Ka Nupepa Kuokoa, Volume XVI, Number 16, 21 April 1877 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

I ke Alii ka Moi KALAKAUA a me ka Ohana Alii:

            E ka Makua;- Ma ka halawai ana o ka Ahahui Hoola Lahui o Kaumakapili, ua hooholoia, e hoouna aku i ko lakou Hoalohaloha ia Oe;

            No ka mea, ua oluolu i ka Makua Mana Loa, ka lawe ana aku i ka Mea Kiekie ke Keiki Alii, ka Hoollina o ka Noho Moi William Pitt Leleiohoku Kalahoolewa, Koa Pokii i aloha nuiia mai kela ola ana ; no ia mea, ua iliiho maluna Ou a me Ou Kuahina aloha a me ka Ohana Alii, a me ka Lahui, ka ukana luuluu, kaumaha, minamina, menemene, lihaliha a ehaeha kuhohonu no Kona hala ana.

            O makou o kekahi hapa o Kou mai makaainana, ke hui pu aku nei me Oe iloko o ke kanikau kumakena, walohia no Kona hele ana.

            A ke poloai ae nei ka makou mai pule i ka Makua Mana Loa, e loaa ia Oe a me ka Lahui ka maha, ka maluhia a me ke aloha iloko o Kona hoomalu ana.

            M.Kuaea, Bakeke Keliipio, Mrs. Kaili, Mere Alapai, Mrs. T Kuaea, Mrs. S Kealoha, Mrs. Kahae Aea.

I KE ALIIWAHINE, KA MEA KIEKIE, RUTA KEELIIKOLANI:

            Aloha oe:- Ua oluolu i ke Akua, ka Makua Mana Loa, ka lawe ana aku i ka hanau Lani o kau hanai Alii, ke Alii, ka Mea Kiekie, ka Hooilina o ke Kalaunu o ke Aupuni.

            No laila, o makou o na lala o ke Komite o ka "Ahahui Hoola Lahui o Kawaiahao," a ma ka inoa o ka Ahahui, ke hoike aku nei i ko makou minamina pau ole, a kumakena hoi, i ka lawe ia ana o ke Alii i minamina nui ia.

            A oiai e noho ana Oe ke Kaikuaana Moi, ua kaikuahine alii, iloko o ke kaumaha, ke noi haahaa aku nei, e ae mai ia makoa e komo pu aku iloko o na wa kanikau.

            Ke kulou haahaa aku nei makou imua o ke Akua, e hoomama mai i kou naau kaumaha, a e hooloihi mai hoi i kou mau la.

Komite, H.W. SHELDON, EMMA NAP LIONA, C.P. BUSH, H.B. TOWNSEND, PAMAHOA NAPOLIONA.

I KE ALII KA HOOILINA MOI:

            E ka Makuahine --- A no ka mea, ua oluolu i ka Makua Mana Loa, ka lawe ana aku i ka Mea kiekie ke Keiki Alii, ka Hooilina o ka Noho Moi W.P. Leleiohoku, Kou Kaikunane Pkii i aloha nuiia mai keia ola ana; a ua ili iho iluna Ou Kou Kaikunane, Moi, kou Kaikaina, ka Makuahine Alii, na'Lii a me ka Lahui holookoa ke kaumaha, ka luuluu, ka paumako, ka menmene, ka lihaliha, ka mokumokuahua,

            Nolaila, o makou o na Hoa o Kou Aha Komite Hoola Lahui o Kaumakapili, ke haawi aku nei i ke kanaenae aloha ma ka huipu ana aku me Oe iloko o ke kanikau, ke kaumaha, ka luuluu, ka paumako no ke oki koke ia ana o ke ola o ke Keiki Ali nani, hanohano, kilakila kapukapu alii, aloha lahui i Kona mau la opiopio loa.

            Oiai Oe e noho ana iloko o ke kanikau, kumakena, paumako, no ka ako ia ana o ka muo, ka liko o ka Lahui, a o makou pu iloko o ia haawina. Aka ano, ua hoohauoliia makou i kou hiki ana'ku i ka Noho Hooilina Moi, a ke hooho ae nei makou, Ua kupono loa Kou ano Alii, ano Makua, akahai a haahaa, e ike ana i ka poe pilikia a me ka poe ilihune. Ua haaheo makou Kou mau lima hana iloko o ka hana nani oi kelakela Au e auamo nei no ke ola o Kou Lahui.

            Ke pule nei makou, e hooloihiia kou ola ana a me ke ola o ka Moi, a me ka Ohana Moi a i ka puaneane, a e hoohua ae a e hoolaha a e hoopiha ia Hawaii.

            Na makou:- Mr.s T. Kuaea, Mrs. Kahae Aea, Mrs. Hoonauao, Ikanaka, Mrs. Kaili, Bakeke Keliipio, Mrs. Susana Kealoha, Mere Alapai, Momona, L Keliipio, S K Kuhano, W. A Kiha.

I KE ALII KA MEA KIEKIE LIKELIKE M. CLEGHORN.

            Aloha oe.-- Ua oluolu i ka Makua Mana Loa, ka lawe ana aku i ka hanu Lani o kou kaikunane alii, ke Alii ka Mea Kiekie William Pitt Leleiohoku, ka Hoolina o ke Kalaunu o oe Aupuni

            Nolaila, o makou a na Lala o ke Komite o ka Ahahui Hoola Lahui o Kawaiahao, a ma ka inoa o ka "Ahahui" ka Ahahui hoi au e hooikaika nei no ka pomaikai o kou lahui ke hoike aku nei makou i ko makou minamina pau ole, a kumakena no hoi, i ka laweia ana aku o kou pokii Lani ke alii i minamina nui ia.

            Ke uwe pu aku nei makou i ke Kaikuaana Moi o ke Alii i make a me ke kaukuahine o ke Alii.

            Ke kulou haahaa aku nei makou imua o ke Akua, e hoomama mai i kou naau kaumaha, a e hooloihi mai i kou mau la

            E ola ke Alii i ke Akua.

            H M Sheldon, Emma N poliona, C P Bush, H B Townsend.

