Ka Nupepa Kuokoa, Volume XV, Number 43, 21 October 1876 — Page 4
KA NUPEPA KUOKOA, ME KE AU OKOA I HUIIA.
JESUS EVER NEAR
Crown of Life 8.
1 Mahea Iesu ? hai mai, hai mai ;
Huna e anei ? I kahi kiekie ae,
A launa ole mai ? Cho — Eia oia maanei no ;
Mai makau, mai makau ; He hoa kokoke nei ;
Mai makau, mai makau ; Oia no ke alakai,
He Hoa oia mau Eia oia maanei no, Mai makau, mai makau,
2
Mahea Iesu ? hai mai, hai mai ;
Ilalo loa anei ? I kahi lua hohonu e,
A launa ole mai ? Cho.— Eia oia maanei no, &c.
3
He Hoa ola e Iesu,
He koo kokoke no ; Paulele iaia, launa pu,
Mau oia me kakou. Cho.— Eia oia manei no, &c.
4 He laau mana ko Iesu,
He bama lapaau ; E kii, hoopa, a inu pu,
Ola na mai a pau. Cho.— Eia oia maanei no, &c.
5 E pule aku ia Iesu,
Na pokii kula e, Hoomana, a hoomaikai pu,
He Hoa aloha nei. Cho.— Eia oia maanei no, &c
HAWAII.
HAAWINA KULA SABATI
HELU 6.— SABATI, NOV. 5, 1876.
KUMU HANA.— Ko Paulo huli ana PAUKU BAIBALA, Oih. 9 : 1 — 18.
EHA aku ana o Saulo i ka olelo hooweliweli, a me ka luku eku i na haumana a ka haku, hele aku la ia i ke kahuna nui.
2 Nonoi aku la i mau palapala no na hale halawai ma Damaseko, ina loaa iaia kekahi mau mea no keia aoao, na kane paha, na wahine paha, e alakai mai no oia ia lakou me ka nakinakiia ma Ierusalema.
3 A i koha hele ana aku, a kokoke ia e hiki i Damaseko, anapu koke mai a puni iho la ia i ka malamalama.
4 Hina iho la i ka honua, a lohe aku la ia i ka leo, i ka i ana mai iaia, E Saulo, e Saulo, no ke aha la oe e hoomaau mai nei
ia'u ?
5 I aku la ia, Owai oe, e ka Haku ? I
maila ka Haku, O Iesu no au ka mea au e hoomaau mai nei. O ke keehi ana i ua mea oioi he mea ia e eha ai nou.
6 I aku la ia me ka hopohopo a me ka haalulu, E ka Haku, heaha kou makemake e hana aku ai au ? I mai la ka Haku iaia, E ala oe iluna, a e hele i ke kulanakauhale, a e haiia no ka mea pono nau e hana aku ai.
7 A o na kanaka e holo pu ana me ia, ku iho la lakou me ka leopaa, ua lohe no lakou i ka leo, aole nae i ike aku i kekahi mea.
8 Ala mai la o Saulo, mai ka honua mai, oaka ae la kona mau maka, aole nae ia i ike i kekahi mea. Alakai lima aku la lakou iaia a hiki aku i Damaseko.
9 Ekolu la o kona ike ole ana, aole ia i ai, aole hoi i inu.
10 Aia no ma Damaseko kekahi kanaka, o Anania kona inoa. I mai la ka Haku iaia ma ka hihio, E Anania. I aku la kela, Eia no wau e ka Haku.
11 I mai la ka Haku iaia, E ku, a e hele ma ke kuamoo i kapaia, o Pololei, ma ka hale o Iuda, e imi i kekahi mea i kapaia o Saulo, no Tareso, no ka mea, aia hoi, ke pule ia ia. 12 A ma ka hihio oia i ike aku ai i kahi kanaka, o Anania kona inoa, e hele mai ana, a kau i ka lima maluna ona, i ike ia.
13 I aku la o Anania, E ka Haku e, ua nui loa na mea a'u i lohe ai i ua kanaka la, i ka nui o ka hewa ana i hana aku ai i kou poe haipule ma Ierusalema. 14 Ua loaa no hoi iaia ka mana na ke
kahuna nui mai, e hoopaa i na mea a pau i hea aku i kou inoa.
