Ka Nupepa Kuokoa, Volume XV, Number 42, 14 October 1876 — Page 4
KA NUPEPA KUOKOA, ME KE AU OKOA I HUIIA.
A NEW SONG.
Crown of Life 42.
Mele pa kahiko,
Mele nani, Oli no ia mele,
Pa maa ke mele ae, Hui ma ia mele,
Na kamaiki, Ku pu a mele like
Ia Iesu ke Alii. Cho.— Ma ke ao ke mele,
Mele nani, Mele a hoonani
Ia Iesu ke Alii, Ma ke ao ke mele,
Mele nani, Ke mele a hoonani
Ia Iesu ke Alii.
2 Mele pa kahiko,
Mele nahe, Mele mehe manu,
O o a hoona mai, Loli nae ia mele,
Mele kani, Ke mele pa kahiko,
Hosana i ke'Lii. Cho.— Ma ke ao ke mele, &c.
3 Kei ke mele hou la,
Mele lani, Nani e ia mele
Maluna ma ke ao. Mele kani nani,
Oli lani Na leo Serapima, A haleluia mau, Cho.— Ma ke ao ke mele, &c.
HAWAII.
HAAWINA KULA SABATI.
HELU 5, SABATI OCT. 29.
KUMUHANA.— Pilipo me ka Aitiopa.
PAUKU BAIBALA.— Oihana 8 : 26 — 40.
26 A olelo mai la ka anela o ka Haku ia Pilipo, i mai la, E ku oe, a e hele ma ke kukuluhema, ma ke ala e hiki aku ai, mai Ierusalema a Gaza, he waonahele no hoi ia.
27 Ku ae la ia e hele; aia hoi, he kanaka no Aitiopa, he luna nui na Kanemake, oia ke aliiwahine o Aitiopa, ia ia no ka malama i kona waiwai a pau, a ua hele mai no hoi ia i Ierusalema e hoomana ;
28 E hoi aku ana ia e noho ana maloko o kona halekaa, a e heluhelu ana i ka ke kaula i ka Isaia.
29 Olelo mai la ka Uhane ia Pilipo, E hele oe, e hoopili aku ia halekaa.
30 Holo ae la o Pilipo, a lohe iho la i kana heluhelu ana i ka ke kaula i ka Isaia, i ae la ia, Ua ike anei oe i ka mea au e heluhelu nei ?
31 I aku la kela, Pehea la e hiki ai ia'u, ke ao ole mai kekahi ia'u ? Nonoi aku la oia ia Pilipo e pii ae, a e noho pu me ia.
32 Eia kahi o ka palapala ana i heluhelu ai, Ua alakaiia'ku la ia me he hipa la i ka make ; a e like hoi me ka hipakeiki i pane ole imua o ka mea nana e ako, pela no ia, aole i ekemu kona waha.
33 I kona hoohaahaa ana, ua kailiia'ku la kona hoaponoia ; nawai la hoi e hiki ke hai mai i kona hanauna ? no ka mea, ua laweia'ku no kona ola, mai ka honua aku.
34 Olelo aku la ua luna la, i aku la ia Pilipo, Ke ninau aku nei au ia oe, i olelo mai ke kaula i keia mea nowai, nona iho anei, no kekahi mea e paha ?
35 Alaila, oaka ae la o Pilipo i kona waha, a ma ua palapala la kana hoomaka ana e hai mai ai ia ia, ia Iesu.
36 A i ko laua hele ana ma ke ala loa, hiki aku la laua ma kahi wai : Olelo ae ua luna la, Aia ka wai, heaha ko'u mea e bapetizo ole ia'i ?
37 I ae la o Pilipo, Ina i manaoio oe me kou naau a pau, ina ua pono. I mai la kela, Ke manaoio nei au o Iesu Kristo, oia ke Keiki a ke Akua.
38 Olelo aku la ia, E ku malie ke kaa. Iho pu iho la laua ilalo i ka wai, o Pilipo a me ua luna la, a bapetizo ae la oia ia ia,
39 Pii ae la laua, mai ka wai mai, alaila kaili aku la ka Uhane o ka Haku ia Pilipo, aole ike hou ae ua luna la ia ia, Hoi aku no ia ma kona ala me ka olioli.
