Ka Nupepa Kuokoa, Volume XV, Number 41, 7 October 1876 — Page 3
KA NUPEPA KUOKOA, ME KE AU OKOA I HUIIA.
He kaahele ana e makaikai i ka Hoikeike Nui.
[Kakauia e Rev. S E Bihopa]
Hoikeia na i-a a pau o Norewai, a me kekahi mau aina. He puu nui kekahi o na puaa hama, a he mau puaa okoa uuku i hana hamaia. Ma kekahi apana i kukuluia elua puaa nui, 1250 paona paha laua pakahi, me he bipi kauo la ka nui o ke kino. O kekahi mea nui malaila, oia na omole waina, barani, &c. no Farani, Geremania, Italia, &c. He hoihoi loi ka poe hana waiona.
Ma kekahi aoao o ka hale i akoakoa ai na makine mahiai, ua oo palau, na mea oki maau, ako palaoa, kui bata, &c &c. Ua hoonani loaia kekahi o ia poe makine, me na dala, a me na laau nani. Ma kekahi apana, ua hoonohonohoia he mau haneri apana laau no Amerika Hema mai, e hoike ana i ko laila ano laau.
Pau na alanui o ia mau eka ewalu i ka holoholoia me ka mama ; a koe 2 hora, komo aku no au ma ka Hale Makine, a nana hou aku i ka enegine nui. Ma ka aoao hema oia hale, ua hoopiliia kekahi apana hale aku, malaila kuu ike ana he wai lele. O ua wai lele la, he 20 paha kapuai kona kiekie, a he 4 anana paha ka laula, e haule nui ana ka wai i kekahi lokowai nui maloko o ka hae. Lehulehu na kanaka e nana ana. Oia wai a pau e haule ana, ua paumaia iluna e kekahi pauma hookahi, he pauma niniu (Worthington pump.) Mai kahi kokoke ike aku au i kanaka e kau ana i na luna maluna o kekahi puka poepoe. Kau au i kuu lima, aole hiki ke hoopaa malaila ; lele wale ka lima iluna i ka ikaika o ka makani oia puka, noloko mai o kekahi pauma makani niniu.
Ma ia hale, he nui wale na pahiolo liilii e okioki mau ana i na laau ma na ano akamai. He mau pahiolo ano ribine kekahi e holopuni mau ana i na huila. Lehulehu na makine humuhumu, e niniu mau ana. He makine humuhumu kamaa buti kekahi e paa mau ana i ka ili malalo, he kupanaha kana hana. He nui na makine ulana lole, ulana ribine, ulana silika, e niniu ana, a e hoopuka ana i ko lakou mau hana nani. Haawi kekahi poo i ko lakou mau inoa e uluna silikaia ma ka ribine, a kekahi la ae paa ka inoa, me ka uku $1.00. E ulana ia'na ma na ribine na kii makalii maikai loa, a me na huaolelo liilii, i mea hookomo mawaena o na buke. He la okoa nae kekahi o kuu makaikai ana ia mau mea, a me na mea e ae he lehulehu wale ma ia hale.
Ua lilo kekahi la o keia hebedoma i ka makaikai ana i na hale kii elua. Ehiku hora okoa kuu holoholo puni ana i na keena he 70, i piha i na kii he 5,000 paha. Pehea la e hiki ai ke nana pono ? Aneane pupule paha i ka ike ana ia lehulehu i ka wa pokole. Ua kakali iki nae e nana i kekahi mau kii. Aia kekahi kii a ka Moi wahine Victoria i kokua mai ai e hoike, oia ka mare ana o kona hiapo. He 200 paha helehelena alii maloko oia kii nui. Nui na kii o na kaua, a me na kaua moku, he weliweli i ka nana'ku. Nui na kii o ka moana, a me na aina, na hale, na kulanakauhale, na mokuahi, na holoholona, na lio heihei, na kane a me na wahine maikai He mau kii kekahi o na akua kahiko o Helena, o na luna kaulana a me ka hanohano i hanaia ma kela a me keia aina, kela keia wa i hala, o na lokoino a me ka weliweli kekahi. No Amerika, Enelani, a me Farani ka hapa nui ; no Geremania, Auseturia, Italia, Sepania no hoi, a no Suedena, Holani, Norewai, Rusia, Mesiko, Berazila &c &c. Na na'Lii nui i kokua mai i kekahi o ko lakou mau kii i hoouna mai e kuai. He mau tausani dala pakahi ke kumukuai o na kii he lehulehu.
Ua oili ka houpo i ka ike ana i ke kii o na kupapau ehiku ma ka amana, me na mauu aeto e hoao ana e ai ia lakou, a he wahine ikaika e hahau ana i na manu me ka laau. O R zepa ia e kiai ana i na kupapau o kana mau keiki, a moopuna a Saala. He kii nani hoi kekahi o na koa kahiko elua me na pahu kani, e hele wiwo ole ana imua iwaena o ka poka o ke kaua.
He mau haneri kii kalaiia no hoi no ka pohaku aiai, he marble. No Italia mai ka hapa nui. He maikai loa keia mau mea. Hoikeia no hoi ke akamai o ko Florence a me ko Rusia poe i na mosaic, oia ka wae ana i na pohaku liiliii o kela keia wai hooluu, a e hoonohonoho pu ana me ka puna kupono, a paa na kii nani, me he la ua penaia. He kii hale, kii wahine, kii pua, a holoholona ; he mau haneri i hanaia pela, a he makahi loa kekahi i ke pine umauma.