16 I mai la ka Haku iaia, O hele, no ka mea, he ipu i kohoia na'u oia nei e lawe aku ai i ko'u inoa imua o ko na aina e, a me na'lii, a me na mamo a Iseraela.
16 No ka mea, e hoike aku ana au iaia i ka nui o kona ehaeha ana ma ko'u nei
inoa.
17 Hele aku la o Anania a komo aku la
i ka hale; a kau aku la i kona mau lima maluna ona, i aku la, E Saulo, e ke kaikai-
na, ua hoouna mai ka Haku ia'u, o Ie
su, ka mea au i ike ai, ma ke ala au i hele mai ai, i ike oe, a i piha hoi i ka Uhane
Hemolele.
18 Haule koke iho la mai kona mau maka mai me he mau unahi la, a ike koke iho la ia, a ku mai la, bapetizoia iho la.
Pauku Gula. " He naau hou no hoi ka'u e haawi aku ai ia oukou." Ezk. 23 : 28.
Pauku hoopaa 1 — 6.
Mele, Himeni 488. 8 — 9. Leo.
1 Auhea la ka mana hiki Ke hoohuliia mai
Ko na aina pouli wale
A loaa ka pomaikai ? Nou ka mana, e ka Uhane ; Nou ka mana e huli ai.
Pule no na aina naaupo, no ka poe hoomanakii, i haule ka Uhane a hoohuli nui mai, &c.
Na ninau a na Kumu
P 1, 2. Mahea ka lohe mua ana no Saulo ? mok 7 : 58. E aha ana oia ia wa ? E aha ana oia ma keia pauku ? ia wai ? No wai la kona hele ana ? E nonoi aku i mau aha ? no na hale halawai mahea ? Heaha, a mahea Damaseko ? He kulanakauhale ma Suria. He palapala aha keia ? He palapala hopu ia wai ? i ka poe no keia aoao, aoao aha ? aoao o Iesu. E hopu a aha ia lakou ? E alakai i Ierusalema no ke aha ? I hoolokoloia a lukuia. He kanaka hoomaau ka Saulo ! hoomaau pehea ? Me ka naaupo ea, Nana Galatia 1 : 13. 1 Tim. 1 : 13. Heaha ka Iesu olelo ma Ioane 16 : 22 Heaha hoi ka Paulo ma 2 Timoteo 3 : 12 ? Ua hookoia anei ? Heaha ka olelo hooluolu ma Ioane 16 : 33 ?
p 3. A kokoke hiki ia Damaseko, heaha ka ulia i loaa ia Saulo ? Ka hora hea ? mok 22 : 6. Heaha keia malamalama ? Ka nani o Iehova. Luka 2 : 9.
P 4. Pehea iho la Saulo ? A lohe i ke aha ? ninau mai pehea ? ma ka olelo hea ? mok 26 :14. Ma ke aha ko Saulo hoomaau ana ia Iesu ? Ma ka hoomaau ana i kana poe haumana. Mat 25 : 40. P 5. Heaha ka Saulo ninau ? Heaha ka pane ana ? O ke keehi ana i na mea ooi, he mea aha ia ? He mea eha, he mea make ke kue ana ia Iesu me kona aoao. mokuna 5 : 39.
P 6. Heaha ka ninau hou a Saulo ? me ke aha ? A pane mai Iesu pehea ?
P 7. Pehea na kanaka e hele pu ana me Saulo ?
P 8. Ala mai Saulo, a pehea kona mau maka ? No ke aha ka ike ole ? No ke olinolino o ka malamalama. Pehea oia i hiki aku ai i ke kulanakauhale ?
P 9. Ehia la i noho ai oia me ka ike ole, a me ka ai ole ? Heaha kana hana ma ia mau la ? Ka mihi paha me ka pule.
P 10. Owai ma Damaseko ? nana hoi mok 22 : 12. Owai ka i olelo ia Anania ? Ma ke aha ? A pane oia pehea ? Makaukau koke no e hoolohe ea.
P 11, Heaha ke kauoha a ka Haku ? Owai ka inoa o ke alanui ? Mahea ia alanui ? Ka hale owai malaila ? Owai maloko ? Nohea Saulo ? Mahea Tareso ? no Asia uuku. E aha ana Saulo ?