40 Ikea ae la o Pilipo ma Azoto. I kona hele ana, hai ae la ia i ka kamailio ma na kulanakauhale a pau, a hiki aku la i Kaisareia.
Pauku hoopaa, p. 37. Mele. Na Kamaiki makamae. Robina
Gula 35.
1 Na kamaiki makamae,
Ka ke Kahu mau hanai, Kai malie ia lakou
Ma na kula omaomao, Ma iia kahawai maemae,
Ma na mala pua maikai, Pale oia i ka la,
Malu e ma kona pa. Cho.— Na kamaiki makamae,
Ka ko Kahu mau hanai, Kai malie ia lakou
Ma na kula omaomao. Pule i ekolu minute wale no no na kamaiki nei, i manaoio a bapetizoia no Iesu.
Na Ninau a na Kumu.
P 26. Pilipo, mahea oia ? Ia ia ma
Samaria, owai ka i olelo ia ia ? A kena ia
ia e ku, a hele ihea ? Ma ke ala e iho ana
mai hea a ihea ? Heaha, a mahea Gaza ?
P 27. Hoolohe anei Pilipo i ka ka anela ? Owai ka i loaa ia Pilipo ma ke alanui ? Heaha, a mahea Aitiopa ? He luna keia kanaka nowai ? Ihea oia i hele ai ? No keaha ? He Iudaio anei oia ? Pela paha. Ina aole, he hali mai oia, ua oki poepoeia, ua hoomana ia Iehova.
P 28. E hoi aku ana oia ihea ? E noho ana maloko o keaha ? E heluhelu ana i kawai ? He hana maikai ia, e heluhelu i ka baibala ma ke alanui.
P 29. Heaha ka ka Uhane ia Pilipo ?
P 30. Holo Pilipo, a lohe oia i keaha ? A ninau pehea ?
P 31, A pane mai ka luna pehea ? A nonoi ia Pilipo e aha ?
P 32 — 33. Heaha ka ka luna e heluhelu ana ? Aia mahea ia mau olelo ? Isaia 53 ; 7, 8. Aole like loa, no keaha ka like ole ? No ka mea ua unuhiia kekahi no loko mai o ka olelo Hebera, a o kekahi, no loko mai o ka olelo Helene. Ma ka olelo Helene keia. Ma ka olelo Hebera kela ma Isaia.
P 34. Heaha ka ka luna ninau ia Pilipo no keia mau pauku ? Pohihihi ea.
P 35. A pehea Pilipo i pane aku ai ? Hoopili oia i keia mau pauku ia wai ? Owai keia i alakaiia'ku i ka make me he hipa la, a pane ole aku kona waha ? Mat. 26 ; 63. 26 ; 12, 15. Pet. 2 ; 23. Mahea ko Iesu hoohalike ana me ke keiki hipa ? Heaha ko Iesu hoohaahaa ana ? Kona ae e hookolokoloia me he lawehala la. Heaha ka i kailiia'ku ? Nawai e hai i keaha ? I ka hewa nui paha o ka hanauna i lawe aku i ko Iesu ola mai ka honua aku. Ua wehewehe pono aku o Pilipo i na mea a pau e pili ana i ke ola ma o Iesu la, i ka manaoio, i ka bapetizo ana, &c.
P 36. I ko laua hele ana ma ke ala, hiki laua i kahi aha ? Heaha ka ka luna olelo no ka wai ? A heaha hoi kona ninau ?
P 37. A pane aku Pilipo pehea ? A pane mai ka luna pehea ? Ka manaoio aha keia ?
P 38. Pehea ke kaa ? Pehea hoi laua ? A ua aha ia ua luna la ? Bapetizoia ia ea, ma ke alanui, ma kahi mehameha. Ua hahanaia anei pela kekahi poe ma Hawaii nei ?