Ma kekahi mau la o kela hebedoma, ua komo pu wau me Hikikoke i na halawai o ka hui hoonaauao. Malaila i akoakoa ai he 50 paha o na luna kula o kela keia mokuaina, a no na aina e kekahi, e kuka pu a e wehewehe i ke ano o ke ao kala ana ma ko lakou mau aina. E hooikaika nui ana o Hikikoke ma ia mau halawai. O kekahi mea nui ma ia hoike nui, oia na keena hoike o kela mokuaina keia mokuaina no na mea a pau, maloko o ko lakou mau kula. Ua hoolilo au i kekahi mau hora ma ia mau keena, me ka minamina loa i ka pokole o ka manawa. Nui na mea hou i loaa ia'u, aohe nae i huli pono ia. Nui na buke i piha i na pepa i kakau ia e na haumana i ka wa hoiko, me na haina o na ninau. Nui na palapalaaina liilii a na haumana i kaha ai.
(Aole i pau).
AHAAINA OLIOLI HALEMAI MOIWAHINE.— Ma ka hora ahiahi o ka Poaono aku nei i hala, ua haawiia he ahaaina olioli no na
mai o ka halemai Moiwahine maloko o ia po, mai ke koena dala nui o na dala i uhiia e ka Luna Hoopuka o ke Kilohana Pookela o ka Lahui Hawaii no ka hoohiluhilu a no ka olioli piha ana o ka po kai huakai kuikui iho nei o Sepatemaba 21, mahope o ka uku ana i na lilo e ae a koe he kanakolu dala. Eia na mea i hoonuanuaia ma ia papa-aina wahi a J. Kamakanakaiaulu ; " puaa, moa, i-a maoli, opihi, limu, papai, akaakai, kalo, uala a me ka alani. Oia na mea i hoolakoia no ka papa-aina me ke kahiko ana i na lau nahelehele like ole o ke kuahiwi, me na pua hoonani like ole o keia pa i hakuia i na apo laau a panio, a i kauia mahai o ka lanai, a mawaena o kahi e ai ai kekahi maluna pono ae, he mau huaolelo, " E ola ka Moi Kalakaua i ke Akua."
OLELO HOOLAHA.
UA oluolu i ke Alii ka Moi ke kauoha ana mai mahope iho o keia la, aole loa e ae ia kekahi mea e aie ma kona inoa, koe wale no ke kauoha mai ka mea aku nona ka inoa malalo iho. JNO. O. DOMINIS. Kakauolelo o ka Moi
Honolulu. Oct, 7, 1876 775 3ts
E IKE auanei na kanaka a pau ma keia palapala ke nana, owau o ka mea nona ka inoa malalo, kekahi mea i kuleana iloko o kekahi mau Halelaau ekolu, e ku nei ma Kamanuwai, iloko o Honolulu nei, oia hoi na hale laau o Hana Kamaialii w. i make, ma Waialae, i hooliloia mai ia'u, nolaila, ke hoolaha aka nei au ma ke akea, aole he kuleana o kekahi mau mea e kuai aku ia mau hale ia hai, aole hoi he pono i na mea kuai mai ke ninau pono ole i ka mea kuleana oiaio, nolalia, ke hoolaha aku nei au ma ke akea i keia olelo papa i na kanaka a pau, e makaala loa oukou i ka poe e hele aku ana imua o oukou ma keia ano, o pilikia auanei oukou, a lilo ka oukou mau dala i mea poho wale, nolalia, ina e hoea aku ana imua o oukou kekahi mea like me keia, e pono e kipa mua mai e ike ia'u. WAHAPAA. Kamanuwai, Oct 3, 1876. 775 Js* 778
UA loaa ia H B Keawehoana kuu luna, kekahi lio kane keokeo kuapuka, nona na hao kuni BCK aia maluna o kuu apana alua kuai, e waiho la ma Poupou, Puna, Hawaii, kahi i noho ai o ua lio la i keia wa. E kii mai ka mea a mau mea nona keia lio, me ka uku pu mai, iloko o ka manawa a ke kanawai i ae ai i kela a me keia, no ka mea, o na mea hia uhane a me na mea ola hanu, aole kuleana maluna o ia wahi. Ina e loaa i kuu luna kekahi lio, bipi, hoki, kekake, $1.00 no ke poo hookahi, i kela komo ana keia komo ana. O ka mea hoole, maluna ona ka pilikia. Z M KAAHUMAKUA. Opihikao, Puna, Sept 7, 1876. 775 1t*
EIA ma ko'u lima kekahi LIO kane lokia haulaula, eha wawae keokeo, kiko keokeo ma ka lae, ua kuni ia i ka hao kuni NI o ka mea nona keia lio, e kii koke mai me ka uku pu mai no i ko'u mau lilo a pau, a ina e kii ole mai a hala na la he 15, mai ka la aku e puka ai ma ka nupepa, e lilo loa no ia'u ua lio nei, a kukuni au i kuu hao. E loaa no au ma Palikea, Puunui, Oahu, APIO (Pake). Sept 26, 1876 775-3ts*
E IKE auanei na kanaka a pau, o kuu kane mare o W BROWN, e noho amara la ma Koloa, Kauai, ua haalele mai i ka malama ana ia'u a me na keiki a maua, i na makahiki elua a me hapa i hala. Iloko o keia manawa loihi, ua lilo aku la me ka wahine manuahi, a ua hoole, aole au he wahine nana. No keia kumu, he mana ko'u e hele ai e aie ma kona inoa, mai Hawaii a Kauai. Eia kekahi, ua hoohilahila oia ia'u ma ka hoolaha ana i ko'u inoa maikai imua o ka lehulehu, me kona ike no he wahine aloha kane au. M KAIPO BROWN. Nu Hou, Lihue, Kauai, Sept 6, 1876. 775 4t* 778
HOOLAHA LAWE MORAKI !