P 12. Heaha ka Saulo i ike ai ma ka hihio ? Hookoia anei mahope ?
P 13, 14. Kanalua ka Anania no Saulo no ke aha ? He kanaka aha oia ? a heaha ka mana i loaa iaia ?
P 15, 16. A pane aku ka Haku pehea ? Heaha o Saulo ? He ipu aha ? He mea kokua i ke kukulu ana i ko Iesu aupuni mahea ? A e hoike ana ka Haku iaia i ke aha ? Ua hookoia anei mahope ? P 17, 18. Pehea Anania ? Heaha kana olelo ia Saulo ? E ike oe a e piha i ke aha ? Pehea hoi Saulo ? Heaha kai haule mai kona mau maka ? U'ahaia hoi oia ? Huli koke mai ea a bapetizo koke ia e like me wai ma kela haawina ? He mea nui kela luna — he mea nui hoi keia.
Mana Iesu me kana olelo.
Mele, Him 462. 6 — 8. Leo.
1 He hanohano mau
Ko luna Alii maikai ; Mahalo loa kuu naau I kona nani e.
3 He mana, he maikai Kou lima e Iesu : Hoolilo i ou mau enemi I mau ohua nou. Na ninau a ke Kahu. Na Makua. Owai ka i hoomaau nui i ka ekalesia ? Aole anei oia he kanaka naauao ? Ae, he loio, he kumu, he kakaolelo, ua akamai loa ko ke Akua mau kanawai. Ikaika hoi i ka malama i ke Akua ma ka aoao o na Iudaio. Mahea kona kuhihewa ? Kuhi oia, o ko ke Akua makemake no ia, e hoomaau, e luku i na haumana a Iesu. Hana oia me ka naaupo. No ke aha kona naau po ? No ke aha i
alohaia i oia e ke Akua ? Owai kekahi poe
e hoomana naaupo ana i keia wa ? Na Pegana, Mahomeda, Katolika, Iudaio, me ka poe paulele nui i ko lakou pono iho. Roma 10 : 2, 3. Heaha ko lakou pono ?
Na Keiki. Owai keia kanaka nui i huli koke mai ? Ma ke aha kona huli ana ? Ma kona ike ana i ke aha ? Ma kona lohe ana i ke aha ? Heaha ka malamalama nui a lakou i ike ai ? Ka Iesu olelo. Heaha
ka leo a oukou i lohe pinepine ai ? Ua hoomaau anei oukou ia Iesu ? Ae. Ma ke aha ? Ma ka hookuli i kana olelo i kana poe kauwa. He mea aha ka hookuli ? He mea hoeha, he mea e make ai makou. Heaha ko Iesu makemake ? E mihi, e huli koke, e lilo koke nona. Ke Kula a pau. Hai like mai i ka pauku gula me na pauku hoopaa 1 — 6. Owai na hoomaau i keia wa ? Owai ka malamalama nui ? Owai na Anania ? Ma ke
aha e huli nui ai na hoomaloka, na hoo-
manakii, &c.
Mele, Him 230. 8 — 7 Leo Bently.
1 Nani ka Iesu olelo !
Lohe mai e ko ke ao, Eia hoi ! kokoke mai la Ko ke Akua aupuni hou.
2 Huli mai oukou e mihi, E pau i ka hanau hou, Hookaawale oiaio I ohua no'u oukou.
4 No na kanaka paulele, Ke aupuni o ke ao ; O ka poe lohe ole,
No lakou ka make mau. Pule no na misionari ma Maikonisia &c. Haawina no Nov. 12.— Oih 9 : 19 — 30.
Na Kanawai o 1876.
HE KANAWAI
E hoomalu ai a e hoomaunauna ole ai hoi i na ulu laau a me na laau o ka nahelehele.