P 39. A pii mai la laua mai ka wai mai, pehea ka Uhane ia Pilipo ? He kaili aha keia ? He paipai ikaika e ku a haalele i ka luna. A hele ae la ka luna mahea ? me ke aha ? no keaha kona olioli ? ma ka lani paha.
P 40. Mahea i ikeia'i la Pilipo ? Mahea Azoto ? Owai ka inoa kahiko ? Asedoda. Aha aku ia Pilipo ? a hiki i hea ? Mahea Kaisareia ? nohea ia inoa ? No Kaisara Augesato, ke 'lii o Roma. Mele. Him. 205. 6 — 4 Leo. 1 Ke hea nei Iesu,
Haliu na pepeiao, Ka poe haalulu, a makau,
E hele mai oukou. 3 Ua weheia mai
Ke kumu e loaa'i Ke ola me ka pomaikai,
A pau ua ino nei. Na Ninau a ke Kahu. Na makua. Owai ke kilo i manaoio a bapetizoia ? Heaha ke ano o kona manaoio ? Owai ka luna i manaoio a baptizoia ma ke alanui ? Mahea ka like ole o ko laua manaoio ? Heaha ke kumu o ka huli aua, manaoio ana o keia luna ? 1 Kona hele ana i Ierusalema, a lohe paha i kekahi mau mea e pili ana ia Iesu. 2 Kona huli ana i ka palapala hemolele ma ke alanui. 3 Ke kena ana o ka anela ia Pilipo e hele, a wehewehe a kuhikuhi i ka mea e ola'i. 4 Ke kokua ana o ka Uhane Hemolele.
Na keiki Owai kekahi mau aina, kulanakauhale paha ma keia haawina ? Ierusalema, Gaza, Aitiopa, Azoto, Kaisareia, Aia mahea ia mau wahi ? Ua lohe anei oukou i kekahi mea kupanaha no Gaza ? Lunak. 16 : 3, Owai ke alii wahine o Aitiopa ? Owai kona luna nui ? He Iudaio anei oia ? He buke kaula a wai kana ? Maa anei oia i ka heluhelu i na buke baibala ? Ua maopopo anei iaia na pauku ma Isaia ? mahea ia mau pauku ? Nawai i wehewehe i ke ano ? Maa anei oukou i ka heluhelu i na baibala, na wanana ? Nawai i wehewehe i ke ano ? Hookiki no wehewehe ana o Pilipo a huli, a manaoio, a bapetizo koke ia keia luna, pehea oukou ? Ua lohe pinepine, aole nae i huli a manaoio kekahi. Heaha ko oukou pono ?
Ke kula a pau. Ma na olelo hea i kakauia'i ka baibala kahiko i ka wa i noho ai keia luna ? Ma ka olelo hea kona heluhelu ana ma Isaia ? Ma ke aha i maopopo ai, ua pili kela wanana ma Isaia ia Iesu ka Mesia ? Pono anei ke bapetiso ko ke ia ka poe i manaoio ia Iesu ? No ke aha ka hoopanee ana ? I maopopo ka oiaio, ka hua o ka manaoio. Malama he manaoio hookamani, he hua ino, he wahahee, he puni dala.
Heaha na manao pili ia kakou ?
1 Pono ke hele i na Ahaaina a ka Haku me ka makau ole i ka loihi.
2 E lawe pu i ka olelo a ke Akua ke hele i kahi e, i mea heluhelu ma ke alanui.
3 E huli mau no i ka baibala.
4 E hele i kauhale, i na alanui e heluhelu, e wehewehe i ka baibala.
5 E huli koke, mihi koke, manaoio koke.
6 E hele me ka olioli ma ke alanui, ma ka hana, ma ke kula, ma ka halawai, &c.
Mele. Do Good Robina Gula Mele 41.
