Ka Nupepa Kuokoa, Volume XV, Number 40, 30 September 1876 — Page 3
KA NUPEPA KUOKOA, ME KE AU OKOA I HUIIA.
Ua kaahele ana e makaikai i ka Hoikeike Nui.
[Kakauia e Rev. S E Bihopa ] Hoi laua, paina makou, a o ko maua hele noia me Hikikoke e nana i kekahi Kula Sabati kaulana oia no o ko Wanamakeo na na kanaka waiwai loa i hooulu a i kukulu i hale kupono, me he luakini la ke ano. Aia malalo ke kula, a maluna ma na aoao he 600 malihini e nana ana. He maikai a he naauao loa na hana a na kumu, a he oluolu na leo a na kamalii. He 1000 paha na haumana, nui ko lakou olioli, a me ko makou no hoi. Ia po, lohe au i kekahi haiolelo pookela a Dr Stowe, mai Nui Ioka mai, akahi no au a lohe i ka olelo akamai like, aole nae i pumehana ka naau, e like me Moody.
Poakahi ae, Iune 19, pau ka la okoa ma ka Centennial ma ka makaikai liilii ana i na mea ma ka " main Building," (hale nui) O ka nui o kuu holoholo ana, aia no ma ka apana Amerika, he hapakolu paha ia o ka hale. Ia manawa ike au i Rev. H W. Beecher, a me kekahi hoa kauwa ona, me ka laua mau wahine, e makaikai ana. Aia no na wahine ma na noho-kaa, me na kanaka e hooke ana mahope. He 500 puka noho-kaa oia ano ma ka hoike, he 60 keneta ka uku hoolimalima no ka hora hookahi Nui na wahine me ia mau noho-kaa, he poe elemakule hoi kekahi.
O kekahi mea nui, oia ka nani kupanaha o na hale pa a me na hale liilii i kukuluia ma ka papahele o ka hale nui, e ka poe mea waiwai hoike. Ua piha na maka i ka nana ana'ku ma na aoao a pau i ka hinuhinu o na laau nani, a me ke alohilohi o na aniani, a me ka uhi dala, a me ka uhi gula. A maloko iho, e waiho ana na haneri miliona dala ka waiwai o na mea makamae a pau, a ke akamai o kanaka i hana ai. He lole, he buke, na ili, na pu, na mea hao, na mea keleawe, na mea dala, a me ke gula. Aia na bila piano nani. Aia na keena hooponoponoia me na lako keena moe kupono no na hale alii.
Ma kuu nana ana, o ka mea nani loa ma ia hale okoa, oia na mea dala i kalaiia e Tiffany ma, a me kekahi poe Amerika e ae. He akamai kupanaha ke kalaiia ana o kekahi mau huina kii ma ka alohilohi o ke dala. He Ilikini kekahi ma kona lio e pana pua ana i ka bufalo. He Ilikini kekahi e hoe ana i ka waa ma ka wai laelae o ka loko. He moku nani kekahi ma ke kai me konu mau pea, a me na ohua. He poe o ka wa kahiko kekahi e kaua pu ana. Lehulehu wale na ano nani loa o na kiaha, pika, pa, &c, &c, ma ke dala.
He mau lei daimana kekahi i hoikeia ma ia mau hale nani. He ($80,000) kanawalu tausani dala ke kumukuai o kekahi lei e waiho ana, he 30 paha ka nui o na hua daimana. Aia no kekahi mau daimana, rubi, amethyst, i kukuluia maluna o na uwea haalulu, e kapalili mau ana na kukuna ooi o ko lakou nani.
He lehulehu wale na ano o na pa-lepo i hoikeia ma na apana o kela aina keia aina. He mau ipu-lepo nani loa ko Amerika, ko Farani, ko Auseturia, ko Enelani ko Denamaka. Ko Enelani paha ka pookela. He mau haneri dala ke kumukuai pakahi o kekahi mau ipu-lepo i hoonaniia i na kii. O na mea aniani kekahi mea nani loa Aia no kekahi rumi nui e lewalewa ana na kukui lewa aniani o na ano a pau me ke kapalili kupanaha ana o na kukuna i hooleleia. He mau aniani kilohi kekahi. Ua kukuluia elua aniani no Farani mai he 4 anana ka loa, 2 anana ka laula o ka mea hookahi.
He hoike maikai ko Rusia. Malaila na papa o ka pohaku makamae onionio i kapa ia he malachite, he mau tausani dala ke kumukuai pakahi. O ka hapa nui o na mea ma ka hoike, e kuaiia'na no i ka poe makemake. Aole nae e hiki ke laweia'ku, aia a hala ka la 10 o Novemaba, oia ka la e hookuu aku ai a pau ka hoikeike nui.
He mau mea ano e i hoikeia e kekahi mau aina mamao. O Orange Free State, he aina ma Aferika Hema, ua hoouna mai i na ili huluhulu ano e, a me na ili i hooluu ia, a me na hulu nui o ka manu ostrich. Na Argentine kekahi mau pahu ili ikaika, o ka ili bipi i hooluu oleia. Na Tunisa i hooili mai i kekahi apana nui o ka papahele pohaku i hanaia ma ke kii o ka liona, he anana ka loa. No ke kahua hale kahiko keia o Karetage, i hanaia mamua loa o ka wa o Kristo.
Aka, me he la, he makehewa ia'u ke hoao e hai liilii i kekahi mau mea ano e, no ka mea ua paapu wale aole hiki ke hoomanaoia. Ua piha loa kela mau 30 eka o ka hale, a hu ae iwaho iloko o kekahi laau hale kokua. E hai no nae au no ka nani o ko Iapana mau mea keleawe bronze, ma na kii holoholona, manu, home, kanaka, &c. O ko Kina mau hikiee moe kekahi, a me na lako hale e ae, i kalai kupanahaia. He $3,000 ko ka moe hookahi.