No ka mea hoi, ua akaka lea o ka hoopaa wale ana i na ulu laau o kekahi aina, he mea ia e hooemi loa ai i ka wai ; nolaila E hooholoia e ka Moi a me ka Hale Ahao-
lelo o ko Hawaii Pae Aina i akoakoa iloko o ka Ahaolelo Kau Kanawai o ke
Aupuni :
Pauku 1. Ma keia ua kauohaia ke Kuhina Kalaiaina e hookaawale a e hoomalu i ka poino o ke komo wale ana o na holoholona, a komo hewa e ae paha, i na aina ulu laau o ke aupuni, kahi a ia Kuhina i manao ai ua pono ke malama ia no na wai mapuna, a me na laau kupono ke kalaiia, me na laau hua, a laau waiwai e ae paha
Pauku 2. I mea e hooko ia ai na olelo o keia kahawai, ua haawi ia ka mana i ke Kuhina Kalaiaina e hoonoho a e hookohu aku i kekahi kanaka kupono i kahu no na ulu laau a me na laau o ka nahelehele, nana e hooko, mamuli o ke kauoha ana o ke Kuhina, i na rula i kau ia no ka hoomalu ana a me ka hoomau ana o ua mau aina ulu laau la i haokaawale ia. Na na Kahu nei no e kukulu a e malama i na pa a me na mea pale holoholona a pau e pono ai no ka hoomalu ana i ua mau aina la, Nana no, a malalo o ke kauoha a ke Kuhina e kena e hopu i na mea a pau e komo hewa ana maluna o ia mau aina, a ma keia ua kauoha ia na makai a pau o na apana kahi e waiho ana ua mau aina nei, e kokua aku i ke kahu o na ulu laau, e hooko pono ia na kauoha a ke Kuhina, A ina e hahaiia kekahi o na rula i kau ia no ka hookapu ana i na ululaau a me na laau o ka nahelehele i oleloia, alaila e hoopai ia ka mea i ku ka hewa iaia imua o kekahi Lunakanawai Hoomalu a Apana paha, i ka uku hoopai aole e oi aku i ka hookahi haneri dala, a i ole ia, e hoopaahao ia oia aole e oi aku i ka makahiki hookahi.
Pauku 3 Ma keia ua kauohaia ke Kuhina Kalaiaina e hoolimalima a ma ke ano e ae paha, mai na Komisina o na aina Moi, i na aina ululaau i manao ia ua kupono e hooko ia'i na manao o keia kanawai.
Pauku 4 Ina i ikeia ua pono ke hoopau loa ia ke kuleana o kekahi mea a mau mea paha, iloko o kekahi ululaau a aina ululaau paha, a e hoolilo ia i ke aupuni i mea hooko pono ia'i na manao o keia kanawai, alaila e hoomaopopoia ke kumukuai o ia aina e like me ke kau like, ma ka noonoo maikai ana o kekahi mau luna ku i ka wa, i koho ia e ka poe nona ia aina, a me ke Kuhina Kalaiaina kekahi, a o ka mea i hooholoia e ua poe ku i ka wa nei, oia no ka palena o ke kumukuai, e haawi ia e ke aupuni no ia aina, a mahope o ka haawi ana i ke kumukuai i hooholoia pela, alaila e hiki no i ke Kuhina Kalaiaina e lawe i ua aina nei no na hana i olelo mua ia ma keia kanawai.
Pauku 5. E loaa no i ke kahu o na ululaau a me na laau o ko nahelehele, no ka hooko pololei ana, i kana oihana i ka uku e like me ka mea i hooholoia e ke Kuhina Kalaiaina
Pauku 6. Ma keia ua hookaawale ia he i mea e hookoia'i na olelo o kela kanawai.
Aponoia i keia la 19 o Sept. M H 1876. KALAKAUA R.
HE KANAWAI E hooponopono ai i ka moni. E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni :
Pauku 1. Mahope aku o ka la mua o Maraki iloko o ka makahiki o ko kakou Haku Hookahi Tausani Ewalu Haneri me Kanahikukumamahiku, o ke dala gula o Amerika Huipuia e manao ia, oia no ke kulana paa o ka moni malalo o ke kanawai iloko o keia aupuni ma ka uku ana i na aie a pau ma ko lakou waiwai i ike ia. Pauku 2. E hooholo hou ia. E ku no i ke kanawai ka uku ana aku o na dala keokeo o Amerika Huipuia ma ko lakou waiwai i ike ia no na aie a pau iloko o keia aupuni no na puu dala i oi ole aku i ke kanalima, a no na aie mawaena o ke kanalima, a me ka haneri dala, e hiki no ke uku ia i kanalima dala ma ke dala keokeo a o ke kona e uku ia ma ke dala gula i olelo ia.