KE HOIKEIA aku nei ka lohe i na mea a pau, i kulike ai me ka maua kuai i hookomoia iloko o ka palapala moraki, i kakauia ma ka la 22 o Iune A D 1875, mawaena o William C Brown a me Louisa Kaili kana wahine o ka aoao mua, a me William G Brash o ka aoao elua, i hoopaaia ma ka Buke 42, a ma na aoao 277 (778 a me 279 o ka Buke kakau kope o ke Aupuni, i mea e hookaaia ai na dala he Ekolu Haneri me iwakalua Kumamalima dala, e hookaaia. Iloko o ka makahiki hookahi, me ka uku hoopanee, he hookahi hapahaneri no ka malama. O ua William G Brash nei, ke makemake la e lawe i ka moraki, a mahope o ka manawa i ae ia ma ke kanawai, ke koi nei oia e kuai aku i ka waiwai ma ke kudala akea, ma Honolulu nei, no ka uhaki ana i ka olelo aelike. O ua aina la, ua hoikeia malalo iho ;
O kela ainu a pau e waiho la ma Kukanaka, ma Honolulu, Oahu, oia ke kuleana Helu 1144, a Palapala Sila Nui Helu 5648.
Hanaia i keia la 3 o Okatoba 1876.
EDWARD PRESTON,
775 3ts 777 Loio no William G Brash.
I KA POE AIE !
O KA POE a pau he mau koina ko lakou i ka waiwai o SAMUEL K RAWSON (Kini hana wati) o Honolulu i make, ina paha ua hoopaaia ma na ano moraki ano e ae, ke kauohaia aku nei lakou e hoike koke mai me na hooiaio kupono. Michael McInerny, Luna Hooko Kauoha, a me Mr. W C Parke, Luna Hooponopono Waiwai, ma ka Halekuai o Mr. McInerny, ma Alanui Papu, Honolulu, mai ka la mua aku e puka aku nei, a i ole ia, e hoole mau loa ia aku no. A o ka poe he mau waiwai ko lakou i waihoia i ka mea i make e hana hou, ke konoia aku nei lakou e ninau i ka Luna Hooko Kauoha a me ka Lunahooponopono Waiwai, ma ke kakau, i keia wa koke me ka hoikeike pu mai i ke ano. Kakauia i keia la 5 o Okatoba A D 1876.
M. McINERNY, Luna Hooko Kauoha. W C PARKE, Lunahooponopono Waiwai o 775 4ts 778 ka waiwai o S K Rawson.
KE Hoole aku nei au a mau loa, ka mea nona ka inoa malalo, i kela kuai ana i kuu Apana Aina Kuleana ma Honokua, Kona Hema, Hawaii, me Kaawakapu o Kau, no ka mea, aole oia i hookaa mai i na $150.00, iloko o kuu lima. Owau no o Z PUULOA. Honokua, Kona Hema, Sept 4, 1876 773 4ts* 776
E IKE auanei na kanaka a pau, owau o ka mea nona ka inoa malalo iho nei, no ka mea, ua hoonohoia mai au e ka Mea Hanohano Abr. Fornander, Lunakanawai Kaapuni Apana Elua ko Hawaii Pae Aina, i Lunahooponopono no ka waiwai o KAWI w. i make, no Waihee, Maui. Nolaila, ke kauohaia aku nei na mea a pau i aie mai i make, e hookaa koke mai lakou ia'u, a o ka poe a ka mea make i aie aku ai, e hoike mai ia'u me na bila kupono, o hoole loa ia. E loaa no au ma Waihee, Maui.
J H HEZEKIA, 772 4t* 776. Lunahooponopono Waiwai.
KE Haiia aku nei ka lohe i na mea a pau, ke nana mai i keia olelo hoolaha, o ka mea nona ka inoa malalo nei, ke papa aku nei au i na mea a pau i kuleana ole i kuu Hale-laau, e ku nei ma kuu pa hale, mauka iho o ka Halekula Aupuni o Kaumakapili, ma Alanui Kamika, oiai no'u ponoi no ka lepo a me ka hale laau, (koe nae ko Kapena Ahuihala). O ka mea a mau mea e olelo ana he kuleana ko lakou iloko o ka hale, ke hoole mau loa la aku nei. Owau iho no, o S KUULA. Alanui Hotele, Sept 12, 1876. 773 3t* 773
E IKE auanei na nanaka a pau, owau o ka mea nona ka inoa malalo nei, ke papa aku nei au i na
mea lio, bipi, hoki, kekake, hipa, kao, puaa, moa, palahu, aole e hele wale maluna o kuu aina kuleana ma Kalauao, Ewa, Oahu. Ina kue kekahi i keia olelo papa, he mana piha ko Tito e hopu aku i na holoholona i oleloia ae la maluna, a e hoouku i $1.00 pakahi no kela a me keia poo. Ina aole e hookoia na koina a kuu Luna, e hoopaa ia aku no ma ka pa aupuni, e like me ke Kanawai. E lilo keia i kahawai mai keia la aku. S N NUEKU.