He kia nui ko Suedena o kona mau apana hao. Ua hoopuni pinepineia mawaho e kekahi ribini hao i kapaia (Tumao) he 6000 kapuai kona loa. Nui na pauku hao o kela ano keia ano ma na hoike o kela keia aina. I ka Poalua, Iune 20, ua komo aku au i ka pa hoike mamua o ka hora 9. Kau mua au ma kekahi puali kaa, e kaapuni pinepine ana mawaena o na hale a pau maloko 300 paha kanaka maluna oia puali kaa. Aole nae au i holo puni lua. A hiki aku
ma ka aoao hikina akau o ka pa nui, mawaho o ka hale mahiai, ua lele aku e makaikai iki, no ka ike ole ana mamua. A i ke komo ana iloko, ua paa loa au no ka lehulehu wale o ua milimili, a hiki ole ke haalele, a paa na apana oia hale i ka makaikaiia. Ua maheleia no kela keia aina, kela keia mokuaina o Amerika no hoi. Ua hoikeia na opua kurina nunui o Kanasa a me Iowa, ka huita, ka palaoa, ka raiki, ka baka ma na ano he lehulehu.
(Aole i pau.)
Ke kaliia nei i kela la keia la, o ke ku mai o ka manuwa Beritania Fantome mai Vanekouwa mai. E holo mai ana oia e pani ma kahi o ka manuwa e ku nei.
Ua lohe mai makou, ua lilo aenei i ka Banako ke kahua a me ka hale pohaku o Kauka Hopemana. E kukuluia ana he hale hou maluna iho, a e hooliloia no i Banako malama dala no Bihopa ma.
Mahope iho o ka pau ana o ka Ahaolelo e loaa mau no ke Keiki Alii Leleiohoku ma Kaakopua i na la a pau.
Ua ku mai nei ke kiapa Syren mai Bosetona loa mai, me na waiwai kalepa no ko kakou nei kulanakauhale.
Ua hooholo iho nei ka Ahaolelo i $20,000 no ke kokua ana i ka Laina Hooholo Mokuahi e holo nei mawaena o Kaleponi a me na Panalaau.
Iloko o keia mau hebedoma pokole, ua kukulu ia he elua mau hale pohaku unihapa ma Honolulu nei. Hookahi he hale kuai lole a he hookahi he hale kauka.
AHA Hookolokolo Kiekie o ko Hawaii Pae Aina. Ma ka Hooponopono Waiwai. Ma ka waiwai o KEA (k), o Manoa, Oahu, i make kauoha ole. Imua o ka Lunakanawai Chas. C Harris, olelo kauoha, e hoolaha aku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapala noi a Pakeokeo k, o Laupahoehoe mokupuni o Hawaii, e hoike mai ana, o Kea k, no Manoa, Oahu, ua make kauoha ole ma Manoa, Oahu, ma ka M H 1853, a e noi ana, e haawi ia ka Palapala Hookohu Lunahooponopono Waiwai ia Pakeokeo.
Ua kauoha ia, o ka Poakahi, ka la 16 o Okatoba, M. H. 1876, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o kela olelo kauoha, e hoolahaia ma ka olelo Hawaii, i ekolu pule ma ke Kuokoa nupepa ma Honolulu.
Kakauia ma Honolulu ko Hawaii P A Sept 29, 1876. CHAS. C. HARRIS.
Ikeia e : Lunakanawai o ka Aha Kiekie. Jno. E Barnard, Hope Kakauolelo. 774 3ts 776
AHA Hookolokolo Kiekie o ko Hawaii Pae Aina, Ma ka hooponopono waiwai, ma ka hana o ka waiwai o J S KAUHIAUKAI (k), o Honolulu i make kauoha ole. Ma ke keena, imua o ka Hon. A. F Judd Kauoha e hoolaha i ke noi, e apono i na papa hoike, hookuu ana a e mahele i ka waiwai.
Ma ka heluhelu a me ka waiho ana mai o ka palapala noi a me ka papa hoike a Kahanu a me Kekuni na Luna Hooko o ka waiwai o J S Kauhiaukai, no Honolulu i make, e noi ana, e aponoia na hoolilo he $1,746.50, a e hoike ana, o na mea i loaa mai iaia, he $1746.50, a e noi ana, e nana a apono ia keia mau mea, a e hookuu ana iaia a me kona mau hope, mai ko lakou noho ana ma ia ano.
Ua kauohaia, o ka Poalua ka la 7 o Nov. M H 1876, ma ka hora umi o kakahiaka, imua o ua Lunakanawai la, ma ke Keena, ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua noi la a me na papa hoike i oleloia, a o ka poe a pau i pili malaila, e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e paiia maloko o ke Kuokoa, he nupepa i pai ia a hoolaha ia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Honolulu, ko Hawaii P A Sept 26, 1876. A. FRANCIS JUDD,
Ikea : Lunakanawai o ka Aha Kiekie Jno. E Barnard Hope Kakauolelo. 774 3ts 776
HE MANA hooko kai haawiia ia LOU TUCK, me ka hookohu ana iaia i Hope no ka mea nona ka inoa malalo, i kona wa e haalele ai i keia aupuni. APAA. Honolulu, Sept 28, 1876. 774 3ts 776
E KUAI MAKEPONO AKU ANA
au me ka mea e makemake mai ana i kuu Kaa Holo Lealea, no ke ku-
mukuai oluolu E ninau ma ka Hale Pai Kuokoa, a i ole ma ka pa o Kamika ma Kaumakapili. 774 1ts BISHOP R KALAMA.
Olelo Hoolaha.
O KA hoolaha no ke kuai ana i na Bipi o E. H. Boyd i make i hoolahaia no ke kudala ma ka Poalima Sepatemaba 29, ua hoopaneeia a hiki i ka wa e hoolaha hou ia aku ai. GODFREY RHODES. 774 lt No na Luna Hooko Kauoha.