E KA MAKUA, KALAKAUA R

            Aloha oe:- A io, ua hiki mai nei ia makou nei ka lo@e, na ino mai ia ka anela me kona mana nei, i ka poe o ka la 10 o keia malama, a ua lawe aku la i ke O@ makamae o ka Moi Kiekie William Pitt Leleiohoku, ka H@@@@ Moi o ke Aupuni; a na haawe iho na aweawe a ke kaumaha paumako maluna Ou a me ka Ohana Moi, @ na'lii hoi a me ka lahui maluna o.

            Nolaila, e ka MAKUA, o makou kekahi o Kou mau h@ makaainana, i hoohu@ ia e nonoi haahaa aku i ka @ o ka Mea Kiekie, oia hoi kona wa e noho oia maikai ana, e lilo na inoa i p@ no ko makou Ahahui, a e kapaiia ka inoa o ka Ahahui. "Ko Leleiohoku Ahahui Opiopio" Ua lohe mai la makou i ko makou komite ua ap@ia ke noi. Nolaila, o ko makou aloha Aie, a me ko makou koho ana i kona inoa  Ke uwe nei makou me ke kaakumakena paumako pu ana, a hoohui pu aku hoi me Oe e ka Makua Ka Moi, ka Makuahine Alii o Ka Mea Kiekie, na Kama'lii Kaikuahine o Olua, e haawe pu kakou i ke kaumaha ma naonao waiolohia, no ka laweia ana'ku o ko makou Alii Opiopio. A ke poloai ae nei makou i ua nonoi ana i ka lokomaikai o na lani, e hoomama'e i ke kupilikii o kou mau manao kaumaha no ka moi i hala'ku. a e ola mai ka Moi ma ka noho Alii

Komite, S.N. AARONA, F. W KAAWALOA, J.K. KALAMAHIAI

I KA MEA KIEKIE, R KEELIKOLANI:

            Aloha oe ua ili mai iluna o makou na haawe kaumaha walohia, no ka lohe ana mai, ua iho mai la ka Haku Kiekie o na Lani, a ua lawe aku la i ke ola makamae o ka Mea Kiekie William Pitt Leleiohoku ka Hooilina Moi o ke Aupuni. Nolaila, o makou pu hoi kekahi e komo aku, a e haawe pu i ke kaumaha me oe e ka mea Kiekie, me ke kaakumakena pu ana, no kau milimili alii i laweia aku la, Ke Alii opiopio hoi a makou i aloha nui ai, a ke no ae nei makou i ka lokomaikai nui o na Lani, e hoomama'e i ke kupilikii o kou mau manao kaumaha. A na ke Akua no e hoomau i ke ola o ke Alii.

Na Komite. S N AARONA, F W KAAWALOA, J.K. KALAMAHIAI.

I KA MOI LOKOMAIKAI KALAKAUA:

            O makou o na lala o ka Ahahui Hoola Lahui o Kanaula, Waialua, Mokupuni o Oahu. Me ka lono kaumaha eehia, i pahola luuluu maule iho, i hele no hoi a naauauwa ka puuwai, no ka lawe ana aku o ka Mea Mana Loa i ke ola hanu o kou Pokii Alii Wohi i minamina nui ia, ka Mea Kiekie ke Alii William Pitt Leleiohoku, ka Lei Alii Nani o ko Hawaii Pae Aina,

            Nolaila, e oluolu Oe e ka Moi i ko makou mau leo uwalo haahaa walahia, ma ka hoohui pu ana aku me oe i ko makou mau waimaka kumakena i hele a kupouli i ke aloha. A ke waiho haahaa aku nei makou imua Ou iloko o Kou manawa pilihua, me ke kanaenae pu ana aku ana Mana Lani, e haawe mai ia i ka maha, ka pomaikai a me ke ola kanikoo. E ola ka Moi i ke Akua.

Komite. CN KALAMA, S H. PETER, J. A HAUPU.

I KA MOI KALAKAUA I.

            E ka Makua; E ola oe:- Ua hiki mai ka lono luuluu kaumaha a minamina ia makou, i ka ilihia ana mai o ka pilikia kuhohonu maluna ou, a maluna o ka Ohana Alii a me ka lahui Hawaii holookoa, ma ka oluolu o ka Mea Mana Loa, i ka lawe ana aku i ke ola makamae o Kou Pokii Aloha, ke alii ka Mea Kiekie William Pitt Leleiohoku, ka Hooilina Moi o ke Aupuni Hawaii.

            Nolaila, o makou o Kou mau makaainana o ka Apana o Koloa, Mokupuni o Kauai, ke hoike aku nei makou i ko makou aloha Alii, ma ke komo pu ana aku me Oe iloko kou wa kaumaha a kumakena Nona.

            A ke uwe kanikau pu aku nei makou me kou mai kaikuahine Alii, a me ka Makuahine Alii Ruta Keelikolani, me na'Lii hanau o ka aina, a me ka lahui holookoa.

            A o ka makou e pule nei i ke Akua, Mana Loa, e hoomama mai i kou naau luuluu a me ko ka Ohana Alii a pau.

            O makou no me ka haahaa, ma o na Komite la.

            A W Maioho, D Kealahula, H Nakapaahu, J H Mahoe.

I KA MEA KIEKIE KA MAKUAHINE 'LII RUTA KEELIKOLANI:

            Aloha oe:- Ua hiki mai ka lono luuluu, kaumaha, a minamina ia makou, i ka ilihia ana mai o ka pilikia kuhohonu maluna ou, me ka ohana Ohana Alii a me ka Lahui holookoa, ma ka lawe ana aku o Ka Mea Mana Loa i kau Hanai Alii; Ke Alii Ka Mea Kiekie william Pitt Leleiohoku a Hooilina hoi o ka Noho Moi o ke Aupuni Hawaii.

            Nolaila, o makou, o na makaainana o ka Apana o Koloa, Mokupuni o Kauai; Ke komo pu aku nei me oe, iloko o ke kanikau pu ana, a e lawe pu hoi i ka naau ehaeha, o ke aloha minamina Hanai Haku Alii.

            A ke nonoi haahaa aku nei makou i ke Akua Mana Loa, e hoomamaia kou naau kaumaha, a e alakai hoi ia oe, ma ke alanui e pomaikai ai.

            O makou no me ka ha'aha'a, ma o na Komite la,  A. W. Maioho, D. Kealahula, H. Nakapaahu, J. H. Mahoe.

HOOLAHA HOOKOLOKOLO.

