Ka Nupepa Kuokoa, Volume XV, Number 47, 18 November 1876 — Page 3
KA NUPEPA KUOKOA, ME KE AU OKOA I HUIIA.
MA KE KAUOHA.
O ka Poaha, la 16 o Novemaba, oia ka la hanau o ke Alii
ka Moi, e malamaia i la Kulaia Aupuni ; e pani ia na puka o na Hale Oihana Aupuni a puni ka aina.
W. L. MOEHONUA.
KE hoike aku nei ka lohe i na mea a pau, mai keia la a mahope aku nei , o ka poe a pau i loaa ka mana hoo-
kahekahe wai maloko aku o ka piula wai aupuni e Ho-
kohuia nei, ua aeia lakou e hookahekahe mai ka hora 6 ahiki i ka 8 A M a mai ka hora 4 ahiki i ka hora 6 P M. o na la a pau, aole ma kekahi wa e ae.
O ka poe a pau e a-e hewa ana maluna aku o keia olelo papaia, e hoopaaia no ko lakou mau piula wai, a e okiia ko
lakou mau wahi e loaa ai ka wai mai ka ha-wai mai mai ke alanui. ROBERT LISHMAN, Luna Wai.
Keena Hana, Honolulu, Nov. 3, 1876.
Aponoia :
W. L. Moehonua, Kuhina Kalaiaina. 730
UA hookohuia o Mr. Robert Lishman i kela la, i Luna Alanui no ka mokupuni o Oahu, ma kahi o Kapena G. H. Luce ; a ua hookohuia no i Luna Wai ma kahi o Kapena
H S Howland. W L MOEHONUA.
Kuhina Kalaiaina. Keena Kalaiaina, Oct. 21, 1876. 770 2ts 761
UA hookohuia na Keonimana malalo iho i mau Agena Haawi Palapala Ae Mare ; oia keia :
K. Kamauoha...........No Kona Hema, H.
G W Kauwenaole ........No Lanai.
W. L. MOEHONUA, Kuhina Kalaiaina. Keena Kalaiaina, Oct. 26, 1876. 779 2ts 781
I kulike ai me ka Pauku 231 o ke Kanawai Kivila, a e hookaawaleia ana kekahi Pa no na holoholona aea wale no ka Apana o Hilo, mokupuni o Hawaii, ma kahi i kapa ia o Kaakepa, ma kai o ke Alanui Aupuni.
W. L. MOEHONUA. Kuhina Kalaiaina.
Oct. 24, 1876. 779 3ts 781
I kulike ai me ka Pauku 232 o ke Kanawai Kivila, ke hoonoho a ke hookohu aku nei au i Pani i Luna Pa no na holoholona aea wale ma ka Apana o Hilo, Mokupuni o Hawaii, ma kahi i hai ia ae la. S. KIPI.
Kiaaina o Hawaii.
Hilo, Oct. 26, 1876. 779 2ts 781
NA LUNA AUHAU.— Ua hookohuia na poe malalo iho i mau Luna Auhau no na apana ohi auhau o ke aupuni :
Oahu.
Honolulu.........................George H. Luce.
Ewa and Wainae ...........A. Kaoliko.
Waialua...........................J. Armala. Koolauloa.......................Paukialani.
Koolaupoko...................John K. Wilder.
Maui.
Lahaina..........................J. O. Kawehe.
Wailuku.........................L. Aholo.
Makawao......................J. A. Nahaku.
Hana.............................J. B. Kamai.
Molokai and Lanai........J. A. Kaukau.
Hawaii.
Hilo..............................J. W. Keaomakani.
Puna............................F. H. Elderts.
Kau.............................W. T. Martin.
S. Kona.......................R. H. Nahinu.
N. Kona.......................J. G. Hoapili.
S. Kohala.....................R. P. Kuikahi.
N. Kohala ....................James Wood.
Hamakua......................C. Williams.
Kauai.
Hanalei..........................H. J. Wana.
Anahola.........................L. Kapahuelima.
Lihue.............. .............P. Puhiula.
Koloa...........................Palakaluhi.
Waimea.........................J. H. Kapuniai.
Niihau......... ..................Kaike.
J. S. WALKER — Kuhina Waiwai Oct. 24, 1876. 3ts.
UA hookohuia ka poe nona na inoa malalo iho, i mau Agena Hooiaio Palapala Kepa, i kupono ai me na hooko ana o ke Kanawai e hoololi ai i na pauku 1 a me 2 o ke kanawai i hoomanaia e ka pauku 1417 o ke Kanawai Kivila, i aponoia 1 Iulai 26, 1872, 1 i aponoia i Kepakemaba 25, 1876.