Pauku 3. A e hooholo hou ia. No na aie a pau i hiki aku i ka hookahi haneri dala, a i oi ole aku hoi ka hookahi tausa-
ni dala e ku no i ke kanawai ma ka uku ana ia mau aie i iwakaluakumamalima hapa haneri ma ke dala keokeo o Amerika
Huipuu i olelo ia, a he kanahikukumama-
lima hapa haneri ma ke dala gula o Amerika Huipuia i olelo ia
Pauku 4. A e hooholo hou ia, no na
aie a pau i oi aku i ka hookahi tausani dala, no ke tausani mua o ia aie, ua hiki ke uku ia e like me ka uku ana i hoakaka ia ma ka Pauku maluna ae, a no na dala i koe, ua hiki ke uku ia he umikumamalima hapa haneri ma ke dala keokeo i olelo mua ia a o ke koena e uku ia me ke dala gula i olelo ia.
Pauku 5. A e hoohoolo hou ia. O na moni gula me na moni keokeo, o na Aupuni e ae i kau ia ka hoailona o kekahi aupuni kuokoa, e lawe ia no ia moni ma ka hookaa ana i na auhau o ke aupuni, na dute, a me na uku e ae e uku ia ma ka Waihona o ke aupuni, a pela no hoi e ku ai i ke kanawai ka uku ana i na aie o kanaka i aie ia a hookaa ai hoi maloko o keia aupuni, ma kona kumu waiwai i hooholoia e ka Moi iloko o ka Aha Kukamalu a i hoolaha ia e ke Kuhina Waiwai no ia mea.
Pauku 6. A e hooholo hou ia ; O na apana dala a pau nona ka waiwai he iwakaluakumamalima keneta a emi iho paha, e ku no i ke kanawai ke uku ia aku no na hookaa ana a pau i oi ole aku i ka umi dala, aka ma na hookaa e ae a pau, i uku ia ai na dala keokeo e like me na pauku mamua ae, ua hiki ke uku ia me na apana dala nonoa ka waiwai he iwakaluakumamalima keneta a emi iho paha, ma ka umikumamalima dala iloko o kela a me keia haneri dala e uku ia ai ma ke dala keokeo.
Pauku 7. E auhau ia e ohi ia a e hookaa ia maluna o na dala keokeo a pau i lawe ia mai iloko o keia aupuni mai kekahi aupuni e mai ina hoi aole he Kuikahi o ka Moi me ia aupuni e papa ana ia mea, i ka dute i umi hapa haneri ma ke kumu paa. Aka hoi, aole e hooko ia keia Pauku aia a hoopukaia ka olelo Kuahaua a ka Moi, no ia hooko ana, mamuli a me ke kuka ana a hooholo ana hoi o ka hapa nui o ka Ahakukamalu, ma kekahi halawai o ia Aha, i kahea pono ia.
Pauku 8. A e hooholo hou ia, mahope aku o ka hooholo ia ana o keia kanawai na ke Kuhina Waiwai e koi aku e uku ia na dute a pau ma na waiwai komo mai, ma ke dala gula o Amerika Huipuia, a ma ka mea paha e like me ia.
Pauku 9. A e hooholo hou ia. Mahope aku o ka la mua o Maraki umikumamawalu haneri a me kanahikukumamahiku e uku ia ka uku panee o na Bona Aupuni me ke dala gula o Amerika Huipuia no ka mea paha e like me ia ina ua hiki aku ka uku panee, i na dala elima a oi aku ma ka Bona hookahi, a ina ua emi malalo o na dala elima, alaila e uku ia me ke dala keokoe i olelo mua ia.
Pauku 10. A e hooholo hou ia. Mahope aku o ka la mua o Maraki umikumamawalu haneri a me kanahikukumamahiku o ke kanawai i kapaia " He Kanawai e hooponopono ai ka moni" (Mokuna XXVII o na Kanawai o 1872, i aponoia ma ka la 29 o Iulai 1872) e lilo i mea ole aole no hoi e mana, pela no hoi me na kanawai a me na hapa kanawai a pau e kue ana a i kulike ole me na olelo o keia kanawai.
Aponoia i keia la 19 o Sept. M H 1876. KALAKAUA R.