Ma ke Keena o ka Lunakanawai Kaapuni Apana Kaapuni o ko Hawaii Pae Aina. Ma ka waiwai o JOHN M.@ @@@@ Hawaii i make.

@@@@@@@@@@@@@@@@@

F S LYMAN, Lunakanawai Kaapuni Apana Ekolu.  Hilo, Aper. 10, @@@@

Ma ke Keena o ka Lunakanawai Kaapuni Apana Ekolu o ko Hawaii Pae Aina. Ma ka waiwai o @@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@

F S LYMAN, Lunakanawai Kaapuni Apana Ekolu. Hilo, Aper. 10, 1877.

Aha Hookolokolo Kaapuna Apana Ekolu o ko Hawaii Pae Aina. Ma ka hooponopono waiwai. Ma ka waiwai o MOELOA k, o Kohala Akau, Hawaii, i make kauoha ole, Imua o ka Lunakanawai C F Hart.

            Ma ka heluhelu a me ka waihoia ana mai o ka palapala hoi a James Wight (Kauka) o Kohala, Hawaii, e hoike mai ana, o Moealoha, no Kohala A. Hawaii, ua make kauoha ole ma Kohala Akau Hawaii ma ka la 22 o Iulai M.H. 1874, a e hoie ana, e haawiia ka Palapala Hookohu Lunahooponopono Waiwai ia Hoo@

            Ua kauohaia o ka Poaono, ka la 29 o Mei, M.H. 1877, oia ka manawa i kohoia no ka hoolohe ana i ua noi la imua o ua Lunakanawai ia ma ke keena hookolokolo o keia Aha ma Kapaau, a ma la manawa a ma ia wahi no, e hele mai ai na mea a pau ipili, e hoike mai i ke kumu ina he kumu olalo ko lakou, e ae ole ia ai ua noi ia. A o keia olelo kauoha, e hoolahaia ma ka olelo haole a me ka olelo Hawaii, i ekolu pule ma ka Gazette a me ke Kuokoa, nupepa ma Honolulu.

            Kakauia ma Kohala Hawaii, ko H P A, Aper 12, 1877. 

            CHARLES F. HART, Lunakanawai Kaapuna Apana Ekolu, 803 3ts

Aha Hookolokolo Kiekie o ko Hawaii Pae Aina. Ma ke keena. Ma ka waiwai o KAAPULOA, k, LOKENAAHU W, a me KANAUE w, he mai keiki oo ole. He noi na ke kahu malama waiwai, e haawi aku i mana e kuai ai i kekahi waiwai paa.

            Ma ka waiho a me ka heluhelu ana i ke noi a Mere Pomaikai, ke kahu o na kino a me ka waiwai o Kaapoloa k, Lokenaahu a me Kanaue, he mau keiki oo ole, e noi mai ana, e haawiia aku ka mana iaia e kuai i kekahi waiwai paa e waiho nei ma Alanui Papu, Honolulu, e kokoke la i kahi noho o Mr. Louisson, me ka waiho mai i na kumu pono no ia kuai ana: Ua kauohaia, o ka poe a pau i kuleana, e hele mai imua o ka Aha, ma ka Poalua, la 8 o Mei 1877, i i ka hora 10 kakahiaka, ma ke Keena Hookolokolo o kela aha, ma Honolulu, a malaila e hoike mai ai, ma paka he kumu e ae ole la ai kela noi e kuai i ka aina: A ua kauoha hou ia, e paiia i kope o keia kauoha no ekolu hebedoma mamua ae o ka noho ana, maloko o na nupepa Kuokoa a me Hawaiian Gazette, he mau nupepa i paiia a hoolahaia ma Honolulu.

            Kakauia ma Honolulu, ka Hawaii P A. Aper. 11, 1877.

            A. FRANCIS JUDD, Ikea: Lunakanawai o ka Aha Kiekie.

            Jno. E Barnard, Kakauolelo. 702 3ts 504

Aha Hookolokolo Kiekie o ko Hawaii Pae Aina. Ma ke keena, ma na koina i ka hihia ALABAMA, o ka poe i make kauoha ole. Imua o ka Lunakanawai Judd.

            Ma ka heluhelu a me ka waiho ana mai o Alfred S Hartwell a me William O Smith, na Lunahooponopono Waiwai o ka hihia i ikeia ma ka inoa Alabama, e hoikeia aku nei malalo iho, a malaila e hoike mai ana, ua loaa mai ia laua he puu dala lehulehu o kekahi mau koina ma ka helu o ua Alabama nei, a o ke koena o na puu dala nui i loaa penei no ia:

            A ke noi aku nei laua, e nanaia a aponoia ko laua helu, a e hooholoia ka waiwai e waiho nei iloko o ko laua lima i ka poe kuleana a e hookuu ia laua ma ko laua noho ana ma ia oihana.

            Ke kauohaia aku nei, o ka la 15 o Iune A D 1877, Poalima, i ka hora 10 AM, imua o ia Lunakanawai, ma ke keena, ma ka Hale hookolokolo ma Honolulu, oia ka manawa! kohoia no ka hoolohe ana i ua noi la a me ka nana ana i na helu o ua mau Lunahooponopono la; a malaila e hele mai ai ka poe a pau i pili, e hoike mai  na paha he kumu e ae ole ia ai, a e hoike mai, owai la ka mea i kuleana i ka waiwai. A ua kauohaia, e hoolaha i keia kauoha ma na olelo enelani a me Hawaii, maloko o na nupepa Hawaiian Gazette a me Kuokoa, no ekolu hebedoma mamua ae o ka manawa e hoolohe ai i ke noi.

Kakauia ma Honolulu, H.A.P. i keia la 12 o Aperila, 1877.

IKEA: A. FRANCES JUDD.

JNO. E. BARNARD. Lunakanawai o ka Aha Kiekie.  802 3t ---804

Ma ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai o J Y KANEKOA, no Honokohau, Maui i make.

            Ua heluhelu a ua waihoia ka palapala noi a W R Kanaka, e noi ana e hoonohoia i Lunahooponopono no ka waiwai o J Y Kanehoa, no Honokokau, Maui i make. Nolaila, ke kauohaia aku nei na kanaka a pau, ke pili o ka Poaono, oia ka la 28 o Aperila 1877, ma ka hora 10 AM ma ka Halehookolokolo ma Lahaina, oia ka la a me kahi i kohoia no ka hoolohe ana i ua noi la a me na mea kue ke hoikeia. 

