena, Kalekoa, Alapia, Huluhulu, Kihei Uhi, Lilina umenaau, na hainaka silika liilii, papale wahine, lei a-i kae weluwelu, kaei silika nani, na kamaa wahine a kane, o kela a me keia ano, na waialawaianuhea e puia ai ka hainaka i ka paoa, na aila Lukini hamo lauoho, e puia ai ke kula i ke ala. Na lole kane o na ano a pau a me na luhiehu o ke kini a pau. E pau nui mai e ko Hamakua a me ko na Kohala, oiai o ke keu keia, aohe mea e ui ae ai e nele ana. Makepono loa ke kumukuai o ua waiwai i hoikeia maluna. I mea e pau ai kuhihewa, e naue mua mai e na makamaka, ma kuu hale kuai. E hiki ana na lole hou i na manawa a pau.
769 3m* G AWANA (Pake).
E KIPA MAI E KE ALOHA.
I NA MAKAMAKA A PAU O KA UA Kukalahale, ke waiho aku nei au iluna o oukou, he olelo poloai, e pili ana i na Lole Nu Hou e waiho nei ma ko'u Hale KUAI, ma ka aoao ma Ewa o ka Hale Borabora, ma ke Alanui Nuuanu. A penei na ano :
Na Kalakoa hou loa o kela a me keia ano. Alapia o kela a me keia ano. Kihei huluhulu papamu alokahi o na wai hooluu like ole he lehulehu. Kihei huluhulu pukapuka, me ka huhui mahope o na ano he nui wale. Kihei huluhulu nanahe a me na kihei huluhulu he huihui ke kae a puni, e hoohiolo na wainaoa i ke kehau. Papale wahine pinana o ka aoao, a luhe hoi kekahi ilalo o kela a me keia ano. Na hulu a me na pae papale he nui wale. Leta 4 Silika loloa o na Lede o na ano like ole. Mamalu Silika liilii a me ke nui. Kamaa wahine nihoniho o ka aoao. Iliwai huluhulu manoanoa o na ano he nui wale. Holoku Lilina keokeo, kakau a papamu he nui wale. Na Lole Kane. Kuka Kainahai manoanoa a lahilahi. Na Koheo huluhulu paina manoanoa a lahilahi, a me na koheo Lilina. Lole wawae huluhulu paikini hou a me na ano e ae he lehulehu. Na apa huluhulu paina a kakimea hoi. Na palule o kela a me keia ano. Na Papale o na ano a pau. Na Kamaa buki a me haahaa o na ano he nui wale. Na Pahulole koa a ili hoi. NA paiki ili. Na mea kamano, e lawa ai ka makemake o na kamana. Aole o keia mau mea wale no na mea hou, aka, e hiki hou mai ana no. A o ke kumukuai o keia mau mea i haiia ae la maluna, he haahaa loa no. A i mea e ike io ai, e hele mai no. Me ka mahalo. GOO KIMA.
Honolulu, Mar 15, 1876 746 6m 772
Mai keia la aku, aole au e hookaa ana i kekahi aie ma ko'u luna, ke ole e loaa ke kauoha mai a'u aku. Hilo, Iune 1 1876. (757 4m*) C. K. HAPAI.
E IKE auanei na kanaka a pau, ma ka la 22 o Augate, M H 1876, ua hoonoho, a ua hookohuia mai au e Mrs. KAMAKA'U, i Hope oiaio nona a no kona mau waiwai paa a waiwai lewa, e waiho nei ma ka Apana o Hamakua mokupuni o Hawaii. A no ka mea hoi, e like me ka mana i loaa mai ia'u mai a Kamaka'u w. mai, i olelo mua ia maluna, ke papa aku nei i na mea holoholona, mai hookuu wale i na holoholona maluna o na aina i lilo ia'u ka hoomalu ana, oia hoi na aina i kapaia KUILEI, NA A-U a me PAPAKE. A o ka poe mea holoholona e makemake ana e loaa ke kuleana a me ka pono hele holoholona ma ke ano hoolimalima, e pono ke ninau i ka mea nona ka inoa malalo, e loaa no oia ma kona hale noho ma Maunaaniani, Paauhau, Hamakua, a i ole ma ka Noelehua i Mana, malalo iho o na lalaki kuahiwi o Maunakea. E pono e hoolohe i kela, o pilikia auanei. Owau no me ka mahalo
WILLIAM LUMAHEIHEI. Mauaaniani. Paauhau, H.. H., Aug 23, 1876. 770 4t*
HALE KUAI LOLE HOU,
— MA —
KOHALA * HAWAII
LEI KOHALA, I KA NUKU NA KANAKA.
MAHEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu a e kau ai ka iwa, he la makani e hao ai na polena o Haupu, kapakahi manuia o Keoki ka moku, ma kahi o C. C. AKINA.
Aia pu no malaila na HAINAKA SILIKA liilii. LEI A-I kae weluwelu, a me na LIPINE SILIKA puapua weluwelu, e kuwelu ai i ka makani.
NA KALAKOA ANO HOU LOA i ike oleia mamua. Na KAEI SILIKA Nani. NA MAKALENA KALAKOA me ka PUAKEA, na ALAPIA HULUHULU o na ano a pau, na KIHEI UHI hou e kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ume laau o kela ano keia ano, na kamaa wahine o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono lua no hoi ke kuai i na mea i hoikeia ae nei maluna ke kuike. I mea e paa ai ke kuhihewa, e naue mai no e na makamaka ma kuu Halekuai. 763 6m* 788 G C AKINA.
HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MARCHANT !
Poakahi, Sept 11...........................................Kaapuni ia Hawaii ku hou mai ahiahi Poalima.
Poakahi, Sept 18...........................................Kaapuni ia Kauai
(E ku mua ana ma Nawiliwili, a e ku ana ma Honolulu i ke kakahiaka Poalima).
Poakahi, Sept 25...........................................Kaapuni ia Hawaii
Ma na huakai a pau a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a.m., a mahope iho paha ; Kawai a hiki i ka hora 10 a mahope iho paha ; Makena e like me ka mea i hoolaha wahaia ; Maalaea a hiki i ka hora 7 a.m., a mahope iho paha.
Uku Eemoku mai Honolulu aku,
A hiki i Kaunakakai, a pela maluna mai...........$ 5.00
" Lahaina, " " .................................................. 6.00
" Maalaea, " " ................................................. 7.00
" Makena, " " .................................................. 8.00
" Mahukona, " " ............................................ 10.00
" Kawaihae, " " ............................................. 10.00
" Kailua, " " ................................................... 10.00
" Kaawaloa, " " ............................................. 10.00
" Hilo, " " ...................................................... 12.50
" Kau, " " ...................................................... 15.50
Uku kaapuni ia Hawaii, .................................. 22.00
A hiki i na awa o Kauai .................................... 8.00
Uku kaapuni ia Kauai ..................................... 12.00
Uku ohua Hawaii oneki .................................... 2.00
Aole aie no na uku ohua.
Ma ka Hale Oihana e loaa'i na palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no ka paiki, ukana a puolo paha, ke ole e kakauia ka loaa ana mai.
E hookaaia ka uku ukana i ka wa e noiia aku ai.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui
Papu a me Moiwahine. 761 3m
OLELO HOOLAHA.
CECIL BROWN,
Loio a he Kokua ke Kanawai
A HE AGENA NO KA HOOIAIO ANA I NA Palapala no ka mokupuni o Oahu. Helu 8 Alanui Kaahumanu, Honolulu, H.P.A.
J. PORTER GREEN,
" KEIKI O KAUAUKIUKIU."
LOIO !
E HELE MAI NA MAKAMAKA A PAU IO'U nei, a na'u no e kokua ia oukou imua o ka Aha Hoomalu a me ka Aha Kiekie, me ka uku haahaa makepono loa. Aia kuu Keena ma kahi o ka Lunakanawai Hoomalu o Honolulu nei, oia ka " Aiko," ma Alanui Kalepa. 741 ly 792
C. H. DICKEY (Kalekika).
LOIO !
MA HAIKU, MAUI.
UA MAKAUKAU E HANA PALAPALA Kuai, Palapala Moraki a me na mea a pau e pili ana ma ka Oihana Loio. 743 1y 794
John W Kalua ;
Loio ! Loio !!
E loaa no ma Lahaina, Maui. 760 4m* 736
Richard P. Bickerton.
[PEKEKONA],
LOIO !