K Tito kuu hope. Iwilei, Sept 21, 1876. 773 4,* 776
NO KA mea, ma ka la 12 o Sepatemaba MH 1876, imua o ka Mea Hanohano A. F. Judd, kekahi Lunakanawai o ka Aha Kiekie o ko Hawaii Pae Aina ua hoonohoia ka mea nona ka inoa malalo, i Lunahooponopono ma ka waiwai a pau o Kahauawale (w) o Waialua, Oahu, i make kauoha ole. Nolaila , ke hoikeia'ku nei i na kanaka a pau i aie i ka mea i make e hoike mai, a me ka poe hoi a ka mea make i aie aku ai e hoike mai i ko lakou mau bila imua o'u, ma ko'u keena oihana ma ka Hale Makeke Aupuni, ma Ulakoheo, Honolulu, maloko o eono malama mai keia la aku, a hooleia ka lakou mau kumu koi. A ke hoike hou ia'ku nei, o ka poe a pau e paa ana i kekahi aina, a kuleana paha o Kahauawale (w), i make, ma ke ano hoolimalima, a i kekahi dala paha, o ka mea make, e hoike koke mai ia'u e hoopiiia. WILLIAM P. WOOD. Honolulu, Sept 26, 1876. 774 4ts* 777
$10.00 Makana
E haawiia i ka mea a mau mea paha nana e hoihoi mai i kuu lio kane eleele i nalowale mai Kalihi aku, Honolulu, ka makana nui maluna ae. He wahi kiko keokeo iki ma kona lae. Hao kuni ma kekahi uha hope penei HA. E loaa no au ma ka Hale Koa o ke Aupuni Honolulu U. P. KAUHAEAHU. Honolulu, Sept 29, 1876. 774 2ts* 775.
E IKE auanei na kanaka a pau, ke papa a hookapu loa ia aku nei ka hele ana o na holoholona o kela ano keia ano maluna o kuu mau Apana Aina, e waiho la ma Kula, Maui, oia na apana aina maluna o Naalae a me Waiakoa, i Kula. Ua hookapu loa ia no hoi ka hele ana o na kanaka e oki i na laau maluna o ua mau aina la me ke kuleana ole. Ua hoonoho aku au ia M C Ross i Luna nana e malama i ua mau aina la, a iaia ka mana hopu i na holoholona aea wale maluna o ka aina, a nana no e hooko i na mea a pau ma o'u la, e like me ke kanawai. A o ka poe a pau e kue ana i keia olelo hoolaha, maluna ia o lakou.
GEORGE K KAAUWAI. Wailuku, Sept 9, 1876. 772 4t* 775
UA hookohuia mai ka mea nona ka inoa malalo nei, e ka Mea hanohano Abr. Fornander, Lunakanawai Kaapuni Apana Elua o ko Hawaii Pae Aina, i Lunahooponopono no ka waiwai o P Kalawaia, o Lahaina, Maui i make. Nolaila, o ka poe a pau i aie i ka mea i make, e hookaa koke mai, a me ka poe ana i aie aku ai, e hoike koke mai me na bila kupono i hooiaioia, iloko o na malama eono mai kela la aku, o hooleia. A ina he mau waiwai kekahi ma ka lima o kekahi mea, e hoihoi koke mai.
M MAKALUA,
Lunahooponopono Waiwai o P Kalawaia. Lahaina, Sept 4, 1876. 773 4ts 775
OWAU o ka mea nona ka inoa malalo iho, ke hoike aku nei au ma keia hoolaha, oiai ua haalele mai ia'u ka'u wahine mare, o Kaulaokeahi Kaipo Brown, i ka ai a me kahi moe, me ke kumu kupono ole ; aole loa au e hookaa ana i kana mau aie, i aie ai ma ko'u inoa.
WILLIAM BROWN. Koloa, Kauai, Aug 24, 1876. 771 6m 794
OLELO HOOLAHA.
Mai keia la aku, aole au e hookaa ana i kekahi aie ma ko'u inoa, ke ole e loaa ke kauoha mai a'u aku. Hilo, Iune 1 1876. (737 6m*) C. K. HAPAI.
KE HOIKEIA aku nei ka lohe i na mea
a pau e noho la ma Waipio, Hamakua, ao-
le e hookuu wale i ka lakou mau holoholona, Bipi, Lio, Hoki, Kekake, Puaa, &c., maluna o ka aina o Kulu k, a me Wahineomao w, e waiho la ma Waipio, Hamakua, i lilo mai ia'u. Ina e loaa ia'u, a i ole ia, i ko'u hope paha kekahi o kela mau holoholona i haiia ae la, alaila, e hooukuia ka mea nana ia holoholona a mau holoholona paha i $1.00 no ke poo. A ke hookohu aku nei au ia Mr. Kaaemoku, i Luna nana e nana, a e hopu i na holoholona e hele ana maluna o ua aina la. E lilo keia i kanawai mai kona la e puka ai ma ka nupepa Kuokoa. E makaala, o pilikia auanei. R. MII. Waimea, Sept 13, 1876. 773 4t* 775
EMI LOA * NA KII !
MA KA HALE PAI KII O AHI, MA KA
Helu 63 Alanui Nuuanu, Honolulu. O ka uku o ke
kakini Kii Pepa mamua, he $2.50, a i keia manawa, emi
loa, he $2.00. O ka uku o ke kii aniani, he $2.50 mamua,
ua hoemi loa ia a i ke $1.50 wale no ! Emi maoli ! Make-
pono loa ! Aole like pu mamua ! E hele wikiwiki mai e
pai i na kii.
HALE KAMANA !
AIA no maloko o keia Hale maluna ae, e
hanaia ai na Pahukupapau, na Moe, Noho,
Pakaukau, Mamalu, a ia mea aku ia mea aku. O ka Pahu
kupapau paina mamua, he $3.00, a i keia manawa, he $2.00
wale no. O na kumukuai o na mea e ae i koe, e kuai ma-
kupono loa ia aku ana. 751 4m* 774
E. T. O'Halloran LOIO !
EIA HE $20,000 E MAKEMAKE ANA E hoaie aku ma ka ukupanee haahaa loa mai ka $200 aku a pii ae ma ka moraki ana i na aina. Ua hoomakaukau e no oia i na palapala aelike, hoolimalima, moraki a me na hooilina, a he hiki iaia ke hoomaikai i na aina loaa ole na Palapala Sila Nui.