ABR. FORNANDER, Lunakanawai Kaapuni Apana Elua. 

Lahaina, Aperila 5, 1877. 802 3ts 804

Ma ke Keena o ka Lunakanawai Kaapuni Apana Elua ko Hawaii Pae Aina. Ma ka waiwai e KEKE k, no Kanialo, Molokai i make.

            Ua heluheluia a ua waihoia ka palapala noi a J.W. Kalua e noi ana e hoonohoia i Lunahooponopono no ka waiwai e Keke k, no Kanialo, Molokai i make.

            Nolaila, ke kauohaia aku nei ua kanaka a pau, ke pili o ka Poaono, oia ka la 12 o Mei, 1877, a ka hora 9 AM, ma ka Halehookolokolo ma Pakoo, Molokai, oia ka la a me kahi i kohoia no ka hooloha ana i ua nonoi la a me na mea kue ke hoikeia.

ABR. FORNANDER, Lunakanawai Kaapuni Apana Elua.

Lahaina, Maui, Maraki 29, 1877. 801 3ts 809

Ma ke Keena o ka Lunakanawai Kaapuni Apana Elua ko Hawaii Pae Aina. No ka hiki ole ana o ka Lunakanawai Kaapuni i Molokai, i ka la i hoolaha mua ia, oia ka la 6 o Maraki i hala.

            Nolaila, ke kauoha hou ia aku nei na kanaka a pau, o na hana o ua Lunakanawai Kaapuni, i hoopaneeia ma Molokai, e hanaia a e hooloheia ma ka Poailaia, oia ka la 11 o Mei 1877, ma ka hora 9 AM, a pela akum ma ka Halehookolokolo ma Pakoo, Molokai  A ele na bana:

1. ka hooponopono a hooili ana ka waiwai o Meheula k.

2. "       "         "                                               Koiwale k.

3. "       "         "                                               Kaholo k. a ia la no, pau ka awakea, e hookolokolia kela mau hihia.

4. ke Alii kue ia D & H McCorriston.

5.  "                           Samuela k.  A i ka Poaono, oia ka la 12 o Mei 1877, ma ia wahi no, ma ka hora 9 AM e hoolohe ia.

6. ka palapala noi a J W Kalua, e hooponoponoia ka waiwai o Keke k, no Kanialo i make.

7. ka palapala noi a L. Aholo, e hooponoponoia ka waiwai o Hon. d W Kaiue, no Waialua i make.

8. ka hihia waiwai o S. Kamaipelekane kue ia Kelohanui.

Hanaia ma Lahaina, i keial la 29 o Maraki 1877.

ABR. FORNANDER,  Lunakanawai Kaapuni Apana Elua.    801 3ts 803

Hoolaha i na hoa-aina o ka waiwai o Ka Moi Lunalilo i make

Oiai ua hookohoia mai ka poe nona na inoa malalo, e na Lunakanawai o ka Aha Kiekie, i mau Kau Waiwai, no ka waiwai o ka Moi Lunalili i make, i kulike ai me na hooko ana a kana palapala hooilina, nolaila, ke hoike aku nei makou i na Hoaaina a me ka poe e noho hoolimalima nei maluna o na aina a pau o kona mau aina, a o na poe a pau e paa ana i kekahi waiwai, a e ohi ana paha i na uku hoolimalima, a e hoihoi mai ia makou i na hoolimalima i oh ole ia, a e aie ana i ka waiwai o Lunalilo, mahope iho o ka la 12 o Maraki A D 1877, oia ka la o ka make ana o Ka Mea Kiekie O K@@@. A ke hoolaha pu aku nei makou, aohe mea i hoomanaia e ohi mai i na uku hoolimalima o kona mau waiwai, a ma ke ano paha he Kiele mai a makou aku, me ka makou mau palapala hoomana ole. Ke kauoha aku nei makou i ka poe a pau e pau nei i na hoolimalima, e hoike mai ia makou me ka hookaulua ole, me na palapala po mai no ka hoomau ana aku i ka hoolimalima a me ka ole paha.

J MOTT SMITH, E O HALL, S B DOLE.

Na kahu malama Waiwai o ka Moi Lunalilo i make.

Honolulu, Maraki 20, 1877.  799 3m 812

OLELO HOOLAHA

E IKE AUANEI @@ kanaka a pau. Owau o PELIKEKILA ka wahine mare a Ahoi (pake) e @@@ i ka Oihana a ke Aupuni. Ua haalele kumu ole mai oia ia'u, a ua kipaka ino mai no hoi me ke kumu ole, a ua olelo mai oia, aole e malama i @ oia. Iloko aku nei o keia @ la kau nei, ua noho au me kekahi o ka maua keiki no ka @ ana i ka mai, a ua lawe ka Mea nana i haawi mai i ka uhane, ma kahi o ko'u mau makua no ka pule hookahi, a ua @ ia'u ka oluolu no ke kaumaha i ke aloha he keiki, a ua hoi mai me  kuu kane, a ua kipaku mai oia, aole au e noho hou me ia, a o kana mau hoolaha ma keia hope aku, aole he oiaio.

PELIKEKILA AHOI.  P@, Apr 20, 1877. 803 4@

E IKE auanei na kanaka a pau o kela ano keia ano, ke papa kau nui au ia oukou e ka poe mea waiwai a pau. @@@@@@@mare ia @@@@, no ka mea,@@@ ia'u a me ko maua @@@@ a me @ ai. Ina oukou e @ @ @@@@@

Keliikuewa. @, Honolulu, Aper. 5, 1877. @

ILI NOHO LIO!

E LOAA no i na mea a pau na Ili e hanaia ai na Noho Ilaila ma ke kua liilii ana, ma ka Halekuai o A ke@, ma ke A@ Nuuanu. @@

O KA MEA nona ka inoa malalo, e haalele ana i keia aupuni, ua hookohu aku ia Loo Newak, i hopu nona auanei e hooponopono no kona wa i kaawale aku mai keia Aupuni. APAI.