L. Severance.......Hilo, Hawaii.
J W Keaomakani...... " "
Simona K. Kaai............Kona Akau a me Hema.
G W D Halemanu }...... Hamakua, Hawaii
J K Kaunamano }
C K Kapule.................Makawao, Maui.
T N Birch.....................Wailuku, Maui.
D Aholo }..................Lahaina, Maui.
D Kamalopili }
J W Kalua................... Lanai.
W L MOEHONUA, Kuhina Kalaiaina. Keena Kalaiaina, Oct 14, 1876. 777 3ts 779
Ka Nupepa Kuokoa
— ME — Ke Au Okoa
I HUIIA.
Published every Saturday, $2 a year
HONOLULU, NOVEMABA 18, 1876.
UA HOOLAWA aenei makou i ka makemake o na poe lawe nupepa i keia mea i anoi nuiia he nu hou. Ke puka aku noi ko kakoa Kilohana me aneane ekolu kolamu mea hou o na aina e ; a o ka hapa nui no ka nene kaua ma Europa. Na oukou e hoonuu no oukou iho a mai noho a imi hala mai i ka poe nana e imi nei e hoolawa aku i na nu hou.
UA MALAMAIA ka la hanau o ka Moi, i ka la 16 iho nei oia hoi ka puni ana o na makahiki he kanaha o kona ola ana, a i ke kolu o na makahiki o kona noho alii ana, ma ke kulanakauhale alii me na uhauha nui ole. I ke kakahiaka, awakea a i ka napoo ana o ka la, ua ki pakoluia na pu o Puowina ma ka 21 pu aloha o ke ki pakahi ana. Mawaena o na hora kakahiaka, ua hele aku kona mau makaaina e ike ia ia e like me ke ano mau, me ka halihali pu ana i ua wahi makana na ko lakou Alii. Ma ka hora 11 a me kuwaho e ike iaia ma kona Halealii. Aole mau ahaaina a mau elele nui i hookahakahaia ma keia la. Ke kalokalo aenei makou, e haawiia mai iaia ke ola loihi a e hooholoia kona lahui i mua ma ka pomaikai a me ke aloha o kana mau hana ponoi.
I KEIA la 28 aku o Novemaba, oia ka Poalua, e komo ana o Hawaii nei iloko o ke 33 o na makahiki o kona noho ana aupuni kuokoa mamuli o ke Kuikahi i ae like ia mawaena o Enelani a me Farani. Aole makou i lohe mai no na hookahakaha e malama ia ana ma ia la, aka, e lawe ae ana paha kela a me keia kanaka Hawaii e olioli nona iho ma ia la, ma ke ano kuokoa, aole hoi me ka noho hopepe ana elike me kekahi mau pae aina ma ka Pakipika nei.
UA HOOLAHA AKEA ae ke Kuhina Kalaiaina maloko o na nupepa haole o keia kulanakauhale i ka poe a pau e makemake ana na lakou e lawelawe i ka oihana hooholo mokuahi pili aina ma keia aupuni, ina e makemake kekahi mea a ahahui paha nana a na lakou paha e kapili i mokuahi hou no ka hooholo ana mawaena o keia mau kai, e hoike mai lakou i ko lakou naauao imua o ke Kuhina Kalaiaina ma ka palapala mamua ae a ka Poaha, Novemaba 23 o keia malama. Ua hooko ke Kuhina Kalaiaina i ke kanawai i aponoia ma ka la 18 o Sepatemaba, 1876. A hiki mai i keia manawa, aole no makou i lohe mai, ua
hiki ae kekahi noi o keia ano. Nolaila, me he mea la, mahope o ka nele ana i ka poe makemake ole e lawelawe i keia oihana, ke manao nei makou, aole e hewa ke Kuhina ke lawe oia na ke aupuni e kapili e like me kekahi olelo o ua kanawai la.
MA KA MOKUAHI o ka Poaha nei i laweia mai ai ka au hou, ua hooukaia ke kaua no ke koho balota Peresidena ma Amerika Huipuia i ka la 7 o keia malama mawaena o ka aoao Repubalika a me ka Democarata,
a o ka aoao i lanakila, oia no ka Peresidena a ka aoao Democarata i hoikeike mua
ai ma ka halawai o Sana Lui.