Hale Oihana, aie ma ka " Real Estate Ex-
change" helu 31, Alanui Papu, Honolulu, malaila oia e loaa ai i na kanaka a pau, ina he mau aina kuai a hoolimalima ko lakou, a e hoopaaia me ka uku ole 769 3m
Hale Kuai Lole Maikai !
— MA —
Waimea, Hawaii !
I NA KEIKI PAWA o ka ua Kipuupuu o Waimea, i na kupa hoi o ka home i poai ia e na mauna, owau o
AWANA ;
Ua wehe ae nei au i kua Hale Kuai Lole Maikai,
ma keia aina mauna, a e loaa no na
Aulii kolomanu ano hoa loa Na kinohinohi e kau ai ka Iwa. E hao ai na polena o Haupu. E kapakahi Manuia Keokoi ka moku
Eia ma keia Hale Kuai, e loaa ai na Makalena, Kalekoa, Alapia, Huluhulu, Kihei Uhi, Lilina umenaau, na hainaka silika liilii, papale wahine, lei a-i kae weluwelu, kaei silika nani, na kamaa wahine a kane, o kela a me keia ano, na waialawaianuhea e puia ai ka hainaka i ka paoa, na aila Lukini hamo lauoho, e puia ai ke kula i ke ala. Na lole kane o na ano a pau a me na luhiehu o ke kini a pau. E pau nui mai e ko Hamakua a me
ko na Kohala, oiai o ke keu keia, aohe mea e ui ae ai e nele ana. Makepono loa ke kumukuai o ua waiwai i hoikeia maluna. I mea e pau ai kuhihewa, e naue mua mai e na makamaka, ma kuu hale kuai. E hiki ana na
lole hou i na manawa a pau.
769 3m* G AWANA (Pake).
Na Buke Himeni Hou ma ka Halekuai Buke o Wini.
Songs of Salvation The River of Life
Sun Shine Cheerful Voices
Pure Gold Sparkling Rubies
Golden Robin Bright Jewels
Nine o'clock in the Morning New Gold n Censer
The Morning Star Sabbath Carols The Bank of the Rhine Royal Diadem
Hallowed Songs Song Monarch
Gospel Song Golden Wreath
Happy Voices New Songs
Temple Choir Charm
Merry Voices Song of Life.
Bradbury Trio Ne Plus Atra
Song King Song Queen
Mocking Bird Sacred Song
Hour of Singing Sabbath School Bell
Shining River Pearl
Choice. H. M. WINI.
HALE KUAI LOLE HOU.
— MA —
KOHALA * HAWAII LEI KOHALA, I KA NUKU NA KANAKA.
MAHEA LA E LOAA AI NA PAPALE WAHINE AUlii kolomanu ano hou loa, a me na pua nani e kinikohu a e kau ai ka iwa, he la makani e hao ai na polena o Haupu, kapakahi manuia o Keoki ka moku, ma kahi o
C. C. AKINA.
Aia pu no malaila na HAINAKA SILIKA liilii. LEI A-I kae weluwelu, a me na LIPINE SILIKA puapua weluwe-
lu, e kuwelu ai i ka makani.
NA KALAKOA ANO HOU LOA i ike oleia mamua. Na
KAEI SILIKA Nani. NA MAKALENA KALAKOA me ka PUAKEA, na ALA-
PIA HULUHULU o na ano a pau, na KIHEI UHI hou e
kohu ai ka lino ana, na mea ala waianuhea, e ku ai ka hoomau, a me na aila lukini e puia ai ka lauoho i ke ala. Na lilina ume laau o kela ano keia ano, na kamaa wahine
o na ano a pau. Na lole kane o kela a me keia ano, na palule kalakoa a me ke keokeo, i humuia me ka mikioi loa. He makepono lua no hoi ke kuai i na mea i hoikeia ae nei maluna ke kuike. I mea e paa ai ke kuhihewa, e naue mai no e na makamaka ma kuu Halekuai. 763 6m* 788 G C AKINA.
HE MANA hooko kai haawiia ia LOU TUCK, me ka hookohu ana iaia i Hope no ka mea nona ka inoa malalo, i kona wa e haalele ai i keia aupuni. APAA. Honolulu, Sept 28, 1876. 774 3ts 776
Hoolaha a ka Luna Hooko Kauoha.
O NA kanaka a pau he mau koina ko lakou i ka waiwai o John Howe o Hana, Maui. i make, ke kauoha ia aku nei lakou e hoike koke mai me na hooiaio kupono ia'u ma ka hale oihana o Mr K V. O'Halloran, Loio, ma Alanui Papu, Honolulu. Iloko o na malama eono mai keia la uku, a i oleia, e hoole loaia ; a o ka poe i aie mai iaia e hookaa koke mai ma kela hale oihana. Hanaia Sept 20, 1876. A. UNNA
774 4ts 777 Luna Hooko Kauoha o Joseph Howe.
NA MEA ANO HOU !
Ua loaa mai nei,
Eia ma ka Hale Kuai o Wini !
NA EA,
NA OMAU AI.
NA KULA PEPEIAO NA OMAU HAO BUKALO.
NA MEA ANO HOU A EMI,
Na Buke Pakeke Ili a me na Eke Dala
Na Lei Pilali,
Na Lei Eleele, a me na mea e ae he nui wale.