E KU LOIO no oia imua o na Aha Hookolokolo a pau ma keia mokupuni a ma na moku e ae, ma na hihia a pau. Ua makaukau oia i ka hana ana i na ano palapala a pau. E hoaie ia no na dala mai a iaia aku ma na moraki maikai a oiaio wale no me ka ukupanee. Keena Oihana ma Alanui Kalepa, Helu 23, ma ka hale maluna ae o Kauka Minuteole. 735 1y
Na Luhiehu o ke kino.
E hanohano ai na Lede. Na Keonimana. A me na Kamalei.
I Na makamaka o ka makani Apaapaa o Kohala loko, ua kuluma paha ia oukou ka Halekuai o Amau mamua, ua lilo ia maua, a na hoonuiia ae, a ua hanaia hoi a nani, i ku like ai me ka nani o na uluwehi o nei mea minamina he kino. Eia maanei na lole hou loa o kela a me keia ano, e ku ai na hoono'uno'u a me na hoohaha ana a na hapa palupalu.
Eia kahi mea hai aku, e hiki mau mai ana na lole hou o kela a me keia ano, i na ku ana mai a pau a na mokuahi i mea e ike ai, e naue mai, a e hoolauna aku ia Kimo a me Alone, ma ko maua Halekuai " Hale Wehiwehi."
GOO KIM & CO. Apuakehau, Kohala, H. Aug 2, 1876. 746 6m* 781
E IKE auanei, owau o KAMAKA'U (w), ka mea nona ka inoa malalo, ma ka la 22 o Augate M H 1876, ua kakau inoa au ma kekahi palapala, e hoonoho ana, a hookohu, a hoolilo ia William Lumaheihei, i hope oiaio no'u, a no ko'u mau waiwai paa a waiwai lewa a pau loa e waiho nei iloko o ka Apana o Hamakua, mokupuni o Hawaii. O na hana ana a me ka mana a pau ma kuu inoa, a me kuu waiwai, aia no ia i kuu Hope. Ke hoike nei au, e pono i na kanaka a pau ke hoolohe i kuu Hope, a e hilinai iaia a i kana mau hana. Owau no me ka mahalo. MRS. E. KAMAKA'U. Hamakua, Hawaii, Aug 23, 1876. 770 2t* 773
OIAI UA PAU ae nei ka hoolimalima ana o ka HON. W C PARKE, i kuu mau aina, oia o KUKUIO a me KALEHUA, e waiho la ma Manoa, a nolaila, ke haiia aku nei ka lohe, ua koho a ua hookohu aku au ia PETERO (pakaukau i-a) i Luna na'u, nana no e malama i na aina i olelo ia ae nei maluna. A ke papa loa ia aku nei, ua kapu ka hele wale ana o na Lio, Bipi, Hoki, Kekake a me na puaa maluna o kela mau aina. A o ka mea hookuli a kue i keia mau olelo, e hoopiiia no ma ke Kanawai. CHAS. KANAINA, Honolulu. Aug 31, 1876. 770 3t* 772
NA MEA ANO HOU !
Ua loaa mai nei, Eia ma ka Hale Kuai o Wini ! NA EA, NA OMAU AI. NA KULA PEPEIAO NA OMAU HAO BUKALO. NA MEA ANO HOU A EMI, Na Buke Pakeke Ili a me na Eke Dala Na Lei Pilali, Na Lei Eleele, a me na mea e ae he nui wale.
E HAAWI MAKANA IA ana i kela a me keia mea i kuai a hiki i ka ELUA DALA. E hele mai, e nana i kela mau mea maikai, a e loaa no e like me ka makamake. Emi loa aole e like me mamua ! Ela ma ka Hale Kuai o 756 2m WINI.
Papa ! Papa !
— NO —
ALLEN A ME ROBINSON.
Ua wehe ae nei maua i PA KUAI PAPA ! MA KA UWAPO O PAKAKA. Na Papa Ulaula o na ano a pau. Na Papa Paina o na ano a pau. Na Pili Hale Ulaula. Na Pili Hale Keokeo. Na Pepa Hoonani Hale. Na Pepa Molina. Na Pena a me na Aila Pena ! NA KUI O NA ANO A PAU ! Na Pani Puka a me Na Pani Puka Aniani. Na Pani Puka a me Na Olepelepe. Na lako kukulu Hale. O NA ANO A PAU E kuaiia ma ke Kumukuai Haahaa Loa ! o keia Makeke.
ALLEN & ROBINSON.
Honolulu, Aper 13, 1876. 750 ly