O Samuela J. Tilden, ke Kaaina mua iho nei o ka mokuaina o Nu Ioka, oia ua kanaka laki la i hoohanohano loa ia ae la ma ka oihana poo kiekie loa o ka lahui Amerika. He kanaka keia i kaulana no kona hoopono a oiai iloko o kona wa i noho kiaaina iho nei, ua loaa ia ia he poai o ka poe aihue dala aupuni ma ke kulanakauhale o Nu Ioka. Ua hoemi pu mai hoi kona au hooponopono apuni mokuaina i ka aie o ia mokuaina ma na miliona. O kana hana ponoi nae, he loio no ia, ka hana a na kanaka Hawaii i makemake nui ai aole nae loaa o ke kuonoono.
Ma ke kohoia ana o Tilden i Peresidena no keia lahui nui, akahi no a loaa i ka mokuaina nui o na kanaka oia o Nu Ioka, ka hanohano o kekahi o kona mau keiki ponoi e noho ma ke poo o ka lahui, a he mea hou no hoi keia, ka haule ana o ka aoao Repubalika iloko o keia wa ikaika nui wale o ia aoao i ka hakoko. Ua aneane hala aenei na makahiki he 16 o ka paa ana o ka aoao Ripubalika i ke kaulawaha o ka hookele ana i ke aupuni, a akahi no a hoi hou i ka aoao Democarata. O ke kumu nui paha, me he mea la ua uiha keia aoao i ka mahelehele like ole ia o na pomaikai o ko lakou aina iho, a makemake lakou, e ano e hou ae na hooponopono ana iloko o na oihana aupuni ma keia mua, no ka mea, oia no ka naauao nui ke kahua o ko lakou mau manao ma ka halawai o na elele ma Sana Lui, a e ko io ana paha.
I ka hora 12 o ke aumoe o ka la 4 o Maraki, 1877 e hiki mai ana, oia ka wa e pau ai ko Generala Kalani noho Peresidena ana, a noho mai ka Peresidena i kohoia iho la. Ma ia hope aku, e ikeia ai ke ano hooponopono aia poo hou o na kanaka Amerika.
HE AO NAULU o ke omamalu kaua a me ka hoohikilele hauli ke kalelewa nui maluna pono iho o Europa naauao. Mamua iho nei, ua hoohui pinepine iho na Emepera o Geremania, Auseturia a me Rusia a me ko lakou mau kuhina nui pakahi ma Berelina a ma Vienna, me ka hoike moakaka ole ia o ka lakou kumu hooponopono aupuni no keia mua aku. Hookahi wale no ka maluhia o Europa. Aole i liuliu aku nei, poha aenei he kaua kuloko mawaena iho o kekahi mau okana aina o Tureke a me ke aupuni ponoi iho.
O Tureke, he " kanaka mai" kahiko loa ia, a aole no i pau ka noho ana hupo o kona lahui iho. Iloko koke iho nei o keia wa kaua, ua hanaia kekahi hana maewaewa e Tureke maluna o kekahi poe o kona lahui i ikeia ma ka inoa, he poe Karistiano. O Enelani, oia wale no ko Tureke kokua i na wa a pau, aka i keia lukuia ana, ua manaonao oia, a ua hookuu ia Tureke oia wale no ke hana nona ponoi iho, a e pale aku ke kaua ia mai.
O Tureke ma Europa, oia no ko Rusia aina e makaleho loihi nei, mai na Moi mua mai no a hiki i keia wa. I keia kipikipi kuloko ana iho nei o Serevia, ua ikeia, o na alihikaua o na koa o Serevia, he poe Rusia maoli no. Nolaila, me he mea la i ka hakilo aku mai keia mamao, o ka hoomaka paha keia e hooko aku i na moeuhane a na poe i make a e ola nei o Rusia.
Ua puka ae hoi ma kekahi wahi na lono e hoonuinui ana, ke makemake nei o Rusia e lawe i na okana aina o Tureke e pili kokoke ana ma kona mau palena a o Auseturia hoi, i na okana aina Tureke e pili koke ana i kona mau palena. Ina oia ka puana ana o na hui pinepine ana o na Emepera ekolu mamua iho nei, alaila, ke puka mai nei ia i ka malamalama. Ke olelo keia mau keikikane maluna o kahi " kanaka mai." "aohe nao ai i ka papaa." a o ka palahuli no ia o ke alo o Tureke i lalo, a hooneleia kona inoa mai ka palapala aina ae o ke ao nei.
Iloko o keia wa pioo, aole no he eu mai o Geremania, a ke puoho mai nei na leo o na nupepa o Beritania, aohe mana e ae nana e keakea i keia pioo kaua, o Geremania wale no. Ke kau aku nei na maka o ke ao maluna o Bisimaka, ina oia e pane leo ae, alaila o ke oki no ia, no ka mea, aia no ia Bisimaka ka mana, ina e pane kona leo, ua mana ia. No ka mea, aia malalo o kona malu he puali kaua nui e hoolohe ana i kona leo i na wa a pau, aka, ma kekahi lono hope loa, ua hoopuka ae kekahi nupepa Geremania, mai lele wale aku o Geremania e kaua me na mana e aku ina o ke kumu aole ia no ka pomaikai o Geremania.