Honolulu, Aperila 18, 1877.  @

Kuai o ka Moraki i ka Aina ma Wailuku, mokupuni o Maui

O KA AINA A ME KA HALE KUAI ma Wailuku, i ikeia ma ka inoa "Hale Hoole Waiona," a i kulike ai me ka mana o ke kuai iloko o ka palapala moraki, i kakauia ma ka la 21 o Maraki 1873, i hanaia mawaena o ka Poe Hui Hoole Wai Ona o ka Ahahui Iolani Helu 4 o Wailuku, a me Robert Love o Honolulu, I hookomoia ma ka buke 37 a ma na aoao 83 a me 84, o ke Keena kakau kope; a no ka hai ana o na mea i oleloia maloko o ia moraki, e waiho aku ana au na H W Daniels e kuai aku ma ke kudala, maluna o na aina la, ke hiki aku i ka Poano, la 28 o Aperial 1877 i ka hora awakea, i ka aina e waiho la ma Wailuku, ihoike ia malalo iho:

            Mai ke kii Komohana Hema mai o ka pa e pili la i ka Pa Hale Hookolokolo, holo aku he 84 hik. 4 95 kaulahao: alaila, akau 3@ kom. 2.70 kaulahao e pili la i ka mahiko o Wailuku alaila hem. 71 1/2 kom. 5.45 kaulahao e pili la i ka pa Halepule, alaila hem. 18 1/2 hik. 1.49 kaulahao e pili la i ke Alanui Waikapu, a hiki i kahi i hoomaka ai, oia he aina hookahi Eka. Me ka hale laau nui e ka la, i kukuluia i Hale Hoole Waiona.

            Kakauia i keia la 9 o Aperila A D 1877.

ROBERT LOVE ma o kona Loio la E Preston. 803 3 ts 803

KUAI HOOEMI LOA!

MA KA HALE KUAI LOLE O C.C. AKINA

e ku la ma Kalopihi, Kohala, Hawaii, he mau Loio Hou loa ka maka o ke Kuikahi Panai Like. Ua kupono no na Iwa o ka makahai Apapaa o ua aina haaheo nei.

            He kamaaina no hoit i oluolu ia oukou, nolaila, e kuai manuahi aku no au me ka emi malalo o ke kumu lilo. He mau lole nani loa, he Nu Paikini, no ke au o ka Moi Kalakau.--Owau no o ko oukou makamaka oiaio. C.C. AKINA.  803 6m

Hoolaha a ka Lunahooponopono Waiwai.

E KUAI KUDALA aku ana ka mea nona ka inoa malalo iho, ma kahi noho o ka Mea Kiekei C. Kanaina i make, ma Haimoeipo, ma ke alanui Palace, Honolulu i ka Poakahi la 30 o Aperila, i ka hora 10 kakahiaka, na waiwai pilikino malalo iho, o ka waiwai o ka mea i make penei:

            NA LAKO HALE, na koki me na plae like ole, na noho paipai, na noho holuolu, na noho ohe &c, na pakaukau koa, na pakaukau mabala o luna, na pakaukau hooloihi &c., na aniani o na ano a pau, na mea waiho hoonani, na ipu aniani hoonani, na aniani hoolele aka, na moe koa, uluna, pela hulu, na uhi kilika a veleweta, na holowaa waiho lole koa a me ka laau rose, na pahu humuhumu, na pahi Iapana a Pake, na pahu papale, na pakaukau hana, na mea waiho omole pakaukau, na pakaukau rumi hookipa, na noho loloa hooluolu, na pahu ume, na pahu kakau, na holowaa aoao waiho aniani, na kukulu buke, na moe hao, pela koki, na mea holoi maka, na pahu iliahi koa a ano e ae, na peahi, na ipukaha, na eke ili kaahele, na ohe aniani liilii, na apa lole kilika, na pu kaupoohiwi, na pu panapana, na buke waiho kii, na lei a-i, na pahikaua, na kukaa moena, mea hoonui kii, na upena me ke aho he mau haneri umeke o na ano lehulehu.

            NA PONO ANIANI.--He mau pahi a me na O pake hou, na pono dala a me na ano e ae, na bola, na kawele &c. Kapuahi a me na pono, na ipu ti, na kukui a me na uhi.

            1 Lio kea, 1 Lio wahine, 2 paa lio haulaula, no ka holo hookahi a palua, 2 lio e ae, 19 bipi hana, 1 kaa lawe ukana a ohua hou, 1 kaa kahiko ola ano, 1 kaa uuku, 2 paa ilikaa palua, 1 paa ili holo pakahi, na keehi noho, na noho lio, no kepa, na puhuku a ili poo, &c., 7 kaa bipi, 9 Lei bipi.

            2 waa, 2 heleuma, 20 moa waine, a he lehulehu wale aku o na mea maikai a nani.  W.C. PARKE. Lunahooponopono waiwai.  15 3t (802 3t 804)  Lunahooponopono Waiwai.

HOOLAHA A KA LUNAHOOPONOPONO WAIWAI.

O KA POE a pau he mau kuleana koina ko lakou ka waiwai o ka Mea Kiekie CHARLES KANAINA, i make kauoha ole, ina oia mau kuleana koina he moraki maluna o na waiwai paa a ano e ae paha, ke kauoha la'ku nei e waiho mai la mau mea, me na hooiaio kupono., i ka mea nona ka inoa malalo iho, ma ke Keena Ilamuku ma Alilolani Hale, ma Honolulu, me ka lohi ole, a ke hai ia'ku nei, ma e waiho ole ia mai ia mau kuleana koina iloko o ka Mahina Eono mai ka puka mua ana'ku o keia hoolaha, a iloko paha o na mahina eono mai ka la e kikoo ia'i, alaila e hoole loa ia no, a aole loa e ae la ka Lunahooponopono Waiwai e uku aku ia mau kuleana koina. a o na mea a pau i aie i ka waiwai i oleloia, ke kauoha ia'ku nei e uku koke mai i ka mea nona ka inoa malalo iho.  

W.C. PARKE. Lunahooponopono Waiwai o H.H.C. Kanaina i make.

Honolulu, Aperila 6, 1877. (802 313)  15 4t.