Hoolaha a ka Luna Hooko Kauoha.
O NA kanaka a pau he mau koina ko lakou i ka waiwai o John Howe o Hana, Maui. i make, ke kauoha ia aku nei lakou e hoike koke mai me na hooiaio kupono ia'u ma ka hale oihana o Mr K V. O'Halloran, Loio, ma Alanui Papu, Honolulu. Iloko o na malama eono mai keia la uku, a i oleia, e hoole loaia ; a o ka poe i aie mai iaia e hookaa koke mai ma kela hale oihana. Hanaia Sept 20, 1876. A. UNNA
774 4ts 777 Luna Hooko Kauoha o Joseph Howe.
NO KA mea, ma ka la 12 o Sepatemaba MH 1876, imua o ka Mea Hanohano A. F. Judd, kekahi Lunakanawai o ka Aha Kiekie o ko Hawaii Pae Aina ua hoonohoia ka mea nona ka inoa malalo, i Lunahooponopono ma ka waiwai a pau o Kahauawale (w) o Waialua, Oahu, i make kauoha ole. Nolaila , ke hoikeia'ku nei i na kanaka a pau i aie i ka mea i make e hoike mai, a me ka poe hoi a ka mea make i aie aku ai e hoike mai i ko lakou mau bila imua o'u, ma ko'u keena oihana ma ka Hale Makeke Aupuni, ma Ulakoheo, Honolulu, maloko o eono malama mai keia la aku, a hooleia ka lakou mau kumu koi. A ke hoike hou ia'ku nei, o ka poe a pau e paa ana i kekahi aina, a kuleana paha o Kahauawale (w), i make, ma ke ano hoolimalima, a i kekahi dala paha, o ka mea make, e hoike koke mai ia'u e hoopiiia. WILLIAM P. WOOD. Honolulu, Sept 26, 1876. 774 4ts* 777
$5.00 Makana
E haawiia i ka mea a mau mea paha nana e hoihoi mai i kuu lio kane eleele i nalowale mai Kalihi aku, Honolulu, ka makana nui maluna ae. He wahi kiko keokeo iki ma kona lae. Hao kuni ma kekahi uha hope penei HA. E loaa no au ma ka Hale Koa o ke Aupuni Honolulu U. P. KAUHAEAHU. Honolulu, Sept 29, 1876. 774 2ts* 775.
EIA iloko o ka Pa Aupuni o Koholaloa, apana o Honolulu 3 lio, 10 piula e kudalaia ana ke hiki aku i ka la 7 Okatoba hora 12 awakea o ka Poaono, Lio k. puakea wiw ak M me na kiwi ma na aoao, Lio k. hulupala wiwi kuapuka, ak hao kuea. Lio k ulaula lae kea nui a hiki i ka ihu, 3 w. keokeo, 2 kamaa hao o mua ak, 3 Lio k eleele 4 w. keokeo, kuapuka, ak VK. Piula k laho, ak I-A hem hao like me ka lupe. Piula k eleele hem A laho no, Piula k eleele, ak -KL hem NL, Piula k eleele aole hao, Piula w me keiki, ak like ma ka U, Piula w, K HJ. A. B KAAUKUU. Sept 27 1876 774 1t* Luna Pa Aupuni.
E IKE auanei na kanaka a pau, ke papa a hookapu loa ia aku nei ka hele ana o na holoholona o kela ano keia ano maluna o kuu mau Apana Aina, e waiho la ma Kula, Maui, oia na apana aina maluna o Naalae a me Waiakoa, i Kula. Ua hookapu loa ia no hoi ka hele ana o na kanaka e oki i na laau maluna o ua mau aina la me ke kuleana ole. Ua hoonoho aku au ia M C Ross i Luna nana e malama i ua mau aina la, a iaia ka mana hopu i na holoholona aea wale maluna o ka aina, a nana no e hooko i na mea a pau ma o'u la, e like me ke kanawai. A o ka poe a pau e kue ana i keia olelo hoolaha, maluna ia o lakou.
GEORGE K KAAUWAI. Wailuku, Sept 9, 1876. 772 4t* 775
UA hookohuia mai ka mea nona ka inoa malalo nei, e ka Mea hanohano Abr. Fornander, Lunakanawai Kaapuni Apana Elua o ko Hawaii Pae Aina, i Lunahooponopono no ka waiwai o P Kalawaia, o Lahaina, Maui i make. Nolaila, o ka poe a pau i aie i ka mea i make, e hookaa koke mai, a me ka poe ana i aie aku ai, e hoike koke mai me na bila kupono i hooiaioia, iloko o na malama eono mai kela la aku, o hooleia. A ina he mau waiwai kekahi ma ka lima o kekahi mea, e hoihoi koke mai.
M MAKALUA,
Lunahooponopono Waiwai o P Kalawaia. Lahaina, Sept 4, 1876. 773 4ts 775
OWAU o ka mea nona ka inoa malalo iho, ke hoike aku nei au ma keia hoolaha, oiai ua haalele mai ia'u ka'u wahine mare, o Kaulaokeahi Kaipo Brown, i ka ai a me kahi moe, me ke kumu kupono ole ; aole loa au e hookaa ana i kana mau aie, i aie ai ma ko'u inoa.
WILLIAM BROWN. Koloa, Kauai, Aug 24, 1876. 771 6m 794
HOOLAHA HOOKOLOKOLO.
AHA Kiekie o ko Hawaii Pae Aina, ma ka hooponopono waiwai, mokupuni o Oahu, Hawaii Pae Aina, SS. Ma ka waiwai o KEOWAHI (k) no Honolulu i make. Olelo kauoha e koho ana i la e hooiaio ai ka palapala kauoha, a no ka hoolaha ana.