HE KANAWAI
E hoomahuahua ai i na dute maluna o kekahi mau waiwai.
E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni :
Pauku l. E kau ia, ohi ia, a e uku ia, na dute maluna o na waiwai i hoike ia mahope iho nei, i lawe ia mai iloko o keia aupuni, he dute i iwakaluakumamalima hapa haneri ma ke Kumukuai, penei. Na silika, pahoehoe, silika veleveta a me na mea a pau i komo nui na silika iloko. Na kaa lealea o na ano a pau, Na lole i humu ia, me na lole aahu o na ano a pau, i humu ia, a humu hapa ia paha ;
Na papale, a me na papale kapa o na ano a pau ;
Na lole lilina, a me na mea a pau e hana ia a i komo nui ia e ka lilina, lole mauu, a me oia ano like i komo nui ia ana paha iloko, koe na eke, a me ka mea hana eke, a me ka lole pea moku ;
Na pa, a me na mea aniani o na ano a pau ;
Na laau lapaau, i kapa ia he " Patent" a me na laau e ae o na ano a pau ;
Na lako hale, o na ano a pau ; ina ua hana hoomaikai ia, a i koli ia paha, a ua hana ia me ke ano holokoa a hapa paha.
Na mea no na wahine, pupulei, laina lole, na papale, aa pihi lole, kaliki a-i kala na lima a me na pu lima, ua lihilihi mawaho, na pua i hana ia, na hulu manu nani, na lihilihi no na lole a me na lako hale, na miki lima i hoakaka ole ia, pale lole, na hupa, na lou a me na maka, na lihilihi komo, me na lihilihi o na ano a pau, na lipine i hoakaka ole ia.
Na pa dala a me na pa i holoi ia me ka wai dala, a gula paha, na mea i kapa ia " Bretannia Ware" a me na mea nani o ia
ano
Na ki inu
NA wati liilii, a me na wati kau hale ma ke ano hapa a holookoa paha.
Na Ciga pepa o na ano a pau, Na mea gula a me na ano a pau o na pupu metala, aniani, a pohaku paha.
Na kii pena ia, na kii pai ia, na kii i kaha ia, na kii pohaku, keleawe, a me na mea hoonani i hana ia mailoko mai o na
metala, pohaku, mabala, puna paresa, alabasta, a me na mea hoohalike o ia ano.
na wai ala (i auhau ole ia i ka dute e like me ko ia wai ona ;)
Na sopa aala, na pauda aala, na balaki lauoho, niho, lima a me na balaki e ae o ia ano.
Na ipu baka, na au ipu baka a me na mea a pau e pili ana i na ipu baka, na mea kau ciga.
Na kukui ihoiho ;
Na ko i hana ia (Candies)
Ni aila pi-naki,
Na mea lealea o na keiki,
Na pu, a me na mea e ae a pau e pili ana i na pu.
Na ahi koe, o oa ano a pau, a me na mea hoopahupahu.
Pauku 2. E kau ia, ohi ia, a e uku ia na dute i hoakaka ia mahope iho nei maluna o na waiwai i hoike ia malalo iho nei, i lawe ia mai iloko o keia aupuni penei.
No na pepa lealea, hookahi dala no ke kakini paa.
No na miki lima, ili kao a me na ili e ae, ekolu dala no ke kakini paa.
No na ciga, a me na ciga liilii, he umi dala no ke tausani.
No ka baka pake, kanalima keneta no ka paona.
Ma na pahu koa, i na eha pahu ma ka paa hookahi elua dala ; ina elua pahu ma ka paa hookahi, hookahi dala.
Ma na kukaepele o na ano a pau, iwakalua kumamalima keneta no ka gross.
Ma na moena pake hookahi dala no ka owili.
Ma na Port, Sherry, Madeira a me na waiwai e ae o ia ano, i oi aku ke ikaika mamua o umikumamawalu hapa hanei, o ka alekahola iloko, a pela no hoi me na Cordials, Bitters a me na mea e ae o ia ano a inoa paha i komo a malama ia paha me ka alekohola a wai ikaika paha maluna o ka umikumamawalu hapa haneri a malalo o ke kanakolu hapa haneri, ke ole e hoomaopopo e ia'i. Elua dala no ke galani.