Me keia mau lono hoopapa kana e kakali aku ai kakou i keia mua iho no na mea e hooholoia ana e na mana o Europa. Ke lili mai nei o Enelani ia Rusia no Tureke, a ke moe ole la kona po ina e lilo ana
o Tureke, ia Rusia, alaila e hoopilikia ia paha kona panalaau ma Inia Hikina. E kali kakou me ka manaolana e pau wale na lono kaua.
Na Nu Hou Kuloko,
I ke ahiahi Poalua iho nei, ua ku mai ka moku kalepa hae Farani, " Lahui" me 600 tona lanahu no Waila ma.
Ma ka Poaono, la 2 o Dekemaba, e kuai kudala ai ka moku kuna " Wonita" o Kale Kuakua ma.
I ke kakahiaka nui o nehinei, ua holo loa aku ka mokuahi " Kulanakauhale o Sidane" no Nu Kilani a me Sidane.
Ma ka la hanau iho nei o ka Moi, ua haule kekahi haole Pukiki i ka lio ma Honolulu nei, a ua loaa iaia ka eha.
Aole i malamaia ka heihei moku liilii ma ke awa o Honolulu nei i ka la 16 aku nei e like me na lono i pahola ae mamua.
Ma ke ku ana mai nei o ka mokuahi i keia pule, ua hoi mai o Rev. B. W. Parker (Pareka Makua) mai kana huakai makaikai aku nei i kona aina makua
Aole i hoopau ko na lani lokomaikai i ka hookulukulu mai ana i na paka ua maluna o ke kulanakauhale alii i keia mau la e hele nei.
A keia awakea, ma Aliiolani Hale, e kuai kudalaia aku ai ka hoolimalima o ka Hotele Hawaii. Pau pu ma keia hoolimalima ana na mea a pau e pili ana i ka Ho-
tele.
Ma ke ku ana mai o ka mokuahi lawe leta, ua ike iho makou i kekahi mau lio hana keaka moloana o kona oneki, e lawe loa ia ana no ka hoikeike aku i na Panalaau ma ka hema.
Ua pau loa mai nei na wahi moku okohola, ke koena mai a ka hau paa i ka hoi mai i Honolulu nei a i Kapalakiko. He eono wale no ko lakou nui. He ekolu i hoi aku i Kapalakiko, a he ekolu hoi i Honolulu nei.
Ma ka pepa o keia la, e ike iho ai ka lehulehu, e kuai ia ana ma ke akea, ke hiki aku i ka la 2 o Dekemaba, ka aina e waiho la ma Kauwalaa, Manoa, a Kealohapauole wahine a me Kihei kana kane i moraki ai no ke dala.
Ua hoi kohana mai ke kuna Jenny mai na kapakai mai o Kona me ke oki aku i kona kaulahao a me ka waiho i ka heleuma ma kahi hope ana e ku ana, a awiwi ino ai e oki i ka wa i hele huhu mai ai kekahi kualau.
I na la Sabati a me Poakahi iho nei, ua ku mai he elua mau moku mai Keomolewa mai, me na lako kukulu hale no Hawaii nei. Ua hele kakou a piha i ka laau, aka he manawa ole nae ke hao mai neoneo ana. No ka pau loa no kekahi o kakou i ka makemake hale laau.
HE MAKE I KA UKIUKI.— UA lohe mai makou, ua kaa kekahi kanaka Hawaii ma Molokai i ka mai loihi, a no kona ukiuki i ka hoopilikia mau a ka mai iaia, nolaila, ua lawe ae la oia i kona ola me kona lima kakauha.
Ua lohe mai makou, i ka hebedoma i hala, ua loaa ia Maui he elua la ua nui nana i hooma-u iho i na lepo puehu, a haawi aku hoi i wai e inu no na pipi auana e ake ana e loaa ona wai e inu ai. Ke lana nei
ko makou manao, ua pomaikai aku la ua poe mahiai a pau.
MAKE I ALOHA NUI IA.— Ua make o Kani Kahinu, ma Honokaupu Honolulu, ma ka la 15 o Novemaba nei, ka nui o na la o kona ola ana ma keia ao, 6 malama wale no, a kii mai la na lima menemene ole o ka make iaia. Ke uwe paiauma aku nei na makua a me na kini makamaka iaia.