No ka mea, ma ka la 8 o Sepatemaba M H 1876, ua waihoia mai imua o ka Aha kekahi palapala i oleloia, oia no ke kauoha hope o KEOWAHI (k) i make aka la, a me ka palapala hoopii e noi ana, e hooiaioia kela palapala kauoha, a e hoopuka hoi ka palapala Lunahooko no Kaula. Ua waihoia mai e Kaula.
Nolaila, ua kauohaia, o ka Poalua, oia ka la 3 o Okatoba M. H. 1876, ma ka hora 10, ma ka Rumi Hookolokolo o kela Aha ma Aliiolani Hale, ma Honolulu, oia ka la me ka hora e hooiaioia ai ia palapala kauoha, a e hoolohe hoi no ia noi ana mai, a me ka poe a pau i pili, e kue ana ia palapala kauoha, a me ka hoopuka ana i ka palapala Lunahooko. A ua kauoha hou ia, e hoolaha no ia mea no na pule ekolu, iloko o ke Kuokoa, he nupepa i paiia a hoolahaia ma Honolulu. A ua kauoha houia, e hoopukaia na palapala kana no na hoike, no ia palapala kauoha, a me na hooilina o ka mea make, e hele mai e kue i ka wa i oleloia.
Kakauia ma Honolulu ko Hawaii P A la 8 o Sept 1876. A FRANCIS JUDD,
Ikea : Lunakanawai o ka Aha Kiekie. Jno. E Barnard, Hope Kakauolelo. 772 3t 774
MA ke Keena o ka Lunakanawai Kaapuni Apana Ekolu ko Hawaii Pae Aina. Ma ka waiwai o KANEAPUA, no Hamakua, Hawaii i make.
Ua heluheluia a iia waihoia ka palapala noi a Kalualele (w) no Hilo, Hawaii, e noi ana, e hoonohoia o Makaleta w, me D B Mahoe, i mau Lunahooponopono no ka waiwai o Kaneapua, o Hamakua, Hawaii, H P A i make. Nolalia, ke kauohaia aku nei na kanaka a pau ke pili, o ka Poaono, oia ka la 21 o Okatoba M H 1876, ma ka hora 10 o kakahiaka, ma ka Hale Hookolokolo ma Hilo, oia ka la a me kahi i kohoia no ka Hoolohe ana i ua nonoi la a me na mea kue ke hoikeia. F S LYMAN, Lunakanawai Kaapuni Apana Ekolu.
Hilo, Sept 1, 1876. 773 3ts 774
MA ke Keena o ka Lunakanawai Kaapuni Apana Ekolu, ko Hawaii Pae Aina. Ma ka waiwai o ROBERT me MARY ROBINSON, o Hamakua, Hawaii i make. Ua heluheluia a ua waihoia ka palapala noi a Kalualele w, o Hilo e noi ana, e hoonohoia o Makaleta w. me D B Mahoe, i mau Lunahooponopono no ka waiwai o Robert me Mary Robinson, no Hamakua, Hawaii H P A i make. Nolaila, ke kauohaia aku nei na kanaka a pau ke pili o ka Poaono, oia ka la 21 o Okatoba M H 1876, ma ka hora umi o kakahiaka, ma ka Hale Hookolokolo ma Hilo, oia ka la a me kahi i kohoia no ka hoolohe ana i ua nonoi la a me na mea kue ke hoikeia. F S LYMAN,
Lunakanawai Kaapuni Apana Ekolu. Hilo, Sept 1, 1876. 772 3ts 774
Na Buke Himeni Hou ma ka Halekuai Buke o Wini.
Songs of Salvation The River of Life
Sun Shine Cheerful Voices
Pure Gold Sparkling Rubies
Golden Robin Bright Jewels
Nine o'clock in the Morning New Gold n Censer
The Morning Star Sabbath Carols The Bank of the Rhine Royal Diadem
Hallowed Songs Song Monarch
Gospel Song Golden Wreath
Happy Voices New Songs
Temple Choir Charm
Merry Voices Song of Life.
Bradbury Trio Ne Plus Atra
Song King Song Queen
Mocking Bird Sacred Song
Hour of Singing Sabbath School Bell
Shining River Pearl
Choice. H. M. WINI.
UA LILO aenei ia MR DONNELL ka Hale Hana Wili Hinuhinu mua o C E Williams ma Alanui Hotele, a me na pono kaa kupapau a ua makaukau oia no na hana a pau i pili i ka hana wai hinuhinu a me ka hana pahu kupapau.
763 3ms 774.
AKIU (PAKE),
— MEA —
HANA I NA KAMAA
Hila Aulii Maikai !
ALOHA OUKOU E NA KANAKA HAWAII a pau, a me na wahine maka onaona o Honolulu nei,
na iwa-kiani o Paliuli. Owau o ko oukou hoa'loha, ka mea nona ka inoa malalo nei, he Kumeka Kamaa, e noho ana ma ke Alanui Nuuanu, ma ka Hale nona ka helu 63, malalo o ka Hale Pai Kii Hoolele-aka.
Na Kamaa Buti maikai loa i hanaia me ka Ili Farani maikai loa, no ka uku haahaa me ka oluolu.
Na Kamaa wahine maikai loa o kela a me keia ano, no
na Ili Farani maikai loa no ka uku oluolu.
No ka hana ana o na Hila i ke Kamaa me paa loa, a
maikai kupono i ka makemake, me ka uku oluolu loa. A no ke poho ana i na kamaa nahenahe me ka maikai loa no
ka uku oluolu loa.