Ma na Champagne, Sparkling Marselle, a me Sparkling Hock, Ekolu dala no ke kakini omole paina.
Ma ka Claret, Rhine waina, a me na waina o ia ano malalo o umikumamawalu hapa heneri, o ka ikaika o ka alekahola iloko i hoomaopopo ole ia, i Hookahi dala no ke kakini omole guata, a he kanalima keneta no ke kakini omole paina a he kanaha kenela no ke galani ina ma ka pahu.
Ma ka Ela Pota, Cida a me na mea inu i hoawaawa ia, i hoakaka ole ia, he kanalima keneta no ke kakini omole guata, a he iwakaluakumamalima keneta no ke kakini omole paina, a he umikumamalima keneta no ke galani, ina ma ka pahu.
Aponoia i keia ia 27 o Sept. M H 1876. KALAKAUA R.
HE KANAWAI
E hoololi ai i ka Pauku 1144 o ke Kana-
wai Kivila ma ka pakui ana aku i pauku
hou e helu ia 8. E hooholoia e ka Moi a me ka Hale Ahao-
lelo o ko Hawaii Pae Aina i akoakoa ilo-
ko o ka Ahaolelo Kau Kanawai o ke
Aupuni :
Pauku 1. E hoololi ia a ma keia ke hoololi ia nei ka Pauku 1144 o ke kanawai kivila ma ka pakui ana i Pauku hou e helu ia 8
8. O kela mea keia mea ia ia ka palapala kikoo dala i ka Baneko, palapala aie lima, palapala kikoo dala ma ka aina e, a me ka palapala hoopaa e ae i hiki ke kuai aku a kuai mai, ua hiki ia lakou ke hui ma ka aoao hoopiiia, ma kekahi hoopii no ka hoihoi ana mai i na dala i hoopaa ia ma ia palapala, o ka poe mua a pau, a o kekahi paha o lakou, ka poe nana i hana, a kakau inoa paha, a kakau kua paha.
Aponoia i keia la 25 o Sept M H 1876. KALAKAUA R.
HE KANAWAI
E hoopau ai i ke Kanawai, oia hoi ka Mokuna 61, o na Kanawai o ka mahahiki 1874 i kapa ia " He Kanawai. E ae ana i kekahi Aie Aupuni a e hoakaka ana i na ano e hoolilo aku ai na dala i loaa mai na Hoaie ana."
E hooholoia e ka Moi a me ka Hale Ahaolelo o ko Hawaii Pae Aina, i akoakoa iloko o ka Ahaolelo Kau Kanawai o ke Aupuni :
Pauku 1. O ke kanawai, oia hoi ka Mokuna 54 o na kanawai o ka makahiki hookahi tausani ewalu haneri a me kanahiku kumamalima, i kapaia, He Kanawai, E ae ana i kekahi Aie Aupuni, a e hoakaka ana i na ano e hoolilo aku ai na dala i loaa mai ma ia Hoaie ana, e hoopaa ia, a ma keia ke hoopau loa ia nei.
Pauku 2 E lilo keia i kanawai mai ka la aku i aponoia ai.
Aponoia i keia la 26 o Sept M H 1876. KALAKAUA R.
HE KANAWAI
E hoololi ai i ka Pauku 2 o ke kanawai i kapa ia " He Kanawai e hoomahuahua ai i na dute maluna o kekahi mau waiwai" i aponoia ma ka la 27 o Sepatema-
ba M. H. 1876
E hooholoia e ka Moi a me ka Hale Ahaolelo o ko Hawaii Pae Aina i akoakoa iloko o ka Ahaolelo Kau Kanawai o ke Aupuni :
Pauku 1. E hoololi ia, a ma keia ke hoololi ia no ka Pauku 2 o ke kanawai i kapaia " He Kanawai e hoomahuahua ai i na dute maluna o kekahi mau waiwai, ma ka hookomo ana i na huaolelo" me hookahi dala me " mahope aku o na huaolelo" Ekolu dala " no ke kakini omole guata ; a," ma kahi o ka papa helu e pili i na dute maluna o na waina, a me na wai ikaika. Aponoia i keia la 29 o Sept. M H 1876. KALAKAUA R
KA HUNT'S LAAU OLA
(HUNT'S REMEDY)
HE LAAU LAPAAU HOU, MAI AMERIKA MAI !