E ike auanei na kanaka a pau, o ka manao hai a me ka olelo papa a kuu kane mare, oia hoi o Mr. Kahuhu, o Keanae, Koolau, Maui ana i waiho ae nei imua o ke akea ma ke "Kuokoa" o ka la 14 o Aperila nei, aohe oiaio. Ke hai nei kela, na'u ka ka haalele iaia, aole pela ka oiaio, o keia Kahuhu no kai haalee ino iho ia'u me ka naau aloha ole, oiai au e waiho ana i ka mai, a kokoke e uhi mai na huna lepo o ka ilihonua ia'u. aole keia Kahuhu i malama iki ia'u iloko o ko'u wa pilikia, e like me ka olelo o ka Berita Mare o maua, no ka mea, ua hao aku la kela me ka wahine manuahi, "Hao Koolau wahine pau na mea aloha, koe iho la au ka pua wahawahe i Wailua." A i ka nana ana'ku o'u i kuu kane ia Kahuhu iloko o ia manawa, ua like me wili ahiu, aohe ike wale iho ia Malio, i ka lawe huhuki a ka wai kau o Keanae. eia hoi, ke papa nei kela ia'u, aole au e hele e aie, ke hai aku nei au, he mana hiki no ia'u ke hele e aie i na hale kuai ma ka inoa o kuu kane mare, oia o Mr. Kahuhu, oiai, ke paa nei no ko maua Berita Mare, a oiai no hoi, aole au i ahewaia ma ke kanawai o ka aina, no kekahi hana kolohe, aole loa, ke noho nei au me ka malama i kuu kino nana, a no ke aha la ia i haalele mai ai ia'u i ke kaikamahine o ka aina Ualanihaahaa, aole na'u ka haalele, aka, na Kahuhu no, kuu kane mare, a no kona malama ole ia'u, nolaila, ua hoi au me ko'u ohana, a na lakou e malama nei ia'u i keia manawa, aole na kuu kane mare.  MARY KAHUHU. Kapunahou, Oahu, Apr. 19, 1877. 803 3t.

CECIL BROWN

Loio a he Kokua ma ke Kanawai

A HE AGENA NO KA HOOIAIO ANA I NA Palapala no ka mokupuni o Oahu. Helu 8 Alanui Kaahumanu, Honolulu, H.P.A. 753 1y

WILLIAM R. CASTLE.

(Kakela Opio.)

Loio a me Luna Hooiaio.

MA NA ANO HANA PILI KANAWAI A pau, e lawelawe koke la me ka hikiwawe. Na Palapala sila a me na Palapala pili alaa o na ano pau, e hoomakaukau ia no, a he Notari Hooiaio Palapala no ka lehulehu.

            Keena hana, ma ke kihi o Alanui Kaahumanu a me Kalepo, Honolulu. (736 1y)   @

UA HOOKOKOHU aku ka Hui nana i hoolimalima ka Aina kuahiwi o His Ex. W L Moehonua, e waiho la ma Kalihi uka, Honolulu, Oahu, ia HANO, i Luna nana e nana a e hopu i na holoholona komohewa a pau, a me ka poe kuleana ole. Ma ke kauoha a ka Hui.

801 4t 804   S W KAMAHELE, Kakauolelo o ka Hui.

OLELO HOOLAHA.

HALE KUAI MANUAHI!

NO KONA, NO PUNA, NO KOOLAU, NO NAPALI, NO MANA!

Eia ma Koloa nei ka mea Hou ano e kupaianaga, a e naue nei mai oukou e na manao a MANOKALANIPO! a e ike i na mea maikai o keia a me keia ano, ma ka HALEKUAI O PENI! Ua makaukau ana e kua aku i Na Lole o na ano a pau, Na Papa o na ano a pau, Na Lako kukulu hale, Na mea hana kamana, Ne mea mahiai, Na mea ai, mai na aina e mai a me na mea a pau i makemakeia e ke Kane, ka Wahine a me ke keiki.  Ke loaa mau mai ne kela mau mea ma kela moku kela moku a no ka mea, ua hoopaeia mai ma Honolulu, He au hou o ke Kuikahi! Nolaila, e hiki ia'u ke haawi i keia mau pno ia oukou, ma ka kumukuai haahaa loa, i ike ole ia mamua aku nei.  E lulumi mai a hoao! FRANK BINDT. Koloa, Kauai, Aperila 14, 1877. 802 1yr

AOLE AU e hookaa ana i kekahi aie ma ko'u inoa ke ole ka'u kauoha ma ka palapala. 801 @@@ JAS PROSSER.

HOOLAHA A KA LUNAHOOPONOPONO WAIWAI.

E KUAI AKU ana ka mea nona ka inoa malalo iho, ma ke kudala akea, ke hiki aku i ka POALUA, MEI 8, 1877 hora 12 awakea mai ka Pa P@ mai ma @ Waialua, i na PIPI a me na LIO a paa e pili ana i ka waiwai o Aliki pake i male.  H.G. CRABBE.  Lunahooponopono o Aliki i make.  Honolulu, Apr. 1@, 1877. @@

Hoolaha a ka Lunahooponopono Waiwai.

Oiai ua hookohuia mai ka mea nona ka inoa malalo iho, i Lunahooponopono no ka waiwai o S.M. Naukaa@ o Waialua, Oahui i make, ke kahua la aku nei ka poe a pau he mau koina ko lakou iloko o ka waiwai e hoike mai iloko o na maluna @ mai kela la aku, o hooie laau loa la, a o ka poe i aie ia waiwai e hookaa koke mai.

SAMUEL PANIANI. Lunahooponopono Waiwai. Honolulu, Apr. 14, 1877.   802 4t 805

Hoolaha a ka Luna Hooponopono Waiwai.

Oiai ua hookohu ia mai ka mea nona ka inoa malalo iho, i Lunahooponopono no ka waiwai o KAIHEAUI k, o Wailua, Kauai i make, ke hoolaha aku nei i ka poe a pau he mau koina ko lakou i ka waiwai o ka mea i make, e hoike koke mai i ka mea nona ka inoa malalo iho, iloko o na malama eono mai kela la aku, a i ole ia e hoole loa ia; a o ka poe i aie mai iaia, ehookaa koke mai la.  E LINDEMANN, Lunahooponopono Waiwai o Kaiheaui.  Wailua, Maraki 24, 1877. @@@

E ike auanei oukou e na ano kanaka a pau, o maua o na mea nona na inoa malalo nei, ke papa aku nei maua, aole e hele wale maluna o ka aina o Kaiwi i kuai lilo loa mai ai ia maua, e waiho la ma Kalapana, Puna, Hawaii, a pela no hoi ko lakou mau holoholona. Koe wale no ka poe e noho la maluna o ua aina la a me ko lakou mau holoholona. a ke hookohu aku nei maua ia t. Piihonua i Luna nana e nana no ka manawa. Ina o ka poe e hoolohe ole i keia, e hoopii ia ma ke Kanawai.  KAPIIOHO LONO. KALAHOOLEWA ".  Kahehuna, apr. 13, 1877. 802 2t.