Na Ili Noho Lio o kela a me keia ano - he nui wale na ili maikai loa. Eia hoi kekahi, o na kamaa a pau a'u e hana ai, a ina ua ike ia ua kapakahi, a nohae, a kahuli, a puka paha iloko o ka makahiki hookahi, e hoihoi mai, a na'u no e hana me ka uku ole. A o na kamaa i waihoia ma kuu lima a hala na makahiki ekolu, a kuai kudala aku no au no ka loihi loa. Nolaila, e hele nui mai oukou a pau ma
kuu Hale Hana Kamaa, e ike maka i na hana a pau, i pau ke kuhihewa, a e hana no au e like me ko oukou makemake, ka aulii hulali o na kui-hao malalo o na hila, e uheuhene ana i ka papa o Maukele, e aloha ana i kona hoa, ka uwea ke kamaa ke hanaia.
E kuai aku no au i na ili kamaa buki kahiko ana maikai
a me na noho lio nahenahe kahiko ano maikai.
762 4t* 785
KE MAKEMAKE maua e hoolimalima aku i ka Loko o " Eo," me ka hale " Halaulani," a me kona pa ponoi, me na Loi he Umi, i hoolimalima ole ia mamua, me ka pono o hookahi upena, me ke kai lawaia, mai keia manawa aku, a hiki i ka la mua o Novemaba, M H 1881.
E palapala mai ka mea makemake, maloko o na la he kanakolu mai keia la aku, me ka hai mai i ka nui o kona haawi dala hoolimalima la. A. F. JUDD, a ia
S. B. DOLE, Na kahu o Airine Ii.
Sepatemaba 22, 1876. 773 tf
KE Hoole aku nei au a mau loa, ka mea nona ka inoa malalo, i kela kuai ana i kuu Apana Aina Kuleana ma Honokua, Kona Hema, Hawaii, me Kaawakapu o Kau, no ka mea, aole oia i hookaa mai i na $150.00, iloko o kuu lima. Owau no o Z PUULOA. Honokua, Kona Hema, Sept 4, 1876 773 4ts* 776
E IKE auanei na kanaka a pau, owau o ka mea nona ka inoa malalo iho nei, no ka mea, ua hoonohoia mai au e ka Mea Hanohano Abr. Fornander, Lunakanawai Kaapuni Apana Elua ko Hawaii Pae Aina, i Lunahooponopono no ka waiwai o KAWI w. i make, no Waihee, Maui. Nolaila, ke kauohaia aku nei na mea a pau i aie mai i make, e hookaa koke mai lakou ia'u, a o ka poe a ka mea make i aie aku ai, e hoike mai ia'u me na bila kupono, o hoole loa ia. E loaa no au ma Waihee, Maui.
J H HEZEKIA, 772 4t* 776. Lunahooponopono Waiwai.
KE Haiia aku nei ka lohe i na mea a pau, ke nana mai i keia olelo hoolaha, o ka mea nona ka inoa malalo nei, ke papa aku nei au i na mea a pau i kuleana ole i kuu Hale-laau, e ku nei ma kuu pa hale, mauka iho o ka Halekula Aupuni o Kaumakapili, ma Alanui Kamika, oiai no'u ponoi no ka lepo a me ka hale laau, (koe nae ko Kapena Ahuihala). O ka mea a mau mea e olelo ana he kuleana ko lakou iloko o ka hale, ke hoole mau loa la aku nei. Owau iho no, o S KUULA. Alanui Hotele, Sept 12, 1876. 773 3t* 773
KE HOIKEIA aku nei ka lohe i na mea
a pau e noho la ma Waipio, Hamakua, ao-
le e hookuu wale i ka lakou mau holoholona, Bipi, Lio, Hoki, Kekake, Puaa, &c., maluna o ka aina o Kulu k, a me Wahineomao w, e waiho la ma Waipio, Hamakua, i lilo mai ia'u. Ina e loaa ia'u, a i ole ia, i ko'u hope paha kekahi o kela mau holoholona i haiia ae la, alaila, e hooukuia ka mea nana ia holoholona a mau holoholona paha i $1.00 no ke poo. A ke hookohu aku nei au ia Mr. Kaaemoku, i Luna nana e nana, a e hopu i na holoholona e hele ana maluna o ua aina la. E lilo keia i kanawai mai kona la e puka ai ma ka nupepa Kuokoa. E makaala, o pilikia auanei. R. MII. Waimea, Sept 13, 1876. 773 4t* 775
E IKE auanei na nanaka a pau, owau o ka mea nona ka inoa malalo nei, ke papa aku nei au i na
mea lio, bipi, hoki, kekake, hipa, kao, puaa, moa, palahu, aole e hele wale maluna o kuu aina kuleana ma Kalauao, Ewa, Oahu. Ina kue kekahi i keia olelo papa, he mana piha ko Tito e hopu aku i na holoholona i oleloia ae la maluna, a e hoouku i $1.00 pakahi no kela a me keia poo. Ina aole e hookoia na koina a kuu Luna, e hoopaa ia aku no ma ka pa aupuni, e like me ke Kanawai. E lilo keia i kahawai mai keia la aku. S N NUEKU.
K Tito kuu hope. Iwilei, Sept 21, 1876. 773 4,* 776
E IKE auanei na mea a pau loa, mai no a ae oukou i ka'u wahine mare o Kanakaole Apana (w) e aie ma ko oukou mau halekuai no ka mea ua haalele kumu ole ia'u, aole pono e kuai kekahi ma ia i na waiwai o maua o hoopii au ia lakou. APANA (Pake.) Kamoiliili, Sepatemaba 22, 1876. 773 2ts 774
O KA poe a pau he mau kokua ko lakou i ka waiwai O JAMES ROBINSON, o Honolulu i make, ina paha ua hoopaaia ma ka moraki a me kekahi ano e ae, ke kauohaia aku nei kakou e hoike koke mai me na hooiaio kupono, i ka poe Luna Hooko Kauoha, ma ke Keena o Allen a me Robinson, ma Alanui Moiwahine, iloko o na malama eono mai ka puka mua ana aku, a i ole, e hoole loa ia. Kakauia i keia la 12 o Sepatemaba 1876.
CURTIS P WARD. SAMUEL C ALLEN. 772 4ts 773 MARK P ROBINSON.