He Laau Maikai keia no
Na mai pehu o ka opu,
Na mai o ka puupaa a me ka opu mimi,
Mimi-paa, Mimi-eha, Mimi-helelei,
Ka lepo gravel iloko o ka opu-mimi,
Ka mana ole, kapalili, hui ono ole ka ai.
Na Mai Wahine,
NAWALIWALI O KE KINO,
LEPO ULA ILOKO O KA WAI MIMI,
MANOANOA PAHA KA WAI E like me keokeo o ka huamoa,
Like paha me na kaula silika keokeo, eleele, lenalena paha ; a i ole ua like paha me
ka lepo i anaiia i na iwi keokeo, a i ka mimi ana, ua wela oioi ka
mai, me ka eha nui o ke kikala a me ka puhaka.
HE NUI NA HOIKE e ola nei, ka poe i loohia i keia mau mai i haiia maluna ae,
ua pau lakou i ke ola maikai, no ka inu ana i ka
HUNT LAAU OLA. ("HUNT REMEDY)!"
UA HAAWI mua ia keia laau, e kekahi kahuna lapaau naauao, i ke kanaka mai
pehu o ka opu, e noho ana me ka ohana a Mr. Hunt ; John Hunt kona inoa, he 45 kona
mau makahiki, he kanaka nui poepoe, ua loohia i ka mai pehu. Ua haawiia kela me
keia laau no keia mai, aole nae oluolu ; ua mahuahua mau kona pilikia, ua pau loa ke
kino a me na wawae i ka pehu ; ua kokoke paa loa ka mimi ; kokoke pau loa ka hanu
ana ; a ua mahuahua loa ka wai iloko o ke kino. Aole hiki iaia ke moe ilalo ma ka
moe, nolaila, ua noho wale no iluna i ka po a me ke ao. Pela mau kona popilikia a hi-
ki i kona hoao ana i keia laau, a ke kahuna i kuhikuhi mai ai. A i kona inu ana i ke-
ia laau, ua hoomaka koke ka oluolu. Ua paipai koke ia ka puupaa i ka laua oihana ;
ua puka hou ka wai mimi a nui wale ; ua emi koke mai la ka pehu o na waewae ; a ua
oluolu hou ke ake-mama i ka hanu ana ; ua oluolu a maikai ka io o na lala, a e hoi nui
mai ana ke ola maikai, alaila, me ke kuhihewa, ua waiho oia i ka laau i kekahi mau
la. Ua pono ole nae ka waiho ana ia manawa, no ka mea, aole i ola io maoli kona mai
pehu. Ua molowa hou na puupaa i ka laua oihana, a ua mahuahua hou ka wai iloko o
ka opu, a ua popilikia hou e like me mamua. Alaila, ua inu hou oia i ua laau la, a ma
ka hoomanawanui ana, ua lanakila hou auanei maluna o ka mai, a ua ola io maoli, a
ua hoomaka hou oia i kana oihana mawaho o ka hale.
Oia ka lapaau mua ana me keia laau ; a mai ia wa mai, (he 25 makahiki) ua ha-
hanaia keia laau e like me ka hana ana o Mr. Hunt, a ua haawi na kahuna lapaau i ke-
ia laau i ka poe mai pehu a me na mai like.
Mai ia manawa mai, ua ikeia, e mahaloia hoi keia laau, mai o a o, e na kana-
ka, a ua inu ia hoi ma ke ao ana a me ke ao ole ana mai o na kahuna lapaau ; oia ka
mea i hoola mai i na kanaka he nui, ka poe pilikia i ka mai pehu, a kokoke i ka make.
Na kuhikuhi no ka inu ana :
E INU I KE PUNA TI PIHA, a hala na hora 4, alaila, e inu hou. E mahuahua
liilii nae a hiki i elua puna ti piha — a hiki hoi auanei i puna nui piha.
NO KE KEIKI hookahi makahiki a hiki i na makahiki eono, e haawi 5 kulu, a hi-
ki i na kulu 20 ; eha hora nae mawaena o ka haawi ana.
KUMUKUAI, he - - $1.50 no ka omole.
DILLINGHAM & CO.,
762 3m 774 Na Agena no ka Pae Aina Hawaii.