He mea hilahila no makou ka ike mau ana i ko kakou mau kamalii e auau wale ana ma na uapo me ke olohelohe o na kino. Ma ko makou ano makua, ke ao aku nei makou ia lakou, aole hana hou pela, a i na makua hoi, aole e hookuu wale i na kamalii e hui me na hoahele ino, a i na makai hoi o ke aupuni e ao pu aku i na kamalii.
Ma ke kulanakauhale alii o Berelina, i ka la 20 o Sepatemaba, ua hanau mai ka wahine a Mr. H Berger, kumu puhi ohe mua iho nei o na keiki puhi ohe o ka Moi, he keikikane. Ma Hawaii ka hookauhua ana, a ke hoolua wale no ko Berelina.
HAKAKA NA KINO-WAILUA,— Aole paha he poe e noho ana mauka ae o ka uapo a Hooliliamanu ; i nele ko lakou nonenone, a uluhua maoli, ke hoi mai na kinowailua o kahi o Kihikihi ma iluna o na haka o lakou, o ka wa iho la noia e hakaka ai ua poe akua makani unihipili la ; hoole aku a hoole mai lakou pakahi. O kahi unihipili lealea na Kihikihi, o Kaneopa, he wehe kona malo a holo wale ; o ka inoa o ka makani o ke kaikamahine, o Keawekuiniho; a o ko ke kaikuwahine, o Malaloaekolima ; a o kekahi wahine iho, o Pohakawekaweka. He poe unihipili kahiko keia e noho nei a e hakaka ai. He pono anei ka hauwalawalaau i ka po ? E paa ka hoonohonoho akua ke kiei mai ke aupuni. E.
Ma ka wanaao nei, oiai kahi Huna e holo ana i ke kula o Kahua, e u nua iho ana e ke ku a na, loha ana, he loha ka ke kolohe i ka hololio pu me na lapu.
I ka po Poaha iho nei, ua haawi ae kekahi poe Paele Hana Keaka o Geogia maluna mai o ka mokuahi, i anaina hana lealea na lakou maloko o ka Hale Keaka Nika, a ua hele no hoi ka Hale a piha i na makaikai. Me he mea la, ua elima haneri dala loaa paha, a o ke ake ana aku hoi e hoihoiia mai me na leo mele a ano e ae paha mai a lakou mai, aole no i kukaulia. Ua heu nui aku lakou no na panalaau o ka hema, kahi a lakou i upu ai e hookaulua ma keia hana a lakou e hele nei.
MAKE I ALOHA IA.— Ua make o Kuloloia (w.) ma Waikapu Maui ma ka la 6 o Nov. nei. He wela a me ke anu ka mai i make ai, iloko o ke 43 makahiki o kona ola ana. He Hoahanau oia no ka ekalesia o Waikapu nei, he wahine hooikaika nui ma na mea e pono ai ka uhane, a he naau kane kona ma kona hooikaika ana e kukulu i ko makou luakini nei, he wahine oluolu nui ia, he makamaka aloha a oluolu, he heahea, a me ke aloha pumehana.
MAI ARITA MAI — Ma ke ku ana mai a ka moku okohola Anuenue mai Arita mai i ke Sabati aku nei i hala, ua loaa mai kekahi lono no na moku poino i paa ai i ka hau. Mai kahi hau ole aku a Anuenue e kalewa ana, ua ike ia aku kekahi moku okohoia, oia o Acors Barnes me kona mau pea a pau e kau ana iluna o na kia, me he mea la, i ka nana aku, e hoao mai ana e puka. Aka, i ka ike aku, ua hele ae la na wahi paa ole i ka hau a paa loa, a ua hele hoi a aaki ka manoanoa o ka hau no kekahi mau mile ke akea. Pomaikai ina e puku ola mai ana ka poe i koe.
Ua manao makou, he mea pono ke hoike aku i ka poe heluhelu ka nui o na lako kukulu hale a na moku Camden a me Victor i hookomo mai nei iloko o ka aina i keia pule iho nei, a oia keia :
Maluna mai o ke Camden, he 185 tausani pili laau hale, 5160 pine laau wae a me 522,557 kapuai papa huluhulu.
Ma ka Victor mai hoi, he 200 tausani pili, 95,937 kupuai papa i pau i ke kahiia a me 333,924 papa huluhulu.