E HAAWI MAKANA IA ana i kela a me keia mea i kuai a hiki i ka
ELUA DALA.
E hele mai, e nana i kela mau mea maikai, a e loaa no e like me ka makamake.
Emi loa aole e like me mamua !
Ela ma ka Hale Kuai o
756 2m WINI.
OLELO HOOLAHA.
O KA poe a pau he mau kokua ko lakou i ka waiwai O JAMES ROBINSON, o Honolulu i make, ina paha ua hoopaaia ma ka moraki a me kekahi ano e ae, ke kauohaia aku nei kakou e hoike koke mai me na hooiaio kupono, i ka poe Luna Hooko Kauoha, ma ke Keena o Allen a me Robinson, ma Alanui Moiwahine, iloko o na malama eono mai ka puka mua ana aku, a i ole, e hoole loa ia. Kakauia i keia la 12 o Sepatemaba 1876.
CURTIS P WARD. SAMUEL C ALLEN. 772 4ts 773 MARK P ROBINSON.
E. STREHZ, (AILUENE,)
HAAWI A KUAI
LAAU LAPAAU.
AIA MA MONIKAHAAE, KIHI O NA HUINA
o na Alanui Papu a me Hotele. Aia malaila na Wa
Ala a me na Wai Rukini maikai loa e loaa ai.
E hamama mau ana i na ahiahi Poaono a pau.
741 1y 792
J. PORTER GREEN,
" KEIKI O KAUAUKIUKIU."
LOIO !
E HELE MAI NA MAKAMAKA A PAU IO'U
nei, a na'u no e kokua ia oukou imua o ka Aha Hoo-
malu a me ka Aha Kiekie, me ka uku haahaa makepono
loa. Aia kuu Keena ma kahi o ka Lunakanawai
Hoomalu o Honolulu nei, oia ka " Aiko," ma Alanui Kale-
pa. 741 ly 792
C. H. DICKEY (Kalekika).
LOIO !
MA HAIKU, MAUI.
UA MAKAUKAU E HANA PALAPALA
Kuai, Palapala Moraki a me na mea a pau e pili ana
ma ka Oihana Loio. 743 1y 794
John W Kalua ;
Loio ! Loio !!
E loaa no ma Lahaina, Maui. 760 4m* 736
Richard P. Bickerton.
[PEKEKONA],
LOIO !
E KU LOIO no oia imua o na Aha Hookolokolo a
pau ma keia mokupuni a ma na moku e ae, ma na
hihia a pau. Ua makaukau oia i ka hana ana i na ano pa-
lapala a pau. E hoaie ia no na dala mai a iaia aku ma na
moraki maikai a oiaio wale no me ka ukupanee.
Keena Oihana ma Alanui Kalepa, Helu 23, ma ka hale
maluna ae o Kauka Minuteole. 735 1y
CECIL BROWN
Loio a he Kokua ma ke Kanawai
HE AGENA NO KA HOOIAIO ANA I NA
Palapala no ka mokupuni o Oahu.
Helu 8 Alanui Kaahumanu, Honolulu, H. P. A.
Na Luhiehu o ke kino.
E hanohano ai na Lede. Na Keonimana. A me na Kamalei.
I Na makamaka o ka makani Apaapaa o Kohala loko, ua kuluma paha ia oukou ka Halekuai o Amau mamua, ua lilo ia maua, a na hoonuiia ae, a ua hanaia hoi a nani, i ku like ai me ka nani o na uluwehi o nei mea minamina he kino. Eia maanei na lole hou loa o kela a me keia ano, e ku ai na hoono'uno'u a me na hoohaha ana a na hapa palupalu.
Eia kahi mea hai aku, e hiki mau mai ana na lole hou o kela a me keia ano, i na ku ana mai a pau a na mokuahi i mea e ike ai, e naue mai, a e hoolauna aku ia Kimo a me Alone, ma ko maua Halekuai " Hale Wehiwehi."
GOO KIM & CO. Apuakehau, Kohala, H. Aug 2, 1876. 746 6m* 781
KE HOIKE AKU NEI KA MEA nona
ka inoa malalo iho, i kona mau makamaka a me ka lehulehu, ua nee ae nei oia a ma ke Alanui Papu, ma kela aoao mai o ka Hale Mu, aia oia malaila e hana ai i na Karanometa, Wati nui a me na Wati pakeke. Ua hiki iaia ko hooia aku, e hele pono ana kana wati e hana ai no ka makahiki hookahi. 767 3m* J. DOIRON
AKIU (PAKE),
— MEA —
HANA I NA KAMAA
Hila Aulii Maikai !
ALOHA OUKOU E NA KANAKA HAWAII a pau, a me na wahine maka onaona o Honolulu nei,
na iwa-kiani o Paliuli. Owau o ko oukou hoa'loha, ka mea nona ka inoa malalo nei, he Kumeka Kamaa, e noho ana ma ke Alanui Nuuanu, ma ka Hale nona ka helu 63, malalo o ka Hale Pai Kii Hoolele-aka.
Na Kamaa Buti maikai loa i hanaia me ka Ili Farani maikai loa, no ka uku haahaa me ka oluolu.
Na Kamaa wahine maikai loa o kela a me keia ano, no
na Ili Farani maikai loa no ka uku oluolu.
No ka hana ana o na Hila i ke Kamaa me paa loa, a
maikai kupono i ka makemake, me ka uku oluolu loa. A no ke poho ana i na kamaa nahenahe me ka maikai loa no
ka uku oluolu loa.