E IKE auanei na mea a pau, owau o ka mea nona ka inoa malalo iho, ke papa aku nei au i ka poe mea waiwai a mau hale kuai hoi, mai hoaie mai oukou i kuu wahine mare oia o Kapika, no ka mea, ua haalele kumuole oiai ola ia'u, a me ka maua keiki uuku, ame ko maua wahi moe, lua o ka mea e kue ana i kela manao, alaila, maluna no ona kona poho, aole loa au e hookaa ana ia mau aie..  KAANAANA.  Moanalua, Apr. 14, 1877. 802 3t

E IKE auanei na kanaka a pau ma keia palapala, owau o ka mea nona ka inoa malalo iho nei, ke papa aku nei au aole e hookuu wale i ko lakou mau holoholona bipi, lio, hoki, kekake, puaa a me na ano manu a pau maluna o ka aina o KAPALOA, e waiho la ma Pauoa, Oahu. O ka mea kue i kela olelo papa, e uku oia $5.00 no ke poo o ka holoholona, e like me ke kanawai. a ke hookohu aku nei au ia Holi a me Kuala i mau Luna nana e hopu a hoouku. A he mana hoi ko laua e hopu a hoopii ma kuu inoa.  D. KEAOA.  Pauoa, Oahu, Aper 3, 1877. @@@

NO KE KUAI! KE KUNA KEONIANA

I makaukau me na mea a pau. No ka hoomaopopo pono ana, e ninua ia CHAS. LONG.

(795)  [8 3ms.] (Kale Lona.)

HE PAPA KUHIKUHI MANAWA HOLO O KA Mokuahi Hawaii KILAUEA!  KAPENA MARCHANT!

Aperila 23       Poakolu 3pm  Hilo

Aperila 30       Poakahi 3pm Kaapunia ia Hawaii

Mei 7               Poakahi 3pm Hilo

Mei 14             Poakahi 3pm Kona

Mei 21             Poakahi 3pm Hilo

Iune 1              Poalima 3pm Nawiliwili 

            Ku ana ma Honolulu i ke kakahiaka la Sabati.

Iune 3              Poakahi 3pm  Kaapuni ia Hawaii

Iune 11            Poakahi 3pm Hilo

Iune 18            Poakahi 3pm Kona

Iune 23            Poakahi 3pm Hilo

I KA HOLO ANA MA KONA, O HOOPULOA KA PALENA.

            Ma na huakai a pau a Kilauea e hoi mai ai mai Hawaii mai, aole e haalele ana ia Kawaihae a hiki i ka hora 10, a mahope iho paha; Makena, e like me ka mea i hoolaha wahaia; Maalaea a iki ka hora 7 am a mahope iho.

Uku Eemoku mai Honolulu aku

A hiki i Kaunakakai pela maluna mai                         $5 00

             Lahaina                                                6 00

             Maalaea                                                7 00

             Makena                                                8 00

             Mahukona                                          10 00

             Kawaihae                                           10 00

             Kailua                                                 10 00

             Kaawaloa                                           10 00

             Hilo                                                    12 30

             Kau                                                    13 30

Uku kaapuni ia Hawaii                                   22 00

A hiki i na awa o Kauai                                    8 00

Uku kaapuna ia Kauai                                     12 00

Uku ohua Hawaii oneki                                    2 00

Aole aie no na uku ohua

Ma ka Hale Oihana e loaa'i na palapala.

Aole keena o hope e lilo aia wale no a kaa nana mai ka uku moku. Aole e lil ka hwa no na paiki, ukana a puolo paha, ke ole e kakauia ka loaa ana mai.

E hookaaia ka uku ukana i ka wa e noiia aku ai.

SAMUEL Q. WILDER (Walia,) Agena.

Keena ma ka Hale Kua Papa o Walia ma, kihi o Alanui Papu a me Moiwahine. (801 3m) @

OLELO HOOLAHA

Hoolaha a ka Lunahooponopono Waiwai.

Oia ua hookohuia mai ka mea nona ka inoa malalo iho i Lunahooponopono no ka waiwai o @@@, o Kapalama, Oahu i make ke @@@@@@@@@@@@@@@@

W.L. WILCOX, Lunahooponopono Waiwai. Honolulu, Aper. 7, 1877 @@@@

Ke kauohaia aku nei na kanaka a pau i aie mai ia'u, e uku aku lakou ia F.W. Barteis mai ka Hale Kuai Perusia, oia ka mea e malama ana ko'u Hale Kuai a ua makaukau no hoi ia e kuai au i na mea Lole a pau ana me Kumukuai Makepono Loa. 

C. MEINECK. Waiohinu, Kau. H. Mar. 8, 1877. @@@

C.H. DICKEY  (Kalekika).

LOIO!

MA HAIKU, MAUI.

UA MAKAUKAU E HANA PALAPALA @@@@@@

J.M.  Davidson, Loio a Koku:

HALE Oihana, maluna ae o ka Hale Kuai Buke o @@, ma ke keena i noho @@ iho nei e J.W.@@@. Ua makaukau ana e lawelawe i na h@ o keia a me kela ano, @ o na Aha Hookolokolo a pau o keia Aupuni. 784 1 yr

Richrd F. Bickerton.

(PEKEKONA)

LOIO!

E KU LOIO no oia imua o na aha Hookolokolo a pau ma kela mokupuni a ma na moku e ae @@ na hihia a pau. Ua makaukau oia i ka hana ana i @ ano palapala a pau. e hoaie ia no na dala mai a @ aku ma na moraki maikai a oiaio wale no me ka uku panee.

            Keena Oihana, @ @ Kalepa, Helu 23, ma ka hale maluna ae o Kauka Minuteole. @@@

KAUKA C.S. KITTREDGE.