1 Hoomau, hoomau ma ka hana maikai,
Kani mau la na leo paipai : Ano ka manawa e hoolohe ai,
Me ka hana, ka hana maikai. Cho — Hoomau, hoomau ma ka hoopaanaau, He mau ala e hiki ai no Ke hana maikai, ke loaa ka manao, Me ka iini nui e ko, Me ka iini nui e ko
(me ka pauku eha)
Pule i hoohuliia na luna, ka poe waiwai, na 'lii, a i hoolahaia ka euanelio i na aina e. Haawina no Nov 5 — Oih. 9 : 1 — 18.
Na Kanawai o 1876.
HE KANAWAI
E hoole ai i ka Pauku 913 o ke Kanawai
Kivila.
E hooliloia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni :
Pauku 1. E hoololiia a ma keia ua hoololi ia no ka Pauku 913 o ke Kanawai Kivila a penei e heluhelu ia'i.
Pauku 913. Na kela Kiaaina keia Kiaaina, me ka ae pu ana o na Lunakanawai o ka Aha Kiekie, a o ka hapa nui paha o lakou, e hoonoho i hookahi, a i elua paha Lunakanawai Apana, iloko o kela Apana keia Apana ma ko lakou mau Moku Kiaaina.
Aia hoi, ina he haole ka mea e hoonohoia ana i Lunakanawai Apana alaila, e hoonohoia ka mea ike i ka olelo Hawaii.
Pauku 2. O na kanawai a me na hapa kanawai a pau e kue ana i keia kanawai ua hoopau loa ia.
Aponoia i keia la 15 o Sept M H 1876. KALAKAUA R.
HE KANAWAI
E hoopau ai i ka Mokuna XXVIII o na kanawai o 1874. E pili ana i na Olelo Hooholo waiwai paa, a na Lunahooponopono waiwai a me na kahu. E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni :
E hoopauia a ma keia ke hoopau loa ia nei ka Mokuna XXVIII o na kanawai o 1874.
" E pili ana i na Olelo Hooholo e hoapono ana i na hoolilo waiwai paa a na Lunahooponopono Waiwai a me na kaha i aponoia ma la 18 o Iulai 1874." Aponoia i keia la 18 o Sept M H 1876. KALAKAUA R.
HE KANAWAI
E hoololi ai i ka Mokuna 56 o ke Kanawai Hoopai Karaima, ma ka pakui ana aku i Pauku hou a e kapa ia ua Pauku la oia ka Pauku 5
E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni :
E hoololi ia a ma keia ke hoololi ia nei ka Momuna 56 o ke Kanawai Hoopai Karaima ma ka pakui ana aku i pauku hou, a e kapa ia ua pauku la oia ka Pauku 5 a penei e heluhelu ia ai. 5 Aole e pili na olelo o ke kanawai i kapa ia " He Kanawai e kokua ai i ka hooko ana o na palapala hopii, i aponoia ma ka la 23 o Iune 1868, i ka palapala hopu i hoakaka ia ma ka pauku akahi o keia mokuna.
Aponoia i keia la 19 o Sept. M H 1876. KALAKAUA R.
HE KANAWAI
E hoopau loa ai i ka Pauku 2 o ke Kanawai i kapaia. " He kanawai e haawi ana i na Lunakanawai Hoomalu a me na Lunakanawai Apana, i ka mana e hookolokolo ai i na hihia no ka launa hewa, a me ka hoowalewale e moekolohe ai," i aponoia ma ka la 31 o Dekemaba, M. H. 1864
E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni :
O ka Pauku 2 o ke Kanawai i kapaia " He kanawai e haawi ana i na Lunakanawai Hoomalu a me na Lunakanawai Apano i ka mana e hookolokolo ai i na hihia no ka launa hewa, a me ka hoowalewale e moekolohe ai," i aponoia ma ka la 31 o Dekemaba, M. H. 1864, a ma keia ke hoopau loa ia nei.
Aponoia i keia la 19 o Sept M. H. 1876. KALAKAUA R.