WAHINE LIMA OLE — Mawaena o na ohua haole ma ka mokuahi o ka Poaha nei mai Kaleponi mai no na panalaau o ka Hema, he wahine haole kekahi i hanauia me na lima. Aka me ia mau lima ole ua hiki no a ia ke kakau me kona mau manamana wawae hema. Mawaena o kana mau mea i kakau ai maluna o kona kii hoooleleaka, me ka nana aku no o ka poe makaikai penei : " Miss Ann E. Leak, hanauia me na lima ole —na makahiki 34, Nov. 16, 1876." O ke kumukuai o kona kii pepa hookahi, he 25 keneta. Ua nui kona mau kii i kuai ia e ko Honolulu nei.
" Lua ole no na mea
A Iehova i hana ai."
Ua ike iho makou ma ka hale kuai buke o Wini, he puolo kopaa, ua hoomaemae ia a keokeo e Hare laua o Kimo o Lahaina, a ua hana ia no hoi a like me ke ko puoa e lawe ia mai nei mai Amenka a i Hawaii nei. Maikai no paha keia kopaa ao kakou iho, aole paha komo wale aku i loko o Amerika, no ka mea, me he mea la aole e ae ia malalo o ke Kuikahi Panailike e komo dute ole aku. Aole o keia ko maemae loa kai ae ia e ke Kuikahi, aka, o ke ko eleele iki iho e hele nei ma ka inoa i maa i ko Kaleponi poe, " he ko-paa Hawaii."
Eia ke kau nei ma kekahi o na ipuka aniani nunui o ka hale kuai buke o Wini, he mau ia Hawaii, ua ia-loa ia a kaulai ia e ke Kanikela Farani me ka manao e hoouna loa i ka hoikeike nui o Parisa e malama ia ana i ka makahiki 1878 e hiki mai ana. Ua like no ka ia i ka nana aku me ka manawa i loaa mai ai mai loko mai o ke kai, ka oia mau no o na waihooluu o ka ia a me ka unahi. O ka wa pono keia e ike ai, e hoouna ia auanei iloko, ike wahi mea hou ole hoi o ia ano. E aie ana kakou i ke Kanikela Farani ma keia hana ana e hoikeike aku ia Hawaii, a he pono ia kakou ina e loaa ona mau wahi ia ano maikai, e haawi wale aku nana.
MAKE I PAUMAKOIA.— Ma ka wanaao Poalua iho nei, Novemaba 14, ma Apua, Honolulu, make iho la o Levi Kuhia, keikikane a Mr. J. Kuhia o keia kulanakauhale, i ka umikumamawalu o kona mau makahiki ma keia ao mauleule. He pokii oia no kekahi o na keiki hoonoho hua kepau o ke Kilohana Pookela a he keiki hoi i aloha nui ia e kona mau makua, a i mahalo ia hoi e ka poe a paa i launa me ia. A ma ke ahiahi o ka Poakolu iho nei, ua ukali ia kana huakai hope a kanu ia aku la ma Kawaiahao. Me ka naau kaumaha a me ka hiohiona eehia i uhi aku ai na kini a paa iaia. Aia maluna o na makua i hoonele ia i ke keiki ole a me ke kaikuaana i hooneleia i ka pokii ole, ko makou u pu ana iloko o ko lakou wa kumakena. Aloha wale !
Nu Hou o na Aina E.
Ka Nene Kaua ma Europa.
PALAULI PAHA AUANEI TUREKE !
*
Ma ke ku ana mai o ka moku kialua Momi o ka Moana i ke ahiahi Poakolu iho nei, ua loaa mai keia mau mea hou hoohikilele hauli malalo iho :
Ladana, Oct, 12.— Eia ka lono mai Konatinopela mai a Tureke i manao ai e hooki i ke kaua no eono malama, a iloko o ia wa e noonoo ai na aoao kue elua : E keakeaia aku o Serevia, aole e komo mai e noho maluna o na apana aina o Serevia a na koa Tureke e noho nei ; e hoopauia ka hookomo ana o na lako kaua iloko o na okana aina kipikipi o Serevia a me Monetenegero ; e hoopauia ka hele ana o na Tureke a me kona mau okana aina kipi ; e papaia ko Serevia a me Monetenegero kokua ana aku i ka poe kipi ; e hooloih ia ka manawa e hoomaha ai ke kaua a hiki i maraki 18, 1877. Ua makaukau o Tureke e haalele i na kulana a kona mau koa e noho nei i keia wa, ina e ae mai ana o Serevia, aole e kono mai e noho hou maluna o ua mau apana aina la i noho ia e na koa Tureke.
Ladana, Oct. 12.— Aole i maopopo ka maluhia. Ua helu a pioo loa i keia manawa ke kulana o kela a me keia aoao kue. Ua hoole o Serevia i ka eono malama e noho kaua ole ai. Ke kono mai nei keia kulana pioo i na Mana nui, o ka ae aku i keia manao o Tureke, a i ole ia, o ka lawe maoli o kela a me keia mana maluna o lakou iho ka mana e komo ai e uwao me na poka a me na pahikaua, ka mea hiki ole ia Enelani hookahi wale iho, a aole mana e ae mana e ae ma Europa e hoonana aku ai, o Geremania wale no.