Na Ili Noho Lio o kela a me keia ano - he nui wale na ili maikai loa. Eia hoi kekahi, o na kamaa a pau a'u e hana ai, a ina ua ike ia ua kapakahi, a nohae, a kahuli, a puka paha iloko o ka makahiki hookahi, e hoihoi mai, a na'u no e hana me ka uku ole. A o na kamaa i waihoia ma kuu lima a hala na makahiki ekolu, a kuai kudala aku no au no ka loihi loa. Nolaila, e hele nui mai oukou a pau ma
kuu Hale Hana Kamaa, e ike maka i na hana a pau, i pau ke kuhihewa, a e hana no au e like me ko oukou makemake, ka aulii hulali o na kui-hao malalo o na hila, e uheuhene ana i ka papa o Maukele, e aloha ana i kona hoa, ka uwea ke kamaa ke hanaia.
E kuai aku no au i na ili kamaa buki kahiko ana maikai
a me na noho lio nahenahe kahiko ano maikai.
762 4t* 785
HE PAPA KUHIKUHI MANAWA HOLO
O KA
Mokuahi Hawaii
KILAUEA !
KAPENA MARCHANT !
Poakahi, Oct. 9, hora 5 pm..........................No Hilo,
Poakahi, Oct. 16, hora 5 pm........................No Kona,
Poakahi, Oct. 23, hora 5 pm........................No Hilo,
Poaha, Nov. 2, hora 4 pm....................No Nawiliwili
a ku hou ma Honolulu i ke kakahiaka Poaono.
Poakahi, Nov. 6, hora 5 pm..........................No Hilo,
Poakahi, Nov. 13, hora 5 pm........................No Kona,
Poakahi, Nov. 20, hora 5 pm........................No Hilo,
Poakahi, Nov. 27, hora 5 pm........................No Kona,
Poakahi, Dec. 4, hora 4 pm.................Kaapuni ia Kauai
a ku hou ma Honolulu i ke kakahiaka Poalima.
Poakahi, Dec. 11, hora 5 pm..........................No Hilo,
Poakahi, Dec. 18, hora 5 pm..........................No Kona,
Poakahi, Dec. 25, hora 5 pm..........................No Hilo,
Ma na holo ana a pau a Kilauea i Kona, e hiki loa
ana oia i Honomalino, ma Kapalilua.
Aole kaapuni hou, aia a hai hou ia'ku
Ma na huakai a pau a Kilauea e hoi mai ai mai Ha-
waii mai, aole e haalele ana ia Kaalualu a hiki i ka hora
9 a.m., a mahope iho paha ; Kawai a hiki i ka hora 10
a mahope iho paha ; Makena e like me ka mea i hoolaha
wahaia ; Maalaea a hiki i ka hora 7 a.m., a mahope iho
paha.
Uku Eemoku mai Honolulu aku,
A hiki i Kaunakakai, a pela maluna mai...........$ 5.00
" Lahaina, " " .................................................. 6.00
" Maalaea, " " ................................................. 7.00
" Makena, " " .................................................. 8.00
" Mahukona, " " ............................................ 10.00
" Kawaihae, " " ............................................. 10.00
" Kailua, " " ................................................... 10.00
" Kaawaloa, " " ............................................. 10.00
" Hilo, " " ...................................................... 12.50
" Kau, " " ...................................................... 15.50
Uku kaapuni ia Hawaii, .................................. 22.00
A hiki i na awa o Kauai .................................... 8.00
Uku kaapuni ia Kauai ..................................... 12.00
Uku ohua Hawaii oneki .................................... 2.00
Aole aie no na uku ohua.
Ma ka Hale Oihana e loaa'i na palapala.
Aole keena o hope e lilo, aia wale no a kaa mua mai ka uku
moku. Aole e ili ka hewa no ka paiki, ukana a puolo pa-
ha, ke ole e kakauia ka loaa ana mai.
E hookaaia ka uku ukana i ka wa e noiia aku ai.
SAMUEL G. WILDER, (Waila),
Agena.
Keena ma ka Hale Kuai Papa o Waila ma, kihi o Alanui
Papu a me Moiwahine. 761 3m
KA HUNT'S LAAU OLA
(HUNT'S REMEDY)
HE LAAU LAPAAU HOU, MAI AMERIKA MAI !
He Laau Maikai keia no
Na mai pehu o ka opu,
Na mai o ka puupaa a me ka opu mimi,
Mimi-paa, Mimi-eha, Mimi-helelei,
Ka lepo gravel iloko o ka opu-mimi,
Ka mana ole, kapalili, hui ono ole ka ai.
Na Mai Wahine,
NAWALIWALI O KE KINO,
LEPO ULA ILOKO O KA WAI MIMI,
MANOANOA PAHA KA WAI E like me keokeo o ka huamoa,
Like paha me na kaula silika keokeo, eleele, lenalena paha ; a i ole ua like paha me
ka lepo i anaiia i na iwi keokeo, a i ka mimi ana, ua wela oioi ka
mai, me ka eha nui o ke kikala a me ka puhaka.
HE NUI NA HOIKE e ola nei, ka poe i loohia i keia mau mai i haiia maluna ae,
ua pau lakou i ke ola maikai, no ka inu ana i ka
HUNT LAAU OLA. ("HUNT REMEDY)!"