HE KANAWAI
E hoololi ai i ka Pauku 1, o ka Mokuna 4 o ke kanawai i aponoia i ka la 3 o Iulai M. H. 1870, e pili ana i ka hoololi o ka Pauku 17 o ka Mokuna 16 o ke Kanawai Hoopai Karaima. E hooholoia ia e ka Moi a me ka Hale Ahaolelo a ko Hawaii Pae Aina i akoakoa iloko o ka Ahaolelo Kau Kanawai o ke Aupuni :
Pauku 1. O ka Pauku 1, o ka Mokuna 4, o ke kanawai i aponoia i ka la 8 o Iulai M H 1870, e pili ana i ka hoololi o ka Pauku 17, o ka mokuna 16 o ke Kanawai Hoopai Karaima o keia aupuni, a ma keia ke hoololiia nei ua pauku 'la i heluhelu ia penei :
Pauku 17 O ka mea aihue i ka pipi, lio, hoki, kekake, hipa, a dia paha i oi ole aku ka waiwai i ka hookahi haneri dala, e hoopai ia oia ke ku kona hewa ma ka hookolokolo ana imua o ka Lunakanawai Hoomalu a Apana paha ma ka hooponopono ana ma ka hana oolea aole e emi malalo o ka makahiki hookahi, aole hoi e oi aku mamua o na makahiki ekolu.
Pauku 2 O ka mea aihue i ke kao, puaa, ilio a manu paha i oi ole aku ka waiwai i ke kanalima dala e hoopai ia oia ke ku kona hewa imua o kekahi Lunakanawai Hoomalu a Apana paha me ka hana oolea aole e emi malalo o ka malama hookahi, aole hoi e oi aku i ka makahiki hookahi.
Pauku 3 E lilo keia i kanawai i kona la e hoapono ia'i, a o na kanawai a me na hapa kanawai a pau i kue i keia ua hoopau ia.
Aponoia i keia la 19 o Sept M H 1876. KALAKAUA R.
HE KANAWAI
E hoololi ai i ka Mokuna 86 o ke Kanawai Hoopai Karaima " e hooponopono ai hoi no ke kuleana koho balota no na Lunamakaainana iloko o ka Hale Ahaolelo, o kela a me keia mea haawi balota" na ka pakui ana i pauku hou e heluia pauku 17 a.
E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni :
Pauku 1. E hoololiia, a ma keia ke hoololiia nei ka Mokuna 86 o ke Kanawai Hoopai Karaima " e hooponopono ai hoi no ke kuleana koho balota no na Lunamakaainana iloko o ka Hale Ahaolelo, o kela a me keia mea haawi balota ma ka pakui ana i ka pauku malalo iho mahope o ka pauku 17, a e kapaia ua pauku 'la " Pauku 17 a." Pauku 17 a. E hookaawale na Luna nana koho, mamua ae o ka wehe ana o kahi koho balota, i wahi kaawale kupono, e hoopuni ana i kahi koho, i mea e hiki ole ai ka poe kulana ole e keakea i ke koho ana. A aole no e ae ia kekahi kanaka, koe wale no na Luna nana koho me ko lakou kakauolelo a me kekahi poe kupono i ke koho balota i oi ole ai ka nui mamua o eono, i hele mai e haawi i ko lakou balota, i ae ia e ka Luna Hoomalu, o na Luna Nana koho ina oia i manao he pono, e komo i ka manawa hookahi a e noho paha iloko o ke keena a wahi paha i hookaawaleia iloko o ka manawa e koho balota ana. Aponoia i keia la 19 o Sept. M H 1876. KALAKAUA R.
HE KANAWAI
E hoakaka ana i na hora e manao ia he la hana, ina aole i hoakaka ia ma ka palapala aelike.
E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni :
Ma na palapala aelike no ka hana malalo o ka Pauku 1417 o ke Kanawai Kivila, ina aole i hoakaka ia na hora e manao ia he la hana, alaila e manao ia aole oi aku ka loihi o ka la hana mamua o na hora he eiwa. A no ka hana i oi aku mamua o ia manawa, e loaa no i ka paahana ka uku aole emi malalo o ka uku i oleloia ma ka palapala aelike.
Aponoia i keia la 25 o Sept. M. H. 1876, KALAKAUA R.