Ladana, Oct. 12.— O ka manao hooki kaua a Tureke no eono malama ka loihi, e hele mua ana i Sana Peteroboro, mailaila ae i Lavaina. O ka Rusia pane hoi, e hele mua ana i Sana Peteroboro, alaila i Ladana ; nolaila, e hala ana he anahulu mamua o ka lohe ia ana o na manao o kela a me keia aoao. Iloko o ia manawa e loaa ai he manawa no na puali koa e hana ai e like me ko lakou manao.
Eia ke akoakoa nei ma Lavaina, ka Emepera o Rusia, kona Kuhina Nui, ka adimarala o na aumoku kaua Rusia e holoholo ana ma ke Kai Eleele, na Kuhina Kaua a me Waiwai a me Czarowitch. Ke noonoo nei o Rusia i kana mea e pane aku ai i ko Tureke manao i waiho mai ai.
Ua makaukau na aumoku kaua o Rusia e holoholo nei ma ke Kai Eleele, e aolo aku i 96,000 i ke awa e kokoke aku ana i kahi kaua. Ua hoounaia aku nei kekahi puulu aliimoku, e hoomakaukau i o la honua.
Ladana, Oct. 13.— Ua hiki mai nei kekahi lono mai Belgrade mai, e hoike ana, ua noho iho nei ka Aha Kuhina o Serevia e noonoo i ka manao o Tureke e hoomaha ke kaua, a ua hoole no ka eono malama, no ka mea, aole e hiki ia Serevia ke hoopaa i kela puali kaua nui ana e malama nei iloko ae o keia Hooilo e hiki mai. Ua kakau leta aku ke Kuhina o ko na aina e o Serevia i ko lakou alihikaua, aole e hoolohe i na lono uwao.
Ladana, Oct. 14.— O na kukakuka malu ana mawaena o na Emepera o Rusia a me Auseturia no na mea e pili ana ia Tureke, ua hololea a ua maopopo loa.
Ladana, Oct. 13.— Ke olelo nei ka manaopepa o ka nupepa Manawa, ina e hoole ana o Rusia i keia hoike kaua e noiia nei e Tureke, alaila, e lilo ana oia i enemi no Europa holookoa.
Ladana, Oct. 14.— Ke hoike mai nei ka mea kakau o ka nupepa Manawa e noho la ma Parisa, ua manao oiaio loa ke keena o ko na aina e o Farani, ua kokoke loa ke kaua. O Geremania wale no ka mana nana e keakea, alaila, pau wale.
Ua hiki mai kekahi lono waea mai Vienna, e hai ana ua hiki kino ae ma ia kulanakauhale he elele palapala na ka Emepera o Rusia i ka Emepera o Auseturia.
Parisa, Oct. 15.— Ua hiki no ka lono i ka nupepa Le Temps mai Samlin mai, e hoike ana, ua hiki ae i Belgrade i ka Poalima i hala, he elima haneri Rusia.
Parisa, Oct. 14.— Ua hoole o Rusia i ka eono malama e hoomaha ai ke kaua mawaena o Tureke a me Serevia, me ke noi mai ina he eono hebedoma wale no
ka loihi o ka manawa e noho hoomaha'i, a iloko o ia wa e maopopo ai ka hoomaka hou o ke kaua.
Berelina, Oct. 15.— Ke hoike mai nei kekahi lono mai Sana Peteroboro, o ka manao o Tureke e hoomaha ke kaua no eono malama, he hoapaapaa wale iho nei ia ia Rusia, i mea e hiki ai ia Tureke ke huli pono i na kumu o na Karistiano i pepehiia ai. Ke manaoia aku nei, e ae ole mai ana paha o Rusia i na kumu kupono e ae e waihoia aku ai no ka nui loa o na olelo hoinoino a me ka lili pu o na nupepa Beritania ia Rusia i keia manawa mai nei.