UA HAAWI mua ia keia laau, e kekahi kahuna lapaau naauao, i ke kanaka mai
pehu o ka opu, e noho ana me ka ohana a Mr. Hunt ; John Hunt kona inoa, he 45 kona
mau makahiki, he kanaka nui poepoe, ua loohia i ka mai pehu. Ua haawiia kela me
keia laau no keia mai, aole nae oluolu ; ua mahuahua mau kona pilikia, ua pau loa ke
kino a me na wawae i ka pehu ; ua kokoke paa loa ka mimi ; kokoke pau loa ka hanu
ana ; a ua mahuahua loa ka wai iloko o ke kino. Aole hiki iaia ke moe ilalo ma ka
moe, nolaila, ua noho wale no iluna i ka po a me ke ao. Pela mau kona popilikia a hi-
ki i kona hoao ana i keia laau, a ke kahuna i kuhikuhi mai ai. A i kona inu ana i ke-
ia laau, ua hoomaka koke ka oluolu. Ua paipai koke ia ka puupaa i ka laua oihana ;
ua puka hou ka wai mimi a nui wale ; ua emi koke mai la ka pehu o na waewae ; a ua
oluolu hou ke ake-mama i ka hanu ana ; ua oluolu a maikai ka io o na lala, a e hoi nui
mai ana ke ola maikai, alaila, me ke kuhihewa, ua waiho oia i ka laau i kekahi mau
la. Ua pono ole nae ka waiho ana ia manawa, no ka mea, aole i ola io maoli kona mai
pehu. Ua molowa hou na puupaa i ka laua oihana, a ua mahuahua hou ka wai iloko o
ka opu, a ua popilikia hou e like me mamua. Alaila, ua inu hou oia i ua laau la, a ma
ka hoomanawanui ana, ua lanakila hou auanei maluna o ka mai, a ua ola io maoli, a
ua hoomaka hou oia i kana oihana mawaho o ka hale.
Oia ka lapaau mua ana me keia laau ; a mai ia wa mai, (he 25 makahiki) ua ha-
hanaia keia laau e like me ka hana ana o Mr. Hunt, a ua haawi na kahuna lapaau i ke-
ia laau i ka poe mai pehu a me na mai like.
Mai ia manawa mai, ua ikeia, e mahaloia hoi keia laau, mai o a o, e na kana-
ka, a ua inu ia hoi ma ke ao ana a me ke ao ole ana mai o na kahuna lapaau ; oia ka
mea i hoola mai i na kanaka he nui, ka poe pilikia i ka mai pehu, a kokoke i ka make.
Na kuhikuhi no ka inu ana :
E INU I KE PUNA TI PIHA, a hala na hora 4, alaila, e inu hou. E mahuahua
liilii nae a hiki i elua puna ti piha — a hiki hoi auanei i puna nui piha.
NO KE KEIKI hookahi makahiki a hiki i na makahiki eono, e haawi 5 kulu, a hi-
ki i na kulu 20 ; eha hora nae mawaena o ka haawi ana.
KUMUKUAI, he - - $1.50 no ka omole.
DILLINGHAM & CO.,
762 3m 774 Na Agena no ka Pae Aina Hawaii.
ANOIA I KA LEHULEHU,
E kipa mai a e nana
i kumaka ka ike i na waiwai na-
ni i loaa mai nei iloko o na
La Kulaia iho nei.
Penei ke ano o ua mau waiwai la :
Na wati a me na kaula gula,
a na Ledee a me na Keonimana !
NA KAULA OPELE A NA LEDE
NA KOMO GULA NANI O KELA A ME KEIA
ano o na Lede a me na Keonimana !
NA KUPEE GULA,
NA LIPINE GULA,
Na gula pepeiao o na wahine !
e oaka ai i na pepeiao, a e hulali ai
hoi na manamana lima, a e
kilipohe ai hoi na ai.
Na komo humuhumu gula a me ke kala,
Na pihi pulima gula wahine a kane,
Na laketa gula lei wahine nani,
Na komo daimana o na Lede.
Na kaula laketa,
Na pine omau kihei,
Na laketa aniani,
Na huka gula wahine.
NA LAKO HALE.
NA PUNA,
NA PAHI,
NA KIAHA, KALA,
NA APO KALA,
NA KAWELE holoi lima,
NA O DALA o kela a me keia ano,
a me na mea nani e ae no he nui wale.
E kuaiia aku ana no
ma ke kumukuai haahaa loa i ko
na wahi e ae o ke taona nei.
UA MAKAUKAU NO HOI NA
mea nani no kanaka makua
a me na kamalii.
Na Kamaa Paa Loa,
e loaa no maanei e like me ka
makemake ; a ina e loaa
koke ka ino, he hiki
no ke hoihoi mai.
M. McINERNY.
Kihi o Alanui Papu a me Kalepa. 763 3m 774
Lole Makepono ke Kuike !
E LOAA NO IA MA KAHI O
KAKELA ME KUKE,
— E LAA NA —
AHINAHINA,
KALAKOA,
KEOKEO,
LEPONALO,
Pena, Aila, Aniani,
Na Mea Piula,
Kopa, Aila Honua.
Aila Hoomaloo,
Kui Kakia, Pakeke,
Tabu, Kaula, Noho lio,
Hulu-palaki, na Pulumi.
A he Agena no hoi no na Mokupuni o Ha-
waii nei no na
LAINAKINI-NAO,
LAINAKINI-MAOLI,
PALULE KALAKOA,
ALAPIA, KELEPA, KILISA,
Na Lole kupono i ka wawae,
Palule Huluhulu,
Na Lole Huluhulu,
Na Lole no ka hoohehelo ana
Lipine, lihilihi, a me ia mea'ku
— A HE —
MAU MEA AI KAHI
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulina, &c
— A HE —
LAAU LAPAAU KAULANA LOA
A Dr. JAYNES.
Laau Kunu,
Laau Hoomaemae Koko,
Laau hoopau naio,
Penikila, Huaale,
A me na Laau Hamo, a pela'ku.
759 ly 811