HE KANAWAI
E hoopau ai i ke kanawai i kapa ia " He Kanawai e hoopau ai i ke kanawai i kapaia " He kanawai e ae ana i ka poe i oki ia e mare hou" i aponoia ma ka la 24 o Mei M. H. 1866, a e hooholo hou i ka Pauku 1334 o ke Kanawai Kivila me ka hoololi i aponoia ma ka la 8 o Iulai 1870, a e hoala hou ai i ke kanawai i olelo ia, i aponoia ma ka la 24 o Mei M. H. 1866
E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni :
Pauku 1. E hoopauia a ma keia ke hoopau loa ia nei ke kanawai i kapaia " He kanawai e hoopau ai i ke kanawai i kapaia " He kanawai e ae ana i ka poe i oki ia e mare hou" i aponoia ma ka la 24 o Mei 1866, a e hooholo hou i ka Pauku 1334 o ke Kanawai Kivila me ka hoololi i aponoia ma ka la 8 o Iulai M. H. 1870.
Pauku 2. O ke kanawai i kapaia " He kanawai e ae ana i ka poe i oki ia e mare hou" i aponoia ma ka la 24 o Mei M. H. 1866 e hoala hou ia a ma keia ua hoala ia no, a ua like kona mana me kona mana mamua o ka la 8 o Iulai M. H. 1870.
Aponoia i keia la 25 o Sept. M. H. 1876. KALAKAUA R
HE KANAWAI
E hoololi ai i ka Pauku 1106 o ke Kanawai Kivila.
E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni : Pauku 1. E hoololi ia a ma keia ke
hoololiia nei ka Pauku 1106 o ke Kanawai
Kivila ma ka pakui ana aku i keia mau
haiolelo. " Aka ma na hihia a pau i hoopiiia ka
mea hoopiiia, ma kona ano mana i hana,
kakau kua, a kakau inoa paha ma kekahi
palapala kikoo dala i ka Baneko, palapala aie lima, palapala kikoo dala ma ka aina e, a me na palapala hoopaa e ae i hiki ke kuai aku a kuai mai, aole oia e ae ia e waiho aku i pane ke waiho pu ole aku oia i palapala hoike i hoohiki ia i hana ia e ia, a i ole ia e kekihi mea i ike na mea e pili ana i ka hihia, e kokua ana iaia, he kumu pale kupono ko ka mea i hoopiiia ma ia hihia, a e hoakaka ana i kekahi kumu pale kupono i ka hoopii, ina ua hoomaka ia ka hihia iloko o na mahina eono mahope o ka hoole ia ana o ka palapala i lawe ia mai ai ka hoopii.
Aponoia i keia la 25 o Sept, M H 1876 KALAKAUA R.
HE KANAWAI
E pili ana i ka mana hookolokolo o na Aha Hooponopono Waiwai make o keia Aupuni. A no na mea, e pili ana i ke kuai ana'ku i ka waiwai paa o na kanaka make, i kumu e hookaa ia ai na aie o ua poe make la.
No ka mea ua ala mai na manao kanalua e pili ana i ka mana hookolokolo o ua Aha Hooponopono waiwai make, o keia aupuni, no ke kauoha ana aku e kuai ia ka waiwai paa o ka poe make i mea e hookaa ia ai ka aie o ua poe la, a he mea kupono hoi e hoopau loa ia kela kanalua ana. Nolaila, E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni :
Pauku 1. Ua loaa mua no i na Aha hooponopono Waiwai make o keia aupuni ma ka manawa mai o ka hookumu ia ana o ia Aha, he mana, a ke hoomaopopo ia'ku he mana no i keia manawa, a e mau aku no hoi ma keia hope aku ka mana e kauoha ai a e haawi ai i ka mana e kauoha e kuai aku ai i kekahi waiwai paa o na kanaka i make i mea e hookaa ia ai ko lakou mau aie ke lawa pono ole na waiwai lewa o ua poe make nei no ka hookaa ana i ua mau aie nei.
Aponoia i keia la 27 o Sept. M H 1876. KALAKAUA R.