A E IKE auanei na kanaka a pau ke nana mai lakau i keia olelo hoolaha, owau o Kanekapolei, ka wahine mare a Kahue k, no Waipio, Hamakua, Hawaii. A no ka mea, ua loihi loa ko maua kaa-
wale ana, aneane iwakalua a oi makahiki, aohe pili aina, (wahine) iki mai. Nolaila, ke kahea leo nui aku au ia oe ma ka Nupepa Kuokoa, e hoi mai kaua e pili, he kane a he wahine ; ina eia no oe ke noho mai nei ma na mahiko, ma na awawa, na aekai, na kula panoa, na aina wai ; a i ole ia, aia paha i ke kai o Alika, me na keiki ehuehu o ka moana, e hoi mai oe iloko o ko'u poli. A ina i hoi ole mai oe me a'u, a hala ka manawa kupono, alaila, e hoopii no au e weheia ko kaua berita mare. E maliu i ka uwalo — a.
Mrs. KANEKAPOLEI KAHUE. Waimea, Hawaii, Aug 29, 1876. 772 3ts 774
OLELO HOOLAHA.
Mai keia la aku, aole au e hookaa ana i kekahi aie ma ko'u inoa, ke ole e loaa ke kauoha mai a'u aku. Hilo, Iune 1 1876. (737 6m*) C. K. HAPAI.
EMI LOA * NA KII !
MA KA HALE PAI KII O AHI, MA KA
Helu 63 Alanui Nuuanu, Honolulu. O ka uku o ke
kakini Kii Pepa mamua, he $2.50, a i keia manawa, emi
loa, he $2.00. O ka uku o ke kii aniani, he $2.50 mamua,
ua hoemi loa ia a i ke $1.50 wale no ! Emi maoli ! Make-
pono loa ! Aole like pu mamua ! E hele wikiwiki mai e
pai i na kii.
HALE KAMANA !
AIA no maloko o keia Hale maluna ae, e
hanaia ai na Pahukupapau, na Moe, Noho,
Pakaukau, Mamalu, a ia mea aku ia mea aku. O ka Pahu
kupapau paina mamua, he $3.00, a i keia manawa, he $2.00
wale no. O na kumukuai o na mea e ae i koe, e kuai ma-
kupono loa ia aku ana. 751 4m* 774
E. T. O'Halloran LOIO !
EIA HE $20,000 E MAKEMAKE ANA E hoaie aku ma ka ukupanee haahaa loa mai ka $200 aku a pii ae ma ka moraki ana i na aina. Ua hoomakaukau e no oia i na palapala aelike, hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila Nui.
Hale Oihana, aie ma ka " Real Estate Ex-
change" helu 31, Alanui Papu, Honolulu, malaila oia e loaa ai i na kanaka a pau, ina he mau aina kuai a hoolimalima ko lakou, a e hoopaaia me ka uku ole 769 3m
Hale Kuai Lole Maikai !
— MA —
Waimea, Hawaii !
I NA KEIKI PAWA o ka ua Kipuupuu o Waimea, i na kupa hoi o ka home i poai ia e na mauna, owau o
AWANA ;
Ua wehe ae nei au i kua Hale Kuai Lole Maikai,
ma keia aina mauna, a e loaa no na
Aulii kolomanu ano hoa loa Na kinohinohi e kau ai ka Iwa. E hao ai na polena o Haupu. E kapakahi Manuia Keokoi ka moku
Eia ma keia Hale Kuai, e loaa ai na Makalena, Kalekoa, Alapia, Huluhulu, Kihei Uhi, Lilina umenaau, na hainaka silika liilii, papale wahine, lei a-i kae weluwelu, kaei silika nani, na kamaa wahine a kane, o kela a me keia ano, na waialawaianuhea e puia ai ka hainaka i ka paoa, na aila Lukini hamo lauoho, e puia ai ke kula i ke ala. Na lole kane o na ano a pau a me na luhiehu o ke kini a pau. E pau nui mai e ko Hamakua a me
ko na Kohala, oiai o ke keu keia, aohe mea e ui ae ai e nele ana. Makepono loa ke kumukuai o ua waiwai i hoikeia maluna. I mea e pau ai kuhihewa, e naue mua mai e na makamaka, ma kuu hale kuai. E hiki ana na
lole hou i na manawa a pau.
769 3m* G AWANA (Pake).
E IKE auanei na kanaka a pau, ma ka la 22 o Augate, M H 1876, ua hoonoho, a ua hookohuia mai au e Mrs. KAMAKA'U, i Hope oiaio nona a no kona mau waiwai paa a waiwai lewa, e waiho nei ma ka Apana o Hamakua mokupuni o Hawaii. A no ka mea hoi, e like me ka mana i loaa mai ia'u mai a Kamaka'u w. mai, i olelo mua ia maluna, ke papa aku nei i na mea holoholona, mai hookuu wale i na holoholona maluna o na aina i lilo ia'u ka hoomalu ana, oia hoi na aina i kapaia KUILEI, NA A-U a me PAPAKE. A o ka poe mea holoholona e makemake ana e loaa ke kuleana a me ka pono hele holoholona ma ke ano hoolimalima, e pono ke ninau i ka mea nona ka inoa malalo, e loaa no oia ma kona hale noho ma Maunaaniani, Paauhau, Hamakua, a i ole ma ka Noelehua i Mana, malalo iho o na lalaki kuahiwi o Maunakea. E pono e hoolohe i kela, o pilikia auanei. Owau no me ka mahalo
WILLIAM LUMAHEIHEI. Mauaaniani. Paauhau, H.. H., Aug 23, 1876. 770 4t*
HALE KUAI LOLE HOU,
— MA —
KOHALA * HAWAII LEI KOHALA, I KA NUKU NA KANAKA.
MAHEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu a e kau ai ka iwa, he la makani e hao ai na polena o Haupu, kapakahi manuia o Keoki ka moku, ma kahi o
C. C. AKINA.
Aia pu no malaila na HAINAKA SILIKA liilii. LEI A-I kae weluwelu, a me na LIPINE SILIKA puapua weluwe-
lu, e kuwelu ai i ka makani.
NA KALAKOA ANO HOU LOA i ike oleia mamua. Na
KAEI SILIKA Nani. NA MAKALENA KALAKOA me ka PUAKEA, na ALA-
PIA HULUHULU o na ano a pau, na KIHEI UHI hou e
kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ume laau o kela ano keia ano, na kamaa wahine
o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono lua no hoi ke kuai i na mea i hoikeia ae nei maluna ke kuike. I mea e paa ai ke kuhihewa, e naue mai no e na makamaka ma kuu Halekuai. 763 6m* 788 G C AKINA.
HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MARCHANT !
Poakahi, Sept 25, hora 5 pm........................No Hilo,
ku hou mai i kakahiaka Poalima.
Aole kaapuni hou, aia a hai hou ia'ku
Ma na huakai a pau a Kilauea e hoi mai ai mai Ha-
waii mai, aole e haalele ana ia Kaalualu a hiki i ka hora
9 a.m., a mahope iho paha ; Kawai a hiki i ka hora 10
a mahope iho paha ; Makena e like me ka mea i hoolaha
wahaia ; Maalaea a hiki i ka hora 7 a.m., a mahope iho
paha.
Uku Eemoku mai Honolulu aku,
Poakahi, Oct. 2, hora 5 pm.........Kaapuni ia Hawaii
Poakahi, Oct. 9, hora 5 pm.........No Hilo
Poakahi, Oct. 16, hora 5 pm........No Kona
Poakahi, Oct. 23, hora 5 pm........No Hilo
Poaha, Nov. 2, hora 4 pm........No Nawiliwili
a ku hou ma Honolulu i ke kakahiaka Poaono
Poakahi, Nov. 6, hora 5 pm........No Hilo
Poakahi, Nov. 13, hora 5 pm........No Kona
Poakahi, Nov. 20, hora 5 pm........No Hilo
Poakahi, Nov. 27, hora 5 pm........No Kona
Poakahi, Dec. 4, hora 4 pm.........Kaapuni ia Kauai
a ku hou ma Honolulu i ke kakahiaka Poalima
Poakahi, Dec. 11, hora 5 pm........No Hilo
Poakahi, Dec. 19, hora 5 pm........No Kona
Poakahi, Dec. 26, hora 5 pm........No Hilo
Ma na holo ana a pau a Kilauea i Kona, e hiki loa
ana oia i Honomalino, ma Kapalilua.
A hiki i Kaunakakai, a pela maluna mai...........$ 5.00
" Lahaina, " " .................................................. 6.00
" Maalaea, " " ................................................. 7.00
" Makena, " " .................................................. 8.00
" Mahukona, " " ............................................ 10.00
" Kawaihae, " " ............................................. 10.00
" Kailua, " " ................................................... 10.00
" Kaawaloa, " " ............................................. 10.00
" Hilo, " " ...................................................... 12.50
" Kau, " " ...................................................... 15.50
Uku kaapuni ia Hawaii, .................................. 22.00
A hiki i na awa o Kauai .................................... 8.00
Uku kaapuni ia Kauai ..................................... 12.00
Uku ohua Hawaii oneki .................................... 2.00
Aole aie no na uku ohua.
Ma ka Hale Oihana e loaa'i na palapala.
Aole keena o hope e lilo, aia wale no a kaa mua mai ka uku
moku. Aole e ili ka hewa no ka paiki, ukana a puolo pa-
ha, ke ole e kakauia ka loaa ana mai.
E hookaaia ka uku ukana i ka wa e noiia aku ai.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui
Papu a me Moiwahine. 761 3m
OLELO HOOLAHA.
E. STREHZ, (AILUENE,)
HAAWI A KUAI
LAAU LAPAAU.
AIA MA MONIKAHAAE, KIHI O NA HUINA
o na Alanui Papu a me Hotele. Aia malaila na Wa
Ala a me na Wai Rukini maikai loa e loaa ai.
E hamama mau ana i na ahiahi Poaono a pau.
741 1y 792
J. PORTER GREEN,
" KEIKI O KAUAUKIUKIU."
LOIO !
E HELE MAI NA MAKAMAKA A PAU IO'U
nei, a na'u no e kokua ia oukou imua o ka Aha Hoo-
malu a me ka Aha Kiekie, me ka uku haahaa makepono
loa. Aia kuu Keena ma kahi o ka Lunakanawai
Hoomalu o Honolulu nei, oia ka " Aiko," ma Alanui Kale-
pa. 741 ly 792
C. H. DICKEY (Kalekika).
LOIO !
MA HAIKU, MAUI.
UA MAKAUKAU E HANA PALAPALA
Kuai, Palapala Moraki a me na mea a pau e pili ana
ma ka Oihana Loio. 743 1y 794
John W Kalua ;
Loio ! Loio !!
E loaa no ma Lahaina, Maui. 760 4m* 736
Richard P. Bickerton.
[PEKEKONA],
LOIO !
E KU LOIO no oia imua o na Aha Hookolokolo a
pau ma keia mokupuni a ma na moku e ae, ma na
hihia a pau. Ua makaukau oia i ka hana ana i na ano pa-
lapala a pau. E hoaie ia no na dala mai a iaia aku ma na
moraki maikai a oiaio wale no me ka ukupanee.
Keena Oihana ma Alanui Kalepa, Helu 23, ma ka hale
maluna ae o Kauka Minuteole. 735 1y
CECIL BROWN
Loio a he Kokua ma ke Kanawai
HE AGENA NO KA HOOIAIO ANA I NA
Palapala no ka mokupuni o Oahu.