Ladana, Oct. 16.— Ke olelo mai nei ka manaopepa o ka nupepa Manawa o keia kakahiaka : Ke hoomaopopo loaia mai nei ko Rusia kulana, ina aole o Tureke e ae aku i ko na mana nui manao, alaila, e komo mai ana o Rusia e keakea. O ka pioo he mea e kaliia aku nei. Me he la ke kokoke aku nei kakou i ke kulana aia iloko o eono hebedoma, e hooholo ia ko Europa wa e ike ai i kekahi kaua nui a Europa i ike ole ai mamua, mai ka hoomaka ana mai o keia keneturia. E hoahewaia ana ko Rusia hoole ana i ka hoomaha o ke kaua no eono malama, aka, he hana naauao ole hoi na Tureke, ina ia e ae i wa pokole mai. Ke hopohopo nei makou, malia ke manao nei na mana hoomalu o Rusia, aole e ohi nui aku ana ia i na loaa mai, aka, e kaulaiia no o Rusia e ke ino ana e hapai nei. Aole i hala hope ka manawa e hoihoi ai ia Rusia ihope. Ina he mana e ae kekahi iloko o ke ao holookoa e kapae ae ai i keia kaua, aole ia he mea e aku, o Geremania wale no. He mana kona e komo aku ai e papa. Ke kau aku nei na manao ana maluna o ke Keiki Alii Bisimaka, ina e hoohanaia ana kela mana nui. E olelo wale ae no o Bisimaka, aole e ae aku ana o Geremania ia Rusia e kanu iho i pulapula nona e kuleana ai maluna o ka muliwai Denube, a e loaa iho auanei i ua Emepera la o Rusia ka homa e hooki ai iaia a me ke ao holookoa mai ke kauo ana iloko o ke kaua. Aohe mana nui e ae e hiki e lilo i uwao kiekie o Geramania wale no. O ko Rusia komo ana mai e noho mana ma Bulgaria, he mea ia e hoolilo ai i ka muliwai Denube, mai kona waha a hiki i Belgrade, i muliwai malalo o ka mana o Rusia. Nolaila, o ka hookoe ana ia muliwai e kuokoa no ka hooholo moku ana, ua lawa ia no Geremania e like la me Auseturia. Ma ka huaolelo hookahi a Bisimaka e pane ai, alaila, e pakele no o Europa mai keia ahulau nui mai, ke hoohalike aku me kona mau kaua malanai. O ko Bisimaka mana i keia wa pioo, ua like ia me kona ikaika.
NO RUSIA.
Sana Peteroboro, Oct. 12.— Ua piha o Odessa, Rusia, i na koa Rusia, a he makena wale hoi na moku halihali koa e komo mai la ma na kapakai o Circassian. Inehinei, ua papaia aku kekahi mokuahi lawe ukana mau mawaena o Odessa a me Ladana, e hookaulua i kona holo ana, ma ka wa hope loa a ua moku la e makaukau ana e holo no Ladana.
Nu Hou Hope Loa.
Ma ke ku ana mai o ka mokuahi Kulanakauhale o Sidane i ke kakahiaka nui Poaha iho nei iloko o na la he 7 a me na hora keu, ua loaa mai ia makou na mea hou a hiki i ka la 8 o Novemaba.
Ua hoi mai nei kekahi poe kamaaina o Honolulu nei mai ko lakou holo makaikai ana aku i ka aina makua. KE KOHO PERESIDENA O AMERIKA HUIPUIA
Ma ka Poalua mua iho nei o keia malalama, Novemaba 7, ua malamaia ke koho balota Peresidena o Amerika Huipuia ma na mokuaina a pau o ka Uniona, a o ka mea i puka i Peresidena ma ua ehu kakahiaka o na ae hou i loaa mai, o Samuela J Tilden, ke Kiaaina o Nu Ioka, a inoa hoi a ka aoao Democarata i koho lokahi ai ma Sana Lui ma ka halawai a na Elele koho i ka la 23 o Iune i hala. He kanaka naauao keia a he loio nae kana lima mau. Ua haule iho i hope ka inoa a ka aoao Repubalika i hooikaika iho nei e komo i Peresidena. He lua ole ka hauoli o na Democarata no kea lanakila ana ma ke koho balota Peresidena. Akahi no a hoi hoa keia aoao ma ka noho ana mana o ke aupuni mahope iho o ke kohoia ana o Aberahama Linekona i Peresidena. He kanalua no kahi poe no keia lono, aka, aole o makou kanalua no keia hopena o ke koho balota.
Ua hoopuka ae ka Peresidena Amerika Huipuia i olelo kuahaua e kauoha ana i na puuwai Amerika a pau, e malama ia ka la 30 o Novemaba, i la hoalohaloha i ke Akua no na pomaikai i loaa ia lahui. He hana mau no keia na ia lahui i na makahiki a pau.
Ma ka 1 o Novemaba, ua kudala ia ka waiwai o Barigama Iana, oia he eha kaa holo lealea, ekolu kaa huki ohua hookahi paa lio, hookahi paa ili a me