HE KANAWAI
E hoololi ai i ka Pauku 56 o ke Kanawai Kivila.
E hooholoia e ka Moi a me ka Hale Ahaolelo o ko Hawaii Pae Aina, i akoakoa iloko o ka Ahaolelo Kau Kanawai o ke Aupuni : Pauku 1. E hoololi ia a ma keia ke
hoololi ia nei ka Pauku 56 o ke Kanawai
Kivila, a heluhelu ia ai penei.
Pauku 56. Na ke Kuhina Kalaiaina e
haawi i kela a me keia mea e noi mai ana
ma ka palapala, i laikini ae, e kuai ka lole a me na waiwai kalepa e ae ma ke kuai kukaa, no ka makahiki hookahi.
E hoakaka ia ma na palapala noi nei na loaa avalika like o ka malama o na mea nei nana ke noi, no na waiwai i kuai ia aku e ia ma ke kukaa no na malama he umikumamalua o ka wa mamua koke iho o kana noi ana, a ina aole laikini ae mamua e kuai kukaa, o ka mea nana ke noi, alaila, i moolelo hoakaka o na loaa kuai aku, ma ke kuai kukaa ma ke ano avalika like o ka malama i manao ia o na malama he umikumamalua mahope mai, a e hiki mai ana paha ; o ua mau palapala nui nei e hooiaio ia no ia ma ka hoohiki ana a ka mea e noi ana, ina i makemake ia e ke Kuhina Kalaiaina. O ka nui o na dala e uku ia ai e ka mea e noi mai ana i laikini ae kuai kukaa e like no ia penei.
Ina e oi aku ka huina o na loaa kuai aku ma ke ano averika like no ka malama, mamua o Ekolu Tausani Dala, alaila i hookahi haneri ka uku o ka laikini no ka makahiki hookahi.
Ina hoi, ua oi aku mamua o Ekolu Tausani Dala na loaa kuai aku, a ua oi ole aku nae hoi mamua o Eono Tausani dala, alaila, i Hookahi Haneri me kanalima dala ka uku makahiki. A i kanalima hou aku dala no kela a me keia Ekolu Tausani dala, a hapa paha o ia mau dala.
Aponoia i keia la 27 o Sept M H 1876. KALAKAUA R.
HE KANAWAI E ae ai e Hoaie i Dala. E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni :
Pauku 1. Ma keia ua ae ia ke Kuhina Waiwai, malalo o ke Kauoha a ka Moi iloko o ka Aha Kuhina, e hoopuka i na Bona o ke Aupuni me na kupona i kapili pu ia no na dala aole oi aku i Ekolu Haneri Tausani : e kau ia ka ukupanee maluna o ia mau Bona, aole oi aku i eiwa hapa haneri no ka makahiki, i kela me keia hapalua makahiki e ukuia ka ukupanee. E kakau mua ia ua mau Bona nei e ke Kuhina Waiwai, me ka inoa pu kekahi o ke kakauolelo Buke Helu o ke Aupuni, a e palapala ia keia mau huaolelo ma ke alo o ua mau Bona nei, penei " Hoopuka ia mamuli o ke kanawai e ae ai e hoaie i Dala, i aponoia ma ka la o 1876 ; e hookaa loa ia ke kumu paa o ua mau Bona nei i ka manawa i hoomaopopo ia ma he alo o ka Bona, aole nae e oi aku i na makahiki he iwakalua mai ka la aku i hoopuka ia'i.
Pauku 2. Ma keia ua hoopau loa ia ke kanawai e ae ai e Hoaie Dala, i aponoia ma ka la 29 o Iulai M H. 1872. Aponoia i keia la 27 o Sept. M H 1876. KALAKAUA R.
KA HUNT'S LAAU OLA
(HUNT'S REMEDY)
HE LAAU LAPAAU HOU, MAI AMERIKA MAI !
He Laau Maikai keia no
Na mai pehu o ka opu,
Na mai o ka puupaa a me ka opu mimi,
Mimi-paa, Mimi-eha, Mimi-helelei,
Ka lepo gravel iloko o ka opu-mimi,
Ka mana ole, kapalili, hui ono ole ka ai.