Helu 8 Alanui Kaahumanu, Honolulu, H. P. A.
Na Luhiehu o ke kino.
E hanohano ai na Lede. Na Keonimana. A me na Kamalei.
I Na makamaka o ka makani Apaapaa o Kohala loko, ua kuluma paha ia oukou ka Halekuai o Amau mamua, ua lilo ia maua, a na hoonuiia ae, a ua hanaia hoi a nani, i ku like ai me ka nani o na uluwehi o nei mea minamina he kino. Eia maanei na lole hou loa o kela a me keia ano, e ku ai na hoono'uno'u a me na hoohaha ana a na hapa palupalu.
Eia kahi mea hai aku, e hiki mau mai ana na lole hou o kela a me keia ano, i na ku ana mai a pau a na mokuahi i mea e ike ai, e naue mai, a e hoolauna aku ia Kimo a me Alone, ma ko maua Halekuai " Hale Wehiwehi."
GOO KIM & CO. Apuakehau, Kohala, H. Aug 2, 1876. 746 6m* 781
KE HOIKE AKU NEI KA MEA nona
ka inoa malalo iho, i kona mau makamaka a me ka lehulehu, ua nee ae nei oia a ma ke Alanui Papu, ma kela aoao mai o ka Hale Mu, aia oia malaila e hana ai i na Karanometa, Wati nui a me na Wati pakeke. Ua hiki iaia ko hooia aku, e hele pono ana kana wati e hana ai no ka makahiki hookahi. 767 3m* J. DOIRON.
NA MEA ANO HOU !
Ua loaa mai nei,
Eia ma ka Hale Kuai o Wini !
NA EA,
NA OMAU AI.
NA KULA PEPEIAO NA OMAU HAO BUKALO.
NA MEA ANO HOU A EMI,
Na Buke Pakeke Ili a me na Eke Dala
Na Lei Pilali,
Na Lei Eleele, a me na mea e ae he nui wale.
E HAAWI MAKANA IA ana i kela a me keia mea i kuai a hiki i ka
ELUA DALA.
E hele mai, e nana i kela mau mea maikai, a e loaa no e like me ka makamake.
Emi loa aole e like me mamua !
Ela ma ka Hale Kuai o
756 2m WINI.
Papa ! Papa !
— NO —
ALLEN A ME ROBINSON.
Ua wehe ae nei maua i
PA KUAI PAPA !
— MA KA —
UWAPO O PAKAKA.
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale.
Na Pepa Molina.
Na Pena a me na Aila Pena !
NA KUI O NA ANO A PAU !
Na Pani Puka a me
Na Pani Puka Aniani.
Na Pani Puka a me
Na Olepelepe.
Na lako kukulu Hale.
— O NA ANO A PAU —
E kuaiia ma ke
Kumukuai Haahaa Loa !
o keia Makeke.
ALLEN & ROBINSON.
Honolulu, Aper 13, 1876. 750 ly
OLELO HOOLAHA.
Lole Makepono ke Kuike !
E LOAA NO IA MA KAHI O
KAKELA ME KUKE,
— E LAA NA —
AHINAHINA,
KALAKOA,
KEOKEO,
LEPONALO,
Pena, Aila, Aniani,
Na Mea Piula,
Kopa, Aila Honua.
Aila Hoomaloo,
Kui Kakia, Pakeke,
Tabu, Kaula, Noho lio,
Hulu-palaki, na Pulumi.
A he Agena no hoi no na Mokupuni o Ha-
waii nei no na
LAINAKINI-NAO,
LAINAKINI-MAOLI,
PALULE KALAKOA,
ALAPIA, KELEPA, KILISA,
Na Lole kupono i ka wawae,
Palule Huluhulu,
Na Lole Huluhulu,
Na Lole no ka hoohehelo ana
Lipine, lihilihi, a me ia mea'ku
— A HE —
MAU MEA AI KAHI
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulina, &c
— A HE —
LAAU LAPAAU KAULANA LOA
A Dr. JAYNES.
Laau Kunu,
Laau Hoomaemae Koko,
Laau hoopau naio,
Penikila, Huaale,
A me na Laau Hamo, a pela'ku.
759 ly 811
ANOIA I KA LEHULEHU,
E kipa mai a e nana
i kumaka ka ike i na waiwai na-
ni i loaa mai nei iloko o na
La Kulaia iho nei.
Penei ke ano o ua mau waiwai la :
Na wati a me na kaula gula,
a na Ledee a me na Keonimana !
NA KAULA OPELE A NA LEDE
NA KOMO GULA NANI O KELA A ME KEIA
ano o na Lede a me na Keonimana !
NA KUPEE GULA,
NA LIPINE GULA,
Na gula pepeiao o na wahine !
e oaka ai i na pepeiao, a e hulali ai
hoi na manamana lima, a e
kilipohe ai hoi na ai.
Na komo humuhumu gula a me ke kala,
Na pihi pulima gula wahine a kane,
Na laketa gula lei wahine nani,
Na komo daimana o na Lede.
Na kaula laketa,
Na pine omau kihei,
Na laketa aniani,
Na huka gula wahine.
NA LAKO HALE.
NA PUNA,
NA PAHI,
NA KIAHA, KALA,
NA APO KALA,
NA KAWELE holoi lima,
NA O DALA o kela a me keia ano,
a me na mea nani e ae no he nui wale.
E kuaiia aku ana no
ma ke kumukuai haahaa loa i ko
na wahi e ae o ke taona nei.
UA MAKAUKAU NO HOI NA
mea nani no kanaka makua
a me na kamalii.
Na Kamaa Paa Loa,
e loaa no maanei e like me ka
makemake ; a ina e loaa
koke ka ino, he hiki
no ke hoihoi mai.
M. McINERNY.
Kihi o Alanui Papu a me Kalepa. 763 3m 774