KE HOIKE aku nei ola @ o ka lehulehu, ua hoi mai nei oia mai Kaleponi a e moho ana ma Honolulu nei no ka lawelawe ana i ka oihana lapaau. O ka poe a pau e makemake ana i ka@ lapaau, e @ no ma Alanui N@@ ma ka @@@@@

Ua makemake nuiia ka aila Hua Koli e KAKELA ME KUKE MA, a na lakou e haawi i ke kumukuai kiekie. E waeia na hua koli a maemae. Ianuari 36, 1877. 791 3ms.

E IKE auanei na kanaka a pau, ua hoonoho ia mai ka mea nona ka inoa malalo iho nei, i Luna Hooponopono ku i ka wa, o ka mea hanohano A. Fornander, Lunakanawai Kaapuni Apana 2, ma ka waiwai o Hon D W KAIUE i make aku nei, no Waialua, Mokupuni o Molokai, nolaila, o ka poe a pau e paa ana i kekahi waiwai e ka mea i make, e hoihoi mai lakou ia'u. Aole no e uku ia na aie o ka mea make, a hiki i ka wa o hoonohoia'i ka Lunahooponopono Waiwai e ka Aha.

JOHN W. KALUA.  Lunahooponopono Waiwai ku i ka wa.

800 4ts    803

MAI keia la kau a mau loa, aole au e hookaa ana i ka aie o kuu wahine mare Mrs Kamaia Kalehuawehe. Ina ua aie malu oia ma kuu inoa, me kuu ike ole, maluna no o ka poe ana i aie aku ai ko lakou poho, aole au e hookaa ana ia aie, no ka mea aole noho pono me au.  KALEHUA WEHE.  Eleio, Hamaku, H. Mar 20, 1877     800 4t

KUAI O KA AINA!

Ma Kona Hawaii.

Poaha, Mei la 9 Hora 12 awakea,

E KUAI aku no ka mea nona ka inoa malalo iho ma ke kudala, ma kona Hale Kudala ma Honolulu, mamuli o ke kauoha a W L green, Lunahooponopono Waiwai o Danial Montogomery, o Kailua, Hawaii i make, a Loio hoi o Jame Jones, ka hooilina o ka waiwai, i na p@, ke kuleana a me na pomaikai a pau o Daniel Montgomery, a me ka hooilina iloko o keia aina a pau e waiho la ma Kailua, Kona, Hawaii, i ike la @ ka inoa, Na Hale o Anaru, nona ka ili he 1 18-199 eka, me na hale a me na pono a pau !! iho, i hoolimalima koke ia iho nei e G N Greenwell Esq., ma ka @@@ o ka makahiki.

            A me kela Apana Alua i kapu@ oia ka inoa Hianalo Ii 3, ma Kona, Hawaii, e waiho la ma kahi he 2 1/2 mile mauka aku o ke alanui Aupuni o Kailua, nona na eka he 5@ ka nui a oi aku a emi mai paha, e like me ka mea i hoike ia ma ka Palapala sila Nui, Helu @@, me ka Hale @@maluna iho a me na mea a pau maluna iho. No na mea i koe, e ninau ia Mr. W L Green, a i ole ia E P ADAMS, Luna Kudala.    801

KUAI MAKEPONO MA KA Hale Kuai Buke o H.M. Wini

Oia na waiwai o keia ano: Na buke Waiwai, Na buke kakau moolelo, Na buke hili pakeke, Na Buke Hoomanao o  1877, Na Lao kakau, Na Pepa kakau, Na Kanana Loio, Na maka sila a me na Peni, Na Inika eleele a hiehie, Na wahi Leta. Na mea hoonani o na wahine, Na pine umauma, Na Kula Pepeiao pilali, Na kii a me na laau kii.

E kuai manuahi loa ia ana keia mau mea a pau, a o ka poe e kuai ana, e koe ana he hapaha mai kela a me keia dala e lilo ana malaila,  H.M. WINI 793 4m

AKIU (PAKE.)

AMARA! AMARA!

E O'U makamaka o ka puuwai o ka Pakipika o Hawaii nei, a me na makamaka ili puakea, ili hooluu, (pukikiki) a me ko'u lahui hoi, na keiki  o ka Aina Pua, na mahi ko, mahi laiki a me na poe mahiai o ka Mokupuni o Keawe, a me ko Maui o Kama, Molokai o Hina, Oahu nei o Kuihewa, a me Kauai o mano, eia au ko oukou makamaka ua wehe ae au i hale Amara, alanui Moi, ma Polelewa, a e loaa ana ia oukou ke imi mai, Helu @ a e hoolako @ no ko oukou makemake o na mea @ lako mahiai, ke Kopala, Oo, Haro, a me na mea  e ae, me ke kumukuai haahaa loa a he hiki no ia'u ke hana hou i na kaa pipi nahaha, kaa lio, kaa kauwo lima, me kauku oluolu loa, a me ka paa e like e like me ka'u palapala e hoopaa ai e aelike ai no ka manawa e oleloia ai. He hiki no ia'u ke k@i na ano waapa o ka poe e makemake ana me ka uku emi loa me oluolu o na maka o na malihini, ke ike i ka'u hana, me ka minoaka @, aole loa e pukupuku ko maka, a hookeke na niho, ke ike i ka'u hana, a ua kamaaina no ia oukou o k@ hana mau o ka humuhumu kamaa buti a hana noho lio no na kau i hala, a he hiki no ia'u ke hana i na noulu hakihaki a nahehae me ka maikai a me ka uku emi loa. No ka mea ua hiki mai ka manawa pomaikai e aho nui, e mahiai, a ina hoi e lako ole i na mea hana, eia no ma ko'u wahi e loaa ai. Ua holo ke Kuikahi Panalike, he waiwai ka hopena ke hoomanawanui oukou e o'u makamaka ina e molowa a palaualelo, he neo ke loaa oiai. Nolaila e nana mai a halawa me a'u i maopopo a holo ka hana a na amara, kama kumeka a Akiu, a hookahi wale no Akiu e ae o keia kulanakauhale e lawelawe nei ana kela mau ohana. Nolaila e malia mai i kou leo e hele mai e ike make, he au pomaikai ko ko kakou Moi, i imi ai, a no@ hoi ke kia moomanao o ka "Hooulu Lahui." 

AKIU (Pake)

Honolulu, Mar, 15, 1877 @@

He kapili kapuai hao lio emi loa kakahi ma kela Hale Amara. E naue mai i ike maka.