Na Mai Wahine,
NAWALIWALI O KE KINO,
LEPO ULA ILOKO O KA WAI MIMI,
MANOANOA PAHA KA WAI E like me keokeo o ka huamoa,
Like paha me na kaula silika keokeo, eleele, lenalena paha ; a i ole ua like paha me
ka lepo i anaiia i na iwi keokeo, a i ka mimi ana, ua wela oioi ka
mai, me ka eha nui o ke kikala a me ka puhaka.
HE NUI NA HOIKE e ola nei, ka poe i loohia i keia mau mai i haiia maluna ae,
ua pau lakou i ke ola maikai, no ka inu ana i ka
HUNT LAAU OLA. ("HUNT REMEDY)!"
UA HAAWI mua ia keia laau, e kekahi kahuna lapaau naauao, i ke kanaka mai
pehu o ka opu, e noho ana me ka ohana a Mr. Hunt ; John Hunt kona inoa, he 45 kona
mau makahiki, he kanaka nui poepoe, ua loohia i ka mai pehu. Ua haawiia kela me
keia laau no keia mai, aole nae oluolu ; ua mahuahua mau kona pilikia, ua pau loa ke
kino a me na wawae i ka pehu ; ua kokoke paa loa ka mimi ; kokoke pau loa ka hanu
ana ; a ua mahuahua loa ka wai iloko o ke kino. Aole hiki iaia ke moe ilalo ma ka
moe, nolaila, ua noho wale no iluna i ka po a me ke ao. Pela mau kona popilikia a hi-
ki i kona hoao ana i keia laau, a ke kahuna i kuhikuhi mai ai. A i kona inu ana i ke-
ia laau, ua hoomaka koke ka oluolu. Ua paipai koke ia ka puupaa i ka laua oihana ;
ua puka hou ka wai mimi a nui wale ; ua emi koke mai la ka pehu o na waewae ; a ua
oluolu hou ke ake-mama i ka hanu ana ; ua oluolu a maikai ka io o na lala, a e hoi nui
mai ana ke ola maikai, alaila, me ke kuhihewa, ua waiho oia i ka laau i kekahi mau
la. Ua pono ole nae ka waiho ana ia manawa, no ka mea, aole i ola io maoli kona mai
pehu. Ua molowa hou na puupaa i ka laua oihana, a ua mahuahua hou ka wai iloko o
ka opu, a ua popilikia hou e like me mamua. Alaila, ua inu hou oia i ua laau la, a ma
ka hoomanawanui ana, ua lanakila hou auanei maluna o ka mai, a ua ola io maoli, a
ua hoomaka hou oia i kana oihana mawaho o ka hale.
Oia ka lapaau mua ana me keia laau ; a mai ia wa mai, (he 25 makahiki) ua ha-
hanaia keia laau e like me ka hana ana o Mr. Hunt, a ua haawi na kahuna lapaau i ke-
ia laau i ka poe mai pehu a me na mai like.
Mai ia manawa mai, ua ikeia, e mahaloia hoi keia laau, mai o a o, e na kana-
ka, a ua inu ia hoi ma ke ao ana a me ke ao ole ana mai o na kahuna lapaau ; oia ka
mea i hoola mai i na kanaka he nui, ka poe pilikia i ka mai pehu, a kokoke i ka make.
Na kuhikuhi no ka inu ana :
E INU I KE PUNA TI PIHA, a hala na hora 4, alaila, e inu hou. E mahuahua
liilii nae a hiki i elua puna ti piha — a hiki hoi auanei i puna nui piha.
NO KE KEIKI hookahi makahiki a hiki i na makahiki eono, e haawi 5 kulu, a hi-
ki i na kulu 20 ; eha hora nae mawaena o ka haawi ana.
KUMUKUAI, he - - $1.50 no ka omole.
DILLINGHAM & CO.,
762 3m 774 Na Agena no ka Pae Aina Hawaii.